رواية كفي والمنجمة الفصل التاسع 9 بقلم الكاتبة Leo alfatlawi

رواية كفي والمنجمة الفصل التاسع 9 بقلم الكاتبة Leo alfatlawi

كفي والمنجمه

للكاتبه leo Alfatlawi

البارت التاسع

انفتح الباب بعد مالحكت اسد الجهاز شيفيد اسده هوه سمع رجعت ليورا خايفه شنو راح يسوي شال الفون بس ماما ابسرعه ردت كملت حجي انتبهت للوضع غلقه وشمره اجه يمي

--والله

--لاتحلفيييين

--مؤتمن بس اسمعني

-- منيلج النقال

--مالتي هذه بس والله ماعندي شي بي اخبر ماما

--والله كمت اشك برجولتي ولج خليتيني اخجل من روحي لحدمن اضل متحمل اغلاطج

--مسويت شي والله

--لااتحلفيييين

هوه كال هيج وماحسيت غير الكفخه سطرت وجهي طحت

دنك شالني من شعري

--من اشوكت تحجين ويااااا

--والله محجيت ويا كوه طلعت الكمله واني ابجي

رجع ضربني بس جانت اقوه موكلت لاتحلفيييين ساق.--ه

--اشلون وصلج النقال

--ماما جابته للمستشفى بس والمسيح مؤتمن بس هيه اخابرها هاي اول مره اشوفه

--حرام تشتمين هوه وحده مثلج مكانها الكبر

--مؤتمن شعري راح ينشلع فدوه ايدك

عليش مويريد اتكصي سمعي كلامه وخلي الكرن مالتج وراج

--اااا والله اكولك مااسويت شي بعدني ماامكمله الكلمه ركع راسي بالكاع ودفرني ابطني حسيتها اتكطعت جنت اصرخ وهوه ماراد يطلع صوتي بالبدايه ميريد احد يدري بس بعدها كام يضربني وعصابه فايره

واني اصرخ اخر شي خنكني دخلن البنات على صوت اصريخي وعمتي كامت تلطم اتريده يهدني هوه جان الغيره عاميته ميسمع لمن دخل مكرم واحمد سحلوني من جوه ايده بس اخر نفس وكمشو طلعو كوه قبل لايطلع دفعهم راح للفون اخذه رجع اجاني كال فتحي الرمز اني كوه اسحب النفس ماباقي بيه روح اريد اموت وهوه رجع دفرني كال فتحييييي

هيفاء ردت اني اعرف الرمز عوفها

--عايش بمكو. ده وماادري

اخذها وطلع

عمتي وسماح شالني رجاء ركضت جابتلي مي

اني اتلوه من بطني متت احسها اتكطعت فوك هذه كله عمتي اتلوم بيه احلف محد يصدكني اني ميته وجع وعمتي اتصيح شنهو عملتي وخليتي يتخبل

--عمه والله مسويت شي بطني حمووووت

--بت فريال عليمن اطلعين ناويه هم اتكتلين الزلمه وتنهزمين مثل امج

--عمه تره اني المكتوله بطني فدوه دتتگطع عمه لحكيني

--اووووف ربي منين اجت هالمصيبه موخلصنه صار اسنين اشرجعنه لنفس السالفه ولج عينجن بيها خلي اكوم اشوف ذاك راح يموت حركه

رجاء. كومي خيه غسلي بلكي ترتاحين

--ولج حموت مااكدر

--ميخالف اني اساعدج بس كومي انتي عليش تتحارشين بمؤتمن متعرفي امسودن

--والله متحارشت بي ولاحاجيته بس شاف عندي فون

سمر. تستاهلين مره متسمع كلام رجلها عساها بالكبر مااعرف شمسويتله ولسه عايفج صاحيه ماكاتلج

-- كومي سمر طلعي منا

--ياا وبيج بله صدك صلفه فوك شينها اذا مااخلي مؤتمن يرد يكتلج وعلمج اشلون اطرديني من غرفته

عافتنه وطلعت انوب هاي السوده عليه ياربي

كمت للحمام ويه رجاء غسلت كوه وغيرتلي ملابسي شفتها صافنه واني ابدل عصرت كلبي حتى بجي بطلت خفت بيه شي كلتلها شنو رجاء بيه شي شمسوي اخوج بيه

--هااالاخيه واني اكول الزلمه متسودن ميندل طريقه اثاري صدك متتفوتين

--عزا ابعينج وكفتي كلبي لبالي بيه شي

--اكثر من مؤتمن مااتصور يصيرلج كالتها وضحكت اثارري كلها تعرف مؤتمن امسودن واني طحت بي

طلعنه رجعت لفراشي بطني احسها متگطعه وجهي يحركني حتى بجي مااكدر ابجي بس الوجع مينحمل كاعده واعصر بروحي انطتني سماح العلاج واخذت مسكن طلعن وسدن الباب

ضليت اتكلب بالفراش الالم بجها و بمؤتمن بجها خايفه منه شنو راح يسوي بيه اكيد مينسه واخاصتا فوني يمه هسه يشوف الضيم والضليم بي اني لويش مامسحت الصور والفيديوات اشكد ثوله

انوب حضي عاثر صار 3اسابع اخابر مادخل لمن خابر سيف هذه حظي لو اكو منيدزه وراي

يلا بلكي يمل ويطلكني هاي اذا ماكتلني اذا على الطلاك سهله بس لويش يكتلني يعني جنت عايشه بره وهاي حياتنه اشعرفني عندي اهل ولازم اتحشم شنو ذنبني ياربي اطيح بهيج عائله مخابيل

اقنع ابروحي وارجع اتذكر هذا يشتغل بلاعقل وراح اتحاسب

اعضامي كلها توجعني وبطني مااعرف اشبيها والعمليه بعدها ماملتمه وهذه يمكن فتحها بضربته كوه نمت

مرت اربع ايام واني اخاف اطلع من الغرفه وحتى هوه مادخل بس جنت وكت الغده اطلع اسويلي لفه وارجع ابسرعه قبل لايجي

مرتين دز عليه جدو اخاف اطلع اكلهم مريضه مااكدر عمتي جابتلي علاج من الصيدليه لوجهي يوخر اثار الضرب لان صار طبقه زركه

جان الفون املهيني هسه داخله بكئابه فول حتى الشباج اخاف افتحه مؤتمن مانعني منه بس فاضت بيه الكئابه صار بيه توحد دائما يمر على بالي سيف جنت خايفه منه وكارهته وهوه يتمنه بس رضاتي مافد يوم اذاني ربي عاقبني بمؤتمن استاهل ليش مارضيت بي واتزوجته من جنه اهناك

ههه هسه كمت اتحسر علي كله ابسبب مؤتمن لو يرجع بيه الزمن راح اكيد راح اقبل بي هوه جان بس يشرب مجان عنده اغلاط غيرها وجنت اكدر اغيره بسهوله

رحت للشباج فتحته دخل الهوه جان بارد بس كولش حلوه خاصتا ريحه الزرع اتجنن اتخيل روحي بعدني اباايامي ويه اهلي غمضت اعيوني واتخيل بعدني اطفر بيناتهم

سمعت الباب اندك ابسرعه سديته خفت يشوفوني ويكلوله

فتحت ادخلت سماح كالت عليش قافلته

--اخاف يجي مؤتمن من العركه لسه اقفله

---يلا عاد ادخل لو لا

--تعالي يمعوده صار بيه توحد اريد بشر اسولف ويا ماكو

-- غزل اريد اسألج واستحي

--لويش مستحيه كولي

--شنو اكو بالنقال مالتج

--لويش شنو شفتي

--اني ماشفت بس مؤتمن كل مايفتحه يضل يدخن واشوفه احواله تنكلب حتى نوم مايشوف بعينه بعد للصبح يتكلب

--والله مبي شي بس صوري القديمه

--عندج صور ويه سيف

--امم حتى مقاطع فيديوات بس مابيهن شي

--اهاا من هذه اشوفه يلوب بس تره سيف سافر

--اشعرفج سافر

--سمعت مؤتمن يخابر كلهن جبان شرد ابيومها

--همزين جان كتله بس والله مسوينه شي بس كال اشلونج

--اوووف غزل هاي فطاريتج متفيد اهنا ولج حياتج البره انسيها تره تنكتلين ابسببها هسه عوفينا من مصايبج باجر بيت بتهاني معزومين يمنه غده بعد عمري غزوله اريدج اتكشخين اشكد متكدرين حتلو اتلبسين الاجيتينه بيهم

--امم تردين مؤتمن يقيم عليه الحد وخاصتا التنوره الاجيت بيها حرام يشنقني بيها

--صدك ولج اشلون مقتنعه بالتنور ولابستها لوجايه بدونها اهون

--حظي ابيوم الاشتريتها طحت بيد مؤتمن

--يااامن اجه وجايبج ويا شكله يموت ضحك دخل للغرفه يكول هيج اطياح حظ ماشايف البت امصلخه جبتها بلا ملابس

--لعد هوه مشافني غير بهذه اليوم

--لاعيني شايفج وشابع شوف تره امراقبكم من اجيتو مناك وجان امراقب كل تصرفاتج بالبدايه كال لجدي خليها ويه امها لان ازغيره خطيه بس من شاف سيف وعرف يشرب ويروح حانات اتخبل عليج دز احمد كله اتروح اتجيب اختك لايتصخم وجهك

--عزا ابعيني يعني شافني ابأاسوء حالاتي

--تدرين من جان يجي من بغداد يسولف عنج جنت اغار كل عقلي من اساله عنج يكول نفسها غزل ذيج الطفله الاخدودها مليانه وضحكتها ماليه وجها واطفر

--الحمد الله مكال غير شي

--لاوالله مكال بس شبهج بفلام كارتون مااعرف شنو اسمها

--عرفتها داده ادري كالتلي هيفاء

--اي عفيه هسه يحبابه ويالعاقله اريدج باجر اتراوينه ابداعاتج

--والله ياام الابداعات حاليا مااطلع ولااتحارش بمؤتمن لان بعده وجهي ماصحى وماناويه ارجع للكتله مره لخ

--غززل فدوه لعمرج هاي اذا اجت لهنا ادمرنه اني وياج تره انصبح ابكتله وانمسي ابكتله

--لويش عيني ماعدنه اهل غير اشتكي علي وبعدين هوه موكال اطلكج قبل لااتزوج

--بالنسبه للشكوه هاي تنشرب تنوكل متمشي اهنا خليها يمج والطلاك اذا ماطلع حليب امج من خشمج لاتحلمين تطلكين واني تره وياج يعني هوه يسحل بيج ومتونس ويه حبيبت الكلب ولج ينام ويكعد يحجي وياها هاي راح اتكوش على كلشي واحنه انصير خدم الها والتعترض ينسحك على راسها

--شنو تره خوفتيني ماكو هيج شي

--لااكو وجان خالي الله يرحمه اذا واحد حاجه امج اله ميريد روحه

--اي موماما تختلف عافت اهلها واجت عاشت ويا اهنا فهوه يحسب احساب هيج

--عوفنه من امج هسه حبابه خلينه امحافضين على زلمتنه بلكي بعد بيها مجال انطفشها

--طفشيها وحدج اني مالي دخل موحمل كتله ثانيه وخاصتا هسه بعده مناسي

--غزل اول وحده تخسر انتي لان راح اتعيشين اهنا بس للخدمه وهاي خالتج ابراسها اتغار منج لان ازغيره اتخاف مؤتمن يحبج وينساها

--خلي اتأمن مؤتمن ميحب بس نفسه وراح تجي ويانه بس للمكفخه

--اووو غزل الحجي ضايع وياج واني نعست اكوم انام تصبحين على خير بس خليج متذكره كلامي

اتمددت بس فكرت سماح ابراسي صدك هوه ليش حلال علي ومتونس واني انسحل كل يوم والله شنو لان رجال واني ابنيه وين الله جان مؤتمن ويانه اهناك ويسوي هالشكل بيه غير يشمرو جوه الكاع بالزنزانه بعد يتمنه يشوف الضوه بس احنه ابدوله ساحكه المراه وماحاسبه احساب وجودها اصلا

اتذكرت علاجي كمت اخذته ورجعت نمت

كلنه بالمطبخ امسوينه حضر تجوال لان حضرت تهاني واخوانها اهنا

كاعده انضف خظره وسمر ورجاء يسون حلاوه وسماح تطبخ هيه وعمه اذا العشيره كلها اهنا طبعا للصبح منكمل طبخ من كثر الكميه

كل اشويه ويدخل احمد ماخلصتن فضنها

عمه. احمد لاتربكنه بعد وكت اطلع ومن يخلص انصيحكم

--عمه خلصت خضره اطلع هسه لواكو شي لخ اسوي

--لاخففي حمرتج وتعالي وياي

--وين عمه

--يم جدتج كعدي عيب كل اشويه يسالن عنج نسوانهم يردن يشوفنج

--لعد خلي اروح للغرفه اغير ملابس

--يلا امتانيتج ابسرعه لان راح انصب الغده وهاا لاتكعدين يمهن اهواي اشويه وطلعي

--تمام بس دقايق تانيني

رحت الغرفتي ركض اجه ابالي مؤتمن اذا ضوجت تهاني هسه وخليتها اتغار راح تتعارك ويا ويضل للصبح يسحل بروحه لخاطر ترضه خلي اخبث اشويه

والله مجنت هيج ولااعرف شنو هالشعور بس من دخلت هذه البيت اتعلمت صح مصارلي كم شهر اهنا بس صرت نفس البيئه احس روحي

وكفت اختار ملابس ساعه واني اباوع ماادري شنو البس

طلعت كلبيه بس كولش ضيكه هاي مو اتكول كلبيه بدلت رقص يلا منو يشوفها بس هنه لبستها وفتحت السحاب من يم صدري اشويه وصعدت الحمالات

كثرت مكياجي الكلبيه بيها فتحات من الجوانب بس موكلش اكبار دنكت عليهن فتحتهن ازيد همزين مابين اني طاكتهن فتحت شعري سرحته على السريع ورفعته ذيل رشيت قنينت العطر كولها ردت اطلع بي رجعت للمرايه كثرت حمره الاخدود ولبست المداليه هاي سبب عركتي ويه مؤتمن وبعد ميباوع ابوجهي ابسببها المفروض اسويلها اطار وعلكها بالحايط

واخيرا خلصت جايتلج ياتهاني استعدي اني يمكن بعدين الله يعابيني ويشوه وجهي على ايد مؤتمن من وره خباثتي

لااستغفر الله اني يم حقارتهن لاشيئ

طلعت اول مشافتني عمتي ضحكت رحت وياها دخلنه للغرفه سلمت وطاحلي بوس شلعن اخدودي شلع يمكن گسبن من وره بوسهن ردت اطلع والمره كالت ليش يخاله وين تردين كعدي خلي انشوفج

--دااروح اساعد البنات بالمطبخ

--عوفي المطبخ بي رحمه الله نسوان تعالي خلي انشوفج

كعدت يم العجوز اوزع ابتسامات مثل الثوله مااعرف ولاوحده بس تهاني وامها وذني كافي سمهن يطشر بلد

--اشوكت رجعتي من امريكا

--قبل لااجي اهنا بشهر

--اهااا يعني شهر واتزوجتي وره ردتج

--امم

--وامج بعدها على جمالها لو اتغيرت

--نفسها بالعكس صارت احلى لان خلصت من ضيم عالم اهنا

بيبي. همست عساج بالجفن ردت المره كالت ماصار عدها غيرج

--هئ

--شنهو يشتغل زوجها

--اعمال حره

--بعدها ابغداد لو ردت لمريكا

--مااعرف من زمان مخبرتها

ضلن ساعه يسألن بالاخص على جمال ماما لومهتمات ابشكلهن ابكد فضولهن جان هسه هنه فوك

فرشو السفره اجت عمتي كعدت يمي ردت اكوم كالت مؤتمن كال الولد بره لحد يطلع ضلي اتغدي اهنا

بس دخيل ربهن اتكول مشايفات ياكل بثنين اديهن ونوب يسولفن مااعرف اشلون حلكهن يوسع شغلتين اني كضيتها اتصفن حتى نسيت الاكل لمن وحده منهن كالت يااا جنها امها فاهيه بالاكل

بيبي. اي يخيه مثل امها انفس الطينه مرض خبيث

ام تهاني. يااا جاابنيتي اشلون راح اتعاشرها اخاف تالي اتخليها اتهج

-- غير اجسر راسها بالعصه يم مؤتمن ماكو وحده تتماده يدوسها

--كون صدك وينصف بتي وميضلمها بكيد هاي

-- لاتخافين تهاني الروح والريه محد يوصل صوبها

هنه يحجن واني راسي يروح منا ويجي منا حسيت روحي عقرب ساعه عطلان والله عدهن قابليه يسقطن اكبر واحد

خلصن ولاوحده بيهن كامت غسلت صدك ديحجن ذني والله وطحت بيها يمؤتمن لوباقي على بخور سماح احسلك اجاك الزفر

انسطر اراسي واني اسمع حجيهن عن الماضي واشلون جانن هنه يسولفن واني اتخيل العصر الحجري وكوه كامشه روحي عن لااضحك لحد ماام تهاني طيرت الضحكه من صاحت مؤتمن عمه تعال خلي انشوفك

لااكدر اطلع بعد ولااكدر اضل صابني شلل رباعي

دخل يضحك كال السلام عليكم من خوفي كمشت دشداشه بيبي حجت على كيفها ها يمصخمه شمسويه وخايفه

حتى رد مااكدر ارد ياربي اعمي لايشوفني اني كاعده ابصف بيبي على قريولتها ابصف الباب وهوه واكف بالباب

وانوب هاي جلبت ام اصخام اله تكعد خلي انشوفك اي موسلم شنو تردين اترسمي خره بيج وبتج

هوه ماجذب خبر دخل وبعد على ضحكته اخاف ارفع راسي امدنكه بس تهاني حتى اسبال سبلت مو بس باوعت

العجبني كعد يمي ماتفاجى بوجودي عادي بس دفعني بيده اشويه راد مجال ادنيت حشك بيبي وهوه كعد يسولف ويضحك وياهن واني اطكطك من الخوف

جان عينه بتهاني يسولف منطلق ردت اكوم سحبني رجعني لمكاني همس اسدي سحابتج من انعل شرفج

انوب السحابه عندت اسد تنفتح يمكن لان ساحبه الشيالات حيل يلا هسه حليها اذا تنحل تستاهلين انتي وينج وين الخباثه

ضليت كامشه السحابه من فوك امتانيه اشوكت يخلص حجي ويكوم للديوانيه بس مادام تهاني كاعده اتبحلكله بعد ميذكر شنو وراه

--شلابسه بت فريال كالها بهمس صاك على اسنونه

--هااا

--من انعل شرف امج خلي يطلعون وسهله الباقي

--والله هيه كلبيه والسحابه خربانه ماادري لويش

حسيته كرصني من رجلي شوطني كال وذني هم خربانات ليش امطلعتهن

--هنه طلعن وحدهن خلي اكوم حباب هسه ابدل ابسرعه

--وين اتولين خره بجهرتج الولد بره اليوم اشعل عشيرتج مبين متنعدلين لمن ادفنج

ام تهاني. شنو يمه تتهامسوين اكو شي سمعونه

مؤتمن. لاعمه ماكو شي طلبت منها اتراوي تهاني غرفتها اخاف تعتاز بعد شي انجبيه

ام تهاني. اي والله يمه هسه انكوم انشوفها علوا

كامن بس هوه جنه حجاها واتورط لازم اطلع وياهن وهوه ميريدني اطلع اخاف احد يشوفني سحب نفس ويباوعلي يريد ياكنلي من الحركه اباوعله خازني وضاغط على ايده

لعد اني شكو موانته كلتلهم حتى هاي لازم يذبها ابراسي طلع كال بس لحضه اسويلكم طريق اخاف احد بالصاله من الولد

طلعنه ورا قبل لايحجي ويرزلني اشرتله على الغتره مالته هوه هم افتهم ابسرعه سحبها من متنه ونطانياها خليتها على امتوني كال لفي صدرج عدل من اشتعلت عشيرتج

لفيته عدل وصعدت فوك وياهن هوه راح للديوانيه دخلنه لغرفتها جان شكلها ماعاجبها الالوان مع العلم الالوان كولش هادئه وعقلانيه بس اتضل اذواق والحمد الله امبين ذوقها من مؤتمن اجلح املح

تهاني. الفرشات مااريدهن كولي لمؤتمن خلي يغيرهن مااحب الاببض

--تمام بعد شنو تردين

--حتى لون الثلاجه اريد يجيبها حمره

--تره هاي ثلاجه موبطيخه اكو فرق يالبيئه

--انتي اشلون تحاجيني هالشكل غرفتي وابكيفي

--يطبج مرض بعد اخلي يجيبلج التكيف بنفسيجي مثل وجهج

--انتي هي تره بكلمه مني اخلي يسحلج

--عود الصبح من هذه شكلج جان غسلتي قبل لاتحجين عيع مكرود مؤتمن شراح يتحمل

اشوهاي ماردت عليه اتصلت وكامت تتبجبج اتكله تغلط علينه واتكلينه بيئه متفتهمون مااسمع شنو رد بس هيه اتكله يلا امتانيتك وغلقت جهازها

عزا بعينها ضليت صافنه طلعت ابسرعه كلت انهزم قبل لايكتلني كدامهن واتفشل وصلت للدرج نزلت اركض خلصته واشوف مؤتمن كدامي صعد وسحبني من نهايه شعري صارت مسافه بيني وبينه كال متوبين من نزلت الدرج السريعه لمن اتموتين

عافني وكمل صعدته واني للغرفه ركض رحت دخلت وقفلت الباب وراي اخاف يرجع اروح وارجع اندعي ياربي بس هدي بعد مااخبث بعده جسمي يوجعني من الضرب

هسه اني اله اسمع كلام سماح يلا هسه شفادتني كالمره اكول هيج وتالي اعرف بروحي ثوله وارجع لغبائي

ضليت لليل خايفه وامتانيه يفتح الباب ويدخل يكتلني بس مر الوقت وماكو منه خبر الحمد الله يمكن حلها من يمه اخذت نفس ارتاحيت كمت غيرت ملابسي انام حتى عشه هم مااريد بطلت اخاف اطلع وتالي يصير وابوجهي

رحت للميز امسحي مكياجي بس لكيته شاربته البشره صاير حلو عجبني بقيت بي اباوع لوجهي والله حرمات بمؤتمن اني بست روحي بالمرايه

والله امصدكه ابنفسي وعندي ثقه وينه يسمعني والله يسطرني كف يفوتني بالمرايه

رحت للفراش ضليت اتكلب بعد وكت مومال نوم وين اروح اخاف اطلع

ساعه ساعتين لمن زهكت من صدك لااكدر انام ولااكدر اطلع

كمت فتحت الشباج اشتم هوه والهي روحي بلكي انعس وانام شفت واحد مر من بعيد وباوعلي سديته ابسرعه حتى ماشفته منو هسه يروح لمؤتمن يكله مرتك امصلخه وفاتحه الشباك ماعدهم مانع يتعافون عالخباثه

رجعت لفراشي سمعت الباب تندك صحت منو محد رد بس اندفرت عرفتها هاي خباثت سمر دوم تدفر الباب كمت فتحته ودااصيح عليها شفت مؤتمن كدامي دفعني ودخل ضليت متصنمه واكفه كدامه اشرلي سدي الباب وتعالي

اني على وكفتي اتكول اجاني تصلب لمن شفته خزرني ركضت للباب سديته وضليت يمه

كعد على السرير وشغل جكارته اخذ نفس طويل ونفخ اشرلي تعالي يمي

--مؤتمن والله محجيت عليها هيه وصخه ماغسلت من الغده

--اباوعله ماحجه بس هز راسه وشرلي تعالي يمي

رحت وصلت للسرير سحب ايدي وكعدني كدامه بالكاع

--مؤتمن هيه بلشت اني جنت ساكته

رجع سحب نفس بالجكاره ونفخها دنك عليه اشلون علاقتج جانت بسيف

--هااا

شلت راسي اباوعله جانت نضراته مال واحد طالع الدنيا من عينه دفرني برجلي كال وين واصله علاقتكم

--شوف مؤتمن والله حجاوبك واحجي الصدك بس فدوه لاتضربني

اشرلي ابراسه اي ورجع يدخن

--سيف من البدايه يحبني بس والله والله مااحبه اني وماطايقته بس هوه لزكه وماما اتريدني اتزوجه

--امم كملي

كالها وسحب نفس جان كل نفس يسحبه من الجكاره يطير نصها واعصابه امبينه متوتره ومحتركه عالساعه يركعني دفره يلبسني بالحايط

جنت احجي ويا كوه تطلع الكلمه مني الرجفه كامشتني

رجع دفرني بس على كيفه كال كملي

--رادت ماما اتزوجنه اهناك قبل لانرجع لبغداد بس عمري ممنوع قانونيآ ماصارت رجعنه لبغداد وكالت نعقد اهناك بس اتعطلنه لان علمانقلت مدرستي وهوه مامحضر روحه يعني ممشتري شقه اتعطلنه وبع

بعدني مامكمله دفرني كال احجي عن علاقتج موقصه حياتج

--ماكو علاقه لويش متصدك والله جنت حتى غرفتي اقفلها قبل لانام

--همم والنقال شنو ذني بي

--بس جان يحضني لو يبوسني يعني عادي مثل صديقي حاله حال اصدقائي الباقين

--وهاي كل صديق عادي يبوسج

--لامتوصل هيج بينه بس مثل اخوي هيج شي اتعودت علي من اني وزغيره مااعرف يعني احسه اخويه لوصديق بس والله محسيت بي حبيب ابد وحتى من سمعتني اخابر والله اول مره حتى شوف اكو تسجيل مكالمات بالجهاز اسمعهن واتاكد

اباوعله خله ادي على وجها ودنك امغمض مثل الواحد امأيس من الحياه

--مؤتمن اشبيك

--لابويه اشبيه قابل شنو اكو شي غلط سمعته انتي ماكو منج كومي تعالي يمي

سحبني كومني كعدت يمه كلي شوفي غزل كل غلطه اتغلطيها واكول حقها ماتعرف اطباعنه عايشه عمرها اهناك وطفله تتعلم اشويه اشويه بس امبين انتي واصله مرحله صعب تنعدل

--والله مسويت شي بس انته اتعصب ابسرعه

--لااتكاطعيني من احجي وهاي اول شي تتعلمي

--مم

--ولااتكولين مم ليش اتخليني الطمج على حلكج

--ؤك

--استغفر الله ربي

منين ابدي اعلمج بيج يا عله كلبي ولاتباوعيلي بهالشكل بويه ليش اتعميج على روحج

--شنو يعني مافهمت

اباوعله مسح وجها وكال مو ثوله

--امج تنسيها وحق الكعبه الشريفه يغزل اخاف سكتت هاي المره المره الثانيه ادفنج

--هوه الفون واخذته قابل اشلون اوصل الها بعد

سحبني من شعري وكال بت فريال اذا تردين الف طريقه توصليلها اتعلميني بيج بس خلي اهيس بيج متواصله وياها مواشوف وروح اعلمي اخليج اتلحكي

--لا بعد مااحجي وياها لمن انته اتكلي

--ولو ماامصدك بيج بس بلكي تنعدلين

دفعني وكام

لميت شعري لان اتهوس من التكفش مالته وفتت بفراشي لان اتذكرت اني امصلخه بس بعديش

تانيته يطلع بس اشو هذه لطش كمل جكارته بم الشباج وسده راح للحمام اخذ دوش خرب بحضي امبين راح يبات اهنا هذه

لفلفت روحي بالغطه طلعت بس وجهي ومنتظره قدري وين راح يصفه اترقب الدقايق اخذله اشويه وطلع من الحمام لاف بس منشفه على خصره وينكث ابشعره كال

ماعندج بعد منشفه

--امم اكو بالكنتور يمك

جان امدنك شال راسه باوعلى وضحك هز ايده لان متلفلفه هيج راح للكنتور اخذ منشفه نشف شعره اجه للفراش دفعني بديه سواله مجال شمر الخاولي واتمدد سحب الغطه كال انتي فاهمه غلط هذه الشي ماراح يحميج

--لابردانه

--اي تعالي ادفيج

--لااني ادفه بغطاي هيج بعدني اكمل الجمله سحبني حجيت ويا بتوسل فدوه مؤتمن والله الدكتوره كالت ميصير انتي مريضه

--منو واصل يمج بويه

--لعد عوفني وخر حباب

دفعني وسحب الغطه كال والله بيج بخت بالدكتوره كومي طفي الضوه وخمدي اذا هيستلج نفس انعل ابو اصلج لابو الدكتوره مالتج

كمت ركضت طفيت الضوه ونمت بحاشيه السرير وضليت اترقب اخاف يرد يحجايته لمن غفيت

حسيت روحي مختنكه ونفس بركبتي فتحت عيني لكيت روحي فايته جوا حشك ويده كاطعه النفس عني كوه سحبت روحي منه دااكوم حس كعد عاكد احواجبه اندار انطاني ضهره ورجع نام

ادنيت بالحاشيه بس ادري ابروحي نومتي ازباله هسه الكه روحي راده لحضنه لو رجلي ابحلكه متقبل غلط

شلت المخده وخليتها بالنص على كيفي

--غزل المخده شيليها وخمدي

--اشلون عرفت مونايم

--ياصبر ايوب غززززل

--نمت

للصبح حسيته يوخر رجليه فتحت اعيوني لكيت اموخر رجل والثانيه بعدها على بطنه بس جنت بعدني في طريقي للصحو بعدني بمرحله بس ارمش رجعت نمت وخرها وخله مخده جوه راس لبالي راح يوخر بس صدمني من مشه اصبعه على خدي مافتحت اعيوني دنك باسني واشتمني ورجع غطاني وكام رجعت كملت نومتي لمن سمعت الباب انفتحت وعمتي على راسي اتصيح يلا يعني نوم العوافي الساعه 9 شنو ناويه لليل اتنامين

--صباح الخير عموو

ام مؤتمن. صباح الشوم والقهر بفادج كونج ماشفتي الراحه ولالكيتها يغزل يبت فريال

--يلا عمه كمت كافي

--مؤتمن جان يسوي اهنا

--كولشي ماكو بس نام

--يعني ماكرب صوبج

--لاوالله ابد نام للصبح مااتحرك ابد

--يلا كومي للمطبخ واذا سمعت بيج واصله صوبه يغزل اسود عيشتج

--امم ميخالف بس طلعي خلي اغير ملابس واجي

--بسلا اتسبحين ولج

--لاوالله عمه اشبيج تره بعدني مريضه

--عساج ماصحيتي ولاشفتي العافيه كالتها وطلعت احسها خبله موصاحيه مثل ابنها الحمد الله عائله اتريدلك واحد صاحي بيها ماكو

كمت كالعاده ابوجهي للمطبخ وشغل عين مسدوده وعين مفتوحه لان ماشبعت نوم البارحه ضليت اترقب اخاف من الهجوم المفاجئ

دااغسل اماعين الريوك لان متريكين واني نايمه دخل مؤتمن للمطبخ بدون لايحجي وياي دفعني من البوري وكف يغسل اديه كال شنو امخلصه قنينه العطر خاله الغتره تخنك اشبيج بويه مشايفه

--احمد ربك بعد كم يوم راح تجيك ريحه زفر شبع روحك قبل لاتنصدم

اندار خزرني امبين ماعجبه الحجي نكث مي ادي ابوجهي وكال وخري لاادفرج

وخرت وهوه طلع رجعت اكمل غسل اماعين انسحب شعري من وري انداريت شفت سماح

اي غزل صارلج يوم ويانه

--مافهمت شنو يعني

--انكول مبروك جاينه نونو بالطريق

--اتنو اشبيكم انسبيتو تره الرجال فات نام باامان الله وطلع ليش تفكيركم كله شاطح

--وانتي ضايجه لان بس نام

--استغفر الله هاي شتكلها عفتها ورحت للثلاجه طلعت الجبن سويت لفه وصبيت جاي اخذت الكوب واللفه بره اكلهم وكفت يم هيفاء دتغسل بالطارمه

--غزل فوتي جوه فدوه ليجي مؤتمن وانتي الله يسلمج بهذه لبسج يجيب التايهه

--ماكو احد والباب مسدود ميجي هسه بعد وكت الغده

--لبسيلج كلبيه ياخيه

--اي من يجون الولد اغير هيج ارتاح اكثر

اساعدج

--لاحبيبه بس وخري انتي وهذه الارنوب الابسته لايتوصخ بالمي

شلتي رجلي اباوع الشبشب مالتي تره هذه جلب مو ارنوب متشوفي يشبه سمر

انفتحت باب البيت دخل ولد شاب صارت رجلي مقابل وجهه رفع حاجبه نزلتها ابسرعه

شكله مرتب بس ملابس مو مثلهم لا جنز وشفقه يعني هيج عبالك بلوكر شايل جنطه على متنه ويا مره جبيره بس بيضه وحلوه اعيونها اوساع

--باوعلي اتفاجى كال منين انتي

--تره فاهم غلط انته الجاي مو اني هذه بيتنه

اندار باوع للباب كال معقوله غلطان بسلا لاهذه بيت صبوحه نفسه بس هيج خلقه ماعدنه متاكده انتي بتهم

اجت هيفاء تركض حضنته للولد وباسته وهوه هم ردلها الحضن بس ماسلمت على المره من بعيد كالتلها هلاخاله نورتونه

دخلت المره وردت السلام باوعتلي سالت هيفاء منين هاي الحلوه

--هاي مره مؤتمن الزغيره

--يااا يمه صدقه لمحمد بس امبينه ازغيره

--هاي بت عمي معتصم غزل

رد الولد هوه محضوظ من زغره ابن صبوحه اندار لهيفاء الشحروره جدتج صاحيه

--اي موجوده بس بداعت النبي مصطفى لاتضوجها تراها مريضه

ابسرعه كلتله عادي ضوجها متموت هاي لاتخاف ادخل قبل لايجي التحفه مالتها تلكاها مطموره بالغرفه

---هههههههههاي هاي من جماعتنه بس نسخه محسنه اصدار جديد

هيفاء. مصطفى هاي بالذات لااتخلي عينك عليه مؤتمن يشلعهن الك

--لايابه غير بت عمي

--ماطولني بت عمك خلي انصحك شوف بعدك بالباب اندار وافلت تره ذوله مينعاش وياهم وانته امبين من جنطتك اتريد اتسوي اقامه

--اها بت عمي تردين اتزحلكيني جااذا هيج اجابج

--وداعت بيبي المااحلف بيها جذب جابوني سحل

--هههههههه لامبين معزتها لاتحلفين

دخلو هوه وامه وصل يمي سحب كوب الجاي من ايدي غمزلي وكمل طريقه

بعدهم استوهم دخلو وكبت العيطه صوت بيبي واصل للشارع العام تطرد بيهم

وصوته هوه ويرد ضال اهنا وشتردون اتعملون عملو مااتحرك شبر وخلي مؤتمن يدك راسه بالحايط

وهيه اتعيط وهوه يرد صايره هوسه عفتهم همه يتصافون بعدين اتعودنه على العركات اهنا

رجعت للمطبخ اصب واحد لاخ لكيت سماح بعدها تجلف بالطباخ

--اكولج سماح هذه مصطفى يمكن اخو مؤتمن يصير اجه

--يااا اشجابه

--لعد مدااتسمعين الصوت وشايل جنطه امبين باقي اهنا هوه منيله اخو صدك

--عنده من مرت ابو هذه عمره عشر سنوات يالله عمي عرفنه علي بس جدتي متطيقه

--اهاا مودااكول ماما مكالتي علي وجدتج منو اطيقه هوه بس مؤتمن ومكرم والباقي خالتهم كبش فداء الهم

صبيت جاي واخذته ورحت لغرفه بيبي صار عندي فضول اعرف شنو ديحجون

دخلت سمعت بيبي اترزل بي غمزتله واشرتله موكلتلك

رد حجه بيت اشفايفه وهوه يبتسم هسه اجلطها الج ودنك يسمع باقي الرزايل

اول مشافتني بيبي كالت هايلبومه اجيتي

--يااا بيبي شوعفتي وانداريتيلي شوفي هذه مااعرف منين جاي كملي ويااا لاتسكتيله

ماحسيت غير العصه شمرتها عليه همزين لحك كمشها كلها متبطلين مو كبرتي صبوحه

--اي والله خالتني مدمغه كلمااتضوج تشمرني بيها اكسرها فدوه

بيبي. من الله يكسر راسج يالفاهيه خلي يجي مؤتمن واعلمج اشلون اتردين بت فريال

--تره اسمي غزل لابومه ولابت فريال كلتها وكعدت كدامها اتربعت اكل

--ولك مصطفى كضها وجيبها لجاي

--عوفيها وهسه دبريلي سالفه ويه مؤتمن اني رده لخوالي ماني راد لاني ولامي وباقين اهنا الرضا والمارضه

--نام بجهنم واحنه شعلينه موربيت اهناك كمل شكو جاي وجايب امك تدري بمؤتمن شوفتكم اتكدره

كلتلها بيبي تره هذه بيت جده مؤتمن شنو واذا ضاج العينتينه تره زوتوها مشكلته يزعل ويرضه على روحه الولد ديكولج ماعندي مكان اشكد ناس باطله انتم اني كلت هيج وهيه شحطت كلت حتموت طلعت اركض خليت مصطفى مبتلي بيها

رجعت للمطيخ وياهن ذني حياتهن كوله مطبخ وشغل كعدت يمهن بس اسمع مااشارك بالحجي لان يحبن النميمه ساعتين وهنه على نفس الحجي اني راسي صدع وهنه ابد لاتعبن ولاملن عدهن تسليه من يردن يخلصن شغل يكصن بالعالم سمعنه الصياح صار عالي اطافرنه لبالي ماتت طلعت وياهن للغرفه انشوف مؤتمن شايل مصطفى من بلوزته رافعه عالحايط وكاز على اسنونه يكله كم مره حذرتك لاتروح

-- مارحت همه اجونه ودكو الناقصه بيه وانته مالك شغل مامسؤول عني

--ماسمعنه غير صوت الضربه اجت ابوجها خلت خشمه يخر دم ركضو عمي ومكرم كوه هدو من ايده وكمشو مؤتمن يبعدو عنه

مؤتمن . اطلع منا لاتوصل بعد لهذه البيت

-- وين اولي متكلي اكلك متعارك ويه خوالي ماعندي مكان

--. يطبك مرض كنالك لاتروح وفوكاها جايني وراك مصيبه

.-- والله مالي دخل اكلك اتورطت همه ورطوني لووحدي ادبر روحي بس امي وين اوديها

--. امك تبقى اهنا بس انته شوفلك مكان متبقى اهنا

-- باقي هذه بيت جدي محد يكدر يحجي

بعد ماكمل كلامه مؤتمن ركض علي دفره دفره كلت مات بمكانه عمي كام يبجي على ابنه ويدفع بمؤتمن يكله اخوك يبويه اصغير وغلط ليش هيج ويا

--ياازغيررر متشوف مشاكله اشكد لحدمن اضل اركض ورا واصلح والله كمت اخجل اطلع كدام العالم واكول هذه اخوي منوره اطياح حظه

--ميخالف يبويه لخاطري عوفه اني اشوفلهم بيت بس هالايام عوفه

وكف مؤتمن على راسه وكله شوف تبقى اهنا لحدما الوالد يشولفك خره تبقى بي بس قسمن بالكعبه ادفنك مكانك اي غلطه بعد لايكضني لاابوك ولاجدك خليها ابراسك

عافه وراح صعد غرفته اندارو صاحو علينه ليش واكفات روحن كملن غداجن احنه اطافرنه كلمن شغلها

كعدت انضف الخضره والبنات كملن التهت بشغله خلصنه ردنه انصب سماح كالت خلي مؤتمن يطلع من الحمام

دخلت عمتي صاحت ولج غزل شمسويه بالمره متخربطه

--ياااعمه كولشي مسويت بس طردت مصطفى كلتلها هذه بيت جده لويش هيج

دخل مصطفى سلم على البنات وجها امورم خطيه بس عاديه عنده يمكن مواول مره يضربه مؤتمن لان ماخذها بروح رياضيه وفتح الثلاجه واكف يمها منطينه ضهره يبحوش بيها وعمتي مستمره بالرزايل كالت لوميته يمصخمه شيخلصج من مؤتمن

--متموت والله عزائيل نساها اصلا ذيج صفحتها قبطت وانطوت وفتحلها صفحه لخ بده سجل مواليدها من الفين هسه لباله جديده ناسيها من التحديث القديم

اندار مصطفى ضحك ابصوت عالي وكال والله صدك بس سكته صوت مؤتمن وهوه يكول والله محد يطوي صفحاتكم غيري تعالي مصطفى وياي وانتي سهله شغلتج

اخذ مصطفى وطلع من اكلكم اسرع من عزائيل بقبظ الارواح متصدكون يلا هذه اشوكت اجه وسمعنه

--لخاطر اتوبين وتصمين حلكج ويلا كومي ويه البنات حضري الاماعين قبل لاتجي ام مؤتمن تشلع شعرج

طلعت من المطبخ اشوف كدامي تهاني

اتفاجئت هاي اشو ماشفتها منساع اشوكت اجت

اني كلمااطلع منا انصدم احس هذه المكان بي سر عجيب

-- اشجابج ولج مو البارحه وليتي تره انتي فاهمه غلط بعدنه مااخذناج لاتلطشين بنتي خليج ثكيله عيب كلدقيقه وجايه

--خلصتي جنت طالعه ويه حبيبي نشتري المعتازتهن وهسه خلصنه اجيت ارتب الغرفه على ذوقي

--عيع انتي وذوقج شنو جبتي اكيد الوان القوز قزح كولهن معروفه من خلقتج الجوزيه

--شوفي غزل اذا خليتج ابراسي واندمج

--وعالاساس ماخالتني بس مطايح شي بيدج وميته قهر

--لاحبيبتي بعدني بس خلي اثبت اخليج اتردين منين مااجيتي

--والله ياريت اكون ممنونه الج هيج انتي امفضله عليه بس اعرفج خوثه متكدرين امم صدك نسيت غسلتي من غده البارحه لوبعدج

دنييت يمها اشتمها مديت راسي وهيه نطت كامت اطفر عفتها ورحت اودي السفره لان اتذكرت من شفتها بيدي اني موديني افرش يلا هاي تسلايه عالطريق

فرشت اجه جدو سلمت علي كعد رحت اركض كعدت ابصفه علمود محد يحاجيني وهوه هم خلاني بحضنه كلي هابويه مرتاحه اهنا

--امم جدو كلتها وضحكت لان عايشه بلدفرات وياهم

--دوم يجدي ان شالله اشوف الضحكه على وجهج دنك باس راسي ورجع شدني لحضنه علمه كملو تسطير الاكل والكل التم كعد اجت تهاني اشكد صلفه ومتستحي كعدت واتكول بيتها والله صارلي اشكد استحي اكعد هيج كعده بينهم بس جانن اعيونها حمر اضن باجيه يلا اني شعليه ضليت اكلب بالماعون لان استوني متريكه مااشتهي اباوعلها اكلت الماعون حتى اسرع من مؤتمن بالله اشحب بيها هذه صدك يحجي صح حلوه بس اي اتكيت ماعدها كلتلها تهاني اذا تردين انطيج ماعوني اخاف ماشبعتي

--جدو ندسني مارادني احرجها وكال بالعافيه يبويه هذه الزاد كدامها بيتها هذه

مؤتمن جان يباوعلي بتوعد ورجع نزل راسه

بس مصطفى وسماح جانو كوه كامشين ضحكتهم اخر شي مصطفى شرك مااتحمل

--اسم الله هاك اشرب مي هاي عين ناس عليك لان اكيوت ومتاكل اهواي انوب كثرت غصته بالزايد لمن كام ردت اكوم لان حسيت مؤتمن راح يشمرني بالماعون اباوعله خزرني كال وين

--للغرفه خلصت

جدو. بويه ميصير اتكومين لمن كلها اتخلص عيب وليش ماماكله انتي

--اكلت جدو خاشوكه منا وخاشوكه منا

--جدي هذه اكل عصافير

--لاجدو والله شبعت شلت راسي شاورته جدو عندي طلب منك خلص غده واكلك بي بس فدوه لااتردني

--تامرين اعيون جدج الج

مؤتمن جان يباوعلي مامرتاح لحجينه

ضليت كاعده امتانيته لمن خلص كام مؤتمن وتهاني صعدوللغرفه عالاساس يشوفون شنو النقص ماادري بعد الله اعلم والله كل دقيقه اريد اكوم واخرب عليهم بعدين اتذكر مؤتمن راح يسحلني ابطل

جدي. اي بويه شنهو طلبج

--السنه الجديده اريد تنقلني اهنا

--سحب نفس وكال والله يجدي موبيدي بيد زلمتج هذه الشي بس اكله واشوف رايه شنو

--اي فدوه جدو حباب حاجي حرمات اتروح سنه عليه

--سهله هسه صيحيلي مؤتمن عدنه شغل خلي يلحكني للديوانيه

--ؤك هسه ثواني

اجتني من الله طفرت هوه راح للديوانيه واني ركض للدرج

صعت بدون لاادك الباب دفعتها ودخلت اريد اعيشهم ابرعب اخليهم بعد مياخذون راحتهم بس اتفاجأت من دخلت ولكيت مؤتمن كاعد على السرير وامدنك على فونه وهيه اتعدل بكنتورها شال راسه باوعلى وكام قبل لايحجي كلتله جدو دزني

--اشلون اتفتحين الباب بهالشكل

--لعد اشلون افتحه

عصر اخدودي بيده حجه وهوه صاك على اسنونه غزل ماشايف بشر يجيب الكتل لروحه مثلج دفعني وطلع

ضليت افرك بخدودي دخلت الغرفة افتر بيها صدك تهاني تعرفين ليش شمرج فوك

--يريد ينعزل بيه عن العالم

--هههه اشكد ثوله ولج يريد يشرد من وجهج ماخلاج جوه علمود من يجي كبل لغرفتي ابحجت تعبان مابيه اصعد

كلتها وطلعت قبل لااترد مااريدها اتكول كلمه ترتاح من وراها خليها اتموت نزلت جوه لكيت مصطفى واكف وياهم وسمر تتطوطح كدامه عزا حصلت واحد بعد شيفكك منها استلم

عفتهم ورحت غرفتي لليل واسمع العركه علكت طلعت اشوف شنو صار لكيت تهاني مؤتمن وامه واصله للضالين بينهم

--ولج سماح شكو

-- اتريد تاخذ غرفتج متريد فوك ومؤتمن ميقبل يكول غزل ثوله توكع من الدرج خليها بمكانها

--لعد لويش هسه اجه على بالها اتريد جوه مومجهزه فوك

--اني ادري تتحجج لان شافت مؤتمن ساكت

كلتله مؤتمن تره عادي خلي تاخذ غرفتي واني انام يم بيبي

--انتي بالذات متحجين اذا هيست حسج ادفنج

تهاني. اي خليها يم جدتي واني اخذ غرفتها

--تهاني غير الغرفه الفوك ماالج مترديها خليج يم اهلج كالها وطلع واني كملتها يمه فدوه لمؤتمن ميكدر ينام اذا مااني يمه شنو يم بيبي هيج حينحرم مني حسيت بكرصه شلعت خاصرتي من سماح كالت علكيها بعد غزل اكثر عفيه بلكي يسمع ويكتلج صدك

--اي لعد غير زوجي اشلون اعوفه الها

--اليسمعج يصدك وخري خلي اروح اكمل شغلي هيه ارحت اني رحت يم تهاني اواسيها خطيه لان كل دمعه تنزل بيها تانكي

--شوفي تهاني انتي كسرتي خاطري وراح اساعدج كلما يجيني مؤتمن اتوسل بي يصعدلج بس ها يصعدلج شبعان مابي بس يكمل نومته اني مامسؤوله بعد انتي وشطارتج

--غزززل والله اذا ماخليته يطلكج ويشمرج فلا اطلع تهاني بس صبريلي

--ولج يايطلكني انتي صاحيه بس ردتي غرفتي كلج ابقي عند اهلج مو انوب تردين اطلعيني بسلا تحمين زايد علمود لاتنصدمين نحجي واجه مصطفى يغني وصل يمنه كال بس والله زحمه الجديده مشموره عالسطح حالها حال الدجاج كالها وكمل مشيته

اني هم درت وجهي عفتها ورجع لغرفتي ادري ارح تعلك بينها وبين مؤتمن بستاهل بلكي يعجز ويخاف يخسرها ويرجعني لماما

غيرت ملابس ونمت صايره الايام وياهم متعبه كومه شغل وتعب وفوكاها لاتحجين اشوكت اخلص كنت اتحسر على الماضي مالتي اشلون جنت مرتاحه اهناك شكول عليك عمو قتيبه جبتنه لهنا غمضت عيني حسيت الباب انفتحت دخل مؤتمن شنو هذه متعارك ويه سماح لو شنو لويش صاير ينام اهنا دخل اخذ دوش واني انداريت للجها الثانيه سويت روحي نايمه اسمعه يتحرك بالغرفه راح فتح الشباج يدخن ويراسل اسمع صوت المسج طول لمن غفيت

حسيته يشتمني من ركبتي على كيفه دفعته وانداريت للجها الثانيه تانه اشويه لباله رجعت غفيت حسيته سحبني على كيفه وضمني بحضنه مااعرف شنو الشعور بس خفت من كلبي ليش هيج احس لاغزل لاتتورطين بعد متكدرين اتركي ديري بالج انتي ماراح اتكدرين اتعيشين ويا لاتنسين متزوج اثنين غيرج

جنت احجي اقنع ابروحي ونفس الوقت حاسه بدفو حضنه وحابه الشعور جان يبوسني على كيفه ميريدني اكعد وخر شعري عن وجهي جنت احس بنفاسه على وجهي قريبه اتماده اكثر دنك عض شفتي دفعته اسمعه كال ليمته غزل اتضلين هيج

انداريت للجها الثانيه سويت روحي مااسمعه نايمه بس كلبي الف دكه بالثانيه يريد يطلع من صدري اندعي ياربي دخيلك لااتخلي يقربلي مااريد اتورط مره ثانيه ياربي بعده عني ماعندي غيرك خلي يشيلني من باله اني مااكدر اكمل وياهم اسمع يتحسر ورجع كام يدخن اليل صار اشطوله خلص نص عمري لمن طلع الصبح وغفيت

صحيت على ايده وهوه يوخر شعري عن وجهي ويمشي ايده على اخدودي فتحت اعيوني كال صباح الخير

--امم

--غزل بويه اصحي اريد احجي وياج

--صاحيه

--مصطفى متوصلين يمه والغرفه لاتطلعين منها بس للظروره لمنا لمن يولي اسمعتيني

--مم

--شنو حجيت غزل

--يمه

--غززززل

فتحت اعيوني ضليت ارمش ابوجها شفته امعصب كال استغفر الله ردي نامي يعله كلبي وطلع

اني هم ماكلت جذب رجعت لنومتي

مر اسبوع هدوء مؤتمن الصبح ياخذ مصطفى ويا للشغل ميخلي ساعه وحده بالبيت وحتى اذا يرجع يحذرني اوصل يمه حتى سماح هم اموصيها عليه

بليل يجي ساعه لو اكثر يدخن يم الشباج يشوفني نايمه يطلع

عمتي ام مؤتمن شنت حرب مزدوجه ويه عمتي ام مصطفى كل اشويه مفترستها وكوه انهدهن بس والله ونسه من يتعاركن كلمن اتعير الثانيه بماضيها وكتشفت اكثر ماضيهن الحلو من وره عركاتهن طلعن حتى اسحور يسون

اليوم جان مؤتمن طالع ويه تهاني يجهزون اخر شي للعرس وام مؤتمن اتروح وتجي اتهلهل وتحمس بسماح وسماح كاضيتها مناحه يمكن تنجلط قبل زواج مؤتمن وتموت مؤتمن جان مامقصر وياها دوم يكعد وياها ويتوسل بيها لاتبجي وراح يعدل بينهن واتضل هيه الاصل بس متقنع هالكد متحبه ميته قهر عليه وهوه هم من يشوفها بهالشكل ينقهر حتى فرحته بدت تتلاشه

--غزززل

--ها عمه اجيت

--طلعي شوفي رجاء كملت الخبز

--تمام طالعه بس ثواني

--كون الله ياخذج ولج ركضي البت تعبت وحدها

--ؤك عمه هياتني طالعه

بيبي. تعالي لج گربي

--ها بيبي

--وين وجه الشوم الثاني

--منو مصطفى مااعرف لويش تردين اصيحله

--لاع بس شوفي اخاف يعتاز شي ويخجل يحجي

--يعني اروح اكوله بيبي اتكول اشمعتاز

--لااا انكتمي بس شوفي وينه وخيلج يمه اذا اعتاز شي الولد يخجل

--تمام بيبي هسه طالعه واشوفه

النذر صار اثنين كون سوه فد كفه واخلص دخيلك يداحي الباب

طلعت بره البيت جانت وكفه رجاء تخبز ويمها سمر اتشلع خبز وتباوع لمصطفى الجان كاعد مقابيلهن يراسل كلتلهن اكو شي اساعدجن بي

سمر. ولي يالفاهيه معتازين مساعدتج

--دخلي بالتنور بعد حتى وجهج ينور اكثر

--غزززل ولي من جهرتي لااجي اسحلج ودخلج بي

--عمتي داتكول فضنها انريد انصب الغده

--بت فريال اشلون راح اتخليني ادوس بطنج هم فاهيه وهم لسان اعوج اني ادري حظ اشاف منج مؤتمن

--حب يغير اللون بيت كلها امفحمين كلك اجيب وحده تكسر الضلمه البي

مااشفت غير شمرتني بالشلاعه عفتها ورحت

يم مصطفى رفع راسه وبتسم كال اشعجب اليوم الامير مؤتمن طالق صراحج

--اسكت حموت من الحبسه

--وعليش ساكته وين امج ليش متردين

--منو يردني غير جابني سحل مناك غصبا عني

--انتو مو جنتو بامريكا اجابكم اهنا

--عموقتيبه جان عنده شغل وجابنه وعالاساس بس هالسنه ونرجع بس اسحلت لهنا من امريكا لصبوحه

--يعني امج رجعت

--لابعدها بغداد

--اشو صارلي اهواي اهنا ماشفتها اجت

--مانعها مؤتمن وحتى مخابره ميرضه اخابرها صدك بيبي دزتني كالت شوفي اخاف يعتاز شي

--لااا ابربج ههههههاي اشكد لعبتها قديمه بس هم ماراح اخليها ابنفسها

--شنو يعني شدتقصد

--عوفج منها الي يشردج منا ويرجعج لمج شنهو تنطي

--صدك تكدر

--وعليش مااكدر اسهل منها ماكو يلا حضري

روحج-----

العاشر من هنا

تعديل المقال