رواية كفي والمنجمة الفصل العاشر 10 بقلم الكاتبة Leo alfatlawi

رواية كفي والمنجمة الفصل العاشر 10 بقلم الكاتبة Leo alfatlawi

البارت العاشر

--مصطفى متاكد تكدر تشردني

--بنتي اكلج حضري روحج واني اشردج عليش خايفه

--واذا لكفني مؤتمن يموتني

--انتي ثوله لج يالفطيره جوازج وين

--موجود يم ماما

--جاخبري امج وحجزو وابيوم السفر اني اوديج

--تمام واشلون اني متزوجه

--عاقده محكمه لوبس سيد

--لابس سيد

--هاي هيه بعدج قاصر اطلعين واتفوتين باامر امج من توصلين اهناك اطلكي غيابي

--ولويش اثق بيك هلكد

--لان ماعندج غيري ابكيفج بعد

--انته شنو حتستفاد من اتسوي هيج

--بت عمي واختي ليش مااساعدج واني اشوف اشلون يعاملوج اهنا يعني حالج مو احسن من حالي

--ؤك لعد انطيني الفون مالتك اخبر ماما واتفق وياها

--تمام بس موهسه كدام البنات تردينه ننجلف بليل من ينامون انطيج النقال

--اشلون حتنطينيا

--من الشباج اراقب مؤتمن من يصعد فوك ادك الشباج وانطيج النقال

--من هسه كلبي وكف اخاف يعرف مؤتمن راح يكتلنه اثنينه

--عليش هيج جبانه تره الحياه محاولات جربي حظج وين متصير خلي اتصير لابد ماتصيب وحده من التجارب

--مااعرف بس خايفه اني جنت مومرته ومن شردت كتلني وحتى ايدي كسرها

--موثوله عندج جنسيه اتكدرين ابوكتها تشتكين علي وطيحين حضه قبل لايلزمج

--ملحكت اول معقدنه هوه دخل وسحلني

--خرب بغيرتج على منو عقدتي

--ابن عمو قتيبه بس هوه طلكني واخذني

امانه لاتكول مره كلت شنقني جان متت فدوه لاتكول لحد

--خرب بهلك مؤتمن البراسه يسوي ابن الزفره يمكن الماخذته موزلمه مايع مثلج

--لاوالله هوه هدده كله اكتلها اذا مطلك

--ولج انتي ثوله اشلون يكتلج ضحك عليكم لكاكم غبران اكو واحد يهددو يطلق مرته لج هذه هوه مره لو زلمه ماينفذ ماكو مطي يطلك مرته لان خايف

--مودااكلك جان ديريد يوكتلني

--ديريد ويوكتلني وهذه الاخذتي اكيد نفس حجيج والفهاوه عاذره مؤتمن حرمات اتصيرين لواحد ازمال مثله

--هئ مومثلي تره سيف رجال

--غزل ولي من يمي قبل لايشوفج احد واتسويلي مشكله ويه الثور الماخذته وبليل اشوفلج طريقه انطيج النقال اذا ماخليته ينجلط سهله مؤتمن وانتي يلا عالجوه

دخلت وافكر بحجي وفرحانه اخيرا راح ارجع لحياتي القديمه بس ابنفس الوقت خايفه يعرف مؤتمن ماعنده مانع يخلي طلقه ابراسي ويكتلني يلا هيه هم عيشه اني عايشتها اتكول غابه واحد ياكل الثاني

سمر. غزززل لمي الخبز

--امم بس لحضه خلي اشيل شعري هسه عمه اتشوف شعرايه حتلو مال بقره اتذبها ابراسي

--شنهو جنتي اتسوين ويه مصطفى

--ماكو شي داايسالني على زواج مؤتمن اشوكت

--اشوكت تتطلكين موكلتي قبل لايتزوج يطلكني

--عوفي طلاكي وروحي عمه دتصيحلج للغده اتصبين

لمينه الخبز ودخلنه جوه جان وكت الغده رحت لغرفه جدو لكيته واكف هوه ومؤتمن يصلون صلاة الضهر كعدت على قريوله بيبي تانيتهم يخلصون علمود اكلهم على الغده يعني همه يدرون ياكلون وره الصلا بس لازم واحد يكلهم لويش ماادري موعائله قمه الازعاج

خلص صلا جدي سلم اندار شافني كاعده اشرلي تعالي رحت يمه كعدت باسني من راسي

--هايجدي اشلونج

--تمام جدو

--منكول تمام انكول الحمد الله. رايده شي عليش كاعده اهنا

--عمه دزتني كالت الغده جاهز خلي يكملون صلاتهم ويجون

--الله يحفظجن يجدي كومي كليلها خلي اتجهز وره الغده اخذها للزياره وياي

--اروح وياكم عفيه جدو والله ضايجه

--شوفي زلمتج يقبل تعالي

انداريت لمؤتمن اباوعله ابتوسل بلكي يقبل جان يسبح مدنك شال راسه باوعلي بس ماعاجبه الوضع رافع احواجبه اشرلي لا

--همست لجدو انته كله حباب

رد قبل لايحجي جدو كال شكو رايحه دين اديانه انتي لاحجاب ولاصلا حتى دينج متعرفي شلج بالزياره

جدو. عليش يبويه متصلين

--مااعرف والله بس اني مسلمه تره

مؤتمن. واشلون عرفتي روحج مسلمه جان يحجي ويباوعلي بستهزاء مااعرفت اجاوبه اخاف اجاوب غلط ويضحك عليه برطمت شافني ضحك كال لاتبجين بويه كومي كليلهن كلهن خلي يحضرن

ركضت كلتهن واني طايره اتكول رايحه للجنه حضرنه حتى غده مااتغديت هالكد مامحبوسه احس روحي طير وينفتح القفص من اسمع اكو طلعه خصلت دااطلع وفاتت سماح باوعتلي وكالت غزل غيري جبتج

لويش

--ولج ام مؤتمن خابرت تهاني وامها راح تجي ويانه

--عزا هاي اشكد لزكه مومابقى شي لزواجهم متثكل هاي

--عوفج من ثكلهم غيري هاي ولبسي ذيج الخليجيه احلى ومكياجج هم غيري

--تعالي اكولج انتي شنو مقدمتني كبش فداء متولين روحي انتي سوي اني بعد ماادخل يمشاكلج انتي وياها دوم احصل كتله من وراج طلعي سماح يلا اني خلصت بعد مااغير غيرهن

اباوعلها دمعت اعيونها ونزلت دمعتها

--متغار مني تعرفني جبيره وحتى اكبر من مؤتمن ومؤتمن ميحبني امأامنه من هذه الشي وهاي اذا اجت حتى اتخلي مؤتمن يصبحني بكتله وايمسيني بكتله هاي اذا ماطلكني بس انتي لاكلبها ناغزها منج خايفه خوفت الحيه اتخاف اتخربين زواجها وبلكي الله صدك يخرب على ايدج فدوه غزل لخاطري ادري بيج ماطايقه مؤتمن ولاتردي بس علمودي سوي هذه الشي بلكي يصرف نضر عن الزواج ويعوفها عادي حتلو يتزوج غيرها بس هيه لا

--تمام لاتبجين هسه اسحكها الج ولايهمج

--يلا جااني طالع اعطلهم علمااتكملين

تكسر خاطري من اشوفها تبجي علي صح هيه اكبر منه اهواي بس هوه محترمها ويحبها لويش اتحس انو ميحبها ماادري

رجعت فتحت الكنتور طلعت بنطرون وجبه خليجيه مفتوحه من كدام لبستها وخليت دنابيس علمود مؤتمن ميشوفها مفتوحه رتبت شكلي واخر ماتبقى من العطر خليته فرغت الشيشه يلا اليوم اشتري

جنت اسوي شغلات ماادري بروحي راح يجي يوم واندم عليهن جنت ادمر روحي بيدي لخاطر غيري يمكن الحياة العشتها جانت امأاثره على تصرفاتي اتصرف بفطاريه على الاهيتي مااعرف شنو يدور يمي من ناس وتفكيرهم كل يوم يمر ادمر جزء من روحي اكثر اصير فريسه سهله الهم وخاصتا مؤتمن بده ينجرف اتجاهي وهذه اكثر واحد راح يحطم نفسيتي ومستقبلي بس ماادكرت هذه الشي اله بفوات الاوان

شلت شعري كبايه ليفوك ولبست الشال فوكاني صارت ذبته حلو طلعت لكيتهن كلهم امخلصين طالعه 3 سيارات ويانه كل واحد من الولد ماخذ سيارته رحت لسياره مؤتمن لكيت تهاني بالكدام صاعده والخلف سماح صعدت يم سماح باوعتني سماح ضحكت حسيت الدم رجع ابوجها وتهاني بس اتنافخ

اجه مؤتمن اول ماصعد كال السياره مختنكه من العطر ماكو غير غزل بويه انتي متكليلي شنو فلمج

--خلص هذه اخر شي خليته

--اييي خلي نخلص فكينه

--شنو اول منوصل تشتريلي اقلها اعوضك على العطور الحتشتمها

--غززز كلمه ثانيه انزلج اهنا

--لادااتشاقه اشبيك لويش اخذتها على ناس

اندار خزرني كال نزلي

--لالا دااتشاقه فدوه بعد مااحجي

شافني سكتت رجع شغل سياره وحرك الطريق يخبل اشكد احب هيج اجواء ريفيه من جنت اهناك دائما الح على ماما انروح ولايه ريفيه قريبه يمنه وجانت هاي ونستي احلى يوم من انروح اهناك لوادري راح اعيش بهيج مكان مجان لحيت جان وفرت طاقتي لصدمات لصبوحه

فتحت الجامه صاح سديها خلي البرده واركدي غزل

رجعت سديتها بس كمت اوخر من البرده اشويه اباوع من جوه انتبهلي ضحك ومسح وجهه

حابسني ويضحك عليه صدك ماعنده ذوق رجعت راسي على الكشن لان طريقهم كولش طويل تعبت منه داحجي ويه سماح الهي روحي لان ملل اشو هاي صفنت ابوجهي وكالت غزل ليش اخدودج حمر اخاف امصخنه

--ها لابس يمكن تحسس صار عندي احسهن يحركني

مؤتمن. من الصخام التخلي طبعا يصير تحسس بويه خففي العطر

مارديت بس صدك اخدودي كامن يحركني كمت اهفيلهن بالجنطه مشينه اشويه وكف يم اسواق نزل دخللها اشويه وطلع بيده بطل مي فتح باب اليمي فتحه كال غسلي وجهج

--انطينيا اني اغسله وانته ارجع للاسواق جيبلي نساتل وجبوسه لان متت من الجوع بلاغده

انطاني البطل وهز ايده ماعاجبه الحجيته رجع للاسواق ماغسلت وجهي خفت المكياج يروح خليت بيدي مي ومسحت اخدودي

اجه صعد وشمرلي العلاكه ماخال شي ماجايبه

تهاني. بس لاتدلعين زايد عيني تره ماكو غده نساتل بطلي تفيك

--مم صح اكو عالم بقر متشبع اله بكدر تمن لبالها الكل مثلها

--مؤتمن سمعتها

--مرض اللفجن وروح عمي اللي اسمع صوتها اكسر ضهرها خلي بس اهيس حس وحده منجن

سفطت وكعدت اكل وسماح شاركتني كلتله مؤتمن اتريد اشو هذه باوعلي صفح بطلت سحبت كلامي باوعت لتهاني كلتله انتي وجهج اسود ميصير تاكلين ككو تالي اتصيرين عبده شربي لبن احسن

تهاني. مؤتمن اسمعها تره اتجاوزت اهواي

--مؤتمن لاتسمع تره داانصحها وبعدين لويش خالها كدام بالرجعه اني اكعد

--الكشن الوره يتعب مااكدر اكعد بي

--عادي كعدي بالجنطه مثل الطلي لولااا مؤتمن يشدج بحبل وره السياره وتعالي ركض ورانا

--غززل احترمي نفسج تراني اكبر منج

--ادري والله عجوز انتي ابكد ماما لج البكدج گاضياتها زيارات وانتي استوج فكرو يكسبون ثواب بيج صدك هاي الحاطتها ابحلكج حمره لو شاربه تشريب عزززا عيع هم جايه بدون لاتغسلين

--مؤتمن عليش ساكت متسمعها

بسجن بويه بسسجن قسم برب العباد اردجن للبيت وبلش بالحزام شرط اگطعه عليجن واتوبجن من اللغوه

خنسنه اثنينه الطريق اشطوله لويش هيج المكان الكاعدين بي بعيد اشكد نمشي وبعدنه مكانه

حسيت روحي اريد حمام كلتله مؤتمن تره معتازه حمام

هوه سمع و شحط السياره وانداري بعصبيه كال رب الحلو امطلعلي طفل وياي جوعانه اريد حمام بت الثوله اذا سمعتج تحجين اخليج جوه التاير

--لعد حبول اشلون

--خره بيج وبالماخذج وين الكالج اصخام على راسج هسه

--سكتت وهوه ضرب الاستيرن ويدردم ضايج

هوه اني شطلبت لويش هيج يعصب شال الفون مالته وخبر اسمعه يكلهم طلعو كدامي جاي وراكم. لالاماكو شي بس مصيبه الاسلام الابتليت بيها من خره بشكلها يلا عشره دقايق واكون يمكم

دار السياره طلعنه غير طريق وصلنه يم بيت مااعرف شنو بس هيج شكله مثل بيت بي قبه نزل ودك على شباج السياره اشرلي نزلي نزلت رحنه للبيت جان يمشي كدامي واني ورا وصلنه كال يلا شرفي يعله كلبي

دخلت للحمام طلعت لكيته واكف يدخن رحت اول ماوصلت كال اخدودج بعدهن حمر

--مااعرف بس ميحركني بعد

--يلا للسياره وعلى الله كون اتوكفيني بعد اشمرج من الجام

--بعد احسن ارجع لماما بعدني استوني خلصت الحجايه وحسيت بدمغه اجتي على راسي

صعدنه كال منو منجن اتريد تنزل تره مااوكف بعد

--تهاني. لاحبيبي اتوكل جهال وخلصو محد يوكفك بعد

شغل وخبرهم يسال عن المكان وين همه بس احس معدتي تحركني يمكن كثرت بالحلويات والموالح واني جوعانه ماحجيت لان خفت منه مشى اشويه بس احسها تكلب هسه مابيه شي من نزلت لويش هيج دااحس همست لسماح ولج احس معدتي دتوجعني

--غزل حبابه سكتي واتحملي مؤتمن يرجعنه بس تحجين

خليت راسي على الكشن هم صدك مؤتمن يرجعنه

اباوعله امتونه طالعات من الكشن مااشوفه ياكل اهواي اشلون هيج ضخم هذه لعد اني اشكد اكل اشو جني عصفور هسه شكو احسد بالعالم خلي احير بروحي معدتي توجعني

ربع ساعه وبعد امااتحملت حسيت روحي اختنكت والدنيا تفتر كلتله مؤتمنننن حموت

باعلي من جامه الاماميه وكال شنو صابج بويه

--مااعرف بس احس روحي مختنكه.

--ادري اني اليوم من الصبح جاي وياي عكس واله ماكو عاقل يسوي اسوايتي ويطلع بيجن

دار السياره عن الشارعه ووكفها نزل وفتح الباب منجهتي دنك صار بمستوالي كال اشبيج

ماكدرت اجاوبه بس اباوعله شفته خاف صاح لسماح ناوشيني الماي فتح الشال وغسل وجهي

--بويه غزل اشصابج شو باوعيلي

--نزلني من السياره كالي رفعي راسج اخذي نفس شنو صابج هسه مابيج شي

--مااعرف بس اختنكت

ضلينه واكفين اشويه

تهاني. يلا حبيبي اتاخرنه تراها اعياره مابيها شي

مؤتمن. استغفر الله تهاني عالسياره ولي لاتراويني جهرتج ابسرررعه

سماح. مؤتمن هاي صفره صارت خلي ناخذها للمستشفى اخاف توكع

--بوبه بس انكتمي اشويه لاتسودنيها هيه اتصير زينه

--وين زينه شوف وجها غززل خيه اشبيج شتحسين

--مابيها شي فوتي حالها الطريچ طويل وهيه فاهيه

خبلتني سماح اخاف اريد اصير من اسمعها ارجع انتكس اكثر لمن صاح مؤتمن بيها سكتت

الحمد الله اشويه ورجعت لوضعي صرت احسن كلته مابيه شي خلي نرجع للسياره جان واكف كدامي متخصر صافن على حضه والطلعه مالتنه

صعدنه وخبرهم كلهم كملو طريقكم نتلاكه اهناك لان امبيه شغلتي داجه اليوم

--ههههههههه وعلي طياح حظ واذيه جبتها لروحي يلا جاي وراكم

سد الجهاز وشغل سياره باوعلي بالجامه الاماميه وكال لخاطر محمد خلي نوصل غزل لاتطلعلي شغله

اشرتله باأي وخليت راسي على متن سماح مااعرف لويش احسها محنه بيها حتى مؤتمن اكثر مشاكله يجي يشكيهن الها وهيه اتشاركه وتنطي نصايح يحلهن

من طيبت كلبها جامعتنه حوليها وحاسبتنه عائلتها خاصين بيها مترضه واحد يأاذينه

كملنه طريقنه وصار اليل يالله وصلنه من سالت سماح كالت هذه النجف

خله سيارته بالكراج وكملنه طريقنه مشي الفون بيده يخابر وتهاني ركضت كمشت ايده الثانيه وحنه ورا وصلنه يم الامام مكان جنه على طريق المخابره اندليناهم اتلكتنه عمتي

--ليش هيج اتاخرتو خليتو بالنه يمكن

--ماكو شي عمه هياتنه وصلنه الله عمه المكان يجنن يلا ادخل ازور

--لاخليج للوجبه الثانيه روحي كعدي هاي فارشيت

مؤتمن. مكرم خويه خليك يم البنات لاتخلهن وحدهن اني اشويه واجي

--ماعندي شي اني ومصطفى كاعدين يمهن اخذ راحتك

--يلا تهاني فضيني بويه ماعدنه وقت وانتي لاتضلين اتحوصين اركدي يم اخوتج كالها واخذ تهاني وراح

كعدت يم هيفاء شفته راح

اباوع المكان حلو واكو محلات هم حلوه كلتله مكرم متاخذنه انروح نشتري منا

--اركدي خويه هسه يجي زلمتج ياخذج

--يازلمتي تره ماخذ مرته ويفتر وبعدين ياخذ اختك

--طاحظ وحظ اختي كصري حسج

--لعد اخذنه فدوه والله منخسرك اهواي

--غزل خويه انتي صاحيه اذا اجه مؤتمن واني ماخذ حرمته واخته وافتر بيهن شيكول

--لعد انروح ويه مصطفى يلا مصطفى انته ميكدر يحاجيك مؤتمن

مصطفى ماكال شي بالعكس كيف وكال يابه تامرين وكام

شافها صارت صدك اتنازل مكرم وكام ويانه احنه منندل بس همه اخذونه اهواي محلات جنه نشتري ومكرم يدفع

اشوف هيفاء تستحي تاخذ لان هوه يدفع وعينها بهواي اشياء اشكد تختلف هاي الابنيه عني اني يمكن خلصت افلوسه كلهن وماحاسه يلا بعدين ياخذ من مؤتمن

-- مكرم هاي اتريد اشياء بس تستحي

-- بويه كليها تاخذ التريد علمن هالخجل

هيه كرصتني رادتني اسكت بالبدايه استحت بس اشويه اشويه كامت اتسولف ويا وتشتري يمكن انفكت العقده البينهم هوه ابد ماشال راسه يسولف هوه ومدنك

لمن خابرنه مؤتمن كال وينكم

مكرم. يلا تره مؤتمن معصب خلينه نرجع

هالكد مااشتريت العلاكه صارت اسكبرها ماكدرت اشيلها كلتله مصطفى

--اعيوني

--هاك هاي شيلها فدوه

--خادم جيبيها

اخذها مكرم وهيفاء صار كدامنه واني كمشت مصطفى من قميصه لان ازدحام وامشي ورا وصلنه لكيت مؤتمن اعيونه بكصته صايرات وتهاني وكفه مااعرف شنو اتكله بس اتباوعلي يشماته

--وين جنتي

--وياهم

--منو كلج تتحركين

--تره ويه مكرم ومصطفى وين رحت

صك على اسنونه سحبني وكاللهم خليكم اهنا احنه راجعين للبصره

مكرم. يخوي اني وياها اشبيك كول يالله

--بعد مكرم اني تعبان اريدن ارجع اصلا

--جاهوه التعبان يرد للبصره هدي ابروح عمك وعوف البت

مكرم يتوسل بي بس هوه جان ميشوف وايدي حسيتها اتريد تنشلع بيده عاصرها حيل وكلماجايه يضغط اكثر لمن شوط روحي

ادموعي تنزل على السريع لان شكله مال واحد راح يسحلني سحله امعدله لمن اجت عمتي كمشت ايده كلتله عليك الامير علي عوفها يعمه خطيه دشوفها اشلون فرفحت كلبها هسه شسويت هيه اشو اخوتها وياها عليش معصب انته

ضلت تتوسل لمن هدأ ودفعني كال خليج اهنا اذا لكيتج متحركه احركج ولفي الخره الابسته عدل اشلون طالعه هيج اشتعلت عشيرتج

كعدت ابمكاني ماطلعت طلعه طلعها من خشمي مسحت ادموعي والشهكه ابكلبي امسح بالدموع وترجع غصبا عني

مصطفى. هانت يخوي ماضل شي اخلصج من هذه الغثه بس صبري اشويه اتهون اذا ماخليته وراج يبجي مثل المره مااطلع ابن ابوي

--مااتصور راح اخلص منه

--افا وانه اخوج مايعبر الاسبوع واله وانتي تفترين بشيكاغو

هوه يحجي واني الشهكه تطلع من كلبي جان يباوعلنه من بيعد وگالب خلقته

صبو العشه وكلهم التمو ياكلون جدو صاحلي اشرتله مااريد ضليت على كعدتي مااريد اكل وهوه بوجهي اشكد كارهه وجوده واتمنا يموت واخلص منه

هوه ياكل ويضحك ماهمه الاهانه السببها الي وخلاهن يتشمتن بيه ضحكتهن تارسه اوجوهن دمعتي مانشفت واني اشوفن اشلون وحده تندس الثانيه ويضحكن عليه اتكول عبده عدهم وهيج ساحكيني

دخلت للامام بعد مالحت عليه عمه ازور وياها

دخلت جوه وصلت للضريح خليت راسي على الشباج وبجيت من خاطري ضلت اترجى يندعيلي يم رب العالمين يخلصني منهم عمتي كالت يمه صليلج ركعتين مال الزياره

ماارديت يعني لازم كل اشويه يذكروني اني مااعرف اصلي وهمه لاواحد يعلمني ولايسكتون

طلعنه شفنا بالصحن يم الحايط امجتف ادي ومدنك امبين بردان وصلنه يمي عمتي كلتله يلا يمه خلصنه شال راسه يباوعلي اخذ نفس واجه يمي كال عليش تبجين

مارديت لان جانت الشهكه كامشتني

دعيتي عليه غزل

ماجاوبته درت وجهي عنه وطلعت ويه عمه وهوه ورانا جان يمشي اسمع حسرته توصل يمي

الجو بارد وحده مدفايه بالثانيه بس المكان يخبل اتحس براحه نفسيه خليت راسي على متن هيفاء اتذكرت عمتي وتهاني ماكو

--هيفاء لعد وين عمتي وتهاني

-- اشويه ويجن راحن يشترن كم شغله

--بس من زمان ماكو

--مااعرف غزل لاتدخلين ردي نامي

اجوي الولد بس مؤتمن جان بيده لعابه وصل يمنه كعد ابصفي وانطانياها

--ماشفت شي يرضيج غيرها

باوعتله وكوه كامشه دمعتي سحب راسي وباسني وكال بويه والله انتي اطلعين الواحد من طوره يعني جايين اكثر مكان مقدس وانتي عباتج مفتوحه وشالج طافر وكم مره حذرتج لاتوصلين يم مصطفى اجي الكاج لاطشه بي ولج الي اني رجلج ماكامشتني هيج كمشه يله اخذها قبل لانطيها لطفله ثانيه

درت وجهي عنه

خلاها بحظني وكال اتسلي بيها علمااتكبرين ولو شاك ومأايس يجي يوم اتكبرين وتعقلين

جانت العابه اتجنن اول مره واحد يعاملني كطفله ويجيبلي هيج شي فرحت بيها بس ماردت ابينله

كامو يحجزولنه بالفندق بس مصطفى بقى يمنه مارضه مؤتمن انضل وحدنه اجت عمتي ام مؤتمن وتهاني جانت عمتي وجها مسود وخايفه

كعدت دخلت شي بلجنطه الجبيره ملفوف مصطفى كدامي كام اجه يمي كعد كال شفتي شنو بيدها

--ممم بس معرفت شنو

--هذه سحر

--عززا وانوب يم الامام متخاف هاي

--لاذني لايعرفن شنو امام ولاخوف وهذه باجر اتشوفي راشته على امي وعلى ابوي تاني للعصر اتصير مصيبه ونرجع نطلع من البيت

--لعد لويش ساكت متكول المؤتمن

--مؤتمن ميعترف بهيج اسوالف قبل لانروح لخوالي نفس الشي سوت شفتها ابعيني وكلت لمؤتمن كال صير زلمه لااتخلي هيج خرافات اتاثر عليك مااتعده اسبوع وطردنه ابوي من بيت جدي

--لعد شنو اكو اهنا يسوون سحر واتروحله

--موبس اهنا تره بكل مكان هاي شغلها

بس اهنا اكو مقبره تدفن بيها والله اعلم شنو دفنت هسه وهاي چنتها الجديده نفس الخياس مالتها ديري بالج لاتوصلين يمها تره اتخبلج

--عززا خوفتني فدوه مصطفى لااتعوفني حتلو خبلني انته وديني لماما

--ولايهمج انتي بس اتخبلي واني اطلع اكدي بيج خوش اتجيبين افلوس

--امم لعد وامك

--امي اوديها للمراجع ينطوني عليها راتب

مال اكوم ابوس مرت ابوي من راسها خوش راح اتجيبلي رزق

شودنطيني لعابتج يالثوله شبع ادمغ بيج وضحك عليج بهاي

--مصطفى لاتحرك كلبي فدوه خليني فرحانه بيها

--هههه ولج هاي اتشبهج هسه تهاني اتخليلج بيها جن واتخليج للصبح وياها اتغنين -شوفي لج شوفي صبوحه بت الططوه اشكد مشتريه هيه وتهاني

--وحنه اتعطلنه دقيقه سودننا الجلبات خلنه يضربتي

--هه سهلا بس انتضري اهواي راح يستفادن منهن

اجه مؤتمن ومكرم كالو يلا كومو حجزنالكم

--ديلا عود امفضل علينه هنه نص الغرف لنسوانك

مؤتمن. انته انكتم وروح شيل الغراض وانت لفي حجابج يلاااا كالها وراح كدامنه يمشي ركضت تهاني ويا

كمت لفيت حجابي انداريت لكيت مصطفى يم الحاويه باوعلي وغمز شلت الجنطه انتبهت اجياس بيبي وتهاني ماكو عزا ابعينه شمرهن بالزبل سكتت يستاهلن شنو خادم عدهم يشيل الغراض

رحنه للفندق جان حاجز اني وسماح وتهاني وهيفاء سوه اشكد رادت تهاني ويه امه نفس الغرفه مارضه كال ادخلن والاسمع صوتها اطيح حظها

الغرفه جبيره وحلوه ذبيت الجبه ورحت للفراش ميته تعب خليت راسي جان الافراش ناعم مريح

سماح. غززل فدوه غراضي يمج داخله اسبح

--نعسانه لاتحجين وياي داانام

--ولج ابسرعه اسبح واطلع وشكو هيج شابكه لعابتج شنهو مامصدكه

--اكو ناس اهنا اتخلي بيها شي صح هسه مافارغه ملتهيه اتخابر بس الجني مالتها يفتر

--مم غزيلان بالفندق لاتبلشين بصيبه واصواتجن تصعد بالعباس مؤتمن يعلكجن من شعرجن

--عززا دسمعي اشلون دتخابر ماكو مستحى عود دتغورنه متدري منشتري بفلس

تهاني. منهو هذه متشتري بفلس وانتي سماح

اتعودي منا وجاي على الدوش الخالي

ماردت سماح اشوفها ميته قهر ردت كالت وانتي غزل حبيبتي كثري بالديباجات تره الجو بارد

--ممم ميخالف ماكو احلى من دفو الغطه

--ليش امحصله غيره وكايله لا هههههههه

--امحصله ودافرته ابمزاجي

--تره مؤتمن امسولفلي على كلشي وادري مركونه حالج حال سماح يلا اتفيدني بعد كاليوم اتغسلن ملابسنه

--لويش انتي هم اتعرفين النضافه تره اليوم وره العشه هم ماغسلتي خلي اذكرج

--ضلي انتي بهاي اسوالفج اهم شي الحب مالتي ميت على اضفري مو مثل غيري ضاله تتمنه قربه اتضل اليل كله تتوسل على نضره

--تره الوصلج جذب ولو اشك اموصلج صح هوه متعجرف بس متاكده ميحجي بهيج مواضيع بس هم لاتصدكين تره تنصدمين احنه خايفين عليج من الصدمه لااكثر ولااقل

--لاتخافين عليه خافي العايش على الاحلام ويتخيل يجي يوم ويصيرله مكان ولو هوه راح يضل بس للخدمه كالتها وضحكت

صدك دقتني كمت اخذت الفون من سماح ودكيت رقم مؤتمن والغيره تاكل ابكلبي رن رن تالي رد خير سماح بس جان صوته واحد نايم

مؤتمن اشكد رقم غرفتك

--عليش اشصاير

--ماكو شي بس اشتاقيتلك اريد اجي يمك

-- بويه انطمري اركدي غزل لاتضلين اطفرين

انداريت شفت تهاني تضحك كئنما واثقه مؤتمن راح يطردني كلتله بيبي امتانيتك بالباب وغلقته قبل لايرد

ركضت اخذت شالي لبسته اشلون مجان رحت اريد اطلع اتذكرت لعابتي رجعت اخذتها وطلعت لكيته يم الباب متفاجى جاي ضايج يباوعلي بخزره قبل لايحجي

كلتله والله يمؤتمن اذا مااخذتني وياك انام بصاله الانتضار

هز ايده وكال يلا يعله كلبي

رحت ويا واني على وجهي علامه النصر اتخيل تهاني وراي ميته هسه

فتح الباب واشرلي اتفضلي فتت اتذكرت اني اسويت ابروحي وين اجيت انداريت باوعتله واني فاتحه حلكي اباوعله كوه كامش ضحكته

--امم غزل لازم حسيتي بيه بردان

--هاا لااريد ارجع حباب

اباوعله جان رافع اجواجبه واجه يمي رجعت ليورا بس صافنه ابوجها

شنو راح اتضلين للصبح على هاي الصفنه جان يحجي وياي واعيونه تجول على جسمي

--هااا

--شنهو ها انتي اجيتي برجليج مااتصور واحد غصبج على الجيه لهنا

--لامواني بس ردت انام والله مؤتمن

--اعيونه

--اريد ارجع حجيتها بتوسل

--جاعليش اجيتي يحجي ومضيك اعيونه

فندق وهدوء ومره حلوه اكو واحد يحصل هيج نعمه ويرفسها تعالي لاتضلين شارده

هوه كال هيج واني كلبي وكف ميفيد اتوسل لان جان ينزع بقميصه ويباوعلي بنضره مومريحه اني الجبتها النفسي استاهل لااكدر اركض واطلع لان واكف بجهت الباب ولااكدر اضل لان كلبي تقريبا بده يوكف شمر قميصه واجه يمي سحب شالي وشمره جمدت مكاني

شالني من خصري خلاني بمستواه قربني اله باسني بشفتي

كال اشبيج بويه كلبج راح يوكف عليش اترجفين هشكل

نزلت ادموعي كلتله فدوه عوفني

ضحك ورد منو يمج

--نزلني حباب

رجع باسني حسيته يلعب على اعصابي اني ميته خوف وهوه يضحك اباوعله بتوسل يعوفني

عليش ادخلين روحج بلعبه انتي موكدها بطلي بابا شغلات اكبار بطليها كالها ونزلني

ردت اطلع سحبني من شعري وين وين تردين

--اريد انام

--اي نامي اهنا

-لامو ها اه ارريد ارجع انام نعسانه

رجع شالني وشمرني على السرير ويضحك نامي بابا لاتخافين بالبيت ماواصلج شنو خبل اهنا افضح روحي وانتي ماشاء الله صرخاتج مشهوده

امنت الحمد الله الله هداه لفيت روحي بالفرشه حيل جانت العابه بالكاع اباوعلها اخاف اكوم اجيبها انتبهلي كال شكو جايبتها وياج لو ترديها تشهد على ضيمي

--لامواخاف اخليها اهناك تهاني اتدخل بيها جني

--اووف جني بهالبساطه

--امم مصطفى كلي هسه اتخلي بيها جني واتخليج اتغنين وياها للصبح

--ههههههههه الله يطيح حظج على حظ مصطفى لج هذه خبل بويه لاترحين يمه يخبلج وياه

--تره مرتك سحاره والله بعدني استوني كملت الكلمه ماحسيت غير عضني من شفتي حيل خلاني اطفر كال نامي احسن ماالجني يسويلي شغله يخليج للصبح كاعده تره كوه كامش نفسه نامي بويه

غمضت ابسرعه هوه هم نام بس سحبني لحضنه ردت ادفعه كال اششش نامي تعبان تصرفات زعاطيط مالي خلكها

الجو احتر ماادري اني من الخوف والمستحى حميت الله يطيح حظج تهاني انتي وسماح نايمات مرتاحات واني اهنا مختنكه شلت ايدي داافعه اشويه من صدره لان اختنكت من صدك شفت ايدي يم صدره تختلف كلتله مؤتمن شوف

--شال راسه كال شكو

--شوف لونك اشلون يختلف وشوف ايدي

--شنهو استوج اكتشفتي لوجاي اتعيريني

اني ابن الجنوب يبت امج نامي لان صعدت عندي وبعد مااشوف

كعدت على عضات خفيفه بخدودي دفعته صفنت اريد اركز اني وين

اشوفه شايل ايده يباوع بساعته وايده الثانيه متجي راسه عليها لان جان نايم يمي

اشبي هذه صحصحت اشويه كلتله صباح الخير

لازين اقل من دقيقه وتصحين رحمه صباح النور يلا كومي ورانا طريق

كعدت دااتمغط عصرني حيل وكمش وجهي بيده كال كومي فضيني لاتسوين هيج كدامي غزل بعد مااحذرج

عضني خفيف وكام اشبي هذه اكيد شارب شي اليوم مكلوب جلب شبعني عضات

رجعنه خلصت الطريق كله نايمه بحظن سماح لمن وصلنه

مريومين ومصار مجال اخبر لان مؤتمن مينحز ساعه بغرفتي وساعه يم سماح اوضاعه مخربطه اشوف اكو كلام بعيون بس متردد يحجي يدري بيه مامتقبلته وخاصتا هسه ماضل شي لزواجه لذالك ساكت مختصرها من النهايه

كعدت عطشانه بليل كمت اشرب مي اني الشبشب مالتي لان فرو بلاصوت من امشي وصلت للمطبخ اتفاجئت بعمه ام مؤتمن تحرك شي بالمطبخ ويمها طاسه بيها مي واتحجي اشياء خفت افوت ضليت اباوعلها من وره الباب شنو دتسوي اشوفها تحرك وتطفي بالمي واتكول كلام مامعرف كلت خلي افوت وافضحها شنو دتاذي الناس لويش ماعدها مخافه الله هاي اول رجل خليها حسيت واحد سد حلكي وسحبني مشه بيه مسافه ردت ارافس وادفعه همس يمي اذني شششش

عرفته مصطفى وصلنه مسافه هدني كال شتسوين ولج اهنا

--دااشرب مي بس هاي دتسوي سحر

--وانتي شكو

--اريد افضحها

--انتي ثوله هاي اتكلبج قرد اذا عرفت بيج عرفتي ومنو يصدكج اذا حجيتي محد يصدكج بس راح اتخليج ابراسه حرام اتخبلج غزل انتي موكد هيج عالم ابتعدي عنهم

--لعد حكول لمؤتمن خلي يوكفها عد حدها

--ولج لبالج مؤتمن هذه صاحي تره امشرباته لمن طالع من اذانه واذا زادن الجرعه راح يخبلنه واله اكو بشر صاحي يعوفج ويتزوج تهاني

--لعد شنو اسوي هسه حتاذي ناس خطيه

--ترجعين غرفتج مالج شغل اني اعرف اشلون اردها بس انتي لاتدخلين تره تتاذين ومااكدر احميج ولاواحد راح يعرف علتج شنو يلابنيتي ردي لغرفتج وهاج هذه نقالي خبري امج واتفقن بسرع وقت قبل لايلوحج طشارهن

اخذ الفون ورحت لغرفتي اول موصلت دكيت رقم ماما جان الوقت متاخر اكيد نايمه بس ماعندي مجال غير هذه رن اهواي وماكو رجعت كررت كذا مره لمن ردت ماما صوتها تعبان امبين نايمه كلتلها ماما صحصحي فدوه ماعندي وقت

--فدوه بنوتي اشلونج ماما غزوله

--تمام ماما بس سمعيني

--كولي حبيبي امريني وهذه منيلج الفون

--هذه مال مصطفى اخو مؤتمن

--يااا اشوكت صار هذه

--لاماما هذه اكبر مني تره من مرته الثانيه بس اكتشفو متاخر عوفج منه باعي اتحضرين جوازي واتحجزيلي رجوع من اتكملين خبريني على نفس الفون حرد عليج مصطفى علمود يجيبني كبل للمطار

--ولج ومؤتمن اذا كمشج يكتلج غزل لاتلعبين ويه مؤتمن يماما انتي متعرفي اخاف اتشوفي يسولف ويضحك هذه شيطان تره

--لاماما مراح يعرف مصطفى راح يجيبني بسكوت على المطار عدل بس كون اول مااوصل اطير قبل لايعرف مؤتمن

--تماما ماما خلي اصفي شغلنه اهنا واحجز واخبر بس كليلي هم واحد مضوجج

--لاماما عادي مالهن شغل بيه يخافن من مؤتمن بس عمه اتعيط مرات وهم يسكتها مؤتمن ميقبل

--وهذه تردين اتشردين منه والله يغزل ماعنده مانع يلحكنه لامريكا ويسحلج مناك

--لعد ماما اشلون ترديني ابقى

--لاحبيبتي ياتبقين يوم قبل باجر اريدج اترجعيلي بس ردت برضاته لان اعرف غصبا عنه ماراح يعوفج هذه يتصرف بعناد ياماما

--مالج شغل بي انتي بس كملي الي اكولج علي واني اجي من اوصل اهناك اطلك غيابي وهسه يلا ماما لازم اروح اخاف واحد يشوفني

سلمت وسديت الفون اجيت اطلع سمعت الشباج يندك رحت فتحته لكيت مصطفى كال هاخلصتي الرصيد مو

--هئ بعد عندك وشكرا

--لايابه على شنو تشكرين انتي بس كملي شغلج وولي خلي اشوفه ينطحن وراج هاي كلش كافي عندي

--اتفقت ويه ماما وهيه راح اتخبرك صدك اسوت عمه

--لاهاي سهله دواها يمي راح اكلبه عليها اذا ماخليتها تنبح بس انطيني مجال ولي خلي افلت لاواحد يشوفني وهذه الشباج لاتفتحي غزل خويه تره موقانونيه انتي

--اووو جنك مؤتمن هم معقد

--هوه احنه معقدين لوانتي ثوله يلا ولي دخلي

راح سديت الشباج ورجعت لفراشي بس عطشانه هسه اني لويش ماكلتله يجيبلي مي ضليت اتكلب اهواي يالله نمت للصبح كعدت على بوسات مؤتمن وهاي اتعودت على هاي الحاله لازم يوميه وخاصتا من اصفن ابوجها اول مااريد اصحى ياخذله صفنه ويرد يكول اشلون اكلج

دفعته وكلتله هئ راح تجي تهاني بعد كم يوم عود اكولها

--ترديها متجي غزل

--لويش غير زوجتك اشلون تبقى اهناك

--انتي شنو الرايدته

--اريد ارجع لماما

اخذ نفس وكام ماحجه بعد ابسرعه طلع بس شكله ضاج

جان عندي امل مؤتمن يتزوج ويعوفني جنت ثاقه وخاصتا من اعرف انو يحبها من زمان متامله يجي يوم وارجع لعالمي الصح صح اهنا بديت اتطبع مثلهم بس اهواي عانيت ومدااكدر اكمل ولاعندي هدف ابقى علموده يعني حياتي راح اتكون مثل سماح لو عمه ماكومستقبل حياتي راح اتكون عباره عن اكوم الصبح اكمل شغل وارجع انام بليل بس اي حريه للمرئه او رأي مالها اي احلام مالها حق اتحقق عدهم حلمي بمكتب خاص بيه وسياره ويكون كياني بالمجتمع وذني من المستحيلات عدهم وفوكاها ماخذه واحد عنده اثنين نسوان وهاي اذا ماجاب الرابعه

كمت ونفس الروتين مال كل يوم اخذ دوش واطلع للمطبخ ملل بملل بس جان اشويه مصطفى امهون عليه اخلص شغل عالسريع واروح ويا للبستان لوينطيني الفون مالته العب بي

خلصت شغلي بعد مااتريكت رحت ادور علي لكيته على السطح يلعب طوبه ويه مكرم اول ماوصلت كلتله اجيييت

--وشنهو اتبشريني ولي غزل لاتجي بيج الطوبه تالي يخربط وجهي مؤتمن

--لاع تره اعرف العب انطينياها

مكرم. اني تعبت بعد ماالعب وانتي ولي لاتجين اهنا ردي نزلي

مصطفى. مالج شغل بي خلي يولي تعالي گربي اخذي الطوبه

ضلينه اني ومصطفى نلعب هوه يعرف يلعب ساعه اركض ورا لمن كلبي يوكف كوه ينطيني الطوبه لمن يشوفني راح ابجي

اصواتنه جانت عاليه ومتونسين بالعب لمن

كام مكرم كالنه يلا كافي اسمع سياره مؤتمن اجه اتطافرنه كلمن بجهه كعدنه بس ميتين تعب هاي الايام كله نكضي فوك لان شمس حلوه واحنه من البرده اي مكان بي دفو نركض ورا

صعد مؤتمن هوه وسماح يمنه طبعا كالعاده مؤتمن ميعجبه لا منضري ولالبسي

كعد هوه وسماح يم مكرم يباوعلنه اني ومصطفى ويسولف ويه مكرم امبين على اوجوهنا ميتين تعب من العب وانكابر بس الحمد الله ماله خلك يحاسبنه لان امبين راسه يوجعه كل اشويه وفركه اخر شي نزل مصطفى غمزلي وكال اشتغل العمل اخذي احتياطاتج

يوم عن يوم يمر ومؤتمن اتزود حالته بالنهار اعصابه متوتره وبليل راسه يوجعه ميكدر ينام اكثر الاوقات ينام بغرفتي يكول اهنا ارتاح حتى راسي يهود

مااعرف يمكن لان محد يدخلها ضاله نضيفه مابيها شي واني مااتركها ابد فمكدرن يذبن بيها شي كم مره نبتها اكوله تره شفتهن سون سحر يضحك عليه ويكلي لااتخلين ابالج هالاشياء هاي كولها خزعبلات ومصطفى ابتعدي عنه

اندكت الشباج فتحته لكيت مصطفى كال امج خبرتني وكمل كلشي هذه الاسبوع السفر حضري امورج

--لعد لبالي احضر زواج مؤتمن هم هالاسبوع حرمات اعوف العرس حلوه اعراسكم

--بنتي انتي الله خالج هيج ثوله لو بعدين صرتي وياعرس اذا اتزوج مؤتمن تعالي كصي ايدي شوفي خلقته اشلون مكلوبه غبي ورط روحه وميعرف اشلون يخلص

--لويش ورط روحه اشو تهاني اربعه وعشرين ساعه لاطشه بي وهوه ميت عليها

-- قصدج لاطشه لمرة ابوي بالغرفه يشتغلن عدل

--اي دتقنعها تاخذ غرفتي ومؤتمن ضايج لان تتعارك ويا كل يوم على هذه الموضوع

--من باجر عود طفري لج اسمع سيارته شحطت يم الباب كالها وراح

سديت الشباج دقايق و دخل للغرفه طالعه روحه ميشوف كدامه شنو وهيه ويا على الفون تحجي اشرلي طلعي يمكن ماكدر يحجي وياها بره راد ياخذ راحته بس عندت سويت روحي مااسمع لمن اجه يمي سحبني من الكلو مالتي وشمرني بره سد الباب

رجعت فتحته وفتت كلتله تره ميصير مؤتمن هيج تشمرني الجو اول شي الجو بارد وثاني شي اخاف ضلمه وين اروح

مارد بس اشرلي انكتم اسمع يكلها الج هذه الاسبوع تجين خوش اتضلين على راسج اليابس خليج يم اهلج ولو يصوغوج ذهب مااشوفج بعد وغلق جهازه

--شنو صاير لويش تتعاركون

--غزل انتي بالذات مااريد اسمع صوتج لبالج مااعرف انتي رب المشكله الصارت

--عززا لعد اني شكو

--لج وحده ابكدج اتريد اتمشيها عليه لبالج ماادري منو زرع ابراسها الغرفه الجوه وخري بويه من كدامي لااطرج بالنص

--تره مؤتمن من اله غرفتي اخذ غرفه هيفاء خطيه ماعدها مانع وهيه تصعد فوك

باوعلي وكلي تعالي هنا شفته امعصب كلت راح انسحل سكتت ورحت للفراش ابسرعه نمت هوه هم سكت عني راح للشباج فتحه وبلش يدخن لاساعه ولاساعتين وحده وره الثانيه بس كلماافتح اعيوني اشوفه يباوعلي لمن سد الشباج واجه يمي وخر شعري عن وجهي وباسني حسيت كلبي وكف خفت يسوي شي بس اتفاجئت من كال غزل شنهو التفكرين بي

باعت ابوجها صفنت شنو اكلك اخاف اكلك ارجع لماما واتعصب سكتت مارديت رد كال لاتباوعيلي هالشكل بويه احجي خلي اصفيلي على حاله وياج موشليتي حالي

--مااعرف

--شنو المتعرفي لخاطر محمد رحميني ولج وحده ابگدج خلتني مدوهن بزماني مااعرف ليلي من نهاري تايه مااعرف اخذ قرار

--اني مسويتلك شي تره تهاني الخبلتك وهسه تتزوج وتشوف حتگلب البيت

--مترديها تجي صيريلي مره

غزل كلمه وحده منج هسه انهي كلشي

الحادي عشر من هنا

تعديل المقال