رواية تبديل عريس الفصل الثامن 8 بقلم جمانه السعيدي
سلسبيل....طبعا مثني كلامه جدا محترم وراقي
يحسب حساب الكلمه قبل لا يحجيها
كل يوم بليل يدز رساله يسئلني عندج وقت نحجي
اله ارد علي واكوله اي تفضل
يله يبدي يدز مسجات
بلبدايه كلامنا كله عن الدوام وعن عمله
وبعض التفاصيل العامه بعدين بدا يبين هو شكد معجب بيه
ويحبني مااكذب واكول تفاجئت لان اني عندي نفس هاي المشاعر
فرحت بحبه اليه
طول فترة العطله اني وياا اكو تواصل بينا
شكد يحبني ومتعلق بيه ويخاف عليه وعلى
مشاعري
حتى من حجيتله عن وضعنا بشكل عام عادي اتقبل الموضوع
سلسبيل...اني امي وابوي منفصلين من اول ما نولدت
والسبب جدا سخيف
ابوي يريد امي تجي تعيش ويا بمحافظته
وهيه تريد يجي يعيش وياها بغداد
على فكره بابا مزوج قبل امي وضم عليها
وهذا كان أكبر سبب الانفصالهم
مثنى....اني مايهموني اهلج بشي المهم اني وياج متفاهمين
انفصال امج وابوج هذا الموضوع مايهمني
هما يتحملون مشاكلهم المهم اني وياج
نكون متفاهمين
سلسبيل...خلاص متفقين
اني وياك مالنا علاقه بمشاكل أهلنا
مثنى....بس اني حاليا مراح اكدر اتقدملج
لان جاي اشتغل واجمع حتى اصرف على نفسي
من نخلص جامعه انشاء الله نزوج
اني احب اكون واضح وياج من البدايه
سلسبيل...بعد هواي على هذا الموضوع
بعد وينا ووين الزواج نتخرج بلاول ولله كريم
مثنى...زين متفقين
جمانه السعيدي
سلسبيل....اني بعمري ما ضامه على امي شي
علاقتي بيها علاقة صداقه اكثر ما تكون علاقة ام وبنتها
اني وياها متعودين على الصراحه
ماحبيت اضم علاقتي بمثى عليها
لان احس نفسي جاي اسوي شي غلط
ويا بداية الدوام قررت اصارح امي
سلسبيل.. ماما ممكن نحجي
امي...اي نحجي ليش لا
سلسبيل....اكو ولد وياي بلجامعه محترم بشكل
صارحني بحبه
امي...لا هذا الشي مامقبول شنو حب شنو خرابيط
بعد كدامج جامعه اتلث سنوات
ليش تربطين نفسج بشخص كل هذا الوقت
سلسبيل...ماما هو إنسان محترم ومجاي يااثر عليه
امي...ولو ممنوع مااريد علاقه من اي نوع
مااريد اي احد يأثر على مستقبلج انتبهي الدراستج
اذا اني صدك امج وتحترميني
مااريد علاقه من اي نوع
سلسبيل.. ممكن تتعرفين علي راح تعرفين هو شكد إنسان محترم
امي...اني شكلت ولله اتصل بابوج واخلي يجي يكسر راسج وراسه
بعدج طفله انتي شنو والحب
منيين طلعلي هذا هسه مو وكته ابد
وووين ساكن بغداد
سلسبيل.. لا من كربلا
امي.. اي حانت عايزه وتمت امج شحصلت قبلج
من حبت واحد من المحافظات
بس شلعان الكلب والتعب اسمعي
مراح تزوجين غير واحد من بغداد هاي الغلطه مراح
تنعاد ثاني مره
اني انضحك عليه مره ومراح اسمحلج تواجهين نفس مصيري لو تموتين مراح اخليج تزوجين واحد من غير محافظه
اني شعندي غيرج هو بس انتي اباوع لله واللج
احلم بليوم الي تتخرجين بي
وتتوضفين حتلو تتزوجين تزوجين هنا وياي بهذا البيت
تردين تعوفيني
هاي مجازات التعب والضيم
جمانه السعيدي
اني اكلج من هاي اللحظه تنهين علاقتج بي
لو تموتين مراح اقبل تزوجين بغير مخافظه
ولا تزوجين قبل التخرج
زعلت من ماما رحت الغرفتي وعفتها تحجي عليه
هذا الشي ما مقبول منها ابد
سلسبيل... امي سودت الدنيا بعيني ليش هيج تحكم عليه
اني شنو علاقتي بتجربتها الفاشله
ليش تحكم عليه من تجربتها
اني ماعندي مانع اروح اعيش ويا بكربلا
وين ماراح يكون اكون ويااا
امي مجاي تقدر اني وضعي غير وضعها
وزماني غير زمانها
جمانه السعيدي
بليل دزلي مسج مارديت علي
بقا بقلق رجع دزلي مسج وووينج ليش ماتردين
سلسبيل...كنت محرجه ارد علي
مثنى...ردي الخاطر الله ليش تعوفيني بقلق
سلسبيل...هلو مثني
مثنى...وين جنتي ليش ماتردبن
سلسبيل...كاعده ابجي
مثنى...ياستار ليش تبجين صاير شي
سلسبيل.. امي رافضه العلاقه بينا رفض قطعي
تكول ماكو زواج اله بعد النخرج
وما تقبل ازوج محافظات لان هيه عدها تجربه سيئه
من زواج ابوي وجاي اطبقها عليه
مثنى.. وعلى هاي تبجين صدك عود
اولا اني حاليا ما مستعد للزواج بعد ٣ سنوات لمن اتخرح
وثانيا منا لمن اتخرج يصير حل الهاي المشكله
مالج علاقه اني الي راح اجي واقنعها
لا تبجين حبيبت كلبي
الكون كله يروح فدوه الهاي الدموع
بعدين حقها امج ماعدها غيرج شلون تفرط بيج
سلسبيل... مااريدها تحكم عليه من الضروف الي عاشتها
اني مالي دخل اذا كان اختيارها غلط
ليش اطبق تجربتها عليه
هيه تطلكت بس لان ماقبلت تطلع من بغداد
سبب جدا سخيف
بس اني غير اني مستعده اعيش ويا الانسان الي احبه باي مكان
المكان مو مهم اهم شي الناس الي عايشه بلمكان
مثنى...لا تشيلين هم هاي المشكله راح تنحل بوقتها
ولله اللج خلك شايله هم بعد ٣ سنوات
منا الذاك اليوم راح تفرج
سلسبيل.. زعلت على امي لان تريد تفرض رائيه عليه
وما تقبل تسمعني
اجاني بابا للجامعه بس شافني حس اكو شي
محمد...شكو الحلو ليش زعلان
سلسبيل.. امي مزعلتني
محمد...اذا امج مانكدر عليها عبالي واحد غيرها
امج محد يكدر عليها غير رب العالمين
سلسبيل...هههه ولله لو تسمعك
بابا...خل تسمع قابل اني خايف منها
سلسبيل....تحكم على الاشياء من تجربتها السابقه
بابا ...شلون يعني
سلسبيل...ولد هنا يداوم وياي معجب بيه
ولد محترم وابن عائله
بس فتحت وياها هذا الموضوع
راسا كبت عليه ماتزوجين قبل التخرج وماتزوجين من المحافظات
امج قبل شحصلت من زواجها اله انتي
بابا...امج هلمره عدها حق
اني ابوج واكول مااريد اي علاقه قبل التخرج
بعدين عيب شنو علاقه
انتي جايه هنا تدرسين لو تسوين علاقه
اني مااقبل اول تخرجي وبعدين نحجي بهذا الموضوع
سلسبيل....ولله محترم وابن ناس
بابا...ولله لويسمع عمج جان ذبحنا اني وياج
بابا مايصير شنو علاقه شنو هلحجي عيب هذا الكلام
مايصير
سلسبيل...ليش عيب مو ذبحت نفسك على امي
بابا...اني من زوجت امج جان عمري ٣٢ وامج ٣٠ سنه
متخرجين وموظفين يعني كبار ونفتهم
بس انتي بعدج زغيره والعمر كدامج
سلسبيل...قابل اني كلت راح ازوج هسه
اني بس ردت امي يكون عدها علم بهاي العلاقه
مااريد افوت بعلاقه بدون علمها
بابا...اني اضم صوتي الصوت امج اني هم مااقبل
ممكن تكطعين علاقتج بهذا الولد
وممنوع تحجين وياا منا للتخرج
اريد اوصلج معلومه مهمه جدا اذا يحبج فعلا ورايدج
راح ينتظرج
صدكي راح ينتظرج ويحارب علمودج
انتي اذا بنتي خلي بهذا الاختبار كولي اهلي منعو عليه التواصل وياك اذا تريدني انتظرني
وشوفي شنو ردة فعله اذا فعلا يحبج ويخاف عليج
راح يحافظ على هاي العلاقه
ومراح يقبل تنزلين من عين اهلج
جمانه السعيدي
سلسبيل...ضجت اكثر وبوزت
بابا....ولج بابا بعدج زغيره انتي والحب شنوووو
صدك عود كبرتي وتردين رجل
سلسبيل...شنو اريد رجل
بابا....يله فسريلي هذا الموقف اني بنتي الوحيده
مراح انطيها الاي احد
كون واحد مختلف شخصيه وهيبه قيادي
وواحد يجيبلها نجوم السما حتى ترضا
اصبري شويه لا تستعجلين العمر بعده كدامج
سلسبيل....انتم ليش مجاي تفهموني
بابا...شنو ما نفهمج احنا جاي نحميج من الغلط
سلسبيل...وين الغلط بعلاقه محترمه
بابا....شلون نعرفها محترمه الا اذا كل واحد منكم احترام قرار الثاني
اذا طلبتي منه يبعد ويحترم قرارج يعني فعلا يحبج
وراح ينتظرج لا تخافين
واذا يدور تسليه راح يعوفج ويشوف وحده غيرج يتسلى
وياها هااا اتفقنا
سلسبيل...اشوف
بابا...شنو اشوف كولي حاضر الضاهر اني انطيتج عين
بس ميخالف راح انطيج العين الثانيه لان تستاهلين
ههههه اضحكي بابا بعد العمر كدامج
سلسبيل...شبه اقتنعت بكلام بابا
طلعنا اني ويا تغدينا بمطعم حلووو وأكد عليه اكطع علاقتي بمثنى
وهو يوصلني للبيت
لكينا سيارة إسعاف واكفه بابنا
نزلنا اني ويااا نريد نشوف شكووو
طلعو شايلين بيبي على السديه وامي لازمه ايد بيبي وتبجي
بابا...هااا شكو خير
سميره...امي امي هيي هيييي محمد امي راح تروح مني
بابا...شبيها
امي...مااعرف اتخربطت جسمها بارد وما تحجي
بابا...خير انشاء الله اصعدي وياها واني وسلسبيل
نجي وراج بلسياره
بابا.. اتصلتي على اركان
ماما...لا بعدني من الهبطه مجاي اعرف اتصرف
بابا...اني اتصل علي اصعدي وياخالتي
سلسبيل...صعدت امي بسيارة الاسعاف واني وبابا
رحنا بسيارة بابا بالطريق بابا اتصل على خالي اركان حتى يجي للمستشفى
وصلنا قبل سيارة الاسعاف للمستشفى
بس وصلنا بابا جاب الدكتور واجا
الدكتور مجرد ما خله ايده على ايدها يشوف النبض
اتغيرت ملامحه
رجع خله السماعه على كلبها نفس الشي
طلب جهاز الصعقه الكهربائيه
حاول هو الكادر وياها يردون ينعشون القلب
اكثر من مره وهو يحاول بدون فايده
امي واكفه على صفحه وتبجي
واني ابجي على بجي امي
التفت الدكتور على بابا
....انت ابنها
بابا...لا دكتور بس اني مثل ابنها
الدكتور...البقيه بحياتكم
راسا امي عاطت بصوت عالي ووكعت من طولها
سلسبيل...دنكت عليها ماما ماما احجي وياي
ماما فدوه
بابا قرب منها ضربها على خدها سميره سميره
احجي وياي
التفت على الدكتور وعيونه كلها خوف دكتور
تعال تعال شوفها
الدكتور....صعدوها على السديه
سلسبيل...شلناها اني وبابا صعدناها بهاي اللحظه
وصل خالي اركان
خالي بس عرفي بيبي ماتت حضنها وبقى يبجي عليها
يعيط بصوت عالي
يمه ليش عفتني يمه حاجيتي ليش ساكته
يمه فدوه عمت عيني شلون ما شفتج قبل لا تموتين
سلسبيل.. اني وبابا انخبصنا مدري نحير باامي
مدري بخالي الي يبجي ومنهار على بيبي
الدكتور فحص امي بس الغريبه طلب تحاليل
رغم هيه حالة إغماء بسيطه بسبب الهبطه
خالو اركان راح ويا بيبي الله يرحمها يخلص إجراءات
شهادة الوفاة خطيه يكسر الخاطر يمشي ويبجي عليها
شلون الطفل الزغير
سلسبيل...بابا راح جاب الممرضه تاخذ دم علمود التحاليل
همزين بابا موجود بهذا الموقف الصعب
لو اني وحدي مجان عرفت اتصرف شلون خاصه وامي
وكعت هيج وكعه
اجت الممرضه اخذت عينه تحليل
بابا بقه واكف يم امي وخايف عليها
كل شويه يلزم وجها ويحجي وياها
بابا...سميره سميره احجي وياي لا تخوفيني عليج
سميره جاي تسمعيني
شووو خل اسمع صوتج سميره
اني محمد جاي تسمعيني
سلسبيل...موقف ما ننحسد علي
بيبي الي فاركتنا على غفله لو امي الي فقدت الوعي
ومجاي ترد علينا
انتظرونا.....
التاسع من هنا
