رواية هاربة من الماضي الفصل الثامن 8 بقلم مروة ايمن

رواية هاربة من الماضي الفصل الثامن 8 بقلم مروة ايمن 

"قد نسامحهم كثيراً، ولكن سيأتي يوم لا نستطيع فيه حتى سماع أعذارهم"."وليام شكسبير "

هو سامح فى الماضى حتى استنفذت طاقته الانسان طاقات للغفران وهى كانت خبيثه خسرت فى جميع احوالها وكان هو آخر اختيارتها بالحياه .

لذالك وبكل خبث و مكر ذهبت له افعى فى ثوب امرءه كانت فى السابق حبيبه ثم زوجه مهمله لا تهتم سوى بالمظهر والمال

لذالك كان الصدمه من حقه والغضب والثوره ايضا هب واقفا امامها بغضب

آسر بغضب:::: انتى ايه الى جابك هنا

بهدوء وبرود قاتل نظرت له بإغراء تام اقتربت منه حد كسر الخطوط الحمراء حد إختلاط الانفاس وكانت القبله مستحقه لوجنتيه والحتضان ايضا تحت صدمته

سلفيا:::: وحشتنى يا آسر

كان ينظر لها بصدمه نظر بأعينها كاد ان يقع تحت تأثير إغرائها كاسابق فهى كانت كألفعى بين احضانه وكاد ان يستسلم لها بينما تذكر آخر جمله لها معه
" طبعا اجهضت انت متخيل حمل و زياده فى الوزن واسيب شغلى مستحيل طبعا" تذكره اشعل الغضب بقلبه مره اخرى مما جعله ان يقوم بدفعها بقوه حتى سقطت على الاريكه

آسر بغضب::: انتى ازاى كده جايه بكل بجاحه تقوليلى وحشتك طبعا مهو انا الى على الرف اول ما تخسرى تجيلى والمفروض انا العيل الى بيبوس تراب رجلك مش كده

سلفيا بوداعه واسف مصطنع ماكر :::: آسر انا اتغيرت بجد وعرفت انى غلطت فى حقك كتير انا اسفه واحنا لسه الوقت قدامنا كتير وممكن نصلح الى اتكسر

ابتسم بتهكم وسخريه حتى اصبحت الابتسامه قهقه عاليه
آسر :::: انتى مصدقه نفسك بذمتك ههههههههههه يعنى الى انتى بتقوليه ده مصدقاه والمفروض على الاهبل الى انتى جياله يصدق مش كده

سلفيا:::: آسر اسمعنى انا لسه بحبك ولما نرجع لبعض انا هاخليك تصدق اد ايه انا اتغيرت

آسر بسخرسه:::: نرجع لا والله بجد والمفروض منى اعمل ايه يعنى انى اخدك بالحضن وابعت للمأذون وترجعيلى مش كده انتى حد قالك انى اهبل للدرجه دى

وما السلاح الاقوى للمرأه سوى دموعها وكانت بارعه بالتمثيل فتعالت شهقاتها واعتصرت اعينها حتى ادمعت بقوه
سلفيا:::: حرام عليك حرام عليك بجد انا ندمانه انت ليه مش راضى تصدقنى

وقد اوصلته الى حاله الانفجار فما كان منه إلا واقترب منها امسك زراعيها بقوه واخذ يصرخ بغضب

آسر بصراخ:::: اصدقك دى اخر حاجه انا ممكن اعملها فى حياتى علشان انتى واحده كدابه مهمله مبتحبش غير نفسها والفلوس وبس عيزانى اصدق واحده موتت ابنها وهو لسه فى بطنها انتى ايه شيطان مبتحسيش

سلفيا :::: ندمت والله ندمت انا مستعده نرجع ونجيب اطفال تانى بس نرجع آسر انا ب

آسر بغضب::: اوعى تقوليها الى زيك مايعرفش حب انتى مابتحبيش غير الفلوس ونفسك وبس الحب ده شئ طاهر اكبر منك انتى اكيد وبعدين انتى مفكرانى اهبل مثلا علشان ارجعلك هههه لأ وكمان اخلف منك وائتمنك على اولادى انتى يا إما عبيطه يا إما مفكرانى عبيط

سلفيا::: انت بقيت كده ازاى انت مكنتش قاسى او كده

آسر بتهكم:::: قصدك انا فوقت انا كنت حمار و غبى مش فاهمك صح لكن انا فوقت وعرفت حققتك بس ياريت تتطلعى بره بكرامتك حالا بدل ما والله العظيم اكون طاردك من هنا شر طرده وافرج عليكى الشركه كلها برررررررره

وماكان منها سوى الهروب هربت مسرعه من امامه وتلملم شتات كرمتها التى بعثرتها واصطدمت بالصديقه الجديده التى تعجبت منها

فرح::: فى ايه مين دى

لم تعرف السكرتيره الجواب وما كان منها سوى ان ذهب له لاستفسار

فرح بإبتسامه:::: صباح الخير مالك صوتك كان جايب اخر الشركه

ولانه غاضب وفى حالات الغضب هو لا يعرف السيطره على حاله

آسر بصراخ ::: انتى ازاى تدخلى من غير استأذان هى وكاله من غير بواب ايه الاهمال

فرح بدموع وخوف:::: انا ...... انا اسفه مش حاتتكرى تانى عن اذنك

احس بتأنيب الضمير لقد اصابت دموعها قلبه غضب حتى انه قد ضرب طاوله مكتبه بقوه حتى انه كسر الزجاج مما جعل صوت تحطيم الزجاج يوقف خروجها من الغرفه
~~~~~~~~~~~~~~~~~~~~~~~~~~~
العوده بعد مرور اسبوعين على غيابها عن جامعتها العزيزه عادت مره اخرى بعد الانهيار المخزى امامه عادت مره اخرى بعنفوانها وقوتها غرورها المتناهى عادت الشرسه مره اخرى

ميسون بترحيب حار:::: حمد الله على السلامه يا نيدو الكليه كانت وحشه من غيرك والله

شرين::: اه والله فعلا اهو تشيل من عليا شويه ايدى وجعتنى من كتر نقل المحضرات وحازم زعلان منى اهملتو خالص

ندى مقلده شرين::: حازم زعلان منى اسكتى شويه خلاص نرجع الوضع كما هو عليه اخبار المسابقه ايه

حاله من التوتر انتابتهم قلق خوف من غضبها وبطشها فاهى هتلر فى غضبها

ندى ::: شكلكو بيقول فى مصيبه اخلصو

ميسون وهى تبتلع ريقها::: بصى بصراحه هو فى خبرين

ندى::: اممم واكيد واحد وحش والتانى حلو

شرين :::: للاسف الاثنين وحشين

ندى وهى تحاول التماسك والهدوء :::: صبرنى يا رب ماشى انطقو واخلصو

ميسون:::: بصى هما خبرين واقتراح يعنى

وهنا ظهر هتلر وخرجت ندى عن المألوفو وظهرت الشرسه ( البلطجيه من الاخر ) وفقد الاعصاب والسيطره

ندى بغضب وصراخ:::: اخلصى يا زفته منك ليها انطقوا

ميسون::: بصى هو احنا عملنا تجارب اداء وللاسف مافيش حد كسب

شرين ::: الخبر التانى قدمو معاد المسابقه وهى حاتكون اول الشهر الجاى من الاخر كمان 30 يوم من النهارده

ندى::: يانهار مالوش ملامح وانتو ساكتين كل ده متكلمتوش ليه هانعمل ايه دلوقتى

ميسون::: مافيش غير ادهم بصراحه يعنى من الاخر لازم هو الى يمثل الكليه فى كل المواصفات هو بس موضوع المعلومات العامه دى احنا عرفنا المجالات الى الاسئله منها وهنجهزو متقلقيش بس وافقى عليه

وقد وضعت فى خانه اليك تهرب منه نعم منذ الانهيار امامه واعترافها بالخوف منذ زياره لخالتها الحبيبه ومحاولات اتصاله بها وهى تهرب اصبحت هاربه منه ولكن ما باليد حيله اثناء تفكرها ظهر الدنجوان

ادهم بإبتسامه::: صباح الخير على احلى بنات فى الجامعه كلها حمد الله على السلام يا ندى

نظر لها بإبتسامه خفيفه فقد اشتاق لها نعم جديد هذا الاحساس على الدنجوان خاصتنا ياساده لقد اشتاق والمضحك اشتاق لغضبها منه نعم فقد اشتاق مشاكستها غضبها حتى ان تسبه بأفظع الشتائم اشتاق نشاطها حركتها امامه غرق فى تفصيلها وبحر عينيها مما اخجلها ولاول مره

ندى بخجل وحمره قانيه على سطح وجهها ::: الله يسلمك يا ادهم ميرسى

وكان الحال كالأتى هو يرمقها بإشتياق وهى تحترق خجلا والاصدقاء فى حاله من الصدمه والبلاهه فقد كانو مندهشين من صديقتهم الخجله

ميسون::: شرين انتى شايفه الى انا شيفاه

شرين ::: البت مكسوفه وبتحمر والتانى بيسبل انا مش مصدقه عنيا والله هتلر بتحمر والدنجوان بيسبل هو فى ايه جره للدنيا يا بشر حد يفهمنى

ميسون::: لا كده كتيير وحايجيلى جالطه والله

فاقت من خجلها واسترجعت " هتلر و الشاويش عطيه"

ندى ::: طيب احنا مضطرين اسفين ان احنا نلجألك

اذا كان هناك موسيقى تصويريه فسكتت ووقف الوقت دقائق تحت تحولها السريع من فتاه رقيقه تحمل من الخجل الكثير الى" الشاويش عطيه " او " الدبش هانم "

ادهم لنفسه ::: البت دى عبيطه ولا عبيطه ولا ايه حكايتها بس دى هاتجننى

ادهم لندى::: وحضرتك عايزه ايه منى

ندى::: انت المتسابق الى هيمثل الكليه بتاعتنا السنه دى

ادهم بخبث::: ومين قال كده انشاء الله بقى

ندى ببراءه متناهيه:::: انا

ادهم::: وانا المفروض هاوافق طالما حرضتك عايزه كده مش كده

وانتقلت من الشاويش الى الديكتاتور البرئ بمعنى " نحط السم فى العسل " رفرفه اهدابها ببرائه مع إيماءه رأسها بالموافقه وإبتسامه طفوليه
وهذا سلاح المرأه القويه والرجل وافق لمجرد الحديث ولكن نزعه الغرور جعلته يماطل قليلا

ادهم بخبث :::: ولو موافقتش

ندى ::: ايه ده هو انت ممكن متوافقش

ادهم::: طبعا انتى عايزه تدبسينى وخلاص

ندى::: ادهم بطل هزار انت اكيد موافق

ادهم::: مين قالك كده يعنى هو علشان حضرتك امرتى انا انفذ ولا إيه

ندى بغيظ::: والله وانا المفروض اتحايل عليك مش كده

ادهم بغرور ::: ده لو مش عند سمو الاميره مانع يعنى

ندى::: على جثتى ابقى قابلنى طظ فيك وفى المسابقه

وعاد الشويش مره اخرى وامام دهشه الصديقتان والدنجوان كان هتلر قد فاز ولكن بعد القليل من الاستفزاز

ميسون::: خلاص ادهم علشان خطرى انا ممكن توافق دى سمعه الكليه كلها بين ايدك

وبعد تفكير وتمحيص فى الامر وافق الدنجوان

ادهم::: علشان خطرك بس يا ميسون ايه بقى المطلوب منى

شرين::: حجات بسيطه يعنى سباق مارثون ونيشان وسباحه

ادهم بغرور ::: بس سهلين

ميسون::: ومعلومات عامه

ادهم ::: نعم يا اختى مش لاعب قال معلومات قال ههههههه

ندى:::: ماتسترجل يلا ماكنت الفتك المخلص من شويه ايه جيت عند معلومات عامه وقلت لا انا قولتلكو من الاول معندوش احساس بالمسؤليه وهانخسر بسببو احنا ننسحب بكرامتنا احسن

وقد لامست الوتر الحساس غضب ادهم وصل لمرحله لا رادع لها اقترب منها بغضب عارم اعيون حمراء انفاس كاللهب امسك بزراعها بقوه وغرس اظافره بها مما جعلها تإن من الوجع

ادهم::: هادخل يا ندى وهانكسب وتحدى لو كسبت ليا امر وهاتنفذيه

اشعل روح التحدى بها وهى سيده التحديات الشرسه

ندى بتحدى::: هنشوف يا ادهم

ابتدأ التحدى بين هتلر والدنجوان
~~~~~~~~~~~~~~~~~~~~~~~~~~~
صوت الزجاج اوقف حركتها نظرت نحوه بقوه وكان ظنها فى محله زجاج الشرفه مكسور وهو يعطيها ظهر تنفسه سريع جدا واضح اقتربت منه بتوتر مميت نظرت له وقفت امامه انه مصاب يديه مصابه فزعت من الدماء بقبضه يديه

فرح بفزع::: آسر ايه الى عملتو فى نفسك كده اهدى مافيش حاجه مستهله كل ده

نظر لها زعرها وخوفها عليه جعله يتأملها بريئه حد سقوطها فى المشاكل كان كالمغيب تحت يديها امسكت به واجلسته عند الاريكه ذهبت مسرعه للحمام الملحق بمكتبه واتت بحقيبه الاسعافات الاوليه قامت بتنظيف جرحه ببط على الرغم من تألمه ولكن النظر لها محى الالم على الرغم من غضبه القوى بسبب الافعى ولكنها محت كل ذالك واصبح من الواضح ان غضبه ليس بسبب افعى الماضى ولكن سببه هو غضبه عليها هيا نعم ياساده حزنها منه هو سبب غضبه انهت عملها وقامت

فرح ::: انا خلصت ونظفت الجرح هتحتاج بس تغير عليه بليل ولا حاجه عن اذنك

امسك بيدها نظره رجاء بعينيه للبقائها ولكن لا ستيطيع التحدث نظرت لرجائه بهدوء قاتل وجلست امامه
تحمحم ونطق بها
آسر ::: احمم انا ..... انا اسف

اصبح غير متوقع هذه الايام الامبراطور يعتذر نظرت له بصدمه صدمت من اسفه ولكنها مرءه ومن حقها الحزن

فرح::: مافيش حاجه تستاهل اسف حضرتك انا الى اتجاوزت حدودى فعلا انا الى اسفه واوعد حضرتك ان دى اخر مره اتجاوز حدود

وهربت بدموعها من امامه وقد تملك منه احساس بالذنب كبير ضاق نفسه وغضب من حاله ولكنه تأمل مكانها الذى تركته امامه عندما كانت تضدمد جراحه نظرات خوفها لهفتها عليه ضاق به المكان وخرج تارك الشركه بما فيها لا يعلم اين يذهب
~~~~~~~~~~~~~~~~~~~~~~~~~~~
نهايه الاسبوع يوم الراحه للجميع بعد تعب الفتيات بالجامعه و عدم خروج ليلى من المنزل او بالاصح من غرفتها قررو يوم للمرح فقط فقررو للخروج يوم بإحدى النوادى الشهيره بالاسكندريه

شرين بمرح :::: واخيرا الواحد يرتاح شويه بقى مافيش محاضرات مافيش تدريب مع ادهم علشان المسابقه راحه بجد

ندى::: محرمتكيش من حاجه اهو علشان لما نذاكر بجد متقوليش زهقت احنا اخر سنه وانتى عايزه تبقى معيده خلص الكلام

شرين بتأفف::: ياربى عليكى انا مش هاادايق نفسى خالص انا ها اتبسط وبس

حازم::: لازم طبعا تتبسطى يا حببتى

شرين بحب::: زوما انت رجعت امتى مش قولت مسافر شغل

حازم برومانسيه خالصه:::: مش مهم شغل المهم انى اكون مع حبيبتى اليوم ده بتاعك انتى وبس شغل ايه المهم انى معاكى وبس

ندى بسهريه::: ايه اهدو شويه بطلو محن بجد انتو اوفر يعنى هو فى كده انا قايمه هتمشى شويه جاتكو الارف فى حبكو ما هو طبعا انا السبب غلطانه انا والله

ضحك العاشقان على هتلر الغاضب

شرين بضحك:::: شوفت نيدو هى اصلا متعرفش يعنى ايه حب بكره تحب وتعرف

حازم::: طب وايه الحب من وجه نظر الفيلسوفه العظيمه شيرى هانم

شرين بمرح::: احم ايه الاحراج ده ليه كده يا زوما ما احنا كويسين

حازم:::: لا بجد عايزه اعرف ايه هو الحب من وجهه نظرك

وبحالميه برقه فتاه عاشقه ولاول مره تتجرء وتمسك بيده بإحساسها الرقيق صوبت غابات الزيتون فى جمال عينيه

شرين بصوت هامس رقيق ونظرات عاشقه::: الحب يعنى انت يعنى احس بأمان وانا معاك احس من نظراتك ليا انى البنت الوحيده فى الكون كله مش بس قدامك انى احس ان قلبى هيطير من مكانو من مجرد نظره منك ليا خوفك عليا غيرتك عليا كلامك كل حاجه انت هو الحب بالنسبه ليا مفيش حد دخل قلبى ولاحد هيدخل غيرك انت وبس

ولان الصمت ابلغ من الكلام صمت احس بزياده فى ضربات قلبه لاول مره يسكت الذكر عند حديث انثاه احس انه ملك الكون بما فيه عاشق هو حد الثماله احتضنها بقوه بادلته وتمسكت به طفلته حبيبته الوحيده ابتعد عنها بيطئ ونظر لعيونها بحب

حازم بصوت رجولى هادئ::: بحبك لأ انا مش بحبك ... انا بعشقك بموت فيكى انتي احلى بنت شافتها عنيا و اوعدك انك تفضلي في قلبي لحتى أخر نفس في عمري انت وبس الي اتمنيتها و بتمنى انها تبقى لجنبي لحد ما ندخل مع بعض من باب الجنة

ما اجمل ان تعشق احساس رائع ان تحلق فى السماء بعشق خالص امانى ووعود كثيره
~~~~~~~~~~~~~~~~~~~~~~~~~~~
احساس بالذنب وهروب نعم هرب الامبراطور منذ خروجه من شركته اخر مره لم يذهب مره اخرى هرب من مواجهتها

فلاش باك

خرج ولا يعلم وجهته .....غاضب هو ولا يعلم السبب او يعلم ولكن يحاول الهروب من السبب بعد ان طاف البلد شرقها وغربها توقف عند احدى الشواطئ الفارغه البرد السقيع فى هذا الوقت من العام من اشهر الشتاء جلس على الرمال امامه البحر بأمواجه المضطربه قليلا يلفحه دفئ هواء البحر رائحته و برد سقيع الشتاء خليط غريب ولكنه مريح نوعا ما يحاول خروج من تفكيره ضائع بين ماضى وحاضر نعم احب بالماضى وتم خيانته وبقى بجرح لم يجد له دواء حتى قابلها هى الدواء اهذا اعتراف نعم ياساده هى دوائه ولكنه يحارب هذا الدواء خوفا من إعاده جرح الماضى

تنهد بقوه فهو ضائع بمعنى الكلمه حتى جاء شخص وجلس بجانبه ابتسم له وكأنه يعرف ما يدور بخلده

حمزه بإبتسامه:::: شايل هم الدنيا ليه

آسر بدهشه::: افندم هو انت تعرفنى

حمزه بإبتسامه::: الحقيقه لأ بس شكلك هو الى جابنى ليك متستغربش الى يعيش ياما يشوف

ابتسم على مزحته فهو ذو وجه بشوش جدا

آسر :::: وايه بقى الى جذبك فى شكلى يا .....

حمزه بإبتسامه::: حمزه محمد صلاح مهندس معمارى و شريك فى شريكات محمد صلاح جروب
صافحه آسر بمواده

آسر :::: آسر الانصار صاحب شركات الانصارى جروب سابقا ومدير فرع شركه H.M.R قولى بقا ايه الى جذبك فى شكلى

حمزه::: حيرتك الى اكيد سببها واحده ست هههههههه متسغربش كده الستات اصلا مستحيل حد يفهمهم اكبر لغز فى حياتك ومع ذالك اجمل لغز من غيرهم مافيش طعم لاى حاجه

آسر :::: بس غدرين وخاينين

حمزه::: لكل قاعده شواذ واحنا كمان فينا الغدار والخاين وفينا الى بيحب بجنون

تنهد آسر فاحمزه محق ومعه كل الحق ولكن حيرته لم تحل بعد

حمزه::: شكلك بتحب جديد بعد خيانه قديمه مش كده

آسر :::: عرفت ازاى

حمزه :::: اصل شكلك بيفكرنى بحد كده زيك بالظبط وانت اكيد بتهرب من الى بتحبها مش كده و متلغبط ومش بعيد تكون بتعاقب نفسك لانك سمحت لنفسك انك تحب تانى مش كده

آسر ::: مش عارف اذا كان حب اصلا ولا لأ مش فاهم حاجه ظهرت فجأه و........دخلت قلبى وعقلى فجأه

قال جملته بيأس بتنهيده طويله تشرح حيرته يأسه

حمزه::: اديك قولتها دخلت قلبك الحب مالوش وقت او معاد الحب بيخطفك فى ثانيه تلاقى نفسك حبيت
على طول الحب متعب مش هانكر بس جميل اوى صدقنى متقاومش الحب امشى معاه كمل فى طريقه بس بعقل متسلمش كل حاجه لقلبك

آسر بألم واضح::: امشى معاه ما مشيت معاه بس خسرت...... خسرت ابنى

حمزه::: علشان مشيت بقلبك بس حبك فى الاول عماك عن الحجات الوحشه الى فى الشخص الى قدامك لكن انت بس بتشغل عقلك دلوقتى صدقنى الحب حلو مش وحش بس مشكلته ان زى مابتحكم قلبك لازم يكون عقلك صاحى علشان تختار صح

آسر :::: خايف اكرر جرح بس المره دى هايكون اقوى من الى فات

حمزه:::: عارفه ليه الجرح ده هيبقى اقوى علشان ده الحب الحقيقى الى فى حياتك ده الاختيار الصح وانت عارف كده بس بتكابر متديش فرصه للخوف انو يعميك عن حقيقه مشاعرك علشان متخسرش وصدقنى هاتندم اوى لو خسرت

اقتربت منهم طفله بعمر العامين بملامح رقيقه طفوليه بريئه

حمزه ::: فيرو كده تسيبى ايد مامى

فريده بطفوليه :::: ميو وحسه تل سويه قول حمزه بيبى لأ همزه بيب ديده بس

ابتسم على ابنته فهى تحمل من والدتها كثيرا حتى غيرتها المتناهيه فالصغيره تغير من والدتها كثيرا
وها هى ماليكه قلبه تقترب بإبتسامه عشق خالصه وتكور بسيط يدل على شهر حملها الرابع

مروه::: شوف بنتك انا تعبت منها بجد على طول همزه بيبى ميو وحسه واول ما سبتنا عياط بقا علشان سبتها ومشيت اتصرف يا حمزه

ابتسم على حبيبته طفلته الاولى وزوجته الحبيبه

حمزه بمرح::: الجواز والحب وسنينو بص يا آسر نصيحه متعترفش واهرب من البلد انا هاتجنن بجد

ابتسم على العائله السعيده فنظرات حمزه لزوجته واضحه ونظارتها هى ايضا وكأنهم وحدهم بعالمهم الخالص

حمزه::: اعرفك على حرمنا المصون الدكتوره مروه يحيى هنداوى والابنه الثالثه فريده هانم اعرفك يا ستى الاستاذ آسر الانصارى

مروه بإبتسامه::: اهلا بحضرتك هو انت صاحب شركات الانصارى جروب

آسر ::: سابقا ايوه انا

مروه::: اسفه جدا على الى حصل دى ضربه جامده اوى بس اكيد بفعل فاعل

نظر لها بدهشه كبيره فى تعرفه جيدا وايضا تعرف عن عمله

حمزه بإبتسامه::: ياريت مافيش اندهاش علشان مروه دكتوره علم نفس محصلتش بالاضافه الى شغالها فى الشركه معانا وطبعا انت عارف اخبار السوق مش بتستخبى انا بس الى مختفى علشان بتابع شغل المنتجع الجديد هنا فى اسكندريا

مروه::: شكلك جاى ترمى حيرتك للبحر مش كده

آسر بمرح :::: لأ انا مش هاندهش خلاص كده بقا واضح انكو عندكو خبره فى الموضوع ده

حمزه بمرح وهو يضم زوجته ::: طبعا وخصوصا فى موضوع الخوف مش كده يا مروتى

مروه :::: خوف!!! امممم شوف هى ناصيحه واحده مش هاقول غيرها ماتخليش الخوف يخسرك حد انت بتحبو بجد الخوف فى الحب وحش اوى وخصوصا بعد ما لقيت الحب الى بجد الصح الى مستنيه بقالك كتير

آسر :::: بس انا مش متأكد ان ده حب اصلا

مروه:::: الايام هاتخليك تتأكد بس على شرط تعترف ان فى حاجه بتتولد فى قلبك بجد متقاومش الاحساس ده

آسر بإمتنان ::: انا مش عارف بجد اشكركو ازاى انتو زى مايكون ربنا بعتكو علشان تحلولى مشكلتى

حمزه::: يمكن علشان خدنا وقت كبير اوى علشان نكون مع بعض وملقناش الى يفهمنا دنيا الحب عامله ازاى

مروه::: طيب انا مضطره ارجع علشان الولاد

آسر بإمتنان::: انا اصلا ماشى شكرا مره تانيه يا حمزه

حمزه::: متشكرنيش ابدا وبعدين احنا بقينا صحاب خلاص

ابتسم الاخر وصافح صديقه الجديد الذى دله على الطريق الصحيح وهنا سايظهر امبراطور جديد ولكن فى الحب 

اقترب من زوجته وحمل طفلته التى بمجرد ان رفعها على زراعه نامت بسرعه

مروه:::: نامت فريده شوف حل فى بنتك انا تعبت منها بجد مش بتنام الى معاك يا حمزه

حمزه بمشاكسه::: غيرانه من بنتك يا مجنونه

مروه بحب :::: ومن الهواء كمان انت بتاعى انا وبس

ابتسم لها بحب وقال بمكر وقح::: طيب فريده نامت والعيال مع اوس وفيروز ما تيجى نناقش مشروع كده على السريع

شهقت بخجل على الرغم من سنوات زواجهم الاربعه فهى تزال تخجل منه

مروه::: بطل قله ادب الله وبعدين انا ريحه البحر عجبانى اوى ومستريحه هنا

حمزه بغمزه وقحه ::: خلاص يا ستى ثانيه وحده يكون ياخت بين ايدك ونعيد امجاد شهر العسل عادى يعنى وبعدين انا وحشنى اليخت اوى فين ايامك يا شرم الشيخ

خجلت كثيرا من وقاحه كلامه ::: حمزه بطل بقا وبعدين كفايه بقا وبعدين ابنك شغال خبط فى بطنى لحد ما تعبت ماتش الكوره الى جوه مش هايخلص

ضحك على مرح زوجته فها هى تحمل الابن الرابع من فريق كره القدم الخاص بهم كما تواعدو وظلت العائله السعيده فى طريقها للعوده فهم قصه عشق لا نهايه لها

نهايه الفلاش باك
~~~~~~~~~~~~~~~~~~~~~~~~~~~
ها هو يقف امامها لايفصلها عنه سوى بضع سنتيمترات فاهى غافله مع ابنتها تلعب وتضحك اشتاق لضحكاتها على الرغم من حديثه الدائم مع الابنه ومعرفه اخبارها بطريقه غير مباشره من الصغيره ولكن اشتاق وجودها امامه

رودينا بفرحه::: آسر انت جيت فكرتك مش هاتيجى كنت هازعل اوى بصراحه لو ماكنتش جيت

نظر للطفل وابتسم ثم نظر لوالدتها التى تفجأت من وجوده نظر لها وابتسم ابتسامه رقيقه

آسر ::: مقدرش اتأخر على رودى حبيبتى ابدا جبتلك الشيكولاته الى بتحبيها

اقترب منها توترت بشده وارتفعت وتيره انفاسها بشكل ملحوظ

آسر ::: زيك يافرح عامله ايه

حاولت الجمود لاتعلم سبب دقات قلبها الزياده

فرح بجمود::: الحمد لله ازيك يا مستر

آسر بأسف ::: لسه زعلانه طبعا

نظرت له بشئ من الغضب والعتاب

فرح ::: خالص وازعل ليه يعنى اصلا انا الى اتجاوزت الحدود ده غلطى انا

آسر ::: فرح انا اسف بجد انا وقتها مكنتش عارف انا بتصرف ازاى واقول ايه انا كنت غضبان لدرجه محدش يتصوره وجات فيكى انا اسف

فرح بحده::: طبعا انا الى دلوقتى جيت فى وقت مش مناسب خلاص يا مستر انا قولت لحضرتك ان دى غلطتى انا

آسر بحده مماثله::: هو انتى مش حاسه انى اعتذرتلك اكتر من مره واصلا انا مش بعتذر لحد

فرح بحده::: العفو تعتذر على ايه بس ايوه انا الى اسفه بجد انى جرحت غرور حضرتك وانك تتأسفلى مرتين على العلم انك اصلا زعقتلى

آسر :::: خلاص يافرح بقى انا اسف يا ستى حقك عليا اعمل ايه يعنى اكتر من كده بقولك خدى انا كمت جايب دول اصلحك بيهم

نظرت له وصعقت باقه ورد حمراء من الورد الجورى المفضل لها وشيكولاته المفضله لها لا تستطيع اخفاء صدمتها و خجلها من نظراته يربكها يجعلها كالفتاه المراهقه تحمر خجلا

آسر بإبتسامه رقيقه ::: اسف مش حاعمل كده تانى وححاول اسيطر على غضبى شويه خلاص كده سماح المره دى

تبتسمت له بخجل واحمرار قانى على وجنتيها

فرح::: على شرط تحكيلى كل حاجه احنا اتفقنا نكون صحاب والصحاب مش بيخبو حاجه عن بعض

ابتسم لها :::: وانا موافق يالا بقى نشوف ليلى وحشتنى

واثناء ذهابهم لمكان الام العظيمه اوقفهم الشخص الغير متوقع فى الوقت الغير متوقع لقلب الاحداث رأس على عقب

الشخص :::: مش معقول فرح الصياد
~~~~~~~~~~~~~~~~~~~~~~~~~~~
وفى القاهر الجانب المختفى لا يعلم عنهم احد فالاشخاص الخبيثه تظهر فى الاوقات الغير مناسبه بالمره حتى تكون ضربتهم الضربه القاضيه

وفى احدى المنازل بالقاهره فى احدى الاحياء الراقيه
يقضى لؤى ليله من احدى لياليه المحرمه المليئه بالمحرمات

انتهى منها بشهوه خالصه وابتسم إبتسامه ذئب انهى عشائه الان قام وارتدى بنطاله امسك بعلبه سجائره سحب احدى سيجاراته وقام بإشعالها اما هى بكل بردو اعتدلت فى جلستها وهى تسحب عليها الغطاء لأخفاء جسدها ثم اعطاها السجاره

سوزى:::: مالك النهارده شكلك مش تمام

لؤى::: عادى ياعنى ضغط الشغل بس

سوزى ::: طيب يا اخويا المهم البضاعه جاهزه الباشا باعت وبيقول التسليم بعد يومين

لؤى::: حلو اوى حنقسم الشحنه على دفعتين جزء على شركتنا والتانى على شركه الانصارى

سوزى::: اللعب على كبير المره دى

لؤى ::: يابنتى انتى مش مع اى حد انتى مع لؤى الصياد مش اى حد

سوزى::: المهم متنساش عمولتى بس

لؤى ::: عنينا ليكى يا مزه المزز انتى

سوزى::: طالما كده مانتجوز بقى

لؤى ::: ليه بس السيره دى يا سوزى ما انتى عارفه الى فيها وبعدين احنا متجوزين اصلا

سوزى::: عرفى يا عنيا لا انا عايزه من التانى ابو مأذون وشهود ده

لؤى ::: بقولك ايه متقلبيهاش نكد احسنلك انتى عارفه الى فيها

سوزى::: بنت عمك بردو اموت واعرف ايه الى عجبك فيها

لؤى::: بحبها ياسوزى بحبها ومستعد اعمل اى حاجه علشان خاطرها ندى مش بس بنت عمى لأ دى الى دخلت قلبى ومش هاتطلع منو غير بالدم

سوزى بألم ::: انت طماع عايز كل حاجه ليك هى مش بتجبك وانت عارف كده سبها فى حالها

لؤى بغضب:::: ندى بتاعتى وبس ومستحيل تكون لحد غيرى انا وبس

سوزى:::: لؤى انا بحبك نفسى تحبنى نص حبك ليها انا عملت كل حاجه علشانك ليه مش حاسس بيا

لؤى ::: مين قال مش حاسس بيكى ما انا متجوزك اهو

سوزى::: فى السر نفسى نتجوز واخلف منك حته عيل واطبخلك بإيدى اوعدك ابقى خدامه تحت رجلك طول حياتى

لؤى بتأفف::: مش هانخلص بقا من ام الموضوع ده بقولك ايه انا سيبك وماشى خالص مش ناقصه نكد هى وزن

لملم شتات نفسه وخرج تركها هى الخاسره نعم هربت الدموع من حصونها عاشقه تحت مسمى عاهره قدمت قلبها بعهر على حساب عذريتها ومستقبلها الذى خسرته تحت مسمى عشق

سوزى :::: بكره تندم يا لؤى بكره تندم

يتبع

التاسع من هنا

تعديل المقال