رواية قصة امي الفصل الثامن 8 بقلم جمانه السعيدي
اسيل...رجعنا للبيت وابوي انسجن أسبوع بتهمة بلاغ كاذب وتضليل العداله
رجعنا للبيت بعد يوم متعب بس اهم شي امي طلعت برائه حصلت وظيفه
كل هاي الحرب من ابوي بس حتى يحكمها ويرجعها ذليله
البيته تخدمه وتتمنى رضا مثل قبل وهو ماراضي عنها
ابوي يعتبر خسارة امي اكبر خساره أتعرض الها بحياته
بس بعد شيفبد الندم
الراح ما يتعوض ابد امي من طلعت من سلطة ابوي
لكت ناس تحبها وتحترمها وتقدرها
مستحيل ترجع الحياة الذل مره ثانيه
بليل مريم سمعت ابوي مشتكي على امي واجت تتطمن علينا
مريم...شبي ابوي تخبل
اسيل ..اي تخبل لان خسر امي اتخبل مايعرف شلون يتصرف
مريم....لا اضوجين ماما كل الناس تعرف انتي شنو
حتى عمي بقى يحجي علي
يكول هذا التصرف مامقبول منه ابد
امي...تعودت على تصرفاته مااستغرب من اي شي يسوي
اني مااخاف منه لان مامئذيته
امي...اسيل محتاجه ملابس للدوام
اسيل...اي من عيني باجر نروح نشتري ملابس مو تدالين
امي...باجر شلبس بلدوام اول يوم لازم اكون مرتبه
اول يوم اهم يوم
اسيل...اني راح انطيج ملابس تعاي اختاري اي شي يعجبج
دخلنا وامي اختارت تنوره طويله رمادي وقميص
وردي فاتح حذاء اسود عالي وجنطه وشال رمادي
طلعت تخبل عبالك طالبه جامعيه
شكلها كلش حلووو الي يشوفها يتوقع طالبه
اسيل....امي تخبلين
امي...بعيونج اخبل لان انتي بنتي
اسيل...لا ولله طالعه تحفة تعاي انظف وجهج واخليلج ماسك مرطب
امي.... يله من زمان ما نظفت وجهي
اسيل...تعاي اذا مااخلي باجر العرسان تركض وراج
مااسمي اسيل
امي... اني بعد ازوج شمالني تخبلت اله تخبلت
لا يلدغ مؤمن من جحر مرتين
ابوج كرهني بلزواج كله
ثاني يوم امي كعدت الصبح كلها نشاط واني كعدت على واهسها اريد اشجعها حتى تروح للدوام وهي
مرتاحه
دخلت تسبح واني حضرت الريوك
طلعت بدلت وخلت مكياج خفيف شكد لايك عليها
الساعه سبعه كعد عمي
اسيل...صباح الخير اليوم من وكت
عمي...عندي شغله اريد اخلصها
اسيل...احضر الكهوه
عمي...لا اني احضرها مااريد اتعبج
اسيل...عمي وأكف على الطباخ يحضر الكهوه
وامي دخلت للمطلخ مبدله ماتعرف هو موجود بلمطبخ
الان هو يكعد بلتسعه مرات ثمانيه ونص
مرات بلعشره حسب شغله اذا ماعنده قضايا مايكعد يتاخر
دخلت امي وكالت هااا شنو رائيج
اتفاجئت عمي واكف كبالها ويباوع عليها
انحرجت هو ابتسم
عمي...صباح الخير شنو هلنشاط
امي...صباح الخير ما توقعت تكون كاعد هيج وكت
عمي.. عندي شغله انتظري بس اشرب الكهوه وواصلج بطريقي
امي...لاوماكو داعي اني اروح وحدي
عمي...اني اصلا طالع اوصلج بطريقي
اسيل...اخذ عمي كوب الكهوه وطلع بلحديقه
امي....شنو هلاحراج اني اروح وحدي
اسيل... امي ترا عادي هو طالع ياخذج بطريقه مو مشكله
احسن ما تتعذبين بلمواصلات
جمانه السعيدي
كعدنا نتريك اني وامي كملنا رحت جبت ١٠٠الف خليتهن بجنطتها مصرف الها
دخل عمي غير ملابسه واجا للمطبخ
عمي...يله كملتي
امي...اي كملت
عمي...بس اطلع السياره
صعدت امي وياا عمي وطلعووو
اسيل...اني واكفه وعيني عليهم ااجا ابالي شكد لا يكين واحد للثاني ليش عمي مايزوجها
امي تستاهل واحد مثل عمي حنيين وطيب مثقف
محترم يقدرها ويحميها
اسيل...يارب اجعلها من نصيب عمي حتى ارتاح
واطمن عليها
اسيل...عمي جاي يحس بأنجذاب اتجاه امي بس مجاي يكدر يقرب عليها يريد الضروف تقربهم واحد من الثاني
جاي يهتم بيها بس بدون مايفرض نفسه عليها
يريدها تحس بلامان ويااا لامان الي بعمرها ماحسيت بي وياا ابوي ابوي كان كل الوقت يعيرها ماعدها بيت
ماعدها مكان
اول شي امي لازم تحس بلامان وياا عمي حتى تكدر تحبه
وهو جاي يشتغل على هاي النقطه
اول ما وصلو للمدرسه
امي...شكرا جزيلا اتمنالك يوم سعيد
عمي...كل التوفيق اذا صار وياج شي او احتاجيتي شي
بس اتصلي عليه
امي.....انشاء الله كلشي مراح يصير اني اتفائل بيك
عمي... انشاء الله خير
اسيل.....الي عرفته بعدين من كلام منذر عمي ماكان عنده اي شغل
بس حب يوصل امي ويدعمها معنويا بااول يوم دوام الها
حتى توصل للدوام هي مرتاحه
وتكمل يومها بااحسن حال
اسيل...كعد منذر الساعه تسعه
منذر...وين ابوي ماكو
اسيل...طلع يكول عندي شغل
منذر...اي شغل بلنسبه للمحكمه الدوام يبدي الساعه ثمانيه ونص وهو اقل شي دوامه يبدي الساعه تسعه
وبالنسبه الشغلنا ماعدنا شغل مهم يستوجب يطلع من الصبح
اسيل...كلت بكلبي هيج دعائي مستجاب مبين عمي
عنده مشاعر حب جديده
يارب رسخ هاي المشاعر وقويه امي تستاهل واحد مثل عمي وهو يستاهل وحده مثلها
منذر...وين صفنتي
اسيل...لا بس اجا ابالي سؤال ليش عمي مازوج بعد وفاة عمتي
منذر...ابوي ما تعجبه اي وحده ذوقه صعب بلاختيار
اسيل...تعتقد اذا بهذا عمره حصل وحده مناسبه يزوج
منذر...مااعرف انتي اليوم تحجين بس بابوي شكووو
اسيل...احبه تعرف شنو احبه انسان محترم
يعرف قيمة نفسه شخصيه راقيه
منذر...اي وبعد اكو شي ولله انتي مو خاليه
اسيل... ههه ماكو شي بس اريد ازوج عمي
منذر...لا تحاولين ابوي ماتعجبه اي وحده
اسيل...ايجوز اني لكيت الشخصيه الي تعجبه
منذر... الله ويدج ابوي محتاج وحده بحياته من حقه يستقل
اسيل....انشاء الله راح يستقل قريبا
اسيل....بيومها عمي مارجع للبيت من وصل امي طلع كعد بكافي اتريك وشرب جاي منا لمن قرب وقت الدوام
طلع للمحكمه
يشتغل وعينه على الساعه منا لمن قربت نهاية دوام امي
يريد يرجعها للبيت
بقت عنده قضية وحده ااجلها لليوم الثاني
وراح ينتظر امي باب المدرسه
امي من طلعت شافته واكف برا السياره ااشرلها
امي....استاذ ليش واكف هنا
عمي...كولي مختار ليش استاذ بعدين خلصت من وكت
اليوم ماعندي قضايا هواي
جان طريقي منا اجيت اوصاج بطريقي
امي... ليش اتعب نفسك علمودي اخذ الخط وارجع
عمي.. بعد اني اجيت اصعدي حتى نرجع للبيت
اسيل....امي مو غبيه عرفت هاي الحركات مو خاليه
يوصلها ويرجع ياخذها من باب المدرسه
عمي...اي شلون جان يوم الاول
امي.... اليوم احلى يوم بحياتي من انولدت لليوم
بعمري ماكنت سعيده هلكد
عمي...الله يديم السعاده شلون الطلاب خوما متعبين
امي...لا ابد مو متعبين
بلعكس حسيت بحيويه ونشاط وياهم
عمي...زين اني كلت اذا ما عجبج المكان نشوف مكان ثاني
امي... لا ماريد مكان ثاني اليوم اني ارتاحيت وحسيت اكو انسجام وياا المعلمات
جمانه السعيدي
اسيل.. من شفت عمي وامي دخلو للبيت اتأكد احساسي
اي ولله مبين اكو شي
هلووو عمووو هله بلمعلمه الحلوه
امي...هله حبيبتي اشتاقيت الادم
اسيل...واني ما شتاقيتيلي
امي.. اكيد اشتاقيتلج انتي الاصل
اسيل...تعبتي
امي.. كل تعب ماكووووو
كعدنا نتغده واني خبلت امي بلاسئله عن المدرسه
اني فرحانه اكثر منها
فرحانه لان امي اخيرا لكت نفسها
بليل طلعنا اني وامي أخذنا منذر بسيارته حتى نشتري ملابس الامي للدوام
جبنا ملابس وجنط وشغلات واحذيه
امي اختارت عطر رجالي غالي
اسيل... المن هذا العطر
امي. العمج هواي ساعدني ومحتاره شجيبله هديه
اسيل... اي هذا العطر حلو وراقي
امي. بس كون يعجبه
من دخلنا عمي كان كاعد يقرا عنده قضيه وجاي يراجعها
امي. ابو منذر ممكن تقبل مني هاي الهديه
رفع راسه وصعد النظاره على شعره
ابتسم اخذ العطر منها شكرا
امي...ولله انت تستاهل اكثر بس اني مااعرف ذوقك
جان جبتلك شغله احلى واغلى
بس استلم اول راتب راح اجيبلك احلى هديه
عمي....هاي احلى هديه شكرا
اسيل...فتح العطر وخله منه
عمي...الله شنو هذا الذوق الحلووو عاش الذوق وصاحبته
ثاني يوم امي طلعت مبدله لابسه سوت كامل بنطرون قماش بنفسجي داكن وقميص نفس اللون
شال كريمي وجنكه وحذاء نفس اللون كريمي
طلعت من وكت تخاف ما تحصل الخط وما تريد تتاخر على الدوام
طلعت برا تريد تطلع للدوام
عمي كان كاعد بلحديقه يشرب كهوه
عمي...صباح الخير
امي...صباح الخير
عمي...انتظري اوصلج
امي....لا اني اريد اروح وحدي اريد اتعود على الخط
مااريد اتعبك كمل كهوتك
عمي...لا اني اوصلج شلون اصعدين الخط
دقيقه بس ابدل واجي اوصلج
دخل عمي يغير ملابسه
اسيل... اي انتظري يوصلج وغمزتلها
امي...شنو قصدج
اسيل... سويت قلب بايدي
امي....يااا اسيل شنو هذا الحجي
قربت عليها وحجيت بهمس
اسيل....ترا العاقل تكفيه الاشاره مبين اكو حب بلموضوع
امي...اني طالعه ومراح انتظره اذا انتي بنتي تكولين هيج
الناس الغريبه شتكول
طلعت امي ما قبلت تنتظره
هو كمل لبس واجا كال وين سعاد
اول مره اسمعه يكول اسمها شكد حلو طالع من حلكه
اسيل...تكول اتاخرت وطلعت
راسا شغل السياره وطلع وراها
اسيل....اي دنتظري عيني سعاد مو الرجال طار كلبه وراج
يارب طالبتك تحققي هاي الامنيه
امي وعمي يزوجون
اسيل فتحت الباب وبقيت عيني واراهم
وصل بلسياره قبل لا تصعد بلخط
ومااعرف شنو حجا وياها بعدين سحبها من ايدها
من يم الذراع وفتح باب السياره وصعدت ويااا
اسيل....اي السناره غمزت يالله
من خلص الدوام رجعت وحدها لان عمي كان عنده قضايا هواي ماكدر يرجعها من الدوام
اسيل...اليوم وحدج
امي. شنو قصدك وحدي
اسيل.. عمي ماكووو
امي. واني شنو بعمج
اسيل... مو الرحال طاير كلبه عليج
امي...اسيل اذا حجيتي بهذا الموضوع مره ثانيه ازعل وياج
اسيل.... .قابل اني شكلت
تعرفين انتي ويا شكد لا يكين على بعض
امي.. اسيل...ولج عيب لا يسمع زوجج شيكول
خالات عينهن على ابوي
اسيل....اصلا هو كال ما تشوفين عروسه حلوه الابوي
على ذوقج الصراحه انتي ذوقي (كمت اغامز )
امي... لا انتي تخبلتي اذا ما تسكتين اعوف البيت واطلع
اسيل...اي ادللي عيني سعاد اددلي القاضي مختار بنفسه
يحبج بعد شتريدين
امي...انتي شمدريج يحبني
اسيل....زين الصبح من طار وراج ولزمج من ايدج حتى تصعدين ويا بلسياره شكالج وصعدتي بلسياره
امي....يااا انتي تراقبينا
اسيل.. كولي الله عليج الفضول كتلني
امي....شكال يعني كال تعاي اصعدي اوصلج
اسيل.. بس هيج ام السعد عيني
امي...اروح ابدل انتي اليوم ماناويه اتسدين حلكح
جمانه السعيدي
اسيل...امي اصلا حاسه باهتمامه بس ماتريد تبين هذا الشي
من يوم امي جابتله العطر وهو ما يخلي غيره
بلبيت بطلعه ما يخلي غير هذا العطر
هاي ثاني علامات الحب
خلص هذا الاسبوع اول اسبوع اداوم بي امي
طايره من الفرح مامصدكه حصلت هيج وضيفه حلوه
اما بلنسبه العمي
مصصم كل يوم يوصلها للدوام بس بلرجعه مرات
يروح يجيبها من الدوام ومرات لا
دائما يكعدون بلحديقه يحجون سوه اني مااعرف على شنو يحجون بس متأكده اكو تفاهم بينهم ١٠٠/١٠٠
اكو انسجام بلحديث بينهم مو طبيعي
رجعو بيت حماي من السفر وتواصلوا ويا عمي
حتى يرجع للبيت
بس هو عبالك مايعرف رجعو يمكن عاجبته الكعده بيتنا
بيوم رجعت امي من الدوام مثل كل يوم
سئلتها شكو ماكووو
امي...اليوم وحده ويانا خطبتني الاخوها اعزب مامزوج
اسيل....صدك تحجين
امي....تكول انتي مبينه زغيره وعجبتيني
كتلها اني موزغيره بناتي مزوجات ومخلفات
تكول لا تجذبين مبينه زغيره ايجوز عمرج ٣٠ لو ٣٢
اسيل....اي ماما انتي مبينه زغيره وبعدين
امي...اخوها ضابط عمره ٣٢ سنه مامزوج عنده بيت وحده
بقت تحلف بيه تكول صدك انتي عمرج ٤٣ سنه
تبينين زغيره
اسيل....اي عيوني سعاد الخطابه واكفين سرا
امي...اي خطابه اني ويني وين الزواج
اسيل...ولله تخبلين ما ناقصج شي
امي....هسه شنو ارجع ازوج
اسيل...اصلا العريس موجود ومنتظر اشاره
امي....لا ماما عيب هذا الحجي عمج طبعه هيح متفهم
متعاون لا تربطين هذا الشي بلزواج
اسيل....مستعده اقسم قسم يحبج اصلا مبين علي
ليش مارجع بيت مهند
مو رجعو البيتهم
اكيد اكو شي مهم مخلي باقي عدنا
امي ..ايجوز مرتاح هنا
اسيل...اي ليش مرتاح هنا اكو سبب
امي...انتي تشتغلين محقق لو خطبه هاي الايام
اسيل...ثنيبنهن
