رواية قصة امي الفصل التاسع 9 والاخير بقلم جمانه السعيدي
اسيل....بعد ما طلع ابوي من السجن
وصله خبر امي تعينت اداوم بمدرسه ابتدائيه مختلطه
هنا اتأكد امي ضاعت منه
وبعد مستحيل ترجع المشكله مجاي يفهم امي بعد متريده
بعد تجربة زواجه الفاشله عرف امي عمله نادره
حتلو طلك الهام وتزوج وحده غيرها مراح يحصل وحده مثل امي وحده بأخلاق امي وصبرها ماكووو
قرر يحاول اخير محاوله عسى ولعل تقبل ترجعله
دز عليه وعلى مريم بحجة مريض ويريد يشوفنا
اتصلت عليه مريم
مريم...اسيل ابوي داز وصيه ويا عمي يكول مريض ويريد يشوفنا اني وياج
اسيل...شبي مريض خاف يجذب
مريم...مااعرف بس مأاكد على عمي لازم نروح نسوفه
نص ساعه يشوفنا
ويوصينا كم وصيه خاف يريد يموت
اسيل...مجاي اصدك اكو شي
مريم...انروح اني وياج واذا ماعجبنا الوضع نعوفه ونطلع
اسيل...ابوي واعرفه اذا ماطلعت الشغله تخص امي ماافتهم
مريم...مااعتقد بعد مادخل السجن وشاف عمو مختار شلون واكف ويااكم مراح يقرب على امي
اسيل...لا انتي ماتعرفين ابوي زين علي العموم نروح ونشوف شيريد
مريم...باجر العصر نروح اني اعوف بنتي يم عمتي
اسيل...اني اعوف ادم يم امي
اسيل...ثاني يوم عفت ادم يم امي وطلعت
وصلنا لكينا الباب مفتوح
اسيل...بابا بابا
ابوي...تعالن ادخلن
دخلنا لكينا متمدد بغرفته ومتغطي
مريم...سلامتك الف سلامه
ابوي...الله يسلمج
ابوي...بابا اسيل اعرف انتي زعلانة عليه بس اني انضحك عليه الهام كالت دخلن باكت الذهب والفلوس
اسيل....ووينها شو ماكووو
ابوي...بيت اهلها
اسيل...ممكن افتهم شتريد لان ابني بقا يم امي بلبيت
مريم..واني هم بنتي بقت يم عمتي
اسيل...ماعرف ليش كنت احسه يمثل مو مريض لان شكله
طبيعي بس هذا المرض حجه حتى يأثر علينا
ابوي....اني تعبان من يوم عافتني سعاد لليوم لا صحه
ولا نظافه ولا ترتيب
اسيل...هم رجعنا الهاي السالفه
ابوي...بس خل اكمل كلامي اني عرفت هي توضفت
بلعافيه سعاد تستاهل كل خير
مريم...المطلوب شنوووو
ابوي....اسجل هذا البيت باسمجن ثنينجن
ملك صرف محد اله وياجن شي
اسيل...شنو المقابل انت ماتسوي شي بدون مقابل
ابوي...المقابل امج ترجع وراح اخليها بوضيفتها
ومراح اخذ من راتبها شي وراح اقسم البيت بينها وبين الهام كل وحده الها نص وكل وحده بابها وحدها راح اعدل بينهن ثنيينهن جمانه السعيدي
اسيل.... اي وبعدين
ابوي...انتي ليش هيج كارهتني اني ابوج وغلطت
ليش واكفه بوجهي ترا اني متعود على امج وهي متعوده عليه بس هيه جاي تكابر لان انجرحت مشاعرها
بعدين اني لا اول ولا اخر واحد يزوج شيوخ جاي تزوج على نسوانها علماء دين الرسول محمد صل اله عليه وسلم
ازوج اكثر من وحده ليش هيج محارباتني
اني ماسويت شي غلط حتى اتعاقب علي هيج
اسيل...اني بلنسبه اليه كلشي مااريد منك زوجي وأهله عدهم خير من الله ما محتاجه بيتك
مريم...واني هم ماادخل لان انت الشي الي سويته باامي
مو قليل مو شغلة زواج من ثانيه بس انت جنت تعاملها اسوء معامله مااعتقد راح تقبل ترجع
ابوي...مو راح يكون نص البيت الها وتبقى على دوامها
احسن ماكاعده بيت الرجال الغريب
مريم...اني راح اوصللها هذا الكلام واشوف اذا تقبل بي
ابوي...اي بابا مريم انتي حنينه وكلبج عليه قنعيها ترجع
مريم....اني مراح احاول ادخل بينكم بس راح اوصللها كلامك
ابوي...لا بابا قنعيها كولي ابوي مريض من بعد ماعفتي
تقبل اموت بحسرتي عليها
اسيل.. فتحت عيوني ياربي شنو هلتمثيل شكد حيال
يموت بحسرته عليها
طلعنا من بيت ابوي
اني مامقتنعه بااي كلمه من الكلام الي كاله
من وصلت حجيت الامي كلشي صار بينا وبين ابوي
امي...هذا من كل عقله تبقى بوضيفتها وراتبها الها
اي واني شستفاديت من رجعتي
بس حتى الكه سكن مقابل هذا السكن ارجع اشتغل خدامه جوه رجلي فتره وراح يكول عوفي الشغل واكعدي بلبيت
اني ما مستفاد شي من شغلج
هو ليش مايقبل ويرضا بلامر الواقع اني ماارجعله
لو مو اكعد بنص بيت لو يسجل عشر بيوت باسمي
المشكله مو بلسكن المشكله بلناس الموجوده جوه السكن
اني مااكدر اعيش وياا مره ثانيه ليش مايقبل يصدك هذا الشي
جمانه السعيدي
عمي رجع البيت مهند مهند كل شويه يتصل علي ارجع للببت
بعدين مهند اجا واخذا من بيتنا
بلكوه رغم هو ماكان يريد يرجع
بقى عمي كل يوم يجينا بليل ويصمم نكعد سوه نحجي
والصبح امي من تطلع للدوام تلكا واكف منتظرها
اسيل...بما ان شهور العده خلصت وعمي ساكت
مجاي يفجر المفاجئه ويتقدم الامي قررت اني احشره
بلزاويه أجبره يفضح مشاعره شمنتضر ليش مايحجي
اجا بليل وكعدنا كلنا نسوالف ونضحك
اسيل....اسمعو الخير الحلو كلهم التفتو عليه
اسيل...امي انخطبت
امي فتحت عيونهاحيل خايفه من كلامي
عمي نزل كوب الجاي وشال نضارته متفاجئ من كلامي
اسيل ...اي معلمه وياا امي طلبت ايدها الاخوها الاعزب
امي...اسيل شنو هذا الكلام
اسيل....اي اخوها اعزب وضابط متوقعه امي بعدها انسه
مامزوجه
امي...اسيل اسكتي
اسيل...من امي ردت عليها كالت اني مزوجه وبناتي مزوجات
اتفاجئت متوقعه امي تتشاقا وياها
تتوقعون شكد انطت الامي عمر
امي....اسيل مو احجي وياج اسكتي
اسيل.. متوقعه امي عمرها ٣٠ سنه شنو رائيكم نوافق
ونفرح بيها ترا بعدها زغيره حرامات يضيع عمرها هيج
زواجها من ابوي ما يعتبر زواج
ملحمه وصراعات وخذلان لازم امي تشوف حياتها
شمنتظره مثلا العمر يركض ركض
راسا عمي التفت على امي وكال
عمي...اني اريد اطلب ايدها
امي...بلعت ريكها وبقت مذهوله
عمي...اي اني اريد اطلب ايدها وأعتقد هي تعرفني زين
والمهر راح يكون بيت باسمها
اي راح اسجل بيت من البيوت الي املكها باسمها مهرها
حتى يكون عدها بيت خاص بيها
في حال ما اتفقنا اني وياها مراح اضيع مره ثانيه
راح يكون عدها وطن
راح يكون بيتها ملكها ووعدها وضيفه راح تكون مستقله
ومامحتاجه اي احد لا تستعجلين بلرد
فكري زين وبعدين ردي عليه
اسيل...باوعت على امي وهزيت راسي ووافقي
وافقي دخيل الله لا ضيعين هاي الفرصه من ايدج
جمانه السعيدي
عمي....فكري براحتج واي ضمانات تردين اني حاضر
ورجعيلي خبر واني هسه اترخص
طلع عمي وراح منذر يوصله للباب واني كمزت
يمه فدوه وافقي يمه الله عليج هاي احسن فرصه
ومراح تلكين فرصه احسن منها
امي...صح اني اعرف هو معجب بيه بس ما متوقعه يطلبني للزواج بهاي السرعه
اسيل... ولله جنت اعرف هو يحبج تصرفاته كلهاتكول هو يحبج
يومين امي بقت ساكته ومنذر كل شويه وكال هااا امج ماوافقت
ابوي اكل راسي كل شويه يسئلني عنها
اليوم الي بعده طلعت امي للدوام لكت عمي منتظرها برا
صعدت ويا حتى يوصلها للدوام
عمي..صار يومين ماشايفج مااريد اضغط عليج عفتج براحتج بس مابقى عندي صبر بعد مااكدر اصبر اكثر
.مارجعتيلي خبر انتي موافقه
امي...انت متاكد تريد ترتبط بيه
عمي...يوم السعد اليوم الي تصيرين زوجتي ويجمعنا ببت واحد اني من اول مره شفتج بيها واني حبيتج
وكل يوم كنت اوصلج للدوام كنت لو اضرب دوامي
لو اطلع من وكت شكد أجلت قضايا علمود اشوفج وواحجي وياج حتى من رجعو بيت مهند ماردت ارجع البيتهم
لو ما الحاح مهند عليه اني اول مره احب واتعلق بهذا الشكل بحياتي
امي...اني ماانكر اني معجبه بيك انت شخصيه نادره
بس انت فاجئتني انت ماتتعوض
اني موافقه مو لان راح تخلي البيت باسمي
الأمان ابد مو بيت ولا مكان الامان شخص ترتاحله
شخص تأمن حياتك بايده وانت ماخايف من ألجاي
عمي...صدكي راح تعيشين احلى لحظات حياتج وياي
وبعمري مراح اخليج تنندمين
اسيل.....فعلا عمي سجل واحد من بيوته باسم امي مهر الها
هسه خالتي لازم يعرفن كلشي الي صار طول هاي الفتره
امي اتصلت عليهم وشرحتلهن كلشي صار وياها
وعزمتهن هنا واطفالهن وازواجهن الحفلة المهر
حفلة المهر جانت بيت امي الجديد الي اثثه عمي على ذوقه اثاث مودرن حديث وراقي
بيومها اخذت امي للصالون كلما اكول ماما
ام الصالون تضحك تكول شنو ماما ولج هاي ازغر منج
لبست امي فستان ابيض ضيك وطويل ناعم يخبل طلع عليها طلعت عبالك حوريه
وشعرها فتحته ام الصالون سرحته رفعت بس الخصل من كدام لبست تاج ناعم وباقة ورد بيضه
مكياج أوربي راقي طلعت عمرها ١٨ سنه
عمي عزم جماعته كلها ناس راقيه وواصله للمهر
الحفله رغم كانت بسيطه بس حلوه
من دخل عمي بعد عقد المهر وشافها كام يقرا عليها ايات
يمشي ويقرا ايات لمن وصل يمها
عمي...ماشاء الله من عيني وعين كل الناس
وين اضمج اخاف عليج
امي....مبروك
عمي...الله يبارك بيج يااحلى وحده شافتها عيوني
اسيل.. هاي اليله كانت ليلة زفاف امي وعمي
بعدها بيومين ابوي عرف
اجا عليه للبيت لان مايعرف بيت امي الجديد وين
كلب البيت عليه كسر غراضي من العصبيه
اني حاضنه ابني وواكفه خفت منه
محملني المسؤليه مسؤلية زواج امي وعمي يكول انتي خططتي الهذا الشي
قربتيهم واحد للثاني حتى يزوجون تعرفين اني مااكدر العمج الله لايوفقج ولا يرضا عليج
دمرتي حياتي
اول مره بحياتي اشوف ابوي هلكد منفعل وعصبي
شرايين وجها مبينه عيونه حمر
وهو يحجي ينزلن دموعها ويمسحهن اول مره اشوف ابوي
منهار الهلدرجه فعلا ابوي هلمره انكسر
بعدها وكع مريض هلمره مريض من صدك
مو يمثل رحتله مرتين وماقبل يشوفني بس مريم
تروح تطمن علي وطمني على وضعه
اما امي بعد ما شفتها امي فراشه وطارت بحقل ورد
كلما اتصل عليها
تكون مسافره اول شي سافرو التركيا بقو شهر كامل
من بعدها راحو عمره
من بعدها اخذها الايران ماكو شهر يكمل وهما بلبيت
لازم يسافرون مكان
من تجينا شويه يبقى يلح عليها يله نرجع البيتنا
من تحجي يباوع عليها وكانما اول مره يشوفها
عبالك محصل كنز مو مره
جمانه السعيدي
اسيل....اني اغار منذر ليش ماتعاملني مثل ماابوك يعامل امي
منذر. اني بيش قصرت وياج
اسيل.. ما مقصر بس شوف ابوك
منذر...الله يسعدهم بعدهم عرسان لا تخلين عينج عليهم
اسيل...الله يسعدهم بلعافيه عليهم
صار اكثر من تلث سنوات امي ازوجت بس ابد ماتغيرت معاملة عمي الها الصبح يوصلها للدوام ويرجع يرجعها
مهتم بيها عبالك بنته يخاف عليها من الهوا
ووين مايطلع ياخذها ويااا
بس للدوام مايرحون سوه
مرات اكوله عمو عوفها يمي اريد اشوفها
يكول لا مااكدر اعوفها شوفيها واني كاعد
شلون اعوفها مااكدر استغني عنها
اما ابوي صار تلث سنوات مشاكله مستمره ويا الهام
يوميه الجوارين طالعين على صوت عياطهم
هي ماتقبل تتغير علموده وهو مايكدر يبطل يقارنها وياا امي وهذا الشي محسسه بعذاب مستمر
ابد ما مقتنع بحياته عايش بجحيم
رب العالمين اذا راد يعوض انسان يعوضه عوض
ماله مثيل مثل ماعوض امي بعمي مختار
رب العالمين عوض صبرها خير لان صبرت سنيين على اذى ابوي وحفضت بيته وصانت اسراره
اما ابوي اخذ جزائه العادل لان تبطر على نعمته
وماحافظ عليها هواي اكو مثل ابوي شما ينطي رب العالمين
هو ما قابل وماومقتنع لمن اطير النعمه من ايده
وتالي مايحصل بس الندم
انتهت قصتنا ارجو تكونون استمتعو وأخذتو منها
عبره وفائده
دمتم سالمين
