رواية قصة امي الفصل السابع 7 بقلم جمانه السعيدي
اسيل...كعدنا نتعشى الكعده جانت حيل حلوه
عمي...شنو هذا الطعم عاشت ايدج عمو طبخج يخبل اول مره اكل دجاج هلكد طيب
اسيل...مو اني طبخت هاي خلطة امي السريه للدجاج
عمي...عاشت ايدها الطعم خرافي
اسيل...بعد مااكلت الدولمه من ايدها شي ما ينوصف
عمي...انتم شنو عايفين الطبخ عليها
ليش ترا هي جايه ترتاح مو تكعد تطبخ الكم
اسيل...ماتقبل تكعد تكول اذا مااشتغل احس نفسي تعبانه
اتمرض اذا كعدت
عمي...ماكو هيج حجي اسمعي ام اسيل لا يكعدون
ياكلون براسج الله اكلج طيب الله طبخج ماكو منه
ومخليج كل الوقت بلمطبخ اكعدي وهما يخدمونج
امي....اني احب الشغل احب الحركه
عمي.. ترا منذر واسيل جاي يستغلونج
امي....خليهم حتلو يستغلوني ميخالف موافقه
كملنا اكل عمي ومنذر راحو للاستقبال
اسيل...شفتي الناس الي تفتهم شلون تقدر
امي...ابوج قبل بس مااخلي الاكل بحلكه واطبخله احلى اكل وبعده ماراضي يكول الطبخ موطيب
انتي تطبخين من ورا خشمج ترا هذا المسواك بفلوس مو جايبه من بستان ابوج
اسيل...صدك على طاري ابوي شو ماكو سكته
امي...اني تعمدت اخلي شروط قويه لان اعرف هو مستحيل ينفذ هيج شروط
متوقع بس يكول اني احبج واموت عليج واسف
ارجعله ركض اني اول ايام جنت حيل مقهوره من موقفه بس هسه كل لحظه احمد ربي الف مره واشكري
لان خلصت منه تعرفين جاي اشوفه بكوابيسي
بليل دائما احلم بعدني بيته ويغلط عليه ويضربني
حتى بلحلم يركض وراي
اسيل...انشاء الله نفتك من شره
ثاني يوم عمي مجان عنده دوام
هو متعود اول مايكعد يشرب كهوه ياخذ كوب القهوة ويكعد بلحديقه يشرب كهوه على كيفه
حتى التليفون مايفتحه لمن يخلص كهوته على كيفه
يكول اهم ساعه اول ساعه لمن يكعد الانسان من النوم
لازم يصفي ذهنه ويكعد بهدوء
اني أتعجب شلون الواحد اول مايكعد كبل يفتح التليفون
شنو هلتشويش على الدماغ
جمانه السعيدي
المهم كعدنا الصبح اني وامي ومنذر
عمي هو الي حضر كهوته بنفسه واخذها وراح كعد بلمرجوحه بلحديقه
تريكنا منذر طلع واني وامي بلشنا نظف ونطبخ
ادم راح يم جده يلعب ويااا
بعدين سمعنا عمي يتصل بلتليفون ويحجي
بس مركزنا بلكلام
شويه واجا دخل للمطبخ
عمي...ام اسيل يمكن لكيتلج وضيفه تناسب شهادتج
اسيل..امي جانت تغسل بلكوابه التفت من سمعت هذا الخبر ووكع الكوب من ايدها وانكسر
عمي...الله الله لا تتحركين خاف تنجرح رجلج
امي...تحجي صدك
عمي...اي طبعا اني شكلي شكل واحد يتشقى
قرب عمي ودنك يشيل الكزاز من الكاع
واني رحت جبت مكرافه ومكناسه ألم الكزاز
امي وعمي مدنكين يجمعون الكزاز الناعم
اسيل...عوفي كلشي اني انظف المكان
امي...ماكتلي وين الشغل
عمي....معلمة فنيه بمدرسه ابتدائيه مختلطه
امي...الف رحمه على اهلك الله يوفقك دنيا واخره
عمي...عوفي كلشي وجيبي كل مستمكاتج وتعاي نقدم
امي...ماجبت مستمكاتي
عمي...وين بقن بيتكم
امي...اي لان طلعت مستعجله ماجبتهن
عمي...ماكو مشكله روحي جيبيهن
اسيل...ماما نروح اني وياج ابوي هسه بلدوام نجيبهن ونجي
امي...اي بس اغير ملابسي
عمي...اني اخذكم بلسياره
جمانه السعيدي
اسيل.....دخلنا غيرنا ملابسنا واخذنا عمي البيت ابوي
دكينا الباب محد فتح النا
بقينا شكد اندك بلباب محد يفتح النا
اجينا نرجع لان اكثر من عشر دقايق احنا اندك بلباب ومحد يفتح النا
اسيل...ماما خاف الهام بيت اهلها
امي...مااعرف
بعدين انفتح الباب الساعه تقريبا ١١ الصبح
طلعت علينا فاتحه عين وساده عين
الشعر كفشه قصير وصابغته اصفر عبالك كركم
شعرها كفشه لا بسه دشداشه ماروني من هاي المتروسه تطريز احمر واخضر واصفر عبالك قوس قزح
الهام...منو
اسيل...اني اسيل بت حميد
من سمعت اسم ابوي فتحت عيونها حيل
اسيل...اريد اوراق امي
الهام...اي اوراق
اسيل...شو افتحي الباب اوراق امي انتي يمكن بعدج نايمه
الهام...ماكو اوراق لا تدخلين بلبيت
اسيل...هو بيتج وماادخل بي هذا بيت ابوي اريد اوراق امي
اسيل..دخلنا اني وامي
الهام...حراميات جايات تبوكن بيتي
اسيل....بيتج صدك عود الخايسه ميلج بيت
الهام...اي بيتي اطلعن لا ألم الناس عليجن
اسيل....الناس هنا كلها تعرفنا يله طلعي شطارتج
دخلنا البيت هوسه الملابس هنا وهناك
المواعين باقيات على السنك
ريحة البيت موطيبه
الهام....اطلعن من بيتي راح اتصل على حميد
اسيل....اي اتصلي عادي
اسيل...يمه شوفي الخيسه يااا هاي شلون كاعده هنا
لا ونايمه وبيتها هيج خايس
امي...خل ناخذ الأوراق ونطلع ماعلينا بيها
دخلنا الغرفة امي القديمه تارسيها غراض هوسه
فتحنا الكنتور وطلعنا كل الأوراق الضروريه
الهام طلعت تليفونها وتتصل على ابوي
بس ماعدها رصيد بس ترمش علي
أخذنا الأوراق امي شالت ايدها تشوفهن الإلهام
امي....شوفي كلشي مااخذنا بس ذني الأوراق لان محتاجتهن
الهام...اذا ماا اشتكي عليجن حراميات
اسيل....اشتكي براحتج بس زحمه الشرطه تجي وتشوف بيتج خايس نظفي قبل لا تشتكين علينا
الهام....اطلعي حراميه اطلعي من بيتي
اسيل...عايفتلج بيتج وطالعه يمه اختنكت شنو هاي الريحه
اسيل...طلعنا عمي جان منتظرنا هو وادم صعدنا بلسياره
ورحنا كبل استنسخنا اوارق امي واخذنا صور فوريه
وطلعنا للمدرسه
مدير المدرسه بس شاف عمي تلكانا وهو يهلي
اهلا وسهلا وهلا استاذ شرفتنا يامرحبا
المدرسه نورت بوجودك
عمي....اهلا وسهلا بيك
المدير ...تفضلو تفضلو سحب الكراسي وقدمهن
عمي...احنا مانريد ناخذ من وقتك بس علمود الوظيفه الي
وصيتك عليها
المدير....اي معلمه الفنيه اخذت اجازة ولاده
تكدر الأخت تاخذ مكانها بس حاليا راح تكون على تعيينات العقود وإنشاء الله تتبت بلمستقبل
عمي...بعد ما أوصيك عليها
المدير....لا تدلل من عيني استاذ انت طلباتك اوامر
عمي...يمتى تباشر انشاء الله
المدير...من باجر تجي تباشر
عمي....خير انشاء الله شكرا جزيلا
جمانه السعيدي
اسيل ..صعدنا بلسياره و.رجعنا للبيت
امي...مااعرف شلون اشكرك ولله انت قدمتلي خدمه
مااكدر اجازيك عليها
عمي....ماسويت شي هذا واجبي
اسيل...رجعنا للبيت حضرنا الغده وبقينا ننتظر منذر يجي حتى نتغدى
واني وامي بس نسوالف بلدوام شلون امي راح اداوم
وشلون راح تصير عدها وضيفه
بس دخل منذر للبيت وحجيناله عن مغامراتنه اليوم
وشلون جبنا الاوراق ورحنا للمدرسه امي قدمت للوظيفة
بعدنا مامتغدين اندكت الباب
طلع منذر
شرطي....هذا بيت منذر مختار
منذر...اي هذا بيته
الشرطي...بلاغ على المدعوه سعاد
منذر...خير شكوووو
البلاغ من حميد وزوجته اقتحام دارهم وسرقة فلوس ومجوهرات ثمينه
منذر....مستحيل هذا الشي ابد ماصار
الشرطي....ممكن تجي ويانا حتى ناخذ اقوالها
منذر...دقيقه
دخل منذر للبيت
منذر...بابا حميد مشتكي على عمتي يكول مقتحمه بيته
وسارقه فلوس ومجوهرات
امي...يااا صدك يحجي اي فلوس واي مجوهرات
عمي...دقيقه اني اطلع علي
طلع عمي وكال للشرطي ارجع اني راح اجيبها واجي
للمركز
دخل عمي للبيت
عمي...ام اسيل غيري ملابسج وتعالي وياي
اسيل...اني هم اجي
منذر...كلنا نروح وياكم
عمي...مايحتاج هاي الهوسه اني اكدر اخلصها بتليفون
لان اني جنت موجود واعرف هي مااخذت شي
اسيل...واني اشهد كلشي مااخذنا من البيت
منذر...وهسه
عمي....يله اسيل تعالي ويانا منذر انت ابقى هنا يم ادم
اسيل...غيرنا ملابسنا واخذنا عمي للمركز
امي وجها ينطي اللوان شلون يشتكي عليها هيج شكوى
وهو يعرف كلشي مااخذت من البيت
هذا الموضوع محرج جدا بلنسبه الامي
اسيل ...ابوي يريد ورقه يضغط بيها على امي حتى ترجعله
بعد الفوضى الي صارت بحياته من ازوج الهام
من رجع والهام حجتله الشي الصار
وشلون اني وامي اقتحمنا بيته حتى ناخذ اوارق امي
صارت اباله فكره يكدر يرجع امي بيها
اكيد امي محتاجه هاي الأوراق حتى تتعين مثل ما كالتله
او على الاقل اطلع راتب من الدوله
وهذا الشي يعني امي راح تصير قويه وتكدر تعتمد على نفسها وعمرها مراح تفكر ترجعله ابد
فكر يشتكي عليها ويدخلها السجن
وبعدين يساومها لو ترجعله لو تبقى بلسجن
بس هو مايعرف عمي جان ويانا منتظرنا برا
وصلنا للمركز ابوي وزوجته جانو منتظرينا
ابوي بس شاف عمي جاي ويانا انخطف لونه
وخاصه وهو شاف الشرطه والضباط الي بلمركز كلهم وكفو فد وكفه من شافو عمي
الضابط...استاذ ليش اجيت لو بس متصل عليه جان خلصت القضيه بتليفون
عمي...لا اني جاي لان عندي شكوى على المدعو حميد
اسيل...ابوي وكف على حيله ووجها صار اصفر
الضابط...اتفضل استاذ
عمي...اولا هذا الادعاء ماله اي صحه
اني الي رحت وصلت ست سعاد حتى تاخذ اوارقها الخاصه
لان حصلت وضيفه وجانت محتاجه هاي الاوراق
اني وبتها وصلناها جابت الأوراق ورجعنا
فاا اذا انت محتاج شاهد على هاي القضيه
اني و اسيل شهود ومستعدين نقسم سعاد مااخذت شي غير الأوراق الخاصه بيها
الضابط....لا استاذ على بختك شنو تقسم كلامك كافي
اعتبر هاي القضيه انسدت من هاي اللحظه
كلامك قانون ومحد يكدر يكذبه
هاي اوارق القضيه شوف شكيتهن وشمرتهن بلزباله
تكدر تتفضل استاذ
اعتبر القضيه خلصت
عمي...اريد اشتكي على المدعو حميد
اولا قدم شكوى وادعاء كاذب بحق سعاد واتهمها اتهام باطل
اسيل...باوع عمي نضرة استهزاء على ابوي وكال للضابط
ضيف من يمك بلاغ كاذب وازعاج سلطات
خلي كم يوم بلسجن حتى يتأدب
حميد....لا دخيل الله ودخيلك ترا هاي السعلوه ضحكت عليه
وهي الي كالت على سعاد حراميه
الهام...اني لو انت كلت تعاي نتشتكي عليها وكولي باكت فلوسنا وذهبي وكولي اقتحمن البيت ثنيينهن
وضربني
حميد....اسكتي الله لايوفقج جبتلينا مصيبه
عمي...حضرت الضابط مثل ماكتلك اني مااتنازل عن حقي
خلي بلسجن كم يوم حتى يتأدب زين
حميد...فدوه ابو منذر استاذ سامحني هاي العوبه ضحكت عليه هي الي ورطتني وكالت دخلن للبيت وباكن فلوسنا
هي ضحكت عليه
سامحني بس هلمره وبعد ما تنعاد ابد
دخيلك ودخيل الله
اسيل...عمي كال يله مشينا كدامه اني وامي وهو يمشي ورانا وابوي يتوسل بي عبالك مايسمعه
طبعا هذا عمي فخر فخر فخر من الاخر
اصلا الضابط لا سئلني ولا سئل امي شكك اوارق القضيه
وشمرهن
هاي الحركه من عمي حتى يخلي ابوي يلزم حدوده
هو جان يكدر ينهي كلشي بمكالمة تليفون
بس حب ابوي يشوفه واكف بضهرنا اني امي
وبعد مايفكر يقرب علينا ابد
صعدنا بلسياره
امي....ولله فضلك عليه زاد حده مااعرف شلون اكدر
اجازيك الله يحفظك من كل شر
عمي... هذا حميد مو مال تفاهم وعيني واغاتي
مال واحد.يخلي يشوف حجمه الحقيقي
من كل عقله جاي يقدم عليج دعوه كيديه يشتكي عليج
ويشوه سمعتج وهو يعرف كلش زين
انتي كلشي مااخذتي
اسيل....ابوي يعرف كلش زين امي أخذت الأوراق علمود التعيين مايريدها تتعين حتى لا تقوى علي
عمي...بس مو توصل يشتكي عليها ويلبسها قضيه يشوه سمعتها
شكد ارعن وحاقد ومتخلف الخاطر الله
