رواية عود ثقاب الفصل السابع 7 بقلم ندا سليمان
وقفنا الحلقة إللي فاتت عند أما
بصت داليا ع اللوحات إللي مرميه جنبها ، مسكتها ومسكت القلم ، رسمت أول خط فـ الورقه ، خط بيعلن قرارها النهائي ، داليا قررت تجيب حقها وحق كل بنت زيها ، شدت الخط وبدأت تخرّج كل طاقه وغضب جواها ،،،،،
بدأت بأول وش لمحته صاحب أول سكّينه تدبحها ، سامعه فـ ودنها دلوقتي صوته وهو بيقولها
(( طاب ماتيجي نوصلك توصيله ببلاش وفوقيها بوسه كمان ههههههه )) صوت ضحكته قشعر جسمها ، الصداع زاد فـ دماغها ومازالت ماسكه القلم بإستماته بتقاوم الصداع والخوف إللي جواها بـ قلمها ، رسمت عينيه ، رسمت كل تفصيله فـيها ، شافت عيونه فـ دقايق بس قدرت ترسمها ببراعه لإن عمرها مانسيت ولا هتنسي النظره المتوحشه إللي رعبتها فـ الليله دي ، خلّصت العيون بعد معاناه وصراعات جواها بس للأسف ماقدرتش تكمل حست إن دماغها هتنفجر وإنتصر الصداع علي قوة قلمها فسابته وإعتصرت دماغها بإيديها ، الصداع بيزيد مع صوت ضحكته وريحة أنفاسه إللي شمّاها دلوقتي ، بدأت تصرخ كفااااااايه ، كورت نفسها فـ الأرض وهي بتردد بحرقه :
((ربِّ " أَنِّي مَسَّنِيَ الضُّرُّ وَأَنْتَ أَرْحَمُ الرَّاحِمِينَ" ))
~
~
~
~
صدح صوت شاكيرا
BamboooOOOooo
Tembaleuoluwaaluweee
Anubaleee le balooo
Levanlevaaandaa laoooo
رفع إيديه إتناول الموبايل ، بص فيه وهو بيحاول يفتح عينيه ويطرد النوم منها
كنسل فرن الموبايل مره تانيه ، رد : هايدي هاي
# هاي يا جسورتي زعلانه منك يا بيبي
_ لييييه بس يا روحي أنا ما أقدرش علي زعلك أبداً
# ينفع كده يعني بقالك three days ما بتسألش عني Sad(
_ ohhhhh noooo معقوله أنا وحش أووي لدرجة إني ما أسألش عن روح قلبي three days بحالهم
# شفت بقي Sad((
_ Sorry Sweetie I was too busy
# ok I'm waiting for you tonight
_ لا لا لا خالص يا بيبي مش هينفع الليله
_ أمال إمته يا جاسر إنت وحشتني موت Sad((
# بصي أنا هبقي أتصل بيكي وأقولك قبلها إني جايلك عشان وحشتيني يا بيبي
_ يا جاسوره بسـ ..
وقبل ما تكمل كلامها قفل السكه وحط الموبايل وهو بيتمتم : قرفتي أهلي بقي
قام ع الحمام إللي فـ الأوضه بملل ، خرج منه ، غيّر هدومه ونزل ع السلالم وهو بيصفّر ويدندن لحد ما وصل للسفره
جاسر : صباح الخير
رد أبوه بضيق وسخريه : هه قول مساء الخير يا أستاذ إحنا بقينا قرب المغرب وسيادتك لسه صاحي
أمه : c'est impossible جري إيه يا توفيق ماينفعش كده الولد لسه صاحي من النوم مش كل شويه هتقول الكلمتين إللي مش ليهم أي لازمه دول سيب الولد يعيش حياته أووووف
بصت لـ جاسر : نمت كويس يا روح مامي ؟
قرب وطبع قبله علي خدها : اه يا مامي
أمه : يلا يا بيبي أقعد إتغدي معانا ،،، قعد وأبوه مازال بيبصله بضيق
أبوه : ماتنساش ميعاد بكره
جاسر : ميعاد إيه ده ؟!
أبوه : شفتي أهه البيه نسي زي ما توقعت
أمه : بالراحه يا توفيق ، حبيبي يا جاسر نسيت يا مامي إن بكره أشرف الصايغ وعيلته معزومين ع العشا
جاسر : أيوه يا مامي طيب وأنا مالي أحضر ليه ؟!!
أمه : إزاي بقي ده إنت صاحب العزومه دي ، أصل بنتهم ناريمان رجعت من America و
قاطعها جاسر : آآآآه كده أنا فهمت شكلكم فعلاً هتنفذوا إللي قولتوا عليه مش قلت أنا مابفكرش في الجواز والارتباط دلوقتي
أبوه وهو بيقوم : بلاش كلام فاضي بكره تكون موجود وتتعامل بشكل محترم وإلا قسماً عظماً إنت عارف أنا ممكن أعمل إيه يا جاسر
مشي وسابهم ، أمه : جاسّور حبيب مامي أنا بجد نفسي أفرح بيك وأشوف أولادك يلعبوا معايا ويناموا فـ حضني إنت أه هتكبرني يا ولد بس أنا بجد نفسي أفرح بيك وأشوف ولادك Sad(
أخته : هههههههههههههههههههههههههههه حلوه ولاده دي يا مامي عيل هيخلّف عيال
جاسر : إحترمي نفسك يا بت إنتي
أمهم : مايا behave yourself إعتذري لأخوكي حالاً
مايا : مام بس انا ماقولتش حاجه غلط
أمها : مايااااا
مايا بعصبيه : ok sorry
وهي بتقوم : أنا بقول أروح ع الجامعه أفضل باي
مشيت وسابت أمها بتقنع جاسر يحضر بكره العشا ومايتهربش زي كل مره ....
قطع حديثهم الشغّاله
_ mr Gaser your friend ( Maslaha) is waiting for you
سألت أمه : مين مصلحه ده يا جاسر إنت ليك صحاب بالإسم الغريب ده ؟؟!!
جاسر : ههههههههههه قصدها محمود يا مامي هو مشهور بينا بإسم مصلحه
أمه : أوووف يا جاسر مش عارفه إزاي بيجيلك قلب تتعامل مع الناس البلدي دي ، أنا مش قولت قبل كده الولد ده مايجيش هنا ولا تتعامل معاه تاني خالد أوك رغم إنه مش من مستواك بس ولد جينتل لكن إللي إسمه مصلحه ده أوووف ، يعني عندك ولاد ناس كتير من مستواك ليه ماتتعرفش عليهم !!
جاسر : مامي ماتقلقيش عليا بلييز ، وبعد إذنك بقي أشوف محمود عاوز إيه عشان اقوله يمشي عارف إنك مش بتحبيه يجي هنا
أمه : أوك بس بليييز ما تنساش ميعادنا بكره إنت شايف بابي متعصب إزاي
جاسر : أوك يا مامي ماتقلقيش هحضر ، باي
.
.
.
خرج لـ محمود : إنت يا زفت مش قلت ماتجيش هنا
محمود : أعمل إيه لأهلك ما انا شغال إتصال من الصبح وإنت ما بتردش قلت أجيلك بقي
جاسر : آآه صح أنا عامله silent البت هايدي كانت خنقاني من إمبارح
محمود : ماشيه معاك يا عم
جاسر : ها إيه الاخبار ؟
محمود : معايا كوك هيوديك لعالم تاااني
جاسر : أيوه كده يا مصلحه ورينا مواهبك ، بس تعالي نمشي من هنا قبل ما أمي تطلبلك البوليس عارفها بتحبك اووي ههههههههههههههههه
محمود: إنت هتقولي يلا يا باشا مش ناقصيين مصايب
ركبوا العربيه ،، جاسر وهو بيسوق : خالد برده ماردش عليك ؟
محمود : هو مش مظبوط يا عم من يوم الليله إياها كل ما أكلمه يقولي انا مش طايق نفسي وحالته النفسيه زفت !
جاسر : هو هيستعبط بروح أمه دي مش أول مره يعني ناخد بت ع الفيلا !
محمود : خلاص يا عم هو كالعاده كلها سهره واحده وهينسي ، بكره وحياتك لنخليه ينسي اسمه
جاسر : لا يا فالح بلاش بكره جايلنا ضيوف وأبويا مصمم أحضر يعني مش هعرف أزوغ تعالي نروحله البيت دلوقتي أحسن
~
~
~
خالد قاعد فـ أوضته والأوضه كلها دخان وريحتها لا تُطاق من السجاير دخلت عليه أخته ،، أول ما دخلت فضلت تكح وجريت ع الشباك فتحته : حرام عليك نفسك يا خالد بقي Sad(
خالد وهو بيطفي السجاره : حاضر يا باشمهندسه إنتي بس تأمري
_ حبيب قلبي يا خالووود عشان خاطري خد بالك من صحتك بقي أنا ماليش غيرك
خالد : حاضر يا مريم Smile) ،، إيه اللوحات إللي فـ إيديكي دي مشروع جديد ؟!
مريم : لأ دي وقفه Wink
خالد : سياسه تاني يا مريم
مريم : لأ مش سياسه دي وقفه عن التحرش يعني لوحات توعيه للشباب المنحل إللي بيتحرش ببنات الناس لإن ظاهرة التحرش والإغتصاب إنتشرت أوي اليومين دول
إرتبك خالد والضيق بان عليه
مريم : مالك يا حبيبي ؟
خالد : لا أبداً بس مش عاوزك تدخلي فـ أى مشاكل يا مريم أنا مابستحملش أى حاجه تضرك
مريم : ماتقلقش عليا بقي يا حبيبي
وهم بيتكلموا سمعوا صوت كلاكس عربيه ، بصت مريم من الشباك وردت : دول أصحابك
مش عارفه يا خالد قادر تتصاحب علي ناس بالشكل ده إزاي نط خالد من ع السرير وبص من الشباك لقاهم فعلاً تحت
مريم : همشي انا بقي سلام
خالد : إستني هنزل معاكي وأروحلهم
.
.
.
ركب خالد ورا وهو متعصب : أنا مش قلت ماتجوش هنا
محمود : سيادتك مابتردش ع الموبايل
إتحرك جاسر بالعربيه ، جاسر : فيه إيه يا خالد مالك مش مضبوط ليه اليومين دول وإحنا أول مره نعملها يعني !!!
خالد : معرفش يا جاسر بس أنا بجد المره دي مخنوق أووي >Sad
جاسر : تصدق يلا يا محمود أنا إقتنعت بفكرتك ويلا بينا ننسي ونقضيها الليله
خالد : لأ أنا تعبان نزلوني فـ أى حته وانا هتمشي شويه وأروّح
جاسر : مش عاوز تنسي يا عم خالد ؟؟!! هم كاسين وهتنسي إسمك والواد ده جايب نوع كوك فاخر
سكت خالد ، فطلّع محمود كيس وهو بيغمزله ويضحك
ضحك خالد : لا مادام فيها كوك يبقي دايس معاكم Very Happy
راحوا علي مكانهم المعتاد وبدأوا رقص وسُكر وعربدة .....
••••••••●••••••••●••••••••••●•••••••••●••••••••●•••••••
إتصلت هاله بالممرضه بتاعتها وقالتلها تفتح العياده ، قررت ترجع شغلها وتعيش حياتها بشكل طبيعي
نزلت شغلها من تاني ولما أهلها كلموها ماقالتش أى حاجه ولا بينت إن فيه مشاكل بينها وبين علي ، أصلها لو فكرت تشتكي مش عارفه هتقولهم إيه !!!
بتحاول تتناسي وتركز فـ شغلها زي ما علي بيحاول يوصلها وهي ساده كل الطرق ليها مش عاوزه حتي تشوفه >Sad ...
~
~
~
خديجه قاعده فـ المصحه قدام أوضة داليا ماسكه المصحف وبتقرا بدموعها :'(( حتي ما حستش بالبنت إللي وقفت قصادها ،، لحد ما وقفها صوت البنت : وحشتيني أووي يا خالتي :'((
وقّفت تلاوه ورفعت راسها ، إبتسمت لما شافتها :')) وقفت وضمتها أووي لحضنها : أخيييراً سألتي يا علياء :'((
علياء وهي بتبكي فـ حضن خالتها :'(( : والله غصب عني يا خالتي جوزي كان عامل حادثه ومقدرتش أنزل مصر :"(
خديجه : سلامته ، هو كويس ؟
علياء: أه الحمدلله دلوقتي كويس يا خالتي ، طمنيني علي داليا ؟
خديجه :آآآآآآآه يا علياء وع إللي صاب داليا :'((
علياء : عاوزه أشوفها ينفع أدخلها ؟؟
خديجه : لسه واخده حقنه ونايمه :'(( فضلت تصرخ وإتشنجت فـ الدكتوره إدتلها حقنه نيمتها
علياء : يـــا الله :'(( أنا مش عارفه هودي وشي منها فين أصلاً ! مش عارفه إزاي أخويا عمل كده ، أنا حتي ماحضرتش فرحه بس مش عشان حادثة جوزي عشان مش عاوزه أشوف وشه ولا طايقه علا إللي قوته هي وأبويا إنه ياخد قرار زي ده
خديجه : لا يا حبيبتي أنا عارفه إنتي بتحبي داليا أد إيه ومن صغركم زي التوأم بس ماينفعش تعادي أخواتك وأهلك بسببها ، إنتي بس إدعيلها ربنا ينجيها من إللي هي فيه :'((
علياء : يــا رب يا خالتي يــا رب
خديجه : إنتي وصلتي مصر إمته ؟
علياء : أنا روحت من المطار علي بيت حماتي وديت (هَنا) وروحت علي بيتكم أحمد قالي إنكم هنا فجيت علي طول
خديجه : مرينا بفتره وحشه أووي يا علياء ، الحمدلله علي كل حال :'((
وهم بيتكلموا موبايل علياء رن بصت فيه وقالت : ده خالو ناصر يا خالتي ، كان عاوز يكلمك
فتحت الخط وناولت الموبايل لخالتها أول ما سمعت صوت أخوها ماقدرتش تتكلم فضلت سمعاه وبتبكي بحرقه وبس
أخدت علياء الموبايل منها : معلش يا خالي مش قادره تتكلم دلوقتي لما تهدي أنا هتصل عليك تكلمها وتكون كمان داليا صحيت عشان تكلمها إن شاء الله
قفلت مع خالها وحاولت تهدّي خالتها خديجه وتصبرها
.
.
هديت خديجه : ناصر كان واحشني أوووي إنتي عارفه إن أنا إللي مربياه بعد موت أمي الله يرحمها يعني هو إبني
نفسي أضمه أوي لحضني عشان أرتاح من الهم إللي انا فيه علياء : وهو والله يا خالتي نفسه يجي أووي ، كان جاي علي ميعاد فرح داليا وعلي وإتصدم لما حكتله وزعل أووي من علي وكلم أبويا وإتخانق معاه خناقه جامده ، وكان نازل مصر بس حصلت مشاكل بينه وبين مراته وطلبت الطلاق
خديجه : كارولين طلبت الطلاق
!علياء : أه طلقها خلاص وسابتله لارا ومشيت ولا همها بنتها
خديجه : لا حول ولا قوة إلا بالله العلي العظيم ، قولتله بلاش تتجوز أجانب مايعرفوش يعني إيه جواز !تلاقيه يا نور عيني متكدر وحالته حاله هي الهموم والمصايب جايه ورا بعضها كده :'((
علياء : ربنا يفرج همومنا يا خالتي
خديجه : يــــا رب
جت الممرضه : لو سمحتم ميعاد الزياره إنتهي
علياء : خلاص همشي أنا يا خالتي وأبقي أجيلها بكره إن شاء الله ، أنا أصلاً راجعه مصر مخصوص عشانها
خديجه : طاب إستني خديني معاكي بس أجيب شنطتي وآجي
علياء : إنتي مش بتباتي مع داليا ؟
خديجه : لا يا حبيبتي ممنوع مفيش مرافق بيقعد معاها هنا
نزلت خديجه سانده علي علياء وهم بيكملوا كلامهم .......
••••••••●••••••••●••••••••••●•••••••••●••••••••●•••••••
موسيقي صاخبه فـ الديسكو وأضواء بترقص علي صوت الموسيقي مع الأجسام المخموره إللي بتتمايل و ترقص بجنون فـ النص ،،الدخان مالي المكان مع روايح الخمور والمخدرات ، الدنيا فـ عالم ودول فـ عالم تاني خالص !
هناك ع البار جاسر فـ إيديه كاس الخمره و بيتفرج ع البنات إللي بترقص وتتمايل وينقّي إللي هتقضي معاهم السهره ،، ومحمود راصص صف كوكايين لخالد وصف ليه ، سحبوا الكوكايين وتاهوا لدنيا تانيه
محمود : ها يا جاسر نقيت ؟
جاسر : شايف البت إللي هناك دي ، روح ظبطهالنا بقي وانا هحاسب عشان نكمل السهره فـ الفيلا
محمود : تمام يا باشا
دقايق وكانت البنت جايه معاه ، ركبوا العربيه وراحوا ع الفيلا .....
.
.
.
فـ نفس اللحظه إللي داليا صحيت فيها من نومها فـ نص الليل ، كالعاده حاسه بصداع شديد >Sad
قربت من الشباك وتأملت السما لدقايق وقلبها بيردد يـــــا رب
دخلت إتوضت وبدأت تناجي ربّها ودموعها زي السيل
خلّصت صلاه ،، بصت ع اللوحات قربت منها ومسكت القلم وبدأت تكمل معركتها ، خلّصت ملامح الأول بكل قوه وثبات وبدأت فـ ملامح التاني أول ما سمعت صوت ضحكاته فـ ودنها إرتجفت ،وخرجت منها صوت أنّات خفيفه ، مسكت القلم وبدأت تكمل من تاني ،لحد ما إيديها وقفت ورمت القلم ، ضمت رجلها وسندت راسها عليها وبدأت تبكي وفجأه سمعت صوت الباب بيتفتح ولقته واقف قصادها ، تأملته وهي مصدومه
رغم كل إللي حصل بس كان واحشها ، وقفت وه
