رواية نارك جنة الفصل السادس 6
وجنات على طول طلعت من تحت الطاولة ..ومشت تجري خشت المكتب وطلعت للممر تبي تمشي لدارها ...لكن حست بحد مسكها مرة وحدة من رقبتها وشدها بالقوة ..وحطها على الساس وصكر فمها ولاصق فيها وجه على وجهها 
جنات نفسها انقطع من الخوف واعيونها طلعوا ...وهي اتبحت في اعيون سفيان ولونهم ونظرتهم لتخوف
سفيان اعيونه نار ....ضغط بقوة على رقبتها ..جنات حست بروحها تنخق دموعها نزلوا ..حطت ايديها على صدره اتحاول اتباعده من عليها ..لكن سفيان كان اقوى منها .. مسكت في ايدين سفيان اتحول اتفكهم من على رقبتها ..لكن هوا شدد قبضته عليها أكثر
جنات اتكح وبالغصب باش قدرت تتكلم : سسفيان احؤ احؤ سفيان
سفيان للحظة فاق لروحه لما سمع صوتها ..كأنه كان متخيل نفسه يخنق في شخص ثاني ..رخى قبضته على رقبتها ..وخر عنها اشويا وانفاسه متقطعة ..جنات داهشة وتتنفس بسرعة ..وتمسح في رقبتها
سفيان قرب منها شدها من يدها وسحبها معاها لعند باب دارها ...كان يمشي وكأنه ايشوف ...وصل بيها للدار دفها جوا ..وخذا مفتاح الباب ورفع يده
سفيان : أنا من الاول حذرتك ..وأنتي البيان فيك ماتفهميش او ماتبيش تفهمي ...تفضلي هذه نتيجة عنادك ..ورأس التبن اللي بين اكتافك
جنات : اانت ااا
سفيان فنص فيها : هههس ولا كلمة ..مانبيش نسمع صوتك
صكر الباب واقفله من برا ..جنات جت تجري حاولت تفتح الباب لكن مصكر
نزلت لوطى على الارض ..بكت بكت بحرقة ...وبعدها مشت رقدت في سريرها ..لكن صورة سفيان ..الحالة اللي كان فيها نظرة اعيونه ...في وراءهم شي
****************************
ثاني يوم الصبح ناضت جانت على صوت صغار يلعبوا ..صبت من سريرها ..مشت فتحت روشن الدار ..بحتت لوطى اعيال وبنات يلعبوا في جنان الفيلا اللي جنبهم ...قعدت اتفرج عليهم وهي مبتسمة ...رفعت رأسها اتشوف في المنظر برا ...ثلاث فيلات امحاوطات فيلا سفيان ..وفي حوش اخرى بس بعيد اشوي على دور واحد
وفي شاب امصبي عند بوابة المزرعة شكله حارس أمن
رجعت بحتت تحت ...شافت سفيان وفخري طالعين من الفيلا ..: هالحقير طالع ولا كان داير شي
وحطت يدها على بطنها : جيعانة
سفيان ركب في سيارة هو وفخري وطلعوا من المزرعة ..جنات مشت خشت الحمام ادوشت ..وطلعت لابست ..وصلت ..وقاعدة مقمعزة على السرير وضامة رجليها للصدرها ..مالة وجيعانة
بعد للحظات انفتح الباب وخشت صالحة جيبه فطور : صباح الخير
جنات قربت من حافة السرير نزلت رجليها : صباح النور
صالحة حطت السفرة وتبي تطلع
جنات صبت بسرعة وراءها : صالحة
صالحة التفتت فيها : نعم
جنات : خلي الباب مفتوح ..انخاف لما يبقى امصكر عليا
صالحة : مانقدرش
جنات قربت منها : حرام عليكم ..مالة وخايفة ..نبي نطلع ..نبي نهدرز ..لعند أمتى محبوسة في دار ابروحي
صالحة تنهدت بحزن : ماهو الباب كان مفتوح ..بس أنتي ماتسمعيش في الكلام
جنات اعيونها دمعوا : أنا بشر كيفكم ..ليش ماتبوش تفهموا ..شن درت أنا عشان ايصير فيا هكي ..تعبت وربي تعبت
صالحة هزت رأسها وطلعت وقفلت الباب ...وجنات انهارت على سريرها تبكي
بعد فترة ناضت ومشت شافت سفرة الفطور ..كلت منها اشويا ...وبعدها اتصلت بخوها جلال كان مازال راقد ناض..وحكت امعاه ..وطلع من المربوعة ومشى شور سليمة عطاها الفون حكت مع جنات
جنات : شن اخبارك يا اجديدة ..كيف حال صحتك
سليمة : الحمدالله ..كيف حالك أنتي ..وايش اخبارك
جنات تحاول تحكي من غير ماتبكي : بخير أنا ..امرايفة عليكم
سليمة : نجك لي والله رايفت على هرجتك واللسانك الطويل ..رايفت على حسك في الحوش
جنات غمضت اعيونها وعزقت راسها لاوراء ..عضت على فمها ماسكة بكيتها بالغصب ..لكن ادموعها نزلوا
سليمة : الو ..جنات
جنات نزلت الفون خذت نفس كم مرة ..وردت تحكي امعاها على اساس تضحك : نعم ياجديدة نسمع فيك
سليمة : أنتي اكويسة يا ماما ...الراجل اكويس امعاك ..مافيش حد ايضايق فيك
جنات ضحكت بالالم : أنا اكويسة ..وهما ناس كوييسين ..والحمدالله
سليمة : باهي الحمدالله ...ربي عوضك خير يابنيتي ...ردي بالك من روحك ..وماتنسيش أنك عند ناس برانية ..راكي تطلقي للسانك عليهم ..تحسابي روحك في حوشنا
جنات ضحكت : كان زعموا كبدي ..ماعندي لهم الا اللساني
سليمة : ردي بالك ..عيب يا جنات
جنات : انبصر امعاك ...شن اخبار مودة اتجي تبرم عليك
سليمة : اها الله ايربحها ...كل اشوي تفجعني اتبوعني من السور
جنات :
سليمة : باهي الحمدالله اللي اطمنت عليك ...مانوصيكش سلم بنتي ..خليك عاقلة
جنات بصوت واطي : العقل من وين بيجي معاهم
سليمة : شنو ؟!!
جنات : قتلك حاضر يا اجديدة ..إن شالله
انتهت المكالمة وجنات زاد شوقها واريافها على سليمة ومودة ..على حياتها ..على حريتها ..
الساعة 12 في الليل جنات تسمع في نفس الاغنية ...عرفت أن سفيان قاعد في داره يتمرن
***********************
هذك اليوم جنات كملته محبوسة في دارها ..تغدت وتعشت ..ماشافتش سفيان او ملاك ....ثاني يوم نفس الروتين ...مافيش جديد
على المغرب جنات خلاص ملت وتعبت نفسيتها . تبي تطلع ..تبي تهدرز مع اي حد ...المهم اتشوف بني أدم وتحكي امعاه
مشت شور روشن الدار فتحاته ..وقعدت اتفرج بملل ...وبعدها نزلت رأسها وسارحة ...وفجاة انتبهت كان في ديكور على الفيلا من برا ...جاي من تحت الروشن ..وماشي لعند لوطى ..واصل في سور الفيلا ...جنات اتبحت فيه
وخطر عليها فكرة ..في البداية خافت ..وصكرت الروشن ...لكن مع الوقت قعدت اتفكر فيها جديات ....فكرت تهرب من روشن الدار ..برغم انه عالي ..لكن جنات متعودة كانت ديما ترقى وتشعبط مع اي مكان
جنات وتت روحها على هالاساس ..خلتم جابوا العشاء ..ودرات روحها راقدة في سريرها . خشت صالحة جايبة العشاء ..حطاته وطلعت ..وجنات كانت عارفة أن صالحة تنقل في كل حركة لسفيان
خلتها طلعت وصبت تجري قمعزت عند الباب ..كانت عارفة أن سفيان بعد العشاء يرقى فوق هوا وفخري ويقعدوا في المكتب ..وهذه فرصتها عشان تهرب
الساعة 9 جنات سمعت عصاة سفيان في الممر ..وسمعت صوته يحكي مع فخري وخشوا للمكتب ..خلاتهم خشوا وبعد فترة صبت لابست سروال جينز وتشيرت طويل لعند الركبة وعليه جاكة ..حطت فونها في جيبها ..لابست وشاح ..سبيدرو ..ومشت خذت شنطة يد فيها اوراقها الشخصية ...فتحت روشن الدار ..بحتت لوطى الجو هادي مافيش حد ..حتى الشاب اللي امصبي على الباب مش قاعد
رقت جنات على الروشن مسكت فيه زين ..ونزلت رجلها على الديكور ..خبطت كم مرة برجلها بالقوة ..تبي تتأكد الديكور قوي ويقدر ايشيلها او لا
غمضت جنات اعيونها وتشهدت ..ونزلت كلها على حافة الديكور ...وتمت تسحب في جسمها مع سور الفيلا من برا ...تمشي ومش قادرة اتبحت تحت ..لان المرة هذه المسافة عالية واجد
كملت جنات وصلت لنهاية الساس ..نزلت على سور الجنان ..بس كان عالي واجد ومافيش حاجة تنزل عليها ...السور كان ايلف من وراء الفيلا ...جنات قررت تمشي عليه وتشوف شن في لاوراء ممكن تلقى مكان تنزل منه
حطت جنات طربوش الجاكة على راسها ومشت فوق السور ...لعند وصلت للحديقة خلفية ...وبرغم السور كان عالي ..لكن كان في لوح وحاجات مخزنة لاوراء في الجنان تقدر تنزل منهم
جنات ابرمت وقمعزت على السور ..وتبي تنزل لوطى ..نزلت اول رجل ...وتسمع في صوت حاجة تشخر تحت منها ..رفعت رجلها وبحتت ..لاقت كلب أسود كبير ايخوف ... رفعت جنات رجلها بسرعة وصبت على السور ..الكلب بعد حركة جنات السريعة ..قعد ينبح بصوت عالي وينط يبي يرقى فوق السور ..لكن الحمدالله كان مربوط في حديدة في الارض
جنات قلبها ايدق بسرعة ..وترجف والكلب ينبح بصوت عالي ويجري وينط
جنات : اشششش ..اسكت اسكت ..صكر فمك ياولد الكلب
لكن مع كل كلمة الكلب كان ايزيد ينبح زيادة ..وجنات خافت واحد يسمعهم ويطلع
جنات : صكر فمك ..خلاص بلا تكبير شورخ ..من جاء شورك ..اسكت الله ايربحك
الكلب سكت ويبحت في جنات ويبرم في مكانه
جنات : خلاص ايوه اسكت ...عارفتك زعلت عشان تحسابني سبيتك لما قلت ياولد الكلب ...بس فكر فيها أنت صاح ولد كلب هذه مش مسبة راه
جنات برمت بشويا وبدأت تمشي على السور من جديد تبي اترد ..لكن الكلب قعد ينبح من جديد ..بصوت عالي
جنات :
وفجاة طلع ضي كشاف من نهاية الجنان وقعد يقرب من السور ..وجنات حاولت تمشي بسرعة قبل ايشوفها لكن مازال في مسافة ..والسور عالي وهي خافت اطيح كان اسرعت أكثر ...وأخيرا صاحب الكشاف ضوء عليها وكان في يده سلاح
الشاب : خليك مكانك ..ولا حركة مانبيش نقتلك
جنات جمدت مكانها من غير اي حركة
الشاب : انزل لوطى بسرعة
جنات : ساكتة وخايفة
الشاب : قتلك أنزل ابروحك ...خير مانجيبك عرم من فوق
جنات : اا لالا توا ننزل ..لكن خايفة من الكلب
الشاب نزل سلاحه مصدوم لما سمع صوت جنات ..كان يحسابها راجل ..لانها حاطة الطربوش على رأسها والدنيا ظلمة
الشاب : من أنتي وشن اديري هنا
جنات مترددة : اا أنا جنات
الشاب : اي جنات
جنات : مرات سفيان
الشاب استغرب ...مشى خطوة بعيد ورن على فخري ...رد عليها ..قاله على القصة ..وفخري انصدم مش مصدق ..خذا سفيان ونزللوا من فوق من غير مايشرح لسفيان عليش نزلوا
طلعوا من باب المطبخ الخلفي ..والشاب قرب منهم
فخري : كنك شن في
الشاب ايوصف على السور : شوف هذه ..ماعرفتش تحكي صاح او تكذب
فخري بحت في السور لكن مايشوفش اكويس ..: من ..شن قصدك
الشاب : استنى اشوي ...مشى لعند مكان ولع منه ضي الجنان الخلفي الحديقة ضوت...وفخري انصدم بمنظر جنات
جنات مقمعزة متربعة على السور وحاطة رأسها بين ايديها
فخري ايبحت فيها منصدم ..وسفيان امصبي جنبه مش فاهم شي
وبعدها فخري طربق ضحك
سفيان : كنك شن في ..عليش تضحك
فخري طبس على سفيان : تي شن الدعوة هذه اللي جبتها لنا..
سفيان : اي دعوة ..شن تخرط انتا
فخري : مراتك قاعدة فوق السور ..شكلها كانت ناوية تهرب
سفيان : شنووو ...بلا كذاب فخري ..مش وقتك
فخري : ورأسك مانكذب ياغالي ...ياريت تقدر اتشوف منظرها
سفيان : قاعدة فوق سور الحوش؟!!!
فخري يضحك : متربعتلك فوقه اخرى
سفيان تعصب : وهذه من وين طلعت وكييف
صالحة وين
جنات : امطولين وأنتوا توشوشوا ..نبي ننزل
سفيان ايبحت جيهة الصوت : وأنتي كيف طلعتي ..وشن جابك هنا
جنات صبت : مش متعودة على الحبس ..نبي نطلع ..أنت من عشان تحبسني
سفيان تعصب ..وفخري شير للشاب امتاع الامن براسه عشان يمشي ...عدا الشاب ..وفخري وسفيان قربوا من جنات
سفيان : أنزلي
جنات : مانقدرش خايفة منه
سفيان : خايفة من شنو ..أنتي وحدة تعرف الخوف اصلا
جنات : خايفة من الكلب ...وبعدها على الاقل أنا انخاف من ربي اللي خلقني مش كيف ناس ماشيين بالظلم
سفيان تنهد بعصبية : فخري فك الكلب وخوذوا بعيد
فخري فك سلسلة الكلب وتما يمشي بيه بعيد عنهم وماسك ضحكته
جنات اتبحت في فخري يمشي واول مرة اتلاحظ أنه يعرج بس عرج خفيف
سفيان : انزلي
جنات قمعزت ونزلت رجليها : مانقدرش المكان عالي ..جيب حاجة ننزل عليها
سفيان يسمع فيها ..ويمشي شور الصوت وعصاته في يده ..لعند وصل للسور تحت منها : هيا انزلي توا نمسكك
جنات اتبحت فيه وخايفة : كيف تمسكني وأنت ما تشو......وسكتت انحرجت منه او ماتبيش تجرحه ..برغم معاملته لها
سفيان عض على فمه نزل العصاة وحط ايديه على السور : انزلي توا نمسك ..احسن مانرقى وانجيبك من شعرك
جنات نننننن
سفيان : هييييا
جنات خافت: باهي بالشويا
وابرمت عشان تنزل ..نزلت رجليها وسفيان يتلامس في الساس لعند مسكهم ..جنات تنزل وسفيان ضم رجليها وشدها وهي تنزل بين ايديه
سفيان برمها وحطها على الساس وقرب منها : كيف اتفكري أنتي ...وحط صبعه على رأسها ..عقلك وين
جنات ارفعت وجهها اتبحت فيه ...شعره الشيب يلمع تحت ضي القمر ...اعيونه لونهم يختلف في الظلمة ..بنة عطره قوية ..صوته برغم العصبية كان فيه ثقة ..جنات حست بشعور غريب وهي قريبة منه هكي وبين ايديه
سفيان رفع يده ومسك فمها بعصبية : نسأل فيك أنا ردي عليا
جنات مسكت يده وجعها : ااااه سفيان وجهي
سفيان حول يدها وقرب وجه منها بكل : أخر مرة انحذرك ..بعدها معاش اتلومي عليا ...مازلت انعامل فيك بأصلي ..ماتخلينيش انوريك وجهي الثاني
جنات ترجف من الخوف وساكتة
سفيان خذا عصاته ومسك يدها وقعد ايتلامس في طريقه بالعصاة ..وخش من عند باب المطبخ ..يمشي وجنات تمشي ورأه واعيونها في كل مكان من الحوش ...مافيش حد واعي كلهم في ديارهم
الحوش هادي وإضاة بسيطة ...رقوا من الدروج ..وسفيان كان واضح أنه حافظ كل شبر من الحوش
مشى بيها لعند المكتب فتح باب المكتب ..كان يمشي ويحسب في كل خطوة ..وصل للطاولة تلامس لادراج ..فتح واحد منهم ..كان فيه ورقة وحدة ..طلعها سفيان وحطها في وجه جنات
سفيان : اتشوفي في هذا شنو ...اتشوفي
جنات خايفة ومش عارفة كنه ..بحتت في الورقة ..كانت عبارة عن صورة من وصل أمانة بمبلغ 150 الف بأسم جلال خوها
سفيان : بالورقة هذه نقدر انرجع خوك للحبس مرة اخرى ..وأنتي تقعدي مراتي ..محبوسة هنا وماحد يدري عنك
جنات زمطت
سفيان قرب منها ورفع صبعه يهدد فيها : جربي تهربي مرة اخرى ...وربي اندمك وانخليك اتمني الموت
جنات : نبي نمشي نرقد
سفيان حط الورقة على المكتب خذا مفتاح الدار وشدها من يدها ومشى بيها لعند دارها فتحها خششها ..لكن ماطلعش ..خش امعاها ..وقفل الباب
جنات اتبحت فيه بصدمة : اطلع شن تبي خاش امعايا
سفيان حط مفتاح الباب في جيب السروال ..ورفع التيشرت امتاعه حوله
جنات وخرت منه خايفة :
سفيان مشى لعند الروشن صكره ..وبعدها رد مشى لعند حس بالسرير عزق التيشرت ورقد على السرير
جنات : سفيان اطلع نبي نرقد
سفيان ضم المخدة وغمض اعيونه : ارقدي
جنات : وين نرقد ...مانبيش نرقد امعاك
سفيان : ارقدي وين ماتبي ...مانيش طالع
جنات عرفت أن خايف منها تهرب اخرى ومش حيطلع ..تعصبت منه ...حولت جاكتها ..وافتحت الدولاب خذت توتة ..ومشت لحمام غسلت وغيرت ..واطلعت لاقاته راقد ...مشت صلت وسفيان يسمع فيها ...وبعدها صبت طلعت بطانية ومخدة فرشت على الارض ورقدت ..طبعا الجو حامي ماتغطتشوا لا هيا ولا هوا
جنات راقدة لوطى وماتريحتش في رقدتها : هالحقير ..خزيه
رفعت رأسها بحتت فيه مغمض اعيونه : راقد ولا على باله ..مافيش ذوق بكل ..تافه
سفيان يسمع فيها اتمتم عرفها معصبة ..ابتسم وهو مغمض اعيونه ورقد
***************************
ثاني يوم الصبح جنات ناضت طايرة ..بحتت في الدار سفيان مش قاعد ..غريبة امتى ناض وكيف طلع من غير مانحس بيه ...صبت لمت افراشها حاولت تفتح الباب كان امصكر ..مشت توضت وصلت الصبح .. حست جوها اليوم رايق اشويا ..يمكن لان يوم أمس أنتهى بمغامرات
غيرت دبشها ..حطت ميك اب ..مشطت شعرها ..ومشت افتحت الروشن ..وقعدت امكسدة اتفرج على المنظر برا ..اشويا ودق الباب وانفتح كانت صالحة جايبة فطور
حطت السفرة : صباح الخير
جنات : صباح الخير
صالحة بحتت في سفرة العشاء اللي امبارح مش مقروب منها شي ..جت وصبت مع جنات على الروشن
صالحة مبتسمة : راكي اتفكري اديري نفس أمس
جنات اتحرجت منها : قالك هوا
صالحة بحتت فيها : شوفي ..أنا مش عارفة اي شي بالنسبة لك ...وهذه اول مرة سفيان ايدس عني شي ...بس أنا ممكن نجاوبك على أسئلة معينة لو عندك اي سؤال
جنات : اي سؤال عادي يعني
صالحة : اي سؤال الا عن حياة سفيان الخاصة ..لا
جنات بحتت برا : لمن الحواشين هذين
صالحة اتوصف بيدها : هذين حواشين اعمامي الثلاثة ..هما واعيالهم
جنات منحرجة : وأنتي حح حوشكم وين
صالحة : أنا وفخري نسكنوا هنا من زمان ...عمي أب سفيان الله يرحمه لما توفوا بوي وأمي خذنا امعاه وربانا مع اعياله
جنات : يعني أب سفيان ميت
صالحة : الله يرحمه
جنات : باهي وين أمه وعنده خوت أخرى غير ملاك
صالحة هزت رأسها وجنات فهمت أن سؤالها في الممنوع
جنات : باهي أخر سؤال : سفيان من أمتى وهوا ..ااا أعمى
صالحة تنهدت بحزن : سفيان مش أعمى
جنات : حي على أمي
صالحة ضحكت : لا أطمني هوا مايشوفش حاليا ..فخري وسفيان زمان داروا حادث مع بعضهم ..وكان حادث قوي بكل السيارة تكسرت وتطبقت عليهم ..سفيان قدر يطلع من السيارة وسبحان الله كان عنده جروح بسيطة بس ..أما فخري كان عنده أصابة في ظهره ومقدرش ايتحرك
جنات بأهتمام : باهي
صالحة : سفيان رد على السيارة وحاول ايطلع فخري ..ولما قريب ايطلعه جت سيارة أخرى في سرعة واخبطت في سيارتهم ..القزاز كله جاء في وجه سفيان وخش في اعيونه
جنات :
صالحة اعيونها دمعوا : بعد سعفوهم للمستشفى ..قعدوا فترة تحت المراقبة ..سفيان للاسف في البداية اول مافتح اعيونه كان ايشوف ..لكن مع الوقت قعد يفقد في البصر اشويا اشويا وفخري طول وهوا بالعلاج الطبيعي لعند قدر يمشي من جديد بس قعد تأثير الاصابة في رجلة
جنات : يعني توا مايشوفش بكل ..بس أنا مرات انحس بيه ايشوف
صالحة مسحت اعيونها : سفيان توا ايشوف فينا وفي العالم كيف الخيال الابيض ..يعني الدنيا ظلمة ومغبشة بس ايشوف في الحاجات كيف الظل من غير ملامح او شكل وهذا اللي خلاه ايتحرك اسهل في الحوش
جنات برغم قسوة سفيان عليها لكن حست قلبها وجعها عليه
جنات : باهي مافيش علاج مافيش أمل
صالحة : هوا حاليا ياخذ في علاج بس بطئي بكل ..قالوا ممكن يقدر ايدير عملية ..بس لما توصل نسبة البصر لمستوى أحسن مع العلاج ..بس مش معروف امتى
جنات : باهي وليش اا..
صالحة : خلاص ساد أسئلة اليوم ...عندنا شغل واجد ..افطري وأختاري لابسة من الدولاب عشان تلبسيها بعدين
جنات مش مصدقة : عليش وين نبي نمشي
صالحة : مش حتمشي ..اليوم عندنا عشاء عائلي كبير ..عشان فرح سفيان ..ولازم تنزلي لوطى عشان الضيوف
جنات اتفكر
صالحة مشت وخذت سفرة العشاء : مافيش داعي اتفكري ..افطري بسرعة وأبدي اختاري فستان من عندك
مشت صالحة لعند الباب وبحتت فيها : جنات اختاري فستان حلو لان هذه اول مرة ايشوفك عربنا بعد العرس ..وماتخافيش توا اتجي وحدة اديرلك مكياجك وشعرك
جنات ابتسمت لصالحة قبل ماتطلع ...بس لاحظت أنها ماصكرتش الباب بالمفتاح
افطرت جنات ..وافتحت الدولاب ..لاقت مجموعة فساتين
اختارت واحد حلو توب نزل لعند اكتافها ..رسمته حلوة مع جسمها ..ماشي مع لون بشرتها
بعد الغداء جت صالحة وملاك وجنات اول مرة تنزل لوطى امعاهن من يوم جت هنا ...الحوش منظم ومرتب ..جنات استغربت أنها حست براحة نفسية ..ممكن من ريحته او أثاثه الحلو والبسيط ...ممكن لانه ضاوي وفيه حركة مش نفس الدور الثاني
كانن فيها وحدات شكلهن ايساعدن فيهم عشان الحفلة ...جنات قعدت في دار لوطى مع ملاك وجت مزينة لعند الحوش ..درتلها ميك اب حلو ..وتسريحة خفيفة نازلة ..لابست فستانها واطلعت تهبل
طبعا جنات من اول مانزلت وهي ادور بعيونها عن سفيان لكن مش باين
بدأ وقت الحلفة وكل مرة ايجوا ضيوف ..اول ماجاوا اعمامهم اللي يسكنوا قريب منهم ..وبعدين ناس اخرى اقاربهم من بعيد والجيران ونأس اخرى
الفيلا تعبت وجنات قاعدة على أعصابها في الدار ..الكوافير عدت وملاك مشت تلبس
اشوي وجت صالحة افتحت الباب واول ماشفت جنات عجبتها كيف طالعة
صالحة : جنات هيا عشان تطلعي
جنات قربت من الباب وشافت سفيان واقف برا
صالحة : توا تطلعي مع سفيان باهي
جنات تنهدت بخوف : تمام
طلعت صالحة وخش سفيان صكر الباب...كان لابس سروال جينز أسود وقميص كحلي مفتوح من فوق ..وجاكة رسمية سوداء ..وساعة في يده ..شخصيته اتجنن
جنات اتبحت فيه وهو كان واقف كأنه يستنى فيها اتكلم او اتحرك عشان يعرف وين واقفة ..بس هيا حبت اتشوف شن يبي ايدير كان ما تكلمتش
سفيان عرفها ساكتة قصدا ...تنهد وحط عصاه على الباب ..وغمض اعيونه ..وقعد ايشم في ريحتها ويقرب منها ..وجنات في كل خطوة اتوخر لاوراء ..وانصدمت كيف سفيان قادر يعرف وين مكانها من غير مايسمع صوتها
سفيان وصل لعندها ..حط ايديه على الساس وهي خافت منه ..اللون لاسود امبين لون اعيونه أكثر
سفيان حاصرها وقرب منها طبس عند رقبتها : تحسابيني مانقدرش نوصلك كان قعدتي ساكتة ...وشم رقبتها ...ريحتك نعرفها من بعيد ومن الف ريحة ثانية
جنات ترجف..وسفيان زاد قرب منها ..حط ايديه على خصرها ..لامس فستانها ...وبعدين حط ايديه على ايديها ورقى امعاهن لاكتوفها ...لامس رقبتها يبي يعرف شن لابسه بالضبط ...وبعدين حط يده على شعرها لامس التسريحة ..ومسك خصلة مموجة نازلة على اكتافها ..ونزل بيده على ظهرها ...سفيان متعود يعرف كل شي عن اي حاجة او شخص ايخصه او في حياته
جنات جامدة وخلاص واتبحت فيه ...سفيان ضحك على الجنب ..وشبك يده في يدها ومشى لعند الباب خذا عصاته وفتح الباب وطلع
اول ماطلعوا الدنيا كلها زغاريت ..والبنات والصبايا ايسلموا عليهم ..وبعدين جت وحدة وتمت اتصور فيهم ...سفيان كان مختلف تماما مع جنات قدام الناس ايعامل فيها كانها مراته صاح ..وهذا الشي حيرها أكثر
بعد كملوا تصوير ...سفيان خذا جنات على الجنب والانظار كلها عليهم
سفيان قرب منها : أضحكي وخليك طبيعية ..وردي بالك اتحاولي تسألي او اتحسي حد من العئلة باي مشكلة او اي قصة صارت بينا ..عارفة شن بيصير بعدين
جنات اتبحت فيه بصدمة كيف قاعد يحكي امعاها والناس تحسابه يغازل فيها او ايقول في كلمة طيبة ..وهوا قاعد ايهدد فيها
وبرم سفيان على صوت اعيال صغار خشوا الفيلا وامعاهم مراة كبيرة و وحدة اخرى شابة ...كان واضح من شكل لعيال واعيونهم أنهم مكفوفين
المراة تمشي مع لاعيال لعند وصلتهم لسفيان ..وهوا طبس ايبوس فيهم ..والعيال الصغار كل واحد ايحاول ايبوس سفيان ويمسكوا فيه ..واحد من يده والثاني من رجله ...وجنات اتبحت فيهم مصدومة ...اول مرة اتشوف سفيان يضحك ...كان كيف الملاك وسط الاطفال الفرحنين بيه ..املا من وين ايجيب في القسوة هذه كلها معايا
جنات امقمعزة وتجامل في الناس طول الحفلة وسفيان بعد سلم على لاعيال طلع ....لاعيال جاوا سلموا على جنات ...والمراة عرفتهم عليها على اساس أطفال جمعية خيرية للمكفوفين...وطبعا سفيان كان أكبر داعم للجمعية لان هوا اللي أساسها بعد كم عام من أصابته
انتهيت الحفلة وجنات رقت مع صالحة فوق ..وهي تفكيرها مشوش ..من العالم اللي شافته تحت ...عالم يختلف عن العالم الموجود في الدور الثاني
جنات خشت للدار وصالحة صبت برا عشان تقفل الدار
جنات : خليه مفتوح
صالحة هزت رأسها بحزن : مانقدرش
جنات : باهي
خشت جنات وصالحة قفلت الباب ...بعد غيرت جنات دبشها وغسلت وجهها ..وصلت اللي فاتها من الصلاة
مشت بحتت فونها لانها مسيبته من بدري ...لاقت مودة رانة عليها ..وجلال
جنات قمعزت على السرير ورنت على جلال
جلال مش واعي : هها
جنات عرفت من صوته أنه شارب : اوووفه
جلال : من امعايا
جنات : ها جلال وين أنت
جلال : قاعد في الحمام
جنات بعصبية : جلال بلا سماطة وين أنت
جلال : قاعد مع الجماعة شن تبي
جنات : القيتك ران عليا امبدري ..شن تبي
جلال يضحك : أنا ؟!! والله مش عارف
جنات : جلاااال
جلال : اها اها تذكرت حني مرضت ..وكنت نبي نسالك على دواءها
جنات : اجديدة مريضة كنها
جلال صوته ايجي ويريح : مش عارف ...بالك مش متغدية
جنات : جلال حرام عليك ركز امعايا ..اجديدة كنها
جلال : الو ...من أنتي ..وييييياه
جنات هزت رأسها وصكرت المكالمة ..جلال كان سكران طينة ومش عارف شن يحكي ...لكن جنات خافت على سليمة ..وماعرفت كيف تطمن عليها ...بحتت لساعة لاقتها الساعة عشرة ونص ...مشت كلمت مودة
مودة : خير ياحنة ..باهي اللي عبرتينا
جنات : اهلين ...والله ماكنتش فاضية ..شن اخبارك
مودة : تمام ...كنه صوتك أنتي مريضة
جنات : لا الحمدالله ...بس توا كنت نحكي مع جلال وقالي اليوم اجديدة مرضت ...صاح
مودة : مش عارفة بصراحة اليوم ماشفتهاش بكل
جنات زادت خافت اكثر : مودة نطلب منك طلب تمشي اتشوفيها واتكلميني لان جلال مش قاعد في الحوش
مودة بحتت في الساعة : مع انها لليل لكن حاضر ..نمشي انشوفها وانرد عليك
مشت مودة اتشوف في سليمة بعد ماقالت لامها ..لاقت الحوش مفتوح خشت جوا
*************************
لوطى بعد نزلت ..صالحة خشت للمطبخ عشان اتشوف البنات اللي جابتهم ايساعدن فيها كملن شغل والا مازال
برمت عليهن ...رن فونها بحتت فيه واطلعت من المطبخ ومشت للصالة
صالحة بصوت واطي : الو
المتصلة : خير شن اخبارك
صالحة : تمام ...مش قتلك معاش تكلميني لعند نتصل بيك أنا
المتصلة : شن اندير الله غالب رايفت عليه نبي انشوفه
صالحة : هوا بس
المتصلة : لا أكيد كلهم
صالحة : اممم
المتصلة : سمعت اليوم عندكم حفلة
صالحة : اها اليوم عشاء وحفلة عشان سفيان وواا
وحست بواحد مسك الفون من وراها وخذاه منها ..ابرمت لاقاته سفيان
سفيان كان قاعد ايصلي في الصالة وضيها كان طافي ..وبعد كمل قعد امقمعز ويفكر ..مع خشت صالحة اتكلم
سفيان حط التليفون على وذنه وسمع الصوت ..واعيونه شاطت فيهم النار
سفيان عزق الفون في الساس راح طراطيش ...وقرب من صالحة وهي خافت منه ايعيط بصوت عالي : شن قاااايل أنا ...شن قااااايل ...مش قلت معاش نبي نسمع حتى اسمها في الحوش ...قاعدة تحكي أمعاها ...من امتى ...من أمتى يا صااالحة
صالحة ترجف وتبكي : مماااماا
سفيان هز رأسه مقهور واعيونه دمعوا ...وتلامس لعند لاقى عصاته خذاها وطلع بعصبية ايخبط ورقى فوق
صالحة انقهرت : وقعدت تبكي
**********************
مودة اتخش بشويش : اجديدة سليمة ..اجديدة وينك
خشت لعند دراها ..مش قاعدة ..بحتت في المطبخ ..مش قاعدة ...استغربت منها وين ماشية
ابرمت اتكلم في جنات ..تبي اتقوللها ..كلمي خوالك اسأليهم عليها لانها مش قاعدة في الحوش
مودة اتكلم وحست واحد جاء وراها التفت لاقاته عيسى
مودة صكرت الفون : اهلين
عيسى : هلا
مودة اتوخر : كنت جاية انشوف في اجديدة لكن شكلها ..مش قاعدة
عيسى ايقرب منها : مافيش حد ...حني خذاها باتي للحوشنا بدري
مودة خافت من نظراته وتبي تطلع : اها باهي ...اصلا جيت نسأل عليها ..جنات تبي اتكلمها....اوكي
عيسى مسكها من يدها وبرمها شوره : تعالي هنا وين ماشية ..مازلت ماكملت كلامي أنا
مودة :
*********************
جنات امقمعزة واتهز في رجلها بعصبية ...وترجى في مكالمة مودة ...ولما طولت ..اتصلت بيها ...مافيش رد
جنات صبت وتبي اتكلم مرة اخرى ...وتسمع عيطة قوية ...وصوت طفل يبكي ..كأنه ايتألم ..جنات مشت تجري ..وقفت عند الباب ...وتسمع صوت سفيان فتح باب المكتب وطلع بسرعة وعصاته تخبط في الارض ...وشكله مشى للدار اللي فيها الطفل
جنات وذنها على الباب ..وتسمع في صوت العيل يبكي ..بس صوته غريب ..بكأه فيه الالم كأنه في حاجة تخنق فيه ...وبعدها صوت سفيان ايعيط لصالحة بصوت عالي وكان واضح من صوته أنه خايف
جت صالحة وسمعت حتى صوت فخري وملاك ...الدنيا برا هرجة ومش عارفة شنو فيه ...بس أكثر شي أثر فيها صوت العيل وهو يبكي ويتوجع لعند قعدت تبكي
بعد ربع ساعة الجو برا هدوء وصوت وحدين انزلوا ....من الدروج شكلهم صالحة وملاك وفخري
بعد ساعة سفيان لابس جاكته ..وخذا عصاته وطلع من الفيلا مع فخري
جنات بعد الجو هدأ ردت اتكلم في مودة لكن مافيش رد ...كلمت جلال برضوا مافيش ...خلاص قلبها نار على جدتها ...وخاصة بعد سمعت صوت الطفل كيف يبكي ..حالتها النفسية صفر
الساعة 2 في اليل جنات في سريرها مش قادرة ترقد تتصل بمودة اخر شي مقفل ..تتصل بجلال مايردش ...ولما تغمض
اعيونها تسمع في الصوت في وذانها
الساعة ثلاثة جنات شكلها غفت ...ناضت على حس المفتاح في الباب ..حلت اعيونها وتحساب روحها تتخايل ..لعند الباب أنفتح وخش عليها سفيان ...جنات قمعزت مفجوعة وسفيان يمشي شور السرير ..جنات ولعت الوناسة
وشافت منظر سفيان ...اعيونه حمر ..شكله كأن يبكي ...بس بعدها لاحظت أنه مش واعي ..يمشي ويترنح حول جاكته عزقها هي والعصاة
جنات صبت من السرير ترجف : سفيان كنك
سفيان لما سمع صوتها قرب منها مرة وحدة وطاح بين ايديها ...جنات تبي ترفعه ومش قادرة عليه ثقيل
وخرت لعند المرقد تبي اتنزله ..طاحت على السرير ..وسفيان جاء عليها
جنات ادف فيه من عليها وهو رفع رأسه واعيونه ناعسة وقرب وجه من وجهها ..
جنات : سفيااان
سفيان حط صبعه على فمها : اششششش مانبيش نسمع ولا كلمة
و.....
*******نهاية الحلقة #6
جنات نفسها انقطع من الخوف واعيونها طلعوا ...وهي اتبحت في اعيون سفيان ولونهم ونظرتهم لتخوف
سفيان اعيونه نار ....ضغط بقوة على رقبتها ..جنات حست بروحها تنخق دموعها نزلوا ..حطت ايديها على صدره اتحاول اتباعده من عليها ..لكن سفيان كان اقوى منها .. مسكت في ايدين سفيان اتحول اتفكهم من على رقبتها ..لكن هوا شدد قبضته عليها أكثر
جنات اتكح وبالغصب باش قدرت تتكلم : سسفيان احؤ احؤ سفيان
سفيان للحظة فاق لروحه لما سمع صوتها ..كأنه كان متخيل نفسه يخنق في شخص ثاني ..رخى قبضته على رقبتها ..وخر عنها اشويا وانفاسه متقطعة ..جنات داهشة وتتنفس بسرعة ..وتمسح في رقبتها
سفيان قرب منها شدها من يدها وسحبها معاها لعند باب دارها ...كان يمشي وكأنه ايشوف ...وصل بيها للدار دفها جوا ..وخذا مفتاح الباب ورفع يده
سفيان : أنا من الاول حذرتك ..وأنتي البيان فيك ماتفهميش او ماتبيش تفهمي ...تفضلي هذه نتيجة عنادك ..ورأس التبن اللي بين اكتافك
جنات : اانت ااا
سفيان فنص فيها : هههس ولا كلمة ..مانبيش نسمع صوتك
صكر الباب واقفله من برا ..جنات جت تجري حاولت تفتح الباب لكن مصكر
نزلت لوطى على الارض ..بكت بكت بحرقة ...وبعدها مشت رقدت في سريرها ..لكن صورة سفيان ..الحالة اللي كان فيها نظرة اعيونه ...في وراءهم شي
****************************
ثاني يوم الصبح ناضت جانت على صوت صغار يلعبوا ..صبت من سريرها ..مشت فتحت روشن الدار ..بحتت لوطى اعيال وبنات يلعبوا في جنان الفيلا اللي جنبهم ...قعدت اتفرج عليهم وهي مبتسمة ...رفعت رأسها اتشوف في المنظر برا ...ثلاث فيلات امحاوطات فيلا سفيان ..وفي حوش اخرى بس بعيد اشوي على دور واحد
وفي شاب امصبي عند بوابة المزرعة شكله حارس أمن
رجعت بحتت تحت ...شافت سفيان وفخري طالعين من الفيلا ..: هالحقير طالع ولا كان داير شي
وحطت يدها على بطنها : جيعانة
سفيان ركب في سيارة هو وفخري وطلعوا من المزرعة ..جنات مشت خشت الحمام ادوشت ..وطلعت لابست ..وصلت ..وقاعدة مقمعزة على السرير وضامة رجليها للصدرها ..مالة وجيعانة
بعد للحظات انفتح الباب وخشت صالحة جيبه فطور : صباح الخير
جنات قربت من حافة السرير نزلت رجليها : صباح النور
صالحة حطت السفرة وتبي تطلع
جنات صبت بسرعة وراءها : صالحة
صالحة التفتت فيها : نعم
جنات : خلي الباب مفتوح ..انخاف لما يبقى امصكر عليا
صالحة : مانقدرش
جنات قربت منها : حرام عليكم ..مالة وخايفة ..نبي نطلع ..نبي نهدرز ..لعند أمتى محبوسة في دار ابروحي
صالحة تنهدت بحزن : ماهو الباب كان مفتوح ..بس أنتي ماتسمعيش في الكلام
جنات اعيونها دمعوا : أنا بشر كيفكم ..ليش ماتبوش تفهموا ..شن درت أنا عشان ايصير فيا هكي ..تعبت وربي تعبت
صالحة هزت رأسها وطلعت وقفلت الباب ...وجنات انهارت على سريرها تبكي
بعد فترة ناضت ومشت شافت سفرة الفطور ..كلت منها اشويا ...وبعدها اتصلت بخوها جلال كان مازال راقد ناض..وحكت امعاه ..وطلع من المربوعة ومشى شور سليمة عطاها الفون حكت مع جنات
جنات : شن اخبارك يا اجديدة ..كيف حال صحتك
سليمة : الحمدالله ..كيف حالك أنتي ..وايش اخبارك
جنات تحاول تحكي من غير ماتبكي : بخير أنا ..امرايفة عليكم
سليمة : نجك لي والله رايفت على هرجتك واللسانك الطويل ..رايفت على حسك في الحوش
جنات غمضت اعيونها وعزقت راسها لاوراء ..عضت على فمها ماسكة بكيتها بالغصب ..لكن ادموعها نزلوا
سليمة : الو ..جنات
جنات نزلت الفون خذت نفس كم مرة ..وردت تحكي امعاها على اساس تضحك : نعم ياجديدة نسمع فيك
سليمة : أنتي اكويسة يا ماما ...الراجل اكويس امعاك ..مافيش حد ايضايق فيك
جنات ضحكت بالالم : أنا اكويسة ..وهما ناس كوييسين ..والحمدالله
سليمة : باهي الحمدالله ...ربي عوضك خير يابنيتي ...ردي بالك من روحك ..وماتنسيش أنك عند ناس برانية ..راكي تطلقي للسانك عليهم ..تحسابي روحك في حوشنا
جنات ضحكت : كان زعموا كبدي ..ماعندي لهم الا اللساني
سليمة : ردي بالك ..عيب يا جنات
جنات : انبصر امعاك ...شن اخبار مودة اتجي تبرم عليك
سليمة : اها الله ايربحها ...كل اشوي تفجعني اتبوعني من السور
جنات :
سليمة : باهي الحمدالله اللي اطمنت عليك ...مانوصيكش سلم بنتي ..خليك عاقلة
جنات بصوت واطي : العقل من وين بيجي معاهم
سليمة : شنو ؟!!
جنات : قتلك حاضر يا اجديدة ..إن شالله
انتهت المكالمة وجنات زاد شوقها واريافها على سليمة ومودة ..على حياتها ..على حريتها ..
الساعة 12 في الليل جنات تسمع في نفس الاغنية ...عرفت أن سفيان قاعد في داره يتمرن
***********************
هذك اليوم جنات كملته محبوسة في دارها ..تغدت وتعشت ..ماشافتش سفيان او ملاك ....ثاني يوم نفس الروتين ...مافيش جديد
على المغرب جنات خلاص ملت وتعبت نفسيتها . تبي تطلع ..تبي تهدرز مع اي حد ...المهم اتشوف بني أدم وتحكي امعاه
مشت شور روشن الدار فتحاته ..وقعدت اتفرج بملل ...وبعدها نزلت رأسها وسارحة ...وفجاة انتبهت كان في ديكور على الفيلا من برا ...جاي من تحت الروشن ..وماشي لعند لوطى ..واصل في سور الفيلا ...جنات اتبحت فيه
وخطر عليها فكرة ..في البداية خافت ..وصكرت الروشن ...لكن مع الوقت قعدت اتفكر فيها جديات ....فكرت تهرب من روشن الدار ..برغم انه عالي ..لكن جنات متعودة كانت ديما ترقى وتشعبط مع اي مكان
جنات وتت روحها على هالاساس ..خلتم جابوا العشاء ..ودرات روحها راقدة في سريرها . خشت صالحة جايبة العشاء ..حطاته وطلعت ..وجنات كانت عارفة أن صالحة تنقل في كل حركة لسفيان
خلتها طلعت وصبت تجري قمعزت عند الباب ..كانت عارفة أن سفيان بعد العشاء يرقى فوق هوا وفخري ويقعدوا في المكتب ..وهذه فرصتها عشان تهرب
الساعة 9 جنات سمعت عصاة سفيان في الممر ..وسمعت صوته يحكي مع فخري وخشوا للمكتب ..خلاتهم خشوا وبعد فترة صبت لابست سروال جينز وتشيرت طويل لعند الركبة وعليه جاكة ..حطت فونها في جيبها ..لابست وشاح ..سبيدرو ..ومشت خذت شنطة يد فيها اوراقها الشخصية ...فتحت روشن الدار ..بحتت لوطى الجو هادي مافيش حد ..حتى الشاب اللي امصبي على الباب مش قاعد
رقت جنات على الروشن مسكت فيه زين ..ونزلت رجلها على الديكور ..خبطت كم مرة برجلها بالقوة ..تبي تتأكد الديكور قوي ويقدر ايشيلها او لا
غمضت جنات اعيونها وتشهدت ..ونزلت كلها على حافة الديكور ...وتمت تسحب في جسمها مع سور الفيلا من برا ...تمشي ومش قادرة اتبحت تحت ..لان المرة هذه المسافة عالية واجد
كملت جنات وصلت لنهاية الساس ..نزلت على سور الجنان ..بس كان عالي واجد ومافيش حاجة تنزل عليها ...السور كان ايلف من وراء الفيلا ...جنات قررت تمشي عليه وتشوف شن في لاوراء ممكن تلقى مكان تنزل منه
حطت جنات طربوش الجاكة على راسها ومشت فوق السور ...لعند وصلت للحديقة خلفية ...وبرغم السور كان عالي ..لكن كان في لوح وحاجات مخزنة لاوراء في الجنان تقدر تنزل منهم
جنات ابرمت وقمعزت على السور ..وتبي تنزل لوطى ..نزلت اول رجل ...وتسمع في صوت حاجة تشخر تحت منها ..رفعت رجلها وبحتت ..لاقت كلب أسود كبير ايخوف
... رفعت جنات رجلها بسرعة وصبت على السور ..الكلب بعد حركة جنات السريعة ..قعد ينبح بصوت عالي وينط يبي يرقى فوق السور ..لكن الحمدالله كان مربوط في حديدة في الارضجنات قلبها ايدق بسرعة ..وترجف والكلب ينبح بصوت عالي ويجري وينط
جنات : اشششش ..اسكت اسكت ..صكر فمك ياولد الكلب
لكن مع كل كلمة الكلب كان ايزيد ينبح زيادة ..وجنات خافت واحد يسمعهم ويطلع
جنات : صكر فمك ..خلاص بلا تكبير شورخ ..من جاء شورك ..اسكت الله ايربحك
الكلب سكت ويبحت في جنات ويبرم في مكانه
جنات : خلاص ايوه اسكت ...عارفتك زعلت عشان تحسابني سبيتك لما قلت ياولد الكلب ...بس فكر فيها أنت صاح ولد كلب هذه مش مسبة راه
جنات برمت بشويا وبدأت تمشي على السور من جديد تبي اترد ..لكن الكلب قعد ينبح من جديد ..بصوت عالي
جنات :
وفجاة طلع ضي كشاف من نهاية الجنان وقعد يقرب من السور ..وجنات حاولت تمشي بسرعة قبل ايشوفها لكن مازال في مسافة ..والسور عالي وهي خافت اطيح كان اسرعت أكثر ...وأخيرا صاحب الكشاف ضوء عليها وكان في يده سلاح
الشاب : خليك مكانك ..ولا حركة مانبيش نقتلك
جنات جمدت مكانها من غير اي حركة
الشاب : انزل لوطى بسرعة
جنات : ساكتة وخايفة
الشاب : قتلك أنزل ابروحك ...خير مانجيبك عرم من فوق
جنات : اا لالا توا ننزل ..لكن خايفة من الكلب
الشاب نزل سلاحه مصدوم لما سمع صوت جنات ..كان يحسابها راجل ..لانها حاطة الطربوش على رأسها والدنيا ظلمة
الشاب : من أنتي وشن اديري هنا
جنات مترددة : اا أنا جنات
الشاب : اي جنات
جنات : مرات سفيان
الشاب استغرب ...مشى خطوة بعيد ورن على فخري ...رد عليها ..قاله على القصة ..وفخري انصدم مش مصدق ..خذا سفيان ونزللوا من فوق من غير مايشرح لسفيان عليش نزلوا
طلعوا من باب المطبخ الخلفي ..والشاب قرب منهم
فخري : كنك شن في
الشاب ايوصف على السور : شوف هذه ..ماعرفتش تحكي صاح او تكذب
فخري بحت في السور لكن مايشوفش اكويس ..: من ..شن قصدك
الشاب : استنى اشوي ...مشى لعند مكان ولع منه ضي الجنان الخلفي الحديقة ضوت...وفخري انصدم بمنظر جنات
جنات مقمعزة متربعة على السور وحاطة رأسها بين ايديها
فخري ايبحت فيها منصدم ..وسفيان امصبي جنبه مش فاهم شي
وبعدها فخري طربق ضحك
سفيان : كنك شن في ..عليش تضحك
فخري طبس على سفيان : تي شن الدعوة هذه اللي جبتها لنا..
سفيان : اي دعوة ..شن تخرط انتا
فخري : مراتك قاعدة فوق السور ..شكلها كانت ناوية تهرب
سفيان : شنووو ...بلا كذاب فخري ..مش وقتك
فخري : ورأسك مانكذب ياغالي ...ياريت تقدر اتشوف منظرها
سفيان : قاعدة فوق سور الحوش؟!!!
فخري يضحك : متربعتلك فوقه اخرى
سفيان تعصب : وهذه من وين طلعت وكييف
صالحة وين جنات : امطولين وأنتوا توشوشوا ..نبي ننزل
سفيان ايبحت جيهة الصوت : وأنتي كيف طلعتي ..وشن جابك هنا
جنات صبت : مش متعودة على الحبس ..نبي نطلع ..أنت من عشان تحبسني
سفيان تعصب ..وفخري شير للشاب امتاع الامن براسه عشان يمشي ...عدا الشاب ..وفخري وسفيان قربوا من جنات
سفيان : أنزلي
جنات : مانقدرش خايفة منه
سفيان : خايفة من شنو ..أنتي وحدة تعرف الخوف اصلا
جنات : خايفة من الكلب ...وبعدها على الاقل أنا انخاف من ربي اللي خلقني مش كيف ناس ماشيين بالظلم
سفيان تنهد بعصبية : فخري فك الكلب وخوذوا بعيد
فخري فك سلسلة الكلب وتما يمشي بيه بعيد عنهم وماسك ضحكته
جنات اتبحت في فخري يمشي واول مرة اتلاحظ أنه يعرج بس عرج خفيف
سفيان : انزلي
جنات قمعزت ونزلت رجليها : مانقدرش المكان عالي ..جيب حاجة ننزل عليها
سفيان يسمع فيها ..ويمشي شور الصوت وعصاته في يده ..لعند وصل للسور تحت منها : هيا انزلي توا نمسكك
جنات اتبحت فيه وخايفة : كيف تمسكني وأنت ما تشو......وسكتت انحرجت منه او ماتبيش تجرحه ..برغم معاملته لها
سفيان عض على فمه نزل العصاة وحط ايديه على السور : انزلي توا نمسك ..احسن مانرقى وانجيبك من شعرك
جنات نننننن
سفيان : هييييا
جنات خافت
: باهي بالشويا وابرمت عشان تنزل ..نزلت رجليها وسفيان يتلامس في الساس لعند مسكهم ..جنات تنزل وسفيان ضم رجليها وشدها وهي تنزل بين ايديه
سفيان برمها وحطها على الساس وقرب منها : كيف اتفكري أنتي ...وحط صبعه على رأسها ..عقلك وين
جنات ارفعت وجهها اتبحت فيه ...شعره الشيب يلمع تحت ضي القمر ...اعيونه لونهم يختلف في الظلمة ..بنة عطره قوية ..صوته برغم العصبية كان فيه ثقة ..جنات حست بشعور غريب وهي قريبة منه هكي وبين ايديه
سفيان رفع يده ومسك فمها بعصبية : نسأل فيك أنا ردي عليا
جنات مسكت يده وجعها : ااااه سفيان وجهي
سفيان حول يدها وقرب وجه منها بكل : أخر مرة انحذرك ..بعدها معاش اتلومي عليا ...مازلت انعامل فيك بأصلي ..ماتخلينيش انوريك وجهي الثاني
جنات ترجف من الخوف وساكتة
سفيان خذا عصاته ومسك يدها وقعد ايتلامس في طريقه بالعصاة ..وخش من عند باب المطبخ ..يمشي وجنات تمشي ورأه واعيونها في كل مكان من الحوش ...مافيش حد واعي كلهم في ديارهم
الحوش هادي وإضاة بسيطة ...رقوا من الدروج ..وسفيان كان واضح أنه حافظ كل شبر من الحوش
مشى بيها لعند المكتب فتح باب المكتب ..كان يمشي ويحسب في كل خطوة ..وصل للطاولة تلامس لادراج ..فتح واحد منهم ..كان فيه ورقة وحدة ..طلعها سفيان وحطها في وجه جنات
سفيان : اتشوفي في هذا شنو ...اتشوفي
جنات خايفة ومش عارفة كنه ..بحتت في الورقة ..كانت عبارة عن صورة من وصل أمانة بمبلغ 150 الف بأسم جلال خوها
سفيان : بالورقة هذه نقدر انرجع خوك للحبس مرة اخرى ..وأنتي تقعدي مراتي ..محبوسة هنا وماحد يدري عنك
جنات زمطت
سفيان قرب منها ورفع صبعه يهدد فيها : جربي تهربي مرة اخرى ...وربي اندمك وانخليك اتمني الموت
جنات : نبي نمشي نرقد
سفيان حط الورقة على المكتب خذا مفتاح الدار وشدها من يدها ومشى بيها لعند دارها فتحها خششها ..لكن ماطلعش ..خش امعاها ..وقفل الباب
جنات اتبحت فيه بصدمة : اطلع شن تبي خاش امعايا
سفيان حط مفتاح الباب في جيب السروال ..ورفع التيشرت امتاعه حوله
جنات وخرت منه خايفة :
سفيان مشى لعند الروشن صكره ..وبعدها رد مشى لعند حس بالسرير عزق التيشرت ورقد على السرير
جنات : سفيان اطلع نبي نرقد
سفيان ضم المخدة وغمض اعيونه : ارقدي
جنات : وين نرقد ...مانبيش نرقد امعاك
سفيان : ارقدي وين ماتبي ...مانيش طالع
جنات عرفت أن خايف منها تهرب اخرى ومش حيطلع ..تعصبت منه ...حولت جاكتها ..وافتحت الدولاب خذت توتة ..ومشت لحمام غسلت وغيرت ..واطلعت لاقاته راقد ...مشت صلت وسفيان يسمع فيها ...وبعدها صبت طلعت بطانية ومخدة فرشت على الارض ورقدت ..طبعا الجو حامي ماتغطتشوا لا هيا ولا هوا
جنات راقدة لوطى وماتريحتش في رقدتها : هالحقير ..خزيه
رفعت رأسها بحتت فيه مغمض اعيونه : راقد ولا على باله ..مافيش ذوق بكل ..تافه
سفيان يسمع فيها اتمتم عرفها معصبة ..ابتسم وهو مغمض اعيونه ورقد
***************************
ثاني يوم الصبح جنات ناضت طايرة ..بحتت في الدار سفيان مش قاعد ..غريبة امتى ناض وكيف طلع من غير مانحس بيه ...صبت لمت افراشها حاولت تفتح الباب كان امصكر ..مشت توضت وصلت الصبح .. حست جوها اليوم رايق اشويا ..يمكن لان يوم أمس أنتهى بمغامرات
غيرت دبشها ..حطت ميك اب ..مشطت شعرها ..ومشت افتحت الروشن ..وقعدت امكسدة اتفرج على المنظر برا ..اشويا ودق الباب وانفتح كانت صالحة جايبة فطور
حطت السفرة : صباح الخير
جنات : صباح الخير
صالحة بحتت في سفرة العشاء اللي امبارح مش مقروب منها شي ..جت وصبت مع جنات على الروشن
صالحة مبتسمة : راكي اتفكري اديري نفس أمس
جنات اتحرجت منها : قالك هوا
صالحة بحتت فيها : شوفي ..أنا مش عارفة اي شي بالنسبة لك ...وهذه اول مرة سفيان ايدس عني شي ...بس أنا ممكن نجاوبك على أسئلة معينة لو عندك اي سؤال
جنات : اي سؤال عادي يعني
صالحة : اي سؤال الا عن حياة سفيان الخاصة ..لا
جنات بحتت برا : لمن الحواشين هذين
صالحة اتوصف بيدها : هذين حواشين اعمامي الثلاثة ..هما واعيالهم
جنات منحرجة : وأنتي حح حوشكم وين
صالحة : أنا وفخري نسكنوا هنا من زمان ...عمي أب سفيان الله يرحمه لما توفوا بوي وأمي خذنا امعاه وربانا مع اعياله
جنات : يعني أب سفيان ميت
صالحة : الله يرحمه
جنات : باهي وين أمه وعنده خوت أخرى غير ملاك
صالحة هزت رأسها وجنات فهمت أن سؤالها في الممنوع
جنات : باهي أخر سؤال : سفيان من أمتى وهوا ..ااا أعمى
صالحة تنهدت بحزن : سفيان مش أعمى
جنات : حي على أمي
صالحة ضحكت : لا أطمني هوا مايشوفش حاليا ..فخري وسفيان زمان داروا حادث مع بعضهم ..وكان حادث قوي بكل السيارة تكسرت وتطبقت عليهم ..سفيان قدر يطلع من السيارة وسبحان الله كان عنده جروح بسيطة بس ..أما فخري كان عنده أصابة في ظهره ومقدرش ايتحرك
جنات بأهتمام : باهي
صالحة : سفيان رد على السيارة وحاول ايطلع فخري ..ولما قريب ايطلعه جت سيارة أخرى في سرعة واخبطت في سيارتهم ..القزاز كله جاء في وجه سفيان وخش في اعيونه
جنات :
صالحة اعيونها دمعوا : بعد سعفوهم للمستشفى ..قعدوا فترة تحت المراقبة ..سفيان للاسف في البداية اول مافتح اعيونه كان ايشوف ..لكن مع الوقت قعد يفقد في البصر اشويا اشويا
وفخري طول وهوا بالعلاج الطبيعي لعند قدر يمشي من جديد بس قعد تأثير الاصابة في رجلةجنات : يعني توا مايشوفش بكل ..بس أنا مرات انحس بيه ايشوف
صالحة مسحت اعيونها : سفيان توا ايشوف فينا وفي العالم كيف الخيال الابيض ..يعني الدنيا ظلمة ومغبشة بس ايشوف في الحاجات كيف الظل من غير ملامح او شكل وهذا اللي خلاه ايتحرك اسهل في الحوش
جنات برغم قسوة سفيان عليها لكن حست قلبها وجعها عليه
جنات : باهي مافيش علاج مافيش أمل
صالحة : هوا حاليا ياخذ في علاج بس بطئي بكل ..قالوا ممكن يقدر ايدير عملية ..بس لما توصل نسبة البصر لمستوى أحسن مع العلاج ..بس مش معروف امتى
جنات : باهي وليش اا..
صالحة : خلاص ساد أسئلة اليوم ...عندنا شغل واجد ..افطري وأختاري لابسة من الدولاب عشان تلبسيها بعدين
جنات مش مصدقة : عليش وين نبي نمشي
صالحة : مش حتمشي ..اليوم عندنا عشاء عائلي كبير ..عشان فرح سفيان ..ولازم تنزلي لوطى عشان الضيوف
جنات اتفكر
صالحة مشت وخذت سفرة العشاء : مافيش داعي اتفكري ..افطري بسرعة وأبدي اختاري فستان من عندك
مشت صالحة لعند الباب وبحتت فيها : جنات اختاري فستان حلو لان هذه اول مرة ايشوفك عربنا بعد العرس ..وماتخافيش توا اتجي وحدة اديرلك مكياجك وشعرك
جنات ابتسمت لصالحة قبل ماتطلع ...بس لاحظت أنها ماصكرتش الباب بالمفتاح
افطرت جنات ..وافتحت الدولاب ..لاقت مجموعة فساتين
اختارت واحد حلو توب نزل لعند اكتافها ..رسمته حلوة مع جسمها ..ماشي مع لون بشرتها
بعد الغداء جت صالحة وملاك وجنات اول مرة تنزل لوطى امعاهن من يوم جت هنا ...الحوش منظم ومرتب ..جنات استغربت أنها حست براحة نفسية ..ممكن من ريحته او أثاثه الحلو والبسيط ...ممكن لانه ضاوي وفيه حركة مش نفس الدور الثاني
كانن فيها وحدات شكلهن ايساعدن فيهم عشان الحفلة ...جنات قعدت في دار لوطى مع ملاك وجت مزينة لعند الحوش ..درتلها ميك اب حلو ..وتسريحة خفيفة نازلة ..لابست فستانها واطلعت تهبل
طبعا جنات من اول مانزلت وهي ادور بعيونها عن سفيان لكن مش باين
بدأ وقت الحلفة وكل مرة ايجوا ضيوف ..اول ماجاوا اعمامهم اللي يسكنوا قريب منهم ..وبعدين ناس اخرى اقاربهم من بعيد والجيران ونأس اخرى
الفيلا تعبت وجنات قاعدة على أعصابها في الدار ..الكوافير عدت وملاك مشت تلبس
اشوي وجت صالحة افتحت الباب واول ماشفت جنات عجبتها كيف طالعة
صالحة : جنات هيا عشان تطلعي
جنات قربت من الباب وشافت سفيان واقف برا
صالحة : توا تطلعي مع سفيان باهي
جنات تنهدت بخوف : تمام
طلعت صالحة وخش سفيان صكر الباب...كان لابس سروال جينز أسود وقميص كحلي مفتوح من فوق ..وجاكة رسمية سوداء ..وساعة في يده ..شخصيته اتجنن
جنات اتبحت فيه وهو كان واقف كأنه يستنى فيها اتكلم او اتحرك عشان يعرف وين واقفة ..بس هيا حبت اتشوف شن يبي ايدير كان ما تكلمتش
سفيان عرفها ساكتة قصدا ...تنهد وحط عصاه على الباب ..وغمض اعيونه ..وقعد ايشم في ريحتها ويقرب منها ..وجنات في كل خطوة اتوخر لاوراء ..وانصدمت كيف سفيان قادر يعرف وين مكانها من غير مايسمع صوتها
سفيان وصل لعندها ..حط ايديه على الساس وهي خافت منه ..اللون لاسود امبين لون اعيونه أكثر
سفيان حاصرها وقرب منها طبس عند رقبتها : تحسابيني مانقدرش نوصلك كان قعدتي ساكتة ...وشم رقبتها ...ريحتك نعرفها من بعيد ومن الف ريحة ثانية
جنات ترجف
..وسفيان زاد قرب منها ..حط ايديه على خصرها ..لامس فستانها ...وبعدين حط ايديه على ايديها ورقى امعاهن لاكتوفها ...لامس رقبتها يبي يعرف شن لابسه بالضبط ...وبعدين حط يده على شعرها لامس التسريحة ..ومسك خصلة مموجة نازلة على اكتافها ..ونزل بيده على ظهرها ...سفيان متعود يعرف كل شي عن اي حاجة او شخص ايخصه او في حياتهجنات جامدة وخلاص واتبحت فيه ...سفيان ضحك على الجنب ..وشبك يده في يدها ومشى لعند الباب خذا عصاته وفتح الباب وطلع
اول ماطلعوا الدنيا كلها زغاريت ..والبنات والصبايا ايسلموا عليهم ..وبعدين جت وحدة وتمت اتصور فيهم ...سفيان كان مختلف تماما مع جنات قدام الناس ايعامل فيها كانها مراته صاح ..وهذا الشي حيرها أكثر
بعد كملوا تصوير ...سفيان خذا جنات على الجنب والانظار كلها عليهم
سفيان قرب منها : أضحكي وخليك طبيعية ..وردي بالك اتحاولي تسألي او اتحسي حد من العئلة باي مشكلة او اي قصة صارت بينا ..عارفة شن بيصير بعدين
جنات اتبحت فيه بصدمة كيف قاعد يحكي امعاها والناس تحسابه يغازل فيها او ايقول في كلمة طيبة ..وهوا قاعد ايهدد فيها
وبرم سفيان على صوت اعيال صغار خشوا الفيلا وامعاهم مراة كبيرة و وحدة اخرى شابة ...كان واضح من شكل لعيال واعيونهم أنهم مكفوفين
المراة تمشي مع لاعيال لعند وصلتهم لسفيان ..وهوا طبس ايبوس فيهم ..والعيال الصغار كل واحد ايحاول ايبوس سفيان ويمسكوا فيه ..واحد من يده والثاني من رجله ...وجنات اتبحت فيهم مصدومة ...اول مرة اتشوف سفيان يضحك ...كان كيف الملاك وسط الاطفال الفرحنين بيه ..املا من وين ايجيب في القسوة هذه كلها معايا
جنات امقمعزة وتجامل في الناس طول الحفلة وسفيان بعد سلم على لاعيال طلع ....لاعيال جاوا سلموا على جنات ...والمراة عرفتهم عليها على اساس أطفال جمعية خيرية للمكفوفين
...وطبعا سفيان كان أكبر داعم للجمعية لان هوا اللي أساسها بعد كم عام من أصابته انتهيت الحفلة وجنات رقت مع صالحة فوق ..وهي تفكيرها مشوش ..من العالم اللي شافته تحت ...عالم يختلف عن العالم الموجود في الدور الثاني
جنات خشت للدار وصالحة صبت برا عشان تقفل الدار
جنات : خليه مفتوح
صالحة هزت رأسها بحزن : مانقدرش
جنات : باهي
خشت جنات وصالحة قفلت الباب ...بعد غيرت جنات دبشها وغسلت وجهها ..وصلت اللي فاتها من الصلاة
مشت بحتت فونها لانها مسيبته من بدري ...لاقت مودة رانة عليها ..وجلال
جنات قمعزت على السرير ورنت على جلال
جلال مش واعي : هها
جنات عرفت من صوته أنه شارب : اوووفه
جلال : من امعايا
جنات : ها جلال وين أنت
جلال : قاعد في الحمام
جنات بعصبية : جلال بلا سماطة وين أنت
جلال : قاعد مع الجماعة شن تبي
جنات : القيتك ران عليا امبدري ..شن تبي
جلال يضحك : أنا ؟!!
والله مش عارفجنات : جلاااال
جلال : اها اها تذكرت حني مرضت ..وكنت نبي نسالك على دواءها
جنات : اجديدة مريضة
كنهاجلال صوته ايجي ويريح : مش عارف ...بالك مش متغدية
جنات : جلال حرام عليك ركز امعايا ..اجديدة كنها
جلال : الو ...من أنتي ..وييييياه
جنات هزت رأسها وصكرت المكالمة ..جلال كان سكران طينة ومش عارف شن يحكي ...لكن جنات خافت على سليمة ..وماعرفت كيف تطمن عليها ...بحتت لساعة لاقتها الساعة عشرة ونص ...مشت كلمت مودة
مودة : خير ياحنة ..باهي اللي عبرتينا
جنات : اهلين ...والله ماكنتش فاضية ..شن اخبارك
مودة : تمام ...كنه صوتك أنتي مريضة
جنات : لا الحمدالله ...بس توا كنت نحكي مع جلال وقالي اليوم اجديدة مرضت ...صاح
مودة : مش عارفة بصراحة اليوم ماشفتهاش بكل
جنات زادت خافت اكثر : مودة نطلب منك طلب تمشي اتشوفيها واتكلميني لان جلال مش قاعد في الحوش
مودة بحتت في الساعة : مع انها لليل لكن حاضر ..نمشي انشوفها وانرد عليك
مشت مودة اتشوف في سليمة بعد ماقالت لامها ..لاقت الحوش مفتوح خشت جوا
*************************
لوطى بعد نزلت ..صالحة خشت للمطبخ عشان اتشوف البنات اللي جابتهم ايساعدن فيها كملن شغل والا مازال
برمت عليهن ...رن فونها بحتت فيه واطلعت من المطبخ ومشت للصالة
صالحة بصوت واطي : الو
المتصلة : خير شن اخبارك
صالحة : تمام ...مش قتلك معاش تكلميني لعند نتصل بيك أنا
المتصلة : شن اندير الله غالب رايفت عليه نبي انشوفه
صالحة : هوا بس
المتصلة : لا أكيد كلهم
صالحة : اممم
المتصلة : سمعت اليوم عندكم حفلة
صالحة : اها اليوم عشاء وحفلة عشان سفيان وواا
وحست بواحد مسك الفون من وراها وخذاه منها ..ابرمت لاقاته سفيان
سفيان كان قاعد ايصلي في الصالة وضيها كان طافي ..وبعد كمل قعد امقمعز ويفكر ..مع خشت صالحة اتكلم
سفيان حط التليفون على وذنه وسمع الصوت ..واعيونه شاطت فيهم النار
سفيان عزق الفون في الساس راح طراطيش ...وقرب من صالحة وهي خافت منه ايعيط بصوت عالي : شن قاااايل أنا ...شن قااااايل ...مش قلت معاش نبي نسمع حتى اسمها في الحوش ...قاعدة تحكي أمعاها ...من امتى ...من أمتى يا صااالحة
صالحة ترجف وتبكي : مماااماا
سفيان هز رأسه مقهور واعيونه دمعوا ...وتلامس لعند لاقى عصاته خذاها وطلع بعصبية ايخبط ورقى فوق
صالحة انقهرت : وقعدت تبكي
**********************
مودة اتخش بشويش : اجديدة سليمة ..اجديدة وينك
خشت لعند دراها ..مش قاعدة ..بحتت في المطبخ ..مش قاعدة ...استغربت منها وين ماشية
ابرمت اتكلم في جنات ..تبي اتقوللها ..كلمي خوالك اسأليهم عليها لانها مش قاعدة في الحوش
مودة اتكلم وحست واحد جاء وراها التفت لاقاته عيسى
مودة صكرت الفون : اهلين
عيسى : هلا
مودة اتوخر : كنت جاية انشوف في اجديدة لكن شكلها ..مش قاعدة
عيسى ايقرب منها : مافيش حد ...حني خذاها باتي للحوشنا بدري
مودة خافت من نظراته وتبي تطلع : اها باهي ...اصلا جيت نسأل عليها ..جنات تبي اتكلمها....اوكي
عيسى مسكها من يدها وبرمها شوره : تعالي هنا وين ماشية ..مازلت ماكملت كلامي أنا
مودة :
*********************
جنات امقمعزة واتهز في رجلها بعصبية ...وترجى في مكالمة مودة ...ولما طولت ..اتصلت بيها ...مافيش رد
جنات صبت وتبي اتكلم مرة اخرى ...وتسمع عيطة قوية ...وصوت طفل يبكي ..كأنه ايتألم
..جنات مشت تجري ..وقفت عند الباب ...وتسمع صوت سفيان فتح باب المكتب وطلع بسرعة وعصاته تخبط في الارض ...وشكله مشى للدار اللي فيها الطفلجنات وذنها على الباب ..وتسمع في صوت العيل يبكي ..بس صوته غريب ..بكأه فيه الالم
كأنه في حاجة تخنق فيه ...وبعدها صوت سفيان ايعيط لصالحة بصوت عالي وكان واضح من صوته أنه خايفجت صالحة وسمعت حتى صوت فخري وملاك ...الدنيا برا هرجة ومش عارفة شنو فيه ...بس أكثر شي أثر فيها صوت العيل وهو يبكي ويتوجع
لعند قعدت تبكي بعد ربع ساعة الجو برا هدوء وصوت وحدين انزلوا ....من الدروج شكلهم صالحة وملاك وفخري
بعد ساعة سفيان لابس جاكته ..وخذا عصاته وطلع من الفيلا مع فخري
جنات بعد الجو هدأ ردت اتكلم في مودة لكن مافيش رد ...كلمت جلال برضوا مافيش ...خلاص قلبها نار على جدتها ...وخاصة بعد سمعت صوت الطفل كيف يبكي ..حالتها النفسية صفر
الساعة 2 في اليل جنات في سريرها مش قادرة ترقد تتصل بمودة اخر شي مقفل ..تتصل بجلال مايردش ...ولما تغمض
اعيونها تسمع في الصوت في وذانها
الساعة ثلاثة جنات شكلها غفت ...ناضت على حس المفتاح في الباب ..حلت اعيونها وتحساب روحها تتخايل ..لعند الباب أنفتح وخش عليها سفيان ...جنات قمعزت مفجوعة وسفيان يمشي شور السرير ..جنات ولعت الوناسة
وشافت منظر سفيان ...اعيونه حمر ..شكله كأن يبكي ...بس بعدها لاحظت أنه مش واعي ..يمشي ويترنح حول جاكته عزقها هي والعصاة
جنات صبت من السرير ترجف : سفيان كنك
سفيان لما سمع صوتها قرب منها مرة وحدة وطاح بين ايديها ...جنات تبي ترفعه ومش قادرة عليه ثقيل
وخرت لعند المرقد تبي اتنزله ..طاحت على السرير ..وسفيان جاء عليها
جنات ادف فيه من عليها وهو رفع رأسه واعيونه ناعسة وقرب وجه من وجهها ..
جنات : سفيااان
سفيان حط صبعه على فمها : اششششش مانبيش نسمع ولا كلمة
و.....
*******نهاية الحلقة #6
