رواية نارك جنة الفصل السابع 7
سفيان لما سمع صوتها قرب منها مرة وحدة وطاح بين ايديها ...جنات تبي ترفعه ومش قادرة عليه ثقيل
وخرت لعند المرقد تبي اتنزله ..طاحت على السرير ..وسفيان جاء عليها
جنات ادف فيه من عليها وهو رفع رأسه واعيونه ناعسة وقرب وجه من وجهها ..
جنات : سفيااان
سفيان حط صبعه على فمها : اششششش مانبيش نسمع ولا كلمة
جنات اتحبت في اعيونه ايهبلوا والرمش كثيف ..سفيان قرب وجه من وجهها أكثر ونزل على فمها وهو يبحت فيه وهمس : جنة
جنات فمها يرجف ونفسها متقطعة : أسمي جنات
سفيان انلقب على ظهر على السرير وحط يده على وجه : اوووووفه عليك عناااد
جنات قمعزت اتبحت فيه وعرفت أنه مش واعي ..متعودة على جلال ..لكن شن خلا سفيان يشرب الليلة ..من اول ماجت هذه اول مرة اتشوفه هكي
سفيان حول يده من على وجه وحطها في جيب السروال ايدور على شي ..وجنات اتبحت فيه وخايفة
سفيان طلع قطرة ومد لجنات : خوذي حطيلي في اعيوني
جنات مدت يدها ترجف ومترددة وخذت القطرة ..بحتت فيها ...وقربت منه ..وهو كان راقد من غير اي حركة ..ومغمض اعيونه
جنات طبست عليه ومدت يدها تفتح في عينه ..لكن سفيان فتح اعيونه فجاة وهيا خافت
سفيان : حطي هيا...قطرتين في كل عين
جنات تنهدت وقربت منه ..قطرت في اعيونه ..وهو غمضهم زين كأنه حس بالم
وهيا اتبحت في وجه وادموع ينزلوا على خده ..معاش عرفت من الدواء والا كان يبكي
جنات انسحبت بالشوايا تبي تنزل من على السرير ...لكن سفيان بحركة وحدة مسك يدها وسحبها بقربه
جنات :
سفيان برم ورقد على جنبه وضم رجليه كيف الطفل ..وجهه في وجه جنات وقاعد ماسك يدها ..ويحكي واعيونه مغمضات وجسمه يرجف : جنة ...خليك احدايا ..ماتسيبينيش
جنات قلبها ايدق بسرعة وشكل سفيان وجعها :
**********************
مودة : ااا شن تبي عيسى
عيسى قرب منها أكثر وماسك يدها بالقوة : كنها جنات شن تبي
مودة تبي اتفك يدها : مافي شي ..تسأل على اجديدة سليمة
عيسى شدها وقربها منه : وأنتي شن قلتيلها
مودة متقززة منه وأدف فيه : ماقلت شي ..حول نبي نمشي
عيسى مسك ايديها لاثنين وسحبها للدار : وين تمشي ..مازال بدري
مودة ادف فيه وتبكي ومش عارفة ليش ماقدرت اتصرخ ..ممكن من الخوف والصدمة
عيسى نزلها لوطى وجاء عليها ..وهي اتخبط وتضرب فيه ..وهو ايحاول ايثبتها ...وفي وسط العركة ..مودة ضربت عيسى اسفل بطنه ..وهو توجع وبرم وهي صبت تجري ..لكن عيسى على طول في جرتها
مودة طالعة تجري في الصالة وعيسى شدها من وشاحها وسحبها لاوراء ومودة صرخت بصوت عالي وفونها طاح تكسر ..وهو حطها على الساس ..ولاصق فيها ...لكن في للحظة حس بحد ضربه على ظهره وطاح
مودة كانت امغمضة بحتت لاقت جلال قدامها ...بس منظره غريب اعيونه حمر ..وشكله مش واعي تمام
مودة : جلال
جلال مد يده وسحبها : جنات ..تعالي
مودة عرفاته مش واعي ويحسابها جنات مشت شوره ..وعيسى صبا
مودة مشت بسرعة وانطمرت وراء جلال
عيسى ايبحت في مودة وجلال بحقد : جيت أنت ..شن خطر عليك اليوم اتجي بدري ..مش من عوايدك يعني
جلال واقف بالغصب : شش شن جيبك هنا ..ياكلب
عيسى معصب هد على جلال ومودة طبست خذت فونها و طلعت تجري برا ...عيسى قعد يضرب في جلال ..ومودة قاعدة برا تسمع فيه ..وبعدها مشت تجري للحوش هلها
جلال طبعا مش واعي وعيسى ضربه واجد وطلع
اللي صار أن جلال عمره ماجاء بدري للحوش ...لكن الليلة لما كثر شرب ..جماعته خذوه وجابوه للحوش ...وممكن صار هكي لان ربي يبيه ايساعد مودة
*********************
جنات راقدة و وجهها في وجه سفيان ...قاعدة اتفرج على ملامحه وهو راقد ...وبرغم ملامحه الحلوات بس كان في قسوة وغموض فيهم ...زعما شن امخلي سفيان يتصرف بالطريقة هذي
ورقدت وهي اتفكر في سفيان
...الصبح الساعة سبعة ..سفيان تحرك وفتح اعيونه ..حس بنفس جنات الساخن على وجه ...مد يده لامس خدها براحة ...وبعدها زي لفطن لروحه قمعز بسرعة ايفكر شن جابه هنا ..وكيف راقد امعاها ..تلمس ..لعند لاقى التيشرت امتاعه لابس ومشى لعند الباب افتحه وطلع وقفل وراءه
جنات راقدة ونطت منفجعة على رنت نقالها ..بحتت جنبها سفيان مش قاعد ..خذت نلقالها لاقت مودة تتصل بيها
جنات : الو ..وين رحتي امبارح طولت وأنا انكلم فيك
مودة بصوت واطي وتبكي : جناات
جنات بخوف : كنك ..شن في ..اجديدة صار فيها حاجة
مودة : لا لا مافيها شي ..اجديدة سليمة عند خالك عبدالعليم
جنات : باهي ..وأنتي كنك شن فيك ..خوفتيني عليك مودة
مودة : امبارح بعد مشيت انشوف في اجديدة ..الحوش كان فاضي ..وبعد جيت نبي نطلع تلاقيت مع عيسى ولد خالك
جنات حلت فمها : اهههي
شن دارلك هالواطي الحيوان ..عارفته قذر ونجس
مودة تبكي بقهر : مسكني وكان ناوي .. ..ناوي ..ااااه جنات
جنات : حقير
..إن شالله دارلك حاجة مودة ..أحكي الله يربحك أعصابي خلاص
مودة : لا لا الحمدالله جلال جاء وقدرت نهرب منه
جنات حطت يدها على قلبها : اووفه الحمدالله ياربي ..لكن غريبة جلال عمره ماروح بدري ..بالذات امبارح مش فاطن بكل
مودة : تمسح في ادموعها : اهو عاد حظي ..جابه ليا ربي في اللحظة لاخيرة
جنات : باهي الحمدالله على سلامتك ..
مودة : الله يسلمك
جنات : والله باهي جلال طلع منه مصلحة
مودة مترددة : تعرفي لما جاء وضرب عيسى كان ايقول في اسمك ..شكله يحسابني أنتي
جنات قلبها وجعها : نجك ليا ..والله اكويس وطيب بس لو ايسيب السم اللي يشرب فيه
مودة : جنات نبي انقولك حاجة
جنات : كنك إن شالله خير
مودة : ع عيسى امبارح سيبته يضرب في جلال ومش عارفة شن صار فيه
جنات صبت : حي عليا..حي عليا ..شن دارله هالحقير
مودة : والله ماني عارفة ..أنا خفت وهربت...وحتى النوم معرفتش نرقد وأنا انفكر ..وماقدرتش نتصل بيك تليفوني تكسر ..غير توا خذيت فون ماما
جنات حايسة في الدار : يانعليا ..كذا صكري انرن عليه
صكرت مودة وجنات اترن على جلال لكن فونه مقفل
ردت اتصلت بمودة : حي عليا يا دودي نقاله مقفل
مودة اتفكر بعدها : ماتخافيش توا نمشي انشوفه
جنات : لا لا ردي بالك مرات الحيوان هذاك مازال قاعد
مودة : لا ماتخافيش عليا ..أمي حسها اتحوس برا نسمع فيها من بدري ..توا نطلع انقوللها من امس واجديدة سليمة مش باينة خلينا نمشوا انشوفوها
جنات : حتى هوا رائي ..بس افطني منه راه خامر ومعفن
مودة : لا امي امعايا ماتخافيش عليا ...هيا توا نطلع انشوف امي انشوف جلال وتوا نتصل بيك
جنات : نرجى فيك ..راكي تنسيني ..وردي بالك من روحك
*****************
سفيان طلع من جنات ..مشى لدار المصكرة ..خش قعد فيها اشوي ..وبعدها طلع مشى لداره خش الحمام فتح لامية الدافئة ..حول ادبشه وخش تحت الدش ..وكان كل فكره في جنات ..مش متذكر شي من لليلة امبارح ..الا أن جاء وفتح باب دارها
أما الباقي زي الحلم مش واضح ...الشي الوحيد اللي عالق في باله ريحتها
سفيان لابس اسود كامل وخذا عصاته ونزل لوطى ..تلاقى مع صالحة واخذا الفطور لجنات
سفيان نازل وقالب وجه على صالحة
صالحة : صباح الخير
سفيان ماردش عيها وكمل ينزل
صالحة : شيباني
سفيان عض على فمه وقف وبرم شورها : عدي شوفي شغلك ..وحسابك بعدين
وكمل نزل معصب
صالحة : اوووفه ....نستاهل أنا اللي جبته لروحي
ورقت مشت افتحت الدار على جنات لاقتها حايسة وتبرم في الدار
صالحة : صباح الخير
جنات : صباح النور
حطت السفرة وبحتت في جنات : كنك صايرة امعاك حاجة
جنات : اءاء ..لا غير كنت نستنى في تليفون ..اجديدة مريضة ونبي نطمن عليها
صالحة : إن شالله لاباس عليها ..أطمني إن شالله خير
جنات ابتسمت بالغصب : إن شالله
صالحة مشت وتبي تطلع وجنات وقفتها : صالحة
صالحة : نعم
جنات : وو وين سفيان
صالحة : شفته طلع توا
جنات : باهي
طلعت صالحة وجنات مش عارفة ليش مشت تجري وافتحت الروشن وبحتت تحت ..وسفيان كان واقف تحت مع فخري ..سمع الروشن انفتح بحت فوق
وجنات برغم عارفة سفيان مايشوفش ..لكن خافت وخشت جوا
سفيان حكى مع فخري والشاب امتاع الامن وكان يحكي ويشاور على روشن دار جنات ..وبعدها طلع مع فخري من المزرعة
********************
مودة طلعت من الدار ومشت حكت مع امها ..وقالتلها خلينا نمشوا انشوفوا اجديدة سليمة ..مرات تقعد مريضة وماحد جايب عنها علم
المهم طلعت مودة وامها ..خشن للحوش كان الباب مردود ..خشن مافيش اي حس ...أم مودة خشت جوا لدار سليمة ..ومودة مشت وين ماسيبت جلال وعيسى ايتعاركوا
مودة انفجعت من منظر جلال كيف مضروب وطايح على وجهه ...مشت تجري وقمعزت احذاه قلبته على ظهره
مودة تضرب في جلال على وجهه بيدها تبيه يوعى : جلال ..جلال ..نوض
جلال حرك راسه يبي يفتح اعيونه ومش قادر ..حط يده على وجه ايحك في اعيونه
مودة طبست عليه وخشمه دم : جلال أنتا اكويس شن اتحس
جلال أخيرا قدر يفتح اعيونه بحت في وجهها مودة ورفع يده حطها على خدها : مودة ..وين جنات
مودة مسكته من تحت كتفه واتحاول اتخليه ايقمعز : صبي جلال ..ساعدني
جلال ساعد مودة لعند قمعز واتكى على الساس ويبحت فيها ومستغرب شن جابها هنا
مودة سيبت جلال وعدت بسرعة طلعت لاقت أمها ادور في الحاجة سليمة برا في المطبخ والجنان
مودة : تعالي أمي اجديدة مش قاعدة ..جلال قال خذوها عيت خالي أمس
أم مودة : باهي الحمدالله ..قبل قلت العجوز وين راحت
مودة : أمي تعالي بحتي جلال شكله داير عركة ومضروب خشم وجه دم
أم مودة : هذا شكله جلال ..ديما مشاكل ..يستر الله
وخشن جوا شافن جلال ..أم مودة مسحت وجه بمية دافئة ومودة مشت طلعت دبش لجلال خش للمربوعة غير دبشه وخش رقد في مرقده
أم مودة بعد كمل جلال تغيير خشت عليه : أرقد ومعاش تطلع توا انجيبلك غداء
جلال منحرج من أم مودة : حاضر ..تسلمي ياعمتي
أم مودة : خليك هنا مع حنك مالك ومال الشباب ايودروك امعاهم ..شوفوا وجهك كيف متورم ...من ضاربك؟!!
مودة خافت :
جلال ايحاول يتذكر لكن الصورة قدامه امشوشة ..مش متذكر شي : تعاركت مع شباب في الشارع
مودة تنهدت :
أم مودة : تريح الله ايربحك وارقد
جلال نزل في مرقده وأم مودة طلعت وهو يبحت في مودة ..كان حاس أنها عارفة حاجة على يوم أمس ...ومودة لاحقت أمها تجري
************************
جنات امقمعزة متوترة تستنى في مكالمة مودة ..ماصدقت سمعت فونها ايرن
جنات : ها يادودي شن صار
مودة : لا تمام ..مشيت أنا وماما وجلال اكويس ..شكلهم متعاركين ..لكن الحمدالله مافيش شي ..غسل وغير ادبشه وخش رقد في المربوع
جنات : اوووفه الحمدالله يارب ..وعيسى مش قاعد
مودة : لا مش قاعد الحقير ...جلال فونه كان مافيش شحن ..حطيته له في الشحن احذاه كان تبي اتكلميه
جنات : باهي تمام ..نجك ليا ربي مايحرمني منك ...سامحيني يادودي امبارح قبل اا
مودة : بلاش اهبال ..اول شي أنتي مش بقصدك وين تعرفي أن عيسى قاعد غادي ..وبعدين ربي كريم دزلي جلال في وقته
جنات ابتسمت : ريتي جلال يما يطلع منه
مودة : جنات ردي بالك اتقولي لجلال شي ..راه مش فاطن ومش عارف حاجة يحساب روحه متعارك مع شباب برا الحوش
جنات : أحسن باهي أنه مش عارف ...أنتي عارفة علاقة جلال بخوالي مش تمام وكان يعرف شن دار عيسى امبارح اتصير مشكلة كبيرة وتقعد قصة
مودة : وهذا ليش خايفة أنا ..مانبيش مشاكل . تخيالي يسمعوها هلي
جنات : باهي تمام ..خليني انكلم جلال نطمن عليه
مودة : اوكيه حتى انا نبي انصبي انساعد أمي ..اوكي
صكرت جنات وكلمت جلال ..وطلع زي ماقالت مودة مش متذكر شي ...سالته جنات على سليمة قاللها أمس حست اشويا وجاء خالي عبدالعليم خذاها للحوشه ..وكمل احكايات امعاها عادي
بعد اطمنت جنات على خوها صبت خذت دووش البست فستان طويل ابيض وفيه ورد على اطرافه وفيه شريط على خصرها ..فستان بسيط وحلو .. وصلت وقمعزت فطرت ..بس كل تفكريها كان في سفيان
بعد الغداء جت ملاك وافتحت الباب على جنات
ملاك : خييير
جنات كانت مقمعزة تمشط في شعرها : اهلييين
ملاك خشت : شن اخبارك
جنات : بخير الحمدالله
ملاك قمعزت على السرير : أمس طلعتي اتهبلي ..بنات عمي كلهم يسألوا عليك
جنات كملت وصبت : نجك ليا ..اعيونك ايهبلوا
ملاك صبت : هيا البسي وشاح وتعالي امعايا لوطى
جنات : صاح
ملاك مشت وامسكت يدها : اها صالحة قالتلي عدي نزلي جنات
جنات طارت من الفرحة واستغربت في نفس الوقت شن صار عشان سفيان غير قرره...افتحت الدولاب خذت وشاح لابسته واطلعت مع ملاك ..بس قبل تنزل اعيونها كانوا على دار الطفل اللي امصكره خاطرها تعرف من فيها ..وليش يبكي هكي
نزلت جنات لاقت صالحة في المطبخ وامعاها وحدة اتساعد فيها : خيير
صالحة ماسكة طاجين كيكة ساخن توا كيف طلعاته من الكوشة : خيير
جنات منحرجة ومش عارفة شن ادير
صالحة حطاته على رخام المطبخ وبحتت في جنات : اطيبيلنا قهوة ؟؟
جنات ابتسمت وفرحت كانت مالة من الحبس والكساد : أكيد ..حاضر
وبدأت جنات اطيب في قهوة ..وملاك اتساعد في صالحة
مشت صالحة وتت قعدة برا في الجنان ..واطلعوا برا يشربوا في قهوة وعصرية
جنات امقمعزة وتهدرز مع ملاك ...وسمعت صوت سفيان طالع هوا وفخري ...قلبها ايدق بسرعة وايديها يرجفن مش عارفة ليش
فخري : السلام عليكم
جنات وصالحة وعليكم السلام
سفيان طلع من غير اي كلمة ومشى قمعز على كرسي وفخري قمعز جنبه
صالحة : تشربوا قهوة
فخري : صبي ياريت
صالحة : سفيان تشرب
سفيان ولا كأنه يسمع فيها
صالحة طبست اتصب في قهوة لفخري...وجنات كانت امركزة على سفيان وصالحة وحست بالجو المتوتر بينهم ..زعما شن صاير وخلا سفيان يزعل من صالحة
جنات تبي تشرب قهوتها ..وفجعها صوت الكلب امخطم مع شاب الامن
طاح منها الفنجان على فستانها ولاذعتها القهوة في نهاية ساقها صبت تنفض في القهوة من عليها : اااه
صالحة : حي عليا حرقاتك
ملاك
جنات رجلها تحرق فيها من القهوة وتمسح فيها ..فخري صبا وعدا بعيد ..وسفيان صبا وقرب منها : شن صار كنها
صالحة : ساهلة ساهلة ..مافي شي
سفيان بعصبية : شن صار فهموني ..كنها
جنات اتبحت فيه معصب ومعاش عرفت خايف عليها ولا شنو
صالحة : مافي شي ..جنات انكبت عليها القهوة
سفيان : جنة أنتي اكويسة
جنات ساكتة
سفيان : نسأل فيك ردي عليا ..أنتي اكويسة
جنات : اولا أسمي جنات ..مئة مرة انقولك أسمي جنات ...وثانيا أنا اكويسة مافي شي
سفيان مد يده : تعالي امعايا
جنات اتبحت فيه ومنصدمة ..وصالحة تغمزلها واتقوللها من غير صوت عدي امعاه
جنات خافت ايعصب منها اخرى ويصكر عليها الباب ماصدقت حن عليها وخلاها تطلع ..مشت شوره مدت يدها ترجف ..وهو مسكها وخش للفيلا
سفيان يمشي وجنات تمشي جنبه وساكتة ...رقى بيها فوق ...خش لداره ..قمعزها على سريره ...ومشى فتح الدولاب فيه علبة ..جابها وجاء قمعز جنبها ...فتح العلبة
سفيان : اي وحدة
جنات : كيف ..شن قصدك
سفيان : رجلك ..اي وحدة فيهم انحرقت
جنات : اها ...اليمين
سفيان طبس ورفع رجلها اليمين وحطها على ركبته ...رفع فستانها ..وبدأ يلمس في رجلها ..وهي قريب يغمى عليها
سفيان لامس الحرق وجنات عيطت بالشوايا : اااها
سفيان عرف مكان الحرق ..خلا يده عليه ..وباليد لاخرى ..طلع مرهم
سفيان : شوفي هذا امتاع حروق
جنات شافت المرهم : اها هوا
سفيان فتح المرهم حط اشويا على صبعه ..وبدأ يدهن بالراحة مكان الحرق ...وجنات اتبحت فيه ..كيف قادر ايكون كل مرة بشكل ...مرات اتحسه متوحش وماعنداش رحمة بكل ..ومرات يبقى كيف الملاك ..ويحن عليها
سفيان كمل ..وطلع لاصقة حروق حطها على رجل جنات ..ونزله لوطى وصبا ..رد العلبة في الدولاب
جنات صبت : خلاص نقدر نمشي
سفيان : لا ..خليك اشويا
جنات : عليش
سفيان : اششش
وطلع فونه كلم فخري : ها فخري شن صار الشباب كملوا
فخري : توا غير نزلوا من فوق
سفيان : تمام ...دز وحدة من البنات اتلم الدار
فخري : من غير ماتقول ياشيباني .. سيبت فيها صالحة والبنت اللي امعاها
سفيان : تم ..ياغالي صحيت
فخري : او كي
صكر سفيان : تقدري تمشي لدارك
جنات تبي تطلع وبعدها ابرمت : سفيان ..شكرا
سفيان : عليش؟!!
جنات : عععشان خليتني نطلع اليوم ..وعشان اهتميت برجلي
سفيان ضحك على الجنب : رد بالك اتفكري أني طيب او اخايف عليك او تهمني مصلحتك ...أنا بس انجهز فيك للي يبي ايصير
جنات قلبها طاح في بطنها : كككيف شن قصدك
سفيان قرب منها ومسكها مشى بيها لعند لباب افتحه وطلعها برا وقبل ايصكر الباب : ماتستعجليش ..كلها يومين وتعرفي كل شي
صكر سفيان الباب قبل حتى ماتستوعب جنات كلامه ...مشت لعند الدار تبي تفتحها ..الباب انفتح وطلعت صالحة وامعاها البنت المساعدة ..وشكلها كانت اتنظف في الدار ..وجنات استغربت لانها الدار ديما نظيفة وجنات مهتمة بيها
صالحة : ها شن اخبار رجلك تمام
جنات مازلت مصدومة من كلام سفيان : اااها ..اا تمام ..تمام
نزلت صالحة والبنت وجنات خشت للدار ..وقمعزت على السرير اتفكر في كلام سفيان ...بس لافت نظرها ريحة في الدار غريبة ..زي ريحة النار ..بحتت جنات مافيش شي غريب ..
**********************
جلال تغداء من غداء أم مودة وطاح رقد لعند المغرب ...وبعدها ناض غسل وجه ومشى طيب قهوة وطلع قمعز في الجنان ايدخن ..ويفكر في اللي صار أمس ..الذكريات مش واضحة ...لكن كل مايغمض اعيونه ايشوف صورة مودة تبكي ..ومايعرفش ليش ؟!!!
جلال مازال قاعد ايفكر ..ويسمع مودة طالعة لاجنان وتحكي مع واحد من خوته لاصغار ...نزل فنجان القهوة ومشى بسرعة نط على السور
جلال : مودة
مودة انفجعت وحطت ايدها على قلبها : فجعتني جلال
******************
جنات كمل اليوم وهي اتفكر وبعدها طاحت ارقدت ..وكانت سعيدة على الاقل الباب مفتوح اليوم
ثاني يوم روتين عادي مافيش جديد ...وسفيان مش باين بكل حتى صوته
في الليل جنات راقدة تسمع في صوت الطفل يلعب ..حاولت اتقاوم رغبتها أنها تطلع واتشوف ..بس ماقدرتش ..قلبها ميت على بال مايشوف الطفل هذا ..وخاصة بعد سمعت صوته يبكي يومتها
صبت جنات بالشويا وقالت معاش فيها نبي نمشي انشوف واللي تبي اتصير اتصير ...اصلا سفيان من كلامه بدري شكله مش ناوي خير على كل حال
طلعت جنات بالشويا تمشي على اطراف اصابعها وتبحت في كل مكان ...الجو هدوء ..وضئي مكتب سفيان طافي .....وصلت لعند الدار الصوت تما واضح ...حطت يدها على يد الباب وهيا ترجف وقريب اطيح ..فتحت بالراحة ..وعلى طول شمت بنة الدواء ..كأنها خشت مستشفى ...بحتت جوا وأنصدمت من اللي شافته
***************************
سفيان في المطبخ يشرب في امية ويبي يرقى خشت عليه صالحة : سفيان
سفيان تنهد : نعم
صالحة : خلاص بلا مكر ..سامحني والله مش قصدي .اا
سفيان خبط الباب بيده : أاااسكتي صالحة ماتخلينيش انطلع اهبالي عليك ...وربي مانرحمك راه
صالحة تبكي : والله ياسفيان كنت نبي نحكيلك ..لكن جت قصة العرس وجنات ومعاش صارت فرصة نحكي
سفيان قرب منها معصب : أنا شن قايل ياصالحة ..عليش محذركم في الحوش هذا ...مانبيش حتى نسمع سيرتها ...عليش تقهري في أمي وتحكي امعاها ..نبي نفهم ..تبيني انطربق الحوش هذا فوق روؤسكم والا كيف
صالحة : باهي خلاص أخرة مرة والله العظيم ماعاد نفكر حتى فيها ..غير سامحني ..وراس خيي سفيان
سفيان حط ايديه في شعره وتنهد : خلاص باهي أسكتي ..أسكتي وعدي اغسلي وجهك وارقدي
صالحة تمسح في وجهها : نجك ليا شيباني ...وربي مافي كيفك
سفيان : هذة اخر مرة نحكي في الموضوع هذا ...معاش نبي انعاود دوة فيه ...لاني المرة الجاية حتى أنتي تلحقيها
صالحة : باهي تمام
سفيان : تصبحي على خير
وطلع من المطبخ ورقى فوق
جنات اتبحت في سليم ...كيف راقد ويبحت فيها بوجه البري ويبتسم
سليم طفل من اطفال متلازمة داون ...واللي مش عارفة شن معناها فهو طفل مغولي زي مافي ناس اتقول ...بس أنا بصراحة مانحبش التسمية هذه ...اسمهم أطفال متلازمة دوان
سليم راقد وكان واضح عليه المرض والتعب ...جنات قربت منه وخايفة ...هو ممكن عمره 12 او 13 سنة ..بس ديما اطفال الداون يعطوك عمر اصغر من اعمارهم الحقيقية لان أجسامهم ماتنموش كيفنا
كان صغير وضعيف ...بس اعيونه حلوات نفس لون اعيون سفيان ...شعره ناعم ونازل على وجه...بس طبعا ملامحه تعرفيه أنه طفل دوان
جنات اتقرب منه وهو مبتسم ويضحكلها ...وهيا خلاص قلبها انكسر على منظره كيف راقد في السرير ومش قادر يلعب كيف الاطفال ...وكل ما يخطر عليها صوت بكأه في الليل ايزيد قلبها حزن
سليم اعيونه على جنات ويضحك ومد يده : بوثة ..بوثة
جنات اتبحت فيه ومش عارفة شن يبي :
سليم ايزيد ايمد في يده لجنات : بوثة ..بوثة ..بوثة
جنات قلبها قاللها أمسكي يده ...قربت منه ومسكت يده الصغيرة لكن ترجف وخايفة ..مش من سليم ..لان وجه كان مريح وبري ..بس الموقف كان غريب عليها
جنات مسكت يده وطبست عليه باساته على رأسه ...لكن هوا مازال ايعيط بوثة بوثة
جنات حست أن هوا يبيها اتبوس يده ....رفعت يده وبأساته عليها ..وسبحان الله سليم ضحك ضحكة اتهبل ..نفس الضحكة اللي سمعاته يضحك فيها مع سفيان ...ممكن كانت هذه لعبته المفضلة ...وبعدها قعد ايقول بوثة بوثة اخرى ..وكل ماجنات اتبوس يده يضحك ازيادة
جنات طبست باساته على رأسه وسليم كان ماسك في يد جنات بالقوة ..بالغصب كيف اقدرت اتفك يدها منه ...كان عليها كانت منسجمة وتلعب امعاه ..لكن خوفها من سفيان خلاها تطلع بسرعة
جنات طلعت من الدار بسرعة ..ومشت خشت دارها وصكرت الباب ...وبعد اشويا رقى سفيان ..وطبعا اول حاجة مشى لدار سليم ..فتح الباب وخش عليه
سفيان قمعز على الكرسي وسليم مدله يده كالعادة : بوثة
سفيان ابتسم ومسك يد سليم وقربها من فمه ايبوس فيها ...لكن فجاة تغيرت ملامح وجه وتعصب فجاة ...شم عطر جنات على يده
سفيان صبا معصب وطلع من الدار ..ومشى فتح الباب على جنات لكن هيا كانت خاشة في مرقدها ..وراقدة
سفيان من صوت نفسها عرفها راقدة طلع وصكر الباب
ثاني يوم جنات ناضت على صوت سيارة اسعاف تحت ...صبت بسرعة وهي خايفة زعما العيل اللي أمس صارت فيه حاجة ...طبعا جنات مازلت ماتعرفش اسمه ...افتحت الروشن ..واول حاجة انصدمت من الحماية الحديد اللي برا ...وعرفت أن طلعتها امس للجنان مش بلاش ...سفيان كان ايركب في حماية على الروشن عشان معاش تهرب مرة اخرى
جنات : وأنا نحسابهم طيبين خزيه ...اووووفه هالتافه ..والله انوريه ..يحسابني بنسكتله
وبعدها جنات حاولت اتشوف شن قصة الاسعاف ...بحتت لوطى وشافتهم اينزلوا في مريض على مرقد وخشوا بيه للفيلا
************************
جنات قربت من الباب بعد سمعت هرجة وصوت برا ...وشكلهم حطوا واحد في الدار لاخرى جنب دار سليم
لكن ماعرفتش من وشن قصته ...الحوش هذا كل يوم قصة وسر جديد
خشت جنات غسلت وصلت وجابت ملاك الفطور هدرزت امعاها اشويا ...وكذلك الغداء ...وفي العشية ..جنات قاعدة مقمعزة وتلعب على فونها ..والباب ينفتح وخش سفيان وخبط الباب بالقوة
جنات صبت خايفة : كنك
سفيان ايقرب منها واعيونه نار : شن قايلك أنا ..مش قلت ممنوع تطلعي من الدار هذي من غير أمري
جنات اتوخر : وأاانا ماطلعتش
سفيان هجم عليها ومسكها من رقبتها : بلاش كذب ...صكري فمك ..أحسن مانقطع حسك
جنات اعيونها دموع وتكح : سفيان ..احؤ ..خلاص سسفيان بنموت
سفيان ايعيط قريب من وجهها : من سمحلك اتخشي عليه ..مممممن
جنات عرفاته يحكي على الطفل ..بس كيف عرف ..معقولة الطفل يحكي ويفهم
ماتعرفش أن سفيان عرف من ريحة عطرها ..
جنات اتفك في ايديه : ماخشيت على حد كنك أنتا
سفيان دفها لعند طاحت على السرير : كذااابة ..لكن أنتي اللي جبتيه لروحك ...وربي تندمي على الساعة اللي فتحتي فيها الباب
سفيان سيبها ويبي يطلع وجنات لاحقاته تجري : سفيان طلقني وخليني انروح لاهلي
سفيان برم : حلم ابليس بالجنة
جنات : شن تبي فيا ...عليش متزوجني ...شن درتلك أنا ..حرام عليك
سفيان تعصب وقرب منها مسك وجهها بيد وحدة : تبي تعرفي عليش تزوجتك ...ماعندكش مشكلة ..تعالي امعايا وأنا انوريك عليش
ومسكها من يدها وهي تبكي وتمشي وراها بسرعة ..وهو يمشي ويده لاخرى على ساس الممر ..وصل لعند نهاية الممر وفتح الباب اللي بعد دار سليم وخش وسحب جنات جوا لعند طاحت على الارض
سفيان امصبي ومعصب على لاخر : اهو تفضلي شوف عليش تزوجتك ..وإن شالله يعجبك المنظر
جنات ارفعت وجهها وشافت واحد راقد على السرير
جنات اتهز في رأسها وقلبها حست بيه وقف ...واطرافها صقعن ...ومش امصدقة اعيونها
توفيق راقد على السرير وكان وجه واضح أنه مريض وتعبان
ومنى أخته امقمعزة على كرسي جنب السرير واتبحت في جنات
جنات
*******نهاية الحلقة #7
وخرت لعند المرقد تبي اتنزله ..طاحت على السرير ..وسفيان جاء عليها
جنات ادف فيه من عليها وهو رفع رأسه واعيونه ناعسة وقرب وجه من وجهها ..
جنات : سفيااان
سفيان حط صبعه على فمها : اششششش مانبيش نسمع ولا كلمة
جنات اتحبت في اعيونه ايهبلوا والرمش كثيف ..سفيان قرب وجه من وجهها أكثر ونزل على فمها وهو يبحت فيه وهمس : جنة
جنات فمها يرجف ونفسها متقطعة : أسمي جنات
سفيان انلقب على ظهر على السرير وحط يده على وجه : اوووووفه عليك عناااد
جنات قمعزت اتبحت فيه وعرفت أنه مش واعي ..متعودة على جلال ..لكن شن خلا سفيان يشرب الليلة ..من اول ماجت هذه اول مرة اتشوفه هكي
سفيان حول يده من على وجه وحطها في جيب السروال ايدور على شي ..وجنات اتبحت فيه وخايفة
سفيان طلع قطرة ومد لجنات : خوذي حطيلي في اعيوني
جنات مدت يدها ترجف ومترددة وخذت القطرة ..بحتت فيها ...وقربت منه ..وهو كان راقد من غير اي حركة ..ومغمض اعيونه
جنات طبست عليه ومدت يدها تفتح في عينه ..لكن سفيان فتح اعيونه فجاة وهيا خافت
سفيان : حطي هيا...قطرتين في كل عين
جنات تنهدت وقربت منه ..قطرت في اعيونه ..وهو غمضهم زين كأنه حس بالم
وهيا اتبحت في وجه وادموع ينزلوا على خده ..معاش عرفت من الدواء والا كان يبكي
جنات انسحبت بالشوايا تبي تنزل من على السرير ...لكن سفيان بحركة وحدة مسك يدها وسحبها بقربه
جنات :
سفيان برم ورقد على جنبه وضم رجليه كيف الطفل ..وجهه في وجه جنات وقاعد ماسك يدها ..ويحكي واعيونه مغمضات وجسمه يرجف : جنة ...خليك احدايا ..ماتسيبينيش
جنات قلبها ايدق بسرعة وشكل سفيان وجعها :
**********************
مودة : ااا شن تبي عيسى
عيسى قرب منها أكثر وماسك يدها بالقوة : كنها جنات شن تبي
مودة تبي اتفك يدها : مافي شي ..تسأل على اجديدة سليمة
عيسى شدها وقربها منه : وأنتي شن قلتيلها
مودة متقززة منه وأدف فيه : ماقلت شي ..حول نبي نمشي
عيسى مسك ايديها لاثنين وسحبها للدار : وين تمشي ..مازال بدري
مودة ادف فيه وتبكي ومش عارفة ليش ماقدرت اتصرخ ..ممكن من الخوف والصدمة
عيسى نزلها لوطى وجاء عليها ..وهي اتخبط وتضرب فيه ..وهو ايحاول ايثبتها ...وفي وسط العركة ..مودة ضربت عيسى اسفل بطنه ..وهو توجع وبرم وهي صبت تجري ..لكن عيسى على طول في جرتها
مودة طالعة تجري في الصالة وعيسى شدها من وشاحها وسحبها لاوراء ومودة صرخت بصوت عالي وفونها طاح تكسر ..وهو حطها على الساس ..ولاصق فيها ...لكن في للحظة حس بحد ضربه على ظهره وطاح
مودة كانت امغمضة بحتت لاقت جلال قدامها ...بس منظره غريب اعيونه حمر ..وشكله مش واعي تمام
مودة : جلال
جلال مد يده وسحبها : جنات ..تعالي
مودة عرفاته مش واعي ويحسابها جنات مشت شوره ..وعيسى صبا
مودة مشت بسرعة وانطمرت وراء جلال
عيسى ايبحت في مودة وجلال بحقد : جيت أنت ..شن خطر عليك اليوم اتجي بدري ..مش من عوايدك يعني
جلال واقف بالغصب : شش شن جيبك هنا ..ياكلب
عيسى معصب هد على جلال ومودة طبست خذت فونها و طلعت تجري برا ...عيسى قعد يضرب في جلال ..ومودة قاعدة برا تسمع فيه ..وبعدها مشت تجري للحوش هلها
جلال طبعا مش واعي وعيسى ضربه واجد وطلع
اللي صار أن جلال عمره ماجاء بدري للحوش ...لكن الليلة لما كثر شرب ..جماعته خذوه وجابوه للحوش ...وممكن صار هكي لان ربي يبيه ايساعد مودة
*********************
جنات راقدة و وجهها في وجه سفيان ...قاعدة اتفرج على ملامحه وهو راقد ...وبرغم ملامحه الحلوات بس كان في قسوة وغموض فيهم ...زعما شن امخلي سفيان يتصرف بالطريقة هذي
ورقدت وهي اتفكر في سفيان
...الصبح الساعة سبعة ..سفيان تحرك وفتح اعيونه ..حس بنفس جنات الساخن على وجه ...مد يده لامس خدها براحة ...وبعدها زي لفطن لروحه قمعز بسرعة ايفكر شن جابه هنا ..وكيف راقد امعاها ..تلمس ..لعند لاقى التيشرت امتاعه لابس ومشى لعند الباب افتحه وطلع وقفل وراءهجنات راقدة ونطت منفجعة على رنت نقالها ..بحتت جنبها سفيان مش قاعد ..خذت نلقالها لاقت مودة تتصل بيها
جنات : الو ..وين رحتي امبارح طولت وأنا انكلم فيك
مودة بصوت واطي وتبكي : جناات
جنات بخوف : كنك ..شن في ..اجديدة صار فيها حاجة
مودة : لا لا مافيها شي ..اجديدة سليمة عند خالك عبدالعليم
جنات : باهي ..وأنتي كنك شن فيك ..خوفتيني عليك مودة
مودة : امبارح بعد مشيت انشوف في اجديدة ..الحوش كان فاضي ..وبعد جيت نبي نطلع تلاقيت مع عيسى ولد خالك
جنات حلت فمها : اهههي
شن دارلك هالواطي الحيوان ..عارفته قذر ونجسمودة تبكي بقهر : مسكني وكان ناوي ..
..ناوي ..ااااه جنات جنات : حقير
..إن شالله دارلك حاجة مودة ..أحكي الله يربحك أعصابي خلاصمودة : لا لا الحمدالله جلال جاء وقدرت نهرب منه
جنات حطت يدها على قلبها : اووفه الحمدالله ياربي ..لكن غريبة جلال عمره ماروح بدري ..بالذات امبارح مش فاطن بكل
مودة : تمسح في ادموعها : اهو عاد حظي ..جابه ليا ربي في اللحظة لاخيرة
جنات : باهي الحمدالله على سلامتك ..
مودة : الله يسلمك
جنات : والله باهي جلال طلع منه مصلحة
مودة مترددة : تعرفي لما جاء وضرب عيسى كان ايقول في اسمك ..شكله يحسابني أنتي
جنات قلبها وجعها : نجك ليا ..والله اكويس وطيب بس لو ايسيب السم اللي يشرب فيه
مودة : جنات نبي انقولك حاجة
جنات : كنك إن شالله خير
مودة : ع عيسى امبارح سيبته يضرب في جلال ومش عارفة شن صار فيه
جنات صبت : حي عليا
..حي عليا ..شن دارله هالحقير مودة : والله ماني عارفة ..أنا خفت وهربت...وحتى النوم معرفتش نرقد وأنا انفكر ..وماقدرتش نتصل بيك تليفوني تكسر ..غير توا خذيت فون ماما
جنات حايسة في الدار : يانعليا ..كذا صكري انرن عليه
صكرت مودة وجنات اترن على جلال لكن فونه مقفل
ردت اتصلت بمودة : حي عليا يا دودي نقاله مقفل
مودة اتفكر بعدها : ماتخافيش توا نمشي انشوفه
جنات : لا لا ردي بالك مرات الحيوان هذاك مازال قاعد
مودة : لا ماتخافيش عليا ..أمي حسها اتحوس برا نسمع فيها من بدري ..توا نطلع انقوللها من امس واجديدة سليمة مش باينة خلينا نمشوا انشوفوها
جنات : حتى هوا رائي ..بس افطني منه راه خامر ومعفن
مودة : لا امي امعايا ماتخافيش عليا ...هيا توا نطلع انشوف امي انشوف جلال وتوا نتصل بيك
جنات : نرجى فيك ..راكي تنسيني ..وردي بالك من روحك
*****************
سفيان طلع من جنات ..مشى لدار المصكرة ..خش قعد فيها اشوي ..وبعدها طلع مشى لداره خش الحمام فتح لامية الدافئة ..حول ادبشه وخش تحت الدش ..وكان كل فكره في جنات ..مش متذكر شي من لليلة امبارح ..الا أن جاء وفتح باب دارها
أما الباقي زي الحلم مش واضح ...الشي الوحيد اللي عالق في باله ريحتها
سفيان لابس اسود كامل وخذا عصاته ونزل لوطى ..تلاقى مع صالحة واخذا الفطور لجنات
سفيان نازل وقالب وجه على صالحة
صالحة : صباح الخير
سفيان ماردش عيها وكمل ينزل
صالحة : شيباني
سفيان عض على فمه وقف وبرم شورها : عدي شوفي شغلك ..وحسابك بعدين
وكمل نزل معصب
صالحة : اوووفه ....نستاهل أنا اللي جبته لروحي
ورقت مشت افتحت الدار على جنات لاقتها حايسة وتبرم في الدار
صالحة : صباح الخير
جنات : صباح النور
حطت السفرة وبحتت في جنات : كنك صايرة امعاك حاجة
جنات : اءاء ..لا غير كنت نستنى في تليفون ..اجديدة مريضة ونبي نطمن عليها
صالحة : إن شالله لاباس عليها ..أطمني إن شالله خير
جنات ابتسمت بالغصب : إن شالله
صالحة مشت وتبي تطلع وجنات وقفتها : صالحة
صالحة : نعم
جنات : وو وين سفيان
صالحة : شفته طلع توا
جنات : باهي
طلعت صالحة وجنات مش عارفة ليش مشت تجري وافتحت الروشن وبحتت تحت ..وسفيان كان واقف تحت مع فخري ..سمع الروشن انفتح بحت فوق
وجنات برغم عارفة سفيان مايشوفش ..لكن خافت وخشت جوا
سفيان حكى مع فخري والشاب امتاع الامن وكان يحكي ويشاور على روشن دار جنات ..وبعدها طلع مع فخري من المزرعة
********************
مودة طلعت من الدار ومشت حكت مع امها ..وقالتلها خلينا نمشوا انشوفوا اجديدة سليمة ..مرات تقعد مريضة وماحد جايب عنها علم
المهم طلعت مودة وامها ..خشن للحوش كان الباب مردود ..خشن مافيش اي حس ...أم مودة خشت جوا لدار سليمة ..ومودة مشت وين ماسيبت جلال وعيسى ايتعاركوا
مودة انفجعت من منظر جلال كيف مضروب وطايح على وجهه ...مشت تجري وقمعزت احذاه قلبته على ظهره
مودة تضرب في جلال على وجهه بيدها تبيه يوعى : جلال ..جلال ..نوض
جلال حرك راسه يبي يفتح اعيونه ومش قادر ..حط يده على وجه ايحك في اعيونه
مودة طبست عليه وخشمه دم : جلال أنتا اكويس شن اتحس
جلال أخيرا قدر يفتح اعيونه بحت في وجهها مودة ورفع يده حطها على خدها : مودة ..وين جنات
مودة مسكته من تحت كتفه واتحاول اتخليه ايقمعز : صبي جلال ..ساعدني
جلال ساعد مودة لعند قمعز واتكى على الساس ويبحت فيها ومستغرب شن جابها هنا
مودة سيبت جلال وعدت بسرعة طلعت لاقت أمها ادور في الحاجة سليمة برا في المطبخ والجنان
مودة : تعالي أمي اجديدة مش قاعدة ..جلال قال خذوها عيت خالي أمس
أم مودة : باهي الحمدالله ..قبل قلت العجوز وين راحت
مودة : أمي تعالي بحتي جلال شكله داير عركة ومضروب خشم وجه دم
أم مودة : هذا شكله جلال ..ديما مشاكل ..يستر الله
وخشن جوا شافن جلال ..أم مودة مسحت وجه بمية دافئة ومودة مشت طلعت دبش لجلال خش للمربوعة غير دبشه وخش رقد في مرقده
أم مودة بعد كمل جلال تغيير خشت عليه : أرقد ومعاش تطلع توا انجيبلك غداء
جلال منحرج من أم مودة : حاضر ..تسلمي ياعمتي
أم مودة : خليك هنا مع حنك مالك ومال الشباب ايودروك امعاهم ..شوفوا وجهك كيف متورم ...من ضاربك؟!!
مودة خافت :
جلال ايحاول يتذكر لكن الصورة قدامه امشوشة ..مش متذكر شي : تعاركت مع شباب في الشارع
مودة تنهدت :
أم مودة : تريح الله ايربحك وارقد
جلال نزل في مرقده وأم مودة طلعت وهو يبحت في مودة ..كان حاس أنها عارفة حاجة على يوم أمس ...ومودة لاحقت أمها تجري
************************
جنات امقمعزة متوترة تستنى في مكالمة مودة ..ماصدقت سمعت فونها ايرن
جنات : ها يادودي شن صار
مودة : لا تمام ..مشيت أنا وماما وجلال اكويس ..شكلهم متعاركين ..لكن الحمدالله مافيش شي ..غسل وغير ادبشه وخش رقد في المربوع
جنات : اوووفه الحمدالله يارب ..وعيسى مش قاعد
مودة : لا مش قاعد الحقير ...جلال فونه كان مافيش شحن ..حطيته له في الشحن احذاه كان تبي اتكلميه
جنات : باهي تمام ..نجك ليا ربي مايحرمني منك ...سامحيني يادودي امبارح قبل اا
مودة : بلاش اهبال ..اول شي أنتي مش بقصدك وين تعرفي أن عيسى قاعد غادي ..وبعدين ربي كريم دزلي جلال في وقته
جنات ابتسمت : ريتي جلال يما يطلع منه
مودة : جنات ردي بالك اتقولي لجلال شي ..راه مش فاطن ومش عارف حاجة يحساب روحه متعارك مع شباب برا الحوش
جنات : أحسن باهي أنه مش عارف ...أنتي عارفة علاقة جلال بخوالي مش تمام وكان يعرف شن دار عيسى امبارح اتصير مشكلة كبيرة وتقعد قصة
مودة : وهذا ليش خايفة أنا ..مانبيش مشاكل . تخيالي يسمعوها هلي
جنات : باهي تمام ..خليني انكلم جلال نطمن عليه
مودة : اوكيه حتى انا نبي انصبي انساعد أمي ..اوكي
صكرت جنات وكلمت جلال ..وطلع زي ماقالت مودة مش متذكر شي ...سالته جنات على سليمة قاللها أمس حست اشويا وجاء خالي عبدالعليم خذاها للحوشه ..وكمل احكايات امعاها عادي
بعد اطمنت جنات على خوها صبت خذت دووش البست فستان طويل ابيض وفيه ورد على اطرافه وفيه شريط على خصرها ..فستان بسيط وحلو .. وصلت وقمعزت فطرت ..بس كل تفكريها كان في سفيان
بعد الغداء جت ملاك وافتحت الباب على جنات
ملاك : خييير
جنات كانت مقمعزة تمشط في شعرها : اهلييين
ملاك خشت : شن اخبارك
جنات : بخير الحمدالله
ملاك قمعزت على السرير : أمس طلعتي اتهبلي ..بنات عمي كلهم يسألوا عليك
جنات كملت وصبت : نجك ليا ..اعيونك ايهبلوا
ملاك صبت : هيا البسي وشاح وتعالي امعايا لوطى
جنات : صاح
ملاك مشت وامسكت يدها : اها صالحة قالتلي عدي نزلي جنات
جنات طارت من الفرحة واستغربت في نفس الوقت شن صار عشان سفيان غير قرره...افتحت الدولاب خذت وشاح لابسته واطلعت مع ملاك ..بس قبل تنزل اعيونها كانوا على دار الطفل اللي امصكره خاطرها تعرف من فيها ..وليش يبكي هكي
نزلت جنات لاقت صالحة في المطبخ وامعاها وحدة اتساعد فيها : خيير
صالحة ماسكة طاجين كيكة ساخن توا كيف طلعاته من الكوشة : خيير
جنات منحرجة ومش عارفة شن ادير
صالحة حطاته على رخام المطبخ وبحتت في جنات : اطيبيلنا قهوة ؟؟
جنات ابتسمت وفرحت كانت مالة من الحبس والكساد : أكيد ..حاضر
وبدأت جنات اطيب في قهوة ..وملاك اتساعد في صالحة
مشت صالحة وتت قعدة برا في الجنان ..واطلعوا برا يشربوا في قهوة وعصرية
جنات امقمعزة وتهدرز مع ملاك ...وسمعت صوت سفيان طالع هوا وفخري ...قلبها ايدق بسرعة وايديها يرجفن مش عارفة ليش
فخري : السلام عليكم
جنات وصالحة وعليكم السلام
سفيان طلع من غير اي كلمة ومشى قمعز على كرسي وفخري قمعز جنبه
صالحة : تشربوا قهوة
فخري : صبي ياريت
صالحة : سفيان تشرب
سفيان ولا كأنه يسمع فيها
صالحة طبست اتصب في قهوة لفخري
...وجنات كانت امركزة على سفيان وصالحة وحست بالجو المتوتر بينهم ..زعما شن صاير وخلا سفيان يزعل من صالحةجنات تبي تشرب قهوتها ..وفجعها صوت الكلب امخطم مع شاب الامن
طاح منها الفنجان على فستانها ولاذعتها القهوة في نهاية ساقها صبت تنفض في القهوة من عليها : اااه
صالحة : حي عليا حرقاتك
ملاك
جنات رجلها تحرق فيها من القهوة وتمسح فيها ..فخري صبا وعدا بعيد ..وسفيان صبا وقرب منها : شن صار كنها
صالحة : ساهلة ساهلة ..مافي شي
سفيان بعصبية : شن صار فهموني ..كنها
جنات اتبحت فيه معصب ومعاش عرفت خايف عليها ولا شنو
صالحة : مافي شي ..جنات انكبت عليها القهوة
سفيان : جنة أنتي اكويسة
جنات ساكتة
سفيان : نسأل فيك ردي عليا ..أنتي اكويسة
جنات : اولا أسمي جنات ..مئة مرة انقولك أسمي جنات ...وثانيا أنا اكويسة مافي شي
سفيان مد يده : تعالي امعايا
جنات اتبحت فيه ومنصدمة ..وصالحة تغمزلها واتقوللها من غير صوت عدي امعاه
جنات خافت ايعصب منها اخرى ويصكر عليها الباب ماصدقت حن عليها وخلاها تطلع ..مشت شوره مدت يدها ترجف ..وهو مسكها وخش للفيلا
سفيان يمشي وجنات تمشي جنبه وساكتة ...رقى بيها فوق ...خش لداره ..قمعزها على سريره ...ومشى فتح الدولاب فيه علبة ..جابها وجاء قمعز جنبها ...فتح العلبة
سفيان : اي وحدة
جنات : كيف ..شن قصدك
سفيان : رجلك ..اي وحدة فيهم انحرقت
جنات : اها ...اليمين
سفيان طبس ورفع رجلها اليمين وحطها على ركبته ...رفع فستانها ..وبدأ يلمس في رجلها ..وهي قريب يغمى عليها
سفيان لامس الحرق وجنات عيطت بالشوايا : اااها
سفيان عرف مكان الحرق ..خلا يده عليه ..وباليد لاخرى ..طلع مرهم
سفيان : شوفي هذا امتاع حروق
جنات شافت المرهم : اها هوا
سفيان فتح المرهم حط اشويا على صبعه ..وبدأ يدهن بالراحة مكان الحرق ...وجنات اتبحت فيه ..كيف قادر ايكون كل مرة بشكل ...مرات اتحسه متوحش وماعنداش رحمة بكل ..ومرات يبقى كيف الملاك ..ويحن عليها
سفيان كمل ..وطلع لاصقة حروق حطها على رجل جنات ..ونزله لوطى وصبا ..رد العلبة في الدولاب
جنات صبت : خلاص نقدر نمشي
سفيان : لا ..خليك اشويا
جنات : عليش
سفيان : اششش
وطلع فونه كلم فخري : ها فخري شن صار الشباب كملوا
فخري : توا غير نزلوا من فوق
سفيان : تمام ...دز وحدة من البنات اتلم الدار
فخري : من غير ماتقول ياشيباني .. سيبت فيها صالحة والبنت اللي امعاها
سفيان : تم ..ياغالي صحيت
فخري : او كي
صكر سفيان : تقدري تمشي لدارك
جنات تبي تطلع وبعدها ابرمت : سفيان ..شكرا
سفيان : عليش؟!!
جنات : عععشان خليتني نطلع اليوم ..وعشان اهتميت برجلي
سفيان ضحك على الجنب : رد بالك اتفكري أني طيب او اخايف عليك او تهمني مصلحتك ...أنا بس انجهز فيك للي يبي ايصير
جنات قلبها طاح في بطنها : كككيف شن قصدك
سفيان قرب منها ومسكها مشى بيها لعند لباب افتحه وطلعها برا وقبل ايصكر الباب : ماتستعجليش ..كلها يومين وتعرفي كل شي
صكر سفيان الباب قبل حتى ماتستوعب جنات كلامه ...مشت لعند الدار تبي تفتحها ..الباب انفتح وطلعت صالحة وامعاها البنت المساعدة ..وشكلها كانت اتنظف في الدار ..وجنات استغربت لانها الدار ديما نظيفة وجنات مهتمة بيها
صالحة : ها شن اخبار رجلك تمام
جنات مازلت مصدومة من كلام سفيان : اااها ..اا تمام ..تمام
نزلت صالحة والبنت وجنات خشت للدار ..وقمعزت على السرير اتفكر في كلام سفيان ...بس لافت نظرها ريحة في الدار غريبة ..زي ريحة النار ..بحتت جنات مافيش شي غريب ..
**********************
جلال تغداء من غداء أم مودة وطاح رقد لعند المغرب ...وبعدها ناض غسل وجه ومشى طيب قهوة وطلع قمعز في الجنان ايدخن ..ويفكر في اللي صار أمس ..الذكريات مش واضحة ...لكن كل مايغمض اعيونه ايشوف صورة مودة تبكي ..ومايعرفش ليش ؟!!!
جلال مازال قاعد ايفكر ..ويسمع مودة طالعة لاجنان وتحكي مع واحد من خوته لاصغار ...نزل فنجان القهوة ومشى بسرعة نط على السور
جلال : مودة
مودة انفجعت وحطت ايدها على قلبها : فجعتني جلال
******************
جنات كمل اليوم وهي اتفكر وبعدها طاحت ارقدت ..وكانت سعيدة على الاقل الباب مفتوح اليوم
ثاني يوم روتين عادي مافيش جديد ...وسفيان مش باين بكل حتى صوته
في الليل جنات راقدة تسمع في صوت الطفل يلعب ..حاولت اتقاوم رغبتها أنها تطلع واتشوف ..بس ماقدرتش ..قلبها ميت على بال مايشوف الطفل هذا ..وخاصة بعد سمعت صوته يبكي يومتها
صبت جنات بالشويا وقالت معاش فيها نبي نمشي انشوف واللي تبي اتصير اتصير ...اصلا سفيان من كلامه بدري شكله مش ناوي خير على كل حال
طلعت جنات بالشويا تمشي على اطراف اصابعها وتبحت في كل مكان ...الجو هدوء ..وضئي مكتب سفيان طافي .....وصلت لعند الدار الصوت تما واضح ...حطت يدها على يد الباب وهيا ترجف وقريب اطيح ..فتحت بالراحة ..وعلى طول شمت بنة الدواء ..كأنها خشت مستشفى ...بحتت جوا وأنصدمت من اللي شافته
***************************
سفيان في المطبخ يشرب في امية ويبي يرقى خشت عليه صالحة : سفيان
سفيان تنهد : نعم
صالحة : خلاص بلا مكر ..سامحني والله مش قصدي .اا
سفيان خبط الباب بيده : أاااسكتي صالحة ماتخلينيش انطلع اهبالي عليك
...وربي مانرحمك راهصالحة تبكي : والله ياسفيان كنت نبي نحكيلك ..لكن جت قصة العرس وجنات ومعاش صارت فرصة نحكي
سفيان قرب منها معصب : أنا شن قايل ياصالحة ..عليش محذركم في الحوش هذا ...مانبيش حتى نسمع سيرتها ...عليش تقهري في أمي وتحكي امعاها ..نبي نفهم ..تبيني انطربق الحوش هذا فوق روؤسكم والا كيف
صالحة : باهي خلاص أخرة مرة والله العظيم ماعاد نفكر حتى فيها ..غير سامحني ..وراس خيي سفيان
سفيان حط ايديه في شعره وتنهد : خلاص باهي أسكتي ..أسكتي وعدي اغسلي وجهك وارقدي
صالحة تمسح في وجهها : نجك ليا شيباني ...وربي مافي كيفك
سفيان : هذة اخر مرة نحكي في الموضوع هذا ...معاش نبي انعاود دوة فيه ...لاني المرة الجاية حتى أنتي تلحقيها
صالحة : باهي تمام
سفيان : تصبحي على خير
وطلع من المطبخ ورقى فوق
جنات اتبحت في سليم ...كيف راقد ويبحت فيها بوجه البري ويبتسم
سليم طفل من اطفال متلازمة داون ...واللي مش عارفة شن معناها فهو طفل مغولي زي مافي ناس اتقول ...بس أنا بصراحة مانحبش التسمية هذه ...اسمهم أطفال متلازمة دوان
سليم راقد وكان واضح عليه المرض والتعب ...جنات قربت منه وخايفة ...هو ممكن عمره 12 او 13 سنة ..بس ديما اطفال الداون يعطوك عمر اصغر من اعمارهم الحقيقية لان أجسامهم ماتنموش كيفنا
كان صغير وضعيف ...بس اعيونه حلوات نفس لون اعيون سفيان ...شعره ناعم ونازل على وجه...بس طبعا ملامحه تعرفيه أنه طفل دوان
جنات اتقرب منه وهو مبتسم ويضحكلها ...وهيا خلاص قلبها انكسر على منظره كيف راقد في السرير ومش قادر يلعب كيف الاطفال ...وكل ما يخطر عليها صوت بكأه في الليل ايزيد قلبها حزن
سليم اعيونه على جنات ويضحك ومد يده : بوثة ..بوثة
جنات اتبحت فيه ومش عارفة شن يبي :
سليم ايزيد ايمد في يده لجنات : بوثة ..بوثة ..بوثة
جنات قلبها قاللها أمسكي يده ...قربت منه ومسكت يده الصغيرة لكن ترجف وخايفة ..مش من سليم ..لان وجه كان مريح وبري ..بس الموقف كان غريب عليها
جنات مسكت يده وطبست عليه باساته على رأسه ...لكن هوا مازال ايعيط بوثة بوثة
جنات حست أن هوا يبيها اتبوس يده ....رفعت يده وبأساته عليها ..وسبحان الله سليم ضحك ضحكة اتهبل ..نفس الضحكة اللي سمعاته يضحك فيها مع سفيان ...ممكن كانت هذه لعبته المفضلة ...وبعدها قعد ايقول بوثة بوثة اخرى ..وكل ماجنات اتبوس يده يضحك ازيادة
جنات طبست باساته على رأسه وسليم كان ماسك في يد جنات بالقوة ..بالغصب كيف اقدرت اتفك يدها منه ...كان عليها كانت منسجمة وتلعب امعاه ..لكن خوفها من سفيان خلاها تطلع بسرعة
جنات طلعت من الدار بسرعة ..ومشت خشت دارها وصكرت الباب ...وبعد اشويا رقى سفيان ..وطبعا اول حاجة مشى لدار سليم ..فتح الباب وخش عليه
سفيان قمعز على الكرسي وسليم مدله يده كالعادة : بوثة
سفيان ابتسم ومسك يد سليم وقربها من فمه ايبوس فيها ...لكن فجاة تغيرت ملامح وجه وتعصب فجاة ...شم عطر جنات على يده
سفيان صبا معصب وطلع من الدار ..ومشى فتح الباب على جنات لكن هيا كانت خاشة في مرقدها ..وراقدة
سفيان من صوت نفسها عرفها راقدة طلع وصكر الباب
ثاني يوم جنات ناضت على صوت سيارة اسعاف تحت ...صبت بسرعة وهي خايفة زعما العيل اللي أمس صارت فيه حاجة ...طبعا جنات مازلت ماتعرفش اسمه ...افتحت الروشن ..واول حاجة انصدمت من الحماية الحديد اللي برا ...وعرفت أن طلعتها امس للجنان مش بلاش ...سفيان كان ايركب في حماية على الروشن عشان معاش تهرب مرة اخرى
جنات : وأنا نحسابهم طيبين خزيه ...اووووفه هالتافه ..والله انوريه ..يحسابني بنسكتله
وبعدها جنات حاولت اتشوف شن قصة الاسعاف ...بحتت لوطى وشافتهم اينزلوا في مريض على مرقد وخشوا بيه للفيلا
************************
جنات قربت من الباب بعد سمعت هرجة وصوت برا ...وشكلهم حطوا واحد في الدار لاخرى جنب دار سليم
لكن ماعرفتش من وشن قصته ...الحوش هذا كل يوم قصة وسر جديد
خشت جنات غسلت وصلت وجابت ملاك الفطور هدرزت امعاها اشويا ...وكذلك الغداء ...وفي العشية ..جنات قاعدة مقمعزة وتلعب على فونها ..والباب ينفتح وخش سفيان وخبط الباب بالقوة
جنات صبت خايفة : كنك
سفيان ايقرب منها واعيونه نار : شن قايلك أنا ..مش قلت ممنوع تطلعي من الدار هذي من غير أمري
جنات اتوخر : وأاانا ماطلعتش
سفيان هجم عليها ومسكها من رقبتها : بلاش كذب ...صكري فمك ..أحسن مانقطع حسك
جنات اعيونها دموع وتكح : سفيان ..احؤ ..خلاص سسفيان بنموت
سفيان ايعيط قريب من وجهها : من سمحلك اتخشي عليه ..مممممن
جنات عرفاته يحكي على الطفل ..بس كيف عرف ..معقولة الطفل يحكي ويفهم
ماتعرفش أن سفيان عرف من ريحة عطرها ..
جنات اتفك في ايديه : ماخشيت على حد كنك أنتا
سفيان دفها لعند طاحت على السرير : كذااابة ..لكن أنتي اللي جبتيه لروحك ...وربي تندمي على الساعة اللي فتحتي فيها الباب
سفيان سيبها ويبي يطلع وجنات لاحقاته تجري : سفيان طلقني وخليني انروح لاهلي
سفيان برم : حلم ابليس بالجنة
جنات : شن تبي فيا ...عليش متزوجني ...شن درتلك أنا ..حرام عليك
سفيان تعصب وقرب منها مسك وجهها بيد وحدة : تبي تعرفي عليش تزوجتك ...ماعندكش مشكلة ..تعالي امعايا وأنا انوريك عليش
ومسكها من يدها وهي تبكي وتمشي وراها بسرعة ..وهو يمشي ويده لاخرى على ساس الممر ..وصل لعند نهاية الممر وفتح الباب اللي بعد دار سليم وخش وسحب جنات جوا لعند طاحت على الارض
سفيان امصبي ومعصب على لاخر : اهو تفضلي شوف عليش تزوجتك ..وإن شالله يعجبك المنظر
جنات ارفعت وجهها وشافت واحد راقد على السرير
جنات اتهز في رأسها وقلبها حست بيه وقف ...واطرافها صقعن ...ومش امصدقة اعيونها
توفيق راقد على السرير وكان وجه واضح أنه مريض وتعبان
ومنى أخته امقمعزة على كرسي جنب السرير واتبحت في جنات
جنات
*******نهاية الحلقة #7
