رواية عود ثقاب الفصل السادس 6 بقلم ندا سليمان
وقفنا الحلقه إللي فاتت عند أما
نِهال مسكت داليا من إيديها وخدتها جوله فـ المصحه وداليا ماشيه معاها فـ إستسلام ،، وقفت نِهال عند عنبر وقالتلها :
هو ده المكان المنشود وإللي عوزاكي تشوفيه ، إدخلي خدي جوله وبعدين هحكيلك حكاية إللي فيه :'))
دخلت داليا ولقته عنبر فيه 4 بنات ، مناظرهم تقطّع القلب تأملتهم بألم وبصت لـ نِهال وسألت : مين دول ؟! وليه عوزاني أشوفهم ؟؟!!
نِهال : عاوزاكي تشوفي نفسك
داليا : بس أنا مش مجنونه !!!
نِهال : إنتي مش مجنونه بس إنتي لو فضلتي ع الحال ده هتبقي زيهم وألعن !!!
داليا : وإيه علاقتهم بيا عشان أبقي زيهم ؟؟!!
نِهال : أنا أقولك علاقة بيهم إيه !
أول سرير ده فيه #ساميه بنوته من سنك تقريباً تم إغتصابها وأهلها خافوا من الفضيحه ، وماكنوش يعرفوا إنهم جنوا عليها ، أصبحت ما بتنطقش وهم خايفين حتي يعرضوها علي دكتور لحد ما فـ النهايه وصل بيها الحال للجنون ووجودها هنا فـ حاله متأخره !!!!!
أما عن السرير إللي جنبها فدي #لُبني ودي قصتها غريبه شويه ، هي إتعرضت لإغتصاب أكتر من مره من نفس الشخص بل ووصلت لإنها كانت بتُغتصب كل يوم والغريبه إن الشخص ده زوجها !!
بصت داليا بدهشه لـ نِهال ورجعت بصت لـ لبني ، كملت نِهال : أهلها جوزوها ليه غصب عنها وهي كانت بتحب واحد تاني، رغم إنه إتقدملها بس رفضوه وفضّلوا التاني ده عشان الفلوس إعتبروها سلعه بيبيعوها بحجة الخوف علي مستقبلها !
إتجوزت الشخص ده مرغمه ،لكن قررت تتعايش مع الوضع ده لإنه خلاص أصبح أمر واقع ، حاولت بس ما قدرتش بسبب طباعه وأسلوبه إكتشفت إنه إنسان غير سوي ، ولما بدأت تنفر منه إنتقم علي طريقته ، بدأ يذلها وتحول من زوج لمغتصب كل يوم بيعيشها فـ رعب ويستلذ بذلها وهي بتترجاه يرحمها !
حتي إن حالتها الصحيه تدهورت وفـ يوم إشتكت لأهلها عشان تطلق وأهلها كالعاده فضلوا يصبروها بكلمتين لإنهم مش معترفين إنه إغتصاب وشايفين إن ده من حقه !!!!
بس أبوها عشان يريحها كلمه بشكل ودي رجع البيت ولإنها إشتكت فضل يضربها بقسوه ربطها وإغتصبها بأبشع الطرق لذلك قررت تنتحر ولحقوها فـ آخر لحظه ومن يومها وهي عندي هنا ، شافت أيام صعبه أووى كانت تصحي بالليل فـ الوقت إللي كان بيغتصبها فيه وتصرخ بكل ألم وخوف !
وأهلها ما قدروش يجيبوا حقها ! زي ما هم إللي جنوا عليها من الأول والشخص إللي إتجوزها ده طلقها بس بعد إيه ، بعد ما خلاص إتدمرت !!!!!!
لمعت الدموع فـ عيون داليا ، مسكت نِهال إيديها وراحوا عند تالت سرير ، دي بقي #عبير بنت قمه فـ الأدب والأخلاق والإلتزام حبت زميل ليها فى الجامعه أكبر منها بسنه كان باين عليه الإحترام والإلتزام وهو بكلامه المعسول وهمها إنه بيحبها وهيتقدملها أول ما يتخرج ، ولإنها ما تحبش الحال المايل قالتله مش هيبقي فيه أى علاقه بينهم أو حتي كلام غير لما يتقدملها بشكل رسمي ولحد ما يتقدملها إدالها تليفون أخته وبالفعل إتعرفت عليها وبقوا أصحاب جداً وإتقابلوا أكتر من مره وكلمت أمه كمان قبل كده ، أصبح كل يوم بيزيد حبها وإحترامها ليه وفـ يوم أخته عزمتها علي حفلة عيد ميلادها وأصرت إنها تحضر ولإنهم بقوا أصحاب جداً علي طول إشترت هديه قيّمه وراحت للحفله ، إستغربت إن مفيش حد فـ الشقه وإتحججت البنت بإن أصحابها لسه ماوصلوش قدمتلها عصير وإستأذنت منها تغير هدومها ، دخلت وسابت عبير بره فـ إنتظارها ومع أول رشفه من كوباية العصير بدأت الدنيا تلف بيها وشويه وغابت عن الوعي صحيت لقت نفسها فـ السرير متجرده من هدومها ونايم جنبها الحقير إللي كان واهمها بالحب
إكتشفت إن كل ده كان كدبه وإن أمه إللي كلمتها دي مش أمه والبنت إللي بقالها شهور متعرفه عليها مش أخته ما هي إلا مجرد ساقطه إستخدمها ساقط زيه عشان يوقعوا عبير ، فضلت تصرخ وتضرب فيه مشي وسابها ، لبست هدومها وخرجت فـ الشارع مش عارفه تعمل إيه ، مش مستوعبه إللي حصلها !!!
رجعت بيتها وقررت تعتزل فـ عالم لوحدها مابتكلمش حد ولا بتاكل ولا بتروح جامعتها وأهلها مش عارفين إللي صابها ، والحقير ده مختفي ماكفهوش إللي عمله بعتلها رساله وفيها لينك موقع فتحته وإتصدمت لما لقت صورها عريانه محطوطه فـ موقع إباحي من المواقع القذره إللي بيدخلها الشباب منعدمي الأخلاق !
فضلت تصرخ وتنوح ، وأهه دلوقتي مكانها أصبح فـ السرير ده حتي ما بتخرجش من العنبر زي باقي المرضي وإن خرجت تفضل تتلفت حوليها زي إللي هربان من حد !
ضاع مستقبلها وإتدمرت حياتها لمجرد إنها حبت ووثقت فـ حيوان بل إني بظلم الحيوانات لما شبهته بيهم
نزلت دموع داليا وهي بتتأمل عبير
نِهال : نيجي بقي لآخر حاله هنا #منار
بصت داليا عليها بدهشه ورجعت بصت لـ نِهال !!!!
نِهال : توقعت بالفعل إنك هتستغربي من وجود طفله زيها هنا ، هي طفله مسلوبه طفولتها بنوته فـ الإعداديه ومغتصبها هو أخوها !
صرخت داليا : إيييييييييييييه مش ممكن !!!!
نِهال : أخوها بيتعاطي مخدرات ، أمها سافرت هي وأبوها عزا قرايبهم وسابوها فـ البيت مع أخوها دخلت تنام عشان تصحي لمدرستها الصبح ، فتحت عيونها فـ نص الليل ولقت أخوها مجرد نفسه من هدومه وواقف جنب سريرها قامت مصدومه من منظر زي ده فضلت تصرخ وتجري وهو بيجري وراها ، مسكها وإغتصبها بوحشيه وهو تحت تأثير المخدرات والبنت طفله كان صعب عليها منظر زي ده فقدت وعيها وأخوها هرب ، أهلها رجعوا لقوها مغتصبه ومرميه فى الأرض جريوا بيها ع المستشفي والبنت دخلت فى غيبوبه ولما فاقت منها كانت خلاص أصبحت مجنونه وأخوها لحد دلوقتي ماظهرش !!!
حطت داليا إيديها علي فمها وبصت لـ منار ودموعها نازله حاسه إنها عاوزه تجري عليها وتضمها يمكن تحسسها بالأمان عن اللحظه البشعه إللي مرت بيها ، تأملت ساميه ولبني وعبير ومنار وإفتكرت إللي حصلها وبدأ صوت شهقاتها يعلى
نِهال : أنا لسه ماكملتش شايفه السرير الخامس الفاضي هناك ده ؟
بصت داليا ناحيته ، كملت نِهال :
ده سريرك ، إما إنك تكوني قويه وتقتلي كلمة #الفضيحه إللي فـ مجتمع رجعي زي ده وتاخدي حق البنات دي وحقوق بنات تانيه كتير بيتم إغتصابها والتحرش بيها وسلبها كل حقوقها أو إنك تقبلي بالضعف والذل وتحجزي السرير إللي هناك ده لإنك لو فضلتي بالشكل ده هتوصلي لحالتهم دي وأكتر
تأملتهم داليا مره كمان وسمعت صرخه فـ ودنها خلتها تحط إيديها علي ودانها وتخرج بسرعه من العنبر
خرجت نِهال وراها : قولتي إيه يا داليا ؟
داليا : قولت سيبيني فـ حالي بقي أنا فيا إللي مكفيني ثم إنك تفتكري لو أخدت حقي دول هترجعلهم حقوقهم !!!
نِهال : بالضبط كده Smile) ، كل واحده فـ دول ماقدرتش تدافع عن حقها يا داليا ، سلبوه منها بدون وجه حق ومش دول بس كتيير تم إغتصابهم وبيسكتوا خوفاً من الفضيحه بالإضافه لإني عامله جمعيه بره المصحه بجتمع فيها مع بنات تم التحرش بيهم عشان نحاول نلاقي حل للآفه دي فـ مجتمعنا ، كل قصه فيهم توجع القلب وكل واحده فيهم برده خايفه من شبح الفضيحه خايفه تاخد حقها وخايفه تواجه المتحرش أو المغتصب ، رغم إن هي إللي فـ موقف قوه بس المجتمع مصورلها إن موقفها ده ضعف فبتقبل بإللي فرضه عليها مجتمعها وتعتزل فـ صومعة الخوف والذل لحد ما تموت !
لما إنتي هتتمردي علي حكم مجتمعك عليكي بإنك المُلامه وإنك عار رغم إنك إنتي الضحيه هتفكي قيد كل بنت من البنات دي ، هتخلي كل بنت تتمرد زيك وتطالب بحقها تبص بعين قويه لمغتصبها وهي بتاخد حقها منه ، أنا بجد نفسي عفن المجتمع ده بقي ينتهي يا داليا أرجوكي ساعديني
داليا : وعوزاني أعمل إيه ؟؟!!!!!
نِهال : تقدري تعملي كتير أووي ، طالبي بحقك يا داليا ، وتقدري بسهوله جداً كمان عرفت من ماما إن ربنا أنعم عليكي بـ ملكه يمكن إنتي ماكنتيش عارفه قيمتها بس أهه هتنفعك دلوقتي ، عرفت إنك بتعرفي ترسمي كويس جداً ليه ما تخرجيش طاقة الغضب إللي جواكي فـ إنك ترسمي وشوش إللى إغتصبوكي وتقدميها للبوليس
داليا : مش هقدر !
نِهال : ليه ؟!
داليا : عشان صحة أبويا مش حمل إللى ممكن أواجهه لما أطالب بحقي ، مش حمل كلمة #فضيحه
نِهال : طاب ما إنتي تقدري تمحي الكلمه دي من الأساس ، وبالتالي أى أب بنته هتتعرض لإغتصاب مش هيخاف من الكلمه دي وهيدافع عن حق بنته ، أرجوووكي يا داليا بلاش تستلمي أرجوووكي :'((
بصتلها داليا للحظات ورجعت بصت ع العنبر إللي كانت فيه من شويه ، لمحت السرير الفاضي هناك فـ ركن من الأوضه وإتردد فـ ودنها جملة نِهال ((ده سريرك ، إما إنك تكوني قويه وتقتلي كلمة #الفضيحه إللي فـ مجتمع رجعي زي ده وتاخدي حق البنات دي وحقوق بنات تانيه كتير بيتم إغتصابها والتحرش بيها وسلبها كل حقوقها أو إنك تقبلي بالضعف والذل وتحجزي السرير إللي هناك ده لإنك لو فضلتي بالشكل ده هتوصلي لحالتهم دي وأكتر ))
بصت فـ الأرض ومشيت وسابت نِهال ،دخلت أوضتها ، ممدت ع السرير وفضلت باصه للسقف ~
••••••••●••••••••●••••••••••●•••••••••●••••••••●•••••••
بعد ما مشيت هاله (علي ) فضل يتأمل البيت حاسس بغصه فـ حلقه ، حس إنه غلط كتيير أووي فـ حق هاله وجرحها وهي ملهاش ذنب فـ أي حاجه حصلت ، مستعد ينفذ أى قرار هتقرره بس لازم تكون مسمحاه الأول رغم إن الغلطه إللى إرتكبها فـ حقها لا تُغتفر ، مسك موبايله وإتصل بيها ماردتش إتصل مره كمان ولقاها بتكنسل بعدها لقي الموبايل إتقفل فقرر يروحلها بيت أهلها ...
.
.
صحيت هاله ، فتحت عيونها بوهن ولقت موبايلها بيرن
أنا انكتبلى عمر و إنت بين ايديا
و حجات كتير كانت بعيده زمان عليا لقيتها فيك
و انا بين ايديك كل إللي ضاع لقيته تانى
و هربت ليك من كل حاجه مخوفانى
وجريت عليك .....
النغمه دي مخصصاها لـ علي أول سمعت موبايلها ضحكت بسخريه :أنا إتقتلت كل لحظة حلوه فـ عمري وإنت بين إيديا هربت من كل حاجه مخوفاني لحضنك وأتاريني بستخبي فـ حضن الخوف نفسه
إتناولت موبايلها ، قفلته ورمته ع الكنبه ، حست دماغها هتنفجر من الصداع أخدت إسبرين وعملت كوباية نسكافيه ، خرجت للبلكونه ،بتتأمل الشارع والحركه إللي فيه ، سمعت الجرس ، مشيت بملل للباب ، فتحته ولقت (علي ) واقف قصادها .....
••••••••●••••••••●••••••••••●•••••••••●••••••••●•••••••
داليا مازالت شارده وباصه للسقف ، قصص البنات إللي شافتهم وكلام نِهال بيدور فـ راسها ،، لحد ما دخلت الممرضه وإدتلها لوحات وأدوات للرسم
داليا : إيه ده ؟؟!!
الممرضه : دكتوره نِهال قالتلي أديهملك
خرجت الممرضه وسابت داليا ماسكه اللوح وبتتأملهم ، لمست الورقه بإيديها وكإن الورقه دي خدتها فـ رحله لذكري من زمن ، خدتها لأول لوحه ترسمها لوش بشر كانت لوحه لملامح (علي ) !
فـ يوم ميلاده الـ 20 قررت تهديه هدية مختلفه ، قررت تستغل الموهبه إللي عندها لكنها ماجربتش قبل كده ترسم وش بشر كل رسوماتها عن الطبيعه ، فضلت تتدرب قبل ميلاده بشهر لحد ما أتقنت رسم الوشوش وبالفعل رسمت لوحه رائعه لـيه :'))
إفتكرت فـ اللحظه دي إحساسها وهي بترسم كل تفصيله فـ اللوحه :')) إبتسامة علي وفرحته لما شافها ، إفتكرت كل حاجه وبدأ الصداع يغزو راسها من تاني ، مسكت دفتر اللوحات ورمته بكل قوتها ، ورجعتلها نوبة البكا من تاني كورت نفسها ونامت فـ السرير بوضع الجنين ، كل ما تتوجع أوي بتنام بالوضع ده أصلها مشتاقه ترجع جنين وقتها كانت عايشه فـ مكان أمين نفسها ترجع جنين ما شفش أى حاجه من الدنيا دي ، أصل الدنيا دي كسرتها أووي
وفجأه لقته قصادها بيندهلها بيقولها طبطبي علي قلبك بكلام ربّك ، لمحت #مصحف محطوط ع التربيزه ، قربت منه ولسه هتمسكه رفعت إيديها ، راحت ع الحمام فتحت الميه وبدأت تتوضي ، حاسه كإنها لأول مره بتتوضي إحساس الطفله إللي لسه بتتعلم الوضوء والصلاه إتوضت و لبست سيدال ، فرشت سجادة الصلاه رفعت إيديها ورددت من قلبها #الله_أكبر
الله أكبر زلزلت كيان الخوف والألم جواها ، الله أكبر علي كل ظلم وقهر
••••••••●••••••••●••••••••••●•••••••••●••••••••●•••••••
هاله لما فتحت الباب ولقت علي قصادها ، إدتله ضهرها ودخلت جوه ، دخل وقفل الباب وراه
علي : هاله ممكن تسمعيني ؟!
هاله : أظن أنا سمعت كل إللي ممكن تقوله فيه إيه تاني ممكن أسمعه ؟!!!!!!
علي : أنا عارف إني غلطت فـ حقك وإني ما استاهلش تسامحيني بس أرجوكي يا هاله أنـ .
قاطعته : أرجوكي إيه بس وأسامحك إيه ؟؟!! إنت فاكر بالسهوله دي ممكن أسامحك ؟؟!!
تعرف يا علي إنك ماتفرقش حاجه عن إللي إغتصبوا داليا ؟!
أه ما تبصليش بدهشه كده بل إنت كسرتها أكتر مما هما كسروها
ثم إنك إغتصبتني أنا كمان ،، أيوه إغتصبت فرحتي وضحكتي وأحلامي ، كسرت قلبي وخليت حالي نفس حال داليا ، ودلوقتي لو سمحت أخرج بره وماتحاولش أنا مش عاوزه أسمع منك كلمه زياده ومستحيل هرجع لواحد زيك
علي : أنا هحترم أى قرار هتاخديه بس أرجوكي تقدري موقفي وتحسي بيا
هاله : أحس بيك ؟! وإنت إمته حسيت بيا يا علي ؟؟؟!! كنت فـ حياتك صفر ع الشمال كنت هوا ولا حاجه ، كنت فاكره لما أتجوز إنسان بحبه خلاص هعيش فـ أرض الأحلام وماكنتش أعرف إن فـ أرض الأحلام دي هتُغتصب كل أحلامي وتموت وتتحول حياتي لكابوس
إطلع بره يا علي
علي : هاله أنـ
صرخت : إطلع بررررررره
فتحت باب الشقه وسحبته من إيديه خرجته بره وقفلت الباب فـ وشه ، وقفت ورا الباب حاطه إيديها علي قلبها وبتبكي بحرقه
وعلي مشي من عندها ، ركب عربيته وكالعاده فضل يلف فـ الشوارع بلا هدف وكلام هاله بيدور فـ راسه لما بقي حاسس راسه هتنفجر ~
••••••••●••••••••●••••••••••●•••••••••●••••••••●•••••••
وقفت داليا بين إيدين ربّها بدأت تصلي ، سجدت وماقدرتش تتكلم ، حاولت تدعي بس مش عارفه هتدعي بإيه ربها أعلم بحالها منها ووسط دموعها إللي بتصرخ فضلت تردد #يــــــــــــــــــارب
طال سجودها وبكاها وماقامتش غير لما حست براحه ماحستهاش من يوم إللي حصلها
مسكت المصحف قبّلته وضمته لحضنها فتحته وبدأت تطبطب علي قلبها بـ سورة #يوسف
طول قرايتها دموعها ما وقفتش لحظه ، المره دي دموع مختلفه دموع نازله من عنيها وبتغسل الهموم إللي سكنت قلبها ، فتحت أمها الباب بهدوء ولقتها بتقرا فـ المصحف ففرحت اووووى وسابتها تناجي وتشكي لربها
هو وحده إللي قادر يفرج كربها ويفرح قلبها المكلوم 
، خلّصت قرايه ، وبصت ع اللوحات إللي مرميه جنبها ، مسكتها ومسكت القلم ، رسمت أول خط فـ الورقه ، خط بيعلن قرارها النهائي ،، داليا قررت تجيب حقها وحق كل بنت زيها ، شدت الخط وبدأت تخرج كل طاقه وغضب جواها .