رواية تبديل عريس الفصل السادس 6 بقلم جمانه السعيدي
سلسبيل...اجا ثاني يوم بابا جايب ريوك الماما
دخل عليها
محمد....صباح الخير
سميره...صباح الخير
محمد...شلونها بنتي الحلوه
سميره....اليل كله كاعده وما تقبل تنام وهسه تنام منا للضهر
محمد...عوفيها براحتها بنتي مدلله خليها تنام شكد ما تحب هذا ريوك اخذها تلقح ونسوي بيان
سميره...بس احضر ممه خاف تبجي
سلسبيل....اخذني بابا للقاح بعد ساعه رجعني
للبيت كمل البيان وجابه وياااا
سميره...هااا تعبتك
محمد...اا اني بنتي اميره راقيه حتى ما بجت
بس من لقحوها بجت عل كيف وبعدين سكتت
لان محترمه ماتريد تحرج ابوها
سميره...زين مبينه كلبها على كلبك
محمد...طبعا بت ابوها مو مثل ذولاك الناس
عنوديه
سميره....ابوها عنودي اكيد تطلع مثله
محمد ...هنيالج لو تطلع مثلي
سميره....الله اليستر لو تطلع مثلك
سلسبيل...من طلع بابا طلع خالي اركان ويااا
اركان...ممكن نحجي اني وياك
محمد...اي ممكن تفضل
اركان....بس خل نبتعد عن البيت مااريد سميره تعوف اني حجيت وياك إلى متى راح يبقى الوضع هيج
محمد....إلى ان تقبل سميره بلواقع وترضا تجي تعيش وياي بين اهلي
اركان...مراح تقبل اختي واعرفها زين
محمد...اني مااكدر اعوف اهلي وعائلتي وعملي وعشيري
واجي اكعد هنا
هذا انتقاص بحقي احنا منطقه عشاير
راح يكولون يمشي ورا مرته مرته تتحكم بي
احنا ماعدنا هيج اذا اجيت هنا تعتبر وصمة عار بحقي
بس اذا اجت هيه وياي
راح تسكن بيت وحدها اني مستعد اعيشها بيت وحدها
وراح انقل وضيفتها وتكون تحت عيني
غير هذا الشي ماعندي
يمتى ما توافق اني مستعد
جمانه السعيدي
خل يكون بعلمك اني احبها لو ما احبها جان طلكت من زمان مانتظرت كل هاي الفتره لاتنسى هاي القضايا لعبتي
اني محامي وخبير بهيج شغلات
بس اني متحمل وصابر علمودها منتظر الله يهديها
وترجع العقلها
اركان...اني راح احجي وياها واذا رفضت
افضل تنفصلون عن بعض اختي بعدها زغيره
وممكن تزوج هنا بغداد وتشوف حياتها
سلسبيل...كلام خالي كان بي نوع من التهديد
يعني اذا ماترجع الاختي وترضيها ممكن تزوج غيرك
لان خالي متأكد بابا يحبها وصابر عليها منتظرها ترجعله
بس بابا كان مصمم على رائيه
الصراحه بابا ويا الحق ما معقول يعوف حياته الي تعب عليها سنيين
واهله وناسه وزوجته وعائلته
ويجي ورا وحده عنوديه وراسها يابس
يبيع عشيره كامله علمود مره
سلسبيل...خالي دخل للبيت وقرر يخلي حد الهاي المهزله
مره مزوجه وعدها بنيه وهيه بمكان وزوجها بمكان
اركان...اسمعي سميره صح انتي اختي واكبر مني
بس هذا الوضع ما مقبول بلنسبه اليه
قبل اني جنت ساكت لان حامل اكول خطيه
ووضعها مايسمح احجي وياها واضوجها
صار سبع اشهر محمد هاجرج لا اجا ولا سئل
عايفج ومو بحالج
وهسه مجرد مااجه الموضوع عنده عادي كبل دخل وسلم
وكانما عايفج البارحه
بلنسبه اللج واله الموضوع جدا عادي
مايصير هيج هذا التصرف غلط لو ترجعين الزوجج
لو واحد يعوف الثاني انتي تشوفين نفسج وهو يطلع من حياتج
جمانه السعيدي
انتي تقبلين ترحين تعيشين وياا بمحافظته
سميره....لا مااروح اعيش ويا بمحافظته اني شلون أأمن على نفسي ايجوز يكتلوني
لو يجي يعيش وياي هنا لو يعوفني
اركان...متاكده من كلامج
سميره...اي متاكده
اركان...اني حجيت ويا قبل شويه يكول اني مراح اعوف
حياتي هناك واجي علمودها هنا
سميره.. هو هيج كال
اركان.. اي يكول اذا تريد اخليها بيت مستقل وتجي
تسكن بي وانقل وضيفتها هناك
سميره....هااا يعني هو مايعرف حياته هناك بس اني مطلوب مني اعوف حياتي اهلي وناسي ومحافظتي علموده
اني ما مستعده امشي ورا
يريدني يجيني
اركان...خلاص كل واحد يشوف حاله
سلسبيل...كلام خالي هذا اله معنى واحد
اولا مايريد هاي العلاقه تبقى مفتوحه بين الطرفين
هو عايش حياته وهي عايشه حياته والارتباط بينهم بس على الورق
وراد يخوف امي اذا بقت على هذا العناد راح تخسر ابوي
خالي راد امي تحدد موقفها
لو تقبل بهذا الوضع لو تعوف كلشي وتبدي من جديد
يعني بالمختصر تحدد موقفها لو ياا بابا لو تعوفه
سلسبيل.. من الجهه الثانيه ابوي وصل الاهله
وعمي باركله على الطفله الجديده
عمي...مبروك تتربى بعزك
محمد...الله يبارك بيك
عمي...تعال اريد تحجي وياك
محمد...اي كووول
عمي....إلى متى راح تبقى هيج لا انت مزوج ولا مطلك
قبل صبرنا كلنا حامل
نعوفها لمن تولد بلسلامه ونشوف شنو وضعها
هسه هيه جابت
اريدك تحدد موقفك لو اجيبها هنا تسكن حالها حال
عوائلنا لو اتعوفها
ترا مايصير مره تايها بغداد وحدها
بلاخير هيه محسوبه عليك محسوبه زوجتك
كلشي يصير باجر ماتعرف الدنيا شبيها
انت ماعايش وياها وتتحكم بتصرفاتها
ماتكدر تتوقع شيصير
هاي مره ومالها رداد
اني مااريد تالي عمري تجيني مصيبه من مره
محسوبه عليه لا عايشه وياي لا تعرفني ولا اعرفها
صدك اني هسه اذا شفتها مااعرفها
شفتها بيوم العرس وبعد ما شفتها
خويه من الاخير اني هاي الزواجه كلها ماجنت راضي عليها
بس ماردت اخلي بخاطرك
كلت خطيه خلي يزوج شاب ومن حقه يختار وحده تعجبه ويزوجها
زوجتك هاي ابد ما عاجبتني
احنا ناس معروفين والناس كلها تحلف بختنا
وزوجتك شايله روحها الي من يوم ازوجت لليوم
ماتقبل تجي تعيش ويانا
شبينا جوعانيين تعبانيين مامعروفين نفشل
الناس كلها تطلب رضانا اله هيه شايفه نفسها علينا
اني ماعندي غير كلمتين لو تجي تعيش ويانا
لو اطلك وجيب ورقة الطلاق اشوفها بعيني
غير هذا الكلام ماعدنا
لاتعوفها تايها بغداد وتمشي على راسها
وباجر اجيبلنا مصيبه اخوي اخوي صير سبع
لا تخلي مره تضحك عليك
سلسبيل.. ابوي وكع بحيره جبيره لازم يسمع كلام اخو الشيخ ومايكدر يعوف ماما لان يحبها
بعد يومين خالي اركان اتصل على ابوي
اركان...اني حجيت ويا سميره وتكول مااعوف بغداد ولا اطلع منها يريدني يجيني
محمد...خلاص اني تعبت منها بعد كم يوم تجيها ورقة طلاكها
ثنيينهم واحد اعند من واحد والأخير ثنيينهم خسرو
قرار الطلاق ابد مجان سهل على بابا
راح ينفصل رسميا عن حب عمره الانسانه الوحيده الي حبها من صدك وتعلق بيها
بعد اسبوع وصلت الامي ورقة طلاكها
من اول ما استلمت الورقه وهيه ما بطلت تبجي
تبجي بشكل هستيري ما مصدكه الانسان الوحيد الي حبته وتعلقت بي ممكن يتخلى عنها بهاي السهوله
هلكد ما بجت وكعت مريضه من الصدمه لزمتها صخونه قويه
هيه توها جايبه وعمليتها بعد ما نشفت
والنوب اجاها هذا الخبر
اضطر خالي ينقلها للمستشفى حتى تكون تحت العنايه المركزه
وصلت المرحله من المرض الدكاتره نفسهم كالو
احتمال جبير لو تموت لو يصيبها شلل هلكد ما الصدمه قويه عليها
جمانه السعيدي
خالي وبيبي دخلو مرحلة انذار وخوف مو طبيعي
لان باي لحظه ممكن يخسروها
اما خالي جان حاس بندم موطبيعي يحس هو السبب بهذا الطلاك
اذا امي ماتت اوصار عليها شي هو السبب
مايدري عمي مناك شاد سنونه على ابوي
ومصمم لازم يطلك امي لان امي ماعاجبته من البدايه
وهاي الزواجه صارت غصبا علي
اسبوع كامل وامي بلمستشفى شبه فاقده للوعي
بسبب ارتفاع درجة حرارتها
وبيبي وخالو كاعدين بلمستشفى يخافون يصير عليها شي بلعلاجات والعنايه المشدده كدرت امي تستعيد وعيها
شويه بدت حالتها تتحسن
الدكتور يكوللها انتي قويه وكدرتي تعدين المرحله الصعبه
رجعت للبيت بس شنو جثه بلا روح
لاتكدر تحجي ولا تاكل ولا تشوف اي احد
كارها الناس والدنيا كلها
اغلب الوقت تبجي ووتحسر على حب عمرها الي ضاع منها
سلسبيل...بهاي الفتره بيبي هيه الي كانت تعتني بيه
وشايله مسؤليتي لان امي حتى اني ماتريدني
بعد هاي الصدمه امي تعافت
اتعافت جسديا بس نفسيا بقت مريضه وتحس بلنقص
لمن طلعت الأربعين قررت ترجع للدوام
وترجع تعيش حياتها وتبدي من جديد
بس ابد ماكدرت ترجع سميره القديمه
الشي الوحيد الي كان بلبيت مخفف عنهم و مسليهم وجودي بلبيت
الطفله الزغيره الي ماليه البيت عليهم ضحك ولعب
كل شهر جان يوصل امي مصرفي من بابا
بدون ماتطلب او ادز علي
كل شهرين أو اتلاثه يجي بابا حتى يشوفني
يتصل بخالي ويحدد موعد
من يجي خالي ياخذني اله يشوفني شويه ويروح
بس يطمن عليه
من بعد هاي الفتره الحزينه قررت بيبي تخطب الخالي
وزوجه
عمره ٢٦ سنه وتخرج وتعين مدرس بعد من حقه يزوج ويستقر
بدت بيبي ادور عروسه الخالي
سنه كامله وهيه ادور على عروسه
الحد مالكت بنيه من اقاربها وخطبتها الخالي
عرس خالي يكولون حلو لان اني جنت عمري سنه وحده ومااذكر العرس بس امي تحجيلي عنه
العروسه خوش بنيه ومحترمه وام بيت معدله
من بديت شويه افهم من يجي ابوي يشوفني كنت ابجي واخاف منه ومااقبل يشيلني
ابقى بحظن خالي وابجي منا لمن يروح
لان ما متعوده علي وكل شهرين اشوفه مره
حتى من صار عمري سنتين وتلاثه نفس الشي اخاف منه
رغم هو مايجي اله جايبلي ويا العاب وحلويات وملابس
بس ابقى حاظنه خالي وابجي اخاف منه
من بعد سبع سنوات صرت بصف اول ابتدائي
وبهاي الفتره ابوي صار عنده بعد ثنيين ولد
يعني عنده اربع اولاد من زوجته الاولى
طول عمري جنت احسب خالي اركان ابوي
حتى اصيحله بابا هلكد ما يحبني ومهتم بيه
حتى من صار عنده اطفال
ابد مافرقني عنهم حالي من حالهم يكول هاي بنتي الجبيره
جمانه السعيدي
الحد ماوصلت صف اول ابتدائي وبدا اسم محمد
يكون بعد اسمي هنا بديت افتهم اركان مو ابوي
ابوي الحقيقي محمد
من صرت بلمدرسه ابوي جان يجي للمدرسه حتى يشوفني
ونكعد نلعب اني ويااا
كل مره من يجي يشوفني يسئلني
محمد.......شلونها امج
سلسبيل...زينه
محمد...هواي هواي سلملي عليها كولي بابا يسلم عليج
سلسبيل...ليش ماتجي وياي تسلم عليها
محمد...لا مايصير انتي بس كولي بابا يسلم عليج
سلسبيل...يبقى بابا منتظرني ويوصلني للبيت
من ادخل شايله لعب وهدايا وحلويات امي تعرف
اليوم ابوي جايني للمدرسه
سميره...هااا اليوم بابا اجاج
سلسبيل...اي يكول سلمي هواي هواي على ماما
سميره...الله يسلمج
سلسبيل.. كنت اشوف فرحه بعيون امي من تسمع بابا سئلني عنها وكانها كانت تنتظر هذا الاهتمام الخفي
من بابا حتلو اهتمام من بعيد
يعني بعد اكو معزه بكلبه الها
اكيد بعده يحبها بس الضروف جبرته يبتعد عنها
