رواية هاربة من الماضي الفصل السادس 6 بقلم مروة ايمن

رواية هاربة من الماضي الفصل السادس 6 بقلم مروة ايمن 

"الموت" من اصعب الحقائق فى حياتنا نؤمن به و بوجوده ولكن الشئ وهو بعيد فإذا توفى شخص قريب من قلبك تصدم بهذه الحقيقه دائما وابدا الحقائق صعبه كالعلقم المر وما اصعب احساس انك على اعتاب فقد شخص قريب من قلبك
~~~~~~~~~~~~~~~~~~~~~~~~~~~

اما هى فخائفه ان تفقد الام نعم هى فى منزله والدتها واكثر هى منذ ان علمت الخبر بنقل خالتها الى المشفى وهى فى حاله لايرسى لها احد

شرين ببكاء :::: ندى مصيبه ليلى اغمى عليها ونقلوها المستشفى

ندى بصدمه :::: انتى بتقولى ايه ازاى ده حصل

ميسون:::: طيب اهدو ويلا بينا على المستشفى

ادهم:::: طيب انا معايا عربيتى هاوصلكو

ميسون:::: مالوش لزوم يعنى وبعدين المستشفى قريبه يعنى ولا ايه يا ندى

وهى فى عالم اخر لا تعلم شئ سوى انها تريد الاطمئنان على ولادتها فقط

ادهم بإصرار :::: يلا يا ميسون انتى مش شايفه حاله ندى عامله ازاى

نظرت لصديقتيها الاثنتين احداهما تبكى بإنهيار والاخرى فى صدمه كأنها فى عالم أخر

~~~~~•~~~~~~~~~~~~~~~~~~~~~~
لا تعلم شئ سوى بعد ان علمت ان خالتها الحبيبه تم نقلها الى المشفى اصر مديرها ان يقوم بتوصيلها بأقصى سرعه وهى فى حاله من القلق والخوف الشديد
وصلت الى المشفى وعلمت مكان غرفتها فأسرعت اليها وقد كانت ابنتها برفقه رجل غريب

فرح بخوف ::::: رودى حببتى

اسرعت الابنه الى احضان والدتها واخذت تبكى ببرائه

رودينا::::: مامى لولو وقعت يا مامى وتعبانه

فرح :::: ماتخفيش يا روحى لولو هتبقى كويسه

رأت رجل تعتقد انه فى عمره الاربعين عندما قررت محادثته خرج الطبيب من الغرفه

فرح بقلق:::: خير يا دكتور هى اخبارها ايه دلوقتى

الطبيب::: انهيار عصبى احنا ادنالها مهدء وهى هاتنام وهاتفضل لحد بكره

فرح بدهشه :::: انهيار عصبى وده ايه سببو

الطبيب::: ممكن تكون سمعت خبر زعلها او اتصدمت حاجه زى كده متقلقيش هى بخير عن اذنكو

فرح بتنهيده:::: الحمد لله ان هى بخير هو حضرتك الى جبتها هنا

حسين بتوتر ::: ايوه انا كنت بشترى من عندها وبعدين فجأه اغمى عليها

فرح بإمتنان:::: شكرا ليك جدا

جاء آسر بعد ان كان بالحسابات قبل ان يرى المريضه ولكن صدم عندما راى عمه يقف مع فرح وفى ذالك الاثناء قد راته وقامت بالنداء له وفى تلك اللحظه التقت اعين الابن والعم ونظره تحذيريه

فرح:::: ميرسى اوى يا مستر على تعبك معانا

آسر بتوتر:::: على ايه بس انا معملتش حاجه انا كنت فى الحسبات وتقالى انها اندفعت

فرح بدهشه::: اندفعت

حسين :::: ما انا الى دفعتها

فرح:::: مالوش لزوم يا فندم ياريت تسحب الفلوس احنا مش محاجين حاجه

حسين:::: مش قاصدى والله بس

فرح:::: معلش انا كده حبقى مرتاحه وميرسى لحضرتك مره تانيه

آسر :::: خلاص يا استاذ حسين مالوش داعى

فرح بدهشه :::: انتو تعرفو بعض

نظر لابن اخيه بنظره تحذيريه من التأكيد على كلامها

آسر بتوتر::: لأ اصل اسمو كان مكتوب فى الحسابات
وبعدين ياستى انا الى هادفع الحساب وهايتخصم من المرتب علشان متزعليش

ابتسمت له فرح ::: شكرا مره تانيه يا مستر

حسين::: طايب استأذن انا عن اذنكو

آسر::: انا هنزل الحسابات مش عايزه حاجه وانا راجع

فرح:::: لأ يا مستر شكرا بس مالوش داعى الى هاتعمله وبعدين حضرتك لازم ترجع الشركه علشان الشغل انا كويسه دلوقتى

آسر بإصرار:::: مش مشكله الشركه وبعدين مش هاسيبك

فرح ::: صدقنى اصلا دلوقتى ندى تيجى وحازم واكيد مش حانقعد فى المستشفى

لم يغفل عن ذكر "حازم" الذى جعل اشتعالا من النيران بداخله ولا يعلم سببها

آسر ::: خلاص انا هروح للحسابات وبعدين امشى فرح ياريت لو احتاجتى اى حاجه فى اى وقت تتصلى بيا والف سلامه عليها

ابتسمت بإمتنان له دون حديث والقليل من الخجل بعد نطقه لإسمها لاول مره بدون القاب واخذت تتابع ظله حتى اختفى
_________________________________________
وقعت امامه صدمت اه يا حبيبتى لم اكن اريد ان اكون سبب فى وجع لك ولكن الاقدار
كان خارج من المشفى ولكن اوقفه نداء ابن اخيه

آسر :::: اونكل حسين

حسين بتوتر:::: انت مش هاتستنى معاهم

آسر::: لأ قاريبها جايين وهى مصره انى امشى ومرضتش احرجها

حسين::: قرايبها مين

آسر::: ماعرفش بس هو حضرتك جيت امتى وليه مبلغتنيش انك جاى وليه خالتنى انكر معرفتى بيك

حسين بتعب::: آسر الموضوع يطول شرحه صدقنى ارجع وارتاح وبعد هانتكلم زى ما انت عايز

آسر::: طيب اتفضل اوصلك للبيت ~~~~~~~~~~~~~~~~~~~~~~~~~~~
وصلو الى المشفى لم تحس بنفسها وهى تخرج من السياره مسرعه الى الداخل علم مكان الغرفه وهرولت اليها رأت اختها تحتضن ابنتها بأسى وحزن

ندى بخوف وقلق :::: فرح حصل ايه

فرح::: انهيار عصبى واتركبلها محاليل وخدت مهدء هتفوق بكره الصبح انشاء الله

ندى :::: من ايه

فرح ::: مش عارفه المهم انها كويسه

ندى::: انا عايزه ادخل اشوفها

فرح::: الممرضه قالت بلاش علشان لو عملنا ازعاج

ندى :::: مش هتأخر والله علشان خطرى

اذنت لها الممرضه بالدخول كانت فى حاله من الرهبه عندما دخلت الى الارغرفه وجه شاحب جسد هزيل
وهنا انتقلت من الجمود الى الانهيار سقطتت حصون القوه وايضا الدموع .......فرت الدموع الحبيسه من عينيها بكاء غزير اقتربت منها وامسكت بيدها

ندى ببكاء طفولى:::: قومى يا لولو متخوفنيش عليكى بقا بصى اوعدك انى مش هزعلك تانى وهابطل شقاوه علشان خطرى قومى يا ماما قومى بقا

نعم هى الام الذى ربت واعتنت هى الخاله ولكن منزلتها الام على الرغم من قوتها الظاهره ولكن نقطه ضعفها الوحيده خالتها الحانون التى عوضت فقدان الوالدين فى سنها الصغير عامين
خرجت من الغرفه بوضع انهيارها وارتمت فى احضان اختها تبكيان على حالهم يتيماتين ولكن القابعه بالداخل هى الام والاب والصديق هى امانهم وبيتهم الدافئ

اقتربت الصغيره تربت على والدتها وخالتها

روداينا:::: مامى نيدو ماتخفوش لولو كويسه هى بس نايمه شويه

احتضنت ابنتها وابتسمت لطمئنتها::: ايوه يا رودى لولو كويسه

ندى :::: الحمد لله انها بخير انا هاكلم حازم

شرين:::: هو مش فى البلد عندو شغل بره النهارده

فرح:::: خلاص بلاش علشان ميقلقش ويالا خودى رودى يا شرين انتى وندى وروحو انا هستنا مع ليلى

ندى:::: لأ انا الى هاستنى روحى انتى وبنتك

فرح ::: يا ندى بطلى عند

ندى ::: فرح روحى انتى وبنتك

ادهم::: طايب انا ممكن اروحكو

وهنا التفت له الجميع وايقن وجوده

فرح بتساؤل:: مين ده

ندى بخجل ::: ده ادهم زميلى فى الجامعه

اندهشت من رد اختها ونظرت له نظره تقيميه مما اخجله ( احيييه الدنجوان مكسوف )

فرح::: مالوش لزوم يا ادهم احنا هنتصرف

ادهم بإصرار::: حضرتك معاكى بنوتك ومعكيش عربيه وانا العربيه بتاعتى موجوده اتفضلو من غير عناد
استسلمو جميعا له وغادرو امامه واوقفه ندائها على الرغم من المواقف الكثيره بينهم ولكنه لم يسمع اسمو منها قالته من دقيقه ولكن الان بنبره دافئه فالتفت لها
واقترب منها

ندى بإبتسامه امتنان::: شكرا يا ادهم

هل ابتسمت مهلا وشكرته ايضا وجه الخشب الحجر يبتسم ويشكر انها لمعجزه

فاق من شرده ::: انا معملتش حاجه يا ندى الف سلامه عليها وياريت لو احتاجتينى كلمينى فى اى وقت انا صاحى
غادر وهو فى حاله اندهاش تامه منها ندى وجه الخشب قلب الحجر اصبحت ضعيفه مهزومه بهذا الشكل
~~~~~~~~~~~~~~~~~~~~~•~~~•~~
حل الليل بظلامه وهى نائمه فى عالم اخر لا يحمل سوى ذكرى اليمه جدا
فلاش باك
واخيرا اصبحت خطيبته الحبيبه وسوف تصبح زوجته فى القريب اخذ يعد من اجلها يوم يحمل لها اشواقه شغفه وحبه لها ولكن اوقفه نداء اخيه

رؤوف:::: حسين متنساش تقعد بآسر وادهم بقى

حسين::: نعم يا اخويا بقا انا مخليكو تسافرو بدالى علشان اخلى بالى من العيال

رؤوف بضحك::: اصل عواطف مسكت فيا فا قولت افسحها بالمره

حسين::: انت تتفسح وانا اشيل العيال ياعم كنت بفكر فى يوم علشان ليلى

رؤوف بضحك:::: هههههههههه لأ ما اصل حسناء كمان مسكت فى محمود والبنات مع ليلى النهارده

حسين بتهكم ::: ايوه وبدل ما اغديها بره اخدها الحضانه ايه ده ياربى بس

اقترب اخيه منه احتضنه بقوه وحنان ::: خلى بالك من العيال هما امانه فى رقبتك يا حسين هما مالهومش غيرك يا حسين

حسين بمرح لضياع هذا التأثر :::: ياعم روح بقى ده انت راجع فى نفس اليوم متخنقناش بقا

عواطف بطريقه مسرحيه ؛::: امسك عندك جوزى واخوه مع بعض يالا المهزله

ضحك الاخوين على الطريقه

حسين::: ايوه ما طبعا لازم تبقى مفرفشه مانتى رايحه تتفسحى

عواطف::: بس يا واد من غير حسد

حسين بحزن مصطنع وطريقه مأسويه مضحكه::: عليه العوض ومنه العوض

ابتسمت عواطف اقتربت منه تودعه بدموع ::: حسين خالى بالك منهم انا مطمنه طول ما انت معاهم ودى
اول مره اسيبهم لوحدهم

تأثر من حديثها ودموعها ::: فى ايه انتو قلبنها درامه كده ليه بطلو النكد شويه ويالا اتفضلو خلونى اكلم البونيه اليوم اتضرب

غادر الزوجان وبقلبه إضطراب كبير لا يعلم سببه وقلق
وقام بمهاتفه حبيبته وصدم ب

ليلى ببكاء ::: الوووو

حسين بقلق:::: مالك يا ليلى بتعيطى ليه حاجه حصلت

ليلى::: حسناء ومحمود سافرو

تنهد الصعداء ::: خضتينى يا مفتريه مايسافرو عادى

ليلى::: ما هما سابو ندى وفرح معايا

حسين بخبث::: ياه بتعيطى علشان مش هاتقضى اليوم معايا يا حببتى قد ايه انتى رومانسيه يا ليلاى

ليلى بتهكم::: يا شيخ اتلهى وانبى

حسين::: كده يالولو بتقولى لسحس حبيبك اتلهى

ليلى::: حسين انا قلقانه حاسه ان فى حاجه هتحصل مش كويسه

حسين::: هو يوم مش باين من قوله نكد هو انا اخلص من رؤوف ومراتو تطلعيلى انتى ربنا يهيدكى يا حببتى

ليلى::: مش بهزر بجد وداعهم غريب اوى

تنهد حسين وصدق على حديثها فاهو الاخر احس بنفس الشئ :::: انشاء الله مافيش حاجه وحشه قوليلى بقا الخروجه باظت صح

ليلى بأسا::: للاسف ايوه

حسين::: ولا يهمك يا ليلاى هعوضك صدقينى

استمر الحديث بين الاغزل والخجل حتى انتهى واستمر اليوم بقليل من القلق وبالفعل حدث ماهو غير متوقع حادث مؤلم على طريق القاهره بورسعيد اصفر على وفاه اربع شخاص
~~~~~~~~~~~~~~~~~~•~•~•~~~~~~ وبعد مرور اربعون يوم من الاسى والحزن الشديد على فراق الاحبه الاخوه الاب والام اجتمع الزوجين
والاخت

كاميليا::: ربنا يرحمك يا حسناء وبعدين يا ليلى هانعمل واحنا سايبين الى قتل اختنا كده

ليلى بإبنهاش ::: قتل!!!!! هى ما كنتش حادثه مدبره

عز بخبث::: ليه بس كده يا كاميليا بتقوللها ليه

ليلى بإنهيار:::: انتو عارفين ايه ومخبيونى عنى انطقو

عز::: للاسف العربيه اتقلبت علشان الفرامل كانت مفكوكه وده بفعل فاعل

شهقه قويه خرجت من الاخت الصغرى وسقوط بإنهيار وبكاء

اقتربت منها كاميليا واختضنتها ::: اهدى يا حببتى صدقينى هانجيب حقهم متقلقيش

ليلى::: انتو عرفتو مين الى عمل كده

نقل عز نظره الى زوجته وساد الصمت

ليلى بصوت قوى::: انطقو مين هو

عز::: حسين الانصارى

ليلى بعدم تصديق ::: انت بتقول ايه انت اكيد كداب ازاى يعنى محصلش ده كدب

كاميليا بتأكيد::: مافيش غيرو عمل كده اصلا السفاريه دى بتاعتو ايه الى خلى رؤوف ومحمود يسافرو غيرو اكيد كان عايز يخلص من اخو

ليلى بعدم تصديق وانهيار::: كدب انتو كدابين محصلش

عز::: اهدى ياليلى متخليش مشاعرك وعواطفك تعميكى عن الحقيقه

ليلى ببكاء مرير :::: ازاى ازاى حسين يعمل كده علشان الفلوس هو بشع بالطريقه دى

وكان للشيطان دور اقوى فى هذا الوقت انطلقت مسرعه لغرفه مكتب زوج اختها واخذت المسدس الخاص به وانطلقت مسرعه للاخذ بثأرها
~~~~~~~~~~~~~~~~~~~~~~~~~~~
كان بالمنزل لم يخرج منه منذ يوم الدفن لقد دفن جثه اخيه بيده ما افظع هذا الاحساس الفقد لقد فقد الاخ الوحيد الصاحب القريب وما اوجع قلبه على ابناء اخيه لفراق والديهم بنفس اليوم

افاق من شروده على دخولها الحبيبه قام واقترب منها كانت شاحبه ضعيف وغاضبه

حسين::: ليلى انتى كويسه يا حببتى حاجه حصلت

ليلى بجمود وغضب مشتعل بقلبهت::: حبيبتى يا بجاحتك بجد يا بجاحتك صحيح تقتل الاقتيل وتمشى فى جنازته

حسين بدهشه::: انتى بتقولى ايه انا مش فتهم منك حاجه

ليلى::: ما طبعا لازم تكون مصدوم مش متوقع انى اعرف حقيقتك انت طلعت اقذر انسان شوفتو فى حياتى

حسين :::: انتى بتقولى ايه ايه التخارف دى ما تتكلمى عدل وتوضحى كلامك

ليلى ببكاء::: ليه عملت كده قتلتهم ليه عملولك ايه هما علشان تحرق قلبى وقلب عيالهم حرام عليك بجد انت ايه شيطان

حسين بصدمه:::: انتى بتخرفى تقولى ايه ده جنان

اخرجت المسدس وصوبت عند قلبه

ليلى::: انا لازم اخد حقهم من شيطان زيك

تحرك حركه بسيطه ومن ثم كان اصوات الاعيره الناريه يدوى بالمكان وسقط مغطى بالدماء
وهى هربت مسرعه من المنزل بل من البلده بأكملها اخذت بنات اختها وهربت بهم

نهايه الفلاش باك
~~~~~~~~~~~~~~~~~~~~~~~~~~~
الحاضر
وكانت الذكريات اثر بالحاضر انطلق صرخاتها بالمشفى
وقامت النائمه بهدهدها حتى غفت مره تخرى
اما الاخرى اندهش من ذالك وخرجت تستنشق الهواء النظيف وصدمت ب

ندى:::: انت بتعمل ايه هنا
~~~~~~~~~~~~~~~~~~~~~~~~~~~
وفى منزل الانصار

اصبح عمه لغز صعب الحل واخذ يفكر فى سبب مجيئه المفاجأ و الشركه التى اكتشف ملكيتهم لها ولم يعرف عنها احد ثم اخير معرفته بخاله فرح وعند ذكرها تذكرها وهى فى حاله من الضعف والقلق والخوف سيده التناقضات اوقات ضعيفه وفى نفس الحظه تظهر قوه كبيره لها رقيقه هشه اول امرأه تشغل تفكيره منذ طلاقه كان يزيد من عملها لإثبات فشلها ولكن كانت هى تنفذه بجداره اصبحت تشغل حيز من تفكيره بقوه فأراد ان يفيق من نفسه

آسر لنفسه :::: فوق يا آسر ومتفكرش كتير الستات كلهم واحد صدقنى متفكرش كتير علشان متقعش ولو وقعت مش هاتقوم تانى
~~~~~~~~~~~~~~~~~~~~~~~~~~~
ها نحن اثناء شروق الشمس وهو لم يذق طعم للنوم وحبيبته بالمشفى "اه ياليلاى اذا علمتى مقدار الجرح الذى تسبب بعد فراقك ولكن ها انا معكى اقسم لكى انى سأفعل ما بكامل وسعى لإسترداد قلبك مره اخرى حبيبتى الغاليه "

لم يستطع الجلوس اكثر فانطلق حيث هى معذبته الاولى والوحيده
وبعد ان تأكد من عدم وجود احد معها بالغرفه ها هو امامها نائمه شاحبه ولكنها تفيق حتى استعادت وعيها وصدمت من وجوده

ليلى بصدمه::: انت ازاى عايش

يتبع

السابع من هنا 

تعديل المقال