رواية قصة امي الفصل السادس 6 بقلم جمانه السعيدي
سيل...طلع ابوي زعلان حتى امي صارت عصبيه
بسبب كلام ابوي
كل شويه وكال ماعدها مكان
عبالك بس هو عنده بيت متعجب
حتى وهو جاي يرجعها يحجي وياها بمنيه
عبالك حياتها بايده
امي حيل تغيرت شخصيتها من يوم اطلكت لليوم
قبل جانت تخاف من ابوي وتقبل باي شي منه
تحاول ترضي حتلو على حساب راحتها
بس هسه لا تغيرت هواي صارت قويه مو مثل قبل خوافه
اني اتوقعت ابوي خلاص بعد كلام امي مستحيل يرجع يحاول يرجعها
بس اتفاجئت بي ثاني يوم يتصل عليه
مارديت علي
اتصل اكثر من أربع مرات ومارديت علي
دزلي رساله صوتيه
ابوي...بت الكلب ليش ماتردين انتي ماعندج ذره اخلاق
امي سمعته هههه لاتردين علي
رجع دز رساله
ابوي....اسمعي اسيل اذا ما اطردين امج من بيتكم
راح يكون الي تصرف ثاني وياج
اسيل....مارديت علي من كل عقله شلون اطرد امي من بيتي
طبعا هذا الكلام مايقبله العقل
شلون تطلع امي من بيتي
طبعا خالاتي يتواصلن وياا امي يوميه بس مايعرفن امي اطلكت وكاعده بيتي
امي ما تقبل تحجي بهذا الموضوع
اتكول خاف زلمهن تعرف ويكعدون يعيروهن بيها
اختجن بعد هذا العمر اطلكت
وكاعده بيت بتها تكول مااريد احد يعرف
منا لمن اشتغل واحصل سكن وبعدين الله كريم
ثاني يوم رجع منذر ضايج من برا
اسيل....هلو حبيبي خير شكووو
منذر...هلوووو
اسيل...شكوووو
منذر...ابوج
اسيل...شبي
منذر...ما يقبل بعوفني بحالي اتصل عليه
انت وين اريد احجي وياك بموضوع
عزمته بمطعم اجا سلم عليه من ورا خشمه
منذر...خير شكوووو
ابوي...لازم تطرد ام اسيل من بيتك
منذر...شلون اطردها مايصير
ابوي...لا يصير اطردها حتى ترجعلي هي اذا مالكت مكان سكن ترجعلي خوما تبقى بلشارع
منذر...اعذرني مراح اطردها من البيت
ابوي...اذا ما تطردها اشتكي عليك اكول جاي يحرض زوجتي عليه
منذر...اولا هي مو زوجتك طليقتك
ثانيا ...هيه مو طفله عمرها ٤٣ سنه يعني جبيره ومدركه
وواعيه
ترا هي تكدر تشتكي عليك وتكول جاي يزعجني
وورقه الطلاق عدها تثبت انت مالك شي عدها
جمانه السعيدي
ابوي...اشتكي عليكم انتم سبب خراب بيتي
منذر.. عمي انت واعي شكاعد تكول
شنو خراب بيتك انت ازوجت وطلكت بكيفك
احنا مامدخلين بحياتك
ابوي...انت شنو مالك كلمه بيتك اني شطالب منك
كلها عمه اني جاي تصيرلي مشاكل بسبب كعدتج بيتي
شوفيلج مكان ثاني
ترا ما بيها شي لو انت مالك كلمه بيتك
منذر...يعني لو اطردها من البيت لو مالي كلمه بيتي
اني مراح اطردها ام اسيل انسانه محترمه
واني ما شفت منها شي موزين
تريد ترجعها براحتك بس اني ماادخل بهذا الموضوع
لا من بعيد ولامن قريب
عفته كاعد وطلعت من المطعم
اسيل...زين تسوي ابوي ما يستاهل واحد يساعده
حتى وهو يريد يصلحها وترجع
يريد يهينها يريدها تبقى بدون مكان حتى ترجع تتوسل بي علمود تسكن بيته
مقابل تشتغل خدامه اله والزوجته
منذر....شلون امج جانت عايشه ويااا شخصيته
غريبه اناني خبيث حاقد جامع كل الصفات المرحلوه
اسيل...اسفه حبيبي جاي تتحمل ازعاج ابوي بسبي
منذر...لا تعتذرين امج انسانه محترمه ما شفنه منها شي موزين
بلعكس جنها نسمه اله ابوج بعمري ماشفت هيج شخصيه
ابوي مابطل يحاول يرجع امي
هلمره راح العمي ابو منذر للمحكمه وطلب مساعدته
المشكله مايطلب الناس تتدخل بلخير وتحل المشكله
لا يريد عمي يحجي على منذر ومنذر يطرد امي من البيت
صارت الشغله بلنسبه اله شغلت اعناد
مادام امي كالت ماارجع
لازم ترجع غصبا ماعليها وتعيش ذليله جوه رجلي
يريدها ترجع مثل قبل خدامه بلكمتها ومن يحجي ويغلط عليها ماترد علي
عمي طرده من المحكمه
طبعا عمي برد كلبي بابوي
عمي....اولا هذا مكان عملي ممنوع تجي هنا وتتناقش وياي
بمشاكلك الشخصيه
ثانيا...هاي علاقتك بعائلتك اني وابني مالنا دخل
ثالثا...ماكو انسان مرتاح بمكان ويعوفه
اكيد جزعت من تصرفاتك
رابعا...مااريد اشوف وجهك هنا لا اخليهم يدخلونك سجن تاديبي
طلع ابوي من المحمكه يركض ويتلفت ورا خاف صدك يدخل سجن
هذا عمي عمله نادره ماكو منه ابد
عاشت ايدك هذا التصرف الصح
ابوي من شاف منذر وعمي ثنيينهم ما تعاونو وياااا
رجع عليه
يتصل عليه ويهددني ويغلط عليه يكول انتي سبب خراب هاي العلاقه
الشخصية النرجسية دائما من تغلط ادور واحد تعلك علي اخطائها ابوي غلط وخسر امي ومن حس بغلطه
رجع يشمر اللوم عليه
كلمه والثانيه وكال انتي سبب خراب هاي العلاقه
جمانه السعيدي
طلع من دوامه وبقا ينتظر منذر يطلع من البيت
الساعه عشره منذر طلع من البيت
راسا اندكت الباب قوي
اسيل...اني توقعت منذر نسى شي ورجع
فتحت الباب بدون مااكول منو لو اتأكد منو الي جاي يدك بلباب
بس فتحت الباب راسا دفعني ودخل للبيت
اسيل...بابا خير شكوووو
راسا دخل للبيت وكام يصيح سعاد سعاد وينج
امي بس سمعت صوته دخلت للغرفه تلبس حجاب
لان هو صار محرم عليها
هو دخل وراها للغرفه
امي...هاي شبيك تخبلت
ابوي....ترجعين وياي وغصبا ماعليج
اني سئلت عند الشيخ وكال تكدر اترجعها
اسيل...اني دخلت ورا الصراحه خفت يضرب امي
لان ابوي ماله امان
ردت علي امي بكل برود وهي تفتح باب الكنتور طلع حجابها
امي...وشيخك هذا كالك اله تكون موافقه ترجع
ابوي...وليش ما موافقه خاف متوقعه بعدج زغيره وراح تنخطبين وتزوجين
ترا انتي عجوز بعد محد بحالج اني اريد ارجعج
الخاطر البنات مااريد يكولون امهن مطلقه
اسيل...معليك بلبنات خليك بحالك
ابوي...انتي اش ولا كلمه لا تدخلين انتي اساس الخراب
امي...ماارجع لو تنطبق الأرض على السما
ماارجع تفهم لو ما تفهم ماارجع
اسيل...تقدم عليها ابوي وسحبها من ايدها يريد ياخذها وياي بلغصب
متوقع كلشي يريده يصير ومحد يكدر يمنعه
امي...عوفني لا تلزمني ماارجع وياك
سحبت ايدها امي منه بعصبيه
التفت ابوي عليه وكال اطلعي اسيل اريد احجي ويا امج
امي...لا تطلعين اي كلام ماكو بينا
ابوي...اطلعي بابا اريد احجي وياا امج
اسيل ...طلعت بس بقيت قريبه على الباب اخاف على امي ابوي ماله امان
ابوي...ليش تعاندين اني وياج مالنا غير بعض
السنيين الي عشناها سوه وبناتنا ليش تكبرين الموضوع
امي...ترا انت فاهم الموضوع غلط هاي مو مشكله
من مشاكلنا اليوميه واني مكبره الموضوع
انت طلكتني وبارادتك وزوجت
يعني انت هسه بلنسبه اليه انسان غريب
محرم عليه ليش ما تصير رجال وتحترم قرارك
عيش حياتك ويا زوجتك وعوفني اعيش حياتي
ابوي....بس اني بعدني احبج واريدج ترجعين
ولله تبهذلت من بعدج
الاكل مو طيب والبيت ريحته تكتل
حتى زوجتي ماحبيتها انتي مجاي اطلعين من عقلي
اني متعود عليج
كلما ادخل للبيت ابقى ادور عليج
كلشي جاي يصير وياي اقارنه بوضعنا من جنتي بلبيت
كلشي اختلف
ارجعي بس هلمره
اني اعترف اني غلطان اني غلطان اسف
بعد ماتنعاد هاي الغلطه ابد
ترا انتي مو زغيره ومراح تكدرين تزوجين وتكونين اسره وانتي بهذا العمر
شكد راح تبقين حتى تلكين انسان يفتهمج ويقدرج
اكيد بهذا عمرج مراح يتقدملج شاب لو أرمل لو مطلك
لو تاخذين واحد على زوجته ليش تعرضين نفسج للاهانه
ارجعي بيتج ينتضرج
ارجعي واني راح اتغير كليا وياج
صدكي راح تشوفين انسان جديد
حميد ثاني غير حميد الي تعرفي
جمانه السعيدي
امي...الصراحه اقتنعت بكلامك وصدكت
ارجع بس عندي شروط
اسيل...من سمعت امي كالت ارجع بشروط لطمت على وجهي اني اعرف ابوي مراح يتغير ابد
وجاي يجر رجلها حتى ترجلعله ويكسر خشمها
لان الكل عرف هو يريد يرجعها وهي ما تقبل ترجع ويااا
عكس ماهو جان يكول
جان يمشي ويكول
سعاد تتمنى ترجعلي بكلمه وحده ترجع حتى بدون
مهر وبدون أي شي بكلمتين مني
تجي تركع جوه رجليه
لو اريد ارجعها بكلمه مني ترجع وين تلكه مثل دلالي
جنت مدللها دلال ماصاير
اسيل...قربت على الباب اريد اسمع شروط امي شنووو
وصدك ترجعله لو اجذب علي
ابوي...كولي عيوني اللج اشرطي بكيفج
اسيل...ابوي متوقع شروط امي بسيطه
مثلا تريد غرفة نوم جديده لو تشرط علي يغير معاملته وياها لو تشرط يقسم البيت بيتها وبين العروسه
يعني شغلات بسيطه هو يكدر عليهن
امي....اولا اطلك زوجتك
ثانيا...تسجل البيت باسمي حتى لاتكعد اتعيرني ماعندج مكان ماعندج بيت
ثالثا...اريد مهر بكد مهر العروسه وذهب بكد ذهبها
رابعا . .كلشي ما اشتغل بلبيت اريد خدامه
خامسا...اريد العقد يكون كدام شهود اني اختارهم
وبي شروط جزائيه اذا خليت باي شرط بلعقد
هااا شكلت ليش سكتت مجاي اسمع صوتك
ابوي...انتي صدك تحجين لو تتشاقين
امي... بله هذا وكت شقى اكيد احجي صدك
لان اني بعد ماارجعلك حسب شروطك انت ارجع على شروطي اني
ابوي...هذا اخر كلام عندج
امي...اي اخر كلام واذا ماتكدر على شروطي
لا تخليني اشوف وجهك مره ثانيه
ابوي.. انتي شايفه نفسج لا عبالج بت عشرين
وتتشرطين
ترا مره عجوز محد بحالج باجر منذر يمل منح
ويطردج واذا بنتج اعترضت يطردها وياج
ليش تخربين حياة بنتج
احترمي نفسج وارجعي وياي
امي...منو كالك اني راح ابقى عايشه ويا منذر
اني قدمت على وضيفه بس تطلع واستلم راتب
راح ااجر بيت واستقر وحدي
وبعد مااحتاج اي احد لا انت ولا غيرك
ابوي...تتوضف انتي منو يوضفج وين اكو وضايف
انتي شايفه نفسج
الناس الي عدها واساطات مالاكيه وضيفه
منو ضحك عليج وكال تتوضفين
جمانه السعيدي
هااا خاف عامله بمدرسه
امي...مالك شغل بيه حتلو عامله هم اشتغل الشغل مو عيب اهم شي اعيش مرتاحه
اذا ماتكدر على شروطي بعد لا تخليني اشوف وجهك
مره الأخ اذا سمعت رايح المنذر لو الابو اشتكي عليك
واخليهم يدخلونك للسجن
ابوي....ايباخ صار عدنا لسان ونهدد صدك لو كال المثل
جان بجره وطلع البره
امي...الدنيا اصلا مبنيه على مبدأ التغيير
ماكو شي ببقى على نفس وضعه
والانسان اذا مايطور نفسه عليمن عايش
الحياة تجارب واني طلعت من أكير تجربه مره بحياتي
ابوي...فكري زين واذا وافقتي اتصلي عليه
اني قدمتلج عرض مغري فكري زين لا اضيعين الفرصه من ايدج
اسيل فتح باب الغرفه ابوي وطلع شافني واكفه بصف الباب خزرني وطلع
ابوي متوقع حل هاي المشكله بايدي
لان اني كلش قريبه من امي واكدر أقنعها ترجع بس اني مستحيل اخلي امي ترجعله
ابوي نرجسي واناني هسه هو يريدها ترجع مو محبتا بيها لا بس حتى يكسر خشمها وتكون كلمته هي الماشيه
سكت ابوي اسبوع كامل لا اجا ولا حاول مره ثانيه
اني الصراحه فرحت واخيرا خلصنا منه
فات شهرين على وجود امي بيتنا صراحتا بيتنا
صار حلو وبي نفس طيب بوجود امي
شكد مرتبه ومعدله كلشي نظامي وكلشي مرتب
حقه ابوي يحس بلفرق بس من ايده
هو الي فرط بيها واسترخصها
بيوم بليل اجا منذر واجا وياي عمي وعنده جنطة ملابس
منذر تفضل بابا اهلا وسهلا
عمي...مااريد ازعجكم جان بقيتي بيت اخوك قابل اني زغير
اني اعرف اهتم بنفسي
منذر...شلون تبقى وحدك هذا هم بيتك
اصلا احنا نفرح من تبقى عدنا
اسيل...هلو عمو شلونك
عمي.. هلو حبيبتي شلونج
اسيل....اي جنطه يعني راح تبقى عدنا
عمي...ولله مااريد ازعجكم بس منذر صمم اله اجي هنا
اسيل.. عاشت ايدك منذر همزين جبت عمي البيتنا
منذر...تخيلي يتصل عليه مهند يكول احنا سافرنا
وابوي ماقبل يسافر ويانا
لان عنده شغل روح شوفه شنو محتاج
وابقى قريب علي
شلون يبقى كاعد بيت شكبره وحده
جبته يكعد عدنا
اسيل هله ومية هله ومرحبا العين أوسع من الكاع
اصلا يوم الفرح عمي يبقى عدنا
عمي.. الله يسلمج انتي بت حلال
اسيل...ولله ماغيرك ابن حلال وابن اصول وتنحط على الراس
عمي....اذا يبقى الكلام هيج حلو راح الزك هنا
وبعد مارجع الذاك البيت
اسيل....ولله اخليك بعيوني اكيف اصلا اني حاسدتهم عليك
هنيالهم
عمي تصدك يمكن الحسد اشتغل لان انت اجيت عدنا
منذر...يمه الله يستر من عينج
اسيل....لاتخاف مااحسدك احسد مهند وزوجته
كل يوم يصبحون بهذا الوجه الحلو
منذر...شنو العشى بسرعه
اسيل...مو يدلل احلى عشى
عمي...الله يسلمج اني عشاي خفيف مااريد الاكل ينام على معدتي
اسيل....عشى خفيف صار من عيوني
اسيل...امي استحت تسلم علي دخلت لبست ثوب طويل
وشال
ورجعت للمطبخ حتى نجهز العشى اني وياها
هي متبله دجاجه عدها تتبيله خاصه دخلتها للفرن
حضرت مقبلات نوعين مقبلات خيار بلنعناع وتفاحيه
حضرت ماعون كرفس وشوندر ورمان
حضرنا أصابع بيته وبابا غنوج
حضرنا السفره بلمطبخ
منذر يله بابا نتعشى بلمطبخ لو هنا
عمي...لا بلمطبخ المطبخ مكان الاكل ليش البيت يتوصخ
دخل للمطبخ شاف امي ابتسم
مساء الخير
امي...اهلا وسهلا شلونك استاذ
عمي...شنو استاذ عليمن كولي ابو منذر وخلاص
حتلو باسمي مختار عادي ماعندي مانع
امي...الله يحفظك
عمي...يله ناكل
اسيل كعدنا كلنا امي استحت تاكل ويانا
عمي...ليش ما تجين تاكلين
امي...قبل شويه اكلت
عمي...شوف منذر مو كتلك اني راح اخرب نظام حياتكم
ارجع البيتي احسن
امي...لا لا اتعشى وياكم ماكو مشكله
عمي.. هيج تمام اني ماريد تتقيدون بسببي
عادي اني خطار كم يوم وراجع البيتي
انتظرونا
السابع من هنا
