رواية تبديل عريس الفصل الخامس 5 بقلم جمانه السعيدي
سلسبيل...بعد ما خلصت امي الدوام طلعت لكت بابا واكف برا ينتظرها
اشرلها تعاي وراي مشا كدامها فتح باب السياره
وبقا منتظرها اجت تمشي على كبف صعدت بلمقعد الامامي طبك الباب
وهو صعد بلسياره شغل وطلع
محمد...شلونج ويا الحمل بعدج تعبانه
سميره...اني مو تعبانه من الحمل تعبانه من تصرفاتك
محمد...انتي ليش مكبره الموضوع
سميره....اني الي مكبره الموضوع لو انت واحد كذاب وغشاس ونتهازي
سلسبيل.... التفت عليها بابا بعصبيه وكال اشششس
ممنوع تجاوبين عليه بهاي الطريقه
سميره...وليش انت اجاوزت على مشاعري
ليش ضحكت عليه
محمد...اني ماغلطت بحقج اني بالمختصر حبيتج
هاي جانت اكبر مشكله بلنسبه اليه
حبيتج وماكدرت اشرحلج وضعي خفت ترفضين
وخاصه بعد ما عرفت شخصيتج
من تعرفت عليج وعرفت اطباعج اتاكدت انتي ابد
مراح تقبلين بهذا الزواج
بوقتها كان اهون عليه اجذب عليج
ونزوج ولا احجيلج الصراحه وتعوفيني
سميره....اي كان لازم تصارحني وتعوفلي القرار
مو تاخذني بلغش والخداع
محمد....انت ماتنطين مجال طبعج وشخصيتج بلنسبه
اليه غير انت مو من النوع الي تقبلين تكونين شريكه
بحياة ثنيين
سميره...اي عوفني اتعب شهر اضوج وقت وبعدين انسى
محمد...بشرفج اني من النوع الي تكدرين تنسي
سميره...اكدر والدليل اني اكلك طلكني
حتى اطلعك من حياتي وانساك
محمد..لا ماراح اطلك
انتي اول انسانه احبها واتعلق بيها الهلدرجه مو بهلسهوله
اكدر اعوفج
سميره...بس اني بعد مااريدك
اطلع من حياتي
محمد...وهذا الي بطنج منو يتحمل مسؤلية
شلون راح يعيش بين اب وام منفصلين
جمانه السعيدي
اني اعترف غلطت بس هذا الغلط ما يستحق هاي العقوبه
من اني زغير بت عمي على اسمي ايمان المحمد ومحمد الايمان
كبرت وهي اليه بدون مااعرف شلون لو ليش
اني ماانكر هيه زوجه ونعم الزوجه
شريفه ومؤدبه وكد المسؤليه بس اني ماكدرت احبها
اتقبلها اي اعيش وياها ميخالف
بس احبها حب الي هو الحب الحقيقي بين ثنيين
لا ماكدرت احبها
بنفس الوقت مااكدر افرط بيها
لان هيه ام اولادي بت عمي من لحمي ودمي
اني ابد مامخلي ابالي فكرة الزواج
ولا بعمري مفكر اخذ وحده ثانيه
راضي بقسمتي ونصيبي بس من شفتج اول مره
تغير كلشي
حياتي انكلبت
اكو شي عجيب شدني اللج وكانما كلبي يكووول
اي هيه هلي الي ادور عليها
هيه هاي الي جنت منتظرها
بيومها خلصت شغلي بغداد بس ماكدرت ارجع الاهلي
شلون ارجع واني لكيت الشي الي ادور علي
بقيت الثاني يوم وكنت مصمم اتعرف عليج
اريد اتأكد من مشاعري هاي المشاعر الي طلعت فجئه
وغيرت كلشي
اجيت ثاني يوم وصممت اخذ رقم تليفونج
من مانعتي بلبدايه
صممت اكثر اني مراح اكدر ارجع الاهلي بدون
ماتعرف عليج او على الاقل اخذ رقم تليفونج
من انطيتني رقمج عبالك مو رقم وكانما ملكت الدنيا كلها
خليت احتمالين لو اني متعرف عليج وزايد حب
وعشق ومرتبط
لو بعد التعارف اتاكدت احنا ما مناسبين واحد للثاني
كل يوم يعدي عليه كنت اتأكد انتي الانسانه الي
راح اكمل حياتي وياها
كل مره اشوف نفسي فرحان ااكول شلون لو عرفت
الحقيقه شراح تكول شراح تتصرف
سميره...زوجتك تعرف انت مزوج عليها
محمد....بلبدايه ماكانت تعرف بس اخوي وصديقه يعرفون
بس من اتصلت ورد عليه اركان وكال طلك
قررت احجيلها واشوف ردت فعلها شنو
بلبدايه رفضت رفض قطعي وكالت لو اني لو هيه
بس اني كدرت اقنعاها بأهمية وجودج بحياتي
ولأن هيه تحبني ووافقت
جمانه السعيدي
سميره...لا ولله ما تحبك لو تحبك ماتقبل احد
يشاركها بيك
محمد... هسه شنو الحل
سميره...طلكني وارجع البيتك وجهالك
محمد...لا مراح اطلك اني بيتي جببر تجين وياي
ننقل الأثاث الي بيتج
وتاخذين الطابق الثاني ويكون باب البيت وحدج خارجي
وهيج نعيش سوه كلنا
تعرفين اني كلما اجي البغداد اكول يمكن
مااوصل بسبب الحوادث
صعب عليه هذا الطريق اروح وارجع اربع ساعات واكثر الطريق
اتحمله علمودج حتى اشوفج واطمن عليج
سميره...لو كلشي يصير مااروح اعيش ويا زوجتك
بنفس البيت
تريدها اتكطعني مثل مرت الحجي
محمد...اي مرت الحجي شنو تكطعج
سميره...هاي اخر حادثه صارت بغداد الزوجه الاولى
بعد ماطلع زوجها من البيت كطعت زوجته الثانيه
محمد...هههه صدك تحجين منو يكدر يقرب عليج واني موجود
سميره...ليش انت راح تكابلني وتكعد
اكيد تطلع الشغلك وللمكتب راح ابقى وحدي
لا محافظتي ولا اهلي ولا ناسي
مو بعيد ترجع تلكاني مكطعه
محمد...بابا انتي منو دخل هاي الفكره ابالج
شنو هيه مجرمه
سميره...تصير مجرمه اذا وحده اخذت منها زوجها
محمد...اني اتكفل بهذا الموضوع
سميره.. لو كلشي يصير مااروح وياك شمالني عايفه نفسي
رايحه اكعد ويا زوجتك بيت واحد
الجنوبيات شرسات وكلشي يسسون
محمد...انت منو خله ابالج هاي الفكره عن بنات الجنوب
بنات الجنوب هنا الاصيلات
هنا الشريفات المحاربات صاحبات نخوه
اتساعد زوجها اذا وكع بشده
متعلمات وواعيات انتي ليش ماخذه عنهن فكره
عبالك متوحشات
سميره.. اي مو هاي الي قتلت زوجت الحجي الزغيره
من اهل الجنوب
محمد...واذا هاي حاله نادره
ايجوز اكو مشاكل بينها وبين زوجها خلتها تقتل زوجته
لا تاخذين بظاهر الاشياء
لو تسمعين القضايا الي تجينا بلمحكمه
يشيب راسج
جمانه السعيدي
هسه ماعلينا اني جاي اخذج وياي
انتي حامل ومحتاجه رعايه واني اربدج كدام عيني
حتى اهتم بيج
سميره...مااروح يعني مااروح
محمد...وشنو الحل برائيج ابقى اني كل كم يوم كاطع هذا الطريق وجاي حتى اشوفج كم ساعه وارجع
سميره...ليش ما تكعد يمي وتروح يوم تشوف زوجتك وجهالك
ليش اني الي لازم اضحي بااهلي ومكاني ووضيفتي
علمودك
ليش انت ما اضحي علمودي
محمد...مايصير اني مكتبي هناك وشغلي هناك والناس الي تعرفني هناك وبيتي وعائلتي هناك
ما ناقصني غيرج تكونين يمي
سميره. واني ماعندي غير خيارين
الاول تجي انت تسكن هنا بيتنا وياي
او اطلكني وكل واحد يشوف حاله
محمد....يعني انتي اتهدمين حياتنا بس لان طلعت مزوج
مو كتلج احبج
سميره...الي يحب يضحي
محمد.. وليش مااضحين انتي علمود تستمر هلي الحياة
سميره.. اني العنصر الأضعف بهاي القضيه
انت الرجال انت القوي انت الي لازم اضحي حتى تحمي هاي العلاقه من الدمار
محمد...هذا اخر كلام عندج يعني ما تجين وياي
سميره. اني قبل لا أعرف انت مزوج
جنت رافضه فكرت السكن وياك بمحافظتك
تريدني هسه من عرفت انت مزوج وسمعت قصه هاي العروسه الي انقتلت
اروح اسكن وياك لا وتريدني اسكن ويا زوجتك بنفس البيت
حتى ثاني يوم تلكا خبر قتلي بلجرايد
لا عيوني العمر واحد ليش اضحي بنفسي
انت تريدني تعال عيش وياي هنا
وانزل بلجمعه شوف زوجتك وجهالك
نزلني اريد اروح مشي كلامك يغث
محمد...وهسه شلون تنحل هاي المشكله
سميره...طلكني واخلص احسلك واحسلي
سلسبيل...نزلت امي وهيه زعلانه من ابوي
لان مايقبل يتنازل حتى تستمر هاي العلاقه
اما بابا قررر يهجرها فتره حتى تحس ان هي ممكن تخسره بيوم من الايام
لان هو متأكد هيه تحبه بس شخصيتها مو من النوع الي تستلسلم بسهوله
وهذا الشي الي كان عاجبه بيها ومخلي يتمسك بيها
اما من الجهه الثانيه اهل ابوي كانو يحرضونه يطلك
لان بت بغداد مو على هواهم
ليش ما تجي تعيش وياهم حالها من حالهم
ليش شايفه نفسها عليهم
جمانه السعيدي
هيه مو احسن منهم اما عن كلام ابوي عن زوجته
وموافقتها امي تعيش وياها
كانت كذبه من ابوي حتى يقنع امي
لان زوجته الاولى هددته اذا جاب امي من بغداد تعيش وياها بنفس البيت
راح تعوف البيت وتروح تعيش بيت ابوها وتطلب منه الطلاق
ابوي وكع بحيره بين يدافع عن بيته وجهاله
ومايخسرهم
وبين امي الي ما تقبل بهذا الوضع ومصممه يجي بابا يعيش وياها بغداد او تطلك
يمكن لو مجان يحبها ومتعلق بيها جان طلكها عادي
ويرجع الحياته الطبيعيه
او يزوج وحده ثانيه غيرها
بس هو يحبها ومايكدر يعوفها
حتى عمي كان يحرضه حتى يطلك امي
بس لان ماقبلت تعوف بغداد وتجي تعيش وياهم
يعني امي تستنكف من وضعهم وتحس نفسها احسن منهم
رجعت امي كعدت بيت جدي وهجرت ذاك الييت
ماتكدر تعيش وحدها هناك
بعد فتره ابوي بطل يدز ايجار البيت يدز مصرف الامي
وبس
يريدها تحس بغلطها يريدها تحس خسرته
وترجعله
بس امي ماكو اعند منها
كعدت بيت جدي ومنتظره ابوي يجي ويتنازل
ويكعد وياها بغداد
ثنيبنهم كل واحد بيهم اعند من الثاني
هذا العناد خسرهم ايام جاي تمر وما تتعوض
ايام تروح وبعد ماترجع
فاتن ايام الحمل وهما كل واحد بيهم بمكان
الحد ما وصلت امي للولاده
امي اكثر شي تمنته بهذا اليوم تشوف ابوي واكف وياها
ويساعدها حتى تمر الولاده بسلام
بس راسها اليابس منعها تتصل بي
لو توصله خبر عن ولادتها
يوم ولادتها كان اصعب يوم تطلك من الصبح للعصر
وماكدرو يجيبوها طبيعي
بعدين حولها للعمليات لان خافو عليها تموت
بعد ما طلعت من العمليات ماكانت تكول غير محمد
اريد محمد
تحت تأثير البنج وعقلها والسانها ما ينطق غير محمد
شكد تحبه ومتعلقه بي
بس كبريائها يمنعها تتنازل وترجعله
من رجعت الوعيها وحجوله الصار
بقت تكابر تكول هلكد ما شفت منه ضيم احجي بي
رغم الكل يعرف هيه تحبه وماكو بحياتها غيره
سلسبيل...خالي وصل خبر الابوي ( جتك بنيه )
بوقتها ابوي فرح لان ماعنده بنات
امي قررت تختار اسمع من القرآن
اول مافتحت القرآن طلع اسم سلسبيل
جانت متفائله بهذا الاسم حبت يكون هذا اسمي
ثالث يوم للولاده اجا ابوي يطمن على امي
جايب الامي تراجي كبار ذهب واليه تراجي حلق زغار
اول ماشافه خالي فرح بي
اكيد خالي يتمنى اخته ترجع البيتها وتعيش سعيده
دخل على امي اول مره شافته ماصدكت نفسها
شكد صار ما شايفته
ماكانت تعرف خالي وصل خبر ولادتها
قرب عليها باسها براسها
محمد...الحمد لله على السلامه
سميره...الله يسلمك شلون عرفت
محمد...اركان وصلي خبر ليش مادزيتلي خبر للعمليه
سميره...تفاجئت بلعمليه
محمد....سميتيها
سميره...اي سلسبيل
محمد...الله اسم حلو اول مره اسمع هيج اسم
يصير اشيلها
سميره...اي يصير
سلسبيل...شالني بابا وباسني
محمد...الله ريحتها طيبه
سميره...توني سبحتها وعطرتها
محمد....ريحتها تخبل
سلسبيل...طلع ابوي علبة التراجي وانطاها الامي
هاي هديتج انتي وسلسبيل
محمد....اذا تحتاجيني شي اتصلي عليه
سميره...اريد اوراقك حتى اطلع الها بيان
محمد...اني اطلع البيان باي يوم تردين انتي ماتكدرين
تطلعين وخالتي تعبانه
سميره...انطيك أوراقها وخلصني من البيان
محمد...بعد اكو شي ثاني
سميره...سلامتك الف سلامه
محمد...باجر الصبح يجيج الييان
سميره....مو لازم تأخذها حتى يوزنوها ويلقحوها
محمد..الصبح اجي اخذها بس كون ما تبجي
سميره...لا الصبح تخلصه نوم ما تبجي بس بليل
تبجي وما تخليني انام
محمد...حلوه تخبل تشبهج
سميره...شكرا
