رواية نارك جنة الفصل الخامس 5
سفيان خش وخبط الباب وراءه ...قعد يقرب من جنات وفي كل خطوة يخبط في عصاه على الارض ...وهي مش عارفة ليش خافت منه ...ممكن خافت من نظرته الحادة ...
جنات اتوخر وهو يقرب منها ..لعند لاصقت في الساس...وهو قرب منها واجد ومد يده ببطى ..وحطها على خدها لامس وجهها ...نزل باطراف اصابعه لعند حنكها ...جنات زمطت ريقها وفمها يرجف ..حست حلقها جف ..كيف قاعد قريب منها هكي ..اتحبت في اعيونه برغم أنهم حلوات ويقتلوا ..بس فيهم شي غريب ويخوف ...من عدا شعره اللي معبى شيب
سفيان حرك اصابعه من حنكها لفمها وحس بيها كيف ترجف....لامس خشمها ..لعند وصل اعيونها ..وجنات غمضات اعيونها ترجف سفيان ايحرك في اصابعه على وجه جنات كأنه يرسم في ملامحها ..قرب منها أكثر ..ونزل بيده على رقبتها ..خشش اصابعه وراء رقبتها وغرس يده في نهاية شعرها
شدها ليه أكثر ..وطبس دفن وجه في رقبتها ..يشم في ريحتها ..ورقى فوق شم شعرها ...وبعدين وخر عنها ..وملامح وجه تغيرن فجاة ..كأنه اشمئز من حاجة
نزل بيده من شعرها لكتفها ..لعند نهاية يدها ..مسكها من معصمها ..ورفع يدها شمها ..وزاد عصب ..قرب من وذنها
سفيان أخيرا نطق : مانبيش انشم ريحتها مرة ثانية في الحوش هذا
جنات ترجف : شش شنو
سفيان ضغط على راحة يدها : الخرا اللي امبلزتها في ايديك
جنات بحتت في يدها وفهمت انه يحكي على الحنة...لكن ماردتش عليه ..لانه طلق يدها وبرم مشى كم خطوة ..خبط السرير بعصاه ..وبعدها نزل العصا على السرير بدأ يفتح في جاكته ..عزقها على السرير ..فتح اول بطمتين من قميصه وبرم شورها
سفيان ايبحت فيها لكن من غير تركيز : مانعرفش كيف كنتي عايشة وعلى شنو متعودة ..بس من اليوم بتعيشي كيف مانبي أنا ...مافيش اي شي من غير أمري ..حتى الدار هذه ممنوع تطلعي خطوة منها من غير مانسمحلك أنا ..تبي اي شي تطلبيه من صالحة ..اي ش...
قاطعته جنات : أنت متزوجني عشان تحبسني هنا ..من قالك بنرضى بشروطك ...تحساب روحك شاريني بفلوسك
سفيان حط ايديه في جيب السروال و رفع حاجبه : شن رائك أنتي
جنات تذكرت أنها تزوجته عشان دين خوها : طبست منحرجة ..لكن الدم يغلي في عروقها ...أنسان مستفز
سفيان : سكتي يعني
جنات رفعت وجهها بعصبية : شن تبيني انقول...اصلا أنت كيف ترضى تتزوج وحدة بالطريقة هذه ...تستغل في ضعف الناس بفلوسك ...عشان تلقى وحدة ترضى بيك وأنت مع...
وبعدها جنات سكتت فجاة
سفيان ضحك على الجنب : أنا شنو كملي
جنات اتبحت فيه ..ومش قادرة اتقوله أنك معاق ...لان بصراحة مافيش اي شي واضح ..او يدل على أنه عنده اي إعاقة ...بالعكس واقف وشخصيته وكلامه ثقة وهيبة رهيبة
جنات برمت : ممكن تتطلع نبي انغير ادبشي
سفيان برم مشى خطوتين ..رجله خبطت في السرير وقف ..وطبس ..وجنات تسرق في النظر من الجنب
وشافت كيف سفيان تلامس السرير لعند لاقى عصاته ..وجاكته ...رفعهم والتفت فيها
سفيان عزق الجاكة على كتفه ورفع عصاه ايهدد في جنات : مانبيش مشاكل ...حاولي تتأقلمي مع حياتك الجديدة ...لان عاجبك او لا ..بتعيشيها كيف مانبي أنا
جنات التفتت فيه بعصبية ..لكن هوا خبط عصاه بالارض ومشى لعند الباب افتحه وقبل يطلع برم شورها ورسم خط بعصاه على عتبة الباب : رجلك ماتفوتش الحد هذا من غير أمري ..والا والله ماتشوفي مني خير ..وأنا حذرتك
جنات تبي تحكي لكن هوا طلع وخبط الباب ورأءه ...جنات مشت بسرعة لعند الباب ..تبي تفتحه لكن ..خوفها كان أكبر منها ..مش بس من سفيان ..من المجهول وراء الباب ..اللي قاعد مستنيها
ابرمت واعيونها مليانات ادموع غمضتهم ورفعت رسها : ياربي خلاص والله ماعاد عندي قدرة انتحمل ..ارحم ضعفي ياربي 
بكت جنات للحظات وبعدها برمت بخوف وافتحت الباب لكن الصدمة الباب مش مقفول ..والمفتاح قاعد جوا فيه
وهذه حاجة ريحتها اشويا ..مشت لعند السرير قمعزت بتعب ..شن هالحظ ..أمتى نبي نتريح
برمت بعيونها في الدار ...كبيرة اثأثها حلو ..فيها باب أخرى شكله حمام خاص بيها ...صبت افتحت الدولاب دبش نساء امعلق .. بس مش هيا اللي جابته ..بس طبعا مافيش اي شي ايخص سفيان ..تفرجت على الدار وفي رأسها مئة سؤال وبعدها خطر عليها فونها بعد ماجت للكوافير ومعاش شافته ..مشت تجري فتحت شنطة الدبش اللي جبتها امعاها ...لاقته قاعد ...وهذا ثاني شي زاد ريحها ..الباب مفتوح ..يعني برغم كلام سفيان ..بس هيا مش محبوسة ..وتليفونها امعاها
قفلت جنات الباب وحولت فستانها ..طلعت بيجاما ..وخشت الحمام خذت دوش دأفي ..لانها تعبانة من بعد يوم طويل سفر طريق طويلة ..وبعدها كم ساعة في الفرح ..حست جسمها متكسر ..لابست ..مشطت شعرها
مشت صلت وخشت السرير عشان ترقد ..تقلبت كم مرة بس الجوع ماخلاهاش ترقد ..مش ضايقة فيها لقمة اليوم
قمعزت جنات ونفخت ..بس تفكيرها خذها لسفيان ..ليش تزوجها وليش ايعامل فيها هكي ...شن قصده بكلامه وتحذيره لها ..شن هيا نوع الإعاقة اللي عنده لان مافيش شي واضح ...وبعدها جاء في بالها صورة سفيان وهوا ايدور في العصا بيده ..وكيف كان يبحت فيها من غير تركيز
جنات تحكي مع روحها : يعني هوا أعمى ...أكيد أعمى .. لان مافيش اي حاجة ثانية ..بس أنا ماحسيتش أن عنده مشكلة ..قاعد ايتحرك بثقة ..ولا ممكن متعود على الحوش ..باهي ليش تزوجني أنا . وبالطريقة هذه . يعني على حسب ماشفت ..يقدر يتزوج اي بنت ..من غير مقايضة ...عنده فلوس ..وشكله ماشالله ايهبل ...وجه أنظف من مستقبلي
عزقت جنات روحها على السرير بملل : اوووفه ...تعبت من التفكير من غير نتيجة ..وقطع حبل افكارها دق على الباب
جنات قمعزت بسرعة خايفة : من
صالحة : أفتحي جنات بنعطيك حاجة
جنات صبت ورجليها ايخبطوا في بعضهم من الخوف صبت وراء الباب : شن تبي
صالحة : أفتحي جنات ..كنك ...خوذي مني السفرة
جنات ترددت ..وبعدها خذت نفس ..وافتحت الباب
خشت صالحة وشايلة سفرة كبيرة ...مشت لعند مافي طاولة وكراسيين ...نزلت السفرة ..وجنات تلحق فيها بعيونها
صالحة : هذا عشاء أكيد جيعانة ...سامحيني طولت عليك ..بس كان عندي ضيوف وشغل واجد
جنات : لا عادي ..اصلا ماعنديش نية
صالحة : مش معقولة ..من الصبح وأنتي على لحم بطنك ..حتى الوجبة اللي جابها فخري في الطريق ماكليتيش منها شي ..كلي حتى اشويا
جنات : إن شالله ...سلم ايديك
صالحة : سلمك
...ومشت شور الباب : تبي اي شي رني عليا ..تصبحي على خير
جنات مشت وراءها : صص صالحة
صالحة وقفت : نعم
جنات : من سفيان هذا ...وشن قصته ...وليش تزوجني أنا بالذات
صالحة : للأسف ماعنديش أي اجابة على اسئلتك ...هذه كانت شروط سفيان من الاول ..وأنتي وافقتي عليها
جنات ربعت ايديها على صدرها : شروط النسيب الكاره
صالحة : نعم
جنات ب بسمة مصطنعة : سلامتك حبيبتي ..تصبحي على خير
صالحة هزت رأسها وضحكت واطلعت وصكرت الباب وراءها
جنات مجرد ماعدت صالحة ..مشت تجري قفلت الباب ..ومشت اتشوف في العشاء ..كانت ميتة من الجوع ..خذت السفرة نزلتها على الارض وتربعت تأكل بشهية ..وفي عز الاكل خطر عليها ...جدتها سليمة
اعيونها دمعوا ...زعما شن دايرة بعدي ...وجلال أمعها والا رد ايدور مع جماعته لعند الصبح ...وتنهدت بحزن ...خوالها قالوا مش حيسيبوا سليمة ابروحها حيقعدوا ايطلوا عليها ويشوفوا طلباتها ..لكن جنات قلبها مش مطمن على جدتها
اللي ايضحك أن جنات كانت تبكي وتأكل ...وكل ما يخطر عليها كلام سفيان وتصرفاته اتزيد تأكل أكثر
بعد شبعت صبت لمة السفرة ..حطتها على الطاولة ومشت غسلت ..وردت رقدت في سريرها ..لكن المرة هذه خذاها النوم من التعب
************************
الساعة 6 ونص الصبح ..جنات ناضت طايرة ..قمعزت اتحبت في الدار ..وبعدها ردت رقدت على ظهرها ..غمضت اعيونها وحاولت اترد ترقد لكن مافيش نوم
جنات اتصارع هي والمخدة مرة اتحطها على راسها ومرة اتضمها عشان ترقد ..لكن بلا فائدة ..اوووووفه
انقلبت للجيهة الثانية ..وبعد اشوي تسمع في همهمة ..صوت غريب ..قمعزت تسمع ...الصوت مش واضح ....حاولت ترقد لكن الفضول قتلها ..صبت وانزلت من السرير ..مشت حفيانه بالشويا ..افتحت باب دارها بشويش ..طلعت رأسها ..الصوت وضح أكثر ...كأنه طفل يضحك او يلعب
ردت بسرعة وصكرت الباب ...وماصارشي ..فضولها تعرف مصدر الصوت ..جبرها تفتح الباب وتطلع بالشوايا على روؤس اصابعها ..
خليني نوصف الدور الثاني قبل ...فيه ثلاث اجنحة ..جناح فيه جنات ..هو عبارة عن دار نوم وحمام ...وقبلها في صالة صغيرة فيها صالون وتلفزيون ..وتطلعي بعدها على ممر ..يفتح في صالة مشتركة ..يفتحوا فيها باقي الاجنحة ..والجناحين لاخرات نفس الشي ..بس مش معروف شن فيهن
المهم جنات اطلعت من الصالة للممر ..قابلها الجناح لاخر ..امظلم بس في دار وحدة بابها مفتوح نص فتحه وطالع منها ضئي ...جنات خايفة ومترددة ..لكن عنيدة وتبي تعرف ...طلعت تمشي وحدة وحدة واتلفت وراءها ..وكل ما تقرب من الدار ..الصوت يوضح أكثر ...قربت من الباب وشافت من فتحت الباب ...كان في واحد امقمعز ومش لابس شي الا سروال بيجاما ...جنات قدرت تعرف من اكتوفه العريضة ..والشيب على جوانب شعره ..أنه سفيان
كان مقمعز ويدوي مع واحد راقد على السرير ..والغريب أنه يضحك ...استغربت جنات مع من قاعد ...لكن الواضح أنه طفل من صوت ضحكته
سفيان صبا مرة وحدة ..وهي خافت ومشت تجري انطمرت في نهاية الممر ..سفيان طلع وبحت مافيش حد ..صكر الباب ..جنات يدها على قلبها ...ونفسها مقطوع ...قعدت اشويا وبعدها مشت تجري وخشت للدارها وصكرت الباب ...فكرت واجد زعما من هذا وشن قصته ..ومن وين يعرفه سفيان ؟!!! وبعدها
**************************
ناضت جنات وشافت الساعة في فونها لاقتها 9 صبت توضت وصلت ..وغيرت دبشها لابست سروال جينز ازرق ..بلوزة حلوة طولها وسط ..حطت ميك اب خفيف ..مشطت شعرها ولان الفترة هذه قصير اتخلي فيه مطلوق ..وحطت وشاح على شعرها ..وكانت مصممة تحكي مع سفيان اول ماتشوفه
قعدت تبرم في الدار متوترة ..ومالة شن هالحبس ..مش متعودة تقعد في مكان واحد كم ساعة ..وابروحها
قمعزت على السرير ..وتسمع فونها ايرن ..رنة وحدة وبس ..شافته لاقاتها مودة
جنات ضحكت واتصلت بيها : الو
مودة : صباح الخير يا عروسة ..الف مبروك
جنات تذكر في موقف امبارح وتنهدت : الله ايبارك فيك
مودة : ها شن اخبارك ..امورك تمام
جنات : تمام
مودة : من بدري نبي نتصل بيك وخايفة ..قلت عرسان عاد وأكيد مش وقتي
جنات ضحكت بودن نية
مودة : احكيلي احكيلي ..شن شكله سفيان ..سمح والا شين
جنات : شين يقهر ...وبعدها ضحكت ...والا نقولك ليش الكذب ... ننقانه سمح اجمل من أحميده كيكة بالف مرة
طبعا أحميده كيكة هذا شاب من درنة تعرفه جنات ومودة وديما متهبلات على سماحته ..وهن اللي علقن فيه لقب كيكة
مودة : ايييهههي
..احلفي 
جنات : وحق ربي
مودة : عليك حظ يا حنة ..إن شالله اللي مطرت عليك ترشرش علينا
جنات ضحكت ...لكن في عقلها الناس ديما تحكم بالمظاهر ..يعني عشان سمح معنها متريحة ..هابا لو تشوفي كيف ايعامل فيا وكيف محبوسة في داري مش قادرة نطلع من الخوف
مودة : باهي احكيلي شن درتوا امبارح يا صايعيين
جنات : مودة بلاسخافة ..شن بنديروا يعني
مودة : أها أكيد تعركتي أنتي وياه ..وهزبك ومشى رقد في دار وأنتي في دار ابروحك
جنات منصدمة :
مودة : على مين يا ماما ..أكيد درتوا كلام سخيف ..اعترفي
جنات تنهدت براحة ..تحساب مودة عرفت حاجة : مودة مش فاضية للسماطتك ..اوكي
مودة : خزيه سخيفيين ...لكن توا اتجي لدرنة وتحكيلي غصبا عنك
جنات في بالها ياريت انرد لدرنة وانتريح من هالحبس
حكت مودة مع جنات اشوي اخرى وصكرت ...وبعدها جت ملاك وجايبة سفرة فطور دقت على الباب وجنات نفس العادة ماتفتحش الا لما تعرف من
ملاك ب الابتسامة اللي ديما على فمها : صباااح الخييير
جنات : صباح النور
ملاك خشت وحطت سفرة الفطور ..على الطاولة ..وجنات قمعزت على السرير
ملاك أخت سفيان الوحيدة ...مواليد 99 بس برأتها وتصرفاتها زي الطفلة ..بس اتهبل
ملاك قربت منها : شن اخباركم
جنات انحرجت : تمام
ملاك تحكي بصوت واطي : كيف وين الشيبانااا ...قصدي سفيان
جنات توترت لكن حاسة ملاك مش عارفة اي شي : طلع بدري اشويا
ملاك قمعزت : جبتلكم فطور ايهبل ...أكيد سفيان يمشي ايشوف ساااا...وبعدها سكتت وخافت كنها قبل حكت في شي ممنوع تحكي عنه
جنات : شنو ؟!!
ملاك صبت : اااءء نبي نمشي قبل ايجي شيباني ..اءاء قصدي سفيان
جنات صبت وراءها بسرعة : ملاك
ملاك : نعم
جنات : قصدك بالشيباني سفيان خوك
ملاك التفتت وراها كأنها خايفة واحد يسمعها : اها هوا
جنات : وليش ..هوا عنده اسمين ؟!!
ملاك : لا لا .هوا أسمه سفيان ..بس من هوا صغير ماشي فيه لقب الشيباني ..عشان الشيب اللي في شعره
جنات : اااها ..يعني الشيب فيه من هو صغير
ملاك : من لما وعيت على الدنيا وهذا شكله ...وماما قالتلي فيه من لما كان صغير
جنات : ماما ؟!! قصدك أم سفيان ..وين هيا ليش ماشفتها بكل
ملاك وجهها تغير وخافت : نبي نمشي خلاص ..أكيد صالحة تبيني
ومشت خذت سفرة العشاء واطلعت تجري ..وجنات صكرت الباب ..وهيا اتفكر شنو العائلة هذه اللي كلها اسرار
****************************
فطرت جنات وتغدت وهي اتراجي في سي سفيان ايجي يحكي امعاها و تفهم منه اي شي ..لكن سفيان مالهش اي أثر
جنات ملت وطاحت رقدت ...ناضت على المغرب ..صلت وغيرت لابستها ..وبخت من عطرها ..ومشت افتحت الدولاب تبي تاخذ وشاح ..سمعت عصا سفيان في الممر .. تحسابه جاي للدارها ..لكن الصوت بدأ يتباعد وهي لابست الوشاح بسرعة وطلعت كانت تستنى فيه من الصبح
جنات افتحت الباب واطلعت لاقت سفيان يمشي وامعاه فخري سفيان لابس تيشرت أبيض وسروال جينز أسود وماسك في يد جاكة سوداء ولاخرى فيها عصاته
..وكانوا يبوا ايخشوا للجناح لاخر ...هذا جناح لاصق في دارها مش لاخر اللي شافت فيه سفيان امبارح
فخري وسفيان التفتوا على صوت الباب انفتح ...وسفيان عارف أن هذه دار جنات وقعد يستنى فيها تحكي
جنات متوترة واتبحت فيهم ..ولافت نظرها أن سفيان مرات ايبحت فيها ومرات للجيهة ثانية ...وهنا تأكدت أنه مايشوفش فيها
جنات قربت منهم : سفيان نبيك
سفيان : شن تبي
جنات : نبي نحكي امعاك في موضوع مهم
سفيان : مش فاضي ...ومافيش شي نحكوا فيه اصلا وبعدها من سمحلك تطلعي من دارك ..خشي وصكري الباب
وبرم وفخري فتح الباب وخشوا ..وجنات تبي اتموت ..قعدت تغلي ..مشت خطوتين تبي اتخش لدارها ..وبعدها غيرت رائها ..خذت نفس عميق وقربت من الدار اللي خشها سفيان وافتحت الباب بالقوة
سفيان كان دوبه مقمعز على كرسي المكتب ..وفخري امطبس ويقرأله في اوراق على الطاولة
سفيان رفع وجه لباب وفخري ايبحت في جنات مستغرب خشتها عليهم وهي مش خايفة
جنات : سفيان نبي نحكي أمعاك
سفيان : أطلعي وصكري الباب وأخر مرة تفتحي عليا المكتب بالطريقة هذه
جنات خايفة منه بس خلاص حاطة في عقلها تحكي امعاه يا صحت يا خربت وهي خاربة خاربة من الاول
جنات مشت بثقة لعند المكتب وفخري ايبحت فيها ومستغرب ..وسفيان يسمع فيها تقرب منه
جنات : نبي نحكي امعاك قتلك ..مانيش طالعة لعند نفهم
سفيان وخر الكرسي برجله واتكى عليه : شكلك ماتفهميش بالكلام ..ومازلت أنعامل فيك بالحسنى ..أطلعي
جنات : مانيش طالعة لعند تفهمني ليش تزوجتني
سفيان : أنتي أسمك جنة والا لا
جنات : أسمي جنات
سفيان : جنة وحدة ..واخرى واجد عليك ..شن جنات
جنات تنرفزت منه : والله أسمي جنات عاجبك والا لا
سفيان : أسمعي عندي شغل واجد ومش فاضي ..أطلعي أحسن مانخليهم يقفلوا الباب عليك يااا جنة
جنات اخبطت ايديها على المكتب والاوراق : أسمي جنات ..ج ن أ ت
فهمت والا لا ..ومانيش خايفة منك واذا كان مش اليوم فلازم تحكي امعايا وتشوف
ومشت جنات لعند الباب تبي تطلع لكن سفيان وقفها : جنة ..ياريت اتصكري الباب وراك
جنات تعصبت لانها حست أن اينرفز فيها قصدأ ..مسكت يد الباب وخبطاته بالقوة وطلعت
فخري طبس ورد يقرأ في الاوراق .لكن ماقدرش يمسك ضحكته بعد طلعت جنات
سفيان رفع وجه فيه : عليش تضحك
فخري : أصلك ماشفتش وجهها كيف أحمر وحركأتها وهي معصبة ..وخاصة بعد سمت أسمها بالحرف
سفيان تنهد وطبس وخذا ورقة من المكتب ..وبنة عطر جنات كان قوي عليها .. أمافخري غمض اعيونه لانه عرف روحه فلم
فخري حط يده على كتف سفيان : مش قصدي ياشيباني ..زلة اللسان ..سامحني
سفيان ضحك : غير بلا حركات ..وهيا سقدني شنوا فيهن الاوراق ..أقرأ
فخري : حاضر ..شوف هذه ورقة ااا..
وكمل فخري وسفيان شغلهم ...
**************************
جنات بعد طلعت كانت ماشية شور دارها ..لكن شافت الدار اللي كان فيه سفيان امبارح بابها مردود...وقررت تمشي اتشوف شن فيها
وصلت لعند الباب وتسمع في نفس الصوت ..صوت طفل يضحك او يلعب صوته مش مفهوم
جنات حطت يدها على الباب عشان تفتحه وصالحة طلعت من الدار
صالحة صكرت الباب بسرعة : شن اديري هنا ..وكيف طلعتي من غير أمر سفيان
جنات : ااءاءا ..لا كك كنت نحكي مع سفيان وفخري في المكتب حتى اسأليهم ..وطلعت نبي نمشي لداري وشكلي لاخبطت
صالحة اتبحت فيها بشك : عموما مكتب سفيان أقرب لدارك من هنا
جنات : أها صاح ..اسفة مش قصدي
برمت جنات تبي تمشي وقفها صوت صالحة : جنات أسمعي
جنات : ههم نعم
صالحة قربت منها : ردي بالك تفتحي باب الدار هذه لاي سبب ...لانك وقت تفتحيها حتفتحي على نفسك باب جهنم
جنات زمطت ريقها بخوف وهزت رأسها ومشت صكرت على روحها في دارها
في الليل الساعة 12جانت اتقلب في مرقدها مش جايها نوم لانها رقدت في العشية ...تسمع في صوت ..وحدة تحكي ..لا لا صوت وحدة تغني ...وطبعا أنتن عارفت جنات ..ترقد وتسكت لاااا أكيد ..صبت من مرقدها ..كانت لابسة بيجاما نص كم وردية ....وشعرها مش مرتب وحفيانة ...طلعت من الدار ..والصوت جاي من جيهة مكتب سفيان ..كل ماتقرب الصوت يوضح ...كانت صوت أغنية ..بس مش عربية أغنية شكلها أجنبية
جنات فتحت باب المكتب بالشويا ...مافيش حد ...خشت تسلل ..في باب ثاني في المكتب مش مصكر دوبه مفتوح ...قربت منه وبحتت جوا ...دار اخرى ...جهة فيها سرير دار نوم ...والجهة الثانية واسعة فيها الالات تدريب ..
جنات اتبحت واتشوف سفيان ..لابس سروال بيجما أسود بس...ومن فوق مش لابس شي .. نفس ماشافته امبارح....وقاعد ايدرب ويتمارن ...وصوت الاغنية عالي ...وجنات رغم أن الاغنية مش عربية ..بس كان واضح أنها حزينة
سفيان كان ايدرب صبا وخذا شيشة امية ..شرب منها صكرها وعزقها ..تلامس لعند لاقى عصاته ..وبعدها مشى وطلع من باب اخر في الدار وصكره ...جنات بعد طلع خشت
للدار ..كانت تحساب روحها تلقى شي تعرف منه ليش هي هنا ..وشن قصة سفيان ..خشت برمت على السريع في الدار وهي خايفة وترجف ...وبعدها حست بواحد جاي ..مشت تجري تبي تطلع لاقت سفيان في المكتب..ردت بالشويا ...وهي ميتة من الخوف ...اتبحت في اي مكان تبي تنطمر ...وخاصة بعد سمعت صوت عصاة سفيان جاية للدار
مافيش قدامها الا تحت الطاولة ...خشت تحت منها ...وسفيان خش للدار ...مشى لعند الدولاب طلع منشف ..ورد قرب من الطاولة ...وجنات خلاص الدم جمد في عروقها ..اتبحت في رجليه امصبي ...وبعدها سفيان سيب عصاته على الطاولة وطلع من الباب لاخر
وجنات على طول طلعت من تحت الطاولة ..ومشت تجري خشت المكتب وطلعت للممر تبي تمشي لدارها ...لكن حست بحد مسكها مرة وحدة من رقبتها وشدها بالقوة ..وحطها على الساس وصكر فمها ولاصق فيها وجه على وجهها
جنات نفسها انقطع من الخوف واعيونها طلعوا ...وهي اتبحت في اعيون سفيان ولونهم ونظرتهم لتخوف
*******نهاية الحلقة #5
جنات اتوخر وهو يقرب منها ..لعند لاصقت في الساس...وهو قرب منها واجد ومد يده ببطى ..وحطها على خدها لامس وجهها ...نزل باطراف اصابعه لعند حنكها ...جنات زمطت ريقها وفمها يرجف ..حست حلقها جف ..كيف قاعد قريب منها هكي ..اتحبت في اعيونه برغم أنهم حلوات ويقتلوا ..بس فيهم شي غريب ويخوف ...من عدا شعره اللي معبى شيب
سفيان حرك اصابعه من حنكها لفمها وحس بيها كيف ترجف....لامس خشمها ..لعند وصل اعيونها ..وجنات غمضات اعيونها ترجف سفيان ايحرك في اصابعه على وجه جنات كأنه يرسم في ملامحها ..قرب منها أكثر ..ونزل بيده على رقبتها ..خشش اصابعه وراء رقبتها وغرس يده في نهاية شعرها
شدها ليه أكثر ..وطبس دفن وجه في رقبتها ..يشم في ريحتها ..ورقى فوق شم شعرها ...وبعدين وخر عنها ..وملامح وجه تغيرن فجاة ..كأنه اشمئز من حاجة
نزل بيده من شعرها لكتفها ..لعند نهاية يدها ..مسكها من معصمها ..ورفع يدها شمها ..وزاد عصب ..قرب من وذنها
سفيان أخيرا نطق : مانبيش انشم ريحتها مرة ثانية في الحوش هذا
جنات ترجف : شش شنو
سفيان ضغط على راحة يدها : الخرا اللي امبلزتها في ايديك
جنات بحتت في يدها وفهمت انه يحكي على الحنة...لكن ماردتش عليه ..لانه طلق يدها وبرم مشى كم خطوة ..خبط السرير بعصاه ..وبعدها نزل العصا على السرير بدأ يفتح في جاكته ..عزقها على السرير ..فتح اول بطمتين من قميصه وبرم شورها
سفيان ايبحت فيها لكن من غير تركيز : مانعرفش كيف كنتي عايشة وعلى شنو متعودة ..بس من اليوم بتعيشي كيف مانبي أنا ...مافيش اي شي من غير أمري ..حتى الدار هذه ممنوع تطلعي خطوة منها من غير مانسمحلك أنا ..تبي اي شي تطلبيه من صالحة ..اي ش...
قاطعته جنات : أنت متزوجني عشان تحبسني هنا ..من قالك بنرضى بشروطك ...تحساب روحك شاريني بفلوسك
سفيان حط ايديه في جيب السروال و رفع حاجبه : شن رائك أنتي
جنات تذكرت أنها تزوجته عشان دين خوها : طبست منحرجة ..لكن الدم يغلي في عروقها ...أنسان مستفز
سفيان : سكتي يعني
جنات رفعت وجهها بعصبية : شن تبيني انقول...اصلا أنت كيف ترضى تتزوج وحدة بالطريقة هذه ...تستغل في ضعف الناس بفلوسك ...عشان تلقى وحدة ترضى بيك وأنت مع...
وبعدها جنات سكتت فجاة
سفيان ضحك على الجنب : أنا شنو كملي
جنات اتبحت فيه ..ومش قادرة اتقوله أنك معاق ...لان بصراحة مافيش اي شي واضح ..او يدل على أنه عنده اي إعاقة ...بالعكس واقف وشخصيته وكلامه ثقة وهيبة رهيبة
جنات برمت : ممكن تتطلع نبي انغير ادبشي
سفيان برم مشى خطوتين ..رجله خبطت في السرير وقف ..وطبس ..وجنات تسرق في النظر من الجنب
وشافت كيف سفيان تلامس السرير لعند لاقى عصاته ..وجاكته ...رفعهم والتفت فيها
سفيان عزق الجاكة على كتفه ورفع عصاه ايهدد في جنات : مانبيش مشاكل ...حاولي تتأقلمي مع حياتك الجديدة ...لان عاجبك او لا ..بتعيشيها كيف مانبي أنا
جنات التفتت فيه بعصبية ..لكن هوا خبط عصاه بالارض ومشى لعند الباب افتحه وقبل يطلع برم شورها ورسم خط بعصاه على عتبة الباب : رجلك ماتفوتش الحد هذا من غير أمري ..والا والله ماتشوفي مني خير ..وأنا حذرتك
جنات تبي تحكي لكن هوا طلع وخبط الباب ورأءه ...جنات مشت بسرعة لعند الباب ..تبي تفتحه لكن ..خوفها كان أكبر منها ..مش بس من سفيان ..من المجهول وراء الباب ..اللي قاعد مستنيها
ابرمت واعيونها مليانات ادموع غمضتهم ورفعت رسها : ياربي خلاص والله ماعاد عندي قدرة انتحمل ..ارحم ضعفي ياربي بكت جنات للحظات وبعدها برمت بخوف وافتحت الباب لكن الصدمة الباب مش مقفول ..والمفتاح قاعد جوا فيه
وهذه حاجة ريحتها اشويا ..مشت لعند السرير قمعزت بتعب ..شن هالحظ ..أمتى نبي نتريح
برمت بعيونها في الدار ...كبيرة اثأثها حلو ..فيها باب أخرى شكله حمام خاص بيها ...صبت افتحت الدولاب دبش نساء امعلق .. بس مش هيا اللي جابته ..بس طبعا مافيش اي شي ايخص سفيان ..تفرجت على الدار وفي رأسها مئة سؤال وبعدها خطر عليها فونها بعد ماجت للكوافير ومعاش شافته ..مشت تجري فتحت شنطة الدبش اللي جبتها امعاها ...لاقته قاعد ...وهذا ثاني شي زاد ريحها ..الباب مفتوح ..يعني برغم كلام سفيان ..بس هيا مش محبوسة ..وتليفونها امعاها
قفلت جنات الباب وحولت فستانها ..طلعت بيجاما ..وخشت الحمام خذت دوش دأفي ..لانها تعبانة من بعد يوم طويل سفر طريق طويلة ..وبعدها كم ساعة في الفرح ..حست جسمها متكسر ..لابست ..مشطت شعرها
مشت صلت وخشت السرير عشان ترقد ..تقلبت كم مرة بس الجوع ماخلاهاش ترقد ..مش ضايقة فيها لقمة اليوم
قمعزت جنات ونفخت ..بس تفكيرها خذها لسفيان ..ليش تزوجها وليش ايعامل فيها هكي ...شن قصده بكلامه وتحذيره لها ..شن هيا نوع الإعاقة اللي عنده لان مافيش شي واضح ...وبعدها جاء في بالها صورة سفيان وهوا ايدور في العصا بيده ..وكيف كان يبحت فيها من غير تركيز
جنات تحكي مع روحها : يعني هوا أعمى ...أكيد أعمى .. لان مافيش اي حاجة ثانية ..بس أنا ماحسيتش أن عنده مشكلة ..قاعد ايتحرك بثقة ..ولا ممكن متعود على الحوش ..باهي ليش تزوجني أنا . وبالطريقة هذه . يعني على حسب ماشفت ..يقدر يتزوج اي بنت ..من غير مقايضة ...عنده فلوس ..وشكله ماشالله ايهبل ...وجه أنظف من مستقبلي
عزقت جنات روحها على السرير بملل : اوووفه ...تعبت من التفكير من غير نتيجة ..وقطع حبل افكارها دق على الباب
جنات قمعزت بسرعة خايفة : من
صالحة : أفتحي جنات بنعطيك حاجة
جنات صبت ورجليها ايخبطوا في بعضهم من الخوف صبت وراء الباب : شن تبي
صالحة : أفتحي جنات ..كنك ...خوذي مني السفرة
جنات ترددت ..وبعدها خذت نفس ..وافتحت الباب
خشت صالحة وشايلة سفرة كبيرة ...مشت لعند مافي طاولة وكراسيين ...نزلت السفرة ..وجنات تلحق فيها بعيونها
صالحة : هذا عشاء أكيد جيعانة ...سامحيني طولت عليك ..بس كان عندي ضيوف وشغل واجد
جنات : لا عادي ..اصلا ماعنديش نية
صالحة : مش معقولة ..من الصبح وأنتي على لحم بطنك ..حتى الوجبة اللي جابها فخري في الطريق ماكليتيش منها شي ..كلي حتى اشويا
جنات : إن شالله ...سلم ايديك
صالحة : سلمك
...ومشت شور الباب : تبي اي شي رني عليا ..تصبحي على خيرجنات مشت وراءها : صص صالحة
صالحة وقفت : نعم
جنات : من سفيان هذا ...وشن قصته ...وليش تزوجني أنا بالذات
صالحة : للأسف ماعنديش أي اجابة على اسئلتك ...هذه كانت شروط سفيان من الاول ..وأنتي وافقتي عليها
جنات ربعت ايديها على صدرها : شروط النسيب الكاره
صالحة : نعم
جنات ب بسمة مصطنعة : سلامتك حبيبتي ..تصبحي على خير
صالحة هزت رأسها وضحكت واطلعت وصكرت الباب وراءها
جنات مجرد ماعدت صالحة ..مشت تجري قفلت الباب ..ومشت اتشوف في العشاء ..كانت ميتة من الجوع ..خذت السفرة نزلتها على الارض وتربعت تأكل بشهية ..وفي عز الاكل خطر عليها ...جدتها سليمة
اعيونها دمعوا ...زعما شن دايرة بعدي ...وجلال أمعها والا رد ايدور مع جماعته لعند الصبح ...وتنهدت بحزن ...خوالها قالوا مش حيسيبوا سليمة ابروحها حيقعدوا ايطلوا عليها ويشوفوا طلباتها ..لكن جنات قلبها مش مطمن على جدتها
اللي ايضحك أن جنات كانت تبكي وتأكل ...وكل ما يخطر عليها كلام سفيان وتصرفاته اتزيد تأكل أكثر
بعد شبعت صبت لمة السفرة ..حطتها على الطاولة ومشت غسلت ..وردت رقدت في سريرها ..لكن المرة هذه خذاها النوم من التعب
************************
الساعة 6 ونص الصبح ..جنات ناضت طايرة ..قمعزت اتحبت في الدار ..وبعدها ردت رقدت على ظهرها ..غمضت اعيونها وحاولت اترد ترقد لكن مافيش نوم
جنات اتصارع هي والمخدة مرة اتحطها على راسها ومرة اتضمها عشان ترقد ..لكن بلا فائدة ..اوووووفه
انقلبت للجيهة الثانية ..وبعد اشوي تسمع في همهمة ..صوت غريب ..قمعزت تسمع ...الصوت مش واضح ....حاولت ترقد لكن الفضول قتلها ..صبت وانزلت من السرير ..مشت حفيانه بالشويا ..افتحت باب دارها بشويش ..طلعت رأسها ..الصوت وضح أكثر ...كأنه طفل يضحك او يلعب
ردت بسرعة وصكرت الباب ...وماصارشي ..فضولها تعرف مصدر الصوت ..جبرها تفتح الباب وتطلع بالشوايا على روؤس اصابعها ..
خليني نوصف الدور الثاني قبل ...فيه ثلاث اجنحة ..جناح فيه جنات ..هو عبارة عن دار نوم وحمام ...وقبلها في صالة صغيرة فيها صالون وتلفزيون ..وتطلعي بعدها على ممر ..يفتح في صالة مشتركة ..يفتحوا فيها باقي الاجنحة ..والجناحين لاخرات نفس الشي ..بس مش معروف شن فيهن
المهم جنات اطلعت من الصالة للممر ..قابلها الجناح لاخر ..امظلم بس في دار وحدة بابها مفتوح نص فتحه وطالع منها ضئي ...جنات خايفة ومترددة ..لكن عنيدة وتبي تعرف ...طلعت تمشي وحدة وحدة واتلفت وراءها ..وكل ما تقرب من الدار ..الصوت يوضح أكثر ...قربت من الباب وشافت من فتحت الباب ...كان في واحد امقمعز ومش لابس شي الا سروال بيجاما ...جنات قدرت تعرف من اكتوفه العريضة ..والشيب على جوانب شعره ..أنه سفيان
كان مقمعز ويدوي مع واحد راقد على السرير ..والغريب أنه يضحك ...استغربت جنات مع من قاعد ...لكن الواضح أنه طفل من صوت ضحكته
سفيان صبا مرة وحدة ..وهي خافت ومشت تجري انطمرت في نهاية الممر ..سفيان طلع وبحت مافيش حد ..صكر الباب ..جنات يدها على قلبها ...ونفسها مقطوع ...قعدت اشويا وبعدها مشت تجري وخشت للدارها وصكرت الباب ...فكرت واجد زعما من هذا وشن قصته ..ومن وين يعرفه سفيان ؟!!! وبعدها
**************************
ناضت جنات وشافت الساعة في فونها لاقتها 9 صبت توضت وصلت ..وغيرت دبشها لابست سروال جينز ازرق ..بلوزة حلوة طولها وسط ..حطت ميك اب خفيف ..مشطت شعرها ولان الفترة هذه قصير اتخلي فيه مطلوق ..وحطت وشاح على شعرها ..وكانت مصممة تحكي مع سفيان اول ماتشوفه
قعدت تبرم في الدار متوترة ..ومالة شن هالحبس ..مش متعودة تقعد في مكان واحد كم ساعة ..وابروحها
قمعزت على السرير ..وتسمع فونها ايرن ..رنة وحدة وبس ..شافته لاقاتها مودة
جنات ضحكت واتصلت بيها : الو
مودة : صباح الخير يا عروسة ..الف مبروك
جنات تذكر في موقف امبارح وتنهدت : الله ايبارك فيك
مودة : ها شن اخبارك ..امورك تمام
جنات : تمام
مودة : من بدري نبي نتصل بيك وخايفة ..قلت عرسان عاد وأكيد مش وقتي
جنات ضحكت بودن نية
مودة : احكيلي احكيلي ..شن شكله سفيان ..سمح والا شين
جنات : شين يقهر
...وبعدها ضحكت ...والا نقولك ليش الكذب ... ننقانه سمح اجمل من أحميده كيكة بالف مرةطبعا أحميده كيكة هذا شاب من درنة تعرفه جنات ومودة وديما متهبلات على سماحته ..وهن اللي علقن فيه لقب كيكة
مودة : ايييهههي
..احلفي جنات : وحق ربي
مودة : عليك حظ يا حنة ..إن شالله اللي مطرت عليك ترشرش علينا
جنات ضحكت ...لكن في عقلها الناس ديما تحكم بالمظاهر ..يعني عشان سمح معنها متريحة ..هابا لو تشوفي كيف ايعامل فيا وكيف محبوسة في داري مش قادرة نطلع من الخوف
مودة : باهي احكيلي شن درتوا امبارح يا صايعيين
جنات : مودة بلاسخافة ..شن بنديروا يعني
مودة : أها أكيد تعركتي أنتي وياه ..وهزبك ومشى رقد في دار وأنتي في دار ابروحك
جنات منصدمة :
مودة : على مين يا ماما ..أكيد درتوا كلام سخيف ..اعترفي
جنات تنهدت براحة ..تحساب مودة عرفت حاجة : مودة مش فاضية للسماطتك ..اوكي
مودة : خزيه سخيفيين ...لكن توا اتجي لدرنة وتحكيلي غصبا عنك
جنات في بالها ياريت انرد لدرنة وانتريح من هالحبس
حكت مودة مع جنات اشوي اخرى وصكرت ...وبعدها جت ملاك وجايبة سفرة فطور دقت على الباب وجنات نفس العادة ماتفتحش الا لما تعرف من
ملاك ب الابتسامة اللي ديما على فمها : صباااح الخييير
جنات : صباح النور
ملاك خشت وحطت سفرة الفطور ..على الطاولة ..وجنات قمعزت على السرير
ملاك أخت سفيان الوحيدة ...مواليد 99 بس برأتها وتصرفاتها زي الطفلة ..بس اتهبل
ملاك قربت منها : شن اخباركم
جنات انحرجت : تمام
ملاك تحكي بصوت واطي : كيف وين الشيبانااا ...قصدي سفيان
جنات توترت لكن حاسة ملاك مش عارفة اي شي : طلع بدري اشويا
ملاك قمعزت : جبتلكم فطور ايهبل ...أكيد سفيان يمشي ايشوف ساااا...وبعدها سكتت وخافت كنها قبل حكت في شي ممنوع تحكي عنه
جنات : شنو ؟!!
ملاك صبت : اااءء نبي نمشي قبل ايجي شيباني ..اءاء قصدي سفيان
جنات صبت وراءها بسرعة : ملاك
ملاك : نعم
جنات : قصدك بالشيباني سفيان خوك
ملاك التفتت وراها كأنها خايفة واحد يسمعها : اها هوا
جنات : وليش ..هوا عنده اسمين ؟!!
ملاك : لا لا .هوا أسمه سفيان ..بس من هوا صغير ماشي فيه لقب الشيباني ..عشان الشيب اللي في شعره
جنات : اااها ..يعني الشيب فيه من هو صغير
ملاك : من لما وعيت على الدنيا وهذا شكله ...وماما قالتلي فيه من لما كان صغير
جنات : ماما ؟!! قصدك أم سفيان ..وين هيا ليش ماشفتها بكل
ملاك وجهها تغير وخافت : نبي نمشي خلاص ..أكيد صالحة تبيني
ومشت خذت سفرة العشاء واطلعت تجري ..وجنات صكرت الباب ..وهيا اتفكر شنو العائلة هذه اللي كلها اسرار
****************************
فطرت جنات وتغدت وهي اتراجي في سي سفيان ايجي يحكي امعاها و تفهم منه اي شي ..لكن سفيان مالهش اي أثر
جنات ملت وطاحت رقدت ...ناضت على المغرب ..صلت وغيرت لابستها ..وبخت من عطرها ..ومشت افتحت الدولاب تبي تاخذ وشاح ..سمعت عصا سفيان في الممر .. تحسابه جاي للدارها ..لكن الصوت بدأ يتباعد وهي لابست الوشاح بسرعة وطلعت كانت تستنى فيه من الصبح
جنات افتحت الباب واطلعت لاقت سفيان يمشي وامعاه فخري سفيان لابس تيشرت أبيض وسروال جينز أسود وماسك في يد جاكة سوداء ولاخرى فيها عصاته
..وكانوا يبوا ايخشوا للجناح لاخر ...هذا جناح لاصق في دارها مش لاخر اللي شافت فيه سفيان امبارحفخري وسفيان التفتوا على صوت الباب انفتح ...وسفيان عارف أن هذه دار جنات وقعد يستنى فيها تحكي
جنات متوترة واتبحت فيهم ..ولافت نظرها أن سفيان مرات ايبحت فيها ومرات للجيهة ثانية ...وهنا تأكدت أنه مايشوفش فيها
جنات قربت منهم : سفيان نبيك
سفيان : شن تبي
جنات : نبي نحكي امعاك في موضوع مهم
سفيان : مش فاضي ...ومافيش شي نحكوا فيه اصلا وبعدها من سمحلك تطلعي من دارك ..خشي وصكري الباب
وبرم وفخري فتح الباب وخشوا ..وجنات تبي اتموت ..قعدت تغلي ..مشت خطوتين تبي اتخش لدارها ..وبعدها غيرت رائها ..خذت نفس عميق وقربت من الدار اللي خشها سفيان وافتحت الباب بالقوة
سفيان كان دوبه مقمعز على كرسي المكتب ..وفخري امطبس ويقرأله في اوراق على الطاولة
سفيان رفع وجه لباب وفخري ايبحت في جنات مستغرب خشتها عليهم وهي مش خايفة
جنات : سفيان نبي نحكي أمعاك
سفيان : أطلعي وصكري الباب وأخر مرة تفتحي عليا المكتب بالطريقة هذه
جنات خايفة منه بس خلاص حاطة في عقلها تحكي امعاه يا صحت يا خربت وهي خاربة خاربة من الاول
جنات مشت بثقة لعند المكتب وفخري ايبحت فيها ومستغرب ..وسفيان يسمع فيها تقرب منه
جنات : نبي نحكي امعاك قتلك ..مانيش طالعة لعند نفهم
سفيان وخر الكرسي برجله واتكى عليه : شكلك ماتفهميش بالكلام ..ومازلت أنعامل فيك بالحسنى ..أطلعي
جنات : مانيش طالعة لعند تفهمني ليش تزوجتني
سفيان : أنتي أسمك جنة والا لا
جنات : أسمي جنات
سفيان : جنة وحدة ..واخرى واجد عليك ..شن جنات
جنات تنرفزت منه : والله أسمي جنات عاجبك والا لا
سفيان : أسمعي عندي شغل واجد ومش فاضي ..أطلعي أحسن مانخليهم يقفلوا الباب عليك يااا جنة
جنات اخبطت ايديها على المكتب والاوراق : أسمي جنات ..ج ن أ ت
فهمت والا لا ..ومانيش خايفة منك واذا كان مش اليوم فلازم تحكي امعايا وتشوف
ومشت جنات لعند الباب تبي تطلع لكن سفيان وقفها : جنة ..ياريت اتصكري الباب وراك
جنات تعصبت لانها حست أن اينرفز فيها قصدأ ..مسكت يد الباب وخبطاته بالقوة وطلعت
فخري طبس ورد يقرأ في الاوراق .لكن ماقدرش يمسك ضحكته بعد طلعت جنات
سفيان رفع وجه فيه : عليش تضحك
فخري : أصلك ماشفتش وجهها كيف أحمر وحركأتها وهي معصبة ..وخاصة بعد سمت أسمها بالحرف
سفيان تنهد وطبس وخذا ورقة من المكتب ..وبنة عطر جنات كان قوي عليها .. أمافخري غمض اعيونه لانه عرف روحه فلم
فخري حط يده على كتف سفيان : مش قصدي ياشيباني ..زلة اللسان ..سامحني
سفيان ضحك : غير بلا حركات ..وهيا سقدني شنوا فيهن الاوراق ..أقرأ
فخري : حاضر ..شوف هذه ورقة ااا..
وكمل فخري وسفيان شغلهم ...
**************************
جنات بعد طلعت كانت ماشية شور دارها ..لكن شافت الدار اللي كان فيه سفيان امبارح بابها مردود...وقررت تمشي اتشوف شن فيها
وصلت لعند الباب وتسمع في نفس الصوت ..صوت طفل يضحك او يلعب صوته مش مفهوم
جنات حطت يدها على الباب عشان تفتحه وصالحة طلعت من الدار
صالحة صكرت الباب بسرعة : شن اديري هنا ..وكيف طلعتي من غير أمر سفيان
جنات : ااءاءا ..لا كك كنت نحكي مع سفيان وفخري في المكتب حتى اسأليهم ..وطلعت نبي نمشي لداري وشكلي لاخبطت
صالحة اتبحت فيها بشك : عموما مكتب سفيان أقرب لدارك من هنا
جنات : أها صاح ..اسفة مش قصدي
برمت جنات تبي تمشي وقفها صوت صالحة : جنات أسمعي
جنات : ههم نعم
صالحة قربت منها : ردي بالك تفتحي باب الدار هذه لاي سبب ...لانك وقت تفتحيها حتفتحي على نفسك باب جهنم
جنات زمطت ريقها بخوف
وهزت رأسها ومشت صكرت على روحها في دارهافي الليل الساعة 12جانت اتقلب في مرقدها مش جايها نوم لانها رقدت في العشية ...تسمع في صوت ..وحدة تحكي ..لا لا صوت وحدة تغني ...وطبعا أنتن عارفت جنات ..ترقد وتسكت لاااا أكيد ..صبت من مرقدها ..كانت لابسة بيجاما نص كم وردية ....وشعرها مش مرتب وحفيانة ...طلعت من الدار ..والصوت جاي من جيهة مكتب سفيان ..كل ماتقرب الصوت يوضح ...كانت صوت أغنية ..بس مش عربية أغنية شكلها أجنبية
جنات فتحت باب المكتب بالشويا ...مافيش حد ...خشت تسلل ..في باب ثاني في المكتب مش مصكر دوبه مفتوح ...قربت منه وبحتت جوا ...دار اخرى ...جهة فيها سرير دار نوم ...والجهة الثانية واسعة فيها الالات تدريب ..
جنات اتبحت واتشوف سفيان ..لابس سروال بيجما أسود بس...ومن فوق مش لابس شي .. نفس ماشافته امبارح....وقاعد ايدرب ويتمارن ...وصوت الاغنية عالي ...وجنات رغم أن الاغنية مش عربية ..بس كان واضح أنها حزينة
سفيان كان ايدرب صبا وخذا شيشة امية ..شرب منها صكرها وعزقها ..تلامس لعند لاقى عصاته ..وبعدها مشى وطلع من باب اخر في الدار وصكره ...جنات بعد طلع خشت
للدار ..كانت تحساب روحها تلقى شي تعرف منه ليش هي هنا ..وشن قصة سفيان ..خشت برمت على السريع في الدار وهي خايفة وترجف ...وبعدها حست بواحد جاي ..مشت تجري تبي تطلع لاقت سفيان في المكتب
..ردت بالشويا ...وهي ميتة من الخوف ...اتبحت في اي مكان تبي تنطمر ...وخاصة بعد سمعت صوت عصاة سفيان جاية للدار مافيش قدامها الا تحت الطاولة ...خشت تحت منها ...وسفيان خش للدار ...مشى لعند الدولاب طلع منشف ..ورد قرب من الطاولة ...وجنات خلاص الدم جمد في عروقها ..اتبحت في رجليه امصبي ...وبعدها سفيان سيب عصاته على الطاولة وطلع من الباب لاخر
وجنات على طول طلعت من تحت الطاولة ..ومشت تجري خشت المكتب وطلعت للممر تبي تمشي لدارها ...لكن حست بحد مسكها مرة وحدة من رقبتها وشدها بالقوة ..وحطها على الساس وصكر فمها ولاصق فيها وجه على وجهها
جنات نفسها انقطع من الخوف واعيونها طلعوا ...وهي اتبحت في اعيون سفيان ولونهم ونظرتهم لتخوف
*******نهاية الحلقة #5
