رواية تبديل عريس الفصل الرابع 4 بقلم جمانه السعيدي
سلسبيل.... امي وكعت من سمعت خبر زواج ابوي
منا هيه تعبانه وعايشه بقلق صار اسبوع
ومنا النساوه مااذيتها منا حركت الكلب بسبب ابوي
ثنيين موضفات وياها طلعنها من الدوام وصلنها البيت جدي
من شافتها بيبي تخبلت
لان البنات جابنها حالتها حاله حتى مشي ماتكدر تمشي
بيبي....يمه الله يستر شصار يمه سميره شبيج
امي ماكدرت ترد على بيبي بس البنات كالن وكعت بلدوام
حتى البنات مايعرفن ليش هيه صار وياها هذا الشي
البنات وصلنها ورجعن للدوام
بيبي خلت امي على الجربابه وغطتها وكعدت تفرج ايدها ورجليها
بيبي...يمه سمير شبيج احجي ليش وكعتي بلدوام
تعبانه ضغطج نازل
سميره...اهييي اهيي مزوج يمه طلع مزوج
بيبي...منو مزوج
سميره...محمد مزوج وعنده اطفال ثنيبن
بيبي...ولله عرفت لان مومعقوله ابن عشائر ومحامي وواصل الهلعمر بدون زواج
اهل الجنوب يزوجون أولادهم زغار لان مهم عدهم الذريه
تكون هواي
سميره...يمه شلون شلون بيه شسوي هسه
بيبي...اكعدي واسكتي انتي حامل قابل شسوين
سميره...يمه ضحك عليه قشمرني
بيبي...انتي غبيه ماصدكتي حجا وياج كلمتين عن الزواج
شنو قحط زلم من غير محافظه غير اطباعنا غير وضعنا
بس ضحكلج ماصدكتي شنو آخر واحد خوما اخر واحد
سميره...احبه اجاوزت كلشي علموده احبه
مايهمني كلشي لان تعلقت بي بس توصل يطلع مزوج
لا هاي الي ما اقبل بيها
ليش يضحك عليه لو كال اني مزوج جان فلا ارتبطت بي
مو اني الي اخذ واحد من زوجته وعائلته
بيبي...جانت عايزه وتمت قبل هو طاير بلاسبوع يجي يوم
هسه من عرف انتي صار عندج علم بعد بلشهر تشوفينه مره
كعد هنا واني واني ابن عشائر وسئلو عني
جان كال اني مزوج ابن عشاير ويضحك علينا
سميره...يمه نار بكلبي نار اني يضحك عليه
كل عمري خلصته ارفض هذا واقلد على هذا
تالي يجي محمد يضحك عليه
بيبي...مايوكع اله الشاطر هو الحذر والي يحسب حساب كلشي هو الي يوكع على بوزه
سميره...شلون بيه شراح اسوي
بيبي...اسكتي هذا الي بطنج شنو ذنبه
سميره...اطلك اني مراح اكدر اعيش وياا بعد هاي الكذبه
بيبي...شنو تطلكين الناس شتكول علينا
شهرين ونص عروس واطلكت عيب مايصير
لا انتي اول ولا اخر وحده
جمانه السعيدي
سميره...مااكدر اعيش وياا ماعندي ثقه بي
بهاي اللحظه وصل خالي اركان دخل وشاف امي منهاره من البجي
اركان....شكووو ليش تبجين
صاحت امي علي بصوت عالي
سميره...انت مو كلت سئلت عنه
اركان. منو قصدج
سميره...محمد لعد منو
اركان..... شبي محمد
سميره...طلع مزوج وعنده اطفال ثنيين
اركان...لا بربج صدك تحجين
سميره....مصيبه ووكعت على راسي
بيبي...انت سئلت عنه لو لا
اركان ...اي سئلت
بيبي...وشلون ماعرفت مزوح
اركان....يعني اني من سئلت مزوج لو لا هو جاي يخطب اختي وحسب كلامه مامزوج
اني سئلت على عائلتهم على سمعتهم
بس ما سئلت مزوج اني شمدريني مزوج
من شفته صدكت كلامه من كال اني ما مزوج
الناس كلها تحمد بي وبعائلته واخو اشهر من نار على علم
سميره....ضحك علينا كلنا
اركان...ليش تبجين هو مقصر وياج بشي
سميره...لا ما مقصر
اركان...خلاص مادام ما مقصر وياج بشي عيشي براسه
واسكتي ترا هو ما مسوي جريمه عادي مزوج
سميره....شلون مو جريمه ضحك عليه هاي اكبر جريمه
اركان...خلاص من يجي اني امسحلج بكرامته الكاع
ومااخلي يطلع منا اذا ما يطلك
سميره...اي اني اريد اطلك هذا واحد غشاش ماله امان
سلسبيل...مثل موعده كل يوم ابوي يتصل على امي ويبقى يحجي وياها
هلمره رن التليفون ومحد رد علي
رجع رن مره ثانيه جاوب خالي اركان
اركان...الوووو
محمد...هلو اركان شلونك ووين سميره اتصل وماجاوب
اركان....ماتريد تحجي وياك
محمد...ليش ياستار شصاير
اركان....ليش هيج مو انسان محترم وابن عشائر ليش تضحك علينا
محمد....ضحكت عليكم شلون
اركان...ليش ما كلت مزوج من البدايه شنو راح تبقى ضام هذا السر للابد
ترا سميره من حقها تعرف انت مزوج
ليش الضحك عيب عليك انت مو بس ضحكت على سميره
انت استغفلتنا كلنا وهذا الحجي اعتقد حتى بلعشاير ما يصير
جان كلت اني مزوج بس اريد ارتبط مره ثانيه
وعايفلنا القرار نقبل او ما نقبل
محمد...وين سميره اريد احجي وياها
اركان...بعد مالك كلام وياها كلامك وياي
محمد...اكو سوء فهم بلموضوع اريد اوضحه الها
اركان...لازم تجي بأسرع وقت البغداد
حتى نفظ هاي القضيه
بعد مالك زوجه عدنا من تجي نبدي اجرأت الطلاق
محمد...ليش طلاق ترا اني ماسويت شي يستوجب الطلاق
زواجي مو جريمه هذا شرع رب العالمين
اركان....هذا اخر كلام عندي
جمانه السعيدي
سلسبيل...طبك خالي التليفون
امي سمعت كل الكلام كانت راضيه وموراضيه
راضيه لان خالي راح ياخذلها حقها من بابا
ومو راضيه بموضوع الطلاق لان هيه فعلا تحب بابا
وما تكدر تتحمل بعده
هي على ذمته وعدها تواصل ويااا ويجي يشوفها
وكل يوم كانت تبجي من بعده عنها
شلون اذا أطلقت فعلا وبعد عنها للابد
يمكن تموت
اني شكد ماراح اشرح حبه الها ماراح اكدر اوفي الكلام
لو هي شلون تموت على ريحته
على اسمه على كل حرف يحجي
طول فترة تعارفهم وزواجهم هو مازعلها بيوم من الايام
ولا قصر وياها بشي
هي الي كانت تزعل منه وتتعارك ويااا كل ما يجي يشوفها
مو لان هو موزين
لا بلعكس لان هو يحبها وهيه حاسه بحجم هذا الحب
ماتكدر تبتعد عنه
تريده يبقى كبالها ومايبتعد عنها
الاي سبب من الأسباب
كيف هسه وهيه حاسه اكو وحده اشاركها بي
سلسبيل...اسبوع كامل وماكو اي خبر من بابا
لا اجا ولا اتصل عليها
كان منتظرها تهدء وتعدي هاي الازمه
ويرجع يصلحها
برائيه هذا الشي جدا عادي وما يستوجب الطلاق
امي كاعده على نار تريده يجي حتى تعاتبه
على هذا التصرف حتى تسئله ليش سوو وياها هيج
وبنفس الوقت كانت خايفه من المواجهه
لان تعرف هيه مراح تكدر تواجها
اكيد بكلمتين منه راح تضعف أمام حبها اله
بنهاية هذا الاسبوع صارت جريمة قتل
تحديد بلمنطقه الي عايشه بيها امي
بس مو قريبه عليهم لا بااطراف المنطقه
واحد من اهل بغداد تاجر مزوج وحده من اهل الجنوب
وعنده منها اولاد وبنات كبار بلعمر الولد شباب
والبنات شابات مزوجات
قرر فجئه يزوج وحده شابه من اهل بغداد بنيه شابه
رجال عنده فلوس ويريد
يعيش يومين بحياته
وياا وحده شابه كلما يشوفها يزغر بلعمر
الرجال تاجر خير من الله بيوت وحلال وفلوس
وتجاره مالها حد
لمن عرفت زوجته الاولى يريد يزوج عليها
عارضت هاي الزواجه
جابت ولدها وهددو ابوهم في حال ازوج يقتلو هو وزجته
مايردون يصير عدهم اخوان يشاركوهم بلورث
هذا اهم سبب كانو معارضين هاي الزواجه علموده
بس الاب ما سمع كلامهم
هو قرر يزوج وعلى رائيه مالهم شي يمه
هاي فلوسه وهو حر بيها شلون يصرفها بكيفه
مشا الاب بااجرأت الزواج مثل ما خطط
راح ازوج وحده عمرها اقل العشرين سنه
ازغر من ازغر واحد من اولاده
وسكنها بيت وحدها البيت بعد شارعين عن بيت زوجته
الجبيره
اول اسبوع الرجال ما طلع من البيت فرحان بعروسته الجديده
بس خلص الاسبوع الاول طلع حتى يمشي شغله
وعاف هاي المسكينه وحدها بلبيت
الزوجه الجبيره وابنها الزغير عمرها ٢٢ سنه
كانو مراقبين الاب
بس طلع من البيت اجت الزوجه الجبيره و ابنها جابو سكين حاد وطبر جبير
واجو عليه وهي ماتعرف شراح يسوون بيها
الولد طفر على الباب وفتحه من جوه
دخلت امه للبيت وطبكت الباب والعروسة ماتعرف هما دخلو للبيت
جمانه السعيدي
بس شافتهم العروس عاطت بوصت عالي
الام لزمتها سدت حلكها والابن ضربها بلطبر على راسها
ووكعت والأم كملت عليها
طعنتها بلسجينه اكثر من عشرين طعنه
الحد مااتاكدو ماتت
عافوها غركانه بدمها وطلعو من البيت
الضهر من رجع الزوج وشاف هذا المنظر كدامه
اتأكد زوجته الاولى هيه الي قتلت زوجته الثانيه
طلع المركز الشرطه وبلغ عنها
الشرطه اجت واخذت البصمات الي على الجثه
ونقلوها للمستشفى حتى يشروحون الجثه
الشرطه لزمو الزوجه الاولى بلبدايه نكرت اكو الها علاقه بلموضوع
بعدين اعترفت لان بصماتها بكل مكان
بلتحقيق بين اكو آثار ايد شخصين
طلبو من الام تكول منو الي ساعدها على قتل الزوجه الثانيه
رفضت تعترف على ابنها وكالت اني وحدي قتلتها
صممت على هذا الاعتراف
حتى تخلص الابن من حكم الاعدام
فعلا الشرطه أكدت اعترافها وحكمو عليها بلاعدام
هذا الحجي بوقت النظام السابق
مو وكتنا هذا ادفع فلوس وتطلع برائه
الام قبل الاعدام وصت ابنها يكون مثل العظم بلبلعوم
ومايخلي ابو يتهنى ابد
فعلا هذا الولد حارب ابو حرب مو معقوله
دمره دمار اخر شي بدا يفتر على التجار ياخذ فلوس باسم ابو جمع مبلغ محترم اخذه ونهزم للخارج
وابو بقا فتره طويله يسدد بلفلوس
سلسبيل....... هاي القضيه بوقتها اشتهرت حيل
وامي بدت تتخبل نفسها بمكان هاي العروسه
وممكن بيوم من الايام زوجت محمد الاولى
تقتلها خلاص
خاصه بعد ماعرفت بزواج ابوي الاول
هذا الموضوع خلاها تخاف اكثر تقرب الاهل ابوي
تحس اذا قربت عليهم راح تواجه نفس المصير
غاب بابا شهر كامل عن امي لا اتصل ولا اجا البغداد
امي أخذت اجازه اسبوعين ماتكدر تروح للدوام
الحد ماخلصت ذني الأسبوعين امي رجعت للدوام
طبعا ماحجت كدام الموضفات عن مصيبتها ولا عن زواج ابوي السابق
كانت تبرر غيباها بسبب اعراض الحمل
الحد مارجعت ادوام اسبوعين كاملات بلدوام
صار شهر وهي لا شايفه ابوي ولا بينهم اي اتصال تليفوني
بيوم وهي كاعده تخلص معاملات المراجعين
تفاجئت ابوي واكف كبالها
نفس اناقته وترتيبه وعطره الفواح
وجاذبيته المميزه
قرب منها
محمد...صباح الخير
سميره...صباح الخير دنكت وكانما ماجاي تشوفه
محمد...اريد احجي وياج
سميره...مالك كلام وياي كلامك ويا اركان
محمد....اني مزوج اركان لو مزوجج هذا الكلام يخصنا احنا الاثنيبن
سميره....اني وياك كلشي انتهى بينا
الانسان الي يجذب عليه مستحيل اثق بي مره ثانيه
محمد...لا تثقين بيه بس لازم احجي وياج شي مهم
يخص حياتنا
سميره...مااكدر
محمد...انتظرج من يخلص الدوام برا
عندي شغله اروح اخلصها وارجع انتظرج باب الدائره
سلسبيل... امي ماردت علي ولا كلمه
طلع من الدائره وهيه بقت محتاره شلون راح تتصرف ويااا
