رواية الهجرس الفصل الرابع 4 بقلم رواء هادي
ضحكت من كل قلبي بوجهها هي مبين من ملامح وجهها عرفتني راساً كعدت بالكاع ونزلت الولد وحضنتهم قوي وتباوعلي بيقت اضحك
أمي كدامي وعدها أطفال اصغار وانه رجال بطول بعرض شمرتني وماسألت عني برغم جانت تدري بحالتي شنو جانت تدري بي بي مس
من هجرس وملاحكني
وحياتي بخطر لو اموت لو اتخبل وهي مارف الها جفن عين راحت وشافت حياتها طلعوا الولد من فوك السطح نزلوا مكلبشين أيديه ومنزلين رأسه للكاع
هجرس _الله يخلق واخنه نبتلي بأمه لا تعرف الله ولا رسوله شغلها بس خباثة جيبوا هالكلب
ابوه _ابني مامسوي شي بريىء
وكفت كدامه مبتسم بخياثة أنت اخذت مكان ابوية ومكاني من سألتك ابنك جوه كلت لا وللأسف
أنت هم متورط ويا شيلو
ياسر_فرقد جاي تسوي؟
هجرس _جان يستر على المجرم وليستر على
مجرم عقابه الحبس أخذوا
الرجال_اني شعلي ماجنت ادري بي بالبيت
هجرس_وقبل شوي تگول ابني بريىء وهسة
تبريت منه شيلو يابة ماعدنا وكت
امي كامت تصيح من عناصر الشرطة رادوا يلزموا "
عوفوا عليكم الله والله ماله دخل ومايدري
بي متورط وي الشرطة عوفو
وكفت كدامها مبتسم تك خد "
وأنتِ هم ويا متورطة؟
امي_ لا والله وليدي مالي دخل لا أني ولا زوجي
هجرس_ وليدج شنو عيب تگولين وليدي انه رجال غريب .. عوفوا آخر إنذار له بس يتدخل
بشغلنه مرة ثانية مكانه السجن
امي_ف...
رفعت كف ايدي الها بدون ماباوعلها گتلها "
ولاكلمة
طلعوا الولد طلعنا مبتسم مابين لياسر متأثر ماريد يعرف هاي أمي وهذا الولد ابن زوجها ماريد ياخذون نظره محلوة عني صعدنا بالسيارة
ياسر_ صدك جذب فرقد ردت تاخذ
الرجال ومرته إلا شوي
باوعتله اضحك "
ههههه
ياسر _ جان تورطنه من وراك
فرقد_ هاي جره أذان الهم علمود مرة الثانية مايسترون على المجرم ويسلمو
ياسر _اكو واحد يسلم ابنه ؟
فرقد _اي
ياسر _غريب امرك
وصلنا للمركز أخذوا الولد بسرعة حالوا بي تحقيق راح يحقق ويا جواد وحيدر كاعد بمكتبي تلفوني بيدي وصلتني رسالة على الواتساب من حنونه
حنونه _وينك فرقد ؟
هجرس_ بالمركز
حنونه _شعجب بالمركز اليوم ؟
هجرس_خفارة
حنونه _هاا مشتاقتلك
هجرس_وانه أكثر مشتاقلج حنونتي
حنونه _ اخذ صورة ودزها لي اريد اشوفك
هجرس_ هههه ماشي
اخذت صورة لنفسي ودزيتها لها وكتبت "
اجلح املح كاتلني الوصخ ششوفين
مني هههههه
ردت "
أروح فدوة انه صاير تخبل
_وين اخبل ؟
_ونبي تخبل ولايكلك الزي ونجمة على
جتفك زايتك هيبة وجمال فرقد
_بوية ابقي انفخي بي ههههه
_غير العشق مالي ويلوكله المدح
_والغزل؟
_هههههه
_اكون يمج وهيج تضحكين
_اموت عليك هههههه
_اويلي على الجرأة لعندج خلف الكيبورد
_يلا باي أمي تصيحلي
_ديري بالج على نفسج
_وأنت هم امممح باي
_الله وياج قلبي
وره كم ساعة اجوي جواد وياسر لعندي وگالوا عترف على مجموعة جبيرة وذكروا اسم شخص فكيت عيوني بصدمة ابن خالي هذا الجبير
وگالوا هومورطة بعد زواج ابوه بسنة ماجبت طاري وتعاملي وياهم طبيعي بالتصرف شگول وشحجي ابن خالي يشتغل بتهريب المخدرات .
تبريت منهم ومن أمي سويت روحي لا اعرفهم ولا يعرفوني المهم ثاني يوم اجاني اتصال من
رقم غريب فتحت خط
_الووو
_الوو خاله فرقد أني خالتك ام بسام عرفتني
_ام بسام منو ؟
_هاي شبيك اخت أمك شنو نسيتني ؟!
_هو انه عندي ام علمود يصير عندي
خالات الظاهر أنتِ متوهمة
بالرقم في امان الله
_لحظة هجرررس
_شكوووو شتردون مني ؟!
_ وجععع شبيك تصيح بوجي هاي
امك تريد تحجي وياك
_گولي من البداية الحنان امي ماتت
ودفنتها بليله سودة بلا ضوه
سديت الخط بوجهها وشمرت رقم بقائمة .... السوداء هسه تذكرت عدها ولد من شافتني كبران وصاير رجال وضابط وشلت ابن
رجلها كدام عيونها
حست عدها ولد اسمه فرقد ولقبه الهجرس
" الله ينتقم منكم
دقائق ماكو اجتني رسالة من رقم غريب "
السلام عليكم انه خالك محمود أريد احجي وياك تعال مر بي للبيت بعد مايخلص دوامك
رديتله بسرعة "
لا اعرفك ولا تعرفني
وشمرت رقمه بقائمة السوداء صار كل ثانية رقم غريب شكل يتصل لو يدزون رسائل زهكوا روحي إنتهى الدوام رجعت الظهر للبيت
سلمت على جدي وابوي
وجداتي التلاثة وصعدت فوك سبحت ولفيت رأسي ونمت قبل المغرب كعدت شغلت قرأن سورة
البقرة وكعدت أراسل ياسر
_شبيك اليوم حسيتك مو على بعضك ؟
_ضغوطات الشغل
_ عليك الله إذا بيك شي گلي علمود اساعدك
_تسلم عزيزي ماكو شيء بس تعب
_ماشي انه طالع هسه من أرجع احجي وياك عود
_انتظرك
نزلت جوه كعدت بنص جديتي حلوة وجديتي جوري خليت رأسي بحضن جديتي جوري
" اقري عليًّ جدة
جوري_ شبيك جدة مو على بعضك ؟
هجرس_ تعبان
حلوة _ خوما بيك شيء جدة
هجرس_ شوي تعب بالشغل ماكو شيء
افركي رأسي وأقري عليًّ
جوري_ بي ولا بيك التعب جدة
صارت تفرك رأسي وتقرأ اجت جديتي خديجة
شايله شريط علاج فارغ " علاجي
مخلص وانه مادري ؟
باوعتلها من حضن جديتي جوري"
ليش ماتصلتي بي وگتيلي
خديجة _ وانه ادري مخلصة علاج
هسة اتصل بعلاوي يجيبلي
هجرس _انه طالع هسة واجيبلج
خديجة_اكعد انت وين طالع الدنيا مغرب صارت وعلاوي بالمحل هسه اتصل بي ويجيبلي
من يرجع من الشغل
هجرس_براحتج بس مرة الثانية تتصلين بي
خديجة_ايي اتصل وين تلفوني ماشفتن وين خليته
هجرس_استفاد ناسيه تلفون .. اكعدي
هسة اتصل بي
خديجة_اي يلا اتصل
كعدت طلعت التلفون " اويلي يابه شكد مستعجلة
خديجة_خاف انجلط هههه
هجرس_ انه انجلط وأنتِ ماتنجلطين ههههه
جوري_صدك ههههه
خديجة_ يلا اتصل شبيك
هجرس_انطيني مجال .. وهاي أتصلت .. الوو هلاوو علاوي شلونك.. على الله ولك جديتي خديجة مخلصة علاج الضغط جيبلها باكيت
كامل من ترجع
مو تنسى هسة عوف الشغل وطلع جيبلها .. بس تنسى اشلعلك اذاناتك لتگول ماگال ..
ماشي في امان الله
فصلت الخط "
وهاي گلتله ارتاحيتي هسة
خديجة _اي وين مناوي مالها طك الهسة؟
حلوة_والله حجينه وي فواز وگال ادزها بالليل
هجرس_مناوي شسوي تجي ؟
حلوة_تجي تدارينه وتداري الهويشة
هجرس_ تعيش هنا ؟
جوري_ اي تعيش هنا ماعدنا احد وابوك بسلامته مايريد يتزوج ولا أنت تزوج منو يدارينه كلها
طلعت بيوت الواحدها نريد احد يعينه
حلوة_ومناوي شاطر وقلبها علينا
خديجة_ اي شاطرة مو جايفة مثل البقية ومنا تاركة الدراسة ماعدها لاشغل ولاعمل بيت اهلها تجي
يمنى تدارينه لما تجي قسمتها وتأخذ
هجرس_ بكيفكم صدك تعالوا خل نقنع أبوي يزوج
حلوة_شكد حجيت ردت ماكو قافل
هجرس_ انه اليوم احجي وي جدي وخل يهجه
هجه معدلة بلكت يحس ويتزوج
جوري_بلكت
قبل العشة اجع علاوي جاب العلاج وانطيته الفلوس العلاج أخذه جديتي سألت أخذ فلوس گتلها اي أخذ تخبلت شلون يأخذ فلوس العلاج انه جديته ام ابوه
هجرس_ مو گلها مثل هجرس يلا يحلوة امشي
خل نتعشه ميت من الجوع
خديجة_اي والله ربي يحفظك لنه
هجرس_ويحفظكم لي
قتربت منها بست .. رأسها ودخلنا جوه مبينه انقهرت من تصرف علاوي علمود أخذ فلوس رحت ويه جديتي حلوة جهزنا العشة وديناه بالصالة
مديت السفرة اجع جدي وأبوي كلنا لتمينه على السفرة كملوا نكلنا الماعين وانه غسلتهم ماخليتهن يغسلن المواعين خطية اتعبهن هن ادمي
جبير وانه بعدني شاب
صبت جديتي جوري الجاي ودته كملت غسل ماواع ين صاحلي جدي كعدت بصفه بيدي كلاص
الجاي اشرب واباوعله
جدي _ خوالك يردونك تمر بيهم
هجرس_گللهم امي ميته ماعندي خوال
جدي _دزيت طارش الهم وگتلهم ماعدكم ابن اخت بس جديتك مصرة تشوفك ورايده
تجي مامخلينها
هجرس_ بس تجي اطردها والله احسللها لتجي
ابوي_جديتك مالها دخل ترى جانت وياك واكفة
هجرس_ لو واكفة وياي جان أثرت على أمي لو اجت شافتني كل هاي السنوات وسألت عني هاي وحدة جذابة تريد تجيني علمود مصلحت
ولدها واحفادها
جدي _شكو صاير شيء هجرس ؟
هجرس_ البارحة بالليل لقينه القبض على ابن زوج أمي الملعونة وعترف على ابن خالي الجبير
يشتغل ويه بتهريب المخدرات وبيعها
بالمدارس والشوارع
ابوي_صدك جذب تالي عمرهم صاروا إرهابية؟
جدي _هنا الحجي اگول كاتلين نفسهم عليك عرفوا بيك ضابط ومعتقل ابن نسيبهم
الخايس لايا سفلة
هجرس_ لعد ميتين على شكولات فرقد .. بس والله العظيم ماراح انطيهم وجه وراح اشوفهم وجه هجرس الحقيقي على أصوله عبالهم طيب وقلبي حنين وراح يحن عليهم لا والله ماكو
تساهل وي عالم قذرة
جدي _اي عفية عليك خلهم يهابونك
ويحسبولك ألف حساب
هجرس_عد عيناك جدي
شوي واجه بارق جايب ملابس مناوي سلمت ونزعت الحجاب وكعدت كدامي تسولف بارق يضحك ويصنف اشرلي اجي بصفه اشرتله اصعد فوك والحكك والله صعد ترخصت وصعدت
وراه...هااا ولك شكو ؟
بارق_ بعدك تحب حنونه ؟
هجرس_طبعاً بس ليش هالسؤال ؟
بارق_اخوها عيدان گالي راح ينطونها لابن خالها صادق وره ماتخلص السادس
هجرس_متأكد من كلامك ؟
بارق_اي متأكد هسه شراح تسوي ؟
هجرس_راح أنزل واحجي وي جدي وابوي
وجداتي وگللهم اريد اخطب حنونه
بارق_شلون تخطبها وجدي متبري من
ابوها وأنتو كوم وياهم ؟
هجرس_والله ماعرف شلون بس راح اگله
الجدي وعلى الله يروح يسحبها
من ابوها ويزوجها لي
بارق_شني هي صخله لو نعجة يسحبها
من عمك ويجيبها الك ههههه
هجرس_ خاب ماتنجب انه بيا
حال وأنت بيا حال
بارق_ والله ماگلتلك روح كبل وي حنونه
وانتو كوم وياهم وامها قسيمة
تتقمس بدمك
هجرس_ احط النعال بحلكها طول وعرض هي بكيفها ماتنطيها أخذها أخذها والله ومستعد
اسوي الدم للركب واخذها
بارق_اويلي يابة
هجرس_ بعدك ماشايف وجي الحقيقي
بارق_وجهك الحقيقي سل دم ههههه
هجرس_عليمن سل دم ؟
بارق_ هذا وجهك الراعب كل العمام والمنطقة
سل دم معناها هجرس بيك صار هههههه
هجرس_وليش تذكرني بهجرس الملعون
بارق_ ماگلتلك قبل ايام شايفي
هجرس_وين ؟
بارق_وين بالكاع ماخذ شكل هجرس اسود واكف فوك القبر ويباوع عليهم من شايفي
اطفر اطفر هههههههه
هجرس_ وهم شوداهم للكاع ؟
بارق_رايحين يتصيدون صايدين ديج دراج واكع بنص كاع هجرس من شايفين هجرس اطفر
خيرهم اول واحد طافر هههه
هجرس_حيل وابو زايد بيهم
عفته وطلعت بوجي لجدي توه كام يريد يطلع للمضيف صحت عليه من فوك الدرج
" جدي لحظة
جدي _هاا شعندك ؟
نزلت رحت لعنده وكفت كدامه "
اريدلك تخطبلي مره
أبتسم وگال "
اشر بيدك واختار لتعجبك وامه من
الصبح اخطبها الك
رديتله الإبتسامة "
حنين بت عمي جدوع اريدك تخطبها لي
خزرني "
مالكيت غير هاي الزركة بت الزركة وبت الجلب لدمر ابوك وراد يشمرك بالشماعية وشوه سمعتك وگال عليك مخبل وبيك جني هجرس
هجرس_اخر همي حجي العالم انه احبها واريدها
جدي _ختولي اختار وحدة من
بنات عمامك البقية
هجرس _لو حنونه لو ماريد
جدي _بكيفك
هجرس _اي بكيفي اريدها جدي افهم اريدها
جدي _شفت منها وحبيتها طولها شبر ونص وسمينة وسودة مثل سواد وجك واسود بعد ولك فهمني
شفت بيها وحبيتها
هجرس_الحب مايميز بين قبيح المظهر وجميل المظهر وانه احبها على بعضها
جدي _ انعل ابوك يابو الحب وياك
ولي من وجي ولي
هجرس_صدك جذب جدي
جدي _تريدني انزل نفسي لعمك الجلب ومرته السحارة واطلب ايد بتهم الزركة حلمان حلمان هجيرس مو حجي موسى لينزل نفسه
صاح بي وطلع رحت حجيت وي ابوي ماقبل وطردني من الغرفة جداتي گالولي خل تولي ماتفيدك مثل امها خبيثه وشكلها محلو زركة
أنت وين هاي وين
وانوب قصيرة طولها شبر ونص وماشاء الله عليك طولك بطول الباب تفيدك وحدة طويلة وحلوة مو مثل هاي زركة وجايفة والذبان يدودي بحلكها
مثل امها قسيمة وخالتها صبيحة
حجيت ردت مانطوني مجال بارق گال انساها هجرس خلتولي گلتلك من
البداية ماتفيدك
مناوي_ماحب اتدخل بس ماتفيدك
هجرس_شبيها رب الكعبة ماتفيدني ؟
مناوي_اگلك ماتفيدك وخلص
عافتني مناوي ودخلت للغرفة بارق كعد بمكان جدي موسى وصار يصنف " انه حجي موسى أنزل نفسي لقسيمة الزركة واطلب ايد بتها والله حلمان هجيرس
هجرس_ راح انزع الشحاطة واهفك بيها بارق كااافي
بارق_ اعصابك هجرس والله ماتسوى تحرك اعصابك علمودها لو حلوة مايكتلك القهر انوب زركة وايديها جنها صمون ام الربع ههههههه
هجرس_ خل نشوف حبيبتك شلونها
بارق_حبيبتي حلوة والله وصاكة القسم جانت مو مثلك حابلي جكمة العمام وطولها شبر ونص
وسمينة وياريت ضعيفة
هجرس_مالك دخل بي عساني حاب حصواية شعليكم انتم رب الكعبة بكلشي تدخلون
بارق_لمصلحتك جاي نحجي ... عوفها تولي وختار من العمام عدنا هواي بنات حلوات .. ولك تعال لكيتلك وحدة معدلة وتفيدك بالقرأن
هجرس_ولي من يممممي
بارق_شرشبيل تلوكلك بالقرأن حلوة ورشيقة جنها لعابة حرامات تخليها تروح للغريب هجرس اخذها أحسن من حنونه الزركة ام شبر ونص
هجرس_اذا مابقى براسي عقل اخذ شرشبيل لو حنونه لو ماخذ وهذا اخر كلام عندي
سمعتوووووا
اجاني الرد من بره من جدي موسى "
وعاد هي ميته عليك الاجلح الاملح جنها وردة جوري بنص حديقة اشواك تأخذ واحد مثلج مخبل واسود مثل سواد الليل ويحب الجكمة حنونه بت
قسيمة وجدوع لدمره ابوه
هجرس_ اي احبها واموت عليها
جدي _من حبتك الكرادة
دخل يخزر بي بصفه أبوي بارق طفر من مكان جدي وكف يم عتبه الباب طلعوا جداتي كلهن ومناوي وياهن كعد جدي لمكانه يخزر بي
جدي _ من عمت عينك بت قسيمة الزركة
خلتك تركض وراها مثل الجلب
هجرس_احبها وتحبني من جنه جهال اصغار حب جهال جدي افهم أحبها واريدها
ابوي_بس فهمني شفت بيها وحبيتها ؟
هجرس_الحب أعمى
بارق_هو أنت أعمى مو الحب الأعمى
هجرس_بارق تنجب لو اجي اشكك بالنص
بارق_في امان الله
طفر بارق من شافني عصبت رحت يم جدي ابوس برأسه وايدي واقنع بي يروح يخطبها لي ماكو
قافل جداتي نفس الشيء قافلين .
سلسبيل " جنت بيت عمو شاكر كملت لوحة منظر طبيعي وشلتها بايدي وطلعت وي طلعتي طلع بوجهي دلشاد يضحك رجعت الضحكة اله
سلسبيل - هلا دلشاد شلونك ؟
دلشاد - بشوفت عيونج صرت احسن
سلسبيل - عمو شاكر جوه
دلشاد - واني جاي على شوفه عيون عمو
شاكر لو جاي اشوف عيونج الحلوات
غلست وگتله "
معتاز. شيء
دلشاد - اي والله
سلسبيل - شمعتاز ؟
دلشاد - اسولف وياج ودي اللوحة للبيت وتعاي عازمج على ستگان جاي معدل
سلسبيل - اعذرني ماطلع تعال للبيت ونحجي
دلشاد - هي مال بيت
سلسبيل - والله ماطلع تريد تحجي تعال
جوه البيت ماتريد توكل بالله
دلشاد - هاي شبيج سلي ؟
سلسبيل - توكل بالله
عفته ورحت لبيتنه هي كوه احجي وياك ماريد احجي قلبي مقبوض قبض ماعرف ليش صارلي أيام احس بخنكة وجع بقلبي ومشتاقه لهجرس
طبيت جوه عدل لغرفتي شمرت اللوحة وكعدت فوك الجرباية ابجي القهر ذبني ونار الاشتياق موتتني صارلي سنوات طويلة ماشايفه هجرس
وجاي اطك عليه وعلى شوفه طوله الحلو ...
نمت فوك الجرباية فوك ظهري وابجي وماتذكر كل ايامي ويا ويزيد وجع قلبي أكثر وأكثر من جنت طفله احبه وموت عليه هو ولا يمه ولا معبرني شلون ياربي كل هاي الفترة وماكدرت انسى ونسى حبه برغم بعدت وبعدت عن شوفته وبعدت عن كلشي يذكرني بي بس ماكدرت انساه واشيله من بالي طابع بالي طبك ولازك بقلبي لزك مثل المرض صار بي حب هجرس ...
كمت نفس المخبلة رحت شلت التلفون ودخلت فيس بوك طلعت حساب هجرس اشوف صوره اشوف بصوره وابجي كعدت فوك الجرباية
باوع الصورة وابجي ترست شاشة التلفون
دموع وگلت بصوت مخنوك ...
هجرس أني بليلك متمرضه تعال الصور
شتعوض شتعوض هجرس راح
اموت بليلك راح اموت
ضميت التلفون لصدري فوك قلبي وابجي مشتاقه لهجرس مشتاقه وراح اطك على شوفته بس اريد اشوفه وحلفت بس يرحون اهلي لديالى
هالمرة اروح لأن بعد ماتحمل افراق وابعاد قلبي
طاك على شوفه هجرس طاك ...
شبعت بجي من كيفي ونمت مكسورة شفت بالحلم هجرس مخلي ايده بايد حنين ويمشي بطريق من كلا الجهتين ورد وبنية وامفتلهم بنص الطريق
شكلها كلش غريب واول مرة بحياتي اشوف هيج ملامح بشر حلوة نفس ملامح الجنيات الفلام الاجنبية هيج جان شكلها جانت ضايجة
رفعت ايدها بوجههم هم وكفوا مرعوبين منها واني فزيت من جني يلعب سبع ارواح اجه وكف
بصفي يضحك ويگلي
هجرس- كل ثانـية بـدون هجرس عمرج يكصر
متت من الخوف منه وفاجأة كام هوى عالي كلش والسمه تحولت من لون الازرق إلى اللون الاسود والبىق صار يضرب والورد كله يبس ومات
الجني يضحك على هجرس وحنين لأن حنين كعدت بالكاع ساده اذانها وتبجي والبنية بعدها رافعه
ايدها الجني رجع گالي بضحكة خبيثة
هجرس - انقذي
شردت بسرعة من الجني وطلعت اركض خايفة وابجي اني وين وجابني على هذا المكان وهجرس وحنين شيسوون هنا وهذولة منو والجني
منو وشيريد مني زدت سرعتي بالركض من حسيت بالجني يركض وراي ويصيح
هجرس - سلي تعاي انقذي سلي
تعثرت وكعت على بطني وتألمت حيل من صعد فوك ظهري وحوافر رجليه وثكله اللي ثكل جبل جان فوك ظهري صاعد ويجفص بي كل حيله
هجرس - تحبي ليش ماتساعدي ؟!
كمت اصرخ وابجي بصوت عالي من خله رجله فوك راسي يريد يخنكني وجي نمرد مرد بالكاع طفر من فوكي بسرعة سمعت صوت رجال غريب
فرقد - ماكفاك لسويته بي رجعت
على هاي المسكينة
هجرس - هجرررس
صاح باسم هجرس خليت اديه الاثنين ورفعت جسمي من الكاع وكعدت ابجي عيوني مغوشة من البجي صرت اشوف اثنين مغوشين جاي يصارعون وصوت بنية وره ظهري تحجي
سل - هجرس عوفه إنه ملكي
هجرس - فرقد ملكي انا
يرجع فرقد يصيح بيهم اثنينهم
انه مو ملك احد انه ملك نفسي
عوفوني بحالي عوفوني
دفع فرقد بالكاع هناك وين البنية طارت من فوكي وصارت تصارع وي هجرس واني اعيط واصرخ مرعوبة فرقد اجه لعندي جان خايف
فرقد - لتخافين انه موجود لتخافين سلي
سلسبيل - منو هذولة فرقد منو ؟
كعد بمستواي وجرني لحضنه حضني حيل واني ماصدكت صار قريب مني بادلته الحضن وكمت ابجي واشهك بصوت عالي
سلسبيل- فرقد كزازك هواي بقلبي بس
من شفتك كلهن هانن
هجرس - بلا عتب واسكتي انه موجود
مراح اخلهم يقتربون صوبج
فزينه اثنينه من صارت شعلة ضوء قوية كلش بالمكان كعدت مرعوبة وجسمي عركان من الخوف حيلي كله يرجف من الكابوس الشفته
مابي شيء غير شوفه فرقد وحضنه الي
بس ذني حلوات جانوا بي
كمت طلعت بره الغرفة غسلت جانت الدنيا المغرب رحت كعدت يم ابوي جان يحاجي عمي فواز بالحاسبة صورة وصوت واني كعدت
صفح منهم اسمع عمي فوز يگل لابوي
فواز - قبل شوي جان يمي يريدني
اقنع ابوي وابوه بيها
ابوي - ادري شاف بيها وكاتل روحه عليها
فواز - حبها من صغره
ابوي - حب البنية الغلط
فواز - اي والله
ابوي - وهسة عمي يقبل ياخذها اله ؟
فواز - والله مادري
اسمع صوت ولد ثاني يگل لابوي
اتوقع راح ينتحر علمودها ههههههه
ابوي - اي مو حورية وينتحر علمود هاي هي كلها على بعضها حنونة الزركة بت الزركة
الخبيثة قسيمة
بارق - هاي الزركة بت الزركة بت ام السحورة
سحلت هجرس آلـ موسى وراها مثل سحله
الچلب وره راعية ههههههه
من گال فرقد يحب حنين ويريد يزوجها قلبي وجعني حيل بسرعة كمت صعدت فوك السطح
ابجي ولازمة صدري مكان قلبي وابجي
ليش حبها بدل مايحبني اني ؟ شنو الفرق بيناتنه شنو الحلو بيها جان وحبها أني جنت خوش بنية ويا واجي اسأل عنه بوقت محد يجي ويسال
عنه روحي صارت مثل جگارة ماتگدر تفترق الدخان
هيج احبه فرقد وماكدر على افراقه كمت ادعي حنين ماتصير اله وتزوج غيره علمود
يرجع الي اني اوله بي من حنين واحبه ...
حبيتك شجاني؟ فرقد ماحسبت حساب متحبني واحبك والمصيبة تريد تزوج بت عمك وتحبها بدل ماتحبني الي .. والمصيبة انوب اريدك وانهزم من اليردوني وأنتِ ماتريدني وين اولي بروحي من بعدك لو صرت لغيري ؟؟
نزلت جوه حتى عشة ماتعشيت اجوي اهلي عليًّ سويت نفسي نايمة خليتهم يطلعون والشيطان وسوس بعقلي اروح اشوف جارة لروحي
ثاني يوم الصبح راسي يوجعني كمت طلعت غسلت وتريكت ورجعت بدلت وطلعت لمعهد اخذت صديقتي وصعدنا بالخط عدل لمعهد
هناك شفت دلشاد جان ضايج مني حتى سلام ماسلم عليًّ عفتهم وكعدت بعيد عنهم هناك وين اجت بنية بنفس القسم مالتي كعدت بصفي
ترف - شلونج سلي
سلسبيل- زينة
ترف - اريد احجي وياج بموضوع
سلسبيل - تفضلي احجي
ترف - اكو ولد معجب بيج بالمعهد من غير قسم ودزني افاتحج بالموضوع و ..
قاطعت كلامها أني ماكدر اتقبل أي رجال بحياتي روحي وقلبي هايمات بفرقد ...
سلسبيل - اسفة حبيبتي ماعندي من هاي السوالف
ترف- فهمتيني خطأ عمري الولد رايدج على سنه الله ورسوله وگالي فاتحيها بالموضوع علمود
اجيب اهلي واجي اخطبها
سلسبيل - مامفكرة بالزواج حالياً
ترف - عادي يخطبج ويعوفج شوكت ماتصيرين جاهزة تزوجون وهم منا تتعرفون على
بعض اكثر وأكثر
سلسبيل - ماريد ازوج
ترف - شبيج انزعجتي ؟
سلسبيل - هي كوه ارتبط وازوج
خليت وكمت مادري شبي وخطية البنية فشلت من طريقة كلامي وياها " خل تنطيني حقي كل ساعة افز بالليل من ورة حبي الفرقد حب فرقد راح يخبلني وتالي اخرتي للشماعية
يودوني من وره حب الطفولة "
خلص الدوام رجعنا للبيت بوجي لغرفتي حتى غدة ماتغديت قفلت باب غرفتي وگعدت ارسم بفرقد رسمت فرقد بزي العسكري كملت الرسمة
صرت اباوع لشكل فرقد رسمته هو نفسه خوش صايرة ارسم ورسمي يخبل صاير صرت رسامة بسرعو نزلوا دموعي مسحتهن نوب
رجعوا نزلوا "
متعوبة روحي كلش ربي ليش خليته بطريقي وزرعت حبه بقلبي هو يحب غيري ويريد غيري ..ربي تعبت حيل وبعد ماكدر اتحمل كل هذا التعب
اندك باب غرفتي '
ماما سلي تعاي تغدي
سلسبيل - ماريد اريد انام
امي - سمعتي بفرقد متعارك وي اهله علمود حنين
سلسبيل - طبه مرض أني شعلي بي
امي- ماتردين تعرفين اخبار اصدقاء الطفولة
سلسبيل - بعمرهم مجانوا معتبريني صديقه ليش أني اعتبرهم اصدقاء
امي- سالمين سلي شبيج اليوم ؟
سلسبيل - مابي شيء اريد انام
امي - ابوج يگول بس يوافق جدج موسى على حنين ترحين للعرس مو ماترحين
سلسبيل - عرس !
امي - اي بس يوافقون اهله يعرس
ماحجيت بعد اختنكت ونزلوا دموعي بسرعة جريت الرسمة وشككتها كل حيلي وابجي اني ارسم بي بكل حب وهو راح يصير لغيري خلص بعد
من اليوم ماكو فرقد بحياتي من اليوم قررت انساه واشوف حياتي إلى متى ابقى اعذب بروحي واحب انسان بعمره ماحبني وبعمره ماحترمني
ولا عبرني خلص سلي انسي وخل يولي فرقد "
كمت شلت تلفوني بايدي وطلعت صور فرقد بقيت صافنة بصورة صفنة الميتين نزلوا دموعي الحارة فوك خدودي مسحت دموعي وخلص
من اليوم بعد ماباوع لصورة واعتبره واحد ميت وحاله حال الميتين لمدفونين بالمقابر حذفت الفيس بوك لانه البرنامج الوحيد اللي يخليني
اطلع على صوره واخباره من خلال حسابه شمرت التلفون وكمت شلت الرسمة المشككة وشمرتها بالحاولة ونوب رجعت شعلتها بالنار
وحركت الرسمه خلص بعد من اليوم ماكو فرقد بحياتي رحت طلعت شكو رسمه اله وشكو شيء جبته وياي من ديالى يذكرني بي وحركته
فتحت شباج غرفتي علمود يطلع الدخان من الغرفة
مرت الايام واني نفس الحالة مجاي اكدر انساه واشوف غيره شكد حاولت انساه ماكدرت
وكل محاولاتي باتت بالفشل "
جان حبه جبير بقلبي وكبر وي كبر جسمي واني مامنتبهه على نفسي ضيعت نفسي بحب شخص الخطأ وراح ابقى طول حياتي محبوسة بحبه اللي حب من طرف واحد الحب من طرف واحد يكتل كتل ومحد يحس بي بس اللي عايش نفس
شعوري شعور حب من طرف واحد .
فرقد " بزعت شهر كامل أقنع وماكو وخوالي جوني للمركز طردتهم وگتلهم لا اعرفكم ولا تعرفوني وابن خالي طافر لاربيل ماكدرنه نلزمه بس لزمنه جم شخص والبقية طفروا خارج ديالى
وطالعين للشمال .
المهم حنونه كملت امتحانات ونجحت من السادس بمعدل ٨٠ جانت طايرة من الفرحة وگالتلي تعال اخطبني ترى خوالي راح يجون يخطبوني واهلي موافقين وانه ماريد اتزوج واحد غيرك .
رحت لجدي موسى تعصب وسحب مسدس بوجي هو وكاعد " طلقة براسك اخلي بس تجيب
طاري بت جدوع الجلب
هجرس _جدي ليش تكسرلي قلبي
جدي _جهزلي نفسك اروح اخطب لك سلسبيل لعابة
هجرس_اضرب طلقة جدي
جدي _هجرررس تعاندني
هجرس_بس تخطبلي بت بغداد اكتل نفسي بالقرأن لو حنين لو ماتزوج طول عمري وهذا آخر كلام عندي
عفت جدي وطلعت دموعي بطرف عيوني صاروا طلعت بره افتر بالكيعان لمحت من بعيد كاع هجرس اجت بالي اشمر الحجاب واطب الكاع وخل اموت بقبر شنو من عيشه عايش انه ردت امي تعيش وياي عافتني وراحت خلفت غيري ردت ابوي عافني ردت حنين حب طفولتي جاي يحرموني منها
شنو من عيشه هاي مليت جزعت فزيت من شفت جدي وكف بالسيارة كدام طريقي وكطع عني الطريق جان يخزر بي وصاح " تريد تروح لهجرس
ابتسمت تك خد ورديت "
اي راح انزع الحجاب واروحله خل ياخذني
احسن من هاي العيشة الكشرة
_وشبيها عيشتك كلب ابن الكلب منو عايش مثلك
_صدك من عايش مثلي لا من ام لا من اب لا من احد يهتم بي ويشوف شريد وشمعتاز ردت حنين طلعتولي بيها ألف عيب ورتوا تخطبولي سلسبيل
تدرون بي أحبها من صغري ليش
تحرميني منها جدي ...
نزلوا دموعي تعصب جدي ونزل لعندي وكف كدامي جابني براشدي رجع جابني بالثاني والثالث
والرابع ودفعتني قوي
_انه ماعلمتك تنزل دموع علمود النسوان علمتك تصير زلمة وماتنزل دموع نزلت دموعك على أمك بيش فادتك غير بالذل والإهانة وهاي نزلتها على
حنين واخذها مني مارح تعيش وياها ودربك درب ابوك واشوفك ياهجرس إذا ماعافتك وطلعت بيك عيوب فلا اطلع حجي موسى
جرني من ايدي وگال "
امشي كدامي للبيت
عتيت أيدي من ايده بقوة "
لو اصير لحنين لو اصير الهجرس
وبعد بكيفك جدي تختار ؟
جرلي خلك وجابني براشدي خله أذاني توش
وجرني من تيشيرتي عليه باثنين يديه .
_ لتخليني انعل شيب الخلفوك وشيب الخلفو حنين وياك كدامي للسيارة أريد و لمامشيت هسه رايح لبيت جدوع اجر حنين من بين أيديه واحركها
كدامك بدبه نفط وانوب ارجع عليك واحركك
وياها واگول غسل عار
خفت منه بلعت ريجي جرني من ايدي مشيت وراه فتح باب السيارة الخلفي ودخلني سد الباب قوي وتفل بالكاع وكال "مبتلي انه بيكم اريد مابيكم
زلمة كلكم نسوان طلعتوا
طول الطريق يرزل بي وصلنا لبيت ماحجه ولاكلمة ابوي جان طالع بعزيمة صلاة ماصليت ولاسمعت قرأن حبست نفسي بغرفتي مقهور
اجت بالي انزع الحجاب فزيت من اندك الباب وصوت مناوي هجرس افتح
الباب بسرعة
_شكو شتريدين مني ؟
_جدي تعارك وي عمي جدوع وسحب عليه
السلاح ولك كوم صاروا ملخ بره
كمزت من فوك الجرباية فتحت الباب بوجي مناوي مخطوف لونها ترجف من الخوف "
صاير عليش تعاركوا؟
مناوي_حنين اليوم كطعان مهرها جدي من سمع
اخذ السلاح وراح نهاية و...
ماخليتها تكمل كلام وطفرت بركضة من فوك الدرج جداتي ولا وحدة بالبيت طلعت بره صايرة هوسة جدي ضرب طلق بالجو عمي جدوع صاح وگال
جدوع_يابة تريد تكتلنه
جدي _اكتلكم كلكم هسه تنطيني المره جدوووع
جدوع _ يابة ليش توكف بنصيب البنية
وتدري بينه مانتوالم احنه وهجرس
جدي _تنطي لو اكتلك جدوع ؟
جدوع _يابة ستهدي بالله وخل نتفاهم
مو بالسلاح جاي وتهدد بالكتل
فواز _انطي البنية لابوي وجفي الشر جدوع
قسمة_بتي ومانطيها
هجرس صحت من مكاني "
قسمة لما انطيتيها احط براسج طلقة
قسمة _أعوذ بالله هذا منين طلع
جدوع _ولك قلت هالبنات كلها اجيت وخليت
عينك على بتي هجيرس
هجرس_ انطيها جدوع لو تصير مو زينة
جدوع _لتحلم انط...
جدي رمى بالهوى شاجور كامل فشك خله البوش تطافر فوكاهم وصار يصيح _ المره لو اكتل الكل بحق أمير المؤمنين علي بن أبي طالب
الكل انبطحت بالكاع وصار اعيط ويصياح بيقت واكف كدام جدي عيوني بعيونه تخبل خبال وزايدني قاطات من يتخبل وكف السلاح عن
الرمي بعد ماخلص عتاد
جدي _أمشي فواز جيب حنين لعندي
قسمة _صخام الصخمني راحت بتي
جدوع _انجبي راح يكتلنه اخذها يابة
بس كافي راح تكتل الكل
شمر السلاح جدي بالكاع قوي وصاح بعمي فواز "
جاي احجي مو گلتلج جيب حنين
فواز _صار يابة
قسمة جلبت بعمي فواز وتعيط طلعت حنين من البيت بطرك ثوبها وگالت لامها " هي كوه ترديني لابن اخوج ماريده اريد فرقد ...جايه جدي وياك
قسمة _عزززة العزززاج تردين عدو اهلج
حنونه _من ايدكم صار عدوكم ماريدكم اريد فرقد عوفيني ماريدج اريد فرقد عوفيني
دفعت امها هناك وين وكعت كام الكل من الكاع راحت يم جدي وگالت لجدي " جدي جبروني على ابن خالي وانه ماريده أرعيد فرقد
جدي _ سمعتوا شگالت البنية تريد فرقد باجر العصر كطعان المهر ليريد يجي خل يجي ولمايريد يسوي فضل بعد لايجي يلا امشي جدي .
محد فك حلكه من اخوانها لو ابوها جدوع بس قسمة تصيح وتعيط وتغلط عليًّ عمي جدوع ضربها على حلكها بيده وگاللها " هاي تربيتج طلعت تحب فرقد من ورة ظهرج إلا اطلكج قسيمة
جدي _ هي بايله بنص حلكك انوب تطلكها دنجب جدوع كافي تصير اسد كدامي وأنت
جلب تعوي بالغرفة
جدوع _خلف الله عليك يابة
جدي _حمدو الله واشكروا خطبت بتكم الزركة ام شبر ونص لحفيدي الهيبة
حنونه _جدي
جدي _انجبي ولاكلمة وكدامي يلا للبيت يلا
جدوع _جاي وياك يابة
جدي _شسوي جاي
جدوع _ لازم نتصالح بعد مو راح تاخذون بتي
جدي _ وبتك اخذتها بالفشك ما اخذتها برضاتك فضلت ابن اخو مرتك على ابن اخوك تفووو عليك ولك أنت عار طلعت مو زلمة جدوع
جدوع _ لايابة
جدي _ولا كلمة الكل للمضيف يلا كدامي
من شفت قسمة تعيط لازمتها جنتها دفعت جنتها وگالت بصيح " ان شاءالله ماتتهنى وي بتي ابو الشياطين ابو الهجارس الخبيث المكتول
جدي _تسكتونها لو هسه افلش راسها بفشكة
راحلها ابنها جرها جر للبيت اخذوا حنونه وراحوا للبيت رحت ويه جدي للمضيف جدوع ولده وعمامي ولدهم كلها مجتمعة بالمضيف انترس
هم خير من الله ١٢ ولد وخلفتهم .
جدي گال _المقدم ٥ مليون والمؤخر قرأن
كريم منو عنده إعتراض
جدوع _صار يابة لتريده خلي اهمشي رضاتك
جدي _غصب على روسكم رضاتي يلا أقروا الفاتحة
قروا الفاتحة وانه واكف بصف بارق مصدوم بلي صار حقيقة لو حلم نبزني بارق وگال بهمس _
الف مبروك گولوله هههههه
هجرس_حلم لو حقيقة؟
باسني بخدي وگال "
حقيقية الزركة صارت الك
يلملح ههههههه
هجرس_سواها جدي ؟
بارق_سواها ونص الله شكد حلو من گاله جدوع بته لهجرس جدوع كال ماعندي نسوان للزواج وجان جدي يسحب الرشاشة وصار يرمي
فوك راسه هههههه
هجرس_هو مو گال ماخذها الك شلون غير رأيه
بارق_شافك مأيس من الحياة والحب مطيحلك حظك هو يحبك ومايحب يشوفك مقهور راح اخطبها الك ولك حجي السيد صدك من گال
تأخذ الأولى غصب عن خشوم الكل .
هجرس_دخل يولي لهساك مصدك بكلامه ؟
بارق_اي
هجرس_اي لعد ماخطبت حبيبتك
بارق_ ماعندي مكان راح اطلب من جدي بلكت الله ينطيني فلوس و غرفة يمه واتزوج بيها
هجرس_ينطيك والله بس سايسه
بارق _عمي النهار كله مكابله
وكاعد وأخاف اطلب منه
هجرس_وره العرس اطلبلك
بارق_ليش مو هسة ؟
هجرس_هسة الوضع حامي انتظر أسبوع الجاي
بارق_مستعجل على العرس
هجرس_اي
وره ماكملوا قراية الفاتحة صاحلي جدي سلم على عمامك سلمت عليهم وعلى جدوع خليت عيني بنص عينه وابتسمت مايكدر يحجي كلمة
جدي يهفه بفشكة
ولده الكل باركتلي جنت طاير من الفرحة أول مرة بحياتي هيج أفرح وأعرف طعم الفرح شنو ماذقت لان بعمري ماذقت طعمه شلونه.
وره ماراحوا رحت الجدي تشكرته كام وگال "
عود باجر عكبه من تتعارك كول جدي
مايحبني ومايحقق طلب لي
حضنته قوي وگلتله "
لا تحبني أحبك جدددددددي
_دوخر كسرت عظامي وخرر
_اموت عليك جدي امممح امممح
صرت ابوس بي مثل المخبل دفعني وگال "
دوخر شكد لزكة لعبت نفسي هو هيج يبوسون
ادري بوسات لو حبات زمايل
_قابل المهم خطبت لي حبي حنونه
_صدك هاي عينها شكد صلفة كدام اهلها
گالت اريدك ودفعت امها علمودك
_غير تعشق فرقد
_وهاي من شوكت أنت وياها ؟
_من جان عمري ١٦ سنة وهي ١١ سنة أحبها وتحبني
_وانه عبالي تضحك عليًّ
_وعليش اضحك عليك جدي تدري بي ماحب
الجذب وحجيي كله صدك
_هاا زين لعد باجر نكطع مهر ثاني يوم محكمة وراها جهزوا واسبوع الجاي نزف
_مستعجل أكثر مني جدي
_اريد ازوجك واخلص منك ومن خبالاتك
_ بكيفك جدي بعد
رحت للبيت ماشفت وجه حنونه جنت فرحان طلعت منى من الغرفة وگالت " ألف مبروك تستاهل
فرقد كل خير
هجرس _ يوم الالج مناوي
مناوي_ الله يسلمك تريد تشوفها؟
هجرس_ اي بس أخاف من جدي وجداتي
مناوي_ دخل غرفة جديتي جوري
هسة اجيبها الك هههه
هجرس_ انتظرج لعد ههه
رحت للغرفة مجان اكو احد شوي ونفتح الباب دخلت حنونه خجلانة منى مدت راسها وگالت _ وهاي جبتلك حبيبه القلب حنونه الزركة ههههههه
حنين _ انجبي ولج شنو زركة
مناوي _ والله زركة ههههه
دفعت مناوي وسدت الباب تضحك"
تغار مني علمود اخذتك الالك هههههه
بقيت اباوعلها مامصدك صارت الي التفتت عليًّ تضحك "شبيك؟... فرقد شبيك صافن بي... وجي
بي شي؟ فرقد مو احجي وياك.
ضحكت وفتحت ايديني الها "
مامصدك صرتي لي تعال حضنيني، خل
اصدك صرتي بين اضلوعي
اجت عليًّ بسرعة بادلتني الحضن حضنتها قوي هي هم بادلتني الحضن يكتلك القهر كصيرونه
كلش صرت اضحك
_جان جبتي سطل وياج ههههه
_شسوي، بي؟
_صعدين فوكه علمود توصلين لضلوعي هههههه
_لو ادري خليت مناوي تجيب وياها ههههه
_تايد انوب ههههه
_احبك فرقد
_وانه اعشقج اعشق كبار
_ههه شلون عشق كبار؟
بعدت عنها اباوع بعيونها تلمع لمع من الفرحة "
مثل اثنين حبوا بعض بصغرهم وحبها بقيى
وياهم للشيب هيج احبج انه حنونه
رجعت حضنتني قوي _
وانه هم هيج احبك لعد فرقد اممممح
هي توصل لبطني باست بطني خربت من الضحك "
ههههههههه تعال خل اشيلج وبوسي
بالمكان الصح ههههه
شلتها بحضني جلبت بركبتي'باثنين ايديها الملعونة ماتستحي أبد وجريئة مو مثل قبل مثل مايگول استغليت الفرصة وجريتها بوسة من الشفايف
وهاي أول مرة اخذ بوسة من الشفايف.
بقيت ابوس بيها طعم البوسة الاولى طيب وهي تبادلني اندك الباب راسن بعدت عنها ونزلتها للكاع مرتبك وهي كذلك مرتبكة صحت..
هجرس_ منو؟
بارق _ادري بروحي خربت الحظة بس
اطلع بسرعة جدي راح يجي، للبيت
من سمعت بجدي طفرت وگتلها "
طعمها ولا اطيب منه جان ههههه
فتحت الباب بوجهي بارق كاتم ضحكته "
شكو شبيك؟
بارق _ طعمها ولا اطيب منه جان ههههه
هجرس_سمعت
بارق_صوتك عالي هههههه ملعون ماخذ راحته
سديت الباب وجريته من ايده وراي وكفت جوه الدرج بي " ماتستحي على نفسك تسنط؟
بارق_حرامك اذا متسنط أنت بسلامتك من تحجي عبالك تصيح هههه منين جانت هجرس
رفعت ايدي ردت اضربه خلى ايديه فوك رأسه وگال "لتضرب ايدك بكد الكرك هسه تسطرني
سطره العباس
هجرس_جوز من سوالفك ولك عيب رجال شكبرك وشكدك تصرفاتك تصرفات الجهال
بارق_ على گوله البنات بارق كيوت ولطيف ههههه
هجرس _هالبنات طايحات الحظ
مثلك يلا ولي لبيتكم
بارق_مولي أيام واصير جوارينك ههههه
هجرس_راح تشيب رأسي
بارق_ لاا لا عزيزي راح الطف أيامك
هجرس_راح صخمهن
وركعته دفره شمرته هناك وين عفته يجوعر مثل البعير صعدت فوك غرفتي اسمع بي يگول" بكصتك اثنين نسوان ابو الحب ههههههههه
ستغفرت الله ورحت لفيت راسي ونمت كعدت الصبح بدلت لبست زي العسكري وطلعت صادفتني حنونه تاشرلي من باب غرفة جديتي خديجة
باوعت يمنى يسرى ماكو احد رحت يمها و
دنكت عليها " هاا قلب
_هاي شطالع ولك
_ شطالع؟
_تكتل كتل بالقرآن انطيني بوسة قبل لايجي جدي
_ولا تشبعين ههههه
ماحسيت عليها إلا طكتني بوسة من الشفايف هي طكة هي شردة وسدي الباب وجي بقيت مفاجئ من فعلتها!!! بعدت من يم الباب أضحك مثل المجنون
طلعت بره شافني جدي صاح من مكانه كاعد بالحديقة فوك الكرسي " كطعان
المهر عالساعة بال ٤
هجرس_معتاز شي؟
جدي _سلامتك تروح وترجع بالسلامة
باوعت بداير المضيف ماكو سياره ابوي بيش اروح لعد رجعت لجدي " جدي سيارة ابوي ماكو
بيش اروح للدوام لعد؟
جدي_ روح جيب سويج سيارتي اخذها
هجرس_وأنت بيش تطلع
جدي_ماطلع اليوم عندي حسابات اريد اصفيها
ويه عمك جاسم وعمك جدوع
هجرس_الله يستر شراح تسوي؟
جدي_ من ترجع اكلك يلا روح راح تتأخر
هجرس_هو وين السويج؟
جدي_ بالمعرض تلكاه بصف التلفزيون
دخلت المضيف اخذت السويج وطلعت بوجي للمركز ماجبت طاري ولا كلت اليوم خطوبتي انتظر الساعة دقيقة دقيقة علمود ينتهي الدوام واطفر للبيت .
مشوق أشوف وجه حنونتي حبيبتي .ياسر طيحلي حظي طبق الأصل عن بارق نفس الشي بس مالين ضحك وتصنيف التفاهة تمشي بدمهم .
هو كمل الدوام طفرت فرحان اليوم خطوبتي وحنونه راح تصير لي وصلت لبيت سبحت وبدلت ونزلت يم جدي گالولي قسيمة جاية هدادة وكاتله حنونه
علمود عرفت بيها عدها علاقة بيك وگالتلها لا اعرفج ولا تعرفيني فرحت لأن تبرت منها ماريدها تجي لعدنا وتخرب حياتنا اعرفها حية مكتوله .
اجت صديقه حنونه عدوية تطك بعلجها الحجاب شامرته شمر عيونها مثل عيون الكوري وجهها بي كيلو لحم سمينة حيل وكصيرة ومن
تضحك عدها رصعات
بالخدود " غمازات "
عدوية _ هلأ هجرس شلونك
رديت من مكاني "
الحمدالله زين وأنتِ اخبارج ؟
عدوية_ماشية وين صاكتنه حنونه
اجاها الرد من بارق"
گولي وين زركتنه حنونه رحمه الدينج لتگولين صاكة وتخربين معنى الإسم الحقيقي
عدوية_ شكد غثيث ياربي
بارق_مثل غثاثه وجج لي بي طشت لحم
عدوية_خايب ماتنجب من قبر الياخذك
ويأخذ شكولاتك الزفرة
بارق_شايفة شكلج بالمراية
عدوية_خلقة الله
صحت بي " بارق اكعد راحة
دخلت للغرفة متعصب تخوصرلي مثل البنات وگال "
ماكو كبر من هل كبور التايهة تلفها وتخلصنه منها
هاي شافت منها حنونه وصادقتها
هجرس_ماعاب إلا المعيوب
بارق_أن الله جميل يحب الجمال
هجرس_انت شعندك مناكرة وي النسوان ياهي
لتجي تعضها لو تكرصها
بارق_هو وينه العض والكرص أريد
اشو صايرة صحراء قاحلة
هجرس_استغفر الله ولك اكعد يابة عيب
تخلي عقلك وي عقول النسوان
بارق_من الله ماحبها
هجرس_دمشي اطلع بره مالي خلك اتعارك
وياك واخرب الخطبة
بارق_فلا اطلع رايح يم جديتي جوري
هجرس_دروح لعد وجفينه شرك
بارق_لعد اكعد فوك الدرج
راد يروح يصعد فوك الدرج كمت طفر بسرعة لغرفة جديتي جوري فتح الباب ومد رأسه وگال "
وزوج لي يلزم هههههه
هجرس_شكد جبان رب الكعبة
بارق _تجيب مدرس تاريخ لضابط لا موضابط شلون مجان طويل ومعضل وضخم وانه بكد العصفور
الشابع بماي السيان هههههه
هجرس_خررر... بروح اهلك على هذا التشبيه ههههه
بارق_مجذب ههههه
هجرس_ابد
بارق_يلا ولي بعد ماتفيد
هجرس_ليش مافيد ؟
بارق_صرت مزفر في امان الله
طبك الباب قوي بوجي وله" مزفر ههههه طلعت يم جدي بالمضيف صارت الساعة بال٤ اجه الشيخ كطعلنا مهر وجان تصير حنونه مرتي
قسمة ماكو مالها طك
ولد جدوع يباعولي بنظرات ...الحقد جدوع كذلك مبينين ماقابلين ومايكدرون يفكون حلكهم بكلمة وحدة بس يحجون الرشاشة فوك رأسهم تهلهل
دخلت على حنونه جانت لابسة فستان أزرق صلوخ ومسويه تسريحة طالعة تخبل من شافتني كامت بستها بكصتها وكتلها "ألف مبروك
ردت _الله يبارك بيك
كعدت بصفها شغلوا أغاني أخواتها ومرت ابوها يركصون فرحانين جداتي فرحانات يهلهلون ويطشن جكليت فوك روسنه المهم وره ماانتهت الحفلة
ثاني يوم الصبح أخذتها وجدي ويانه وأبوها وجديتي حلوة وأبوي وبارق وعمتي ام بارق كطعنه مهر محكمة ورجعنا صاروا يجهزون للعرس
جدي گال الحنة الأربعاء الجاي والعرس الخميس الغرفة على حساب جدي صارت والجهاز العروس على حساب أبوي ربع دينار ماطلعت من مالي الخاص .
كلت لياسر وجواد خطبت وراح اعرس الخميس ضاجوا ليش ماعزمتنا على الخطوبة " ماسويت حفلة صارت بساع بساع بالقرأن وبعدين ماقتنعوا حجيت الهم السالفة احنه
وبيت عمي كوم وجدي نهة عليها وأخذها بالسلاح خربوا من الضحك گالوا صارت العكس وياك بدل ماانت تنهي عليها جدك النهة حلوة هاي
مال النهاية ههههه
ياسر_ حاظر حنة وعرس
جواد _رجلي على رجلك ياسر
هجرس_كل الهلا بيكم
جواد _ وبيك حبيبي
إنتهى الدوام رحت للبيت بارق والشله كلها ملتمة سألوني تريد الغرفة فوك لو جوه كتلهم جوه عوفوا غرفتي الفوك بيها غراضي وانا معتز
بيهن اريد بالغرفة لبصف
غرفة جديتي خديجة جبيرة وبيها حمام جانت قبل غرفة امها وابوها بالعمدة أخذتها .
أريد أحرك قلب قسيمة وجدوع بعد ... ماخذت بتهم بالعمدة المهم مرت الأيام خذت إجازة للعرس يوم الحنة العمام والولد والبنات كلها من وجه
الصبح عدنا وجدوع أخذ حنين لبيته گال أريد الزفة تصير من بيتي ماريد العالم تحجي علية واحنه بعد تصالحنا وردت الماي المجاريها .
ربعي أجوي العصر كلهم كعدوا بالمضيف اجه ابو سلسبيل واخواتها أثنين سلموا وباركولي رجعت للبيت معتاز كم شغله وي دخلتي
لداير البيت " الحوش "
شفت بنية رشيقة كلش جنها شطب ريحان على گوله جدي حجاب ماكو شعرها اسود قصير نازل على كتوفها لابسة بنطرون وقميص حالها حال الولد وتشم بالوردة استغربت منو هاي ؟ ...
