رواية الهجرس الفصل الخامس 5 بقلم رواء هادي
انتبهنه اثنينه على صوت الديجة اشتغل على اغنية ساجدة عبيد شيصبر العاشق ياخالة دارت وجهها تضحك بايدها وردة بيضة من
شفتها بقيت سارح بجمالها تأخذ العقل هي هم بقت صافنه بي أبتسمت وگتلها بهدوء
- منو حظرتج ؟
ضحكت وگالت "
هههههه ماعرفتني ؟
_لاوالله ماعرفتج عرفينه بحظرتج ؟
_شرشبيل على گولتك هههههه
ضحكت ضحكة من كل قلبي مامتوقع راح اشوفها كل هاي السنوات ونوب متغيرة كلش ولاهي اقتربت منها اضحك وهي هم تضحك
_والله أنتِ
_اي والله شبيك أني شرشبيل
_سبحان الله رب الخالقج شنو هالحسن
شنو هالجمال ولج
_سالمين رجعنه
_خررر.. بيومج وين جنتي كل هاي السنوات
_شبيك ؟!
_مامصدك شفتج كدامي ونوب كبرانة وحليانة
_هجرس شبيك عبالك ماشايف بنية
_وين شايف انه هيج بنية ههههه
_لاخطية ماكو أبد بنات.. دعوفنه من سوالفك القديمة ..هسة گلي شلون كبرت
هيج وصرت تخوف
_ههه شخوف بت الأوادم؟
_باع طولك شطولك صاير ونوب معضل هاي
شوكت لحكت تبني عضلات هيج ؟
_لحكت
_الله يساعد الزركة عليك
_هههه ليش ؟
_بس تتعارك وياك راشدي واحد
منك عدل للمستشفى
_شايفتني ولج ؟
_والله أنت مخبل وايدك والضرب لتگلي تغيرت وصرت ماضرب ترى حافظتك
على ظهر كتاب
_اضرب مو ماضرب بس حنونه ماضربها أبد
وتنكسر ايدي إذا اضربها
_باع الجذب مالتك راح يوكع النخل من طوله هههه
_لتضحكين فدوة
_هههه شبيك هجرس ؟
_ضحكتج حلوة
_وتالي
_جديات ضحكتج حلوة وتشرح القلب شرح
وكفت ضحك غيرت ملامح وجهها بسرعة صارت باردة كتفت ايديها وگالت " كافي غزل مو عبالك هذيج الطفلة وتكعد تتغزل بيها وهي فرحانة
_أنتِ أنتِ وبعدها هذيج البراءة
مرسومة بوجج رسم
_ صح وجي بريىء بس قلبي لا
_ولايهمج اربي الج واسوي بريئ مثل راعيته
_كافي
_الله عليج وين رحتي وعفتيني
_هاي شبيك هجرس نازل بي غزل وعتاب
_ ماعرف من اشوفج يتخربط وضعي والكلمات
غصب عن لساني تطلع
_ضب السانك منا وجاي
_ماكدر
_حاول تضبه لأنك راح تزوج الزركة هههه
_خوب زروكتي كاتلتج كتل
_من الله ماحبها ولاحبك
_انه شدخلني ماتحبيني
_نسيت شسويت بي
_شمسوي ؟
_لاخطية كلشي مامسوي رزاتني رزالة مال غسل ولبس وهنتني ومسحت كرامتي بالكاع مسح بس موصوجك صوجي أني الغبية الثولة لجنت
اجي وأسأل عليك بوقت محد جان مكلف نفسه ويسأل يلا عالعموم " ألف مبروك برفاه والبنين ان شاءالله تتهنى بزواجك من الزركة وتخلف عشيرة مال جهال مثل جدو موسى
كلمة وحدة ماطلعت ماعرف شجاني ....وقلبي وغزني وغزة قوية وضاق صدري ختنكت النفس بالكوه صرت أجره راحت من يمي كل ماتبعد
أحس الخنكة تزود بي
طلع بارق يضحك بوجهها هدتله الورد أخذها وباسها وصار يضحك وياها هي تضحك ويا بهذيج اللحظة الغضب سيطر عليًّ اجت بالي أروح اضربه
قبضت كف ايدي بقوة طلعت منى دفعت بارق دفع ودخلته جوه هي التفتت عليه بوجه عادي وراها دخلت جوه بيقت اتصارع وي عقلي
وقلبي لخبلني خبال .
ماعرف شيريد بالضبط ؟ اليوم حنتي من حبيبه الطفولة حنونه وجاي احس بنقص وفراغ جبير بي ماعرف شنو هو بالتحديد ؟!
دخلت للبيت بوجي لغرفتي سديت الباب بقوة ختنكت احس شي ثكيل نايم فوك صدري والعبرة خنكتني خنك نزلوا دموعي مسحتهم رجعوا نزلوا
ماعرف شنو قصتي وعليش جاي ابجي ومخنوك ؟
كعدت فوك الجرباية أجر نفس قوي بقيت بالغرفة فوك الساعة والتعب عم عليًّ صوت برأسي يضرب يگول لتكمل بالعرس حنين ماتفيدك
راح تخرب نفسك
أتركها تولي ، كمت تعوذت الشيطان رحت تجاه المراية اباوع على شكلي تخيلت صورة بنية وراي لابسة ابيض بس كفاها مبين وعيوني
جهامتها مثل جهامة
سلسبيل والملابس مثل ملابس سل طبق الأصل رجعت دارت وجهها عليًّ إبتسامة خبيثه على شفايفها مرسومة جان شكلها قبيح المظهر
بسرعة درت وجي اباوع بالغرفة ماكو شي تعوذت الشيطان فركت عيوني مرتين وتلاث ماكو شي بالغرفة أكيد جاي اتخيل من التعب
رجعت اعدل ملابسي
صوت مثل الهمس بأذاني صار يرن "
لتكمل لتكمل
رجعت التفتت ماكو شي بسرعة طلعت من الغرفة نزلت الدرج سريع صادفتني سلسبيل تضحك هي والبنات راحوا كعدوا بصف جديتي جوري جريتلي صفنة طويلة بيها هي من شافتني اباوعلها انطتني كفاها عرفت بيها ماتحب اباوعلها مابقت هذيج البنية لتحب اباوعلها واتغزل
بيها طلعت بره رحت للمضيف يم الزلم .
ياسر قحطان مكابلني واكعد يضحك امثل الضحك والفرحة وانا عكس ذلك تخبلت صوت برأسي
يضرب لتكمل العرس لتكمل ماتفيدك
ماتفيدك حنين عوفها .
بقيت اردد آية الكرسي بقلبي شوي ارتاحيت وراها اذن صليت بالمضيف وي الربع داروا العشة وانه بالمضيف جابوا حنين من الصالون بارق وأخوها
عيدان سمعت قسمة ...جاية ومتصالحة وي بتها بكت طن هوى منها أعرف بيها حية سودة ومستحيل تخلي هذا اليوم يمر إذا ماتسوي شي وتخرب العرس
المهم وره العشة صاحولي احني العروس دخلت شفت حنونه لابسة بدلة حمرة من باوعت الوجهها تخيلتها بوجه قبيح انخطف قلبي خطف
تعوذت الشيطان
وصوات أغاني عالي بقيت واكف اجت جديتي حلوة خلت ايدها على جتفي وهمست " تقدم
جدة حني العروسة واطلع
هجرس_ طفي الأغاني وشغلي القرآن بسرعة
حلوة_شبيك جدة هذا عرس مو فاتحة
هجرس_طفوووا الأغاني بسرعة وعلكوا قرأن
صاحت قسمة_ماكاعدين بفاتحة علمود نعلكلك قرأن
صحت بيها _ تطفون الأغاني لو اكسر الديجة
شفت سلسبيل طفرت طفت الديجة وگالت "
جيبوا قرأن خل نعلك لما
يحنيها ويطلع .
صاحت اخت قسمة الجبيرة "
صدك جذب تطفون الاغاني وتعلكون قرأن
كاعدين بفاتحة احنه لو عرس ؟
سلسبيل _العريس مخنوك والقرآن أفضل من الأغاني صدك جذب تفضلون الأغاني على القرآن
الكريم... انطيني مناوي
اخذت الفلاش من مناوي وانه واكف بمكاني أخاف اباوع الحنين واخترع تأكدرت مليون بالمية مسويات شيء قسمة وربعها ادري بيها ماتكعد راحة .
بس علكد آية الكرسي رجعت التفتت على حنين كاعدة مطنكرة الحمدلله شفتها بشكلها الطبيعي جانت حلوة وتخبل طالعة رحت
عليها كومتها خيرية
كامت حضنتها قوي وگتلها "
لتزعلين يقلبي والله مخنوك
بادلتني الحضن وهمست بأذاني "
عادي طالع تجننن
_مو مثل جمالج حنونتي
بعدت عنها أبتسمت رديت الإبتسامة الها .....وكعدت بصفها جابوا الحنة حنيتها بيديها ورجعت حنتني بصبعي الصغيرون ورها كطعنه الكيك
وكلتها وكلتني شربتني عصير
رجعت شربتها سلسبيل كدامنه تصور وتضحك همست لي حنونه _گللها لتصور ترى اكوم اكسر التلفون فوك رأسها
_عيب هذا التصرف حنين البنية خطار عدنا ومو غريبة علمود ماتصور
_اكرها ماحبها
_تحملي علمودي
_هو متحمله علمودك وعلمود جديتي حلوة
_اروح فدوة لهذا الوجه المعصب
_أحبك هههه
_وانه اموت على ربج حنونتي ادري شطالعة اليوم
_والله حلوة
_احلى وحدة بالحفلة طالعة في حيث ماكدر اشيل
عيوني عنج ولو لحظة وحدة
باوعت ع سلسبيل وگالت "
كلها تگول سلسبيل احلى وحدة بالحفلة
رجعت باوعتلها كملت تصوير وراحت كعدت بصف جديتي خديجة رجعت باوعتلها "بنظر العالم اي بس بنظري انه أنتِ اجمل وحدة
_تعترف هي احلى مني
_ولج بنظري هي بشعة وأنتِ الأحلى
_ماصدك
_شلون هسة حنونه نكضيها زعل علمود شغلة تافهة ماتسوى
_ كلها تگول احلى بنات المنطقة
_وانه شعلي بالبنات المنطقة انه عليًّ بروحي وبختياري انه ختاريتج من بين كل البنات شريكة لي ماختاريت سلسبيل وغيرها ختاريتج الج وخليها
بالج اجمل نساء الكون هي أنتِ بنظري .
_والله
_اي والله .. تعاي خل ابوس راسج ياتاج رأسي
جريتها بستها من رأسها ترخصت وطلعت بس طلعت علكوا أغاني ساجدة عبيد شكل لامي من اروح انكسرت الشيشة هههه طلعو وياي
الولد بوجههنا للمضيف
لكيت المطرب والفرقة جايين بس دخلت صاروا يهوسون بأسمي سلمت على الزلم وكعدت بصفي اجه كعد جدي موسى وأبوي خلوني بالنص
كاموا الولد يركصون جوبي ... كام وياهم ياسر كابله بارق شلون أثنين عاد رب التفاهة وتكابلوا ذبوا لحم اجوي جروني رقصت وياهم ماضابط الجوبي
بس رقصت من الفرحة بزواجي من حنونه مامصدك صارت لي حبيبه الطفولة أول مرة بحياتي أحقق أمنية جدي كام يرمي بالمسدس وراه ابوي
وعمامي كلها ترمي حركوا ... الأجواء حرك ياسر هم ضرب وراها جواد هم ضرب بسلاحه بارق راد يضرب صاح بي جدي موسى "اكعد راحة لتكتل العالم
ياسر_ههههه
هجرس_بارق اكعد اروحلك فدوة ههههه
بارق_اهووو هاي رميتها بعد مارمي زعلت
جدي موسى _ازعل بس لا تكلب
العرس عزة فوك راسنه
بارق _كلكم ماخذيني بعين صغيرة
فواز _ماتعرف ترمي مابينه حيل ترمي العالم اكعد
زعل وراح كعد صار العزف على أغنية ساجدة عبيد خاله و ياخاله صار يهز جتف من مكانه وكام يرقص خربت من الضحك ياسر كابله
جواد كال " ادري رقاصة لو ضابط ههههه
هجرس_حاوي الأثنين
ياسر_ كابلنه جواد ههههه
جواد _لايابة ههههه
بارق _فرقد يلا شدها هههههه
هجرس_تعبت بعد كافي تكمل وياهم لو تجي
جواد _اجي وياك هسه يحولوني
من ضابط إلى رقاصة هههه
كعدت كعد بصفي جواد بعد ماكام ابوي كعد يم ربعة الضباط جواد خربان ضحك " باع ياسر وابن عمك تحولوا رقاصات ههههه
هجرس_ ايي هههه
جواد _ أجوائكم تخبل
هجرس_بوجودكم الطيب
جواد _ ارحم جتافك ياسر ههههه
صاح ياسر من مكانه "
اليوم اذب لحم ههههه بعرس الغالي
فرقد هههههه .. شيصبر العاشق ياخاله كللوووووش
هلا هلا هلا ههههههههه
تفاجأت من صار يهلهل بصوت عالي كابله بارق يهلهل جواد مثلي مصدوم واحد يباوع للثاني طكيناها بضحكة
جواد _ ههههه ولك هذا بلا اسود طلع هههه
هجرس_ولا توقعتها منه هههههه
جواد _ولا انه ههههه
صاروا يهزون جتف نزلوا للكاع للكاع انوب المطرب يصيح للكاع للكاع للكاع هلا هلا " متت من الضحك صار جوبي ثكيل كام ابوي وعمامي وأصدقاء
ابوي يركصون انصدمت أبوي يعرف يركص مو مثلي ياسر لازم صفحته ويضحك بارق متربع بالكاع ولازم صفحته وانه وجواد خربانين ضحك عليهم .
مناوي الأجواء موحلوة أبد قسمة . .. تعاركت وطفت الديجة تعاركت ويه سلسبيل علمود غيرت الأغنية تعاركن وياها جداتي ورادوا يطردونها من البيت
بس هي عناد عاندت وصاحت "
أنتهت الحفلة خل يجي عيدان ياخذنه للبيت لو
اروح مشي على رجليه انه وبتي
خديجة_روحي الواحدج وعوفي البنت
قسمة_لا والله
خيرية_وجعااا من الله ديرينه بيج ماراضيه بهجرس بس مالج حق توكفين الحفلة وتتعاركين وي البنية بس تجيبين طاريها بكلمة وحدة اكوم اطفي
الجكارة بحلكج الخايس .
قسمة_خيرية لتدخلين من مكانج
سراب_مو من حقج تهينين الخطار ماعاجبج محد جابرج تجين وتحظرين العرس
قسمة_تطردوني
خيرية_اي نطردج كومي اطلعي
قسمة_منو شامر الجن عظم وصرتن
تنبحن من مكانجن
خيرية_هاي عليمن يالخايسة ام الخيووووط
حجايه منا وحجاية منا كبت العيطة بيناتهن كامت خيرية كتلت قسمة موتتها من الضرب كامت اختها تضرب بخيرية جرتها امي سراب من
حجابها وكعت حجابها
وصاروا ملخ ناس موتت ناس بس خيرية موتت قسمة خلتها وكعدت على ظهرها كاموا النسوان فازعوهن كامت خيرية وصاحت _هاااي بربوك ام الخيوط ام السحورة
اكيد مسوية سحر تريد تخرب العرس شافت البنية خلت قرأن تعاركت وياها ولكم عرف هاي الزبالة اعرفها هدوني عليها خل املخههههها .
قسمة كفشتها من فوشة واختها كذلك ناس تغلط على ناس وخربوا الحنة جديتي حلوة طردت قسمة واختها قسمة عاندت ماروح إذا ماخذ بتي
دزيت على بارق وهجرس والله شوي واجوي خيرية حجت كلشي تخبل هجرس على قسمة " اول مرة وآخر مرة تخطين عتبه هذا الباب يلا برررره
ماريد اشوف شكولاجن هنا الله لاينطيجن
خربتن العرس بررره
حنين طبكت ويه امها وگالت "
هن السبب امي مالها دخل
هجرس_كلمة وحدة ماريد منج
حنين _تمشي امي امشي وياها
هجرس_بس تطلعين عتبه الباب تنسين اجي اخذج
حنين _فرقد تعوفني؟
هجرس _ بس تكسرين كلمتي
وتطلعين اعوفج وانساج
قسمة صارت تجر بتها _امشي يمة خل يولي گلتلج مايفيدج ابو الشياطين والهجارس امشي من صبح اطلكج وازوجج لابن خالج امشي شبيج لازكة
عتت ايدها من امها وگالت "
عوفيني ماروح وياج
قسمة_صخام براسج وراس الخلفوج تكسرين
كلمتي وتبقين وي ابو الشياطين
ولج امشي حنين امشيييي
حنين _بس اعوف العرس واروح وياج العالم شراح تحجي عني راح تگول بي عيب ورجعني لأهلي روحي يمة روحي الله يرضى عليج روحي
قسمة_هاي تاليتي حنونه انهان من رجلج ابو الشياطين وتبقين ويا من تفووو عليج وعلى الهجرس مالتج ان شاءالله ماتتوفقين أبد بحياتج
مادام كسرتي كلمة امج تفووووو
حنين _كافي الخاطر الله تدعين عليًّ الليل والنهار جوزي مني عوفيني بحالي
صارت تبجي حنين راحت كعدت فوك الكرويته قسمة اخذت بناتها واختها وجناينها وطلعت متحلفة بيها هجرس راح كعد يمها يهدي بيها
اباوع سلسبيل ماكو
دورت عليها بالبيت كله مالكيتها عاد صعدت فوك بالسطح ادور عليها سمعت صوت شكهات واحد جاي يبجي جان السطح بس ضوه كامل
شفتها ساندة ظهرها
على حايط البيتونه وضامة رأسها بين رجليها وتبجي قتربت منها حجيت بصوت هادئ " لتبجين
ماردت بقت تبجي كعدت بصفها خليت ايدي على رأسها " كافي بجي سلي .. لتاخذين
على خاطرج منها
رفعت راسها وجهها أحمر دم وعيونها حمرة كلهن دموع " هانتني وأني كلشي مامسوية
_ذبت نار قلبها بيج
_وأني شعلي
_هاي هي خبيثة وأخذت جزاتها
_ توبه إذا اجي بعد لهناه توبه
_لتگولين هيج سلي والله احنه نحبج وعلمودج امي ومرت عمي موتوا قسمة واختها ضرب
وطردوهم من البيت
_شصار جوه ؟
_تعاركوا علمود هانتج ورزلتج موتوهن من الضرب دزيت على فرقد واخوي فرقد من سمع هاينتج تخبل عليها وطردها من البيت وحنونه گالت اروح
وي امي گاللها بس تطلعين تحلمين اخذج بعد ...
_عزززة بعيني خرب العرس من وراي
_ولج ماخرب والله
_مو تگولين صايرة مشكلة من تحت رأسي
_أنتِ شعليج هي هاي قسمة جانت كاعدة على نار اعصابها من شافتج غيرتي الاغنية كبت بيج والحمدالله الله اخذلج حقج بسرعة
_وحنين خوما ولت وي امها؟
_لا
_وهسه شلون ؟
_ماكو شيث ولت هي وبناتها واختها وجناينها وحنين كاعد بصفها فرقد يقنع بيها
_اخاف ماتقنع
_أصلا هاي دراما سوتها هي تحبه وتموت عليه عاندت اهلها واخذته تردينها تعوفه بالليلة الحنة علمود امها والله بطرانه سلي
_ الله يطبهم بالرحمن بس مالي ذنب وعيب هيج سوت أني خطار اليوم وباجر مولية لبيتي
_هاي وحدة ماعدها إحترام للعالم ولنفسها هسه حلوة ضربوها وهانوها وطردوها من البيت
_طبعا موحلوة
_يلا خل تولي مسحي دموعج وكومي انزلي
مسحت دموعها ونزلنا بالقاط الثاني راحت للمغسلة غسلت وجهها رسمت ضحكة على شفايفها ونزلنا الأجواء سكته جانت وعمتي خيرية
وامي سراب يجرون
جكاير ويضحكون هم يتخبلون ......من قسمة من أيام قبل وهسه كتلوها وطردوها سونها حفلة من صدك فرقد كاعد بصف حنين مطنكرة
خزرتنه حنين سلسبيل جلبت بي "
هاي شبيها ام عيون البكل
مناوي_لتخلين بالج يمها
سلسبيل _أني ماخاف منها بس أخاف من اعمالهم
مناوي _عماليش ؟
سلسبيل _أخوي سولف عن سوالف امها وخالتها صبوحة شلون مسويات سحورة للكل واني أخاف من السحر والجن تعاي وياي خل نطلع بره فدوة
مناوي_اي يلا أمشي
مشينا جم خطوة وصاح فرقد من مكانه "
وين طالعات ؟
جانت مجلبه بايدي التفتنه سوية عليه ورديت "
سلي مخنوكة من البيت وتريد تطلع بره
هجرس_ اطلعوا بس لا توصلون المضيف
مناوي_صار
قبل لا نطلع كامت امها طلعت ويانه سلي صارت تبجي من شافت امها حضنتها خطية انكسر قلبي عليها هي مالها ذنب وتعرف بحال فرقد شنو
وبي مس خافت لا يتخبل علينا بالحنة وطفرت قبل الكل سدت الأغاني وعلكت قرأن كريم وقسمة سبتها سباية هديت شوي وامها وصتني بيها ودخلت
جوه بقينه كاعدين حبيت ألطف الأجواء...
_شعجب طلعتي من الثالث ؟
_مالي خلك بالدراسة والدراسة صعبة يحتاجلها خلك وأني خلكي صفر عاد طلعت من الثالث
وقدمت معهد معلمين
_بالتوفيق
_الله يوفقج وأنتِ شعجب تركتي
_والله حالي من حالج مالي خلك وصلت
للسادس أدبي وتركت بعد
_أنتِ مو بعمر هجرس
_اي
_مو راضعين سوية ؟
_اي هو اخونه بالرضاعة
_اگول أنتِ هنا بالبيت وياهم
_ليش ماتذكرين
_والله مادري أنتو راضعين سوية
_هو راضع من صدر أمي لأن امه من جابته صدرها يابس مابيها حليب وامي رضعته وياي
_وجان يخبث على امج هههه
_مو يخبث يحجي الصدك ومايحب يشوف خطأ بالبيت وجدي مخلي مراقب بالبيت لذلك شيصير بالبيت ينقله لجدي بحرف الواحد
_اي عمرج ٢٣ سنة ؟
_اي
_ماتزوجتي
_لا والله
_أنتو بنات قاصرات وتزوجونهن شعجب ماخذتي ؟
_ماريد من ولد عمامي ولا خوالي اريد غريب
اريد اطلع من العمام والخوال
_والله حقج العمام يشلعون القلب والخوال
بعد ازود وماكو حنية بيناتهم ناس
تتقمس بدم ناس
_اي
_الله يرزقج بابن الحلال يحبج ويموت عليج
_أللهم امين يارب العالمين ههههه
_ان شاءالله يجي
_اي .. اگلج هم معجبة بأحد
أخذت صفنه طويلة وجرت حسرة وگالت "
ماكو أحد يلفت انتباهي
_شعجب
_ماعرف والله خوب وياي طالب شكله كلش حلو ومرتب وابن صديق أبوي وياي بالمعهد تقدملي أكثر من مرة ورفضت ولحد الآن دا يحاول وياي
_إذا خوش ولد قبلي بي
_هو خوش ولد وحتى ماعدهم احد عنده خوان أثنين وعازلين بس عدهم اثنين بنات ودا يدرسن بالمدرسة وأمه تموت عليًّ سافروا خارج العراق
ذكرتني وجابتلي فساتين واكسسوارات حالي من حال بناتها بس المشكلة بي أني ماكدر أتقبل رجال بحياتي
_ أخاف بيج شيق ؟
_مثليش ؟
_ عادي اگول يعني
_اي گولي
_اخاف حابه قبل وكلبج ملجوم وبعده يحن للشخص لحابته
_ وين اكو حب هو أني زعطوطة جنت وهسه عمري ١٧ سنة شوكت لحكت حبيت
_بطفولتج
_احب منو بطفولتي هجرس لو بارق لو عباس لو حسن لو حسين لو عيدان لو غيره ههههه
_ههههه محتمل واحد منهم لو غير
_لاماكو أحد بقلبي
_بدون زعل انه جنت اشوفج تباعين لفرقد وتضحكين بأغلب الأحيان من جنه جهال
أبتسمت وگالت "
صح جنت اباوعله وأضحك بس مو معناها أحبه... يعني شلون اوصلها الج جنت أتمنى يصير صديقي لان جنت اشوف دائما اهله شلون يعاملونه
بقسوة وهو ماله ذنب المسكين قلبي مايتحمل يشوف أحد يتعذب ... وثاني شي جان وحيد مايختلط بأحد برغم كلكم مجموعين بيت
واحد حبيت اتقرب منه وبس
_شكد براءة شايله
_مثلج مناوي تنكطين براءة وحنية ... اموت عليج ...
حضنتني انه وكاعدة بادلتها الحضن ورها بعدت وكعدت تشوفني صور صديقتها زهراء هم جانت مو محجبه وسمينة بس كشخة ولابسها
على الموضة مثلها
تصير بت العم شاكر هذا جوارينهم ليعلمها الرسم شوفتني رسوماتها كلهن حلوات ورسمها يجنن جان وراها شوفتني صور جماعية وي عالم ماعرف منو
بحفلة عيد ميلاد واشرت على ولد شكله حلو ومرتب باللحية وشوارب حاضن مرة متوسطة
بالعمر سألت
_سلي منو هذا ؟
_هذا الولد ليحبني
_والله
_اي والله اسمه دلشاد
_سبحان الله يخبل واسمه بعد احلى دلشاد ههههه
_اي هو حلو ربي يحفظه
_لو انه بمكانج اقبل بي
_المشكلة قلبي مايريده
_خررر.. بقلبج هذا قلبج أعمى مايشوف كدامه اقبلي بي واسكتي مادام الولد يحبج ويريدج هذا الهم الرجال يحب المره احسن ماهي تحبه
_والله حاولت أكثر من مرة وماكدرت اتقبله
_مشكلة هاي
فزينا من نجر التلفون من ايدي ..... التفتنه بسرعة احنه وكاعدين طلع فرقد أخذ تلفون يباوع بي كمنا بسرعة سلسبيل ضاجت علمود سحب
تلفونها من ايدي
سلسبيل _رجع تلفون
عيونه بتلفون وگال "
شكله مو راحة ... تفضلي
انطاها تلفون أخذته بسرعة ...
عيب تجر تلفون ؟
هجرس_ سمعت كلامكم وكتلني الفضول
اعرف منو هذا دلشاد
سلسبيل _جنت تجسس علينا ؟
هجرس_لا اجيت اعتذر منج على تصرف قسمة واختها وسمعت كلامكم ماحبيت
اقاطع الكلام
سلسبيل _هو أنت شخليت ؟
هجرس_ يلا فرديها عاد ... وانه اسف على
تصرف قسمة الوقح وياج
سلسبيل _ماكو داعي تعتذر أنت
هي الغلطانة مو أنت
هجرس_من وراي صارت
سلسبيل _ وانت شعليك ؟
هجرس_ بسببي اجيتي لهناه وسديتي
الأغنية وخليتي قرأن
سلسبيل _يلا ماصار شيء اهمشي حنونه مازعلت
هجرس_لامزعلت
