رواية قصة امي الفصل الرابع 4 بقلم جمانه السعيدي
اسيل ...وصلنا للبيت ومريم رجعت البيت عيالها
دخلنا للبيت دخلت الجنط
امي....اسيل ماما زحمه من زوجج
اسيل...شنو زحمه اذا مايقبلج اطلع اني وياج شنو قابل اعوفج
مستحيل اعوفج وحدج
بعدين انتي مو تحبين ادم اول حفيد اللج
ابقي علموده
امي....اي ولله احبه بس افهمي ماما ليش زوجج يتحملني
هو شنو ذنبه
اروح يم زهراء كم يوم بين مااشوفلي شغل
واشوفلي مكان اعيش بي
اسيل...ولله اذا طلعتي اطلع وياج يمه تحجين صدك
ترا اني مااكدر استغني عنج ابد
انتي امي وحبيبتي وصديقتي وكلشي بحياتي
امي...راح ابقى بس كم يوم
اسيل...الله كريم تحبين افرغلج غرفه وحدج فوك
لو تحبين تكعدين ويا ادم بغرفته
امي...باي مكان مايهم اني مااريد ازعجكم
اسيل...ولله ازعل إذا كلتي هيج مره ثانيه
راح ارتبلج مكان يم ادم بغرفته
امي....عادي اريد ارتاح راسي يوجعني هلكد ما بجيب
اسيل...تعاي وياي ارتاحي
اني منج ماابجي بشرفج هو هذا خلقه تبجين علي
اني منج اركص اهلهل اطوش جوكليت
خلصتي من اكثر انسان غثيث بالتاريخ
امي.. اني مو ابجي علي ابجي على العشره
ابجي على بيتي الي تعبت علي وطلعت منه اديه فارغه
ابجي على شبابي وتعبي الي ضاعن
ابجي على الرخص ابوج رخصني ما بقالي اي قيمه
هاي كله واني جنت شايلته بلصلوات
ودائما حاضر وصار وتدلل
شيكول هاي هيه حتلو ما يعجبني كلامه
اذا يصير عصبي انهزم الغير غرفه حتى لا ارد علي
حتى يهدء
وكل هذا ماغزر بعينه ابد بعد شسوي هذا الي اكدر علي
اسيل...همزين خلصتي لو باقيه وؤااا جان انجلطتي
رب العالمين يحبج خلصج منه
جمانه السعيدي
اسيل دخلت امي بغرفة ادم وفرشتلها فراش تمددت
واني اخذت ابني وطلعت
اني متاكده مراح تنام
الله يساعدها ابوي موبس يقهر يشل الواحد
بعد اذان المغرب رجع منذر
منذر...هلو حبي
اسيل...هلووتعال اريد احجي وياك
منذر...وليش تحجين بصوت ناصي اكو شي
اسيل...اي تعال اكو شي مهم
منذر...ياستار شكوووو
اسيل...امي عدها خلاف ويا ابوي واني جبتها بيتنا
منذر...اهلا وسهلا وينها اسلم عليها
اسيل...بس افهمك
ابوي خطب وراح يزوج وامي حلفت ما تبقى على ذمته
احتمال يصير بينهم انفصال
منذر...لا صدك شنو انفصال قابل هما زغار
اسيل...امي مصممه على الانفصال
اريد اسئلك عادي امي تبقى عدنا
منذر...اي عادي ليش لا اهلا وسهلا
اسيل...اقصد مو يومين يعني على طول منا لمن يصير حل المشكلتها
منذر...خليها تبقى اهلا وسهلا قابل شايلها على راسي
البيت بيتها اصلا تنور بيتنا
اسيل...يعني مراح اضوج من وجودها بلبيت
منذر...شنو القصه ليش اضوج بلعكس بيتنا راح يصير بي حس بوجودها
اكلج تحبين انروح اني وبابا نصالح امج وابوج
اسيل...لا احنا مانريد صلح
هو اصلا مايريد يطلك يريد يذلها ويقهرها بلعروس الجديده
بس اكيد اني مراح اقبل تعيش خادمه بيت ابوي
منذر...خلاص اني حبيت ادخل بلصلح بينهم
واذا على امج البيت بيتها خل تكعد شكد ما تريد
البيت جبير وخير من الله
جمانه السعيدي
باجر ابوي واخوي وكل العائله يرحون للبستان
أجواء وشوي شنو رائيج نروح وياهم
اسيل...غير مره مااكدر اعوف امي وهي مراح تقبل
تروح و يانا وهيه بهاي الضروف
روح انت حبيبي تونس
منذر...يمكن نبات هناك
اسيل...عادي امي موجوده مراح اخاف
منذر...براحتج
طبعا عمي عنده بستان كلش جبير باطراف بغداد
وبي بيت يجنن كل فتره نروح نتونس هناك ونرجع
وبعد عنده أملاك خير من الله
منذر سلم على امي حسيتها حيل محرجه منه
باعتبار اقتحمت بيته وصارت امر مفروض علي
بس اني اعرف منذر زين
روحه حلوه وماعنده اي انانيه بلعكس كريم وطيب
ويتعاطف ويا الكل
امي بقت بلغرفه ماطلعت ابد وكلما ادخل عليها تمسح دموعها وتحاول تبين الموضوع عادي
اكيد تنقهر بعد كل هذا العمر وهي ماعدها بيت خاص بيها
بعد كل هذا التعب وهسه هي لاجئه بيت زوج بتها
كل الخير الي يملكه ابوي وهي حتى قطعة ارض ماكو باسمها
ماقبلت تاكل بلعشى سوت نفسها نايمه
اني اعرف هيه مانايمه بس تركتها على راحتها
ثاني يوم بقت معتكفه بلغرفه
ماتقبل تطلع منها
بقيت اتوسل بيها تطلع نتغده اني وياها
لان منذر ماموجود بلبيت
طلعت شويه ورجعت للغرفه
اليوم الي بعده الصبح الساعه عشره الصبح اندكت الباب
طلعت افتحها
وواحد سلمني ورقه وكال هاي من استاذ حميد
فتحتها ورقة طلاك امي
حاولت اضمها عليها مااريدها تنقهر اكثر
امي...منو بلباب اجا منذر
اسيل...لا واحد.يسئل على عنوان
بقت امي تباوع بوجهي
امي..... احجي الصدك وجهج يكووول غير هذا الكلام
اسيل... سكتت
امي...احجي ليش سكتي
اسيل...الصراحه ابوي سكتت
امي...ليش سكتي ابوج طلكني موووو
اسيل....باوعت عليها وهزيت راسي
امي...انتي ليش ضايجه اني الي طلبت الطلاق
اتخيلي بعد كل هذا العمر امجن مطلقه
اسيل...امنا احسن ام بلدنيا كلها امنا فضلت تكمل حياتها
وهي عايشه بكرامه
مو انسانه ذليله تحت رحمت واحد نرجسي معقد
انتي فخر النا امي
اني مااستحي اكول امي منفصله
لان دافعت عن نفسها واشترت حريتها
امي...خلصت عمري كله متحمله خبال ورعونيت ابوج
ومشاكله الي ماتخلص
بس حتى لا يكولون عليجن ذني البنات امهن مطلقه
اسيل...وشبيها المطلقه مو دائما تكون موخوش انسانه
مرات تكون انسانه فاض بيها وشردت من سجن ماتكدر تنحمل قيوده اكثر
بعدين انتي منو مايعرفج يمه ترا انتي علم محد يكدر يقرب عليج بكلمه
امي...اسيل انتي مو بنتي انت اختي وامي مرات اكول
معقوله تكون هاي الحلوه العاقله بنتي اني
اسيل...ياحبيتي انتي كلشي اليه بهاي الدنيا
اني احسج مو بس امي
كلشي اليه بهاي الدنيا
امي..جيبي الورقه اشوفها
اسيل..نرفع علي قضيه اطالبين بكل حقوقج
نخلي عمي يشوفلنا محامي زين على عرفته
امي...ولا راح اوصل للمحكمه
اسيل.... ليش
يمه اني ازوجت سنه ٩٨ بلحصار مهري مليونيين
استلمتهن بايدي والمؤخر مليونيين
اشتريت بالحاضر ذهب وفرحانه بي
ابوج بوقتها جان راتبه يمكن خمس الاف
كلشي ما يسووون
بعت الذهب وانطيته اله فتح مشروع يشتغل
حتى نعيش
لا تشوفين البيت الي عايشين بي
هذا بعد السقوط اشترينا من صار راتب ابوج زين
وطور شغله اكثر
اسيل...ولو خل نعذبه بلمحكمه
امي.. يااا هسه اني داخله للمحكمه علمود مليونيين
ابد مراح ارفع علي قضيه
هو هسه يطلك وحده ويدز الورقه حتى يكدر يعقد على الجديده براحته
لان اذا عقد على العروس راح يطالبونه بموافقة زوجته الاولى
هسه يطلكني حتى يعقد براحته
اني مااريد منه اي شي خلاص اكلشي بينا انتهى
خلي يبتعد عني لان تعبني
جمانه السعيدي
اسيل....ولله ابوي خسرج شكد ما يفتهم
امي.. اريد ادور شغل حتلو بروضه كاتبه
اني هسه عمري ٤٣ سنه يقبلوني بهذا عمري
اسيل...ليش تشتغلين وتعبين نفسج اني بس يطلع تعييني
انطيج الراتب كله
واكعدي واسكتي
امي...لا اريد اطلع واشوف الناس اريد اشتغل
واحس بطعم الفلوس الي اتعب بيها
اريد اشوف مكان استقر بي خوما ابقى عايشه وياكم طول عمري
اسيل...وليش لا ابقى عايشه هنا طول عمرج
اني حجيت ويا منذز
ويكول اهلا وسهلا بيها البيت بيتها
امي...زوجج ابن اوادم ويفتهم بلاصول
بس مهمه يكون يريد ياخذ راحته بيته
اسيل...نسئل ونشوف وين اكو مكان مناسب تشتغلين بي
خل اسئل عمي
هواي عنده معارف بلكت يلكا مكان مناسب تشتغلين بي
حتلو معلمة فنيه بمدرسه ميخالف
تسجلين ويا العقود حتلو بدون راتب
امي...ميخالف ولو اني راح احتاج مصرف
اسيل...زين من باجر انسجل اسمج وننتظر لمن تطلع الاسماء
امي...ميخالف المهم اني اريد اغير حياتي
اريد ابدي من جديد
اسيل.. انشاء الله
فعلا بعد يومين ابوي طلك امي بلمحكمه
دزو على امي بس ماقبلت تحضر سوت توكيل للمحامي
يطلك
وتنازلت عن كل حقوقها
بعدها ابوي ازوج اخباره كانت توصلنا عن طريق
عم مريم لان صديقه المقرب
اول ايام العرس جان طاير من الفرح
لان اخذ بنيه وزغيره ازغر منه ١٣ سنه
اخذها وراح للزياره وراحو سفره للشمال
اني ومريم كنا نعرف اخباره بس مااحجي كدام امي
اي شي
هيه ماعايزه قهر حتى نقهرها اكثر
سجلت اسم امي على ملاكات التربيه على العقود
وبقينا ننتظر عسى ولعل يطلع اسمها
اني اريدها تغير حياتها وتطلع من حزنها
الصبح تكعد قبلي الكاهامنظفه المطبخ و جاي تطبخ غده
طبعا منذر يطلع الصبح
يفتر على أملاك ابو ويشوف شنو ناقص
اكو اماكن تحتاج متابعه على طول لان عمي
بلدوام وحماي هم موضف بس منذر بعده منتظر التعيين
لان فارغ هو الي ينتبه على حلالهم
اني اكعد بلعشره مرات اكثر
الكا امي مغسله الادم ومريكته ومبدله ملابسه
وطابخه غدا ومنظفه المطبخ
وكاعد تلعب ويا ادم
اسيل...ممكن ما تشتغلين مااريدج تعبين
امي...اذا ابقى نايمه اتكسر اني متعوده على الشغل
اسيل...بس هيج تعبين
امي...اي تعب قبل يم ابوج بكد هذا الشغلةعشر مرات
ولا حمد ولا شكر
اسيل...انتي احلى ام بلدنيا بس ممنوع تحبين ادم اكثر مني
امي...معروفه مااعز من الولد غير ولد الولد
اسيل...ولو حتى بت مريم ممنوع تحبيهااكثر مني
امي.. بدت الغيره ما سئلتي على التعيينات ماطلعت
اسيل...سئلت بعد لو اروح العمي اخلي عنده علم
لان هو معارفه هواي
قبل جنت اروح عليهم واشوفه
امي..وليش ما ترحين
اسيل...واعوفج وحدج بلبيت
امي...شعليه قابل زغيره روحي شوفيهم لا تكطعين
الوصل بينج وبينهم
اسيل...باجر اروح عليهم وحتى هم اوصي عمي عليج
بلكت يعرف احد حتى تتعينين
امي...اي ولله يسوي فضل عليه
بليل تندكت الباب فتحه منذر
اجا عمي
عمي...اجيت اشوف أدام هليام ماكوووو
منذر...هله يابا تفضل لكه بيبيته ومكيف تفضل تفضل
اسيل...من سمعت صوت عمي طفرت ورحت علي ركض
هلووو عمووو ولله مشتاقتلك
عمي...جذابه لو مشتاقه جان اجيتي
اسيل...مو عندي ضروف
عمي...ولو كل الضروف ما تمنع تجين اشوفج
اكو وحده ما تسئل عن ابوها انتي بنتي وافرح من اشوفج
اسيل...اني الي كلبي طك عليك
بعدين اريد منك خدمه زغيره
منذر...خل يدخل روحي جيبي جاي وماي وعصير
عمي...على كيفك وياها اني وين جنت مو عطشان
تعاي كولي شنو تردين واني اكول حاضر
اسيل....يابعد كلبي فدوه الهلكلام الحلو
عمي....كولي واامري امر
منذر...بابا مو هيج بعد مااكدر احجي وياها
عمي...شنو تحجي وياها انت تكدر تحجي وياها
منذر...مو تصدك نفسها
عمي...اي اني اريدها تعرف مقامها
منذر...اسكت احسن لان بعد مراح اكدر احجي وياها
عمي..تعاي حبيبت عمو كولي شتريدين
اسيل..بصوت ناصي.....امي
عمي...حجا بصوت ناصي شبيها
اسيل..اكيد منذر حجالك كلشي صار وياها محتاجه مساعدتك اريدها تتعين
عمي...هيه خريجه
اسيل...اي معهد فنون جميله
عمي...ممتاز خوش شهاده
اسيل...يعني تكدر تساعدها
عمي.. اكيد اكدر اساعدها ليش لا بس محتاج وقت
حتى الكا المكان المناسب الها
اسيل...اي عادي اخذ وقتك
عمي. ممكن اسلم عليها
اسيل.. اي اكيد ممكن
دخلت للبيت ماما عمو يريد يسلم عليج
امي...يسلم عليه
اسيل...اي ايجوز يساعدج بلتعيين
امي...دقيقه اغير ملابسي واجي
لبست امي فستان طويل وخلت الشال على راسها
واجت دخلت
امي...السلام عليكم
راسا عمي وكف على طوله كان لابس نظاره طبيه
رفعها بايده على راسه وكال
عمي...هلو عمو شلونج وابتسم
اسيل.. امي ماكدرت ما تبتسم لان عمي كاعد يذكرها
بأول لقاء بينهم
امي...هلو استاذ شلونك
عمي.. الحمد لله خاف ازعجناكم
امي...هذا بيتك واحنا الي ازعجناكم واطفلنا على حياتكم
عمي...لا هذا الكلام ما مقبول ابد
انت الأصل انتي ام البيت
امي...شكرا الحضرتك
عمي...اكعدي اريد اعرف شنو مؤهلاتج وشنو ممكن تشتغلين
امي...اي شغله بس مااريد ابقى محبوسه بلبيت
عمي..حقج ولله حقج
انتظرونا
الخامس من هنا
