رواية الهجرس الفصل الثالث 3 بقلم رواء هادي
اسمع صوتي عمي فواز طلع من غرفة جديتي جوري من شافتي ابجي واصيح على جدي لزمني
من جتوفي الأثنين
فواز _فرقد شبيك تبجي ؟
هجرس_جدي شلونه ؟
فواز _مابي شيء هسة رايحله يلا امشي وياي
نزل أبوي يصيح " انطينياه هالكلب ابن الكلب
فواز _من طيح الله حظك كادر بس عالولد عوفه لو بالقران اشكك نصين امشي فرقد
ابوي _تشك منو نصين فواز
فواز _اشكك الك يل عار جم ولد عندك غير
هالولد وحاط دوبك من دوبه
طلعوا جداتي التلاثه ابوي هجم على عمي راد يضربه علمود يأخذني من وره ظهره تدخلوا ولد عمامي اخذني عمي فواز وطلع اجه ويانه ابنه بارق
مرحلة أولى بالجامعة توه راجع من الدوام خطيه انطه كتابه لاخو الصغير واجه ويانه خلى ايده على رأسي ويقرأ أيه الكرسي ويتعوذ الشيطان
باوعلهم مستغرب جاي يسوي بارق ؟
بارق جاي تسوي ؟
بارق_جاي اقرأ عليك لأن قرب الغروب ولازم احصنك من الجن والشيطان لما نوصل لبيت السيد
هجرس_مو رايحين الجدي ؟
فواز _ ابوي تصل بي وگالي ودي للسيد
وراها جيبه الي
هجرس_راح يطردنا السيد
بارق_هذا غيره انه لكيته الك من معارفي گالوا خوش سيد مضبوط وراح يكدر
يخلصك من لبيك
هجرس_ان شاء الله يخلصني من لبي
السيارة تطرك بينه وماكو سالت بارق گال وصلنا مابقى شي أنوب سيطرات ذبحتنا كل شوي سيطرة موكفتنا وتفتيش بديت أفقد اعصابي والشمس صارت حمرة دم
رجع بارق يقرأ معوذات لما وصلنا بيت السيد دخلنا لبيته جان بيت مال طين وقديم كلش والباب مالتهم جينكوه دكه عمي فواز رد الرجال مبين جبير بالعمر
السيد _تفضل
فواز _دا فضلك سيدنا انه جاي من طرف نبيل
ابن الحجي شاكر
السيد_أهلا وسهلا تفضلوا يابه تفضلوا ... ستريحوا
دخلنا شفته رجال جبير بالعمر أكبر من جدي موسى يطلع عمره بال ٧٠سنة وفوك شعر راسه شيب ابيض بالكامل والحيته طويلة وشوارب خفيفة
كعدنا صرت بنص عمي فواز وابنه بارق فتح ويا عمي الموضوع وسولفله على سالفتي
ولمس لبي أبتسم وگال
السيد- ان شاءالله ماكو شي كوم ابني ناوشني
القرآن الكريم خل استخارة
كام بارق راح بتجاه مكتبه مصنوعة من طين ثلاث رفوف جانت سحب القرآن الكريم وجابه للسيد أخذه وصاحلي تعال وليدي اكعد كدامي
كمت كعدت كدامه خايف ومرعوب قلبي صارت بي وغزات مثل وغزات الإبر فتح القرآن الكريم بيد وحده واليد الثانية على كصتي وگال سد عيونك
وانطيني اسمك واسم امك "
سديت عيوني وگالتله"
فرقد ابن حنان
السيد_لتفتح عيونك إلا انه اگلك ماشي وليدي
هجرس _ماشي سيد
مادامني مغمض عيوني وانه اتخيل مشاهد كدام عيوني صرت أشوف من جان عمري ٨ سنوات من شفت هجرس لأول مرة وعلى شكله الحقيقي
ومرة شفته كدامي واكف ويباوعلي بتركيز وشفت من أخذت قطعة الأثرية لمصنوعة من فخار وأشياء غريبة رجال جبير يبجي بنية مكابلته و تبجي
مره جبيرة بالعمر راكعة كدام هذا الرجال وتوسل بي بنية ثانية تتعارك ويا هو بحركة اعصاب يضربها وتفقد الوعي هواي أشياء كمت اتخيل
ماتحملت فتحت
عيوني بألم صار برأسي والصدمه لي شفت ظل أسود وره ظهر السيد صار ماحجيت بس فتح عيونه
السيد أختفى الظل من وره ظهره "
_عوذ بالله من الشيطان الرجيم بسم الله الرحمن الرحيم.. أللهم صل على محمد وآل محمد...
صل على محمد وليدي
صليت على محمد "
أللهم صل على محمد وآل محمد
فواز _بشر سيد ؟
السيد _راح احجي كدام الولد كلشي
فواز _ اي احجي سيد نسمعك
السيد _قبل كلشي خل اسويله حجاب لأن
الدنيا بلشت تظلم كوم بارق جيبلي
الصندوق ليمك
كام بارق _ماشي
جابله الصندوق وكعد يفتح بي ....طلع خيط وگالي كوم وليدي كمت قاس الخيط وي طولي وقص بالمقص خيط بطولي رجع كعد بالكاع
طلع ورقة طويلة
هم قاسها وي طولي وگالي اكعد وليدي " كعدت كدامه صار يكتب بالزعفران وسألني عن مواليدي ١٩٩١/٧/١٣ صار يكتب طلاسم ماعرف
شنو واسمي واسم أمي
ومواليدي ماسألت ولا قاطعت خليته كمل ولف الحجاب بالخيط وخلاه بحجاب على شكل كلادة وگال "هاك لبسه ولا تنزعه أبد بس
وكت ماتسبح انزعه
علمود لا يتبلل بالماي ويخرب ... وراح اسويلك ورق مدة ثلاث أيام تحركهم وتتبخر بيهم وان شاء الله
تخلص من التابع العندك
اخذته منه لبسته كام يكتب بالاوراق
بيضة سألته " تابع شنو ؟
رفع أيده علمود لا قاطعة كمل الأوراق ورفع رأسه باوعلي وگال " عندك تابع وهذا التابع مو شلون ماجان تابع خطر كلش وملك من
ملوك الجن الكافر
صارله متابعك من عمرك ٨ سنوات ويحاول يدخل جسمك بس ماسمحت له الفرصة . جنت دائمآ تقرأ قرأن من تدخل الكاع وياك رجال
جبير بالعمر يقرأ عليك
وبفضله ماكدر يدخل جسمك والبارحة محاول يدخل جسمك بس ماكادر من سمع صوت القرآن من هذا الرجال الجبير هذا الرجال هو ملاكك الحارس .
هجرس_ هذا جدي
السيد _ربي يحفظه الك
فواز _ كملت سيد ؟
السيد _اي كملت بس يحتاج اقرأ
عليه ... تقدم لعندي
تقدمت لعنده خلى ايده على رأسي وصار يقرأ حسيت صابتني رعشة بكامل جسمي نفضت جسمي بقوة تعوذ الشيطان ورجع يكمل يقرأ
فوك ١٠ دقائق هو يقرأ عليًّ كمل اقراية وعلم عمي فواز شلون احرك الورقات وتبخر بيهم المغرب وي غروب الشمس صاحلي اكعد بصفه كعدت .
فواز _شطلع بالاستخارة ؟
السيد _ هذا الولد محروم من الاب والأم وباقيه حسرة بقلبه فراق امه وأبوه وهواي مأثر بي ... بس ان شاءالله مايدوم هذا الألم والحسرة
لبكلبه راح يتعوض
عن هذا الحرمان بأشخاص حواليه هسة...
فواز _اي صح ابوه وامه نفصلوا عن بعض
قبل أيام وهسه أبو راح يتزوج
محتمل مرت ابوه تعوضه
السيد _لا مو هي العوض يجي من مره جبيرة بالعمر ورجال جبير بالعمر عايشين ويا بنفس البيت هم
راح يعوضون وينسوا لصار ويا
فواز _ ابوي ربي يحفظه ونسوانه التلاثة
السيد _الوالد دائما مساندة الولد ويا ويا بكل خطوة وراه يصنع من رجال الكل تهابة وتتحسبله حساب وراح يصير بالمستقبل شخصية قوية بالدولة
وله منصب جبير بس راح يواجه هواي صعوبات بالحياة العاطفية للأسف راح يتعرض للخداع والخيانة والمكر من بنية جان
مخلي كل اماله بي وأشوف بكصته هالولد
اثنين نسوان يأخذهن عن حب ...
قاطعت كلامه "
سيد تريدني اصير مثل جدي موسى وأخذ
أثنين نسوان هههه
فواز_انت مو نسخته الثانية وابوك أخذ اثنين نسوان وهاي عدنا ورثة مال الرجال يأخذ أكثر من
مرة كمل سيد بعد شطلع وياك
هجرس_ كافي سيد لتحجي ماحب أعرف المستقبل خله على الله والله كريم هسة راح
اخلص من هجرس ؟
السيد_بإذن الله تعالى وبركاته تخلص
منه بس رجع لماخذه منه
هجرس_شماخذ منه ؟
السيد _تذكر شماخذ منه
هجرس_ماتذكر أخذت منه شيء ؟
السيد _بلي مأخذ قطعة أثرية قديمة ومصنوعة
من الفخار رجعها له
فواز_ والسيد لقبلك هم گال ماخذ منه شيء
هجرس_اي صح لكيتها بوقتها جنت اسگي
الكاع وي أبوي ومن هذاك اليوم هو
مطاردني ويكلي رجعها
السيد_رجعها الصبح واياني وياك تنزع الحجاب وماتلبسه مره ثانية ترى يرجع يتلبسك هو داير مادايرك يحوم ومثل ظلك صاير ويريد
فرصة يتلبسك بيها
فواز _ شيريد من الولد وليش
اختار فرقد من بين الكل ؟
السيد_فرقد مميز وبي طاقة روحانية عالية وتجذب الجن والشيطان لعنده وثاني سبب بي بذرة خباثة والجن الكافر من اخبث الجن ويحب يسوي خباثة
لذلك اختاره من بين الكل
هجرس _اسف عن المقاطعة سيد بس الفخارة بيها سر عن أسرار هجرس تعرف هذا السر ؟
السيد _ ماعرف بس تراوالي شكلها مربع وبيها طلاسم وجن مربوط وي بنية بسلسلة حديدية
ونار مشتعلة صح كلامي؟
انصدمت من كلامه كلامه كله صح "
زين سيد الجني مالتك اللي يسرقلك أخبار من السماء ويوصلها الك عني كافر لو مسلم؟
السيد _أعوذ بالله شنو هالكلام وليدي شنو جن انه عندي إشارة من رب العالمين وبركات الله واجدادي اعرف المستقبل وعالج المرضى لمثل حالتك
فواز _فرقد شنو هالكلام عيب عليك
لمحت ظل أسود بالحايط وره السيد من جان يقرأ عليه وتأكدت حاكم جن وينقله أخبار عني بعد مايسرق الأخبار من السماء مثل مگال جدي لا جن ولا ساحر ولاسيد ولاشيخ يعرف بعلم الغيب
هجرس _ قال تعالى قل لايعلم من في السماوات والأرض الغيب إلا الله .شلون أنت جاي تتنبأ بالمستقبل حرام عليك تكشف المستقبل
وأنت ماتعرفه من أساسه
الشيخ _ اي صح وليدي بس علم الغيب عند الله وحده لكن يطلع من يشاء من عباده وانه عندي شارة من الله اطلع على الغيب
هجرس_استغفرالله
السيد_مجابرك تصدك
فواز _فرقد كافي عيب عليك الرجال جاي يساعدك
أبتسمت وقتربت من السيد وشاورته " الجني
مالتك جان وراك من جنت تقرأ عليًّ خوش يسرقلك
أخبار من الملائكة هههه
هز رأسه وگال "
استغفر الله العظيم واتوب إليه ... بعد عني وليدي
عدكم شيء ثاني لو ترحون ؟
بعدت عنه اضحك گاله عمي فواز "
والله عندي اريدك تستخارلي
ماحبيت أبقى لأن بس أبقى عنده راح افسخه تفسخ واطلع كل جذبه حاكم جن مثل مگال جدي خليت و طلعت بره بقيت أفكر بكلامه جان كله
صح عن ماضي وجدي گال بمساعدة الشيطان وقرينك يطلع على ماضيك ويكشفه الك
وهيج راح تصدك بي أنت وتامن بي
ويدز الجن مالته إلى السماء ويسنط على الملائكة ويسرق أخبار عنك قليله والشيخ أو السيد يدمج وياهن من الجذب وينطيهن الك وهيج راح تصدك بي
ومو كل كلامهم صدك وإذا صدكت بيهم كفرت وصرت كافر وطلعت عن دين الإسلام انا ماصدك بيهم بس أدري بنفسي وراي جني لأن
أحس بي وكل همي
من زيارتهم أخلص منه ...
طلع بارق يضحك وگال "
وهاي خلصت من هجرس
_وين الخلاص منه حجاب مسويلي بس انزعه يرجع هذا مو حل انه علاجي كله يم علي ابو الحسن (ع) بس الزم شباكه هناك راح ينهد هجرس من صدك واكول اي خلصت منه .
_ان شاءالله بس تهدء الأوضاع نوديك زيارة
_ان شاءالله صدك بارق ماگلتلك السيد
حاكم جن وكل كلامه جذب
_شنو هالكلام فرقد اكعد راحة لا يشور بيك
_علمود هجرس يسحله هو والجني مالته هههههه
_فرقد شبيك تخبلت
_ والقرآن الكريم السيد حاكم جن من جان
يقرأ عليًّ وفتحت عيوني فجأة شفت
ظل أسود ورا واكف
_متأكد؟
_اي متأكد ماتشوف فز من فتحت عيوني جان يريد ينطي إشارة للجن يختفي يلا افتح عيوني
سبقته خطية ههههه
_أحنه موجنه نباوع لك ماشفنه شيء ؟
_انه شفت
_ فرقد جاي تتخيل
_لا عزيزي ماتخيل شفته ظل أسود
بالحايط وره ظهره
_هذا كله تأثير هجرس
_شدعي عليك جدي من سميتني هجرس وخليت هجرس يركض وراي مثل الچلب
من مكان لمكان
_ جدي راد الكل تهابك من اسمك مثل مايهابون هجرس وفعلا راح الكل تهابك وتحسبلك ألف حساب بس مقهور على البنية ههههههههه
_يابنية ؟
_هههه السيد گال بنية راح تعاندك
وانت راح تسحلها هههه
_ هذا السيد خل يجرله كرسي ويكعد بصف ربي العالمين ويصير يكتب بكيفه استغفر الله
العظيم خلاني اكفر انوب
_هههه شبيك فرقد تعصبت
_ويني وين أثنين نسوان صدك جذب اتزوج أثنين نسوان ولك جذاب و كلامه نصه بالعدل جذب في جذب وحرام عليك تصدك بي
_اي هههههه
_دولي
_بالقرأن كلامه مضبوط گالي تحب بنية وراح ينطونها لك بسرعة وهي هم تحبك وانطاني مواصفاتها كلها صدمني
هجرس_الصدمة مو بي الصدمة بل جني مالته خوش جن ومعدل بسرعة يسرقله معلومات مال نحكم هجرس بأسمي ونصير مثل هذا السيد ههههه
بارق_اعوذ بالله تريد تحكم هجرس ؟
هجرس_ إذا ماخلصت منه راح احكمه واجره وراي مثل الچلب واصير سحار اكشر واسوي سحورة
القسمة وربعها ههههه
بارق_ههههه خررر... بيك موتتني من الضحك
بقيت أضحك ويا صار المغرب وماكو حس الهجرس طلع عمي يضحك مبين استخارته زينة رجعنا بالليل عدل للمستشفى شفت جدي كاعد فوك
السرير كلشي مابي بس معلكيله مغذي وكعد يحجيله عمي فواز على الاستخارة انصدمت من گاله استخارتي بقيت بس ابلع ريجي واگول
لا مستحيل يصير
هيج بي لا مستحيل رجع گال "
وائل ماتصيرله خلفه غير فرقد بعد فرقد
بذرته الأولى والأخيرة '
هنا فرحت كلش وخليت رجلي على رجل وكلت "
اللهم أمين يارب العالمين
جدي_ ولك هجيرس ماتريد خوان الك ؟
هجرس_انه الأول والأخير ماحب احد يجي ويأخذ مكان ماجنت بي من أساس
بارق_ماتريد اخ لو اخت تأخذ حنان ابوك لماخذته؟
هجرس_بالضبط
فواز _ حقك والله
جدي _ وإذا اجه واخذ مكانك شسوي
بدون وعي وگلتله "
ادفنه هو وأبوي وأمه وكعد فوك قبورهم اغني
ثلثين الطك لأهل ديالى
جدي _شوفله سيد ثاني هجرس بعده راكب راسه
ثاني يوم طلع جدي موسى من المستشفى وبنفس اليوم أخذني عمي ورجعت الفخارة الكاع هجرس وصحت بي "هاي امانتك رجعتها عوفني
بحالي هجرس
رجعت وي عمي وراها أبوي تزوج شهرين ..... وتلاث وأربع وماكو حبالة أبوي تخبل وتعارك وياها أريد خلفة وأريد خلفة جدي موسى تعارك
ويا وگاله بعدها عروس
انتظر سنة سنتين تخلف المرة عاد صبر ابوي وأنتظر هم ماكو ودوها للدكتورة مابيها شيء المره وبيها خلفة گالوا لابوي أنت سوي تحليل محتمل مابيك
بحركة أعصاب جرني من تيشيرتي جنت كاعد اقرأ بأمان الله وصاح "هذا شنو لعد
هجرس_ كاعدين بأمان الله تجرجرون بي
دعوفني يابة خل اكمل دروسي
ابوي_ صعد فوك كمل دروسك مو بنص الهوسة
هجرس_هنا أحسن
جدي موسى طالع شلون اطلع واعوف الأحداث بقيت اقرأ واسمع صاحت قسمة " محتمل بيك بذرة وحدة خلفتها وخلصت خلفتك
هجرس حبيت أخبث عليها هي واختها بدون مارفع رأسي من الكتاب كلت " شايفين أبوي مابي فايدة ياحسافة أبوي اخذ اختج محتمل اختج مابيها
خلفة وجذبتوا على أبوي
انه كلت هيج لو أبوي كام بطوله يصيح وشال الطبلة ركعها بالكاع تكسرت رافعت رأسي من فوك الكتاب واباوع مستمتع بالمشاهدة الحلوة
كامت مرته تصيح "
هجيرس الملعون المسكون تحرض ابوك
عليًّ انه اعلمك ابو الشياطين
هجرس_ هسه صارت كلمة الحق باطلة
ابوي_تعلمين من ولج لسانج طولان ويحتاجله كص
مرت ابوي_ الزم حدك ماطالعة من فطر كاع وتهدد وتحجي بكيفك عندي زلم تشكك نصين
هجرس _ ماعاش ليشك ابوي نصين وانه موجود كل زلم تقترب صوب ابوي احفر اقبورها جوه
رجليه افتهمتي صبيحة
قسمة_هسه صار أبوك منو لتعارك ويا قبل ايام منووو يالمسكون ابو الشياطين
هجرس_ شلون تريدني اكوملها واسويها
المسكون ابو الشياطين
ابوي_قسمة انجبي
قسمة_شنو انجب وابنك المسكون يحجي بكيفه
بحركة اعصاب جريت سلاحية الماي وركعتها براس قسمة انه وكاعد صاحت صبيحة مرت ابوي_الله لاينطيك الله لايوفقك المسكون ابو
الشياطين هاي سويت
جريت خلك الها وكمت كتلتها ....أبوي يجر بي ولد عمامي طلعوا يجرون بي بشفعات ياعلي يلا عفتها نفشت شعرها نفش طيحت حظها كل هذا ماكفاني
اريد ارجع اكتلها هي واختها قسمة صحت بين ايدينهم "بالقرأن لتجيب طاري أبوي بكلمة وحدة احفر قبرها بيدي ادبسزيات مجلوبات وضالات
شفتن جدي موسى ونسوانه ماكو انجلبتن
قسمة_اااااه انه اعلمك ابو الشياطين
عافوني رحت لغرفة جدي شوي وسمعت اعياط وصياح عمي جدوع اجه هو ولده وتعاركوا وي ابوي بحركة اعصاب جريت سلاح جدي وطلعت
من عتبه الباب
شفت عمي جدوع يجر بابوي يريد يضربه سحبت أقسام بسرعة وصحت " جدوع هد ابوي لو اسوي
طشاركم ماله والي هدد ابوي
جدوع _ترفع سلاح بوجهنا هجررررس
هجرس _واطشركم هم هد ابوي آخر كلام عندي هده
ضرب ابوي بوكس بنص وجه بدون وعي مني رفعت السلاح فوك ورميت ثلاث طلقات خليتهم كلها تنام بالكاع من نسوان الزلم وصحت " بالقرأن اكتل الكل سفلة انذال خليتوا جدي يطلع وهجمتوا
على أبوي المسكين
على صوت الرمي أجوي عمامي ولدهم كلها صحت من الباب " اخذوا جدوع الچلب وأولاده ومرته قسيمة وصبيحة مرت ابوي لو اكتلكم
كلكم اكتلكم بالقرأن اكتلكم
عمي فواز _ هاي شكو شصاير ؟
عمي سالم _هدي هجرس ونزل السلاح خل نفتهم السالفة نزل سلاحك عمي نزله
جدوم نايم بالكاع ويصيح "
ولكم هل مسكون راح يجتلنه خلصونه مننننه
هجرس _اكتلك واركص فوك قبرك ياكلب تفووو شفت أبوي ماعنده احد واجيت أنت وجلابت تهجم عليه مو عبالك محد يطلع وراه
بالقرأن اكتلكم كلكم اخذوههههم
قترب لعندي عمي فواز " نزل سلاحك عمي
هجرس_ بعد عمي عني ترى واصله لهنا
كلت كلامي واشرت على .... خشمي لان صدك وصلت روحي لخشمي من وراهم شوي هديت وأخذ السلاح مني عمي فواز ودخلني لغرفة
جدي وقفل الباب
اسمع بيهم صاروا ملخ واسمع قسمة تگول " اريد أخذ حقي من المسكون ابو الشياطين ضربني وكتل أختي منو منكم يقبل ننضرب
عمي سالم _انه اعرف هجرس مايسوي شيء إذا ماواحد يرفس بطنه احجن سويتن ؟
ماتحملت قتربت من يم الباب وكلت بصياح "
يغلطن عليًّ وعلى أبوي بكيفهن وشلون تريدني اسكت گللها خل تلطم قسيمة لو اكسر الباب واطلعلها واسوي بيها سواية محد مسويها بالقرررررررران
صاحت قسيمة _عندي زلم تشركك بالنص
هجرس_ أنتِ وزلمج اخليكم خدم لي بس
اطلعلج من جوه الكاع
جدوع _ولك هذا مسكون من هجرس مو صاحي أخذوا ودوا للشماعية وخلصونه
منه لا يكتل الكل
صبيحة _ حسبي الله ونعم الوكيل بيك هجرس
هجرس_ صبيحة عدي ايامج قربت على الخلاص
صبيحة_سمعتوا يريد يكتلني ولكم طلعوا هذا المسكون من البيت لا يكتلنه طلعووووا
صارت بلبله بالبيت بعدت عن الباب كعدت فوك الجرباية افرك برأسي وانظاري على الباب سمعت عمي جدوع گال "
جدوع - بس يجي ابوي اتفاهم ويا وخل
يطلعه من البيت ويودي للشماعية
صحت بي بعلوا صوتي "
جدوووووووووووووع
اريده يلطم مايلطم لاهو ولا مرته قسيمة .....وصبيحة مرت أبوي وأبوي واحدة كدام قوم كامل يكرهه بس عمي فواز ويانه طابك .
ضحكت من تدخلت خيرية وگالت "
هي ياهي منجن خيرة أنتِ قسمية لو اختج الزركة صبيحة باليات الولد بلية المسكون ويلمسكون اريد شبي جنه شمامة يخبل أنتن المخابيل أنتن المسكونات امهات
الخياطين اعوذ بالله منجن
قسمة_انتِ ام السحورة بل دواشك
خيرية_ سوينه سحورة ايام زمان بس مو هسة يم الخياطة نسوي سحورة بحجه نخيط هدوم
من هنا كبت العيطة ونفتح باب ثاني....يسون سحورة يم الخياطة حبيت أخبث قتربت يم الباب وصحت بجدوع الچلب " قبل أيام سمعت صبيحة
تگول القسمة سوي سحر لجدوع الچلب يم الخياطة ام حسين بلكت يصير مطيع وفي مثل المطي
نسوكة هههههههه
جدوع _فتحولي الباب خل املص ركبته ... واخر فواز وخر انطينيا فواززز وخررر
هجرس_ماتصدك ادري روح دز واحد من ولدك عليها وگله خل يجيب الأمانة لامي عايفتها
يمج وشوف شتنطي
أختفى الصوت فجأة كبت العيطة من گال جدوع"
بارق روح لبيت الخياطة ام حسين وگللها عمتي قسمة وصبيحة دزوني عليج علمود استلم الأمانة
قسمة_تصدك بهجرس وتتهمني بالسحر والشعوذة
جدوع _إذا طلع صدك ماتبقين بالبيت لا أنتِ ولا
اختج روح بارق شتنتظر
كلام منهم وكلام من أبوي متحلف بمرته صبيحة بقيت اباوع للساعة وانتظر جدوع يكتل مرته ويدزها لبيت أهلها جنت متأكد من كلامي راح
تدز السحر ويا
شيء بداخلي يگلي مرت ابوك راح تطلق بس قسمة لا سنة ونص يلت نرجع للبيت وتجر عدل وياك بس تبقى كاتمة حقدها بداخلها عليك .
مديت أيدي على ركبتي تفاجأت ماكو الحجاب كمت نزعت التيشيرت ادور الحجاب ماكو متت من الخوف بس لا رجع هجرس لي وخلاني أفقد اعصابي
الحجاب وين راااااح " بقيت اصيح مثل المخبل على عمي فواز ودك بالباب " الحجاب ماكو عمي هجرس راح يرجع لي عمي افتح الحجاب ماكوووو
عميييي افتحححححح .
صاح بي _وين راح الحجاب ؟
بدون وعي گلتله " قسمة حركته هي وصبيحة علمود يرجع هجرس لي وتطلعوني خارج البيت ...
افتحلي عمي افتحلي
فواز_شمدريك ؟
هجرس_ يمي بالغرفة صار عمي ساعدني
فواز_الله لاينطيجن الله لايوفقجن ان شاءالله بيش طالبات الولد بيش حنونه جيبي المسجل وعلكي القرآن بسرعة على سورة البقرة .
حسيت بي صار يمي وبالغرفة يدور بصفي تخبلت بالزايد وصرت اصيح مثل المخبل سل دم سل اصيح كعدت يم الباب واضرب بي بخفه وردد كلمات
" سل دم سل دم سل دم سل دم سل دم ....
بقيت اردد هالكلمات أبوي صاح بفواز "
شبي شنو سل شنو دم ؟
فواز_رجعله هجرس الله لاينطيجن الصحة والعافية
ابوي_افتح الباب خل اشوفه
فواز_خطر على الكل و الدنيا مغرب صارت وهاي لحظة ضعف الانسان ولحظة دخول الجن اللإنسان وهسه دخل بي عوفه وره أذان وندخل نشوفه
ابوي_سوه شيء بروحه ؟
فواز_ماياذي نفسه بس يأذي العالم
المقابيله عوفه وائل
ابوي_ابني الوحيد لماعندي غيره محبوس وي جن شلون تريدني اهدي ولك وخر اخل اطلعه
اودي للسيد
فواز_مايفيد بعد دخل بي وجن انتن
شنو من نسوان شنوو
ضربت الباب بقوة وصحت "
صبيحة عدها خرز تخلي بالأكل علمود الكل تحبها وقسمة مسويه سحر طاعة لجدوع ودافنته له
جوه جدع النخله وره غرفتها
جدوع _جاي تخربط هجرس؟
صرت اضحك بصوت عالي وشفت هجرس بشكله القبيح كدامي واكف ويباوعلي عيوني انترسوا دموع ضحك وبجي بنفس للحظة تقدم ناحيتي
خفت أكثر وصرت اضرب بالباب بقوة واصيح على ابوي وابجي" يابة يابة افتح الباب يابة افتح الباب
اجاني يابة اجاني يااااااابة
صرخت كلمة يابة بكل ألم حسيت كهرباء وفاتت بنص جسمي جسمي انشل بالكامل كطعت الكلام بس ارجف شلون جسم ثاني يصارع وي جسمي صار
وكلشي ماسمع ولا اشوف وغبت عن الوعي "
وراها حسيت اصوات بصفي مافهمت شيء فتحت عيوني لكيت نفسي مقيد بسلاسل حديدية فوك قبر وكدامي هجرس واكف وبصفه بنية
جميلة الشكل لابسة فستان ابيض بردان اطوال ولابسة ذهب وتاج ذهب فوك راسها مرصع بشذر أحمر وشايله باثنين ايديها كاس ابيض شفاف
تقدمت ناحيتي بقيت اشيل وادك بروحي أريد اخلص نفسي من القيود ماكدرت كعدت بصفي من جهة اليسار نزلت الكاس بصفها فوك
الكبر لانه مقيد بي
وطلعت خنجر أسود رادت تغرزه بصدري مكان قلبي وكفت على صوت قرأن كريم كدرت أسمع أول كلمات من الآية
( الله لا إله إلا هو الحي القيوم لا تأخذه سنة ولا نوم) ....
صرخت بصوت عالي وكعت للكاع وهجرس كذلك أختفى القيود انفتحت تلقائي نفسها وصوت القرآن الكريم صار عالي فزيت مرعوبة وخايف
سمعت صوت جدي موسى "
بسم الله الرحمن الرحيم اللهم صل على محمد وآل محمد
عيوني كلها دموع حضنت جدي كل قوتي وگلتله "
جدي يردون يخلصون مني
جدي _اخلص عليهن علمود جدي
بقيت احضن بي وابجي يريد يبعدني عنه ماريد اهده اريد أبقى لازك بي هو أماني وخلاصي من الجن هجرس بعدت عنه شفت رجال صغير بالعمر
سألت گالي جدي هذا شيخ روحاني راح يخلصك من هجرس صار يقرأ عليًّ وسوالي أكثر من حجاب واحد أشده بزندي مدة شهر كامل والثاني
بركبتي ابقى شايله
طول عمري والبقية انكعهم واشرب واسبح بيهم مدة شهر كامل وگال الجدي هذا الجن عنيد ومعند على فرقد يريده بس يلكه فرصة يرجع له
وإذا يبقى بي يومين أو ثلاثة صعب نطلعه منه لذلك الحجاب الحجاب ماريده ينزع أبد وسويته الك ضد الماي ماراح يوصله ماي حتلوه تسبح بنص
نهر يبقى محفوظ وان شاء الله الشفاء العاجل
يارب باس كصتي وابتسم بوجهي
راد يمشي لزمت أيده
هجرس_ ويا بنية رادت تطلع قلبي وتخلي بكلاص
رجع باوعلي مستغرب "
شنو وين شفت هذا الشيء ؟
_مو جنت غايب عن الوعي هم استغلوا الفرصة رادت تطلع قلبي بس سمعت صوت القرآن الكريم
شردت هي ويا
الشيخ _ حجي الكاع شنو سالفتها ؟
جدي _والله مادري بس لدري بي الكاع مسكونة صارلها سنوات طويلة و قصتها بين
كل مالك لهاي الكاع بيها جن
الشيخ _الكاع بيها لغز وديني للكاع حجي
جدي _لا يروح يسوي بيك شيء
الشيخ _ مايجي على ياهو الجان هذا الجن ذكي ويختار الزين الزين وبي طاقة عالية من الروحانية وإذا گتلك حفيدك بي طاقة روحانية أكثر
مني ماراح تصدك
جدي _وشنو سالفة الطاقة الروحانية
والله خبلتوني بيها ؟
الشيخ _تدل على القوة هذا الشخص ويكدر يتواصل وي العالم السفلي من خلال الطاقة لبي ويكدر يفتح بوابات زمنية من خلال الاستعانة بالجن وأعوذ بالله
جدي _بوابات زمنية شنو ترى كلشي
مجاي افتهم عليك ؟
الشيخ _ماراح تفهم لأن ماتعرف بهذا الشيء اريد اروح للكاع هجرس واريد فرقد وياي يروح
جدي _ان شاءالله الصبح اخذك للكاع أنت وفرقد
الشيخ _ان شاءالله هسه لازم ابات يم
الولد واحمي أخاف يرجع
جدي _أنت موسويتله حجاب شلون تگول يرجع بس لا تضحك عليًّ أنت الثاني هم ؟
الشيخ _ قصدي يوسوس بعقل واحد ويجي ينزع الحجاب من الولد راقبوا الولد زين ترى مايجوز منه بهاي السهولة وراح يوسوس بعقول الكل
علمود ينزع الحجاب
جدي _فهمت عليك .. فرقد جوعان خل
يجيب لك العشة تتعشى؟
نمت على ظهري جنت موجوع كل جسمي يوجعني "
ماريد اريد انام ...تعال نام يمي جدي
جدي _عندي جم شغلة اكضيها وارجع أنام وياك هسة الشيخ وياك وشيصير وياك كله
هجرس_اي بسرعة تعال
طلع جدي بقى كاعد وياي الشيخ ويسأل عن الكاع ويسأل عن احلامي وگلتله دائماً يجيب طاري بنية اسمها سل واليوم شفت ويا بنية حلوة ..
الشيخ _ سل منو ؟
هجرس _ماعرف ؟
الشيخ _عدكم بالعائلة بنية اسمها سل ؟
هجرس_لا
الشيخ _أيام قبل بسلالة العائلة ؟
هجرس_هم ماعدنا
الشيخ_ماشي ارتاح
نمت ماحسيت على روحي ... إلا الصبح أبوي يمي عمي فواز وعمي سالم بارق تريكت وي جدي وطلعنا الكاع هجرس نزل الشيخ يباوع ويقرأ كلام
راح لنص الكاع بمركز هجرس بالضبط دائماً يوكف هناك تذكرت بالحلم رابنطي على قبر بنفس
المكان بالضبط والبنية ويا
اشرلي اجي لعنده رحت لعنده وكفت
بصفه گالي " هنا ربطك ؟
هجرس_اي
الشيخ _ على شنو جنت مربوط ؟
هجرس_قبر
الشيخ _ هاا زين
اجوي عمامي وجدي وابوي كعد الشيخ بالكاع رش ملح وحرمل وصار يقرأ نباوعله مستغربين تذكرت شمرت الفخارة بفلان مكان رحت للمكان مالكيتها ؟
استغربت وين راحت انه هنا شمرتها بالضبط !؟
صاحلي الشيخ "
تعال فرقد تعال
رحت يم الشيخ اشر على المكان وگال "
هاي الكاع أصلها مقبرة عدكم
علم بهذا الشيء
جدي _اي عندي علم
الشيخ _ لعد شلون تزرعونها ؟
جدي _عيشتنا على الله وهاي الكاع
الشيخ _ هذا مو عذر حجي سيجوا الكاع بلاخص هذا المركز لان بي قبر وهذا القبر يخص هجرس وبي أسراره ومايحب أحد يقترب له
جدي _هي الكاع كلها قبور ...
الشيخ _ادري كلها قبور وحتى الكيعان هذيج مقبرة أصلها بس هذا المكان مركز هجرس وبي أسرار والله يعلم شنو حاوطوا وابعدوا عنه ولا تخلون
أحد يقترب وبالأخص فرقد ابعدوا عن الكاع شكد ماجاكم ولا تخلوا يقترب مفهوم
فواز _مفهوم شيخ هسة شسوي
الشيخ _راح ارسملكم دائرة وأنتو سوو سياج وتعتبر
حدود أرض هجرس
هجرس _ سل منو ماعرفت ؟
الشيخ _ماعرف منو وصعب أعرف وأصلا لتخلي
بالك يم سل وهجرس وانساهم
هجرس _ ماشي
جنت هادئ كلش واباوع للمكان بالملح الخشن حاوط القبر وحاوط مساحة جبير بال ١٢ متر من الكاع گال هاي حدود أرض هجرس لهنا تنتهي أرضه
سيجوها بسياج والله... ماگالوا باطل جابوا سيم وحاوطوا الكاع طلعنا من الكاع تخيلي سل البنية
وي هجرس واكفه وتباوعلي وتضحك
رجعت سديت عيوني
وفتحتهم ماكو يمكن صدك جاي اتخيل مالتفتت وره ظهري بعد عفتهم يسيجون بالمكان وطلعت وي ابوي وجدي والشيخ للمضيف راح الشيخ وسألت جدي
عن قسمة وصبيحة گال صبيحة ابوك راح يطلكها موخوش ادمية طلعت وبس تغلط وتجاوز عليك وعلى ابوك وطلعت معلمة قسمة على السحورة
وقسمة كتلها عمك جدوع وانه هم كتلتهن موتتهن من الكتل من سمعت شمسويات بيك وحاركات الحجاب ومخلياتكم ناس تاكل ناس
وهسه عمك جدوع
راح يتزوج على قسمة ومارجعها له سنة ونص واحلف يمين ماترجع إلا اكسر خشمها واعلمها شلون تسوي سحورة وتحجي عليك .
وسووها صدك أبوي طلك مرته صبيحة وعمي جدوع خطب وحدة عمرها ٢٠ سنة بعدها صغيرة وحلوة تكتل كتل خربت من الضحك حنونه اجت لعندي
للغرفة تبجي اريد أمي كعدت اضحك عليها "
لعد انه مو عافتني أمي
_أنت قوي انه لا اريد أمي فرقد اريد أمي
_منين اجيبلج امج
_روح احجي وي جدي موسى وكله خل ترجع
_على كص ركبتي اكله خليها تتعلم وتتأدب نسيتي شسوت بي حركت حجابي علمود يرجع هجرس لي وسوت سحر لابوج ولجدي
_كله بسبب خالتي صبوحة
_وهي مابراسها عقل
_مشت وره كلام أختها فرقد اريدها مشتاقتلها
_انسيها هسه تجي امج الجديدة
بعدها بالباكيت ههههه
_فرقد كافي
صارت تبجي ياربي نكلبوا خدودها طماطية حمرة وانوب هي سمينة وسمرة صارت تموت ماتحملت
حضنتها انه وكاعد
_لتبجين انه اصيرلج ام
_ماتكدر اريدها
_سودة عليًّ حنونتي لتبجين والله
ماتحمل اشوفج تبجين
_ لعد.رجع أمي
_مابقى شيء وترجع يلا كافي امسحي دموعج
بعدت عنها بس تبجي و تشهك ... مسحت دموعها بصابعي وبستها بخدودها الاثنين _ يلا كافي وكومي روحي نامي هسة اهلج يستفقدونج يلا كومي
_انام يمك
_لاا مايصير
_ليش ؟
_مايصير انه رجال وأنتِ بنية مايصير نام بغرفة وحدة عود من نكبر نتزوج نام عادي
هسة لا موعادي
_قابل راح تأذيني
_اذي روحي وماذيج
_بعد شكو
_الشيطان ملعون وانه أحبج أخاف منا منا تطلع مني شغله محلوة وتكرهج بي .. يلا كومي روحي
_تعال خل ابوسك لعد
مديت خدي الها باستني بوسة ام الطكة"
امممممح أحبك
_اويلي يابة شالت خدي شيل ههههه
_هاي ام الطكة ههههه
_اروح فدوة لام الطكة انه
_ههههه شكد تحبني
_احبج بكد هذا الكون كله وأنتِ احسبيها بعد
_الكون جبير وماينعد ؟
_خلص لعد حبي جبير وماينعد يلا كومي بسرعة
_جاي تطردني
_لاوالله بس يشوفوج اخوانج هنا يذبحونج وهم
منا مايحبوني وانه احبج وماريدلج
المشاكل
_كايمة
كامت وطلعت بسرعة سديت الباب علكت قرأن كريم سورة البقرة وعفت الضوه مفتوح ونمت على ظهري مرت الأيام وصرت هواي التقي بحنونه
بعد ماامها ولت وعمي ....تزوج بنية صغيرة وحلوة وكلش طيوبة ويه جهاله وأبوي حالته حاله ماعرف شبي اليوم رحت يمه سألته شبيك
_أمك تزوجت
طلقة وفاتت بنص صدري "
ناخي الله واهل البيت(ع) عليها ان شاءالله ترجع لأهلها مذلولة مكسورة مثل ماذلتني وكسرتني
وعافتني بحسرتها
_هم شايل بقلبك عليًّ
_شايل مو ماشايل بس انت ماسويت مثلها وعفتني بقيت وياي إذا صلحت اخطائك محتمل أسامحك واصيرلك سند وتصيرلي سند واحد
يستند على الثاني
بهاي الحياة
جرني لعنده وحضني قوي وگال "
والله موبيدي جنت موبوعيي من اضربك واهينك عبالك احد يوزني عليك سامحني وليدي
بادلته الحضن دمعة وحدة مانزلت مني ابتسمت
بمكر وكلتله " أسامحك بس بشرط
بعد عني ويباوعلي "
شنو شرطك ؟
_تزوج عمه مرت عمي جدوع
_ تريدني اتزوج؟
_اي عمتها عمرها ٣٦ سنة مطلقة ورجلها ماخذ الأطفال من عدها تزوجها يابة علمودي
_شلك بيها
_ انه اريد ام
ابتسم وگال _
أخاف تطلع مثل صبوحة حية
وترشك سم هنا وهناك
_لا هاي طيوبة وانه اعرف الطيب من الخبيث
اريدها يابة اريدها كوم خل نروح
نگل لجدي يخطبها لك
ماقتنع بقيت اقنع بي وگلتله سوي تحليل وشوف بيك خلفة لو لا عصب مني وگلتله بيني وبينك محد يدري عاد قنع والعصر رحنا للدكتور سوه تحاليل
والصدمة لابوي مابي .... خلفة وخلفته صفر تخبل وبقى يباوعلي بشك طلعنا بره جرني من قميصي قوي "مابي خلفة شلون خلفتك
ابتسمت وگلتله _خلفتك انه يابة بس ...
_بس شنو احجي ؟
_ جانوا ينطونك عشبة على أساس تنزل
الرمل بالكلى وهي تيبس الخلفة
عند الرجال والمره
_شتحجي أنت؟
عافني وطلعنا بره صعدنا بالسيارة حرك السيارة وگالي " يلا احجي كلشي ؟
_عمي جدوع وعمي جاسم مو جابولك عشبة
وره مانولدت انه بأيام قليلة ؟
_اي
_وگالولك هاي تنزل كل الرمل بالكلى وتوخر التهابات
_اي گالولي
_ضحكوا عليك انطوك عشبة تيبس
خافتك علمود.ماتخلف بعد
_منو گالك انت؟
_ سمعت عمي جدوع بالصدفة يگل لعمي جاسم اريد من العشبة لانطيناها الوائل انطي منها لمرتي
الجديدة ماريدها تخلف
_لاااا يل جللللب انا اعلمهم انذال حقراء ....
بهذلك الوقت صارت حرب بين عمامي وجدي عرف طرد عمي جدوع من البيت وگاله لا اعرفك ولا تعرفني بعد على السويته باخوك
وأبوي ماتزوج بعد وسمعنا أمي ... حامل اثنينه كتلنه القهر الليل صرت ماانامه من القهر والحزن امي راح تجيب طفل وتربي وتنطي الحب والحنان
والدلال لحرمتني منه "
نجحت من السادس بمعدل ٧٨ ودخلت كلية الشرطة وجدي زوج ولده الصغار وطلعهم بيت الواحدهم وقسم الكاع وانطه كل شخص ٢٠ دونم
وانه انطلني ٣٠ دونم وابوي ٢٠ دونم فضلني على على أولاده حتى جدوع وجاسم النذال انطاهم من الكاع وكل شخص يدبر عيشته بنفسه
ماعليه بي انه بعد .
وامي جابت بنية وراها حبلت بسرعة هم جابت ولد وابوي كتله القهر أمي تزوجت وخلفت وهو ماكو خلفة راجع شكد دكاترة ودز تقاريرة
للخارج ماكو خلفة
خلفته صفر صايرة " ومرت عمي جدوع الصغيرة جابتله ثنين بنات وهسه حامل وهم بنية بيها وهو متخبل مايريد خلفه يريد بس يتونس وياها
وقسمة رجعت وياهم وكل يوم تتعارك وياها عاد عزل لها بيت الواحدها هي وبناتها وابنه الجبير زوجه مارحنا للعرس لان جدي متبري منهم هو وجاسم
هم ماخلف صارلة سنتين .... وماكو خلفة أبوي مشمت بي ويگول هاي حوبتي الله عاقبه بابنه ماكو خلفة وانه كل هاي السنوات المرت التقي بحنونه
بالسر بالبستان بس ....لهاي لحظة ماخاطي وياها تجاوز علاقتي وياها حلوة وخالية من أي شيء
موحلوة وغير أخلاقي .
المهم مرت السنوات واجه يوم تخرجي من الكلية الشرطة جدي متعارك وي أبوي علمود يلبسني الرتبة وانه كاعد وكاتم ضحكتي كدامي ربعي يضحكون
جدي _محد يلبسه غيري الرتبة انطيني وائل
وائل _وحدة أنت وحدة انه يابة
جدي _ماكو انه لبسه بالجتفين وخر عني
لو طيحلك حظك وخر
وائل _هههه بكيفك يابة
عاد جدي شدلي النجمة وكمت باسني بكصتي ولزمني من جتوفي الأثنين وگال " اي هسة زلمة معدل صرت هجرس رفعت راسي ياتاج رأسي
أبتسمت وجريت ايدينه بستهن وبست كصته وخدوده وفرحان كلش وأخيرا كدرت اتغلب على الجن هجرس واحقق حلمي وأصير ضابط
أنتهت كل مراسيم احتفال رجعنا على البيت جداتي تلاثتهن فرحانات لي ويهلهلون ويطشون جكليت فوك رأسي جنت متمني امي تهلهل فوك
رأسي وتطش جكليت
بيوم تخرجي على العشة سوه جدي عزيمة كلش جبيرة وعزم الأمه جدي معروف كلش بالمنطقة
والعالم كلها تحترمة وتحبه .
على العشة شفت ام سلسبيل ...يمنا اجت باركتلي وطشت جكليت فوك رأسي أبتسمت الها أحسن من أمي طلعت هاي غريبة ويانعم تصير
اقارب مرت جدي
حلوة هي ام أبوي سألت على سلسبيل
هجرس_ شرشبيل وين ههههه ؟
ام سلسبيل _ماجت والله
هجرس_شعجب ماجت ؟
ام سلسبيل _ مادري والله بس گالتلي گلي الهجرس ألف مبروك التخرج وان شاء الله نشوفه بأعلى
المراتب العليا وهاهي ههههه
هجرس _الله يسلمها بيا صف صارت ؟
ام سلسبيل _طلعت معهد من الثالث
هجرس_شعجب طلعت من الثالث ؟
ام سلسبيل _ ماتحب الدراسة وهسه شالعة
قلبي نهار كله يم عمو شاكر
هجرس_عمو شاكر منو ؟
ام سلسبيل _ هذا واحد رسام وبته
صديقتها دا تتعلم رسم
هجرس_عاد تعلمت ؟
ام سلسبيل _اي والله خوش صارت ترسم جانت ماتعرف ترسم وردة هسة لا رسمها حلو و
ينطلع بي باب البره هههه
هجرس_احسللها كبرانه عاد لو هي هي
ام سلسبيل _هي هي بس طولانه
هجرس_ماسمنت هههه
ام سلسبيل _الحمزة ابو حزامين مايسمنها
تأكل أكثر من وجبه وماتسمن
هجرس_من وكاحتها
ام سلسبيل _نهار كله تتعارك وي جهال المنطقة هاي قبل يومين تلاث ضاربه ابن الجوارين
هجرس_ هاي شبيها تخبلت من راحت لبغداد
ام سلسبيل _اي والله فدمرة من يوم لتركت ديالى وضعها مو زين وتگولي مشتاقه لديالى اگللها امشي اخذج ماتقبل تجي ماعرف شبيها
هجرس_جيبيها من تجون الله عليج عمه خل نشوفها
ام سلسبيل _لعد انت صارلك سنوات تداوم
بالكلية مافديوم مريت بينه
هجرس _ماحبيت امر بيكم وأنتو عدكم نسوان غريبة حسيتها زحمة شوي اجي بطرك روحي
ام سلسبيل _وانت غريب
هجرس_اي والله غريب .. جاي بارق ...
مرخصتج عمه يصيحولي
ترخصت منها ورحت ..... للمضيف سلمت على ناس كبارية بالدولة والبعض ضباط بالشرطة وجهاز مكافحة الإرهاب أصدقاء جدي كعدت
وياهم صار يعرفني عليهم
وره العشة رجعت للبيت وروحي مشتاقة الحنونه حبيبتي وانه اريد اتزوجها بعد مادام تخرجت كعدت فوك الدرج مخلي ايدي على خدي وتذكر
أيامي الحلوة وي حنونه طلعت من شرودي على صوت بت عمي فواز " يالله هاي جنها أميرة
شاردة من فلام الكرتون
ترد منى تگول _ شو خل اشوفها ... تجنننن صايرة شرشبيل عمه عليج الله هاي صايرة
ام سلسبيل _روحي گليلها أنتِ حلوة وشوفي شتكلج
مناوي_ راح تگول انزل ياكمر وانه بمكانك
ام سلسبيل _ياريت تگول جكمة الجكمات أني
مناوي هههه هاي شبيها
سناء_غير واثقة بنفسها ههههههه
اجه بارق لابس دشداشة ويفر بالسبحة صاحتله
امه "تعال بارق شوف سلسبيل شلون
كبرانه وحليانه
طفر بارق بسرعة يضحك "
وينها جاية ؟
امه _ لا بالصور تعال شوفها
بارق_انطوني بلا خل نشوف لعابة شلون
صارت من كبرت
من گال لعابة ضجت كلش .... ماحب احد يقلدني ويأخذ حجاياتي صاح _يايابة يابوية انه حاب مره وهاي مره رحمة لاهلج عمه بشنو جنتي
متنسية من حبلتي بيها ؟
ام سلسبيل _ههههههه هي هاي خلفتي كلهم حلوين
بارق_مثل خلفتنه كلها جلحة ملحة
ام سلسبيل _ والقرآن تخبلون عين الباردة عليكم
بارق _اي بس مو مثل شرشبيل بطلت ماتزوج حبيبتي راح اتزوج شرشبيل توافق
عمه بي هههههه
ام سلسبيل _ وليش ماتقبل هههههه
گالها بالشقه صاروا يضحكون ويشاقون بارق يحمد بجمالها اجوي البقية وكلها شافت الصورة نار وشبت بنص قلبي تلقائي نفسي صرت اضرب بيدي
على المحجر ماتحملت كمت ... صعدت فوك وانه ماحبها من الأصل ولا أهتم لامرها كل همي حنونه ماعرف شجاني وغرت عليها برغم ماشايفها صار
صار سنوات المهم تعينت ضابط بالشرطة ودوامي بغداد واهل سلسبيل يعزمون بي وكل يوم اطلع أعذار جذابه علمود ماروح الهم استحي
اروح عدهم جناين غريبات
جدي سوالي وساطة ونقلني بديالى بالمركز ارتاحيت كلش بديالى وماتأثرت بفراقي وي زملائي بالكلية لأن جانت علاقتي بيهم سطيحة ماتعمقت بالعلاقة
كاعد بالمكتب اندك الباب صحت "
تفضل
انفتح الباب دخل ملازم أول أول مرة اشوفه أبتسم بوجهي وگال " اتفضل ؟
_انه مو گلت تفضل سيدي ههههه
دخل وسد الباب ضربلي تحية وگال "
تحية خاصة للملازم فرقد
وائل موسى
_ هههه استريح عزيزي
تقدم ناحيتي مبتسم مد أيده كمت سلمت عليه "
أعرفك عن نفسي ملازم أول ياسر قحطان
_أهلا وسهلا بيك ملازم ياسر تفضل استريح
سحب ايده وكعد كدامي يضحك جان
يضحك بلا سبب "ضحك بلا
سبب من قله الأدب
انه گلت هيج لو انفجر من الضحك "
ههههههههه
_شبيك انفتكت بضحك سيدي ؟
ضرب سطح المكتب بيده من الضحك وگال "
ههههه ماتحمل انه ا اقل زلة
أضحك هههههه
_ ههههه والله ضحكتني وياك
_اي واشبعك ضحك منا وجاي هههههه
_ههه استغفر الله العظيم.. اي هسة ماكلتلي شتريد مني ملازم أول ياسر قحطان؟
وكف ضحك عدل ملابسه وخلى رجل على رجل وكال "دزني على حظرتك حظره الوالد الكريم وكالي اليوم داوم الملازم فرقد وائل حفيد
صديقي حجي موسى
_ها أهلا وسهلا بيك وبحظره الوالد المحترم
_وبيك أكثر ... أنت جديد هنا وماتعرف احد
_اي صح
_المهم انه موجود هنا وراح اكون وياك بكلشي
واساعدك بكلشي تعتازة
_ممنون الك عزيزي
_ولا يهمك بس سؤال
_جواب قلبي ؟
_ماشاءالله عليك بعدك صغير وجسمك مال واحد
عمره ٣٠ سنة وعضلات وكذا هههه
_هههههههه اليوم أنت تكتلني ههههه
_شبيك جاي احجي الصدك باوع انه اكبر منك بثلاث سنوات وباوع شكلي عادي وايدي تكسر رجلي مو مثلك بطول الباب لا يمكن اطول شو خل اباوع للباب
من صدك سواها وباوع للباب رجع باوعلي وگال "
أنت اطول مو ؟
_ لا بطولي الباب ههههه
_على جدك طالع
_وأنت وين شايف جدي
_شنو نسيت مو جيت بعزيمة تخرجك وحجيت وياك
_اعذرني ما اتذكرك
_هوسة جانت شتذكر هسة الزك على رب واخليك تباوع الشكلك تذكرني
_اويلي يابة هههه
كل يوم اصبح بوجه ياسر اروح للبيت يتصل بي بنص الليل ويبقى يسولف اكل رأسي اكل عبالك حبيبتي مو واحد تعرفت عليه بالمركز.
أسبوع ويا وعرفني على المركز كله وعلى صديقة المفضل وصديق الطفولة جواد هم ملازم أول جان هادئ عكس ياسر قحطان بس يضحك وينكت
ويصنف على هذا وهذلك انه بطبعي ماضحك هواي وي العالم الغرب من وراه صرت أضحك للهوى شوي طلعني من الاكتئاب لبي وصرت اتعمق بحبه
بالليل صارت عدنه مداهمات على شخص متهم بتهريب المخدرات داخل المدارس والشوارع رحنا ثلاث سيارات اول مهمة لي جانت من اجيت لديالى .
وعدنا أوامر بتفتيش المكان المهم دكينه الباب طلع رجال متوسط بالعمر " السلام عليكم
خير ان شاءالله ؟
هجرس_ وعليكم السلام عدنا أوامر باللقاء القبض على المتهم يوسف ابن فلان ابن فلان ان جان
موجود خل يسلم حاله فوراً
الرجال _هاا هو طالع هسة
هجرس_ داهموا المكان حالاً ... بعد
عن الطريق حجي
دخلوا عناصر الشرطة دخلت وياهم وياي ياسر شفت بنات كبار أثنين مو محجبات ومره لابسه دشداشة شايله ولد يطلع بعمر ٢ سنوات
بحضنها وبنية عمرها بل٤سنوات كدامها واكفه جانت صغيرة من رفعت رأسها وباوعتلي
جانت الصدمة لي ...
