رواية كفي والمنجمة الفصل التاسع والثلاثون 39 بقلم الكاتبة Leo alfatlawi

رواية كفي والمنجمة الفصل التاسع والثلاثون 39 بقلم الكاتبة Leo alfatlawi

گاطعهم الشيخ گال المؤتمن شنهو بويه جنك طولتها يابه لارايدين لامهر ولازفه هاي بتي الك مترد وياي اخذها بعباتها

شال راسه مؤتمن باوعله بس جان باهت ميعرف شيرد امااني رجليه ماتن كمشت كميص مؤتمن من ضهره وعصرته

ردت بيبي مكانه لان شافت مؤتمن صافن

--لاماطولهه بس يريد الشيخه تجي بزفه تليگ مگدارها

--واني مارايد زفه واخسره مؤتمن ابني وهاي بتي يكفيني انصير كريبين اكثر

اني جامده مكاني امتانيه وين تصفه علمود اعلمها ماطولها علكت اجت وحدها واليوم لواني لوهيه

بالاثناء رن فون مؤتمن وگطع الكلام رد گله ها مكرم هااا. لاوينك -- لالاهسه جايك -- ثواني بس مسافه الطريچ يلا يلا دير بالك

وسد الجهاز

شيخ. خير اشصاير

--مكرم سوه حادث لازم اروح وراه

--لااا خوماصابه شي

--لاان شاءلله خفيفه يلا استأذن لازم اروحله هذا

بيتك شيخنه اعذرني لازم اطلع

--لايبوي اخذ راحتك

طلع مؤتمن مستعجل ابسرعه شغل سيارته وشحطها

الشيخ هم استأاذن اخذ النسوان وطلعو

ركضت جوه اخبر سماح على الصار لكيتها بالغرفه دخلت كلتلها لحكي مكرم سوه حادث

--يمه دخيل الله اشوكت

--هسه ولج راح مؤتمن مستعجل حتى ماعرفنه شنو الصار اتصلي فدوه

كامت اخذت الفون ودكت رن اشكد وماكو ردت اتصلت اشويه ورد هايخوي خومابيك شي --ها لا. يااا بالعباس وكعتو كلبي هاي سالفه بالله يعملها ديلا هههههه لاالله وياك

--هاولج شنو الصار

--ماكو شي يكول جذب لاحادث ولاشي مؤتمن دازله مسج كايله اتصل بيه ابسرعه يكول من اتصلت حتى اني صفنت مااعرف على شنهو يحجي بس اكول اي واي

--عززا سوه هاي السالفه علمود يخلص من بت الشيخ لان حضرت الشيخ كله خليها يمك بعباتها ماعرف اشلون يطلع منها بس والله خوش فكره

--ذوله كل عقلهم يحصرون مؤتمن بالزاويه لبالهم ميعرف يفلت اووف اشوكت نخلص منهم

--يمه الحمد الله عزا جان متت لو باقيه والله موبس ارد اشوه وجهه حتى اگص راسها

--وهو هم عرف السالفه گلك افلت وانقذ الموقف قبل لاغزل اتسويلي مصيبه

--هذا الشيخ شنو ماعنده كرامه والله عجيبه اشلون ينطي بنته هيج

--والله يغزل ميفوت حاله اني اعرفه الشيخ عنده مؤتمن بالدنيا وانوب استوهم داخلين شراكه بمشروع اشكبره الشيخ خال نص املاكه بيهن

لو يعرف مويذل بته

رب الي عاف ولد اخو وراح يتنازل عن الشيخه لمؤتمن ميسويها وينطي بنته وعوفج منهم تعالي گليلي شمسويه بالزلمه

--شنو سويت كولشي ماكو

--ياع ولج اشلون اتكتبين اسمج سوده عليه حتى وهو نايم لابس ساعته يخاف ينساها ويطلع وينفضح البارحه يباوعلها ويضحك يگول خبله وخبلتني وياها مااعرف اشلون قنعتني وورطتني بهيج شغله

--احسن علمود اذا راد يسلم على وحده يشوف اسمي يبطل

--اووف كون الله يفكون ياخه منكم ويخلوكم هيج

--منو الي يخليني قصدك الشيخ هذا ولايهمج امرعطه هو وبته

--دكومي اتمرعطه استغفر الله جيبي كتابج خلي نراجع قبل لاتكعد هاي المفعوصه

--انتضري ماما دتتصل خلي اشوفها شتريد

--وكتها امج هسه

--بس دقايق واسده

رديت على ماما كلتلها وين جنتي صار يومين اتصل ماكو

--ولج جنت بااربيل كملت الجوازات مالتنه

--لويش سويتي من جديد

--اي انتي من زمان قدمتلج من السفاره استوه وصل واني هم جددت كلت يفيدن بالمستقبل اي اشلونج شكوماكو

--ماكو بس امتحاناتي راح اتباش ودااقره كاضيتها دراسه اربعه وعشرين ساعه

--يلا ماما ميخالف تعبي هسه ترتاحين بعدين يلا اخذي راحتج استوني واصله تعبانه بس شفت اتصالاتج كلت اتصل

--ؤك باي اني هم لازم اقره

سلمت وسديته وطلعت اريد اجيب كتابي صعدت على السريع لكيت تهاني جايه من باب غرفتي وبيدها بطل راحت غرفتها ابسرعه وسدت الباب

دااخل وشفت الباب مالتي سبحانه مي والكاع هم اعوذ بالله من الشيطان الرجيم اشكد تأمن بهيج خرافات

خليها على معتقداتها ودخلت مااهتميت

اخذت كتابي ونزلت لغرفه سماح ضلينه انراجع لليل لمن اجو مؤتمن ومكرم طبعا محد عرفها جذبه واتحمدوله كلهم على السلامه ومؤتمن يضحك ويغمز لمكرم

و كل اشويه مكرم يريد يفلتها ومؤتمن يحمحم ويتلاحكله لمن طلعو كعدنه بالصاله

مكرم. بعلي من اجاني مسج منك وقريته ( اتصل بيه ابسرعه) عرفت وراك مشكله وتابعه لغزل اتريد تفلت

--وداعت بتي لومتاخر اشويه جان صارت امذابح هاي خبله حتى الشيخ اتركعه طابوكه واتخلي دمه ابطوله ماعدها مانع

--اشكد تدفع واسكت لوالسالفه اخليها ابراس جدي وعود حلها

--هيج سهلا هيفاءءء وينج تعالي خويه اكو شغله صارت البارحه

مالحك يكمل لان طفر مكرم سد حلكه وكله اشبيك متتحمل شقه يمعود الجو بارد ابعلي هاي اتنيمني بالديوانيه اليوم

اجت هيفاء بيدها الجفجير كالت شكو احجو

مؤتمن. يلا اقنعها ماكو شي اذا انته سبع

هيفاء. مكرررم شكووو

--وروح خالي ماكو شي خايبه اشبيج دبعدي الجفجير ونعلي الشيطان خلي نتفاهم

--مكرررم

--ولج اشمالج هذا يريد يلم السالفه ذبها ابراسي لك مؤتمن اخيك صدك جذب يمعود بس اخذ الجفجير الله يطيح حضج غززل

-- واني شكوو همو الاخو نفس النوع انته المفروض تاخذ عبره مني متتورط وتاخذ اخته نفس الصنف شوف اشلون عاكده حاجبها عززا شيخلصك اليوم

--لاهاي حبيبت كلبي هسه تهدء ؟يحجيها ويباوعلها خايف يتحامه بمؤتمن وهيه هاده عليه متنه ضحك لمن دخل مصطفى صاح هااا يابه وينكممم

مؤتمن. تعال اتفوتك خباثه اله ابشده

--شكووو احجو اندار گال غزيلان ملابسي اخيج غسليهن

--تمام هسه انزل ملابس مؤتمن بين مطلع ملاتك

رحت صعدت نزلت شكو ملابس وصخه عد مؤتمن ماخليت وملابس مصطفى لكيته شامرهن عالغساله هم وياهن شمرتهن بالغساله واجت كعدت يمهم

امتانيه تخلص غسل وشطف علمود اشرهن

سماح. غزل اشو الغساله تشتغل انتي عالكتها

--اي شمرت ملابس مؤتمن الوسخه

--عاد عزلتي الالوان عن الابيض لو هيج

--لا هيج والله نسيت يلا بلكي ميخلط الالوان

--والجيوب شفتي شنهو بيهن

--لاوالله عزا نسيت

--استغفر الله كم مره كلتلج لاتغسلين ملابس جيبيهن اني اغسلهن بسلا يطلع ناسي شي مهم

--لاعفيه خوفتيني

كمت وكفت يم الغساله بس كلبي يدك خفت صدك ناسي شي علما وكفت الغساله شبعت خوف فتحت الغساله واشوف الملابس امنوره كلها اوراق ازغار مثرمه سديت باب الغساله من الخرعه صحت سماااااح اريدها تنقذني بس الاجاني مؤتمن كال شكو

--اني موكلتلك طلكني يااخي شكو مكمش بيه هسه هيج احسن

--شعملتي ولج

--ماكو شي بس اكمش اعصابك واخذ نفس خليك ريلاكس

--غززززل شكووو

--غسلت ملابسك وو

--خره بشكلج ولج المستمسكات والكارت بالملابس بسلا ماطلعتيهن

بعدني استوني داارد ونسمع كبت عركه من المطبخ همزين عافني وراح يشوف شكو رحت ورا منشوف غير رجاء ساحله هدى من شعرها ماخلصت لمن مؤتمن شال رجاء منها وطلعها بره يهدئها

كعدت هدى تبجي كعدت يمها خطيه مضروبه حيل

--لويش ضربتج

--سمعت اني حامل وهيه اتخبلت

--ييي مبروك عوفيها خلي اتولي من غيرتها انتي حامل وهيه مشموره مالحكت اكمل كلمتي وهجمت رجاء مره ثانيه كامت هدى خافت تندفر ويروح الطفل

--هيي اشبيج اتخبلتي اكو احد جاي يمج

--حلكج متفكي كالتها واندارت لهدى شوف لج احمد اتعوفي ومن هسه لاداعت ابني الراح ارد واسويج خدامه عندي واطلع بفضيحه واخلي احمد يكتلج مو يطلكج

--والله ضحكتيني هو منو كلج احمد يردج تره اتحلمين زايد شوفي يكليبي احمد بعد ميشوف غيري خاصه من عرف اني حامل طار اطيور بيه بعد ماعاش وياي شاف هو اشكد جان مضلوم بيج ومتندم على العمر الضيعه وياج و تهديداتج موعليه هسه حمدي ربج اذا ردج موانوب يعوفني وهاا نسيت اكلج القاط البنا اخذته اني عود ردي لغرفه عمه ماكو غيرها

هيه سمعت هيج وهيه اتولتها سحلتها وبلشت دك انريد انهدها ماكو لمن التمو الولد على صوتنه انوب مؤتمن مدري وين طلع

احمد سحب مرته كومها خايف عليها خاف ابنه اتأاذه و رجاء شافت هيج وهيه اتخلبت اتريد اترد تكتلها وتصرخ

احمد. كافيي يوبه اشبيج اتسودتني

--ولك اتنطيها مكاني احمد وشامرني اهناااا واني تاج راسها هيج اتسوي بيه

--منهو تاركج كم مره اجيت وراج وهاي كدام الكل تردين اتردين هسه اخذج

--اني ماارد اذا مااطلقها

--اطلك شنهو بيج شي مرته وحامل شنو هيه لعب تردين اتردين هلابيج متردين خليج اهنا بس

اشوكت ماعجبج اتردين هلابيج

--لك احمد اتفضلها عليه نسيت اني منهو ولك اني تاج راسك لو هو موش صوجك صوج مؤتمن الي حسبك بشر وانطاني الك ولك حتى البيت مالت اخوي

--البيت حصتي من ورث ابوي موش جيب مؤتمن وخليها ابالج حتى رده بعد مااردج

--اي طبعا لاتردني انته هذا مستواك اتلم شكو ساقطه ابيتك روح شوف منين حبلت مرتك وين دحمت هسه يطلع نفسه المحبل اختك حبلها

--كلكم شاهدين سمعو-- انتي طالق --

كالها وسحب مرته وطلع خلاها اتشيل روحها وادكها بالكاع عمتي كعدت يمها اتريد اتهديها بس ماكو ملخت روحها

والله عجبني وريح كلبي من مارد بس طلكها البت ماتت وبعدها اتجيب بسيرتها بالباطل

عفتهم يلغن وطلع رحت لغرفتي صعدت هم لكيت نفس السالفه تهاني اترش ماي قبل لااحجي دخلت لغرفتها تركض رحت غرفتي دخلت وسديت بابي ماحاجيتها خليها اريد اشوف وين توصل

غيرت ملابسي نمت قبل لااغفه دخل مؤتمن كال شنو نمتي

--ممم نمت لاتزعجني

--منهو زاعج يابه جان يحجي وينزع بملابسه اجه يمي عاض شفته سحبني كلتله مؤتمن خليك كد كلمتك نام

--ومنهو جاي صوبج

--مؤتمن حباب والله استحي عوف ركبتي گضيت المدرسه كولها لابسه ابلوز ركبه ابسببك وهاا شفتي هم عيب كل يوم اروح مجروحه

--خو كولي اطبك مخدتك ونام ثبتي لج لاتتحركين

--مؤتمن فدوه والله نعسانه

--نامي بويه منهو واصلج هو يحجي ويعضعض ولاويا اتوسلي وانوب من اتمنعه عن شي اتسويله واهس يزيدها يتعمد بالاذيه

مااعرف اشلون ميتعب اتكول منطي زر التفعيل كل ما تبدي طاقته تخلص كأنما يدوس دكمه تجدد ميهدني لمن يشوفني بديت انزل دموعي يالله لوبيها مجال للصبح يبقى ماعنده مانع

كمت للحمام سبحت طلعت للمرايه اباوع ركبتي صايره مجزره وشفتي مشكوكه اندارين حجيت ويا ابعصبيه صدك دتحجي عود وصيتك

--اشبيج حبيبي هدي

--شنو هدي اشلون باجر اروح بالله والنبي كمت استحي المدرسات اتباوعلي وتضحك مؤتمن تره مليت من اسوالفك والله

--حبيبي اشبيج معصبه شوتعالي خلي اشوف اشبيها ركبتج

رحت انام واني ميته قهر سحبني كال شو خلي اشوف اشبيج انداريتله امبرطمه اراوي ضحك كال تعالي اوخرهن الج لاتبجين رجع وهالمره بعد اظرب داس بالزايد بكل حيله

اشكد ضجت ابوكتها من تصرفاته ماعرفت هاي اخر ايام ابحضنه وراح يجي وقت اشتاق لشقاوته وضحكته من يشوفني ابجي واتوسل يعوفني

نمت ابحضنه كلما يضمني حيل كلما ينغزني كلبي احس الوقت قرب لفراقنه مااعرف لويش هيج جنت احس بس جان واحساسي حقيقي اكعد بليل اباوعله اتمنه اخلي ابروحي واضمه عن العالم مااريد احد يشوفه غيري

مؤتمن اتغير وياي كلش خلاني مو بس احبه لاخلاني مااتخيل روحي بدونه ثواني

كلشي اتمناه يلبي بدون لااطلبه منه كأنما حفضني يعرف بشنو افكر

حتى للمدرسه من يوصلني اذا شاف دعاء كدامنه يعرف شنو طلبي ينزل قبل لاا حجي يفتح الباب هو يضحك

فتح الباب كال اتفضلي نزلت وكمشته من ايده كلتله تعال دخل وياي حاجي المديره

--وينن بويه دخيل ربج شدخل متشوفيها متروسه بنات روحي ابنيتي

--فدوه بس وصيها على الامتحانات واطلع ابسرعه كلتها وبرطمت ردت اكسر خاطر

--خرب ولج عليش اتخليتي اردج للبيت

--يابيت مؤتمن تعالي وياي للاداره

--اي عليش لا من شنو تشكي الاداره خمس داقايق مااطول اكثر وداعت ابوي بس الله يهدي المديره وتقبل تنطيني ادارتها

--يااا شوف هذا اني وين احجي وهو وين شطح عقله روح مؤتمن مااريد جذب

رحت للمدرسه وهو صعد سيارته ضحك دخلت لكيت سماهر واكفه تضحك كالت شكو كامشه ايده صار ساعه تتوسلين جنج طفله امتيها ابوها

--عود ردت يدخل يوصي المديره تالي شفت عقله شاطح بطلت

--هههههه ولج شوفي دعاء صار ساعه اتباوعكم واتطفر من القهر

--حيل عوفيها يطبها مرض واحد مارايدها شكو لازكه تعالي صدك شو وجها زين مابي شي

--لاشنو مابي شوفي الطبره اليم عينها ماخذه نص وجها غير الله يستره على خيوط التجميل ضمن الجرح جان هسه امشوها

دخلنه للصف وبعدنه انسولف بيها ونضحك على كيفنه كعدت ارتب بالكتب للحصه دخلت زهراء يم اختها وصلت يمه كالت اشلونج غزل

--هلا

--اشبيج اتردين من وره خشمج

-+اكولج لاتباوعلي هالشكل ولي من وجهي دخيل ربج حتى حيل ماخله عندي مؤتمن البارحه للصبح مفوله عنده الحماوه جريت ابلوزي كلتلها شوفي يعني ماافيدح لاتتأملين بغير شي

دعاء كامت جرتها وسماهر ميته ضحك كالت هم حضج هذا اتخلصين من مؤتمن تستلمج زهراء

--شايفه بالله اتكول ماكو مره غيري بالديره

خلص الدوام جنت واكفه بالباب اتاخر مؤتمن اشويه واجه مصطفى مكانه بس جان وجها مكلوب صعدت سلمت كوه رد السلام كلته شكو شنو الصاير وين مؤتمن

--سلامتج خويه عفته امسويها هوسه دزني وراج اجيبج

--لويش

--ابن الكلب الشيخ عازم الاكباريه ومحدد موعد تسليم الشيخه لمؤتمن بدون لاياخذ اذنه بحجه اني جبير واخاف اموتن وتروح لولد اخوي

--اي وشكو بيها لويش مؤتمن اتعارك موهاي امنيته

--هون مايريدها يريد راحه باله بس منهو يخلي انكلب البيت فوك تحت وانوب ذاك ابن النطيحه والمترديه ماخال واحد ماداعي خله مؤتمن ميندل دربه كام يمشي وينطح حيطان محتار اشلون يحلها انوب العالم بس اشتمت خبر اتكول ذبان والتم على ازباله ترسو المضيف روجات يباركون لجدي الوصخ

--واكيد صبوحه راح اطير من الفرح

--غير راح اتصير الجبيره بس اخ كونج عاگله واحد يحجي وياج وتفتهمين واتكلبين الطاوله بيهم وتاخذين الكباريه وانتي التصيرين صاحبت هاي كلها

--شنو يعني مافهمت

--خليج هيج احسن لاتفتهمين لمن تصفى كالها واتحسر

وصلنه للبيت وصدك هوسه ناس داخله وناس طالعه بس مؤتمن صدك مثل ماكال مصطفى اليوصل يمه ينطحه من الحركه الشايلها

اسبوع واحنه على هاي الحاله لمن قررو يزوجون مصطفى وانوب التهينه بشي ثاني

راحت بيبي وعمه خطبوله محد راح وياهن ماقبلن

وكملن كلشي بس هو ولايمه حتى من اكعد اسولف ويا على زواجه جان يصفن ابوجهي ميرد حتى مكرم نفس الوضع عفيه زواجه بس النسوان فرحانه بي

الغرفه الجوه فرغوها وصبغوها مؤتمن اتكفل بكلشي حتى غرف الاخشاب بليل كاعدين اني ايا طلعلي بيج كال اختاري اخذت جهازه كلبت اختاريت وحده كولش حلوه كلتله هاي

--لاهاي غاليه شوفي سعرها اشكد

--ياامنين ارخص من غرفتنه وبعدين شنو مصطفى ميساهل تره ماارضه تحجي هيج

--يابه منو حجه شوفيلج غيرها اتكون نص سعرها ماعندي وراي بعد النيشان

--ؤك شوف هاي

--هم غاليه بيويه شو جيبي هاي تمام هم حلوه وهم رخيصه

--ابكيفك بس والله موحلوه عيع شنو من ذوق عندك لعد اني اختار البدله

اخذت واتمدد اكلب بالبيج اختار بدله بيضه ومؤتمن يمي صافن ابوجهي كال غزل هم بعدج تتمنين اتلبسين بدله بيضه

--هئ بطلت احلم بس جنت اتمنه هيج عرس واكون عروستك لابسه بدله بيضه وندخل والناس اتزفنه مومثل مااتزوجنه جبتني سحل بس هسه امنيتي اتغيرت صارت تبقى بس الي واتحققت

--غزل اريد وعد منج ميجي يوم وتركيني مهما صار ميخالف زعلي حكريني اتعاركي بس اتضلين يمي متركيني

--لويش دتفكر هيج ؟ هاك شوف هاي البدله اشكد حلوه

--عوفج من البدله وتعالي مشتاقلج

خلاني بحضنه بس كل حسره تطلع من كلبه حيرني مااعرف اشبي اني هم مالحيت بالسؤال راح يجي يوم وهو يحجيلي من وحده

راد يطلع يجهز الغرفه جلبت بي ياخذني بالبدايه اعترض بعدين شافني الح سماح كالتله اخذها حتى متكول اشتريتولها هيج واني لا خلي تختارهن بيدها

--موتالي اتصيرلي مشكله يبويه هاي خبله انوب خليتنوني اني الاجهز بيدي

--لابلعكس راح تعيرها بعد كم يوم اتكلها بيدي اشتريتلج انكس شي هيج انته راح تخلص من المشاكل

--انتو لويش لبالكم اغار من مرة مصطفى اشبيكم واذا جهزت بيدي غير اخوي لعد لويش اعيرها بالعكس راح اتصير بمعز صافو عندي

--روحي خيه ماتغار ولج انتي اتغارين حتى من نفسج يلا ماضل وقت طلعو هم يالله مؤتمن مااوصيك

هز راسه وطلعنه مااعرف شنو بس جان لغز بينهم اختاريته غراض للغرفه وفرشات بس عجبني مؤتمن لان لمصطفى هيج يجيب شكو شغله استوك تعبانه ولااتكول اخو صدك ضوجني رجعنه لكيت ولدنا ينصبون بالغرفه وسماح واكفه تبجي رحت يمها كلتلها والاه حتى اني ضجت

--على شنو ولج

--على الغرفه موحلوه وانوب شوفي شنو جبنه شكو شي يلعب النفس ورخيص اشكد اتعاركت بس يصرخ عليه ويسكتني ميرضه ياخذ الشي الي اختاره

--لاخيه موش لان الغرفه موحلوه ابجي

ابجي من فرحتي مصطفى كبر وراح يعرس مامصدكه

--صار عندي فضول اشوف مرته

--لاحكه اتشوفيها خيه وتشبيعين منها بس كون الله يهديج وماتخلين الحگ عليه وتكسرين كلبه

--لويش اكسر كلبه

--لاخيه موش مصطفى يعزج وميريد يشوفج مكدره واكيد مريته راح اتغار اخافن تتخاربون

--لالا والله اصلا راح احسبها اختي يلا كملو تنصيبها خلي نفرشها

قررو وره امتحانات نص السنه الزواج وهنا بلشت بشغله ثانيه هيه الدراسه والامتحانات الي خطيه ابتلت بيه سماح ليل نهار دراسه مرات مكرم اذا سير هم يراجعني اني ضاله اكتابي واتجول من واحد الواحد مقرره اتعب وانجح

كاعده عالدرج وكامشه كتابي محد فرغ يقريني وكت الضهر والكل نايم واني اتصفن ضليت بالنص ساعه كاعده امتانيه احد يدرسني دخل مؤتمن كال شكو كاعده اهنا

--عندي جغرافيه ومحد يقريني

--وين سماح

--سماح مشغوله ومصطفى مااروحله يكتلني اذا ماعرفت

ضحك كال كومي تعالي اني ادرسج صعد صعدت وراه

بس مؤتمن مثل مصطفى هم ماله خلگ ابسرعه يزهك ويضل يعيط عليه يريدني من اول مره احفظ واني اذا ماانعاد كم مره مااحفظ اخر شي

صاح بيه لان سأل وماعرفت كتب اسئله كال اسبح واطلع اشوفج حالتها اي غلط اكسر راسج

دخل للحمام شلت الاسئله كولها صعبه مااعرف شحل وهذا اذا طلع ولكاني ماحاله راح انكتل حليت الااعرفه اشلون مجان وعفت المااعرفهن طلع گال وين وصلتي

--تره المره مرجعها البيت زوجها شنسوي بالدارسه

--ماطول مرجعها يعني ماحاله جيبي خلي اشوف شمصخمه

--تره الاسئله كولها صعبه مو من الكتاب

--اي من كبر جدي جبتها شششو انطيني الورقه خلي اشوف

انطيته وكعدت اترقب رد فعله خفت اندمغ لان اعرف الاجابه نصها غلط قراها وباوعلي هز ايده

اجه كعد اخذ الكتاب وعاد الشرح مره ثانيه هم سالني واحد عرفته والسؤال الثاني صفنت مااعرف منين يجيب هيج اساله اتكول مومن المنهج

قبل لايرد ضميت خدودي

--جنج انتي مومال دراسه شمر الكتاب وجرني گال تعالي ادرسج غير ماده هاي اتفيدج اكثر --------

اليوم اول يوم امتحان واني من الصبح التوتر يقره يمي الف

سماح خطيه ماقصرت لوجه الصبح اتراجعني

حتى ريوك مااشتهي اتريك من الخوف تالي طلعت بدون ريوك

وصلني للمدرسه مصطفى طلعلي اوراق ازغيره كال صيري نبها

--شنو ذني

--اسرع طريقه للنجاح بدون تعب للاغبياء مثلج

--غششش

--ومررررض اشبيج فتحتي اعيونج جنج عكروك

--اشلون استعملهن اخاف يدري مؤتمن يضل يعيط

--ماراح يدري استغفر الله وفتحي مخج وياي شوفي ابنيتي كالها وبلش يعلمني اشلون استعملهن وصدك مشيت على توصياته والحمد الله فادني ومشت بدون لاانلكف

خلصت ايام الامتحانات من سماح لمكرم ومرات مؤتمن من يفرغ هم يكعد بس اشبع ادمغ اذا مؤتمن درسني

اما مصطفى جان اختصاصه غش يكتبلي بليل المهمات وينطينياهن الصبح بس ابيوم التاريخ سوالي طبع ولزكها على بطل المي لان اهواي كتابه مترهم وحتى على ايدي هم كتب دخل مؤتمن شافه وهو يكتب على ايدي ماعجبه الوضع ضل يحجي غلسنه كمل الكتابه ورحت وجان هذا اخر يوم امتحان وجان اخلص

رجعنه اني مصطفى عالك غنه ونهوس حتى للبيت مارجعنه رحنه مطعم اتغدينه بالمناسبه

رجعنه شي اكيد ماخلصنه من رزالت مؤتمن بس عادي اتعودنه

بليل كاعدين بالصاله انسولف دخل مؤتمن بيده علبه مالت ذهب شمرها لسماح كالها ضميها

سحبتها من ايدها فتحتها بيها تخم بس حلو امرتب بس زغير كلتله الله يجنن هذا المن

--نيشان مصطفى

--لعد لويش متجيبلي اشو اخذتني اتكول فصليه لانيشان ولابدله

--سهلا اخذج واختاري التردي بس موهسه دخليج مابقى عندي ولادينار كالها واتمدد خله راسه بحضن سماح الجانت اتباوعله بقهر شافها اتحسر وغمض

--لامااريد هسه عود البس من سماح علمايصير عندك صدك وين مداليتي اريدها

--معلكه بالسياره عوفيها اجيبلج غيرها

--اشوكت انتي هذا الصرف الصرفته بعد سنه ماراح اتعوضه راح اتعيشني بقحط بس يلا مصطفى يستاهل اشوكت اطلع اشتري ملابس

--مووكتها هسه العرس اتاجل للاسبوع الجاي

--نطلع اني وسماح وحدنه حباب بس والله مااجيب شي امصلخ هالمره

--سهلا بويه

--اشبيك مؤتمن لويش ضايج

--تعبان كالها وكام ورث جكاره وطلع يدخن بره

تهاني طكتها ضحكه ورجاء اتعض شفتها خزرتها سماح وصاحت مؤتمن تعال

هيه اول ماسمعت اسمه سكتت وحدها امبين خافت

كامت سماح وكالت تعالي وياي كمت عفتهن ورحت وره سماح لغرفه مصطفى كعدت اترتب بالغراض لان جايبهن من بيت العروس واني يمها اكلب بيهن اشويه ودخل مؤتمن اتفاجئ بوجودي كال شكو اهنا

--داارتب ويه سموح لويش

--كومي صعدي غرفتج

--بس خلي اكمل متكدر وحدها احجي واشتم بالعطور كلتله عيع تعال اشتم هذا العطر يشبه عطور بنات الشيخ عزا مصطفى خطيه اشلون حيتحمل

كعد على الجربايه كال اتحمل الاضرب منه يتحمل غصبا عن ابوه

اتمدد على وجها ضم وجها بالمخده

--سموح ذني روابات النوم لويش كولهن حمر

--علمود تغري لخاطر يشتغلها عدل حجتها وباعت لمؤتمن الجان صافن عليه رجع غمض

ضلينه بالساعه انرتب لمن كملنا

كمت سحبته عن الجربايه كلتله ميصير اتانم عليها خطيه مال عريس

--غزل اذا اتزوجت عليج شتسوين

--ماكو شي بس اعوفك كلتها وضحكت

-- واذا غصبا عليه صار هذا الشي

--هم عادي اعوفك غصبا عليك شنو اشو دااتسولف بالزواج اخاف غرت من مصطفى يمعود عوفه خطيه هذا اول زواجه المفروض اني اغار موانته اقلها انته لابس

مرتين قاط عرس مومثلي ضل حسره ابكلبي صدك مؤتمن خلي اشتري بدله هالمره هيج خفيفه بس بيضه والله ابنفسي البسها

صفن مارد كلتله اشبيك لويش ساكت والله وسوي ميكب بالصالون مال عرايس احسبه مال عرس شتكول

اني احجي وسماح بجت طلعت اندارين المؤتمن خال ارسه ابين ادي كلتله لويش ضاجت اخاف اني زودتها بالحجي

بس والله هيج حجيتها تره ماقصدت عزا بسلا زعلت خلي اروح اصالحه

انداريت ردت اطلع كام سحبني وحضني كال مازعلت عوفيها عصرني حيل وكال شنو الابنفسج راح عمله

--خلي نطلع فدوه اخاف يدخل غرفته ويشوفنه فشله

طلعنه رجعنه غرفتنه مر يومين بس الاوضاع موتمام مااعرف اسصاير كلها تتبسبس من ادخل يسكتون مؤتمن اعصابه فايره ميتحاجه صاعده عنده الكل متجنبه

وخاصه من گاعدين اتصلو بي كالوله يردون كوافير ضل يصيح كلهم ماكو افلوس وخلصت خلي تجي هيج عاجبها اهلاوسهلا ماعاجبها خليها يم اهلها وسد الجهاز

--لويش مؤتمن خطيه هم عروس

--غزل لاتدخلين مالج شغل

--فشله من مصطفى يمعود هسه يكول هذا لان وصلت الي بده يقصر

--يابه تره سمر ماصايرلها اهواي ماكو عرس هيه انجيبها سكتاوي

--لعد مااجلتوها خطيه شنو ذنبه

--استغفر الله غزل بويه سكتي رحمه لربج

كالها وطلع ركع الباب اني هم نزلت ورا دخلت للمطبخ لكيت سماح كالعاده تطبخ وتهاني تغسل اماعين اندكت الباب رحت وصلت يمه فتحته وجان تطلع المره العرافه اشكد مشتاقتلها كلتلها خاله اتفضلي

--مؤتمن اهنا

--لاطلع قبل اشويه ياواذا مؤتمن اهنا تعالي

--لايمه يضل يصيح مالي خلگه جدتج موجوده

--اي خاله تعالي

دخلت راحت لغرفه بيبي سلمت وكعدت تتعذر لان ماجت بوفاة سمر لان جانت مريضه واستوها صحت كعدت يمها دخلت سماح تضحك سلمت وكعدت گالت هايمه اشلونج اشلونه زلمتج وياج

--زين خاله بخير وزجي هم زين

--دوم ان شاءلله

رجعت اتسولف ويه بيبي كمت جبت الضيافه والبنات درن اهنا كلهن التمن يمها تقرالهن بين ماجبت الضيافه واجيت لكيت مؤتمن دايدخل من باب البره ركضت اله اتوسل لايعصب فشله منها

--هاي كم مره حذرتها هاي شنهو

--فدوه فشله بس هالمره لخاطري لاتحاجيها فدوه

--غزل متردين ترحين لمج

--ياريت صدك دتحجي لو تضحك عليه

--لايابه عندي شغل ابغداد كلت اخذج وياي

--اشوكت

--اليوم بليل اطلع اذا تردين تجين حضري

--تمام بس تعال سلم خطيه خايفه منك لاتحرجها

بعد توسل كوه دخل مؤتمن يسلم وكف يم الباب وسلم كامت ردت السلام

دخل كعد رحت كعدت يمه دخل مصطفى هم سلم وكعد والبنات من وحده الوحده تقرالهن جانت مخلصه من رجاء وتقره لتهاني كالتلها عاقبتج سوده وطيرج يرفرف ويه الملائكه

متنه ضحك خلتها اتطفر من القهر

اريد اكوم واخاف من مؤتمن شاورته كلتله اكوم حباب

--غزل بويه ترا جذب هذا

--بس اشوف حتى لوجذب حباب بس هيج لتگضيه وقت موصدك

--كومي خلصيني

فرحت من قبل كعدت يمها انطيتها ايدي كمشتها ومسحت عليها باوعت اخذت صفنه شالت راسها لمؤتمن ورجعت دنكت

كالت خلص الوقت واجه وقت الحساب وكلمن يرد لعيشته

--شنو يعني

--عندج نجمتين يضون طريجج وحكج يوصلج وانتي بمجانج

--مافهمت

--ماخسرتي شي اخذتي كليبه وحيله تركتي وراج اگلوب ملجومه

--وين وراي

--كل دمعه نزلت مجانها نقطه دم ان جان من العيون وان جان من الابدان

مؤتمن. غزززل كومي بويه كلها ترهات متگليلي اشوكت اتبطلين هالدجل مورجليج خطن بالحفره

جان يحاجيها بستهزاء

--الحفره هاي يمه محد راح يشمر روحه بيها غيرك ضيعت روحك وضيعتها وياك

--بسلا بطلي شعوذتج احنه بخير وانتي كومي يلا

كمت رجعت كعدت يمه بس مؤتمن من سمع هيج اشوف اتوتر واديه ترجف

كمشت ايده رفع راسه باوعلي اعيونه ضايعات همستله اشبيك مؤتمن

--مابيه حبيبي

--مااريد اسمع حسرتك

-- هم يجي يوم وراح اتفهميني غزل اخذ نفس ورجع كال اذا متردين اتسمعين حسرتي خليج وياي

--لعد هياتني وين رايحه يمك

خليت راسي على متنه واباوعلهم يسولفون اتذكرت الحلم كلتلها خاله اتعرفين اتفسرين الاحلام

--خيرج يمه احجي

حلمت اني واكفه على شط ومؤتمن وراي دفعني طحت بالمي مديت ايدي ردت يطلعني بس جان بعيد بقى بس يباوعلي ويبجي اجه مصطفى دخل وراي للمي بس جان ميعرف يسبح كعد مؤتمن مد ادي اثنينهن راد يطلعنه ماكدر دخلنه جوه بالمي بس جان مكان يخبل وهادء

--يمه دخيل الله المي موت ادفعو صدقه

مصطفى. حتى بالموت لاحكتني خره بحضي

--لعد اتريدني اعوفك وحدك اهناك اتخبث طبعا الحكك

بيبي. هيج وعدنه حظ اتموتون اثنينكم ونخلص

--اي بيبي حيصير البيت فارغ وتخلصون بس حنتانيج اهناك ههههه

مصطفى. وعلي وين الحظ ويطيحج بدينه ومؤتمن ماكو غير رادلها بخت اويلي شنسوي بيج

كام مؤتمن كال وين العقل يالحمزه ماخايفين من الموت همهم بس اطيح بيدهم جدتي وبدوني استغفر الله كالها وهزايده وطلع

للعصر واشرلي كومي رحت اله كال غيري ملابسج خلي نطلع كيفت طلعت اركض لبالي اروح لماما بس طلع حاجز للطبيب من وصلت يالله عرفت

--لويش مؤتمن جبتني لهنا

--بس انجيك الوضع ماكو شي

--مابيه شي تره اخاف ضل بالك بالحلم تره هيج جان حلم الضهر مااموت على كلبك باقيه

--واني اشطالب من الدنيا غير تبقين على كلبي يلا حبيبي بس انجيك ونطلع لبغداد عدل

--تمام

دخلنه جان حاجر اثاري من سولفت الحلم وطلع رايح حاجز ضال باله عرفته اول ماوصلنه دخلنه سلمنه وكعدنه بده الطبيب يسال عن وضعي والنوبه كل اشكد تجيني باوع التقارير كال اتفضلي على السديه خلي اقيص دقات كلبك

كمت اتمددت جان مؤتمن واكف ابصفي خله الجهاز شاف وجيك الوصع كال كله تمام ماكو شي

نزلت اسد دكم قميصي اسمع مؤتمن يحجي ويا على كيفه يكله اذا سمعت خبر وانصدمت هم يصيرلها شي

-- لاان شاء الله ماكو شي بس هم ديرو بالكم عليها

نزلت اجيت يمه اتشكر من الدكتور وطلعنه قبل لانصعد بالسياره كلتله شنو الخبر الخايف منه مؤتمن

--اريدج تبقين يم امج يومين وخفت تنصدمين ويصير بيج شي

--صدك الله عليك كول والله

--هههههه يلا يعلة كلبي صعدي لاتطفرين

--ييي واخيرا حنام بحضن ماما

--اها لازم امقصر وياج بالاحضان

--عزا خلي اصعد عوف الاحضان انته تجيك الحاله وتتحول اذا سمعت هيج شي

صعد وهو يضحك بس ضحكته حسيت بيها غصه وجان ننطلق لبغداد مدينته الحبيبه

الطريق مااوصفه طبعا يكسر الضهر

نزلنه كم مره بالطريق بس اني وضعي جان موتمام دوخه ولعبان نفس صح شاكه صار كم يوم ابروحي حامل بس ساكته اريد اسويه مفاجأه بس كون اتأكد

كل مايشوفني ادوخ ينزلني يغسل وجهي ويشربني مي ارتاح اشويه يالله نرجع نصعد كال والله لوادري هيج اتعبين فلاجبتج وياي

--لاوالله مابيه شي بس يمكن تعبت لان الطريق

--اشويه بعيد هسه بس ندخل بغداد حصير زينه

--عليش البصره من شنو تشكي

--البصره بصرة حبيبي غير اغله من روحي

--اكلج متخلينه انلف ونرجع لبصرتنه مو احسن من بغدادج

--لالافدوه كمل ماضل شي اول وتالي راجعين صدك وين راح تبقى من اضل يم ماما

--اضل يم صديقي عندي شغل يمه

--لويش متجي اتبات يمي وبغرفتي وسريري ازغير حيكفينه

--بعد سويلي واهس اكثر خلي احجز فندك وانعل ابو اليوصلج لمج

--تره دااتشاقه حتى غرفه ماعندي انام بالصاله يم ماما

--غزيلان لبس ضيك ماكو لغوه زايده ويه الكرن مالت امج هم ماكو طلعه طبه صديقه عابره تره قسما بالله احرمج من الجيه بعد

--ابد والله حتشوف محتشمه حتى بالبيت ومااطلع لمن تجيني

--غزيلان تره على غفله واجفتج اذا شفتج طالع اشلع راسج

--بس طلعه وحده والله.

--ابد لااتخليني ارد هسه

--لالا خلص اني حوصي ماما شنو اعتاز

جان ابالي اطلع ويه ماما للتحليل بس بعد مؤتمن واخباله بطلت ماعنده مانع يرجعني واني ماعونت اجي نعست نمت على متنه رجع سحبني لحضنه وساق باايد وحده نمت ماكعدت لمن كال يلا غزالتي وصلنه

كعدت نزل نزلت ورا دك الباب واني امتانيه ماما هسه حتكون مفاجأه الها اتشوفني متدري متحمسه حيل فتحت الباب وهوست ركضت شبكتها مامصدكه

بسته وخرت سلمت على مؤتمن رد السلام وبده يقدم التعلمات لمن زهكها بس جانت حامله وساكته من سمعت راح ابقى يومين ماصدكت كاللها عندي شغل اهنا من اكمل ارد اخذها

دخلت اتجيبله مي اتوسلت يدخل مارضه اندار للماكان الوراي شافه وضحك كال اتذكرين هذا المكان

--امم حصرتني بي هفيتني راجدي خليتني اكول نعم اربع مرات مومره

--ههههههه من وكاحتج طيرتي المومن كلت بعد محد يعقدها الي راح اطير مني

--بس انته جنت كولش عنيف حتى ايدي كسرتها تذكر

--والله كون كاسر راسج على البس الجنتي لابسته مااعرف اشلون كمشت روحي لاافلش جهرتج

--لعد الحمد الله على كسر ايدي وين الاسكارف لويش متلبسه عود

--موكافي هذا الوشم السمطتي اهلي بي خليتيني حتى بالحمام لابس ساعه يلا حبيبي لازم اروح

--حشتاقلك

--مم هم صح عود احضني امج زين لاتنسين

--هههه تعال انطيني الغتره مالتك شتسوي على راسك اهنا بغداد ماكو

--عليش يابه ماكو منيلج هالحجي بس هم هاجيها لاتضل ابنفسج عود اشتمي عطري ونامي

--وانته اشلون حتنام بدون عطري هااا

--يابه عطرج خانك حتى حبوبتي غير اكو مكان مابي غير امسويتله انتشار حتى بالمصنع دكمشي هاج الغتره ديري بالج عليها من ارجع لازم البسها يلا حبيبي دخلي

--باي

--هههه الله وياج دخلي لج

--حتمشي هيج بلا حضن اخير

--اووف اشلون شغله هاي

رجع دخل للبيت وسد الباب وسحبني حضني حيل وسحب نفس مني طويل كال اويلي يعله كلبي ابعلي راح اتخليني اردج للسياره ورجع للبصره وانعل ابو الشغل

--لاحباب تعبانه بعد مابيه رجعه حموت

--اسم الله عليج كون يومي قبل يومج يروحي ولج ماتكدر اعيش ثانيه بدونج لاتحجين هيج مره ثانيه ابروح ابوج

--يلا حبيبي راح تكلبها ادرامه وترجعني وياك اطلع باي

--بايات يعله كلبي

كالها وطلع اشرتله باي من صعد خزرني خفت فتت اشوفه ضحك وحرك السياره

دخلت الماما كالت ها خلص اتشبك وبوس جان اخذج ويا

--والله يماما لومنطيته مجال اشويه جان رجعني ويا يسويها خبل

--الله يهدي يماما اشبي وجهج اصفر تعالي كعدي

--مااعرف بس يمكن حامل مامتاكده

--يمه صدك عزا ابعينج يغزل

--لويش ماما متكيفين

--ولج هذا الطفل راح يصير عثره ابحياتج اني موكلتلج لاتعوفين المانع

--ماما اريد طفل خومواضل عمري بدون طفل

--انعل ابو الطفل غزل والله يماما اتندمين راح يكمشج منه ويعذبج بي ياامي

--لاماما مؤتمن يحبني ميااذيني هو قبل لايجيني اخذني للدكتور جيك وضعي يالله جابني خاف عليه من الطريق موانوب يااذيني متعمد

--والله شكلج عليه نصحتج بعد ابكيفج يلا كولي اشمشتهيه اسويلج

--بعدني ماحللت ماما هههنههه

--غزل لاتباوعين لمؤتمن تالي حفيدي يطلع مينجرع باوعي لمصطفى خلي اكيوت ودمه خفيف

--هو هم هيج ححط مصطفى واكابله المشكله اخاف يطلع يشبه صبوحه عزا وين اولي وخاصا اذبنوته

--عوفيها بالمستشفى لاتجيبيها يمه اصخام

--اشوكت احلل ماما تره الفضول عندي فول

--باجر الصبح من نكعد يلا كومي نامي وهاي شنو بيدج

--غتره مؤتمن خلاها يمي

--اممم دكومي ياامي نامي

صعدت غرفتي فتحت بابها حيل صار اشكد ماداخلتها اشتاقيت لكل ركن بيها للعابي وغراضي كلشي بمكانه مثل ماهو انداريت غرفه سيف وراي باوعتلها وين صفه الدهر بيك بعدك اتحنلي وتذكرني لا

سبحان الله متعرف الله اشكاتبلك ذاك اليوم وره الباب كاعده ابجي خايفه منه هسه وين صرت والمن

دخلت سديت الباب ذبيت الجبه والشال اتمددت على الجربايه خليت غتره مؤتمن الحضني ونمت

كعدت الصبح على صوت ماما كمت شبكتها ماامصدكه اليوم يمها هيه تضحك كالت عمج جوه امتانيج نزلي سلمي

كمت للحمام غسلت ونزلت لكيته كاعد ركضت شبكته ماهو مؤتمن ابكيفي اشبك باسني وضحك

هو هم عرف كال وين هذا الخبل مالتج ويشوفج ابحضني جان هسه اثنينه امربطين بالمستشفى

--ههههههه عمو كولهم هيج موبس هو حتى مكرم وكاظم

--همه اهل الجنوب مضروب بيهم المثل بالغيره والتعصب

كعدنه ماما سوت الريوك اتريكنه جهازي رن ركضت اريد ارد ماما صاحت غزل لاتركضين ماما موزين

اخذت الفون لكيت مؤتمن المتصل دخلت للغرفه ورديت صباحووو

--هلايابه اشلونج بغيابي اكيد مرتاحه

--وين لحكت تره هيه كم ساعه بس اتريد الصدك نمت ابراحه ماكو ازعاج

--اي مواعرف الطياح الحظ حضري روحج جايج

--ياعزا صدك تحجي بعدني مشفت ماما

--مااريدج تتعودين بدون حضني خايف اتبردين شيدفيج بعد

--لاع ماابرد لاتخاف هنه يومين شلحك ابرد وانسه بعيدن خال اثار اتكفيني شهر مويومين شنو هذا الصوت الي يمك موصوت سماح

--اي رجعت لغيت الشغل صار عندي شغل اهم بالبصره بس ماردت ازعجج كلت هسه تتخبل عليه خليها اهناك

--اي عفيه عزا لوجاي وكايلي جان انجنيت من صدك

--يلا حبيبي عندي شغل لازم اروح

--اوك باي

--باي يابه ضحك وسد الجهاز لان اكوله باي

رجعت يم ماما كملت ريوك الضحويه اجت مريم اشكد ضلينه انسولف كالت اتمنه اشوف زوجج هالكد ماسولفتي بي

راويتها صوره صفنت ردت لايسوه الواحد يتحمل علموده بس حماج هم صاك

--اي صافووو زواجه بعد كم يوم

--صدك الف مبروك

--اريد ملابس لزواجه فدوه طلعي جيبيلي على ذوقج

--يلا بس هااموبلاش ورقي

--يابه انطيج بس طلعي

--هاي شنو دتحجين مثلهم هههههه

--غير عاشرتهم دهاج ذني الج وذني الي اريده كون توب فدوه اغيض كم وحده بي

--ولايهمج هسه حجيب شي يخليهم كولهم واكفين تك رجل

طلعت هيه ماما واني ضليت افتر بالبيت ساعه اتذكر ايم زمان اشكد الي ذكريات بي طلعت بره اتذكرت من مؤتمن يضرب بسيف يريده يطلكني من جان يصدك يجي وقت اكوم اموت بي على مؤتمن ومااكدر بدونه

حبه دمار صار الي احبه اكثر من نفسي واكفه اتذكره اشتاقيلته رجعت للفون اتصلت رن اول شي مارد لبالي عنده شغل عفته اشويه واتصل هو فتحت كام اباوع وضحك كال ها يعله كلبي ماناويه اتركدين

--اشتاقيتلك والله

--اووف اشلون اطير واجيج ولج لاتشعلين كلبي تره بالعباس ماخليج توصلين بعد لمج

--لاموهيج بس يعني مااضل اهواي بعد اتوبه ماادري حشتاقلك هيج

--غزل بويه حضري روحج جايج

--لالا جذب دااتشاقه بس ردت اسولف وياك لان وحدي

--عليش يابه امج وين

--طلعت اتجيبلي فستان لعرس صافو

مارد صفن وهز راسه اشويه يلا غزل عندي شغل خليج يم النقال لاتركي اخاف يصير شي وحدج بالبيت

--واشلون حتجيني اذا صار شي

--اكو ناس يمكن اخبرهم لاتخافين تره خال اعليج اعيون وين مترحين يلا لج ولي

ضحكت وسديته كعدت اباوع فلم رجعت بذاكرتي لايام زمان وتخيلت روحي بعدني ذيج غزل فتحت الفلم وعشت الاجواء بعدني لحد مااجت ماما فتحت الباب انطتني العلاكات وراحت ادخل الباقين خطيه متسوكه كومه

دخلت جبتلها ماي كالت وين الله وتردين الي وهيج تتلكيني

--ماما الف مره اتصل من رحتي لسه هذا ايسي منه يرجعني

--الله كريم دكومي هذا التحليل اخذي حللي

--شلون استعمله

--اكو تعليمات اتبعيها

--تمام اخذته ورحت للحمام وجنت احلل واواكفه عاصره كلبي امتانيه النتيجه سديت اعيوني وتمنيه وياي يراقب النتيجه اتعده الوكت فتحت اعيوني على كيفي واجان اشوف خطين واني طرت من الفرح كمت اكمز

طلعت الماما ابشرها خطيه رغم حزنها على افراگي فرحت على فرحتي

سوينه الغده والعصر طلعنه للصالون رتبت بعد

امنت مؤتمن ماهو يعني محد يلكفني رجعنه بليل وقررت ارجع الصبح اسويه مفاجأه كلت لعمو يوصلني ماما بالبدايه زعلت بس قنعتها ارجع اجي لان عنده شغل اهنا وكل مايجي يجيبني

بليل كاعده كلت خلي اجرب الفستان لبسته يجنن فتحت شعري خليت ميكب الفستان جان مفتوح من فوك وكلوشه عريضه من جوه

افتريت بي فرحانه اتصلت بسماح ردت فتحت الكام خليته على الميز وافتريت كدامها بالفستان بس ابد ماردت لوكالت كلمه بس ساكته

--سموح شنو غرتي لويش متنطيني رايجو

--لايعمر حلو لايكلج

--هاي شنو هيفاء يمج اليوم بايته شنو هالخيانه

--اجت اتونسني اي انتي اشلونج اكيد فرحانه يم امج

--لاوالله اشتاقيتلكم كولش وخاصه مؤتمن صار ساعه اتكلب مدااكدر انام

--يلا ماضل يومين وتجين

--امم بس ضامتله مفاجأه

--مواكبر من مفاجأته الج

--شنو مافهمت

--لايكلبي هيج اتشاقه

--هيفاء لويش ساكته اشبيج ولج امعبسه شنو متعاركه ويه مكرم

--لاخيه بس البيت موحلو بلياج كئابه

--لويش لعد وين صافوو

--كاعد يتصفن وحده الايد الوحد متصفك بلياج ضايع

--هههههه يلا باجر اجي

--لااااا شنهو باجر

--اشبيج طفرتي

--لاحبيبه مومؤتمن منطيج اجازه استغليها هسه سنه يالله ياخذج هيج اخذه

--هم صدك

بعدنه نحجي ومؤتمن اسمعه دخل يمهن كال حضرتو القاط سماح صاحت غززززل حبيبتي يلا روحي

انسحب الفون كال هاولج انتي ماناويه اتنامين

--دا اراويهن الفستان مال العرس باوع اشلون حلو موو

--حضري روحج بويه جايج هسه وانعل ابو العرس لابو اهله

هوه كال هيج وهيفاء وسماح ونخبصن الي سحبت الفون والي اسمعها طلعت اتصيح مكرم

مااسمع غير يكلهم لحد يدخل يابه هونت ماريد ونسد الفون حتى بدولان لايودعوني اشبيهم لويش هيج انكلب شكلهم

يلاباجر راجعه واعرف

بدلت الفستان ونمت لثاني يوم الضحويه يالله خلتني ماما اطلع ماقبلت من الصبح ودعتها وطلعنه اني وعمو متحمسه اشوكت اوصل وابشر مؤتمن اتخيل موقفه من بشوفني رجعه هالمره بدون لااشلع كلبه وفوكاها مفاجأه واضحك

الطريق اشويه صعب بس اتحملت ماما مسويتلي اكل اكلت بالطريق ونمت كعدت على عمو صافن كعدت كلتله شكو عمو

--منو عدكم راح يتزوج

--مصطفى لويش

--دشوفي هاي السيارات بابكم مال عرس

انداريت شنو معقوله مصطفى يتزوج بسكوت عني مستحيل لويش لوهذا مؤتمن واسوالفه ميريد واحد بشوفني من غيرته نزلت وكلتله يلا عمو روح اني داخله

--لاعمو لازم انزل اسلم

--يلا اوك اني حفوت

هو راح للمضيف واني للبيت دخلت واسمع الهلاهل اشكد احترك كلبي بسيطه مصطفى تتزوج بدوني دااخل وصار بوجهي مصطفى وكف متفاجئ

شكرا صافو تتزوج بدوني

--اشجابج

--عمو لويش مترديني اشوفك وانته عريس لويش ملابس قاط

--غزل تعالي لاتدخلين جوه ردي ويه عمج خويه

اجه كمشني راد يطلعني اسمع الهلاهل من غرفته تطلع وعمه طلعت تضحك وبيدها جيس جكليت

مااعرف شنو العصر كلبي شكيت بالصار دفعته وركضت للغرفه وكف مااعرف شنو الوصف واني اشوف مؤتمن وهو واكف يم باب الكنتور يمه

مكرم يعدل برباطه وهو يلبس بالقاط عمه اطش

جكليت على راسه وتهلهل--

الاربعون والاخير من هنا

تعديل المقال