رواية كفي والمنجمة الفصل الاربعون 40 والاخير بقلم الكاتبة Leo alfatlawi

رواية كفي والمنجمة الفصل الاربعون 40 والاخير بقلم الكاتبة Leo alfatlawi

كفي والمنجمه

للكاتبه leo Alfatlawi

بارت الاربعون

مااعرف شنو العصر كلبي شكيت بالصار دفعته وركضت للغرفه وكف مااعرف شنو الوصف واني اشوف مؤتمن وهو واكف يم باب الكنتور يمه مكرم يعدل برباطه وهو يلبس بالقاط عمه اطش جكليت على راسه وتهلهل

مااعرف اشصارلي بس اريد اوكف مااكدر الموقف موبس صعب ومينوصف لاحسيت بالموت البطيئ

دخلت للغرفه كلتله شنو مؤتمن شدتسوي

شال راسه باوعلي واخذ نفس

اريد اوكف مااكدر كمشت الباب وكلبي احسه يريد يوكف

دفع مكرم واجه يركض كمشني كال غزل بويه هدئي

--شهدء مؤتمن راح تتزوج

--بس افهمج اهدئي

--شفتهمممم شنو حتكول مؤتمن هيج هنت عليك ولك تتزوج هه شنو انتى يعني هاي الجهزته جان الك ولك خليتني اجهزك بيدي مؤتمن انتي شنو بشر لو شنو لالامستحيل اتكول بشر مثلنه

لويش موحبيتك وثقيت بيك كلتها وانهاريت كعدت ودموعي تنزل

كعد كدامي ابنيتي وحك علي غصبا عني

--لااتكووووول غصبا مؤتمن ولك غدرتني لويش شنو سويتلك شنو من كلب عندك اتخليني بيدي اجهزها لويش مؤتمن حجيتها بنكسار

سحبني الحضنه دفعته حيل كمت كلته وخر راح اطلقني غصبا عنك كلتلك اذا دخلت اني اطلع وانته اختاريت

--بس اهدئي بويه جاي اترجفين لايصيرلج شي

--مؤتمنننن طلكني

--غزل بويه العالم عدنه صوتج

--من انعل ابوك لابو الناس مؤتمن طلكني لاتتصور راح اتجيبها ومتخيل مثل متكول يومين ابجي وراح اتقنعني لاغلطان

ههه واني الجايه امسويتلك مفاجأه طلعت صدك محضرلي شغله اكبر

اجه مكرم كمشني لان مؤتمن جان واكف صافن ميعرف شيرد راد مكرم يوديني الغرفتي مااعرف اشصارلي بس انجنيت دفعته وضليت اضرب بمؤتمن اكله طلكنييييي طلكني كلماراد يهدئوني ماكدرو

مؤتمن يدفعهم عني وحضني حيل خاف لايصيرلي شي لان من صدك فقدت دافع بي مااكدر اريد اتنفس اختنكت اريدنفس ضاك صدري كلما ردت اسحب نفس ماكدرت وانوب هو حاضني حيل بعد ماحسيت بشي

فتحت اعيوني واني على جربايتي يمي سماح تبجي ومؤتمن كاعد وخال راسه ابين ادي احس شي على صدي خانكني اريد يوخر مني ماكو مثل الطوق على ركبتي امسح بركبتي ميرضه يوخر انتبهتلي سماح كال هاخيه اشبيج

ماكدرت ارد جنت كوه اتنفس مؤتمن اندارلي يمسح نفس المكان الامسح بي لمن احس شي انفتح وكدرت اتنفس بجيت مسح ادموعي وكال كافي مو موتيني

--مؤتمن طلكني

--ولج اشلون اطلكج وانتي روحي

--مؤتمن انته بعتني وبرخص لويش موثقيت بيك لويش دمرتني

كومني وخلاني بحضنه مارد بس احس بعبره صدره خنگته

--مؤتمن لاتتزوج فدوه اروحك والله اموت

--مااكدر والله موبيدي

--لاتكدرررر تكدررر كلشي اتسوييي لاتتزوج فدوه

--بس اجيبها مااحسبها مره

--جذابب جذاب والله اكبر نذل شفته بحياتي انته

--بس هدأي نذل نذل ميخالف كلب ابن كلب هم ميخالف بس هدأي راح اتموتين كافيييي

--لاتتزوج

--بس اجيبها

--اذا رحت مااصيرلك مره مؤتمن وروح بابا اتكون اخر لحضه بينه هاي

--ماراح ترحين مكان اتضلين اهنا وهيه بس اجيبها واتركها وخلص غزززل كافي تبجين ماراح يصير غير هذا الشي

--وعدتني وانطيتني كلمه وينها

--بعدني على وعدي ماكو ابكلبي غيرج ومتصير مره الي غيرج واني عد وعدي

--ياوعددد مؤتمن انته صاحي هذا قاطك والزفه جوه شدتحجيييي

--استغفر الله سماح بويه ناوشيني مهدء

--يامهدءء مؤتمن وروح بابا اخر كلام عندي تتزوج راح اعوفك وللابد احرك كلبك مثل ماحركت كلبي مواتكول ماكلتي هاي اني دااكول

--ميخالف بس سكتي

--ولك موخبله انيييي شنو سكتي

اندكت الباب دخلت هيفاء كالت يلامؤتمن الزفه راح تطلع كمشت ايده اتوسل لايروح وابجي دنك باسني من راسي ورد حضني

دخل مكرم وكاظم سحبو كالوله يلا يمعود

--مؤتمن لاتروح

مكرم. يلا يخوي العلم طلعت

عاف ايدي راد يطلع كلتله اوكف مؤتمن خليك ذاكرها راح احرك كلبك مثل ماحركت كلبي واخليك تندم

فرك راسه وطلع وياهم خلاني اشيل روحي وادكها بالكاع لطمت ومخلت روحي احس طعني موطلع

لوميته ولاحاسه بهيج شعور سماح تبجي وتتوسل اسكت وهيفاء هم كلتلهن طلعن بره كلجن تدرن ومتحضرات شكو اتسكتني

جان كلتن من وكت بلكي امنعه بس كلكم نفس الطينه الله ياخذكم طلعوووو طلعو

--غزل والله موابكيفنه جااشبيدنه احنه

--ولج جهزته بيدي اني جهزته وفرحانه تعرفين دااحس لولا

--كافي غزل ولج راح اتموتين

--مالج شغل طلعييييي طلعي على شنو اعيش مؤتمن راح بعد على شنو باقيه

--عوفج منه يطبه طوب شنو اتموتين روحج ورا خليي هسه يندم ميعرف روحه وين شمر نفسه

--جهزها وراح يجيبها بالبدله البيضه وهذا الوكت كوله يضحك عليه هو وياها ومسايريني

--لاوالله صارت غفل وا الشيخ حرجه كدام المضيف كله عليش متجي تاخذ مرتك شنو نسبنه مايشرفك وهيج عايفها تالي غصبا عنه اخذها

--لاتجذبينننن لاتجذبيننن مؤتمن ضيعني خاني ولج جنت امسلمته روحي شنو سوالي دمرني وعافني شنو كل عقله اضل ويا واشوفه ويه دعاء هذا عاقل

--غزل ابروح ابوج كافي ولج وراااح اتموتين

--ولج ضيعني اتعرفين شنو داحس روحي اموت متعرفين شنو النار الي ابكلبي داموتتت كلتها وبجيت من كلبي

مرةالوقت واني اكول هسه يبطل مؤتمن وعدني ميخلف ابوعده لا مؤتمن يحبني هسه يرجع يبطل ميتزوج ارجف وابجي لمن سمعت صوت المسيقى وضرب النار احسهن ابكلبي مو بالجو دفعتهن وكمت رادت يكمشني ضليت اصرخ واطفر

ولج اريد اشوفه بلكي احس وابطل بعد وانساه عوفني فدوه عوفني اتوسل وابجي وسماح تبجي وياي

هديت روحي وطلعت اركض وكفت على الدرج صار كدامي وهو يدخلها بالبدله ذبحو جوه رجليهم اتمنين اني الانذبح واخلص من وجع كلبي

شال راسه مااعرف حس لوجان متوقع وكفتي شافني اني بدون صوت واكفه بي ادموعي تنزل دنك ودخلها للغرفه صوت الهلاهل الضرب بعدها

رجعت للغرفه كعدت وسديت اذاناتي بديه مااريد اسمع الله ياخذك الله ياخذك الله لايوفقك لويش مؤتمن ولك لويش اتموتني الصوت الهلاهل احسهن صوت اصياح على كبري

اسد بذاناتي الوصوت بعد يدخل لميت روحي حيل وضميت راسي مااريد اسمع الصوت الله ياخذك مؤتمن الله ياخذك الله يحرك كلبك مثل ماحركت كلبي هدوء عرفت سد الغرفه وهذا الشعور الاصعب يعني هسه سوه ردت اكوم كمشتني سماح الجانت تبجي اكثر مني

--عوفيني راح يحضنها ولج فدوه عوفيني خلي اروحله

--كافي غزل ولج راح اتموتين

--ولج سد الباب هسه حضنها وباسها وخري عني

دافع والطم وهيه وهيفاء كامشاتني بجيت لمن حسيت روحي بعد انتهيت

وسمعت صوت ضرب يعني اتزوجها وانطاهم النيشان بعد انتهت ماكو فايده

خليت راسي بالكاع ولميت رجليه لحضني وغمضت

اسمع صوت هيفاء الجانت تبجي بصوت عالي على حالي بس بعد مااحس ابروحي نايمه وفاقده

سماح تمسح على راسي طلعت هيفاء وسماح ضلت يمي اشويه ودخلت اسمعها اتكلها صحتله كلتله تره غزل انتهت ماراح اتلحك عليها كال بس اسبح واصعد

كمت كلتلهن طلعن مااريد اشوف احد

--غزل خيه بعد صارت وانتهت هاي راح يرجعلج

--مااريده بعد كومن يلاااا

--غزل فدوه اروحلج كافي

--ولج طلعي داكللللج كومي سماح طلعي مااريد احد منكم كلكم نفس الشي كومي

كمت كومتها وطلعتها وهيه وهيفاء قفلت الباب وكعدت وره الباب دكن الباب رادن اتوسلن مافتحتها سمعت صوت مؤتمن كال شكوو

--غزل متفتح الباب جوه

--وانتن ثولات اشلون خليتنها وحدهاااا

--والله اتخبلت علينه وطلعتنه خفنه لاتكتل روحها

--يلا روحن منا

هنه نزلن وهو اجه دك الباب كال غزل بويه فتحي الباب

--روح مؤتمن كلتها كوه صوتي يطلع منبوج

--غزل يروحي فتحي خلي احجي وياج

--لاتكول وروحييي روح مؤتمن كلتلك اذا جبتها ماراح اصيرلك مره وهاي خلص انتهت وياك لهنا خيرتك وختاريت لاتجي بعد اتكول لويش اني مومثلك ماغدرت انطيتك خيار وانته اختاريت

كعد ورا الباب وانتجه اسمع حسرته الي حركت روحي اكثر على شنو بعد يتحسر

--مؤتمن لويش كسرت كلبي

--لان حيوان وامااستاهل وحده مثلج

--ضيعتني

--مواكثر من مامضيع روحي

--كرهتك مؤتمن كرهتك من كلبي وحق كل دمعه بجيتها راح ابجيك اكثر منها

--استاهل

--تدري اتمنيتك اتموت ولااشوفك داخل كامشها بيدك شحسيت من نمت وياها هم اجيت على بالك اشلون انطاك كلبج هيج اتموتني

--كافي غزل كلبي خلص ابروح ابوج كافي

--على شنو كافي تره ماراح اتحس بالنار الي ابكلبي لبستها البدله البيضه شفت فرحتها بيها هاي البدله الخليتها ابنفسي ويوميه مدخل وحده لابستها ماحسيت بشنو دااحس من اشوفك كامشها لومن اتخيلك نزعتها البدله وهيه تضحك مؤتمن هم هدئتها وكلتلها لاتخافين وبستها مو

--كافيييي غزززل كافيييي

--كوم مؤتمن ونساني بعد ماارجعلك

--اترجعيلي ومتنامين ليله وحده بدون حضني

--لواتموت ماراح اسويها

--غزل كافي تبجين ولج ولكفل زينب جاي اتشگين ابكلبي

--كوم مؤتمن مااريد اسمع صوتك بعد عوفني ارجع للاختاريته كمل حياتك وياها

--مااكمل حياتي غير وياج

--ياحيف تعب والحب الخسرته عليك اشكد طلعت خسيس ومتستاهل واني الحماره مصدكه

--وحك علي اعشكج

--لاتكولها اهواي هاي الكلمه عليك حرمات اتكولها بالسانك وحاول تنساها لان ضيعت الحب بغيائك

--محد راح يفركني عنج وماضيعت شي تبقين النفس مالتي

--روح مؤتمن انتهت وياك لهنا مااريد اسمع صوتك بعد كوم ارجعلها منتضرتك

--فتحي الباب غزل بس اشوفج وروح

--روح مؤتمن لاتزيدها عليه دتموتني وانته ماحاسس كوم مؤتمن لاتخليني اكره روحي اكثر كومممم

--مااتحرك لمن اسمعج بطلتي بجي ولج وداعت بتي جاي اتموتيني بدموعج

ماجاوبته خليت راسي عالكاع وغمضت والشهكه تطلع من كلبي اسمعه ضل ورا الباب كاعد لوجه الصبح لمن اجت امه كامت تحجي وكالتله امهات العروس اجن كوم راح يوصل ابوها

كام راحلها بس مو راحلها اخذ روحي وراح وياا مغمضه واتخيل اشلون خالها ابحضنه ويتغزل بيها ضليت للصبح الوب مااعرف شسوي

ردت بس النهار يطلع احس روحي تطلع اتمنه هيج اشك صدري واطلع كلبي من الحركه نار مشتعله بيه مااعرف اشلون اطفيها صار الصبح وبدت الهلاهل

كمت لميت شعري ولبست الشال فتحت الباب نزلت اتلكتني تهاني تضحك هيه ورجاء كالن هاجابها لولا اتعيشين وتاكلين غيرها وضكتها ضحكه

نزلت رحت يم غرفته لكيت ابوها يمه وجدو مؤتمن واكف دخلت شال راسه الشيخ كال هابويه تعالي

--الله ياخذك انته شيخ ولك حتى الحيوان هم ارحم منك

جدو. غززززل انكتمي رد الشيخ كله عوفها خليها اتكمل

--اي طبعا اتكلها عوفها لان تعرف روحك باطل حسبي الله ونعم الوكيل ارتاحيت زوجته ذليت روحك بوست اياده علمود يقبل ياخذ بتك

ماخلاني اكمل مؤتمن اجه خله ايده على حلكه كمت اضرب بي وارفس يعوفني لمن عصيته حيل عافني

دفعته كلتله اشبع بيها موهاي الردتها اشبع مؤتمن بعتني لخاطرها خليك وياها انداريت اباوعلها واكفه اطك ابعلجها وتضحك مااعرفت شكلها الكلام وكف بحنجرتي خاصه من شفتها اجت يم مؤتمن وكشت زنده وتضحك انحشكت بي احسها خلت سجينه ابنص كلبي دفعها مؤتمن

بعد يش لمن موتتني انتبهت انداريت للشيخ كلتله مشكوله الذمه روح لربك وهو ياخذ ثاري منك هاي اذا تعرف ربك منو

طلعت رحت لمكرم جان واكف وخال ادي بجيوبه كلتله رجعني الماما

--غزل خويه موكافي

--رجعنيييي مكرم والنبي وحق الااله اله الله اموت روحي وديني احسلك

طلع مؤتمن راد يكمشني يردني للغرفه دفعته وكمت املخ ابروحي وعيط بحركه يودوني اجه مصطفى كام يصيح عليهم كلهم راح تموت اشبيكممم ودوها

مؤتمن. لاعوفها اشويه وتهدء

--ولك اشبيك ياتهدء البت راح اتموت مؤتمن خويه يومين وجيبها بس خلي ترتاح

--لاااا متطلع

هو كال هيج واني اتخبلت يريد هم يحبسني ويعودني على والوضع الجديد وانوب طلعت دعاء كمشته من ضهره واني بعد مااشوف كدامي موتت روحي لمن بعد مااكدر اجر النفس مااعرف اشلون احمد طلع بي نخوه اجه كومني دفع مؤتمن

وطلعني ركبنه السياره طلع ورا مصطفى كله خليها يم امها كم يوم علما تتقبل وهيه وين اتروح اول وتالي راده

بس مصطفى كأنما قره شنو ابراسي مارد على احمد اجه فتح باب السياره وسحبني لحضنه كال لاتسويها غزل وهاي اول مره يحضني كأنما عرف روحه جاي يودعني وخرت عني شفت الدموع بعيونه كال بداعت الخوه لاتعمليها

مارديت بس ادموعي تنزل سديت الباب مشت السياره مسافه واني عيني بهذا البيت وعين بمصطفى الي ضل على وكفته حسيته كلي الله وياج

لافت السياره خليت راسي على الكشن واباوع من الجامه اودع كل مكان مريت بي منا مريت اني ومصطفى انهوس بالسياره

منا مرينه اني ومؤتمن الجان الطريق كله يتغزل بيه

منا طلعت ويه مكرم الي جان يمشي ويرزل بيه لويش مالبس الشال عدل

ضحكت وبجيت بنفس الحضه لان راح اشتاقلهم منو الجابني لهنا ومنو الرجعنه ليش هالاذيه موجنت مااعرفكم لويش علقتوني بيكم وعفتنوني اعاني وحدي غمضت ابعد كل ذكرى من عيني

جهاز احمد يرن عرفته مؤتمن اترجيته ميرد هو هم مارد كال بسلا تبجين كافي بويه وحك الحمزه راح يوكف كلبج

--خلص بعد على شنو ابجي ميستاهل دمعه مني باعني بالرخيص وماسال

--اي والله باعج بالرخبص لخاطر الشيخه خلي يشبع بيها راح يجي يوم ويمل منها ويتندم عالسواه

--احمد تره سمر ابنيه وانضلمت

--منو كلج

--مثل مااكلك بس ماكدرت احجي المهم لاتخلي احد يحجي عليها بعد

ضل اهواي يستفسر ويتوسل اكله بس ماردت احجي خفت لايكتل راجاء ويضيع روحه هيه يجيها يوم والله يعذبها

وصلنه نزلت شبكته ودعته دكيت الباب فتحت الباب ماما شمرت رحي ابحضنها ابجي وقررت ابجي اخر دماعات ابحضنها وانسه كلشي مر

ذكرى او حلم مر ابحياتي وصحيت منه

بليل اتخربطت ودوني للمستشفى بقيت للصبح بيها خبر مؤتمن راد يجي بس ماما كالتله لاعدها انهيار عصبي ابتعد علما تنسه وترجع العافيتها تره تعبانه حيل وانته اتزيدها

ضل كل اشويه يتصل اعرفه ميكدر يجي العالم هوسه يمه يباركوله وملتهي وياهم اعرفه امتاني يطلع السابع وتفض الشغله وتهدء ويجي يسحلني غصبا عني مؤتمن كمت اعرف شنو يفكر

بليل واجه مكرم فتحت اعيوني كوه على صوتهم لكيته واكف يحجي ويه عمو شافني كعدت ضحك مكرم كال ها غزل بويه شجاج متكليلي هسه اليسمع لباله اول مره يعرس يمعوده خلص العدد هذا المفروض هسه متعوده انتي

مارديت رجعت غمضت اسمعه اتحسر اجه يمي دنك باس راسي كال اشصابج يخوي عليش هيج وضعج

--مؤتمن

--خره بلشته عوفي خره بي ولج راح اتموتين ورا اشبيج عليش روحج هيج رخيصه

--مرتاح بغيابي مو فرحان بعروسته

--يافرحان وحك نور محمد بالزفه مرتين راد يرد وكوه كمشنا وقنعنا يجيبها وليله العرس بالدفرات دخل غرفتها وهاي على حطت ايدج البارحه نام يمنه بالمضيف واداعتج كضاها صفنات بصفنات

--لويش كسر كلبي

--لان غبي وزمال سواها لباله سهلا وراح اتعدي مثل كل مره ماعرف هيج رد فعلج ويضل مثل الاثول وحده

--بس وعدني هو

--وماخلف بي هم كلتله يحلف ماخلف بي يكول بعدني عليه بعد شنهو يقصد مافهمت فهمج كفايه

--جذاب لاتصدكون بي سواها قبل وعافني على فراش الموت وسامحته بس هسه بعدمااكدر اسامحه

--يلا يمعوده تتعده واتصير اسوالف ولج خره بشكلج البيت وحشه بلياج خو تكج الثاني يفر بذاناته وحده عينه بالباب امتانيج لان يعرف خططه متنجح بدونج يلا خويه كومي ابسرعه ورديلنه انريد جولانج وجفصاتج الحلوه تره بالعباس البيت ميندخل وانتي ماكو

--الله كريم

--ماطول كلتي هيج بيج امل اتردين هاج ذني خليهن يمج اخاف تعتازين

--مااريد ذني منه

--ولج منه مني هيه افلوسنه وحده

--رجعهن اله وكله تكلك اني ماانشري بفلوس صح باعني بلاش بس ماخسر غيره اني اغله من اي شي يملكه

--والله صح السانج بس شتسويله هو هم جان موابكيفه هم حصرو وماكدر يفلت روحه

--روح مكرم بعد ميفيد الحجي وانتي هم ماراح اسامحك

--اهااا عليش يخوي

--مرتين جبت السيد وخليته يعقدني غصبا عني وخليتني اتعلق بي

--ههههههه غير ابكيفي ولج ماشفتي اشلون جنه ثور هايج اكدر اكله لا ذكرتيني اول مره خرب بغيرتج اشلون بهذلتينه كوه حصلت واحد والطريق كله اقراله اليتيمه يالله قنع

--شتذكر مني مكرم

--مااذكر اني اشوفج كدامي اخيتي الكضيت وياها احلى ايام والساعدتني بزواجي من حبيبتي وهذا الشي ماانساه الج وكفه حتى الزلم متوكفها والطفله التكمز التحجي بالسانةاعوج

--لعد خليني دوم بذاكرتك لاتنساني

--عليش بويه وين ناويه ترحين شتردين اتسوين غزل

--مااسوي وين اروح قابل بس ماراح ارجع

--الله كريم للرجعه هسه كومي بالسلامه وبعدين نحجي بهذا الحجي يلا لازم اروح اودعناكم

--الله وياك سلملي على هيفاء وعمه وكلهن والله حبيتهن من كلبي

--اووو غزل تره بالعباس اكعد اكابلج وبجي كافي

-- هههه ديري بالك على سماح لاتخليها مستغلها مؤتمن دوم تره ميستاهل وحده مثلها

--تره والله ضالمته انتي والله اتورط غصبا عنه

--الله وياك مكرم

--هههههه لااودعناكم كالها وطلع

ثاني يوم طلعت من المستشفى احسن شي سوا مؤتمن ماعقدني محكمه نايمه ابحضن ماما وكامشه مبايلي اكلب بصفحته اباوع صور عرسه ناشريهن ومسويله مشاركه اشكد طالع هيبه بالقاط والنضاره اشكد اتمنيت هاي وكفته الي مو الغيري بس نصيب ضحكت اتذكرت من كال متعرف النصيب اشكاتبلك

هوامحضر كلشي ومستعد ويسولف بالنصيب

--غزل ماما موكلنه كافي بجي

--لاماما هيج اجت ذكره على بالي وراحت

--حبيبتي نصيحه مني نزلي الطفل

--لاماما هاي الذكره الوحيده البقت منه

--والله راح يردج ابسبب هذا الطفل ويجي يوم راح تتندمين

--مااكدر هذا امنيتي مااگدر افقده

--انتي تردين اتخلصين من مؤتمن لولا لوناويه اتردين

--لاطبعا ماراح ارجعله لواموت

--لعد نزلي غزل ماما راح يأذوج بيه ويردوج مثل مااذوني بيج اخذي هالمره نصيحتي

--ماما

--شنو حبيبتي

--شنو بالورقه الي عد مؤتمن كولي ماضل شي بعد ينضم خلصت قصتي وياه

--غزل ماما شتعرفين عني اني موخوش

--لاطبعا ماما حشاج

--لعد الي بالورقه اعتراف بخط بخط ابوج سبب موته اني وعشقي وشياء اموثقه بالزنه

--يعني سبب انتحار بابا جانت هاي لوانكتل

--مااعرف لكيناه بالبستان مكتول ولاتساليني اشلون ماعرفنه لان مواول شخص ينكتل ويضيع دمه ماطولج بالعراق كلشي اتشوفين

--الولد الي تهموج وياه وينه

--هذا الشي محد يعرف بي غير مؤتمن

--يعني ذبحه مؤتمن مو

--موردتي اتعرفين الشي الي بالورقه خلص غزل سدي السالفه مااحب اذكر شي مضي

--والاوراق الي زورتيهن وبگتي حلالهم وينهن

--يم مؤتمن كلهن عنده الله يلعنه محاصرني بيهن

--اشلون ماسجنو من كتل واحد وبعدين هو زغير جان اشلون كدر يذبح بشر

-- ترا انتي ماشفتي من مؤتمن بس الوجه الحلو الله يبعدج عن الشر مالته ماعنده رحمه من هو وطفل هسه يماما بعد تركتيهم وشفتي اذيتهم مااريد تبتلين بطفل وياهم

--اخاف اخطي هيج خطوه

--ماعليج اني اكملج كلشي ماطول بعدج مااتعلقتي بي ماراح اتذكري بس طاوعيني اليوم العصر احجزلج وخلصي منه

--مااعرف

اهواي ماما ضلت تحجي ابراسي وحتى مريم هم مرتين اجت ونفس الحجي كالت ماطول محد يدري بي لان مؤتمن اذا عرف راح يقوم اقيامتج اموته ابنه

مااعرف اشلون بس قنعت انزله وماما ماصدكت ابسرعه رتبت موعد ويه الدكتوره على احسابنه مومستشفى للمغرب جان موعدنه

لبست وطلعت رجل اتقدمني ورجل اتأخرني

الحب الابداخلي يخليني اتمسك بي والكره والانتقام يشجعوني انزله القرارصعب بسلازم جان اتخذه وانهي كلشي

كاعده بالسياره بطريقي للدكتور وايدي على بطني غمضت واتذكر من قررت اسوي اشلون جنت فرحانه واتمنيته يصير بساعته

لويش مؤتمن وصلتنه لهيج طريق مسدود شنو الخلاك ادمرني بيدك مواني روحك والنفس التكول عايش بي طلع كوله جذب اي جذب هاي عايش بدوني

--يلا ماما غزل وصلنه

--ؤك ماما

نزلت دخلنه عياده قديمه خفت بس من منضرها موانوب ادخل بيها وكفت بالباب اريد اشجع نفسي وادخل اخذت نفس واتخيلت مؤتمن هسه خال دعاء ابحضنه يتغزل بيها حسيت گلبي ضاق وصار عندي هدف انتقم

دخلت جوه وكفت يم السكرتيره باوعتلي من فوك ليجوه لبالها ابن حرام وجايه اتخلص منه

انطتها ماما الفلوس كالت دخلي

دخلت واتفاجأت دكتور مودكتوره اول ماشافني ضحك كال يلا يحلوه صعدي عالسديه

انداريت للسديه شي مرعب وانوب وصخه كولها دم رجفت رد كال لاتخافين كلها دقايق يلا

رحت ردت اصعد خفت اتراجعت انداريت ردت اطلع كمشني كال وين بابا كلتلج لاتخافين

هو كمشني واني كمت اعيط اريد ماما

على صوتي دخلت ماما وعموقتيبه ركضت لحضنها ابجي كلتلها بطلت ماانزله

--ولج ماما مواتفقنه واخذته قرار

--لا ابني ماانزله يطبه مرض مؤتمن بس هذا ابني اريده

--هذا راح يدمر مستقبلج

--ميخالف ماراح اتخله عنه مثل ماابو اتخله عني

ضلت تتوسل بس قفلت ابني ماانزله عجزت وهيه تتوسل اخر شي كالت طلعي يجي يوم واذكرج بي

طلعت من العياده حسيت بروحي ردت الحمدالله مااتخبلت وموته خطيه شنو ذنبه هذا الشي الوحيده الصادق ابحياتي صار قررت احتفظ بي واعيشله

رجعنه للبيت وعمو طلع يكمل هو وماما شغلتنه اني صعدت غرفتي كلماردت انام ماكدرت اتكلبيت كمت طلعت الغتره خليتها ابحضني اتشتم بيها وابجي اشوكت راح اخلص منك اشلون راح اخلص من حبك هم يجي يوم وصدك اتصير ذكره عابره مثل القبلك

خليتها ابحضني ونمت لثاني يوم رحنه لربيل جبت جوازي واني حالتي من اسوء لاسوء العصر احضر بالجنط اني وماما اتصلت سماح رفضته ورجعت احضر بالجنطه رجعت اتصلت اخذت الفون ودخلت غرفتي رديت كالت ولج اترفضيني غزيلان

--شرايده سماح

--اسمع صوتج مشتاقتلج اشلونج

--تعبانه كلتها وبجيت

--يعمري ماشبعتي بجي موكافي

--وينه يمها مو

--لاوالله صار يومين ينام بالمضيف يم الولد ولج والله اليوم شفتها كمشتني الضحكه امعدله ومتانيته وهو ضربها بوري نام يم مصطفى وتعالي سمعي تصنيف مصطفى ماخذ اربعه ومنيمه ابحضني

شاهره شهيره والله يغزل اشوف الهظم بعيونه والشوك فاضحه اشكد يريد يكابر بس امبين ذاك وينه عينه بالدرج اعرفه يتخيل نزلتج منه اشكد يكسر خاطري بس هو دمر روحه لباله يكدر يكوش على كلشي ماعرف اول واحد هو راح يوكع بيها وها للعلم لساتها ابنيه ماگربلها بس محد يدري كالها اذا دره احد وكتها انتي طالق

--سماح كلبي يوجعني روح فدوه لاتجيبيلي طاري

--اوكفي لاتسدي خلي اكلج على اخر الاخبار

--شكو خير

--من رجع احمد منج اجانه متخبل اخذ مؤتمن ودخلو للمضيف اشويه وطلع مؤتمن متخبل اخذ تهاني ورجاء ودخل للغرفه رحت ورا اريد اعرف شكو بس من شفته نزع ابلوزه وسحب كيبل كهرباء وضل طرك البنطلون عرفت ورا شغله ناوشني البلوز وكال روحي سد الباب

--امم وشنو

--منسمع غير صوت الصرخات تطلع موتهن وحك علي صلخ منهن لحم خله ادمايتهن تتطافر ماعرفنه على شنو بس اتوسلو بي يعوفهن ماعافهن لمن موتهن نهاهن من صدك بحيث من طلع كبل اخذوهن للمستشفى تهاني تنزف والطفل مهدد بالاسقاط ورتجاج بالمخ ورجاء دخيل علي الله يحمينه

--شنو اشصار ماتت

--لابس الطبيب يريد يشوف الكسور البيها شنو اكتشف غير شي بيها

--شنو

--ذاك المرض الموزين

--يمه اسم الله دخيلك ربي وهسه

--هسه حال الضيم حالها حجهزها مؤتمن بالغرفه كال حتى مااعالجها خلي المرض ياكل ابجسمها لمن اتموت وحدها

باقيه متخبله المشكله المرض متقدم

--وعمتي شنو اشلون سكتت

--هددها اذا فكت حلكها يخابر اخوتها يجون ياخذوها باقيه امكابله الغرفه بس تبجي متكدر تحجي صار يومين لااكل ولاشرب اضن عمتي اتودع قبل بيتها

-- حوبت سمر لبالج اتروح بلاش

--لاوالله كلت المؤتمن هاي حوبت غزل شبعتها ضيم وهاي فطيره عليك يالله اتطفر بضكحتها

وتهاني وينها

--رجعها لهلها كلهم بس تولد اخذ ابني واطلك واهلها هم ماساكتين فوك الكسور البيها هم حابسيها بغرفه واخوها يروح ويجي ياخذله دفره منها يكلها وطيتي راسنه

--خلصت المشاكل خلي ياخذ راحته بعد

--لابعده عنده واحد يردون يلكفو مخبوصين عليه دز زلم يجيبو كلهم لاتردون بدونه والله اليستر من الراح يصير

--اشوكت يلزم الشيخه الي كتل روحه عليها

--باجر ولج يسون بث مباشر مو يفوتج وهاا يمكن عكبه يجيج ياخذج

--امم تمام بس جنت ضامتله مفاجأه هسه سويتهن 2 راح اخلي يترحم على الدموع النزلهن مني اذا ماخليته يبجي اضعافهن

--غزل عقلي شغله صارت وخلصت رجعي وصيري حبابه ميروحلها اذا كتل روحه يوم بالشهر هاي اذا انتي سمحتيله

--هههههههه لاخلي يمها خلي يشبع هاي الشيخه الجان يتمناها وباعني لخاطرها يلا سماح روحي وبعد لاتخابرين مااريد انطيج حضر مهما يكون بينه ايام حلوه

بجت وكالت والله موبيدي ماكدرت اكلج والله اموكف البيت على تك رجل يخاف يوصلج خبر راد يكمل الشغله بدون لاتدرين ويجيبج ومخلص كلشي ويضل يمج مالباله راح اتفلت من ايده الشغله

--ولج اتشوفيني افرش بغرفته واحضرها اشلون مامنعتيني ولج اجهزه بيدي وفرحانه اني الاختاريت الغرفه والبدله بيدي فرشاته اني جبتهن اشلون انطاكم كلبكم هيج اتسوون بيه شنو السويته واستاهل هيج

اني احجي بحركه وابجي وسمعت باب غرفتها انفتحت عرفته مؤتمن ابسرعه كلتلها يلا روحي

--اوكفي غزل بس ثواني اشلونج بويه

--تعبانه كلتها وغلقت الجهاز عرفت هذا سؤاله وراد يسمع صوتي

رجعت للغرفه الخنگه امدمرتني وجع كلبي وكسرته اموتتني كملنه امورنا وحضرت الغراض الاعتازهن

ثاني يوم جنت امتانيه تنصيب الشيخ اكثر منه اريد اشوف شنو تسوه هاي الضيع حبنه الخاطرها امراقبه صفحته بالثواني لمن فتحو البث المباشر بس بجهاز مصطفى افتح البث

واكف لابس اعكال وعبايه طالع هيبه اول ماشفته واكف يم الشيخ ويضحك احسه يمرد ابكلبي هاي ضحكتك وفرحتك اذا ماخليتك تحلم بيها اذا ماطيرت النوم من عينك مثل ماطيرته من عيني

اني اباوع بالغلط انطيت لايك وصلني مسج عالخاص من مصطفى غزل طلعي من البث

مارديت اريد اشوفه اريد اقنع كلبي بكرها الشيخ لبسه العكال عدل واسالمو ومااعرف شنو حجو ضلو اهواي يسولفون ويجحي كدام العالم بعدين اتسالمو وبدت العالم اتسلم عليه

وجان مؤتمن يصير شيخ هاي الجان يتمناها ميدري ابروحه حصل شي فقد اغله شي بحياته اشوف ضحكته واشلون فرحان يسلم مكرم حضنه ودكدك على ضهره انوب راح مصطفى هم سلم على ورجع عدل الكامره

كعدو طلع مصطفى يصور الذبابح والعالم البره سديت الجهاز

رحت للغرفه دزيت مسج لمؤتمن مبروك يبن عمي ان شاء الله راح اتنسيك الايام العشناها وتعوضك عن وجودي اختاريت الصح وشفت حياتك بس دمرتني جان علمتني اشلون اصير مثلك وادوس كلبي قبل لااتعوفني موجنت اتكول ثوله يعني تعرفني صدك ثوله واصدك بكلشي جان عالاقل حق العشره نبهتني وماخليتني هيج احبك لهالدرجه

يلا بعد ميفيد الحجي مبروك على ثنين الشيخه والزواج هم مالحكت ابارلك بالرفاه والبنين هسه انته صح اختاريت الشيخه الصحيحه التكمل وياها ماراح اكلك شي بكد ماراح اتمنالك حياة سعيده

غلقت الفوان اسمع ماما اتصيح يلا غزل ماما راح الوكت نزلت وسديت الباب مثل ماغلقت اخر ايام حياتي اهنا ضحكت اتذكرت اول مره افتح هذا الباب شنو جنت اتمنه وهاي اني سديته لنفس الامنيه

نزلت الدرج اباوع للبيت الي مالحكت حتى احلم بي دخلت وطلعت وحلامي بالهوا

طلعنه صعدت السياره اباوع للطريق واودع اخر ايام الي بي غتره مؤتمن بيدي ساعه اشتم عطره وساعه امسح ادموعي بيها هاي السياره اشلون اجيت شايله احلام واشلون رجعت شايله ضياع

وصلنه نزلت اباوع مطار بغداد الدولي شلت ايدي اباوع الساعه الخامسه مسائا ضحكت انداريت اباوع وراي شنو شفت بيك يالعراق بشنو اجيتك وبشنر رجعتني

سحبت جنطتي ودخلت ماما اخذت الجوازات واني كعدت منتظره الوقت يمر رن جهازي هيفاء رديت اسمع الهلاهل يمها فتحت كام كالت بالمبارك يالشيخه باوعتلي وصفنت كالت عليش تبجين

مسحت اموعي كلتها الشيخه لهلهه ديري الكامره هيفاء

--شكو غزل اشبيج عوفج من الكام خليج وياي مؤتمن اتنصب ولج صار الشيخ

--هيفاء ديري الكام

عرفتها متريد اتديرها لان راح اشوف منو اليهلهل واليگفل دارت الكام وصدك مثل ماجنت متوقعه شفت دعاء اتهوس وتصفك وبيبي واكفه تهوس وياها تضحك ردت الكام يلا هيفاء الله وياج

--وين انتي غزل

--راجعه لحياتي الصح عانيت اهواي جرب كلشي لخاطر اصير منكم بس ماكدرت روحي هيفاء روحي خلصانه مااكدر احجي

--غزل باجر مؤتمن الصبح راح يجيج لخاطري ردي ويا لاتطيرين فرحته امحضرلج مفاجأه

--مو اكبر من مفاجئتي يلا روحي

سديته

امحضرلي مفاجأه شنو اخاف ماكفتني المفاجأه المضت امحضرلي وحده لخ

رجعت انتجيت غمضت اجاني مسج كعدت عدل لكيت مكرم مبروك يالشيخه بس عذيرني كلما اريد اقتنع انتي الراح اتمشين ديره ماجاي اقنع يااخي كلش واكفه

ضحكت سديت الجهار مرت ساعه صار اليل رن الفون شلته شفت المتصل مؤتمن يمكن قره المسج فتحت كام باوعلي ماحجه اخذ حسره وكال اشلونج

--مم كولش زينه تمام اموري مبروك سويت الردته شنو حسيت اكيد فرحان موو

--فرحتي تكمل وانتي ابحضني

--لاهاي بعد صارت مستحيله ارضه بالبيدك لاتطمع بالأكثر تالي تخسر كلشي عندك البعتني لخاطرها كمل وياها مؤتمن هاي راح اتنفعك اكثر مني

--ماراح اكلج احبج ولامشتاقلج لان انتي اتعرفين كلش زين شنو انتي الي

--اني الغدرت بيها وكسرت كلبها اني الخذتني غصب وشبعت منك كتل واهاين واتحملت اني الحبيتك وادمن بيك وشمرتني

--كافي غزل لخاطر محمد كلشي يتصلح

--ماراح اتلحك مؤتمن خلص انتها الوقت وكلمن يرد لحياته

(على ركاب الطائره المتوجه ----- التوجه لبوابه رقم 10)

--غزل وين انتيييي

--كلتلك كل واحد يرجع لعيشته

--لاغزل لااا دخيلج لا لاتعمليها اعمل التردي لاترحين

--كلتلك لاتروح راح تخسرني

--غززززل غزززل التردي اعمله بس لاترحين ابروح ابوج وحك علي اسوي التردي وحق كلام الله غزل بس سمعينيي شنو التطلبي يجرالج لاترحين

هو يتوسل واني كمت بس ماسديت الكام اريد اشوف كسره كلبه اشلونها اسمعه يتوسل دخلت البوابه وهو اتخبل رفعت الكامره كلتله اكومفاجأه جنت امحضرتها واجيت ردت اكلك بس لكيتك امحضرلي اكبر منها

--غزززل عقلي لاتخبليني

--اني حامل

--رجعي غزل لاوحك كلام الله هسه اطلكهن اگلاثتهن غزل بس سمعيني

--خلص مؤتمن اعتبره حلم وكعدت منه

--غززززززل لالا مااريد شي اتنازل عن الشيخه وطلكهن شنو تردين بعد اسوي حجاها بنكسار وتوسل

--روح مؤتمن الله وياك

-+لاااا لاتكوليها كالها وبجه ولج اموت بدونج لخاطر حبنه لاترحين وكلام الله التردي اسوي

--ياحب الضيعته بيدك

--ماضاع شي رجعي لاترحي والله اعمل الردي غزل لاترحين

اول مره اشوف ادموع مؤتمن ينزلن ماحجه بعد بس ادموعه تنزل يترجاني مااصعد الطياره ابتسمت خليني ذكره مرت بحياتك انساني مؤتمن

مارد بس هز براسه لاااا ودموعه تنزل عالسريع

رفعت الفون ردت اسده كال لااا سمعت صوت بحت بجيته بقهر

سديت الفون وصعدت الطياره كلتلك راح ابجيك ماصدكت دااخل واسمع واحد وراي يصيح غززززل

انداريت شفته اخر شخص جنت متخيله اليوم راح اشوفه حسيت روحي جنت ابحلم مزعج وكعدني منه بصوته ضحكت وكملت طريقي

لن اعاتب ولن انتقم ولن احزن بل سوف اعود غريبه كما كنت

لهنا وتنتهي الجزء الاول من روايتنا

انتظر الجزء الثاني

تعديل المقال