رواية كفي والمنجمة الفصل الثامن والثلاثون 38 بقلم الكاتبة Leo alfatlawi

رواية كفي والمنجمة الفصل الثامن والثلاثون 38 بقلم الكاتبة Leo alfatlawi

كفي والمنجمه

للكاتبه leo Alfatlawi

بارت الثامن والثلاثون

دخلت للبيت شفت خاله بلاشيله كاعده شاكه ملابسها وصافنه

دخل مؤتمن وراي من شاف حالتها اجاها يركض يريد يشوف اشصارلها درت وجهي لغرفه هيفاء وصرخت بكل حيلي واني اشوف سمر مشنوقه بالمروحه

على صوتي كام مؤتمن دخل الغرفه وكال لاحول ولاقوه الا بالله

سحب كرسي ونزلها من مكانها وخبر الولد طلع وسد الباب

هاي كلها صارت واني على كعدتي فاقده الاحساس اجه مؤتمن كومني اخذني للمغسله غسل وجهي وضمني اله كولي يالله بنيتي

هو يحجي واني الدنيا افترت بيه حسيت شي صعد راسي فقدت بعد مااحس

فتحت اعيوني بالمستشفى امعلكين مغذي بيدي وعمتي ام مكرم يمي تبجي اتذكرت الصار كمزت اتوسل بعمه اتگلي سمر عايشه

--راحت ييمه راحت چتلت روحها

--لاعمه فدوه لاتكولين ماتت الله يخليج كلتها وشهكت

--ولج انتحرت بنيت اخوي لحكت ابوها اوووف يمعتصم راحت ابنيتك

--لعد وينننن امها عنها لوهيه كاتلتها موبعيده كلكم ضلم متخافون الله

--لايعمه امها اتكول عفتها نايمه امنت دخلت سبحت طلعت لكيتها شانقه روحها كالتها ولطمت

لميت روحي احس جسمي كله يرجف عقلي ميستوعب الصار شنو السوته واستحقت اتموت لويش هيج سوت بروحها

على صوتها دخلت الدكتوره كامت تحجي عليها اتكلها متشوفين حالتها اشلون ليش تبجين يمها طلعي منا بلازحمه عليج يلا

اجت يمي ضربتني ابره مهدء كالت استلقي ماما

رجعت تحجي على عمه اتكلها عدها انهيار عصبي لازم اتحسبين احساب لحالتها موهيج ياعيني

--يمه الراحت اخيتها

--الله رحمه الله بس هيه هم تعبانه حالتها

ضلن يحجن اني عيني راحت بالنوم للعصر كعدت على صوت مؤتمن يحجي ويه عمتي انداريت باوعتله تعبان وجهه وحتى الغتره على متنه مالابسها مثل كل مره شافني اجه يمي باس راسي كال هابويه شتحسين

هزيت راسي بماكو شي

--الحمدالله يعني اتكدرين اتطلعين وياي

--اممم

سندني كومني وكال العمه ساعديها بالبس خلي نطلع بس استعجلو

رجعت للبيت مرت ايام الفاتحه مااكدر اذكر منها شي لان فاجعه بالنسبه النه ماما ماتركتني خبرها مؤتمن

ضلت وياي اشكد حاولت تاخذني وياها بس مارضه

كلما ردت اوخر صوره سمر من عيني مااكدر حتى بجي مااكدر ابجي دخلت بحاله صدمه اكثر الوقت اخذ مهدء علمود اخلص بالنوب

لحد ماخلص ايام الفاتحه وماما راحت بس خطيه ضل كلبها يمي مابطلت مخابره

البيت صار كئابه الناس ماتركتنه للسابع داخله طالعه

مؤتمن بليل يذب روحه جثه من التعب صارت فاتحه كلش جبيره ماكالو للناس انتحرت كالومريضه وماتت

اليل اكضي بحضن مؤتمن وبالنهار بغرفه سماح اخاف وحدي اكعد صار عندي مثل الخوف خالتي جانت فاقده تكسر الكلب على بتها

رجاء كل اشويه ومتعاركه ويه هدى ويجي احمد يكتلهن اثنينهن كوه يفكوهن لمن مكرم يعيط بيهم

اليوم السابع وامسويلها اقرايه وكاعدين نختم قران احنه وين حالتنه وبيت الشيخ يسولفون وين خلصنه الختمه رحت لغرفه بيبي لان احس روحي تعبانه هالكد مابجيت

دخلت واشوف مرت الشيخ وبناتها يسولفون ودعاء تضحك بس من دخلت سكتو سلمت وتمددت على قريوله جدو

كالت مرت الشيخ هايمه ماعگلتي

--لويش بيبي اكو احد كلج اني مخبله

--لاحبيبه موش مخبله انتي شيخه البنات بالعقل بس لو اتكمليها وتوافگين

--على شنو اوافق مافهمت

--يمه اجيتج لهنا طالبتج طلبه واريدج مترديني وهاي اول مره اسويها واني الشيخه والكل يحسبلي احساب وچلمتي ماشيه بس هاي بنتي كسرت ضهري ليل نهار تبجي على رجلها وابوها حالف مينطيها اذا متوافقين انتي يكول مااريد ابني بيت بتي على خراب بيت بت معتصم

--يعني كل عقلج هذا وقته وبعدين هم عوفينه من المصيبه ترديني اروح اكله موافقه زوجي يتزوج

بيبي. انكتمييي بت فريال اكوم اگص راسج جنج طولان لسانج وصايرلج چلمه البت تجي واريدن اشوف اشلون تعارضين

--اي بيبي زوجي منو مانعج ذاك مؤتمن روحي اذا اتكدرين اتزوجي سويها لويش جايات تتوسلن يلا اريد اشوف اشلون اتجيبيها

--لااشو راح تجي وانتي التجهزيها بيدج وخليج عاجله اذا تردين رجلج يصير شيخ واله چلمته بالديره تتحملين كلشي لجله وتوكفين حده

ام دعاء -يجده ماكو مره تاكل مره واضلين انتي مريته العزيزه كلنه نعرف مؤتمن عاشكج ويشوفج بروحه وهاي حسبيها اخيتج ماراح ينكص منج شي اذا جابها

--بيبي اشبيج صدك دتحجين لوتتشاقين اني لوبيدي اخلي يطلك نسوانه الي موجوده مواروح ازوجه اله اتخبلت يالله اسويها

--لايجده انتي عاجله موش مخبله لان تفتهمين ومؤتمن يحبج ومايريد يكسرج ومحتار من زمان هاوي المشيخه كم مره مره راد يتنازله شيخ علوان عنها بس هو خجلان ياخذها ومنه و معلك بنته هيج لايگدر يجيبها ويكسرج ولايكدر يعوفها ويكسر بخاطر الشيخ مهما يكون البت تنحسب امطلكه وهذا عيبه بحق الشيخ بنته

--واني شكو مالكيتو غير رجلي تره الديره متروسه زلم شنو لويش اتحسسوني مابيها بس مؤتمن زاوج ماراح يتزوج ولاتضلون يوميه سالفه

--جاخليني اكلج زواج وراح يتزوج بس لبالي عاچله واحجي وياج وحتى هو هم قانع بس جان منطيج مجال تتفهمين بس الضاهر انتي ماناويه اتعگلين انجيبها وشتردين اتعملين عملي

--بيبي انتو كلتو بس عقد وكم يوم ويعوفها شنو دتضحكون عليه والله وروح بابا كون مؤتمن صدك يجيبها يحلم يشوف وجهي بعد وكولي كالتها

كمت طلعت خليتهن وحده تلطم الثانيه كل عقلهن جايات يقنعني بكل كلمه خره بالشيخه واني شمستفاده منها بس رجلي يروح هاي دعاء تاخذه وتاخذ ابو وانوب مؤتمن ابوعين الزايغه هيه تهاني العجوز وكامشه استعداد بس اغفل الكا طالع من غرفتها سابح

دخلت المطبخ ادردم شافتي سماح ضحكت كالت شكو ادردمين

--يردن اروح للشيخ اكوله موافقه يتزوج مؤتمن شايفه هيج صلافه

--وشكو بيها جيبيها وقسمي الايام بس خليلها يومين الها لاتنسين عروس ومتلهفه على مؤتمن خطيه خلي يشبعها

--لامن هاي الناحيه امأمنه من مؤتمن يوم واحد يشبعها هيه واهلها بلله صدك اذا اتزوج انوب كل اربع ايام يجيني المشكله مواهنا المشكله اخاف انسه هذا رجلي لان يمر وكت اهواي

--متنسين خيه يذكرج ويخليلج طوابع اتذكرج شهر بي موايام

--عزا ويروح غرفتها غير اموت سكتي حبابه لاتحجين هيج مؤتمن ميسويها موو

--والله شكلج محد يعرف شيفكر مشكلته مؤتمن يدوس على روحه لخاطر يرضي الشيخ وياخوفي يسويها ويتندم

--عزا لاتخوفيني فدوه والنبي اموت لامؤتمن ميتزوج ميسويها وبعدين هو وعدني اذا اتزوج يطلكني ويخليني ارجع لماما

--واذا اتطلكتي ورجعتي راح ترتاحين غزل اتكدرين اتعيشين بعيده عنه

--مااعرف بس الموت اهون من مااشوف مؤتمن متزوج عليه عزا غير اموت اذا شفته عريس ويا وحده غيري اكلج هو موعنده انسابه غير مؤتمن شكو مجلب بي

--هذا رباه بيده من جان عمره 12 سنه دخله مضيفه وحسبه ابنه علمه على كلشي يعزه حتى اكثر من بناته لو يطلب عمره موالمشيخه هم ينطي ومؤتمن هم معتبره مثله الاعلى

--لعد ماعنده ولد اخو اخوه زين ابو سماهر هم خوش رجال وكومه عنده نسبان

--مامعتبرهم اصلا موجودين دينه ودنيا مؤتمن ولج يشوف روحه بي منهو الوصله لهنا وكبر شغله غير الشيخ حتى الجامعه هو خلاه يكملها واتكفل بالمصاريف لان جدي عارض كله كملت اعداديه بسك ماعدنه مصاريف جامعه اكمش شغلنه واكعد تالي الشيخ دكله صدر دخله جامعه اهليه واتكلف بكلشي ومن اتخرج دخل شريك وياه ابشغله وكبره وخلاه يعتمد على نفسه

--لويش كل هذا يسوي حتى لوماجان عنده ولد جان اتبنه لو اخذ واحد من ولد اخو

--يشوفهم موكفو مؤتمن نفس طبعه كلبه ميت كالك بس هذا راح يمشي ديرتي ماعنده لاخوف لايحن لحد ماشي على قانون واحد خط مستقيم وذوله ناس ديرتنه رادلهم واحد مثل مؤتمن يالله يضبهم

--والله اذا ناس ديرتكم مثل اهل مؤتمن فحقه الشيخ صدك موبشر

--والله يخيه شكلج بس ترانه ماعدنه احنه بس عمتي وهاي لان عدها كره ويه امج هيج تعمل ويه غيرج عادي طبيعيه

--اوو وبيبي ورجاء وتهاني بعد هسه تجي دعاء تكمل شله الشياطين

--اوووف كون الله يبعدها ولايكمشون مؤتمن من ايده التوجعه

--شنو يعني اذا كله الشيخ يسويها مؤتمن ويجيبها لافدوه لاتكولين والله اموت

دااحجي وحسيت كلبي وجعني ركضت سماح كالت اشبيج خيه اشصابج

--مااعرف بس شي وجعني اهنا

--دكومي تعالي لغرفتي استغفر الله هسه وكتها ميكولون ناس عدهم مصيبه روحهم خالصه بس اريد اعرف شنو من بشر ذوله غزوله ابنيتي رفعي راسج شو

--بس وخري هسه ارتاح

عافتني وطلعت بره خليت راسي على الميز كلما جاي تكثر النغزه ابكلبي ضليت بس افرك بيها اريد الوجع يروح رجعت سماح دخلت وراها مؤتمن اجه يمي رفع راسي كال اشصابج بويه

--وخر مؤتمن مابيه شي بس وخر

--دكومي وياي لاتضلين اهنا اخذتي علاجج اليوم

--امم بس مااعرف لويش تعبت

كومني اخذني لغرفتي دخلنه سد الباب اخذني لجربايه قبل لااكعد كلتله صدك راح تتزوج مؤتمن وبجيت

--من انعل ابو لابو عشيرته يابه مالج شغل بيهن وحك علي لومافشله من الشيخ جاهسه دخلت سحلتهن مالج شغل بيهن بويه

--لعد هنه كالن يجيبها غصبا عنج مؤتمن انته وعدتني متسويها

سحبني لحضنه عصرني حيل حسيت روحي راح ادخل بضلوعه گال لاتبجين ولج والله كاره البيت واهلي ولوماانتي موجوده جان حتى رده للبيت مارديت من اذكر انتي متانيتني مااعرف اشوكت يگضي الوكت ورد لحضنج غير انتي النفس اشلون اجيبها غصبا عنج لاتبجين يعلة كلبي

كالها واسحب نفس طويل مني واتحسر

مؤتمن ماينطيني كلمه كلما احجي بالموضوع ميبرد كلبي ويخليني ارتاح يفر الموضوع ويسده اعرف بحبه الي ومتااكده منه بس حبه للشيخه هذا الي امخوفني منه مؤتمن من نوع يحب السيطره والصيت والهيبه يحب يكونله اسم جبيره وذني يحققهن بس بزواجه من بت علون وهذا الي امخوفني منه

خوفه وغيرته وحبه الي جان مبالغه بي حتى اهله ضاجو جدو كل مره يذكره يكله من شبهتج بجدج ماچذبت تاليتك تسودن وراها

بس الوقت جنت مااماامنتله خايفه يخطو خطوه يخلينه نفترق لان مستحيل اتحمل اشوف مؤتمن بحضن وحده غير انجن اموت

كعدت على لمسات ايده يمشيها على وجهي فتحت اعيوني ضحكت كلتله اشوكت اتبطل ازعاج واتخليني انام ابراحتى

--من اترجعيلي كلبي الاخذتي

--كلبك اهواي بي اشياء ضوجني بطلت مااريده

--وحك علي مابي غيرج كالها وباسني من شفتي وخرته مؤتمن فدوه جوعانه رجعت من المدرسه مااكلت

--يلا كومي وطفي الضوه وراج اريد انام ساعتين وكعديني

شلت راسي الساعه 3 باوعتله امضيكه اعيوني كلتله وين جنت الساعه 3

--والحمزه صار ساعه من اجيت وامكابلج بلكي اتكعدين وانتي ولايمج ضليت مثل اليتيم المكابل كبر ابو بس اباوع واتحسر

--هههه دوخر خلي اكوم وارجعلك

--اي هذا الحجي الي يريح چالاتطفين الضوه

--لاع ارجع ادرسني مو الي ابالك

--كومي لج كالها ودفعني طلعت اضحك على اسوالفه دوم عقله شاطح

نزلت ونسيت اخذ كتابي خطيه هسه ينام واذا رجعت اتضيع نومته صعدت اسمع صوت رجاء تحجي بغرفه تهاني اتكلها والله مااكدر انام من اهد موتتها اتخيلها كدامي ماجنت اريدها اتموت

--يلا خلصنه منها يطبها مرض المفروض اتفرحين اخذت السر وندفنت حمدي ربج ماكشفو بعدها ابنيه وموحامل غير كلبي وكف كلت رحنه بيها اذا عرفو

--ولج اشلون انتحرت وهيه مابيها حتى اتكوم اخاف انتي الي عملتيها

--ياع واني اشلون اعملها موش جنت وياهم طالعه وبعدين اني حدي ادبرلج واحد يجيها موتوصل للچتل عوفج منها سالفه وراحت دبريني مؤتمن اشلون ارده الي كون اخلص منها بس اشلون

--هاي شغلتها سهله يمي بس يتزوج هيه اتعوفه متاكده

--منهو يتزوج مؤتمن هسه لواتذبحي هو اذا اجه وشافها نايمه يضل يحوص ميعرف حتى الكعده اشلون يكعدها بدونها موانوب يجيب وحده ويعرف بيها اتركه ابسببها

--موش ابكيفه راح تجي وهو الممنون اله اكسر خشمها بيها بس صبري

--ولج بسلا سويتي الكلتي علي

--طبعا واتفقت وياها وافقت بالبدايه كالت هو ماطايقني اشلون بعد السالفه يعاشرني عاد قنعتها لبسيله ودلعي راح ينسه ابو مو السالفه هذا اخوي اعرفه يضعف يم الجنس الناعم

--مايضعف خيه ولاينسحب ساليني عنه هذا الطفل صار بطلاع الروح ويا وحتى ابن انهار موش ابن ليل خايف على مشاعرها ماكو هاي المفعوصه ماخذه مخه ميشوف غيرها لوبس اعرف شتسويله وهيج مطيره مخه

--لاتضلين اتلحين كلتلج شغلتج سهلا يمي بس دبريني اخلص من هدى لازم ادبرلي مصيبه اخلص منها دبريني

وكف عقلي واني اتسنط الهن حتى ماكدرت اكمل ذني شنو معقوله ضيعن ابنيه ابعمر الورد على شنو

هم ضيعنها

شنو عدها رجاء ضامته الي خلاها اتخبلها وتموتها يمه دخيل الله شنو ذني من الخوف نزلت اركض لسماح فتحت الباب حتى بدون لاادكها جانت نايمه وكعدت مفزوعه خطيه كالت ياساتر مؤتمن صاراه شي

--لاولج مصيبه اكبر بس اخاف اكوله اخاف ميصدكني

--شنهو ولج شو تعالي احجي انتي مصايبج ميخلصن لمن اتموتين الزلمه ناكص عمر

كعدت سولفتلها على كلشي صفنت كالت لاحبيبه ذني عرفنج واكفه تسنطين وحجن هيج يردن يعلكنها بينج وبين مؤتمن وتتخاربون كلشي لاتحجين كأنما ماسمعتي تره يغزيلان محد يخسر غيرج وراح تخربين ويه مؤتمن وحتى يتزوج بعنادج

--عزا لامااحجي بطلت مالي شغل بيهن

--اي حبابه مالج شغل بيهن يلا كومي اتغدي خليتلج اكل بالفرن

سماح انتي هيج تحجين مو لان اتخافين منهن لوصدك عرفني اتسنط

غززل تره ماكو هوش يحجي بصوت عالي بهيج موضوع بس كسر ركبه ودم وحتلو افترضنه صح روحي سولفي لمؤتمن احجي شنو دليلج وينه

ماعندي دليل بس متاكده منحد سمعني من صعدت جانن ماخذتهن السوالف ومنطلقات

بنتي انتي عليش متعقلين ياامي انتي موكدهن تركيهن ربي ياخذ حقه منهن هسه سمر بمكان احسن من جانت عيشتها اهنا وهيه تشكي لربها العملنه بيها تره لالبالج حوبت اليتيم تبطي لايكلبي مثل ماشفنه اشلون راح ابنها تطلع بسالفه ثانيه سبحانه وتعاله مايترك احد مضلوم

--لعد اشو لسه مدااشوف بيهن شي اشوكت رب العالمين ياخذ ثارنه منهن وهنه حتى ميخافن مستمرات

--ويمدهم في طغيانهم يعمهون كومي حبيبه لاتحجين بعد وسدي السالفه وابتعدي لا هم لبالج الناس غشمه اهنا تراهم امفتحين

--هسه مافهمت مؤتمن يدري لولا

--غزززل كومي بنيتي روحي اكلي ولاتدخلين بهيج شي مرة ثانيه كتلج سدي السالفه

كمت طلعت بس بعدني افكر ضل عقلي يودي ويجيب اكلت اشلون مجان حتى مااشتهي من السمعته بس مااعرف منو اليحجي الصح منهن وشنو ضامي

قررت اعوف السالفه مالي شغل بيهن صدك مااكدرلهن تالي هم يسولي مصيبه واروح بيها اهم شي مؤتمن عندي وهذا كافي

دخل مصطفى بيده تذاكر اشرلي وغمز كلتله شنو ذني

--لصاحبة السمو الشيخه غزل سفر لقضاء عطله راس السنه بالشمال

--صدك دتحجي

--ابعلي مااعرف حتى اني اتفاجأت من كال احجزلي خفت اتخبل الزلمه معقوله راح يتنازل ويطلعج ويا

--يييي واخيرا راح نطلع سوه لويش متجي ويانا

--يابه اني ماصدكت اخلص فد اسبوع منج صدك جذب وين اجي فكيني دخيل ربج هاج وديهن لااحد يشوفهن وبليل اجيب الجنطه حضرو كم حاجه خومااكلج اشتاخذين الجو بار انتي خبره بهيج اجواء

--لااعرف شكرا مصطفى

--لايابه صدك جذب بالخدمه هاج ولي يلا لااحد يشوفهن اطفري ليفوك

اخذتهن وصعدت طايره من الفراح دخلت للغرفه خليتهن على الميز ورحت حضنت مؤتمن ابوس بوجهه كعد ضحك كال هاي شنو معقوله حنيتي شو تعالي سحبني

--لا بس فرحان واخير حنطلع وحده سفره

--هاجابهن هذا الكلب حتى المفاجأه يضيعها ميخلي الواحد يستفاد

--مؤتمن تره الضهاري هسه لاتضل اتلح

--منهو واصل صوبج بويه كالها وسحبني ------

اليوم سفرتنه الصبح وصلنه مصطفى للمطار وكل اشويه موصيني بشغله يحجي على كيفه ومؤتمن يصيح مصطفففى بعد عن البت لاتسودنها

--يابه شكايل اني وصيتها على صابون ركي يكولون زين اهناك

--لاوانته اتكلي صدك جذب امش لك لااركعك دفره

رحنه بسياره لان ماعاقده محكمه وماعندي جواز اصلا فطرينه نطلع ويه اكروب مشونه بعقد سيد صح الطريق طويل بس جان حلو كوله عوائل ويانه اثنين استوهم متزوجين عن قصه حب اشكد حلوين

هم طلع الولد يعرف مؤتمن كلما ينزلون بالطريق نمشي سوه واضل وياها انسولف ماعفتها اذا ماحجتلي عن قصتهم كولها احب هيج قصص حب تنتهي بالزواج هيه اسمها مي وزوجها احمد كالت چالبالي انتو هم متزوجين عن قصه حب

--لاع اصلا متزوج عليه 2 ههههه

--بس امبين يحبج حيل اشوفج من اتانمين على متنه اشلون يكعد اعوج لخاطر تاخذين راحتج وميتحرك لحد متكعدين حتى كلت لزوجي اتعلم منه

--لايغرج هذا كوله اكلاوات

--الله حلوه اتكوليها الاكلاوات

--هاا بلشنه بالتنمر

--هههههه لاوالله حلوه لاتزعلين مااحجي بعد وين راحو ذوله

--هياتهم ديشربون جاي بره المطعم يلا خلصتي خلي نطلع

كمنه رحنه يمهم سحبني مؤتمن كال بردتي

--بس اشويه

راد ينزع قمصلته كلتله لاحرجع للسياره لاتنزعلها رحنه اني ومي صعدنه السياره دافيه اشويه وصعدو رجعنه كملنه الطريق وصلنه والمنظر يجنن نزلنه شلت راسي وضحكت كلتله تذكر لولا

ضحك وحضني كال اوففف لومامالاحكج جان متت وراج اشلون ولج انطاج كلبج اتركيني

--غبيه ماادري هالكد احبك

--ابغلات محمد غزل صدك اتحبيني لوشغلة وقت وتملين

--وحك علي اعشك يعلة كلبي

ضحك بصوت عالي ورجع عصرني بحضنه اي بالله وعشكج يعله گلبي يلا امشينه خلي انروح يم العالم شكو خاتلين اهنا بس غزيلان مواشوف ملابس اوفر اشويه

--هاامؤتمن موكلت على راحتج ماراح ازعجج بهاي السفره حبيبي شوف هاي السفره مال راس السنه اول سنه نگضيها سوه لاتطلعها من عيني خليني اذكر شي حلو وياك

--عليش ناويه اتركيني ولج

--لواموت مااعوفك هيج لزكه على كلبك بعدين لابسه مانتو طويل على البنطرون مامبين شي

--ماشي يابه ماعترضنه بس لو اتلبسين حذاء عاليه طولج نرفزني بصراحه احس امشي سنفور وياي

--مؤتمن لاتتنمر وعالي ماالبس هيج مرتاحه ماعاجبك لاتمشي وياي

--يلا لج شبر واكفه تتامر امشي

كل يوم يمر احلى من يوم صدك مؤتمن خلاني على راحتي بالبس بس واني هم كمت اعرف طبع مؤتمن مااسوي شي يضوجه طبعا متخلو من غيرته اذا واحد بس بالغلط فكر يباوع هذا الله كاتبها عليه

مرت لحضات عمري ماجنت متصوره اعيشها مصطفى هم مايفوت ساعه اذا مايتصل ويفتح كام ويانه اراوي المنظار وانسولف اشكد دوم يتحارش بمؤتمن يكله ولك شيخه لابسه بنطلون اشلون رهمتها

يضحك مؤتمن يكله كلشي يرهم وداعتك

اني جنت يم الشلال العب بالمي واكمز اريد اكمشه من فوك صاح مصطفى طفري بعد خوج هلابشيخه ال---- مؤتمن ميت ضحك

انضل انسولف اشكد بس اول متوصل للخباثه يسحب الفون من ايدي مؤتمن بسرعه يكله ادخيلك خليها عاقله خلي تخلص السفر على خير ويغلقه

اليوم نفتر مرينه على واحد يسوي وشم جلبت بي يوشم اسمي بس مارضه شفت احمد وشم اسم مي وهو مارضه زعلت ويا

اشكد اتوسلت بس جان قافل ضليت مااحجي ويا مرت ساعتين راد مني حجه اشكد كال فشله وميصير اشكد احجه شافني على زعلتي وخاصا من كلتله يلا نرجع مليت

--يابه بعد 3 ايام وين نرجع

--مؤتمن لاتحجي وياي تره من صدك مليت من تصرفاتك

--يابه شتصرفت وياج لاتخبليني وشم فشله العالم اتشوفه شيكولون عليه

--كول اسم بتي لاتكلهم اني

--وهمه غشمه ثولان مثلج وهيج يصدكون ابسرعه غير اصير مضحكه بالديره

--روح مؤتمن هذا اول طلب اطلبه منك وفشلتني

--يعمري يروحي يعلة كلبي تفتهمين الجاي احجي لولا

--لا انته لواتحبني صدك جان رسمت اسمي بجسمك مواني امسويته

--يابه اسمج بروحي موشوم

--اي اضحك عليه بهيج شي وخر مؤتمن والله ضجت منك

ضل يحجي ويقنع اشكد بس ابد مااماحجيت ويا لمن استسلم ورجعني لبو الوشم كعد كله اكتبلي اسمها من انعل ابو الي يحب

--وين ارسمه الك

--بضهري اكو نسر اكتبه بي بس زغره مااريده يبين

-- شنو بعد خوسوي نقطه وجوه برجلك فرد مره

--غزل وين تردين اسوي

--على الوريد بيدك

--خبله بعلي وانعل ابو الي يكول صاحيه

--راح تلبس ساعه عليه محد يشوفه واني اخلي بيدي اسمك فدوه حباب لخاطري

اول جان معصب ومارضه بعد التوسل وشافني برطمت ردت ابجي قبل بس كوه على اعصابه

وجان يكتب اسمي بدايه ايده على الوريد

هو كتب غزاله واني مؤتمن وره ماخلص شافها ضحك كال وعلي خبله وخبلتني وياها

كاعدين امتانين الساعه 12 اتصير وندخل السنه الجديده جهازي امخلص شحن اخذت الفون مالته واصور

طلع ايدك حبيبي خلي اصور ادينه اثنينه

--عليش يعني

--هيج تبقى ذكرى ويه الساعه 12 من يكبرون اطفالنه انراويهم

--اشوكت اتجيبيلي طفل غزل

--بس اخلص دوام

--سوي هسه علما يجي لنها العطله باديه ولج والله مشتهي طفل منج

--خلي انصور اول وبعدين افكر بالطفل

سحبت ايده وصورتهن سوه كلتله مؤتمن الله عليك كول والله ماازعل ياهيه اتحبها اكثر اني لوبتك لااتكول انتي زوجتي وهاي بتي لااريد هيج تحسمها وداعت ماما ماازعل

--عليش تردين اتعرفين

--لان عمو جان يسال ماما اتكوله لابتي صدك هيج الابن اعز من كلشي يصير

--هو الابن عزيز بس اتصدكين اذا اكلج انتي اعز على كلبي

--جذاب طبعا مااصدك لان ماما اتكول الطفل بغلات الروح

--بس انتي اعز من روحي لاسامح الله لوبتي رايحه مكان ابن رجاء جان ضجت كم يوم والتهيت بالحياة بس انتي اذا عفتيني اموت وراج ماااتخيل روحي بعيد عنج ساعه مو عمر

--مؤتمنننن صارت الساعه

بدت اطلاق الناري وني اكمز هو مكتفي بالتصوير والضحك عليه احلا ليله كضيتها ويا حتى الحب المانع مااخذته من ذاك الشهر جان ابنيتي صدك يصير طفل منه بس ماكلتله ردت اسويله مفاجأه

واكفه اشتري هدايه ماخليت احد كال ها يعله كلبي اكو ناس طفرتيهم

--ماطفرت احد موناسي ذولاك اهلك وهم مااشتريلهم

--ههههه خبله بعلي ميلي خلي اني اشتري

--عززا شنو شوذني 3 اخذت المن اكيد رجاء وتهاني وامك موو لواكو احد غيرهن

--ودين محمد الهن لايروح عقلج بعيد

وبعدين موبسج هالكد تاخذين لمصطفى بويه ماضل مجال بالجنط

--لاخطيه اتصل كال ذني قليلات شنو تلكي كدامج جيبي

--طبعا قابل دافع من جيبه فضيني يلا

--شوف هذا الاسكارف حلو تعال اشده بيدك لاتنزعه ابد هاي هديه كلتها وسحبت ايده اشدها

--اذا اضل وراج تطويلين شعري وتلبسيني ملابس املخه

نزعها وخلاها بجيبه

صار وقت رجعتنه رديت مومثل مارحت تعبانه الطريق كوله نايمه على متن مؤتمن ساعات يخليني بحضنه ساعات يخجل يرجعني على متنه

وصلنه لكينه مصطفى ومكرم امتانينه نزلنه مكرم سلم على مؤتمن بس مصطفى حضن مؤتمن دمعت اعيوني لهالموقف مااعرف بس حسيت بحبه اله رغم مايضهر طبعه يكتم هالشي اجه گال

--هلابالشخه

--هلووو صافو ولك اشتاقيتلك

--ولكلاكه التاكل اضلوعج يالفاهيه كم مره كلتلج لاتكوليها

--اووو نسيت

--امداج ثوله عمرج كله اضلين هيج وين وين جنطتي

---هياتها هاي خاصه الك

مكرم. عليش يابه خاصه اله شنهو عنده واسطه

--لاوالله ذلنه جابلنه جنطه اخذنه ملابسنه كل اشويه مخابرنه ترسوها هدايه لاتردوها خاليه الي فشله مني تالي مؤتمن اشتره جنطه غيرها وصدك ترسها غراض اله

مصطفى. كافي لج انكتمي الي يسمعج يصدك هو صابون ركي بس جايبتلنه العين والاثر

رجعنه اني سلمت وصعدت نمت تعبانه ولازم اداوم الصبح اشكد اخذت اجايز موسنه يمكن داومت كم اسبوع منها

هو بقى يوزع الهدايه تانيته مااجه بليل يمكن راح لسماح مشتاق لبته

نمت من التعب بدون لاحس بس حدي غيرت ملابس كعدت على حضنته فتحت اعيوني الساعه 2 كال ردي نامي خره بشكلج كلما ردت انام ماكدرت

ضحكت ودخلت زايد بحضنه نمت للصبح نزلت لكيت مصطفى امتانيني مؤتمن رايح للشغل كال فضيها غزيلان يلله عندي شغل

--بس دااخذ لفه مااتريك

--يلا طالع قبلج

طلع اخذت لفه دااطلع واسمع تهاني كالت دعاء نست هاي بغرفتي اخذيها وياج ناوشتني شال

اخذته بدون لااريد وطلعت صعدت كلتله مصطفى اشوكت اجو بيت الشيخ

--كولي جرسو مواجو ولج من رحتى لمن اجيتي اهمه موغفين على اگلوبنه

--شكو خير شرايدين

--رجلج

--شنو رجلي

--والله رايدين مؤتمن شنو اشبيج متفاجأه

--والله اليوم افلش راسها واعلمها اشلون اتفكر برجلي

--هلابخيتي روحي والهوا ابضهرج وعلى اذا مره صدك طكيها ومالج شغل بمؤتمن اني ابضهرج بس انتضري دقايق

لاف سيارته وكف يم اسواق نزل دخل للاسواق اشويه وصعد انطاني مسطره حديد كال هاي بس اتحاجيج سطريها على جهرتها

اخذتها وخليتها بالجنطه شغل اغنيه حماسيه يحمسني للعركه يسوق وياخذه الواهس يدك اصبعتين ويرجع للستيرن اتفاعلت بالهوسه ويا لمن وصلت ميته ضحك ردت انزل

كال اوكفي لج ماعرفت شيريد صدك مانزلت نزل قبلي فتح باب السياره وشال جنتي كال اتفضلي

نزلت وني اضحك كال خرب بغيرتج سدي حلكج لاتفشلينه

مشه ابصفي اشوف دعاء وزهراء يم باب المدرسه وصلنه قريب كال اتفضلي شيخه غزل اوامر ثانيه

اخذت جنطتي منه رديت تسلم بعد اختك اريد مصرف بعد

--افا جنج على مصرف اصيرلج افلوس كالها وطلع محفضته انطاني وغمز همس انعل اهلج اذا غلستي مارديتهن

اخذتهن ودخلت اضحك على اسوالفه بس صدك كدر يموتهن قهر دخلت لكيت سماهر سلمت وحضنتها انطيتها الهديه

وكعدت اسولف وياها بصوت عالي اسمع دعاء اشلون طلعنه وتونسنه وين دك اسمي وخلاني اي شي ابنفسي اسوي ماسكتت لمن شفتها تبجي اشكد فرحت

ماعرفت هاي ادموعها راح ابجيهن اضعاف بالمستقبل

كاعدين الدرس الثاني اتذكرت الشال طلعته واجيت يمها شمرته عليها وكلتلها تره كولش شغله قديمه شوفيلج غيرها

--احجي عدل اغزيلان

--لو سمحتي شيخه غزل اتعلمي تحترمين الاكبر منج جاه

--هاي اتحلمين بيها الشيخه لهلها متطلع منه

--ههه ضحكتيني اول مره اشوف شيخه ذاله نفسها هيه وامها لخاطر بلكي زوجي يباوعلها بس مو يزوجها

ماردت كامت من حركه كلبها ضربتني ابوجهي وجرت شعري كالت راح اخذها واذكرج وكتها

دفعتها وركضت للجنطه طلعت المسطره هيه جديده وحاده واني محتركه مااشوف وجان اسمطها على وجها اشكه من فوك ليجوه الدم اتنافر

ترس ملابسي لان كدامها واكفه هيه صرخت خبصت الامه لان اتشوهت وانسبت صارت هوسه اتجمعن المدرسات واتصلو اباهلها واتصلو بمؤتمن لان اني الضربتها

كاعدين بالاداره يردن يعرف سبب المشكله بس لااني احجي ولاهيه لمن وصلو اهلها امها واحد من انسابتهم عرفته هذا الولد الي اتحرش بيه يم الامام نفسه

خفت لان امها اتخبلت من شافتها اني خاله الشال على راسي اشلون مجال وگصيبتي طالعه من وراي انتبهتله باهت يباوع لشعري مويم المشكله

ام دعاء. وروح ابوي اليوم اطلع ابوج من كبره يشهد على مصيبتج اذا ماخليتج تبوسن قنادر اطلع ماافتهم

--ممم

--اخ ولج بت الفاهيه مامهتمه يبووو هدوني اكلها بسنوني ولج اذا ماخليت مؤتمن يسحلج كدام بنات المدرسه سهلا

المديره. بس اهدي هسه جاي زوجها حتى ترحون للمركز

--يبووو هم اتكول اهدي ولجن هدنييي

خفت منها نزلت ادموعي

صاح الولد عمه على كيفج خلي نفتهم

--ياعع اشتفتهم اتشوهتتت

همه يجحون واجه مؤتمن بسرعه اشوفه يمشي ويامصطفى لبالهم اني المضروبه دخل شافني قميصي بي دم اتخبل سحبني كال اشصابج بويه

ماردت

صاحت مرت الشيخ ويه صرختها ختلت ابحضنه ضميت راسي بحضنه دار ايده عليه يريدني اهدء رد على ام دعاء يابه على كيفج خلي نفتهم

--اشتفتهم البت اتشوهت ولاهامك بس شفت ادموع الخانم سالت كمت تتراجف اشمالك متكلي

--غير افتهم الصاير يابه يواشج

--ترضاها هيج شوهت البت وين اوديها هسه

--هسه اخذها للمستشفى بس هدوء

دعاء. لبالك مستشفى واسكت والله اشوهه الك مثل ماشوهتني

مصطفى. وحك علي ابن ابي طالب بس فكري اوصلي صوبها مو اتلوحيها لااعرف شيخ ولااهله احركج انتي واهلج والديره وانعل ابو اصله الي يمس شعره منها

--عليش لازم عينك بيها عليش هيج محترك عليها

--لومامره جان عرفت اشلون اردج واسحك على راسج بس هم مااخليها ابگلبج هاي غزل الي تشوفيها عندي تسوه اهلي وعشيرتي اعز حتى من روحي مااكلج مثل اختي لابتي هاي وحك ابو الحسن بس فكرو تااذوها وكتها اعلمكم الامهات شتجيب

سكته مؤتمن لان علكت بينه وبين دعاء ورجل اختها

لمن زمخ بيهم مؤتمن سكتو الحجي كله اني خاتله بحضن مؤتمن حاضنه بيد ضهره وايد كامشه قميصه من صدره علمود لايوخرني

هو جان لباله صدك خايفه ويريد يهدأني خالني بحضنه ويمسح على ضهري بس اني جذب اريد اموتها قهر

خونسيبهم عينه بينه اشكد نكس

المديره. اتكدرون اتحلوها بينكم يمكن ميعتاز شكو واذا تردون تشكون فااني ويه غزل طالبه مؤدبه واخلاقها عاليه مجده ماعدها لامخالفه ولاسمعنه صوت الها احسن طالبه عدنه اشلون صار هيج مانعرف

رديت واني اشهك ست والله ماادري دادافع على روحي لان ضربتني وجرت شعري بس هيج ضربتها بالمسطره اشو اتعورت

دنك مؤتمن مسح ادموعي كال كافي هدأي مابيها شي لاتخافين

ام دعاء. يبووو ولك البت مشوهه ياعالم اتشوهت وانته خايف على دمعتهاااا وين حظج ييمه وين متكليلي

مصطفى. كافي لاتسبينا صوتج يابه خوفتي البت متشوفيها ترفه وتخاف على كيفج

--يمه اشك اهدومي وين اروح هم كالو خوفتها

--اووو انتي اذا بقت وياكم اشويه بعد يمكن اتسودنيها تعالي غزاله تعالي يبعد اخوج اجه سحبني من حضن مؤتمن وطلع بيه عافهم يتفاهمون اول ماطلعنه اني مسحت ادموعي وباوعتله وطكيناها ضحكه

--خرب يومك موتت المره بقهرها

-- ولعباس ذيبه هسه عجبتيني صدك واكول تربيتي هيج دوم اريدج تاخذين حقج بيدج هاي اخيتي الترفع الراس

يلا روحي جيبي غراضح اخذج وياي خلي هذا يحلها وياهم

بين مارحت جبت غراضي اجيت لكيت مؤتمن يسولف وياا وهمه امبين طالعين وصلت يمهم كال مؤتمن خوانتي مثل ذيله ورا ورا لاتركي ديري بالج

--عزا شنو ذيله قصدك مصطفى جلب واني ذيله

مارد هز ايده وطلع كدامنه

مصطفى. امشي ياذيلي والجلب متنكال هيج يالغبره

ضل يكولها واني اعيدها ورا طلعنه وعلى نفس السالفه يعدي واني ورا لمن وصلنه للسياره شافنه مؤتمن ضحك كال صعد من الله يطيح حظكم غيره بلوه انتم

مصطفى رجعني ومؤتمن لحكهم للمستشفى بس احتفلنه بالطريق اغاني ونهوس منتصرين

لمن وصلنه نزلنه دخلنه لكينه مكرم ومرته وامه وسماح واكفه اتودعهم امبين طالعين شافتني عمتي صاحت يمه ابنيتي منو ضاربج كلتلها لاعمه اني كتلت دعاء

--ياع عليش يعمه

--كالت اخذ رجلج غصبا عنج شوهت وجها علمود مؤتمن بعد ميباوعلها

--يمه دخيل الله ولج بسلا ضربتج هيه هم شنو ملابسج

مصطفى. افا اشحده اليوصل صوبها غير جبتلها مسصره حديده وخليتها تطبر وجه البت خلتها نصين

--والله يعمه اعرف هاي اسويلفاتك راح اتخبل البت وراك

--عمه مؤتمن ديكول هو جلب وانتي ذيله ترضين

--والله يعمه ماجذب صدك چا تفترين ورا بلافهم شيكلج اتنفذين

سماح وهيفاء جانن ميتات ضحك

مكرم. حرمات عالتعب التعبته عليج ضيعه بالحضه مصطفى ولج وين التعلوم راح

--مواتعلمت منك شبعت مغمه كل اليجي يضربني هسه ياييي اكتلهم واخبث محد يكدرلي

--الله يعين مؤتمن على مابلاه روحي خويه غيري ملابسج

شمرت الجبه على السياج ونزلت للحديقه سلت اديه وجهي وهمه يحجون على مصطفى خطيه طاحو بي كلمن يرزل من صفحه عوفها وراح اتسودنها

اخذت الجنطه صعدت غرفتي

مؤتمن اجه كال خيطوها اخياط تجميلي علمود ميضل اثر اخذ امه واخته وسماح وبيبي راحو بليل الهم اعتذرو منهم

اني كملت دراستي ونمت ابسرعه علمود لااترزل لان اذا اجه والشيخ امسمعه كلمه راح يطلعا بيه اعرف بس بلكي يلكيني نايمه ينكسر خاطره

بعدني ماغافيه سمعته دخل لكاني نايمه ماحجه اسمعه نزع سلاحه وشمر ملابسه اخذ مشفه وراح للحمام ضليت ولااتحركت سويت روحي غاطه بالنوم طلعت ونشف اجه كعد وانتجه يمي ورث جكاره

وضل يكلب بالفون امبين ضايج لان رجع الفون وتمدد عدل نام وماسحبني اله اول مابده ينام ادنيت حشكت روحي بي دفعني واندار للجها الثانيه همست مؤتمن مارد

-- مؤتمن اريد اسوي طفل انابيب

--شنو بويه ؟ كالها وندار يباوعلي عاكد حاجبه

--طفل انابيب لعد اشلون يصير الطفل اذا رجل ماعندي

-- بطلت خلي اكبرج اتراجعت مااريد طفل لان طلعت العندي ازغر طفله يابه اشلون ضاربتها هيج

--لعد اتكلي اخذ مؤتمن غصبا عنج

--واذا تاخذ مؤتمن اتشوهيها

--علمود متباوعلها شنو واذا شدتقصد مؤتمن

--بويه مااقصد نامي استغفر الله وهذا عطرج تره سطرتيني بي قللي منه اليوم اشكد اخجلت من صعدو وياي سالو عن اسمه

--يمته احط اهوي بس اشويه

--ياشويه ولج اشرب مي الكه عطرج البس القميص عطرج السياره هم ولج البيت كل شغله اشيلها اشتمه بيها

--اي لعد البزونه اشلون اتخلي البزون يحبها ويتبعها اتبول بكل زاويه

--من الله يطيح حظ وحظ الماخذج على هذا المثل الماخذته عبره بحياتج نامي لااسطرج دفره انيمج بالبانيو عدل

--على شنو انام بالبانيو واني كلشي ماكو هسه لوعندي رجل جان كلت اي بس اسبح بهالبرد وماكو هاي واكفه

--هاا هيج تعالي واخلي اسمعج اتنعوصتي لو بجيتي اشمرج من الشباج كالها وسحبني -----

لمن صدك خلاني اعيط دفعني كال لخاطر اتوبين متتحارشين بعد

احمد كمل بيته اجه كم مره على رجاء مارضت جان شرطها ايطلك هدى كالها جاضلي يم اهلج اشكد اتمنه يردها واخلص بس ماكو لاطشه

وكت العصر كالو سوو جاي اجه الشيخ انخبصو دخلت مرت الشيخ ودعاء وريم بس ريم جان وجها محتقن مااعرفت اشبيها سلمت وكعدت سولفن وضحكن كالت كربي كعدي يمي

كمت كعدت يمها جان مسافه بينه وبين دعاء ومها

حجت على كيفها كالت شوفي غزل مؤتمن ميحب غيرج واخاف اتصير شغله فغصبا عنه لاتفرطين ابحبه ترا مضلوم حاله حالج حسبيني امج واخذيها مني نصيحه بيتج ديري بالج علي ترا كلنه نعرف وموبس احنه الديره ماعدهم سيره غير عشگ مؤتمن لغزل فايايمه يديري بالج اتضيعين زلمتج من ايدج تره مؤتمن خوش مؤتمن وماكو بعينه بس انتي

--اصلا كولش مافهمت شدتقصدين

--يجي وقت وتفهمين تركج تعالي كولي اشلون شوهتي البت

--تستاهل خاله عينه على مؤتمن

--والله عاشت ايدج بس كون الله ويضل اثر وصدك تشوه

--لاتخافين ضربتها حيل مابيها مجال تشوه

--هم عاقبج مؤتمن لوحجه عليج

--هئ بس كال عيب بعد لاتعيديها

--ههههههه بعد عمري والله جنج سيطرتي بعد حتى الغلط ميكدر بعد يحاسبج عليه صدك من كال الشيخ مؤتمن قبل قريت عليه السلام

--شفتي اسمي بيده وشمه واني وشمت اسمه حلوو

-- حلو ييمه الله يسعدكم يبووغير اجت دعاء ميته اتكله يصيحوله ابو غزل وهم اسمها بيده اخاف اتروح دقيقه عن باله وانوب علوان يكلها هسه اذا على الوشم واللقب سهلا خافن يسمي الديره بسمها

-- عززا فشله يعني ضاج الشيخ

--لاوالله فرحان لفرحته جانتي ماتعرفين معزت مؤتمن عند الشيخ اشكد بعدج

--اعرف من خلص افلوسه يمشي ويفصل وره مؤتمن

--كون الله يهدي ويبطل عن الي ابرسه ويخلي الولد لايكسر فرحته ويدمره بيده

هيه تحجي ودخل مؤتمن كال يالله ودخل كالهم يلا الشيخ طالبكم

كامو وعين هاي مال الفكس بي هو واكف مدنك وهيه اتباوع الطول جان ابالي اكوم اطبر خدها الثاني

انتبهلي اريد اكلها خاف اتصير مشكله طلع على السريع وهمه ورا طلعو رگضت اخذت الشال من سماح وطلعت وراهم اخاف يسولف وياها بالباب طلعت لكيتهم بالطارمه واكفين

يسولفون سلمت على الشيخ وكفت ابصف مؤتمن الجان كوه كامش ضحكته

رد يسولف ويه الشيخ وبيبي امشاركتهم هيه وجدو

لمن گاطعهم الشيخ گال المؤتمن شنهو بويه جنك طولتها يابه لارايدين لامهر ولازفه

هاي بتي الك مترد وياي اخذها بعباتها---

التاسع والثلاثون من هنا

تعديل المقال