رواية كفي والمنجمة الفصل السابع والثلاثون 37 بقلم الكاتبة Leo alfatlawi

رواية كفي والمنجمة الفصل السابع والثلاثون 37 بقلم الكاتبة Leo alfatlawi

كفي والمنجمه

للكاتبه leo Alfatlawi

بارت السابع والثلاثون

دنكت خلت السجينه ابركبتي وعكست رجلها على بطني

كالت نزعي ملابسج بس تتحركين انحرج

--زهراااء فدوه بس سمعيني وخري السجينه فدوه حدتخبل بركبتي

--ششش صوتج اي حركه تنحرين نفس مااريدلج

--الله يخليج بس سمعي عيب الدتسوي والله غلط ومؤتمن يموتج اذا عرف ااااخ زهراء ركبتي كلتها وبجيت لان دخلتها زايد

--صوتج سمعي لج الحمام بعيد لواتصرخين لباجر محد يسمعج نزعي بدون صوت اذبحج واطلع محد يدري بس تعترضين

--والله يذبحني مؤتمن فدوه اروحلج

--ماراح يدري بس طاوعيني وسكتي

--ولج يعرف والله زهراء عقلي بداعت ابوج والله انموت اثنينه مؤتمن ميرحمنه الله يخليج ولج اني من هالنوع لويش انتي مد تفتهمين

--اششش صووووتج

اني الشهكه كامشتني واتوسل شكلها يخوف اتباوعلي بنضره مقرفه ولايمها اشلون اتوسل وابجي

خلت الفون ابصفحتها ومد ايدها لقميصي جرته طكت الدكم

رد اكمش ايدها نبتت السجينه بالوريد اكثر كالت بس تتحركين اسحبها اكطعه

ايدها جان اتحركها على جسمي بقرف دخلتها داخل صدري ---كمت اصرخ موابنيه مستحيل اتكون تصرفات ابنيه هاي

فتحت الفون استوها واندكت باب الحمام حيل صوت دعاء وسماهر يصيحن زهراءءء وحك علي يبذبح مؤتمن ولج فتحييي

اني ابجي واتوسل بس مااكدر اتحرك شاله حركتي بالسجينه ضاغطه الشريان بيها بس اتحرك ينكطع

وهنه يدكن بالباب هيه ارتبكت كامت ضمت الفون كالت سدي دكمج واذا حجيتي اذبحج اذبحج متفلتين من ايدي

كعدت لميت روحي ابسرعه ارجف ميته خوف وهنه انخبصن

كسرن الباب وايصيحن فتحي

راحت جهت الباب فتحتها دخلن وسدنه وراهن

اجت سماهر تركض كعدت كدامي صافنه كالت اشسوتليج

اني من الرعب العشته مااعرف احجي بس ادموعي تنزل وارجف دعاء وكف تحجي واتصرخ عليها كامت سماهر جابت مي غسلت وجهي ودكمت قميصي

اجت دعاء دفعتها ردات تفتح القميص كمشتها خفت بسلا نفس اختها

--بعدي لج ايدج خلي اشوف شمصخمه بيج

سماهر. عوفيها يمعوده حتى امصخمه محد ينتبه هيه اتضم السالفه

--ولج يامحد ينتبه هذا ذيب يعرف الجديد عن القديم انوب ننفضح شو لج خلي اشوفف

-- وخري مالحكت اتسوي شي ذني قديمات مومنها

كمت سديت قميصي وغسلت وجهي جنت امقرره اطلع واخبر مؤتمن بالصار هو يتولاهن

دعاء. شوفي ولج غزل اعرف شنهو ابراسج اخاف نيتج اتكولين لمؤتمن تره محد يخسر غيرج

--عود انشوف وروح بابا اذا ماخليتجن اتندمن عالصار بس خلي يجي انتضري

--ضحكتيني باوعي لج اول شي مينطي اباابونه وحتى لو اجه كله راح يسترون على الشغله ويلموها يعني اني اخذه وزهراء يشمرها على مصطفى يسترونه بيهم وانتي ياحلوه بعد ماكو مدرسه اتكعدين اتخدمينه بعد فضيحتج شيلي مدرسه من راسج

--شنو انتن هم بشر

--اي حبيبتي بشر ويم اختي لاتوصلين تره حذرتج هاي تتحيون من اتشوف وحده حلوه وانتي الضاهر خلتج براسها فبعدي احسن

--عزا مريضات انتن مستحيل اسكت هسه بس اوصل اكوله وشنو يصير خلي يصير

--والله اكون ممنونه اذا اتكليله لان ابوي امغرك مؤتمن بجمايله مستحيل يخلي ينفضح اكيد يسد السالفه بزواجنه فياحلوه ياريت تستعجلين واتكليله

ضحكت وطلعت هيه واختها من الخوف والهبطه كعدت مكاني ارجف كعدت سماهر يمي تتوسل اكوم لان راح يرن الجرس كالت تنفضحين ومحد يتأذه غيرج ذني يطلعن منها

--لويش موانتي دتسمعين روحي وياي نشتكي يم المديره

--مااكدر ذني خالاتي واذا سمع ابوي يبطلني ترا لالبالج راضيه على الي يعملنه بس مابيدي شي لاتنسين ابوهن شيخ وكلشي بيده

--شنو يعني هسه لازم اسكت ولج جانت بيدها فون

--اي هذا النقال رادت اتصورج واتضل اتهددج بي لو تجين وتعملين التريده بيج لو ادز صورج لزوجج وادبرلج تهمه

--يعني امسويتها قبل ويه وحده

--مااعرف احنه ابوي مانعه من الروحه الهم بس امي اتروح لان يعرف بيها موراحه ولج حتى رجلج هم انتبه كال لبوي وصلتهن واشوف وحده منهن اتباوع لمرتي بنضره اني اخجل اباوعلها بيها

--اي قبل كم يوم اخذناهن صدك جان يباوع بالمرايه اني لبالي يباوع لدعاء

--يادعاء هاي المزنجره هو العده مثلج هم النه نفس يباوع للعبده ديلا كومي دك الجرص خلي نطلع

خلص الدوام واني احوالي تعبانه بعدها الخوفه بيه كل مااتصور المنظر ترجعلى الرجفه يعني لومااملحكات عليه جان الله اعلم شنو حالي هسه

بس همزين دعاء نبها مفتقدتني والضاهر عارفه اختها خالتني ابراسها

طلعت لكيت مؤتمن واكفلي اتعجبت اشجابه هذا وصلت للسياره لكيت تهاني كاعده يمه صعدت حتى ماسلمت

تهاني. السلام لله تره

مارديت انتجيت وضليت اباوع من الجامه بالي وين وهاي تلغي وين

--ماباركتيلي چاغير اخذت تحليل وطلعت حامل وراح يصير عدنه فرخ جديد

شافتني هم ماريدت سكتت رجعت كالت والله مكانج خالي اشلون ونسه وغده يخبل اخذني مؤتمن مچان اتكول چنه

مؤتمن. كافيي بويه اشكد تلغثين

افتر مؤتمن اطلعها ونسها اريد اشوف شنو نهايتك وياي

عينه جانت بالمرايه كلمااشيل راسي اشوفه يباوعلي لباله ضاجه لان طلعها

خليت راسي علي الجامه واباوع للشارع صافنه على حالي شنو عيشتي شنو ضامتلي الدنيا بعد

اباوع للشارع العالم تمشي هسه ذوله هم شايلين هم اشلون عايشين شنو حياتهم هم اكو مثلي هيج دولبتهم الدنيا وين جنت وين اجيت

قاطع تفكيري مؤتمن وهو يكول غزل بويه بيج

شي

انداريت باوعتلي بس مارديت رجعت راسي محد دمرني غيره دااحطم ابروحي كوله ابسبب خوفي منه لويش هسه محتاره المن اشكي ومنو ينصحني

رن جهازه رد كال بالطريق هسه نوصل واتصلي.

لالا اشكد اتحلين دخيل ربج هاج اندار كال هاي امج وياج

اخذت الفون كالت ها ماما اتصل عليج صار يومين ماكو

ماكدرت احجي عربي ردت اخذ راحتي رديت بالغتي هيه افتهمت انو اكو سالفه اخذت راحتى ماخليت شي ماكلته اخر شي كمت ابجي اريد تنصحني

--غززل ماما لاتحجين كدامه شي هذا خبل راح يبطلج وتنكلب السالفه عليج

--بس ماما اخاف اروح للمدرسه بعد

--حبيبيتي روحي وخليج ابين البنات لاتنعزلين مابقى للامتحانات اهواي حرمات هم اتروحين سنه عليج غززل اهم شي النتيجه اريدها ماما سمعي مني مواتكولين اكو صديقه اسمها سماهر

--اي ماما

--اي حبيبتي حتى للحمام دخلي وياها اذا احتاجيتي لزكي بيها واتفقي وياها ابيوم الي تاخذ اجازه خلي اتخبرج حتى هم لااتداومين

--لويش مااحجي

--يماما مثل ماكالت دعاء هاي اذا مومتفقات هيج يسون حتى اتكولين لمؤتمن هم راح يبطلج وهم يجيبها ابحجت يسترها ويلم السالفه لخاطر ابوها مااستبعد جدتج دازتها

--يعني هسه مااحجي حتى لسماح وهيفاء

--بنتي عقلي وافتهمي دااحجي وياج تره ماكو عقل يستوعب الصار محد يصدكج بس يطلعون سالفه عليج موخوش ذني حيايه هسه اتسكتين وتكملين دراستج وتنتبهين خليج ابوسط البنات لاتبتعدين ابد ولج هاي حايكاتها سوه حتى يفرن السالفه لاتضلين تبجين كافي

--ماما داكولج اخاف وانوب هذا هم لاطشلي بمرته

--عوفي وقهري بغير سالفه هذا من ذيج عملتج مسيتي كرامته يريد يردها بس مايعرف يبا طريقه تره هو هسه هم متخبل كلمااتصل يسب ابتربيتج وينزل عليه فايض بي الشوك ميكدر يضمه اكثر مفضوح بس كرامته مانعته

--يلا حنوصل ماما

--مثل ماوصيتج هذا رجلج حگري والبنات لاتحجين بيهن وحضرهن من الفون اخاف هم يسولج سالف

--ؤك ماما باي

سديته مسحت ادموعي ورجعت الفون باوعلي اشرلي شنو الصاير

تهاني. شفتهمنا هسه بس اتنعوص وماما وماما

مارديت رجعت انتجيت صح هو يعرف مختطفات انكلش بس مولغه كامله ماراح يلحك يفتهمها لان احجي سريع امأمنه من هاي السالفه

وصلنه كال لتهاني نزلي عرفته يريد ياخذني ويا لباله ضجت لان طلعها صح اني هم ضجت بس سالفه زهراء غطت على الصار قبل لاتنزل تهاني فتحت السياره ونزلت

صاح غزل اوكفي بويه مارديت دخلت للبيت ابسرعه

صعدت غرفتي وقفلتها حتى ميدخل وراي اني اله اذا ماتوبته من صدك واخلي يدوس على كرامته الخابصني بيها مااطلع غزل

غيرت ملابس وشمرت روحي على الجربايه من تفكير وتعب وقهر نمت ماادري بروحي للمغرب صح مرتين سمعت الباب يندك بس ضليت على نومتي الفون هم سمعته يرن بس ولااتحركت لليل كعدت شبعانه نوم

فتحت الفون لكيت كومه اتصالات منه هاي لان مافتحت الباب متصل يلا خليني اشتغلك اشويه اتلهه بيك ماطولني ضايجه واسوي مثل ماكالتلي ماما يمكن صدك هاي لعبه حتى تجي دعاء

غسلت شلت شعري اخذت اكتابي والمحفظه نزلت جوه رحت للمطبخ لكيت سماح تغسل الممه كالت صح النوم

--جوعانه

--هذا حبيبتي اكل سويلج لفه

--وعندي امتحان

--والله مافارغه شوفي مصطفى بغرفه جدتي

سويت لفه ورحت صدك لكيته كاعد على الكرويته وخال رجله على الطبله بعدها امكبسه اول ماشافني كال بسلا عندج امتحان

--اي والله فدوه وماراح اشلع كلبك ابد ابسرعه احفظ بس هيج فوكاني درسني

--اغزيلان تره روحي واصله ابخشمي ونعسان اذا ماحفظتي اهفج دفره لمن افتح الجبس ابراسج

--صدك اشوكت حتفتحه

--باجر يلا انطيني كتابج وفتحي مخج

انطيته كتابي وكعدت بالكاع كلتله ماطول حتفتحه خلي اوقعلك عليه

--وقعي شمخطي بس فكي مخج لو اترسميلي

--ارسملك ذولاك الناس حتى اتسحك عليهم

--اكثر من هيج سحكه مااتصور ينسحكون سكتي لان اجو تالي ننسحك اني وياج

سكتت كعدت يم الميز صرت ابصف رجله طلعت اقلام تلوين هو يدرسني واني ارسم وكل اشويه يسال

مصطفى عصبي لازم ارد ابسرعه مومثل سماح تتحملني واتعيد

الكل كاعدين مؤتمن يم بيبي على القريوله وسماح ابصفه كاعده تمسح على ضهره

اصلا مويمهم اني ماخليت شي مارسمته برجل مصطفى بس بالي ويا بالدراسه لان اخاف انكتل اذا جاوبت غلط لحد مابيبي قاطعتنه من كالت هسه راضيه عليك يجده من چسمت وعدلت بينهن

مصطفى. من اشوكت عدل هاي جديده

تهاني. من زمان عادل بينه مؤتمن بس جان اكو مشكله وانحلت الحمد الله هسه كل يوم يم وحده

--اني يومي متنازله بي الج مااريده

--ياع معقوله اشعجب غزيلان عاد كد كلمتج

--اي كد كلمتي بس كون ذولاك الناس يصير عدهم كرامه وميضلون بالباب يتوسلون ادخلهم جنت

امدنكه ارسم واحجي بعد ماشفت رد فعل مؤتمن شنو حرك رجله مصطفى رادني اسكت كلتله

مصطفففى لاتتحرك حتخرب الرسمه

اجاني مسج

فتحت طلع من مصطفى ضاحك وكاتب بالعباس بيج مره بيج حظ خرب بغيرتج انطيتي بنص كصته خلي اشوف اشلون راح يلم السالفه

-- تربيتك افا غير اعجبك

--ابعلي عجبتيني وحده ثانيه وخلينه انجلطه

--بس لحضه خلي ادبرلي بس اخاف ارفع راسي اشلون شكله

--ماكو ولانفس على تدنيگته عالاساس مامعتبرجن خالجن تلغن وحدجن بس ذاك وجه وينه امبين

--وبيبي شنو وضعها

--جدتي وتهاني راح يطيرن مامصدكات انتصرن لاتشيلين راسج خره خليج مثل مانتي

يلا تركي الفون وخليج وياي خلي اكمل شرح

شمرت الفون رجعت ارسم لحد ماوصل نهايه الفصل وسالني صفنت كال الله من وزع العقول وين جنتي

--جنت اسبح صدك مره غرگت بالبحر

--شوصلج صوب البحر

--هذا سيف الحمار كلي دخلي واني جاي وراج بس اني رجلي اخذتني للغميق ومااعرف اسبح وهو اتعطل غركت همزين لحك عليه اخر نفس جان متت

--ماطكج طكه توبج بيها

--هئ بس عيط عليه اول ماشافني نزلت ادموعي سكت ههههه

تهاني. واكيد بالمايو اتسبحين

--لاجنت لابسه دشداشه وشال شهالتخلف الانتي بي وتره للعلم اكو مايو مستور شورت وكيمونه موكلهن سوه

--وشورت وكيمونه يعني موامصخله اتحسبين روحج

--انتي غبيه غير جنت بره قابل اسبح بالنقاب

بعدني اكمل حجي ومؤتمن صاح مرررض اكوم اسحك على راسج واسكتج لواشلون

سكتت رجع مصطفى كمل شرح وسالني كم سؤال همزين عرفتهن بس واحد غلطت بي واجتني الدمغه ابنص راسي وشمر الكتاب بره كال كومي طلعي من وجهي

كمت جبت الكتاب وحاجيته بتوسل راح انتبه بس هالمره

اخذه ورجع شرح هالمره عدته عدل خله الكتاب يمه طلع الكتاب الثاني يقره بي علمود يطلع بس المهم يدرسنياه

شلت راسي لكيت مؤتمن يدخل كل نفس يسحبه يخلص الجكاره كلها العصبيه فول مفعله يمه تطلع من اذانه عرفت روحي زودتها ويا بس يستاهل مو تهاني خالها بالصدر وتفتر بيها خلي اشوف اشلون حتنام اليوم

خلصت دارسه والرسمه اخذت كتابي كلتله خلصت اشلونها رجلك

اشرلي ب لاك وهز ايده وره ماشافها كال اشلون باجر افتحه كدام الزلمه

ام مكرم.هههههه عود كله بت اخوي شخبطت

--ياعمه شنو شخبطت هذا الابداع كوله واتكولين شخبطت صدك اتكبتون المواهب

مصطفى. امشي لج كون الله باجر تجين مامجاوبه اذا ماشلت الجبس من رجلي وخليته براسج اطلع ماافتهم يلا ولي

طلعت لغرفتي صعدت لكيت تهاني بالباب واكفه شافتني وطكتها ضحكه كالت خو رد لحضني بعد بنعال ميشتريج لو اتحفظين كرامتج وتردين لمج احسن

--عود ميخالف خلي اشوف اشكد راح يضل يمج اشكد يتحمل ويصبر بدوني

--ههههه حلمي حبيبتي حلمي اذا ماخليتج ابصف اختج واتحلمين بااضفر مؤتمن ولو هسه لو يصبوج ذهب بعد ميكلبج ولج المن انتي المؤتمن اتكليله كون تحفظ كرامتك ولله شفت ثول مثلج ماكو

والله عندج ثقه ابنفسج يلا اجتني صافيه امعدله ادفي زين تره الجو بارد

هم يالله اروح احضر روحي كالتها وضحكت دخلت غرفتها وسدتها ابوجهي

سمعت مؤتمن يصعد ركضت فتحت الغرفه كال على كيفج لاتركضين

دخلت وسديت الباب ابسرعه مااريد اشوفه اخاف انكتل على الحجي الكلته بس امنت من سمعته دخل وسد الباب

حضرت جنطتي وملابس لكيت جهازي يضوي اخذته ورحت لفراشي لكيت ضايفيني لكروب طالبات الشعبه

دخلت صايره هوسه مال مسجات وصاير الضحك وين

شاركت وياهن ضلينه للساعه 2نسولف ماخلينه وحده ماگصيناها من المدرسات

همزين دعاء ماهيه ويانه بس سماهر وهاي حبابه تقريبا قوة علاقتي بيها اشتغل الضحك على كل وحده والدزاين مالتها متنه ضحك

لمن سمعت صوت غرفه مؤتمن انفتحت ابسرعه سديت الفون خليته جوه المخده وسويت روحي نايمه هو يمكن سمع صوت ضحكتي

فتح الغرفه دخل اسمع خطواته اجه يمي وكف اشويه اني نايمه على وجهي لبالي راح يطلع بس اندفعت انكلبت للجهه الثانيه شال المخده واخذ الفون گال شنو هذا

--هاا جنت دااحجي ويه صديقاتي

--الساعه ابيش غزل

--شلت راشي 2ونص رديت دنكت

--الساعه 10 اتخمدين 10 وعشره تنحرمين من النقال اسمعتي

--امم بس رجعليا حباب اخر مره اسهر

--اشوكت اتعقلين انتي

شافني مارديت ضم الفون بجيبه عيني بالفون وهو صافن حاجيته بتوسل يرجعه گال كل همج النقال غزل

شلت راسي باوعتله وبرطمت هو على وكفته امتاني شنو اكول اتذكرت بيبي وكرامت حفيدها وشماتت تهاني

دفعت الغطه وكمت ركضت حضنته اتحسر شلت راسي باوعتله كلتله احبك تره

--متاكده

--والله كلتها ورجعت راسي بحضنه

ضحك ورجع حضني حيل كال اوووف اشكد مشتاقلج خره بشكلج

--والكرامه مؤتمن

--انعل ابو الكرامه ولج راح اموت اشوفج واتحسر طيرتي حتى النوم كالها وشالني وشمرني عالجربايه

وبلش مؤتمن طلع حرمان وجفاف مال اسبوع لمن ضليت اتوسل يعوفني لان تعبت خلاني صدك اتندم راضيته كوه عافني لمن شافني طفيت

سحبت روحي منه رحت لحمام سبحت ادري الصبح راح اتعاجز طلعت لكيته يريد ينام فتح ادي كال تعالي يعله گلبي

رجعتله حضني حيل وباسني كلتله هسه الصبح مصطفى يضحك عليك

--هو منو طيح حضي غير مصطفى شكو شغله طايحظها علمج بيها لبالج مااشوفكم تتراسلون وتتفقون

تره مجنه نحجي عليك

--لاحشه انتي اتكليلي ؟ غزل بويه عليش بجيتي اليوم شصاير احجي

--ماكو شي بس جنت مخنوكه هيج وشتاقيتلها

--متاكده بنيتي كولي اذا اكو شي لاتضمين اكو احد مضوجج

--هئ

--خير ان شاء الله شوفي بويه اي شي يصير تعالي كولي لاتترددين ولاتخافين ماراح احاسبج وداعت بتي لاتخلين ابكلبج شي وتضمين عليه

--وين اكلك اذا انته صار اشكد زعلان

--والزعلان يراضو لويتركو مسحلو ومنعول والدي

--يعني شنو اتريد اروح اتوسل بيج واراضيك

--لا يابه اشلون

وروح عمي لو ابقى سنه ماادخل غرفتج ادري ماراح يهمج ولايفرق وياج اتعلميني بيج

شلت راسي باوعتله وضحكت عصر وجهي وعضني ورجع مؤتمن مره ثانيه وراح غسلي بالخالي بلاش

كعدت على صوته فتحت اعيوني الساعه 7 كلتله بس اشويه انام وانداريت

--كملي نومج بالحمام يعمري كالها وشالني دخل للحمام شمرني وفتح الدوش

نوم العوافي بويه

--صدك مؤتمن

--يلا لج راح الوكت لخاطر اخذج بطريقي

غسلت طلعت غيرت ملابس لكيته ماهو بالغرفه مشطت وشلت شعري اخذت الجنطه على ظهري والجبه والشال بيدي نزلت لكيتهن يتريكون

صبحت وكعدت اكل بس مصطفى يدور على شي جدو كله اشبيك يبوي على شنهو اتدور

--انتضر جدي كالها و شال المخده ورجعها

بيبي. اشمالك يجده شمضيع

-- مكرم كله ابروح خالك متشوفها يمك بلكي طايحه

--شنهو ولك

--كرامته مؤتمن كالها وطكها ضحكه خلاهم كلهم يضحون مؤتمن ضحك ودنك كمل اكله بس بيبي انطحنت

عمه. هم يجي يوم وتتزوج ويردها الك

--شنهو خبل اخذ ابكده يابه وحده واخلها ملكه تأمر وتنهي ابكيفها

مؤتمن. هلابخوي اشحن بعد شحن اعلكها بعد اخوك كالها وكام كال يلا كومي لاتااخريني

كمت لبست الجبه وطلعت وراه

وصلني داانزل وشفت دعاء نزلت من الخط رجعت كعدت كال يابه نزلي شكو لطشتي

--مصطفى ينزل ويفتحلي الباب

--خره بيج وبمصطفى نزلييي

--ماوالله اضل لليل اذا متنزل وتفتح الباب

--غزل عقلي ونزلي بويه فشله واحد يشوفني

--مستعر مني حضرتك يلا رجعني للبيت بطلت مااروح اليوم

--خره بيييبج خره بقسمتي كالها ونزل فتح الباب حيل نزلت عادي حتى لو عيط عليه المهم اغيضها

باوعتله وبرطمت صك اسنونه كال للمدرسه غزل ابسرعه

-- اريد مصروف حبيبي

وكف يطلع من محفضته اباوع لدعاء متبسمره بالباب ردت اطول بحرك روحه بس خفت من البنات يباوعلنه انوب هو كاشخ بقاط ونضارات طالع جنه العافيه على كوله بيبي

راسن اخذت الفلوس وكلته يلا اصعد ولاتلبس هالشكل مره لخ

ضحك كال يالله بنيتي روحي الله وياج

رجع لسيارته واني عدل عالمدرسه وصلت باب المدرسه صاحت سماهر اي عيني احضوظ اذا باب السياره يفتحه الج وين ابوي عنه اذا ماخليتها ابحلكه اليوم اخلي يشبع تصنيف بي

--هههه ولج والله نزل كوه الف عركه يالله قبل ردت اكيد عالم

--ابشرح العالم ذولاك يمكن اليوم ينتحرون ديلا دخلي خلي انراجع راح الوكت

الدوام موله مر واني لاطشه لسماهر اخاف اعوفها وتلكفني زهراء طبعا كم مره اجت رادت تحجي هددتها سماهر اتكول لمها عافتنه بس ضلت عينها بيه

خلص وقت الدوم طلعت متاخره علما لبست وضليت اشويه احجي ويه سماهر

طلعنه لكيت مؤتمن واكف يم سيارته يدخن داير وجه ودعاء واكفه اتسولف ويا انوب مااعرف تتوسل لان شكلها مدري اشلونه

هو حضرته ذاب سترته وكاف ارداناته غير كمت اطفر من الغيره كمشتني سماهر كالت هدي خيه لاتنجلطين

--لج شوفي اشلون واكفه اتسولف وهو ماخذ راحته منتجي عالسياره ولايمه اخاف اشوفه

--تره رجلج ماله شغل هيه لزكه شوفي اشلون تتوسل بي الله اعلم شتريد شوفي ولج اشلون يباوع بس عود نضارات لابس لباله مامبين

--اووف شعليني بعد تعالي اوصلج ابطريقي جريتها ورحت وصلت يمي نزعت جنتي شمرتها عالبنيد كلتله دخلها ابطريقك ورجعت اسولف ويه سماهر تجي اوصلها

انداريت لكيته يضحك شال الجنطه وشمرها داخل السياره كال اشلونج عمو سماهر

--هلو عمو الحمد الله

--يلا بويه اوصلج بطريچنه

دنصعد وكالت دعاء اخذوني بطريچكم اريد اروحن لختي

مارد دنك وصعد وهيه صعدت بدون لاواحد يكلها يلا شفت بشر شامرين روحهم مثلها ماكو صعدنه واني احمس بروحي اباوعله كوه ضام ضحكته شغل سياره وكال يالله

حرك كال لسماهر اشلونه ابوج

--زين عمو

--سمعت كالت عمو وهاي صديقتي

--شنهو بلكي اتوضحين اكثر

--يعني اتلم اعيونك مؤتمننن وعرف روحك اشكبرك

--چااشوكت كايلج اني ازغير حبيبي

يييييي اني احرك بدمي واهو ابرد منك ماكو يرد بهدوء

--مؤتمننن

--حبيبي امريني

--سلامتك عينك للطريق

هو يسوق واني عين بي وعين بدعاء الي اتريد تاكله بعيونها وكوه اتريد تحجي ويا اخر شي مااتحملت تسكت اكثر كالتله تجون للبستان مثل كل سنه

--ان شاء الله

--اشوكت السفره حددتوها لو بعد

--والله ماادري بس اخلص كم شغله عندي واخابر الشيخ نتفق

--خوش بس خليها قبل الامتحان فدوه علمود ناخذ راحتنه

--الله كريم احاول اخلص شغلي من وكت

هو يحجي واني فاكه حلكي اشلون يحجي بهدوء كلتله والله الي يشوفك هيج هادء يصدك بيك لبالهم اكيوت وشي صدك انته دتحجي

--شبيج حبيبي عليش امعصبه اكو واحد مضوجج اليوم وتعالي انتي اشوكت تحجين عربي مفهوم

--عزااا مؤتمنننن لاتخبلني لواكلك نزلني اهنا احسن اوكف

كلتلها انداريت اسحب بالباب القافله اني افور اريد اطك هو ميت ضحك وسماهر وياه

وكف السياره وكمش اديه كال بس هدي شبيج يعمري

--مابيه شي بس هيج ماطايقتك اليوم نزلني يلا

رد ضحك وكلما يضحك يحرك كلبي اكثر يخليني اطفر

رادت تحجي دعاء انداريت كلتلها اشكد تلغين دخيل ربج موكافي وبعدين شنو ماعندج اهل اشلون اتصعدين ويانه ماراح يسالون

مؤتمن. غزل موكافي زوتها

--لامازوتها اني بس اسلم على واحد اتقوم قيامتي مو هاي عود بت شيخ اشو محد يسال وين اتروح لويش يعني

دعاء. تره قبل لاتجين وتصيرين مرته هو جان يوصلنه مرات موجديده الشغله وابوي ثاق بي

--لعد اشكد لزكه وماكو كرامه

مؤتمن. غزززل بويه شمالج اليوم

من حركت كلبي لان صاح بيه ودافعلها ركعته ابطنه بوكس بكل قوتي كمش ايدي عصرها وخزرني سحبت ايدي وانداريت للجامه رجع كمل سياقته

وصلهن سلمن ونزلن رجعنه للبيت وصلنه ردت انزل

كمشني كال ماحبيت افشلج كدامهن بس اذا عدتي العملتي افلش راسج

--اي لعد اشبع بيها وخر

--غززززل لاطولين لسانج

--وخررررر مؤتمن داانزل

دفعني وكال وحك علي متصيرلج جاره

نزلت ودخلت ابجي جوه لكتني سماح كالت خير اول يوم يوصلج شنهو هم اتعاركتو

-- اني لو هو روحي شوفي الطريق كوله ديحجي ويه دعاء وفاك حلكه وانوب يضحك على لهجتي

--استغفر الله غزل بنيتي يمه عقلي

--عزااا انوب هاي دااكولج يحجي وياهااا

مصطفى. ولج اغزيلان لااتطلعين سالفه واتغلسين عن الامتحان جيبي الاسئله وتعالي

مسحت ادموعي ورحتله كلتله والله جاوبت نزعت جنتي وطلعت الاسئله طلع عندي بس 3 غلط غمني مرتين وكم غلطه شمر الاسئله

وكال ولي من وجهي روحي لرجلج جان يسولف ويه دعاء صدك جذب اشلون ساكته انتي

مؤتمن جان نازل من فوك امغير ملابسه صاح مصطفففى زيدها بعد اخوك

رحت صعدت لغرفتي عفتهم يتضاحكون ولااتكول امسويله مصيبه

غيرت ملابس ونمت اتعودت يوميه انام واكعد وره الغروب سماح خطيه شايله شغلي كالت لمن اتكملين دوام اني مكانج

كعدت على سحبته مؤتمن خلاني بحضنه دفعته عصرني صاح اشش رجع يعضعض ويبوس شافني كارهته ماكو نتيجه سكت استسلم رد ضمني اله ونام

كعدت بس اني بالغرفه الساعه 6 كمت غسلت اخذت كتبي لان بعد مابيه حيل اصعد

نزلت لكيت لكيت تهاني عالدرج صاعده باوعتلي وتريد تاكلني ضحكت كلتلها اشلونج ام الكرامه

--يجيج يوم

--ههههه اكثر من هيج مااتصور تذكرين الديباج الكلتي عليه عود اتغطي بي زين

--غززل وداعت امي

--اشش عوفي امج لاتجيبن طاريها لااتخليني اردج لحضنها ويلا ولي منا خلي انزل بس نصيحه هدي اشويه الحركه للي ابعمرج موزين اتسبب الضغط والسكر كلتها ونزلت خليتها وراي تنطح الحايط

لكيت سماح شايله غزوله

اخذتها وبوستها كلتلها حرمات سمره جان طلعتي عليه

--اي عايف امه وابو لاحك مرت ابو مترهم

--يلا هم حلوه بس حرمات من اذكر هاي امها اضوج منها

--لايكلبي هاي بتي تره مؤتمن سجلها بسمي

--عليج الله اشلون رضت هاي الحويلي

--الحولي يالثوله كلمه متعرفي لاتكولي جان اتفاق اكو ونفذ مؤتمن الها

--شنو ولج صاير ضامي عائله حزورات شنو انتم

--موش مؤتمن كال اذا اتجيب اتولي لهلهه من ولدت مؤتمن صايح لمها كاللها اخذيها خلصت مسؤليتي وياها لهنا مثل مااتفقنه هيه ضلت تتوسل كلتله انطي بتي لسماح واتسجلها بسمها بس خليني وياك واكون اسوي غيره التهي بي

-- وهسه سجلها لوبس حجي

--لامصطفى متفوته هيج شغله اول ماكالت اركض سجلها لخاطر مترد بكلمتها ومؤتمن نفذ الطلبته هسه حبلت لبالها راح ينسه العملته وترد علاقتها بس المفاجأه البارحه حللت طلعت حامل تركها مؤتمن

--عزا واني لبالي من صدك رجعها واكول اشبي هذا رد بكلمته

-- لاحبيبتي وحتى هذا الطفل هم اكو لعبه ابراسه الله اعلم شنهو تره لالبالج مؤتمن غشيم على اسوالفها بس يشتغلها عالبارد

--لعد من جانت حامل موجان ينام يمها

--وداعتج بس ينام ماكربلها ابد بس جان يغيضج بيها

--تمام لعد هسه اعلمه

--اغزيلان لخاطري كافي مؤتمن وبعد صفالج بس الج شتردين حبابه كافي خلينه مرتاحين هيه الطفل راح يبقالها واني حصلت الكمريه هاي كالتها وشالتها اتبوس بيها

دخل مصطفى كال خويه كمريتج محتركه

--چاشسوي اذا ابوها اسمر ومها محتركه لبالنه تطلع على عمها لومرت ابوها بس البخت مااجه عدل يمه تحجون على بتي دروحو وانوب اني اخذني الواهس وياكم

--وينج لج انتي يلا اريد اطلع تعالي شعدج ادروس

--اي هسه اجيب الكتاب واجي دقايق

طلع اخذت كتابي ورحت ورا فرشنه وكعدنه شايل الجبس بس بعده ماد رجله بعدها هو كالعاده يشرحلي واني لازم بيدي شي التهي بي جانت لعابه بت حبيبه بيدي زغيره ملخه لاشعر ولاادين باقيه

التهيت ارسم على وجها وجسمها شخمطتها اتشخمط مليت ردت اشمرها

مصطفى. لاولج لاتشمريها جيبيها كالها واخذها من ايدي

--شتسوي بيها

--انطيني القلم وياج

اباوعله كتب موت شلل رسم اكس وكتب مؤتمن وامه عمى وموت كال ناوشني خيط

--ماعندي منين

--كومي لج فاهيه روحي للمطبخ تلكين اهناك

كمت للمطبخ ماشفت بس وصله المسح جبيتها شلع منها خيط وكال رديها وتعالي ابسرعه بين مارحت ورجعت لكيته رابطها

--هاج و لاتخلين احد يشوفج خليها بغرفه عمتج ابسرعه

اخذتها رحت لغرفه عمه خليتها جوه مخدتها وطلعت ركض

رجعنه كملنه دراسه لل8 وكت العشه خلصت شلت كتبي ورجعت للغرفه ضميتهن نزلت اتعشينه للعشره كلمن راح غرفته صعدنه استونه انام غيرت ملابس اجيت لكيته يريد ينام كلتله تره اليوم لتهاني شكو جاي اهنا

--عندي طفله اتضل تبجي وراي كلت انيمها واروح

--لاتطلع اسوالف تره عرفت

ضحك وسحبني كال شعرفتي

اني احجي وهو يعضعض ويضحك كال لو ماامسوي هيج بالعباس متخليتي ادخل غرفتها اتعلميني بيج خبله وسماح كسرت كلبي جان امنيتها طفل

--وانتو تتفقون على احساب مشاعري

--ولج هو اسبوع ولاتحسبين الزعل والكرامه الي اتطشرت وياهن انكتمي كضيتها بغرفه سماح لحد ماانعل ابو اصلي

استوه بلش بالبوسات وسمعنه صوت صرخه عمه من جوه رجع خله راسه على المخده ومسح وجهه كال مصطفى

--عزا اشعرفك هو شمرها اندارلي كال اشسويتو اغزيلان

--كولشي ماكو اصلا

لبالي يكوم ينقذ امه من السحر بس هو جان اله راي غير سحبني وطلع السحر من اعيوني لمن دمعت كال يلا ولي دفعني

كمت للحمام بس ماسبحت اعرفه متحيون وميمل بس غيرت ملابس وغسلن وجهي ورجعت والله وجان ضني بمحله مامر نص ساعه اذا مارد لنفس السالفه واضرب بعد

اليوم كاعدين من الصبح عدنه سفره ويه بيت الشيخ اليل وكله اتوسل ويه ابو سماهر انوتلبس جبه يالله قبل

الحجي ميدري مؤتمن بسكوت اخابر دخل شافني لابسه الجبه مفتوحه من كدام وهو اتخبل كال غيري

--شنو مؤتمن تره مستوره وبنطرون جواها

--غزززل هيج مكياج ولبس مترحين من الاخير غيري وصيري ادميه

--اي حتى اتضل فاتح حلكك اتباوع لدعاء

--خره بدعاء وابوها غززززل لاتخبليني ولج شباوع اشبيج بويه بت عبده جنها صخل اشبيج اتخبلتي وجلبتي بيها هم شكل واحد يباوعلها هاي استغفر الله

--مؤتمن اتفقنه كالحنه نلبس جبب غيرها ماراح البس

--جاخليج متجين

--حتى اكتل روحي اي كول اريد اخذ راحتي وياها

--دخيل علي دخييييل علييي اشلون ورطه هاي بويه انتي عندج عقل جاي تفتهمين شحجي

--اي افتهم اتريد اطلع امخربطه ومبهذله ويلا اصلا مااروح روحو انتم كلتها ونزعت الشال شمرته كعدت ابجي

اخذ نفس واستغفر اجه كعد يقنعني اغير شاف ماكو مني نتيجه بس اشهك واكله مااروح كام دفتر الميز وطلع

صعدت العركه جوه مااعرف شكو اشويه ودخل وكال يلا كومي فضيني خره بالقسمه كالها وطلع ركع الباب وراه

لفيت الشال ونزلت

حضرنه الاكل وغراض المشاوي اخذو اسلحه الصيد

طلعنه 4سيارات احنه وهمه مناك مااعرف كم سياره

احنه صعدت ويانه تهاني ورجاء وهيفاء الجانت استوها حامل تتنسه ومصطفى غير سياره اخذ كم وحده ويا

ومكرم هم سياره بس لانو يسوق سريع مؤتمن جاب ويا هيفاء ماقبل تصعد ويه مكرم

خالتي ماقبل تجي ضلت يم سمر الي صايره متتأمن حتى بليل تطلع وحدها كم مره شردت وجابوها

وصلنه لكيناهم واصلين قبلنه وفارشين ناصبين مثل الخيمه الزغيره ومحضرين ادوات الشوي نزلنه

رحنه سلمت من بعيد بس الشيخ صاحلي جان واكف هو وابو سماهر وبنته رحت سلمت عليهم

مؤتمن راح جهت الشباب اخذت سماهر ورحنه سلمت على البنات كالت ريم اشلون خلاج مؤتمن اطلعين بالزي هذا

--يوو سكتي ميت مره اتعاركنه كوه قبل وره متعارك ويا جدو لان بطل ميقبل نجي كال خليهم يرحون واحنه انضل

--چاماضليتي ويا خطيه يجوز جان معوز حضن

--عزا شهالضلم هم مااروح وهم اضل ويه مؤتمن بالبيت وحدي لويش شمسويتلج

--ههههه ولج اكو احلي من حضنه ابروح ابوج

--مااريد شبعت مليت كرهني بالزواج كوله كمت اذا اسمع وحده راح تتزوج ابجي عليها تكسر خاطري راح اتذب روحها مصيبه ومتدري

--ياع عليش ولج شمسويلج الزلمه وهيج امكرهج

--هسه يجي يكلج كلشي ماكو حتى بوسه مامحصل منها مضلوم وياها اكولج عوفينا منا تعالي نطلع اريد اطلع بس اخاف يعيط عليه اذا شافج مراح يحجي يستحي

--اخذي وياج دعاء

--لاهيج اني راح اعيط علي كومي انتي

ضحكت وكامت وياي طلعنه اشلون اجواء حلوه عمو ابو سماهر ولامبين هيج كبره من جان لابس اعگال امبين جبير بس اليوم لابس مثل مؤتمن بنطرون وهم شايل سلاح ولاف غتره امبين ازغير

جانت وحده واكفه يمه ومؤتمن وياهم يسولفون رحنه يمهم سماهر عرفتني كالت هاي امي سلمت عليها باوعتلي وضحكت كالت هاي اشوكت صرتي وكبرتي ذاك اليوم يجيبج مؤتمن استوج تمشين وتوكعين محتار بيج

حامد. ابشرج لساته محتار حتى باب السياره يفتحها الها مو لواني غلطان ضحك مؤتمن ودنك كله لابالله موغلطان

حامد. اي عمو هم يضوج مؤمن كولي اشلعلج اذاناته

--اي والله عمو ديضوجني اهواي بس يلا عوفه خطيه

ام سماهر. شنهو يمه صدقه لمحمد اشلون تحجين انتي

ريم. هو الله منطيها جمال وعوجه لسان لخاطر تكمل اي مؤتمن ماناوين اتجيبون جهال اشبيكم بلكي لنه صاير ولد عندك

--الله كريم اذا مقسوم يجي يلا حامد شنهو ناوي اتصيد لوكبرت خويه

--والله بعد ماشفتك ماخذ ابكد بتي عرفت روحي مضلوم ومضيع شبابي ويه اعجيزه

ام سماهر. ياع جاشنهي استوك ماانتبهت يرجال لاتنسه مؤتمن ازغر منك بشكد وهاي ضربت حظ حصلها لالبالك كل اليجي ويحصل هيج احمد ربك على البيدك لاتطيرها

--عمي ماتطيرين وتخلصيني ولج بويه غزل امج وين متاخذني

--ههههه لاعمو اتزوجت من زمان

--چاهيه احظوض وعارف حظي ضال على هاي

--يا عمو لعد اشبيها فدوه لاتصير مثل مؤتمن بقه بعد بس وماملكت ايمانكم قبط الاايه كولها

--هههههه اي بالله صدك قبطها كلها

مؤتمن. يلله يابه تروح لواتضل ادورلك حرمه

--مااحصل يابه وحك على موش مثل حظك اني حتى لوحصلت اجيبها حولي

--اخذها نصيحه من اخوك وخلك على حرمه وحده الف مره احسن تخلص من وجع الراس

--اهااا هسه وره ماخذيت اربعه چاي تنصح

--وحك علي لويرجع بيه الوكت جااختصرتها بوحده وفكيت روحي

اخذه وراح جانت دعاء وتهاني يسولفن سمعنه من حجه واهنه انضرب وجهن صار اسود من القهر

ضليت كاعده يم ام سماهر هنه يسولفن هنه وريم واني وسماهر انسولف كمنه نفتر الولد يشوون للغده الجو حلو بس اكو 2 جانو اعيونهم وصخه فصلوني تفصيل من فوك ليجوه حتى سماهر كالت غزل يمعود خلي انروح للجهه الثانيه اخاف يسويلنه مصيبه رجلج

صدك رحت يم البنات لكيت زهراء كاعده واتباوعلي خفت اتلمست صدري اخاف مفتوحه دكمه شي صار بيه خوفه من ذيج السالفه اجت دعاء كالت وين بت مؤتمن يريدها

اخذتها من ايد سماح وطلعت تركض اتكول بات مان

هيه وعباتها ردت اكوم سماح خزرتني ماهتمتها كمت طلعت لكيت مؤتمن يلكف بته ودعاء واكفه فاكه حلكها عليه المشكله ساحكها وهيه لاطشه

اجيت يمهم غزرني مؤتمن قبل لااحجي خاف يتفشل وصلت يمه كلتله تره انته فاهم غلط المفروض اني اخزرك

--غزل انضبي وردي مچانج لااتخليني يصعد صوتي والعالم موجوده

--ولويش اتعلي صوتج على شنو تره انته مزودها واذا وكفت يمك شنو مستعر مني حضرتك وشكو هاي الصخله واكفه يمك

--بويه منهو واكفه يمي صار ساعه اصيح واحد يجيب بتي رحمه على موتاها من جابتها بسج وانتي بويه دعاء ردي مجانج مشكور زحمتج

دعاء. لابس اريد افهم منهو الصخله دكوليها عدل واحجيها بعدين اول مره اشوف لسان معوج

--لساني المعووج مثل متكولين تتمني انتي بس ماطايح بيدج ويلا ولي منا

--مؤتمن ترضاها تحجي هالشكل وياي

--مؤتمن شنو منو هو ويحجي مكاني

مؤتمن. لايابه مهنو هو اصلا عليش حاسبتله اعتبار هاي اذا معتبرته اصلا غزل دري مكانج ولاوروح عمي اسحلج

--يلااا سويها دنشوف اشلون انسحل علمودها

حامد. يابه كولو يالله اشبيكم مؤتمن خويه كل عقلك انته اترك البت

--شترك لخاطر ربك دشوفها جنها جلب

--عزززا منو جلب اني كلتها وهمه شبعو ضحك لان مالفضتها عدل كمشتني العبره

رجعت لمكان الكاعدات بي النسوان وحلفت بعد مااحجي ويه مؤتمن لان فشلني كعدت اجت عمتي ام مكرم كالت عليش تبجين

--طلعي شوفي مؤتمن اول شي رزلني وثاني شي واكف يمها هسه خلاهم يضحكون على كلامي لعد اني مدااكدر الفضهن لويش يضحكون ويفشلوني

--ياع منهو يضحك ولج غير اتخبلين من تحجين لايكليبي لاتبجين محد يضحك عوفيهم لاتكدرين خاطرج هسه اطلع اجر اذانه

--عوفي اصلا بعد مااحجي ويا خلي يشبع بيها

--ولج سكتي چاهنه يكيفن بس يردن يلفلفن السالفه

--خلي ياخذنه قحط باقي بطرك الشكل قطره اخلاق ماكو

--انتي لوبس تظبين لسانج احنه بخير

ضلينه كاعدين وهوسه يسولفن كعدت سماهر وبعدها تضحك ضوجتني منها كالت بالعباس يخبل حجيج خليج هيج لاتتبدلين

-- ولج غير وره مارحتي ابوي ضل يحجي على مؤتمن لان زعلج كله بالعباس البت اتهج اذا اتضل هيج ناصب عليها موش لبالك مثل بنواتنه وتتحمل هاي احمد ربك قابله بيك جنج ثور هايج

--اي والله بس ابوج يفتهم وحاس بمعاناتي

--هههه ولج وحك على نزل عليه زلنه تسوه عمره وطرد دعيوه كلها اذاكربتي صوبهم اكول لبوج يلمج

بعدنه نحجي ودخلت هيفاء كالت مؤتمن يريدج

--كوليله ماتت هجت ولت ماكو غزل بعد خلي ينساني

--ها معقوله غزيلان هاي منهو المتريده

--اي اني واليوم ارجع لبيت احمد ماارجعله اريد اشلوف اشلون يعيط عليه بعد

--ولج اغزيلان موش اوصلها اله واخلي يدخل يسحلج

--روحي كوليله وداعت ماما مااطلع روحي

راحت رجعت احجي ويه سماهر بس انتبهت للصنته طلعن كلهن يسمعلي واني نازله عزا استحيت

--غززل موجنج نزلتي عالزلمه دوسه ونص

--يمكن بس يستاهل

--ولج هسه يكولن مامتربايه هنه عدهم الزلم اذا صاحولهن لوميتات يطلعن من كبرهن ويرحلنلهم مو انوب هذا مؤتمن شيخنه المستقبلي

--سكتي اضن صدك حجيت اهواي

رجعت اجت تهاني كالت كومي مؤتمن يكول خلي تجي يريد ياخذج للصيد ويا

--رجعي كوليله جيه مااجي لايضل يلح درت وجهي هيه طلعت فراره اتخبث بلكي ياخذها ويا مكاني

ضلينه كاعدين والبنات كل اثنين يسولفن سوه صايره هوسه رجعت دعاء اعيونها حمر

--ولج اضن مترزله هاي شوفيها

-- اني سولفت لبوي عليها اشلون شامره روحه على مؤتمن ويوميه خالتها توصل بينهن للطلاق عاد ابوي اتخبل من سمع گال اعرفها عرمه واتخرب بيت مؤتمن راح شكاها لجدي

--حيل بيها كومي نطلع بره انشوف بلكي استوه الاكل

طلعنه رحنه يم الولد يشوون واحد كال بعد خويه لاتنجوين

--بس دااخذ من هذا فدوه تره جوعانه

--منهو انتي اشو اول مره اشوفج

--مااعرف اجيت من ذاك الشارع ولكيتكم امخيمين

--اهاا خير ان شالله تعال جاخلي اكسب ثواب انطيج خوماعندج ايتام

--لازوجي معوق وحمايه اعمه واني دااشتغل واصرف عليهم

--هههه الله يساعدج يخوي هاج هذا كافي

--شو دااشوف لاشيل هذا الابيض مطيب شوف ذاك اريد منه مستوي اكثر

--وينه شو تعاي لجاي ياهو منهن

رحت شلته كلتله هياته دااقصد عليه شكرا

--هلا الف عافيه سماهر خويه متردين

سماهر. اي انطيني واحد بس مثل مالت غزاله

--منهو غزاله يبه

--ههههههه ام الايتام الرجلها معوق

--اهاا چاصدك منهو هاي

--مرت مؤتمن

--لاابشرفج چامؤتمن شيخ عشريت ال ---- معوق وانتي الشيخه غزل ام الايتام لاربحنه

صاح مصطفى. اطفر يخوي شوف تسجيل الخروج منين وطلع من العشره هاي تاليتنه بدين ذوله

--اي بالعباس انلاصت

--شايف اذا اجونه من غير ديره واتلكتهم هاي ام لسان الاعوج وكلتلهم هاييي

--هههههههه وحك علي مؤتمن كارثه امنين جابها

--لكيناها بمريكا اتجدي جبناها نكسب اجر بيها كلنه انسويها شيخه علينه امده قصتي اذا هاي تحكمني وتمشي چلمتها

--عزاا لويش دتقلد عليه انداريت للولد كلتله ذكرني اول مااصير شيخه علمود داانفيكم من العشيره

--ميحتاج خويه احنه نفلت بريشاتنه ههههه لااتشاقه وياج والله شيخه البنات وعلى راسي انتي ومؤتمن

ضحكت كلتله تسلم خويه

رحت على جها ناكل مرت ربع ساعه اجه مصطفى يركض كال لحكي مؤتمن اتصوب

-- عزا لاتكول مات مصطفى

--ولج لحكي جاي يودع يريدج ابسرعه

ردت اكوم مااكدر احس رجليه ماتت ادموعي نزلت ابسرعه ركضت انوب الجبه طويله كوه كدرت اكمل طريقي صرت اخر نفس كلبي وكف من الخوف اني كلبي لاجمني مااعرف لويش احس نتفارك منضل سوه

وسمعت هذا الخبر متت بمكاني وصلت لكيته واكف

بجيت من كلبي ضحك وجه سحبني لحضنه وباسني كال والله فكرت مصطفى موش اني كافي يعلة كلبي بويييه هاي صدك هيج هيج خفتي عليه

مسح ادموعي واني بعدني اشهك سب مصطفى ورد يضحك

--عزا لبالي متت كلتها ورجعت ابجي

--ههههه واذا متت شنهو قله زلم

--يمه اموت وراك غير

--اني اكول رجعينه للبيت انعل ابو السفره

--عزا مؤتمن راح يسمعوك فشله مسح ادموعي ورجع باس راسي كال بسج يبوي تراني مااستاهل ادموعج

--لويش هيج دتحجي

مارد رج باس راسي واتحسر كال يلا تعالي اعلمج اشلون اتصيدين

متموتني غير هاي حسرته الي مااعرف اشضام وراها

انطاني بندقيه الصيد وعلمني اشلون اصوب اشكد حلو من اضرب بس ولاصدت ولابد بس هيج اضرب اشكد اتونسه

-- عوفج من الطيور صوبي على هذا واخذج للشمال سفره

--لاخطيه صافوو

--ابكيفج بس هاي اتفوتج سفر 10 ايام بالعمر

-- صافوو اوكف

--خره بصافو ولج لاغزل خويه دخيلج جامنهو يدرسج

--اسفه العرض مغري راح اضربك ابطنك ميااثر

--لااا دخيلج بالعباس ثوله اتنشنين على بطني اتجيبيها ابعيني

مؤتمن. يلا تركي خطيه هااا حامد ولاطيرر شمالك يخوي

مصطفى. بالعباس اثنينكم هيج شوف اشكد جمعت

حامد. هسه اني هم ميخالف بله من زمان مااعرف انشن بس شوف شيخنه اضن هدنه النسوان جان ميخطي هدف واحد

--هو صوبت هدفي الاخير واكتفيت عايف باقي الطيور الكم

-- يخوي ماعايفلنه اطيور عايف غربان انته يلا امشينه نتغده بسكم صيد

رحنه كملو الاكل اتغدينه وشربنه جاي صار وكت العصر شغلو ديجي وركص جوبي

ضلينه لليل الولد واحد ينصب عالاخ واشتغل التصنيف مصطفى اتحارش بيهم صاح حامد جتفو ولكم والحمز اليوم اطلع شكو خباثه من خشمه

مصطفى. لاهاي موش مرجله انتو خمسه ولكمممم لااا

--كضووو لايفلت ولكم جيبو لجاي

كمشو مجتفي وهو يتماطل جابو لحامد مطلو ولعبو بخلقته متنه ضحك عليهم اشلون يتشاقون

مكرم. الله جابك من زمان متحامي واجتني للحلك عدل كضو عدل

مصطفى. مكرم وروح عمي اذا عملت شي اله اتطير اجيبج واسحل بيك الكيعان

--عود باجر افتح حلكك لك كالها وعصر وجها شربه شطه

--ولك خررره بهالك انسمطت بسك

--هاك فلفل اصفر يبرد

--لك كافييي اشتعل جدك

--ولكم ناوشوني طرشي حامد ابروح اهلك سبحه بالبن

حامد ماكال لا دار الدبه وغسلو وجها مااعرف اشلون اتلاوع وياهم وفلت ركض على مكرم شاله ومطلع بالكاع نام على اخوانيكه وعاد السوا بي مكرم مرتين

هيفاء خايفه على زوجها وتتوسل بمصطفى يعوفه

--بت المطي صار ساعه سحل بيه كيعان البصره ماانكسر خاطرج وحجيتي بالعباس اليوم اردلجيا نكضان

هو يحجي ويتصارع ويمه مكرم الي كامشته نوبه ضحك

مؤتمن مجطول خال راسه بحضن سماح وبته على بطنه امكعدها يضحك على اسوالفهم ماخليت حدث ماصورته لليل شبعنه ضحك ونسه

كاعدين باليل سوو كهوه وجاي الشيخ يسولف ويه جدو ومؤتمن والولد هم كاعدين وياهم مشاركين اجه مكرم يوزع الكهوه خلصهم اجه قدملي كال اتفضلي يالشيخه

--شكرا مااريد

--افا ولج ميصير انتي شيخه لازم كل وقت اتشربين متردين احد

ردت مرت علوان كالت وينها وين الشيخه متشوفها اشلون مايعه وتتنعوص

مكرم. ماعليها تتعلم غزاله خوش مره معدله واهم خصله هاي بيها تسوه ديره نسوان

--اي افتهمنه بس ترا الشيخه متوارثه وكون من الزغر متربيه على هذا الشي موتجي من الثالي صارت عالي هاي متضبط تبقى هيه المدلله على مؤتمن وياخذله شيخه اتمشيله بيته شتكولين غزل

--والله بيبي مؤتمن اذا شافني مومناسبه لهذا الشي جان المفروض مياخذني من البدايه واله و اني مدااشوف روحي بيه نقص اقبل تجي وحده تاخذ مكاني وبعدين هو وعدني قرر يتزوج لازم يطلكني قبل والزلمه مثل متكولين لازم كداحجايته ميرجع بيهه

--ياع شنهو هالحجي جاانتي قابل راح ينكص من مقدارج اشو خالج على راسه موش جاي انشوف محد مداري حرمته وملبي طلباتها مثله بس يايمه كلمن واله مكانته ويعرف عيشته انتي موش مال هيج مجان بس تضلين حرمته وعزيزته

--مثل متكولين بيبي كلمن يعرف مكانه وعيشته ماطول يشوفني مومناسبه لهيج مكان ارجع لعيشتي الاصليه تره عندي اهل وحياتي الخاصه مومن الشارع اني وكلمن ينتمي لبيئه شكل اعرف هذا الشي بس يعرف كولش زين اشكد عانيت حتى اصير منهم واضل واكفه ابضهره ساندته واذا يشوف مو كفو هيج شي ومااصلح لهيج مكان يرجعني منين مااجيت

مؤتمن جان امدنك بس يسمع ميرد والشيخ صافن ابوجهي اشلون اتزاود ويه مرته بالحجي لبالهم بت البغداديه والكل يكدر يمشي كلمته عليه جدو يخزرني

جدو. جاهو مؤتمن بعد ماعنده مجال ماخذ اربعه وكلهن بنات اشيوخ

--جدو لوسمحت 3 الرابعه تدخل اني اطلع لواعرف موتي بيها مااضل ثانيه

--انتي انكتمييي وكومي منا

--اني اصلا ماردت اجي لو مايلح مؤتمن رضيتو او لا اني الشيخه مالتكم الماعاجبه لايختار مؤتمن لهيج مكان حتى لايشوفني ابوجه

مؤتمن. كافيي بويه اشبيج اتسودنتي

جدو. انتي مامتربايه ورادلج تربيه

--شنو مامتربايه لويش بس لانو دافعت عن حقي يعني لازم شنو اتكولون اكول تم بس خلي اكولك تره التقبل على روحه الاهانه متصلح اتكون شيخه حجيتها وباوعت لدعاء

جدو. من اكوم اجسر راسج وادوسه محد يعترض

مؤتمن. يابه اترخص اني كالها وكام سحبني شافها صارت موخوش

مرت الشيخ كامت اتكمز وجدو يتهدد خاف اتصير سالفه ويتخاربون بس هو معصب جان كلش يمكن اني دست اهواي بالحجي

رجعنه الطريق كله ماحجي ردت احجي كال انكتمي مااهيسلج حس

--انكتمت مؤتمن بس والله وداعت ماما بس خليها ابالك لو اموت تعرف شنو اواموت ماابقى على ذمتك بس اتسوي اليردو

--غزززززل غززل محد راح يورطني ويطيح حظي غيرج ولج انتي جاي اتلبسيها ابراسي كلما افر السالفه واطلع منها انتي اطمسيني بالزايد

--لويش لان دريت عليهن

--بسج لاانزل اسحلج اهنا وانعل ابو اصلج كافيييي بويه اشوكت تفتهمين انتي متكليلي

سكتت وصلنه نزل ركع باب السياره اجه سحبني دفعته ونزلت

بين ماقفل باب السياره دخلت للبيت

شفت خاله بلاشيله كاعده شاكه ملابسها وصافنه بالبيت

دخل مؤتمن وراي اجاها يركض يريد يشوف اشصارلها

درت وجهي لغرفه هيفاء وصرخت بكل حيلي --

الثامن والثلاثون من هنا

تعديل المقال