رواية كفي والمنجمة الفصل السادس والثلاثون 36 بقلم الكاتبة Leo alfatlawi

رواية كفي والمنجمة الفصل السادس والثلاثون 36 بقلم الكاتبة Leo alfatlawi

كفي والمنجمه

للكاتبه leo Alfatlawi

بارت السادس والثلاثون

دخلت اركض ورا دخلت جوه اتصنمت جمدت واني اشوف كدامي رجاء كاعده ناثره شعرها وبنها كدامها ميت

منظر بشع الطفل فاك حلكه ومنتهي

من الهبطه كعدت مكاني صوت الصريخ وين واصل انضافلهن صوت مؤتمن وهو يصيح عليهم شيلووو من كدامها وحاضنها هيه لاصوت ولاحس بس صافنه وامها التصرخ وتلطم بيبي ولاكأنما واكفه على جها

وسمر كاعده بالزويه لامه روحه وتباوع

كام مؤتمن من يم رجاء شال الطفل وهيه انتبهت كامت وره مؤتمن اتملخ بي اتريده يعوفه تلطم صاح كمشوهاااا يابه

كمشتها سماح وتهاني وهو راح طلع مااعرف وين شغل سيارته وطلع وبلش الصياح العالم كامت تجي روجات

لطمت لطمت ملخت روحها يردون يكمشوها ميكدرون لمن فقدت وكعدت مكانها

اني على كعدتي بس اباوع الخوف من المنظر مجمدني مكاني

اجت سماح كومتني كالت صعدي فوك لاتنزلين ابسرعه

اول مره اشوف هيج شي الرجفه كمشتني كوه كدرت اصعد فوك دخلت غرفتي وصورت الطفل بعيني من شاله مؤتمن

شمرت الجبه والجنطه كعدت على الجربايه اريد استوعب الصار الطفل اشموته الصبح مابي شي خليت راسي ولميت رجليه صوت اصريخهم داخل كلبي يفوت اندكت الباب صاحت تهاني غزل

--تعالي دخلي

--مااريد ادخل بس كومي نزلي لا اتضلين فوك روحي اقلها كمشي اختج محد يمها لاتطلع وتفضحنه

--هسه كايمه بس اغسل وجهي لحضه

--يلا لاتفهين ابسرعه اختج خابصه الدنيا محد فارغلها

--كتلج جايه ولي منا افتهمت

كمت غسلت وجهي ولفيت شالي ونزلت اشوف الناس تدخل وتطلع

انداريت على سمر لسه على كعدتها

رحت كومتها لغرفتها دخلت كعدت كلتلها لاتتحركين منا سمور

--اني كتلته

--شنو ولج عزا ابعينج لويش

--لان اتريد تكتل ابني

--ياابنج سمر شداتحجين عزا سمور مووكتج حبابه وين علاجج

--اني مومخبله تراني عاگله اني خنكته بيدي وراح اكتلها ورا

--صدك تحجين ولج لويش طفل ازغير خطيه شنو ذنبي

--هذا شر اي شر لازم اتموت هيه وابنها هههههههه مات مات وابني بقى ههههههه

--وينه ابنج سمر شنودتحجين

--ابني ابطني

--ولج سكتي لايكتلوج يمعوده والله يذبحوج حبابه سكتي

عفتها وركضت خابرت حبيبه محد يسكتها غيرها

وين يالله ردت

--هلو حبيبه يمعوده لحكيني هاي سمر ماعرف شدتخربط

--ولج بالمستشفى ويه مؤتمن غزل حبابه قفلي على سمر وديري بالج على جهالي دزيتهم

--ولج مدااكدرلها هاي بدت اتخربط

--روحي لواحد من الولد خلي يشربها العلاج

--يلا روحي هسه اشوف

سديته منها اني هم خفت مااعرف اشلون اتباوعلي طلعت على كيفي ادور على احد يجي يساعدني لان مستحيل اكدر وحدي هسه تفعصني انوب اجتها الحاله من اتباوع هيج معناتها اتحضرو والسبع يوصل يمها

طلعت بره مديت راسي لكيت جدو واكف صحتله اجه كال شكوو واكفه جدام الزلم

--عفيه جدو سمر اجتها الحاله اخاف تكتل واحد لخ

--چااشسويلها يبويه اذا هو راح وبلاني بزرته

--جدو عوف الراح وشوفلي احد يدخل وياي ننطيها العلاج فدوه

--انطريني هسه چايج

راح واني واكفه اشويه وصاح يالله يالله طريچ

دخل ولد ابكد مصطفى مدنك ويا نسيب الشيخ دخل جدو كال وينها بويه

دخلت سويتلهم طريق

لفيت الشال عدل اني اصلا بعدني بصدريتي وحذائي لحد الان فتحت الغرفه لكيتها تفتر وتضحك باوعتلي صوتها بي نبره خوفتني من صاحت غزل ومصطفى هههههههه

رجعت ليوره من الخوف انضربت بالولد وخر واكال اسف خويه بس سويلي مجال خلي ادخل

--عزا دير بالك حتكتلك

--بس ميلي وكليلي وين العلاج لادخلين

--هياته بالكنتور بس اكمشها

دخل نسيب الشيخ اشويه اجرء كمشها حيل ربط اديها وهيه اطفر وهذا الولد راد يفتح الكنتور بس امبين مستحي

جدو. جدي طلعيلهم العلاج وينه

--ؤك جدو بس فدوه كمشوها عدل

--دخلي خويه لاتخافين كامشيها

دخلت فتحت الكنتور على السريع وطلعت شريط الحب شمرته يم الولد طلعت للمطبخ عالسريع جبت دولكه مي انطيتهم ورجعت طلعت بعد ماشفت شنو صار من توصل هيج حاله اتخوف اتصير محد يتجرء يوصل يمها بعد

ضليت واكفه وره الباب اشويه وطلعو امبين شربوها مديت راسي شفتها دايخه اتريد اتنام ضليت واكفه لحد مانامت دخلت شلت رجليها عدلتهن وغطيها دخلت خالتي تلطم كالت اشسوت هاي كتلت ابن اخوها

--خاله فدوه هيه مريضه دعوفيها

--ولج يااعوفها كتلت الفرخ جاليش ماماتت هيه وريحتني اتروح ولد بعمر الورد يبووو

--خاله كوه نيمناها بس طلعي حبابه

--وبعدييي ولج وبعدييي خلي اجتلها

--ياعزا ولكم لحكوني حتموتها

طلعت اصيح لميت عليها الناس لان جانت تضرب سمر وسمر اصلا ولايمها نايمه كوه طلعناها وقفلت الباب

راحت كابلت رجاء وتلطم وياها

دخل مؤتمن ومكرم صاح غزل الحمام ابسرعه

ركضت صعدت فوك حضرت الحمام دخل كال ملابسج خره بشكلج عليش لسه بيهن

--مالحكت ابدل

--غزل لاتخبليني روحي من انعل ابو اصلج ادخل واطلع اشوف بهذا لبسج اسحك على راسج

هو دخل واني بعد مااندل دربي انوب الكنتور هوسه طشرته كله ياله حصلت ثوب

طلعته اباوعله اكلوشه والصدر مفتوح بس ماعندي غيره اضطريت البسه

شلت شعري طلع وكف صفن كال اني اكلج بدلي اتلبسين انكس انتي خبله وناويني اتجلطيني وياج

--لعد والله ماعندي اسود غيره

--غزل اذا طلعتي منا اكسر رجليج اسمعتي

--هئ ماراح اطلع

--حضرتي غراضي

--اي حضرتهم هياتهن صدك حتسوون فاتحه

--لايابه طفل ازغير بس مجلس تابيني

--مؤتمن تره عيب ماانزل حلف الشال واضم صدري ماراح يبين شي اذا طلع شي حقك تحجي

مارد كمل لبسه هو وساكت واني واكفه متانيه جوابه لف الغتره راد يطلع كلتله هامؤتمن اطلع لولا

--يابه شوفيلج غير شي

--لاوالله ماعندي بس هذا بس هسه حضم صدري

--اتلفلفي عدل وغرفتج قفليها لاتخليها مفتوحه كالها وطلع

همزين الله هداه لبست الشال لفيت ركبتي وصدري قفلت الغرفه ونزلت رحت لغرفه بيبي

حال رجاء يكسر الخاطر بس صافنه سماح مشغوله والطفله تبجي وتخاف اتخليها بالكاع صار بيها خوفه من ابن رجاء شايلتها ومحتاره رحت كلتلها انطينياها

--غزل ديري بالج مواتشمريها

--لاماراح اذبها جيبيها دااخذها وحده كالت هاي بت مؤتمن

اخذتها وكلت اي خاله بت مؤتمن

--بت ياهو منجن

--بت سماح

--ياع خاله بالمبارك واخير خلفتي

ضحكت سماح وراحت العالم مخبوصه وهاي اتبارك

اجت

ام تهاني. امم بت سماح دنطينياها

--روحي خاله اريد انيمها

--يااا ولج تهاني تعالي شوفي هاي

--اشبيها يمه

--ولج تدفعني جيبيلي بتج منها

--خاله هاي بت سماح موبت تهاني

--ياع من اشوكت صارت بت سماح شنهي سماح حبلت جابت

تهاني. غزل انطيها لمي

--ماكو سماح مترضه امنتها بيدي

--ولج بتي سماح شكو

--شوفي تهاني اذا عدتيها وكلتي بتي اول شي امشي واكول سمها على اسمي وخالها ثوره بس تحبل واتجيب ومن يجي مؤتمن اكوله اخذت بتك وشمرتها من ايد الايد وهسه تلحك ابن رجاء من اهمالها وانتي شوفي ساعتها مؤتمن اذا عرف بته هيج صاير بيها شنو حيسوي بيج

--يوو خليها يمج اخذيها ولي من وجهي

--اي هيجي صيري وها تره كلت للعالم هاي بت سماح لاتضلين تمشي وتحجين اذا اتكولين بتي عود كولي اسمها وياها لاتنسين

عفتها ورحت اسكت بهاي انجلبت بس اتعيط رحت لغرفه سماح سويتلها ممه وحللتها والله شربت الممه ونامت خلصت

ساعه كامله يالله ماتت ايدي خليها بكريوكها واتمددت على جربايه سماح

لليل البيت ماهدء بس اصريخ خليت راسي جوه المخده ونمت لمن كعدتني سماح شايله الطفله اتسكت بيها كالت وين المفتاح سمر كعدت وخابصه الدنيا

--هياته بصدري بس اشلون اخاف تكتل واحد ولج اتحولت هاي

--لاالولد اجو همه يدخلولها وينطوها علاج جيبي المفتاح وانتي شكو نايمه اهنا

--غير يم بتج وتدرين من ارجع من الدوم تقريبا يصير عندي سبات مااحس بعد فطلعي خلي اكمل نومتي فدوه

رجعت نمت ما كعدت اله على صوت مؤتمن الساعه 1 جاي تعبان دفعني واتمدد نام كمت ردت اطلع كال لاتصعدين نامي اهنا

--لويش

--اتنزلين نص اليل مثل الاثول وهاي صايره متتامن تالي اتسويلنه مصيبه جديده

--لاماراح انزل اقفل الغرفه ونام

طلعت رحت للمطبخ سويتلي لفه ورجعت دااصعد صاح مصطفى غزاله سويلي شي اكله

رجعت للمطبخ سوتله لفه طلعت لكيته كاعد عالدرج انطيتهيا

--غزل من اتنامين قفلي غرفتج

--اشعدك اليوم لويش هيج خايفين

--سمر لهجتها اليوم مصطفى وغزل اضن راح يوصلنه السره

--عزا يلا المهم مووحدي اكو احد وياي

--روحي لج صعدي انعل ابو شكلج

صعدت وعفته يسحل ابرجله يريد لغرفته صدك دخلت وقفلت الباب رحت للفون دزيت مسج لوحده من بنات صفي تاخذلي اجازه

لباجر لان اكيد ماراح اكدر اداوم

ومؤتمن هم اليله مانام يمي امبينه عقوبته راح اطول هالمره داانام واجاني مسج كعدت منو حيراسلني هالوكت فتحته لكيت زهراء المرسل

--اسفه والله مااعرف شنهو صارلي عذريني بعد مااعيدها الشيطان وزني مااتحملت غزل خيه معتبرتج اختي مااريدج اتزعلين سامحيني واوعدج مااعيديها خيه من رجعت لسه ابجي متندمه لخاطر الصداقه سامحيني ولاتكولين لحد والله ابوي يذبحني

--تمام زهراء بس لاتوصلين يمي فدوه تره كرهت روحي ابسببج مره لخ اكول للمدير وحتى لمؤتمن تره

--لاابد بس خومو زعلانه

--عوفج من الزعل واتركي هيج اشياء انتي ابنيه عيب المفروض مشاعرج اتكون ويه شاب مو ويه ابنيه نفسج هم حرام وهم شغله مقرفه

--لاابد مااعيدها كلتلج الشيطان وزني هاي اخر مره بس امانه لاتكولين المؤتمن

--لاماكلتله ويلا دااريد انام باي وبعد لاتتصلين وحتى من اتشوفيني لاتحجين وياي نهائيا سوي روحج متعرفيني ابد احسن مااروح افضحج سمعتي

استوها جار الكتابه شفت من يمها ماخليتها اتكمل انطيتها حضر ومسحت الرسائل لاواحد يشوفهن ويسويلي مصيبه مامعوزه مصايب ويه مؤتمن اضافيه

ثاني يوم الصبح نفس الهوسه هم ناس داخله طالعه بس اليوم رجاء دخلت للغرفه لكيت مؤتمن خالها ابحضنه ويمسح على راسها بس هيه متخبله بالزايد على ساعه صرخت وكامت كالت ابني مؤتمن الحكه

--يبوي كعدي استغفر الله رجاء ابنيتي اهدي دخيل ربج راح اتموتين

--ولك جاع مؤتمن وديني ليه صدري در يعني جوعان ابنيي

-- اني اوديج بس اهدي تعالي كعدي بيويييه جيبولها ماي وينجن

--تضحك عليه مووو ولك ابنيييي يمه لحكيني جيبي ليه اكلكم جااااع كالتها وكامت تلطم

صدك كسرت خاطرنه اشكد بجيت على وضعها مؤتمن احتار بيها خالها ابحضنه ويتوسل تسكت بس هيه فاقده

حاله ماجان احسن من حالتها هاي رجاء روحه من الدنيا

اتخبل عليها اخر شي ماتحملت اغمه عليها شالها وطلع يركض للمستشفى

يومين وحنه حالتنه كلنه تعبانه هيه ضلت على المهدئات خفت العالم بعد متجي اهواي سمره محبوسه بالغرفه يخلص علاج ينطوها غيره ميخلوها تصحى ابد

رجعت اقره لازم اداوم خلصت اجايزي كلها كاعدين بالصاله كلها تعبانه من الوكفه الي متمدد والي نايم دخلت ام تهاني سلمت وكعدت سماح جانت اتراجعني بالدراسه اجت تهاني جايبه الجاي كعدت اتصب بيبي اتسولف ويه ام تهاني

كام مكرم وزع الجاي وصل لم تهاني انطاها كلتله يوم عرسك وضحكت

-- لايابه عندي مره جنها بلوره شكو متزوج

--اي والله صدك جنها بلوره بس ترا مو بالشكل هاي جدامك مرت مؤتمن موش تزوج عليها والله اجه ابني متعجب يكول ااتفاجأت من دخلتنه للغرفه ماتوقعتها هيج زغيره وحلوه

هيه حجت ومؤتمن جان امدنك رفع راسه كلها وين ودخلته ؟

--ياع چا موش دخلته هو ونسيب الشيخ علوان للبيت انفرعه حتى كال اشلون مؤتمن خال حرمته هيج

اندار باوعلي مصدوم واني بعد اريد احجي مااعرف اشلون افتح حلكي صاح اشوكت دخلو بيتي وين جنت

--مؤتمن والله مواني هذا جدو دخلهم

ام تهاني. اشلون جدج ولج شنهو احنه نجذب

--اي خاله اتجذبون لان جدو دخلهم واني جنت لابسه حجاب وجدو صاحني كال انطي العلاج لان سمر اتخبلت ومحد يمها همه دخلو انطوها العلاج

مؤتمن. وعليش انتي طلعي

--جدو صاحلي مو اني طلعت والله لواعرف هذا اخو تهاني جان طردته من الباب شعرفني لبالي واحد ادمي

--ياع ابني موش ادمي

مؤتمن. لاموادمي الي يأامنو يدخل بيتهم ويطلع يحجي بعرض حريمهم ناقص ابن ناقص وراداله تربايه من جديد حتى يتعلم يحترم حرمه بيت الي يدخله

كالها وكام طلع يمشي بسرعه ركض ورا مكرم من استعجاله دفر حتى استكان الجاي

واحمد هم طلع ورا مع العلم يسحل ابروحه خطيه بس خافو من ردت فعل مؤتمن تهاني كامت تلطم

اتكول لمها وكتج هسه من حجيتيها راح يسويها اطلابه مؤتمن

--خلي يلم مرته ويضبها احسن مافاضحته جدام العالم

--دروحي لحكي على ابنج لايجتله

--چاهو كدرته على ابني مايحفظ حرمته ويسترها اول لوماطالعه جدامه امفرعه وين يشوفها ابني

--يمه دخليج اذاعلكت بينهم اني اروح بيها لحكي ابوس ايدج

كامت نكثت عباتها ماعاجبها جانت ناويه غير نيه وانكلب عليهم غير شي طلعت وتهاني كعدت تلطم خايفه من الراح يصير سماح كالت صعدي غرفتج وسدي الباب لاتنزلين لمن اتفض السالفه ويهدء مؤتمن

اني هم ماجذب خبر طلعت ركض للدرج صعدته ابسرعه وصدك مانزلت لثاني للمدرسه يوم ماعرفت شنو الصار لواشلون انحلت

نزلت الصبح بعدهم نايمين بس طكطكه بالمطبخ دخلت لكيت هيفاء واكفه اتسوي ريوك كلت على كيفي صباحوو هيفاء

--هلو يكلبي صباح النور عليش تحجين اواش

--هم نزل مؤتمن

--تعالي لاتخافين انحلت السالفه طلع الولد لاحاجي ولاشايفج بالاصل حلف بكلام الله السالفه جذب

--اوف الحمد الله واشسوه مؤتمن

--ادبلج تهاني خوش تااديب وكلها اذا دخلت امج لهنا مره ثانيه اتردين وياها

--حيل رادني انضرب طاحت بيهن زين مؤتمن هم كالو وينها

--لاانهد ابجدي كله هيه ثوله انته اشلون تقبلها على روحك ودخل الزلم للبيت وووو اشكد اتلاغو وهوسه يالله هدأوا كوه سكتنا بس انتي اذا حاجاج موش تكليله اني كلت الجدي تره لمينه السالفه وكناله دخلو غفل متدري

--هو وين بيا غرفه هسه

--بغرفه سماح تعالي ولج صدك شومااشوفه يصعد غرفتج عليش شمسويتله

--والله كلشي ماكو من اهد متعاركنه بعد مااجه

--ياع مؤتمن يعوفج هاي عليش وانتي اشبيج ثوله سامحتله متحجين

--مااريد خلي يشبع بيها عوفج منه خليني خلصانه سويلي ريوك فدوه حتااخر

--يلا كعدي هسه دقايق يكمل منهو يوصلج لوهم مكرم

--لعد اله امشي لان مؤتمن قافل ولج حتى مصرف مدينطيني يلا فدوه خبري مكرم علما اتريك بس يفتح الجبس مصطفى هو يوديني

اتريكت على السريع طلعت لكيت مكرم صدك امتانيني وصلني همزين ماشفت مؤتمن بلكي ينسه الشغله فرد مره يالله اشوفه

دخلت للصف واشوف زهراء كدامي استغفر الله هاي اشلون شغله اشلون حخلص منها شمرت غراضي وكعدت هيه يم اختها واكفه الحمد الله مااجتني سولفت ويه اختها وطلعت

طلعت كتبي اراجع الدرس اجت سماهر سلمت رديت السلام

--اني سماهر بت رفيج مؤتمن

--هلابيج حبيبتي كلتها ورجعت دنكت اكمل دراستي

--امم اشوف ردج جامد واني وصاني عليج ابوي

--لاحبيبتي بس دااراجع اسفه مو قصدي شي

--لاحقج ادري اتخافين مثل خالاتي

--عفيه جبتيها فدوه لاحمل مشاكل ويه مؤتمن ولاعندي نفسيه بعد اتقبل شي جديد

--ههههه جاخليني اكعد يمج واعرفج عني عدل كالتها وكعدت تحجي صدك من طريقه كلامها وهدوئها اكتشفت انو متربايه وحبابه مو مثلهن

اهواي سولفتلي على صداقت ابوها ومؤتمن من جانو زغار واشلون ناس تدخل لناس واخر شي ضحكت كالت خو من رجع وره مااتعرف عليج

--هاا كالكم لسانها اعوج ومتعرف تحجي مو

--لاوالله يضحك على مؤتمن اشلون راد يتلافه السالفه خاف انتبهتي فرق البينكم وراح اتعنفصين عليه

--تره موكلش فرق اهواي بس كولي هو عنده عقده من هالسالفه اكولج اي

--ولج كل اشويه يتصل بمؤتمن يهدده يكله ادز سماهر اتحيلها تذكرها انته شنهو ويضلون يتضاحكون

--حييل عفيه عليه عمو خلي يحرك كلبه خلفه صبحه بلكي يحس ويبطل فرعنه

--بس تدرين متعجب اشلون البغداديه منطيته بتها وهمه جانو روسيه

--حبيبتي انسحلت غصبا عني وعن البغداديه هسه انطيني رقمج حتى هم استغلج بهذا الشي اتفيديني ادقه اشويه

اتبادلنه الارقام وصارت عندي صديقه الحمد الله خلص الدوام

رجعت للبيت لكيته مگلوب واتعودنه على هاي الهوسات صارت عادي نزلنه اني ومكرم دخلنه لكينه احمد خاله سمر ويصلخ بيها بالواير شوط روحي من شفتها

شمرت جنطتي ردت اركضها مااحسيت غير مؤتمن يرفعني من خصري ضربته ردته يعوفني وكمت اصرخ

اشوفهم متوليه وهيه لاحول ولاقوه كاعده كل واير يضربها يطفر دمها اشكد طفرت ردته ينزلني ماكو اخر شي صم حلكي وطلعني من الغرفه وداني لغرفه بيبي كال ابعلي اذا ماسكتي اخليج ابصفها وادفنجن سوه

--ولك لويش دتسون بيها هيج ماعدكم رحمه

--لاتدخلين غزل

--شنو ماادخل ولك مؤتمن حتموت فدوه لخاطري عوفوها

--غزززززل حسج مااهيسه اطلعين تنكتلين وياها خرب بشرفجن وطيتن روسنه من انعل شرفجن اتريدلك وحده شريفه ماكو

دخلت سماح كمشتني كلتله اطلع مؤتمن عوفها

هو هم طلع ضليت اتوسل بسماح اتروح تحميها كعدت تبجي كالت والج حامل البت منعرف منين

--عزا ولج هاي رجاء ادخللها واحد

--غزل سكتي لاتحجين ابروح ابوج تالي يشمروها ابراسج وانتي مامعوز ابسرعه يصدكون مثل امج نفس الشي لاتدخلين خليج بعيده عدها اهلها يحموها موش مثلج

--منو كاللكم حامل اتاكدتو

--عمتي وتهاني اخذنها للتحليل وعرفن جابن التحليل شفناه

--اصخام ابوجها راح يذبحوها مو عزا عزا عوفوها اني اخلي ماما تاخذها يمها مالكم شغل بيها لاتكتلوها فدوه

--بعد ميفيد بس يردون يعرفون منو قبل لايكتلوها

صفنت يعني ذوله صدك راح يكتلوها دفعتها وطلعت اركض لكيت مؤتمن امكنبص كدامها كامش وجها يحجي بهدوء لبالي الله هداه وحن كلبي

وصلت يمه سمعته يكلها كولي منهو واني مااخلي احد يعذبج

لطمت على اخدودي ولك اشلون اتريد تكتلها اكيد اتخبلت انته اندار كال منهو كلج اتطلعين

--ولك مؤتمن اشلون هيج تكتل بدون رحمه انته شنو

--من انعل ابو الرحمه التجي من وراجن غزل ولي منا

دفعته وركضت لسمر كلتله اذا اتريد تكتلها اكتلني وياها بعد ماراد اجه احمد دفرني كال اذا موانتي التجيبيهم الها

اندارله مؤتمن وهو معصب شال احمد ولركعه بالكاع نزل عليه ضغط ركبته حجه وهو ضاك على اسنونه اذا متجيب طاريها اترس حلك بارود

كوه كومو مكرم ومصطفى سحبو منه اجه كاظم سحبني للمطبخ خاف يضربوني لان جانو كلهم متخبلين

اخذني كوه يسحب بيه كال خويه والله ماخليهم بس خلي نعرف من الناقص الدنس شرفها

--ولك حيكتلوها

--محد يوصل صوبها اني انطيج كلمه

--لامؤتمن متكدرله واح يموتها قبل بس شافني

اسولف ويه واحد راد يكتلني مو انوب حامل

--تره ادري بالسالفه نسيتي من خبرتيني بس انتي اذا ضليتي اطفرين راح اتضيعين حقها اني اريد اعرف منهو واجيبه اهنا وانعل ابواهله اخلي يعترف منو اليدخله بس ابروح ابوج سكتي

--كاظم فدوه لاتخليهم لحك عليها حتموت

--لاتخافين متموت انطيتج كلمه اندار صاح حبيبه تعالي لختج

دخلت حبيبه كل عين اشكبرها من البجي كمشتني وكلته روح طلعتني بره للحديقه شفت خاله كاعده تكسر الخاطر كعدت يمها ابجي وارجف كلتلهم اني اخلي ماما تاخذها يمها وعمو يتزوجها ويستر عليها بس خلي يعوفوها

--ميفيد ييمه ريحت روحها بيدها

--والله موهيه خاله والله ولج خاله فدوه كوميلها حتموت

--خلي اتموت خلي يغسلون عارها

--عزاااا انتي هم ام شنو انتييبيي ولج بتج هاي رجعت كعدت اتوسل بيها خاله مالها ذنب فدوه گومي خاله فدوه

--وينك يامعتصم تعال شوف حال بناتك ولك حملك ثچيل عفته ورحت ولك عليش عفتهن چامتعرف محد يرحمهن ضاعن بنياتك چامتعرف انته بيدمن تركتهن ورحت

--عوفي معتصم الله يحركه ابكبره انتي مو ام كومي اخذي بتج ابحضنك واني راح اساعدج والله خاله هسه اخبر ماما تجي تاخذها بس كومي خاله فدوه كلتها وكعدت ابجي لان ايست منها متكوم

مااعرف اشلون الله هدها واقتنعت كامت دخلت رحت وراها لكيتهم بعد واكفين واحمد يضرب ومؤتمن كاعد خال راسه بين اديه

بس كاظم جان يحامي عنها يكلهن خلي نفتهم وانجيبه ونچتلهم سوه بس هيج راح انضيع غنيمنه

راحت خالتي كعدت وضمت سمر ابحضنها وكامت تبجي كالتلهم اذا اتچتلوها جتلوني وياها وخرو عارها عليه مالكم شغل بيها

احمد. كل الصوج بيج وين عنها انتي لومربيتها عدل جا مالطخت روسنه وخري يمه كوميييي

--من انعل ابوك لابو شرفك ولك اختك انضف منك كلشي مابيها سودنتوها وهسه ناوين اتجتلوها وهيه موبعقلها

جدو. اخذها لغريفتها لحد مانحصل ابن الحرام ونجتلهم سوه كافي البت موابعقلها ماتعرف

رجاء. شنهو اتسكتون عن عاركم انتو اشبيكم جتلوها وخلصو على شنو اتجيبو عود من اتحصل هم جتلو

احمد. اخر بشر انتي تحجين اتسكتين احسن ماادوس على راسج

--وعليش عيني مدوس راس اختك الشايله ابن حرام شكو جايني

--رجاااااء وحك علي اچتلج قبلها اذا ماسكتي

تهاني. تعالي خيه ذوله كدرتهم علينه وعايفين شرفهم امطشر بس كلمن حظ عايفيهن وجاينه

مؤتمن. شهالغوه لج ياشرف بت القندره انعل اشرف اهلج مابقى بس الحثاله يحجون كام وكالها تعالي واعلمج اشلون الشرف يصير

--عليش تنعل ابوي روح لمرتك شوف دعاء شتسولف عليها بالمدرسه عامله عمايل من ابنيه لبنيه ماخاله روحها ابنفس وحده

اندار مؤتمن باوعلي عاكد حاجبه

من الخوف جمدت مااعرف احجي شفته امعصب وجهه محتقن قبل لايفكر يتحرك من الخوف بعد مااحس بروحي

فتحت اعيوني بغرفه سماح

سماح وتهاني كاعدات يمي يسولفن شافني صحيت سماح ضحك وصمت حلكها بيدها كوه عن لاتطلع الضحكه كالت كومي بالعباس راح يتسودن الزلم

--ااااا ولج راسي على شنو يتسودن هذا يخبل دنيا ابكبرها وهو يبقى عاقل

--ولج انوب حتى البنات يتحارشن بيج هههههههه

--ضحكي ضحكي بعد اكولج وينه وشنو صار

--طلعو حصلو اسم الولد بلكي يلكو وانتي اشبيج اول كلمه وكعتي اقلها دافعي عن نفسج اشكد ثوله ولج مؤتمن يضحك يكول والله بس باوعتلها بعدني مافتحت حلكي اشبيها هاي

--عزا انتو والله راح اتموتوني خوف واني اشعرفني برجلج كل دقيقه مزاج شكل شفته اتعصب ملكت هسه يهفني ابراجدي يفقدني الذاكره اووف وافقد الذاكره وانساكم صدك رادلها بخت

--دكومي سولفيلي منو ذني يتحرشن بيج ولج هيفاء تحجي واني ميته ضحك عليش متحجيلي

--عوفي السالفه خلي اتولي وين سمر

--بالغرفه المسكينه عسه حوبتها متتعداهن انطيناها مسكن نايمه

--ولج راسي حيطك وجوعانه

--ديله هسه اكول اجيبلج شي تاكلي بس صعدي غرفتج بدلي

طلعنه سوه اني لغرفتي وهيه للمطبخ هيفاء ضلت اتلعب بت مؤتمن

صعدت لكيت صوت طالع من غرفه تهاني ورجاء يسولفن مالحكت حرمات بالنهايه وصلت بس والله عجيبه رجاء ولااتكول ابنها الرايح صح كاعده تشهك وتبجي بس اتخطط اشلون اترد احمد الها وتهاني اشلون تاخذ مؤتمن واتطلكني اتكلها

مثل ماخليته يرجع غرفتج اخلي ينام بحضنج ويطلكها وميشوف غيرج بس سوي هيج

ضلت تنصح وهيه اتكلها اي عفتهن بعد ماسمعت خططهن رحت لغرفتي على كيفي

سهلا رجاء موبسيطه واني لابسه اسود على ابنها من امداي رحت للحمام غيرت ملابس لبست اتراك احمر دم الغزال على اعنادها

خليت ميكب وحمره حمره حيل لشت شعري عالي حيل خليت كتبي اقره كلما ردت افهم ماكو انوب هوسه جوه كمت اخاف انزل دخلت سماح كلتلها اتعطلتي وين جنتي

--ولج اجو كالو منهزم الولد عارفي منهو بس ماكو لاهو ولااهله اصلا مومن هالديره

--لعد اشلون

--والله بعد ماادري بس همزين من صالحنه هيج ماراح يجتلوها خالتي كالت باجر اخذها انزل الطفل وهيه اصلا مخبله يعني مامن وراها چاره يخلوها بغرفه ويقفلوها لحد ميحصلون الولد دزو جماعه بلكي يجيبو

--ومؤتمن شنو وضعه

--سوده عليه من مصيبه لمصيبه هالرجال ولاجاي يرتاح طلع ويه جدي راحو على شيخ علوان عدهم مشيه

--اكولج عندي امتحان منو يدرسني

--اكلي ونزليلي جوه بغرفتي لان عفت غزيلان الخبله الثانيه تصرخ

راحت نزلت اكلت ناسيه علاجي كمت اخذته صار يومين ناسيته اجه ابالي العب على مؤتمن اليوم واطير اليله على تهاني خلي ادق رجاء هم ابطريقي خلي اشوف سحرهن ومكرن وين يوصل

كملت واجباتي بقى بس الامتحان الساعه

9 سمعت باب تهاني انفتح عرفته وصوت مؤتمن دخل لميت كتبي عالسريع وطلعت من الغرفه لكيت الباب بعده مفتوح هيه بالبرنص استوها طالعه من الحمام

سويت روحي مامنتبها مؤتمن جان ينزع بسلاحه امدنك نزلت على السريع لغرفه سماح لكيتها اتنيم بغزوله اشرتلي اشش

خليت كتبي وكعدت بالكاع خليت راسي على الجربايه غمضت اجه بعيوني مؤتمن اشتاقيتله هذا شنو ماحن اليه صار كم يوم شهالكلب الشايله على غلطه ازغيره هيج حاسبني

بس والله اطلع اليله اليوم من اعيونكم

سماح. اشبيج غزل

شلت راسي كلتله كلبي دينغزني

--يمه اسم الله اشبيج

--مااعرف ولج يمكن اخذت العلاج مرتين نسيت وهسه ديوجعني كلبي

--اصخام بلكي يوكف وتموتين ولج غزل ثوله انتي اشكد علمج مؤتمن كلج ويه الساعه مره وحده بالسبعه لخاطر متنسين

--موالبارحه نسيت اخذ باليل اخذت الصبح ورجعت من المدرسه نسيت اني ماخذه اخذت مره لخ

--هسه شسوي

--مااعرف بس هسه انام بلكي ارتاح

--ياع واني اتانيج بلكي ترتاحين شو ميلي عني

كامت جرت الفون خابرت مؤتمن كلتله تعال لغرفتي ابسرعه

اني سمعت هيج سحت وحدي علمود ابين صدك خليت الكتب حجيت عود بصعوبه تره مابيه شي وعندي امتحان فدوه درسيني

--ولج يادراسه وانتي مختنكه دعوفيها وبعدين شهالمكياج والله فايخه انتي

--اشعرفني جنت كاعده ضايجه لهيت روحي لعب اشويه بخلقتي

احنه نحجي ودخل مؤتمن كال خيركم

--تعال عيني ماكوشي بس اغزيلان ماخذه مرتين العلاج وهاي كدامك محتاره بيها وين اوديها

--تره مابيه شي هسه اصير زينه اشبيج انسبيتي

--مؤتمن تراها اتكابر هسه جان كلبها يوجعها اتجذب هاي

مؤتمن. كومي لبسي اخذج للمستشفى

--لااا مابيه شي مااروح مالك شغل بسماح هسه انام اصير زينه

--كومي بويه تره بالعباس روحي طالعه موحمل مصيبه جديده كومي خلي انشوف سمصخمه انتي

--مؤتمن لويش دتعيط تره مابيه شي وحتى لوبيه شي هم مااروح يلا روح إسفين ازعجناك عيني كلتلها وكمت دخلت فراش سماح اتغطيت ودرت وجهي

اندعي كون مااضحك وفشل روحي لان من صدك خاف لباله بي شي كل حسره تطلع اشكبرها اجه كعد يم كال كومي بويه تركي الاعناد الجهال

كمت اتربعت كلته شوف تره موطفله وكل اشويه اتكول جهال واني مابيه شي اشلون حتفتهم اغنيها الك ويلا اصعد للسنيوره مالتك تره خطيه امتانيتك

--همم غلطه وتجاوز وامر 3سوه كلتيهن هسه انتي بيج كف اطير وجهج لواتموتين بيدي

--اهوو كلتها ورجعت نمت هو هم ماراح كلها فرشيلي بالكاع خلي انطمر اذاماتت كعديني

سماح مدتله افرش وكوه كاتمه ضحكتها اتمدد واغطه حتى راسه اجت يمي كعدت على الجربايه وكل اشويه تطلع الضحكه لمن صاح مؤتمن ضحكي بويه چاهو هذا حظي استوج ماكتشفتي

وهيه طكتها ضحكه على ضحكتها اسمعه ضحك على شنو يضحكون مافهمت والله حسيتهم متفقين على شي وخربته اني

هو نام وهيه ادرس وانوب اني ماالكفها من اول مره لازم اتعيد وعلى كيف يالله افتهم عادت مرتين وسالتني صفنت ابوجها صاحت ياربي رحمتك البت راح تجلطني

--انتي لويش اتعصيبن ياعيني بس على كيفج

اكولج صدك اذا الحمره الجوزيه عندج ان---

--غزيلاننن لااتخليني اطك ولج بالج وياي

--وياج عيدي شنو كلتي

--ربي رحمتك كالتها وعادت جاوبتها بس هم موكله صح عدتها

--الحمد الله خلي نبدي ت بالموضوع الثاني خليج وياي كالتها وبلشت تشرح

واني وياها صافنه اشويه اتذكرت الدجاجه الخلينه جواها بيض جنت ناسيتها قاطعتها كلتلها سموح البيض فقس لوبعد

اشو شمرت الكتاب وصفنت عليه ومؤتمن طكها ضحكه

--غزل كومي طلعي بره اخذي كتبج ولاتراويني وجهج

--شنو الامتحان

--اصخام على راسج يامتحان انتي وين اتفكرين واني وين اشرح

--لابعد ماافكر بس وياج فدوه والله حرسب عيب كدام البنات بس هالمره

كمت جبت الكتاب انطيتهيا وبستها كعدت اتربعت كدامها رجعت تشرح واني وياها لمن نعست وبعد فصل كلتلي كومي غسلي وجهج

--لا حيروح مكياجي

--چاصحصحي وياي غزززل

--اي بس لاتعيطين هسه تكعود هاي الجلبه تبجي

--كوليها عدل

--شنو الجلبه

--هههههههه استغفر الله انتي اشوكت اتعدلين لسانج

--شوفي ومن اني اقاطعها اتضل اتعيط يلا كملي

رجعت تشرح مااعرف لويش من تشرح سماح اتذكر شكو شي فاقدته اتذكر وين هيه تشرح واجان اتذكر سمااااح اتذكرت الساعه فوك الملحق مالت الكاونتر

طبكت الكتاب شالته وكامت جرتني من تشيرتي وسحلتني للباب فتحته شمرت الكتاب ودفعتني سدت الباب ضليت بره صافنه هسه اشحجيت اسمعها هيه امعصبه اتصيح ومؤتمن يضحك

فتحت الباب كال دخلي نامي الصبح اني اراجعج

رجعت للغرفه نمت يم سماح وهو لفراشه استوها طفت الضوه كعدت بتها كامتلها

اشكد اتكلبت ردت انام ماكدرت خاصتا كعدت غزول كمت العب وياها همزين هيه هم راحت نومتها اتكابلنه اني وياها

اني ادغدغ وهيه اتكركر

سماح. مؤتمن كوم اصعد فوك ذني اليوم ناويات صباحي مالهن نيه ينامن

اشرلها وهو نايم عوفيهن رجع اتجتف نام صفح يابه اشكد فرحت من تهاني انضربت بوري وهو اشلون الله معاقبه 3نسوان ونايم وحده بلكاع

ضلينه سماح نامت عافتها يمي ضلينه لل2 اثنينه طفينه ذبيتها بكريوكها يمه فدوه دنكت بستها اسمع مؤتمن كال يلا نامي

--مالك دخل

شفته كام واني طفرت دخلت يم سماح اسمعه استغفر ورجع نام

للصبح كعدت على صوت مؤتمن كال يلا كومي

اباوع الساعه 7 طفرت طلعت ركض لغرفتي بدلت على السريع طلعت لكيت تهاني تنزل بعدلها درجتين نزلت على السريع ودفعتها اجت ترس على وجها

طفرت وللمطبخ ابسىرعه اخذت لفتي اول ماسمعتها تشكي لمؤتمن

طلعت ابسرعه لكيت مكرم امتانيني اول ماصعدت كال عادي اتسوولي اجره شهريه لو ماكو

--هلو مكرم صباحو ابسرعه

--هلا صباح الانوار اشلونج خويه شكو

--اطلع ابسرعه

--عليش شمسويه كالها وشحط السياره شافني ضحكت هز ايده كال الله يعينه هم ابتله هذا

وصلني سلمت ونزلت

امتحنه اول درس الحمد الله جاوبت زين مره الدرس الثاني هم محضره ماعانيت خلصت الحصص بين دراسه واتحضيرات جنت خاله راسي بالكتاب اريد اتعلم من صدك

الحصه الخامسه جان رياضه عدنه رحت للحمام غيرت ملابسي طلعت صارت ابوجهي زهراء اول ماباوعتلي عضت شفتها خفت طلعت اركض للساحه

لعبنه اشويه بس بطني وجعتني يمكن لان مامتريكه اخذت اذان من المدرسه كالت اشبيج ماما

ست بطني توجعني يمكم لان مامتريكه اروح ارتاح

روحي ماما بس اكليلج شي وجهج اصفر

اي ست هسه ادخل جوه جايبه اكل بلكي اصير زينه

رجعت صفي دخلت دااطلع الفه وانعصر خصري درت وجي واشوف زهراء كلتلها والله اصيح وافضحج وخري احسلج

مااسويلج شي تره اتشاقه

اني مااحب الشقى لاتشاقين وياي يلا ولي

غزل موش اتاسفت حبابه لاتضوجيني تره اني مومثل ماامفكره اني موهيج كلتلج شيطان وجنت شايفه فلم لهيج شي ردت اشوفه بس اتندمت حبابه سامحيني واني اكلج شي اخليج اتنقذين روحج من الطلاك

مااريد انقذ روحي اني اصلا اريد اطلك فكيني ولي منا لاوروح بابا اكول لمؤتمن

عليش هيج اتسوين هسه انتي عمرج ماشايفه شي لوعامله غلطه واتندمتي عليها

ماكو بشر ميغلط بس مثل غلطتج مااتصور اكو

سامحيني وداعت ابوي لبالي لان عايشه بره عادي عندج بس ردت اجربج مثل ميكولون منحله صدك لوجذب

اهووو اشلون شغله بابا فكيني ولي عني

احنه نحجي ودخلت سماهر كالت هاا بنات شو اهنا

ماكو شي دنحجي وخلصنه خلي نطلع

لاحبابه تعبانه خلي ارتاح كعدونه اشويه ماطول المدرسه دزتني وراج كالت شوفيها

زهراء. چا خلينه نكعد انسولف اشويه بين مترتاحين واعزمكن على عصير

اني مااريد شوفي سماهر وانتي وخري عني دااطلع كملي سوالف وارتاحي وبعدين لحكيني

دفعتها ردت اطلع شفتها كعدت بجت وسماهر واكفه مكسور خاطرها كسرت كلبي يمكن صدك ابسبب الفون هاي غلطت واتندمت

تبجي من كلبها وتتوسل اسامحها كعدت كلت خلي انصحها خطيه وسماهر هم شاركتني بالحجي

ضلينه انسولف وياها وننصحها هالشي غلط ولازم متعيد والله اتفهمت ووعدتنه اتبطل بس انضل صديقاتها

ضلينه انسولف وانوب اتحولت ضحك اتذب حجي اتموت ضحك

دااكل واحجي مدت ايدها مسحت شفتي

على السريع رجعت راسي ليورا كالت تره باقي اكل على حلكج

سماهر. زهراء والنبي اكول لبوي يشكيج لجدي انتي الضاهر مريضه متبطلين لابنصيحه ولاشي ثاني ماراح يفيدج غير الطك

لاتره صدك حلكها متلوخ شوفي واني وعدتجن مااعيدها بس انتم اخذتو نضره بعد اي شي اعمله يروح بالكم لغير نيه

لبالي صدك سكتت و مسحت حلكي بالكلنس بس عجبتني من ايدها المسحت شفتي حطتها ابحلكها عيع هاي لويش هيج دااتسوي

اشرت لسماهر همست يجوز مامنتبها عديها

رجعنه انسولف دنكت اعدل القيطان مال حذائي فالت لكيت شلت راسي لكيت عينها بصدري رفعت روحي عدلت زيگي كالت عليش صدرج هيج

--اشبي

--بي عصرات زرك

-- اهووو اكولج يمكن اني متزوجه موو وبعدين عيب هيج شي موكلنه انبطل هيج حجي شو د وخرن خلي اطلع لعبتو نفسي

--لالابس ردت اتعلم بالمستقبل هم اتزوج لاترحين دقيقه كالتها وجرتني

--من تتزوجين زوجج يعلمج اني هم اتزوجت كولشي ماكو مؤتمن خلال شهر سواني استاذه وديلا ولي وبعد لاتجين يمي واذا لكيتج داخله للصف لو حاجيه وياي كبل اكول للمديره وحتى لمؤتمن خلص بعد حتى نصايح وسوالف وياج بطلتهن وخري يلا

دفعتها وطلعت من الصف اجت وراي سماهر كالت نرجع للرياضه بس معتازه حمام خلي اروح

--لااني ماارجع العب بعدها بطني توجعني راح اغير ملابسي وارجع يمكم اكعد وين هالمصيبه ولت

--رجعت لصفها ترد عدها درس وفالته مولبالج هاي

--عززا والمدرسه اشلون متكول وينها

--لاتخافين الف عذر اتطلع وتطلع من الصف يلا ولج ابسرعه امشي خلص الوقت

-- رحنه وصلنه للحمام دخلت واني بالباب باوعت ساعتي بعد ثلث ساعه للدرس

--طلعت كالت دخلي غيري واني ريحه لان هسه المدرسه تستبطيني

--يلا دقايق واجي وراج روحي لااتضل اتعيط عليج

--راحت اتاكدت عبرت الحمامات هم ماعندي ثقه بيها كلش كمت اخاف

دخلت اخذت ملابسي دخلت داخل وحده من المراحيض قفلته بدلت على السريع طلعت

واجان اتفاجى بيها داخل الحمام انوب اباوع لباب الحمام مقفول ردت ارجع ادخل بس سحبتني حيل ودفعتني لمن طحت بالكاع

دخلت ايدها بجيبها طلعت سجينه ازغيره وبيدها وايد الثاني فون

ردت اكوم بس جانت سريعه كولش دفرتني اجت ابصدري طحت بالكاع دنكت خلت

السجينه ابركبتي وعكست رجلها على بطني كالت

نزعي ملابسج بس تتحركين انحرج---

السابع والثلاثون من هنا

تعديل المقال