رواية كفي والمنجمة الفصل الخامس والثلاثون 35 بقلم الكاتبة Leo alfatlawi

رواية كفي والمنجمة الفصل الخامس والثلاثون 35 بقلم الكاتبة Leo alfatlawi

كفي والمنجمه

للكاتبه leo Alfatlawi

بارت الخامس والثلاثون

دفعت الباب مقفول دفرته هم ماكو عفته وطلعت للحديقه اركض

كلت ادخل من الشباج اول ماانداريت قبل لااوصل للشباج واجان اشوف ولد بطرك البنطرون كمز من الشباج

بيده قميص ركض بكل حيله طفر السياج واسمع شغل ماطور وشحطه

ركض للشباج لكيت سمر لامه روحه بالزاويه صعدت الشباج وطفرته رحت يمها جانت ضامه راسها بحضنها وترجف خليت ايدي عليها وهيه كمزت ترجف وتتوسل اعوفها

--اهدي حبيبتي لاتخافين اني يمج

كعدت يمها كلتلها منو هذا احجي

ماردت بس تبجي جريت ثوبها اشوف صدرها كوله طكع عزا ابعيني ولج احجي شمسويلج منو هذا

سمر حبيبتي احجي يمكن اكدر اساعدج شنو حرامي طافر عليج علمود اصيح مؤتمن يشوفج فدوه بس احجي

--لالا راح يموتني لاتحجين موحرامي

--منو هذا لعد احجي

--مااعرفه غزل لاتحجين فدوه راح يذبحوني واذا ذبحوني وانكشفت السالفه ترجع عليج هم اتسويلج مثلها

--منو رجاء مو اصخام بوجها هيه ادخل عليج ولج لويش ماطلعي ماصحتي امصخمه

--ماكو الباب مقفول من انام يجيني مااعرف منو يفتحله الشباج ويقفل الباب يسد حلكي وميخليني اكوم يخنكني حتى صوتي مااكدر اطلعه

--ماكو غيرها هاي رجاء ولج احجي هم اعتده عليج

--لالاابد غزل لالاتحجين يذبحوني

--لويش هيج دسوي هاي كولشي اتوقعت بس توصل للشرف لا

--لاهو ميسوي يش موزين بس يسوي اشياء اهواي اهواي سحر هواي اسود يسوي بيه نكاسه سحر وشياء اهواي كالتها وفتحت اعيونها

--عزا اشبيج سمر شدتحجين

خفت كمت منها سمر انكلب شكلها كامت اشكال تحجي دكيت الباب بثنين اديه حيل افتحت ابسرعه دخلت رجاء صاكه على اسنونها كالت اشدخلج لهنا

--عزا ابعينج اذا مافضحتج بسيطه

-- صوتج اتفضحين منهو انتي واختج بالغرفه ومدخلات واحد وهاي مواول مره نسيتي الدخلتي من البالكون وكلتي حرامي لولبالج عبرت علينه وبعدين ناخذ اختج وانشوف ابنيه لا لان امبينه شغلتجن هاي

--ولج شنو متخافين الله اتخبلت الابنيه لويش هيج دسوين

--ماسويت شي هاي كدامج عين الله تحرسها جنها ورد وين محصله واحد يريحه بلاش

--اصخام ابوجهج ولج يذبحوها اذا عرفو انتي شنو هم بشر هسه اصيح مؤتمن انشوف اشلون راح يصدكج

--روحي اذا انتي مره سويها منو يطلع اهنا عدنه غيرج هذا صاحبج جايبته من المدرسه واله اشدرا مؤتمن الضهر مينام يمج بس بليل ماشايفه حرامي يجي الضهر هذا حرامي امسير اسنين عايشين بهذا البيت ماصار هيج اشو من اجيتي كامو الحراميه تطافر هههههه

---هسه اخلي يعيد الكامرات ويطيح حضج

--هههههه ياكامرات كالتها واشرتلي بيدها ماعرفت غالقتهن لوماسحه التصوير حتى الشيطان مايسوي مثلها

رجعت لسمر اباوعلها نايمه بالكاع ولامه رجليها تكسر الخاطر جرتني رجاء ودفعتني دخلت وسدت الباب

خفت احجي هاي كلشي اتسوي هسه اتذبها ابراسي راح يصدكوها رجعت لغرفتي ارجف طلعت ابوجهي تهاني جانت واكفه عالدرج كأنما متانيه احد شافتني اتخصرت وضحكت غمزتلي كالت شكو جوه شنو عجبج الجو

كمشت كلبي مارديت رجعت لغرفتي ذني متفقات يمه اني وين عايشه هسه شسوي المن اكول ماكو غير ماما اتصل بيها بلكي تنصحني بشي

سحبت الفون من الشحن واتصلت اول مكالت الو كلتلها ماما لحكيني

--شكو حبيبتي شنو صارلج

--لج ماما اكو سالفةصارت من زمان بس مكتلج بيها هسه دتنعاد

--شنو ولج غزل خوفتيني احجي

--مره حرامي طفر عليه بس مسوالي شي بس ملخ ملابسي وشرد

--عزا ابعين امج كملي وهسه شنو رجعلج

--لاماما هسه رجاء داادخل واحد على سمر مااعرف شنو ديسوي بس سمر موابعقلها متخبله ومن كشفتها دااتكولي اكول هذا صاحبج

--شوفي غزوله ماما مالج شغل بيهن ابتعدي بعد امج ماما ذني سحارات وخرابات ابيوت ديري بالج تقربين عليهن تره يسون بيج مثل ماسون بيه

--شنو ماما تره خوفتيني بعد اكثر

--والله يماما يدمرنج هاي رجاء مثل امها هم نفس الشي سوته وخلت ابوج يشك بيه اخر شي انتحر لان ماكدر يكتلني لان يحبني ولج ماما كم مره دخلت احد وسوت اشكال اسحور هيه وبيبيتج خبلن الرجال عليه وخلنه يشك امصاحبه واحد وادخله ابيوم الي يبات بغداد وانوب قنعن مؤتمن وزرعن الشك ابراسه لخاطر يكول لبوج

--عزا وبعدين شنو الصار كمشوج ويا

--لاماكمشوني جنت نبها مستعده الهن مااخلي شي مااقفله بس صارت شغله خلت ابوج يفقد عقله وينتحر

--شنو ماما شنو صار

--اوووف عوفج ماما من هالسالفه تالي رجلج يسويلي مصيبه خلي الله هادي ويخليني اشوفج وتجيني بس ماما ابتعدي لاتوصلين يمهن حبيبتي قفلي بيبانج والشباك عدل وكولي لمؤتمن خلي يسويلج سرقي من جوه لان المفتاح يستنسخ

--تمام يلا ماما خلي اروح ادرس بعد مالي شغل بيهم

--غزل حبيبتي لاتقلقيني عليج واهتمي بدراستج تره متفيدج غيرها اسمعتي ولالبالج هاي بس رجاء وراها الشغله هسه تلكيهن كلهن متفقات سوه الي يخلن الزلم ميحسون من يدخل احد كلمن حابسه رجلها بغرفتها ومستعده للشغله ابتعدي وسوي مثل ماكلتلج وماضل شي ماما واخلصج

--ؤك يلا باي

سديته بس جذب ردت اسده علمود اتصل بحبيبه ماكو غيرها هاي اتموتها محد ينقذها مهما يصير هاي اختي

اتصلت رن رن ماكو لمن انكطع الاتصال يمكن نايمه رجعت اتصلت وين يالله ردت هيه كالت الو وكاظم يسب عزا يمكن جان اكو شي وقطعته لان امبين من طريقه السب مالته

ضحكت هلو حبيبه

--هلو عيون حبيبه خيرج بسلا متعاركه ويه مؤتمن كولي

--عوفج من مؤتمن اذا اتكدرين تجيني هسه تعالي

--شكو ولج شصاير

--شي كولش جبير فدوه لحكي بسلااتكولين لواحد عالاساس انتي جايه تسياره وصعدي غرفتي

جر الفون كاظم وكال غزل خويه اطلابه جديده فكينه

--لاع موطلابه يمعود هاي بيها ذبح

--ياساتر شكو سصاير

--شغله عيب مااكدر اكولك خلي تجي حبيبه وهيه حتفهمك

--يلا جايبها بس مسافه الطريق

--يلا فدوه بس لاتكول خليها سر

--ولايهمج خويه يلا اودعناكم

--باي

طلعت كتبي بين متجي بس جذب اذا عرفت اقره شي من الخوف والتفكير اجاني مسج بالفون فتحته لكيت مقطع عيب المرسل زهراء شنو هذا دااباوع بنات اثنين بس ابسرعه انمسح مسحتهه من يمها

سديت الفون ورجعته مكانه شنو ديصير استغفر الله رجع اجاني مسج ثاني فتحته مكتوب اسفه بالغلط

رجعت اقرا اتصلت رديت هلوو زهراء

--هلا يروح زهراء اشبي صوتج مريضه

--هئ بس دااقره وتعبت

--من فدوه اروح لل هئ يبعد جبدي اتعبج القراء جامؤتمن اشلون من يكربلج اكيد يهلكج

--شنو زهراء بيج شي انتي

--خايبه اشبيج غير بنات ونسولف سوه عليش اتكمزين موعندي خوات واسولف وياهن شوميعملن مثلج خيه انتي حالج حالنه فكي من روحج اشويه عليش متعقده

--اسفه بس مافارغه احجي عندي دراسه

--وين رجلج

--يمكن قبل اشويه سالتيني وكلتلج يم زوجته

--يلا ولايهمج من هيج ضايجه حقج وحده تصعد هرموناتها وين اتروح بس عوفي خلي يولي الف طريقه بديله اكو غيره تردين اعلمج

سديت الفون لان حسيتها كولش منحطه شنو هالتربيه عزا موابنيه هاي رجعت اريد اقره غصبا عني ارجع اصفن على اسوالفها استغفر الله شنو هاي

استغفرت استوني دااقره انفتحت الباب دخلت هيفاء كمت سلمت عليها لان من زمان مشايفتها كعدت كالت وين اخيي تايه بالغرف

--ههههه اي يم تهاني

--امم شو ساكته وبارده

--لعد شسوي يمكن حيبدي يقسم الايام عود ديعاقبني

--ههههه لايكلبي يعاقب روحه هذا غير البارحه اتصل بي مكرم على سجل ماعرف ملف رد روحه كامزه ماخله واحد ماسبه عرفنه مطرود من الغرفه

--لاوالله هو من بعد العركه يمكن بده ديقسم هيج حسيت

--الله يعينج ويبرد كلبج ميخالف اتحملي ولو اشك وراها اكو سالفه هالبيتوته موخاليه بس هم اتحملي

--ولويش اتحمل اصلا بس اكمل دراستي اشوف حياتي

--اي عفيه سودني الزلمه خلي يبطلج كال مكرم متخاربين الجماعه يمكن لان شامرها ابراسي

هالايام حتى مصرف مينطيها امبينه العركه جايده هالمره هو وينه شنو ماشبع صار العصر

--كلتلج يم تهاني خابري خلي يطلع هاي متهده لليل

صد خبرته سلمت وكالتله بغرفه غزل تعال اريد اشوفك غلقت جهازه استونه نحجي ودخل اجه سلم عليها سحب الطابوريه مالت الميز وكعد اباوع كوه حامل نفسه

همه يحجون واني اقره مويمهم مدده رجليه على الجربايه

هيفاء . غزيلان موموكت دراسه موو

--لج عندي امتحان باجر لازم اقره

--ميخالف عندج اليل كله دراسه لواليوم ليلتج

--لا

--شنو لا مؤتمن وين امقرر اليوم

مؤتمن. اگول موجنج دخلتي زايد خويه كومي ردي بيتج لاتخربها اكثر

--على شنو تخربها تره لالبالك ابحالك اني عندي الف طريقه تلغي مكانك

--شنهو ولج شنو هاي الطرق كالها واكام اجه يمي شمرت الكتاب وانضميت وره هيفاء الي كمشتها نوبه ضحك

كال اغزيلان شنو هالحجي منيلج

--والله ماادري شعرفني هنه كللي على شغلات اخرى

--منهوووو ذني

--بنات وياي كالن اذا عافج خاي يولي اكو الف طريقه غيره

--استغفر الله منهو ذني شو تعالي فهميني متكليلي وين اوديج انتي اذا بنات وهيج جاوين اخليج بعد

سحبني اني ضامه اخدودي بديه سحبهن كال منو ذني وشعلمنج بعد

--كلشي ماكو اصلا ماحجيت وياهن والله هنه يحجن شغلات عيب ماادخل

--شحجن احجييي عزل لاتخليني اخنگج

--ماكو شي بس كالن انتي حلوه وزغيره لويش ماخذه واحد ابكده وشنو متزوج هالكد عوفي اخذي ابكدج الجبير يصير معقد وانوب متزوج اهواي لويش اتضيعين روحج كل كم يوم يالله عود يجيج هاي اذا موتعبان بس هيج كالن

--لاحشه بنات عوائل صدك امربايات ماكايلات شي احجي بعد شنو كالن

--كلشي ماكو

--غززززل

--وحده اتكول دخيل حمزه شفايفج م -----مااعرف كالت شي عيب

--من انعل ابو المدارس لابو اليوديج ولج بسلا سولج شي

--هئ ابد بس يباوعلي وهاي هيه

وكف صافن وهيفاء ميته ضحك هنه جذب نص الحجي من عندي ردت اخبله بلكي يحس وهيفاء راد يوكف كلبها من الضحك كالتله يخوي من اكلك مرته ثوله تعترض يلا شوف اكص ايدي اذا عرفت الشغلات الاخرى شنهو

--وين اوديها هاي وحك علي بلوه اشلون احافظ عليها اذا بنات تتحارش بيها يلا حليها

--والله هاي بقت يمك بس والله فشله هاي هيبتك وصيتك بالديره وكل هالضخامه تالي مرتك ادور شغلات اخرى ههههههههه اخ يمه

--استغفر الله هيفاء انكتمي لابالعباس اسطرج دفره

--عوف الدفرات وفر طاقتك للاشياء الاخرى شوف مصيبتك ههههههه

--غزل بويه منو ذني اليسولفن وياج

--وخر مؤتمن اشعرفني مااعرفهن بس هيج بنات وياي وهاا صدك المدرسه اتكول عليه اكيوت صدقه لمحمد اتخبلين

--استلم بعد بويه والمديره مادخلتج للاداره وياها

--هئ بس اكو مدرسه كالت انطيني ملابسج اكو ناس فقره كلتها باجر اجيبلج حوديلها

--شتوديلها متكليلي غزل ياملابس يمعوده هيفاء بعد اخوج شوفي شصخم هاي اخاف هم اتودي ملابس الاشياء الاخرى هههههههه

هيفاء. كافي مؤتمن بالعباس ماضاحكه هيج ضحك ولك راح اموت يمه هاي مرتك قمه الثول ولك خويه عينك بيها الها يوم يردنها حامل الك

--بعد اخوج كعدي وياها علمها هاي اتصخم وجهي من الثول مالتها باجر اخلي سماح اتروح وياها

--اي زين اتسوي وانتي ولج افتهمي تره بنات الريف وكحات وعيونهن اتلاصص صيري نبها لاتسمعيلهن ولاتسولفين وياهن انعزلي خيلج ويه بنات الشخ ذني مؤدبات

--عزا يامؤدبات وداعت ماما اتكلي لواني مكان مؤتمن مااخليج ساعه اتنامين اقفل الغرفه واطلع الضيم كله بيج موش مره دخيل حمزه

--اخ يمه ولك مؤتمن عوف السالفه وجلبلي بموش وحمزه هههههههههه

مؤتمن مارد مسح وجه وكف صافن رجع كال بنات الشيخ غزل

--والنبي مدااجذب شوف دزتلي صوره مال عيب بنيه وابنيه

--هاي من اشوكت يحجن وياج هيج شي

--من زمان وميخلني اكعد بالساحه يكولن هوسه ازعاج نكعد وره الساحه وحده اتباوعلي واتكلي بس اشتمج خليني كلشي مااسوي

هيفاء. يبووو ولك مؤتمن افحص مرتك هههههههه اخ كافي غزل ابروح ابوج بطني اتشنجت

دفع هيفاء وكعد مكانها يسحني كال غزل هم دخلتي وياهن للحمام

--هئ تره اني اعرف مولبالك ماافتهم

--لاواضع انتي اتكليلي قابل! ولج هم مدت ايدها عليج ؟احجي لابالعباس اجنزج هسه

--لاوالله موكلتلك بس تحجي بس يمكن بنات علوان موخوش لان بياوعلي مدري اشلون عينها اتروح غير اماكن

--من انعل عشرتج لابو علوان هاي المصايب كلها وجاي تكتشفين يمكن موخوش

اندار لهيفاء يكلها هاي شتصرف وياها وذيج ميته ضحك كام كلها خويه شوفيلج جاره وياها فهميها كتليها صخمي ابهلها المهم خلصيني وطلع

كعدت هيفاء ساعه تكمشها نوبه ضحك وساعه تنصح شيفهمهم اني اعرف هيج اسوالف وماانطيها مجال وذني شايفه مثلهن بدولتي واعرفهن بس الفرق اشكالهم ذولاك امبينه تختلف

خلصت نصاىح كمشت الكتاب اتراجعني بالقريته وطلع القاريته نص غلط اندكت الباب دخلت حبيبه كالت شنهو اشعدجن جاعدات

--هلو حبيبه دتقريني تعالي

اجت سلمت وكعدت علما كملت دراستي هيفاء كالت يلا خليجن اني انزل يم امي انريد للسوك

--فدوه جيبيلي وياج سجل اريده للرياضيات هذا حيخلص وجيبي دفاتر ازغار هم

--ورقي بت فريال

--ولج ماعندي ولادينار قافل كنتوره

--خوش والله انتي تتعاركين ويا يشمر مصرفج علينه خوش عقوبه هاي كالتها وطلعت

استلمتني حبيبه شنو الصار سولفتلها كلشي وهيه تلطم كالت لاتفكين حلكج وتحجين ابد اني احلها مالج شغل

--لاماراح احجي بس فدوه اخاف سمر تنتحر لو يصيرلها شي

--هاي رجاء الموت قليل ابحقها اعرف شيدور ابالها

-- احمد اشوكت يكمل بناء بيتكم

--اصخام بوجه احمد من جاي يبنيلها وهيه ادخل زلم على اخته اشكد اكله متستاهل مال واحد يحركها بس اخ امشبعته اسحورر ميعرف اشجاي يسوي انوب خوش ادور اوقات الزلم موش بالبيت بالمصنع اخخخ يبليس

--صدك لعد موخاله تجي اهنا اذا اكو مناسبه يعني تدخل لعد لويش متضل يمنه

--خالي خيه داك رجل سالفه صارلها اسنين وبعد مجلب بيها استوه بده يخليها تجي للمناسبات انوب تردي يخليها اتباد غير يجتل روحه

--لعد خلي تاخذ سمر يمها خطيه

--ميقبل هم كلتلهم وهيه اتوسلت بي يكلها عمرها كله ربت بذاك البيت هسه جايه اتكولين اخاف عليها البت متوصل داري خلها يم اهلها يصير ميصير هاي مسؤوليه

--شحتسوين اخاف احجي وهم اتذبني ابمشكله

--انتي لاتدخلين خيه انتي مفهيه تالي اتطيحين بيها بس هم عينج بسمر من بعيد وخليج وياي على اتصال

--تره عدنه كامرات بالخلف ركب مؤتمن من طفر عليه واحد نكدر انعيد التصوير

--انتي ثوله ولج هاي امدبره كلشي لبالج فايتها هيج شغله متخلي وراها اي اثبات

--اي اني من كلتلها ضحكت واشرتلي بيدها مافهمت شنو

--اخ كون الله اتطيح بيد مؤتمن اويلي وعلي يشرب دمها ويدفنها وهيه عايشه على هاي الفضيحه

--لعد خلي انكله

--لا ديري بالج ماكو عاقل يصدك بهيج حجي اله لزمت ايد اله اخلي يلزمها بيده لزمه لالبالج ذني مامرتبات امورهن لاعيني ذني لاعباتها صح واله بيت الشيخ وكدرن يدخلن واحد ابراحتهن هاي مستحليه اذا مامتفقات ويه احد يراقب

هسه الي اريده منج لاشفتي ولاسمعتي عوفيها وراي

--اكولج كمت اخاف من الشباج لويش شبابيكم بلا عازل اشو احنه بغداد جان بي عازل ميكدر واحد يدخل

---جان خيه هيج هم مثلكم بس من غير الفصال مؤتمن عمله تصميم تركي غير الابوب والشبابيك بس هم خلي يسويلج عازل تراهن ميتأامنن

--هوه كوله يلا ننزل تالي يشكون بينه

كمنه نزلنه جوه هيه راحت غرفه بيبي واني رحت للمطبخ لكيتهن كلمن كامشه شغله يحضرون للعشه ورجاء اتلكف ابأابنها واتبوس وتكفل ميته عليه

كعدت دخلت تهاني سابحه عود اتراوينه استغفر الله لونازل مثلها ميخالف هو نازل ناشف وهيه هيج امبينه جذب

كعدت كالت ضهري يوجعني يمكن حامل

رجاء. جامارحتي اتحللين

--باجر مؤتمن كال اخذج الصبح ومناك انروح نتغده بالمطعم

--الف عافيه لاتنسوني جيبولي سفري

دخل مكرم كطع سالفتهن سالم كال وين مؤتمن

هيفاء. هسه جان اهنا يمكن يم جدي

--ماكو كال طلع

--اصبلك شي تاكله

--اي والله صبيلي --- غزاله خويه ناوشيني مي من يمج

كمت انطيته كال الف رحمه على ابوج شرب ورجعه كال وين رجلج يالفاهيه

بالاثناء مؤتمن دخل سلم راد يروح لغرفه بيبي بس كله دكعد خلي اكل لكمه ونروح سوه كعدو يسولفون

دخل مصطفى على العكازه كعد وياهم دخلت سمر بس تتصفن مصطفى كال انطيني مي وكفت صافنه صاح هوشش وياج مي هيه سمعته صاح وهيه انكلبت وحش

جرت سجينه من طاست الفواكه واجت تركض اتريد اتكتله

كوه كمشها مؤتمن ربط اديها ليوره جابو العلاج مكرم عصر وجهه خلاها تفتح حلكها كوه وشمر الحبايه شربوها مي كعدها على الكرسي اشويه هدأت امنو هدوها

خلتنه كلنه نوكف استعداد من الخوف

رجعو كعدو خلت راسها على الميز

مكرم. بويه كوموها ردوها للغرف خلي اتنام وبعد لحد يفتح الباب تره هاي موبوعيها

مؤامن. كم مره نبهت كلت لاتخلوها تطلع يابه رجعت لحالتها القديمه ديرو بالكم بس ويامن تحجي لمن تاذيلها احد يالله يرتاحون

تهاني. متودوها لمستشفى امراض نفسيه وتفكونه

اشكد قهرتني كلتلها تره مابيها شي اعصابها تعبانه

--والله انتو امبين عليكم كلكم مرضه فروخ عمي معتصم واحنه مبتلين

--لويش عيني ابشنو باليج ومنو المريض بلكي اتوضحين

--جامونتي عندج قلب وهاي اني مبتليه بالحباله مكانج جالبالج صاحيه انتي هم عالساعه طب لنج ميته

--صاح مؤتمن كافييي لغوه

--بس دقيقه مؤتمن خلي افهم مرتك الغبيه تره هذا مويسمه مرض شي عادي مر ورجعت لصحتي

--هههه والله ضحكتيني جا عليش مايخليج اتحبلين عبنج مريضه ومابيج فايده خايف تموتين وتوكعين بخطيته يلا اني اعوضه عود انطيج الطفل لاتنقهرين

اسمعها تحجي حركت كلبي كلتلها تعالي اعلمج المريضه شنو حتسوي مالكيت غير يمي دبه المي شلتها وركعتها بنص وجها وجريتها من حجابه وشعرها سحلتها حيل

نبتت اضافيرها بالجرج وجرته شوطت روحي لان بعده موكلش متشافي تركتها وصرخت كامشه ايدي

مؤتمن جان واكف يباوعلنه يريد يعرف وين توصل من شافني صرخت دفر الميز دفعني و سحلها طلعها بره ملخها تمليخ موتها

محد فكه من ايدها صلخها صلخ اخر شي طاحت بالكاع وبلش كل دفره لمن نهاها رجاء وامه كوه جرنه اخر نفس

عمتي اتصيح ولك فرخك يروح وهو ولاهامه بس ويضرب لمن من صدك انصلخت يمه اني من يمي احس جسمي وجعني

خفت منه مؤتمن اذا وصل لهل حاله بعد ميشوف كدامه

مكرم. غزل طفري قبل لايرجعلج

--تره مسويت شي هيه بلشت وبعدين شدعوه هيج عصب

--لاسلامتج ولج بذرة احترام ماخليتله وكف وانتن تتكافشن كدامه عدل على غرفتج بالعباس يرد يطكح فلتي

سماح. غززل قبل لايكمل ابسرعه ولج حتى كتله مابيج بعد وهاي ايدج ردي لفيها ابسرعه لاتلتهب

--مكرم كوم اطلع كدامي فدوه

--يلا راح اوكف ابوجها ونتي طفري

على كيفي طلعت شفته بعده هاد على تهاني وكوه كامشي

وصعدت غرفتي ركض ماعونت ادخل سديت الباب وايدي على كلبي

خبرت ماما اريد افتهم لويش ميصير اسوي طفل اول ماردت لبالها على السالفه مالت الضهر كالت شنو حبيبتي هم رجعو

--ماما بروح بابا كولي صدك ميصير اجيب اطفال والله ماراح اضوج تره كولش عادي

--منيلج هالحجي شنو ولج بس لا وداج للدكتوره

--لا مرته اتكول ميصير اتخلفين

-- اي الحمد الله يعني اقتنع الي وصلت السالفه

--شنو مداافتهم

--اسم الله عليج اسم الله انتي تعبانه وكلبج ميتحمل حتى طفل لايجازوف ويسوي لان اسم الله عليج يوكف كلبج اريده يخاف وميفكر يربطج بي لان اعرف شيدور ابراسه

--لويش مترديني اسوي

--غززل ماما شيلي الفكره من راسج ماعونت يقنع راح اتربطين روحج بعائله ماوراهم بس الشر والدمار بنتي لاتفكرين بالطفل ماضل شي لاتورطينه بسالفه جديده

--لاماما اصلا ماافكر هسه بس اتفاجأت بالحجي لبالي صدك ميصير مالبالي هم فكرتج

-لاحبيبتي حجيت هيج حتى هم يحميج منهم وهم مايفكر بالطفل حتى رجعتج اتصير اسهل

--عزا لواتشوفين اشسوه بتهاني لان اتعاركنه صلخها صلخ

--حيل بيهم اثنينهم خليهم نارهم تاكل حطبهم بس غزل بنتي لاترحين اتبيضيها يمه اتكليله ماما دتجذب اعرفج ثوله

والنبي يبهذل احوالج اني كلتلج لالبالج هذا الدلال العايشه بي يستمر وره مايعرف تره اتصبحين براجدي وتنامين براجدي متعرفين مؤتمن ابكدي هذا دمه حار وعصبي وانتي فاهيه

--ؤك ماما دااسمع احد صعد باي

رجعت الفون وصدك سويت روحي اقره دخلت هيفاء اتباوعلي ابااسف كعدت يمي كالت مالج شغل بالحجي تره والله غيرانه منج بس اتريد اتغثج والله قبل كم يوم اسمعها تشكي لرجاء اتكلها حتى وهو نايم يمي يتخيلها ويذكر اسمها ويرجع يتذكر جاي اموت مااعرف اشلون اخلصه منها

--مويمها اني حتى تخلص مني خلي تخلص من رجلها اني شكو

--شنهو طكتج حيل اتااذت ايدج

--لا

-- غزل اذا على الطفل خيه لاحكه كبري وسوي نسيتي اشلون اتعذبتي بذاك فرخج ابروح ابوج لاتحركين ابروحج

--مدااحرك ابروحي ودااريد اقره فدوه سكتي روحي كملي شغلج

--وين اروح ولج اطرديني

--لاوالله مدااطردج بس دااقره اخذي راحتج لاتتقيدين يمي

--والله اكو ناس صعدتني وراج كالو روحيلها شوفي ايدها اخاف اتااذت

--لعد ذولاك الناس ماصعدو همه لويش ديصعدوج مكانهم

--لان حضرت جنابج الكسيف دايسه بيهم ومطلعتم موزلم تره سمعت الكايلته

--والله مكلت هيج هاي رجاء حورت اشلون اكول عنه هالشكل

--يلا هسه كلتلي ماكلتي بعد صارت بس والله ماتت بيده تهاني اشوكحه اطكج كدامه كلت متطلع من جوه ايده صاحيه بعد اخته فوخ كلبي بيها لبالها عود زعلان منج وراح يسكتلها تره تجين للصدك حقها اني رجلي نايمه ابحضنه ويتخيلني وحده غير يبوو

--لعد حيل بيها شكو مكمشه بي ماكو كرامه وهاي انتي كلتيها ابحضنه هاي وحدها كافي تحرك دمي

-- الله يساعدج خيه عاذرتج بس شنسوي للنصيب يلا شنو عندج خلي اراجع قبل لااروح

اليوم هم مااجاني راح لسماح عرفته بده يقسم الايام يعاقبني بهذا الشي ضليت للصبح اتكلب اريد انام مااكدر كمت فتحت البالكون ممنوع اطلع لان عالم كدامنه صح بيت عن بيت بعيد بس هم ابين كعدت جوه الجو بارد بس كلبي يفور اريده يبرد

مااغار من سماح بس قهرني لويش هيج يسوي بيه اشذنبي لازم اتحمل هيج واضل ساكته مر الوقت واني على كعدتي مااعرف مرتاحه للبروده مااعرف اعاقب نفسي سمعت صوت طكطكه خفت ابسرعه كمت دخلت وسديت البالكون

رجعت لفرشتي بي زاد حس الطكطه خفت بالزايد

لبست روب ونزلت جوه خفت ابقه بغرفتي انوب البيت اضلم وماكو احد ركضت لغرفه بيبي دخلت شالت راسها كالت ياهو هذا

--بيبي اني

--ياع وشجابج بهاليج متركدين يجده

--بيبي اخاف غرفتي بارده وبها جني اجيت انام يمج وين جدو

--نايم بالمضيف يم مصطفى

--لعد حنام بقريولته

رحت دخلت بفراشه وللصبح ماادري ابروحي صدك دفيت كعدت على صوت بيبي تحجي ويه مؤتمن امبين سائلها عليه لان اتكله ساعه اتكول جني ساعه بارده مريتج اضنها تسودنت

مادر بس اسمع حسرته وصلتلي ردت ياع عليش تتحسر ولك هيه مره قحط اتروح ازوج تاج راسها مثل امها هاي عوجه مايصيبها قز القرط اتجلطك وتمشي نفس الدرب

--بسج جده ابروح موتاج لاتجيبين السيره

--يجده اشمرها على امها شلك بدوخت الراس عندك مريتك حبله والثانيه هم حصلت افريخ وراح تجيك الشيخه بعد شتسوي بصخام البين لو اله اتريد تطلع جدام الناس بسواد الوجه مثل عمك

--جده من الاخير الي ابراسج شيلي ونسواني اصفيهن كلهن مااخلي ابااسمي بس هيه

--ياااع عليش ولك هيج اتسودنت تترك بت العالم والشيوخ لخاطر بت فريال جاكونك هيج تچسر چلمتي بعد التعب هذا ولك ربيتكم بدموع عيوني

--ومحد چسر جلمتج بس هاي التشوفيها كدامج اذا فكر واحد يكرب صوبها احركه

--بعد يجده واحرك وروحك ورا موش هيج التريده

--جده غزل طلعيها من حساباتج

--ماجان هيج الحجي يبن ابني وجبير اخوتك شمالك سودنتك البت

--عفيه اتسودنت من الاخير لحد يكرب صوبها لاتخليني اعمل الجنت ناوي اعمله

--ياع ولك مؤتمن اتريد اتموتني وراك بعد ماسلمتك كلشي وميزتك عن اخوتك وخليت الكباريه بيدك

--هههه جده الكباريه ماتجي من مره اشوكت تقتنعين بهالسالفه وهم امني السالفه گربت تنكشف وراح اجيبهم ماضل شي بس ورواح عمي معتصم ماارحم اي كائن يكون وقتها ادفنهم وهمه وعدلين

--شتقصد يمؤتمن

--سلامتج يجده اهم شي خليج طيبه كدام عيني كافي

اسمعه كام باسها وطلع

كعدت اتمغط باوعتلي اتريد تاكلني كالت سودنتي الزلمه اترتاحيتي يبت فريال

--تره هو امسودن من كاعه لاتذبيها ابراسي وشغلكم وانتقامكم بعد عني وهم داتكولج اخاف اعرف احد اله ايد بموتت بابا والله اني الي ماارحمه مومؤتمن والله ابهذلكم كلكم لاتنسين شنو اكو ابااسمي

--كمي انعل ابو اصلج منهو فرعنج عليه غيره بت فريال وروح معتصم مااخليج تشمين الهوا ابراحه وهاي عهد عليه اذا خليتج اتضلين وياه اطلع موش مره وماافتهم واستاهل المذله بعد هالعمر اذا ماخليتج مذلوله تتوسلين بينه بس حتى ننطيج لكمه خبر سهلا حسبالج مثل امج وتفلتين لا امحاوطيج ونعرف امج وين جاي تفتر وشنهو تريد تعمل كمي فارجينه عساج فارجتينه للكبر

--من الصبح دعاوي اشبييبج متكليلي مره جبيره استقري

--لك مؤتمنننن

اني سمعت اتصيح مؤتمن واني بعد مااندل طريقي هسه اتذب سالفه واتخلي يكتلني بس والله كون صدك اعرف الهم ايد بكتلت بابا اله اتنازل عن املاكهم للمتسول واجلطهم

رجعت لغرفتي استعد للدوام لبست ومشطت لميت جنتي داانزل وصارت ابوجهي تهاني منفوخه من الكتل اتخوف بس حيل بيها ماشايفه احد يعير بمرضه حوبت سمر هاي

داانزل واسمع كال ريوكم يابه العالم كاعده صار ساعه

نزلت اشوفن يتراكضن امبين عدنه خطار منو بالصباحيات جاي رحت للمطبخ لكيت سماح اتحضر بالصينيه صباحوو سموح

--هلايكلبي كعدي خلي اخليلج ريوك

--منو عدنه

--شيخ علوان وانسابته

--شكو من الصبح

--عدهم شغل لاتدخلين

--شنو بسلا راح مؤتمن يكتل العلم صدك عززا انوب يصير بدي دم فوك خباله يكملها يصير قاتل

--غززل لاتدخلين بهيج امور ماعليج اذا سمعج يخلي طلقه براسج لاتحجين بهيج شي و هاج اكلي لخاطر مكرم يزدتج ابطريجه ماطوله اهنا

اكلت على السريع ليست الجبه شلت جنطتي وطلعت لكيت مكرم واكف يسولف وياهم اشرلي صعدي جايج

اباوع شيخ علوان وهذا الولد الراح ويانه للزياره يعني اثنينهم عرف ومسولفه وياهم بس جان واحد اكبر من مؤتمن اشويه لابس اعگال شافني الشيخ اباوعلهم ضحك واشرلي تعالي

وكفت خفت من مؤتمن رجع مااعرف شحجه وياه ضحك واشر تعالي سلمي

رحت سلمت ردو وهو كال الحمد الله على سلامتج بويه غزاله

--شكرا عمو الله يسلمك

--خوماصابج شي ان شاء الله طلعتي سلامات منها

--لاعمو مصارلي شي بس ايدي اشويه اتااذت وهسه صارت زينه

--دوم سالمه ويحفظج من الشر يبويه

اتشكرت واندرين لمؤتمن كلتله انطيني افلوس اشرلي روحي لان انحرج من وكفتي

عندت اخذ نفس واطلع افلوس انطاني كلتله بعد افلوس للسفره

--ماكو روحي يلا

--عمو كوله خلي يخليني اروح للسفره

--افا چااشمالك ماتخليها هاي ابنياتنه رايحات خليها وياهن عينهن بيها لاتخاف

قبل لايرد الرجال كال بنتي هم وياكم استوها اجت نقل

--مااعرفها شنو اسمها

--سماهر

--اي عرفتها هاي كولش شاطر كاعده بالاخير

--چاانتي اشبيج يبويه عليش متقرين

--موماقره بس مااعرف كولش عربي وهو مدايقريني ساعه اتوسل يالله يقبل

رد الرجال كله عليش چاانته ماعندك وكت خلي مدرس لبنتك عليش اتضيع مستقبلها

عزا هو كال هيج الشيخ ضحك هو ونسيبه

انحرج مؤتمن كله لاخويه هاي حرمتي

--اها اعذرني مو صاحولها غزل لبالي بتك يلا هيه الحرمه هم مثل المره

عفته يجيب منا ويحط منا يريد يلم السالفه بس وجه مؤتمن من كله بتك مينوصف كوه كمشت ضحكتي رحت للسياره صعدت وضحكت كال مكرم ضحكي شبعي ضحك وراها سحله امعدله

--ولويش عيني تره هو الشيخ صاحلي ومؤتمن اشرلي تعالي

--جا سلمتي وانجبيتي رجعتي موادكين اسوالف وياهم

--لعد مونروح وياهم للزياره عادي لويش ممنوع احجي وياهم اهنا صدك منو هذا الرجال الجديد

--هذا رفيج مؤتمن من الزغر ماخذ بت الشيخ الجبيره جان غير ديره متخاربين هو والشيخ واستوهم تراضو ورد لديرتنه

--لعد اشلون عنده ابنيه ابكدي

--اكبر من مؤتمن كم سنه واتزوج زغير طبعا بنته ابكدج وانتي كيفتيلها من سمعتي

--لعد خلي مؤتمن هيج طبعا حضل كل يوم اذكره ماخذتلي واحد كد بابا

--انتي ناويه على كتله غزيلان جلدج حاكج اخاف ناسيتها من زمان ذكري البارحه تهاني ولالبالج راح يسكتلج على هاي وكفتج وسوالفج كدام الشيخ حضري روحج للجلف

سكتت صدك هذا متحيون يمكن يكتلني وصلنه نزلت واجان اشوف زهراء امتانيتني بالباب عزا هاي ماراح اتفوت حالي سلمت ودخلت كالت انطيني اني اشيل الجنطه

--لاشكرا عوفيها هيه موثكيله عادي

--اشلونج

--تمام

دخلت للصف نزعت الشال والجبه حسيت ايدها خصري وخرت عنها كلتلها تره عيب هيج شي

--شكو خيه تره عادي انتي مثل اختي احنه نحجي دخلت دعاء خزرتها لزهراء اشرت وخري عنها

طبگت الجبه والشال ضميتهن رتبت شعري جره الفرجه من ايدي كالت اني امشطلج

--لاتعبين روج هو مرتب بس من جوه اشويه ارتبه

--ميخالف احب امشط الشعر الطويل

--مشطته وجرته اشتمته شنو هذا عطرج طيب

--مااعرف مؤتمن جابه

--صوري ودزي ليه

--تمام

--تعالي بالساحه علما يدك الجرص

--لاحيرن مابقى شي

--تعالي اعزمج على ريوك

--هئ شكرا متريكه

--خايبه اشبيج لاطشه بالصف تعالي كالتها وسحبتني هيه ضخمه انسحبت بيدها اجيت اوكع كمشتني من خصري وعصرته كمزتني ضليت باهته كامت دعاء خزرتها ودفعتني كال ميلي لغاده لاتجين صوبها

--ؤك تمام بس هيه الي اجت مواني

زهراء. دخيل الحمزه من اتفهين غير تنكرطين اووف لواني مكان مؤتمن

دعاء. زهررراء طلعي يلا منا تراني اكول كلشي لبوي

--محد يخسر غيرج اتحلمين بعد بي اذا وصلتله الحجايه بعدي لغاد وخليني ابراحتى اخذي التردي واني هاي اليه

--زهراء عقلي ترا هذا مؤتمن لاتنسي وعلي ويترسنه بارود ويحركنه لاتوصلين صوبها

--ميلي لج جااذا هيج مااخلي يبدلها بيج اطلع شكو شي ضامته

--زهراءءء انكتميييي

هنه يتعاركن واني واكفه متصنمه انوب محد بالصف بس احنه لان جايين من وكت اني دوم اول اول وحده لان عدهم طريق ثاني يطرون يجيبوني من وكت

اخذتها وطلعت بره يكملن حجي لان امبينه ضامه عليها سالفه ودعاء خايفه منها لاتفضحها ردت افلت من الجام بس الحمد الله اجت بعد ابنيه دخلت للصف اخذت نفس وكعدت يمها اسولف

رن جرس الحصه الاولى وكمل والحصه الثانيه هم بالثالثه طلعت اشتري لان جعت داامشي وانسحب من شعري خفت زهراء همزين بعدني ماعايطه شفتها المدرسه ضحكت كالت ليش خايفه

--لاست بس هيج لان اجت مفاجأه اشويه

--بسلا نفسيتج هم تعبت وتشكيني

--هههه اسفه فدوه ست انسيها

--لاماما نسيتها ولايهمج بس اتشاقه وياج ماشاء الله شعرج كلش طويل

--صدك ست حضرتهن الغراض وهسه حتجي ورايه مرت زوجي اتجيبهن وهم مؤتمن من كلتله دز مبلغ الهم

--الله يزيد خيره يلا حتى ادويهن خطيه بلكي تفرح

-- همه كولش تعبانه حالتهم

--اي والله يماما كاعدين بتجاوز وابوهم مشلول خطيه وهيه تدرس بس اشوفها حتى ملابس ماعدها خجلانه من روحها واني لومااعرفكم مااكلج تره رجاء وسمر جانن طالبات عندي وهم يساعدن البنات التعبانه حالتهن وانتي ماشاء الله اشوفج دوم اتغيرين احسن مااتنطيهن لاحد اشوف هاي اولى ونكسب ثواب هم

-- اي ست والله كيفت من كلتي بس يصير اخلي مؤتمن يسويلهم راتب اذا اتكولين هيج تعبانه حالتهم

--والله ياريت الكم اجر همه عايشين على الله وامهم تخبز اتبيع للعالم وهاي احنه المدرسات هم انلم كل شهر مبلغ وننطيهم وتعرفين احنه مكان زراعي الناس كلها كوه مدبره لكمتها يعني محد يساعدهم

--تمام هسه حيجي وهو ومرته واكوله

--خوش هو اليوم اجتماع الامهات همزين خلي تجي

--عزا ست فدوه لاتشكوني يمها حتضل اتعيط عليه لان هيه الي ادرسني

--هههه لامنشكيج انتي شاطره بس لواتعدلين لسانج باللهجه جان خوش بسلا عوفج هيج اتخبل بالسانج زايدج جمال

--شكرا ست اتقبلين عزومتي

--يلا عيني ليش لا مااقبل

تمام

رحت ركضت للحانوت ترست العلاكه كولها اتذكرت مصطفى من يصرف ويعزم ابراس مؤتمن اشلون تعلوم علمني صرت نفسه

اخذت العلاكه لكيتها بعدها واكفه ويمها 2من مدرساتنا

رحنه كعدنه بالساحه فتحت العلاكه قدمتلهن مافشلني اخذن واكلن اشويه و كالت ليش متاكلين

--لاست دااكل هياتها النستله بيدي

--كلتي مرت زوجي راح تجي هو متزوج مو وانتي الثانيه

--اي من اتزوجته جان بس وحده عنده وبعدين اتزوج ورايه هم وهسه عاقد عالرابعه

--ياااا اتزوج عليج وانتي جنج نستله

--هههه لاست اكو ضروف خلته يتزوج يلا ست استأاذن رن الجرص

كمت عفتهن حتى قبل لاتسال بعد لان شفت راح تدخل بالتفاصيل ومؤتمن حذرني مااحجي بس اخ من لساني دوم امفشلني

درس الرابع انطونه اوف كالو ماكو لان اجتماع امهات

طلعت للساحه اني وياي وحده كاعده ابصفي مو هالكد علاقتنه بس انكضي وقت دنمشي ومااحس غير وحده رفعتني من خصري صرخت نزلتني وكفت مصدومه خاله ايدي على كلبي عزا اشبيج انتي

--عليش اخترعتي شمالج مامسويها لازم وياج قبل

--ايسويها ميسويها مالج دخل ذاك زوجي انتي شنو

--عوفج من زوجج تعالي اكلج

سحبتني وراها وراحت تمشي سريع اريد اهد ايدي ماكو جرتني جر

--وين تردين اشبيج

--بس دقيقه عندي مشكله واريد اخذ رايج

--شنو كولي دااسمع

--مواهنا تعالي اهناك لخاطر محد يسمعنه دخيلج وداعت ابوي محتاره لااكدر انام ولااكعد بس اخذ رايج مااطول

--لعد احجي اسمعج

--لاموتجي دعيوه واخفن البنات هم تسمع وانفضح ماطول طلبتج لاترديني دخيلج دقايق موش اكثر قبل لاتجي دعاء

--مااطول تره خمس دقايق لان سماح حتجي اختصري وفضيني يلا

--اي تعالي وداعت ابوي مااعطلج بس اشوفج موش مثلنه انتي مفتحه تفتهمين راح تنصحيني

رحت اريد اشوف مشكلتها بلكي اتعوفني رحت وياها وره الساحه ماكو بنات كعدت كعدت يمي ادنيت كلتلها شنو دااسمع

--انتي حلوه وعجبتيني

--شكرا بس مشكلتج وين

--رجلج ميفتهم من اتزوج عليج واله يعوف هيج كمريه جنج كيكه وياخذ هوايش اشلون يفكر هذا

--استغفر الله انتي اشدخلج بنتي تحجين لواكوم

-- لالا مو اني حبيتج ولج مااكدر بدونج ليل نهار افكر بيج واتخيلج يمي

--عزا اشبيج شو دوخري موصوجج اني حماره اجيت وياج

كمت بس جرتني حيل رجعت كعدتني باوعت يمنه يسرع خفت منها اشبيها حسيتها موعاقله

مااحس غير دفعتني وجيتت عليه اشلون تصرفات الرجال بثواني سحبت شفتي وبيدها عصرت بطني حيل

لعبت روحي واتقيأت اريد اتنفس مااكدر شافتني هيج عافتني وراحت تركض كعدت كوه كدرت اجر النفس

انتجيت عالحايط اخذتلي اشويه كاعده ارتاحيت بس بعدني ارجف كمت رحت اتمشي للاداره دخلت گالت المديره شكو ماما بيج شي

--ست خبري زوجي خلي يجي

--غير افتهم اشبيج منو ضاربج ليش هيج حالتج

--محد ضربني بس خبري دااروح كليله اتخربطت

--يلا دكعدي غسلي وجهج علمااخابر

انطتني وحده من المدرسات مي غسلت وجهي خفت ارجع للصف ضليت كاعده بس كلمااتخيل المنضر تلعب روحي وارجف بالزايد اشويه ودخلت ريم مرت الشيخ سلمت وجت يمي كال اشبيج يمه عليش تبجين

--مابيه شي باجي بس اتخربطت

--ياشجاج اخاف بلا ريوك

--هئ اتريكت بس مااعرف اشبيه

ضليت كاعده هيه تحجي واني ساكته شكلج بت زوجج اعتدت عليه

ضلت بالنص ساعه اتسولف واني بس اهز راسي علما دخلت سماح اجت كالت يمه اسم الله اشبيج ولج

--مابيه شي يلا خلي نطلع

--اوكفي خلي اخذ اذن وانطيهن ذني الغراض

--بس ابساع فدوه اريد اروح

--يلا عيني انتضري دقايق هسه جايه

دخلت للغرفه الثانيه لان جان الاجتماع اهناك اخذت اشويه وطلعت كالت اتكول بس نص ساعه علما يخلص الاجتماع طلعي يم مؤتمن بين ماايكمل والحكج

كمت على السريع خذت غراضي لبست وطلعت لكيته واكف كاشخ ولاف الغتره ونضاراته يدخن حضرته ولاعلى باله واني شامرني اباانكس مدرسه

وصلت يمه باوع ابساعته متعصب صاح وين استغفر الله موكلتلها لاتتاخرين كمل كلامه وانتهلي كال اشبيج

بجيت ابسرعه سحبني فتح باب السياره وصعدني بالكشن الخلف وصعد يمي كال اشبيج بويه منهو وياج

مارديت خفت يبطلني اذا عرف كلتله اتعاركت ويه بت الشيخ

--انعل ابو الشيخ اشعملتلج بت النعال

--سحبتني من شعري وعصرت بطني حيل هسه دتوجعني

--شفتج اشبيها

--طحت عليها

سحب نفس و مسح شفتي صفن محتار كال ادري شسوي هسه اروح اكله بنتك اتعدت على مرتي لو شنهو غزل كم مره نبهتج متجين يمهننن

--لعد انته بس اتعيط عليه والله سحبتني

--وانتي شنهو ثوله ماعرفتي اصرخين اتصخمين على راسج شنهو خرسه

--لاكالتلي عندي مشكله ودااريد اخذ رايج

--غزززل شنو تاخذ رايج وين رحتي وياهااا شعملتلج ؟

-- كالت عندي مشكله تعالي اكولج رحت وياها تالي طلعت اتريد تضربني

--من انعل ابو رايج راي منج انتي المفهيه اشلون عقلتيها ولج هاي اني اخاف اوصل صوبها اخاف على روحي انتي اشلون رحتي وياها

--مااعرف صدكت مالبالي دتجذب

--يلا هسه شنهو اعمل فهميني وين اوديج بعد ومن احبسج اتنعلين ابو اصلي و اتكولين معقد ساجني استلمي هسه شنهو انزل اشتكي يم المديره اروح لبوهن شنهو اعمل

--لعد لويش دتعيط اني اشدخلني فوك مااتعدت عليه خلي اوصل وشوف بطني اشلون جعصتها

--انعل شرفج لابو شرف امج زيديها شعليني بعد غزل وين اضمج متكليلي تعالي بويه كافي لاتبجين

سحبني الحضنه بس احسه ايفور ومحتار صافن ميعرف شيسوي لمن هدأت اشويه مسح ادموعي ودنك باسني و-- دفعته شدتسوي

--غير اواسها مضروبه

--وخر هسه تجي سماح راح تعرف

--عود كليلها اتحارشو بيه

--مؤتمن تره شافتني هسه مابيه شي يعني امبينه السالفه تابعه الك وبعدين انته موزعلان شكو لازك

صفن دفعني حيل وسبني كال ماوراج بس اطياح الحظ انعل ابو اليكرب صوبج

اسوته ينزل واسمعه كال استغفر الله ذني اجابهن كومي لج ابسرعه نزلي انداري كدام

شلت راسي شفت ريم وسماح وبنات الشيخ نزل مؤتمن سلم عليهن اشوف ريم تضحك ردت السلام وهو هم خجل لان بالوره اثنينه

نزلت واني امدنكه خفت ايبين مؤتمن شمسوي وهم مااريد اباوع هاي لعبانه روحي

ابسرعه صعدت بالكدام صعدن وراه حرك السياره وبلشت سماح بالاهاين فشلتينه كدام المدرسات مستواج ماكو جاوين تدريسنه متكليلي

--لعد شسوي هو هذا الاكدر علي متشوفي اشكد دااقره

--ولج وين درجاتج كلها رسوب ويكولن وره المساعده

--انتم متقروني عدل صوجكم

--ياشوفي البخت ولج عايفين شغلنه ومكابليج من واحد لواحد انتي دواج مصطفى بس هو يسحل بيج ويجيبج للدرب

--تره بعد مااخلي مصطفى يدرسني هاي كدامك مؤتمن حتى لو رسبت

مارد جان اصلا مويمي عينه بالمرايه الاماميه يباوع معصب وساعه للطريق درت وجهي لكيت دعاء تبتسم وهم اتباوع بالمرايه اشتعلت

ضليت احوص وانوب هاي وراي كاعده زهراء كل اشويه اتذكر اريد اتقيأ اشكد اتمنيت افضحها بس اخاف تالي اتصير مصيبه وراح ارجع للحبس بالبيت ماعونت اشويه اطلع اشوف بشر

هيه واختها مستلماتنه خوش مقسمات ضليت اراقب مؤتمن ردت بس يعيدها ويباوع حلفت افشله

سماح اتغرد مارديت لان ردت ابس يباوع واندعي يعيده

اسمعه يتحسر وضايج عافس وجه ويسوق اكيد هاويها وميكدر ياخذها وهيج ديتحسر

وجان اشوفه باوع بالمرايه صح جان ضايج بس ماحسيت غير واني بكل قوتي ركعته بوكس على بطنه

شحط السياره واندار خازرني قبل لايفكر يحجي فتحت باب السياره داانزل سحبني حيل وسد الباب كال اشبيج بويه اتسودنتي

--مؤتمننن وخررر

--مرض اشبيج

--هيج مخبله وحدي عوفني دااريد انزل اكمل مشي

ا--شتغفر الله العقل ياربي العقل كالها وقفل البيبان وكمل سياقه

ريم وسماح عرفن السالفه امبين لان كضنها ضحك بضحك لمن وصلهن هنه بالبدايه نزلن سلمت ريم عليه وكالته طول بالك وياها تراها تستاهل

ضحك مارد لاف السياره ورجعنه اتمنيت يحجي كلمه علمود انفجر يمكن هو هم عرف الشغله راح اسوي هيج مافتح حلكه

استونه نزلنه وجان نسمع اليبووو من البيت طالعه صوت الصريخ وين واصل والعالم تدخل اتصيح بالبيت

عاف السياره مفتوح بابها وراح يركض قبلنا علما وصلنه

اول مادخلت اتصنمت جمدت مكاني واني اشوف عدالة السماء بروح بريئه ---

بنات لاتدخلون خاص اتكولون ليش حضرتي افلانه

خلي ترجع لتعليقها وتشوف شنو جان وبعدين تجي

تطلب افتح الحضر

السادس والثلاثون من هنا

تعديل المقال