رواية كفي والمنجمة الفصل الرابع والثلاثون 34 بقلم الكاتبة Leo alfatlawi

رواية كفي والمنجمة الفصل الرابع والثلاثون 34 بقلم الكاتبة Leo alfatlawi

كفي والمنجمه

للكاتبه leo Alfatlawi

بارت الرابع والثلاثون

فتحت اسبيكر رد مصطفى بصوت عالي مؤتمن مرتك الحكها يخوييي

صوت الرمي بالجو ومؤتمن يصح

وين انتتتتم مصطفى ولك وينك منو ذووووله

--بشارع المزراع مااعرفهم سيارتينن

--جايك خليكم عالخط وياي مصطفى حاول اتخلص روحك يخوي خلص روحك

--مااكدرررر محاوطيني

--لاتكدررر يخوي اعرفك سبع لاتنطيهم روحك مصطفى بداعت امك لاتنطيهم روح ولككك اطلع حتلو رموك لاتوكف

---وللللك ماااكدرررر ماااكدرررر الحكني يخوووي

--جايكم جايكم

اسمع صوت مؤتمن يركض ويصيح للولد الي يمه صوت سيارته شغلها احنه على نفس السرعه

الطريق موذاك القريب صار اشطوله مااعرف مينطو مجال يخلو يطلع غير طريق ماعرف الخوف خلاني هيج احس

مؤتمن جان يكله شيسوي ومصطفى يصرخ ابوجه يكله مااكدر ولك مااكدر محاوطيني بس مرتك الحكها مالك شغل بيه

اني من الخوف جوه الكشن بس ابجي لمن اندعمت سيارته وشحطت مالحك حتى يسحب سلاحه

كلها بثواني نزلو فتحو الباب وسحبو طلعو ماانتبهو الي لان جانو عينهم بي وهو يتلاوه وياهم واخذهم ابصوته املثمين

مؤتمن سكت من سمعهم سحبو ثواني وكال غزل راحو لوبعدهم

--لااخذو مصطفى حيكتلو كلتها وشهكت

--غزل صوتج اخذي المفتاح من السياره لاتخلين احد ينتبهلج قفلي الابواب ابسرعه

--بابه مفتوحه ولك حيكتلو

--غززززل غزل اهدي قفلي الباب الي يمج اول وسحبي المفتاح خلي ايدج على الدكمه اول متسدين بابه ضغطيها ابسرعه غزل ابروح ابوج استعجلي

يحجي بتوسل ويرجف صوته كمت على كيفي عفت الفون مكانه مديت روحي واقره ايات موباب صارت اشبعدها عليه سحبت المفتاح على كيفي

بس صوت مصطفى جان الياكل ابكلبي يصيح وهمه يضربو يريد يعرف لويش بس همه متولي ضرب ماكدرت اباوعه خفت

مديت ايد على كيفي من جوه لحت الجوه مالت الباب سحبتها ابسرعه ودست الدكمه مثل ماكال اتقفلت

اندار عليه واحد اجه دفر الباب صاح طلعي اني

ابجي وهو يدفر بالباب لان شافها مقفوله مؤتمن يصيح خليج جوه الكرسي لاطلعين

--ولك ديكسرون بالباب الحكني

--غزال لاتفتحين الباب خليج مكانج اخذي سلاح مصطفى تلكي بالجكمجه

هو يحجي وهذا يدفر بالباب ويكسر بالجام

ومؤتمن يصرخ ولج السلاح خره بيج غزززل

فتحت الجكمجه ابسرعه طلعت سلاح مصطفى مااعرف حتى اشلون استعمله انوب هذا شاف بيدي اسلاح كام يضرب بالجام اكثر اتخبل

ومصطفى يصيح بعلو صوته تركوهاااااا ولكم شغلكم وياي تركوهاااا

كسر الجامه ومد ايده راد يفتحه ضربته بالسلاح وهو اتخبل سحب اقسام راد يضربني

اتشاهدت هاي نهايتي ومؤتمن سمع اصرخ وانسحب الاقسام وذاك يغلط

وهو اتخبل تالي ولد يمه كله عوفها اشبيك اتسودنت لك زعطوطه هاي سحبه بس شنو من الخوف جمدت

مؤتمن يحجي مااسمع شنو

صاح غزل ردي وينج مااكدر ارد بس صافنه دقايق وصوت مصطفى سكت يمكن كتلو مؤتمن يعيط يريدني ارد ومصطفى اختفى صوته

--كتلو راح مصطفى كلتها وشهكت

مااسمع غير صرخت يصيح لاااااااا وصرت ضربه يمكن ضرب شي يمه

رجع الولد اجه دفر الباب كمت من جوه الكرسي اشرلي فتحي الباب جنت بس صافنه رجع اتنرفز حيل ضرب الجامه بجعب السلاح كسرها كلها

اباوع مصطفى غاط بالدم وطايح بالكاع صوت سيارات وراي ورمي صار افترت الدنيا ورحت ماادري الصار

فتحت اعيوني نايمه على سديه بالمستشفى عمتي تبجي يمي وامعلكيلي مغذي مااجه ابالي غير مصطفى

--عممه وين مصطفى

--الحمد الله على سلامتج يعمه

--عمه مصطفى وينه لاتكولين مات فدوه

--لايعمه من عمري على عمره بس امااذي اهواي

كمت ردت اروحله كمشتني كالت وين ولج هسه اطيحين

--وخري عمه دخليج خلي اشوفه

--ولج والله مابي شي اركدي

اني اعيط واتوسل ادفع بيها وهيه مكمشه انوب لاحجاب ولاجبه بطرك السدريه مااعرف اشوكت منزعينياهن

بس ايدي تحركني ملفوفه وقميصي بي دم ماهمني ابكد ماروحي صارت ابمصطفى

شعلت السيروم وطلعت اركض لكيت مؤتمن كاعد يم الباب عرفتها غرفته

ركضت ردت ادخل كمشني اني اطفر اريد يهدني وهو عاصرني ابحضنه يصيح هدئي والله مابي شي

--جذب اعيونك حمر مؤتمن متبجي اذا ماصاير شي اصلا متيعرف شنو البجي هذا يعني اكيد صارله شي عوفنيييي

--بويه دخيلج اهدي والله مااكدر حتى اكمشج غزل بويه مااكدر اوكف لاتزيديها

--وخر مؤتمن فدوه بس اشوفه الله يخليج

هو عاصرني بحضنه اجه مكرم جان واكف خله غترته على راسي كله والله مابي شي هذا شوفي

--اي اريد اشوفه فدوه خلوني

--بس تستقر حالته انطي مجال هدئي بويه

--لالاخلي اشوفه حتلو من بعيد

اباوع المؤتمن ابجي واتوسل يخليني ادخل بس هو اعيونه مليانه ادموع وكامشني ميقبل

اخر شي كمش راسي ودخله بحضنه بس ماحجه وهذا الي موتني

طلع الدكتور كال اشويه هدوء بتني مابي شي وانتي هم حالتج تعبانه ليش طلعتي كملتي السيروم

--عوف السيروم مصطفى شنو بي الله عليك لاتجذب

--لابابا مابي شي لليل ان شاء الله يفيق استقرت حالته وانته ابني اتردها لمكانها تره جرحها ينفتح

مؤتمن. غزل والله مابيه بعد حيل لخاطره رجعي مكانج اول مايفق تعالي هسه بس اتضلين هم تتااذين وهم اشلعين كلبي محد يدخلج روحي بويه

مكرم. تعالي خويه كالها و سحبني رجعني للغرفه

اجت الممرضه شكلتلي المغذي مره ثانيه

للمغرب واني كاعده اترقب اشوكت يكولون فاق عمتي ام مكرم تقره قران

وامه تبجي تكسر الكلب كل اشويه وسالتني ضربو حيل اكيد وجعته الضربه هم صاح ابني هم اتوسل بيهم يتركو هيه تحجي واني اتذكر صوته من يصرخ وابجي احس كلبي خلص

وين يالله سمعت صوت هلاهل بيبي عرفته فاق اريد اكوم مااكدر كالت عمتي يمه لاتتحركين الحمد الله صار زين فاق

--بس اشوفه

--يمه نامي لاهم اطيحين كافي جدج كامشله سديه

نامي يمه بس ارتاحي وكومي

ماسمعتلها وخرتها ردت اكوم افترت الدنيا

رجعت اتسطحت غمضت اعيوني مااعرف رحت بالنوم مااعرف اغماء بس ماحسيت بعد وين يالله كعدت

شلت راسي اشوفها الساعه 4 الصبح كعدت محصور حيل كمت كعدت على صوت الطكطكه عمتي كالت هايمه وين تردين

--عمه للحمام

--يلااروح وياج كومي

--وينهم الولد مصطفى اشلون

--لايمه الحمد الله مابي غير العافيه كام سبع هذا بس مؤتمن طاح

--عزا اشبي هذا النوب

--يمه من الهبطه شكل عنده سكر

--لويش

--ياا اتكول عليش غير مرته واخوي جان راحو من ايده جابكم شايلكم اثنينكم ميعرف ياهو العايش ياهو الميت منكم زين من بقى ابعقله مااتسودن ديلا كومي

رحت للحمام خلصت وكفت اغسل اباوع وجهي كله جروح ذني منين اجن صفنت اني ماتعورت شلت ايدي ملفوف امخيطه

-- هاي اشوكت هيج صار

--ياعمه شنهو جاماتذكرين

--لاعمه مااتذكر بس همه مالاحوني

--يااهذا الخياط كله وماتدرين بيهم لاحوج

--لايمكن وره مااغمى عليه لو قبل والله ماادري

غسلت ونشفت علمود لايتبلل التضميد لفيت الغتره عدل وطلعت رحت لغرفه مصطفى على كيفي فتحتها

لكيتهم كلهم نايمين دخلت على كيفي وصلت يمه املفلف راسه وايده ورجله شايليها يمكن كسر بس ميخالف اهم شي عايش ردت اروح همس هاولج مامتي

انداريت ضحكت كعدت يمه صاح اخخخ ولج على كيفج

--اتريدني اموت واعوفك

--لايابه اشلون غير انموت سوه بس المشكله موهنا منو بعد يخبث على صبوحه

--يلا هيه مطول نتلكاها اهناك انخبث عليها هسه نتلها بالموته علما تجي

--ههه اخ يابه ولج متحطم لاتضحكيني شو شنهو اضرارج

--ماكو شي بس ايد وكصه وكم جلخه بخدودي

--يلا يعبرن خرب بيومج كلت راحت هاي اخذوها بت المنغولي هاعزاتج طلعتي

--عزا والله ضربوك ضرب كلت متت انوب اني طلعت من جوه الكرسي نسيت روحي بعد مااعرف اشوكت هيج سوو بيه

--غير ثوله ساحبين ايدج ماخذين اسلاحي وشاخطيها باجام اكو مطي بيده سلاح مايضربهم بي

--لعد ماصرت سبع وضربتهم

--انتي زماله غير يحركون السياره بينه اذا ضربت طلقه اني باله اكدر اخلص روحي سهله بس ابسبب غبائج جازفت ابروحي اعرفج راح اتعطبين بيها

على صوتنه كعد مؤتمن اجه يمنه يفرك ابراسه كال شكو كاعدين

--دندور مغامره جديده مؤتمن بعد لاتحجي علينه شوف جان متنه ابسببك

--ماعليكم عارات

مصطفى. ماعرفتوهم منهو

--لامعروفين وحك على اذا ما طيرت نص زلمهم مااطع ابن ابوي سهلا

--لعد اذا متعادين وياك لويش يكتلونه اني ومصطفى

--مثل ماراح اكتل ولده اثنينهم مكانكم لخاطر اوجع كلبه تذكريها غزل حجاها ورفع حاجبه

صفت اتذكرت من كلتله مااريدك اتموت كون الله ياخذ عزيز كلبك علموت اتضل عايش ميت ورا

ضحكت كلتله لواعرف راح انروح بيها اني ومصطفى مجان دعيت

-- يلا كومي رجعي نامي باجر اطلعين وهاا اخاف يجون تحقيق كلشي متذكرين ولاشفتي شي ولااسمعتي

--ؤك ومصطفى اشوكت يطلع

--مالج شغل بمصطفى ترا موامج وهيج امكمشه بي يلا ولي

طلعت وصلني لغرفتي بس امبين كلش تعبان رجعت نمت وهو طلع يفرك براسه كوه امسيطر يمشي

ثاني يوم العصر سجلونه خروج طلعونه اول ماوصلنه نزلت اني بسياره مؤتمن ومصطفى سياره مكرم قبل لااندخل ذبحو لسلامتنا مؤتمن ضم وجهي بحضنه كال بعد مابيج طيحه ستري علينه

مصطفى. لاكول غيرها بسلا النه الذبايح ولك مؤتمن اخاف اتكطعهن من ورثنه بعدين

-- صافوو اني هم متعجبه والله بزواجي ماسووها

.--الله وكيلج بس يذبحون كلشي مامستفادين لاناكل ولاانشوف اللحمه

مكرم. اي انوزعها على المساكن ابن ---جا منهو ياكله اذا انته والثوله متاكلون دخلو كافي لغوه

دخلنه جوه ردت صعد كال مؤتمن لابويه ناس تجي خليج بغرفه جدتي

-- لعد اريد اسبح

--سماح اخذيها ودخلي وياها لاتخليها وحدها لفي نايلون عالجرح

رحت ويه سماح سبحت غيرت ملابسي ونزلت لغرفه بيبي اتمددت مصطفى خذو للمضيف

اشويه وجان ماما تدخل غير طرت مامصدكه اجت خطيه مخطوف وجها شبكتني واشكد بجت كوه سكتتها دااكلها مابيه شي شوفيني هياتني بس خطيه هم حقها اني بتها الوحيده

غسلت وجها وكعدت يمي اشويه وكالو عمها يريد يدخل سوو مجال

دخل عمو قتيبه هم حضني وباسني كال خوفتينه عليج بابا

--يلا عمو صارت بعد وطلعت منها منو خبركم

--مكرم كال غزل مريضه ماكال اتعرضت لحادث انوب امج طاحت وذاك يحلف مابيها شي لمن دز صورتج يالله صدكت امج مابيج شي

--يلا همزين خلي اشوفكم

--بس بنتي اشلون كادره اتعيشين هيج مكان

--ههه اتعودت صرت منهم عزا خلي انصي صوتي هشه يشتغلوني تصنيف

--يلا بابه عندج العافيه خلي اروح يم الرياجيل

--ؤك شكرا عمو

--يابابا شنو شكرا غير ابنيتي انتي باسني وراح

ضلت ماما يمي

وهيه الله يسامحها جايه بنطرون وبيبي وعمه يردن ياكلنها صح قميص علي طويل بس يضل اسمه مخالفه

دخلو بيت الشيخ طبعا دعاء مجانت اتفوت هيج فوته لازم تستغلها

سلمن و كعدن وماما مستمره اتذم بمؤتمن

اشلون افهمها طالعه من الموت اني مامتغيره هيه تحجي ونسوان الشيخ صافنات لمن دخل مؤتمن سلم

وماما استلمته اكس مربع محترك كلبها ماخلت شي ماكالته عليه وهو على وكفته ادي بجيوبه ويكلها ممم مم كوه كامشه ضحكتي اشكد يحب يستفزها خو من كلها كملتي لو بعدج

--ياولك مؤتمن مستهزء بيه

--لاافا صدك جذب بس لوتختصرين اكون ممنون

اندارلي گال يلا غزل عندج ابره اجه وكتها

سمعت ابره كمشت ماما كلتلها فده لاتخلي

--شنو ياامي غير علاجج لازم تاخذي

--مااريد ابره مؤتمن ماراح اضربها اخذها واطلع

--اي موهيه ابكيفج يلا لج طلعي ايدج

--ما مااضرب اطلع مؤتمن

اني اتوسل وهو ولا وياه حضره الابره واجه يمه سحبني واني اكمز كال ثبتي بويه اشبيج

--فدوه فدوه حباب والله مابيه شي عوفني

--هاي اشلون شغله بويه عدنه ناس فشله تاركهم

--موانتي تضربني واحد غيرك

--استغفر الله هيفاء تعالي خويه ضربيها

--لالاموهيفاء

خزرني وكال صوتج اشش اجت اهيفاء هو سحب ايدي وهيه ضربتني ماوجعتني بس من الخوف عضيته من زنده همزين اتحملني فركها وسكت مااعرف خجل ماحاجاني لو استخطاني المهم سكت هاي اهم شي

اندار لماما كلها استلمي فوك هذا ماراضيه يابه حمدي ربج بتج الفاهيه منو ياخذها اني منج احج بيت الله حصلتي زوج شمرتيها ابراسه وين اتحصلين نسيب مثلي

هيه سمعت وهيه طفرت ضلت اتغرد ضحك وطلع خلاها اتشيل روحها ودكها بالكاع

ريم جانت ضامه وجها وتضحك وهنه فاتحات حلكهن اشلون تتجاوز عليه وهو ميرد

ريم. هاي شنو دوم هيج تتعاركون

--لج داده مشفتي اشلون ديحاجيني الابنيه صايره صفره اشحالها وهو مستهزء

--ياخيه يتشاقه وياج

--لج لاعيني ياشقى هذا متعرفي انوب ديكول مابحالها وهو كتل روحه وراها ماخله احد ماراحله ذب نص املاكه بس علمود يذبلي تهمه وياخذها مني لان عاندته ماانطيته

--اي غير يحبها وانته قفلتي اشتردين يعمل

--لعد اذا يحبها لويش ديسوي بيها هيج دشوفيها اشلون متبهذله هسه الي يشوفها يصدك غزل الجنها مودل هيج صارت

--ياع اشبيها غير احله وحده بالديره وانوب تجي زهراء اتسولف عليها بالمدرسه اتكول جنها افلام ديزني مميزه مرت مؤتمن من دون البنات تلمع تنكرط امبينه ماتابعه للديره

هيفاء. هههه ذكرتيني بمؤتمن اول مره شافها كل تشبه ربانزل

ماما. ولله شكلج حظ بتي هذا وين جانت وبيدمن طاحت واله مؤتمن لوعندي بزونه ماانطي مو مره

--ياع هذا شيخ مؤتمن هيج تحجين عليه لامانرضاها زلمه والديره كلها تتمنه تنطي مره

--اي عيني جان اخذ المثل نوعه لويش عافهن واجه اخذها

--غير عشكها ياخيه والزلمه اذا عشك ياخذها من حلك السبع موحسبالج اتكدرين اتمنعيها عنه ترا لويعرف ينطي روحه بس كون يحصل عليها

هيفاء. اي حقها متعرف اشصابه من خذتها منه لاعرف ليله شنو ولانهاره سوده عليه اسبوع ماغمضت عينه لمن ردها لحضنه

ريم. هيه وريده تستاهل واحد مثله كون الله يحفضهم ويبعد عنهم الشر

هيفاء. امين يارب ويرزقهم بالولد الصالح كون هيج انريده يشبها بشكله وشهامه ابو يمه وين انضمه عن اعيون العالم اذا صدك صار

بيبي. امم دميلي من يمي خلي اروحن اتوضه كضى وكت الصلاة

كامت بيبي واني خليت راسي بحضن ماما هنه يسولفن واني غمضت وماما تلعب ابشعري لمن صار وكت العشه جابو الاكل مدو السفره وخلو الاكل كلهم نزلو ردت انزل كالت خالتي لايمه جبتلج معلاك بلكي يرد دمج

--لاخاله فدوه مااحبه اكل وياكم

--اشش لج متحبه موهو ابكيفج شو اني كاعده واريد اشوف اشلون متاكل

--لاودي لصافو هو فقد دم اكثر مني

--ودوله لاتخافين استغلوها مدلليكم هاليوم باجر يردوكم للمخلمه يلا ولج فتحي حلكج ولاتحجين نص جلمه

كعدت اتوكلني غصبا عني اطلع الثرمه واتخليها بحلكي واذا مااكلت اتكرصني حيل اتضحكني مهتمه اكثر من ماما ماكامت لمن خلصت الماعون كله حتى لوبلاخبز بس المهم خلصته عدها كالت الف عافيه يبعد اروحتي كومي غسلي

ماما. يلا يماما ماطول امنت عليج هم يالله انروح

--لافدوه خليج اليوم الله عليج

--اضل ابيت صبحه شنو اتخبلت

--يمي ماما حبابه مشتاقتلج كلتها وبجيت باوعتلي اتحسرت كالت بس اليوم تره

--اي ميخالف فدوه

بيبي. وشبي بيت صبحه يفريال هسه ماعاجبج

--والله من اول يوم ماعجبني بس لخاطر معتصم جنت كاعده

--وين معتصم وخاطره هذا الدفنتي جوه التراب

--منو دفنه لويش متخافون ربكم ويين مؤتمن خلي يجي يشوف منو يفتح الموضوع كل مره

-- تركي الزلمه تعبان فريال وبسج مشاكل اتكعدين يم بتج تنكتمين مااسمعلج صوت

--والله اكعد وبراحتي البيت بيت نسيبي واريد اشوف احد يسمعني كلمه

--قبلها كلتي بيت رجلي وخربتي

تركي البت ابحالها فريال ترى مؤتمن موش مثل معتصم هذا لحمه مر لاتجربين تلدغي السم يرجع يموتج بمجانج

--ماتلدغ غير الحيه والحيه منكم وبيكم وحفيدج حتى اللدغه متااثر بي عبنه ترباتج معرف من شنو لحمه

اباوع ماما وبيبي وحده اتريد تاكل الثانيه خاله اتباوعلهن وكوه كاتمه الضحكه ماسكتن لمن اجه مكرم صاح بيهن وهددهن يصيح لمؤتمن اثنينهن سكتن

خلصن البنات شغلهن باليل والكل اجن كعدن بس سمر وحدها كاعده يم الباب حتى مااختلطت ويه احد

اني خليت راسي بحضن خالتي ماما كاعده يمي ماده رجليها اتباوع لسمر وصافنه متعرف حالتها دخلت حبيبه كعدت يمنه كالت ماطولني فارغه كومي امشطلج شعرج صاير كفشه

--اي والله غسلت ومامشطت

--دكومي تعالي هيفاءءء جيبيلي مشط

شمرتلها هيفاء المشط وراحت وحبيبه كعدت مشطته وضفرته دخلت هيفاء امسويتلي عصير طبيعي كالت كله شربي مؤتمن يكول اذا تركت منه اشويه ديري على راسها

اخذته منها خلصت اتمددت بس معدتي كامت توجعني هالكد مااكلت وشربت دخلت عمه ام مكرم اجت يمي حضنتني كالت يممممه افيش يريحه اخيي يمه ملحه البيت موتينه وراج

--هياتني عمه مابيه شي

--اووف كونج سالمه يعمه دوم اشوف كدامي اطفرين وتضحكين

--لعد بعديني عن ابن اخوج

--ياع تردين تبليني عمه رجلج مالي شغل بي يشردنه اي اشلونج فريال ان شالله مرتاحه

--مرتاحه داده بس بعد غزل امتعبني

--ماعليها هاي بعيونه خاليها لاتخافين عليها

--مااكدر لج عيني هاي اوحيدتي ميته بدونها

--والله حقج عاذرتج بس هم البت اولها وتاليها مرجعها لبيت زوجها والله موكدامج بس مؤتمن خالها بنص كلبه يخاف عليها من الهوا

--والله ماادري عن مؤتمن هم هذا مزاجي وكل يوم الحال

--كل يوم بحال اني وياج صح بس ويه غزاله لاحاله واحد سوده عليه من هبطته عليها صار بي سكر

--ياعزا صدوك دتحجين

--يمه لاتذكريني لو شايفه حالته من جابهم هيه ومصطفى سوده ابوجهي اشلون يباوعلهم يمه اخذ كلبي

--يلا الحمد الله على سلامتهم الحمد الله عدت

--عمه لو ماطلعنه ومتنه جان اشسويتو

--يمه غده شرج كش شنهو هذا الحجي اسم الله دخيل ابو الحسن والله مؤتمن ماعنده مانع بذيج حالته جان خله طلقه ابراسه ولحكم والله ابن اخوي واعرفنه خبل يسويها مايتحمل يبقى بعدكم

--الي يسمعج ولايكول هو نفسه اليوميه يوكفنه يعاقبنه ويرزنه

--غير متركدون خبلتو بطلنه هسه توبنه عملو التردو بعد محد يمنعكم دخل الحسن البيت موحش بدونكم يمه يملحت البيت هوستكم امونسته

--لعد بعد لحد يحاسبنه اذا خبثنه

--لايمه اخذو راحتكم على هبطت البارحه بعد محد يوصل صوبكم البيت افلاحه املاجه الكم

ماما جانت تسمع وتضحك على حجي عمه بدن يتذكرن ايام زمان اشلون جانن طلعت ماما اضرب من مصطفى بالخباثه

كل ذكره اضرب من الثانيه يحجن وشبعانات ضحك دخلت سماح اتلكف بت مؤتمن كلتلها انطينيها

--ولج خيه اخاف تلجم ايدج انوب رجلج يشمرني اني وياها بالشارع

--لا مااخليها توصل ولج صار اهواي مشايفتها انطينياها اشتاقيتلها

اخذتها يمه فدوه مشتاقتلها

ماما. ياهاي بته منيلها جمال سوده ولج

--ياعزا ماما لاتكولين هيج هاي غزوله الحلوه

--ياا اسمها غزل خوش يلا اقلها بيها شي حلو

--هههه مصطفى هم يكول بس اسمها حلو

--ولج اتاخر الوقت اريد انام

بوست غزله ورجعتها لسماح اخذت ماما وصعدت لغرفتي دخلت وكفت ماما اتباوع لغرفتي وتبتسم اشوفها ارتاحت راح القلق من شافت اشلون يعاملوني جانت متصوره غير شي

خبرت سماح جابتلها كلبيه لان نفس الحجم اثنينهن تقريبا حتى العمر مقارب بينهم يمكن فرق قليل

دخلت سبحت ولبست الكلبيه طلعت وكفت اتمشط دخل مؤتمن وكف اتفاجئ بماما اخذ نفس ماحجه اندار راد يطلع كمت ورا كمشته مؤتمن اتروح يم سماح

--بعدي لج

--شنو شو دتصيح مؤتمن اذا لكيتك يم تهاني تعرف شسوي

دفعني كال روحي نامي بحضن امج وطلع

رجعت يم ماما كلبي ياكلني ضحكت كالت شنو امبينه امسويه حصار عليه

--لعد اشلون اخلي ابكيفه بليل يمي وحتى مرات الضهر بس هالايام عندي دوام مستغلها الضهر يروحلهن

--هههههه والله طلع بيج بلا دتعالي نامي ابحضني اليوم عوفي خلي يشبلع بيهن خلي يحس بالفرق

رحت نمت بحضن ماما صدك اشكد ارتاحيت بس افتقدته اتعودت على ازعاجه ماكو هيج ليله هادئه

كعدت الصبح على طكطكته يحضر بالابره الساعه بعدها 5 الصبح كعد يمي سحب ايدي وضربها ماما بالحمام كامت اتغسل همس شبعتي من حضن امج

--والله مريح يخبل عود مثلك بس اشعبث وين نمت البارحه

--شنهو وين نمت الله منطيني 2نسوان غيرج حلوات ومريحاتني شريد ينفذن

--طبعا كيفت ورتاحيت

--شي اكيد قابل غزل شالعه كلبي اليل كله اتوسل ياله احصل بوسه

--الي يسمعك يكول صدك كوم مؤتمنننن

--هههه صوتج بويه

--اطلع منا يلا ارجعلهن خلي يفيدنك

طلعت ماما كالت لويش دتصيحين ماما موزين عليج

كام مؤتمن كلها اشوكت اتردين

--ابكيفي عندك اعتراض

--لايابه يااعتراض بس الكرن مالتج من جابج بهيج لبس وعافج ابيت رجلج الاول شيحس

--مؤتمن الزم حدك

--لاااا اعصابج ديلا حضري روحج خلي الولد يوصلوج عدنه شغل مافارغيلج

--مؤتمن لااتخليني اتجاوز عليك

--فريال لحد هسه كامش روحي عنج لاتخليني اطلعج منا سحل

--من يومك متعرف الربايه شنو ولاواصله يمك

--عايفها الج نسيتي لو اذكرج يلا غيري ملابسج ونزلي ابسرعه الج نص ساعه بعدها اتعرفين شكو

كالها وطلع

ماما هم صفنت اخذت ملابسها وراحت للحمام على السريع غيرت وطلعت لبالي زعلت بس فاجئتني لا بس خايفه من شي

لو بس اعرف شنو الضامه عنها وهيج ترجف منه اجت باستني اعيونه مليانه دمع كلتلها ماما لاتخافين عليه تره والله يخاف عليه اكثر من روحه لاتشوفي هيج ديعيط من يوصل يمي غير

--اعرف ماما وهذا الشي اماامني منه شره مو عليج شامره

بس حبه الج هم خوفني يماما هذا حبج اكثر من الازم اخاف يااذيج هذا خبل

اندفعت الباب ودخل ايااشرلها على الساعه يعني خلصت العشر دقايق عافتني وطلعت دااتعبره حاجاها وهو امدنك كلها جان اذاج عشك عمي الج ياخوفي تطلع بتج مثلج وتنكلب الايه

ماردت طلعت ابسرعه سد الباب وشمر الغتره والمفتاح اتمدد وكلي تعالي

رحت يمه سحبني لحضنه شنو الضامي مؤتمن

--ماكو شي يعمري نامي

--يجي يوم اعرفه

--هو شنهو اكو حتى اتعرفي خمدي بويه بسج لغوه

--تره صار الصبح خلي ننزل

--ياصبح ولج بعدني مانايم خليني اخذلي ساعتين تعبان

--لويش منمت

--جنت ارتب الغراض جوه وبدلت ضماط مصطفى خلص الوقت

--متااذي اهواي مو

--والله من ناحيه متااذي فهوه متااذي بس الحمدالله من طلع منها خره ببليسج من كلتيلي مات اخذتي روحي

--لعد اشعرفني شفته طايح بلانفس كلت مات

--اووف دخيل الله وصلت لكيتكم اثنينكم طايحين مااعرف اشلون بقيت صاحي

--مؤتمن صدك اتحبني

-- يعلة كلبي وحك علي تعبان نامي

اخذولي اجازه اسبوع لحد مااتحسنت حالتي وحتى مصطفى هم زين صار احسن من قبل بس مؤتمن صار اكثر الشغل عليه فوك تعب الخطار والواجبات واكو شي جاي يحضر مااعرف شنو دوم يجتمعون بالديوانيه يضلون ساعات يسولفون وتصعد اصواتهم على الاكثر يعرفون الي اتعرضولنه بس ميكولون الواحد يردون ياخذون حقهم بيدهم

جانت بيبي معترضه كلما نكعد تفتح الموضوع وتحلفه يسكت ويترك الشغله اتخاف يرجعوله يكتلو

جوابه وياها جان اي ويسد السالفه بس جذب امبين ماراح يسكت لان النهار واليل اتصالاته وطلعاته يريد يتاكد همه نفسهم

تهاني هالايام حالتها تعبانه يمكن حامل لان حضرته من جنت اروح للمدرسه ويروحلها ماخذ راحته واني اگول امكيف على دراستي لويش

حضرت ترتيب جنطتي لان باجر لازم اداوم بعد خلصت الاجازه نزلت جوه للمطبخ اسويلي لفه وكت الضهاري كلها نايمه

دخلت المطبخ استوني داافتح الثلاجه اسمع صوت ونه رجعت للصاله ماشفت احد كلت يجوز اتوهم رجعت للمطبخ سويت لفه رجع صوت بس قوه صوت مثل النحيب عفت لفتي وطلعت اريد اشوف منين الغرف كولها مسدوده ماكو سنطه وكفت باوعت اريد يرجع الصوت ماكو اختفى داارجع للمطبخ طلع مره لخ الصوت بس انتبهت من غرفه هيفاء يطلع

يمكن رجاء هاي تبجي على زوجها عفته داادخل للغرفه سمعت مثل الضربه خفت سوت بروحه شي ركضت للغرفه فتحتها واتفاجأت بالمنظر

سمره كاعده بالزاويه وعاضه المخده ورجاء بيدها واير تضرب بيها اخذ كلبي شكلها ركضت على رجاء سحبت الواير وركعتها بي من حركه كلبي كالت ولج اتضربيني هينه يغزل

--موبس اضربج حتى اسحلج ولج اشلون هيج وياها ميلام احمد من شمرج واخد وحده اثاري يعرفج حيوانه

--اذا ماندمت احمد سهلا خواته وحده وحده ادمرهان

--بيج حظ اوصلي يم وحده منهم امرعطج

--منهو اتمرعطني انتي الخالج مؤتمن بس لونسته يكضي بيج وقت روحي حبابه شوفي اشضاملج مفاجأه وتعالي سولفي وياي

--قنعي روحج موتي بسمج مؤتمن هذا التحجين عنه بس عباده ماعبدني قابل مثلج جاب وحده وشمر علينه بعد ماكلبج

--هيج يغزل يبووووو لحكونييييي يبووو

--صدك فوك شينها كوات عينها

كعدت يم سمر اسكتها لان خطيه ترجف وتبجي بهدوء وهاي بعدها تصرخ

دخلت امها على صوتها دخلو الولد بعدني مافاكه حلكه اكلهم عالصار كالت شوفو غزل اشلون ضربتني لان كلتلها عليش اتضربين سمر

--عزا والله جذابه لاتصدكوها اني دخلت لكيتها دتضرب بيها

--ياع واني عليش اضربها ولج حتى اني طكيتيني لان كنالج يمكن تهاني حامل راح يجي ولي العهد ومؤتمن اكيد راح يميزها عنجن

--جذب والله مؤتمن ماكو هيج شي حتى اسال سمر احجي ولج منو الضربج

كلها واكفه امتانيه جواب سمر واني واثقه منها واجان اتااشر عليه وتبجي وكفت كلبي هاي اشبيها

كعد يمها مؤتمن يمسح وجها لان كلش متااذايه خطيه وهيه كوه يطلع صوتها عاضه المخده كلتله غزل موتتني كام باوعلي بغضب كال شنو انتي متكليلي

--تره والله د-

--لاتحلفين خره بشكلج

--مؤتمن لويش مدااتصدك تره ماوصلت نزلت دااسوي لفه وسمعتهن لولان اختك هاي لازم اتصدكها حتى لوجانت اتجذب

--انتي خبله لوشنو بويه شهالاذيه العدج اشلون اتضربيها وهيه لاحول ولاقوه

--والله جذب ماوصلت يمها اني مااجذب مثلكم مواتشوفون روحكم لبالكم كلها مثلكم هاي اختك حالها حال الحيوان الله اعلم اشلون امخوفتها

رجاء. ياع ولك مؤتمن اتكلي احجايه وحده مني اخلي يشمرج بالشارع يردج لخوي اتخدمين مرته مؤتمن جوه ايدي حتى عباده يعبدني مثل ماخليته يعوف نسوانه اخلي يشمرج انتي وامج تره نفس ميكدر يتنفس اذا مااني اكله

اندار مؤتمن كال شنهو هذا الحجي

--مؤتمن لاتصدكها

رجاء. حلفي ماكلتي يعبدني

اجه مؤتمن يمي كال احجي كلتلي لولا

خفت منه لان جاي بعصبيه واعرف مؤتمن اذا عصب ميرحم رجعت ليورا وهو يصيح كلتلي لولاااا

بعدني بس فكيت حلكه كلتله بس كلت ت ماحسيت

غير سحبني من شعري وعصر وجهي بيده الثانيه احسه طك بيده لومامكرم ركض كمشه جان اكلت كتله تسوه روحي

كال اعبدج موو سهلا غزل دفعني ركعني بالحايط وطلع

كعدت لميت روحي ابجي كعدت يمي سماح كلتلها والله ماحاجيت هالشكل اتحسرت اشوكت اتعقلين متكليلي

--ولج والله دتجذب

تهاني. على شنو اتجذب موخليتي يعوفنه قابل جذب

--لعد منين حبلتي اذا عايفففج

--ياع فوكاها حتى حقوقي متريدني اخذها عمي والله صلافه ميلام بيج مؤتمن من يطكج كالتها وطلعت

ضلت رجاء واكفه تضحك كالت لخاطر لاتندكين بيه اذا ماخليتج ابصف سمر سهلا ماضل شي اله اخلي احمد يبتلي بخواته مخابيل تفلت عليه وطلعت

دفعت سماح رحت يم سمر ضمت وجها لبالها راح اضربها

--سمر باوعيلي لاتخافين لويش جذبتي

--هيه. هيه اتخليهم يكتلوني

--منو ذوله الي يكتلوج

--همه يعذبوني يخنكوني وخري مني وخريييي وخري

كمت خفت من ردت فعلها منو ذوله التحجي عنهم سماح سحبتني واخذتني وياها للغرفه مالتها كعدنه هيه اتكمط بالطفله واني امسح بدموعي وترجع تنزل كالت كافي غزل لخاطر متوصلين يمها والله يمؤتمن على السمعه جان موتج بس مااعرف اشلون كمش روحه

--ولج والله محجيت هيج

--وهو اشدراه ماحجيتي كل الكالته صح وانتي الثوله اكتيها من كلج احجي

--اني دااكوله كلت بس عباده ماعبدني لان كلتها اريد احرها هيج ماعرفت راح اتحورها

--چاتستاهلين مؤتمن يعبدج اكلها منا وجاي راح يعلمج اشلون العباده اذا ماتوبج تعالي عتبيني

--شنو حيسوي

--سلامتج يبعد عمري بس راح يطلع حليب امج من خشمج واعلمج اشلون اتهينينه كدام اهله بهذا كلامج يلا كومي غسلي وسمر لاتوصلين صوبها تراها مريضه واذا ماخذت علاجها يمكن اتكتلج ومتحس

كمت رجعت الغرفتي داعبر غرفه تهاني وسمعتها تضحك وهو يصيح صوتج بويه

اشكد حقير رجعت لغرفتي وصدك باليل مااجاني ضل يم تهاني بده يحاربني

نايمه ورن الفون فتحته شفت زميلتي تتصل رديت سلمت وكالت عدنه سفره تره بعد يومين حبيت ابلغج اذا ترحين ويانا

--شنو سفره مافهمت

--يعني الطالبات كلنه ننجمع ونروح مكان ترفيهي بس لازم ندفع كل وحده 10 للمديره وانجيب موافقه ولي الامر

--تمام باجر شنو عدنه دروس تره مامحضره كولشي

--انتي مجازه ميحاسبوج عادي يلا حبيبتي باجر لاتنسين افلوس والموافقه

--ؤك شكرا

سديت ورجعت نمت اعرف مؤتمن مستحيل يخليني اروح حضرته فوك ماضربني زعلان نايم بغرفتها هاي اذا مامتفقات يسون هيج كلشي يصير بس بسيطه مؤتمن اذا ماخليتك اطفر مااطلع غزل

كمت للكنتور طلعت تنوره قصيره جوه الركبه موكلش بس يعني تعتبر مخالفه ممنوع التنوره بالمدرسه اذا قصيره بس عادي حتى لو اتحاسب بس احر مؤتمن بيها

وقميص مخصر كولش عندي هم طلعته سحبت الرباط من قميصي الثاني خليته لهذه

رحت للميز المرايه طلعت الحمره السحريه ترست اخدودي وشفايفي وكثرت بالكحله علمود اكعد الصبح ذني كولهن طبيعيات امبين وقت الساعه ونمت

كعدتي على ايده يوخر شعري سويت روحي نايمه دنك اخذ نفس طويل مني واتحسر اشويه وكام اخذ غراضه وطلع من الغرفه حضرته اشتاق وهو بحضن تهاني للصبح

يلا همزين كعدني كمت للمغسله لكيت وجهي امنور ماخسلته بصابون بي مي وفرجت وطلعت لبست ملابس القميص كوه ادكم خليت الرباط ضم فتحات الدكم اريد اعلمك اشلون تكتلني وتعوفني مؤتمن

خطر على بالي اسوي ستوتين يمكن اطلع ازغر بعد صدك فتحت شعري من جديد سويت اثنين ستوتات ونزلت گدلتين خفيفان من كدام

درت شيشه العطر نصها وكفت يم الاحذيه محتاره شنو يرهم ويه الدزاين مالتي اريد شي يخلي مؤتمن يطفر من الغيره ضليت اشكد صافنه يالله اختاريت نص بوت جان امرتب وعالي

لبسته شلت راس للساعه بعدها 6ونص نزلت هسه تمام عندي وقت العب على اعصابه

انزل سمعت صوت مصطفى كال غزل لاطفرينننن نزلي درجه درجه

--منو كلك اني نزلت

--اكو ازمال غيرج يطفر اهنا

خلصت الدرج اول ماشافني ضحك بصوت عالي كال يابه منو تايهله طفله بويه وين اهلج انتي

على صوته اندار مؤتمن جان واكف يلاعب بته يم سماح ويمه مصطفى نايم

باوعلي ضحك وهز ايده رجع يلعب بته رحت يم سماح كلتلها صباحوو سموحه فدوه اريد ريوك

--اي عيني تامرين هاج اخذي غزوله خلي اسويلج

--واني شكو هاي حتوصخني انطيها لبوها

--يابه الزم بتك خلي اسويلكم ريوك وانتي اشبيج ليش اخدودج حمر

--مااعرف يمكن امصخنه اشويه داحس روحي دايخه

اندار كال ردي غرفتج اخذلج اجازه

--لامابيه شي اروح كلتها ودرت وجهي رحت للمطبخ ويه سماح

اول مادخلت طكتها ضحكه كالت غزل بنيتي تره الزلمه ورث لاتضلين اتلعبين ويا هيج

--خلي يستاهل لعد البارحه شنو سوه

--ولج وحك علي يبطلج ترا موتجين تبجين بطلني ولج اشوفه كوه كاتمه ضحكتي وجهه صار احمر من الحركه

--اكولج عوفي وسويلي لفه لخ اجوع بالمدرسه

--ماكو اخذي افلوس اشتريلج شي اللفه ادمرج

--لعد خلي اكوم اخذ من مصطفى

رحت للصاله لكيته على نومته وصلت يمه صافووو

--خيرر سياقه ومااكدر اسوق امكسر دفاع عنج وهم مااكدر افلوس ومفلس فكيني من جهرتج

--عزز والخوه

--خره بيها ولي من وجهي

-- لعد اريد افلوس للمدرسه اشلون

--يمكن اكو عندج رجل لوغلطان

--لاغلطان بعدني مامكملتها وحسيت دمغه اجتني من وراي كال لاتلغين زايد غزيلان وذني ملابسج صعدي غيريهن وشعرج لمي

--لويش تره كول الطالبات هيج يسون عادي

--غزل كلمه ثانيه مترحين بعد يلاااا صعدي

خفت صدك يسويها رجعت صعدت غيرت لبست صدريه ونزلت بعده يباوعلي ماعاجبه كال شيلي شعرج

--لعد موشايلته

--استغفر الله اشلون شغله هاي سماح لمي الهااا

سماح ماكالت لا ابسرعه اجت ردت امانع خزرتني كالت كافي غزل فتحته وسوتلي ضفيره ابسرعه

كعدت اتريك شال راسه كال اذا مصخنه لاترحين

--مابيه شي

--شنوما بيج شي وجهج امزهمر

--عادي هنه اخدودي دوم هيج

اتحسر وكام حتى ماانطاني لافلوس ولاكال منو يوديني عافني وطلع

سماح. لاتبجين هسه اخبر مكرم ياخذج

--اي عفيه فدوه شفتي اشكد متعجرف

--حمدي ربج ماسحلج للغرفه رجعج يلا كومي بين مااخبره حضري روحج

صدك بين ماخلصت اجه مكرم وصلني وانطاني مصرف

اول درس جان عدنه رياضيات دخلت المدرسه اتحمدتلي على السلامه اخذت الدروس الفاتتني من البنات خلص الدرس طلعت المدرسه اجت دعاء كالت اشلونج وكعدت على الرحله

--تمام

--اشلون طلعتو منها مامتو

--نيتنه بيضه ربي دوم ينقذنه

--امم اكيد ضحه ابروحه لجل اعيونج مو

--اكولج مره لخ اذا عدتي هالشي اكول لمؤتمن

--اشلونه مؤتمن

--مااعرف لويش متجين اتشوفي ابنفسج

--ميعتاز هو دوم عدنه

--لعد لويش دااتسالين

--لابس البارحه ماشفته افتقته

--تره ماشفت مثلج ماكو كرامه ولامستحه يعني جايتني اتسالين على زوجي ابصفتج شنو

--زوجته وعاقدين لوناسيه

--تره عقد---

ردت احجي وبعدين اتذكرت هاي نفس العدي بالبيت يمكن هم اتحورها واتوصله غير شي خلي اسكت اهواي احسن عفتها وكمت رحت للكافتريا اشتري شي

لكيت زهراء اختها واكفه تشتري شافتني ضحكت كالت الج وحشه

--يلا هياتني رجعت

--صدقه لمحمد اتجننين تعالي نكعد بالساحه عليش واكفه اهنا

--بس دااشتري لحضه

--دخيل محمد بس لسانج كافي خيعون مؤتمن بيج اني منه والله افقلج بالغرفه مااخليج اتطلعين بابها

اتعجبت من هيج حجت شنو هاي موطبيعيه اشتريت ردت اروح كمشت اله تاخذني وياها للساحه

--تره عندي درس

--اي اعرفن بعده فرصه تعالي اكو مكان هادء نكعد ناكل بي

--مودااريد اراجع

--خيه عوفج كله دراسه اشمالج شو تعالي

اخذتني مكان معزول كالت اهنا احسن ناخذ راحتنه كعدنه اني اكل وصافنه عليها اتباوعلي مااعرف اشلون اخر شي عصرت شفتي بيدها كالت دخيل لله مال م---

--عزا اشبيج

--اكيد مؤتمن شابع بيها اوووف انياله

--زهراء تره عيب هيج اسوالف

--هههه لااتشاقه اشبيج اخذتيها صدك

خفت من تصرفها رجعت اكل وهيه اباوعلي رجعت كالت اكيد للصبح مينام حقى واله انتي متتفوتين اني منه مااخليج ولادقيقه تتحركين من يمي

--شنو دتحجين بيج شي انتي

--لاولج ههههه تره اتشاقه وياج لاتاخذين على الحجي

--يلا حيرن الجرص لازم اكوم

--اكلج ترحين للسفره مو تعالي نتونس وداعتج مومتجين

--الله كريم خلي اشوف مؤتمن اذا رضه اجي

--يقبل بس اتموعيله اشويه ولو انته متعتازين مايعه من كاعج دخيل الحمزه موش مره كيكه

عفتها تلغي ورجعت الصفي هاي موصاحيه اكيد حتى الولد ميسوون مثلها يمه اسم الله اول مره ابحياتي اشوف مثل تصرفاتها

كطعت صفنتي المدرسه كالت غزل ماما الملابس التلبسيها اشوفج متعيدين لبسها وين اتوديهن

--هاا ست موجودات بس عندي اهواي فااغير بينهن

--اذا عندج زايد اكو ابنيه يتيمه جيبيهن اتكسبين ثواب

--ؤك ست باجر اجيب كومه عندي حتى اذا تردين اجيب جديدات اخاف مترضه مستعمل

--لالاتكلفين روحج تقبل ملابس نضاف وين اتحصل هيج ماركات صدك منين اكيد من امريكا مو

--لاموكلهن مناك قسم من بغداد اخذتهن وقسم خدمه توصيل من تركيا

--اي حلو مواكول شي احله من شي لاتنسين جيبيهن باجر وحتى اذا عندج ملات بيت هم جيبيهن

--تمام

دعاء. ست اني هم عندي اجيب اذا تردين

--لاماما غزل من حجمها وملابسها هم حلوه راح اتكيف بيهن شكرا خير ابوج واصل

--تره ملابسي هم ماركه ست

--اي ماما ماكلت شي بس كلتلج حجم غزل من حجمها

بم والضربه القاضيه تستاهل حيل بيها لويش دااتلح

صار وكت الحل للبيت طلعت لكيت مكرم امتانيني خطيه هذا هم ابتله بيه سلمت وصعدت وصلت للبيت تعبانه ماكعدت صعدت كبل لغرفتي غيرت ملابس ونمت

كعدت على صوت الفون يرن فتحت اعيونه الساعه3 الضهر سحبت الجهاز رقم غريب رديت كلت الو

--من فدوه للصوت الحلوه نايمه يبعد جبدي

--امم منو وياي

--اوووف يربي وين انطي وجهي شهالفهاوه بالجحي دخيلج

--منو تره حغلق الجهاز

--لالا اني زهراء بس ردت اعرف تجين للسفره لولا

--مااعرف بعدني مكلت المؤتمن

--عليش مويمج هسه

--لابغرفته الثانيه

--صدك موش وجه نعمه هذا

--اكولج زهراء فدوه نعسانه من اكعد اخبرج يلاباي

كلتها وسديته عيع اسوالفها مااعرف اشلون راحت النومه خلي اكوم اتغده ادرس اهواي احسن

طلعت من الغرفه دااعبر واسمع صوت مؤتمن ويه تهاني احس كلبي طلع من مكانه اشتعلت نار حتى مااعرف اشلون بعد انزل

النوب البيت سنطه اتكول بيت اشباح الضهر يصير رحت للمطبخ كعدت اريد اهدء روحي احس روحي مشتعله كاعده واسمع صوت اتوسل ماكو غير رجاء دتضرب سمر اشكد ماردت ماادخل بس صوتها وتوسلها ابراسي

كمت كلت حتلو انكتل هم عادي دخلي اكتلها كتله اطلع ضيم كلبي وبعدين شيريد مؤتمن خلي يسوي

دفعت الباب مقفول دفرته هم ماكو عفته وطلعت للحديقه ركض

كلت ادخل من الشباج اول ماانداريت قبل لااوصل للشباج واجان اشوف ولد بطرك البنطلون وبيده

قميصه كمز من الشباج طلع يركض -

الخامس والثلاثون من هنا

تعديل المقال