رواية كفي والمنجمة الفصل الثالث والثلاثون 33 بقلم الكاتبة Leo alfatlawi

رواية كفي والمنجمة الفصل الثالث والثلاثون 33 بقلم الكاتبة Leo alfatlawi

كفي والمنجمه

للكاتبه leo Alfatlawi

بارت الثالث والثلاثون

شفت الفون مالت مؤتمن يضوي شلت راسي الساعه1 الصبح عجيب منو يتصل هالوكت

رحت يمه قبل لااشيله انكطع الاتصال مالحكت اشوف منو

ردت ارجع اجه مسج من دعاء بنت الشيخ مكتوب وينك عليش مترد

قريته احس كلبي وكف اريد اكمش الفون ايدي ترجف

شلت الجهاز اجه مسج ثاني اسويت بالشغله يمعود گاعده على نار

ردت افتح الجهاز بي رقم سري رحت دكيت متنه فتح اعيونه كوه عاكد احواجبه شكو غزل

--افتح الرمز ابسرعه

--شكو بويه اشبيج بهاليل

--مؤتمنننن افتح الجهااااز لااتخلين اتجاوز عليك

--شكووو لج اشبيج اتسودنتي شبي جهازي

كالها واخذه من ايدي كعد فتحه باوع شنو بي ثواني قبل لااخذه من ايده قفله ابسرعه

--مؤتمن تفتح الجهاز واتنطينيا هسه لاوروح بابا متشوف وجهي بعد

--غزل بويه مابي شي بس هدئي

--شهدء مؤتمننن شهدء اتريد اهدء افتح الرمز يلا

--مابي شي تره مسج وصلني بالغلط

--ياغلط انته شنو لبالك كدامك طفله ودتضحك عليه لاتخبلني مؤتمن اتفتحه هسه لو شنو

--ماافتحه بي امور مال شغل ورسائل جماعتي ميصير تقريها

--مراح اقره شي بس اكو اسم وانته تعرفه منو لاتغشم روحك بس هو حقراه

--غزززل تره زوتيها مكعدتني نص اليل لشي تافه وصوتج العالم نايمه

--خليك مااريد لاتفتحه

راحت للكنتور طلعت ملابس لبستها فتحت الباب ردت انزل كام من الجربايه ابسرعه وكمشني كال لاتتخبلين وين تردين

--وخررر مؤتمن ايدك شيلها لو تفتح الجهاز هسه لو ينتهي كلشي بينه

--بويه مابي شي اشبيج

--اي فتحه خلي اشوف

مؤتمن لبالك مااعرف عندك علاقه وياها من الضهر انتبهتلكم كاعده كدامك بلاحجاب عرفتكم

--يابه وحك كلام الله ماكو شي الي ابالج تعالي لاتطلعين دخلي العالم نايمه لاتتسودنين بهاليل

--مؤتمن كلمه وحده اتفتحه لولا

--غزززل كل عقلج هالهوسه على رنه جايه خبله انتي

--عمرك مااراح اتصير مثل البشر كلتها ودفعته

فتحت الباب اسمعه ركع الفون بالحايط

نزلت اركض طلع وراي بس من حركت كلبي ابسرعه ركضت لغرفه مصطفى دكيتها حيل اجه سحبني وكام يصيح رجعي للغرفه غزل عقلي يابه

واني ادفع بي وابجي اتخبلت وكتها حسبت انتهت هاي الجان ضامها يعني بينهم علاقه وراح يجيبها كلما تخطر ابالي شغله جديده كلماانجن اكثر يريد يكمشني واني اطفر واصرخ بوجها على صوتنه طلع مصطفى كال شكووو بويه اشبيكم

هو يكله ارجع مابيها شي واني اكله وخره مني مصطفى وخررررره

سحبني منه مصطفى وكله يابه هدئو اشبيكم خلي نفتهم الصار

--وديني الماما هسه

مؤتمن. عوفك منها امشي لج يلا كافي اطياح حظ

--لك مصطفى وروح بابا اكتل روحي هسه اذا متوديني

--اشبيج اتخبلتيي يابه ماكو شي لاتسودنينييي غزل بويه عقلي العالم نايمه خره بيج

كعدت بالكاع لميت روحي وابجي احس روحي بعد ماعندي طاقه اوكف راد يسحبني كمشه مصطفى كله اشسويتلها اشبيك مؤتمن عليش وياها

--يابه وحك علي ماعملتلها شي

--عليش هيج حالتها

--مابيها شي اجتها الحاله

--والله جذاب والله ولك عنده علاقه بدعاء وجان يحجي وياها افتح جهازه وشوف شنو بي انته مو دكيتلي صدر وكلتلي ارجع بس يسويها وين كلمتك

دنك كومني كال خلي افتهم شكو واني كد كلمتي بس سكتي راح اتموتين

اجو على صوتنه التمو يردون يعرفون الصار بس مؤتمن صاح بيهم كلهم كلمن لغرفته ماكو شي كعد على الدرج وخله راسه ابين اديه

--مصطفى وديني يلا

--خلي افتهم اول شنهو العمله واني اوديج وانعل اصله اليرجع بكلمته بس سكتي لخاطر محمد راح اتموتين غبيه عليش اترجفين

--روح شوف جهازه

راح يم مؤتمن واني رجعت كعدت بالباب احس كلبي يريد يطلع والشهكه تطلع من نص كلبي احس روحي اريد اموت من القهر اشوفه واكف يسولف ويا على كيفه اخر شي مؤتمن عصب صاح فلشته فوك تلكي اخذه صلحه وشوف شنهو بي بعددد عن طريجي كالها ودفع مصطفى اجه يمه شالني ضربته صيحت ردته يعوفني ماكو صعد ودخل الغرفه شمرني كال تردين اتموتين موتي اهنا روحه ماكو

--الله ياخذك ولك انته احقر بشر شفته بحياتي ولو يبقى اخر يوم ماابقى وياك

--بعد صعدي صوتج اكثر اخاف احد ماسمع

--لك شنو انته متكلي من شنو مخلوق هم حاسب روحك بشر حتى الحيوان احسن منك اول ماكملت الكلمه ضربني احس خدي اصلخ جرني من شعري كال وحك علي لومااعرفج منفعله ومتعرفين اشتلغين جان شلعت راسج بس وروح عمي ادوس راسج اذا عدتيها

دفعني ركع راسي بالكنتور لميت روحي وكعدت كل شهكه اشهكها احسها تطلع من روحي كلبي يغلي قفل باب الغرفه واخذ منشفه وراح للحمام سبح ولااهتم واني اريد اموت مااعرف شسوي بس روحي تطلع عضيت ايدي اريد بس شي يطلع قهري الي ابكلبي طلع ورث جكاره وطلع بالبلكون يدخن واني بعدني على كعدتي احس روحي شاطت من الحركه

-- والله ماابقى وياك لواعرف اموت انزل غصبا عنك اروح لماما واذا رجال عود امنعني والله اكتل روحي

مارد بس وكف صافن يباوعلي

كمت كلت اروح للحمام اسبح وانزل اريد اشوف اشلون يمعني حتى اموت روحي اول ماوكفت حسيت الدنيا تفتر غوشت اعيوني بعدها ماحسيت ابشي

فتحت اعيوني نايمه على الجربايه ومؤتمن يمي هو وعمتي ام مكرم

هاي اشوكت اجت الدنيا نهار صايره ردت اكوم كالت لايمه خليج من اتحركت ايدي نغزتني شلتها بيها كانونه

-- ولج عليش يمه هيج اتخوفينه عليج متكليلي اشبيج

--خلي يطلع مااريد اشوف وجها

--اشعملج يمه

--مااريدددد اشوف وجها اطلع منااا وهسه اروح لماما اريد اشوف اشلون يمنعني وروح بابا اكتل روحي ولاابقى ويا

كام طلع مارد وعمتي كعدت يمي اتهدي بيه متعرف النار الي ابكلبي اشلون مشتعله كعدت انتجيت وابجي وهيه تتوسل اسكت دخلت سماح كعدت يمي كالت والله غزل ماعنده شي

--لعد لويش مافتح الرمز

--ولج عنده اشياء مهمه

--ترمو طفله اني لاتضلون تحجون هيج وضله وياماراح اضل

--ميخالف مصطفى كال العصر اوديها بس سكتي كومي غسلي ارتاحي والعصر حتى اني اروح وياج

كمت للحمام سبحت انطتني اتراك لبسته لفيت شعري وطلعت هاي اتبللت بيدي شعلتها شمرتها طلع دم ضغطته بدي حيل كعدت سماح اتباوعلي وتهز ايدها جابت اكلينس مسحت الدم وضغضت عليها عمتي مشطت شعري مر ساعتين دخل مؤتمن قبل لااحجي شال ايده كال بس سمعي لاتحجين انطيني مجال

طلعت سماح من يمي وسدت الباب كمت وراها ردت اطلع كمشني كال بويه انطيني فرصه اوضحلج هسه افتهمي اول اتخبلتي وخبلتينه وياج

--مؤتمن وخررر كلتلك مااريد اشوف وجهك

--ميخالف مااراح اتشوفين وجهي بس افهمج وهذا جهازي اخذي شوفي التردي

--لاوالله صدك بعد وكت مسحت التريده وجاي هسه

--يابه والله لامسحت ولالحكت اعمل شي صلحه مصطفى وهسه جابه غير خليتيني اندل دربي شوفي هاج وحكمي

اخذته ورجعت للجربايه كعدت فتحه وضل واكف كلبت دخلت على اسمها لكيت 4 مكالمات مارد عليهن بس وحده والرسائل الي اوصلن البارحه وقبلها 2 وحده بيها معامله مااعرف شنو والثانيه وثيقه مدرسه

--شنو ذني

--وثيقه مدرسه عمرها متجاوز السنه الدراسيه ولازم تتحول مسائي هيه متريد مسائي عندي صديق كال اكدر اسويها السنه صباحي بيها مجال بس السنه يكدر يزيحها دزت ذني لخاطر اتوسطلها

--ولويش انته شنو ماكو غيرك لوهاي حجه اتمشوها عليه لويش البارحه مافتحته

--البارحه بهاي حالتج ماعندج مانع تتصلين بيها واتسويلي مشكله ردتج اتهدئين بس انتي انجلبتي بالزايد

--مؤتمن تره ماامصدكه ولاكلمه من التدكولها

--شنهو تردين حتى اتصدكين

--تتصل بيها كدامي وتفتح اسبيكر اسمع

--سهلا جبيبي

--كعد يمي اتصل اول رنه فتحته كالته اشلونك ابوغزل

--هلا بويه بعده ماكملها ضربته ابطنه اشرتله لاتكول بويه بس الي كتم ضحكته وهز راسه اي

--امرني ابو غزل

--الوثيقه كملت البارحه متصله بس جنت نايم

--اي والله اتصلت وخجلت عرفتك نايم بس كلبي نار اريد اشوف اداوم السنه لولا

--لاان شاء الله كملت وراح اداومين

--مااعرف اشلون اشكرك الله يحفظك ويطول ابع--

سحبت الجهاز قبل لااتكمل انطيتها حضر جره كال اشسويتي يابه فشله اشبيج

--مؤتمن والله اذا فتحت الحضر انطيك حظر من حياتي كلها وها بعد رمز متخلي لازم اعرفه واي دقيقه افتح الجهاز ابكيفي

--حاضر بعد شنو اتاامريني

--وخر تعبانه اريد انام رجعت للفرشه نمت اجه يمي سحبني الحضنه كال خباله انتي الج يوم اتكتلين احد ابسبب غيرتج هاي

هو يحجي بس كله هذا السواه مامطمئنه منه كلش يصير يمكن متفق وياها شلت راسي باوعتله كال عليش بعدج تبجين موش عملت التردي

--تره هذا كله ماداخل ابراسي بس ماردت اضلمك يجوز يتهيئلي اشياء مؤتمن وداعت ماما وادعت حبي الحبيته الك اذا صارتلك دعاء مره ماراح اتشوفني واخاف امفكر اتجيبها وتحبسني مثل البارحه وراح ابجي كم يوم واسكت لاورح بابا وداعت كل يوم مربينه اكتل روحي وتعرفني اسويها ولااضل وياك ثانيا وحده خليها ابالك ابيوم التجيبها اعتبرني طالعه من حياتك شوف انته اشوكت اتريدني اطلع من يمك وتخلص عشرتنه سويها وجيبها

مارد اخذ نفس وباسني وردني لحضنه اخذله اشويه وكال واني مااكدر اعيش مندونج الموت اهون الي كلشي فداج يروح بس كونج اتضلين ابحضني واشتم عطرج

--يعني جنت امفكر اتجيبها مو مؤتمن

--مافكرت ولاافكر اني كافي غزل وحك علي البارحه من شفتج طايحه مااعرف اشصارلي من انعل ابو الشيخه لابو الفلوس ولابو كلشي يضيعج من ايدي عندي انتي تسوين الدنيا ولج ردت اشيلج ماكدرت احس روحي مهدوده خبلتيني

--لعد لويش هيج سويت كلتها وبجيت

--كافي بويه لاتبجين شغله البت نختني بيها وعملتها وخلصت كافي يعلة كلبي يلا كومي اتغدي

--مااريد مااشتهي روح انته

--مااكدر اكل اذامااشوفج يمي كومي شوفي التك الثاني مالتج يفتر جنه مطلگه جوه كل اشويه جاي هاد كوه كامش روحي لااطكه

--ههههه اشحدك توصل يمه البارحه انكتل لخاطري

عكد حاجبه كال وين انطك عزا فلتتها فهيت ابوجها كلتله هاا

--ومرض اشصخمتو البارحه وين رحتو ويامن اتعاركتو

--لاماتعاركنه همه اتعاركو ويانه واحد سخيف ذب كلمه كتله مصطفى

--خرب بغيرته وين دحم بيج كم مره وصيته الزمال

--لاتحاجي خطيه انظرب اهواي

--حيلل ماانسحل سحله بيها حظ وانتي اكيد شاركتي ويا موو اعرفج بدون عقل

--لاوالله انطاني المفتاح صعدت بالسياره وقفلتها علماكملو بسطو وشمرو

ضحك وهز ايده كام نزل يتغده ميخالف اكله انكتل بلكي يكسر خاطره بعد ميحجي عليه

بيت احمد اجو يمنه اخذ احمد غرفه هيفاء وخالتي يم بيبي اتنام بس كمنه نكعد على عركه ونام على عركه

انوب مصطفى كال راح يجي ابوي ويجيب امي مؤتمن كله كملت

بيبي من اهد عركتي ويه مؤتمن لسه اتذب حجي هيه وشعشبونه لان اتجاوزت على مؤتمن اشلون اتجاوزت عليه وماكتلني متخبلات كل اشويه يطلعن شغله ويحيلنه عليه يكلهن اي ويغلس مايحاجيني وهنه ناطات

مرت احمد اشوفها دوم عينها بمؤتمن خاصه من ينزل بس بالبنطرون والفانيله الداخليه اتضل عينها بي هم حظ احمد هذا مدري حضي مااعرف هسه خبطت عليه كم مره اتعاركت ويا ميطلع بدون قميص بس هو متعود دوم يطلع هيج

خو من يذب فانيلته ويريد يروح للشط يسبح اكوم اكمز اتعارك ويا وهو يضحك يكول بالعباس خبله موعاقله

اليوم اول يوم دراسي الي من الفرحه للصبح اتكلب مانمت حضرت ملابسي والجنطه كل اشويه بليل اكعد اشوفهن اتكول طفل اله اول يوم بالمدرسه هيج جنت

كعدت من الساعه 5 الصبح متحمسه سبحت على السريع لبست قميص ابيض وسدريه جان زيهم يختلف عني الزي الجنت البسه احنه تنوره قصيره وقميص هم قصير زينه

هسه كوله طويل لازم بس ماما خوش مختارتلي ملابس مرتبات ومخصرات كولش انيقات شلت شعري ديل احصان وخليت ستوتات من الجوانب ضليت ارتب ابروحي للساعه 7 كعد مؤتمن يريد للمصنع شافني ضحك اجه رفعني لمستواه يضحك عليه كال والله مومال ادزج بس شسوي من لاجاره

طبعا ماطلعت من جوه ايده اذا ماياخذ حصته من عضات الصباحيه

اخذت جنطتي على ضهري نزلت بيدي الشال شافني مصطفى طكها ضحكه صاح ولك مؤتمننن متاكده هاي الشيخه

عمتي. ولك يمه تركو البت لاطكوها عين قل اعوذ برب الفلق

--عمه اريد اتريك

--روحي يبعد عمتج بالمطبخ سماح جاي اتسوي بيض

رحت للمطبخ لكيتها اتكلي وكف باوعت كالت ابربج مؤتمن من شافج اشلون اقتنع يخليج ترحيت

--والله كال لوماامضطر لازم تتعلمين عربي فلا اخليج

--اكيد ضل يحمس فوك مابيها مجال لان طالعه بذني الملابس بعد ازغير من عمرج ولج شنهو بالعباس طالع جنج سنفوره

--سكتي لاانغر واعوف مؤتمن اشوفلي واحد غير

--سكتي لايسمعج تالي يخليج اتحلمين بالدراسه

دخلت رجاء وتهاني يباوعلي صفح بت مؤتمن تبجي رحت شلتها كبرانه صايره دنفوشه اكثر ابوس بيها دخل مؤتمن يستعجل الريوك وكف يمي همس كل بوسه تاخذيها من بتي اخذ اعدالها اثنين

--لعد اخذ بتك بطلت مااريدها

ضحك اخذها يلكف بيها ويبوس ضربته ابطنه كلتله كافي متشوف روحك زوتها

اجت سماح اخذتها وكلتله استلم اذا من بتك اتغار متكلي اشلون اشرتله بااسف

--تنحل مااخليها تكمل كالها وطلع وهيه اتحسرت وراحت وراه

مااعرف كلما يحجون بالغاز يعصرون كلبي بس همه يفروها اويمكن صدك اني مزودتها بس موبيدي من صدك اموت غيره

واكفه اسوي لفه واسمع مصطفى عاط يصيح يلا فضينييي خره بيج

--بس انتظر لحضه لعد مومؤتمن كال واصلج

--لاهو الدوام الضهري واني ابتليت بالخره الصباحي غززل اذا اتضلين هيج اتشلعين كلبي مااخذج وراي روحه للمصنع

--بس انتضر داالبس الجبه

طلعت لبست على السريع خطيه ماما حتى الجبب جايبتهن من ارقه الانواع امخصرات وحلوات كولش يسوي الواهس واحد يلبسهن صعدت وانطلقنه للمدرسه وصلنه نزل مصطفى جانن اهواي بنات ديدخلن

--عزززا واني اكول اصريت اتجيبني بالسياره العاليه حتى تكشخ كدامهن

--وانتي كضيتي عمرج ثوله فتحتي وياي دنزلي

--لاكمل جميلك وانزل افتحلي الباب

فتح الباب وكال اتفضلي شيخه ضحكت ونزلت كلتله ادخل وياي فدوه تره اخاف وحدي ومااندل

--افا صدك جذب حتى اكعد وياج بالرحله تعالي خويه

قفل السياره ودخل خرب يومه كاشخ اكثر مني اباوع البنات اتباوعله عزا اشكد ميستحن دخلنه بالبدايه مارضه الحارس يدخله لمن عرف هو تابع لمؤتمن وشيخ علوان قبل دخلنه لغرفه المديره وصاها عليه

كالت تدلل روح امن ماعليها صاحت لوحده من البنات اتوصلني لصفي طلع وعافني شفت روحي وحدي برطمت ضرب كصته هزايده ورجع كال اشبيك بنتي طالبه اول ابتدائي شكو عفستي خلقتج

--ولك اخاف وحدي

--والله ماعندي مانع اذا تقبل المديره ادخل اكعد يمج اشو ماشاء الله كمريات الجاي يدخلن

--عزا اطلع بطلت هسه ننطرد اني وياك روح فدوه

طلع وره ماوصاني لااحجي اهواي لان راح يضحكون عليه لان اللغه تعبانه ودتني ابنيه للصف مالتي وكفت بالباب المكان مختلف عليه اشو مكان الكعده تختلف

البنات يباوعلي شجعت روحي دخلت كلت هلاوو الي تضحك والي اتكول هلاوات عيني اتفضلي

ذبيت الجبه والشال رتبتهن بالجيس وضميتهن بالجنطه

رتبت شعري بس محتاره وين اكعد وحده من الطالبات كالت شومحتاره يحلوه تعالي كعدي يمي

ابتسمت وشكرتها رحت يمها خليت جنطتي كعدت اشويه اتجمعن البنات وجان تدخل دعاء عزا ابعينها وعين مؤتمن ارجع لوماارجع اذا ماعضيتك عضه اشلع ايدك بيها مااطلع غزل اتخليها وياي نفس الصف مو سهلا مؤتمن

فاتت تتمختر كعدت باالاخير هيه جبيره اشلون بالخامس هاي

دخلت المس سلمت ورحبت بالعام الجديد افترت تتعرف على اسامينه وصلت يمي كمت كلتلها اسمي عوجت وجها وضحكت كالت ليش اتعوجين بالسانج

ذوله اشلون راح افهمهم هاي لغتي وكوه اجيبها للهجه عدل واحجي

--اسفه بس مافهمت شنودتقصدين

--منين انتي

--منا من البصره

--ماما هذا المبايل راح يخربجن موكلش اتباوعن اتقلدن لسانج من اتعوجي تره موحلو

--اسفه مس بس اني هيج اللهجه مدااعوج لساني

--انتي نقل

--نعم

--من اي مدرسه جايتنه حضرت جنابج اشوفج منحله اكثر من الازم

--من ----

--وين صايره هاي -----

--لا------ بشيكاغو

--انتي منين ماما

--من امريكا بس اتزوجت اهنا

--اشجابج من امريكا لهنا اشلون صار نصيبج

--ابن عمي من البصره فرجعت اتزوجت اهنا

طفرت دعاء كالت ست مرة شيخ مؤتمن هاي هيه سمعت مؤتمن وهيه اتبدلت ميه واثمانين درجه كامت اترحب وترجع ليورا منين اجه شيخ هاي اشبيها امصدكه روحها راح تاخذه وابوها يتنازل عن الشيخه

كعدت واني احر ابكلبي خلصت المدرسه الوقت كله بس ترحيب بدت الفرصه كمت وبدت البنات تتجمع يمي

رجعت كعدت لان ماكو مكان اكوم كل وحده اتكلي كلمه اكولها وراها ويضحكن عزا صدك ذني يسولفن من صدك يضحكن سالني اشلون جنت اهناك واشلون اجيت منوحده لوحده خلصت الفرصه

دخلت المدرسه الثانيه ونفس الحاله انعادت بس هالمره البنات عرفني الها اكتفيت بس بنعم

ثالث درس دخلت مدرسه الجفرافيه بلشت ادرس جانت جاده يمكن نفسها مدرستهن من السنه القبلها لان تعرف اسماىهن شافت دعاء هزت ايدها كلتلها كم سنه بعد ناويه تبقين بالخامس

-- لاست راح اتزوج بس هالسنه هيه كالتها واني اكلت اضافيري انتبهت المس كالت انتي كومي

-- نعم

--اضافيرج عيني بلا زحمه بلكي اتقلميهن وشنو هالسدريه وين جايه عرض ازياء هاي باجر ماكو تتغير وشعرج ينضفر

--ؤك اي اوامر بعد

--شنو تمام مستهزئه حضرتج

--هئ دااكلج تمام

--للمديره عدل انتي امبينه لسانج طويل

--على فكره تره متجاوزت وانتي دتهينيني تره تعبتي نفسيتي ممكن اشكيج للمصلح

--يامصلح متكليلي من اي بلون انشمرتي انتي يلا على الاداره ابدرسي ممنوع ادخلين

--ؤك حروح للاداره بس حقدم شكوه لان دتنتقديني كدام زميلاتي واني ماكلمتج بش غلط

طلعت رحت للاداره ادردم وصلت دخلت للاداره كالت المديره اتفضلي ماما

جانن كومه مدرسات كاعدات لان بده وكت الفرصه بجيتي وبدت تتجمع المدرسات

وكفت كلتلها دااقدم شكو ضد مدرسه بسلا زام تجي علمود كدامها

--ياستار اول يوم شكو وضد مدرسه هاي اول مره نسمع بيها ليش عيني

--خلي تجي اول

--يامدرسه عيني خلي انجيبها

--الجفرافيه العربيه

--اكو جغرافيه انكليزيه ههههه وينها جبيوها ام الجفرافيه العربيه ههههههه

--تره هاي هم تعتبر تجاوز بحق الطالب

--شنو ماما ولكم واحد يترجملي شنو تحجي هاي شتخرط

--مااسمحلج اتگولين تخربط دااحجي اباادب ممكن اتردين نفس الاسلوب

دخلت ام الجغرافيه كالت وينج عيني ام الشكوه اي بالله خلي نفتهم شرايده شنو فلمج انتي

--دتعيطين ابوجهي ممكن اتسببيلي تشتت انتباها وقلق انتي واني بدايه سنه وهذا الشي غلط بالنسبه لنفسيتي

المديره. شسمج انتي شو اوكفي خلي نفتهم واحجي عدل اشبيج تحجين اعوج

--اسمي غزل معتصم وكلام اعوج مااحجي وهاي ثالث مره تتنمرون عليه مااسمحلكم تره

كامت المدرسه الي اجت اول درس كالت للمديره هاي مرت شيخ مؤتمن الجديده جايبها من امريكا خيه عوفنها

--ياامن هيج ادور شكاوي وطالب بحقوق شوفي بنتي راح انمررها الج لان متعرفين النضام اهنا حبيبتي نضامكم تنسي انتي بالعراق المدرسه اتعاقبج اتكتلج تغلط متفكين حلكج اي شكو من مدرسه ابحقج تنطردين اسمعتي يحلوه وراح اسكتلج لخاطر زوجج ملابس الامريكيه ودلعج ممنوع اهنا

--شنو مداافهم

--استغفر الله يعني شيخ مؤتمن ماكفنه نسوان الديره راح جابلي عله من بره هاي اشلون اتعامل وياها بنتي اسمعيني حبيبتي

--دااسمع بس على كيفج علمود افتهم

--روحي صفج حبيبتي وكعدي عاقله لاتتجاوزين على مدرسه

--ؤك

--هزت ايدها ضحكت والمدرسات نفس الحاله يضحكن كالت ماما صح غريب عليج الجو بس اهنا تختلف عن عيشتج لازم تحترمين المدرسه لان مثل امج هاي حتى لواتجاوزت عليج اتريد مصلحتج لاتردين بالعكس اتعلمي وحاولي اتعدلين الغلط

--تمام اسفه

--عفيه هسه اشكد حلوه من هيج هديتي مو مثل من من دخلتي هاده

--موهيه اتنمرت عليه

كامت ام الجغرافيه كال يلا ماما مااعرف وضعج شنو لبالي من ذني اليعوجن لسانهن بنات هالايام لاحبيبتي رجعي صفج بس اضافيرج قلميهن باجر مااريدهن

رجعت صفي لاعرفت على شنو رحت وليش رجعت اشو لاصنها المشكله لاعدهم مكان شكوه وتروح تاخذ حقك اكتشفت بهاي الدوله كلشي ضايع موبس بالبيت حتى من تطلع حقك ماخوذ

دخلت للصف لكيت دعاء كاعده وتسولف وهنه يضحكن رحت للمكان مالتي كعدت اجت يمي كالت

--اشلونج

--تمام

--اشلونها تهاني

--مااعرف ماالتقي بيها

--اممم عليش حضرتيني

--شنو منين حضرتج

--لبالج ماسمعتج يمه كاعده من اتصل

--عفيه عرفي شغله راجعتلي لاتخلين عينج عليه تره ادمرها وابزلج اعيونه وياهن

--هاي تتجاوزين عليه

--موبس اتجاوز حتى اخلي طلقه ابراسه واكتله ولااخلي يفكر بوحده لخ

--چااشلون خليتي يعقدني

--تره مثل ماخليته يعقدح بحجايه اخلي يطلكج وعلى ايدج شفتي ماعقدج اذامااني كلتله فياحلوه لاتلعبين وياي

--خوش ماضل اهواي راح كربت نشوف شنهو شسوين

--شنو دتقصدين

ماردت عافتني وراحت لمكانها من حركت كلبي ادموعي نزلن حركت كلبي دخلت المدرسه لكتني ابجي كالت شكو ماما ليش تبجين

--ماكو شي اريد اطلع خبرو مؤتمن فدوه

--روحي للاداره ماما

كمت رحت لاداره دخلت شافتني المديره ابجي اتحسرت كال ليش تبجين

--خبرو مؤتمن خلي يجي دااريد ارجع

--ليش ماما منو وياج

--محد بس ضجت نفسيتي تعبت

--اشلون شغله هاي حافضه الرقم شو اني اريد يجي خلي افتهم منه اشلون انحلها وياج

انطيهتا الرقم خبرت

مارجعت للصف كعدت بالممر والرايحه والجايه اتباوعلي اتكول نازله من الفضاء اشويه واجت المنضفه كالت روحن منا للبنات يردون يدخلون زلم

راحن بس دعاء اجت انزرعت سمعت مؤتمن الجاي وياها اختها الاكبر منها بس بعيره خالات شالات على روسن واكفات هيه متخصره اتباوعلي وتضحك اشكد حركت دمي بس حاجيهتا

ابراسي يدك شنو كربت بسلا مؤتمن امواعدها بزواج

دخل مصطفى يضحك ماكو مؤتمن كال هاولج بعدج اول يوم خرب يومج شمسويه

كمت رحت يمه كلتله مؤتمن راح يتزوج مو

--اشبيج بنيتي

--هاي دعاء دتكلي كربت

--خره بدعاء وابوها شال راسه خزرها وهيه تتماوع كدامه وتبتسم رجع مسح ادموعي اجت قريبه كالت يدري مؤتمن بيك هالكرب من مرته وتمسح ادموعها بعد سانتيم وتدخل بحضنك

--مالي كلام وياج رايح للشيخ ونشوف ساعتها هذا تجاوزج

سحب ايدي ودخلنه للمديره كعد وبلشت المديره تشرحله اشلون اتجاوزت على المدرسه وهو يوضحلها المشكله وين بتغير البيئه وراح اتعلم بس على كيفهم اهواي يلااتفقو لمن كاللهم اي اطلبون احنه حاضرين بس ديرو بالكم عليها

كام اتشكر وطلعنه لكيت دعاء وكفه بالباب بعدها عفتها ورحت جبت جنطتي اجيت لبست بس الشال حتى جبه مالبست مصطفى عادي عنده مومثل مؤتمن اجيت لكيته واكف يحجي وياها بعصبيه وصلت سكت بس ولاكأنما وياها تضحك

خله ايده على متني سحبني كالتلها بعد حيل دخلها ابحضنك رد يرجعلها كمشته كلتله عوفها خلي اتولي

طلعنه وهو فاير اكثر مني صعدنه رجعنه للبيت انتبه بلاحجاب بس شال هز ايده دخل السياره داخل البيت نزلت بس يغلي عفته من كلام دعاء صعدت غرفتي غسلت وبدلت ذبيت روحي تعباني نمت

كعدت على لمسات مؤتمن فتحت اعيوني لكيته يضحك كال شمسويه وخابروني ولج

--مسويت شي بس اي حقوق ماكو عدهم مثل اهنا كون انهان واسكت

--انعل ابو اصله ليهينج منهو وياج

--المدرسه اتنمرت عليه لان احجي هيج ودعاء دقتني

--اووف دعاء واطلابتها

--لااتكول اسمها مؤتمن وشنو اتكول كربت

--يابه تركيها هاي هم شاخطه بحلامها خلي اتولي غزل اذا اتضلين هيج اني مامعوز مشاكل تالي ابطلج ويطبج مرض عساج مااتعلمتي عربي

--لامالي شغل بيها بس عندي درس جغرافيه درسني

--استلم وهاي اطلابه جديده غزل دراسه اني ماادرسج شوفي مصطفى سماح هيفاء كلهم يعرفون انسيني اني اختصاصي غيره منهج ادرسج

--شنو هذا المنهج مارد سحبني وبلش بمنهجه الخاص ----

معاناتي ويه الدراسه من غير معاناتي ويه دعاء بالمدرسه

بالبيت كتابي بيدي وافتر اتوسل يدرسوني اذا سماح فارغه متكول لاتكعد ادرسني اذا هيفاء عدنه هم خطيه متعترض

بس مصطفى جان يكتلني اذا ماعرفت دوم يدمغ بيه ماعنده صبر يقرا مره اذا ماعرفت انكتل بس مرات اطر اروحله لان محد فارغ وكل صوت يصيحه ابوجي يكمزني

درس تاريخ عدنه كاعده يقريني بالبدايه ماقبل بس مؤتمن كله كعد على اعصابه واستلمني قرا مرا وكال يلا عيدي

--بس انتضر انته تقره ابسرعه

--بت المنغولي كم مره اعيده يالله تفتهمين

--بس اقرا مره لخ اني احفظه

عاده بس خبيث على السريع وصاح يلا

--مالحكت تره انته تقره ابسرعه داالحك اشبيك

--غززززل وحك ربج ادفرج دفره الطشج بالحايط هذه التعريف ينكتب 4 مرات دقايق اطلع واجي اذا لكيته مامكتوب اسحلج يلا

كالها وطلع كعدت اني خطي امجعمص وهذا وقته ابسرعه يركض لحكت كتبته مره وحده دخل كال وين اخذ الورقه خره بصفحه صبوحه هذا خط مسماري لوشنهو

--لعد مااعرف اكتب على كيفج لويش دتصيح

كعد وكال هسه اتعيدي 10 مرات وكون تتحركين قبل لاتكملين اويلي شراح تجيج دفره اله اكسحج اسبوع بدون حركه

كام نام واني ابتليت اكتب وميخلص الوكت خلص والتعريف بعده ايدي ماتت

اذا ماكتبته ماراح يدرسني بعد مضطره اسمع كلامه اكبر غلطه ابحياتي رحت ادبي لو علمي اهواي احسلي اقلها مسائل واحل بس طاح حضي وتعريف مااحفظه

صار المغرب خلصتهن عفتهن على صفحه بلشت بالاسلاميه همزين بس نكتب الايه لان حفضتها قبل يوم

خصلت طلع كال بشري انطيته الورقه شافها وهز ايده كلشي ماعاجبه شمرها وكال كومي سويلي جاي

--على فكره دتذلني مواتدرسني انته حشكيك لمؤتمن

--كومي لج يلا حشكيك دگوليها عدل وبعدين روح اشكي

رحت للمطبخ لكيت الجاي على التهدير صيبتله واجيت انطيته كلتله عندي بعد بس رياضيات

--تعالي اكلج شي كعدي

--شنو

--ترحين لغرفه صبوحه وتخلين هاي الوقه جوه مخدتها وتجين بس ديري بالج احد يشوفج

--تمام

اخذت منه ورقه امطبگه رحت لكيت بيبي بالحمام تتوضه لصلاة المغرب خليتها جوه المخده وطلعت اركض كعدنه درسنه رياضيات اني زينه بي لان رموز ابسرعه افتهمه على السريع

خلصت لميت كتبي ورحت لغرفت سماح بگت بت مؤتمن وصعدت غرفتي العب بيها مؤتمن بعده نايم خليتها يمه والعب وياها كعد على صوتنه هيه اتناغي واني اسولف وياها ضحك كام بوسها لكاني صافنه سحبني عصر وجهي كال اشلون ويه الزعاطيط احنه عضني دفعته ورجعت العب ويه غزوله واضحك

مؤتمن نايم على بطنه وخال ادي جوه راسه يباوعلنه ويضحك اني ادغدها وهيه ميت ضحك

الباب اندكت حيل وصوت سماح اتصيح مؤتمن الحك غزل ماكو

-- تعالي دخلي

دخلت فحطانه شافتنه اخذت نفس صاحت متبطلين غزيلان ولج وكفتي كلبي كلت وين اختفت خرب بيج جيبيها

--بس اشويه العب بيها

--شتلعيبن دوخري راح اتخبلين البت كافي خبالج شاعله البيت

--عزا اشبيج مؤتمن حباب كلها اشويه وارجعها

--دوخري شكول عليج موتيني جيبيها

اخذتها وطلعت باوعتله اريد ابجي هز ايده وضحك كال حمدي ربج اجت الي تلهيها جان خذتج مكانها لوماجايه

--خلي اسوي بيبي

--اي تعالي عليش لا

--موهسه تضحك عليه انته تره ماخذه حبايه وخر

--عادي هم بصير

--مؤتمننن

احنه نحجي وسمعنه صوت الصريخ جوه كال ياساتر شكو بعد عافني وكام نزل نزلت ورا لكيت بيبي تلطم وعمتي يمها اتهدي بيها وهيه اتكلها واني حاسه ولج صار كم يوم ماانام وراسي يوجعني

--عساها ابختهن اليسون اسحور وين يرحن الميخاف الله يجيهن يوم

--لاماعليهن ولج لحچيني كليبي يوجعني

--ياعمه دخليج اشبيج

--وروح ابني بس الزم المسويتها اله اشعل ابوهاولج احس اتكرمت لحكيني

كعد مؤتمن خله راسه ابين ادي امتانيهن يخلصن نوح هيه كعدت لطمت وعمتي اتساعدها

اخر شي كامت جابت طاسه بيها مي وملح خشن وكعدت وبيبي وياها خلت ايدها بالمي خالتي واكفه تضحك عليهن وهنه يباوعن بغضب

قرت عمتي بيبي من الخوف خطيه اتخربطت وطاحت

كعد مصطفى خله راسها بحضنه ورش مي فتحت اعيونها بجه كلها مااتصور بعد تصحين يجده امسويلج عمل اسود عليش متخافون الله ولكم موهاي ام البيت

يباوع لمؤتمن كله راحت جدتك يمؤتمن راحت راعيه الملگه والضحكه الحلو ولكم راحت ام وجه السمع امودعه بالله ومحمد وعلي ومودعه بامانت الله اتلكاها يعمي اتلگه اميمتك يمعتصم لاتخليها لحالها

بيبي فاكه حلكها من الهبطه كعدت يمه هبط كلبي ينعه ويبجي وعمه كاعده صافنه محتاره منو المسوي العمل وجها اصفر خايفه سماح حاطه غزوله على كلبها خايفه

كام مؤتمن كلهم وين العمل

--يمه مؤتمن لاتجيسه وخر ايدك

--شو دجيبييي خلي اشوف شهالصخام

--ماكو ماتجيسه هاي جدتك بس جاسيته طاحت

--استغفر الله وينه يممممه

عمتي ضامته وراها بوصله اجه جره حيل فتح الوصله والكل يقره ايات خايف فتحه قرا امه كلتله يمه شخاميط شيطان مينقره لاتحاول

قراه وباوع لمصطفى

مصطفى وخر بيبي من حظنه راد يطلع كمشه من ياخته مؤتمن رجعه كله اشوكت اتبطل انته

--شبطل دخيل ربك الخط خط مرتك اني شكو

كمت اخذت الورقه من ايد مؤتمن صدك ذني التعاريف الكاتبتهن عزا عمممه شنو شخابيط شيطان هاذي كتابتييي

--سم كونج بالجيره بت فريال ولج اذا هذا خطج صدك ولج خرابيش بزون بت الثوله هاي موكتابه

--عزززا مؤتمن اسمعت امك اشلون دتعيب على خطي

انوب عافو السحر والتهو بالورقه من ايد الايد يضكون على كتابتي كامت بيبي مابيها شي كل مااتشيل راسها اتغمني

مؤتمن هزايده وطلع مصطفى هم فلت وره المصيبه بس فضحني

كالعاده الصبح لازم يتعاركون ياهو يوصلني للمدرسه واحد يشمرني على الثاني تالي طلعو اثنينهم محد وصلني رحت خبرت مكرم اتوسل وابجي كال يلا حضري روحج جايج

وكفت وره الباب صدك عشر دقايق واندكت الباب دخلت هيفاء اتباوعلي صفح اشرتلي طلعي بدون لاتحجي ضحكتني مصحيها من نومتها خطيه هيه دخلت واني رحت لكيته امتانيني فتحت الباب وصعدت سلمت

-- هلابويه شنهو دكو الناقصه بيج

--اي والله واحد كال للثاني انته وديها وثنينهم فلتو عافوني بس بسيطه والله اذا طالعتها بغير شي اخليهم يجون للمدرسه اثنينهم غصبا عنهم

--خويه هم جاي تستفادين لوهيج روحتج بس تضيع وقت

--لاوالله اتعلمت اكتب واشويه دااقره زين مومثل قبل صدك لويش جبت هيفاء جان خليتها نايمه خطيه

--هيه كالت من البارحه اتريد اتشوف اهلها جبتها ابطريقي يلا نزلي وصلنه بس لفي شالج عدل

--تمام يلا باي

--باياتي عيني الله وياج

نزلت للمدرسه كمت احبها مومثل اول مااجيت جنت ماطايقتها لاهسه اتعودت حتى المدرسات صارن زينات ويايه كامن يحبني وعلى كيفهم حتى مرات وكت الفرصه اروح وياهن للاداره يعلمني على الكتابه والقرائه طبعا مايخلو من فصل ضحك منهن عليه بس اتعودت

جنت مكان هذا ارجعه بحصه الانكليزي اني اكمش الدرس قرائه وترجمه اهواي اساعد البنات يعني صايره جميل ورد الجميل هيج امشيها صار وكت الرجوع للبيت طلعو البنات خفت بسلا هم ينسوني هالايام مصطفى عاكس وياي خاصتا بعد كلام دعاء ويا كام بكل وكت يبتعد عني مااعرفت لويش هيج اخذ بكلامها وكام يتحسس اكثر الوقت بعيد عني ومن اطلب حاجه يكلي ذاك رجلج روحيله لاتجيني

بدت العلاقه بينه تقل مومثل قبل مرات حتى يعيط عليه يخليني ابجي لان مامتعوده مصطفى هيج يتعامل وياي مااعرف لويش احس اكو شغله وراهم هو ومؤتمن

قطع تفكيري المنظفه كالت سياره بالباب اضن اخوج اجه

طلعت لكيت مصطفى جاي بس ينافخ كال ابتليت اني ادري بروحي

--هلوو مصطفى

--صعدي ياضيم الله

--لويش دتصيح جان خبرت مكرم يجيني اذا عندك شغل

--غزل ابروح ابوج سكتي اني روحي طالعه لاتضلين تلغين

--اشبيك مصطفى لويش دتتعامل وياي هالشكل اكو شي سويته ضوجتك بي وماادري كول يجوز بدون قصد سويتها

--استغفر الله بويه مويمج لايضل ابالج والله عندي شغله شاغله بالي وانتي اتلحين خرب بغيرتج اشكد لزكه

--عزا مصطفى تره زودتها وهاي اخر يوم اصعد وياك لواعرف ابطل مولبالك ابحال سيارتك اشايف روحك

--وحك علي اذا عليتي صوتج اسفطج بدفره انعل ابو اهلج غزززل صوتج لاانعل والديج

--لويش تغلط مااسمحلك يلا نزلني خلي مؤتمن يجي

--من انعل ابوج لابو مؤتمن لابو الجابني وخلاني يمكم جان يحجي وفجأه بطل انتبه للشي من الجوانب كال غزززل دنكي ابسرعه

--شنو

--ولج دخلي جوه الكشن كالها وعوج السياره اجت تنكلب بينه

احنه نطلع من مكان زراعي اقرب ووقت ضهر الشارع تقريبا ضهاري ماكو احد اشوف مصطفى انسبه كال غزززل ابسرعه اتصلي بمؤتمن

--شكو مصطفى فدوه منو ذوله

---ولج اتصلييييي

اتصلت وارجف من الخوف اكو سيارتين جانن امحاوطاتنه رادنه نوكف يداحجن بسيارتنه بس مصطفى جان سريع يزابك ابينهم ويباوع للجامات الخلفيه

دايس حيل اتصلت ابمؤتمن رد بس يمكن صوته جان نايم رد ها غزل وصلج مصطفى

بجيت من الخوف كوه طلعت من الكلمه حيكتلونه مؤتمن الحكنه

صاح شكوووو ولج وين انتم

فتحت اسبيكر رد مصطفى بصوت عالي مؤتمن

مرتك الحكها يخوييييي---

ومانسمع غير صوت الطلق ورانا -----

الرابع والثلاثون من هنا

تعديل المقال