رواية عود ثقاب الفصل الحادي والثلاثون 31 بقلم ندا سليمان
وقفنا الحلقه إللي فاتت عند أما
مريم وداليا قاموا يتمشوا سوا ويوقفوا تاكسي وهم ماشيين سمعوا حد نده : داليا
التفتت داليا ولقت اتنين راكبين موتوسيكل واحد منهم ماسك ازازه رش منها في وشها فصرخت بألم
وصرخت مريم : دالياااا
_ المره دي مايه سخنه هتحرق وشك شويه لكن المره الجايه إنتي عارفه هيترش فى وشك ايه اعقلي واسمعي كلام الكبار أحسنلك
قال جملته وهرب الموتوسيكل بسرعه
مريم : داليا أرجوكي طيب ردي عليا إنتي كويسه ؟؟؟؟!!!
قعدت داليا في أقرب مكان مش قادره تقف على رجلها من هول الموقف ، كل حاجه حصلت في لحظه جسمها كله بيرتجف و مريم ضامه إيديها وبتحاول تهديها
داليا : مريم وقفي تاكسي لازم نروح لطارق
مريم : طيب تعالى نروح أي صيدليه الأول وشك بدأ يحمر
داليا : ماتقلقيش أنا كويسه يلا نمشي من هنا
وقّفت تاكسي وراحوا عند طارق حكتله مريم على كل إللي حصل لإن داليا ماكنتش قادره تتكلم لسه بترتجف من الخوف
بصلها طارق بعيون لامعه وحاسس بخوف مش طبيعي عليها Sad(
داليا : طارق أنا تعبت أنا كنت فاكره إنها مية نار الفكره دي لوحدها لما خطرت على بالي كنت هتجنن
مريم : حضرتك داليا كده حياتها في خطر أنا سمعته هددها وتهديده واضح منه إن المره الجايه هيرش في وشها مية نار
طارق : طيب ماقدرتيش تسجلي رقم اللوحه أو تقولي أوصاف أي واحد منهم يا بشمهندسه ؟
مريم : دي أول حاجه عملتها بصيت ع اللوحه بس ماكنش فيه أي ارقام !!!وصراحه مالحقتش ألمح شكلهم الموضوع كله حصل فجأه وفي لحظه Sad(
وبص لداليا : وإنتي يا داليا مش فاكره شكل أي واحد ؟؟!
داليا : مالحقتش اشوف من الأساس أول ما إلتفتت للي بينده الميه اترشت فحطيت ايدي على وشي وماشفتش اي حاجه
زفر طارق بضيق : عموما ماتقلقيش يا داليا ده آخره مش هيقدر يأذيكي آخره يهددك ويشن عليكي حرب أعصاب ظنا منه إنك ضعيفه وممكن تستسلمي وتتنازلي عن القضيه ولكن زياده في الإحتياط أنا هعين حراسه ليكي
داليا : ﻷ يا طارق أنا مش عاوزه أي حراسه مش عوزاه يحس إني خايفه منه بل بالعكس ألعايبه دي هتزيد من إصراري ، خلاص ماتشغلش بالك أنا هبقى كويسه ان شاء الله :'))
بصت لمريم : يلا يا مريم نمشي عشان ما تتعطليش أكتر من كده ، بعد إذنك
طارق : خدي بالك من نفسك Smile)
~
~
~
مريم ودعت داليا وراحت ع البيت وهي مزهوله مش مصدقه ان فيه جبروت بالشكل ده !!!
كل مدى بتتأكد انها لما قررت تكون في صف داليا ومع الحق فكرت صح..
~
~
~
وصلت داليا البيت ، دخلت اوضتها ولسه فيه رعشه خفيفه في أطرافها ، كل ماتفتكر احساسها لحظة ما المية اترشت في وشها يرتجف جسمها
رن الموبايل وكان رقم غريب احساسها قالها انه عزيز البنا فتحت الخط وسكتت واحساسها كان في محله كلمها من رقم غير إللي فات
عزيز : فوقتي من الخضه ولا لسه هههههههههه ؟! دي كانت مجرد قرصة ودن صغيره بس لو لسه مش ناويه تعقلي يبقي ودعي ملامح وشك بنظره اخيره في المرايا لإن في ايدي دلوقتي ازازة مية نار جعانه وعاوزه اغذيها على جمال وشك ههههههههههه
داليا : تصدق طلعت بتعرف تقول نكت ! إوعى يا شاطر تكون فاكر الحركات الهبله دي هتخليني أضعف بل بالعكس دي زادت من إصراري ومستحيل هتنازل عن حقي معلش بقى مضطره اقفل لإن ودني مابتحبش تسمع أصوات مقرفه مثيره للإشمئزاز !
قفلت السكه في وشه وبدون تردد طلبت رقمها وأول ما جالها الرد قالت بحسم : أنا مستعده أطلع في البرنامج يا شيماء
شيماء بفرح : داليا إنتي بتتكلمي بجد ؟؟؟!!!
داليا : أيوه بتكلم بجد مستعده جدا
.
.
.
قفلت شيماء مع داليا وبشرت مديرها وفرحتها بقت فرحتين لما عرفت إن هي إللي هتحاور داليا وهيظهروا شخصية أمل الحقيقية ، قفلت معاه والفرحه مش سيعاها كلها 4 ايام بالضبط وحلمها هيتحقق وهيظهر اسمها الحقيقي مش كده وبس هتقدم كمان برنامج حاسه انها بتحلم ، جريت بشرت أمها وأبوها وبدأت على طول تجهز الحوار وتستعد......
•••••••●••••••••●••••••••••●•••••••••●••••••••●••••••
نهال أول ما وصلت من السفر كلمت داليا
داليا : حمدلله ع السلامه يا حبيبتي
نهال: الله يسلمك يا دولي وحشتيني أوووي وعاوزه أشوفك
داليا : تمام أنا لسه كنت بلبس حجابي عشان رايحه لماما في المستشفى هتطمن عليهم هناك وأكلمك نتقابل إن شاء الله تمام ؟
نهال : تمام إتفقنا
.
.
.
قفلت مع نهال وكملت لبس حجابها أخدت شنطتها ونزلت وقفت تاكسي وراحت ع المستشفى اتطمنت على أمها وسألت الدكتور عن حالة أبوها ومازال على حاله في غيبوبه :"(
فضلت تتحايل على أمها تروح لإن الإرهاق واضح في ملامحها لكنها رافضه تماما ومش عاوزه ترجع البيت من غير زوجها
قعدت معاها لحد ما جالها اتصال من نهال واتفقوا ع المكان إللي هيتقابلوا فيه
مشيت من المستشفى ووقفت تاكسي وهي ملاحظه حاجه غريبه بس طنشتها وقالت بيتهيألها !
أول ما لمحت نهال جريت وضمتها: شوفتي لما غيبتي عني حصلتلي البلاوي دي كلها إزاي ماتغيبيش تاني لو سمحتي
نهال: وحشاااااني سامحيني غصب عني والله كنت مضطره اروح مع ماما تزور صحبتها لإني بخاف عليها تسافر لوحدها المهم اقعدي يلا وطمنيني عليكي
داليا : فيه حاجتين جداد حصلوا لأ هم 3
نهال: إيه إللي حصل !!!!
حكتلها داليا على مقابلتها مع مريم والتهديد اللي حصل واتصال عزيز واخيرا قرارها بالظهور في البرنامج
نهال : انا مش مصدقه
معقوله فيه ناس ببشاعة الزفت عزيز ده !!ولا مريم انا مش قولتلك من آخر تصرف ان ليها علاقه بحد من المتهمين ؟!
داليا : اها بس انا مش هاخدها بذنب أخوها مريم انسانه كويسه جدا وانا مصدقاها ان ماكنتش تعرف ولا ليها اي علاقه بالموضوع
نهال : تمام وموضوع البرنامج ده متأكده إنك مقتنعه تظهري ولا كان قرار في لحظة غضب من كلام عزيز ؟؟!
داليا : هو كان في لحظة غضب أه بس شايفه انه صح حتى لما فكرت بيني وبين نفسي خلاص يا نهال مابقتش فيه حاجه في حياتي اخاف عليها هجيب حقي لو فيها نهايتي :'))
ربتت على ايديها وابتسمتلها ابتسامه عذبه فبادرتها داليا بإبتسامه اعذب منها :'))
فضلوا يحكوا شويه وبعدين داليا ودعت نهال ، ركبت تاكسي وروحت حكت لأحمد عن قرارها وهو قالها إن أي حاجه هتريحها هو موافق عليها طبعت قبله على جبينه وكعادة كل يوم فضلت سهرانه بتذاكر معاه....
~
~
~
تاني يوم كانت اعلانات البرنامج بدأت تعلن عن مدي أهمية الحلقه الجايه وبدأ توتر داليا يزيد Sad( ...
توفيق بمجرد ما شاف الإعلان كلم عزيز ورغم انه ماكنش متوقع داليا تظهر في أي برامج لكن طمن توفيق ان مش مهم أي برامج أو مقالات المهم الجلسه الجايه
أم جاسر : أنا خايفه أوي يا توفيق
توفيق : مش هكدب وأقولك إني متطمن انا كمان قلقان خصوصا ان قضية ابنك بقت حديث كل الناس بس مش عارف مضطر اثق في عزيز وافضل مصدقه لحد ما نشوف النهايه هتكون ايه !!
قطعت حديثهم مايا
مايا : هاي يا مامي ، هاي يا بابي
أمها : رايحه فين ؟؟!
مايا : خارجه مع صحابي شويه
أمها : ده وقته يا مايا ؟!
مايا : أمال وقته امته يا مامي انا بقالي كتير ماخرجتش من البيت وكمان عاوزه اعرف ايه اللي فاتني في المحاضرات
توفيق : خلاص سيبيها فيه ايه !!،،، اوك يا حبيبتي روحي بس خدي بالك من نفسك
طبعت قبله على خد ابوها : ميرسي أوووي يا بابي
ركبت عربيتها ومشيت ، جالها اتصال
مايا : أيوه يا هايدي متأكده انه لسه موجود ؟؟!!
هايدي : أيوووه بس بليز تعالي بسرعه ده أنا ما صدقت عرفت انه رجع من السفر وظهر فكلمتك
مايا : ميرسي يا حبيبتي ربع ساعه وهكون عندك باي
سايقه والشرر بيتطاير من عنيها لحد ما وصلت لقته قاعد وسط الشله فندهتله
مايا : أخيرا ظهرت يا حسام !
حسام : هاي يا مايا انتي كويسه ؟!
مايا : مش كويسه خالص !! حسام انا حامل
حسام : ما انتي بعتيلي مع هايدي قبل كده ووصلها ردي
مايا : مفهمتش ردك فحبيت انت تفهمني بنفسك
حسام : ردي واضح انا معنديش استعداد دلوقتي اتحمل مسئولية جواز وكلام فاضي زي ده لذلك مفيش حل غير انك تعملي اجهاض اظن انتي كمان مش مستعده لأمومه وأي مسئوليه
وانا خلاص قطعت الورقتين بتوع الجواز العرفي وممكن كمان نفس الدكتور يرجعك زي ماكنتي وانا هتكفل بكل المصاريف والدكتور اللي بيعمل عمليات من النوع ده واحد صاحبي يعرفه هبقى اجيب العنوان بالضبط وابعتهولك في رساله مفيش داعي تتعبي نفسك وتيجي هنا تاني
واقفه مصدومه ومش قادره تنطق
ادالها ضهره ولسه هيمشي سألت : طاب وأنا وحبنا !!!
حسام : حب هههههههههه ! احنا هنضحك على بعض يا مايا بلاش كلام الروايات ده من الاول وانا وانتي عارفين ان علاقتنا ماكنتش حب فيه اي اضافه تانيه عاوزه تقوليها ولا امشي ؟؟؟! الشله واحشاني جدا ومش عاوز اضيع وقتي
قربت ورفعت ايديها استعدادا لصفعه لكنه مسك ايديها : لأ انا كده هزعل اعقلي احسنلك وماتنسيش نفسك ويلا يا شاطره خدي صحبتك وامشوا من هنا >•<
مشي وسابها واقفه مكسوره ومش عارفه تتصرف قربت منها صاحبتها فإترمت في حضنها وبكت بحرقه
خدتها ومشيوا من المكان ، ساقت بيها لمكان هادي
هايدي : مايا كفايه يا حبيبتي عشان خاطري Sad(
مايا : الحقير القذر بكل بجاحه بيقولي علاقتنا ماكنتش حب انا من الاول اللي استاهل عشان صدقت حقير زي ده ورخصت نغسي انا بكرهه
هايدي : وناويه تعملي ايه ؟! هتعملي العمليه ؟
مايا : مفيش حل غير كده
فضلت مع صاحبتها لحد ما هديت وروحت تهرب من مصيبتها بالنوم .....
•••••••●••••••••●••••••••••●•••••••••●••••••••●••••••
طارق شايف إن الخطوه إللي داليا أخدتها للظهور في البرنامج سليمه وهتوصل صوتها أكتر لكن خايف عليها ،،، زاد جواه إحساس إن داليا مسئوله منه ولازم يحميها ، نفسه توصل لبر الأمان ويزول كل خطر بيهدد حياتها
افتكر لما كانت عندهم في البيت واحساس السعاده اللي ملا قلبه لمجرد وجودها قريبه منه
مش عارف حقيقة مشاعره إيه حساس بلخبطه ومشاعر جديده عليه مش قادر يحددها لكن اللي واثق منه ان بيرتاح لمجرد سماع إسم داليا ) ........
~
~
~
مريم زي ما وعدت داليا رجعت تذاكر وتسترد حلمها من تاني وتستعد لإمتحاناتها، بدأت تخرج من البيت ورجعت للجمعيه من تاني ، قابلت صحابها وبدأت تجهز معاهم اللافتات والشعارات اللي هيرفعوها يوم جلسة داليا ،بس رغم انها خرجت من عزلتها الا انها مازالت بتتجنب عمرو وخايفه من المواجهه...
~
~
~
داليا في المستشفى مع أمها حكتلها على موضوع البرنامج اللي هتظهر فيه وأمها ما عارضتش أي حاجه ممكن تساعدها تجيب حقها وهم بيتكلموا لمحت شخص واقف بعيد وأول ماشافت وشه اتوترت و إتأكدت من شكوكها في إن الشخص ده بيراقبها بقاله يومين ماشي وراها في كل حته وكانت بتفتكرها مجرد صدفه !
حست بالخطر وإن ممكن عزيز البنا يأذيها خصوصا بعد اعلانات البرنامج
ودعت أمها ومشيت بحذر ولاحظت انه لسه ماشي وراها ركبت تاكسي واول ما وصلت منطقتهم اتلفتت حوليها ولقته نازل من تاكسي وراها زاد توترها وخوفها بس قررت تتغلب على خوفها وتعلمه درس اتصرفت بشكل طبيعي ، دخلت الصيدليه واشترت علبة بيروسول شالتها في شنطتها ومشيت في اتجاه غير بيتهم لفت في شوارع كتيره و هو لسه وراها سرعت خطوتها ودخلت في شارع فاضي طلعت البيروسول بسرعه واستعدت أول ما دخل الشارع وراها ضغطت على مكان الرش بقوه وهو اتفاجئ وصرخ بألم
داليا : انت مين وعاوز مني ايييه ؟؟
وهو بيتألم ومش قادر يرد عليها ما ادتلهوش فرصه حتى يتألم ورشت تاني في وشه فوقع ع الأرض لمحت حديده على جنب اتناولتها ورفعتها
داليا : أنا واحده معندهاش حاجه تخسرها والله لو ما قلت عاوز مني ايه دلوقتي حالاً لأكسر دماغك بالحديده دي انطق مين اللي باعتك الكلب عزيز البنا مش كده
رفع ايديه وهو بيكح ويتنفس بصعوبه بيحاول ياخد نفسه عشان يقدر ينطق ويرد عليها : مش هأذيكي مش هأذيكييي
داليا : مين اللي باعتك ؟؟؟
_طارق طارق والله هو إللي قالي أمشي وراكي وأحميكي لو حصلت أي حاجه
اتسعت عنيها بدهشه رمت الحديده وطلعت ازازة مايه ومناديل من شنطتها
داليا : انا اسفه اوي والله ما كنت اعرف وطارق ما قاليش اتفضل اغسل وشك واشرب اسفه جداااا
اتناول الإزازه غسل وشه وشرب واول ما فاق على طول مشي وسابها واقفه مزهوله
رجعت البيت وكلمت طارق رد عليها وهو بيضحك
طارق : إيه الشراسه دي الله يسامحك الراجل جاي يقولي حاطط حراسه عليها على ايه دي قادره وكانت هتقتلني ههههههههه
داليا : انا اعتذرتله وبعدين يا طارق انت مش متخيل انا كنت مرعوبه ازاي كنت قولتلي انك هتعمل كده
طارق : قولتلك ومارضيتيش
داليا : اه وبما اني مارضيتش يبقى من ورايا بقى وامشي انا اترعب وافتكر عزيز باعته واعيش جو الافلام ده
طارق : انا اسف اني خوفتك ماكنتش اقصد بس كنت خايف عليكي ومش متطمن ولا عارف عزيز ممكن يفكر ازاي او يعملك ايه بعد ما تم الإعلان عن ظهورك في برنامج الحقيقه الحلقه الجايه
اتنهدت داليا : خليها على الله ان شاء الله خير :'))
طارق : يا رب
داليا : طيب بعد اذنك بقى شيل أي حراسه من عليا عشان ما افضلش عايشه في قلق وخوف بس اكيد المره دي يا طارق لو سمحت
طارق : خلاص إللي تشوفيه بس
قاطعته : ماتقلقش ربنا معايا ثم انا رايحه بكره ان شاء الله استقبل خالو ناصر في المطار وهو هيكون معايا طول الوقت ان شاء الله ومفيش حد هيأذيني
طارق : خلاص زي ما تحبي بستأذنك مضطر اقفل عشان عندي شغل
داليا : اتفضل وبجد متشكره جدا
طارق : ده واجبي يا داليا ماتشكرينيش Smile) ، مع السلامه
داليا : مع السلامه
•••••••●••••••••●••••••••••●•••••••••●••••••••●••••••
ممده ع السرير حاطه إيديها على بطنها وباصه للسقف سمعت صوت رساله فإتناولت الموبايل بسرعه ولقتها من حسام كاتب فيها عنوان الدكتور غمضت عنيها وانسابت دموعها مر قصادها شريط ذكرياتهم سوا وكل لحظه كانت فاكره انها حب !
استسلمت لمشاعر كدابه واهه بتدفع التمن لوحدها
طلبت رقم هايدي وقالتلها ع الكدبه إللي هتقولها لأهلها عشان تقدر تسيب البيت لحد ماتعمل العمليه في أسرع وقت ممكن من غير ماحد يحس بحاجه
~
~
~
داليا راحت إستقبلت خالها في المطار والفرحه مش سيعاها وفرحت أكتر لما شافت لارا أول ما رجعوا البيت ناصر سلم علي أحمد ، حطوا شنطهم وراح هو وداليا المستشفى لأخته
وقدر يعمل إللي داليا حاولت كتيير وماقدرتش تعمله قدر يخلي أمها توافق تروح ترتاح وتبقى ترجع تاني لأبوها إن شاء الله
اتعشوا وقعدوا كلهم سوا
ناصر لأحمد : إيه إللي مقعدك معانا يا ولا يلا اسرح على جوه يا حضرتك الدكتور المحترم
أحمد : نصايه طاب يا خال
ناصر : ولا خمسايه حتي اصلاً النصايه بتاعتك خلصت في العشا كفايه عليك كده قوووم
أحمد : طاب مش همشي إلا اما تجوزني البت دي هههههههه
ناصر : موافق خلص الثانويه العامه وخدها ربيها يا سيدي ههههههه
علت ضحكاتهم بصتله داليا بحزم : أحمد مش عاوزين دلع قوم يلااا
نفدت كل حيل أحمد في الهروب من المذاكره فإضطر يقوم
خديجه وهي حاضنه لارا : البت دي من ساعة ما شفتها مش عاوزه اشيلها من حضني رغم انها شبه المزغوده أمها بس فيها منك أوي
ناصر : الدم بيحن يا ست الكل
خديجه : بس هي هتفضل ترطن كده كتير ولا فهمالها كلمه
!!!ناصر : ههههه لا ماتقلقيش دي بقى مهمة الانسه داليا تشوفلنا مدرسة لغه عربيه كويسه تدرب لارا على الاقل خلال الفتره اللي قاعدين فيها هنا
داليا : حاضر يا خالو هكلم صاحبتي إن شاء الله وأشوفلك مدرسه كويسه تقدر تتعامل معاها
خديجه : طاب ما داليا تعلمها بدل ماتجيبوا مدرسه !
ناصر : داليا الفتره الجايه إن شاء الله هتكون مشغوله بالقضيه أنا عاوز واحده تكون متفرغه لـ لارا حتي لو لمدة شهر بس وباقي المسئوليه هسيبها لداليا بقى
داليا : من عنيا يا حبيبي
ناصر : تسلملي عنيكي يا رب
بقولك إيه تعالي نسيب الحلوين دول مع بعض ونرغي شويهقعدوا في البلكونه وهو بيسمع فضفضة داليا وإللي ناويه تقوله في البرنامج إن شاء الله .....
~
~
~
~
خبطت ودخلت أوضة المكتب
مايا : ممكن ادخل ؟؟
توفيق : أهلا أهلا بحبيبة قلب بابي تعالي
مايا : بابي كنت عاوزه أطلب منك حاجه وبليز ماتقوليش لأ
توفيق : امممم ما دمتي بدأتي بالمقدمه دي يبقى شكلها حاجه صعب تتنفذ
مايا : لا لا خالص بص يا بابي هايدي صحبتي مامتها وباباها مسافرين فأنا كنت عاوزه اروح اقعد معاها يومين لحد ما يرجعوا يعني عشان محتاجين نذاكر سوا الامتحانات قربت
توفيق : طيب ماتخليها تيجي تقعد معاكي هنا افضل
مايا : لا يا بابي ما هو أنا كمان عاوزه أبعد عن البيت شويه وأغير جو
توفيق : خلاص أوك يا حبيبتي بس خدي بالك من نفسك
مايا : حبيبي يا بابي ميرسي أوووووي
طبعت قبله على خده وطلعت تقول لأمها لقتها قاعده بتبكي في أوضة جاسر مطت شفايفها بملل قفلت الباب وخد شنطتها ومشيت
كانت صحبتها جاهزه وفي انتظارها ، اتفقوا هتعمل العمليه وتقعد في شقه من شقق ابو صحبتها لحد ما تتعافى وترجع بيتها ركبوا العربيه
هايدي : ايه العنوان الغريب ده يا مايا !!!
شاورت مايا في الورقه : بصي العنوان سهل لحد هنا ولما نوصل هناك هنسأل ونعرف المكان بالضبط
هايدي : أوك
~
~
~
اتصلت داليا بصحبتها ورشحتلها مدرسه كويسه وملتها عنوانها وعلى طول راحت هي وخالها وصلوا المنطقه اللي فيها العنوان وداليا لاحظت انه شارد طول الوقت
داليا : فيه ايه يا خالو مالك ؟
ابتسم : أصلك رجعتيني للذي مضي وذكريات الطفوله ، كان معظم أصحابي هنا فكنت على طول باجي المنطقه دي وكنا بنعمل دورات الكوره في نفس المكان ده يااااااه والله كانت أيام حلوه
داليا : إللي يسمعك بتتكلم كده يقول عندك 100 سنه
ناصر : كل مرحله من حياة الانسان باللي بيشوفه فيها وبتجاربها عمر لوحده
لمعت عيون داليا : عندك حق تجربتي خلتني احس اني فعلا عمري زاد اضعاف :'))
حب يغير الموضوع : يعني المدرسه دي موثوق فيها وهتعرف تتعامل مع لارا ؟؟؟!!
داليا : انا بثق في رأي صحبتي ومادامت قالت مدرسه ممتازه يبقى فعلا ممتازه ماتقلقش ،، اهه وصلنا يلا
عماره قديمه وقف عندها والدموع لمعت في عنيه :"))
داليا : خالو ،،،يا خالو فيه ايه واقف مكانك ليه !!
ناصر : هه بتقولي حاجه يا داليا ؟؟!!
داليا : انت بجد مش طبيعي خالص من ساعة ما وصلنا هنا فيه ايه ؟!
ناصر : ولا حاجه يلا نطلع
وهم طالعين ع السلم لمس بإيديه الدرابزين والحيطان وهو حاسس بالحنين لكل ركن في المكان ده :'))
ناصر : داليا إنتي قولتيلي المدرسه اسمها ايه ؟!
داليا : #شيرين
أول ما سمع الإسم وقف مكانه ودقات قلبه بتتصارع طلع ع السلم بهدوء ولسه شارد في ملامح المكان
وقفت داليا عند الشقه وماسكه لارا في ايديها رنت جرس الباب دقيقتين واتفتح وظهرت من ورا الباب ، ناصر واقف ع السلم ورا داليا أول ما لمحها سرت قشعريره في جسمه، اترسمت ابتسامه صافيه على شفايفه واتملت عينيه بالدموع
حاسس بحنين جارف اليها لسه زي ما هي وكل تفصيله في ملامحها كانت وحشاه نفسه في اللحظه دي يضمها ويبكي في حضنها
واقفه داليا بتكلمها وأول ما ردت وسمع صوتها حس انه بيحلم نفسه تفضل تتكلم عشان صوتها يدفي قلبه في عز برد الوجع والغربه إللي عاش فيهم
شرد في صوتها غمض عينيه والماضي كله بيتكرر قصاده :'))
خرج من شروده على صوت داليا وهي بتعرفها بأبو لارا
مسح دموعه ومترقب ردة فعلها لما تشوفه وفجأه ظهر صوت طفولي خرج من جوه الشقه
_ماما عاوزه ساندوتش
أول ما سمع كلمة ماما اهتز قلبه لف ضهره ونزل على تحت حتى من غير ما يلتفت لنداء داليا !
اعتذرت منها داليا وخلصت الاتفاق معاها ونزلت تحصله
داليا : خالو فيه ايه ؟!!
ناصر : ولا حاجه يلا نمشي عشان ما نتأخرش
داليا : لا انت ماكنتش طبيعي وبعدين أحرجتني مع مس شيرين كنت لسه هعرفك عليها
ناصر : مش مهم المهم انك اتفقتي معاها مش كده ؟
داليا : اه خلاص بس مارضيتش تتكلم في الفلوس قالت انا مش مهم عندي الماديات اخر حاجه بفكر فيها شكلها كده بيقول ممتازه فعلا
ابتسم ناصر بألم وبسرعه التقط بأنامله دمعه كانت هتنزل وتفضحه :'))
دالبا فضلت تلح عليه يقولها سر تغيره فجأه بس هو كان ساكت طول الوقت وبيرد بإجابات مختصره ، أول ما وصلوا البيت خديجه لاحظت انه مش طبيعي وسألته وكإنه ما صدق تسأله
ناصر : عاوز انام في حضنك انهارده محتاج اتكلم معاكي شويه ؟
خديجه : تعالى يا حبيبي
اول ما دخلوا الاوضه اترمي في حضنها وبكى بحرقه
خديجه بخوف : فيه إيه يا ناصر جرالك ايه يا نور عيني
فضل يبكي ومش قادر يرد وهي بتربت على كتفه وضماه في حضنها لحد ما هدي وبدأ يتكلم
ناصر : شفتها يا خديجه بعد فراق السنين دي كلها
اتسعت عينيها : شيرين
ناصر : ايوه هي المدرسه بتاعة لارا ، لسه زي ما هي صوتها وملامحها وطريقتها في الكلام حتي بيتهم زي ما هو كإني لسه سايبها امبارح :"))
لمعت عيونها وحست بالأسى :'((
كمل ناصر : أول لقاء بعد الفراق صعب أوي
كنت حاسس اني عاوز اضمها في حضني وداليا كانت على وشك تعرفنا ببعض كان نفسي اشوف ردة فعلها لما تشوفني بس فجأه فوقت من الاحلام على صوت بنتها ياااااااااه ده انا كنت ما صدقت اتناسى الوجع يا خديجه بنظره واحده رجعت لنقطة الصفر خديجه والدموع سايله من عنيها : سلامتك يا نور عيني
الله كريم يا ناصر واكيد له حكمه في كل حاجه حصلت في حياتكناصر : وهو بيمسح دموعه : ونعم بالله ، معلش دوشتك بس انتي عارفه انك اقرب واحده ليا والوحيده اللي تعرف اد ايه عانيت في الموضوع ده ، الحمدلله على كل حال :"))
طبعت قبله على جبينه وضمته في حضنها : ما تقولش كده يا حبيبي ربنا ما يوريني وجع فيك أبداً
ناصر : حضنك واحشني اوي يا أما :"))
ضماه وبتقراله قرآن لحد ما راح في النوم وهي بتتأمله وكإن قلبها كان ناقص وجع بزياده فضلت تردد يا رب ما توجع قلبي على احبابي وريح قلوبهم كلهم عشان ارتاح
•••••••●••••••••●••••••••••●•••••••••●••••••••●••••••
أخيرا وبعد معاناه مايا وهايدي وصلوا للعنوان دخلوا عماره قديمه جدا وهم خايفيين وصلوا للشقه وضربوا الجرس بتردد فتحتلهم واحده في العقد الخامس ، دخلتهم وصفولها الحاله وخلصوا معاها اجراءات الدفع ، دخلت في اوضة وسابتهم بره ماسكيين ايد بعض وبيتأملوا المكان المريب اللي هم فيه ، مايا بدأت إيديها ترتعش بخوف ودموعها سايله على الحاله اللي وصّلتها لإنها تيجي مكان زي ده
وأول ما الست قالتلها تدخل الاوضه جسمها كله بدأ يرتجف وكانت عاوزه هايدي تدخل معاها بس الست رفضت وقالت لازم تدخل لوحدها سندتها عشان ماكنتش قادره تمشي على رجلها
أول ما دخلت وشافت منظر الاوضه والدكتور زاد الخوف جواها اكتر وبقت في حالة خوف هستيريه وجسمها بينتفض قرب منها الدكتور وحاول يطمنها وفهمها ان العمليه مش هتاخد اي وقت وانتظر لحد ما هديت من حالتها ، غيرتلها الممرضه ونيمتها ، ادتلها المخدر ثواني وغابت عن الوعي
.
.
.
هايدي قاعده بره منتظراها بخوف مرت ساعه كلها رعب وتوتر وفجأه سمعت اصوات وحالة هرج خرج واحد بسرعه من الاوضه واضح انه الدكتور وواضح كمان انه كان مستعجل مشي وطلعت وراه الممرضه فسألتها : العمليه خلصت ؟؟؟!!
الممرضه بتوتر : اه يعني صحبتك شويه وتفوق بصي انا هغيرلها وخديها تفوق معاكي في البيت احسن
لاحظت هايدي توتر الممرضه وحست ان فيه حاجه مش طبيعيه جريت ع الاوضه اللي دخلت فيها مايا وشهقت بفزع
مايه في السرير غايبه عن الوعي وغرقانه في دمها صرخت في وش الست : انتوا عملتوا فيها ايه يا مجرميييين والزفت الدكتور ده راح فيييين_اتكلمي بالراحه يا انسه مش ذنبنا وهو كان حد ضربكم على ايديكم
هايدي : والله لاوديكم في ستين داهيه
بسرعه اتصلت بالإسعاف اخدوا مايا ع المستشفى وهايدي حصلتهم بعربيتها
~
~
~
توفيق قاعد في مكتبه مع عزيز بيسمع خطته الجايه في القضيه جاله اتصال رد وفجأه قام مفزوع .....
