رواية كفي والمنجمة الفصل الحادي والثلاثون 31 بقلم الكاتبة Leo alfatlawi

رواية كفي والمنجمة الفصل الحادي والثلاثون 31 بقلم الكاتبة Leo alfatlawi

كفي والمنجمه

للكاتبه leo Alfatlawi

بارت الحادي والثلاثون

دخلنه لكينه هيفاء تبجي رحنه يمها استغربنه وكفتهه كالتلهه سماح عليش خيه شمالج تبجين

الشيخ طلب من مؤتمن يعقد على دعاء كالتها وباوعتلي ردت كالت ابروح ابوج اهدي والله موابكيفه حرجه بهيج طلب والله مارايدها سوده عليه هذا اخيي مامكتوبتله الراحه

--انتي شنو دتحجين اكيد تشاقين

--والله يغزل حتى هو اتفاجئ من الطلب وروح عمي مامحسب هيج احساب لاخربين علاقتكم على بس عقد ماعونه تنجمعون والله يهديج والله استونه كمنه انشوف الفرحه بعيونه دخيلج اهدئي واحجي وياه بالاول وتفاهمو لاتتعاركين وياه من جديد

احس كلمتها دخلت سجينه بنص كلبي شلت راسي باوعت المؤتمن جاي اتجاهنه ردته يجذب الصار

--شنو مؤتمن شنو السمعته

--غزل صوتج العالم اتباوع

--شتباوع اكيد دتتشاقه شنو راح تتزوج

--مااتزوج بس انطيني مجال خلي افهمج

--شتفهمني مؤتمن راح تعقدها شتفهمني يعني صدك راح تتزوج

احس كلبي راح يطلع من مكانه شاف صوتي عله سحبني على جهه وكفنه من الصدمه بعد مااكدر اوكف كعدت كنبص كدامي كال غزل بويه بس اهدي

--شهدء مؤتمن راح تتزوج وخالني كدام الامر الواقع واتكلي هدئي

--مااتزوج بس اعقد طالبها منه واحد شيخ جبير ومايكدر يرده طلبها مني طلب بس اعقدها بسمي فتره واطلكها

--جذاب انته واحد جذاب هم كم يوم واتجيبها اتكول هم غصبني وفشله مو مؤتمن بس ورحمه بابا مااراح اضل وياك لوتبقى اخر واحد بهالدنيا

--اتجاوزتي بس مقدر موقفج وراح اعديها والعالم اتباوعلينه صوتج كلتلج بس عقد لاتخبليني ماراح اخذها وذاك الوكت اذا عملتها الج حق اتركيني

--ماراح اتخليني هم راح تجبرني اعيش وياك اعرفك كلتها وبجيت لان اعرفه شنو

--غزل وداعت امي وراس جدي مره ماراح اتصيرلي اني لواريد اتزوجها اجيبج وياي لهنا شنو تسودنت بس طلبني وماكدرت ارده اتعرفين اشكد وكفاته وياي ومايثق بغيري ورح عمي اذا سويتها وتزوجتها تركيني وكتها ماراح اعترض ولاامنعج بس كافي لاتبجين احس ادموعج تذبحني غزل وحك هذا الضريح ماكو بكلبي غيرج ولا راح يجي مكانج احد

--راح تتزوج

--مااتزوج كافييي لاتبجين لاتخليني اكوم اسب الشيخ وانعل اصله كافي بويه راح اتموتين

--لاتعقدها عوفها خلي اتولي مؤتمن والله اموت مااكدر اشوف وياها كلبي ديوجعني حتى لو عقد مااريدك تعقدها عوفها راح يلزكوها ابراسك فدوه مؤتمن اذا صدك اتحبني عوفها

مارد مسح ادموعي واتحسر اباوعله اريده يكول ماراح اعقد امتانيه للكلمه تطلع منه احس كلبي راح يطلع واني اباوعله بتوسل كال بس اعقدها وعد

--لامؤتمن والله حتموتني لاتسويها

--غزل بويه فهميني لاتطلعيني بسواد الوجه ويا اول مره يطلب مني هيج طلب گضه عمره واكفلي اول مره يطلب اوكفله لاتفشليني وحك علي مااحبن ولااشوف مره ابعيني غيرج

كالها وكام راح لوكاتلني ولاكايل هيح يعني راح يتزوج احس روحي اختنكت حتى النفس انكطع اجه مصطفى كعد يمي كال اشبيج خويه ترا بس عقد عليش كاتله روحج

--ولك راح يتزوج وكلكم تدرون لويش مصطفى ماكلتلي

--والله سواها مفاجأه ابن الكلب حتى خله مؤتمن واكف متصنم متيه حلكه ميعرف يرد

--لعد لويش ماطلب منك

--ميثق بيه ويعرفني ارده وافشله اصلا يسميني عار العشيره اشلون تردين ينطي بته لواحد مثلي

--جذاب متفقين من زمان

--اني واكف من طلب الشيخ من مؤتمن ماصار نص ساعه هذا الحجي

غزل تره مؤتمن اكثر منج متااثر بس ميكدر يرد الشيخ خلاه بموقف محرج ولو اعرف عنده نيه ياخذها مااخليج دقيقه ويا هسه اردج لبيت امج بس مؤتمن والله يحبج مستكفي بيج مايشوف غيرج وهذا الشي متاكد منه لاتخلين خبالج وغيرتج اطيره منج تره راسمات عليه بعيدن ذني الحيايه لاتنطيهن مجال كومي خويه اوكفي ويا وخلي يعقد بموافقتج خليج قويه وسيطري على الوضع لخاطر اول متكليله يطلك يطلكها بدون اعتراض

--ماراح يوافق ويجيبها غصبا عني

-- اذا عملها الج حق كلشي اتسوين وتلكيني ابضهرج وحگ علي احرك اليوكف طريقج بس ادري بمؤتمن انضلم هالمره وهسه متوقعين كلهم راح تتطلكين بعد هذا الخبر ويخلصون منج حتى عمتي ام مكرم ماخلوها تجي لخاطر لحد يوكف وياج وينبهج ناوين عالخراب لاتخليهم ينفذون الي براسهم تره مؤتمن ميستاهل اليصيرله صح مااطيقه بس لاهالمره اني اشوفه مضلوم وكمشو من ايده التوجعه ولج اول مره اشوفه هيج حايره ومحتار شنو يعمل واكف يتصفن

--يكدر يكله لا

--بويه اشبيج تره حتى الشيخ مانيته يزوج بته لمؤتمن يعرف بي يحبج وكاتل روحه وراج بس مطر غصبا عنه هيج سوه لان الطلب بته شيخ جبير وعمره ابكد جدها اذا رفضه راح اتصير مشكله وحك علي لواتشوفين من طلب منه هالشي وكله ماعندي غير الله وانته اتحل هالسالفه اشلون وجها انتي اتكليله تم من يمج

--ومؤتمن كيف ابسرعه وافق

--لاوالله وداعت الخوه البينه صار وجها اسود اول مره مؤتمن يطلب مني اوكف جانبه چااشكد انحصر بحيث اتنازل وخلا يطلب اوكفله كال محد يقنع غزل غيرك هاي خبله ماعدها مانع هسه تتطلك اتسويلي مصيبه واتخليني غصبا عني اطلكها ولج كسر خاطري من يكلي تكفه يخوي وحك علي اذا راحت مني اموت دبرني

--مصطفى والله راح يتزوج هم كم يوم وراح يكول طلب مني وعيب

--لا ادكلج صدر ماراح يعملها ولج على شوفتي اله هسه من كام منج وعيونه حمر هذا على كص ركبته ماراح يسويها بس والله اذا تبقين هيج راح يلفنها ابرسه ويقنعنه ويخلنج اتجيبها بيدج وانتي الممنونه

--لعد شنو اسوي مااعرف

--كومي غسلي وجهج وخليج يمنه كل خطوه يخطيها لاتنطيهم مجال يستفردون بي صيري مره حوك اوكفي بوجوهم ونعلي والديهم كومي ابروح ابوج ولج دشوفي كاعد جنه ارمله لاحوله ولاقوه محتار بزمانه ترا والله خطيه هم واكع بين نارين كل وحده تنعل ابو ابو اشتعلت صبوحه كومي يلا

اخذت بكلام مصطفى احسه برد كلبي صدك اشوف مؤتمن محتار اكثر مني عرفته واكع ابين نارين قررت اوكف ويا ومااخلي احد يخرب حياتنه ماعونت استقر ويا واعيش براحه اعرف مؤتمن ماراح يتركني اروح حتى لو اطلكت غصبا عنه جربته قبل ماراح اعيش براحه وراح يجيبنها وحتى يمكن يخلنه ينساني ماعندي حل غير اوكف ويا واخلي ميسوي شي اله برضاتي لحد مااخلص منها ماراح اخلي وحده ولاراح اخلي يشوف غيري اله اكرهن ابعيشتهن

واكفه بالحمامات اريد اعيوني اتبطل دمع ماكو اغسل وجهي ويرجعن يطيحن اكو وحده وكفه يمي اشويه اكبر مني كالت ليش تبجين عيني والله تدخل مني بس والله اخذتي كلبي

--راح يتزوج زوجي وهسه جايبها يعقدها

--عزا ابعينه يا هذا الجمال كله شيريد بعد

--لاهو يحبني بس غصبا عنه راح يعقد

--تره ماكو احد بهالوكت ينغصب

--احنه نختلف لان عرب وشيوخ تحكمهم هيج ضروف

--لعد خربيها مادام يحبج لاتنطيهم مجال ياخذون رجلج

--مااكدر موبكيفي جان سويتها بس ماطايح بيدي شي

--استغلي حبه وانتي عيني بارده عليج اتخبلين بس جن لهجتج تختلف اشويه

--مواني ماجنت عايشه بالعراق استوني اجيت لذالك اتشوفين لهجتي اشويه مخربطه

--حلو لعد استغليها اتفيدج دوم عوجي لسانج اتجنن اللغه ابحلكج ولج اني منج اخبله بشكلي ولهجتي واخلي ميشوف احد غيري لاتهتمين يحبيبيتي ماطول يحبح انتي مسيطره يلا غسلي وجهج وكعدي ارتاحي

--مااكدر اكعد امتانيني يردون يعقدون

--لعد غسلي وتعالي اعدلج اشويه خلي انكيدهم

ضحكتني هيه متعرفني بس اشكد حلو وكفت جانبي صدك لفتلي الجادر عدل وخذتني وره الحمامات طلعت من صدرها مكياج خلتلي خفيف مع العلم ممنوع اهنا المكياج بس مااعرف اشلون امدخلته اني مجان معتاز وجهي لان من البجي وحده صار احمر بس هيه اصرت عفتها صدك اختفى اثار البجي ورد لوجهي الحيويه علمتني اشلون ادلع واكيد مرته الجديده

سلمت عليها واتشكرت وطلعت اضحك على اسوالفها لكيت مصطفى واكف كال خره بشكلج ولج لبالي متي جوه وين صرتي اشو اتضحكين شمصخمه ولج

--كولشي ماكو هياتني كدامك مابيه غير العافيه

--هههههه خبله يلا تعالي خلي انفاجى صبوحه ينتضرون سقوطنا لايعلمون نتغذا على مصائبهم

رحنه لكيت مؤتمن على كعدته خال راسه بين ادي وصافن اول ماوصلنه شال راسه وباعلي اشوف بعيونه نضره خوف على توتر اعرف خايف اتركه قبل لايحجي اجت بيبي كلتله يلا يجده تره الشيخ صار ساعه ناطرك كوم لاتفاشلنه ويه الزلمه لاتنسه وكفاته وياك

مارد عليها جان امتانيني شنو اكول

--مؤتمن

--هلا بويه امريني

--اذا دخلت دعاء للبيت ارجع لماما

--وحگ هذا الامام الج كامل الحريه مااغصبج على شي اذا جبتها انتي تختارين ماراح اعترض

--يعني ارد لماما

--اذا دخلت رجعي لمج هسه شنو

هزيتله راسي اموافقه اخذ نفس وكام كمش ايده راح مصطفى اخذ بيبي وراحو لجهت العقد دنك مؤتمن عليه كال غزل مااريد اشوف ادموعوج واني انطيتج كلمه راح اكون كدها

رديت اي

بس غصبا عني نزلت دمعتي مسحها واتحسر والله لومكدام الناس جان حضنته وكلت هذا مالتي لحد يوصل يمه صوت جدي وهو يصيحله فضها كال خليج اهنا هسه اجي

--لااروح وياك

--ماراح تتحملين ادري بيج اتكلبها مناحه

--لعد اذا تدري هيج لويش تتزوج

--وحك علي مجبور واله انتي عندي اعز من روحي ماافكر ولاراح يحجي يوم اشوف مره بعيني غيرج ولج وحك الكاظم وضريحه اعشكج

--لعد يلا اخذني وياك للعقد ادري حيكون هيج ماراح اضوج بس مؤتمن وروح بابا اذا سويتها وجبتها للبيت ساعتها ماراح ابقى وياك دقيقه لواعرف بيها موتي هم راح اعوفك

عصر ايدي وكال اله امخبل ابدل روحي بهاي

سحبني ورحنه لمكان العقد لكيتها هيه وامها وتهاني واكفات يسولفن وكل وحده حلكها متر يضحكن وصلنه راد يترك ايدي مؤتمن ويروح يم الشيخ بس كمشتها حيل هو هم ماعافني الشيخ جان متضايق خاصا من شاف اعيوني حمر بس والله ينتقم منه جان حس وبطل

ذبه حسره اشكبرها دخلنه للمومن انطوه الجناسي شافهن وصفن اشر عليه كاللهم مونفس الصوره

مؤتمن. لاغيرها وراي ذيج

-- استغفر الله يهديكم كالها وبده يعقد الموقف كلش جان صعب شعور مااعرف اوصفه من اتشوفين زوجج يتزوج كدامج وانتي لازم تتقبلين ومتعارضين لان مطره اتعرفين محد يوكف ابضهرج وحتى اذا اطلكت راح يخلني خدامه الهن

احس الغصه ابكلبي كوه كاتمه الشهكه خاصه من وصل للقبول وكال نعم احسه خله طلقه ابگلبي همستله ياريت بذاك اليوم عمتي ماحاميتني منك وكاتلني

--اندار باوعلي مدايده مسح دمعتي كال محد يكتل روحه

خلصنه هلهلت بيبي كمت كلتلها على شنو هالهوسه تره هيج لاتسووها صدك وتلبسوها ابراسه

بعدني احجي مؤتمن صم حلكي وسحبني بره طلعني سحل كال اشبيج اتسودنتي

--لويش اشو فرحت من سمعت هلهلت لازم حلتلك الشغله

--بيويه لاتخبليني فشله من الزلمه انتي هيج هنتي غزل لااتخليني

--شتريد اتسوي تكتلني يلا اولا لويش انضرب موحيوانه اني ماطول بعده المؤمن كاعد يلا امشي طلكني سحبت ايده اريد ارجع رجعني حيل لمن انضربت بي صك على اسنونه كال فضحتيني خره ابهلج امشي

اخذني ورحنه للامام جوه يم العالم الكاعده دفعني كعدني وكعد يمي لميت رجليه وبجيت من كلبي ماحجه بس اسمعه بستغفر ويتحسر كال شنو اليرضيج واتسكتين

--ترجع اتطلكها

--تره مصار دقايق عقلي غزل لاتطلعيني موش زلمه كدام الشيخ موافقتي وخليتيني اعقد شنو الجرالج

--ماجنت اتصور هيج صعبه من اسمعك اتكول نعم واتصير هيه ابااسمك مؤتمن مااريد وحده بااسمك غيري

--محد ابكلبي غيرج وحك هذا الضريح كافي بيويه والله شليتي حالي ولج اشوكت تعرفين دمعتج تحركني من اشوفها نازله ابسببي

--لعد عوفها خلي اتولي

--منهو معتبرها واصل صوبها كلها فتره واطلكها بس تعالي شيقنعج واتسكتين اخاف اتسويلي اطلابه وانوب اتلبس بيها

--اي علمود اذبحك

--تره ماكو مره اتكول الرجلها اذبحك لو هذا تعلوم الزمال ادري ذني اسوالفه المكسره

صاح اشبي الزمال اندارينه شفنا ورانه اجه كعد

--هسه الزمال مووو بالامس ياهند نسينه التوسل يلا خير اعمل شر تلقى وانتي اشبيج ثوله على شنو تبجين ولج اكبر عقوبه المؤتمن هاي شفتيها جنها منغوله امضيع اهله غير هاي حوبت العالم الله سمطه بهيج مره

--راح يتزوجها اعرفه

--عليش تبجين بويه وادعت امي اذا سواها اخذج وانهزم وخلي يصير اليصير

مؤتمن. اذا انته زلمه اوصل صوبها وعملهالخاطر اطلع حليب امك من خشمك

--وعلي اعملها عود من تلكفني ذاك الوكت اعمل التكدر علي يمؤتمن وداعت امي اسحك بالخوه اخليك تحلم اتشوفها حتى بحلامك لبالك مالها احد واتوليتها تراها اختي واعزها اكثر منكم محد يعرف طينتكم غيري وسويتها قبل وارجع اسويها وتعرف كدها

جنت اراقب حركات مؤتمن خفت يكوم يكتله واتصير هوسه بس اتفاجأت من ضحك هز ايده وكام دخل للضريح يزور

--عزا مصطفى اشلون حجيت ويا هالشكل لوضاربك

--ميكدر يسوي شي امني يعرف اذا اجه يوم ومات محد يحميج من اهله غيري لذالك متحملني

--يمه اسم الله عليه لاتحجي هيج لويش يموت بعد زغير

--ولج ياصغير شايفه اذا واحد وكفله بالطريج وخله طلقه ابراسه وكتها العمر يفيد ويلا وخري خلي اكوم لا ادفرج ولج هسه صامج بالرابعه بعدي خلي اكوم اصلي احسن مااشمرج بحجايه اتخلييني احلم اشم ريحه الجنه

كام وكف صله طلع مؤتمن نزع الغتره وانطانياها هم وكف صله يمه اباوع لطوله اشوكت اتعلقت بي هيج اشوكت حبيته كمت مااتخيل روحي اعيش مندونه اني اشفت منه وهيج دخل كلبي

كملو صلاتهم مصطفى راح يشوفهم وين ومؤتمن اخذ كتاب زياره وكعد يمي يقره كمل اتمدد خله راسه بحضني غمض

جان شيخ علوان ونسابته ورانه صايرين مامنتبه مؤتمن الهم بس ماكلتله لان ادري راح يخجل وميسوي هيج واني اريد علوان يشوف اشلون علاقتنه بلكي ميفكر اكثر ويبطل

ضليت العب بشعره لمن اجه مكرم كال يلا نطلع نتغده

كام مؤتمن رحنه بره كعدنه كعدت ابصفه ردت انزع الجادر بس ماقبل كال خليج بي

صبو الاكل جانت دعاء كاعده مقابيلنه يم ابوها وتباوع لمؤتمن عزا ولاتستحي اشكد صلفه اتباوع لحلكه حتى من ياكل جان امنيتي ادخل السجينه الطنها واخلص

--مؤتمن

--هاياعمري

--هذا اشلون ينوكل اللحلم اشو عصي

--شنو العصي ولج شو تركي اني افلسه الج ---هاي اكل ذني

--اريد مي بعد

--لحضه مصطفى اشمرلي اكلاص من يمك ---هاج بعد اوامر ثانيه

--هئ

اخذتلي اشويه وهو بعد يفلس وينطيني

مصطفى غمزلي يااشرلي عليها اشلون اتباوع رجعت كلتله مؤتمن

--كولي يابه

-+انطيني سجينه دااكشر البرتقاله

--جيبيها لاتتعورين اني اكشرها

كشرها وانطانياها اكل ومصطفى كوه كامش روحه لايضحك اشرلي على العصير افتهمت ابسرعه كلتله مؤتمن اريد عصير

ناوشني واحد رديت كلتله تره حار اريد بارده دار وجها امبين صعدت عنده كال وين حار شو اخذه عصره بيده بويه بيج شي

--لويش دتصيح تره حار مااريده

رجعه واستغفر حك علي بلوه جبتها لروحي

الشيخ. ههههه اها منهو البلوه موش هاي السكنت بغداد لخاطر تجيبها هسه صارت بلوه

ضحك ودنك مارد بس بته وجها كام ينطي الوان

كملت اكل ردت اكوم مصطفى ضرب كصته وكال شوفي منو الاجت

انداريت واشوف ماما كلتله مؤتمن هياتها ماما اجت

اندارو عليها كلهم يباوعولها لاارادي مؤتمن جان وياهم ابسرعه دنك وحجه من مبين اسنونه كال اشجابها من انعل عشيرتج

كمت ركضت سلمت عليها جان عمو قتيبه وياها وكف سلم عليهم لباله مثل اهناك من بعيد السلام

--عمو ميصير فدوه روح سلم

--اهاا بابا لازم بالادين

--اي عمو وكفو فشله يلا روح

راح يسلم عمو لغته موتمام

لان بعتبار عمره كوله بره اني احسن منه لان ماما اتحاجيني بلهجتهه جنت اتعلم منها صح المحيط مالتي جان مختلف بس اتعلمت اهوي منها

سلمت ماما عليهم ردو وهمه امدنكين راحت كعدت يم عمه سولفنه اشويه بس والله دقتهم بشكلها واناقتها

ريم. واحنه متعجبين على غزل خيه طلعت هيج امها

--هههه لاغزل احله مني ماخذه اعيون ابوها

--لاخيه موش قصدي الشكل هيج ترتيبكم يختلف ولهجتكم

--لااني احجي احسن منها لان ولادتي وحياتي اهنا هيه اثر عليها المحيط العاشت بي شلعت كلبي يالله اتعلمت لغه

--يمه اشحلات لهجتها بغدادي امكسر انوب مؤتمن فاك حلكه يباوعت لعوجت لسانها

ام مؤتمن. اي كلش من هيج طكها بالرابعه

--شنو رابعه شنوماما غزل اتزوج عليج بعد

ام مؤتمن. اي ويتزوج شنهو عندج مانع يفريال ابني وبكيفي اعرسه عسما 10 وبنتج اخرها بس للخدمه وفنج تفجين حلكج

--عزا ابعينك ولك مؤتمن صدك اتزوجت على غزل

مؤتمن جان يسولف وياهم بس صوت ماما الخلاه يكطع السالفه وانتبه الها

كام واجه كالها كومي عمه تعالي وياي لاتضلين اتشمرين بالحجي اهنا

--اي اكوم لويش لا حسبي الله بيكم من جبيركم لزغيركم

جان واكف واعاصر جف ايده حتى اعروكه ناطه امبين امفول لان كالتله عزا ابعينك واتحسبت مااعرف اضحك عليه مااعرف خاف يرجع يتعارك ويه ماما

اخذها وراح كام مصطفى وراه رجعت اباوع لعمتي امنيتي البس الكدر ابراسها شهالخباثه

رجعو يسولفون بس الشيخ جان ضايج يسبح ويعصر بسبحته مدنك

كام عمو قتيبه كلي تعالي بابا كمت رحت وكفت يمه حضني وباسني كوه جريت روحه خاف يجي مؤتمن يسويلي شغله

هذا لباله بعدني مثل قبل سولف وياي شنو معتازه واشياء اهواي بس واحد من الكاعدين اجت احجايته بأذاني يكول لليمه خيعونه مؤتمن هيج واحصلي بغداديه تدلل على كلبي بوياي

هسه عرفت مؤتمن لويش ضامني عن اعيونهم لان يعرفهم وصخين ماكو هيه دقايق واستغلو اغيابه وشمرو حجي

سويت روحي مامنتبه رجعت اسولف ويه عمو اجو ماما ومصطفى بس ماما معصبه ابسرعه سلمت وراحت

--مصطفى وين مؤتمن

--هسه يجي عنده شغله

--هم اتعاركو

--لاابشرج قبل لاتفك حلكها هجها على لبسها خلاها متندل دربها وغلط على عمج الكرن الي جابها ماانطاها مجال تحجي كلها اي كلمه زايده اردج لامريكا وهسه تاخذين المطي مالتج وتردين منين اجيتي

اجه مؤتمن جان يدخن ضايج كعد الشيخ كله سببتلك متاعب يبوي

--شهالحجي شيخنه افضالك امغركتني صدك تحجي حليتها ماكو شي لايضل بالك

ضلينه اشويه وكامت تهاني كلتله اريدن اشتري شغلات للطفله كوم وياي

--روحي انتي ورجاء

--چااشمالك ماتكوم وياي موش بنتك

--خره بيج وبنتي كلتلج اخذ اصخام وولي

--دنطيني افلوس

هو يطلع افلوس كلتله مؤتمن خلي اروح وياهن

اشر لا وخزرني بطلت

راحن لحكتهن دعاء بس مر وقت وهنه ماكو اتعطلن صار الغروب انريد نرجع وهم ماكو خابرهن مؤتمن طلعن امتيهات راح وراهن الشيخ كال يلا بين ميجون امشونه تااخرنه

كمنه اوني امشي واعثر بالجادر كلتله مصطفى خلي انزعه جان يمشي ويه الولد كدامي اندار خزرني اشرلي امشي

رجعت كملت مشي ويه البنات ريم تضحك ومرت الجبيره اتهز ايدها هيفاء كالت بس اريد اعرف منو دعه عليج وخلاج اطيحين بيد مؤتمن ولج جنتي طايره بالخارج متكليلي اجابج

--حظى

ام مؤتمن. واشبي حضج ماخذتلج زلمه يسوه راسج

--هذا الي يسوه راسي ردي لحضنج واخلوني ارجع لدولتي اكون ممنونه عمتو

بيبي. عمه اليعميج ام لسان الاعوج عدلي لسانج وانوب احجي بت فريال المفرعه

--عزا اشبيها ماما تره والله كيوت بس يلا حقكم كل وحده لابسه كنتور اتشوفوها امفرعه

--يع ولج اتعيرنه بسترنه جاحقج عبنج طالعه مثل امج عافت الستر ماخذت ابني خذت واحد مكرن مثلها

صاح مصطفى صوتج يابه امشن امهات الستر وانتي جده اكو واحد يعوف الجارجر ويصعد ستوته لخاطر ربج اتجيبين قتبه لبوي الالجلح

هو حجه وكلهم يضحكون الشيخ كله شنهي بويه هاي هيج دوم مختلفين

--يامختلفين غير حرب البسوس تشتعل وينعلون ابو اصله يالله يسكتن

--الله يساعده ويكون ابعونه دخابره شوفه وين راح الوكت لواخذو الحريم وروحو احنه ننلحكم

--هو هم هيج يلا صعدن مؤتمن يرد هو والبنات ويه الشيخ

صعدنه وصدك مؤتمن بعده عرفت هاي لعبه منهن رادن مؤتمن يرجع وياهن لخاطر يرغبنه بيها اكيد بالطريق راح يسولفون ويضحكون وراح يتعرف عليها وتكبر العلاقه

كعدت بس اغلي جان عندي امل يجي بس ماكو تانو اكثر من ربع ساعه لمن ملو حركو السياره واني اشتعلت اتخيل راح يكعد ابصفها ويسولف وانوب هيه حلوه اكيد راح ينجذب الها

السياره تمشي واني ادموعي تنزل هيفاء جانت ابصفي اشكد حجت واتوسلت اسكت بس گلبي يفور كتلها بس يوصل بسيطه

--ولج هنه رادن هيج يسون لخاطر تتعاركين وياه

--لعد شنو السوا لويش اتاخر وخلاني اكيد التها وياها وهسه ديحجون سوه اعرف خباثة ذني الاثنين

--والي يخلي يجي لهنا ويعوفهن شنو تنطي

--اشلون حتخلي يجي تره صار ربع ساعه من اتحركنه

--مالج شغل لبالج بس اختي خبيثه لاتنسين اني هم بتهم شوفي شراح اسوي

صدك خبرت مؤتمن اول مافتح خط كالتله ها يخوي وينك ---لالاكاعده اشويه ليكدام --يا ولامنتبها لغيابك تره مرتك فطيره مؤتمن والسياره متروسه شباب --ها يع واني شكو هيه فاكه حلكها بس تضحك -- -- مصطفى شنهو تراها مرتك عليش تبلي الولد عوفه. مؤتمن شوروح لاماراح اكله وخليك مكانك. يوو اني شكو تصرخ بوجهي. يلا دروح اخلي اشوف مكرم يصيحلي يووو مؤتمن

كالتها وسدت الجهاز كالت اشلوني

--شنو حيصير ولج اخاف يصدك ويجي يكتلني

--لاتخافين دخلي هسه يجي وتفشل خططهن وبعدين الكتله سهله اتهون عود نزلي دمعه راح يعوفج شوفي هذا جاي يتصل اتسودن لباله صدك جاي ادكين اسوالف ويه الولد

--عوفي لاتردين خلي علمود يتوب يخليني وحدي

مرت مواكثر من عشر دقايق وكفت السياره ضلو اشويه امتانين خلين راسي على متن هيفاء غمضت واسمع صوت مؤتمن صعد للسيار وهمه يذبوله حجي هو يضحك بس شافني يم هيفاء سكت ضل يمهم كاعد

ارتاحيت نفسيا نمت ابراحه واتخيل اشلونهم هسه ماكعدت لمن هيفاء كالت يلا وصلنه كومي

نزلت كبل ابوجهي للغرفه شمرت ملابس وعدل عالفرشه بعدنه نص اليل غفيت حسيت مؤتمن يتحركش كالعاده بوسات عضات بس سويت روحي نايمه لان تعبانه مابيه كومه واسوالفه التعبانه هو هم ايس سحبني الحضنه ورحت بالنوم من صدك

مرت الايام اتغير مؤتمن وياي اهواي كام ميرفضلي طلب كولش قليل احسه ضام شي كمت اخاف منه لان اكثر الاوقات اكون اني الغلطانه بس دائما يتغاضه عن الغلط وحتى بيبي وعمه من يشكني اله يسوي روحه ميسمع لو بس يحاجيني على كيفه مرت يغلس

ام تهاني جانت العصر امسيره يمنه كاعده بغرفه بيبي اسمع ضحكهن وين واصل راحت سماح كعدت يمهم اني هم صارلي واهس انجذبت للضحك دخلت كعدت يمهم كالت بالمبارك ييمه

--على شنو خاله

-- ها لاهيج مويمج لاتخلين ابالج اي رجاء عمه جامترجعين لرجلج شكو ضاله

--مؤتمن كال لمن يجي ويعتذر يالله اردج

--يعني هو تزوج لو بعده

--لاهون عن الزواج شاف ماكو اغله مني ومواني التجي مره على راسي كلمن اله كدره

--اي والله ييمه صدك انتي مره امعدله وين يحصل مثلج بس اكو من دخل وخرب بينكم وربج عرفها رده لعقله

--ههههه همه لو يعوفون العالم ويشوف شراح يجيهم احسن بس خليها مفاجأه لانخربها

--اوف غير نذر واطش جكليت

--جاحضري جكليتاتج لان كربت ماضل شي بس نولد

--اشكد بعدلجن اشو طولتهن

--اني بنهايه الاسبوع وتهاني بعد كم يوم ماضل شي

-+اكيد اتسمي مؤتمن ابنج

--ياع جااكو اعز منه طبعا مؤتمن وهو كال اسمي بتي رجاء ونذر عليه بس يكبرون رجاء اخذها جنه الي بعد عمر واني بذيج الساعه لااخذ بت مؤتمن الي

--جاوين يحصل مؤتمن عمه لبته مثلج ربي يحفضكم ويبعد عن عين العواذل

تحجي وتباوعلي بت الصخل

عفتهن وكمت لان حسيتهن يقصدني احس كلبي يغلي من كلامهن مااعرف بس حسيت مؤتمن راح ياخذ دعاء يسويها لويش لا وهم يجي يكول انجبرت يمه غير انط واموت

صعدت لغرفتي خبرت مصطفى اول مارد كلتله ابداعت امك مصطفى لاتجذب

--شكو بويه كولي

--مؤتمن صدك راح يتزوج

--لاوروح عمي ماكو هيج شي منو كلج

--رجاء دتحجي ويه ام تهاني

--غبيه يردنها تعلك وانتي اتبلشين بالسالفه غزل لاتسمعيلهن خويه لاتعملين عمله وتورطين مؤتمن بيها

--لعد شنو اسوي والله ديحترك كلبي وهذا مؤتمن ماعرف اشضام بس يتصفن

--خويه لكه الجان يدور عليه وجاي يصفي احسابه لاتزوديها عليه ابروح ابوج

--شنو بعني شنو لكه وهاي تهاني وامها يحركن ابروحي

-- ام تهاني تركيها جايها الرد السريع اذا مارد بتها لحضنها وادبها مااطلع مصطفى يلا روحي وكعدي عاقله خلي اكمل المعامله مالتج

---يامعامله شنو دسوي

-- اهوو هذا لسه ماكلج جاخربت مفاجأته لايالله

--شنو مصطفى فدوه اشداتسوي

--دا اطبعلج صور واداحطلج فايل للنقل داالخاطر ود باجر انقلج للمدرسه القريبه يمنه

--الله عليك صدوك دتحجي

--دااتولين منا دااحسن مااجي ادفرج واطلع الصدوك من اعيونج لان انسمط جدي واني واكف

سديته واني اضحك بس من صدك فرحت واخيرا راح ارجع للمدرسه اووف واخيرا اتحقق حلمي

بعد مانزلت لان صار اليل وكت رجعت مؤتمن كمت اتحضرت

هو بعد مارجعت كله ينام يمي بليل بس بالنهار يمهن ومرات هم اجيبه يمي مرات يزاغل بليل يفلت بدون لاادري لو اول ميرجع مرات يفوت لوحده منهن هيج يعني فلتات كاضيها

استعديت لجيته خطيه جان يريد يفاجئني بس طيرها مصطفى ادري دوم يحرك الاحداث

نزلت جوه حضرنه العشه اجو مديت السفره وهنه نكلنه كعدنه ناكل تهاني وكت ولادتها هالايام كاعده وتتنعوص كل اشويه وصاحت بطني يمكن حولد

خلصو شربو الجاي بين منغسل اماعين طلعت للصاله لكيته مختفي عرفته يمها جارته بحجت الولاده

صعدت غرفتي تانيت ماكو لمن نعست ونمت وين يالله حسيته يلعب ابشعري دفعته كال خير شكو اليوم

--ماكو شي وين جنت

--ولج وين يعني مره مريضه شفتها واجيت

--شنو رحت اتوجب

ضحك كال وشتعرفين عن الواجب وانتي ماواصله يمه

--شنو بعني مؤتمن لاتضل تضحك عليه بهيج شي شداتسوي يمها

--استغفر الله بويه والله رحت شفتها غزل لاتخبليني ترني تعبان اريد انطمر لاتضلين اتزنين

--نام منو كامشك دفعته بعدني ماكايمه سحبني كال ايدج مديتيها مره ثانيه تنكسر اسمعتي يلاخمدي مااريد اسمعلج نفس

انداريت لميت روحي اريد انام بس جذب والله حتى لو زعلان انسحب غصبا عني وانوب اخاف جان امفكر مره ويكتفي يزودها لمن يطيح حضي من صدك وابجي يالله يعوفني

لميت روحي كمت للحمام واني اسب بس ماجنت اعرف انو يعرف لغه اتفاجأت من انسحبت من شعري كال عيدي الكلتي ضميت وجهي رديت تره ماغلطت

--غزل اذا سمعتج اتغلطين ادوس على راسج

دفعني حيل لمن الطمت باب الحمام من حركت كلبي رجعت غلطت وركضت دخلت ردت اسد الباب جان اسرع مني دفع الباب ودخل باوعتله التوسل فدوه مااعيدها لاتضربني

--لامنهو كلج اضربج هاي كل الغلط لان عضيتج كم عضه تعالي اعلمج العضات الصدك اشلونهن لان ادري ماراح ياادبج غيرهن

ماكو مكان افلت بي طلعت من جوه ايده مالحكت افلت لكفني وهالمره من صدك طاح حظ حظي لمن دفعني كال يلا ولي للحمام هسه سبي ابراحتج

كمت من يمه احس ضهري طبك لان بالكاع رحت للحمام واني اشهك مؤتمن مااعرف اشوكت يعرف اني موحمله ولااتحمل اسوالفه

كعدت جوه الدوش لمن ارتاحيت طلعت حتى شعري مامشطته لفيته اشلون مجان ونمت طبعا ماكو نومه مريحه لازم ابحضنه واجباري اتعلمت بس خلي انام

كعدت الصبح على بوساته علمود اكوم اسوي ريوك مولله ماعنده شي بلاش ادفعه انعض ابقى يضل يزعجني لمن يكسبن اخدودي من التبوس اطر اكوم

بس عين فاتحتها وعين سادتها اخذت ملابس للحمام اغسل وجهي واغير بين مينزل جوه يسلم على بيبي وجدو

خلصت طلعت من غرفتي داانزل واسمع صوتهم طالع من الغرفه يضحكون اشوكت طلع وصادته عزا ابعينها

من القهر كعدت على الدرج اطبك بجامتي وافتحها مااعرف شسوي من الحركه لمن انفتحت الباب واني اشايله تك وحده منهن مالحكت انزلها كمت عكد حاجبه كال خير شكو كاعده اهنا

--والله كول لروحك انته شكو داخل طالع

مارد دفعني عن طريقه ونزل ضايج

تهاني. هي لزمي حدج ترا مثل ماهو رجلج هم رجلي واخاف عايفته هالايام تره ابمزاجي لحد مااجيب وها تره كال بس اتولدين ابدي اقسم الايام مو حبيبي

--حبيبج ابعينج تهاني لمي روحج احسن مااملخج

--اذا بيج حظ سويها ادوس راسج

--شوتعالي ركضت طفرت عليها صعدها اصعود جبت راسها للكاع وطحتلها عظ وضرب صح جرتني من شعري بس جانت خايفه على بطنها تحميها

نيمتها بالكاع ماخليت مكان صاحي كل عضه لمن اطلع دمها وشعرها سويته طشار صعد مؤتمن على صوتنه

شالني منها بس لكه راسها بيده لان امكمشه ابشعرها رجعني وسحب شعرها من ادي ماهديته ضربني اجت على راسي الضربه

--عززا يعني دافعتلها

--خره بيج يادفعت ماتت البت بيدج

--وخررر عني كلتها وطفر من ايده رجعتلها دفرتها ابطنها ورجعت عليه لكشته عضه من زنده لمن حسيت بطع الدم

ونزلت اركض لكيتهم يتريكون صحت جدو الحكني هيه صيحه وهيه ركضه ختلت يمه

--شبيج يبوي

--جدو مؤتمن موتني هو ومرته كوه فلتت من ايده وهسه هم حينزل يكتلني

--اهاا عليش اتسودن الزلمه اشبي

--مااعرف جدو فدوه لاتخلي والله حيموتني

بعدني احجي ونزل هو وتهاني الي كفشتها وجهه الصاير علبت اصباغ من العظ وهو يفرك بزنده مصطفى جان يباوعلي من احجي رافع حاجبه مامصدك

واتاكد من شاف مؤتمن ومرته نازلين مكتولين من فوك غص بالجاي وكام يكح

ضميت راسي وره جدو قبل لايحجي جدو كله شعدك ويه الفرخه عليش چاتلها

--ياجاتلها جدي شوف هاي كدامك وانوب جنها زوريه متلكف

--عزا جدو شوف ديغلط عليه كدامك كال زوريه رد عليه جدو والله شوف شعري اشلون كطعه كلتها ونزلت دمعه

--هو بلش رزايل بمؤتمن ومرته هانهم خوش اهنانه مارد مؤتمن اتحمل الحجي بس اشرلي سهلا تلكفين وين اطيرين

جنت فرحانه اشكد حلو من يترزل وميكدر يرد اخر شي شمرني بالخاشوكه اجت ابرجلي الكافه بجامتها من جوه كال نزليها صحت جدوووو شوف انته كاعد وهم ضربني كلتها وبجيت مؤتمن فاك حلكه ورجع رزله

اتربعت ارتاحيت اخذت حقي

-- مصطفى انطيني خبز

--ماكو خلص

شلت راسي لكيت مؤتمن يااشرله بلا

--جدو مصطفى اكله انطيني خبز يكول سم انطيج

جدو. بالعباس مخابيل كلمااكول ربيت زلم اطلع غلطان

مصطفى. جدي منهو واصل صوبها اشبيك من الصبح تراها اتجذب

--هيه اتجذب وانتم شكو خالين عقلكم وياها اشبيكم دسودتنو

كام مؤتمن كال يلا مصطفى هم يالله تجي بسيارتك لواخذك وياي

--لاروح جاي وراك عندي شغل لازم ارجع بسيارتي

اسوته مشه كام مصطفي قبل لايطلع دفرني برجلي على السريع وراح وره مؤتمن

واني صرخت جدوووو ضربنييي

جدو. شنو اليوم مانتزقنب ولكم اشمالكممم

طلعو ابسرعه يتضاحكون قبل لايتوالهم

رجعت سكتت وكملت ريوك وبيبي اتدردم لان حجه على مؤتمن اليوم شيخلصنه حفيدها اترزك

على طول اليوم تهاني ورجاء يفترن يردن شغله يكمشنها اترزل عليها بس ابد ماانطيت لزمه

وسماح جانت ابضهري اجت خالتي وسمر بس سمر على وضعيتها بس خانسه كعدنه سولفنه اجت حبيبه حلت الكعده

طلعت الفون شافته حبيبه كالت هاا واخيرا رجع

--سكتي بعد تواسيل وتدخلات من مصطفى وهوهسه كلتله ذكريات الطفوله يالله قبل بس اكو فيديوات ممسوحه

--دتعالي خلي انشوف شمصخمه بي وين جنتى عايشه رواينه

فتحنه الفيديوات وطلعنه الصور وكل شي جان بي ذكره اسولفها ساعه اضوج وساعه اضحك اكو اشياء وصور جانت اتضحك جنت اترجملهن شنو احجي بالفيدو وحبيبه امسنكره من الضحك ابسبب فطاريتنه

اهناك اشلون جنه نتشاقه رجاء كاعده وتحمس وكل اشويه ساحبه الفون وكالت ماچتلج مؤتمن على ذني الصور اشلون سكت

--تره ذني الصور التحجين عنهم حياتي القديمه ماله حق يحاسبني

--انتي امج ماربتج اشلون تلبسين هيج

--لاوالله ربتني كولش زين خلتني مااحقد ولا كلبي ميشيل غل على احد

--بس احنه ماعدنه هيج تربيه وهيج صور منريد كالتها وطك الفون بالكاع بكل قوتها سوته طشار مثل مااطشر كلبي ورا متت ورا كعدت كابلته وابجي واحس ذكرياتي وطفولتي كلها اتبخرت ويه هذا الجهاز

عافتنه هيه وتهاني كامت شاكه حلكها تضحك

ساعه كامله على كعدتي اشهك وانوب عمتي اتفوت وتطلع اتغمني اخر شي تفلت كالت على تربيتج السزز انتي وامج تبجي على اطياح حظها لان ردنه نسترها ونمسح صخام وجها

شوطتني بالزايد صعدت غرفتي كعدت جان امنيتي اخلها هيه وبتها اكتلهم لمن كلبي يفوخ دخلت سماح كالت والله يتصلح لاتبجين

--ولج اتحطم ماضل بي شي

--والله يتصلح بس الشاشه اتحطمت تتبدل انطينيا اني ابدله كومي غسلي ولاتكولين المؤتمن هسه يفرن السالفه يكلله كاعده تتباها ابروحها امصلخه وتروح تفضحنه كدام العالم سوينه هيج انريد نسترها هاي متفتهم تالي بمكان مياخذ حقج يرد ياخذ النقال اصلا لاتجيبين طاي ابد يلاكومي غسلي وكت جيته تراهن مستعدات سمعتهن يتبسبسن

هيه طلعت صدك حجيها اخذ ثاري منهن بغير شي اهم شي الفون كون يتصلح رحت غسلت وغيرت ملابس وتمددت من تعب البجي غفيت وين يالله كعدت على عضات مؤتمن فتحت اعيوني الساعه 3 الضهر كلتله وخر مؤتمن

--اشبيج يروحي عليش ضايجه

--الفون انكسر

--شفته مابي شي بس الشاشه باجر اصلحه

--هنه كسرنه واكيد ماراح اتحاسبهن

--منهو كلج ماحاسبتهن كلمن خذت جزاتها وحرمن يكربن صوبج ولو متستاهلين

--لويش بله

عصرني وكال تشكيني لجدي مو غزيلان

عزا نسيت واني نايمه مطمئنه تره جنت دااتشاقه اشبيك

--اي عليش لا اني هم اريد اتشاقه كالها وصاح اثبتييي لج

لان اريد افلت من ايده بس جذب اقنع ابروحي مؤتمن لايعرف لاليل ولاضهر كل الاوقات مشتغل وقت التفعيل -----

كمت للحمام واني ادردم كال وين لغتج شومااسمعها

--تره دااحجي عربي

--ياريت والله بالانكلش لان احس روحي بعد امعوز اشويه

اني سمعته هيج واني ركضت للحمام دخلت وقفلته عزا ولايشبع سبحت على السريع وطلعت لكيته يشخر نايم

--مؤتمنننن

عززا يعني خربت نومتي ونمت صدك تحجي

--غززل بويه تعبانه ابروح ابوج تركيني

رحت اسحب بلحيته دفع ايدي عضيتها حيل كلبني ورجعها ابركبتي شلعهه شلع لمن خلاني اصرخ ودفعني

كال لخاطر تتادبين كمشتها افرك بيها وكوه كامشه دمعتي اشكد حقير رجع اتغطه ونام

لفيت شعري ونزلت اسوي لفه لان مامتغدايه

لكت رجاء وكفه وره باب المطبخ تخابر وتضحك اتكلها ضلي مستمره حتى لو رافضج لابد مايجي فد يوم ويلين ---ولج اشبيج فري لعبي بدماغه

شنهو مااكدرله -- ياحب تحجين دتعالي وثبتي روحج وبعدين خلي يحبج --ركزي على ابوج تراه محد يكدرله غيره مثل ماخلاه يعقدج يكدر يخلي ياخذج ---- اووف اشوكت تجين واشوفها مكسوره -----هههههههه يلا ماضل شي يمرت الغالي وتنورينه

ابين صافنه على حجيها ومتعجبه وبين الباب انفتحت انداريت اشوف احمد وياه الابنيه الي خطبناهه

دخل يبتسم وكامش ايدها طلعت رجاء دفعتني وصاحت ولك احمد منهو هاييي ؟

احمد. حرمتي ---

الثاني والثلاثون من هنا

تعديل المقال