رواية كفي والمنجمة الفصل الثلاثون 30 بقلم الكاتبة Leo alfatlawi

رواية كفي والمنجمة الفصل الثلاثون 30 بقلم الكاتبة Leo alfatlawi

كفي والمنجمه

للكاتبه leo Alfatlawi

بارت الثلاثون

فتح الباب سمعت امه اتحجي بانفعال اتكله ولك الحك دعاء بت الشيخ تبجي اتكول غزل اتكلي انت ك----واتركضين وره رجلي تردين تاخذي يمه الحكني اشلون الم الفضيحه

مااسمع صوته اضن واكف صافن هذا متفاجى ميعرف شيرد اخذ اشويه وكلها روحي لسماح وحاولن اتحلنها شسوي اني قابل انزللها يمه دخيل الله دبريها من يمج ولاتخليها تطلع اذا متسدن السالفه فشله من الشيخ واني اشويه واروحله استغفر الله

--وينها هاي المكموعه شو تكضها وجيبها ليه خلي اشفي كليبي بيها راح تفضحنه جدام العالم

--هاي شغلها يمي دروح حليلي الجوه

عزا اشلون فرنها عليه اسمع سد الباب قفلها واجه بسرعه للحمام لميت روحي مابيها مجال اليوم يموتني عسها ابختج تهاني اشلون قذره مااحس غير الدفره اجت بالباب بحيث انفطرت الباب على طولها كال فتحي احسن مااكسره ودخل اخذ روحج غززززل هو كالها ركع الباب مره لخ

بعد مااطول غير ضربه ويمكن تنشلع

لميت روحي صوتي ماطلع بس ادموعي تنزل ادري اذا كمشني راح يجرم بيه

-- مؤتمن والله موياهه حجيت ويه تهاني ذني جذابات

--لج فتحييييييي غزل

كالها دفر الباب لمن طكت الباب هالمره بحيث احس رجله اجت ابضهري كمزت من مكاني

صاح غززززل فتحي

ادنيت كعدت يم الحايط وهو مستمر بتكسير الباب ماضل شي ويطك القفل

لميت رجليه لحضني دنكت امتانيه اشوكت تنكسر ويدخل يكمل كتله بيه اعرف ماراح يرحمني هالمره عرفن اشلون يسونها فضيحه ويذبنها ابراسي وهو اتخبل بعد ميشوف دربه يعني اليوم ميهدني لمن يگظي بيه التوبه

دنكت انتبهت لروحي انزف متت رعب بسلاحامل وهم سقطت

كمشتني الرجفه رجعت راسي للحايط مثل الهبط ضغطي غمضت اجه ابالي من سقطت اشسوه بيه

كلبي دك حيل خفت تنعاد والله اموت هالمره اعرف روحي قبل جنت اقوه هسه خلصت روحي من الضرب

من الخوف حتى بطني لوتني

كمت يم الباب شاف خيالي لباله راح افتح بطل ضرب كلتله مؤتمن الحكني دنزف وبجيت

-- فتحيها غزل

رجعت كعدت ارجف مااعرف شسوي اخاف اطلع انكتل واذا ابقى مااعرف شيصيرلي

دك الباب على كيفه صاح غزل بويه اشصابج فتحي الباب

اني ميطلع مني بس الشهكه ميته رعب وارجف مااعرف شسوي كال فتحي غزل

--حتكتلني

--وحق علي مااوصل صوبج فتحي غزل ابسرعه بويه لايصيرلج شي

--والله مؤتمن ماحاجيت بت علوان

--انعل ابو علوان لابو بته ولج فتحي الباب لاتسودنيني غزل ابنيتي كومي فتحي

--روح مؤتمن خلي تجي عمه

--اتكدرين اتفتحي لواكسر بعدي خلي اطك الفقل

--لالا وخر مؤتمن الله عليك لاتضربني

--استغفر الله ولج فتحي لاتموتين خرب بعشيرتج

كمت فتحته بس ماثاقه بمؤتمن اخاف يضحك عليه صار اكبالي ضميت وجهي عنه اعرفه يعز هذا الشيخ وميرضه عليه

انكتل انكتل مابيها مجال

من الهبطه والخوف كعدت مكاني ابسرعه اجه كنبص كدامي كال اشصابج بويه

--مااعرف بطني دتوجعني حموت كلتها وبجيت

--هسه اصيحلج سماح

--عزاا ياسماح هاي شنو حتكللها هيج سويت بيها ودتنزف اشبيك انته

--چااسوي فهميني وين ادوديج كومي غيري ملابسج اخذج للمستشفى

--لاع اخاف مااروح عوفني اني حصير زينه يمه لواموت مااروح حيموتوني اهناك

اشوف احتار وخاف اكثر مني ميعرف شيسوي شالني للجربايه نيمني وكعد يمي كال شنو اجيبلج شنو اسوي احجي لاتبجين

--مااعرف مؤتمن حموت بطني

لفني حيل بالغطه وكام اخذ ملابسه ركض للحمام سبح وطلع ابسرعه حتى بلا تنشيف اني لامه روحي وابجي ميته خوف كلمااتذكر اشلون بالمستشفى سوولي اتخبل اخاف نفس الشي

طلع جبه وشال من الكنتور واجه كال يلا كومي لبس خلي اخذج

--لالا حباب هسه حصير زينه عوفني

--غزززل بويه لاتخبليني محد يوصل يمج بس يشوفوج ماخليج وحدج اني يمج

--لاهم كلتلها ذيج المره وعفتني مااروح مابيه شي

--اتوقف النزف

--مااعرف بسلا يمكن بعده داحس

--خرب بعشيرتج دكومي شمتانيه لمن اتموتين

دخل الجبه ابراسي وشمر الشال على شعري كومني شال المفتاح وسحبني طلعت ويا مسحت ادموعي علمود لاابين اكو شي استحي

نزلت وراه اتلكتنا عمتي كالت خير وين موديها تعالي لجاي خلي بعدها مامكمله

كلها بعدي يمه اشويه ونجي منتعطل وخرها عن طريقي وسحبني طلعنه وكبل للمستشفى

السياره طايره بينه مااعرف اشلون يسوق

وصلنه بعد ماسالني الف مره بالطريق

شتحسين---بيج شي --اكو شي يوجعج --

يي كرهني بروحي لوساكته وماكايلتله اهواي

احسن

انوب اشوفه متوتر وخايف اتوترت وخفت اكثر حتى لوماجان عندي شي كمت اتخيل اشياء مالها وجود وابجي

هو يشوفني ابجي لباله اتوجع منا لمن وصلنه ميت مره راد يكلب السياره من الاستعجال دخلنه للطوارء

همزين جانت دكتوره موجوده والله ماعنده مانع يرجعني اذا دكتور لان احنه هذا وضعنه وهو انتبه شحاطه ام الاصبع بلااجواريب لابسه كل استغفر الله يكولها يكمزني من مكاني

دخلت للدكتوره كمشت ايده كلتله مااادخل اذاموانته وياي

--بويه ميصير ادخل وياج واكفلج اهنا

--مؤتمن ماادخل وحدي والله اخاف

--استغفر الله بويه دكتوره نسائيه ادخل وياج اشلون

--لعد خلي نرجع ماادخل وحدي

--انتي ثوله ابنيتي فدوه اروحلج اهدي ودخلي اني هسه اوصيها متكرب صوبج

--لالا

شافو يتوسل داخل واني جنت خايفه ومعانده صاحتلي الدكتوره كالت ماما لاتخافيت شوتعالي على كيفي وياج

--لافدوه خلي يجي وياي

--ماما ميصير يدخل اني وياج على كيفي تعالي لاتخافين

اني ميته رعب ابجي وهيه تضحك عليه اشرتله روح دخلت وياهه سدو الباب

كعدت مقابيلها سالتني اهواي شغلات اخر شي كالت كومي على السرير خلي اشوفج اني شفته وكلبي وكف

كالت لاتخافين مااسويلج شي بس اشوف

امنتني اتمدتت فحص جان فوكاني كالت وين النزف لبالي صدك عندج ماما هاي قطرات مال جروح جدا صغيره ليش هالكد خايفه كومي نزلي مابيج شي

--اشكدصارلج متزوجه

--مااعرف بس مو هوي بس هاي اول مره يصير وياي هالشكل بزواجي مصار بيه هيج

--ميخالف ماما امبينه انتي حركه ومااذيه روحج

لاتخافين وهو الله يسلمه ضخم وانتي بعدج ترفه اكيد اتصير هيج اشياء

ضلت تنصحني بهواي اشياء وكتبت علاج وعصارات كالت رجال ماكو يومين وكليله خلي يخفف من الحماوه وضحكت وكالت يلا عندج العافيه

طلعت لكيته يدخن كال بشري خوماكوشي

ماكلتله شنواكو اريد اخوفه علمود ميعيدها بعد وينسى شغله بت علوان انطيته الوصفه وكلتله بعدين اكولك جيب هذا

طلعنه صعدنه السياره كال شنهو الصار اتوقف النزف

امم ضربتني ابره واتوقف كالت شهر ماكو واذا اتعامل وياج مره لخ ابعنف انشيل الرحم

--ياساتر خير ان شالله

مااعرف حسيته ماصدك باوعلي صفح وشغل سيارته بعد ماصدك كلامي ماعجبه شغلت الشهر مافهمت المهم هدء هذا يكفي بالغرض

رحنه وكف على الطريق نزل اخذ العلاج من الصيدليه ودخل سوبر ماركت قريب جاب حبشكلات صعد شمرهن كال اتسممي لاتطيحين وجهج اصفر

انوب هو الكالب خلقته اتكول اني المعتديه عليه اشلون بشر دخيل ربي

وصلنه وكف السياره نزلت لكيت بيت الشيخ استوهم طالعين مؤتمن كلهن انتضرو هسه اوصلكم عفتهم صعدهم بالسياره واني دخلت جوه رحت للغرفه همزين ماعرفن وين جنت جان الشماته اشتغلت رحت لغرفتي ذبيت الجبه لبست اتراك اتمددت احس جسمي متكسر

اخذت العلاج داانام دخلت سماح كالت وين روحتو ولج خليتو العالم وراكم تتلاطم

--عالكورنش اخذني كال اشوفج ضايجه تعالي دااونسج

--غزيلان وين وليتي

--هاي شوفي شنو ذني وانتي اتعرفين

--شنو ولج المن العلاج

طلعتلها اديه سحب السجاب راويتها صدري وسديته لطمت على وجهه كالت عليش ولج

--غير حضي شافني بالبدله ورجاء حجتله عالصار تالي كتلني كتله لمن كمت انزف اخذني للمستشفى

--اصخام ابوجهج وتستاهلين ولج لوميته بيده اشكد نصحت وحجيت بس اخ لو اتسمعين كلمه

--عوفج مني اشسويتو ويه بت الشيخ

--عليش شكو اشبيها بت الشيخ خيرها

--لعد اجت عمتي اتكول تبجي عالاساس اني غالطه عليها وكايلتلهه تركضين وره مؤتمن

--ماكو هيج شي لاسمعنه حجت ولاابد هاي سالفه ردن يلبسنها ابراسج هم تنكتلين وهم مؤتمن راح يخجل من الشيخ ويخطبها

--عزا ابعينهن جان مؤتمن هسه اموتني شنو ذني ميخافن تطلع جذب

--لاتخافين اعليهن يعرفن اشلون يفرنها هاي اذا مامتفقات حتى ويه دعاء ولج اكو شي يوجعج النزف راح بعد

--لاماكو راح ماكو شي يوجعني بس متت رعب لبالي هم طفل وطاح كلت هالمره مراح اطلع منها

--منين يجيج الطفل اذا تاخذين مانع

--اشعرفني عقلي بعد ميجمع من شفت روحي

--ديلا نامي جا عبالي اخذج وياي للحنه مالت مكرم

--لاروحي اريد انام وباجر عدنه شغل الصبح اجي للزفه

طلعت واني نمت يمكن بي نسبه منوم او اني تعبانه لان رحت بالنوم ابسرعه

كعدت وحدي بالغرفه شلت راسي شفتها صايره ال12 الضهر كمت على السريع ذوله اشعجب خلوني لسه نايمه غسلت وغيرت ملابس نزلت ابسرعه وجهي للمطبخ اخاف اشوف عمتي كدامي همزين لكيتها ماكو ماخذه هيفاء للصالون دخلت للمطبخ لكيت سماح واكفه اتحضر الغده صبحت عليها كلتلها اشعجب خليتوني نايمه

--مؤتمن كال محد يصعد فوك

--وعمتي اشلون سكتت

--ذبتلها كم كلمه كالت والشغل منهو يكمله بس شافته عاط كال البيت مليان نسوان كلت لحد يوصل يمها هيه هم سكتت ماحجت بعد اخذت بتها وراحت للصالون

--والباقين وين

--رجاء تخبز بره وتهاني تغسل بالطارمه

--جوعانه اريد اكل اشوكت تطلع الزفه

--حبيبتي زفه ماكو مترحين كال غزل لاتخلوها تطلع للزفه

--ديلا ضلت على هاي دسويلي لفه عندي علاج لازم اخذه

كعدت سوتلي لفه وصبتلي جاي هاي بدونها يمكن اتيه دااكل واجت تهاني اطك ابعلجها ايدها وره ضهرها تمشي وصلت كعدت مقابيلي تتشكه من وجع ضهرها كالت وين مؤتمن كل اشويه يسال على بته كاتل روحه خايف خلي يجي يشوف اشلون ترفس

--امم لوكاتل روحه ماخلاج اطلعين اتغسلين الطارمه بهالحر وتجعصيها

--چااذا انتي نايمه للضهاري منو يشتغل وبعدين اشبيها ركبتج

--طبعا انام للضهاري غير تعبت البارحه من الركص وركبتي عيب لاتسالين شغلات مال اكبار بنتي عيبب

عوجت حلكها وكامت دخلت انوب ذيج اتكت عرك ميته حر ذبت صينيه الخبز وغسلت وجهه وجت تشرب مي تهاني واكفه اتنافخ وترتب بالخبز كالتها رجاء عليمن محتره تره لالبالج هاي النومه وراها راحه تره الناس نايمين من وره الكتل الحصلوه

وضحكت

شلت اكلاصي مالت الجاي وقبل لااطلع وصلت يمها فتحت السحاب شوفي اثار الضرب بس جان كولش حامي ولله لوتمرين تحمي كل يوم مثل البارحه اكون ممنونه غمزتلها وطلعت اضحك

خليتهن يتلاطمن وراي خرب بعشيرتك مؤتمن جذب والله داامشي سحل ماباقي شي صاحي شبعت كتل بس يلا اقلها الاثار هم فاداني دقت ذني

رجعت لغرفتي اخذت العلاج سبحت غيرت ملابسي اخاف يجي احد سويت ميكب خفيف شلت شعري اتمددت لان ولاعضم صاحي بيه هم رحت بالنوم

وين يالله كعدت على صوت كططكه كعدت لكيت مؤتمن متمدد ويباع بجهازه باوعت الساعه 4ونص العصر

كمت على السريع بدون لااحجي فتحت الباب دااطلع صاح خلي استغفرالله على راسج

رجعت خليت شال وطلعت نزلت لكيت هيفاء كاعده بغرفتها تبجي وسماح اتسكت بيها كلتلها على شنو تره عمه يوميه اهنا يعني انتي وياها

--ولج مؤتمن زعلان وميرضه يصالحني

--ها والله لبالي لان حتعوفين صبوحه

--غزل فدوه صعدي قنعي والله مااكدر اروح واعوفه زعلان تعرفين مؤتمن اعز من روحي

--لعد اني هم زعلان عليه وميحجي وياي والبارحه اكلت كتله تسوه عمري فوك هذا كوله

--تستاهلين اشسويتي البارحه انتي حديث الساعه صرتي اكولج سماح اريد اسالج شي واستحي

--عوفج من سماح اعرف شنو حتسالين عنه هاي هيه تضحك عليج واتكلج ماكو شي ولاتخافين

--شنهو اكو غزل تره خوفتيني

سماح. مالج شغل بهاي خبله اتخوفج عوفج منها والله ماكو شي هيه كلها دقايق صيري سباعيه

--عزه تره اتجذب وحق الله ابسماه راح يطيح حظج وحظ ابوج اتنعلين اليوم الي فكرتي تتزوجين بي ومكرم راح يجيج مشتعل صار اشكد امتاني اذا مانعل ابليسج وخلاج اطفرين مااطلع غزل

سماح. يااا شوف البت راح اتخرعها ولج جذابه هاي لو الشغله هيج اتخوف مجان كمشت بالزلمه وحابسته بغرفتها

--والله حابسته علمود لايروح يم هاي العبده وذيج الشغله لالبالج بس اول يوم وداعت ماما لحد البارحه شعل صبوحه شعل ماكمت اله واني بالمستشفى

--يمه دخيل الله بطلت مااريد اتزوج سماح خابري مكرم كليله هيفاء هونت

سماح. اصخام ابوجهج غزل كومي طلعي سودنتي البت ولج اشبيج اترجفين تره مكرم يفتهم

--عزاا قصدك مؤتمن ميفتهم

--اشلون راح ادوس ابطنها يربي ولكم طلعوها منا غزيلان عليش اتخليني اصعد لمؤتمن اخلي يسلحلج ليفوك ويشوف شغله وياج

--بلكي الله ولنه ساحلج مكاني ويتوبج توصلين يمه بعد

--اخخخ ولكم متكضوها اتجيبوها لجاي هيفاء حبيبتي مالج شغل بيها مكرم يحبج وماراح يغصبج على شي لاتخافين والله راح يحطج بعيونه

--جذب حيكتلج ويصم حلكج وينعل ابليس امج

كامت جرتني من شعري فتحت الباب قبل لاتشمرني صار مؤتمن ابوجهه كال شكو دفعتني لطمتني بي وكلتله اخذ مرتك مؤتمن لاتخليني ابتلي بيها

وخرني من يمه ودخل لهيفاء وكف اول شي ماحجه هيه بجت واجت يمه حضنته

-- ولو زعلان عليج بس هان اطلعين من بيتج وانتي متكدره وباسها من راسها وكلهابالمباك يخيتي

شبكته وكامت تبجي اخذ نفس كلها عليمن هالبجي وين قابل كل بعد كم بيت يلا راح يجون خابروني خليها ابالج هذا بيتج ولو متاكد مكرم ماراح يزعلج بس انضل احنه اهلج اشوكت ماحسيتي متضايقه لو مامرتاحه تعالي دخلي بعيوني

--مازعلان عليه مؤتمن والله يخويه ماوطيت راسك كلشي ماسوينه الله ينتقم من الراد يفضحنه

--كافي سالفه راحت وكتها وهسه انتي على ذمه زلمه حافضي عليه وخلي بعيونج تره مكرم خوش زلمه لاتچسريله چلمه خليج عاقله وصوني بيته

منضرهم حلو من خالها ابحظنه وينصح بيها ويمسح ادموعها عفتهم ورحت لغرفه بيبي لكيت تهاني متحضره هيه ورجاء للزفه كعدت بس مشتعله شعل

بس اني حابسني هاي نسوانه اثنينهن راح يرحن واني بس الكتل احصله اجت الزفه اسمع الضرب بالجو دخل مصطفى سوالهم طريق طلع بكيزه وزغلول راحن

اني وكفت يم الباب اباوعلهم دخل مكرم لابس قاط يجنن اخذها من ايد مؤتمن بعد ماسلم عليه وطلع اتعودت على وجودها بحياتي مااكدر اشوف مكانها فارغ مالحكت اودعها طلعت

غصبا عني نزلت دمعتي رجعت على قريولة بيبي كعدت

طلع مصطفى من البيت ومؤتمن صعد اشكد مصطفى ميبين عليه ومامهتم بس جذب من طلعت رغم جان يضحك بس بعيونه ادموع كوه جان كامشهن اول ماخذوها طلع وراها راح جهت البستان كعد وحده

كلمن اخذله مكان انعزل بي

طلعت وعافت مكانها خالي اتعودنه عليها بالبيت بيناتنه ضحكتها وخوفها علينه وكفتها بالمطبخ

لليل

رجعو من الزفه

سماح باتت هيه وعمتي والباقي رجعو دخلت تهاني شايله كدر اشكبره كالت لحد ياخذ منه عمتي دزته لباجر لحد يلعب بي اخذو كلمن ماعون وضمي الباقي

خلته بالسنك وراحت

دخل مصطفى كال ميت جوع صبيلي وكفت باوعت للكدر كال تره كلتلج صبي موصفني

--مصطفى والله راح ابجي اسكت فدوه

--يابه على شنهو تبجين هيه اول وتالي تتزوج شنهو قابل اتضل امكابه جهرتج

--لاع موعلمود هيفاء بس مااعرف اصب

--خره ابشكلج اذا صدك دكومي جيبي صينيه واني اصب اشتعلت عشيرتك مؤتمن هم حاسبها مره

--هاك الصينيه وبعد شنو اجيب

--كلشي ماكو اكعدي هسه افرغهن شي على شي وهيه تدبر

كعدت صدك مصطفى خله التمن على المركه والحم والخظره كال اشلوني اكلي كولي مصطفى موخوش

--مصطفى موخوش

--بت المنغولي شنوبغبغاء مؤتمنننن

--عوفك من مؤتمن اذا اجه وشاف هيج الاكل راح يشمرنه بالشارع هذا ادمر كوله جان صبيت اشويه على كدنه

--اكلي يابه هاي بت الافكور اتريد اتوكلنه اسبوع بي اتكول انجدي جايبه الاكل مال العالم كلها اغسول

كملنه اشويه شبعنه ضلت الصينيه اتكول مال عشيره

شالها مصطفى كوه وطلع اشويه ورجع ادي فارغه يبتسم

--عزا مصطفى وين وديت الاكل

--خليته عالشط يجي الحلال الصبح ياكله اثوب من صبوحه يلا سويلي جاي لوهم متعرفين

ماطول صفنتي عرفت الاجابه بعدي عني

صدك سوه جاي اخذت كوبي وصعدت للغرفه مريت على غرفه تهاني سمعتهم بعدهم كاعدين طبعا صار اشكد مارايحلها اكيد اليوم اتعوضه اشكد بيئه

رحت لغرفتي اخذت العلاج ونمت

كعدت على صوت تهاني كالت مؤتمن يكول يلا فضيها انريد انروح

--وانتي شكو داخله غرفتي يلا طلعي ولي

--مؤتمن كالي وحسج لاتعلي

--اشلون حتخليني اكوم اسحلها تعالي صدك ولج اشوكت غلطت على نعال بت الشيخ بعدني ماكمت طلعت تركض وسدت الباب حيل بت الصخل

سبحت لبست بنطرون كابوي وتشيرت طويل خليت مكيب اشكد ردت اخفي اثار الضرب اخاف اشوف ناس يمهم لبست عليهن خليجي ونزلت لكيتهم امتانيني بالسياره حضرتها كاعده كدام يمه وشاكه حالكها فرحانه

فتحت الباب وصعدت حتى سلام ماسلمت ركعت الباب حيل كمزته اندار صاح الله يطيح حظج ثوله انتي اشبيجج

تهاني. عوفها يبعد جبدي لاتكدر روحك هاي زعطوطه

هيي زعطوطه ابعينج وحق الله يمؤتمن اذا متسكتها هسه انزلها منا سحل

-+لخاطر انزلج وراها ادفر غزل حسج اذا هيسته اخليج جوه التاير نفس مااريد منج

--هو انته كدرتك عليه وهاي الغورله ساكتلها

--غززززل كومي نزلي ماكو روحه وجهج عالبيت عدل نزلييي يلاااا

--ديلا عاد هسه اشلونها الطلعه وياك

شفته راد يفتح باب سيارته عرفته راح يندارلي نزلت ابسرعه رجعت للبيت

داادخل صار ابوجهي مصطفى كال هاولج انشحتي

--اي والله طردني ماعنده ذوق

-- ديلا ام الذوق تعالي وياي

--همزين مارحت والله يامصطفى لوعايفني جان سويتها صدك مناحه

--لاابشرج من شفتها كاعده الصخله كدام عرفت راح اتصير مصيبه وتنشحتين يلا اتاخرنه

رحت وياوصلنه اشكد مشتاقه لبيت عمه قبل لاننزل كال غطي وجهج يالله اتنزلين

رجعت الشال على وجهي ونزلت صدك كومه زلم اكو دخلنه كبل على غرفه هيفاء دخلت اضحك مكيفه شفتها كاعده بس هيه امبوزه اتباوعلي صفح سلمت وباركتلها ولج اشبيج

--لاسلامتج مابيه شي

--خوفتيني سوالج شي مكرم

--مكرم ماخله واحد بهالج بليل ماسبه على الرعب الزرعتي بيه ولج خليتني متسودنه وسودنت الزلمه وياي لبالي صدك واليل كله يتوسل صدك غزل تحجين

--بعدين اشسوه بسلا كلشي ماكو

--مم كلشي ماكو غير خلصت حوصلته من التوسل لاخله حجي ولاتوسل واني كاتلني الخوف كلمااتذكر الگلتي

اخر شي نعل اصلج وهفني راجدي وسحبني

--عززا بسلا اتاذيتي

--لاوالله الخوف العيشتيني بي جان انكس خلصت ابساع ابساع وكال اذا شفت غزل الصبح اتفل ابوجهه على الشلعان الكلب الله يكون بعونه لمؤتمن هسه عذرته عليش يطكها اذا كل ليله هيج وحك العباس غير اني منه اعلكها بالسكف واروح واجي اكفخها

--بالمناسبه البارحه بجيت وراج اهواي واتنازلت عن مؤتمن لتهاني

--چاكملي جميلج ومكيجيني ماطولني هيج عزيزه عندج

اخذت المكياج شمرت الجبه على جهه شلت شعري ذيل لحصان وكعدتلها اكعود ماخليت شي ماسويته ابداعاتي كولها

دخل مكرم كال راح يجون اخوتها لبسن شي

--شنلبس على بختك تره هاي اخته واني مرته

--انتي بالذات لاتحجين وحك علي اجي اسطرج على وجهج ولي غزل من كدامي

طلع واني اضحك ورا شلت الشال خليته على راسي مالي خلك مؤتمن يكعد يتفلسف دخلو سلمو عليها اني سويت روحي ملتهيه بالمكياج مادرت وجهي اله صاحني احمد انداريت لكيت مؤتمن كاعد ومدنك يسبح ويعصر بالسبحه عرفته ماعاجبه لبسي

رحرت كعدت يم احمد حضني وباسني باوعلى كال اشبي خدج

--انضربت باللوح

--اتعرفين شنهو اللوح انتي لو بس هيج زديتي

--عوفك منه اخذني وياك اليوم مشتاقه لخاله

--من اعيوني اندار على مؤتمن كله يابه راح اخذ غزل

مارد بس هز راسه بلا هو ومدنك اشكد ينرفز الواحد ضليت كاعده يم احمد

دخلن اثنين نسوان اكبار سلمن امبين يعرفوهن لان كعدن دكن اسوالف

وحده عجوز كالت ياااهاي انتي البارحه العالم كلها تحجي بيج بس والله يالشيخ خوش اطويره عندك الله يخليها الك

--ويخليلج بناتج

--جاغير البارحه بليل اجنايني ماعدهن سيره غيرها جنها لعابه اطفر بين العالم خلت نسوان الديره كلها اتفهي عليها

--بعد بيبي احمي زايد اخاف نسى

--شنهو يجده

--لاماكو سلامتج متريدين عصير

--لايجده عندي سكر انتي شربي مكاني اشو مفرعه ياا صدك من گالو مرت مؤتمن موش محجبه

--لا بيبي البس حجاب بس كدام اخوتي عادي

--صدك لمحمد شنو هالسان اشلون تحجين يجده الله يحفظج

--والله بعد هذا كلامج اشك

باوعت مؤتمن عاكد حاجبه اشرلي كومي طلعي

درت وجهي وادخلت اكثر بحضن احمد خفت يلحكني وهم انسحل

شاورت احمد على زواجه كلتله كافيه الفلوس لو بعد ادزلك

همس كافي وباسني من خدي وضحك بعد مااتحمل مؤتمن صاح ويننن يابه تراها مرتي

وانتي يلا كومي لبسي نرجع كالها وكام انطه واجب لخته باسها وطلع وهمه هم

--يعني استوني اجيت شنو من عقده هذا اشكد يحرك الكلب هسه ياخذني هم للبيت يحبسني

هيفاء. ميخالف خيه ابروح ابوج كومي ماشفتي اشلون صار

--وانتي شكرا بيبي اتوازيتي اله اتكتيهن كدامه

--ياع شكو اشمالج غير انتي امفرعه

--خرب بحضي

هيفاء. كومي بعد عمر غزيلان لاتشوطي

--مااروح خلي ياخذ تهاني موالبارحه للصبح ابحضنها واليوم نزلني من السياره حتى تاخذ راحتها خلي يرد وياها

--يبووو يغززل يبو ناويه اتجلطي والله خيه انعرفج من اول يوم دخلتي عرفنه جلطته على ايدج ولو نايم بالديوانه بحده جاصبح ضحكته اكثر من هسه الي يسمعج يصدك ماخذ راحته دكومي

ضلت تتوسل اكوم اروح مارديت شويه ودخلت سماح كالت مؤتمن امتانيج فضيها تره صار ساعه واكف بالباب غزل وصلت عنده لحكي طلعي قبل لايدخل ويسحلج من راسج

لبست وطلعت على السريع بس كلش لعبانه روحي منه لان كلش زودها لكيته امتانيني يم السياره وصلت فتح الباب كال من انعل شرف امج اليوم على هاي التربيه

--تره مؤتمن كولش زودتها

--حسج لج صعدي بلا نفس احسن مااسطر راسج بت الكلب هذا لبس لابسته

--تره ماكو احد وتشيرت طويل وهاي العجوز مخرفه جذب محد حجه بيه

--جرني حيل وشمرني بالسياره اتكول حيوانه ركع الباب وصعد شخط السياره ينافخ

اخذ اشويه ساكت رجع كال كم مره نبهتج

--على شنو مؤتمن انته شايف روحك اشلون صاير لولا تره كرهت روحي من صدك وياك صاير متنطاق شنو حابسني اربعه وعشرين ساعه وتحاسبني على كولشي

--من اتصيرين مثل البشر ذاك الوكت اطلعين

--مريض انته

وكف السياره وعصر وجهي كال كم مره عدتها مريض شنهو هاي النوب جديده

دفعته حيل وهو انجن ركعني براجدي صدرني بالجامه لمن حسيت خشمي ينزف

شمر باكيت الكلنس عليه وبعد ماحجه

اخذت الاكلينس امسح بالدم وابجي لمن تعبت من وحدي وسكتت وهو ولانفس عينه بالكدام بس الطريق يختلف اشكد مشينه وبعد

وصلنه يم اسواق نزل دخله اشويه وطلع بيده فتح الباب كال نزلي غسلي وجهج

اخذت البطل منه غسلت وجهي لان صدك جنت ابعازه اغسله مااعاند ريحه زفره الدم اتلعب الروح رجعت صعدت انطاني العلاكه وسد الباب صعد كال اكلي الطريق اطويل

--وين ماخذني

باوعلي بطرف عينه ورجع يباوع للطريق مارد

مرت كم ساعه من صدك اتكسرت شمرت العلاكه وراي مااشتهي صارت الشمس قويه احس وجهي احترك اني منتجيه وهو مال عليه لبالي يريد يصالحني وخرت ايده لان مدها يمي

كال ايدج لااصلخج على وجهج جر البرده سد الجامه بيها ورجع عدل كعدته اشكد اتفشلت هسه اني اشوكت اثكل

تعبت من الكعده رحت بالنوم كعدت على صوته كال وصلنه يلا كومي

فتحت اعيوني اشوف بيتنه واني اجيت اكمز من السياره ماامصدكه فتحت الباب سحبني

-- انتظري شوفي غزل امج وخليتهه ترجع وجبتج الها بس وروح عمي اذا شلعتي كلبي وطلعتيلي شغله صفح لوعاندتي وجلبتي يمها اخذج سحل انعل ابو گلبي اذا انكسر عليج بعد

--هئ

--شنهو الهئ غزل قسما برب العز اخليج بس بالحلم اتشوفيها اعرف شكو براسج شيلي

--لالا والله اصلا ماراح لااعاندك ولاراح اشلع كلبك ابد

نزلنه واني ماامصدكه اشوكت ادك الباب اشوف ماما

دك الباب ثواني وانفتحت الباب طلع عمو قتيبه سلم عليه ركضت شبكته بعدني مامسلمه انسحبت من وراي واندفعت داخل البيت

دفعني وضل يسولف ويه عمو اباوع لعمو كوه كامش ضحكته دخلت جوه لكيت ماما كاعده

ركضتلها ماامصدكه اتكول داخل حلم حضنت ماما ربع ساعه وحنه نبجي مامصدكين واخيرا انجمعنه

من الفرحه ماما انخفظ السكر عدها كعدت كعدت يمها عمو دخل جابلها مي وشكر كلها بعدعليمن تبجين هاي بتج ردتلج

--قتبه مامصدكه غزوله ردتلي ولج ماما اشلونهم وياج هم يعذبوج

--اشدعوه ماما وين اني حتى يعذبوني غير مؤتمن يشيلهم فلقه امني يخافون منه محد يوصل يمي

--يعني امداريج ولج اني مؤتمن الخايفه منه دكومي نزعي هاي الهوسه الابسته الدنيا حاره ياماما اشلون لابسه هالشكل

-- صدك ناسيه نفسي من الفرحه مالبالي مؤتمن حيسويها

--وين مؤتمن بالجذب لادخل ولاسلم

--هسه شتسوين بي المهم جابني

عمو قتبه. كال بليل امر اخذها

--استلم هسه اشبقى لليل كم ساعه يضل عمره ماينعدل

--ماما والله اجي مادام انتي اهنا وقبل يجيبي انوب كل فتره اجي

عمو طلع كال اجيبلكم عشه واحنه كعدنه انسولف ماخلينه احد

اشكد سالت عن اهلي واشكد حجت عن بيبي وعمه سولفتلها عن مصطفى شنو يسوي بيهن ضحكت كالت امنيتي اتعرف عليه

--ماطول رجعتي هسه تتعرفين عليه مره لخ اذا اجيت اخلي هو يجيبني

انتبهت لخدي وركبتي عرفتني مضروبه ماحجت بس اعيونها دمعت شفتها اختنكت مكسوره كوه اخذت نفس

--والله ماما يحبني هو ومدللني بس يغار ميريدني اطلع كدام احد حتى لو كدام نسوان هيج امنيته يخليني بدولاب ويقفل محد يشوفني غيره

-- همه ذوله اذا حبو يحبون من كلبهم بس غيرتهم احنه منتحملها لان ميشوفون بعد

-- اي والله ماما ديخنكني

--قبله ابوج هم هيج ابكد ماجان يحبني ابكد ماجان يااذيني وحابسني ماعرف يشوفونه على غلط حتى لوجانت الشغله النسويها صح هيج بمخيلتهم احنه مخلوقات تصرفاتنه كلها غلط

--عزززا لبالي بس مؤتمن

--لامؤتمن بعد ازيد اني دااشوفه هذا خبل اذا ابوج يتفاهم هذا ماعنده هالشي ايده والضرب

--ماما والله مليت مدااكدر اتحمله بس مااكدر اسوي شي

--هانت يماما ماضل شي صبري اذا مارجعت السواه بيه واردج لحضني بسيطه

--شنو ناويه هالمره فدوه بعد مابيه كتله وكوه قبل يجيبج لاتخربين الشغله مره لخ

ماردت عليه صفنت وضحكت كالت اكبر غلطه غلطها بحياته غبي مااتعلم من غلطتي من رجعت بيج لاعادها نفسها

-- لويش مااشتكيتي ورجعتيني

--وين اشتكي

--بالسفاره بشكوه وحده اتكدرين تاخذيني

-- عوفج من هاي السالفه انسيها غزل

--ماما الله عليج شنو الخايفه منه لويش اتنازلتي عني هيج بسهوله

--غززل اني مااتنازلت عنج وسالفه راحت الاتحجين بيها بعد هسه تريدج اتسمعين مني الراح اتسوي

--على شنو

-- اريدج اتلبسين محتشم وكسبي خلي يسمع كلامج لاتعاندي شنو يريد كليله تم كون هيج اتخلي ميكدر يمد ايده عليج

--لو اشما اسوي ماراح يبطل تره مؤتمن مريض بالضرب ميرتاح اذا مايضرب احد هيج يتغذه عليه

--لاحبيبتي هذا مو مريض هذا الغيره عاميته ميحس شنو ديسوي ابتعدي عنه من يعصب تره تتسكطين

--هو دااسوي هيج بس كون صدك يتغير وذني يتركني ميسولي مصايب

--عمتج القذره مو

--اي وبتها هم وهسه اجت جنتها فوك الزين كله

--بس اريد اشوف اشوكت يومها يجي وتطلع حوبتنه

ضلينه لليل كاعدين انسولف هيه اتعلمني اشلون اسيطر عليه اشكد واثقه من نفسها وتحجي ومصدكه روحه متعرف مؤتمن شنو اني بس اكول اي اريدها تسكت

عمو جابلنه اكل كعدنه اكلنه بالصاله رجعت اتمددت بحضنها هيه تسال واني اجاوب استوقف كلامي من كلتلها على الافلوس الداانطيهن الاحمد كالت منيلج

--طلع بابا امسجل كومه اشياء بسمي

--لاماكو هيج ابوج ماسجل شي هاي لعبه من مؤتمن متاكده

--يعني اشلون لعبه بس اكو اهواي املاك امسجله بسمي

--هذا سجليهن وشمرها براس ابوج راد يضمن تعبه لان جدج مكوش على كلشي ماكو غير هاي الطريقه اذا ماطلع مؤتمن امزور وناقلهن بسم اطلع ماافتهم

مؤتمن ذيب مال هيج اشوالف عرف اشلون يفرها ويخلي احد يحجي واله ابوج جان فقير مومال هيج شي وميسوي شي اذا ميساوي بيناتكم اشلون بس انتي

--لعد اشوكت سواها اني من رحت عرفت هذا الشي

--مااعرف والله شكلج بس عزا ابعينه اشلون فارها وخالكم اتصدكون

--اشلون امن اذا كمشت ابكلشي ماتنازلتله

--يعرف مثل مازور وسواها يكدر يزور ويسوي وكاله يعرف يردهن

--مااعرف ماما مؤتمن محد يحزر شنو ابراسه وانوب ضيع نص افلوسه جدو بالسفره الراحت اذا دره هيج امسوي شيخلصه بعد واگول من اريد اسحب هو ينطيني ميخليني العب ابكيفي

--ياسفره ولج

--مالت دبي دخل شريك ويه واحد اهناك وجان شرط جزائي بينهم عالاساس يبقى بعدين فلش الشغل ورجع كومه خسر

--لاتصدكين بالحجي هسه تلكين شغله ماشي ومصنعه يشتغل اهناك وهاي مشاهه على جدج لان حصره وراده يبقى اهناك غصبا عنه

--عزززا هذا شديسوي بيهم

-- مالج شغل لاتحجين ولااتكولين هو يعرف اشلون ياخذ حقه منهم افلوسه ويجبرو يردون ابكيفهم يمشو. لبالهم فقير مثل ابوج ميدرون امفتح بالتيزاب تربات صبحه

هسه عوفج من هذا كله اهم شي امداريج شدخلنه بالباقي

--شخبار سيف

--بقى اهناك كال مااكدر ارجع اذا رجعت ماراح يخليج اتشوفين غزل معروفه هاي

--مااتزوج

--لامضرب عن الزواج لحد الان صورج امعلكه بالغرفه مالته وحتى بالحاسبه من يفتحها الخلفيه انتي بعده عنده امل

--كون يلوحه مؤتمن والله ميكفي اذا ميشرب من دمه هو مرت الشيخ شافه رجليه كتل روحه موانوب رجال

--بيوبيو اذا عشك الجنوبي يتسون ويسودن العالم ويا هذا طالع على جده هيج جان

--اي هم كله جدو انته تاليتك تكتلها وتسودن هههه

اتعده الوقت واحنه بعدنه مشباعنين وحده من الخ حتى نوم هم طار منه

رحت وياها للغرفه اشكد جايبتلي ملابس وغراض كعدت اقيس وهيه اترتب بالجنطه علمود اخذهن كل ماابدل اشوفها كوه تكتم ضحكتها عرفتها عليمن

استحيت عفت الباقي كلتلها بلبيت اكدرهن ماردت بس كالت الله يسعدج يماما لبالها ذني من كثر السعاده البيها اني متدري جانن من ضمن العقاب

الساعه 2 واندكت الباب طلع عمو اسمعه صاح اتفضل عرفته مؤتمن باوعت الماما بعدني ماشبعانه منها

-- كومي ميخالف خلي الله هادي اذا عاندتي بعد ميجيبج اني هم تجي اشوفج موبعاد صرنه لحد مالله يسهل ويصير البراسي

--بعدني ماشبعت منج

--شنسوي هاي قسمتنه يلا حبيبتي بس تتعطلين هسه يكول شلعتي كلبي ويسويها حجه حتى ميجيبج

طلعت ناوشته الجنطه عكد حاجبه كال شنهو هاي رجعيهن

--مؤتمن ذني ملاتي

--اي وشنهو ملاتج جايبتهن عليش يابه خالج تستعطين وهيج تعملين

--لامؤتمن موذني القديمات والله احبهن وماكو منهن اهنا حباب هاي اخر مره فدوه

استغفر وشمرهن بالسياره كال اخر مره غزل لاتخليني بعد مااجيبج

--لالا ابد بس هالمره

اندار على ماما كلها وين الاوراق حضرتيهن

--اي هسه لحضه اجيبهن

--يلا استعجلي وانتي يلا بويه صعدي

دخلت ماما وطلعت بيدها اوراق انطتهيا مااعرفت المن ذني ودعتها ورحنه صعدنه مشه اشويه كتله مؤتمن شنو هاي الاوراق

باوعلي ماحجه رد يباوع للطريق

--مؤتمن

--هلا

--شنو ذني فدوه

--بعدين اتعرفين بس دخيل ربج لاتخربيها مثل ذيج وبدل المفاجأه اتصير كارثه بس ركدي ويوصلج الصافي بس كون عاد الله يثمر وياج

مالحيت شفته ماحجه تركته خليت راسي على الجامه وذبيتها نومه لمن وصلنه ماادري ابروحي و

وصلنه نزلت اتكلتنه عمه اول مادخلنه صاحت هااايبن بطني رحت بيتها

--غزل روحي غرفتج

--لاوخايف تسمع بعد شضام يجبير اخوتك

--يممه واصل تعبان بعدي خلي اولي اخمد وبعدين نحجي

--ولك شنهو العملته وخلتك هيج متسودن متشوف طريجگ ولك اشلون نسيت العملته امها

مؤتمن لاتسودني

اشرلي صعدي اني هم ماصدكت عفتهم يتكافشون وخاصه من طلع جدي صارت هوسه

دخلت لغرفتي ابسرعه النعسه ابعيني بعدها شمرت روحي كملت نومتي

بس هيهات اذا عافني نايمه على كده العركه وحسيت راسه بركبتي يبوس كلتله تره كالت شهر

--مم شهر ابو اليومين كالها وعضني

--ااا وخر تره شهر مدااجذب اني

--سالت ابو الصيدله وهم اكدلي شهر وكال لوتاخذ الرابعه يكون افضل الك لان هاي بعد مابيها فايده

--عزا هو هيج كلك

--امم بس اني كلت قبل لااتزوج خلي اشوف يحجي صدك يجذب شووتعالي---كافي لج اثبتي ----

--مؤتمن مؤتمن بس دااحجي دقيقه اوكف بس دااكلك شي

وخر عني بس ضايج انتجه على ايده كال احجي فضيني

--اريد ارجع للمدرسه فدوه حباب اذا صار عندي اطفال منو حيعلمهم واني مااعرف عربي

--غزل انتي منتبها لروحج كل بوسه تخسريني تعب شهر واكثر

--حباب مؤتمن فدوه بعد بس هاي الشغله ومااطلب ابد

--سهله يابه دتعالي وهاا نفس مااريد اسمع اي حس مدرسه ماكو ايدج وخريها لااصفكج على وجهج ثبتلي لج -------

اليوم معزومين على زياره لبغداد للامام الكاظم لان سبعة هيفاء وماخذ سياره جبيره وعلى واهسنه شيخ علوان وجدو كالو هم انروح

السياره الجبيره كلهن صعدن انترست مؤتمن ماقبل اصعد وياهن صعدنه ويه شيخ علوان سيارته عاليه مالت سفر

جدو كعد ليكدام ومرته علون وبيبي بالكشن الورا مكرم وهيفاء وبت الشيخ الي لطشت تصعد ويه ابوها لان عرفت مؤتمن راح يصعد

مكرم ومرته صارو ورانا واني ابصفي يم الجامه دعاء ومنا مؤتمن طلعت السيارت جانت الساعه 5 الصبح

خليت راسي على متن مؤتمن غمضت اعيوني لان بعدها النعسه بيهن شال ايده خلاها وراي بعد مانزع سلاحه صرت ابحضنه غمضت اتذكرت نهايه ايده راح اطخ بدعاء سحبت جف ايده كمشته بيدي ضحك وعصرني همس بطلي اخبال

--مؤتمن

--هلا

--خلي انبات بغداد منرجع نحجز فندق ونضل منرد وياهم

عصرني وهمس يم اذني عاد اكو شي وراها لو كالعاده بشلاع الكلب يالله احصل شغله

بعدني مامجاوبته ضربتني من راسي هيفاء

انداريت اشرتلي ابتعدي عن مؤتمن هاي عينها بيكم

عود خطيه خايفه من الحسد متدري اني على العناد هيج دااسوي

كلتلها اي ورجعت لفيت ايده عليه ودخلت بحضنه حسيت ضربتني من جديد دخلت راسي اكثر بحضنه همس غزل بويه راح دخلين بيه فشله من العالم

--ضلمه محد يشوف وكلها نايمه شنو مليت

عصرني وكال يابويه وحگ علي اموت عليج شمليت غير كوه كامش روحي لاانزل هسه وارجع بيج للبيت

--مؤتمن هم يجي يوم اتعوفني وتمل

--اله امسودن ولج انتي اتصعدين وتنزلين ويه النفس

--لويش دتهمس بذاني خواحجي حيل

--لخاطر شيخ علوان يكول اتسودن الزلمه يشمرني بالطريق

ضميت وجهي بعضنه ونمت مااعرف احس بشعور عاصر كلبي خايفه يجي وكت وافقده بي

مااعرف لويش هيج احس خاصه بعد كلام ماما ماعرف شدبر

راسي بحضنه اسحب النفس من صدر يدخل ابداخلي احس بي روحي

ادري بي يحبني واكثر من حبي اله واعرف اشلون حاملني ومتنازل لخاطري بهواي امور واقل شي هسه متماشي وياي ومتحمل الفشله في سبيل انام واخذ راحتي

وكل اشويه يعدل كعدته يخاف يضايقني ويعصرني بحضنه بس كلبي مامطمأن وخاصه من كلي اي شي يصير وا يحجو لاتصدگي تره انتي بالنسبه الي روح عايش بيج

واخذ وعد مني مهما يصير مااتركه اشكد حاولت اعرف لويش هيج حجه لوشنو اكو

يتيه السالفه ويلهيني كالعاده بوسات وشقى يخليني انسه الموضوع نهائيا

بس جان اكو شي خايف منه وضامه خاصتا بليل دائما اكعد على لمسات اصابيعه يمشيهن على وجهي وصافن ماعرفت لانو يحبني يخاف يفقدني

لان الانسان من يحب شي اكثر من نفسه يبدي يفكر بخوف فقدانه او لاضام شي عني وخايف اعرفه جنت ويا عايشه بحيره

كعدت على صوت الشيخ يخابر امبين متنرفز يكلهم هلابيهم حي الله ودوم ---لاافا من اعيوني باجر العصر المضيف مفتوح الكم هلايبه --اكيد راعي المضيف موجود هلابيكم -في امان الله

مؤتمن. همه نفسه الشيخ

--اي والله نفسه انوب جايب ساده ومااعرفن اشلون احلها

--بس خوش عالم راح يصونه اعرفنه

--هو هم هيج بس يبوي طلع للجد موش لبنه اخافن اضلم البت وياه

--والله شكلك هاي ضلت يمكن اذا مامقتنع نكدر نرده ماكو اشكال

--لايبوي هيج نتخارب هذا جبير ال --- وهاي اكثر عشيره امساندتنه ان شاء الله من تكمش الشيخه اول واحد راح يوكف ابضهرك

--الله كريم

همه يحجون ودعاء شهكت كالتله دخيلك يبوي لاتضلمني هذا ابكد جدي

انكتمي ومااهيس حسج العالم اجت ومانكدر نردهم

يبوي اشذنبي انه وهيج اتضحون بيه

بسسسج اشحجيييت

خافت ماحجت بعد بس تشهك ردت احجي مؤتمن خزرني سكتت وصلنه نزلنه وهيه مستمره بالبجي

الولد كدامنه يمشون وحنه وراهم

مؤتمن ابصف الشيخ خال اديه بجيوبه ويمشي امدنك مااعرف شنو يحجون ودعاء وامها كامشتهن البجيه ينوحن انوب بيبي شاركتهن راحت جنتها المستقبليه

وصلنه يم ابو الجوادر اترخص منهم وراح للمحل جاب واحد واجه فتحه من جيسه لبسته كال رخي

مو يفلت

خره بشكلج حصر وجهج غزل

لعد اشلون

شو تعالي كالها وسحبني فتح التجه من وره ورخاه اباوع الشيخ يضحك ودنك كلتله تره الشيخ ديباوع

هو ضلت عليه بعد انفضحت خليها تكمل بس فضيني وكل اشويه غسلي جهرتج لاتخليها هيج مسموط ابوها وروح عمي احرمج من الطلعه بعد

يعني شنو تره هنه هيج خدودي حمر كول مااريد اطلعين لاتطلع حجج

والله ياريت غير هاي امنيتي بويه عليش متلبسين عبايه وتتنكبين موش افضل

اتعلم ميخالف بس اصبر

اصبر شورانه

انداريت ردت امشي واشوف دعاء امدنكه اتبوس بيد ابوها وتبجي وابوها يستغفر وامها متربعه يمها

كسرت خاطري اجت سماح جرتني كالت يلا وجهج بده ينطي اللوان احتركتي دخلنه لجهه النسوان تفتبش اتعطلنه لان ازدحام

طلعنه لكيت مؤتمن ومصطفى واكفين يم الشيخ وهو يسولف امدنك

دخلنه لكينه هيفاء تبجي رحنه يمها استغربنه وكفتهه كالتلهه سماح عليش خيه شمالج تبجين

الشيخ طلب منه يعقد على دعاء -

الحادي والثلاثون من هنا

تعديل المقال