رواية كفي والمنجمة الفصل الثالث 3 بقلم الكاتبة Leo alfatlawi

رواية كفي والمنجمة الفصل الثالث 3 بقلم الكاتبة Leo alfatlawi

بارت الثالث

سحبني من شعري وداني يم الشيخ كله سمعت

الشيخ من خوفه كله اي

-- هسه تعقدها الي

اول مكال هيج رفعت راسي هذه صدك ديحجي اباوعله جان يحجي بجديه كمشتني الرجفه شنو هذه معقوله عاقل لويريد يكتلني ومحد يكدر يحاسبه لان اصير مرته

اجت ماما اتعيط عليه واتگوله لو اتموت ماانطيك بنتي جرتني منه بس هوه جان قبضته قويه بحيث مااكدر اتحرك من جوه ايده

اندار على عمو قتيبه كله بعد حرمتك لااتخليني امد ايدي عليها

قتيبه. فريال تعالي اهنا تركي بتهم خلي ياخذوها فكينه من شرهم

--شنو بسلا وافقت والك هذه يموتها ذوله ماعدهم رحمه اسألني عنهم اني اكثر وحده اعرفهم

---ميأاذوها هاي بتهم

---عزا ابعيني راحت بتي صرت وياهم لوخفت على ابنك ياقتيبه والله يمؤتمن اخليك تندم اترك غزل الك ثار اخذه مني بتي مالها ذنب

هاي الهوسه والصراخ كله اصلا مجان يسمعه لان ملتهي ويه الشيخ ينطي معلومات عنه علمود العقد كمل باوعلي دنك خله راسي يم اذني وهمس

اتوافقين وانتي حبابه اي غلطه منج اخلي طلقه ابراسج ونهيج بثواني وانعل ابو اليطلع ابوجهي باوعلي واشر ابراسه هااا

هزيت راسي بأي واني ابجي لان خفت صدك يكتلني ويكول غسل عار مثل ماتكول سماح

ماما. غزل ماما لاتوافقين وانته يالمومن اذا عقدتها راح اشكتي عليك واكلهم يعقد باطل

سمع حجيها مؤتمن طلع ورقه من جيبه وراح يمها رفع الوقه وكلها تذكريها هاي لولا

جان يحجي وهوه مبتسم اباوعها اتصنمت وردت حسابك وياي عوف غزل

---لو الورقه لوغزل ضلت يمج بعد يلا لاتااخرينا

---مؤتمن عمه لاتخلي الماضي يعميك وتضلم وحده مالها ذنب

--- يلا شيخنا اتوكل كمل العقد

المومن. الشهود منو

---ذوله موجودين كاظم ومكرم هوياتكم خويه

---والوكيل الابنيه قاصر

---احمد اخوها هوه وكيل عنها

---تمام اتفضل اهنا خلي اكمل نقل المعلومات

اباوعله سحب الكرسي كعد ودنك وصار كدامي امتاني اجابتي كل عقله هذه راح اوافق مستحيل اصير مرته شنو اتخبلت واذا كتلني شنو راح اخسره اموت ولااعيش وياهم وخاصتآ ويا

بده يعقد انداريت ردت ماما تنقذني من هذه الموقف لكيتها ماكو ولاواحد مختفين وين راحو ذوله صح شفت ماما عمو اخذها وداخل جوه بس سيف وين بلكي راحو يخبرون الشرطه انتبهت احمد ماهوه عرفته يمها جوه اكيد حاسبين هيج حساب

الشيخ. كال بنتي اذا موافقه قولي نعم

--- لاعمو ماموافقه ولااريد اتزوج هذه

شال راسه باوعلي وهوه كوه كامش روحه امبين راح يطك عاصر اديه حيل خفت انضرب

كمت رجعت ليورا ردت اشرد بس جان اسرع مني كمشني وكال وين تردين لسه ماكملنه العقد

--مااريد اتزوج فدوه عوفني

--ردي لمچانچ ونكتمي عيد العقد مولانه

المومن. ابني باطل عقدكم اني ماادخل بالحرام وحتى اتعابي مااريدها

--اتوكل مودع الله --مكرررم شوفلنه واحد غيره ابسرعه -سهلا يبت عمي يصير خير

الشيخ لم غراضه وطلع شارد ومكرم طلع وراه كمت ردت اشوف ماما ماحسيت غير جرني من شعري اول ماانداريت كفخني راجدي حسيت وجهي انشلع خليت اديه على وجهي جرني حيل من شعري ورجع ضربني اقوه طحت بالكاع دنك صار بمستواي خنكني كطع النفس ردت بس اسحب الهوه مااكدرت دفع بي ماكو ميتحرك

-- وحده ابكدج اتضحك العالم علينه والله عيب على اشواربنه شافني كطعت النفس عافني

شهكت اشرت مااعيدها

--راح يجي الشيخ وروح عمي اذا ماوافقتي اله اذبحج كفيلج الله ثانيتين مطولين بيدي

كالها و كام ودفرني اجت الدفره على ايدي حسيتها انخلعت شاطت روحي متت يمكن انكسرت اريد اجر نفس مااكدر حسيت روحي تطلع كمت ابجي بصوت عالي واصيح لماما لحكيني حموت

مااعرف لويش اختفت ماما شنو سوالهم احمد لو شنو الورقه الشافتها وخافت منها

مرت اكثر من ربع ساعه كلبي اجه يوكف من الالم حتى صوتي انبح من البجي

واكف منتجي عالحايط يدخن ويباوع بساعته جان متوتر وبنفس الوقت امبين طالعه روحه اخذله اشويه ورجع باوع بساعه وكال كاظم ماخبرته شفته وين وله مااااطلع شيخ

--خبرته كال دقايق جاي بالطريق ماحصل لمن راح للامام

.-- شوفي لج بت فريال كلما اترفضين راح اكسر بيج جزء ماعندي شي للصبح باقي وبدل الشيخ اجيب الف

بس اباوع بدون كلام الخوف مسيطر عليه كل دقيقه يهددني بشكل بحيث عيشني برعب اريد ابلع ريكي بعد مااكدر

كاظم. مكرم يتصل اضن وصل الشيخ

اطلع شوفه بين مااستر هالمصيبه

طلع كاظم وهوه كعد يمي نص كعده كال

اسمعيني لج ادموعج ذني اذا شفتهن اعيونج اقلعهن الج نفس مااريد اهيسلج بس تنطين الموافقه وكون على الله اترفضين ماراح اكلج شنو راح اعمل بيج لا كلشي بوقته حلو يلا كومي

--مااكدر كلتها وشهكت

--استغفر الله اشلون شغله هاي موش كلت بسج بجي لولاااا شنهو حجيتتت

--ماراح ابجي بسلا تضربني فدوه والله ايدي دتموتني كلتها وشهكت غصبا عني من كثر الخوف والالم تنزل ادموعي

اشوفه جر حسره اندار نفخ ورجع كال وتالي اشوكت نخلص جان يحجي وياي واعصابه كوه لازمها امبين وصلت ويا للنهايه لان شكله اتغير خفت يرجع يضربني مره لخ

--لالا ماراح ابجي ومسحت ادموعي بس لاتعصب فدوه

--عفيه يلا كعدي خلي اجيبلج اصخام الفج بي وين الجفن الجنتي لابسته من اجيت

--قصدك قطعه القماش البيضه هياتها وراك بالكاع

--هاج ستري روحج ومسحي الاستغفر الله ولاتشهكين اشلون بلوه

مسحت ادموعي وغطيت راسي نزع الغتره من راسه غطه رجليه لفهن حيل حسيته يضغط عليهن ويباوعلي بنرفزه وضايج وكلهم خلي يدخل الشيخ وينه

دخل الشيخ بارك وكعد منو وكيل العروس

--اخوها

--وينه خلي يجي

--بس لحضه هاي هويته وذني هويات الشهود سجل المعلومات بين ميجي -مكرم صيحه من جوه

-- بت عمك هاي

-- بت عمي

--شو مااشوف اجواء عرس خير خوماكو شي

--استغفر الله ماكو شي ان شاء الله عدنه ميت

--جان اجلتو العرس حرمات ياابني هوه مره بالعمر خلي تفرح بي

--شيخنا متشوف اشويه داخل زايد

--لاياابني غير انصحكم وانوركم

--يلا استلم شيخ مصلح اجتماعي من خره بهيج زواجه فضني رحمه لديييينك

--شنو وضعكم اشوفكم موراحه

طفر مكرم كمش الشيخ من دشداشته كله الموراحه متنكال لزلم مثلنه تعقد وتطلع نفس مااهيسلك لاوكفيلك محمد اطلعك منا محمل

الشيخ بعد السمعه وشافه خنس اجه احمد بلش يعقد

خلص كال اذا موافقه قولي نعم اني لاارادي طلعت شهكه مني حسيت ايد مؤتمن عصرت خصري حيل

ابسرعه كلت اموافقه لان بعد مابيه حيل ضرب كافي ايدي مااعرف اشبيها وادري هذه قافل ماراح يمل مثل ميكول يجيب الف شيخ غيره

كمل الشيخ العقد باركلنه طلع منهزم ويا الولد الجانو واكفين يتحاسبون

واني سحبت قطعه القماش من راسي وكمت هوه هم كام وكال يلا خلي نتوكل

--بس اشوف ماما الله يخليك

--منو هاي التحجين عنها اريدج اتمسحيها من دماغج احسن ماامسحها بغير طريقه

--فدوه فدوه حبابه اخر مره بس اسلم عليها

--بويه امشي ورانا طريج جاي تفتهمين شنو احجي

--فدوه اول طلب واخر طلب بس اشوفها والله اموت اذا ماشفتها حباب الله يخليك جنت ابجي واتوسل بي كامشه ايده

اجه احمد كمشني من شعري كال من يكلج امشي اتركضين بلا صوت سحب ايده مؤتمن ودفعها كال فضينه ودفعني لجهة الصاله

رحت اركض ليجوه فتت لكيت ماما نايمه على القنفه وعمو يمسح بوجها بالمي ركضت عليها اشبيها ماما

--مابيها شي بنتي روحي

--عزا ماما شنو صارلها بسلا ماتت

--لامابيها شي سكرها صعد هسه اوديها للمستشفى لاتخافين

فتحت اعيونها تعبانه نزلت ادموعها كمشت ايدي كالت ماكدرت احميج

--فدوه لايصيرلج شي اني ماعليه اكدر احمي نفسي بس صيري زينه

--غزل ذوله مو اوادم وخاصتا مؤتمن ماراح اتكدرين اتعيشين وياهم

--لاماما راح اكدر والله بس انتي لايصيرلج شي

--غزل صيري قويه لاتخافين اليكلج كلمه رديها بعشره لا تسكتين تره ينهشوج اذا شافوج قويه راح يبتعدون عنج لبالهم مثلي

--ميخالف ماما بسلا تبجين فدوه اخذي باسبورتي واشتكي عليهم

--مايفيد ماما عدهم ضهر قوي ذوله شفتي بالمركز اشلون لفو السالفه موانوب راح ياخذج وياه للجنوب يعني محد راح يكدر يندك بيهم يتيهوج يخلون مالج ذكر من الاصل

--ماما خايفه كلتها وبجيت

--ماراح اعوفج اتحملي كم يوم بين ماادبرلج شي واخذج وانهزم مااتركج لمؤتمن وصبحه

ردت احجي شفتها خزرتني حسيت واحد يسحبني انداريت شفت مؤتمن وراي اشرلي يلا

كعدت ماما كوه وكالتله امانت الله عندك غزل مالها ذنب بالصار لااتطلع الماضي بيها تره زغيره ويتيمه وهذه اخوها مابي خير لاتضلمها بشي مالها دخل بي

اتريد حقك اخذه مني لاتاذيها مؤتمن لااتخلي الماضي يعمي اعيونك وتضلمها

مارد مؤتمن بس جرني ويا وطلعنه طلعت واني ادموعي تنزل مااعرف وين رايحه لو شنو ضاميلي

شنو حياتي راح اتكون ويه مؤتمن شنو محضرلي راح يطلع الصار بيه اي ولويش لا اذا اتكول ماما يردون بس شي يبردون كلبهم بي وهاي اني اجيتهم عالحاضر

رحت ويا واحس روحي رايحه للموت برجليه طلعنه شفت سياره سوده بالباب صاعدين ومتانينا

مؤتمن كال احمد انته سوق نزل احمد من الكشن الورا وصعد ليكدام يسوق

صعد موتمن ابصف مكرم وكال يلا

صعدت ابصفه سد الباب وطلعنه يمشي حيل لف امتوني بالغتره وهمس ابأذني خو ذني مابقن ابنفس احد

اباوعله وادموعي تنزل اندار يحجي ويه مكرم

خليت راسي على الجامه مالت السياره اباوع لبيتنا بعدنه عنه حسيت روحي اودعه هم راح اشوف ماما

ولويش مااشوفها شنو كاتلين اهلهم والله اسويها مناحه هسه موزين قبلت بيهم واخذت ابنهم بس الله اذا ماذليتهم وطيحت حظه مااطلع غزل بسيطه مؤتمن اذا ماخليتك تندم ابكد شعر راسك اخذتني مااطلع غزل

مسحت ادموعي وقررت انتقم منهم والله مااخلي يشوف يوم واحد حلو بعمر شيريد يضربني عادي بس اهم شي اسود عيشته

انتجيت المكان ضيك كوه كاعده ماخذ المكان كوله هوه اتكول ثور اشضخامته

ضلت اباوع للطريق وبالي شنو راح اسوي بيهم وبيمن ابلش ماكو غير العجوز الشمطاء اي هاي العزيزه مالته وهيه راس البله حسيت ايده مدها من وراي سحب البرده سد الجامه بيها

يمكن راح يخنكني هذه امبين علي معقد

الطريق طويل ومزعج حسيت عضامي طكطكت من الكعده وايدي منا مااعرف اشبيها يمكن مخلوعه دااعدل كعدتي وانضربت بي وهوه بهالاثناء شال ايده يريد يخليها وره راسه اجت بيدي حسيت روحي شاطت صرخت حيل

اندر متفاجى يباوعلي واني كمت اكمز من الالم كال اشصابج بويه

ايددددي حموتتتتت

بس حسج شو خليني اشوفها اشبيها كمشها واني اتوسل يعوفها كال بس انطيني صبر خلي اشوف

عصرها من فوك كال منا توجعج اشرتله لا

نزل ايده كال منا هم اشرتله لا

نزل ايده اني صرخت ضغط عليها خلاني اكمز كال مابيها شي خلع هاي موكسر

شد الغتره الجنت خالتها على امتوني من جوه وسحب ايدي على كيفه قبل لايخليها بيها

خله ايده على حلكي سده بيها والثانيه سحب ايدي حيل يمكن اغمه عليه من الالم كوه فتحت اعيوني لكيته يباوعلي وكال هسه اشويه اتصير زينه مابها شي رجع العضم المكانه

غمضت اريد احس بدوخه موطبيعيه روحي رايحه الله ينتقم منك وياخذك على هذه الالم

حسيته يهز بمتني كال بيج شي باوعتله بيه اطياح حظك وقسمتي الغبره هزيت راسي بلا مابيه

غمضت احس بنعس موطبيعي وعيوني غصبا عني تنسد لاارادي غمضت اعيوني و نمت

سمعت صوته يكعدني كال يلا وصلنه فتحت اعيوني رمشت اريد ارجع ذاكرتي اني وين

هاي لازم اسويها من اكعد من النوم اتكول فاقده الذاكره لازم احمل دقايق يالله ارجع لوضعي

--شنهو بويه ناويه اتكلمين نومتج اهنا

--هااا

-- انتي صاحيه لوبعدج نايمه

--مممم

اباوعله ومسح على وجهه كال يلا بويه كومي نزل وهاج هاي عباء لفي روحج عدل

وسحبني نزلني ويا لكيتهم كلهم نازلين وادخلين باقيه بس اني ويا

نزلت الدنيا ضلمه خفت اتذكرت الجلب مالت الصبح

كمشت ايده حيل اندار باوعلي ورفع حاجبه

--تره مو ابحالك بس عدكم جلب اهنا الصبح راد ياكلني

هز ايده وكمل مشيته واني اسحل ابروحي ورا لان لابسه عالي والعيابه على امتوني تسحل

--فدوه عالكيف راح اطيح

مارد وكمل مشيته واني اركض دخلنه واشوف كدامي مناحه صايره عزا منو مات

اباوع سماح اعيونها حمر واتناشغ اول ماوصلنه كالتله بالمبارك يبن عمي بالرفاه والبنين

دفع ايدي وراح الها سحبها وحضنها وضل يسكت بيها ويبوسها يكلها محد ياخذ مكانج اباوعله اشلون يمسح بدموعها وخايف عليها

هسه هاي عرفت مرته وضايجه حقها

بس اختي اخدودها حمر امبينه ضاربتهن لمن طالع دمهن هاي اشبيها

دخل جوه وبيده سماح واشرلي وامشي ورا واني وراهم مثل الثوله ماادري وين رايحه

دخل لغرفه وكفت بالباب عرفتها غرفه العجوز اندار اشرلي تعالي دخلت ورا دنك باس راس العجوز وكال تعالي بوسي ايدها رحت يمها دنكت بس دفعتني كالت مااريد اشوف وجها

راح كعد يمها وكلها جده هاي صارت حرمتي

--عصيتني يمؤتمن وراح تعبي بيك كبرت وكسرت چلمتي

--ماعاش اليكسر كلامج بس صارت غصبا عني

--من اشوكت الصكر ينغصب على شي بس كول فريال ضحكت عليه ورغبتني بيها وخذيتها

--افا ونه تربات ايدج اخلي حرمه تضحك عليه

--جا هاي مني الجبتها موش بت فريال

--هاي بت عمي وحرمتي طبعا بعد رضاتج والتردي يجرالج عالكص اركبتي بس لااتكدرين روحج

ردت اطلع لان شفت مالي وجود بينهم ناس ترفع وناس تكبس نسيت حتى نفسي منو اني وهاي العجوز اتكول كاتلها ابوها ماعدها مانع اتكله اكتلها وهوه ينفذ ماهامه شي غير رضات الشيطان

صاحت وين تعالي رجعت وكفت اشوفها شتريد

شوفي بت فريال اني لارايده شوفتج وكارهتج اكثر من امج بس لخاطر مؤتمن راح احمل وجودج اهنا

اذا سمعتلج حس لو حسيتلج نفس اخلي يكظي بيج التوبه امشي عدل ولاوحق عزت الله وجلاله اذا صرتي مثل امج اخلي يخلي طلقه ابراسج ونخلص منج

اني بس واكفه اهزه ابراسي واكول ايي

ردت كالت شكو طفل يصير راح تنطي لسماح وهاي كدام مؤتمن يسجل بأاسم سماح هاي منريدها ام جهالنه اتصير

شلت راسي وباوعت لمؤتمن متفاجئه شنو يحجون ذوله بس شكله جان موافق اباوع سماح فرحانه ذوله كل عقلهم يحجون هوه منكلهم راح اصير مرته بالصدك

اجت سماح فرحانه بعد السمعته كالت بالمبارك باستني وكالت تعالي وياي رحت وياها واني امشي متبنجه

ذوله شنو من بشر يزوجوني بكيفهم ويحطمون مستقبلي ابكيفهم وهسه يردوني اصير حيوانه انطيهم جهال والله اذا طلع شايلين عقل مثل باقي الاوادم اطلع ماافتهم

وصلنه غرفه فتحتها امبينه اخشاب جديده بيضه وفرشه جديده دخلت كالت سبحان الله هاي الغرفه المن اتجهزت والمن انقسمت

--شنو مافهمت

--ضحكت وكالت هاي لختج ومؤتمن عالاساس يزوجون بيها بس اجيتي انتي وخربطتي كل المخطط

--وانتي لويش احسج ماضايجه موهذه زوجج

--اشلون ماضايجه النار تاكل ابكلبي بس شي اهون من شي

--اشلون مافهمت

--انتي امأامنه منج ماعندج لاخباثه ولاتحبين مؤتمن يعني ماراح تاخذي مني ادري الصار كله غصبا عنج بس سمر جانت كولها لؤم وشر والحمد الله مصارت من قسمته

--لاكولي فرحانه لان راح اصيرلج الام الحاضنه

--مالج شغل بكلام جدتي بس انطيني طفل واحد فدوه امنيتي طفل من ريحه مؤتمن حتلو متخلي ابأاسمي بس اني اربي الج انتي حسيتي بالضلم ومجربتي يعني راح اتحسين بيه

بعدني ماراده عليها ودخل مؤتمن باوعله خال اديه بجيوبه ومدنك جان امبين ضايج على سماح ومقهور امبين من نضراته الها

هيه حست كامت كالت بالمبارك عليكم وطلعت هيه وادموعها تنزل اشكد انقهرت عليها

راح طلع وراها الحمد الله خلصت منه بلكت جدته الشيطانه كالتله عوفها يارب كون مره وحده تطلع شريفه وتجي ويه حظي

كمت وخرت الغتره ونزعت العباة عني شفت باب ثانيه داخل الغرفه عرفتها حمام رحت فتحت الباب حمام كامل ومرتب استغفر الله يعني هذه كله لسمر بس والله حيل بيها خلي اتموت بقهرها اذا ماذليتها هيه واخوها التكول ابريعصات بسيطه

فتحت المغسله غسلت وجهي شفت الكحل نازل طبعا من كد مابجيت حسبي الله بيكم

كملت من الحمام وطلعت رحت للمرايه دااشيل شعري افتحت الباب شفته دخل حسيت كلبي وكف بلعت ريكي كوه

عفت شعري واحتاريت بمصيبتي اريد اتحرك مااكدر حسيت روحي انشليت هذه لويش اجه اباوعله سد الباب وجه يمي اريد اسيطر على رجليه بعد مااكدر وصل يمي

-- عليش خايفه شال ادي وكال بعدني ماعملت شي

جان يحجي وياي متشفي بيه يعرفني ميته خوف نزلت ادموعي لارادي

لالا بعد وكت البجي حاولي اتوفيرين ادموعج لبعد اشويه

هوه كال هيج واني بعد اريد اريد احجي مااعرف

جان هوه يتقدم واني ارجع ليورا كمش ايدي وسحبني لمن انطكيت بصدره كال منو ضل اليوم ماشافج لو مااتخيلج

--محد شافني

--لااااا لامحد وسيف ولاتتحاميتي بي جان شفتيلج زلمه توكفين بسده موهذه من اول دفره شرد

--تره انته مالك حق اني جنت مرته وانتي طلكتني منه غصب وهسه جاي اتحاسبني تره سيف

بعدني احجي وظربني راجدي كال اسمه مره ثانيه اذا سمعته اشلع راسج سمعتتتتتتي

--امم بس اني مااريدك وانته كلتلي البارحه من اتكبرين انتي اتقررين المن تزوجين

--هاي البارحه الحجي اليوم كلشي اختلف

--شنو الاختلف عالاساس كبرت من البارحه لليوم لوشنو

--ماكبرتي بس درب الحقاره مشيتي بي وطلعتينا مزعطه كدام العالم

--بس اني مااحبك ولااريد اكمل وياك

--ولااني مااتخيلت روحي اخذج بيوم واتصيرين حرمتي

--اي لعد عوفني فدوه روح لمرتك حباب

--اي تامرين بس خومو اطلع منا اخليهم يكولون موش زلمه عيب بحقي وانتي مترضيها على زلمتج تطلع هيج احجايه مو

--لالا ارضاها والله بس اطلع حباب

اني ميته خوف والرجفه كامشتني وهوه يحجي مترهي ويضحك احسه يضحك على عقلي

--مؤتمن هسه مرتك تزعل وهيه متستاهل

--والله متستاهل فهيه متستاهل اكيد وخاصتا وحده مثلج اجت على راسها بس كلمن يتحمل نتيجه اخطائه محد كلها اتساعدج

--يعني شنو هسه

--ماكو سلامتج حسبي اقل العشر دقايق وتكونين بيها حرمتي

مؤتمن مؤتمن فدوه بس اسمعني والله اسفه ادري السويته غلط بس انتو هم ماقصرتو اذيتوني اهواي

مؤتمن الله يخليك عوفني فدوه اروحك

جنت ابجي واتوسل وهوه اصلا مويمي جان يفتح بدكم قميصه اصلا مااعبرني ولايسمعني

اجه يمي واني حسيت هاي نهايتي ردت اصيح خله ايده على حلكي وكال اذا هيست حسج اموتج هيه رفعه من الكاع وهيه شمره على الجربايه

جانت اسوء لحضات ابحياتي اتمر اشكد اتوسلت وبجيت مجان يسمعني

جان اسوء معامله يتعامل وياي حسيت بي يشوف بيه الماضي وينتقم مني رگبتي كامت تحركني من عضاته وشفتي بعد مااحس بيها فقدت كل طاقتي جسمي كله شوهه بدون رحمه بعد مااحس بشي من التعب والالم حتى مقاومه بطلت لان حيلي خلص

من شافني بديت افقد عافني دفعني وكام

كوه لميت روحي وبجيت من كلبي حسيت بذل من معاملته

لبس وطلع من الغرفه واسمع ضربو طلق الله يطيح حظكم صدك متستحون

انفتحت الباب دخلت سماح اعيونها حمر كالت اساعدج ترحين للحمام

انتيييي شنو موبشر متحسين مو زوجج الجان وياي

كعدت على الجربايه وكامت تبجي كالت شطايح بيدي اني اهنا مثلي مثلج غصبآ عني متحمله كل هذه ذنبي لانو ساعدتج اتشردين

--لالااتذبيها ابراسي انتي ماعندج كرامه اصلا من البدايه جان يريد يتزوج وهاي غرفته يعني مكمل كلشي

--اي يتزوج بس مو يذلوني ويخلوني اني اجهزج بيدي هوه هم حقه يتزوج صار اسنين امتاني طفل واني ميصير عندي

--كومي سماح مااريد اشوف وجهج طلعي انتي قابله بالذل اتحملي

--انطتني سيت ابيض وطلعت بس امبين السيت مستعمل

اخذته وسحلت روحي للحمام كوه بطني احسها تتگطع فتحت الدوش مي بارد ردت بس اهدء من الالم الي ابكلبي الله ينتقم منك مؤتمن ضليت اهواي جوه الدوش المي ينزل على جسمي يحركني لمن سمعت باب الحمام يندك وصوته يكول شنو راح اتخلصين اليل بالحمام

سديت الدوش وكلبي مابي بس كره وحقد اله نشفت ولبست وطلعت لكيته واكف يم الميز كال بيج شي

--هئ

--اذا اتحسين بشي كولي اصيحلج عمتي

--مابيه شي حجيتها بصوت مبحوح

دفعني وراح للحمام اني لميت شعري حتى تمشيط مامشطت باوعت الجربايه كولها امدمره خفت من منضرها اتخيل راح يرجعلي رحت كعدت يم الميز لميت رجليه وخليت راسي عليهن والرجفه كامشتي

ردت ادفه لان حسيت بكميه برد موطبيعي يمكن اتمرضت المي بارد جان غمضت سمعته طلع من الحمام وكف باوعلي كال عليش كاعده هنا

مارديت جنت بس اباوعله والشهكه تطلع من كلبي

من شافني هيج راح سحب جرجف الجربايه شنره وتمدد ولاهامه شي خله ايده على راسه ونام بسرعه لان ماكو هم على كلبه

اني اضل ساعات اتكلب يالله انام اشوكت اوصل لهيج حاله انام بلاتفكير وراحه مثلهم

حسيت باالم اسفل بطني عصرت روحي يمكن من البرد بس اخاف اكوم انام يمه اشوفه

اشلون ماخذ راحته بالنوم عساك ماشفتها بعد السويته بيه الله ينتقم منك ومن العجوز

البرد بعضامي يدخل بس لواموت مااروح انام يمه

لليل واحس احد يوخر شعري عن وجهي فتحت اعيون لكيته كاعد نص كعده كدامي كال غزل اتسمعيني

--امم

--اتكدرين اتكومين اتسبحين

--لويش هسه سبحت وخر حباب

حسيت راسي دايخ والدنيا ادور همست مؤتمن فدوه وخر

-- شوخر متحسين روحج موجره

وخر شعري وشالني مجنت اكدر اقاوم روحي بغير عالم دخلني للحمام فتح الدوش المي ينزل مثلج مااعرف اني مصخنه جسمي جمر وينزل المي يكص بيه صحيت بس شنو ميته برد دفعته وخرت ارجف فدوه حموت من البرد

--بويه بس دقايق ابقي

--لالافدوه بارده وخر خلي اطلع

--دغيري ملابس ذني اتنكعن

--بس اطلع اني اغير

طلع واني اصلا ماعندي شي البسه دكيت الباب كلتله تره ماعندي شي البسه

انطاني قميص منه هذه افوت بردانه صدك يحجي هسه اشلون البسه

لفيت شعري بالمنشفه ولبست القميص صار ثوب مو قميص طلعت لكيته بالباب كال عدل للفراش لاتردين لزويتج

اني هم ركض للفرشه اتغطيت حتى ماخليته يشوفني

اجه كعد يمي كال شتحسين

--مابيه شي بس وخر

--الحمد الله بعدي خليني انام

وخرت عنه وخر الغطه انطاني ضهره ونام اني هم نشفت شعري حيل ولفيته ونمت بطرف الجربايه اباوعله امنيتي اكوم اخنكه واخلص منه

اليل اشطوله اريده يخلص ماكو اتكلب اريد تجيني النومه هم ماكو

انكلبت للجهته شفت اكو وشم ابضهره مرسوم طير فاتح اجناحه شنو ذنب الطير وضلمته برسم صورته بضهر واحد مثلك كون الله يحركك بنار جهنم جنك ثور بيك طن الكفار سنه تاكل بيك متخلص

--اشبيج جنج سمجه امزوهره متخمدين

--مونعسانه

--كومي نامي جوه لااتضلين تتكلبين يمي

--بارده وانته كلتلي تعالي اهنا

--جااخمدي بلا نفس

--اني محجيت انته دتحجي

--انتي غبيه لو تستغبين بويه صوت الجربايه ثولني

--اهااا يلا بعد ماانكلب

ردت انام بس حسيت بعطش اريد مي وماكو بالغرفه هسه اشلون اخاف اتحرك وهم يكعد

كمت على كيفي نزلت من السرير امشي. على اطراف اصابيعي دنكت لفيت شعري بالخاولي عدل ورفعته ليفوك وكملت مشيتي وصلت للباب فتحته

اجاني صوته كمزني صاح تعالي وين موليه

--عطشانه اريد مي

كام اجه يمي كال وانتي كل عقلج اتطلعين كدام العالم بهالبس عقلج وين جان يحجي ويضربني بصابيعه على راسي

--لعد اشلون اجيب المي

--غزل شوفي انتي امبين الحجي ميجيب وياج نتيجه بس خلي اكلج كفيلج محمد اذا شفتج طالعه كدام احد مامستره اشنقج ابشعرج افتهمتي

--امم

--اسمعتينييييي

--ييي

شال ايده راد يعفس وجهي وبطل دفعني وطلع

عزا هذه اشبي اصلا بهذه لبسي ماكو حيوان يباوعلي مو بشر رجعت للفرش صارت المرايه كدامي شفت اخدودي حمر عزا لعد اشكد مصخنه اني وشفتي مشكوكه كون الله يشك راسك كول امين

رجعت اتلفلفت بالفرشه امتانيه السم الراح يجيبه جان وكت الفجر صاير

اسمع واحد يحجي ويا بره اشويه ودخل بيده بطل مي شمرها عليه بس جانت اعيونه بگصته داافتح المي واشرب رجع للفراشه وهوه روحه طالعه

--فدوه افتحه مدااكدر افتح البطل

--بعد مترديني اشربج ولج ماصارلج كم ساعه اتزهرمت ابسببج نص اليل يخدم بيها

--لعد موكلتلك اكوم انته مارضيت والمي مااكدر افتح القبق اضافيري اطوال

--هاي اضافيرج الصبح اذا شفتهن موجودات اشلعهن

--مااكصهن هسه لواموت

سحب ايدي وعصر اضفري خلاني اكمز كال كسرهن وهنه بيدج لاتعاندين ودفعني

عفت حتى المي رجعت نمت واني ابجي اسمعه يستغفر وينفخ

ضليت فتره اشهك وكلما اتذكر لازم الصبح اكصهن اتزيد بجيتي اسمعه يتكلب وكل اشويه يستغفر انزعج حضرته

--شنهو اضفرج انشلع عليش تبجين

مارديت رجع كال شو بويه خلي اشوف اتاذيتي

كعد سحب ايدي بس ماخليته يشوفهن خلي يحس بتأنيب الضمير ولو اشك عنده ضمير باوعلي وكال بعدج مصخنه

--هئ

--عليش اخدوج حمر

--هنه هيجي

--غزل ديري وجهج للجهه الثانيه ونعوصتج كتميها ستري على روحج اخذ حسره ورجع خله راسه عالمخده

--بويه لاتعاندين من اكلج شغله نفذيها عليش اتخلين اعصابي تفلت واطكج

--مااكص اضافيري ولاشعري ذني تعبانه عليهن

--منهو كلج كصي شعرج بويه اضافيرج وموحلوه شكلهن يجيبن النضره

--ميخالف مااكصهن

--استغفر الله كلتلج بطلي اتنعوص وخمدي يصير خير الصبح كون اشوفج ماكاصتهن

-- والله لواتموتني مااگيس اضفر واحد

استغفر وواندار للجهه الثانيه بعد ماجه يمكن استسلم لان ماسمعتله صوت بعد

الشمس بعيوني وصوت الباب يندك فتحت اعيوني لكيته واكف ديبدل يم ميز المرايه

باوعلي صفنت ابوجه رمشت كال اشكد تاخذين وقت وترجع ذاكرتج اباوعله ياشر يبده

درت وجهي ورجعت نمت اسمعه ضحك وفتح الباب دخلت الوحده صبحت وباركتله كالت شنهو لسه ماكعدت مريتك

-- لاتوصلين صوبها اتنهشج هاي حاليا فاقده الذاكره

--ياغير عمتها شنو تنهشني قابل متعرفني

--هوه اني رجلها وماذكرتني انوب عمتها عوفيها رادله وكت عقلها يحمل يالله ترجع للواقع

--شنهو عمه مافهمت شتحجي

--عمه اريد اتريك عندي شغل

--يلا عمه تعال كامل الريوك اتريد اجيبه اهنا

--لااروح يم جدتي اهناك اتريك

اسمعهم طلعو وسدو الباب اي الحمد الله ميته نعس خلي اكمل نومتي اشويه واسمع هوسه يم الباب هيهات اذا خلو واحد ينام

اندفع الباب ودخلن فوج نسوان بحجت يباركون بس اعرف الغل والحقد شنو البيهن احلوكهن مفتوحه يضحكن بس من جواهن يغلن

اجت رجاء سحبت الغطه كالت يلا كومي موصار الضهر اسمعها شهكت كمزت شنو اكو

--شنو لابسه

--يااطلابت ملابسي الماراح اخلص منها كلت مايعجبكم لبسي لبست ملابس اخوج اكو اعتراض

دااحجي وانتبهت سماح واكفه يم الباب كسرت خاطره حسره امبينه بعيونها والدموع اتلالي والله ميسوه رجلج هيج مقهوره علي بس تانيني اذا ماخذت حقج وحقي من اعيونهم

سمر. ارتاحيتي بت فريال موگلتي راجع مااكدر اعيش وياكم

--اتراجعت ابكلامي عندج اعتراض كلت حرمات افوت واحد مثل مؤتمن حتلو مالي نفس بي بس احرمه على غيري

--عساج لاتهنيتي ولاشفتي الراحه يوم واحد وهاي غرفتي بيها نفسي ماراح اتشوفين الراحه بيها

مثل امج انتي اجت اخذت كلشي عالحاضر بسلا لبالج اسكتلج مثل ماسكتت امي الها لاراح اعيشج ابجحيم واخليج تتمنين ماداخله هالبيت ولاماخذه مؤتمن

--اني مارايده الراحه هيه مده بس اجيبله كم طفل وانطيهم لسماح وارجع علمود ميفكر بعد بغير مرته

لاتتاملين اهواي راح يشمرج بس ياخذ حقنه ويرد السوته امج ويردلي

--هى تره عيب هذه زوجي شنو متستحين اتجيبين طاريه اكبالي وتبجين عليه وبعدين اني وسماح راح انكفي مااتصور يفكر بعد بالسلابيح وعنده مثلنه

اباوع لسماح رد الدم وابوجها وكوه كمشت الضحكه خطيه فرحت وهاي صار وجها اسود محتقن طلعت تبجي وادعي عيع وانوب هاي لحكتها رجاء اتكول جلب وذيلها غير اشكول من الصبح واحد يصبح بيهن حقها سماح من كطعت البزره من هيج اشكولات امكابلاتها

اجت عمتي سلمت وباركتلي اتعرفت عليها اتصير ام سماح ومكرم سماح بعدها جانت واكفه بالباب صحتلها اجت يمي كلتلها تره والله مالي نفس بي وانتي اتعرفيني اخذته غصبا عني

ابد لااتفكرين بيوم راح احبه لو راح ابقه ويا يجي يوم وراجع لماما

--عسما تبقين العمر كله بعد هذه الحجي السمعته اشلون رديتيهن عني تسوه الدنيا عندي

--عوفج منهن خلي يولن رادت شي وماحصلته خليها ميته بغلها اعرفها مسمومه وعندي دواها خلي اطيحلج حظها قبل لاارجع

--لالاترجعين اريد طفل فدوه اروحلج تره يتزوج والنار اتصير نارين

--ولج لويش خايفه هاي جنها سلبوح اسود صدك عليمن طالعه

--هههه على امها مرت ابوج سوده ورفيعه

--ياااا وداكول اتزوج ماما خطيه طلع مضلوم

--غير من دخلت امج لهنا اول يوم شعلتهن شعل خلتهن وحده تردم الثانيه هنه سود ورفاع وامج جانت بيضه اتلج لج وعيونها شهل اشلون انتي هسه نفسج بشبابها بس انتي اشويه اكصر منها

--لالان شعري طويل اتشوفيني قصيره تره ابطولج اني هسه عوفج منه وشوفيلي شي البسه لااطلع اصبح على جدتكم بهالبس واخليها تنجلط

--يااامعوزه هيه اشو للصبح كاعده حتى مانامت كلما تتذكر بت فريال نايمه بحضن حفيدها تعيط بينه وكفتنه للصبح على تك رجل طيحت حضنه

--مانجلطت

ضربتني على رسي خفيف عمتي وكالت ولج هاي امي لاتحجين عليها هيج

--ياااعزا والله نسيت يلا بعد مااحجي كدامج

--ياااااع شوف البت

--ضحكت كلتلها لااتشاقه تره بس شوفلي ملابس تره ابحجم الدكمه صايره بهالقميص وانتي متكليلي شتنطين لرجلج صاير بهالحجم

--لاتحسدي حبابه صلي على محمد

--ياوعلى شنو احسده دروحي شوفيلي شي

هيه راحت وكلت العمتي اريد اكول جوعانه

-- من اعيوني هسه اجيبلج احلى ريوك صدقه لمحمد جنج سنفوره اشكد اتشبهين امج بس كون مومثلها اتخبلين الزلمه وراج اتخلي ميندل دربه

--لاامني اصلا راح اخلي ميندلني بس سويلي شي اكله

--يمه والله مامصدكه هاي انتي نفسج غزاله الجنتي اتطفرين بالبيت متخلينه انام

--مااذكر كولشي عمه والله

--طبعا متذكرين سنتين يعمه جان عمرج من انهزمت امج

--شنو الصار لويش اخذتني و انهزمت

--خلي اكوم اسويلج ريوك كالتها راحت وهيه تندعي كون يصير طفل يفرحهم بي

هنه فرحانات واني كلبي يغلي بعد الصار مستحيل راح ارجع حياتي السابقه هاي اتسمت عليه زواجه

اول البارحه جنت اتختل من سيف وهسه بحظن مؤتمن شنو ضامتلي الدنيا بعد مااعرف ليش احسها امكابلتني وتدمغ بيه اتكول ماعدها غيري تتسله بيه

هسه هذه اتكول وحش اشلون راح اكدر اتعامل وعيش ويا وانوب يدور ماضي بيه هوه بدون ماضي يمكن ماطول ويا اسبوع انوب ماضي شكول عليج ماما من اتعرفيهم هالشكل شكو تتحارشين بيهم

كمت رحت للحمام غسلت اباوع ركبتي صايره كلها زركه من الله يشلك ويعميك وتشوف بعد ان شالله

طلعت لكيت مؤتمن بالغرفه باوعلي اخذله صفنه حسيت كلبي طاح بسلا يعيد بطولاته مالت البارحه

--اليوم عمتي تطلع اتشوفلج ملابس

--اطلع وياها

--للباب اذا وصلتي اكسر رجليج وهذه شعرج اتلمي من اطلعين مااريد احد يشوفه وتحتشمين بلبسج وصخام تلوين بجهرتج ماكو الولد دوم عدنه بالبيت واذا اتضلين بالغرفه بعد افضل

--يعني شنو داافتهم بس على كيفك احجي

-- هذه لسانج من الله معوج لو لغتج مطشره

--هااا كلتها بفهاوه لان يحجي سريع ماافتهم شنو

صفن وهمس ويه روحه اني شورطت روحي وجبتلي عله عافني وطلع

دخلت عمتي كالت يلا تعالي اتريكي يعمه

--شكرا عمه

--كتبلي شنهو تردين حتى اروح فرد مره اجيبلج ويه الملابس

ؤك اريد عطور شامبو مكيف كريمات لشعري لان بدونهن يصير هوسه مناشف اتراكات

--لااا حدج هوووب يااتراكات حتى مؤتمن يشلع روسنه

--لعد عمه والله مااعرف فدوه حتى لو بس بالغرفه البسهن مااطلع حبابه

--غزل يبعد عمتج تتعلمين راح اجيبلج كلبيات حلوه راح اتحبيهن

--ؤك البسهن من اطلع ميخالف بس اهنا لافدوه حتى انام بيهن ابراحتي

--يلا يعمه بس منهو يكول احصل الغراض الكلتب عليهن اهنا وهم اشكد الحجم التلبسي

--عادي عمه اي كريمات تلكين جيبي والحجم هياته كتبته الج

اني مااعرف اكتب عربي كوه اتهجه بس اردلها وهيه تكتب انطيها اقل من حجمي برقمين لان عرفت هسه اتجيب اعرض عرفت اموصيها لان اشوفهن كلهن نفس الدزاين بالبهذله

طلعت كعدت على فرشتي شنو اشو اني استسلمت ودااوصي غراض يعني اتقبلت الامر الواقع وراح اضل ويا

وشنو الطايح بيدي مسويته اذا ماما سلمتني بيدها الهم وحتى سيف اختفه وره مطلكني ماكلف روحه يدافع عني لو يرجعني اله

كمت رحت يم المرايه اباوع وجهي واحجي ويه روحي هسه انتي مرت مؤتمن اتعرفين شنو يعني حالج حال الخدم اهنا راح اتعيشين انتي وساكته اشلون راح اتحملين العيشه ويا هوه بس صوته اذا سمعته اتنرفز مو اعيش واصيرله مره اخذت نفس وغمضت اعيوني اهدء بروحي باوعت شعري صاير هوسه اخذت المشط ورجعت للجربايه كعدت امشط

بالساعتين يالله خلصت بس شنو حتى بجي بجيت لان اتبلل مرتين وضل بلاتمشيط وعمتي اتعطلت وهذه بلا كريم مسرح اسويلي مجزه بي المهم نصه اتكطع ونصه اترتب رفعته وخلصت

تعبت من الكعده ردت اطلع بس ملابسي متساعد رحت للشباج وخرت البرده فتحتها الهوه دخل يخبل بارد اباوع مقابيلي زرع ومي يجنن اخذت نفس انفتح كلبي حسيت برودت الهوه دخلت داخل كلبي

المنظر تحفه اكو حيوانات اشكال دجاج وبط وحتى بقر جان اكو بيت قريب علينه اباوع طلعت منه ابنيه ضلت اتباوعلي من بعيد رجعت سديت الشباج ورجعت البرده لان مالي خلك هسه اتذب احجايه عليه واني مامعوزه

انفتحت الباب ودخلت هيفاء اجت باستني وباركتلي كالتلي عذريني ماجيتج الصبح بس ملتهيه بالمطبخ مالحكت

لاعادي اختج اجت عوضت عنج ذاك السان الحلو

ههههه سمعي وعبري هاي غارت لان الزغيره وهيه عزيزته خافت تاخذين معزتها ابكلبه

لالعد كليلها خلي اتاامن ماراح يصير هيج شي

ربي يرزقكم بطفل ويفرح كلبه ويعوضه عن السنين الراحت بلا خيه جاي يندهون عليه اطلع اصب الغده لاتضلين بحيدج طلعي يمنه كالتها وطلعت تركض عرفتها مستغليها للشغل لان فقيره حقها اذا عايشه ويه هيج حيايه تشتغل وهيه الممنونه

ماكو اقل من عشر دقايق واندفعت الباب دخلت رجاء كلتلها المفروض ادكين الباب قبل لااتدخلين

--وعليش عيني داخله على الاميره واني ماادري اكولج كومي جدتي اتكول علمنها على الشغل

--ميخالف خلي يجيبولي ملابس واطلع خو مواطلع بهالشكل

--لاجبتلج هاي كلبيتي لبسيها علما تجي عمتي

--هاي جبيره مااعرف البسها كلتلج بس تجي عمه اطلع وياجن

اشو هاي اجت يمي جرتني من شعري اني مناساعتين يالله عدلته وهاي اجت سحبتني احترك كلبي دفعتها حيل اجت بالميز صرخت يبووو كتلتني بت فريااااال لحكوووووني دخلت سمر تركض هم صاحت وياها ضليت صافه ذني شنو

جان وكت الضهر صاير الولد بالبيت دخل واحمد للغرفه يركض على اصواتهن كال شكو

وهنه كل وحده اتذب تهمه شكل واني بس فاكه حلكي شنو ذني انوب شكلي بالقميص صاير تحفه اتكول سنفور داخل بطاسه لبن طالع بس راسي اسمع ومتعجبه اشلون مكر عدهن دخيل الله

دخل مؤتمن جان عاكد حواجبه امبين على متنرفز وهوه اشوكت فرد وجهه حتى اكول هسه ضايج بعد ماكال اشصاير

سمر. تقبل مؤتمن شوف وجهي اشلون ملخته بضافيرها

--عزا والله من البارحه شفته هيج مواني

رجاء. الحكني يخوي راح اموتن خاصرتي موتتني

اجه مؤتمن لجهتي رجعت ليورا والله ماسويت شي فدوه والله يجذبن

--موكلت هاي الاضافر الصبح ينكصن

--لاحباب والله جذابه هاي

--اني شنهو حجيت البارحه

--انته لويش اتصدك بيهن تره ذني جذابات

دنحجي ودخلت العجوز كالت هاي بلشت شغل بت فريال راح اتعلكها بينكم مسمومه اعرفها مثل امها

ها مؤتمن من حجيت ماصدكت موكلتلك مثل امها حيه جاي اشوف الوكت ينعاد يبوووو راحت اوليداتي من جديد

--خو انتي بس تردين مصيبه اتكمشين بيها هاي اذاماانتي دازتهن وتجذبين خافي الله يالعجوز

اني كلت هيج وماحسيت غير الكف اجه طير وجهي انشمرت ويا رجع شالني من شعري وانطاني كف ثاني اثوليت بي

اتكول سبيت شو منو مواتكول هيه عجوز اسمعها اتكله حيل بعد ايدي ايدك

اني اروح واجي ويا بالضرب تايهه ابين ادي لمن شافني تعبت وكمت اشهك يالله بطل امنو انضربت طلعو كلهم متشفين

هوه بقه كعد على الجربايه طلع جكارته دخن ولااتكول جان يضرب بيه ابجي بصوت عالي وكفشتي صارت اشكبرها انفتح شعري احس راسي يريد يطك من الالم

ماحجه ولاحجايه شال راسه باوعلي جنت ابجي بقهر وكلبي محترك شنو ذنبي وطحت بهيج عالم اسمعه استغفر وكام طلع

كمت رحت للفرشه خليت راسي وبجيت لمن ارتاحيت

مرت ساعه واني بعدني على بجيتي سمعت الباب انفتحت دخلت عمتي كالت يمه سوده بوجهي عليش يعمه كتلج

--عمه موتني

--يايعمه هاي انتي عزيزه معتصم هيج يصير بيج سوده بوجهي

شبكتها وبجيت بحضنها من كل كلبي مال شخص فاقد عزيز وباقي بحسرته هيه اتسكت وتبجي وياي شكيتلها منه اشلون ضربني وبيبي اشلون حالته.

يحجي على سيف يسوه راسه اقلها جان يخاف من الهوه اذا مر يمي وهذه طايحلي ضرب بدون رحمه

وين سيف يجي يشوف اشسوه بيه اشلون انطاه كلبه يعوفني وين حبه الي انطاني لواحد ميسوه

اني اشسويت بحياتي والله اخذ مني سيف وانطاني لهذه

--- كافي يعمه لاتحجين اسمعه كلها لاخليها اتكمل عليش اتكاطعيها

سمعته طفرت عزا هذه اشوكت دخل انضميت وره عمه اتحامه بيها هسه يموتني هذه اني شحجاني

--عوفها يمه تره طفله ومحروك كلبها هاي لااتخلي عقلك وياها

-- كومي طلعي اريد احجي وياها

كمشت بيها حيل عرفته يريد يكتلني فدوه عمه لااتسمعيلي خليج يمه لوتاخذيني وياج

اسمعه صاح بصوت ثولني بي عمممممممه طلعييي

خليت ايدي على اذاناتي وسديت عيوني وعمه كامت تتوسل بي انو يعوفني

وسمعنه صوت طلك قبل لايفتح الباب ويطلع انفتحت ودخل احمد كله الحك مؤتمن سيف بالباب متخبل لايچتل واحد

اشوفه طلع سلاحه من المجر وكال شنهو كلبه حسه هذه واجه للموت برجليه

طلع يركض----

الرابع من هنا

تعديل المقال