رواية قصة امي الفصل الثاني 2 بقلم جمانه السعيدي
اسيل... بهاي الفتره امي كلما اضوج من ابوي
تتصل عليه وتبقى تحجي علي
بس اني اعرف كلش زين ماكو حل الهاي القضيه
هاي القضيه عمرها ٢٤ سنه وماكو الها اي حل
هسه نلكالها حل
امي راح تتحمل لان ماعدها مكان تروح علي
وابوي مراحل يبطل يغثها ويحجي عليها
خليها تحجي حتى تخفف الضغط عليها احسن ما تنفجر
من السكته
اتخرجت مريم من المعهد وبدت اجهز نفسها
وامي وياها بكل خطوه
هلمره امي مافرحانه رغم العريس كلش محترم
وابن ناس طاير بمريم طيور
عبالك ماكو بلدنيا بنات غيرها
حتى اهله خوش ناس ومحترمين
بس امي ضايجه من الوضع الي راح تعيشه
بعد زواج مريم
شلون راح تكدر تتحمل تعيش ويا ابوي بلبيت وحدهم
قبل اني ومريم ندافع عنها ونحجي علي
اذا قرب عليها
وننطيها من مصرفنا تشتري اي شي يعجبها
لان هو ما يقبل ينطيها مصرف
خاف تشتري ملابس وشغلات تجميل وتصير حلوه
ازوجت مريم وزفيناها البيت عيالها
امي خلصت الوكت بس تبجي
البنات مكانهن خالي
شما بقن بيت الاهل لازم بلاخير يزوجن
بقا البيت فارغ على امي
بعد زواج مريم ابوي بدا شي جديد يغث بي امي
جمانه السعيدي
ابوي...اني اريد ازوج
امي.. تزوج ليش شناقصك
ابوي...كولي شنو ما ناقصني
امي... اي اريد اعرف شنو ناقصك
ابوي...اريد مره تهتم بيه ادلعني تشوف طلباتي
امي.. يارجال خاف الله
اني بشنو قصرت وياك
ابوي....انتي ما ماليه عيني
امي.. عينك شنو يمليها
ابوي... زوجه تكون على مرامي تفهمني
اريد وحده هيج شخصية غريبه محبوبه
تسعدني اني موسعيد وياج
امي...اني هم مو سعيده وياك بس صابره ومتحمله
ابوي...ضحكتيني
شنو ناقصج انتي تحلمين تزوجين واحد مثلي
مكعدج بيت اكبر من بيت اهلج
وتاكلين احسن اكل غيرج يتحسر على اللكمه
امي...السعاده لا بلببت الجبير ولا بلاكل
السعاده برضا النفس السعاده بلمعاشره الطيبه
ناس تفهمك تكعد يمك
ناس تعوضك الحنان والصبر والتعب
ناس تكون رحمه مو نقمه عليك
ابوي.. هاااا طلعتي تفتهمين
اني اريد ناس مثل ذوله الي حجيتي عنهم
اريد ناس تفهمني تقدرني تحترمني
امي....بكيفك اني ماقصرت بشي واذا انت تشوف تعبي هذا تقصير بحقك
ازوجك مراح امنعك بس قبل لا تزوج طلكني
اني قبل متحملتك علمود بناتي
هسه بناتي ازوجن على شنو اتحملك
ابوي....وين ترحين ماعندج مكان ترحين علي
اصلا انتي اذا طلعتي من هذا البيت اضيعين
امي...اليه رب رحيم انت مو نهاية العالم
ابوي.. انتي صاير السانج طويل
امي...اي كافي بزعت بعد مااكدر انت تعرف نفسك
لا تطاق مستحيل اكو احد يتحملك
ابوي....اي هم صدك ما تسكتين الااجي اطلعلج بلشارع
هسه
انتي ماتعرفين ريحة التربيه
المره الزينه تتحمل وتسكت وانتي ترجعين الكلمه بعشره
امي...شكرا
اخذت امي فراشها وطلعت من الغرفه
ابوي...طلعه بلا رجعه مانه عليه
اذا ماجبت مره هنا بهاي الغرفه وكسرت خشمج
مااسمي حميد
ااشوف كلمتي لو كلمتج الي تمشي
جمانه السعيدي
امي دخلت الغرفتنا وسدت الباب
ماتعرف شلون تتعامل ويااا كل الطرق إلى الصلح والتفاهم
مسدوده
انسان غير قابل للتفاوض
نامت امي زعلانه مثل ما متعوده تنام كل يوم
بسبب كلام ابوي الي لا يطاق
الصبح كسر الباب
ابوي.. اكعدي اكعدي ست الحسن
اريد زقنبوت ولو انتي الي يشوف وجهج تنسد نفسه عن الاكل
طلعت امي ابد ماردت علي كاعده تغسل وجها
ابوي...بس غسل الوجه عشر ساعات تعاي حضري الريوك وبعدين صلحي جهرتج
مو وكت العنايه هسه
اسيل..امي ماردت علي لان تعودت على هاي الاسطوانه كل يوم
حضرت الريوك تريك وطلع
حتى ما يخلي عدها واهس تشتغل بلبيت
كلما اضوج تتصل عليه نحجي اني وياها شويه
تخفف من حزنها
من رجع للبيت لكاها منظفه وطابخه وغاسله ملابسه
وكاويتهن
يعني ماكو اي نقص
بقى يدور نقص يحجي علي
ابوي.. الاكل موطيب ليش تطبخين من ورا خشمج
هذا المسواك بفلوس
مو جبته من بستان ابوج
امي...شبي الاكل شناقصه
ابوي...موطيب اني عندي موطيب لو تطبخين بنفس طيب
لو لا تخربين النعمه
امي.. بعد مااطبخ
ابوي...لا ولله وشسوين عيوني اذا ما طبخين
شنو شغلج
امي.. غير طبخي مايعجبك
ابوي...ما يعجبني اتحسننين الطبخ تطبخين بطريقه احسن
مو تعوفين الطبخ
امي..حرت وياك مااعرف شتريد
ابوي...هنا كم يوم وتجي العروسه الجديده
وناكل اكل محترم
امي...انشاء الله
ابوي...شنو انشاء الله انتي تستهزئين
امي...لا مااستهزء بس منتظره العروسه الجديده
بس اشوفها اهلهل
لان راح اخلص من طلباتك الما تخلص
ابوي.. اني الي راح تخلص من جهرنج هاي
واكل اكل بي حظ
امي...اكوم احسن كل واحد.ياكل وحده احسن
عليمن هلمشاكل هاي
ابوي...خفتا وراحه وولي عني ماشايف هيج مره
مرمره مو مره انتي
امي بعتقادها ابوي يحرك بكلبها وبس لان هو هذا طبعه من زمان
بس هو فعلا كان يدور عروسه يريد يزوج عليها
بس حتى يقهرها
بس حتى اضوج مااعرف ليش هو هيج يفكر
رغم هو مستقر وبيته نظيف واكله مطبوخ
وملابسه جاهزه
يعني ماكو نقص اي شي
اعتقد النقص بداخله يمكن يحس امي هواي علي
لذالك دائما يحجي عليها
حتى تنزل من عينه ومن عين نفسها
ابوي بهاي الفتره مابقى واحد ما سئله على عروسه
وكل الي يسئله ليش تدور عروسه
يكول ما مرتاح ويا زوجتي
جنت منتظر البنات يزوجن واشوف نفسي
الناس تسئل زوجتك ترضا تزوج عليها
يرد عليهم اكيد هي الي كالت ازوج تعرف نفسها مقصره وياي
اني رجال ربي كارمني اخر كرم
عندي خير من الله وبيه حيل ازوج عشره مو وحده
ليش ماازوج
من هذا المبدء بدت الناس تدور عروسه الابوي
وامي ماتعرف تتوقع هذا تهديد وبس
جمانه السعيدي
الحد مااجا اليوم الي الي فاجئني ابوي
رجع من الدوام مبتسم
ابوي...نضفي الغرفه زين وحضريها للعروس الجديده
امي.. اي عروس
ابوي...لكيت عروس اني موكتلج اريد ازوج
امي...تحجي صدك
ابوي...لا اتشاقا وياج طبعا احجي صدك
امي...جان استحيت على نفسك عمرك خمسين سنه
وصرت جد
بله عيال بناتك شراح يكولون علينا
ابوي...وهما شنو دخلهم بلموضوع رجال بحيلي ولله مكني
واريد ازوج
اني مدخل بحياتهم حتى يدخلون بحياتي
امي...عيب عليك انت شنو والزواج
ابوي....اذا ماازوجت وترست البيت جهال
احسن منج بس بنات ثنيين تتعززين عليه
امي...لا انت صار على عقلك شي
ابوي...انتي شنو اتغلطين عليه اني عقلي احسن من عقلج وعقل عشيرتج كلها
فهمتي لو لا
قرب على امي ضربها راشدي حتى يرضي غروره
امي.. تمد ايدك عليه
قسما بلله تعالى إذا ازوجت ياحميد ماابقى دقيقه بهذا البيت
اطلكني قبل لا تدخل العروسه الهذا البيت
فهمت لو لا
ابوي...يامحلى هاي الكلمه على كلبي اطلكج من الصبح
واريح بالي منج
اشمرج بلشارع تكدين حتى تعرفين قيمة النعمه الي عايشه بيها
دخلت امي الغرفتنا وكامت تبجي
تبجي من القهر مو لان تحبه هي اصلا ما اطيقه
بس المره أصعب شي عليها
تنداس كرامتها وابوي داس كرامة امي
اذا الرجال ازوج على زوجته يعني عدها نقص
وامي ابد ماعدها اي نقص
بالعكس كامله والكمال لله
بس جيب الي يفتهم ويقدر
صعب الانسان يعيش وياا شريك مامقدر قيمته
اتصلت عليه امي
بس فتحت الخط سمعتها تبجي
اسيل...ياستار ياربي شكوووو
طبعا اني قبل لا تحجي امي عرفت اكو مشكله بينها وبين ابوي
امي...ضربني
اسيل...ليش الله يكسر ايده ليش ضربج
امي...لان كال راح ازوج واني ما قبلت
اسيل...خلي يزوج خل نخلص منه ومن مشاكله
امي...بس يطلكني ابد ماابقى وياا اذا ازوج
اسيل...يمه فدوه على كيف لا تنقهرين
امي...ولج يريدني خدامه الزوجته من هسه تعاي نظفي غرفتها
هو اني كوه حاملته اله يزوج ويجيبها هنا وياي بلبيت
اكيد يريد يجلطني
اسيل...بس حجي مراح يزوج انتي مو تعرفي يحب
يغثج
امي...لا صار فتره يلح بهذا الموضوع
يمكن اكو وحده امها داعيه عليها يريد يزوجها
اسيل...اني اكول بس حجي
امي...هلمره شاد سنونه على الزواج
اسيل...واذا ازوج اكعدي بغرفتنا واسكتي
مالج شغل بي هو وزوجته
امي...لا ولله ماابقى دقيقه بهذا البيت
شنو باقيه حتى اتفرج علي
لو خدامه اله والزوجته كافي تحملته هواي بعد مااكدر اصبر علي اكثر
سامعه هاي الي تكول رصيد حسابك خلص
اني رصيد صبري خلص كافي بعد مااكدر اتحمل اكثر
اذا ازوج اطلك من الصبح
اسيل...وين ترحين
امي...الجهنم الحمره احسن مااكابل ابوج
