رواية الهجرس الفصل الثاني 2 بقلم رواء هادي
تّګمَلَةّ
باوعلي وگال "
حفيدك مو اسمه هجرس ؟
_لقبه هجرس اسمه فرقد ابن حنان اكشفله
وشوف شنو علته
اشر للولد جابله كتاب القرآن الكريم كعد كدامي صار يقرأ رفع رأسه وباوعلي مبين عليه ارتبك وخاف سد القرآن الكريم باوع لجدي موسى وگال
_عادي احجي كدام الولد ؟
جدي موسى _اي احجي شطلع وياك ؟
السيد _عدكم كاع مسكونة ؟
جدي _اي عدنه كاع هجرس وهاي معروفة الكاع من ايام اجدادي كاع مسكونة وبيها طنطل
اسمه هجرس
السيد _اعوذ بالله ومسمين الولد
هجرس على اسمه ؟
فواز _لأن بي بذرة خباثة
السيد _بس هذا الشيء خطأ ابنكم الجن هجرس مراقبة من طفولته ويريده يرجع للكاع لأن
مأخذ شيء من الكاع
جدي _ وضح أكثر؟
السيد _الشيطان يريد ابنكم لأن بي بذرة خباثة واسمه على اسمه وابنكم كاشف سر عن أسرار هجرس لذلك يريده يرجع للكاع ويرجع
السر لكشفه عنه
فواز _ أسرار شنو ؟
جدي _شماخذ فرقد من كاع هجرس ؟
هجرس_كلشي ماماخذ جدي
السيد _تذكر شاخذت من الكاع ؟
هجرس_كلشي ماماخذ غير طين الكاع من اسگي ملابسي تطين قابل شبيها الكاع واخذه ؟!
جدي _تذكر شلت شي من الكاع ؟
هجرس_كلشي ماشلت من الكاع
فواز _زين إذا رجع الماخذه من الكاع راح يتركه ؟
السيد _لا يريده هو قبل لايريد يرجع الماخذه
جدي _ مالكه غير فرقد يريده ؟
السيد _فرقد بي طاقة روحانية عالية وتجذب الجن والشيطان لعنده واول جن اقترب صوبه هجرس وخاتمة باسمه ومحد يكدر يقترب له
لأن صار مملوك الهجرس .
هجرس_شنو مملوك الهجرس هي
تيهانه اتملك للجن ؟
جدي _ اسكت ليسمعونك العالم وتصير علج بحلوك العالم كمل سيد ؟ شلون نكدر نخلص
فرقد من هجرس
السيد _ هجرس أحد ملوك الجن الكافر قوي وخبيث وعمره قرون مو سهل نخلص فرقد منه
هجرس_ملك ؟
فواز _مو جن عادي ؟
السيد _اي مو جند من جنود الجن أو الشيطان هو ملك واحد أقوى ملوك الجن الكافر وصارله سنين ساكن هاي الكاع وينتظر شخص يتلبسه
ويدفنه بارضه
بعد مايستوحذ على جسده
جدي _ جاي تخربط أنت شنو يتلبس شنو
يدفنه بارضه الظاهر جاي تسفط
جذب برأسي كوموا يلا
كمنا بسرعة السيد كام وجلب بيد جدي موسى وگال بهمس " بس تطلع عتبه الباب هجرس يتلبس فرقد انتظر تروح العالم واسويله دعاء تحصين لما
أشوف شلون اكدر اخلصه من هجرس
جدي _جذبك مايمشي وياي امشوا يلا
السيد _اقسملك بالله حفيدك مراقب من هجرس وساعة الساعة يدخل جسمه وياخذه لكاعه بس
تطلع تخسر حفيدك للأبد
جدي موسى ماسمع منه وطلعنا من بيت السيد متت من الخوف طول الطريق جدي يحجي على السيد ويگول مابيك شي والجن مستحيل يكدر يتلبس بجسم الإنسان هذا جذاب جاي يسفط جذب
براسنا ويدور فلوس
هجرس وسوس برأسك وخوفك بشكله المرعب وصرت تخاف وتتخيل أشياء مالها وجود
من الأصل وهاي
انه صارلي سنوات وي هجرس وماكل كتل منه مافديوم دخل جسمي هو حارس الكاع لان مربوط بالكاع من أيام زمان والله يعلم شبيها الكاع
وسكنها هجرس هذا السيد يجذب يدور فلوس براسنا هسة نوصل لبيت وأقرأ عليك ويروح الخوف منك كلامه طمني رجعنا للبيت جدتي جديتي حلوة
وجديتي خديجة سألوا جدي حجالهم القصة صاروا يخافون كاعد بصف جدي فوك الجرباية ابوعلهم بنظرات فارغة امي صارت بين عيوني
اريدها مشتاقلها
نزلوا دموعي على فراق أمي وگلت لجدي"
رجعلي امي
خزرني وگال "
شكلت انه مو كلت انسى امك
امك ماتتت
سديت عيوني وجريت نفس بحسرة حسيت كهرباء ودخلت بنص جسمي ورجع هجرس همس بأذاني " رجعها هجرس رجعها هجرس رجعها هجرس
بلعت ريجي قبضت على ايديه بقوة ورديتله الكلام "
اي ارجعها بس شتريد مني ؟
_اريدها اريدها
_شنو تريدها؟
جدي كام من يمي خايف صاح بي "
هجرس شبيك ؟
جديتي خديجة _ فرقد جدة شبيك؟
جديتي حلوة _ بس لا تلبسه هجرس سودة
بكصتنه حفيدنا تخبل حجي
جدي_ شنو تلبسه بطلوا خرافات الولد مابي شيء متأثر من كلام السيد فرقد جدي مو احجي
وياك افتح عيونك فرقد
نسيت جدي من أساس تركيزي كله صار بهجرس حسيت بي واكف فوك جتوفي حوافر رجلي زرفوا جتوفي زرف وايديه حاضنات وجي بقوة
بس عايف خشمي
طالع علمود اكدر أتنفس همس بأذاني "
أنت وهي
_منو هي
_ سل
_سل منو ؟
_هي سل أنت هجرس تعال اريدك
_شلك بي ؟
_اريدك مع سل
_سل منو ؟
_هي سل رجعها
حسيت جسمي دخل بي جسم ثاني مثل الكهرباء وسارت بنحاء جسمي ورتعش جسمي بقوة نفضت جسمي بسرعة وفتحت عيوني
باوعت الجدي وجداتي
هجرس_ شبيكم ؟
جدي _جنت تحجي ؟
جديتي حلوة _هجرس جان وياك يحجي ؟
هجرس_اي وصاعد فوك جتوفي وحاضن وجي جان يحاول يتلبسني بس أختفى فجأة
جدي _ شلون هيج تحجي اشو ماشفنا ماسمعنا؟
جديتي خديحة _مايشوف الجن غير لبي مس وهجرس بي مس يشوفه ويحس بوجودة
جدي _ هسه شلون ماتبطلون خرافات ؟
هجرس_ موخرافات هاي جدي جاي احس بوجودة يمي واسمع صوته وديني الإمام علي(ع )
جدي _ماكدر اخذك هسة الدنيا عالكه منا ارهاب منا أمريكان اخاف ننخطف لو ننقتل من الامريكان.. لازم اردك للسيد يسويلك تحصين
لما الله يفرجها والوضع شوي يصير أمان واوديك بس اطمن ماكو شي اسمه تلبس جن بالإنسان
هجرس _ماراح يستقبلنا السيد بعد ماحجيت عليه جدة عندج تراب من تراب قبر أمير المؤمنين انطينياه اشيله وياي لما الله يفرجها
جديتي حلوة_اي عندي هسة اجيبه الك
طلعت جديتي شوي ورجعت جايبه التراب كعدت جديتي خديجة سوتلي حجاب ودخلوا بي التراب قبر أمير المؤمنين علي(ع) لبسوه بركبتي .
جدي راح وره شوي رجع جايبلي حجاب هم خلاه بركبتي وعلك بالمسجل سورة البقرة وگال كلما تخلص رجعوا علكوها له لا تخلونها تطفى
وماتطلع حلك الباب اذا مو احد وياك بس جدي مايأمن بتلبس الجن للإنسان يگول هذا مو تلبس هذا وسواس منه ويسيطر على عقلك
ويخليك هيج تسوي
اشياء وعبالك حقيقية جاي يوهمك بوجودة وتلبسه لجسدك جداتي حجوا ويا وگالوله لا اكو تلبس وهواي عالم نعرفها جان متلبسهم جن لو ماسهم ويخبلهم
ودي الولد لليسد خل يقرأ عليه ويحصنه لا تبقى بعنادك ويروح الولد من أيدينا علد قنع جدي وگال أودي للسيد خل يقرأ عليه .
هجرس _صار جدي بس طلب
جدي _ اطلب ؟
هجرس_اريد اروح اشوف امي
جدي _اوديك الها باجر الصبح تشوفها وترجع
هجرس_ ان شاءالله
جداتي وجدي ناموا عندي لصبح سورة البقرة معلوكة فوك رأسي والصبح اجه عمي فواز گال لكيت سيد مضبوط خل ناخذله هجرس
أبوي لاجه ولا سأل شبي مابي ولا باله يمي فرحان راح يعرس من صبح أخذ قسمة وطلع يجهز للعرس وعمي فواز وجدي حايرين بي ودوني لبيت اهل أمي
استقبلنا جدي وجديتي جانوا طايرين بي طلبت أمي ماقبلت تطلع رجعت طلبتها مرة الثانية هم گالوا ماتقبل تطلع لازمة عدة كمت وگلت
"ماشي انه اروحلها لعد
رحت وي جديتي دخلت للغرفة أمي كاعدة فوك الجرباية فاتحة شعرها نازل على كتوفها أسود باوعتلي بنظره الاشمئزاز وگالت
امي_شعندك جاي ؟
هجرس_ يمة قلبي مثل النار على افراكج
امي_تطلع بكرامتك لو اطلعك بدون كرامة
جديتي _ طاح حظج هذا ضناج
كامت امي متعصبه "
يااا نسيتي أني ماخلف وماعندي خلفة وهذا هجرس مو ابني ابن ابوه شوفي منين جابه ولازكة برأسي ... أمشي اطلع برره ماريد اشوف شكولاتك عندي
يلا بررره .. مو احجي وياك بررره هجرس
هجرس_ تكرهيني ؟
امي_اكثر ماتصور اكرهك
هجرس_زين تردين تخلصين مني؟
امي _ياريت والله اسمع خبر موتك وحزن
ابوك وجدك على فراقك
جديتي تفلت بنص وجهها "
تفووو عليج من ام صلفة ولج أنتِ كحبة مو ام الله ياخذج ويخلصني منج
امي _ دكافي موتوني هجرس وهجرس من خررر ... بيك وبابوك وباهلك امشي اطلع برره لتخليني افقد اعصابي واطردك انت واهلك برررره
هجرس_ راح تخلصين من سيرة هجرس للأبد
امي_تسوي فضل والله
جديتي _حسبي الله ونعم الوكيل بيج حنان امشي اطلع حرامات تصيح لها يمة ماتستاهل هل جلبة
هجرس_ مهما كان تبقى أمي
حبست دموعي بعيوني الأثنين وطلعت من يمي جديتي عدل لبره بحركة أعصاب شلت حجاب جدي وتراب قبر أمير المؤمنين علي(ع)
وشمرتهم بالحديقة
وطلعت صحت على جدي من بره "
يلا جدي امشي خلصت الزيارة
طلعت قبل جدي وعمي فواز للسيارة اجوي وراي صعد بصفي جدي وسألني " شصار وياك ؟
هجرس _خلص من هاي لحظة ماعندي
ام انه يتيم أمي ميته
جدي _ حسبي الله ونعم الوكيل بيها
فواز _ ولا يهمك هجرس احنه أهلك
وراح نعوضك عنها
هجرس _ماتقصرون عمي
جدي بقى ساكت حسيت بي انقهر وبقى صافن لبره گال بصوت هادء " بالليل نطلع للسيد
هسة مابي
فواز _احنه نأخذه أنت لاتجي
جدي _رجلي على رجل هجرس وين
مايروح اروح ويا
فواز _بكيفك يابة
وصلنا للبيت عدل لغرفتي شبعت بجي من كيفي ماعندي اب يسأل عني ولا ام تسأل عني ابوي حاير بعرسه وامي حايرة تخلص العدة
علمود تزوج وتسوي
كسرة خشم لأبوي وانه المالي ذنب شمروني بنص طريق مجهول وفوك كلشي جني مطاردني ويريدني إيست من الحياة وقررت استسلم لهجرس وخل
يأخذني وان شاء الله يقتلني ويدفني بارضه علمود اخلص من هاي الحياة لمابيها اب يحس بيك ويراعي مشاعرك ومابيها ام تهتم بيك وتدعيلك الله يوفقك
انه أمي تدعي عليًّ بالموت .
لفيت رأسي ونمت حتى قرأن ماعلكت حسيت الباب يندك قوي صحت منو " منووووو ؟
اجاني الرد من ابوي " افتح الباب لو اكسر رأسك
شعندك نايم الهسة
رديت بعدم مبالاة "
همزين تذكرت عندك ولد تسأل عليه
_افتح الباب كلب ابن الكلب الدنيا مكلوبة وأنت نايم
_آخر همي
_هجرررررس
_ لتحاول مافتح الباب
_ ولك جدك تخربط واخذوا للمستشفى من وراك
من سمعت طاري جدي كمزت من افراشي وفتحت الباب بسرعة دفعني قوي ودخل " من وراك ابوي
تخربط وحالته خطرة
راد يضربني بحاله اعصاب دفعته فوك الجرباية وطلعت اركض واصيح "جدي لتعوفني وتروح جدي ماعندي غيرك جدددددي لترووووووح
