رواية نارك جنة الفصل الثاني 2
جنات بالغصب قدرت اتحرك واتلم جسمها على بعض وحركت يدها لعند امسكت الملاية وغطت جسمها من لوطى وهي تبكي بحسرة وقهر ...وتشهق بصوت عالي 
وبعدها حست بشي ساخن تحت منها والالم قوي ...قمعزت بالغصب وتعب ..وحولت الملاية من عليها ...وانصدمت لما شافت دم تحت منها ....بس كمية الدم كانت رهيبة ومش طبيعية
جنات انفجعت وزادت تبكي بهستيريا ..وترجف وحاولت اتصبي لكن رجليها من الضرب والصدمة ماشالوهاش لبست سروال البيجاما..نزلت من فوق السرير تزحف والدم نزيف قاعد ..الدنيا كلها تعبت دم ..
جنات تبرم بعيونها في الدار ادور في نقالها ..بس مش باين ..شكله واحد منهم خذاه قبل يطلع
جنات وصلت لعند باب الدار وحاولت تفتحه لكن كان مقفول من برا ...قعدت مقمعزة بتعب ودايخة عند الباب ..وبعد شويا خشت منى وامعاها هبة ..وانصدمن من منظر جنات كيف الدم قاعد خط وراها من السرير لعند الباب
هبة على طول طبست عليها وحاولت اتنوضها ..أما منى عقلها كان في شي اخر ....طلعت منديل ابيض من جيبها ..غطساته في الدم على السرير ..وحطاته في كيس بلاستك ..ولفاته ودساته في جيبها ؟!!
منى طلعت من الدار ..وكان صوتها تحكي مع واحد برا ...اما هبة ..ارفعت جنات من الارض وحطتها على السرير ...وبعد اشوي خشت منى
جت قمعزت قريب من جنات : شكله عندك نزيف ...شن اتحسي توا
جنات تبكي بصوت : يامتوحشة ..ياحيوانة ...والله تندمي علي درتيه فيا ...شن درتلك أنا حرام عليك ..ليش درتوا فيا هكي ليش ...ياويلكم من ربي نبي اجديدة ودوني لاجديدة
منى : مش وقته الكلام هذا ..اللي صار صار ...وبعدها ليش أنتي ماخليتي راجلك يدخل عليك كيف الناس ..ليش خليتينا نستعملوا امعاك العنف
جنات منصدمة من كمية الحقارة وصحة الوجه وكيف تحكي وكأنها معاها الحق ..: مش راجلي هذا ..أنتوا خدعتوني ..كذبتوا عليا ..غشيتوني ياويلكم نبي حوشنا
منى من غير صبر : خلاااص ..قصة وصارت ..وانتهت وهذا حوشك وحوش راجلك ..خلينا فيك توا ...صبي خشي للحمام غيري واغسلي ..خلينا انشيلوك للمستشفى ..ايشوفوا شن صارلك
جنات كل مايمشي الوقت كانت اتحس بدوخة ..وزادها الخوف عندها ..مش عارفة هضوم شن قصتهم ..وكيف داروا فيها هك ...بس مجرد مافكرت تمشي للمستشفى ..كانت هذه فرصتها عشان تطلع من الحوش هذا ..صبت مع هبة خذت لابسة من شنطتها وغيار وخشت للحمام ...ادوشت وهي منهارة وتبكي..والدم ينزل منها بشكل غريب .. لابست واطلعت ...كانت تمشي بالغصب ...بس اهم حاجة أنها تطلع من الحوش ...
طلعت من الدار مع هبة ومنى ...لابسن عبايات ..واطلعن للشارع ..جنات اتبحت الحوش بعيد عن اي جيران ..والدنيا ظلمة ..كانت في سيارة واقفة برا ..هبة ركبت من قدام ...وجنات مسكتها منى بالقوة من ذراعها عشان ماطيحش ..والاكثر عشان ماتهربش منها ...افتحت باب السيارة وركبت جنات واركبت ...وهنا كانت صدمت جنات ...السواق هو نفسه الشاب ..اللي جاء للمقابلة
جنات اتبحت فيه بصدمة : ااءء ..اهوا اللي شفته ...هو هذا ..هو هذا
منى : شن اتخرفي أنتي ..بطلي كذب
جنات اتهز في رأسها : لا والله هو ..متأكدة منه ..هو ..وحق ربي هو
منى : كيف هو ...هذا راجل هبة ..بطلي كذب
جنات اعيونها يبوا يطلعوا من الصدمة ..اتبحت في هبة والسواق : أنتوا مستحيل اتكونوا بشر طبيعيين ..أنتوا ناس مريضة ..شن تبوا مني ...عليش كذبتوا عليا .. عليش
السواق بحت فيها في لمرايا وطلع بالسيارة للمستشفى ...
منى طول الطريق مسكتها من ذراعها بالقوة ..طبعا منطقتهم مافيش مستشفى في الليل ..عشان هك خذوها لدرنة ..وجنات اتبحت في الطريق وجسمها كله يوجع فيها ..ورأسها ثقيل
مجرد ما خشوا درنة ..منى حكت مع جنات : شوفي بحتي فيا ..واسمعي كلامي كويس
جنات بحتت فيها وترجف
منى : ردي بالك ايجي في عقلك تحكي اي شي لاي واحد في المستشفى ...راكي تحسابي روحك ذكية ..وتبي تفضحينا ...مازلتي ماتعرفيش من نحنا
جنات : خاطرها اترد عليها ...لكن سكتت لعند توصل للمستشفى ..هذا كان تفكير جنات ..ماكانتش تعلم شن محضرتلها منى
قبل المستشفى بشويا رن نقال منى ..حكت مع واحد ..وبعدها بحتت في جنات : زي ماقتلك ..ردي بالك اتفكري مجرد تفكير ..تحكي لاحد ...وكأن حكيتي والا درتي اي شي ..انسي خوك جلال
جنات مجرد ماسمعت اسم خوها ..حست قلبها طاح في بطنها وافتحت فمها
منى افتحت فونها وحطت على بث مباشر ..من خوها توفيق ..كان قاعد مع مجموعة شباب ايهدرزوا ويشربوا ..ويضحكوا وكان شكلهم مش واعيين لشي ..وطبعا من ضمنهم كان جلال خوها ...جنات اعيونها امتليوا ادموع وحطت ايدها على فمها من الصدمة والخوف
منى : هذا خوك والا مش هوا ...اتشوفي فيه والا لا ...واقسم بالله تفتحي فمك بكلمة وحدة ..يبقى اخر يوم في حياته ...وأنتي شفتي توفيق شن يقدر ايدير
جنات اتعيط : ككك كيف ..خلوه عنكم ..شن دخل خويا ..خلوه في حاله ..أنتوا شن تبوا منا ..شن تبوا
منى : مش وقت اعياط وكلام فاضي ..قريب نوصلوا للمستشفى ..فكري في خوك قبل ما تتصرفي اي تصرف ممكن تندمي عليه ...توفيق بكلمة وحدة مني يقتله كيف السلام عليكم ...وأنتي بس اللي تندمي ..لان توفيق مريض ومش حيصيرله شي ...يقعد فترة في المستشفى وبعدها يطلع من جديد ...لكن خوك مصيره في يدك توا
جنات تبكي بقهر واتخبط في السيارة : هذا كله عشان شنو ..شنو تبوا اديروا فيا ...شن تبوا مني ...نبي نفهم ليش
..أنتوا عصابة والا كيف نظامكم
السيارة وقفت قدام المستشفى
منى : لا عصابة لاشي ..ومانبي منك شي ..الا أنك اتكوني مرات خويا بس ...اسمعي كلامي وخليك عاقلة ..ومستحيل حد يذيك
جنات زمطت ريقها واتبحت في مبنى المستشفى من برا ..وعقلها فيه مئة سؤال ...والخوف على جلال خوها وقف كل الافكار اللي كانت اتخططلها لما توصل للمستشفى
منى ضغطت على ذراعها : انزلي هيا قدامي ...وزي ماقتلك ..وأنتي حرة
جنات نزلت من السيارة ..اتجر في رجليها ..ومش قادرة اتشوف قدامها من الدموع ..والافكار والخوف مسيطرين عليها
خشوا للمستشفى هي ومنى وهبة ...سألت هبة على دكتورة ..وكانت في دكتورة نسأء ..مشوا عشان اتشوفها ..وطبعا طول الوقت منى اتذكر فيها بجلال واتخوف فيها أكثر
قمعزت جنات برا مع منى وهبة ..يستنوا في الدكتورة ...وبعد شويا طلعت ممرضة ..ونادت على جنات ..وصبت امعاها منى عشان اتخش امعاها ..لكن الممرضة قالتلها ممنوع ...ومنى شدت على يدها وبحتت فيها بنظرة تهديد ..كان تكلمت
جنات خشت وهي ترجف ..حكت لدكتورة أنها عروس وصارلها نزيف ...وكل سؤال تسأله الدكتورة جنات اترد عليها مش عارفة مش عارفة
المهم الدكتورة كشفت عليها وشافتها ..وبعدها قالتلها عندك جرح خارجي هو اللي ينزف ..ولازم انخيطه عشان ايوقف النزيف ...وهزت جنات رأسها وغمضت اعيونها تبكي ..ليش صار امعاها هيا بالذات هكي ...مش ساد حزن وعذاب السنين اللي فاتوا
بنجتها الدكتورة موضعي وخيطت الجرح ..وبعد كملت قالتلها خلاص البسي ..وانزلي من على كرسي الكشف ..لابست جنات وانزلت ..لابست عباتها ..وجت قمعزت مرهقة وتاعبة
الدكتورة : أنا مش عارفة شن صاير امعاك بالضبط ..بس واضح أنك طحتي في راجل غشيم واسمحيلي انقولك حيوان اخرى ...كيف دار فيك هك وأنتي ساكتة
جنات تمنت تنفجر بالبكاء وتحكي للدكتورة كيف ضربوها واعتدوا عليها من غير رحمة ..لكن خوفها على خوها خلاها تسكت ..واكتفت بالصمت وخلاص
الدكتورة : المهم هذه حاجة اتخصك ...بس اذا كان في اي مشكلة ..ممكن تحكيلي عادي
جنات هزت رأسها بسرعة : لا مافي شي ...مافي شي
الدكتورة : عموما هذه حاجة ترجعلك ..براحتك ...لكن أنا نبي انقولك أنتي مازلتي بنت راه
جنات بصدمة : شنو
الدكتورة : ماهو قتلك من الاول ..راجلك كان غشيم ومش عارف شي ..واللي صار هو جرح خارجي بس ..والدم اللي نزل منك ..كان من الجرح ..اما غشاء البكارة مازال نفس ماهو
جنات اتفكر بخوف ..وبعدها مسكت يد الدكتورة : ماتقولي شي الله يخليك ..ماتقوليش مازلت بنت ..خليهم فاهمين أني دخلت وتهنيت خلاص ...الله يربحك دكتورة
الدكتورة مستغربة : باهي ليش ...ليش خايفة أنتي
جنات اتحاول اتألف كذبة : اءاء ..لان زوجي كان سمع أني مازلت ...مرات ايحاول أخرى ..وهو عصبي وأنا مريضة وتعبانة ..ومانقدرش توا
الدكتورة : اها ..فهمت عليك ...عموما أنتي ممنوعة من الفراش الفترة هذه لعند يبرأ الجرح اصلا ...لذلك ردي بالك اتخالفي كلامي ..والا النزيف ايرد عليك اخرى ...حنصرفلك دواء وياريت ترتاحي كم يوم
جنات : إن شالله دكتورة ... ياريت الكلام هذا تكتبيه مع العلاج لو سامحتي
الدكتورة بحتت فيها بأسف ..و كتبت على دواء والتعليمات ...وعطتاها الورقة : امسكي ...بس نصيحتي لك معاش اتخلي حد ايدير فيك هك أخرى ..حتى لو كان زوجك ...لانك بشر وأنسانة ..وماناش عايشين في غابة نحنا
جنات قهرها كلام الدكتورة كيف متخيلا جنات راضية باللي صار ..ومش غصب عنها ...صبت وهي تحس بألم ..خذت الروشيتة ..وطلعت ...وطبعا منى وهبة ايبحتوا فيها بخوف أن جنات حكت اي شي ...بس لما الممرضة صكرت الباب بعد طلعتها ..عرفوها ماقالت شي
منى مسكت يدها وخذت منها الورقة : هذا شنو
جنات : دواء ..شنو يعني
منى : شن قالتلك الدكتورة ..وأنتي شن قلتي
جنات : اطمني ماقلت شي ..وكل شي في الروشيتة
منى تقرأ : كيف راحة عشان الجرح
جنات قربت منها : منك يا متوحشة ...الدكتورة خيطتني بسبب غجريتك وقلة أدبك
منى سحبتها بالقوة : صكري فمك وأسكتي ...راحة كم يوم وبعدها تبقي كيف البنت الطيبة
جنات اتبحت فيها بخوف ومش عارفة شن قصدها
طلعوا من المستشفى ..وروحوا للحوش ..وطبعا ردت جنات للحبس من جديد ..وكانت اتفكر في خوها ...وماطمنتش الا بعد سمعت صوت توفيق ايتعارك مع منى
لعند الصبح وهي تبكي ..وبعدها طاحت رقدت من التعب ...الصبح بدري جنات ناضت وافتحت اعيونها ..كانت متمنية تلاقى روحها كانت تحلم ومافيش شي ...لكن أثاث دار النوم الغريب عليها ..رجعها للواقع ..قمعزت بتعب والتفتت وراءها وانفجعت لما لاقت توفيق قريب منها ويتفرج عليها
وخرت عنه وعيطت بصوت عالي
توفيق ارتبك وقعد يرجف ..يقرب منها ويوخر اخرى ..يبيها تسكت ..ومش عارف كيف ..مع خشت منى للدار
منى : اسكتي ..عليش اتصرخي .كنك
وشافت توفيق : أنت شن جابك هنا ..مش قتلك معاش اتخش هنا لعند انقولك
توفيق يتعلثم وشابك ايديه : ااءاءءاءءاب أاانا ..ااببب
منى : خلاص خلاص ..اطلع أمشي لدارك ...هيا اطلع
طلع توفيق بسرعة ..وجنات مصدومة من كل اللي ايصير
منى تخزرت في جنات : وأنتي اسكتي عليش اتصرخي ..معاش نبي نسمع صوتك
اطلعت منى ..وجنات قعدت تبكي . وكان هذا الشي الوحيد اللي قادرة عليه ..مش عارفة شن ادير
بعد وقت صبت جنات خشت الحمام غيرت وغسلت وردت رقدت على السرير بتعب . ..وفجاة انفتح الباب وخشت هبة بسفرة فطور ..حطتها على الطاولة
جنات قمعزت : حرام عليكم خلوني نمشي لاهلي ...أنا مانبيش خوك ..مش بالغصب ..خلوني نمشي
هبة بحتت فيها : اي هل اللي تبي تمشيلهم ..بوك وأمك الله يرحمهم وأنتي ماعندكش الا خوك الصايع اللي مايندري عليك وين ...ارضي بنصيبك وعيشي مع توفيق خيرلك
جنات انكسر قلبها كانت متوقعة هبة احسن من منى وتوا اتحن عليها لكن كلامها وجعها أكثر
جنات : نبي نمشي ..مادخلكش فيا ..اطلقوني نبي نطلع ..أنا مانبيش خوك ..كيف تفهموا ..نبي نطللللللع
هبة : افطري واسكتي
وطلعت وخبطت الباب ...وجنات خبطت وجهها وبكت وعيطت وانهارت ..ومافيش فائدة . ماحد حن عليها
*****************************
#تسريع_للاحداث
قعدت جنات يومين على نفس الوضع ...محبوسة في الدار ايجيبولها في أكل لكن هي ماتأكلش في شي ..طايحة تبكي وراقدة وخلاص
لعند ثالث يوم ..جنات كانت راقدة ناضت خلاص مش قادرة ..صبت هالكة شافت سفرة الغداء على الطاولة شكلهم جابوها وهي راقدة .. خذتها وقمعزت لوطى وتمت تأكل ..تأكل بجوع . ..وبعدها خطر عليها الوضع وخنقتها العبرة وانزلوا دموعها ...دفت سفرة الطعام وصبت ..حست الجو هادي ..مشت لعند الحمام غسلت وجهها ..وتمت تبرم في الدار ..اتفكر كيف تهرب من هنا
بعدها بحتت في الباب وجت طبست تصنت اي صوت ...وحاولت تفتح الباب ..ومن صدمتها الباب انفتح
فتحت الباب بحذر وطلعت بالشويا ..تسلل ..الحوش هادي مافيش صوت ..مشت في الممر ..لاقت دار مفتوحة ..خشت فيها ..كل شي فيها غريب ..طاولة عليها ادوية وحاجات اخرى ..دولاب وسريري فردي ...
طلعت منها ..ومشت اخرى ..تسمع في اثنين يحكوا ..قربت وكل مرة الصوت يوضح ...كانت منى وهبة ايهدرزن
هبة : شن قصدك
منى : نبي انحاول امعاهم كم يوم ونشوف شن ايصير
هبة : من جدك البنت مش طايقته ..كيف تبيها ترضى بيه
منى : ترضى غصبا عنها ..مش بكيفها
هبة : وتخيلي ماصار شي ..شن تبي اديري ..لعند امتى تبي تحبسيها ...كم يوم وأكيد هلها توا يسألوا عليها
منى : إن شالله بالك توا ايصير ...المراة قالت كم يوم بس ويتغير كل شي ..واتحبه
هبة : والله مانضني ..انحس فيها تكذب عليك وتأكل في فلوسك وخلاص هالمراة
منى : والله خليها يومين ..وبعدها انخشوا عليها توفيق وانشوفوا شن ايصير
جنات :
هبة : ماعتقدتش ايصير منها ...خليها تمشي لاهلها وخلاص ..ونحن نمشوا لاهلنا في بنغازي
منى : وخوك
هبة : خوك لنا اكثر من سنة انعانوا فيه ...وماصارش منه . يبلع في الدواء من غير فائدة ...أنا تعبت ومليت نبي انروح لبنغازي خلاص
منى : وخوك شن انديروله...كيف نبي انخش على العائلة بيه وهو مريض هك
هبة صبت متعصبة : لان غلط من الاول طلعتنا من بنغازي من غير علم هلنا وناسنا ..وشن فيها كان خوك مريض ..الله غالب ..شن بنديروله
منى : واللهي ...عشان نقعدوا فضيحة قدام الناس ..هذا خوك الوحيد ..تذكري كيف كان زمان
هبة : نذكر اها ...بس مش ذنبي ..من قاله يبلع حاجة مش عارفها . ..تعبت وأنا انقول كل يوم بكرا يبقى أحسن ويبرا ...لكن للاسف ..شوفي بعد علاج كم شهر ..في اول صدمة رد احرف من قبل
منى : ااء
لكن هبة خشت وسيبتها ...وجنات عدت بسرعة خافت اتشوفها ..خشت في اول دار ...سمعت هبة خشت في دارها وقربعت الباب
جنات مش مستوعبة الكلام اللي سمعته ...قعدت اتبحت في الدار ..هي نفس الدار اللي خشتها بدري ...شافت الادوية على الطاولة تذكرت كلام هبة ..ومشت بسرعة اتشوف في العلب . وتقرأ عليهن لكن مافهمت شي ..قعدت اتفتش في الادراج والدولاب . تبي تلقى اي حاجة تستفيد بيها ..فتحت درج في الدولاب جوا كان مليان تقارير طبية واوراق ..من ليبيا ومصر ..خذت تقرير مكتوب بالعربي تقرأ فيه ...فيه كلام واجد ..حبوب هلوسا ما حبوب وكلام واجد ماعرفت تفهمه من الخوف
وفجاة سمعت واحد يمشي في الممر وقرب من الدار . جت بسرعة وانطمرت وراء الباب مفتوح ...خش توفيق
حول جاكته وعزقها على السرير ..وخش الحمام
جنات تبي اتموت من الخوف وترعش ...طلعت بسرعة وعدت تجري لدارها وصكرت الباب ...يعني هذه دار توفيق ..وهذه ادويته ...شكله قصته طويلة ...لكن كلام منى كان شاغل بالها أكثر ...شن قصدها لما قالت توا ترضى ..واي مراة كانت تحكي عليها
في الليل جابولها عشاء وجنات دارت روحها راقدة ..وهبة استغربت الباب مفتوح ...وطبعا كان مفتوح بالغلط لانهم بعدها ردوا يقفلوا فيه من جديد
***********************
بعد يومين اخرى ...منى بدأت اتخشش في توفيق على جنات ..تبي اتشوف ردة فعلها متقبلته او لا ...لكن جنات مجرد ما اتشوفه تقلب الدنيا اعياط وصريخ ..وهو طبعا لما ايصير هكي اتجيه حالة يقعد يرعش ويخاف ويقعد عصبي ...وجنات حاولت تستفيد من الحالة هذه عشان تبعده عنها
سليمة ومودة بعد يومين استغربن أن جنات ماكلمت ولا سألت عليهن ولما اتصلن بيها فونها مقفل .....واخر حل كلمن منى ..وهي طبعا كذبت عليهن وقالت عرسان عاد ومش فاضيين من مكان لامكان ؟؟؟!!
بعد أكثر من اسبوع منى خلاص معاش عندها اعصاب وجت خشت على جنات
جنات كانت راقدة واتفكر انفجعت وقمعزت
منى قربت منها معصبة : لعند امتى تبي تقعدي هكي لعند امتى
جنات مش فاهمة شي : كك كيف يعني
منى هدت اشوي وتنهدت : ليش ماتبيش توفيق ..ليش رافضتيه ..عطيه فرصة وحدة بس ..بالك توا اتريحي امعاه
جنات : لا لا مستحيل ..ابدأ ولا يمكن نرضى بيه ...مش عشان مريض ..لا ..لكن أنتوا غشيتوني وكذبتوا عليا من اول يوم ..وزيادة ضربتوني ..وأنتي ..أنتي اعتديتي عليا و و
منى : يعني ماتبيش اتجربي ..مرات هذه فرصتك عشان تبقي أم وتكوني أسرة ...شن عرفك كان طلقك توفيق تبي تتزوجي اخرى ...وخاصة أنك كبيرة ومطلقة
جنات : عارفة عندي انموت في حوش هلي خادمة . ولا نقعد يوم واحد على ذمة خوك ..خلاص خلوني نمشي ...لعند امتى تبي تحبسيني هنا ...بكرا والا بعده اجديدة توا اتجي تسأل عليا ...خلوني نطلع من هنا برضاي ..أحسن مانطلع غصبا عنكم وانديرلكم فضيحة
منى ردت تعصبت : مافيش مشي .فاهمة ..مافيش مشي من هنا
واطلعت وقربعت الباب بالقوة ...وجنات طاحت على السرير تبكي
************************
طول الليل ومنى اتفكر لعند الصبح ...ولما ناضت جنات ثاني يوم ..جتها وخشت عليها
جنات كانت اتصلي كملت وصبت
منى : صباح الخير
جنات طبقت الصلاية ..وحطتها على الطاولة : نعم شن تبي
منى : نبي نتفق امعاك على شي
جنات : مافيش داعي اتقولي شي .. أنا لو تقطعي رأسي ..مانيش اموافقة على خوك
منى : حتى أنا معاش نبيك تقعدي امعاه من يوم جيتك وحالته اصعب من قبل
جنات : شن قصدك
منى : توفيق يبي ايطلقك ...وتمشي لاهلك
جنات مش مصدقة : شش شن قلتي...تحكي جد ؟!!
منى : نحكي جد ...لكن أكيد بشرط واحد
جنات : شرط شنو ...اي شي
منى : أنا مستعدة انحطك اليوم عندك هلك ..ونبدوا في اجرأت الطلاق على طول ...لكن لازم توعديني بشي قبل
جنات تبي اطير من الفرحة قربت منها : اي شي اي شي ..المهم نطلع من هنا
منى اتبحت فيها كيف فرحت ..وعرفت أن قررها اتخليها تمشي لاهلها كان صاح ..مافيش أمل اتحب توفيق
منى : لو وعدتيني أنك تسكتي وماتحكيش لاحد علي صار امعاك هنا ...واتخلي توفيق في حاله ... واتقولي ماتفهمنش مع بعض ...مستعدة انخلي توفيق ايطلقك وقت ماتبي
جنات مستعدة ادير اي شي المهم تطلع من الحبس هذا : اموافقة اصلا أنا نبي نطلع من هنا وننسى كل شي صار هنا ..مانبيش منكم شي ..و وعد مني مانحكيش لاحد وعد
منى : عموما أنا ماعنديش ثقة فيك ...عشان هك درت احسابي لو تكلمتي وقلتي اي شي ..أنا عندي تقرير من دكتور نساء أن يوم الفرح لاقيناك مش بنت ...ونحن ماحبيناش نفضحوك وسترنا عليك
جنات اتهز في رأسها بصدمة : أنتي شنو ...من شنو مخلوقة ...مستحيل اتكوني انسانة ...أنتي شيطان في صورة أنسان
منى ابتسمت : بلا كلام فاضي ....أنتي عارفة شن صار يومتها ..يعني أنتي مش بنت توا ...ونقدروا نثبتوا الشي هذا عند اول دكتور ...لكن طبعا كان قعدتي ساكتة وتفرقتوا بالمعروف وكل حد عدا في حاله ...مافيش داعي للفضايح
جنات تنهدت عشان تهدأ : تمام ..تمام مافيش مشكلة ..اصلا أنا ماعنديش نية لاي قصص امعاكم ...نبي حريتي ..نبي نطلع ونطلق بس
منى : تمام معناها ...اليوم خليك ...بكرا الصبح وتي شنطتك انشيلك لاهلك
جنات تسمع ومش مصدقة ...لكن ماحبتش اتوضح ...بعد طلعت منى من الدار ..تمت تضحك وتنقز مش مستوعبة كيف منى اقتعنت تخليها تمشي ...ومشت فتحت الشطنة وخذت دبشها كله وتت روحها ..ومن الفرحة حتى في الليل مارقدت قعدت واعية لعند الصبح ...توضت وصلت ولابست تستنى امتى تمشي
ثاني يوم الصبح بعد الفطور ..مشت جنات مع منى وهبة وراجلها ..ولما طلعت شافت توفيق قاعد برا ...ركبت السيارة ومشت امعاهم لعند درنة ...نزلت لحوش جدتها بسرعة ودقت وهي مرايفة ومش عارفة كيف اتعبر من السعادة اللي حاسة بيها
فتحت سليمة الباب وجنات ضمتها على طول وتبكي وتشهق
سليمة : بسم الله ...كنك شنو صار ...كنك جنات
منى خشت وامعاها الشنطة : مافيش شي ...ماتخافيش ..غير رايفت عليك
جنات تمسح في وجهها واتبحت في منى كيف اتمثل في دور الطيابة
سليمة خشن تفضلن جوا
جنات خشت مع سليمة وهي ضمتها وحاطة راسها على كتفها ...وسليمة اتبحت في منى شايلة الشنطة ..وحست في شي مش تمام
طبعا جنات كان خاطرها تحكي لسليمة كل شي ..بس كانت خايفة ...تبي تضمن ورقة الطلاق قبل عندها ..عشان اتريح منه رسمي
مافيش داعي انخشوا في تفاصيل اكثر ...جنات قالت ماتفاهمتش امعاه وهو عصبي ...وقعدت عند سليمة ...اول يوم مافيش حد عند العلم الا سليمة ومودة وجلال ...بس طبعا جنات ماقالت شي لاحد
ثاني يوم خوال جنات كان عندهم علم ....طبعا حاولوا انهم يقنعوها اترد وخلاص وتوا ايتفاهموا في المستقبل ...لكن جنات صكرت رأسها على الطلاق
وبالنسبة لتوفيق منى اي واحد يسأل عليه من هل جنات اتقول عدا سافر عنده شغل ...ولما يحكوا امعاها عشان الطلاق اتقول توفيق معاش يبيها خلاص
المهم جنات كانت تعرف محامية شاطرة ...قالتلها نبيك تنهي القصة معاش نبي انشوفهم اخرى
بعد فترة كانت قضية الطلاق خلاص جاهزة ...لكن ضروري يوم جلسة الطلاق هم لاثنين يحضروا
يوم الجلسة في الصبح جنات لابست ومشت مع سليمة وخالها الكبير للمحكمة ...طبعا طول الجلسة كانت اتخزر فيهم ومش طايقة اتشوف وجهم
لما نطق القاضي بالحكم وتوفيق طلق رسمي ...جنات حست بحمل ثقيل انشال من عليها ...صبت وتحكي مع سليمة ...وخالها طلع قبلها
مع جيت منى تبي اتسلم عليها ..جنات طولت ماسلمت وبعدها مدت يدها
منى قربت منها : ردي بالك ..مانبيش اي مشاكل
جنات قلبها نار : طز فيك وفيه ...معاش اتهدديني فاهمة
منى قربت منها : حقيرة بعد ضمنتي حريتك تبي اتردي في كلامك
جنات : مافيش احقر منكم ..عائلة شياطين ...لكن ربي حينتقم منك ومنه علي درتوه فيا
منى : وطي حسك سلم بنتي راك مش قدي ايوه
جنات بصوت عالي : قدك وغصبا عنك ...وحدة تافهة ومتوحشة ...ومانحسش فيك ..شن تبي اديري
منى ردت عليها وتمت عركة بالكلام والناس تسمع فيهن ...في قضايا اخرى بعدهن
المهم من كلمة لكلمة كبرت المشكلة
منى : لانك قليلة أدب ومش متربية
جنات طبعا لها فترة شايلة في قلبها طلعت كل حقد الفترة اللي فاتت عليهم
جنات : ههههههه أنتي شن عرفك للتربية ...وحدة حيوانة ...عدي ربي خوك قبل
منى : خوي متربي خير منك ياساقطة ...ومعاش تلقي واحد ايلمك مرة اخرى
جنات : اللي كيف خوك مانبيشي ..خليه عندك
منى : صقع عليك لانك مش عارفة نحن من اي عائلة ...نحن من قبيلة ***** من عائلة عيت *****
جنات ضحكت ضحكة مستفزة : هههههههههه عائلة ***** طز فيك وفي عائلتك كلها ....تعرفي لو يبقى معاش في رجالة في الدنيا كلها غير من عائلتكم ...انموت ولا نأخذ واحد منكم لانهم مش رجالة ومرضى ...عائلة زبالة
منى تعصبت وتبي اترد عليها لكن اتشوف في توفيق كيف تما يرعش من صوت العركة
قربت منها بتهديد : وربي اندمك على كلام هذا ..وتشوفي
وخذت توفيق وطلعت من المحكمة ...والناس تمت اتفض في الزحمة ...وجنات خذت سليمة وطلعت ركبت مع خالها ومشت للحوش
*********************
هاذك اليوم جنات كملاته مع مودة ...اخيرا تريحت وافتكت من توفيق وأخته ...كانت الدنيا كلها مش سيعتها من الفرحة
ثاني يوم الصبح جنات راقدة ...وخشت عليها مودة
مودة اتهز فيها : جنات ...جنات نوضي ..نوضي بسرعة
جنات نطت منفجعة ..طبعا من يوم فرحها وهي ديما اتنوض منفجعة ..كانت تحلم واتشوف في كوابيس ...ومرات ترقد وهي خايفة
جنات : كنك ..كنك شن في
مودة : نوضي شوفي ..الدنيا منقلبة بقصتك
جنات اتحك في اعيونها : قصة شنو ...شن تحكي أنتي
مودة في يدها فونها : بحتي حي عليك ..في المحكمة أمس في واحد امصوركن وأنتن انتعاركن
جنات انفجعت وخذت النقال اتشوف :
كان في واحد حاضر في المحكمة وامصور العركة كلها ..وكلام جنات على عائلة توفيق كله واضح ...صاح جنات شكلها مش واضح لان اللي ايصور من بعيد ..لكن توفيق ومنى واضحين ..والكلام واضح
المشكلة أن اغلب الفيس والنت تما اشاعات وكذب وكل واحد يحكي قصة ...بس أكثر اشاعة مشت في النت أن جنات تتطلقت لان توفيق مش راجل ومريض نفسي
طبعا جنات ماعدلتش لان صورتها مش واضحة ..وخوالها جوا هزبوها اشوي وانتهيت القصة
لكن بعد يومين من الهرجة والقصص ...جنات جت فتحت النت وقاعدة ااتصفح وتلقى قدامها البوست هذا
محاولة انتحر توفيق عبد الرحمن بعد قضية الطلاق بسبب اتهمه بالعجز الجنسي والمرض وصورة لتوفيق في المستشفى
جنات :
*******نهاية الحلقة #2
وبعدها حست بشي ساخن تحت منها والالم قوي ...قمعزت بالغصب وتعب ..وحولت الملاية من عليها ...وانصدمت لما شافت دم تحت منها ....بس كمية الدم كانت رهيبة ومش طبيعية
جنات انفجعت وزادت تبكي بهستيريا ..وترجف وحاولت اتصبي لكن رجليها من الضرب والصدمة ماشالوهاش لبست سروال البيجاما..نزلت من فوق السرير تزحف والدم نزيف قاعد ..الدنيا كلها تعبت دم ..
جنات تبرم بعيونها في الدار ادور في نقالها ..بس مش باين ..شكله واحد منهم خذاه قبل يطلع
جنات وصلت لعند باب الدار وحاولت تفتحه لكن كان مقفول من برا ...قعدت مقمعزة بتعب ودايخة عند الباب ..وبعد شويا خشت منى وامعاها هبة ..وانصدمن من منظر جنات كيف الدم قاعد خط وراها من السرير لعند الباب
هبة على طول طبست عليها وحاولت اتنوضها ..أما منى عقلها كان في شي اخر ....طلعت منديل ابيض من جيبها ..غطساته في الدم على السرير ..وحطاته في كيس بلاستك ..ولفاته ودساته في جيبها ؟!!
منى طلعت من الدار ..وكان صوتها تحكي مع واحد برا ...اما هبة ..ارفعت جنات من الارض وحطتها على السرير ...وبعد اشوي خشت منى
جت قمعزت قريب من جنات : شكله عندك نزيف ...شن اتحسي توا
جنات تبكي بصوت : يامتوحشة ..ياحيوانة ...والله تندمي علي درتيه فيا ...شن درتلك أنا حرام عليك
..ليش درتوا فيا هكي ليش ...ياويلكم من ربي نبي اجديدة ودوني لاجديدة منى : مش وقته الكلام هذا ..اللي صار صار ...وبعدها ليش أنتي ماخليتي راجلك يدخل عليك كيف الناس ..ليش خليتينا نستعملوا امعاك العنف
جنات منصدمة من كمية الحقارة وصحة الوجه وكيف تحكي وكأنها معاها الحق ..: مش راجلي هذا ..أنتوا خدعتوني ..كذبتوا عليا ..غشيتوني ياويلكم
نبي حوشنامنى من غير صبر : خلاااص ..قصة وصارت ..وانتهت وهذا حوشك وحوش راجلك ..خلينا فيك توا ...صبي خشي للحمام غيري واغسلي ..خلينا انشيلوك للمستشفى ..ايشوفوا شن صارلك
جنات كل مايمشي الوقت كانت اتحس بدوخة ..وزادها الخوف عندها ..مش عارفة هضوم شن قصتهم ..وكيف داروا فيها هك ...بس مجرد مافكرت تمشي للمستشفى ..كانت هذه فرصتها عشان تطلع من الحوش هذا ..صبت مع هبة خذت لابسة من شنطتها وغيار وخشت للحمام ...ادوشت وهي منهارة وتبكي..والدم ينزل منها بشكل غريب .. لابست واطلعت ...كانت تمشي بالغصب ...بس اهم حاجة أنها تطلع من الحوش ...
طلعت من الدار مع هبة ومنى ...لابسن عبايات ..واطلعن للشارع ..جنات اتبحت الحوش بعيد عن اي جيران ..والدنيا ظلمة ..كانت في سيارة واقفة برا ..هبة ركبت من قدام ...وجنات مسكتها منى بالقوة من ذراعها عشان ماطيحش ..والاكثر عشان ماتهربش منها ...افتحت باب السيارة وركبت جنات واركبت ...وهنا كانت صدمت جنات ...السواق هو نفسه الشاب ..اللي جاء للمقابلة
جنات اتبحت فيه بصدمة : ااءء ..اهوا اللي شفته ...هو هذا ..هو هذا
منى : شن اتخرفي أنتي ..بطلي كذب
جنات اتهز في رأسها : لا والله هو ..متأكدة منه ..هو ..وحق ربي هو
منى : كيف هو ...هذا راجل هبة ..بطلي كذب
جنات اعيونها يبوا يطلعوا من الصدمة ..اتبحت في هبة والسواق : أنتوا مستحيل اتكونوا بشر طبيعيين ..أنتوا ناس مريضة ..شن تبوا مني ...عليش كذبتوا عليا .. عليش
السواق بحت فيها في لمرايا وطلع بالسيارة للمستشفى ...
منى طول الطريق مسكتها من ذراعها بالقوة ..طبعا منطقتهم مافيش مستشفى في الليل ..عشان هك خذوها لدرنة ..وجنات اتبحت في الطريق وجسمها كله يوجع فيها ..ورأسها ثقيل
مجرد ما خشوا درنة ..منى حكت مع جنات : شوفي بحتي فيا ..واسمعي كلامي كويس
جنات بحتت فيها وترجف
منى : ردي بالك ايجي في عقلك تحكي اي شي لاي واحد في المستشفى ...راكي تحسابي روحك ذكية ..وتبي تفضحينا ...مازلتي ماتعرفيش من نحنا
جنات : خاطرها اترد عليها ...لكن سكتت لعند توصل للمستشفى ..هذا كان تفكير جنات ..ماكانتش تعلم شن محضرتلها منى
قبل المستشفى بشويا رن نقال منى ..حكت مع واحد ..وبعدها بحتت في جنات : زي ماقتلك ..ردي بالك اتفكري مجرد تفكير ..تحكي لاحد ...وكأن حكيتي والا درتي اي شي ..انسي خوك جلال
جنات مجرد ماسمعت اسم خوها ..حست قلبها طاح في بطنها وافتحت فمها
منى افتحت فونها وحطت على بث مباشر ..من خوها توفيق ..كان قاعد مع مجموعة شباب ايهدرزوا ويشربوا ..ويضحكوا وكان شكلهم مش واعيين لشي ..وطبعا من ضمنهم كان جلال خوها ...جنات اعيونها امتليوا ادموع وحطت ايدها على فمها من الصدمة والخوف
منى : هذا خوك والا مش هوا ...اتشوفي فيه والا لا ...واقسم بالله تفتحي فمك بكلمة وحدة ..يبقى اخر يوم في حياته ...وأنتي شفتي توفيق شن يقدر ايدير
جنات اتعيط : ككك كيف
..خلوه عنكم ..شن دخل خويا ..خلوه في حاله ..أنتوا شن تبوا منا ..شن تبوا منى : مش وقت اعياط وكلام فاضي ..قريب نوصلوا للمستشفى ..فكري في خوك قبل ما تتصرفي اي تصرف ممكن تندمي عليه ...توفيق بكلمة وحدة مني يقتله كيف السلام عليكم ...وأنتي بس اللي تندمي ..لان توفيق مريض ومش حيصيرله شي ...يقعد فترة في المستشفى وبعدها يطلع من جديد ...لكن خوك مصيره في يدك توا
جنات تبكي بقهر واتخبط في السيارة : هذا كله عشان شنو ..شنو تبوا اديروا فيا ...شن تبوا مني ...نبي نفهم ليش
..أنتوا عصابة والا كيف نظامكم
السيارة وقفت قدام المستشفى
منى : لا عصابة لاشي ..ومانبي منك شي ..الا أنك اتكوني مرات خويا بس ...اسمعي كلامي وخليك عاقلة ..ومستحيل حد يذيك
جنات زمطت ريقها واتبحت في مبنى المستشفى من برا ..وعقلها فيه مئة سؤال ...والخوف على جلال خوها وقف كل الافكار اللي كانت اتخططلها لما توصل للمستشفى
منى ضغطت على ذراعها : انزلي هيا قدامي ...وزي ماقتلك ..وأنتي حرة
جنات نزلت من السيارة ..اتجر في رجليها ..ومش قادرة اتشوف قدامها من الدموع ..والافكار والخوف مسيطرين عليها
خشوا للمستشفى هي ومنى وهبة ...سألت هبة على دكتورة ..وكانت في دكتورة نسأء ..مشوا عشان اتشوفها ..وطبعا طول الوقت منى اتذكر فيها بجلال واتخوف فيها أكثر
قمعزت جنات برا مع منى وهبة ..يستنوا في الدكتورة ...وبعد شويا طلعت ممرضة ..ونادت على جنات ..وصبت امعاها منى عشان اتخش امعاها ..لكن الممرضة قالتلها ممنوع ...ومنى شدت على يدها وبحتت فيها بنظرة تهديد ..كان تكلمت
جنات خشت وهي ترجف ..حكت لدكتورة أنها عروس وصارلها نزيف ...وكل سؤال تسأله الدكتورة جنات اترد عليها مش عارفة مش عارفة
المهم الدكتورة كشفت عليها وشافتها ..وبعدها قالتلها عندك جرح خارجي هو اللي ينزف ..ولازم انخيطه عشان ايوقف النزيف ...وهزت جنات رأسها وغمضت اعيونها تبكي ..ليش صار امعاها هيا بالذات هكي ...مش ساد حزن وعذاب السنين اللي فاتوا
بنجتها الدكتورة موضعي وخيطت الجرح ..وبعد كملت قالتلها خلاص البسي ..وانزلي من على كرسي الكشف ..لابست جنات وانزلت ..لابست عباتها ..وجت قمعزت مرهقة وتاعبة
الدكتورة : أنا مش عارفة شن صاير امعاك بالضبط ..بس واضح أنك طحتي في راجل غشيم واسمحيلي انقولك حيوان اخرى ...كيف دار فيك هك وأنتي ساكتة
جنات تمنت تنفجر بالبكاء وتحكي للدكتورة كيف ضربوها واعتدوا عليها من غير رحمة ..لكن خوفها على خوها خلاها تسكت ..واكتفت بالصمت وخلاص
الدكتورة : المهم هذه حاجة اتخصك ...بس اذا كان في اي مشكلة ..ممكن تحكيلي عادي
جنات هزت رأسها بسرعة : لا مافي شي ...مافي شي
الدكتورة : عموما هذه حاجة ترجعلك ..براحتك ...لكن أنا نبي انقولك أنتي مازلتي بنت راه
جنات بصدمة : شنو
الدكتورة : ماهو قتلك من الاول ..راجلك كان غشيم ومش عارف شي ..واللي صار هو جرح خارجي بس ..والدم اللي نزل منك ..كان من الجرح ..اما غشاء البكارة مازال نفس ماهو
جنات اتفكر بخوف ..وبعدها مسكت يد الدكتورة : ماتقولي شي الله يخليك ..ماتقوليش مازلت بنت ..خليهم فاهمين أني دخلت وتهنيت خلاص ...الله يربحك دكتورة
الدكتورة مستغربة : باهي ليش ...ليش خايفة أنتي
جنات اتحاول اتألف كذبة : اءاء ..لان زوجي كان سمع أني مازلت ...مرات ايحاول أخرى ..وهو عصبي وأنا مريضة وتعبانة ..ومانقدرش توا
الدكتورة : اها ..فهمت عليك ...عموما أنتي ممنوعة من الفراش الفترة هذه لعند يبرأ الجرح اصلا ...لذلك ردي بالك اتخالفي كلامي ..والا النزيف ايرد عليك اخرى ...حنصرفلك دواء وياريت ترتاحي كم يوم
جنات : إن شالله دكتورة ... ياريت الكلام هذا تكتبيه مع العلاج لو سامحتي
الدكتورة بحتت فيها بأسف ..و كتبت على دواء والتعليمات ...وعطتاها الورقة : امسكي ...بس نصيحتي لك معاش اتخلي حد ايدير فيك هك أخرى ..حتى لو كان زوجك ...لانك بشر وأنسانة ..وماناش عايشين في غابة نحنا
جنات قهرها كلام الدكتورة كيف متخيلا جنات راضية باللي صار ..ومش غصب عنها ...صبت وهي تحس بألم ..خذت الروشيتة ..وطلعت ...وطبعا منى وهبة ايبحتوا فيها بخوف أن جنات حكت اي شي ...بس لما الممرضة صكرت الباب بعد طلعتها ..عرفوها ماقالت شي
منى مسكت يدها وخذت منها الورقة : هذا شنو
جنات : دواء ..شنو يعني
منى : شن قالتلك الدكتورة ..وأنتي شن قلتي
جنات : اطمني ماقلت شي ..وكل شي في الروشيتة
منى تقرأ : كيف راحة عشان الجرح
جنات قربت منها : منك يا متوحشة ...الدكتورة خيطتني بسبب غجريتك وقلة أدبك
منى سحبتها بالقوة : صكري فمك وأسكتي ...راحة كم يوم وبعدها تبقي كيف البنت الطيبة
جنات اتبحت فيها بخوف ومش عارفة شن قصدها
طلعوا من المستشفى ..وروحوا للحوش ..وطبعا ردت جنات للحبس من جديد ..وكانت اتفكر في خوها ...وماطمنتش الا بعد سمعت صوت توفيق ايتعارك مع منى
لعند الصبح وهي تبكي ..وبعدها طاحت رقدت من التعب ...الصبح بدري جنات ناضت وافتحت اعيونها ..كانت متمنية تلاقى روحها كانت تحلم ومافيش شي ...لكن أثاث دار النوم الغريب عليها ..رجعها للواقع ..قمعزت بتعب والتفتت وراءها وانفجعت لما لاقت توفيق قريب منها ويتفرج عليها
وخرت عنه وعيطت بصوت عاليتوفيق ارتبك وقعد يرجف ..يقرب منها ويوخر اخرى ..يبيها تسكت ..ومش عارف كيف ..مع خشت منى للدار
منى : اسكتي ..عليش اتصرخي .كنك
وشافت توفيق : أنت شن جابك هنا ..مش قتلك معاش اتخش هنا لعند انقولك
توفيق يتعلثم وشابك ايديه : ااءاءءاءءاب أاانا ..ااببب
منى : خلاص خلاص ..اطلع أمشي لدارك ...هيا اطلع
طلع توفيق بسرعة ..وجنات مصدومة من كل اللي ايصير
منى تخزرت في جنات : وأنتي اسكتي عليش اتصرخي ..معاش نبي نسمع صوتك
اطلعت منى ..وجنات قعدت تبكي . وكان هذا الشي الوحيد اللي قادرة عليه ..مش عارفة شن ادير
بعد وقت صبت جنات خشت الحمام غيرت وغسلت وردت رقدت على السرير بتعب . ..وفجاة انفتح الباب وخشت هبة بسفرة فطور ..حطتها على الطاولة
جنات قمعزت : حرام عليكم خلوني نمشي لاهلي ...أنا مانبيش خوك ..مش بالغصب ..خلوني نمشي
هبة بحتت فيها : اي هل اللي تبي تمشيلهم ..بوك وأمك الله يرحمهم وأنتي ماعندكش الا خوك الصايع اللي مايندري عليك وين ...ارضي بنصيبك وعيشي مع توفيق خيرلك
جنات انكسر قلبها كانت متوقعة هبة احسن من منى وتوا اتحن عليها لكن كلامها وجعها أكثر
جنات : نبي نمشي ..مادخلكش فيا ..اطلقوني نبي نطلع ..أنا مانبيش خوك ..كيف تفهموا ..نبي نطللللللع
هبة : افطري واسكتي
وطلعت وخبطت الباب ...وجنات خبطت وجهها وبكت وعيطت وانهارت ..ومافيش فائدة . ماحد حن عليها
*****************************
#تسريع_للاحداث
قعدت جنات يومين على نفس الوضع ...محبوسة في الدار ايجيبولها في أكل لكن هي ماتأكلش في شي ..طايحة تبكي وراقدة وخلاص
لعند ثالث يوم ..جنات كانت راقدة ناضت خلاص مش قادرة ..صبت هالكة شافت سفرة الغداء على الطاولة شكلهم جابوها وهي راقدة .. خذتها وقمعزت لوطى وتمت تأكل ..تأكل بجوع . ..وبعدها خطر عليها الوضع وخنقتها العبرة وانزلوا دموعها ...دفت سفرة الطعام وصبت ..حست الجو هادي ..مشت لعند الحمام غسلت وجهها ..وتمت تبرم في الدار ..اتفكر كيف تهرب من هنا
بعدها بحتت في الباب وجت طبست تصنت اي صوت ...وحاولت تفتح الباب ..ومن صدمتها الباب انفتح
فتحت الباب بحذر وطلعت بالشويا ..تسلل ..الحوش هادي مافيش صوت ..مشت في الممر ..لاقت دار مفتوحة ..خشت فيها ..كل شي فيها غريب ..طاولة عليها ادوية وحاجات اخرى ..دولاب وسريري فردي ...
طلعت منها ..ومشت اخرى ..تسمع في اثنين يحكوا ..قربت وكل مرة الصوت يوضح ...كانت منى وهبة ايهدرزن
هبة : شن قصدك
منى : نبي انحاول امعاهم كم يوم ونشوف شن ايصير
هبة : من جدك البنت مش طايقته ..كيف تبيها ترضى بيه
منى : ترضى غصبا عنها ..مش بكيفها
هبة : وتخيلي ماصار شي ..شن تبي اديري ..لعند امتى تبي تحبسيها ...كم يوم وأكيد هلها توا يسألوا عليها
منى : إن شالله بالك توا ايصير ...المراة قالت كم يوم بس ويتغير كل شي ..واتحبه
هبة : والله مانضني ..انحس فيها تكذب عليك وتأكل في فلوسك وخلاص هالمراة
منى : والله خليها يومين ..وبعدها انخشوا عليها توفيق وانشوفوا شن ايصير
جنات :
هبة : ماعتقدتش ايصير منها ...خليها تمشي لاهلها وخلاص ..ونحن نمشوا لاهلنا في بنغازي
منى : وخوك
هبة : خوك لنا اكثر من سنة انعانوا فيه ...وماصارش منه . يبلع في الدواء من غير فائدة ...أنا تعبت ومليت نبي انروح لبنغازي خلاص
منى : وخوك شن انديروله...كيف نبي انخش على العائلة بيه وهو مريض هك
هبة صبت متعصبة : لان غلط من الاول طلعتنا من بنغازي من غير علم هلنا وناسنا ..وشن فيها كان خوك مريض ..الله غالب ..شن بنديروله
منى : واللهي ...عشان نقعدوا فضيحة قدام الناس ..هذا خوك الوحيد ..تذكري كيف كان زمان
هبة : نذكر اها ...بس مش ذنبي ..من قاله يبلع حاجة مش عارفها . ..تعبت وأنا انقول كل يوم بكرا يبقى أحسن ويبرا ...لكن للاسف ..شوفي بعد علاج كم شهر ..في اول صدمة رد احرف من قبل
منى : ااء
لكن هبة خشت وسيبتها ...وجنات عدت بسرعة خافت اتشوفها ..خشت في اول دار ...سمعت هبة خشت في دارها وقربعت الباب
جنات مش مستوعبة الكلام اللي سمعته ...قعدت اتبحت في الدار ..هي نفس الدار اللي خشتها بدري ...شافت الادوية على الطاولة تذكرت كلام هبة ..ومشت بسرعة اتشوف في العلب . وتقرأ عليهن لكن مافهمت شي ..قعدت اتفتش في الادراج والدولاب . تبي تلقى اي حاجة تستفيد بيها ..فتحت درج في الدولاب جوا كان مليان تقارير طبية واوراق ..من ليبيا ومصر ..خذت تقرير مكتوب بالعربي تقرأ فيه ...فيه كلام واجد ..حبوب هلوسا ما حبوب وكلام واجد ماعرفت تفهمه من الخوف
وفجاة سمعت واحد يمشي في الممر وقرب من الدار . جت بسرعة وانطمرت وراء الباب مفتوح ...خش توفيق
حول جاكته وعزقها على السرير ..وخش الحمام
جنات تبي اتموت من الخوف وترعش ...طلعت بسرعة وعدت تجري لدارها وصكرت الباب ...يعني هذه دار توفيق ..وهذه ادويته ...شكله قصته طويلة ...لكن كلام منى كان شاغل بالها أكثر ...شن قصدها لما قالت توا ترضى ..واي مراة كانت تحكي عليها
في الليل جابولها عشاء وجنات دارت روحها راقدة ..وهبة استغربت الباب مفتوح ...وطبعا كان مفتوح بالغلط لانهم بعدها ردوا يقفلوا فيه من جديد
***********************
بعد يومين اخرى ...منى بدأت اتخشش في توفيق على جنات ..تبي اتشوف ردة فعلها متقبلته او لا ...لكن جنات مجرد ما اتشوفه تقلب الدنيا اعياط وصريخ ..وهو طبعا لما ايصير هكي اتجيه حالة يقعد يرعش ويخاف ويقعد عصبي ...وجنات حاولت تستفيد من الحالة هذه عشان تبعده عنها
سليمة ومودة بعد يومين استغربن أن جنات ماكلمت ولا سألت عليهن ولما اتصلن بيها فونها مقفل .....واخر حل كلمن منى ..وهي طبعا كذبت عليهن وقالت عرسان عاد ومش فاضيين من مكان لامكان ؟؟؟!!
بعد أكثر من اسبوع منى خلاص معاش عندها اعصاب وجت خشت على جنات
جنات كانت راقدة واتفكر انفجعت وقمعزت
منى قربت منها معصبة : لعند امتى تبي تقعدي هكي لعند امتى
جنات مش فاهمة شي : كك كيف يعني
منى هدت اشوي وتنهدت : ليش ماتبيش توفيق ..ليش رافضتيه ..عطيه فرصة وحدة بس ..بالك توا اتريحي امعاه
جنات : لا لا مستحيل ..ابدأ ولا يمكن نرضى بيه ...مش عشان مريض ..لا ..لكن أنتوا غشيتوني وكذبتوا عليا من اول يوم ..وزيادة ضربتوني ..وأنتي ..أنتي اعتديتي عليا و و
منى : يعني ماتبيش اتجربي ..مرات هذه فرصتك عشان تبقي أم وتكوني أسرة ...شن عرفك كان طلقك توفيق تبي تتزوجي اخرى ...وخاصة أنك كبيرة ومطلقة
جنات : عارفة عندي انموت في حوش هلي خادمة . ولا نقعد يوم واحد على ذمة خوك ..خلاص خلوني نمشي ...لعند امتى تبي تحبسيني هنا ...بكرا والا بعده اجديدة توا اتجي تسأل عليا ...خلوني نطلع من هنا برضاي ..أحسن مانطلع غصبا عنكم وانديرلكم فضيحة
منى ردت تعصبت : مافيش مشي .فاهمة ..مافيش مشي من هنا
واطلعت وقربعت الباب بالقوة ...وجنات طاحت على السرير تبكي
************************
طول الليل ومنى اتفكر لعند الصبح ...ولما ناضت جنات ثاني يوم ..جتها وخشت عليها
جنات كانت اتصلي كملت وصبت
منى : صباح الخير
جنات طبقت الصلاية ..وحطتها على الطاولة : نعم شن تبي
منى : نبي نتفق امعاك على شي
جنات : مافيش داعي اتقولي شي .. أنا لو تقطعي رأسي ..مانيش اموافقة على خوك
منى : حتى أنا معاش نبيك تقعدي امعاه من يوم جيتك وحالته اصعب من قبل
جنات : شن قصدك
منى : توفيق يبي ايطلقك ...وتمشي لاهلك
جنات مش مصدقة : شش شن قلتي
...تحكي جد ؟!!منى : نحكي جد ...لكن أكيد بشرط واحد
جنات : شرط شنو ...اي شي
منى : أنا مستعدة انحطك اليوم عندك هلك ..ونبدوا في اجرأت الطلاق على طول ...لكن لازم توعديني بشي قبل
جنات تبي اطير من الفرحة قربت منها : اي شي اي شي ..المهم نطلع من هنا
منى اتبحت فيها كيف فرحت ..وعرفت أن قررها اتخليها تمشي لاهلها كان صاح ..مافيش أمل اتحب توفيق
منى : لو وعدتيني أنك تسكتي وماتحكيش لاحد علي صار امعاك هنا ...واتخلي توفيق في حاله ... واتقولي ماتفهمنش مع بعض ...مستعدة انخلي توفيق ايطلقك وقت ماتبي
جنات مستعدة ادير اي شي المهم تطلع من الحبس هذا : اموافقة اصلا أنا نبي نطلع من هنا وننسى كل شي صار هنا ..مانبيش منكم شي ..و وعد مني مانحكيش لاحد وعد
منى : عموما أنا ماعنديش ثقة فيك ...عشان هك درت احسابي لو تكلمتي وقلتي اي شي ..أنا عندي تقرير من دكتور نساء أن يوم الفرح لاقيناك مش بنت ...ونحن ماحبيناش نفضحوك وسترنا عليك
جنات اتهز في رأسها بصدمة : أنتي شنو ...من شنو مخلوقة ...مستحيل اتكوني انسانة ...أنتي شيطان في صورة أنسان
منى ابتسمت : بلا كلام فاضي ....أنتي عارفة شن صار يومتها ..يعني أنتي مش بنت توا ...ونقدروا نثبتوا الشي هذا عند اول دكتور ...لكن طبعا كان قعدتي ساكتة وتفرقتوا بالمعروف وكل حد عدا في حاله ...مافيش داعي للفضايح
جنات تنهدت عشان تهدأ : تمام ..تمام مافيش مشكلة ..اصلا أنا ماعنديش نية لاي قصص امعاكم ...نبي حريتي ..نبي نطلع ونطلق بس
منى : تمام معناها ...اليوم خليك ...بكرا الصبح وتي شنطتك انشيلك لاهلك
جنات تسمع ومش مصدقة ...لكن ماحبتش اتوضح ...بعد طلعت منى من الدار ..تمت تضحك وتنقز مش مستوعبة كيف منى اقتعنت تخليها تمشي ...ومشت فتحت الشطنة وخذت دبشها كله وتت روحها ..ومن الفرحة حتى في الليل مارقدت قعدت واعية لعند الصبح ...توضت وصلت ولابست تستنى امتى تمشي
ثاني يوم الصبح بعد الفطور ..مشت جنات مع منى وهبة وراجلها ..ولما طلعت شافت توفيق قاعد برا ...ركبت السيارة ومشت امعاهم لعند درنة ...نزلت لحوش جدتها بسرعة ودقت وهي مرايفة ومش عارفة كيف اتعبر من السعادة اللي حاسة بيها
فتحت سليمة الباب وجنات ضمتها على طول وتبكي وتشهق
سليمة : بسم الله ...كنك شنو صار ...كنك جنات
منى خشت وامعاها الشنطة : مافيش شي ...ماتخافيش ..غير رايفت عليك
جنات تمسح في وجهها واتبحت في منى كيف اتمثل في دور الطيابة
سليمة خشن تفضلن جوا
جنات خشت مع سليمة وهي ضمتها وحاطة راسها على كتفها ...وسليمة اتبحت في منى شايلة الشنطة ..وحست في شي مش تمام
طبعا جنات كان خاطرها تحكي لسليمة كل شي ..بس كانت خايفة ...تبي تضمن ورقة الطلاق قبل عندها ..عشان اتريح منه رسمي
مافيش داعي انخشوا في تفاصيل اكثر ...جنات قالت ماتفاهمتش امعاه وهو عصبي ...وقعدت عند سليمة ...اول يوم مافيش حد عند العلم الا سليمة ومودة وجلال ...بس طبعا جنات ماقالت شي لاحد
ثاني يوم خوال جنات كان عندهم علم ....طبعا حاولوا انهم يقنعوها اترد وخلاص وتوا ايتفاهموا في المستقبل ...لكن جنات صكرت رأسها على الطلاق
وبالنسبة لتوفيق منى اي واحد يسأل عليه من هل جنات اتقول عدا سافر عنده شغل ...ولما يحكوا امعاها عشان الطلاق اتقول توفيق معاش يبيها خلاص
المهم جنات كانت تعرف محامية شاطرة ...قالتلها نبيك تنهي القصة معاش نبي انشوفهم اخرى
بعد فترة كانت قضية الطلاق خلاص جاهزة ...لكن ضروري يوم جلسة الطلاق هم لاثنين يحضروا
يوم الجلسة في الصبح جنات لابست ومشت مع سليمة وخالها الكبير للمحكمة ...طبعا طول الجلسة كانت اتخزر فيهم ومش طايقة اتشوف وجهم
لما نطق القاضي بالحكم وتوفيق طلق رسمي ...جنات حست بحمل ثقيل انشال من عليها ...صبت وتحكي مع سليمة ...وخالها طلع قبلها
مع جيت منى تبي اتسلم عليها ..جنات طولت ماسلمت وبعدها مدت يدها
منى قربت منها : ردي بالك ..مانبيش اي مشاكل
جنات قلبها نار : طز فيك وفيه ...معاش اتهدديني فاهمة
منى قربت منها : حقيرة بعد ضمنتي حريتك تبي اتردي في كلامك
جنات : مافيش احقر منكم ..عائلة شياطين ...لكن ربي حينتقم منك ومنه علي درتوه فيا
منى : وطي حسك سلم بنتي راك مش قدي ايوه
جنات بصوت عالي : قدك وغصبا عنك ...وحدة تافهة ومتوحشة ...ومانحسش فيك ..شن تبي اديري
منى ردت عليها وتمت عركة بالكلام والناس تسمع فيهن ...في قضايا اخرى بعدهن
المهم من كلمة لكلمة كبرت المشكلة
منى : لانك قليلة أدب ومش متربية
جنات طبعا لها فترة شايلة في قلبها طلعت كل حقد الفترة اللي فاتت عليهم
جنات : ههههههه أنتي شن عرفك للتربية ...وحدة حيوانة ...عدي ربي خوك قبل
منى : خوي متربي خير منك ياساقطة ...ومعاش تلقي واحد ايلمك مرة اخرى
جنات : اللي كيف خوك مانبيشي ..خليه عندك
منى : صقع عليك لانك مش عارفة نحن من اي عائلة ...نحن من قبيلة ***** من عائلة عيت *****
جنات ضحكت ضحكة مستفزة : هههههههههه عائلة ***** طز فيك وفي عائلتك كلها ....تعرفي لو يبقى معاش في رجالة في الدنيا كلها غير من عائلتكم ...انموت ولا نأخذ واحد منكم لانهم مش رجالة ومرضى ...عائلة زبالة
منى تعصبت وتبي اترد عليها لكن اتشوف في توفيق كيف تما يرعش من صوت العركة
قربت منها بتهديد : وربي اندمك على كلام هذا ..وتشوفي
وخذت توفيق وطلعت من المحكمة ...والناس تمت اتفض في الزحمة ...وجنات خذت سليمة وطلعت ركبت مع خالها ومشت للحوش
*********************
هاذك اليوم جنات كملاته مع مودة ...اخيرا تريحت وافتكت من توفيق وأخته ...كانت الدنيا كلها مش سيعتها من الفرحة
ثاني يوم الصبح جنات راقدة ...وخشت عليها مودة
مودة اتهز فيها : جنات ...جنات نوضي ..نوضي بسرعة
جنات نطت منفجعة ..طبعا من يوم فرحها وهي ديما اتنوض منفجعة ..كانت تحلم واتشوف في كوابيس ...ومرات ترقد وهي خايفة
جنات : كنك ..كنك شن في
مودة : نوضي شوفي ..الدنيا منقلبة بقصتك
جنات اتحك في اعيونها : قصة شنو ...شن تحكي أنتي
مودة في يدها فونها : بحتي حي عليك ..في المحكمة أمس في واحد امصوركن وأنتن انتعاركن
جنات انفجعت وخذت النقال اتشوف :
كان في واحد حاضر في المحكمة وامصور العركة كلها ..وكلام جنات على عائلة توفيق كله واضح ...صاح جنات شكلها مش واضح لان اللي ايصور من بعيد ..لكن توفيق ومنى واضحين ..والكلام واضح
المشكلة أن اغلب الفيس والنت تما اشاعات وكذب وكل واحد يحكي قصة ...بس أكثر اشاعة مشت في النت أن جنات تتطلقت لان توفيق مش راجل ومريض نفسي
طبعا جنات ماعدلتش لان صورتها مش واضحة ..وخوالها جوا هزبوها اشوي وانتهيت القصة
لكن بعد يومين من الهرجة والقصص ...جنات جت فتحت النت وقاعدة ااتصفح وتلقى قدامها البوست هذا
محاولة انتحر توفيق عبد الرحمن بعد قضية الطلاق بسبب اتهمه بالعجز الجنسي والمرض
وصورة لتوفيق في المستشفىجنات :
*******نهاية الحلقة #2
