رواية نارك جنة الفصل الثالث 3
طبعا جنات ماعدلتش لان صورتها مش واضحة ..وخوالها جوا هزبوها اشوي وانتهيت القصة 
لكن بعد يومين من الهرجة والقصص ...جنات جت فتحت النت وقاعدة ااتصفح وتلقى قدامها البوست هذا
محاولة انتحر توفيق عبد الرحمن بعد قضية الطلاق بسبب اتهمه بالعجز الجنسي والمرض
وصورة لتوفيق في المستشفى
جنات حست كأنها صقعت مرة وحدة ..وقلبها ايدق بسرعة ..صبت تبرم وحايسة ...حي عليا ..حي عليا
شن اندير ....وعلى طول رنت على مودة
مودة : نعم
جنات : مودة تعالي نبيك بسرعة
مودة : كنك شن في
جنات : مودة تعالي من غير اسئلة الله يربحك
مودة : باهي ..باهي ..توا انجيك اشوي بس
جنات : تمام انراجي فيك
بعد وقت جت مودة وخشت عليها في الدار
مودة : كنك فجعتيني ..شن صاير
جنات اعيونها ادموع : مات ..مات حي عليا
مودة : بسم الله الكريم ...تي من هو ..اللي مات
جنات ورتها البوست في فونها : شوفي توفيق انتحار
مودة خذت الفون بحتت فيه بعدها ضحكت : هههه تي مش هو ..كذب.. يكذبوا واضحة
جنات مستغربة : كيف مش هو ...من قالك
مودة : قاعدة واضحة أنها كاذبة ..شوفي الصورة هذا مش توفيق
جنات زادت بحتت في الصورة : لا هذا هو أنا متاكدة
مودة : ياخيتي والله ماهو ..أنا اللي فتحتله الباب يوم المقابلة مش هذا ..كنك أنتي
جنات غمضت اعيونها وادموعها ينزلوا
مودة : جنات والله ماتبكي ..مش هو ..هذا مش عا...
جنات : هوا مودة .هوا مش خايله فيه ..غير أنتي مم.
وسكتت جنات ومودة اتبحت فيها : غير أنا شنو .. أحكي جنات عليش سكتي ..في حاجة أنا مش عارفتها
جنات طبست وحست روحها خلاص مخنوقة مش قادرة ادس في قلبها أكثر من هك
جنات مقمعزة ومقابلتها مودة ...سحبت شنطتها وافتحتها وطلعت منها مصحف ..مسكت يد مودة وحطتها عليه
جنات : أحلفي دودي ..احلفي اللي نحكيلك عليه توا مايطلع منك لاي حد مهما كان
مودة قربت منها : شن في جيجي .. احكي راه خوفتيني عليك أكثر
جنات شدت على يد مودة : أحلفي قبل مودة هيا
مودة حطت يدها على المصحف : من غير مانحلف أنا مستحيل انطلع سرك برا ...بس مادام تبيني نحلف على المصحف معناها القصة كبيرة
جنات عضت على فمها وهزت رأسها اها
مودة احلفت وهي خايفة من اللي تبي تسمعه
بدأت جنات تحكي المودة القصة من الاول ..كيف كذبوا عليها وخدعوها . وأن الشاب اللي شافته يوم المقابلة كان زوج أخت توفيق ..وحكتلها شن داروا فيها لما اكتشفت الحقيقة يوم فرحها
جنات تحكي ومودة فاتحة فمها ومش مصدقة اللي قاعدة تسمع فيه
مودة : جنات أنتي قاعدة تسمعي في روحك شن تحكي
جنات هزت رأسها وادموعها ينزلوا
مودة : طاح سعدهم ..عليك حقارة ...شنو العئلة المريضة هذه ..وأنتي كنك سكتي عليهم ..ليش ماتكلمتي
جنات : كنت خايفة ونبي نفتك منهم قبل ...وبعدها هما هددوني بخويا جلال ..وأنا خفت عليه
مودة ضمتها : ياروحي يانعليا ..وليش ماحكيتيلي جنات ...راني حاولت انساعدك باي طريقة ..ليش سكتي
جنات ضمتها زين وقعدت تبكي : كنت خايفة موت ..وهما هددوني وخوفوني ازيادة
مودة وخرت وتبحت في وجها : أنتي اكويسة توا
جنات : لا تمام الحمدالله ...مازلت انخاف في الليل ..ومرات نوعى مفجوعة ...لكن الحمدالله ..المهم افتكيت منه
مودة : الحمدالله ربي فكك منهم هالحيوانات ..خلاص أسكتي معاش تبكي
جنات : حي عليا خايفة يبقى مات
مودة : انعنا مايرد ..وأنتي عليش تبكي عليه
جنات : مانبكيش عليه ...لكن خايفة يبقى أنتحر بعد الكلام اللي قلته عليه
مودة : أنتي ماقلتيش شي غلط ...وبعدها يستاهل ليش يكذبوا عليك من الاول
جنات : لكن شوفي تعليقات الناس ..كلهم يضحكوا عليه ويقولوا في كلام من رؤوسهم ..طلعوا اشاعات وكذب والراجل شكله ماتحملش ومشى أنتحر
مودة : في ستين داهية ...أنسيتي شن داروا فيك ...ياجنات الناس هضوم كذبوا عليك وغشوك ...وفوقها ضربوك ..وحاولوا يغتصبوك ...عليش خايفة عليه كان مات
جنات تبكي : يامودة أفهميني ...أنا مش خايفة عليه ..والكلام اللي قلتيه أنا عارفته اكويس لاني أنا اللي أنضريت منه ...بس والله ماعاد عندي قلب انتحمل ذنب واحد ايموت بسبة كلام قلته في ساعة غضب
مودة : اولا هوا مريض من قبل ايشوفك ..وبعدها ماحد قاللهم يكذبوا ويغشوا الناس .. ايتحملوا توا نتيجة تصرفاتهم ...وبعدين من قاللك مات ..مكتوب محاولة انتحار ..ماحد قال مات
جنات : إن شالله يبقى حي ..معاش عندي حيل ..اللي فيا سادني
مودة تمسح في وجه جنات : حي والا ميت مش ذنبك ..أنتي اا
سليمة افتحت عليهن الباب : جنات تعالي يبنك صبايا خوالك
جنات تمسح في وجها عشان سليمة ماتفطنش انها كانت تبكي وصبت : هيا اجديدة توا نلحقك
طلعت سليمة ومودة تحكي بصوت واطي : وشن يبن هذين اخرى
جنات تنهدت : اوووفه ..واللهي مش عارفة ..ماعنديش نية انجامل حد
هيا تعالي امعايا
غسلت جنات وجهها وجت سلمت على صبايا خوالها ..وقمعزت اتهدرز امعاهن على اساس جيات ايشوفنها بعد ما اطلقت ..وكانت غير اتجامل فيهن وخلاص
بعد كملن هدريز خال جنات جاء ياخذ فيهن وكان امعاه ولده الكبير متزوج ومطلق اسمه عيسى ...خالها خش ودز عليها في المربوعة ..وجت جنات خشت عليهم وانصدمت لما شافت ولد خالها انحرجت منه ..وخاصة أنها من زمان مش شايفته
ومازالت في العدة ..سلمت عليهم جنات ...وقعد خالها يحكي امعاها
طبعا كان ينصح فيها الكلام المعتاد ...امتاع أنتي مطلقة توا وكل خطوة محسوبة عليك ..وافطني لحركاتك ومعاش تطلعي من الحوش واجد ...وكلام اخرى ..كأن جنات دارت جريمة عشان تتطقلت
جنات في عز كلام خالها لاقت عيسى ايبحت فيها بطريقة غريبة ..كان امركز على فتحة بلوزة جنات من فوق
...جنات ارتبكت وبسرعة نزلت الوشاح أكثر على بلوزتها ..ومعاش بحتت فيه ...لعند روحوا
**************************
في اليل جنات اتفرج على التلفزيون مع جيت جلال من برا مستعجل
جلال : جنات ..جنااات
جنات : نعم . أنا هنا
جلال خش عليها : جنات عندك فلوس ...نبي اي مبلغ ..بسرعة
جنات : ماعنديش
جلال : بلا كذب ..والله توا انردهن لك ...اي مبلغ ..هيا الله يربحك
جنات : شن تبي فيهن
جلال حط يده على رقبته من لاوراء يحك فيها : ااءء . نبي ..نبي ....نبيهن وخلاص ..تبي تعطيني والا لا
جنات : ماعنديش ...عدي شوف اجديدة
جلال برم في مكانه وبعدها قرب منها : ..ورأس جنات عطيني . حني خذيت منها أمس ..والله ماتعطيني اليوم ...هيا عشان خاطري صبي
جنات بحتت فيه مش عاجبها حال خوها . .وصبت : كم تبي
جلال ضحك : عارفك والله مانهون عليك .. اي حاجة عادي ..اللي عندك
جنات : ربي يهديك ...من هالسم
طلعت جنات ..وجلال انحرج من أخته ...لكن كان محتاج لفلوس ...الطريق هذه تأكل اللي فوقك واللي تحتك واتخشك في ديون ومرات اتخشك حتى على السرقة
عطت جنات جلال لفلوس ...ماكانتش راضية تعطيه ..لكن غصبا عنها ..تعطيه هيا خير ما ياخذ من الناس اخرى والا ايخش على طريق ثانية
جنات ثاني يوم كانت تبي تعرف شن صار في توفيق ...طبعا من قبل زمان لما سيبت الجامعة خذت كورس تمريض 6شهور ...على اساس تحصل شغل في عيادة لكن ماصار شي وتعرفت على ممرضات في المستشفى ...ومازلت اتواصل مع واحدت منهن ...حتى عشان دواء اجديدتها
عشان هك جنات كلمت وحدة من الممرضات اللي تعرفهن ..وطلبت منها تسأل على توفيق شن صار فيه ...والممرضة على طول جاوبتها ان القصة معروفة في المستشفى ..وتوفيق فعلا حاول ينتحر ...وكان راقد في المستشفى ..لكن ثاني يوم جاوا اقاربه وخذوهم من المستشفى وطلع ...وهنا جنات تريحت اشوي
****************
طبعا جنات كانت في فترة العدة ...وقعدت قريب شهر وهيا حالتها النفسية صفر
وبعدها ردت للحياتها اشوي اشوي ...وردت للروتين القديم مع مودة واجديدتها ...لكن طبعا كانت ديما تحت مراقبة خوالها واعمامها ...مايبوهاش تطلع او تمشي لاي مكان
بس جنات خلاص كانت متعودة على القعدة في الحوش ومعاش عندها نية اتشوف حد ...لانها في كل مرة تتطلع من الحوش تلقى ناس تسأل فيها على قصة زواجها وشن سبب الطلاق
في يوم جنات في المغرب كانت اتكنس تحت العريشة ..سمعت الباب ايدق مشت فتحت لاقاته عيسى
عيسى : خير
جنات انصدمت : خخ خير
عيسى ايبحت فيها بطريقة بايخة : شن اخبارك
جنات اتسقم في دبشها مرتبكة وردت الباب اشوي : تتتمام ..الحمدالله
عيسى : جلال قاعد
جنات : لا مش قاعد
وجت تبي اتصكر الباب لكن عيسى حط رجله على الباب وماخلاهاش اتصكره
جنات بخوف : شن تبي
عيسى : نبيك ..نبي انقولك شي
جنات تبي اتصكر : مانبيش ندوي امعاك
عيسى ايدف في الباب : غير اسمعي ..نبيك خمسة والله ماتندمي ..أفتحي بس
جنات قلبها ايدق بسرعة وتبي اتموت من الخوف ادف في الباب بكل قوتها : شن تبي جلال مش قاعد ..أطلع راني انقول لخالي
عيسى دف الباب بالقوة انفتح وجنات وخرت لاوراء بسرعة واعيونها طلعوا ...لكن الحمدالله طلعت سليمة
سليمة : خير ..خش ياعيسى كنك
عيسى انحرج ورد : خير خير ..ياحني ..لا قبل نبي جلال ..قالولي مش قاعد
سليمة : والله جلال في النهار راقد ..وينوض في العشية يلبس ويطلع ..ماعاد ايروح الا عقاب الليل
عيسى ايبحت في جنات : أحسن
جنات :
سليمة : كيف حال بوك وهلك
عيسى : بخير الله يسلمك
سليمة : كنك أيش تبي فيه جلال ..إن شالله ماداير شي مشكلة
عيسى : لا مافيه الا الخير ..توا انرد عليه مرة اخرى
وبحت في جنات وطلع ..وجنات مشت بسرعة وصكرت الباب
سليمة : جنات
جنات اتفكر وخايفة
سليمة بصوت اعلى : جناااات
جنات رفعت رأسها : ههم
سليمة : خشي خلاص مغرب ...تعالي جوا
جنات لمت الحوسة اللي كانت اتكنس فيها وخشت ...صلت وخشت للمطبخ اطيب في عشاء ...وكانت اتفكر في حياتها ..ليش ديما الناس طامعة فيها .. من وهيا صغيرة ...كانت لما زمان العائلة تلتم في حوش سليمة على عيد او اي مناسبة ...ضروري جنات اتعرض لموقف بايخ ...اما البنات يضربنها ...او صبايا خوالها طول الوقت ايهزبن فيها ...وكم مرة اعيال خوالها لاكبار ..ايحاولوا ايتحرشوا بيها ...ولما اتحرش فيهم هلهم ايطلعوها هيا الكذابة ...لعند تمت ادافع على نفسها بنفسها
وتمت تكره لمة العئلة ...حتى بعد ماكبرت ..قعد نفس الوضع ..اللي ايجي ايخلي الدنيا حايسة ويعدي وجنات يكمل عليها الوقت وهي تلم وتعاني في الحوسة
أكيد لما تبقى من غير سند في الدنيا ..الناس كلها تطمع فيك ..وكل واحد يبي منك مصلحته بس ...وممكن الشي هذا اللي خلا توفيق ومنى يطمعوا فيها ويديروا اللي داروه ..لانهم عارفين جنات يتيمة لا أب ولا أم ايدافعوا عنها
***********************
#تسريع_للاحداث
بعد 10 شهور
جنات وضعها احسن من قبل كملت شهور العدة وتريحت...لكن عيسى مازال ايضايق فيها ...وهي اتصد فيه ....بس جنات اتشوف في وضع جلال مش تمام ...طول الوقت سارح ..وجه اصفر ..وكان واضح أن عنده مشكلة
...حتى اطلوع من الحوش مايطلعش واجد ...كأنه خايف واحد ايشوفه
لعند في يوم الصبح جت الشرطة وخذت جلال ...وجنات وسليمة يبكن ومش فاهمت شي ...كلمت جنات خالها عشان ايشوف كنه شن صاير امعاه
وطول اليوم وجلال في مركز الشرطة ...وماروحش الا في الليل ...طبعا ماحكى شي ..وخاله قال في ناس يبوا منه فلوس ....خذا جلال دبش ادوش وخش رقد في المربوعة
خشت عليه جنات : جلال
جلال قمعز : نعم
جنات : كنك جلال شن صاير امعاك ...عليش خذوك الشرطة اليوم
جلال مطبس : مافي شي
جنات قمعزت جنبه حطت يدها على كتفه : جلال سلم خيي قولي شن صاير امعاك
جلال حط يده على جبهته يحك فيها ومايبيش ايبحت في جنات : قتلك مافيش ..خلاص
جنات تبكي : يا جلال حرام عليك ريحني ...شن درت ..فكنا من المشاكل اللي فينا سادنا
جلال بحت فيها كيف تبكي واعيونه مليانات ادموع : يارحم بوك وأمك فكيني من البكى اللي فيا سادني
جنات اتبحت في وجه جلال ولما شافته يبكي قلبها طاح في بطنها ...لان جلال ما بكتاش الا حاجة كبيرة
جنات : كنك حي عليا ..شن داير
جلال برم وجه ويمسح في ادموعه
جنات اتهز فيه : احكي شن درت ...جلال احكي عليش خذوك الشرطة اليوم عليش
جلال معصب : خذيت افلوس من واحد ..وتوا يبيهن مني ...وأنا ماعنديش ...تريحتي توا اا
جنات : فلوس؟!! ...كم خذيت ...كم يبي منك
جلال طبس
جنات : كم ...تكلم ...كم ياجلال
جلال صبا : مبلغ كبير
جنات صبت وراءه : كبير ...كم يعني ؟؟!
جلال : مبلغ كبير ...كبير بكل جنات ...150 الف
جنات تخبط في وجهها : حي عليا حي عليا ...شن درت بيهن ...من من خذيتهم
جلال يمسك في ايديها : اسكتي خلاص ..اسكتي
جنات : حرام عليك والله حرام ...من وين تبي تسلكهن توا ..ماعندنا ولا قرش
جلال : خليهم يحبسوني انعاني مانرد
جنات : كيف يحبسوك .. ونحن لمن تبي اتسيبنا ..والله اجديدة اتموت لو حبسوك
جلال ساكت
جنات : باهي ليش طلقوك اليوم ..كيف روحت
جلال : صاحب الدين ..عطاني فرصة عشان انفكر
جنات مستغربة : اتفكر ؟!! ...في شنو اتفكر ..شن يبي منك
جلال يهرب من اعيون جنات : اءاء ..مش ضروري تعرفي ..اصلا أنا مش موافق ..خليهم يحبسوني
جنات مسكت ذراع جلال : بحت فيا ...أحكي شن يبوا منك
جلال منحرج : لكن أنا مش موافق
جنات بعصبية : شن يبوا جلااااال
جلال قمعز : صاحب الدين خوه عنده إعاقة ...ويبي ..يبي
جنات : شن دخل خوه
جلال : ماهو جايك بالكلام ...قالي مستعد انتنازل عن القضية لو ..لو
جنات : لو شنو
جلال متردد : لو القيت بنت ترضى تزوج خوه
جنات : هذا شنو ...وأنت شن دخل......وبعدها جنات اسكتت واعيونها اطلعوا وافتحت فمها
جنات : إن شالله قصدك تبيني نزوج خوه المريض
جلال : مش مريض عنده إعاقة بسيطة بس
جنات اتبحت في خوها بصدمة : وكأن عنده إعاقة بسيطة ..أنا شن دخلني ..شن ذنبي ...تبي اتبيعني اخرى
جلال : اسكتي مانيش اموافق ..خلاص
جنات قمعزت على الصالون وهي منكسرة ..حطت ايديها على راسها وطبست اتفكر ...ليش الدنيا هذه ظالمة ..يعني لا أب ولا أم . ولا أخ ينفع كيف الناس ..وحتى حظ في الزواج مافي ..وبعدها خطر عليها توفيق ..وكيف ضربها ..وكيف اعتدأت عليها منى أخته ...تمت تبكي بصوت عالي وهي مطبسة
وجلال قرب منها : اششش أسكتي أسكتي ..توا تسمعك حني
جنات ارفعت رأسها وبدال ماكانت تبكي تمت تضحك بهستيريا ..اعيونها مليانه ادموع وتضحك ..جلال ايبحت فيها ومنصدم
جنات ضحكت ضحكت ..وبعدها بحتت فيه : أمتى قالك رد عليا صاحب الدين
جلال : بكرا
جنات صبت مبتسمة : معناها وتي روحك للحبس ...أنا مستحيل نزوج أخرى ..ومن شخص مانعرفاش واخرى مريض ...ايسد توفيق
جلال : شن قصدك
جنات : ماقصدي شي ...دبر رأسك ...ليش تاخذ منه في فلوس ..ومبلغ كبير ...ونحن لو انبيعوا اللي فوقنا واللي تحتنا مانجيبوا نصه ...أنا مادخلنيش بيك
واطلعت جنات من المربوعة وعدت صكرت على روحها في الدار ..بس كانت تبكي تبكي بحرقة ..مش عارفة شن ادير عشان خوها
***************
ثاني يوم جلال في النهار راقد وحتى لما وعى ..ماتحركش من الحوش كان خايف ..وخاصة بعد كلمه صاحب الدين وجلال قاله ماعنديش بنات للزواج
في العشية جلال راقد في المربوعة ..وباب الحوش ايخبط بالقوة ...صبا جلال منفجع ومشى فتح الباب ولاقها الشرطة ...واطلعت جنات تجري هي وسليمة ..والشرطة خذت جلال ..والجيران والشارع ايتفرج عليهم ..وجنات وسليمة يبكن ..وخشن للحوش
سليمة كلمت خال جنات عشان يمشي ايشوف جلال ...اليوم عدا كئيب وحزين ...جنات واجديدتها طول الوقت يبكن ..وكل مرة ايجي واحد يسأل على جلال ...ومودة جت قعدت امعاها
بعد روحوا الضيوف جنات لمت الحوسة ..دارت عشاء خفيف هي وسليمة لكن مافيش حد جاته نية في شي ..شالت السفرة للمطبخ
وخشت توضت وصلت العشاء ...وقمعزت تدعي لاخوها وهي تبكي ..طولت وهي تدعيله ..وبعدها صبت طبقت الصلاية ..وحطتها على الصالون في الصالة ..وجت قربت من روشن الصالة عشان اتنزل الستارة ...وهي اتشوف عيسى ولد خالها اينط من سور الحوش وخش يسلل بالشويا يبي ايخش جوا
*******نهاية الحلقة #3
لكن بعد يومين من الهرجة والقصص ...جنات جت فتحت النت وقاعدة ااتصفح وتلقى قدامها البوست هذا
محاولة انتحر توفيق عبد الرحمن بعد قضية الطلاق بسبب اتهمه بالعجز الجنسي والمرض
وصورة لتوفيق في المستشفىجنات حست كأنها صقعت مرة وحدة ..وقلبها ايدق بسرعة ..صبت تبرم وحايسة ...حي عليا ..حي عليا
شن اندير ....وعلى طول رنت على مودة
مودة : نعم
جنات : مودة تعالي نبيك بسرعة
مودة : كنك شن في
جنات : مودة تعالي من غير اسئلة الله يربحك
مودة : باهي ..باهي ..توا انجيك اشوي بس
جنات : تمام انراجي فيك
بعد وقت جت مودة وخشت عليها في الدار
مودة : كنك فجعتيني ..شن صاير
جنات اعيونها ادموع : مات ..مات حي عليا
مودة : بسم الله الكريم ...تي من هو ..اللي مات
جنات ورتها البوست في فونها : شوفي توفيق انتحار
مودة خذت الفون بحتت فيه بعدها ضحكت : هههه تي مش هو ..كذب.. يكذبوا واضحة
جنات مستغربة : كيف مش هو ...من قالك
مودة : قاعدة واضحة أنها كاذبة ..شوفي الصورة هذا مش توفيق
جنات زادت بحتت في الصورة : لا هذا هو أنا متاكدة
مودة : ياخيتي والله ماهو ..أنا اللي فتحتله الباب يوم المقابلة مش هذا ..كنك أنتي
جنات غمضت اعيونها وادموعها ينزلوا
مودة : جنات والله ماتبكي ..مش هو ..هذا مش عا...
جنات : هوا مودة .هوا مش خايله فيه ..غير أنتي مم.
وسكتت جنات ومودة اتبحت فيها : غير أنا شنو .. أحكي جنات عليش سكتي ..في حاجة أنا مش عارفتها
جنات طبست وحست روحها خلاص مخنوقة مش قادرة ادس في قلبها أكثر من هك
جنات مقمعزة ومقابلتها مودة ...سحبت شنطتها وافتحتها وطلعت منها مصحف ..مسكت يد مودة وحطتها عليه
جنات : أحلفي دودي ..احلفي اللي نحكيلك عليه توا مايطلع منك لاي حد مهما كان
مودة قربت منها : شن في جيجي .. احكي راه خوفتيني عليك أكثر
جنات شدت على يد مودة : أحلفي قبل مودة هيا
مودة حطت يدها على المصحف : من غير مانحلف أنا مستحيل انطلع سرك برا ...بس مادام تبيني نحلف على المصحف معناها القصة كبيرة
جنات عضت على فمها وهزت رأسها اها
مودة احلفت وهي خايفة من اللي تبي تسمعه
بدأت جنات تحكي المودة القصة من الاول ..كيف كذبوا عليها وخدعوها . وأن الشاب اللي شافته يوم المقابلة كان زوج أخت توفيق ..وحكتلها شن داروا فيها لما اكتشفت الحقيقة يوم فرحها
جنات تحكي ومودة فاتحة فمها ومش مصدقة اللي قاعدة تسمع فيه
مودة : جنات أنتي قاعدة تسمعي في روحك شن تحكي
جنات هزت رأسها وادموعها ينزلوا
مودة : طاح سعدهم ..عليك حقارة ...شنو العئلة المريضة هذه ..وأنتي كنك سكتي عليهم ..ليش ماتكلمتي
جنات : كنت خايفة ونبي نفتك منهم قبل ...وبعدها هما هددوني بخويا جلال ..وأنا خفت عليه
مودة ضمتها : ياروحي يانعليا ..وليش ماحكيتيلي جنات ...راني حاولت انساعدك باي طريقة ..ليش سكتي
جنات ضمتها زين وقعدت تبكي : كنت خايفة موت ..وهما هددوني وخوفوني ازيادة
مودة وخرت وتبحت في وجها : أنتي اكويسة توا
جنات : لا تمام الحمدالله ...مازلت انخاف في الليل ..ومرات نوعى مفجوعة ...لكن الحمدالله ..المهم افتكيت منه
مودة : الحمدالله ربي فكك منهم هالحيوانات ..خلاص أسكتي معاش تبكي
جنات : حي عليا خايفة يبقى مات
مودة : انعنا مايرد ..وأنتي عليش تبكي عليه
جنات : مانبكيش عليه ...لكن خايفة يبقى أنتحر بعد الكلام اللي قلته عليه
مودة : أنتي ماقلتيش شي غلط ...وبعدها يستاهل ليش يكذبوا عليك من الاول
جنات : لكن شوفي تعليقات الناس ..كلهم يضحكوا عليه ويقولوا في كلام من رؤوسهم ..طلعوا اشاعات وكذب والراجل شكله ماتحملش ومشى أنتحر
مودة : في ستين داهية ...أنسيتي شن داروا فيك ...ياجنات الناس هضوم كذبوا عليك وغشوك ...وفوقها ضربوك ..وحاولوا يغتصبوك ...عليش خايفة عليه كان مات
جنات تبكي : يامودة أفهميني ...أنا مش خايفة عليه ..والكلام اللي قلتيه أنا عارفته اكويس لاني أنا اللي أنضريت منه ...بس والله ماعاد عندي قلب انتحمل ذنب واحد ايموت بسبة كلام قلته في ساعة غضب
مودة : اولا هوا مريض من قبل ايشوفك ..وبعدها ماحد قاللهم يكذبوا ويغشوا الناس .. ايتحملوا توا نتيجة تصرفاتهم ...وبعدين من قاللك مات ..مكتوب محاولة انتحار ..ماحد قال مات
جنات : إن شالله يبقى حي ..معاش عندي حيل ..اللي فيا سادني
مودة تمسح في وجه جنات : حي والا ميت مش ذنبك ..أنتي اا
سليمة افتحت عليهن الباب : جنات تعالي يبنك صبايا خوالك
جنات تمسح في وجها عشان سليمة ماتفطنش انها كانت تبكي وصبت : هيا اجديدة توا نلحقك
طلعت سليمة ومودة تحكي بصوت واطي : وشن يبن هذين اخرى
جنات تنهدت : اوووفه ..واللهي مش عارفة ..ماعنديش نية انجامل حد
هيا تعالي امعاياغسلت جنات وجهها وجت سلمت على صبايا خوالها ..وقمعزت اتهدرز امعاهن على اساس جيات ايشوفنها بعد ما اطلقت ..وكانت غير اتجامل فيهن وخلاص
بعد كملن هدريز خال جنات جاء ياخذ فيهن وكان امعاه ولده الكبير متزوج ومطلق اسمه عيسى ...خالها خش ودز عليها في المربوعة ..وجت جنات خشت عليهم وانصدمت لما شافت ولد خالها انحرجت منه ..وخاصة أنها من زمان مش شايفته
ومازالت في العدة ..سلمت عليهم جنات ...وقعد خالها يحكي امعاها
طبعا كان ينصح فيها الكلام المعتاد ...امتاع أنتي مطلقة توا وكل خطوة محسوبة عليك ..وافطني لحركاتك ومعاش تطلعي من الحوش واجد ...وكلام اخرى ..كأن جنات دارت جريمة عشان تتطقلت
جنات في عز كلام خالها لاقت عيسى ايبحت فيها بطريقة غريبة ..كان امركز على فتحة بلوزة جنات من فوق
...جنات ارتبكت وبسرعة نزلت الوشاح أكثر على بلوزتها ..ومعاش بحتت فيه ...لعند روحوا**************************
في اليل جنات اتفرج على التلفزيون مع جيت جلال من برا مستعجل
جلال : جنات ..جنااات
جنات : نعم . أنا هنا
جلال خش عليها : جنات عندك فلوس ...نبي اي مبلغ ..بسرعة
جنات : ماعنديش
جلال : بلا كذب ..والله توا انردهن لك ...اي مبلغ ..هيا الله يربحك
جنات : شن تبي فيهن
جلال حط يده على رقبته من لاوراء يحك فيها : ااءء . نبي ..نبي ....نبيهن وخلاص ..تبي تعطيني والا لا
جنات : ماعنديش ...عدي شوف اجديدة
جلال برم في مكانه وبعدها قرب منها : ..ورأس جنات عطيني . حني خذيت منها أمس ..والله ماتعطيني اليوم ...هيا عشان خاطري صبي
جنات بحتت فيه مش عاجبها حال خوها . .وصبت : كم تبي
جلال ضحك : عارفك والله مانهون عليك .. اي حاجة عادي ..اللي عندك
جنات : ربي يهديك ...من هالسم
طلعت جنات ..وجلال انحرج من أخته ...لكن كان محتاج لفلوس ...الطريق هذه تأكل اللي فوقك واللي تحتك واتخشك في ديون ومرات اتخشك حتى على السرقة
عطت جنات جلال لفلوس ...ماكانتش راضية تعطيه ..لكن غصبا عنها ..تعطيه هيا خير ما ياخذ من الناس اخرى والا ايخش على طريق ثانية
جنات ثاني يوم كانت تبي تعرف شن صار في توفيق ...طبعا من قبل زمان لما سيبت الجامعة خذت كورس تمريض 6شهور ...على اساس تحصل شغل في عيادة لكن ماصار شي وتعرفت على ممرضات في المستشفى ...ومازلت اتواصل مع واحدت منهن ...حتى عشان دواء اجديدتها
عشان هك جنات كلمت وحدة من الممرضات اللي تعرفهن ..وطلبت منها تسأل على توفيق شن صار فيه ...والممرضة على طول جاوبتها ان القصة معروفة في المستشفى ..وتوفيق فعلا حاول ينتحر ...وكان راقد في المستشفى ..لكن ثاني يوم جاوا اقاربه وخذوهم من المستشفى وطلع ...وهنا جنات تريحت اشوي
****************
طبعا جنات كانت في فترة العدة ...وقعدت قريب شهر وهيا حالتها النفسية صفر
وبعدها ردت للحياتها اشوي اشوي ...وردت للروتين القديم مع مودة واجديدتها ...لكن طبعا كانت ديما تحت مراقبة خوالها واعمامها ...مايبوهاش تطلع او تمشي لاي مكان
بس جنات خلاص كانت متعودة على القعدة في الحوش ومعاش عندها نية اتشوف حد ...لانها في كل مرة تتطلع من الحوش تلقى ناس تسأل فيها على قصة زواجها وشن سبب الطلاق
في يوم جنات في المغرب كانت اتكنس تحت العريشة ..سمعت الباب ايدق مشت فتحت لاقاته عيسى
عيسى : خير
جنات انصدمت : خخ خير
عيسى ايبحت فيها بطريقة بايخة : شن اخبارك
جنات اتسقم في دبشها مرتبكة وردت الباب اشوي : تتتمام ..الحمدالله
عيسى : جلال قاعد
جنات : لا مش قاعد
وجت تبي اتصكر الباب لكن عيسى حط رجله على الباب وماخلاهاش اتصكره
جنات بخوف : شن تبي
عيسى : نبيك ..نبي انقولك شي
جنات تبي اتصكر : مانبيش ندوي امعاك
عيسى ايدف في الباب : غير اسمعي ..نبيك خمسة والله ماتندمي ..أفتحي بس
جنات قلبها ايدق بسرعة وتبي اتموت من الخوف ادف في الباب بكل قوتها : شن تبي جلال مش قاعد ..أطلع راني انقول لخالي
عيسى دف الباب بالقوة انفتح وجنات وخرت لاوراء بسرعة واعيونها طلعوا ...لكن الحمدالله طلعت سليمة
سليمة : خير ..خش ياعيسى كنك
عيسى انحرج ورد : خير خير ..ياحني ..لا قبل نبي جلال ..قالولي مش قاعد
سليمة : والله جلال في النهار راقد ..وينوض في العشية يلبس ويطلع ..ماعاد ايروح الا عقاب الليل
عيسى ايبحت في جنات : أحسن
جنات :
سليمة : كيف حال بوك وهلك
عيسى : بخير الله يسلمك
سليمة : كنك أيش تبي فيه جلال ..إن شالله ماداير شي مشكلة
عيسى : لا مافيه الا الخير ..توا انرد عليه مرة اخرى
وبحت في جنات وطلع ..وجنات مشت بسرعة وصكرت الباب
سليمة : جنات
جنات اتفكر وخايفة
سليمة بصوت اعلى : جناااات
جنات رفعت رأسها : ههم
سليمة : خشي خلاص مغرب ...تعالي جوا
جنات لمت الحوسة اللي كانت اتكنس فيها وخشت ...صلت وخشت للمطبخ اطيب في عشاء ...وكانت اتفكر في حياتها ..ليش ديما الناس طامعة فيها .. من وهيا صغيرة ...كانت لما زمان العائلة تلتم في حوش سليمة على عيد او اي مناسبة ...ضروري جنات اتعرض لموقف بايخ ...اما البنات يضربنها ...او صبايا خوالها طول الوقت ايهزبن فيها ...وكم مرة اعيال خوالها لاكبار ..ايحاولوا ايتحرشوا بيها ...ولما اتحرش فيهم هلهم ايطلعوها هيا الكذابة ...لعند تمت ادافع على نفسها بنفسها
وتمت تكره لمة العئلة ...حتى بعد ماكبرت ..قعد نفس الوضع ..اللي ايجي ايخلي الدنيا حايسة ويعدي وجنات يكمل عليها الوقت وهي تلم وتعاني في الحوسة
أكيد لما تبقى من غير سند في الدنيا ..الناس كلها تطمع فيك ..وكل واحد يبي منك مصلحته بس ...وممكن الشي هذا اللي خلا توفيق ومنى يطمعوا فيها ويديروا اللي داروه ..لانهم عارفين جنات يتيمة لا أب ولا أم ايدافعوا عنها
***********************
#تسريع_للاحداث
بعد 10 شهور
جنات وضعها احسن من قبل كملت شهور العدة وتريحت...لكن عيسى مازال ايضايق فيها ...وهي اتصد فيه ....بس جنات اتشوف في وضع جلال مش تمام ...طول الوقت سارح ..وجه اصفر ..وكان واضح أن عنده مشكلة
...حتى اطلوع من الحوش مايطلعش واجد ...كأنه خايف واحد ايشوفه
لعند في يوم الصبح جت الشرطة وخذت جلال ...وجنات وسليمة يبكن ومش فاهمت شي ...كلمت جنات خالها عشان ايشوف كنه شن صاير امعاه
وطول اليوم وجلال في مركز الشرطة ...وماروحش الا في الليل ...طبعا ماحكى شي ..وخاله قال في ناس يبوا منه فلوس ....خذا جلال دبش ادوش وخش رقد في المربوعة
خشت عليه جنات : جلال
جلال قمعز : نعم
جنات : كنك جلال شن صاير امعاك ...عليش خذوك الشرطة اليوم
جلال مطبس : مافي شي
جنات قمعزت جنبه حطت يدها على كتفه : جلال سلم خيي قولي شن صاير امعاك
جلال حط يده على جبهته يحك فيها ومايبيش ايبحت في جنات : قتلك مافيش ..خلاص
جنات تبكي : يا جلال حرام عليك ريحني ...شن درت ..فكنا من المشاكل اللي فينا سادنا
جلال بحت فيها كيف تبكي واعيونه مليانات ادموع : يارحم بوك وأمك فكيني من البكى اللي فيا سادني
جنات اتبحت في وجه جلال ولما شافته يبكي قلبها طاح في بطنها ...لان جلال ما بكتاش الا حاجة كبيرة
جنات : كنك حي عليا ..شن داير
جلال برم وجه ويمسح في ادموعه
جنات اتهز فيه : احكي شن درت ...جلال احكي عليش خذوك الشرطة اليوم عليش
جلال معصب : خذيت افلوس من واحد ..وتوا يبيهن مني ...وأنا ماعنديش ...تريحتي توا اا
جنات : فلوس؟!! ...كم خذيت ...كم يبي منك
جلال طبس
جنات : كم ...تكلم ...كم ياجلال
جلال صبا : مبلغ كبير
جنات صبت وراءه : كبير ...كم يعني ؟؟!
جلال : مبلغ كبير ...كبير بكل جنات ...150 الف
جنات تخبط في وجهها : حي عليا حي عليا ...شن درت بيهن ...من من خذيتهم
جلال يمسك في ايديها : اسكتي خلاص ..اسكتي
جنات : حرام عليك والله حرام ...من وين تبي تسلكهن توا ..ماعندنا ولا قرش
جلال : خليهم يحبسوني انعاني مانرد
جنات : كيف يحبسوك .. ونحن لمن تبي اتسيبنا ..والله اجديدة اتموت لو حبسوك
جلال ساكت
جنات : باهي ليش طلقوك اليوم ..كيف روحت
جلال : صاحب الدين ..عطاني فرصة عشان انفكر
جنات مستغربة : اتفكر ؟!! ...في شنو اتفكر ..شن يبي منك
جلال يهرب من اعيون جنات : اءاء ..مش ضروري تعرفي ..اصلا أنا مش موافق ..خليهم يحبسوني
جنات مسكت ذراع جلال : بحت فيا ...أحكي شن يبوا منك
جلال منحرج : لكن أنا مش موافق
جنات بعصبية : شن يبوا جلااااال
جلال قمعز : صاحب الدين خوه عنده إعاقة ...ويبي ..يبي
جنات : شن دخل خوه
جلال : ماهو جايك بالكلام ...قالي مستعد انتنازل عن القضية لو ..لو
جنات : لو شنو
جلال متردد : لو القيت بنت ترضى تزوج خوه
جنات : هذا شنو ...وأنت شن دخل......وبعدها جنات اسكتت واعيونها اطلعوا وافتحت فمها
جنات : إن شالله قصدك تبيني نزوج خوه المريض
جلال : مش مريض عنده إعاقة بسيطة بس
جنات اتبحت في خوها بصدمة : وكأن عنده إعاقة بسيطة ..أنا شن دخلني ..شن ذنبي ...تبي اتبيعني اخرى
جلال : اسكتي مانيش اموافق ..خلاص
جنات قمعزت على الصالون وهي منكسرة ..حطت ايديها على راسها وطبست اتفكر ...ليش الدنيا هذه ظالمة ..يعني لا أب ولا أم . ولا أخ ينفع كيف الناس ..وحتى حظ في الزواج مافي ..وبعدها خطر عليها توفيق ..وكيف ضربها ..وكيف اعتدأت عليها منى أخته ...تمت تبكي بصوت عالي وهي مطبسة
وجلال قرب منها : اششش أسكتي أسكتي ..توا تسمعك حني
جنات ارفعت رأسها وبدال ماكانت تبكي تمت تضحك بهستيريا ..اعيونها مليانه ادموع وتضحك ..جلال ايبحت فيها ومنصدم
جنات ضحكت ضحكت ..وبعدها بحتت فيه : أمتى قالك رد عليا صاحب الدين
جلال : بكرا
جنات صبت مبتسمة : معناها وتي روحك للحبس ...أنا مستحيل نزوج أخرى ..ومن شخص مانعرفاش واخرى مريض ...ايسد توفيق
جلال : شن قصدك
جنات : ماقصدي شي ...دبر رأسك ...ليش تاخذ منه في فلوس ..ومبلغ كبير ...ونحن لو انبيعوا اللي فوقنا واللي تحتنا مانجيبوا نصه ...أنا مادخلنيش بيك
واطلعت جنات من المربوعة وعدت صكرت على روحها في الدار ..بس كانت تبكي تبكي بحرقة ..مش عارفة شن ادير عشان خوها
***************
ثاني يوم جلال في النهار راقد وحتى لما وعى ..ماتحركش من الحوش كان خايف ..وخاصة بعد كلمه صاحب الدين وجلال قاله ماعنديش بنات للزواج
في العشية جلال راقد في المربوعة ..وباب الحوش ايخبط بالقوة ...صبا جلال منفجع ومشى فتح الباب ولاقها الشرطة ...واطلعت جنات تجري هي وسليمة ..والشرطة خذت جلال ..والجيران والشارع ايتفرج عليهم ..وجنات وسليمة يبكن ..وخشن للحوش
سليمة كلمت خال جنات عشان يمشي ايشوف جلال ...اليوم عدا كئيب وحزين ...جنات واجديدتها طول الوقت يبكن ..وكل مرة ايجي واحد يسأل على جلال ...ومودة جت قعدت امعاها
بعد روحوا الضيوف جنات لمت الحوسة ..دارت عشاء خفيف هي وسليمة لكن مافيش حد جاته نية في شي ..شالت السفرة للمطبخ
وخشت توضت وصلت العشاء ...وقمعزت تدعي لاخوها وهي تبكي ..طولت وهي تدعيله ..وبعدها صبت طبقت الصلاية ..وحطتها على الصالون في الصالة ..وجت قربت من روشن الصالة عشان اتنزل الستارة ...وهي اتشوف عيسى ولد خالها اينط من سور الحوش وخش يسلل بالشويا يبي ايخش جوا
*******نهاية الحلقة #3
