رواية الهجرس الفصل التاسع والعشرين 29 بقلم رواء هادي
متت ألف موته من شفت رسالة تهديده صارت حسبه تأخذني وحسبه تردني بعد تفكير طويل التقطت صورة شاشة للمحادثة وراها حظرته
الليل كله منمته بس افكر شراح يصير بي وشراح يسوي ويخرب العرس غير اموت اذا خرب عرسي وزواجي لجنت منتظرته من ايام طفولتي
قررت اگول لفرقد عن كلشي سواه بي بالماضي وشلون بعيد الاضحى تعرضلي بنص الشارع وراد يخطفني خل اگوله بنفسي احسن مايروح يسمع من غيري ويسويلي مصيبة
بقيت كاعدة للفجر اذن صليت وراها اتصلت بفرقد مارد عدت الاتصال مرتين يلا رد
_الوو هلا سلي
_هلا بيك شلونك
_زين وأنتِ
_موزينة
_اخذتي قلبي صاير وياج
_دلشاد دازلي رسالة تهديد
_دلشاد الولد لجان يريدج
_اي هو
_شكاتب هالناقص
_ كاتب اني اعلمج ام الضباط إذا ماخربت عرسج فلا اطلع دلشاد
_ايا ناقص ابن الناقص على هالسواية انه اعلمه إذا ما شكيته نصين فلا اطلع فرقد بسيطة بطن عيني فريخ البط
_هو مو هنا بالمانيا مسافر
_ قابل مايجي للعراق
_مادري خايفة فرقد يسوي شي ويخرب العرس
_لساني زفر لتخليني افشر وتوني كمت من سجادة الصلاة شراح يسوي قابل مثلا شيسوي يتواصل وياي ويحجي حجي زايد من عنده لو يروح ينشر صور الج ويكتب كلام من عنده انتِ مو بي في حيث يلعب نفسي يابة هذني السوالف كل يوم يمرن عليًّ
فماتمشي وياي انه اعرفج
انتِ منو وشنو واثق بيج بعد شكو تخافين وتشيلين هم
_هاا
_وجعاا جم مرة گلتلج صيري سباعية ولا تصيرين جبانة ياهو ليجي يخوف بيج
_مو هو يخوف
_هو شنو يخوف بي كرشة رجلي اسمن من خصره وعلي الزمه الج واملص ركبته مثل مااملص ركبه العصفور واشمره للچلاب خل تأكل بي
_ماريد هيج اريدك تصدك بي
_أنتِ غبية ثولة بس فهميني صاري ساعة شحجي
_اي
_وجعي
_فرقد اريد اگلك شجان يسوي بي
_تحرش بيج بعيد الاضحى وراد يخطفج وگلتي لاهلج وراحوا هداده عليهم وما لكوهم مو هذا لتريدين تگليله
_عززاا شمدريك
_فاروق گالي من رجعتوا من بغداد
_هذا فاروق مايضم عليك سالفة
_لامايضم
_هسه ارتاح واطمن مو
_لو قريبة عني جان هفيتج بالشحاطة وطيرت راسج وتالي وياج انتِ ولج ليش هيج فاهية وجبانة وتكررين كلامج اكثر من مره
_شبيك تصيح
_مو بطيتي گلبي
_لتصيح
_لعد شسويلج اغردلج مثل البلبل على فهاوتج
_اممم
_يلا روحي نحمي اكيد مانايمة الليل كله وراج حفلة ماريد اشوفج جكمة كدامي وعيونج حمرة جنج واحد مكبسل بخلقتي
_فرقد
_يلا ولي
سده الخط بوجهي بقيت مصدومة بروده وتصرفه الجاف وياي هذا شنو مايحس مايخاف دلشاد يسوي شي لا ونوب ترزلت رزالة معدلة من وجه الصبح
عاد لفيت رأسي ونمت كعدت ساعة 10 الصبح بدلت وكعدت حجز الصالون ساعة 3 العصر اجت كعدت بصفي مرت فاروق وگالت
_تتوقعين راح تعيشين حياة حلوة وجميلة
_وليش ماتوقع لعد
_أني ماتوقع راح تكدرين تعيشين وي فرقد واهله
_وليش شبي فرقد وشبيهم اهله علمود ماكدر أعيش وياهم
_مو مثل اهلج طبات وطلعات ولبس بكيفج فرقد ماراح يخليج تلبسين وتخلين مكياج بكيفج وراح يحكرج بالبيت حكره الچلب بالجامع
_اما إذا عن الطبات والطلعات ماتهمني ولامكياج يهمني ولا البس حتلوه يلبسني عباية ونقاب قابله اهمشي راحة بالي وحبه واحترامه لي
_هيج تحبينه
_واكثر ماتصورين
_بشرفج شفتي بي وحبيتي
_شفت كلشي بي
_ فلوسه
_واني عايزة ادور افلوس الحمدلله والشكر ابوي مخليني امشي على روس اصابيعي وعيني مليانه مو فارغة علمود اخذ واحد علمود فلوسه
_واضح
_شكو شبيج
_فضلتي فرقد على ابن عمي ليش
فزينه اثنينه من دخل اخوي جابر وگال
تقارنين ابن عمج بفرقد ابن عمج شنو وتقارني بفرقد
مرت فاروق_وبيش احسن منه فرقد ماسمحلك تحجي عنه
جابر_ هو ابن عمج شنو سمعته بين العالم شگلتي لنفسج من جبتي لاختي هيج واحد ساقط وعديم اخلاق وتربية ودمه مهدور وبالساعات ينكتل
سلي_ دمه مهدور
دخل يخزر بيها هي كلمة وحدة ماطلعت بقت ساكته
جابر_ اي مسوي علاقة وي بت جوارينهم وحامل منه واهلها من عارفين كاتلين البنية وهادرين دمه ماتشوفي عاف بغداد واجه سكن بديالى لان دمه مهدور وخطيبته من سامعة هيج فاسخة الخطوبة
سلي_ شگلتي لنفسج من جبتيلي هيج انسان وسخ وقذر
كامت بسرعة وگالت
مادري هيج السالفة منو گالك أنت
جابر_زين تدرين فرقد گالي
مرت فاروق_فرقد دا يلفق على ابن عمي
جابر_ كافي جذب اني بنفسي هم سألت بالمنطقة القديمة مالتهم ونفس الشي گالولي واحد نذل ودمه مهدور
مرت فاروق_هاا
جابر_وسطعش وجعاا تنام بنص قلبج وين فاروق وابوي وامي اريد من كتلهم سألتوا على الولد گالولي اي نعرفهم لعد وين سؤالكم وين معرفتكم والولد طلع ساقط ولاعب بعرض العالم
مرت فاروق كلمة ماطلعت وشردت لغرفتها طلعت أمي تعارك وياها جابر گاللها شلون گتيلي سألت ع الولد وگالوا خوش ولد وسمعته حلوة بين الناس اشو سمعته طلعت مثل سمعة الكاولية
أمي اكتفت تهدي بي اسكت وليدي لا تسوي مشاكل بينتهم والله بس يسمع يطلكها وين يرحون جهاله وهي ماصارت اله صارت لفرقد سد الموضوع اروحلك فدوة
جابر_ راح اسده مو لخاطرها لخاطر جهالها بس اول واخر مرة تحجي وي سلسبيل وتقارن ابن عمها الساقط بفرقد بس اسمع منها كلمة زايدة ماتلوم اله نفسها
أمي _ اي يمة ماراح تفك حلكها وتحجي
جابر_غصب عنها ماتحجي سلي يابة كومي بدلي هم يلا ترحون للصالون
أمي _يلا كومي
كمت رحت لغرفتي بدلت من طلعت لكيت نسوان اخواتي كلهن موجودات والجهال مرت فاروق ماكو بغرفتها عمل تدري بنفسها مذنبة ماطلعت وشوفت نفسها
المهم راحت وياي مرت جابر للصالون ودانه بارق واجت ويانه عمة عذراء ومرت عمو وائل وصلنا للصالون انتظرت سراي كدامي 3 عرائس جانوا كملوا كمت كعدت واختاريت
مكياج وتسريحة شعر شعري جان طويل يعني مو قصير مثل قبل يادوب يلامس اكتافي المهم كملت وكالت شوفي شكلت مقتنعة بالمكياج
لو لا شفت شكلي
حلو المكياج ومثل ماردته بالضبط
روحي لبسي البدلة علمود
اسويلج التسريحة
_ماشي
كمت كامت وياي مرت اخوي وعمتي عذراء لغرفة التبديل بدلت لبست البدلة جانت بلون الاحمر ردانها طوال تول شفاف وزخرفة بي ساترة
ومن اطلع اخلي كاب فوك راسي
كعدت سوتلي التسريحة وخلتلي تاج ع رأسي رادت تصور المكياج والتسريحة وتنزلهم على صفحتهم ع الفيس ماقبلت
رادت من عمتي عذراء هم ماقبلت وگالتلها
استري علينا بنيتي مايقبلون احد يشوف شعرها لو جزء من ملامح وجهها
_ماشي عيني وهاي كملت شوفي شكد حلوة طلعتي ماشاء الله جنج لعابة باربي
_اشكرج حبيبتي
_ولو تدللين حياتي زواج الدهر ان شاءالله
_الله يسلمج
بقيت كاعدة اباوع لشكلي صدك طالعة جميلة والمكياج لايكلي والبدلة هم ومتغيرة ولا عبالك هاي اني عبالك وحدة غير بهاللبس ومكياج وتسريحة
صدك مكياج العرس يغير
كامت عمتي عذراء تأخذلي صور وتدز لفرقد وتحجي كله بصمات هو يرد عليها شعليني
عمتي ههههه
_كيك طالعة بس من ودك تأكل منه ههههه
_ اي والله هههه
خجلت كلش مناك النسوان كلها تباوع وتضحك اجت مره على عمتي وگالتلها
المره_العروس ماعدها اخوات مامتزوجات
عمتي_للاسف بس هالقطعة وصارت من نصيب ابن اخوي هههههه
المره_هاا عبالي عدها مامتزوجات
عذراء_ماعدها اخوات وحيدة اهلها واخذت وحيد اهله
المره_ربي يحفظهم ماشاءالله عليها تخبل جنها لعابة عاد زوجها هم مثلها حلو
عذراء_شكد ماهي حلوة هو احلى منها بقاطات
المره_ ربي يحفظه أسفة عيني إذا زعجتج بسؤالي
عذراء_ عادي اخيتي ماصار شي
المره_اخذي راحتج
رجعت كعدت بمكانها المره كومتني عمتي ومرت اخوي كعدت عمتي بس تصور مقاطع سنابات وتدز لفرقد حركته حرك وتضحك وتصنف
اخر شي خجلت
من گاللها كافي لخاطر الكعبة حميتيني حمي عمة هسه وين انطي وجهي
ردت بكل صلافة
مشكلتك دبر نفسك بنفسك هههههه
كل هذا ماجازت صورت شفايفي ودزتهن اله
شوف الشفايف جنهن حلقوم
وينوكل ههههه
رد عليها
الله ينطيج عشر جهال توم على هالسواية عمة صدك جذب انه كاعد بالغرفة لوحدي وتدزيلي هيج صور لمرتي ما تگولين خطية ابن اخوي الوحيد احمي بي دخلينه لازمين نفسنه للعرس كوه كوه تطلعيني عن الطريق
عذراء_سويت بارق سويته بيك
العرس اقوى ان شاء الله
_ لعد اقفل التلفون
_ولا يهمك ادزهن لبارق يوصلهن الك خوفتي
_ولا ينكدرلج عذورة
_ماينكدرلي وانه صغيرة امي ومدللة ابوي
وراها گالتله تعالوا اخذونه ناخذ صور بالاستوديو گال تمام بس ابدل ونجي ماكو ساعة ونص وصلوا طلعت الغطاوة فوك راسي كلشي ماشوف حتى فرقد
ماشفته شلابس مالابس بس حسيت بي لزم ايدي وراها شالها ورفع الكاب عن وجهي باوعتله مبتسمه رد الابتسامة وصلى على محمد وآل محمد بنص وجهي
صارت الهلاهل وطش الجكليت
دنك باسني بكصتي وراها نزل الغطاوة وخله ايده بايدي ومشي بي كلت هسه اوكع واتكسر واني لابسة كعب منه علمود اوصل الكتوفة ومانطلع نشاز بس هو طويل شسويله اني
فتح باب السيارة صعدت وراها سده وصعد من الجهة الثانية سمعت صوت جديتي حلوة جانت ويانه بالسيارة رفعت الكاب شفتها كاعدة بالصدر وبحضنها
سيفو لابس قاط اسود ويباوعلنه ويضحك
بارق_هسه يلا ارتاحت الدودة مالتي هههههه
حلوة_دوديش
هجرس_هذا هو ابو دودة
حرك السيارة وگال
تذكر من جان عمرك 16 سنة اخذناك انه وابوي لبيت فلان شيخ وگالك تزوج اثنين نسوان واثنينهن عن حب والاولى ماتكمل وياها سنتين والثلاثة طلاق
والثانية تكمل وياها الدهر كله وتحبها اكثر من الاولى مو طلع كلامه صدك وطلعت سلي ههههههه
هجرس_صح انه ماصدكت بي بدايتها بس من شفت الصار بي صدكت بي وطلع كلام الجني مالته مضبوط
بارق_عليك الله صدك شفت الجني
هجرس_اي والله شفته عينك عينك ينقله اخبار عني هههه
حلوة_ اعوذ بالله اسكتوا شنو هاي
بارق_عادي جدة اشو احنه ماشفناه
هجرس_مابيك مس علمود تشوفه
بارق_هاا صدك سلي على امج ترى الكيك والشربت ههه
حلوة_وانه عايزة اخذ منه امها كيك وشربت
هجرس_ارتاحيت هسه هههه
بارق_ جدة هاي هوسة شبيج على امها الكيك والشربت على امها ههههه
حلوة_هاي هوسة مال طيحان حظ اكو واحد هيج هوسة يهوس بالعرس ويذل العريس
هجرس_هههه
بارق_وين الاهانة بالموضوع
حلوة_بالكيك والشرب على امها خطية العريس مجدي ماعنده يشتري كيك وشربت
بارق _اهووو شورطني هسه وحجيت
هجرس_تورطت ابو الكيك والشربت ههههه
بارق_اي والله
كضوها ضحك وشقا وأني تضايقت من الكاب عاد رفعته شوي وطلعت بس وجهي بارق يباوع من الجامة ويضحك ساعة يغمز لفرقد الي خربان ضحك عليه
نزلنه بالاستوديو الكل نزلت ويانه اخذنه صور لوحدنه وصور وي العائلة وراها رجعنا ودوني لبيت جدو موسى الحفلة راح تصير هناك بالليل
المهم وره العشة صارت الحفلة دخل فرقد حناني وكومتنه عمة عذراء رگصنه شوية حسيته خجلان ومتضايق مايحب يرگص ادري بي ما يحب هالسوالف
عاد بسرعة كال نرجع رجعنا كعدنه الكل فرحان مناوي ترگص ويه اخواتها وتهلهل امي كاعدة بصف جدة حلوة وتضحك فرحان هههه اباوع
مرت فاروق جاية وكاعدة من ورة اعصابها
وره فترة طلع فرقد وبقوا هم يرگصون وفرحانين اجت كعدت بصفي جدة حلوة شفت عدوية ترگص وتهلهل فرحانة استغربت هاي شجابها ومنو عزمها
قربت لجدة حلوة
جدة عدوية منو عازمها
_فرقد
_فرقد ليش عنده علاقة بيها
_اي صديقه فرقد وهي گالتله على خيانة حنين
_هاا خانت صديقتها
_هي الخانت أول وهاي فضحت مثل ماهذيج فضحت
_ليش شحجت عنها حنين
_حجي ماينحجي وهاي طكت حوصلتها وتعالي شوفي كلشي لفرقد
_هاا خوما عدها تواصل وي حنين
_علاقتهن كطع
_زين لعد
فرقد طلعت يم الزلم بالمضيف جايبين مطرب واجواء حلوة ياسر وجواد وذياب وبارق وعباس كاعدين بسرى واحد ويضحكون كعدت بمكاني بصف جدي
تلفوني رن شلته بايدي شفت المتصل فريخ البط دلشاد رفضته هاي صارله عاشر مرة يتصل بي ادري بي يريد يخرب ويعكر مزاجي اخر شي
بزعت وشمرت رقمه بقائمة السوداء
بدت الحفلة كاموا ولد العمام يرگصون من ضمنهن بارق وياسر هذولة مصيبة بالرگص عباس وياهم شحطوني شحط وكوموني ارگص وياهم من لاجارة
رگصت بارق راح ع المطرب ماعرف شحجه وياه واجه لعندي يصفك بيديه الاثنين ويغني
صغيرة جنت وانت صغيرون حب عرفنا بنظرات عيوون
ضحكت وتذكرت نظرات سلي لي بطفولتها اشتغلت الموسيقى والمطرب صار يغنيها خربت من الضحك ياسر طبك وي بارق ويصفك بيديه ويغني
ويه المطرب قترب مني ياسر وگال
گالوا ترى هذولة يحبون
ومن الصغر لما يكبرون
مثل نجمة والگمر كبر حبنا
وازدهر بعيونك حبيبي
نبتدي بدروب السفر
واكف بنصهم هم يصفكون ويفترون داير مدايري وانه خربان من الضحك وذكريات الطفولة كلها اجت بالي اريد ذكريات حلوة بايام الطفولة وي سلي ماكو
كله اضرب بيها لو اهين وهي تباوعلي وتضحك اخر مرة تغزلت بيها من گالتلي راح اروح لبغداد وهي هم تغزلت بي من اجت شافتني آخر مرة ورادت تگلي شي وراها غيرت رايها ومشت
سوولي اجواء كلش حلوة وغير عن اجواء عرسي الاول وحسيت نفسي اول مرة اتزوج وره ما انتهت الحفلة رجعنا للبيت ملهوف اريد اشوف وجه لعابتي
واكعد تأملها واتغزل بيها بس للأسف مالكيتها جانت رايحة للبيت كالوا تعبانة وراحت تستراح وباجر وراها عرس المهم صعدت بغرفتي بدلت
وكعدت صعد لعندي
ياسر دخل وسد الباب
مثل نجمة والگمر كبر حبنا
وازدهر هههههه
_سالمين ياسر
_هالاغنية تريح الگلب وتخليك تضحك غصب عنك تخيلت نفسي انه ومناوي نحب بعض منجنه جهال مثلك انت ولعابتك هههههه
_اففف
_شبيك اففف جنك مره جاي تطلك
_راحت وماشفتها زين
_لاا
_والله
_غير تگول لمناوي لخالتي يبقوها الك بالغرفة
_شنو يبقوها لي بالغرفة اشو ماتعرف تحجي ياسر
_ لعد شلك بيها اليوم الحنة واكيد ماتشبع منها باجر العرس تلفها بحضنك وتنام لصبح الله شكد حلوة اول ليلة بالعرس
_كام يتحلم
_ حلوة وتخبل أول ليلة جانت وي اختك مناوي وهي تستحي ومانقبل تجي لعندي وانه لزم...
_هوووب ولك استحي على نفسك تحجي ليلة دخلتك كدام اخوها لمرتك صدك ما عندك مستحى
_يامستحى وليدي طزز بالمستحى تعال خل احجيلك علمود اتذكر أيام عرسي واحمى واروح لاختك مناوي حامي هههههه
_طاح حظك امشي اطلع بره اريد انام
ماحسيت عليه الا هو مجيت فوكي ويصيح بصوت ناعم فرقدي حبيبي اني احبك امممح
_خرر بنصك هااي شنو
جيت فوكي وباسني بخدي بوسة ام الطكه شمرته من فوكي للكاع وكمت امسح بخدي قرفان من عنده يدري بي اتخبل منه من يبوسني
_انعل عرضك
_ااخ كسرت رجل اختك بعد اختك ميله رجل
_لتخليني اطلعك من الغرفة بالجلاليق طايح الحظ شنو هالسوالف المكسرة شنو
_حلوات
_مال ساقطين
_ لا وحبيبي لا هاي سوالف مال محترمين ههههه
_اففف اطلع ياسر اريد انام
_انام وياك
_شنو تنام وياي
_ماتشوفني جيت يمك البيت متروس ترس خطار مالك محطة رجل مناوي گالت روح نام يم فرقد لو تريدني انام بنص نسوانكم
_ليش مارحت يم بارق
_مرته غريبة
_واذا عدهم هول واستقبال
_ماريد
_المضيف فارغ
_مخبل انام بالمضيف بنص ولد عماتك الساقطين
_ماطلعت وياك اجيك منا تجيني منا ياسر
_انام يمك
شمر نفسه على الجرباية حيل وگال
فراشك مريح حظرة الملازم
اول فرقد
_الله مطولج ياروح ماراح تخليني انام انه ادري بيك
_مشتاقلك
_ الله يستر من اشتياقك هذا
_لتخاف مو دعارة ونايمة يمك رجل اختك ترى
_انكس منها انت بسوالفك المخربطة
_اوووي ماما ههههه
_ياسر كافي تدري بي ماتحمل لو تنحم لو تطلع
_انحم يله تعال نام على ايدي
مدلي ايده ويضحك مسحت وجهي بكف ايدي اريد اهدي اعصابي ومانقض عليه واطيح حظه بهالليل
_ساقط
_جم مرة ساقط ههههه
_استغفرالله
عفته وطلعت صحت على مناوي تجيبله فراش يمي بسرعة جابت فراش وفرشتله هو معند مايقبل ينزل من فوك الجرباية عاد انه نمت بالفراش وخليته ينام فوك الجرباية
مناوي_ ياسر جوز منه
ياسر _جايز وغلات عيونج الحلوات مناوي تعال انطيني بوسه مال قبل النوم
مناوي_هاي شنو ياسر مو عيب
ياسر _وين العيب هذا اخوج ضارب جادر تعاي والله مشتاقلج
مناوي_دروح دومك فاضحني كدام فرقد
ياسر_هذا المطلوب ههههه تعاي بعد روحي
من شفته جرها من ايدها وكعها فوكه وحضنها من خصرها ضربت جادر بسرعة وصحت بي
فرقد_اخجل على نفسك طايح الحظ
ياسر _غطي راسك وانجب هههه العشق مناوي
مناوي_ ااه ولك عوفني فضحتني مناك اخوي صدك ماعندك خجل عوفني ياسر لو اضربك عوفني
ياسر _ضربتج دوه مناوي امممح
مناوي_ مو جاي اگلج عوفني
عاط ياسر يمكن عضته
اااخ ولج لا تعضين
مناوي_ اعضك واشيل لحمك وخرر عني ماتستحي
طلعت راسي بسرعة من انطبك الباب حيل شفت ياسر كاعد ولازم ركبته مناوي ماكو كعدت بفراشي خربان ضحك
_هيج احسلج هههه
_ انجب
_عاشت سنونج خيتي ههههه
رجعت راسي للمخدة خربان من الضحك صاح بي
هاي اختك يرادلها تأديب
_تأدبك وتأدب عشيرتك ههههه
_ولك
_وجع انحم ابو الرومنسية خوش رومنسية سوتلك اختي
_عنيفة وانه احب العنيفة ههههه
_طاح حظك
_طاح من يوم لشفت بي اختك العنيفة ام حضن الحار هه
_عمت عينك فلا تصير رجال
_اي مو ليسمع متحول ههههه
_ولك انجب وخلني انطمر
_ انطمر منو لازمك اااخ مناوي هو هيج تعضين ادري چلبة وتعضين بي
كام راح للميز يباوع لرگبته اباوعله وعاض شفتي السفلية كاتم ضحكتي كوه غطيت راسي كعدت الصبح على صوت مناوي جاي تحجي وي ياسر مبين زعلان
_اي هسه صرت حبيب الگلب
_عمي حبيبي وگلبي وعمري ابو يوسف
_اي هسه صرت ابو يوسف
_العشق كله انت
_لو العشق كله مجان عضيتيني من رگبتي
_خجلت كدام اخوي
_واخوج ضارب جادر جان وثاني شي مو حرام لو بستج كدامه عادي مرتي وحلالي
_الحيا لله
_روحي مناوي زعلان
_ازعل الروح ومازعلك
_امم
_اممح حبيبي گلبي عمري يلا اقبل وتعال انزل خل اسويلك ريوك ونتريك انه وياك
_ماريد ريوكج روحي
_يهون عليك تزعلني
_ايي يهون مثل ماهان عليج نومتيني زعلان ومعضوض
_مو ارجع اعضك
_ عضي وشوفي شسوي بيج
_ماتكدر تسوي شي وانه بنص اهلي ونه وحدة يكعدلك فرقد يسويك وصلتين احسك تكف
زعل وتنزل وياي تتريك
_تهددين والج
_اي يلا اني نازله تعال انزل وراي
_شنوو چلب
_حشاك معشوقي انت هههه
_انه اعلمج بالليل
_اووي ههههه
_اووي مو تعاي
اسمع بس ضحكتها ياربي على هل فشلة الجبيرة محبوس بالغرفة يم اختي وزوجها المنحرف غلست على الشغلة وسويت نفسي نايم على أساس
وانه كاعد واسمع كلشي هسه ادري مستعجلين خوب مستعجلين خلوني اطلع واشبعوا من نفسكم لو الا يمي اختفت اصواتهم والباب رد
رفعت الغطة شوي اريد اشوفهم بالغرفة لو طلعوا الحمدلله جانوا طالعين كمت بسرعة بوجهي للحمام غسلت وبدلت ونزلت جوه سوولي ريوك واطفر
للمضيف لكيت ياسر هناك كاعد يم جدي ولد عمامي وره الغدا اتصلت بي عدوية وگالت دزيتلك بصمات الحنين تحجي عليك وانه ماعليًّ ترى
انت گلتلي شدزلج كلام عني وصلي
_ماشي
فصلت الاتصال وفتحت إنترنت وصلتني رسائل محولة من عدوية جانوا 8 بصمات المهم فتحت اول بصمة
_هاي صدك مسويلها هيج ذهب ومخليلها مقدم قوي ومؤخر بعد أقوى لو كله جذب واشاعات
البصمة الثانية
من صخام براسه وين يريد هلكد مسويلها ذهب واني سوالي ذهب منا اخذه منا حسبي الله ونعم الوكيل بفرقد وبجديتي حلوة وجدي موسى
وجداتي جوري وخديجة ماسوولي مثل ماسوللها
ليش هيج فرقوا بيناتنه بيش سلسبيل الساقطة بواكة الزلم احسن مني
هسه بينوا على حقيقتهم القذرة كلهم قذرين ويفضلون الغريبة على بت الاقارب وفرقد واحد چلب اسود حاقد سمه كاتله جان مايحبني جان يضحك عليه
واخذني علمود رغبته طلع يحب سلسبيل الساقطة بت بغداد ام شوارع المتنبي الدايحة الصايعة ام الولد ادعي الله عليهم الليل والنهار ما يتوفقون بحياتهم وما يشوفون الخلفة بعيونهم تفووو عليهم اثنينهم وانتي عدوية هم طلعتي ساقطة
عيوني صاروا براسي فوك ماهي الغلطانة وهي الخانت وهي لجانت مو خوش ادمية ويه اهلي اللي هم اهلها وجداتها وجدها وابوي عمها صارت هسه هي المظلومة واحنه الظالمين
انه اعلمها بس خل اتزوج بخير وسلامة إذا مانزلتها لاسفل السافلين فلا اطلع فرقد على السوته بي
ابتسمت من عمتي دزتلي صور لسلي بالبدلة البيضة طالعة جنها لعابة وتضحك راح الغضب كله بلحظة وحدة من شفتها بفستان العرس
_عمة ابوس ايدج لا تدزيلي صور
_عمة اريد احميك اخاف بارد هههه
_عمة رحمه لاهلج شنو هالسوالف تدرين بي ماحبها
_انه احبها اجتك الثانية
دزت صورة كاعدة بصف مرت ابوي وتضحك صرت اضحك وراها طفيت الانترنت لان ادري بسوالف عمتي عذراء ماراح تخلص وياي
جابوا السيارة مزورقة بارق وعباس اباوعلهم ياخذون صور خلوا سيفو فوك البنيد وفرحان بقيت اباوعلهم ومبتسم الوجه رن التلفون شفت المتصل
رقم غريب رديت
الووو
_ ماراح اخليك تفرح وياها واخذها منك
_هه لو رجال تعال اليوم واخذها مني
_لو بالعراق اجي واخذها منك بس ااخ مو بالعراق
_ادزلك طيارة تاخذك للعراق
_ تستهزء جبااان
_ هه شلون فريخ بطل بطران على عمره
سديت الخط بوجه وشمرت رقمه بقائمة السوداء واحد زعطوط مالومه ولا اشغل بالي ولا احسبله حساب من اساسه
اجوي الولد وعمامي وابوي اخذوني للغرفة بدلولي والمصور جان ويانه داخل الغرفة يصور كلشي دخلت أمي وجديتي حلوة هم رشولي عطر وبوسوني
وصاروا يهلهلون دخلت عمتي عذراء وعمتي سناء يهلهلون ويطشون جكليت فوك راسي فرحانين جدي هم دخل صارت الغرفة حشك عاد طلعوا الولد
وره فترة رحنه جبنه العروس من بيت اهلها جانت كاعدة ومخليه غطا على راسها حسب ماكتلها ماتلبسين حجاب اريدج بس تخلين غطا فوك راسج وماريد احد يشوف شعرج حرام وانه اخاف الله واستحرم
شوي كعدنا بيت اهلها وراها اخذناها اريد امها تبجي وراها ماكو بس عمي ابو محمد جان متأثر خطية
وصاني بيها وگال دير بالك عليها وشيلها بعيونك مثل ما انه جنت شايلها بعيوني
_من هاي عيني قبل هاي تدلل عمي
اخذتها وطلعت صار الرمي فوك الروس الكل ترمي هي مبينه خايفة صعدنا بالسيارة بارق السايق راد يسوق ياسر ماقبل بارق لو انه لو ازعل وماحظر العرس
نذر ناذر بس يتزوج سلي اني اسوقلهم حنه وعرس لاتخربون نذري لايروح يصير بي شي
عاد خلوه هو السايق صار يسوق بارق
وجديتي حلوة بالصدر مخليه سيفو بالحضن مايفارق جديتي صاير لازك بيها لزك شغل غنية صغيرة جنت وانت صغيرون
ضحكت ولزمت ايد سلي قوي بيدي
ترى هي حبتني مو انا بارق ههه
بارق_وحق علي جذب جنت تبيع ثكل براسها وانت طامس بنص الحب الماي بس مجلب بالطاسة تخاف تغرك لحد راسك ههههه
هجرس_ لا ابد
حلوة_خطية
بارق_تعاي اگلج سلي شلون جان يباوعلج من جنتي صغيرة
هجرس_بطل جذب بارق
بارق_بالقران ماجذب مره شفت سلي بالحديقة شايله وردة وتشم بيها وتفتر هو يباوعلها ويضحك هذا الحجي جان عمره 15 سنة ومتعارك وي جدي
هههههههه هم گول جذب
هجرس_خرر بعرضك جنت تراقب بي
بارق_اي وتذكر من شفتها تحجي وي ولد عمي رجب رحت جريتها من شعرها وسويت نفسك حنين دزتك وهي حنين مادازتك ولا شايفتك من نار غيرتك عليها هم گول جذب
هجرس_اي وبعد
بارق_هواي هن واليوم الا كلهن اكلعهن واذب ثوب الثكل عنك سلي ترى يجذب يحبج من زمان بس يبيع ثكل براسج لا تنطينه مجال يگول هي تحبني
سلي_ هو يحبني بالسر طلع مو اني ههههه
بارق_سباعية سلي هههه
هجرس_ هههههه
حلوة_ام لسان طلع لسانج
رفعت الغطا وباوعت لجديتي حلوة
لعد خرسة جدة
حلوة_مو گتلج تحبي
سلي_هو عشق الاقارب مفضوح من أول خطار
بارق_عمت عيني على عشك الاقارب مفضوح من اول عزيمة ههههه
بقيت ساكت هم يسولفون ويضحكون وانه أفكر بدلشاد وحنين شراح اسوي بيهم وره العرس
وصلنا الاستوديو نزلنا ونزلوا ويانه الاغلبية
اخذنه صور ورجعنا للبيت ذبوا لحم
الحبايب ولد عمي وعمامي ومهاتي الاثنين وابوي وجداتي الكل ترگص فرحانة كوموا سلي رگصت وياي شفت
عدوية تصور اكيد راح توصل الحنين عاد بالعمدة رگصت ويه سلي من كل گلبي وشلتها بحضني صرت افتر بيها اريد احرك گلبها حرك مثل ماحركتني
وراها نزلتها اباوعلها خجلانة وميته من الخجل علقتني وراحت كعدت بقيت انه ارگص وي عماتي وامي وابوي فرحانين بي موشلون مجان
رجعت كعدت يمها قترب منها وحجيت شبيج خجلانة
_اممم
_احجي
_استحي
_من منو تستحين اشو ماكو غريب كلها اقارب
_حتلوه
_مو الكاج بالغرفة مستحيه ديري بالج
_هاا
_ماريد تستحين اريدج مثل انتي ماتستحين
_شوف ايديه صاروا يرجفون من هسه
_عادي ابوسهن الج ويهدون
_فرقد
_قلب فرقد
ماردت دنكت راسها اشرولي الولد اطلع وياهم حجيت وياها لعابتي مثل ماگلتلج ماريدج
خجلانة وخايفة بعد ماوصيج
خليت وكمت وياهم طلعنا سلمت على الزلم وكعدت بصف جدي وابوي بالمضيف دكني الجوع وماتحملت اكلت وي عمي ايهم وجدي الكل تباوعلي وتضحك
بارق صاح
ادري متوازي على العشة
_جوعان
_والعروس لعد
_عود اكل وياها على واهس
_ههههه
صاروا يضحكون ويصنفون عليه بارق من مكانه يصور بي ويصيح ابو كرش ابو كرش ههههه وره العشة خفت العالم وبقوا بس العمام
وربعي زفوني على سلي
على هوسات بارق وياسر وعباس وعمي ايهم يردون يدكون بي دكه ناقصة جدي
دخل صحت بجدي
هجرس_جدي يردون يسون حركلت ادبسززية بي
جدي_اكسر ايده ليسوي بيك
حركات ادبسززية منو منكم
يريد يسوي
الكل خرست وتباوع لجدي استغليت الفرصة وركضت للغرفة فتحت الباب عمتي عذراء هو يصيحون وراي سديت الباب بسرعة
وقفلته بالمفتاح صحت
عليهم والله عيب تگدرولي ههههه
ايهم_ ملعون ضحكت علينا
صرت اضحك عليهم قشمرتهم وفلت من سوالفهم الطايح الحظ انداريت على سلي جانت كاعدة من شافتني باوعتلها كامت بسرعة تباوعلي بخوف ورتباك
نزعت السترة وشمرتها نزعت الرباط هم شمرته فوك السترة فتحت اول دكمتين من القميص واقتربت منها
بلعت ريگها وبعدت عني كلما اقتربلها خطوة تبعد خطوة استغربت خوفها شبيج خايفة وتبعدين
_لا تقترب ...
_سلسبيل شكو شبيج خايفة
_مادري اخاف
_گليلي من شنو تخافين
_منك
_تخافين مني صدك سلي تخافين من زوجج
_اي
_هو شنو وتخافين مني
_ماعرف اخاف
_افففف كافي بجي يابة وتعال
اكعدي خل احجي وياج
_مراح تقترب
_شنو هجمي ماشايف اقترب الج بدون موافقتج تعاي يابة اكعدي خل اشوفج عدل واحجي وياج يلا تعاي شبيج واكفه وتباوعيلي تعاي
بلعت ريگها ورفعت ايديها مسحت دموعها اشرتلها تجي تكعد بصفي بعد ماكعدت انه
_تعاي اكعدي
_شتريد
_اريد سلامتج قابل شريد لعابتي
_والله
_اووف قلبي شكد فاهية أنتِ تعاي شبيج
اجت كعدت على طرف الجرباية خلت مسافة بيناتنه اباوعلها ومبتسم على حظي الحلو كلشي ولا تطنكر وتخرب أول ليلة النه سويه وتضحك كل شماتي وشماتها علينا
_من شنو تخافين
_من سالفة ...
_اي كملي يا سالفة
_أنت تعرفها ياسالفة احجي بيها
_ترى بسيطة ومابيها شي يخوف ويقلق ليش هلكد خايفة ومرعوبة ومضخمه الامور
_ مو يگولون أول ليلة ..
_أول ليلة شنو احجي
_اممم
_احجي
_اخاف اجلها فرقد عليك الله
_طيب اجلها ليش مااجلها بس إلى متى نبقى نأجل بيها مو اليوم اخذج باجر اخذج وهذا التأجيل مجرد تضييع للوقت وإذا ماخذتج اليوم راح يگولون
عنه حجي ماينحجي ومحتمل يگولون مايردون بعض ومجبورين على هالزواج وراح يألفون حجي من عدهم وراح تضحك شماتي وشماتج
انتي تقبليها
_لا
_اي لعد فضيها وخلينه نصير لبعض
_مو صرنا
_هذني كلها هيج هذا أساس الزواج
_اممم مادري بس خايفة
_عيوني أنتِ عليش هلكد خايفة والله السالفة بسيطة كلش وإذا على الوجع ترى الوجع عادي ومجرد جكه أبره لا أكثر ولا أقل
_اخاف تضحك عليًّ
_وغلاتج عندي ماضحك عليج ناوشيني ايديج الحلوات خل اشوفهن الله يخبلون طالعين
ولايك الهن الصبغ الأحمر
أخذت ايديها بديني اباوعلهن واضحك اريد اغير الموضوع واحسيها بالأمان
_والله حلوين
_اي والله يخبلون واظافيرج هم يجننون لا تكصيهم اموتج بس تكصين اظافيرج
_لاما أگصهم احبهم
_وانه هم احبهم على ايديج الحلوات
رفعت ايديها وبوستهن برقة رفعت رأسي اباوعلها خجلانة
_ ارحمي بحالي بت الاوادم ماتحمل انه كل هذا الجمال
_لا تبالغ ميلي
_هجم بيت الخلفوج كل هذا الجمال الشايلته وتگولين ميلي
_دا تجامل
_لاوالله هاي الحقيقة طالعة اليوم لعابة باربي
_وانت هم حلو طالع اليوم
_ خايبة ميلي اجلاح املح
_لا والله تخبل
_شنو لبي يخبل اشو وجهي ازرك طويل جني زرافة
_لا طولك هيبة ويخبل وجهك الأسمر يكتل كتل بالقرأن
_اي وجهي بي مبيد سام يكتل كتل
_ولك لا والله حلو
_الأبيض حلو مو الاسمر
_لا والله ميله الأبيض حلو أصلا محلو الأسمر احلى وملامحة اكثر رجوله من الأبيض وهسه انت حلو وتخبل وجنك عسل
_دبس مو عسل يابة
_عسل اگول
_انه اگول دبس
_فرقد لااا حلو
_منو حلو
_انت
_متأكدة
_ايي
_لعد بوسي خدي خل اصدك انه حلو بنظرج
حمت خطية وطكتني بوسة بخدي
هاي بستك انت حلو
_اجه دوري ابوسج بوسة ام الطكة واثبت كلامي انتِ حلوة
_يلا بوس
انطتني خدها استغليت الفرصة وبستها بوسة بخفة وجريتها لحضني كعدتها بحضني صرت اشم بخدها هي ساكتة بدون رد فعل منها حسيت
بيها رجفت ورادت تبتعد شديت بحضني أكثر وقتربت يم شحمه اذنها عضيتها بخفة وكتلها بهمس
_دخليها تمر بخير وسلامة
_اءء
_لا تحجين ولاكلمة عوفيني سرحان بجمالج فراشتي
_هوو..
قربت وجهي لوجهها أكثر خليت شفايفي تلامس شفايفها وحجيت بهمس اششش خليني سلي وبدون خوف اوعدج مراح اذيج
_وعد
_وعد رجال بس تضايقين ابعد
_اممم
ماحجت ولاكلمة طلبت منها تبادلني بادلت والحمدلله كدرت أخذها بدون ماتشلع گلبي بدلنا وكعدنا رادت تگوم تسبح ماخليتها
_مو هسه
_شوكت لعد
_خل نطلع عليهم وراها نرجع نسبح ونام
_ماشي
_روحي خلي حجاب فوك راسج
كامت راحت بتجاه الكنتور فتحته واخذت حجاب خلته فوك رأسها واجت لعندي كمت وكفت كدامها اباوعلها خجلانة
_ليش الخجل ماحب اشوفج خجلانة هيج وماتحجين
_مامتعودة
_قابل غريب عنج
_لاموغريب بس ماشايفتك ومامتعودة اكون يمك بغرفة وحدة وفراش واحد
_ اي صح بس حاولي تتأقلمي وي الوضع بسرعة
_ان شاءالله
دنكت عليها بستها بخدها خطية فزيت بعدت اضحك هي ماتت من الخجل وانطتني ظهرها
_لو ادري هيج اقترابي الج يخجلج ويخرسج جان من زمان تزوجتج وسكتج ههههه
حضنتها منورة ظهرها وخليت رأسي على جتفها اباوعلها اروحلج فدوة لعابتي الخجلانة
_فرقد كافي
_مو تحبيني تحمليني
_مامتعودة والله
_تعودي
_قابل بسرعة اتعود
_ياريت لو بسرعة ماحب انه هيج تخجلين بسرعة اريدج طبيعية وياي وماتخجلين وشسوي وياج تردي ابوسج تبوسين اغنيلج تغنين الفج بحضني
ترجعين تلفيني بحضنج وتتغزلين
_هسه ماكدر
_لعد شوكت تكدرين
_مادري
_انه اعرف شلون اعودك شرشبيل امممح
_يلا بوسي
_هي كساع
_اي كساع بوش على گوله سيفو يلا بوسي
بسرعة باستني بخدي
ماحسيت بيها خل اوكف كدامج وبوسي عدل
_مو بستك
_ماشبع منج بوش
_صاير مثل سيفو بوش وبوش
_اي كل شويه يلت بوش ههههههه
صارت تضحك بعدت عنها وفريتها عليه تضحك يلا بوسي وخل نطلع هسه ينتظرون
اولهم المضغوطين
_فرقد..
_اسكتي وهاج خدي بوسي يلا
_هههه
دنكت عليها وانطيتها خدي باسته بسرعة وبعدت بنفس اللحظة اباوعلها خدودها صارو طماطة حمرة من الخجل
_سلي راح تموتين من الخجل
_اي
_حلاتج بخجلج لعابتي
_هههه
كرصت خدها بيدي
يلا ياحلو اكعد بمكانك
وانه طالع
مشيت من يمها فتحت الباب وطلعت وي طلعتي بوجهي امي صارت تهلهل رحتلها فرحان حضنتها بادلتني الحضن وباركتلي اجوي عماتي كلها باركتلي وجداتي ونسوان عمامي وخالاتي الثلاثه
طلعت من يم النسوان رحت للاستقبال جان بي عمامي ولد عمامي ولد خالاتي أثنين وجدي وابوي سلمت عليهم كلها كامت باركتلي
وره نص ساعة تقريباً عدنه طلعت بره الاستقبال اريد ادخل للغرفة طلعت من الغرفة جديتي حلوة واجت لعندي
_تعال اريد احجي وياك
_خير ان شاءالله جدة
_هذا الولد ليريد سلي داز رسائل لبارق وكلام بي تهديد
_فريخ البط مايكعد راحة
_مبين راح يسبب مشاكل بس دير بالك تنطي بسلي كسيرة لو تصدك بي البنية مالها ذنب توها تسولف وتبجي تگول والله ماجنت انطي عين هو لاحكني
_ماكو داعي توصين بي اعرف سلي منو واعرف هذا النوع من الولد شنو ومن ياطينة مخلوق هو لو رجال صدك خل يجي للعراق ويواجهني عيني عينك ويحجي هالكلام مو خاتل بدولة أجنبية ويلغي زايد
_عفية عليك جدة رفعت رأسي مثل كل مرة
_دوم ارفع راسج حبيبتي
اقترب منها بستها بكصتها وخليت ايدي على جتفها اباوعلها واضحك هي هم تباوعلي وتضحك
_دعيت الله يرزقك بطفل على الخط السريع
_وان شاء الله دعائج مستجاب
_ان شاءالله مستجاب اريد اشوف خلقتك مثل ماشفت خلفه بارق وبقية ولد عمامك والبنات
_ان شاءالله طلعوا من يمها
_لا بعد
_ادري شعدهم
_يوصون ههههه
_اي خطية راح تدخل حرب مو زواج هههه
_ههههه هسه اروح اطلعهم الك
_تسوين فضل
_هسه اهفيهم الك هههه
_هيفي بعد حيلي ههه
راحت دخلت للغرفة عافت الباب مفتوح ماكو ثواني طلعوا النسوان أخواتها وربعنا هم وياهن بالغرفة ادري شعدجن كلها بالغرفة يم العروس بقيت اباوعلهن كاتم ضحكتي طلعت آخر العالم عمتي عذراء انوب
تخوصرت بباب الغرفة تباوعلي بحاجب مرفوع
عذراء_شكد تدفع
هجرس_شدفع
حلوة_وخري ولج خل يدخل
عذراء_والله مايدخل خل يحرك جيبه
حلوة_هو يحرك لو انتِ تحركين وتنطين هدية العرس
هجرس_صارت العكس وياج عذيرة
عذراء_انطيت الهدية للعروس واريد هدية دخولية اكون معجونية
حلوة_خوش نعال وخري
دفعتها جديتي حلوة وطلعتها من الباب خربت من الضحك وكلها صارت تضحك عليها
حلوة_طايحة الحظ عارضة باب غرفته مثل العريضي تعال ادخل
عذارء_يمة
حلوة_وجع يلا أمشي
هجرس_ارتاحيتي عذورة ههههههه
عذراء_ان اعلمك هجرس يمة انتِ ماعليج خل ينطيني
حلوة_ينطيج وجع انتِ عايزة رجلج نائب ضابط وراتبه خير من الله طالبة الله بطلابة راجعة على فرقد المسكين تدورين منه فلوس
عذراء _ماعايزة والله بس حلوة هاي مثل الهنود
هجرس_صدك جذب تشبهين العراقي بالهندي ابو الوسخ عابد الهوش
حلوة _من طاح حظج وحظ الهنود وياج هذا ابن اخوج الهيبة فرقد تشبهي بالهندي
ابو الوصخ والكلك
امي_شورطج عذراء
عذراء_ تورطت ماريد فلوسكم خلوها الكم الله لايعوزني هسه اروح لابوي ينطيني
حلوة_ام فلس مالومج رجلج نائب ضابط ويعصر الدرهم عصر يله يطلعه وانتِ مرته وتعلومه
عذراء_ي...
حلوة_انجبي ولاكلمة ويلا كدامي روحي لبيتكم جهالج موتوني شعلوا قلبي شلع
عذراء_تطرديني علمود 25 ألف
حلوة_انه مو ع الفلوس احجي عارضة بابه هو عريس مثل العريضي عارضه وتدرين بي اتخبل لو واحد يعرض للعريس ويضوجه
جم مرة رزلتج وگتلج بطلي هالعادة مال تعرضين للعريس باب الغرفة وتأخذين فلوس منه
اجه بارق وگال بضحكة
هاي نائب ضابط دزها علمود ترجع فلوس الهدية ههههه
عذراء_هااي عليمن كرسوع
بارق_افلت ههههه
طلع يركض بارق هي وراه تركض خربت من الضحك ودخلت جوه سديت الباب وقفلته بالمفتاح
جانت كاعدة ع الجرباية من شافتني أبتسمت
شحجوا وياج
_كلام عادي
_هاا يلا طلعي ملابس خل نسبح
_سوية
_اي
_انت اول اسبح واني وراك عود
_اثنينه يعني اثنينه يلا كومي وبدون كلام ماحب اعيد كلامي مرتين
_والله
_اي والله ماحب اكرر كلامي مرتين تدرين بي من صغري بي هاي الصفة
_اغيرها الك
_حاولوا غيرج يغيرون بي اثاريهم هم تغيروا وانه ما تغيرت
_لا تشبهني بيهم اني غيرهم
_ياريت
_شنو ماتثق بي
_لوما اثق مجان اخذتج
_ردك بارد واحس اكو غصة بكلبك
_كلبي مليان غصات
_طلعهن
_خليولن ماريد اطلعهن واعكر مزاجي يله گومي
_براحتك
كامت طلعت ملابس اخذها ودخلنا للحمام سبحنا سوية وطلعنا نشفت شعري بالسشوار ورحت تمددت اباوعلها تجفف بشعرها
_احجي الصدك شوكت خليتي عينج علية
طفت السشوار وندارت عليه
شگلت
_گلت احجي الصدك شوكت خليتي عينج عليًّ
_هههه
_احجي من شوكت تحبيني شرشبيل
_تتوقع من شوكت وكعت بيرك
_من جنتي صف ثاني إبتدائي بوقتها گتلتج علمود قطفتي ورد الحديقة من ذاك اليوم حبيتيني وكمتي تحوشين بالورد بعنادي علمود اجي اتعارك وياج واطردج صح لو غلطان
_اي صح وگلت بگلبي الا اتزوجه واحوش كل وردة هههه
_لابشرفج ههههه
_اي والله وحلفت ماتزوج غيرك الا أنت
_حب من أول كتله هههه
_اي عادي
_مو طبيعية أنتِ شرشبيل
_اي
_كملي تجفيف شعرج انه راح انام
_تنام وتخليني
_والقرآن تعبان من الهوسة والأغاني كملي وتعاي
_اخذ راحتك
حجتها وجانت مغثوثة ماهتميتلها نمت بسرعة وجريت الغطة تغطيت بس أريد ارتاح هي شغلت السشوار صوته زعجني واحس وغزات
صارت بنص گلبي ماعرف ليش..
