رواية الهجرس الفصل الثلاثون 30 بقلم رواء هادي
احس نغزات صارت بنص گلبي ماعرف ليش وشنو سببه المهم ماكدرت أنام طفت السشوار وانطفى الضوه وراها حسيت بيها اجت للفراش نامت بصفي بس بعيده عني مديت ايدي
_سلي تعالي
_مانمت
_لا تعاي
اجت بحضني ضميتها كل قوتي لصدري وبستها برأسها هي هم بادلتني الحضن وباستني بصدري أكثر من بوسه لا انه حجيت ولا هي حجت بعد ونمنا
مر على زواجنا تقريباً شهر وكل أيامنا حلوة وخالية من المشاكل بس دلشاد مايجوز لحد الأن يراسل من أرقام غريبة ويهدد اله اطلقها واخذها منك
شكد حاولت اتبع مصدر الرقم ماكدرت احدد وين موقعه بالضبط
كاعد بمركز الشرطة بايدي تلفون اقرأ برسائل فريخ البط وأضحك
_لا تفرح خليتها الك شهر اعتبر الشهر الثاني عندي
جبته بزيج بصمة وراها ضحكة طويلة بسرعة رد بصمة فتحتها خربت من الضحك هذا عود متعصب وهيج صوته ناعم الله يشهد صوت سلي أعلى من صوته
اني اعلمك ابو الشياطين هجرس اذا ماخليتك تبوس القنادر فلا اطلع دلشاد بسيطة بطن عيني تستهزء بي اشوفك هذا اللي تستهزء بي شراح يسوي بيك
_بابا ذيل جلبي ماتخوفه
_من تصير صدك عود گول خوش ذيل جلبي ماتخوفه
_وين الله وتصير صدك واشوفك كدامي حالف اله افصم ظهرك نصين واخليك منحني الظهر طول عمرك
مليت منه وطلعت من المحادثة واحد صغيرون وما يسوي واهس بالعرك صوته ناعم ماحسه رجال اريد واحد من اتعارك وي يهز الحياطين هز من يصيح مو مثل هذا فاهي ومابي ملوحه
خليت وكمت متوجه لمكتب ياسر
الشرطي واكف بالباب ضربلي تحية وفتح الباب دخلت ضربت تحيه لياسر اشرلي اكعد جان جاي بشتغل وكدامه ملفات كعدت كدامه انظاره
بالملفات وگال
- هاا فرقد
_اريد اجازة 3 ايام
_شلك بيها
_عندي شغل بغداد
_هاا خير ان شاءالله
رفع راسه باوعلي مستغرب
_ شغل شنو
_هسه الا اگك يعني عندي فلان شغله تكدر تحصلي
_ماتروح تقدم على اجازة
_قبل جم يوم تلاغيت ويا
_بعد بيتي اكو واحد يتلاغة وي المسؤول مالته
_تلاغيت وخلص
_هاي شوكت تلاغيت وياه
_قبل 5 ايام
_مخبل أنت
_اعصاب وماكدر اتحكم باعصابي شسوي صحت بي
_صحت بي ؟
_اي
_اهلهلك على انجازك العظيم
_انجب ياسر
_احمد ربك واشكره بعدك هنا موجود لو واحد غيره جان هسه توصوص بتل عفر لو بصلاح الدين لو بالانبار
_شحده ينقل
_اسكت احسلك ولا تتباهة وتأخذها بحيل صدر
_صدري قوي ويدري بي فما كدر ينقلني وتم ساكت
_ولك انجب هسه يسمعك واحد ويروح يگله والله ما يرحمك لو يدعبلك وحدة لو ينقلك
_يدعبل وحدة ادعبلة عشرة واشمره وره الشمس
_انت منو تندك بالمسؤول ولك لا تنسى أنت خلك ملازم أول وماتكدر تسوي شي والله يتويك وره الشمس احسلك اكعد عاقل هجرس
_مو جبان واكعد عاقل
_وتالي وياك
_اريد الإجازة وإذا مانطاها والقرآن الكريم احث بي حثه بس الله ليدري بيها
_استغفرالله العظيم اخذلك بس انجب واستر علينا ما عوزنة مشاكل وفضايح بنص المركز
_الإجازة لعد
_أخذها مني باجر ماتداوم
_انطيت كلمة وبس العار ماينفذ كلامه خلها بالك ياسر
_لا اله الا الله ادري امك متنسيه بنار بيك وهلكد اعصاب وماتتحمل بسرعة تشتعل
_ اي
كمت رفع رأسه يباوعلي ابتسم وگال
هاي مرتك شبيها
_ ولك مرتي شجابها بالنص
_اعصابك ترى ماكلت شي
_لا تجيب طاريها
_ماشي
_انتظر ردك
_راح أقدم نقل بفلان قضاء واخلص منك
_الحكك وعلي
_شتريد مني لاحكني
_ولفي وماكدر اضيعه وإذا ضيعته بدونه اضيع
_گول وساطته
_ألاثنين سويه
_جدك مو عنده وساطة أكثر من أبوي ومني ليش ماتطلب منه
_جدي ماينزل نفسه لأكبر واحد
_جدك كبرياء وأنت هم مثله مادري شلون تطلب مني وما تطلب من أبوي
_انت غير ابوك
_طبعا انه الكحبة مالتك ههههه
_طاح حظك
_احبك اخو حبيبتي ومعشوقتي
_جم مرة گلتلك عدل كلامك وياي ولا تحجي بالتفاهات
_شبيها عزيزي
_مال واحد ساقط
_ساقط لو ناجح ههههه
_راح اجيك واخلي الكرسي فوك راسك بدل جواك
_سكتت لا تجي يمعود
_ربع ساعة واريد ردك
_ماشي بس اطلع
طلعت بوجهي لمكتبي دخلت كعدت بمكاني جريت القلم العب بي وأفكر أول ضربه راح اضرب حنين بيها وراها اضرب دلشاد واسكت حلكه للأبد
ربع ساعة دزلي رسالة ياسر
حصلت اجازة
_خوش ادمي صار
_شنو
_هيج
_اقسم بالله مسوي شي وي المسؤول احجي شسويت
_ملازم أول شيكدر يسوي
_هجرس سويت بي احجي
_ماسويت يلا ولي
شمرت التلفون صامت وشمرته كدامي فجأة صابتني رعشة نفضت جسمي بالكامل عبالك جسم ثاني دخل بجسمي صرت أتنفس سريع ثواني رجعت طبيعي ورجعت اكمل شغلي إنتهى الدوام طلعت خارج المركز اباوع أثنين ضباط من اقارب المسؤول يخزرون بي مثل المتحلفين بي رجعت خزرتهم ومشيت صاح وراي جواد
_فرقد تريد جلب
_جلب؟
_اي
_لاماريد
_والقرآن يفوتك حرامات ما تأخذه
_يمعود شلي بي ونوب يرحون يسكنون خواتي والجهال لا يروح يمرضهم لو يمرضوه
ويموتوه
_هههه مو لهاي الدرجة
_وغلاتك انكس ربعي واعرفهم
_لعد انطي لذياب
راح على ذياب
ذياب تريد جلب بوليسي
ذياب_تريد امي تسويني جلب بوليسي ههههه
جواد _شسالفة محد منكم يريده
ذياب_امي تتخبل من الجلاب مرة صاحبي عافه يمي ساعتين لو اكلت گلبي اگول انطي لفرقد
فرقد_ماريده
ذياب_ودي لبارق
فرقد_علمود يسفو يسوي مطي ويركبه ههههه
ذياب_هههههههه
جواد_عاد يسفو يسويها
فرقد_اي والله اخذه الك
جواد_عندي واحد والمره ماتقبل اجيب ثاني ويا
ذياب_انطي لحيدر
جواد _عنده تلاثه حيدر
فرقد_حرت بي جواد
جواد_اي والله حرت بي
ذياب_ميلك هالجلب
جواد_جابوه لي هدية وحرت بي
فرقد_انطي لياسر يحب الجلاب
جواد_علمود مرته تسوي ههههههه
فرقد_ ههههه في امان الله
ماكمل الجملة استحى مني واليوم ياسر خفارة عنده صعدت بالسيارة اباوع لجواد خطية حاير بالجلب من ضابط لضابط ومن جندي لجندي
والكل ماتريده طلعت رأسي من شباك السيارة وصحت
_جواد جيبه غيرت رأيي
_تعال خل ابوسك لعد ههههه
_ههه روح جيبه بسرعة
_ثواني
راح بسرعة جابه جان جرو صغيرون مخلي بقفص وانه عبالي جلب جبير وخفت منه يأكل خواتي والجهال وسلي طلع جرو
_هذا صغيرون
_اي صغيرون
_وانه عبالي جلب جبير وخفت منه يأكل الربع
_مخبل اخذ جلب جبير شعرف منه هذا صغيرون وعمره 3 أشهر ربو على أيديكم
_ انطي لاخوي علاوي
_يتهنى بي
خلاه بالسيارة وسد الباب طلعت طلعوا وي ضباط أقارب المسؤول طلعنا من المركز طبكو وي سيارتي وگال الكاعد بالصدر
_لا تندك بالمسؤول ترى ندك بارضك
رفعلي المسدس عود يهددني بي
ابتسمت برود ورديت
_تهددون بمسدس هه
_طلقة وحدة تتويك بالفتحة الثالثة
_زين تندل الفتحة السابعة هناك اتويك أنت والوياك ووعد مني امشي بجنازتكم وبايدي ادفنكم
_تهدد
_ونص
_بسيطة بطن عينه
_مو عبالكم حالي من حال فلان ضابط وفلان لا عزيزي انه غير وانه وراي أسود بس تعرف
بيكم تأكلكم انتو وعايشين
_بسيطة فرقد وائل موسى
_موسى يكفي ويوفي إذا شعره من راسي وكعت بالكاع
_تهدد بجدك
_هيبه جدي ترعب العارات وانتو عارات
_ماكو غيرك أنت العار وابن عار
_وين العار اشو اشوف بس نار وتشتعل هههههه
_هذا الخشم العالي إذا ماكسرنا عيب علينه نشم الهوى
_وعيب عليه ابقى فوك التراب اذا عارات مثلكم كسرت خشمي
طلعتهم هم بقوا وراي وصلت البيت نزلت ونزلت وياي الجلب وصلت داير البيت شفت سلي كاعدة بالطرمة تنتظرني من شافتني أبتسمت
واجت لعندي
- هلا فرقد شلونك
_بشوفتج صرت زين
_الله هذا شنو فرقد
_جرو
_يخبل منين جبته
_انطانياه جواد عجبج
_كلش
نزلته بالكاع وحضنتها وبستها برأسها
شلونها لعابتي
_زينة شلون تطلع الصبح وما تكعدني
_ماحبيت ازعجج وأنتِ مانمتي
بالليل من وجع راسج
_وإذا
بعدت عنها مبتسم وهي زعلانة كرصت خدها بايدي كافي زعل ماحب اشوف حبيبي زعلان
_بعد لا تعيدها
_ماعيدها علاوي وين
_بالبيت
_هسه هذا الجلب وين اخلي
_خلي بالحديقة لما نصيح لعلاوي يسويله مكان خطيه مبين جوعان
_اي جوعان وعطشان
_هسه أصيح علاوي واجيبله اكل
_انتظركم
رجعت للبيت طايرة بسرعة طلع علاوي وفطومة يضحكون اجوي لعندي اخذوا وطلعوا من القفص امي طلعت وجديتي حلوة وابوي يباوعون
للجلب ويضحكون بس جديتي حلوة انطعجت
هجرس_اروحلج فدوة لا تطنكرين
حلوة_هي مال جلاب فرقد
هجرس_والله مابنيتي اجيبه بس من شفت جواد حاير بي جبته منه وكلت انطي لعلاوي ادري بي يحب الجلاب هو جرو صغيرون شوفي يخبل
طلعت سلي جايبة اكل وماي
اوووي يجننن علاوي لا تربطه خطيه يتأذى
حلوة_بالخير عليًّ أنتِ هم طلعتي ام الجلاب
سلي_اي هههه
حلوة_لاربحنه كلها صارت اهل الجلاب
دخلت جوه ودخلوا الكل سلي بقت يم علاوي وفطومة طايرين بالجلب عبالك موجلب شوف شجايبلهم بقيت يمهم واكف راحوا خلوه بالبرج مال طيور بارق السابق جان عنده برج طوله مترين وخلوله ماي واكل وسدوا الباب عليه اجوي
لعندي يضحكون
فطومة _بعده صغيرون وحليو
علاوي_شنو نسمي
سلي_اممممم
هجرس_سموا جلوبي ههههه
سلي_شنو هاي محلو
فطومة_لامحلو علاوي عندك اسم اله
علاوي_نسمي امممم
هجرس _سمو روكي
سلي_يخبل
علاوي_روكي اي مناسب ههههه
سلي_غسلوا أيديكم بالتراب وتشاهدوا عليهن وراها غسلوا
هجرس_مو رطب علمود تتنكسون
سلي_مو لحس ايد فطومة وعلاوي ههههه
هجرس_هاي قبله الترحيب بأهله الجدد ههههه
سلي_ههههه
هجرس_يلا غسلوا أيديكم بالتراب وانتِ هم وياهم سلي
سلي_اني لا
هجرس_مخسرانه شي غسلي ايديج بالتراب وتعاي وراي
سلي_ماشي
راحوا للحديقة يغسلون بالتراب دخلت جوه سلمت على جدي وجداتي ورحت للغرفة أبدل بعدني جاي أبدل ودخلت سلي مبتسمه
_شعجب ماسبحت
_مابي حيل أسبح عود بالليل
_متغدي
_الحمدلله
_اخاف جوعان اسويلك أكل تأكل وياي ع الواهس
_شنو مامتغدية
_لا
_شعجب ليهساج ماماكله
_مو كعدت بـ10 وتريكت بعد وين اخلي
_اي سوي وجيبي للغرفة
_تدلل
طلعت كملت تبديل وكعدت بيدي التلفون دازلي رسالة رقم غريب هذا الرقم صارلة 4 ايام يراسل ويهدد فتحت الرسالة ابتسمت من قريت المكتوب
_انه وياك والزمن طويل هجرس
رديت
عرف عن نفسك وخل اعرفك منو علمود انتظرك طول الزمن
درت وجهي عالباب بعدما فتحته فطومة ودخلت سلي شايله صينية الاكل رجعت سدت الباب وراها وطلعت عفت التلفون من أيدي
_انطيني
_أخذها
اخذتها من أيدها وعفتها كدامي كعدت كدامي تضحك هاا تضحكين
_جديتي تحجي عليك يم جدي ههههه
_شمسوي
_روكي هههه
_هسه ابتليت على عمري جبت جلب للبيت
_اي وراح تأكل راسك أكل
_خوما جدي طبك وياها
_راد يطبك بس ابوك گال يحتاجلنه جلب حراسة بالبيت عاد خله وسكت جدة حلوة تحجي وتگول اي مو الهوش والجواميس والغنم والدجاج والبط والوز مكوم عدنه وجايبين جلب حراسه هسه
تشوف له واحد وتنطونه له
_ورطة من ورطة هاي
_اي هسه شلون فرقد أني حبيته للجلب
_حبيتي
_اي حلو وكيوت
_حبيبي شرشبيل شلون حبيت جلب وانت تحب البزازين هههه
_مايكعد حظي وي البزازين
_تذكرين بزونتج لنطتج عمرها
_اي وقبلهم بغداد جبت تلاثة وهم ماتوا
_عوذة منج تكرطين البزازين
_اي اكرطهم عاد توبت بعد ماجبت بزونة خطيه شنو ذنبها تجي يمي وتخلي راسها وتموت
_مكرودة
_اي والله وانت هم مجرب حظك وي الحيوانات
_اي جربت حظي وي الحياية وكلهن ماتن للاسف
_هاي شوكت ربيت حية
_ربيت هواي حياية بحياتي وهسه ولا وحدة عندي اكو هواي تراقب بي وتريد تقترب وانه اخاف عليهم يقتربون صوبي ويموتون
_يمة هاي وينهن فرقد اني اخاف من الحياية
_مايخوفون
_يمة يخوفون وسمهم قاتل أني أخاف فرقد لايكمز علينا من الشباك عربيد لو حية وتاكلنه
_علمود املص ركبته
_لا تحجي هيج والله أخاف
_افاا عليج تخافين وانه زلمتج
_اي مو يخوفون هذولة وبيهم سم قاتل وفتاك
_تره موقصدي ع الحية الأصلية قصدي ع الحية بهيئة بني آدم
_واني الثولة عبالي صدك تحجي ع الحياية الحقيقية
_ماكو فرق يلا سمي
صارت تاكل كملنا اكل شالت الصينية كمت بيدي التلفون وطلعت خارج الغرفة صعدت لغرفتي الثانية صاحت وراي
_وين
_عندي شغل اكضي وأرجع
ماردت صعدت وصلت لغرفتي فتحت الباب ودخلت سديته بهدوء وعيوني متركزة بالتلفون اقرا بالرسائل شخص مجهول مادام يعرف بأسمي
الثاني هذا مو غريب ويعرفني حق المعرفة
كعدت اراسل بي
طيب منين تعرف أسمي الثاني اذا غريب ؟
_اعرف ابسط الامور عنك
_مو غريب انت
_ غريب بس اعرفك حق المعرفة وراح اندمك
_ههههههه
_اضحك راح يجي يوم اخليك تبجي دم بي
_تعال وبجيني دم عليش خاتل وره الكيبورد وتلغي زايد الزلم من تحجي وتهدد تجي وجه لوجه مو خاتل مثل النسوان وره كيبورد
_هذي هم محسوبة
_جبان
بسرعة دزيت رقمه لذياب
ذياب اريد كافة المعلومات عن صاحب هذا الرقم حالا
_تمام
بقى يراسل ويهدد اقرا بدون رد مرت ساعة كاملة أتصل بي ذياب وفهمني منو صاحب هذا الرقم طلعت مره من بغداد عمرها 60 سنة
_ مره عجوز صاحبه الرقم
_هذا الرقم للمره بس بأيد شخص ثاني يراسل منه
_اي
_تمام
_ أي مساعدة تريد أتصل بي
_ماتقصر ذياب
_خادم الك حبيبي
_خادم ربك عزيزي اخذ راحتك
_لحظة فرقد
_أمر
_مايمر عليك ظالم بس أختي الصغيرة ماعرف شبيها
_شبيها
_سابحة المغرب وتگول اكو شي يركض وراي ويضرب بي ويخنكني تالي الليل ماتعرف شيخ مضبوط علوية مضبوطة يمكم بديالى بغير مكان
_باجر جيب أختك وامك وتعالوا يمنه باتوا انا اعرف شيخ مضبوط خل بسويلها جلسات وان شاء الله ترجع انسانه طبيعية
_والله
_اي والله تعالوا باجر عدنه وانه بأيدي اوديك لبيت الشيخ
_ماعرف شلون اشكرك فرقد والله عجزت امي وانه عجزت شكد شيوخ وسادة وعلويات ودينه ونفس الشي ماكو تحسن بلكت الله على شيخكم تتحسن
_بحيل الله واهل البيت (ع) والشيخ راح تتحسن
_ان شاءالله
ترخصت منه ورجعت شفت الرسائل دز رسالة خلتني اشك بحنين لان بس هي تعرف شصار وياي بذيج اليلة من تخربطت وردت اغتصب سلي بيها
حتى بارق ومناوي مايدرون بالسالفة ولاجديتي جوري ولا خديجة علمود اگول حجوا لشخص ثاني من الأقارب وجاي يستفزني بيها ويريد يشهرني
_راقب التيليكرام
رحت ع التيليكرام تدز صور عرسي انه وحنين والعائلة كلها وصور عرسي انه وسلي وصور العائلة كلها وصار يستفزني بيهن عود راح انشر عرضك اذا مادفعت 120 ورقة دولار
ابتسمت لأن الثولة من جابت طاري سالفة تحرشي بسلي ودزت صور عرسها وصور عرس سلي كشفت نفسها وثبتت كل الأدلة ضدها سجلتلها بصمة صوت
_حنين وين تردين توصلين بالضبط تردين طلاقج لو تردين موتج هي وحدة من الاثنين لو بزعانة من رجلج لو بزعانة من الحياة وتردين اموتج بديني
شاهدت البصمة بس ماردت فجأة نحذفت الرسائل بلمح البصر رجعت اتصلت بالرقم طلعلي مغلق اكيد كسرته من نكشفت بنفس اللحظة
دزيت رسالة لعدوية ع الواتس
هلأ عدوية شلونج اريدج بموضوع مهم ردي بقرب وقت كان
بقيت انتظر عدوية فوك ربع ساعة يلا ردت
هلأ فرقد احجي شعندك
_شنو اسم ام زوج حنين احمد
_ابتهال خلف ليش تسأل
_تمام
_مجاوبت ليش تسأل
_باوعيلي وصلي هالكلام لقسمة ولحنين گليلها كشفتها تراسل من تلفون عمتها وتهددني بنشر صور زواجي وصورها وتطلب فلوس بس والله اله اندمها وانزلها اسفل السافلين على دكتها الناقصة هاي
_شلون
_انه الها انطيتها مجال انجلبت عبالها من خانتني عفتها ماسويتلها شي وگالت هاهي ماراح يسوي شي بس والله اله اندمها اروح لبيت عيالها واعلمهم بالسالفة كلها
_متأكد هي اخاف غيرها مو هي
_جاي اگلج هي ماكو غيرها
_ادري هاي انجلبت خوما انجلبت
_هي مجلوبة من يوم يومها بس ماكو رجال يوكفها عد حدها وانا راح يوكفها عد حدها بسيطة انه الها
بقت تراسل بي وتتوسل ماروح لبيت عيالها واعلمهم بالسالفة والله رجلها يطلقها وهي مالها احد راح تصفى بالشارع وتروح للملاهي لا تنسى هاي عرضك
ومن هالكلام مانطيتها مجال وحظرتها
دمي فار عليها مو شلون كلشي حسبتله حساب اله تهددني ومسويه روحها رجال وتدور فلوس وتهدد بالقتل طايحة الحظ
خليت وطلعت بيدي التلفون نزلت جوه بوجهي للغرفة دخلت شفت الغرفة ظلمة وسلي نايمة ماعرف شكد بقيت احجي وي عدوية شغلت
الضوه شفت ساعة بـ5 العصر رحت على سلي دنكت عليها بستها بخدها رجعت بست كصتها وبست شفايفها بسرعة شبكتني من ركبتي باثنين ايديها وفتحت عيونها تضحك
_حرامي البوس ههههه
_هههه كاعدة
_اي تأخرت هواي شعندك ولك تحجي وي غيري
_منو تسوى احجي وياها غيرج انتِ لعابتي
_لعد ويامن تحجي
_شغل بالمركز
_هاا تعال نام هههههه
جرنتي كل قوتها تريد توكعني فوكها
بس اوكع فوكج اكسرج ههه
_عادي دنطيني مجال اااه ولك اوكع شبيك يابس اوكع
_ماا
_على اقل اوكع وسويني قوية ليش تطلعني ضعيفة كدامك
_هسه شلون نبقى هيج مجلبه وتعتين
_اي اوكع يلا
_تدللين
وكعت نفسي فوكها راسن وكعت وصارت جواي وما شمرت ثكلي عليها بقت مجلبه بركبتي وتضحك
_ مخبله
_هاا مو قوية وكعتك بطولك ههههه
_واضح قوية حرامي الورد
_وانت حرامي البوس تخليني نايمة وتسرق بوسه
_اي
قربت وجهي على وجهها اريد ابوسها بشفايفها فرت راسها تضحك مانطي بوس روح ههههه
_غصب عنج تنطين ديري وجهج ولج
_ماا هي كوه هههه فرقد عوفني هههه ولك عوفني
صرت ابوس بركبتها وهي خربانة من الضحك شالت ايديها وصارت تدفع بي رجعت ادغدغ بيها موتتها من الضحك صارت تبجي من الضحك يله عفتها
_هيج احسلك شرشبيل
_موتتني شبيك ماتشوف دموعي
_دموع الفرح هاي ههههه
كامت تمسح بدموعها فجاة جيتت فوكي دغدغ بي وانه كاعد اباوعلها ومبتسم مااغار من واحد يدغدغني استغربت لان هاي اول مرة الها
_ليش ماتضحك
_مااغار
_لابشرفك وماتضحك اكيد تجذب عليه ارفع ابطك خل ادغدغك
رفعت ايدي الها
يلا جربي
جربت نفس الشي ماتحسس بقت تباوعلي مستغربة
- انت شنو ليش ماتحس
_ترى عادي هواي ناس ماتحس
_لا مو عادي
_والله عادي امي ماتتحسس وانه طالع عليها
_والله
_اي والله
_هاي حلوة بيكم مو مثلي اقل زلة اخرب
_اي
استغليت الفرصة صافنه بي وبستها بشفايفها بعدت عنها من رن تلفوني كمت بسرعة شفت المتصل رقم غريب فتحت خط
_الوو
_هلا فرقد شلونك
_نعم منو حظرتج
_قسمة مرت عمك جدوع اريد احجي وياك وليدي
_بخصوص صخام وجه بتج تحجين وياي
_ادري بسالفتها ماتنغفر بس عليك الله لاتفضحها والله يطلگها رجلها وين تروح ابوها متبري منها واخوانها هم مالها احد غير رجلها ابوس ايدك رجلك عوفها
_بتج وحدة عايقة وبربوك الساقطات امهات الملاهي ما يسون سوايتها القذرة وياي گالتلج شجانت تطلب مني وتهددني بالقتل وتطلب فلوس مني
_والله ندمانة واتصلت بي تتوسل
_الكحاب توب وتتقي الله وبتج ماتوب من اعمالها القذرة
فصلت الخط بوجهها سلي كامت تباوعلي مستغربة كلامي
_فهمني شنو السالفة
_السالفة حنين العايقة صارلها ايام تراسلني من رقم عمتها وتهددني بالقتل وتطلب فلوس مقابل ماتنشر صورها وصور عرسي وياج
_هاي شنو من بنية
_عايقة
_حسبي الله ونعم الوكيل بيها كل لسوته بيك ماكفاها نوب تهدد بالقتل وتريد فلوس
_تريد تموت وماتعرف شلون بس انه الها اذا مافضحتها فلا اطلع فرقد
_افضحها ولا تسكتلها
_هو هيج راح اسوي
_دير بالك تروح بنفسك لبيت عيالها گول للكل على عملتها وخل يتصرفون وياها
_هو هيج راح اسوي
طلعت بره طلعت وراي طلبت كل العائلة علمود اعلمهم بسالفة حنين الكل كعد وحجيت السالفة وتهديدها جدي تخبل خبال وصار
يغلط ويفشر عليها واتصل بعمي جدوع وبكل عمامي واستدعاهم للمضيف ماكو ربع ساعة والكل صار بالمضيف وكاللهم بسالفة حنين تخبلوا وعمي جدوع حلف اله
يجيبها للبيت ويكتلها اخوانها تخبلوا من سمعوا هيج مسويه بي وشوفتهم كل الرسائل ورقم عمتها عمي ايهم راح وي اخوانها علمود يجيبونها من بغداد هسه ما وكفت بطريقهم
أبد كل خل يجيبونها ويكتلونها علمود تصير عبرة لغيرها
وره اذان المغرب اتصل عمي ايهم وگال ماكو ماموجودة بالبيت وبيت عيالها
موجودين سألنه
گالوا شايلين من زمان ومحد يعرف بيهم وين
جدي تخبل وكال جيبوا قسمة هسه هي تعرف بمكانها وين صاير جابوا قسمة تعيط وتبجي عمي جدوع كافر بيها كفران
نزل بيها تحقيق جدي حلفت كلام الله ماتدري بمكانها وين صح تتصل بي وتراسل ومرات تشوفني بيت خواتي بس والله مادري بمكانها وين صاير
راد يجي يضربها عمي جدوع منعته لان صدك ماتدري بمكانها
هجرس _عوفها عمي
جدوع_خلني اذبحها هالساقطة شلون تلتقي بيها بدون علمي انا مو تبريت منها شلون سوت كلمتي مثل لبس النعال عدها خلني ادبها هجرس
حلوة_گلب ام ومايكدر يحقد على ظناها عوفها ولك تخبلت
جرتها امي وسلي للغرفة قفلوا الباب عليها بقوا يمها بغرفة جديتي جوري والكل انخبص عياط وصياح على حنين واتصلوا بعدوية
عدوية گالت
طالعين لسليمانية العصر ومن السليمانية يطلعون لايران وحسب علمي راح يستقرون هناك وبعد مايرجعون للعراق
عيدان _شنو يدرون بعمله حنين واخذوها وهجوا
عدوية _لامايدرون بس ابنهم الصغير مسوي مكسورة وي وحدة واهل البنية دارين وجايين عليهم هداده وهم عايفين الاكو والماكو وهاجين
عيدان _بالخير علينا انطينه بتنه الساقطة لعالم ساقطة
عمي جدوع تخربط بطوله الكل انخبص بي يصحون بي مايصحى شلنه بسرعة ونقلناه للمستشفى طلعت ضاربته جلطة
هاي صار جلطتين من وراها موت عمي جدوع على ايد حنين راح يصير لامحال يوميه وعمي جدوع بالنعاش وحالته خطرة والكل متحلف بيها وحلفوا كلام الله بس يلزمونها يذبحونها ع السوته بيهم وبيه وانا حلفت ماخلي احد يكتلها غيري لو انه اكتلها لو ماخلي احد يكتلها
مرت 3 ايام وحاله عمي
جدوع أحسن صارت وطلع من الانعاش يهذي بأسمها
ليش يابة نزلتي راسي بيش قصرت وياج حنين
نايم ويهذي بهالكلمات وعيونه يكدن دموع ولده كلها تبجي لان جابت العار الهم ونزلت هيبتهم وهيبه العائلة كلها اباوع لجدي كاعد ويشرب جكاير بعصبيه
لو يلزم حنين بهاي الحركة اله يسويها أربع وصل
اجوي ربعي الضباط كلها للمستشفى يطمنون على عمي بعد ماطمنوا عليه جرني على صفحة ذياب
_ماكدرت بعد امر بيك واطلب رقم الشيخ علمود حاله اختي
_وانه هم نسيت والتهيت وي عمي هسه انطيك الرقم وكله من طرف فرقد وائل موسى وإذا طلب اكثر من جلسة على حالتها لا تترددون وتعالوا باتو عدنه
_ان شاءالله
_وصلك الرقم
_اي وصل مشكور ماتقصر
_تدلل عزيزي طمني عود من يرد عليك
_ان شاءالله مرخصتك
_مرخوص الله وياك
راحوا ربعي رحت على جدي اخذته ورجعنا للبيت خطية حالته حاله صارله 3 ايام مكابل عمي وكاعد بس بالليل يرجع وثاني يوم من الصبح عنده
خل يغزر بيهم كل هذا التعب والحب من جدي وهم يحجون عنه ليل ونهار المفرق بس لفرقد ولوائل حالة وماله لفرقد الله شاهد عليه كلشي ما ماخذ منه
هو مرات بجيبلي هداية لو يتكلف بشغله اخاف ماقبل اخذ فلوس يفشلني كدام الكل بكذا شغله انه اتكفل بمصاريها من تخرجت من كلية
الشرطة راد يجيبلي سيارة
من سمعت حجي كلتله ماريد انه اشتريها من تعبي عركة انه ويا وماخليته وهاي كلما استلم الراتب انطي برغم عنده راتب تقاعد بس مايكفي
مصاريف له ولجداتي التلاثه
و مخصص الهن راتب تلاثتهن والعلاج كلها اشتري مافد يوم واحد من ولدهن فكر يشتري الهن كذا شغله لو جابوا علاج الهن لو خصصولهن راتب شهري
يجون يتبجبجون عدهن هم والبنات ماعدنه وماعدنه وكلهم حالتهم المادية زينة وفوول وصاعدين أرقى سيارات وافخم البيوت بانين
بس للأسف ماعدهم حنيه وغير بارين بأهلهم
والحمدلله والشكر ماطلعت عليهم وطلعت على جدي بار بأهلي وگلبي على گلبهم واحب واحترمهم وما فد يوم كسرت كلامهم وياهم وي الحق دائما أمشي
ثاني يوم الصبح ذياب جاب امه وأخته واخته المتزوجه هم وياهم عافهم عدنه وطلعنا انا ويه للدوام
بالدوام صارت بلبله بيني وبين المسؤول والضباط صرنا مالخ علمود قضية متهم يقرب للمسؤول هو ارهابي ومطلوب من سنة 2009 وقضيته عندي تعالوا سلموا كل الملفات وحذفوا الادلة اللي تضده وطلعوه براءة ماريد اي دليل يبقى عليه وانه بطريقتي احذف اسمه من الحاسبة
انه ماقبلت وگلت لو اخوي ابن امي وابوي ارهابي بايدي اسلمه للقانون مال احذف كلشي وانسى مستحيلة
بس تضايقوني رايح اشتكي عليكم بالوزارة بتهمة تسترون على المجرمين وتطلعونهم براءة
تحلفوا بي ومشوا ياسر وجواد ماقبلوا على تصرفي وگالوا تصرفك خطأ
ليش هيج سويت هم دولة هو مدير المركز كله ونص المركز تابع اله ليش تجيب المشاكل لنفسك
_هلا بالمشاكل
ياسر _خايف عليك فرقد
هجرس_من شنو تخاف
