رواية كفي والمنجمة الفصل التاسع والعشرين 29 بقلم الكاتبة Leo alfatlawi

رواية كفي والمنجمة الفصل التاسع والعشرين 29 بقلم الكاتبة Leo alfatlawi

كفي والمنجمه

للكاتبه leo Alfatlawi

بارت التاسع والعشرون

كاعدين كلنه على العشه دخل احمد سلم وكعد

مؤتمن فاتح جدو بالموضوع على مشيه باجر جدو شال راسه معترض تهاني

ورجاء اثنينهن ضحكن بس الضيع الضحكه من كال احمد شنهو باجر المشيه چالبالي تمشون وياي باجر العقد مالتي

شال راسه جدو متعجب ورجاء طكتها ضحكه لبالها ديجذب

كلهم ابجهه وعيني جانت على مؤتمن اريد اشوف ردت فعله شنو من يتزوج على اخته

اباوعله اصلا مويمه السالفه امدنك يكمل اباكله كأنما يعرف مامتفاجى بالسالفه

جدو. وعليش يبوي تتزوج اشبيها حرمتك

احمد. مابيها شي بس اني رجال اكدر افتح بيتين وحرمتي كاضيتها يم اهلها من حقي اتزوج هم اريدلي وحده اتساعد امي

رجاء. سنهوووو يعني صدك ناويها يااحمد والله اشعل امك اذا اسويتها

--شنهو كلتي ولج كالها وكام دفرها

طفر مؤتمن سحبه دفعه للجهه الثانيه كله اتريد تتزوج ولي لتزوج محد يمنعك بس اتمد ايدك عليها اكسرها الك

--اتجيب طاري امي اكسر راسها مو بس امد ايدي مؤتمن اختك اهواي تتجاوز واسكت لخاطرك بس وصلت حدها

--متربايه احسن من تربيتك بس اكيد ردت فعل ماقاصدتها ويلا ولي اشوكت العقد مالتك عود بلغنه نجي

جانت رجاء واكفه صافنه بعد ماسمعت مؤتمن مااعترض كعدت وكامت تلطم ملخت روحه تمليخ يردون يكمشوها ماكو احمد خله وطلع وهيه ذبحت روحها ورا

كامت اتشيل روحها وتركعها بالكاع وجهه خلته اخيوط من الطم كعد يمها مؤتمن سحب اديها وحضنها حيل ميريد تاذي نفسها اشكد حجه وياها رادها بس تسكت وهيه اتنوح

-- بس منعه والله اصيرله خدامه بعد مااتجاوز لاتخلي يتزوج ولك مؤتمن اموت مااكدر اشوف وحده ثانيه ويا

--خويه خليج يمي عوفج منه هذا ناويها ومكمل شغله بعد مااكدر امنعه هذا بيتج لاترجعيله عوفي يطكه مرض البايعج بعي لاتهتمين

-- كله من مرتك چامنيله افلوس يتزوج لو ماتنطي

شال مؤتمن راسه يباوعلي كلتله منيلي عزا لو شكو مصيبه اتذبوها ابراسي هو شامبو اسبوع ماخليت بشر مااتوسلت بي يالله جبتولي انوب ازوج

--- والله هيه الي ملت راسه كله منها هيه الدكتله صدر احمد ميسويها يحبني كالتها ولطمت ودكت كلما راد يسيطر علها مؤتمن ماكدر

خلي اتحس بطعم الشريجه اشلون لو بس همه اوادم يحسون والباقي هيج بلااحساس

كعدت على الدرج واتفرج شافيه غليلي لبالهه ميجيها يوم مصطفى واكف يمهم كوه كامش روحه لايضحك باوعلي وغمز دنكت عن لااضحك وانفضح

كل صوت جانت تصرخه يطلع من كلبها اخر شي كامت اتصيح طلكني مااردله مؤتمن يريدها بس تهدء رد اطلكج

عمتي عود واكفه اتسكت بيها طاحت اغمى عليها عاف رجاء وركض شال امه راد يصحيها ماكدر صاح مصطفى الحك شغل السياره

--دشمر عليها مي تصحه لاتخاف

--ولك اركض راحت الحكني يخووي

--طالع كدامك بس شيلهه يلااا بسرعه

من خبصتهم نسو مفتاح السياره اخذته وطلعت وراهم مؤتمن واكف يضرب بخدوها يريد ترجع لوعيها ومصطفى اخذ المفتاح كلتله مصطفى وين بيبي حتروح

-- اتروحج فدوه شكو شبيه صبوحه

--مو هم متخربطه

كاطعنه مؤتمن وهوه يصرخ فضلها ولللللك تالي عافو بيبي وراحو

رحت لغرفه بيبي لكيتهه اتون

--بيبي اسويلج مي وملح اخاف هابط الضغط

--لايجده من ضيم افريخات معتصم راح يجلطوني

--عزا اشبيهم افريخات معتصم والله احنه احسن افروخيات بالعشيره

جرتني سماح كالت غزل عوفي الجمع اشتغلي عالفردي لطمتي باللغه

--خبرتي مكرم

--اي ولج غير لكيته طاير ماخال لاشيخ ولاسيد مارايحله كال راح اجيب مشيه اتلوك بيها

--يمه فديت ابن عمتي تعالي انروح يم هيفاء خلي انشوف شنو شعورها

--يااا غير رجاء يمنه اتروح تاكله ابروح ابوج غزل مالج ايد بالشغله

--ولي لج غير اني خطبت بيدي رحت وين عمه ام مصطفى

--والله شكيت بيكم انتو من اتصفون سوه اتسون كارثه يمه اذا دره مؤتمن شيخلصج

--مراح يعرف بس سكتي ونصي صوتج بيبي نايمه تعالي نصعد فوك

طلعنه لكينه تهاني بيدها مي وتركض للغرفه مالت هيفاء عرفتنه رجاء متخربطه عفناها وكلمن راحت لغرفتها لبالهم مايجي يومه

دخلت غرفتي اخذت دوش وتمدتت نمت ماكعدت غير على لمسات مؤتمن يمشي ايده على ضهري اكلبت خله راسه بحضني وعصرني خفت كتله شنو بيك مؤتمن

-- ماكو شي حبيبي بس تعبان اريد ارتاح

--صدك حطلك رجاء

--لايابه شطلكهه ماعدنه بت تطلك تبجي كم يوم تبرد وترد والله عجيبه انتن النسوان شراح ينقصه الزلمه واذا اتزوج

--شدتحس من دتحجي هيج تره مثل ماانتم اتغارون على نسوانكم نفس المشاعر عدنه احنه لويش متخيلين الشغله سهله مااعرف اشلون دتفكرون ؟يعني هسه انته مراح تزعل من احمد وتاخذ اختك بعد متردها

--لايابه من حقه رجال الله منطي صحه ومتمكن والله محللهه الله عليش اعترض يجوز اتزوج هم راح يجي ياخذج ويكول اختي

--عزززا ابعيني تتزوج بعد لويش ماكافياتك 3

--وين 3 بس عدد ومحسود عليهن اشو اني ماشايف بس هالغرفه حسره عليه عيني اتصير على باب غيرها يجيك الرد السريع يعميها

--اي لعد خليها ابالك اذا اجت الرابعه مو بس عينك حتى رجليك اخليك اتعاني من شلل رباعي

--عوفج من الرباعي وتعالي اكلج شغله

--شنو مؤتمن تره تعبانه ونعسانه وخرر

--منو جاي صوبج بويه بس خلي اشوف هاي الحمره نفس طعم البارحه ------

العصر كلنه متحضرين للمشيه ومخبوصين وعمتي وبتها نايمات شادات روسهن مرضه من الهبطه

وانوب اجه احمد شاك حلكه الدنيا مالامته حتى ماسال عن رجاء الفون بيده ويراسل عرفته وياها

خطيه اخوي خلي يشوف الفرحه اشويه مضلوم بأاخت مؤتمن بس مؤتمن جان ضايج يباوعله ولعبانه روحه منه نسه ايام تهااني

هيفاء واكفه بالباب وعينهه بالشباج اتروح وتجي خلصت اكل اضافرها من التوتر انطيتها ايدي صفنت كالت شنو

--اوكليهن حبيبيتي رحمي ايدج راح توصلين للحم

--ولج غزل كلبي راح يوكف مامصدكه واخيرا راح اصير لمكرم اووف ياربي كون الايام تطفر يجي الخميس

--انطي صبر يجوز مؤتمن يعترض اتعرفي مزاجي وعلى ساعه يبدل رايه

--اسم الله غير اموت لاغزل لاتخوفيني حبابه

سمعنه اصوات هوسه ركضنه للشباج مالت المطبخ انباوع امبينين وصلو بدو يدخلون الزلم صدك مثل ماكالت سماح جايب الدنيا كولها ماخال شيخ ماجايبه عالم كومه بحيث ماكفى المكان

جانو ناصبين جادر بره هم كعد بي عالم دخل مكرم الله يحفظه لابس زي عربي طالع يجنن

هيفاء شافته ساحت مكانها سحبتها للطباخ كلتلهه حبيبتي الجاي بنتضارك مووكت صفنات

--ولج سكتي شفتي اشلونه يمه

--عزا البت راح اتموع ولج الجاي احترك ركضي

مصطفى. خويه كلشي لاتسون عدنه كهوجي بس حضرن الضيافه

احمد. وين هيفاء خويه حضري روحج وره المشيه العقد

--لويش غير يااخرو حتى انسوي حفله

--لاامبين مكرم مستعجل يخاف يردون بچلمتهم مؤتمن يكول خلي اتحضر ابسرعه لان جايبين حتى السيد

--يلا لعد هسه ابسرعه يلا هيفاء

--ولج غرل اشلون الحك

--دتعالي للغرفه ابسرعه انلحك اهواي ساعه

ركضنه للغرفه مخبوصين مااعرف اشلون كملنه بس متنه تعب

واكفين وره الباب بدى السيد يعقد اجه ابالي اول مره عقدت على مؤتمن اشلون جان كلبي يدك وخايفه ضحكت من اتذكرت عصر خصري لان اتاخرت بالرد

كملو عقد وبدت عمتي ام مكرم وسماح بالهلاهل طشو الجكايت اجواء اتخبل

-- سموح وين مكرم ميدخل

--ياا وين اول ماخلص طرده مؤتمن كله لاتجي منا للزفه

--عزا امسويله حرب اعصاب

---هههههه اي ولج طلع يسب بي بس يلا اهم شي صارت النه ماضل شي للخميس

بلشنه تحضيرات للعرس عمتي ورجاء ماخلن ايدهن حتى تهاني من فوك اتباوع جانت ماعاجبها الوضع

عمتي ام مكرم ماخلت شي ماجابته لهيفاء ترستها ذهب من غير النيشان الغرفه جابتها صور وختارتها

طلعت هيه وعمتي اجر بدلات واشترو التحضيرات اشكد اتوسلت بمؤتمن اروح وياها ماقبل گال وصيهن شنو تردين يجيبلج وياهن

قبل الحنه ابيوم طلعت تهاني ورجاء اشترن فساتين للعرس ولااتكول رجلهه راح يتزوج يومين نست السالفه وعادي خفت سوت شي وراح اتأاذيهم لان جان وضعها موطبيعي مرتاحه وتضحك شكيت بيها

جده اصرت تعزم بيت علوان للعرس اشكد اعترض مؤتمن وحذرهن بس هنه جان عدهن غايه من هاي العزيمه سماح اتكول هاي فكرت جدتي

--لويش يعني شنو اتريد بالضبط هاي

--اتريد اتقربهم منه كاتله روحها هيه وجدي على نسبهم ميتين على زواج مؤتمن من بتهم يردون الشيخه منهم هذا حلم حياته لجدي

--اذا سوها مؤتمن ورح بابا هالمره اعوفه وماارجع لو يموت

--والله اترجعيله مترجعليه من توصل لشغله الشيخه جدي مستعد يدفنج وعرسه بس امتاني الشيخ ينطي كلمه

--يعني مؤتمن اموافق

--لاطبعا وهو مبتعد عن هيج شغله وخايف الشيخ يهديله بته وساعتهه ميكدر يرده ويدري راح اتركي واذا جاب عليج مره متشوفي اليوم اتعارك ويه جده لخاطر متعزمهم ميريد تتطور العلاقه كلماجاي يبعد روحه عنهم عوفج منهم هسه شراح اتلبسين باجر تره جايت الحبابات

--مااعرف مؤتمن داك رجل مااطلع كتلي ولااتگليله اطلع امنيته يحبسني بالغرفه حتى جوه ماانزل

--اني راح اطلع وفتح كامره وياج واختاري التردي

--ماكو غير هذا الحل لان مؤتمن قافل فدوه شنو حلو جيبيلي

--انتي اختاري خيه مالي شغل اني لاتبليني ويه مؤتمن

--اجيبلج افلوس لوتاخذين من مؤتمن

--لاهسه رايحه للغرفه هم انضفهه واخذ منه افلوس

--لعد اشلون اتخبريني ماعندي فون ومؤتمن بعده ماقانع يرجعلي فوني

--وين نقالج

--يقى يم احمد ولكيته امبدل الشريحه استحيت اكوله رجعلياه

--جاخلي يمج نقال هيفاء ماكو غيرها

تمام اشوكت ترحين

--ساعه واطلع يلا ردي لغرفتج ولاتضلين اهنا تراهن حاميات اخاف اطلع ولنهن طاكاتج

طلعت سماح واني صعدت غرفتي اتمددت

الضهر مؤتمن ينام بغرفتها وخاصه اذا عنده هم او مشكله لازم يروحلها مااعرف طبيعه العلاقه البيتهم مرات اشك ذوله موزوجين مثل باقي البشر اشو مااشوف بينهم مشاعر متزوجين يعني الي يشكليها مني وهيه تتقبل الامر وتنصحه اشلون يعاملني مستحيل اتكون زوجه وتغار على رجلهه علاقتهم اتحير

بليل ابغرفتي تهاني مطيريها من الجدول

وصلت سماح اتصلت بيه على جهاز هيفاء

افترت على كومه محلات ماكو شي حلو لوطويل اومنفوش

واني كلمااتذكر راح يجن نسوان الشيخ ادقق بالبس اكثر اريد شي كون محد تتجرء اتلبسه اريد ادق ناس وأيسهم من مؤتمن

هيه تفتر وافاحه كام وصلت يم بدله مفصوله تنوره قصيره كلوشه ومن فوك مثل الستيان اشويه اعرض متصلات من البطن بنجمه

كلتلها هاي

--غزززل هاي شنوو غير مؤتمن يعلكج من شعرج عقلي

--لاحبابه والله حلوه

--لاشوفي هاي مثل السمجه حلوه

--هاي مومال حفلات امقبطه

--ماكو لوهاي لومااجيب لاتسويلي عركه ويه مؤتمن الف مره وصاني كون مقبطه ومستوره

--روحي لعد مااريد حتى الحنه مااحضرها يلا كلتها وقفلت الفون

قررت مااحضر الحنه

رجعت لغرفه هيفاء اسفط بغراضها احضرهن بالجنط وافكر بمؤتمن ومرته نفس الطينه من هيج متوالمين نفس التفكير الله خالقهم قطعه وحده

خلصت ترتيب الجنط دااضم الاحذيه عجبتني وحده منهن سوده صيفيه بس بيها قيطان ليفوك كولش حلوه عزلتها اخذها خلي تشتري غيره اهواي مشتريه اشياء اخذت كم شي كلت هيه تطلع مكرم حباب مومثل مؤتمن معقد خلصت الترتيب وخذت ذني دااصعد صارت رجاء ابوجهي نزلت هيه وتهاني يضحكن باوعتلي كالت شنو هم ماخلاج اطلعين

--امم يغار ميريد واحد يشوفني قابل مثل غيري اتكول زلم يخليهن يطلعن وحدهن لان يعرف محد يكلبهن

--ضلي قنعي ابروح گولي مستخسر يخسر عليج فلس خالج جريه بس للنوم يكضي وياج ايام لحد متجيب مرته چاوين يروح سوده عليه كلك اخلصهن بيها

--اكول ولي عن طريقي يگضي ايام ميگضي المهم تالي اليل ينام ابحضني مومثل باقي الناس ينامن سوه وحده اتواسي الثانيه على مصيبتها

--لايگلبي عايفته بمزاجي واحنه ام جهالهم يعني الاصل الباقين اهنا موكم يوم يخلصون نزوتهم ويشمرونه

--عود ميخالف خلي تخلص النزوه اول وبعدين فكري بهاي السالفه ياخوفج النزوه اطول عمر كامل

دفعتها وصعدت لان اهواي تلغي مالي خلكهه دخلت غرفتي رتبت الغراض بالكنتور رن الفون مكرم ردت اول كلمه كالها ها روحي وينج اني بالباب

--عزا ياباب مكرم ولك ماهيه هيفاء

--انعل-- ولج شكو جهاز مرتي بيدج والله كمت اخاف احجه كلمه ابسبتج اتخيل اطلعن ابوجهي

--عوفك من وجهي مراح احضر الحنه

--اها عليش يابه متحضريها

--مؤتمن ماخلاني اطلع اشتري واختك مترضه تشتريلي الااريده اتريد تشتريلي فستان بيبي متقبل بي مواني

--وينها سماح انطينياها اني احاجيها

--ماكو طالعه بالمول

--روحي بويه اخذي الناقصج من هيفاء واني هسه اخبرها انجيبلج التردي ولاتضوجين روحج كم غزل عدنه يابه تامرينه انتي

وجهاز حرمتي بلكي بعد ماتردين عليه اذا متردين اتسمعين شي خارج القانون

--ههههههه لاهياته حقفله لمن تجي يلا باي لحك خبر سماح قبل لاترجع

اشكد بطران يكلي اخذ هو اني اخذت شكو شي حلو من مرته لباله امتانيته

سفطت العطور بت شعشبونه والله ذوقها حلو خليت اقلام الحمره والماسكات ويه غراضي

اتراكات كم واحد هم ماخذه منها سفطتهن اخذت واحد دخلت للحمام سبحت ولبسته واكفه امشط شعري اسمع سماح اتصيحلي من جوه لفيته ونزلت لكيتها دتدخل غرفتها رحت وراها شمرتلي العلاكه واتباوعلي صفح

--شكو اشبيج

--غزيلان اني مالي دخل لاتوكعيني بمصيبه ويه مؤتمن ولج تشكيني لمكرم اتخلي ينزل عليه بنص السوك

--لعد تستاهلين اكولج اشتريلي متقبلين انتي ومؤتمن طينه وحده نفس العقده

--امداج نفس العقده لو انخاف عليج من العين غزل اذا شافج مؤتمن بهذا البس يحركج ولج حتى من اشتريته استحيت من الزلمه اخذته بدون لايشوفه ولفيته بالعلاكه ولج يخزي شورت وستيان مقتنعه انتي

--امم مقتنعه بس انتي لاتفتنين لمؤتمن ومالج شغل وهنه بس نسوان لويش هيج كاتلين روحكم

--اكو من الي يفتن ومؤتمن اذا سمع ميرحمج لان حذرج تره النسوان راح توصل لزلمهه واتسولف عنج اهناك على گولت مؤتمن حتى راح يتخيلوها ابحضني اشلون راح اتكول مو بس يتخيلون شكلها

--تره كولش اوفر على فكره انتم عوفج من مؤتمن هذه الثاني شنو

--بلكي اتبدلين رايج وتقبلن اتلبسي

--عيع هذا انطي لشعشبونه اتلبسه يلا حبابه ارتاحي وحفيلي وجهي اكيد مؤتمن ميخليني اروح للصالون هاي الشغله متاكده منها

متمدده على الجربايه وافكر بت الشيخ اشلون اخلص منها صدك هاي اذا ابوها هداها لمؤتمن ميكدر يرده عزا غير اكتل روحي اموت بساعتهه

اشلون اخلص منهم ماكو غير ابين مؤتمن كاتل روحه عليه وميشوف غيري لان مستحيل اخلص منهم بلكي يحسون ويبطلون من وحدهم بلكي باجر اكدر اخليهم يأايسون

اجت فكره ابمخيلتي كمزت للميز على السريع قبل لايوصل ضربت تخم مكياج وغيرت ملابس افضح شي لبسته همزين عطور هيفاء جبتهن هسه يفيدن هذا وقتهن

سبحت بالبودره والعطر بعدني اصبغ بضافيري دخل اول ماشافني ضحك كال شكو اليوم منهو داقج غزل

عزا هذا الرجال كاشف كل لعبي رديت ماكو بس هيج دااكضي وقت سويت روحي مامنتبهتله دااصبغ

شمر سلاحه عالميز اخذ المنشفه وراح للحمام بين مكملت الصبغ بعدني دااكوم انرفعت شالني ويضحك كال تره جاي تعبان لاتفكرين بشي شمرني عالجربايه

--شنو مثلا افكر كلتلك داتكضي وقت

ضيك اعيونه كال متاكده مامتلاغيه ويه وحده منا منا

--هئ وبعدين تره عادي من اتكول تعبان اعرفك قبل لاتحجي تره هذا اثار التقدم بالعمر حقك عاذرتك رجال صارلك سنه من دخلت الثلاثين جماعتك ودعو من زمان

اعرف هاي نقطه ضعفه من اتكله انته جبير يتخبل يخاف افكر بغير شي يتسودن من هيج شي

مااعرف لويش ديحس هو اهواي اكبر مني يعني استوه دخل الثلاثين لويش جبير وخايف احس بهذا الشي

اعرفه ميفوت ليله مؤتمن ويكعد عاقل بيها بس جان حاب يغثني تالي الاايه انكلب عليه صح محد طاح حظه غيري وشبعت عضات بس هوا هذا الاريده اتحملت ---

كمت لفيت روحي بالجرجف الجربايه رحت للحمام باعت جسمي مابي اثر اهواي وهذا الشي ميفيدني جنت ناويه على اكثر

سبحت وطلعت لكيته يكلب بجهازه اتمددت يمه باوعلي ابتسم ورجع يكمل بالجهز

--على شنو دتضحك الي يشوفني يكول مامتزوجه اثر واحد يدل على الزواج ماكو طبعا اول عضه تتعب وخر سويلي مجال خلي انام

جنت احجي وكوه كاتمه ضحكتي اريد ابين جديه لان شكله من تحجي وهو صافن عاكد حاجبه متعجب

لفيت روحي داانام كال والله موصوجج عود كاسره خاطري واتعامل وياج بهدوء اكول خطيه متتحمل شو تعالي اعلمج على الزواج الاصلي اشلونه

سحبني وعيني متشوف اله النور خلاني اصيح التوبه اذا حجيت بعد كلما ردت اخلص نفسي ماكدرت من صدك خلاني اندم واتوب بعد افتح حلكي

انعل ابو المكايد شوفني النجوم بالضهر لمن شافني بجيت يالله تركني

عصر وجهي وكال مره ثانيه لعبي على كدج يلا يحلوه رجع عضني من شفتي حسيتها انشلعت دفعنه وراح للحمام

حسيت من صدك جسمي مصلوخ كمت للمرايه مالت الجربايه اباوع صح ذني الاثار الردتهن بس دفعت ثمنهن بطياح حظ لفيت روحي ونمت طلع من الحمام نكث شعره واجه يمي سحبني لحظنه باسني كال اتاذيتي بويه

--هئ بس اريد اروح باجر ويه البنات للصالون

--ماكو روحه عندج غراض اشتغلي اهنا وشكو رايحه متعتازين هنه محتركات يرحن حقهن

--مؤتمن فدوه حباب والله يضل شغل الكوافير احله ومحد راح يشوفني هنه بس بنات

--حتى بنات مااريدن يشوفنج غزل لوبيها مجال حتى للحنه مااخليج اتنزلين

--لويش يعني فدوه مؤتمن حباب حجيتها بتوسل اشويه وابجي لان من صدك مليت من تصرفه

شافني هيج حضني حيل وكال والله مااكدر بويه وحگ علي اموت من اشوف احد يباوعلج ماريد احد يشوفج غيري موانوب تكعد تلعب بجسمج وشكلج بويه غير اترسها بارود اذا خلت ايده عليج

ايست مامنه هذا ضليت على نومتي معصوره بعضنه وهذا الشي الوحيد المصبرني على عيشتي وياه

مع العالم ماشفت من عيشته شي حلو بس تالي اليل من الكي روحي نايمه بحضنه ويبوس بخدودي على كيفيه خايف عليه يهون عليه غيرته وتصرفه المينطاق

من التعب نمت ماكعدت للصبح كمت لكيته يسولف ويه سماح شافني كعدت كال غزل لبس مستور ممنوع يطلع اصبع من جسمج

امم

سماح بويه عينج بيها لاتخليها تطلع اذا متشويفها متستره

سماح. اني مالي دخل وصي امك غزل متسمع مني

--كونها صدك ومتسمع حتى اعلكها من شعرها شوفي لج لعب جهال واتعرين ماكو سمعتييي

--اي مؤتمن اشبيك اصلا ثوب جابته سماح مغلق

--أي غلطه اتصلي بيه اجي اسحلها سحل يلا بعدي اتااخرت

طلع اجت سماح كالت سمعتي وانوب وصى امه من الصبح كاللها تراها زعطوطه عينج بيها ماتفتهم خليها يمج

--عزا انتي اجيتي اتفضحيني شكو اتخازرين من يحجي

--لان اعرف شمحضره مصيبه غزل والله تنطگين

--ولي انتي ويا والله بطران هذا امصدك روحه لباله راح اسمع كلامه لعد البارحه هاي العضات والغرامش المن غير لخاطر البدله

--حذرتج مالي شغل بعد ويلا كومي فضينه

--وين هيفاء راحت لو بعدها

--لاراحت ويه امي والبنات بقينه بس اني وياج وهم بس اخلص شغل الحكهن

--اي حضوظ لعد مثل حضي كاسرين كلبي وبس الح يكلي بطلي حتى الحنه لاتحضريها اعرفه معقد

--ديلا هسه الي يسمعج يكول صدك تحتاجين صالون فضيها غزيلا

--كمت بس روحي هسه جايه وراج

طلعت كمت وراها سبحت نزلت لكيتهم ينزلون بالكوشه جايبيها حاضره رحت يمها اجه مصطفى كال بعد لج خلي اخذ صوره

--يلا حتى اني وراك ابسرعه

اخذ صوره اشوفه يكتب جواها رحت يمه واشوف كاتب

باركولي واعذروني ماكدرت اعزم لان صارت الشغله ابسرعه

--عززا مصطفى شدتسوي

--بس انتضري لحضه وهذا اول تعليق اسمععععع شوووف

--شكو

--هههههههاي شوفي التعليقات خرب العالم انخبصت لبالهم صدك اتزوج تعالي خلي نضحك

كعدنه نقره التعليقات الي يسال اشوكت والي يعتب وكل اليعرف جذب يرزله بعد حتى الاتصالات ميلحك عليهن شبعنه ضحك

لحد مارن مؤتمن واحد يشمر الفون عالثاني

--رد مصطفى

--منو هذا

--ولك اخوك رد هسه يجي

اخذ نفس وكال الووو -- اوصل واحرك عشيرتك اليوم تمسح المنشور وتنزل اعتذار اتكلهم جنت اقندر على راسي واجذب وانعل اصل اهلك اليوم بس خلي اوصل

--شكو يخوي

--انعل ابو اخوك جايك واكلك شكو

عفته يتفاهم ويا رحت للمطبخ

امبيت اهواي متصلين يعتبون الي واصله ويا لهنا

كملت شغلي عالسريع سماح راحت للصالون بقيت بس اني وشعشبونه وصبوحه الولد كلها يم احمد راحو

صعدت غرفتي بلشت شغل ابروحي من ال11 الضهر لل4 العصر يالله خلصت

لمن سمعت جابو العروس يعني العروس كملت واني بعدني البس بالحذاء شعري سويته كيرلي صار يجنن

وعيوني سحبتهن طلع فد شي كمت يم المرايه صدك استحين من لبسي مااتوقعت هيج قصير

كون ابد ماادنك لان يطلع المستور كله خوبطني امنوره طوخت اسم مؤتمن بالفراشه ردته يبرز اكثر وصدك برز اسمع الهلاهل بدت يعني معناتها العالم واصله من زمان لان حتى المله بدت

اخر لمسات رشت عطر وطوخت الحمره نزلت جوه دخلت للصاله اتفاجأت بالعالم الجايه كومه

الحنه جانت كولش حلوه والعروس طالعه غير شكل موهيفاء اتكول وحده لخ سلمت عليها وباركتلها

اشرتلي على صدري صعدت البداله لكيتها نازله

ومن ايد لايد اسلم عمتي ام مؤتمن تسحل بيه مثل الماعز الوراها كالت شكو وحده اسلم عليها انتي وراي لاتفهين

وكل وحده اتسلم عليها لازم تشرح قصه حياتي هاي بت معتصم زوجت مؤتمن الثالثه

والله الثانيه عمه بس هيه مصره الثالثه يلا اني وراهم بس اوزع ابتسامات انشك حلكي

واجان اوصل يم نساوين الشيخ من كثر المحبه اجيت اجيت بحضنهن واشبع بوس بحبيبات كلبي سلمت على الجبيره اتباوعلي وعاوجه حلكها

على شنو عاوجه حلكج اتكول غورله لابسه شيله

سلمت على الباقيات وصلت للزغيره سحبتني كالت تعالي كعدي يمي خلي اشوف هالجمال منين امحصله مؤتمن

كعدت هاي التريح كلبي بناته اهواي سلمت عليهن هيج من بعيد بس عيني بالصغيره جانت كاعده على اعصابها بس اتخازر بيه

مرت الزغير اسمها ريم ضلت اتسولف وتضحك وياي وتسال اهواي اشياء واجاوبها اتباوعلى وتضحك انوب اندارت لليمهه كالتلها بالله موش كلتله للشيخ خوطلع صج الحجي دشوفيها مطگعها اطكع مؤتمن

ذيج ضحكت ابصوت عالي ردت والله يخيه اني اشتهيتها موش انوب زلمه ويشوفها كدامه املونه

مافهمت شنو يحجن لمن ردت ريم كالت الشيخ يگول مؤتمن هالايام ماعاجبني وضعهه يسولف وياي كوه فاتح عيونه دايخ لباله مريض والله كلتله لاوالله مدولبته البغداديه تلكي للصبح جاعد وياها ميلحك ينام

--عزا اشكد فشله لافدوه تره ماكو هيج شي

--لاماكو مبين من ازرورج ذني ناقشهن نقش امبين البارحه حامي

جانت تحجي وتباوع لبت الشيخ وتبتسم بشماته هيه تحجي واني طايره اريدها بعد اتزود هوا هذا الجنت راسمتله

واهاي الله دزها اجت رجاء كعدت يمنه يم بت الشيخ كدامي خزرتني اشرتلي على رجليه عرفت على شنو سديهن حيل علمود ميبين شي

ضلت تتبسبس ويه بت الشبخ وذيج تبتسم مااسع لان على كيف لمن اجت وحده سلمت على نسوان الشيخ

وكعدت يم ريم سالت عني كالتلها ريم هاي بتي الجبيره

--ياا جامندري عد الشيخ هيج بت خيه اذا اجينه متنطوها ابني خو تعرفو خوش ولد وخريج هندسه والله اخليها بعيوني من زمان اندور هيج وحده

--هههههههه يا خيه اتشاقه وياج هاي حرمت مؤتمن الزغيره غير يشردنه

رجاء. غزززل كومي للمطبخ لاتضلين هيج امفهيه يلااا

عفتهن وكمت يم المله لان صار وكت الجلوه وكف كمش الشمعه عرفتني المله نفسها الجلت تهاني باستني وكالت شنهو انتي كلماجاي اتزغيرين وتحلوين

--شكرا خاله عفيه انطيني طاقه ايجابيه بعد

هيفاء. شنهو اخاف امعوزه غرور زوديها علينه

--سكتي انتي عروس ميصير تحجين خلي المريه تحجي

ضحكت المله وكال يلا نبدي

جلتها اشكد حلوه الجلوه بيبي لبستها كلاده جبيره وعمتي ام مكرم لبستها هم كومه ذهب

انوب المله كامت اتكول هاي هديه من جدها وهاي من اخوها طلع مؤتمن جايبلها تخم اشكد حلو هذا اشوكت جابهن موعلاساس زعلان

هيه لبستها وهيفاء بجت لان مؤتمن لحد الان ماحجه وياها زعلان عليها

كالت هاي هديه من اخوها الزغير طلعتها خرب يومك مصطفى جايبلها حيه

افترت المله اتريد اتلبسها متعرف امنين لفتهه من ذيلها مارهمت دندل راسها فرت راسها طاح ذيلها اخر شي المله ردتها بالعلبه مالتهه الله يهدي اخوج مالكه غيرها شنو هاي

--عزا والله مصطفى عنده اسوالف هاي اشكد مديلات جايب هاي

--يخاله اخوجن مااعرف شيفكر يااا شوف انوب المحبس شنهو

--شكو خاله وينه

--هذا عكربه لاخاله فال موش حلو تركي

هيفاء. لاخاله جيبي البسه فدوه لخوي هذا الروح مالتي شنو مالبس هديته

ادنيت يمها شاورتها ولج ذني امج وبيبي ديذكرج بيهن اخاف تنسيهن

-- والله اول ماشفتهن عرفت شنو يقصد

كفلت المله ركصنه اني وهيفاء كل اشويه سماح اجرني صاحت طلع شي نزلي البدله

انزلها وارجع للركص لمن تعبت لان الحذاء عاليه نزعتها شلتها دااروح للغرفه اشمرها صاحت

شعشبونه روحي وزعي ويه البنات رجعت لبستها واني وسماح بلشنه توزيع هيه شايله السله واني اوزع كلما اوصل يم وحده اتباوع وتعوج حلكها

متت ضحك هسه اني وين اعرفهن وهيج يباوعلي وصلنه يم وحده كاعده يم بت الشيخ الجبيره داانطيها رفعت الفستان كمزتني

-- اشبيج خيه كمزتي ردت اشوف نفسه العدنه لويختلف عليش جاتل روحه مؤتمن ويومه كعده اشكبرها وفاصلين

بت الشيخ. ياا هسه انوب زلمنه گامو يعيرونه بيها كلما فجينه حلكنه وطلبنه شي ردو چالو لو تشبيهن البغداديه جااشطلبتي

سحبتني سماح كالت امش يغضب الله خلي يسمع مؤتمن اليوم يقوم اقيامتج

كملنه التوزع متت تعب خلصت الحنه طلعن النسوان ضلن كم وحده من ضمنهم نسوان الشيخ للعشه شمرت حذائتي دخلت للمطبخ شربت مي

سماح. غزل ليفوك عدل غيري ونزلي گفيلج العباس اذا لكفج مؤتمن ميرحمج غزيلان لحكي على ارويحتج

--ميجي هسه عدنه نسوان خليني افتر ادق العالم اشويه

--غزل انظبي وصعدي يلا

عمتي. وحده منجن اتودي مي للنسوان

اني عمه كلتها و ابسرعه اخذت الصينيه وركض قبل لاتحجي سماح لو اتروح هيه

دخلت اوزع مي بس اتذكرت اني مااكدر ادنك صفنت

ريم. دجيبيها تره ورح اهلي هسه يفردشنج ذني لاتحسلبهن نسوان تره اعيونهن اكثر من الزلم

ضحكت انطيتها الصينيه راح اتوزع تهاني كاعده ماده رجليها وتاكل بشفايفها رحت كعدت يمها مددت رجليه اشلونج تهاني

--هلا يبعد جبدي اشلونج شنهو رايج بدعيوه

--منو دعيوه هاي

--ياع چاغير بت الشيخ الزغيره مرة مؤتمن الجديده

--ابعينج مؤتمن ميشوف غيري موتي

صاحت اديعو تعالي خيه يمي جعدي

كامت اجت كعدت يمنه باست تهاني وضلت تمسح على بطنها وتضحك عيع شنو هالواكه

تهاني. بس خلي يصير الي ابالي نذر لسيد محمد لطش جكليت بضريحه وهلهل للصبح

-- ان شاء الله

-- دعائي ميطيح الكاع كون هالمره هم يوصل

--دندعيلي بلكي الله ولنه صاير من قسمتي

عينك عينك اكابلك وبز عينك عزا كاعدات يتفقن على زوجي اشلون اثنين كلتلهه ماواصل حبي لاتتأملين من دعائها هو لويجي من حره طاهره لو من ----عاهره اويجوز صدك الثانيه ضبط وانتي حبي خليج ابكرشج تره كولش الخباثه مالايكتلج ولاتخليني اخلي يشمرج مثل ماهجرج تره كدها واسويها اتعرفيني

--سهلا يغزيلا يجي اليوم واذكرج

رجعت انتجيت واسولف ابراحه متشفيه كل الردته يندق بهذا اليوم الحمد الله كدرت اموته قهر اجه وياي عدل

حسيت دااخذ انتقامي براحتي ميته فرح وخاصه من اترد تهاني واتشوف العلامات الي ابصدري احسها اتريد اتكوم تفترسني هسه هاذي وعرفتها اشريجتني وميته حقهه مهما يكون زوجها وهم اتغار عليه

بس دعاء مدري ادعيوه اتباوعلي اتريد تاكلني وتهاني بعدها اتغل وتحجي تتوعد اشوكت يجي مؤتمن واتكله لمن قاطعتها ريم كالت غزل وين سويتي الوشم الي ابطنج وشنهو مكتوب ماشوفن

-- بالشمال هذه اسم مؤتمن بي

على طاري مؤتمن اسمعه كال يالله طريق

هو كال يالله واني كلبي صار ابرجليه احتاريت وين اضم روحي

دخل امدنك ماعدنه غربه بس نسوانهم ونسوان وبنات الشيخ ذوله هم عادي ناس اتفوت ناس

دعاء عينها بي من سلم مع العلم جان امدنك مارفع راسه اباوعلها اتباوع لطوله عزا ابعينها اجيت اكوم افترسها

اندار صعد راحت ورا رجاء صعدت اكيد اتريد تساله عن احمد

وعين دعاء ورا والله ابمخيلتي اكوم اجر السلاح من متنه افرغه ابرسها هو اني كافي عليه الي بالبيت كوه حافضته منهن اربعه وعشرين ساعه كامشتله حراسه علمود لايروح لوحده منهن جايتني البطرانه غير امرعطها اذا خلته ابالها

ضليت كاعده كلت بلكي اشويه وينزل يروح لحمد لان يمنه نسوان اكيد ميبقى يستحي مرت اقل من عشر دقايق دخلت سماح كالت مؤتمن يريدج

كمت اني كلبي يريد يطلع من الخوف وذني يتنادسن يضحكن

ولج سماح وين اروح

والله مشكلتج انوب شافج بعد ميفيد اتغيرين

عزززا ابعيني زين شنو وضعه امعصب لولا

الله يعينج خيه روحي الله يهدي عليه يااا شوفي دعاء انوب اشلون اتباوعلج

خلي انبدل اني وياها قابله هيه اتروحله واني اكعد مكانها

امشي لج كاعد يفور لاتتعطلين اتزيديها

شنو يعني شيريد يحجي هو بس نسوان لويش امصعبها هيج

عود كليله يلا روحي

وصلت للدرج اخذت نفس صعدت دخلت لكيته وكاعد على الكرسي يم الميز ورجاء واكفه اتباوعلي وتيتسم بحقاره اشرلي تعالي

عفت الباب مفتوح وكفت يم الثلاجه خفت اتقدم اكثر كال شنهو هذا الابسته

تره بس نسوان ومحد شافني وكلها لابسه هيج

بعدني مامكمله انهدت رجاء ماخلت شي ماكالته بلشت من الخطبه مالت المره لزرزري المطكعه للشيخ اشلون يكول مؤتمن دايخ ورده على مرته بس ذني كلهن جان بس يسمع ويغلي مارد

لحد ماگالتله زلمهن يعروهن بيها يكول لو مثل البغداديه جااشسويتهن

اهنا انفجرت القنبله كام دفع رجاء وقفل الباب اجاني اريد اشرد لو انضم اختفت الاماكن كلها من كدامي

بقيت بس اتوسل كال شنهو كلتلج بعدني ماراده وكامن يجني راجدي وره راجدي لمن اثوليت من صدك كعدت مكاني

لميت روحي انوب شاف رجليه طالعات بالكعد اكثر بيين وهو اتخبل ميريد صوته يطلع كدام النسوان

دنك عليه شالني من شعري ورجع يضربني بكل حيله مال واحد صدك واصله ويا حسيت جلدي انصلخ خلاني اطفر توبني من لبس القصير صدك

كعدت بس اشهك لامه روحي كعد كدامي على الكرسي طلع جكاره ورثها كل اشويه اكول هسه يكوم يجويني بيها وانوب حتى بجي ميرضه ابجي كال اذا هيست حسج ادفنج بس الشهكه تطلع مني

اشكد اتندمت على السويته هسه شنو استفاديت قابل راح امنع زواجه منها والله اكتشفت صدك عقلي ازغير واتصرفاتي مال وحده ثوله

خلص جكاره ورث الثانيه واني على كعدتي اخاف اتحرك بس ادموعي تنزل كال راويتهن شافن الطكع الي ابجسمج ارتاحيتي

شلت راسي باوعتله والشهكه تطلع من كلبي مااكدر احجي رد صاح جان كلتيلي اشتغلج عدل لخاطر اطلعين الغل الي ابكلبج والسالفه توصل صدك لزلمهم اشلون ماخذ راحتي بيج

--والله مؤتمن

--لاتحلفييييين كم مره كلتلج لاتجذبين بالحلف

--مدااجذب بس هاي رجاء جذابه زودتها

--شنهو جذب يعني ماكالتلج امبين البارحه جان حامي

--بس هاي صح

--مامعيرهن زلمهن بييييج

--هاا

--شنهو هااااا يغضب الله شنو هاااااا غزل ناويه اتجلطيني بويه كولي خلي افتهم راسي من ساسي على شنو ناويه فهمينيييي

--كولش ماكو بس ردت هاي دعاء تندق من اتشوفني هيج

--هااا اهنا مربط الفرس وحده جديده ابراسج وتردين اتراويها جسمج انتي شنهو ماعندج عقل كم وحده اشافتج وراح اتسولف لزلمتها ويتخيل الصار

--محد وبعيدن انته مريض نفسي لويش تفكريك كوله هيج

--منو ولج مربض نفسي

--انته ولواتموت بعد مااخليك توصل يمي علمود اتبطل تتخيل هيج وتحجي عليه تره مليت من تصرفاتك خنكتني واحد متوحش مريض روح عالج روحك بلكي ا تبطل غيره وشك بالعالم

--بعد كملي شنهو رايده ست غزل

--اطلع من غرفتي بعد شعرايه وحده متلزم مني لواتموت مااخليك توصل يمي بعد

--خلي اشوف اشلون راح اتمنعيني

كالها واجه شالني شمرني على الجربايه ماخله شي ماسوه خلاني اطفر لااكدر ادفعه ولااكدر اصيح جان ساد حلكي انواع الاساليب استعمله وياي ملخني تمليخ كل عضه يعضها يخلي روحي اتشوخ وراها

حتى الفراشه كلت هسه تنشلع بسنونه من قوت العضات

البدله من اول جره اجت بيده مابقى منها شي

بديت افقد حتى بعد مااحس خدر جسمي من الالم بس ادموعي تنزل ماادفعه استسلمت من شاف قوتي انهدت وبديت افقد اشويه وخر دفعني كال هسه اتكدرين اتراويهن ابراحتج

بلكوه شلت نفسي لفيت روحي بالغطه كلتله الله ياخذك

مارد جان متجي على التاج مالت الجربايه طلع جكاره ورثها يباوعلي بستهزاء وينفخ الدخان

واني ادعي عليه ولااهتم يحرك روحي اكثر من اشوفه مامهتم

-- اشتطلع منو امك يعني شتجيب ملائكه طبعا نفس الطينه مالتها

قبل لايلوحني شفته راد يسحبني طفرت للحمام دخلت وقفلت الباب وراي

كال اطلعين لومطلعين خليج وين اطيرين اليوم

كعدت وره باب الحمام الباب اندك حيل عافني وراح فتح الباب

سمعت امه اتحجي بانفعال اتكله ولك الحك دعاء بت الشيخ تبجي اتكول غزل اتكلي انت ك----واتركضين وره مؤتمن تردين تاخذي

يمه الحكني اشلون الم الفضيحه--

الثلاثون من هنا

تعديل المقال