رواية الهجرس الفصل الثامن والعشرين 28 بقلم رواء هادي
انه سمعت هيج گال لو مابقى برأسي عقل شلون يصير هيج وتنخطب بدون علمي ومحد كلف نفسه وگالي ماسوولي لاقيمة والاقدر ولا اعتبار ولا گالولي
تريدها ماتريدها اجوها خطابة
بدون رد على أخوي طلعت عدل لبيت عمي ابو محمد وعلاوي وراي يصيح"
_فرقد وين رايح
_راح اطرد العالم
_ليش
_شلون يخطبوها وهي محجوزة الي
_هاا
وصلت كدام الباب جان بس... مردود جبته بدفرة من دفرته صارت الدوية كلش عالية عبالك هاون وكع جريت المسدس ورفعته ليفوك رميت ثلاث طلقات
وصحت_ منو التجرأ وخطب مره مخطوبة
علاوي عاط بخوف من الرمي لصار فوك راسه خطيه مشيت سريع هم طلعوا مخترعين عمي ابو محمد ومحمد وأربع زلم ونسوان هم طلعوا جديتي من شافتني لطمت على وجهها حيل
ابو محمد _هاي شكو فرقد
هجرس_ شلون تنطون سلسبيل وهي محجوزة لي
محمد_انت ماكلت محجوزة الك
هجرس_ليش مو جدي وجديتي حاجزينها من جان عمرها 11 سنة شلون هيج تسوون المره منهي عليها
وليتقدم الها مايلوم اله نفسه
ام محمد_مالك حق تنهي عليها
هجرس_لي كامل الحق انهي عليها
ام محمد_لا مالك حق لا ابن عمها ولا اب..
ابو محمد_اسكتي لا تدخلين
هجرس _منهي عليها وليتقدم مايلوم اله نفسه
حلوة_فرقد جدة شبيك تخبلت نزل السلاح
هجرس_ يله بره ماعدنه نسوان للزواج
ام محمد _شنو انت بكيفك تطرد العالم وبكيفك تنهي
هجرس_ لتجبريني اتصرف غير تصرف
من صحت بيها فزت خايفة اجه الشيخ يحجي وياي على أساس يقنعني بعده ماوصل لعندي رفعت المسدس فوك ورميت طلقة وصحت بي
هجرس_لحد يقترب صوبي ويحاول يحجي وياي سلسبيل لي وماراح تصير لغيري
يلا توكلوا بالله
الشيخ_ تعوذ الشيطان ابني ماتنحل الامور بالسلاح
هجرس_ تريد تجفي الشر اخذ العالم وتفضلوا بره
الشيخ_ أهدى
هجرس_ بره
اشرتله بالمسدس يطلعون بره تعذر منهم عمي ابو محمد ومحمد فاروق واكف ويباوعلي ام محمد
تحجي عليه مبينه وي المره
وراها مشوا وصل لعندي الشيخ وگال
من تريدها اخطبها لا تخليها هيج وتخلي العالم تقدم الها
مارديت كوه لازم اعصابي شفت العريس جسمه ضعيف وطويل بطول عمي ايهم بالحية وشوارب وشكله جدآ عادي بقى يخزر بي ماعاجبه الوضع
راحوا العالم طلعت مرت عمي. ابو محمد تهلهل فوك رأسي اجت بالي ارميها بطلقه واسكتها للأبد عطت
بيها عيطه خرستها بمكانها
هجرس_ انطيها من وره ظهري وشوفي شسوي بيه إذا ماهديت البيت فوك راسج فلا
اطلع هجرس
ام محمد _مجرم إرهابي مو ضابط أنت
هجرس_ اعذر من أنذر
عفتهم وطلعت طلعت وراي جديتي حلوة ومرت ابوي بقت عدهم وعلاوي يركض وفاروق هم طلع وراي يدرون بي أعصاب وايدي مو لي
أقل زلة ارمي بالسلاح وافقد أعصابي وصلت داير المضيف رجعت المسدس بحزام خصري جديتي كدامي واكفه وفاروق كذلك
علاوي خايف ويرجف من الخوف
فاروق_السويته غلط فرقد تريدها ادخل
بكل احترام وگول اريدها مو
هيج تهد على العالم
حلوة_فضحتنا فرقد هو هيج تنهي عليها
هجرس_ صوجكم أنتو محد سوالي قيمة وقدر وگالي راح تنخطب وشطلع اليوم مني من
ايدكم جدي وين
حلوة_لا تصيح موزين عليك مو هنا طالع هو وابوك بالفاتحة
هجرس_ روح گل لامك خل تسكت لو ارجعلها بالقرأن
فاروق_فرقد شبيك من حركة قلبها جاي تصيح لسويته وي العالم ابد موهين
هجرس _ صوتها مزعج وجاي تغلط بحقي روح سكتها لو اسوي الزود
فاروق_ اسكت رايح لعدها جدة هدي ماوصيج بعد
حلوة_روح سكتها لراح مو احسن من فرقد وخل تحمد الله وتشكره فرقد يريد يناسبها ومايناسب غيرها هاي شنو تدعي عليك اليوم
محد يخلصها مني
فاروق_جدة شبيج
حلوة_تدعي على فرقد بالموت من ورة رجال غريب اجه خطابه على بتها بالقران اليوم اشكها نصين هالبربوك
راحت جديتي حلوة اباوعلها متعصبه فاروق يمشي وياها يريدها تسكت ماتسكت وأم محمد تدعي عليًً بالموت بصوت عالي ان شاءالله يجيبوه
مكطع على لسواه بتي
أنتِ گلتي هيج لو ابتليتي على عمرج
سلي أمي ومرت اخوي جبروني على ابن عم مرت فاروق جنت ماريده شكد حاولت أرفض تجيني أمي تصير ملخ وياي ومرتين تلاث وصلت ويها للضرب
وآخر مرة گالت بس ماتقبلين بي لا اعرفج ولا تعرفيني وحالج من حال حنين يصير مثل مااهلها تبرو منها اني هم اتبره منج عاد من سمعت هيج والبنية
مالها غير أهلها وغير امها بهاي الحياة دست على قلبي ومشاعري وكبريائي وقبلت بي جان كل همها ماتنطيني الفرقد وصارت تمنعني حتى
سلام ماسلم عليه
تگول بس اشوفج واصله لو مسلمه عليه اشكج نصين
من خوفي ضحيت بنفسي جوي يكطعون مهر وجديتي حلوة ومرت عمو وائل هم اجت جنت اتمنى جديتي تنهي وتگول مانطيها للغريب بس
خاب ضني ماجابت طاري
ولا حجت كلمة وحدة
اجوي اهل العريس وحسيت اجه ملك الموت مو العريس وراح اكطع مهر بالي كله يم فرقد جان وليش كلما اوصل له واوصل لغايتي تطلعلي
عقبه بنص طريقي
لو امي تطلع لو يطلع احد ثاني لو يصير بي شي موزين لاسامح الله
مرت فاروق جهزتني ولبستني فستان أحمر وخلتلي مكياج وسوت شعري تسريحة جانت فرحانة لابن عمها بكد شعر رأسها واني لادري بي جان خاطب عن
حب دام 4 سنوات بالجامعة وره فترة الخطوبة بسنة تقريبا فاسخ الخطوبة كايل ماكو توالم بيناتنه بله شلون ماكو توالم وانت وياها صارلكم 4 سنوات
بعلاقه حب من ترسمت العلاقة صار ماكو توالم گلت اكو إنه بالموضوع بس محد سأل عنه لان يصير أقارب مرت اخوي فاروق وعلى أساس
نعرف الولد شبي مابي
المهم طلعوني بالصالة وره الباب خلولي كرسي كعدت الدمعة بطرف عيوني صايرة مدنكة رأسي وكوه لازمه دموعي ماريد الولد هسه كوه تزوجوني
توه صار يقرأ الشيخ وفزينه على صوت طلاق نار امي لزمت قلبها بايدها وگالت
بس لا نهى عليها المخبل فرقد
صاحت بيها جدة حلوة
السانج اكطعه الج بس تكولين مخبل
سكتت ماردت خافت تنكتل رفعت رأسي الكل انخبص وطلع بره كمت بسرعة من مكاني لان صارت هوسة وصياح وعياط فرقد واضح جان متعصب هو ماشاءالله
عليه صوته يرعد رعد
قتربت يم الشباك الهول رفعت شوي من البرده واباوع جاي بالبدلة العسكرية وبايده المسدس ويحجي نزلوا دموعي من الفرحة اجه مثل
الملاك وخلصني من هذا
الزواج الباطل اللي أني ماريده احس الله استجاب لدعائي ودزه لي ينقذني منهم وأخيرا عترف يريدني واجه نهايا جرتني بقوة من زندي مرت فاروق
_فرحانة نهى عليج
عتيت ايدي قوي منها وگلتها بنص وجهها
اي فرحانة
_لا تحلمين انطيج له
_انتِ منو وتحجين بكيفج وخر عني
لزمتني مرة ثانية دفعتها قوي عني ومشيت بسرعة دخلت بالصالة شوي وكبت العيطة أمي تدعي على فرقد بالموت تخبلت من دعاويها أبوي يصيح عليها
محمد ومرت محمد وهس ماتسكت أبد صرت ابجي ليش تدعي عليه خطية هو ماشاف شي حلو بحياته سمعت صوت جديتي حلوة هدت على امي
وصار اعياط وصياح
طلعت اركض بره شفت جديتي حلوة تضرب بأمي طيحت حظ امي كوه جروها عنها وگالتلها
حلوة_تالي عمري الجناين تصيح بوجهي وتدعي على حفيدي والله اطلكج واشمرج على اخواتج اريد انطيتج عين انجلبتي جلبة
امي_ بكيفج انتِ
حلوة_ رجلج ابني وانه الربيته وانتِ گلج على بعضج خك جنه بهذا البيت واريد المره لتحجي وتگول وتجيب طاري فرقد بكلمة وحدة إذا ماشكها
نصين فلا اطلع ام وائل
ابوي_عمة على كيفج مو زين عليج الصياح والعياط
حلوة_اكسر راسها بيش احسن من فرقد ابن عم مرت فاروق بيش هاي جزات فرقد الكم يركضلكم بكل شغله وتنازل من البيت الكم وماطالبكم بدرهم احمر
وشتردون يجيبه الكم هيج تجازي يالبربوك تدعين عليه بالموت مال يجيبونج انتِ وجنتج مكطعات اليدين والرجليين
شافتني جديتي حلوة ابجي وگال
شنو ذنب هالبنية تجبروها على رجال ماتريده
امي_ماجابرتها هي قبلت
سلي _يابة والله جبروني هي ومرت فاروق وگالتلي
بس ماتقبلين اتبره منج
حلوة_هاا بربوك تگولين ماجابرتها
امي_اليوم اموتج كتل
صارت بلبله من جدة وجديد من خوفي ركضت على جديتي حلوة ابجي ابوي وفاروق هدوا على امي ومرت فاروق صارت تصيح وتعيط بوجه
اخوي ماتحمل وضربها راشدي وامي ابوي له شوي مد ايده عليها لما اخوي تدخل بالنص اريد تهدي الاوضاع بالبيت ماكو هدوء بس صياح وعياط
مرت عمو وائل اخذتني ودخلتني للغرفتي ابجي وهي تهدي بي جديتي حلوة المسيطرة بالعركة جانت نزلت امي ومرت فاروق لاسفل السافلين كلمة ماطلعوا
وگالتلهن بس اسمع حسجن اشمرجن على اهلجن ومن الصبح ازوج فاروق وابو محمد اريد انجلبتهن انهمشتن انطيناجن مجال صرتن انتن الزلم بالبيت
شلون هيج تسون وتجبرن البنية على رجال ماتريده
امي_ اريد مصلحتها
حلوة_بشيب الخلفوج مصلحتها تريدها تشمرين بتج بنص النار هي البنية ماتريده شلون تجبريها عليه شلون طاوعج قلبج تنطين بتج الوحيدة
امي_ شلي بيه لعد خل تزوج
حلوة_تفووو عليج حرامات بيج هالبنية ماتردينها من اليوم اخذها لبيتي اريد وباجر اكطع مهر الها والفرقد
امي_مانطيها الفرقد
حلوة_وانه امشي بكيفج أنتِ كلمة الزايدة منج ماتلومين اله نفسج افتهمتي
امي_ تحجين عليًّ وأنتِ انكس
حلوة لسانج بت القندرة
ابوي_ انجبي ولج انطيتج مجال انجلبتي
حضنت مرت عمو وائل وابجي على حظي امي ماتسكت وجديتي ماتسكت كبت العيطة ابوي كتل أمي وكتل مرت فاروق هم بس اسمع صوت أبوي وجديتي
حلوة واخوي محمد ومرت محمد تحجي وتهدي بالاوضاع
ماكو وره ساعة اجه جدو موسى وعمي وائل وفواز يحجون وي اهلي طلعت امي تبجي رجلي كتلني منورة عمتي حلوة جديتي حلوة ماسكتت
الها وكالت هيج
وهيج تسوي وتدعي على فرقد بالموت واحنه ماعدنه غير فرقد حفيد من ابني الوحيد وائل شلون هيج تسوي وتدعي علمود رجال فردة انعال مايسوى
كلمة منا وكلمة منا جدي گال
بالليل نكطع مهر ونأخذ البنية
نهاية الأسبوع
امي سكتت بعد ماردت واني كلمة ماطلعت صوت من اعماق قلبي يگلي اخذي فرقد واخلصي من امج ومرت فاروق ماراح يخلنج تعيشين بهناء
امي كل همها تزوجني وتصير تطب وتطلع بكيفها ومرت فاروق تريدني لابن عمها واني اگول عليش كل مرة تحجي وياي فرقد مايفيدج ومايفيدج اثاري
هنا الحجي
مرت عمو وائل
اقبلي بفرقد والله يعيشج أميرة وأني وحنان نشيلج بعيونه الاثنين
_ليش هيج يصير وياي خالة
_خالة هذا كله إمتحان من ربج دا يختبر صبرج وايمانج
_بس تعبت
_وره كل هذا التعب فرج عظيم وفرحة لا تنوصف
_شوكت
_بأقرب وقت ان شاءالله
اندك الباب بعدت عني وراحت فتحته دخلت خالة حنان وجديتي حلوة ومرت محمد
حلوة_جهزي نفسج راح نأخذج للبيت
سلي_ماروح
حلوة_ لاترحين نكطع مهر بيته وترجعين وي ابوج
سلي_ امي
حلوة_ صخام براس امج هم فرحانه انتِ عندج ام
سلي_احبها
حلوة_اكون تحب امج البربوك حية ام سبع روس
مارديت خاله حنان گالت
عيني ام زيد طلعيلها فستان حلو تلبسه بالخطوبة لما باجر الصبح اخذها للسوك واشتريلها التريده
ام زيد_هسه عيني
امي ماجت ولا كلفت نفسها تسأل حتى طلعتلي فستان سمائي بردان أطوال خلته بالجنطة وانطته الخالة حنان طلعوا بقت وياي جدة حلوة بدلت
كدامها لبست دشداشة اريد دموعي ينكطعون مايقبلون ينكطعون مثل الشلالات وينزلون حركولي خدودي حرك
حلوة_هسه مثل الجلبة تجي لعندج
سلي_قصتي صارت مثل قصة حنين
حلوة_الله لايگول
سلي_والله صارت مثلها هم نهيتوا عليها وامها ماقبلت مثل امي وهم اخذتوها لبيتكم
انفتح الباب دخلت امي كاشخة ومكياج بقيت مصدومة ولاجن قبل شوي انكتلت من ابوي وجديتي
حلوة سدت الباب وكالت
امي_ اسمعي شيصير وياج ماتجين لعندي ترحين لجديتج حلوة لان اخذتي بدون موافقتي
حلوة_ كرميني بسكوتج
امي_گلتلج اني بعد
حلوة_كافي ولصمي
امي_ مجبورة والله امشي وياج ماريد اضحك الشمات
حلوة_ اطلعي بره مايحتاج تمشين وياها انه جدتها امشي وياها هيج ام لا اريدها ولا تريدني
امي _خليتي عينج عليها من
طفلة واخذتها بالعناد
حلوة_اي
امي_هو هاي انتو كلشي بالعناد وبالقوى تأخذوا
حلوة_بي طعم غير
امي_طعم الخبث
حلوة_ خبثج على كدج وكد جنتج من طيح الله حظج وين جنتي وين صرتي انه اخلي جنه تمشيني على كيفها وعلى مزاجها من امداني والله
امي_ لاجنه ولا شي البنية كبرت واني اريد ازوجها علمود بالي يصفى وأمن عليها بيت رجلها واريدلها رجال.حال ومال ماريدلها ابن الفقر
حلوة_وانتِ كاعدة بنص خيري ولا تنسين انه الكبرت ولدج وصرفت عليهم وعليج ورجلج ابني اني الربيته ومن تزوجت جبته وياي رجال بطول وعرض
وبنيتله البيت وزوجته هسه جاي تحجين بالمال والحال وانتِ جنتي بت فقر اهلج ماعدهم يدفعون يأجر مشتمل وانه لدفعت إيجار المشتمل
مقدم اربع أشهر
وشالوج وانطوج لابو محمد المهم تحمدين الله وتشكري طلعج من حال وخلاج بحال ومال ورزقج بولد وبنية مثل الملاك
بس للاسف ماتعرفين تقدرين النعمة
سكتت أمي للأبد كلمة وحدة ماطلعت دخلت وكعدت فوك الجرباية بصف جديتي حلوة صارت تحجي وياها بهمس ماعرف عليش يحجون بالضبط
جديتي حلوة بس تهز برأسها
كملوا كلام كاموا اخذوني لبيت جدي موسى وامي وياي وكل اخواتي من عده مرت فاروق بقت بالبيت ماجت دكعدنه بالبيت كلمة وحدة
ماطلعت مني جنت مثل
المصدومة ماجاي استوعب لصار وياي حقيقية لو حلم أنتبهت على نفسي من جيت بحضني سيفو فرحان بي وهباوي تضحك وتگول
هباوي_ مشتاقلج
سيفو_ تلي ابوش
ابتسمت وشلته بحضني جلب بركبتي وباسني بشفايفي ضحكت ورجعت حضنته قوي
هباوي_ ترى عادي يبوس من الشفايف هههههه
امي_تعلومكم موخوش تعلوم
هباوي_ كل الجهال هسه هيج يبوسون الشفايف قابل بس ابني ياخاله هو يحب سلي وكل يوم يشوفها من فوك الحايط متعلق بيها مثل ما متعاق بفرقد
من يتزوجون انطيه الهم ههههه
حلوة_هو راح اخذه منكم سوه واحد جديد
هباوي _ان شاءالله اسوي بأقرب وكت جان وسيفو مني الج جدة
حلوة_هاهي جيبوا غريضاته لعندي
دخل بارق يضحك وگال
هسه انكل كل الاغراض واجيبه الج جدة اروحلك
فدوة بابا ماخذ مرت عمك الك
يباوع لبارق ويضحك عنده عادة يكعد بالحضن ويشابك ايديني على بطنه ويكعد يلغق
بارق_هذا كله تعلوم فرقد
هباوي_وتعلومك هههه
الكل تضحك وتشاقه اله أني مخرسة ومادا استوعب صدك راح اصير الهجرس لااكيد أني بحلم مو بعلم بقيت ما مستوعبة الفكرة بدلولي وره العشة
وكعدوني وره الباب الاستقبال وكطع الشيخ النه المهر والكل فرحانة وتهلهل وتطش جكليت فوك رأسي واني مامصدكه مادا تدخل بعقلي اكيد بحلم
وره فترة دخل فرقد وكعد بصفي باركلي واني ما مستوعبة كل ساعة اگول هسه يخلص الحلم وافز ويتنهي كلشي اكيد فزيت من لزم ايدي وگال
_شبيج
درت وجهي عليه سديت عيوني ورجعت فتحتهن هو كدامي مارديت
رجع گال
_سلسبيل شبيج مصدومة
_شوكت يخلص الحلم
_ياحلم
_ لأني بي
_هذا موحلم هذي الحقيقة
_صرت الك
_اي
_بس انت ماتريدني
_لا اريدج
_بس ماتحبني
_حتلوه المهم اريدج
_هاي وين لكيتها تريدني وماتحبني
_الحب مومهم المهم اريدج
-؟؟؟
_جمالج لعابتي اخذلي عقلي
جريت ايدي منه مقهورة طلع موحلم طلع صدك صرت مرته لهجرس ويگولها بكل ثقة ما يحبني ويريدني طول الحفلة كاعد بصفي وياخذ صور بالتلفون جان فرحان
وعبالك صدك ماخذ حبيبته مو ماخذ ابنيه مايحبها واني اخذ ويا صور ينبزني اضحكي ابتسمي واني أضحك ضحيت بنفسي وقبلت بي في حيث
ماخذ رجال ماريده ومالي نفس بي على اقل هجرس أحبه من طفولتي واعرف شبي مابي وماعنده سوالف مكسرة مثل دلشاد وسوالف مخفية
مثل ابن عم مرت اخوي
أنتهت الحفلة كمت بدلت وطلعت سمعت بالصدفة بارق گال الهباوي الحاظر خلاه فرقد 20 والغايب 50 مليون گال ماريدها تگول ماخلالي
لاحاضر ولاغايب
ماتگول ساواني مثل حنين اريدها تشوف نفسها بي
وبزواجها مني وشتريد انه حاضر الها
هباوي_هاي الحب سلي ههه
بارق_انه ادري بي من زمان يحبها بس يكابر كدامنا واليوم ثبت حبه الها من نهى عليها واخذها
هباوي_لو هذا الحب لو ماريده
بارق_ اليوم محد يخلصه من لساني هههههه
هباوي _لكيتها من الله
بارق_اي هاا عمه عذراء مو گلتلج يحبها يحبها هههه
عذراء_ ادري بي هههههه
بارق_شلون عرفتي
عذراء_عيونه فضحته ههههه
بارق_ملعون عليه عيون لو ناظور ههه
طلعت كعدت بصف جديتي حلوة اباوعلها الكاع مالامه فرحتها صاروا يحجون بموضوع العرس اجه فرقد كعد كدامي مبتسم الوجه كعدت بصفى
عمته عذراء وبارق خلوه بالنص يحجون بهمس ويضحكون ماعرف على شنو يحجون
حلوة_ فرقد مو گلت اريد احجي وي سلي بموضوع
فرقد_اي جدة
حلوة_ يلا اخذها للغرفة واحجي وياها وتفاهموا على كلشي مو بعدين تگول ما حجيت وياها ولاهي ماحجيت ويا وتفقوا قبل الزواج
جدي_يلا كومي جدي
هو كام قبلي كمت وراه خجلانة من الكل الأغلبية دا تضحك فتح باب غرفة جديتي حلوة
_تفضلي
_انت ادخل أول
_ماشي يلت ادخلي
دخلت سد الباب انداريت عليًّ اشرلي اكعد ع الجرباية
_تفضلي
_مرتاحة هيج
_اريد احجي وياج بموضوع
_اي تفضل
_ خوما مجبورة على الزواج
_هو أنت خليتني الحك أرفض اجيت هداده بالتفك
_ لا تلوميني
_اعرفك مسودن فمالومك
_اي مسودن بيج
_امم
_اروح فدوة للمطنكرة
_هسه صرت عزيزة
_عمي عزيزة من يوم يومج
_اي واضح بالكتل مالتك والإهانة والرزالة
_احرص عليج
_اي مو سيفو وتحرص عليًّ
_مثل الشي
_افففف
_ خلينا بالموضوع هسه
_اي احجي
_ ماريد بعد الزواج لا اريدك ولا تقترب لي وتجين تفتحين مواضيع من الماضي وتعكرين مزاجي لو تجيبين طاري حنين اريد افتح صفحة جديدة وياج
واعيش حياتي طبيعي مثل حال اي مزوجين
_اي
_اي هذا اللي اريده
_اي اني هم هيج اريد زواج طبيعي
_هاهي لعد عندج اي سؤال
_اي
_احجي
_ انت تحبني
_ههههههه
_جاوب ليش تضحك
_ كل هذا لسويته علمودج وجاي تسألين احبج لو لا
_ماتحبني
_ثولة شسويلج
_لا مو ثولة
_والله ثولة ودجاجة عمية من يمي
_انت ديج أعمى من يمي
_هاهي انه أعمى وانتِ عمية تراهمنا
_لا تضحك عليًّ وگول تحبني لو اخذتني علمود تغث حنين
_اخر همي حنين
_لعد جاوب
_ انتِ تحبيني
_جاوب على سؤالي أول
_انتِ جاوبي أول
_مو أني اسالت أول المفروض تجاوب وراها أني اجاوب
_لاجاوبي أنتِ
_لاوالله انت جاوب
_ ماجاوب
_والله العظيم دريت بيك اخذتني علمود تنتقم من حنين وتقهرها على السوته بيك هاي اني من يوم يومي مظلومة وماعندي حظ ومحد يحبني ويريدني
كعدت على طرف الجرباية ابجي احس قلبي راح يتكطع من الألم البي اجه وكف كدامي يباوعلي رفعت رأسي باوعت بنص عيونه
_ليش لعد وكفت زواجي وخطبتني من ماتريدني
_ منو گال ماريدج
_مو انت تگول
_شوكت كلت ماريدج مو گلتلج اريدج
_تريدني غير تحبني
_ وشنو الفرق بيناتهن
_اكو فرق من السما للكاع
_لاماكو فرق بين اللي يريدج واللي يحبج اثنينهن نفس الشيء
_ يعني تحبني
_هههههههه
_هم كام يضحك
تفاجأت من حضني اني وكاعدة بهدوء وگال
اله تخليني اصيح كدام الكل احب شرشبيل حرامي الورد ههههه
_ليش تشلع قلبي لعد
_من الله احب اشلع قلبج واتعارك وياج
تضايقت من حضني حيل احس يريد يكسر كتوفي رفعت ايديه خليتهم فوك صدره ادفع بي
_ااه كسرتني وخر
_مو ترديني تحمليني
_خوما هيج والله ختنكت فرقد
_بوية صرت بنص قلبها هههههه
رخه أيديه وباوع بنص وجهي واني هم اباوعله قترب مني راد يبوسني بشفايفي فريت وجي عنه وگلتله
_ماريد
_ليش
_ماريد وخر عني
_ماتردين اقتربلج
_اي
_شلون لعد راح نتزوج
_الله كريم عود واخر دا تضايقني
فزيت من باسني بخدي بهدوء وجر نفسه باوعتله مبتسم بخفه وگال
_ اول مرة اشوف تحبني وما تحب اقترب الها
_مايصير
_ههه وليش مايصير
_مامزوجين
_بس كطعنه مهر شيخ وصرتي مرتي امام الله
_وان يكن شوكت ماطلعتني بالبدلة البيضة من بيت اهلي هذلك الوقت يلا اگول اني مرتك وصرت حلالك وحلال تقتربلي
_عجبتيني كلش شرشبيل
_جذاب
_هههههه
كمت اخاف منه حسيته مو راحة مشيت من يمه جرني من ايدي بسرعة وحضني بأثنين ايديه قوي كوه رفعت راسي وباوعت يادوب اوصل لصدره ياربي
هذا شطوله حسيت نفسي فريخ كدامه
_ ضعتي بين ايديني ههههه
_عليك الله هاي شطولك
_قل أعوذ برب الفلق لا تخلين عينج الحلوة عليًّ لعابتي
_ والله ضخم كلش
_هاي خلقة الله والله خلقتي بهذا الشكل علمود يميزني عن غيري مثل ماخلقج ناعمة وميزج عن غيرج من النساء الحسناوات
_هههه
_بووية مو ضحكة شكت ضلوعي وتركزت بنص قلبي
_ هذا مو انت
_لاوالله هاي انه بس انتِ ماتعرفيني وماشايفة وجهي الكيوت بس شايفه وجهي
الاجلح الاملح
_اي
_منا وجاي اشوفج بس وجهي الكيوت بس بمقابل اريد دلال منج
_هاا
_شنو هاا اريد دلال منج
بقيت اباوعله مستغربه
دلاليش
_دلال المره لرجلها
_هو شلون يصير
_ماتعرفين
_لاوالله
_يعني تهتمين بي وتداريني وتحبيني وشريد منج تكولين اي تدلل ومن ارجع من الشغل الكاج تنتظريني هيج اريد
_سهلة هاي
_وهاا وغيرها
_شنو غيرها
_تعال خل اشاورج
شاورني خجلت كلش وضربته على صدره بايديه الاثنين هاي شنو موعيب وخر عني
_لا موعيب هو هذا أساس الزواج
_لعد بطلت عوفني
ضمني لصدره قوي وگال
دكعدي راحة كتكوتة ههههه
_شنو كتكوتة
_والله بكد الكتكوت بين أيديه هههههه
_شسويلك إذا انت بكد الديناصور
_تعاي تعاي شلون هذاك علية كايله كدام البارق انه ديناصور وشواربي يشبهن شوارب ابو الزمير
ضحكت ههههه
_فوكاها تضحكين كتكوتة
_اي صدك هههههه
رخه ايديه عني رفعت راسي اباوعله بضحكه أبتسم بخباثه وكال كلهن اطلعهن منج وحدة وحدة
_لاعليك الله والله م...
سكتني بوسة من الشفايف خلاني فاكه عيوني شوي وانتبهت على نفسي دفعته بيديه بعد عني يضحك وگال
_مو گتلج كلهن اطلعهن منج
_مو هيج مايصير
_لايصير والله
_لاوالله مايصير
عفته وطلعت من الغرفة بقلبي فرحانة وقلبي طاير من الفرح طلع يحبني رحت كعدت يمهم امي تضحك ماعرف ليش شوي ورجع وامي گالتله
امي_اريدلها ذهب بـ4 ملايين تسوي
هجرس_ 6 ملايين اسويها ذهب وإذا تريد أكثر تدلل
سكت امي للأبد قطعت كلامه وگلت ماريد هلكد
هجرس_انه اريد ادلل مرتي واشتريلها ليعجبني
جدي_ سوي ليعجبك جدي
ابوي_لا تكلف روحك وليدي وراك عرس وتكاليف
جدي_ماعايزين احنه علمود نخاف
من تكاليف العرس
عمي وائل _ 3 مليون من الذهب مني الك هدية والحنة هم عليًّ مصاريفها
جدي_والعرس على جدك
كلها صارت تتبرع وفرحانة وعمتي عذراء تبرعت بالحلقات گالت الحلقات عليًّ مرت عمو وائل گال الصالون الحنة والعرس عليًّ تفاجأت بمحبتها الفرقد
ماتوقعت راح تتبرع بشي
بقوا يسولفون لحد ساعه12 وراها رحنه للبيت امي فرحانة ماعرف ليش ولاجن جانت معارضة زواجي منه سألتها مرت فاروق من وره خشمها
وكالت عاد سوولها مثل ماراد يسويلها ابن عمي
امي_ياابن عمج عمه الحاضر خلالها 20 مليون والغايب خلالها 50 مليون وذهب راح يسويلها بـ6 واني طلبت 4 كلت هسه يفشل كدام الكل
انوب هو فشلني
مرت فاروق_ شجاه مو كلشي ماسوه المرته لاحاظر ولا غايب خلالها
سلي_مرته السابقة جان مسويلها ذهب يابو الذهب بس هي ماقدرت النعمةلجانت بيها
مرت فاروق_وانتِ فرحانة
سلي_طبعا فرحانة اخذت لجنت احلم بي
باللهجة گلتها وكدام امي هي فكت عيونها
وگالت بكل صلافة تگوليها
سلي_وقابل بايكة الرجال صار رجلي وبعد ايام نزوج
امي_كافي اسكتي ولا تدخلين خلينه فرحانين بزواج ابنيتي
مرت فاروق_مو جنتي ماقابله
امي_غير عبالي راح يحكرونها حكره الجلب لاحاظر ولاغايب وخفت عليها حالها حال هذيج من شفت سوولها غيرت نظرتي امنت على بنيتي حبيبتي
خلت ومشت للغرفة امي اجت وراي للغرفة فرحانة كلش صدك الفلوس تغير النفوس وامي من شافت شخلولي تغيرت مليون درجة وبقيت مصدومة بيها
ثاني يوم الصبح اجه بارق وعمي وائل وخالة حنان ومرت عمو وائل وجديتي حلوة نشتري الذهب والله رحنه وسولي ذهب بـ6 مليون وجملتهن جديتي
حلوة بسوار بمليون وربع هدية امي بقت بس تضحك اني اگولها الكم امي كل همها المظاهر والفلوس والفيكة تحب تتفيك وتشوف روحها على العالم وتتباهه
وراها رجعنا للبيت امي شوفت الذهب لمرت اخوي ضاجت كلش وكامت ماعرف شبيها انزعجت المهم صورت الذهب ودزته الخالاتي ونسوان اخواني
ليشوف امي يگول هي العروس مو اني فرحت اني لان قبلت وماعارضت زواجي وشالت بخاطرها عليًّ المهم ثاني يوم رحنا كطعنه مهر محكمة كلشي جان بستعجال
والأيام تركض ركض هم كلشي جهزوا وجابوا الغرفة رحت شفتها جانت تركية وكلش حلوة وديت اغراضي وكلشي ماخليت بيت اهلي اله شي قليل أحتاجه
وبهاي الفترة قليل اشوف بيها فرقد لان مشغول بتحضيرات العرس والدوام قبل الحنة بيوم لازمة التلفون بايدي واصفح فيس بوك وصلتني
رسالة فتحتها
بسرعة جانت من دلشاد وكاتب
اني اعلمج ام الضباط إذا ماخربت عرسج فلا اطلع دلشاد .
