رواية كفي والمنجمة الفصل الثامن والعشرين 28 بقلم الكاتبة Leo alfatlawi

رواية كفي والمنجمة الفصل الثامن والعشرين 28 بقلم الكاتبة Leo alfatlawi

كفي والمنجمه

للكاتبه leo Alfatlawi

بارت الثامن والعشرون

لبست على السريع ونزلت اركض لكيت مؤتمن عاصر مكرم من ركبته خانكه متولي بوكسات ودفرات

وهيفاء طايحه بالكاع لاحس ولانفس مصطفى كاعد على جهه خال راسه ابين اديه

سماح تلطم

ركضت لهيفاء ادكدك على وجهه اريد اشوفهه عدله لو ميته

اتخبلت مااعرف شسوي البت ماكو لاوحس وجهه امورم امبين مضروبه

دخل احمد وكاظم يركضون يسحبون مكرم من ايد مؤتمن

ماجان بالي شنو ديسوي عقلي كله بهيفاء

صاحت رجاء هاج مي شمري على وجهه ولج

--جيبي عزا ولج مابيهه نفس يمكن ماتت

--مابيها قز القرط لاتخافين شمري كله شنهو تمسحين كالتها واخذته من ايدي شمرته على وجهه

صحت بس شافت مؤتمن كدامها لمت روحها ترجف انداريت لكيت كاظم كامش مؤتمن واحمد بالنص بس مكرم طايح بالكاع حلكه كله دم مانعرف شنو الصار

همه هم يردون يعرفون بس ماكو احد يحجي بس كل اشويه يدفعهم ويروح لمكرم يدفره وكوه يبعدو

عمتي. ركضن ولجن شيلن البت لايرجعلهه مؤتمن

---كومي فدوه هيفاء ساعديني لاتذبين ورحج مااكدر اشيلج

هيفاء. هسه يذبحني

--دكومي ابسرعه يمعزايه

انتجت عليه وعمتي ساعدتني كوه وصلناها

دخلنه للغرفه

عمتي. قفلي الباب ولج اغزيلان ابسرعه

--اي عمه ثواني

كعدت عمتي وخلتها بحضنها وتبجي اتكلهه اشصخمتي وجهنه ولج اشسويتي ييمه مؤتمن ماراح يعوفج اذا مايذبحج بيده ولج عليش

هيفاء جانت بس تبجي عرفتها كامشها ويه مكرم

اشويه وصار هدوء لان سمعنه صوت جدو اجه يمكن اخذهم للديوانيه

دكت الباب صحت منهو

--اني فتحي يصخام امسويه روحها شريفه وتضمضم

--استغفر الله ربي دخلي عيني

--دخلت رجاء قفلت الباب وراها

رحت يم هيفاء كعدت كلتلها كم مره حذرتج موكلتلج مؤتمن اذا كمشج ميرحمج لويش ولج

--مااسويت شي

--عزا العزاج هذا كله ومامسويه شي

--عليش محد يصدكني وين مؤتمن

رجاء. يم جدي بس فاير مشتعل شعل

--اصخام ابوجهي كالتها وردت تبجي وترجف خايفه

اووف يجدو كون الله يحركك بنار جهنم على الدتسوي بينه

ماكو دقايق واجه مؤتمن يدفر بالباب يكول فتحو

عمتي اتااشرلي لااا لحد يفتحه

رحت ورا الباب كلتله مؤتمن حتموت خطيه وهو صرخ غززززل فتحي من انعل اهلج على اهلها لج فتحييي

يصرخ ويركع دفرات الباب على هاي اعصابه اذا كمشها يمكن يموتها

فلش الباب تفليش وخبص البيت ابصوته يتوعد بموتها صوت بيبي بره تتوسل وخالتي تبجي جدو يهدي ماسكت لمن اجو الولد سحبو لومتعطلين اشويه بعد جان طاحت الباب ودخل علينه

ضلينه للضهر احنه كاعدين انخاف نطلع صح بره هدوء بس محد تجرء تفتح الباب

اخذت ملابس من كنتورها ورحت للحمام سبحت طلعت عمتي ام مؤتمن رغم هوستها وبجيها على بتها بس مافاتتها انو اتذب حجي لان سبحت عاوجه علكهه وكل دقيقه تشمر كلمه ابكد راسها

اخذت الفون من هيفاء جان عالميز اتصلت بعمه ام مكرم انريد انشوف شنو الصار اول ماردت لبالها هيفاء جانت تبجي اتصيح هاعمه خومااذوج

--لاعمه اني غزل

--يمه غزاله وين بت عمج

--هياتها يمي مابيها شي ومكرم خومصارله شي وينه

--راح لبو بلكي يكدر يحل السالفه كل انجيب اشيوخ وانجي انطيح على جدج

--لويش متجين انتي اتوسلي بي بلكي يقبل عليمن اشيوخ موانتم اهل لعد ميعتاز

--لايمه مكرم من غير عشيره وجدج ميبس راسه ميقبل يرجع يناسبهم لان ردوني لسه باقيه بخاطره وطاح بيها اوليدي كسور خاطره ييمه لوتشوفي اشلون اجه اليوم مكسور كاعد يبجي يخاف يااذون هيفاء وهو مطايح بيده شي يكول اشلون احميهه اخوتها ماراح يرحموها

--لاعمه والله كوليله غزل حابستها وكاعده يمها محد حيوصلها

--يبعد عمتج اي يمه خليج وياها فدوه اروحلج وهاي الحيه تهاني يجيها يوم

--عزه شنو سوت

--چامنهو االعمل سالفه غيرها غير يكول مكرم صاحتلي للمطبخ كالت القنينه اتنفس ماادري اشبيها ومؤتمن نايم تالي داخل يسويها دازه ورا هيفاء يكول ماشفنه احد صاعده لغرفتهه امنتنه اثاري صايحه مؤتمن داخل عليهم لاگي كامش ايدها ويسولف وياها

--عزا ابعينها والله لرجعهه بيها واخذ حقه بس انطيني مجال هالعكربه بسيطه

--لايعمه دخيلج عوفيها هاي اتنكط سم ابتعدي عنها خليج يم هيفاء لحد منشوف وين ترسي

سلمت عليها وسديت الفون صاحت شعشبونه عليمن تتفقن ولج منهو هاي التحجن عليها

--ماكو شي عمه هاي العرافه امخبصه اشكال ويه عمه عوفج منها هسه اشلون اطلع لولاصار الضهر يردون غده

---وعلاساس انتي ماكو هيج النداره اتفر بيج فر

اندارات لرجاء كالتلها كومي يمه انتي وتهاني سولنه غده وهاي اخذيها وياج خلي اتنضف البيت وعلى الله اطلع واشوف البيت بي كشايه اله امسحها بكفشتها هاي

ولا اتصير مثل البشر سبحان الله الناقص يضل طول عمره ناقص

مر اليوم الكل على اعصابه دخلت لغرفه سماح لكيتها تبجي كلتها شكو ولج

--ولج اخيي شبعان طگ وراد يجي بليل كالوله لاتوصل بس توصل انچتلك

--منو مصطفى لومؤتمن الكال

--مصطفى هادء ماعنده اعتراض يكول بت خاله وهواها خلي ياخذها عليش توكفون بطريقهم شهالتخلف والعادات العدكم

--يعني مؤتمن والله عرفته

-- مؤتمن وجدي معترضين مؤتمن مومعترض على مكرم لايكول لوجاي وكايلي جان شلتها بعباتها وانطيتها بس اني امنت بيتي بيدي اشلون اتعده على عرضي ماله مره يمه بعد واذا اشوفه اچتله

---يلا فدوه بطلي بجي متعرفين مؤتمن يوم يومين ويبرد وخاصه مكرم يحبه

--كومي شوفي العشه هسه يجون الولد

--حضرته العكربه رجاء والحيه تهاني

--دكومي لايجي مؤتمن ويسحلج يكمل بيج عدد الزواحف

--لويش العكربه من الزواحف ؟

--يبووو ربي اني وين احجي غزززل كومي

لثاني يوم وعلى نفس الحاله حتى الاكل انخلي ونشيله محد ياكل حتى نوم مانام ضل بغرفه سماح المكروده

من عنده هم ومينام يضل يمها هم حظ ماعدها هاي ولااتكول اخوها المكتول انوب خجلانه من مؤتمن وهو طالعه روحه لان يعز مكرم اهواي وهيج غدر بي

نزلت الصبح لكيت مؤتمن واكف عاكد احواجبه عرفت مصيبه جديده ويمه رجاء تحجي مااعرف شنو بس هز راسه شافني انزلت اشرلي تعالي

جمت مكاني حاليا مؤتمن اتكول شعله اليوصل يمه يحترك ضليت واكفه مكاني كلتله تره كولشي مسويت لويش اجي

--اذا كلشي ماعامله عليش خايفه تعالي بويه ماطكج

--مؤتمن حباب والله

--غزززل لاتحلفين گربي لجاي وحلكج لاتفكي

رحت يمه واني صافنه شنو هالمره ذبت عليه وصلت يمه قبل لايحجي ضميت خدودي جر شعري حيل كال من اشوكت علاقتهم

--لعد اشعرفني اني

طفرت رجاء كالت يااا شوف البت البارحه اتكلها اني موكلتلكم هسه مؤتمن يكمشكم ديرو بالكم

--عزاا هاي جذاب---- حتى الجذابه ماكملتها

عصر وجهي بيده كال غزل وروح عمي اذا دريت الج ايد بالسالفه راسج اشلعه دفعني دفعه اجيت اجيت على وجهي بيها كوه سيطرت لااوكع

اشكد حقيرا ولااتكول الجنت ادافع عنها اختها مااستبعد طابخاتهه هيه وتهاني سوه ومسويات المصيبه رحت لغرفه سماح لكيتها على كعدتها طابكه المخده وصافنه كعدت يمها باوعتلي كالت

--اشبي وجهج احمر

--هههه انكتلت

--امداج وهيج عادي صارت عدج

--لعد شسوي ماخذتلي همجي ايده والدك عوفج مني هم سوالج شي البارحه

--لاخيه بس للصبح يدخن محترك من العمله مكرم والف مره حلفني اذا ادري

---شنو يعني واذا دريتي شراح يااثر

--يمه اصخام ابوجهي غير يلبسني عباتي ويردني لهلي

--هى ميسويها محد يحمله غيرج ثاني يوم يروح وراح يردج

--بوجود تهاني ميرد بعد احد اكولج اريد اتصل بمكرم واخاف يكتلني والله كلبي يم اخيي

--وين جهازج اني اتصل مالج شغل بعد مااحس بالكتل سالفه مصطفى يكول منحوسه مدري نحاسه مال حيوان

--اتنحس جلدج يحضي غزل حبيبتي عوفي الامثال مال مصطفى اتصلي بمكرم بلكي انتي اشويه اعز منه حتلو راد يعاقبج بس راجدي مواكثر

--اي والله صار يومين ماضربني راجدي

--يمه هالبت راح اتعل كلبي غززل اتصلي

--يووو كلتها وكمت سحبت الفون من الشحن واتصلت ويا فيديو رن اشكد يالله رد لكاني ابوجهه ابتسم كال هاولج من الصبح خير هيفاء صارلها شي

--لاوالله كاعده محد وصل يمها اني كتلوني مكانها

--عليش ولج اكيد صخمتيلج شي

--اي جنت اتستر على واحد واساعده على الحب وهذا الشي تعرف ميصير

--عليش يابه ميصير نسى من جان ساكن بابكم وصالبني ويا على كلن روحي عندي شغل وأي شي يصير بلغيني لاتصيرين فاهيه ديري بالج على هيفاء مااوصيج

--وانته هذا وجهك بعد ميفيد صار امشخط بدله فشله من هيفاء

--غززل ولي مافايخلج من الصبح

سديت الجهاز بعد مااطمنه عليه ضلينه انسولف للضهر لمن صار وكت الغده الولد جانو معزومين يم ناس غده بعد ماسوينه كلمن اكلت شكل

رحت يم هيفاء لكيتهه على كعدتها سالت عن مكرم امنتها علي كلتلهه ديدور شغله يرضي بيها جدج المحجر ردت ضمت راسها بحضنها ماكو انعزلت عنه انعزال تام

رحت لغرفه بيبي اتمددت يمها كاعدات هيه وشعشبونه يدكن اسوالف ويذمن بعمتي المكروده ولااتكول بتهم

رجعو الولد من بره دخل مؤتمن باس راس بيبي وكعد يمي جنت متمدده راد تفتح ويا موضوع مكرم سكتها على السريع ماانطاه ه مجال اندارلي همس كومي نصعد تعبان اريد انام

--مااصعد خليني اهنا ضهري يوجعني من نومت الكاع

--غزل لاتشلعين كلبي

--مااروح مؤتمن روح انته موعندك غرفتين غير غرفتي شكو لاطش

رد يفعص وجهي ضميته ابسرعه كام وهو معصب طلع

ضلت عيني بي خفت يصعد لتهاني بس الحمد الله راح لسماح والله يالله الصبح ايصگع بيه والضهر كومي وياي اشكد فايخ

همزين جدو ينام هالايام بالديوانيه لان ابرد هو ومصطفى

ضليت بغرفه بيبي نايمه للعصر كعدت على صوت سماح وهيه اتكلي غزل مؤتمن دز ذني الصور يكول ابسرعه خلي اتشوف ياهيه التريدها

اخذت الجهاز اباوع بيج ومنشور بي اشكال غرف سماح مالها خلك بس كعدت يمي اتساعدني بالاختيار المشكله وحده احلى من الثانيه احتاريت

دخلن بكيزه وزغلول فاكات احلوكهن كعدن يم بيبي يتهامسن ويضحكن كالت سماح شكو محتاره

--انتضري خلي اختار لان هاي اول شي راح اخذه على ذوقي

--شوفي هاي الملكيه حلوه

--هاي رادلها تنضيف اهواي بيها كومه زخرفات مااريدها

رجاء. على شنو تتجادلن

--دااختار غرفه

--المن

--لعرس مؤتمن المن يعني الي

--يااا وشسوين بيها

--استغفر الله شوفي سماح هاي حلوه مو

رجاء. شو وينها . ياا دشوفيها اشضخمها الله اعلم ابيش منيله اخيي

--وانتي شكو اشو اله اخذها ابسرعه دزيت صوره اله كتبت هاي دز لايك

رجعت الفون لسماح رجعت مكانها تاكل بضافيرها من الغيره مدري اشتحجي ويه تهاني وتهاني شاورتها ضحكن كالت يلا عليها اليله ليلتج عرفتهن اتفقن على مؤتمن اتبيته يمها بس شوف منو الراح اتخلي

واكفين بالمطبخ كالو سوو طريق لحد يطلع

سماح. غزل غرفتج جاهزه لو بيها خزعبلاتج يمعوده ولد راح يدخلون

--لاكلها شلتهن ومسحتها

--وملابس شي

--ماكو فارغه

--جا سدي باب المطبخ وتعالي كعدي اهنا لاتتحركين

--انطيني الفون خلي اباوع شي بين ميخلصون

كعدت افتر بالبرامج والولد دخلو الغرفه وشدوها بين ماسوت سماح عصير وجاي ساعتين كملو الشد جنت متحمسه اشوكت يخلصون واصعد اشوفها

خلصو وطلعو مؤتمن كال لسماح هاي مفتاح الغرفه اطيهيا وطلع وراهم عالاساس زعلان لان الضهر مارحت ويا

صعدت للغرفه ركض دخلت اتجنن صدك غرفه الاحلام

اشكد فرحت بيها على السريع نزلت جبت غراضي من غرفه سماح واني وياها سفطناهن ورتبانها انطتني فرشه لان ماجايب

كالت بعدين فاتحي موهسه لان واصله ويا للضالين واليوم ياحبابه طبكي مخدتج ونامي لاتتأملين اهواي

--لويش عود

--لان تهاني مستعده ومحضر نفسها من الغروب صايره عروس ناويتها

--لاحبيبتي هاي تحلم خلي اشوف وين حينام

--والله انتي وشطارتج كالتها وطلعت

والله يمؤتمن اذا سويتها صدك اله اندمك عزا اول يوم تجي غرفه اتعوفني وتنام وياها غير اموت قهر هاي اتريد اترجعلي السويته وياها بليله العرس مالتها

ضليت ارتب بالغرفه لمسات اخيره فتت سبحت لبست اتراك خفيف ومكيجت شلت شعري كبايه ليفوك العطر كوله فرغته هذا اذا اجه وكلتله خلص يمكن يشمرني من الشباج لان ثالث عطر يجيبه

اتمدتت على الجربايه فرحانه بيها اطبطب عزا اتكول ماشايفه اول مره بس حقي اول مره احس شي اني مختارته والي تابع

الغرفتين الجنت بيهن موالي سمعته صعد شلت راسي شفتها صايره بالعشره بليل

قبل لااكوم انفتحت غرفه تهاني وانسدت عرفتها اتلكته وسحبته يمه اشتعلت نار احتاريت شسوي ضليت افتر بالغرفه اريد شي اسوي اسمع ضحك تهاني وصل يمي كمت اكمز من القهر احتاريت شنو اسوي مابيها غير اروح اجفتهم واسحله من حضنها واليصير يصير وصلت للباب اتراجعت اخاف انسحل وانطرد واتفشل

ضحكها قوه هاي شديسوون وهيج تضحك احس نار اتفور بداخلي اباوع للجربايه عزا اشكد فكر انتي بعدج مااجيتي طيرتي مؤتمن

رجعت كعدت عليها محتاره شنو اسوي ولافكره ابراسي خليت راسي على المخده واسمع طكتها ضحكه خلتني اكمز شنو هذا شديسويلها وهيج دتضحك فتحت الباب مااعرف اشلون اجت ابراسي صحت مؤتمنننن الحكني لك مؤتمنننن

على صوتي طلع يركض قميصه مفتوح دكمه من فوك طلعت ورا بالسيت صافنه لبالهم شوشنو صار كال شكو

--التبريد ديطلع نار مااعرف اشبي

دخل للغرفه رادت تدخل سديت الباب ابوجهه

هو راح للتبريد يشوفه قفلت الباب وشمرت المفتاح من الشباج رحت يمه كوه كامشه ضحكتي واني اشوفه اشلون يكلب بي لباله صدك كال مابي شي منين طلع نار

--هااا

اندارلي امضيك اعيونه گال غزيلان منين يطلع نار

--مااعرف بس هيج شفته يجوز متوهمه مااعرف يلا تركه

رجع باب التبريد حيل كبسه وراح لجهة الباب جره لكا مقفول صاح غزل بلا لعب جهال انطيني المفتاح

--ماهو شمرته

--غزززل

--والله شمرته

--ويننن استغفر الله غزل روحي جيبي

رحت للشباج مديت راسي اريد اشوفه ابسرعه سحبني كال اشبيك اتسودنتي

--هئ بس دااشوف المفتاح بلكي اشوفه لان شمرته منا

--صدك تحجين

--اي والله تكدر تطفر من الشباج واتروح اتجيبه لو اشلون

مارد وكف اتخصر باوعلي كلت راح يجيني راجدي بس همزين هز ايده نزع قميصه شمره وراح للجربايه اتمدد كال طفي الاستغفر الله وتعالي خمدي على الله اهيسلج حس اكوم ادوس على راسج

ركضت طفيت الضوه ونمت هو دار وجهه ونام اتخيلت تهاني منتظره مالحكت بس تضحك ويا خرب كوه كامشه ضحكتي اخاف يسمع صوتي ويكوم يكتلني

نمت بالجهه الثانيه بس صبحت نايمه على بطنه ورجليه بالجهه الثانيه امدندله بالهوا

شالني خلاني على المخده وكام للحمام يسبح رجعت غفيت

فزيت وهو يخابر بمصطفى يكله ولك جوه الشباج وين طار دوره عدل ادري بيك اثول -- شوف الجهه الثانيه ----لاتضل مثل الزمال دوره عدل هاي اذا ماطلعت فكرتك والله ماكو مصيبه اذا مالك ايد بيها

عصرت روحي عن لاتطلع الضحكه حلو من ينزل على مصطفى وذاك تجي التايهات صفح ولازم يتحمل رزاله وين يالله كله واخير يلا فضها اصعد ابسرعه راح الوكت

انفتح الباب وطلع مستعجل راحو للشغل

كمت غيرت ملابسي ونزلت لكيت سماح كاعده اول ماشافتني طكتها ضحكه رحت يمها شكو ولج لويش اتضحكين

--ولج حابسه الزلمه اشلون دبرتيها من الصبح اندور على المفتاح صدك تحجين

--لعد شسوي ميرضه ينام بغرفتي مالكيت غير هاي الطريقه

--والله عفيه عليج بس وصفيلي شكل تهاني من ضاع تعبها بالبلاش

--لج والله هيه دقتني تضحك بصوت عالي خلتني اطفر تالي خليتها اتنام بحسرتها كلتله السبلت طلع نار لعد بس هيه اتكول القنينه اتنفس هاي ردتلها

--حيييل تستاهل والله ذيبه عفيه عليج بس هاي البارحه اليوم شنو حجتج

--مالج شغل ادبرله وحده للعصر

--يلا اتريكي خلي انكوم انضف البيت صار يومين مامنضفين

دنتريك ونزلت تهاني اعيونها يطلع منهن شرار اتريد تفترسنه

اكل وسماح كل اشويه تطلع منها ضحكه متسيطر

دخلت رجاء فاكه حلكها عود متشمته متدري الصار كمنه قبل لااتبلش عفناهن ورحنه للمطبخ

بس اسمع اصخام الصخم وجهه يع ويع كل يع اتكولها اتكمزني عفيه مو صوت مره اشلون اخويه متحملها ماادري يلا حتجي وحده اكيوت الله عوضه

قبل الضهر دخل مصطفى وجهه ميبشر بخير ضايج اشكد ردت اعرف اشبي بس ماحجه لمن صار وكت الغده اجه مؤتمن كاعدين نتغده كال لجدي اكو ناس جايين على هيفاء خوش ناس راح انطيهه

جدو. سالت عنهم

--اي زلمه بي حظ وراح يصونها

--بيها الخير اذا تشوفه زين هلابيهم ياخذوها بعباتها

اتفاجأنه من كلامه سماح كامت لغرفتهه تبجي على اخوها

تهاني انشك حلكها من الضحكه اشكد احترك كلبي على مكرم وهيفاء مااعرف اشلون خلصنه الغده

ورحت لغرفة هيفاء لكيتها ناطه من البجي كلتلها لويش تبجين

--ولج راح يزوجوني سوده ابوجهي غزل دبريني

--ولج اخدودج لويش دتملخين بيهن عزززه

--ولج راح اموت والله اموت روحي اذا غصبوني ماحاسه بالاحسه حقج

-- لا مريت بهيج شي حاسه بيها من مغصوب على شي ومتكدر تنقذ نفسك والكل ضدك

-- اكتل نفسي ولااتزوج غير مكرم وين مؤتمن خلي اكوم ابوس رجلي بلكي يعوفني ميزوجني مااريد اضل طول عمري بلازواج اخدمكم بسلااتزوجوني ولج غزل فدوه اروحك كومي هو يحبج بلكي يسمع منج

--والله كومه حجيت ويا ميسمع منجي اشبيدي عليج والله حاسه بيج

--والج اموت والله يمه انام بغير حضن مكرم اموت بعلي ياعالم رحموني عليش مؤتمن يسوي بيه هيج اني ماجرمت بس حبيت يمه سوده ابوجهي

تبجي وتطلم كمت كمشت اديها اريد اهديها بس ماكو انجنت تلطم وتحجي

وين مؤتمن مومر بهيج شي موحس بلجمت الكلب نسى وكفته نص اليل بالباب لو حسرته عليج چاعليش مايحس بخته من راح يضلمها ولك عليش مو اني اخيتك

--عزا راح اتموتين ولج كافي

ساعه كامله لمن نطت من البجي جابتلها سماح مهدء كوه خليناها تاخذه وتنام

طلعت من الغرفه اخذت جهاز سماح خبرت مكرم كلتله على الصار سده الجهاز ابسرعه مااعرف وين راح

الضهر نايم مؤتمن يم جدو بالمضيف ودخل مكرم شافته سماح كامت تلطم كمشته وتتوسل يطلع دفعها ودخل للديوان على اصواتنه كعدو كام مؤتمن جره من ياخته كله شكووو جاي

--اعمل التريده مؤتمن بس ابروح عمك لاتنطيهه

دفعه كله اطلع مكرم انسى الخوه البينه ومره مالك يمه لاتجي ولاتطلب خلي النفس عليك طيبه لاتخليني اسوي شي اندم علي بعدين

--سوي الترده قابل اذبحني ادفني بس ادخيل ربك لاتاخذها مني كالها وبجه

يمه كسر كلبي من اشوفه يتوسل ودموعه تنزل وهذا ولاكأنما جان صاحبه لاوالله اكثر من اخو اشلون يباوعله بغضب يريد ياكله ويطرد بي اصواتهم صعدت هو يطرد ومكرم يتوسل اخر شي كله وحك علي اخلي جيله ابراسها واكتل روحي وراها ولااخليها اتصير لحد ثاني كالها وطلع

هز ايده مستهزء مؤتمن رجع طبك مخدته ونام جدي يضحك امكيف مؤتمن رده ماانطاه كلمه غير متت قهر كلبي كام يغلي كعدت على الدرج ابجي

نزل مصطفى من غرفته كال شكو تبجين

--والله اذا سواها مؤتمن وزوج هيفاء اعوفه ولويموت ماارجعله

--ولج منهو يزوجها اشبيج هاي جره اذن بس غلسي لاتحجين خلي يشلع كلبه اشويه

--الله عليك

--والله اشبيج هسه مؤتمن مستعد ينطي روحه لمكرم مومره هذا رفيج عمره موش معرفت البارحه بس اكيد راح يضل شايل منه ماراح ترجع علاقتهم مثل قبل يا غزيلان اخرب وياج اذا طلعت السالفه

--لاوالله مراح اكول

رحت صعدت الغرفتي مرتاحه الحمد الله ماطلع بذات ونكر تعب مكرم ويا ردت ادخل الغرفه

سمعت صوت من غرفة تهاني هيه ورجاء اشلون يتفقن على مؤتمن تنطيها نصايح خراب مو نصايح عزا ابعينهن اشلون يردن يكلبنه عليه

ركضت لغرفتي قبل لايشوفني سهلا تهاني اذا ماخليتج اليوم اتنامين بحسرتج هم مااطلع غزل باوعت للغرفه شنو حسوي منين حبلش باوعت الساعه 4 العصر هم يالله الحك

طلعت قميص نوم احمر بس هذا حتى الي بالملهه متقبل اتلبسه اشلون مشتريته اني

باوعتله كلبته استحت البسه بس اتذكرت رجاء اشتنصح ابتهاني وشنو اليوم امسويتله من اجواء شجعني البسه رحت خليته على الميز.

نزلت لسماح لكيتها كاعده معوشه ضايجه كسرت خاطري كلتلها باعي حكلج شي بس حلفي متكولين لاحد

--شنهو حجي كلبي ويوجعني خيه راح اموت على مكرم خاف يكتل روحه

--السالفه جذب كال هيج مؤتمن حتى يجر اذن مكرم

--ابداعت امج

--وروح بابا بسلا اتكولين لان صافو حلفني

-- جااشلون اخيي اذا مااكله يموت هسه

--لاع ميموت جان متنه قبله نفس الشي مرينه لاتخافين عوفج من اخوج اريد فرشه حمره

--خير غزل شتسوين بيها

--مالج شغل بس انطيني عندج

--اي ذاك الديباج يفيدج

--يلا نزلي واريد عطر مالتي خلصان

--عفيه اعطور اشكد اتصرفين

--شنو بعد خلي اتذكر لحضه هااا اريد ايباد مالتج وقلم حمره هم لون احمر سائل ماعندي هيج لون

--روحي كلبي ذيج العلبه بس تره اليوم مؤتمن لو اتنطبن ميجيج صار كم اسبوع يمج اشلون راح اتسحبي لغرفتج

--باعي انتي راح اتساعديني

--اشلون لاتوكعيني بمصيبه غزيلان اخاف انتي حاسبج طفله ويظحك على اسوالفج احنه ننطگ

--لج باعي من يجي مويخلي سلاحه على الميز يتوضه انتي اخذي وصعديليا اذا سالج كوليله غزل صعدته خافت يلعبون بي اطفال حبيبه ومالج شغل بالباقي

--واذا عرف اني امسويتها

--مراح يعرف ولاراح يلحك يسال بس سوي الي اگولج عليه هو مينام اذا موسلاحه جوه راسه هو هذا الراح يجيبه للقفص

اخذت الغراض منها وصعدت ابسرعه للغرفه فرشت الفرشه طلعت اتجنن هاي ويه القميص نفس اللون تطلع فد شي بس عوزي بعد صبغ

اخذت دوش على السريع وكملت شغلي طلعت ماخليت ماسك ماسويته حتى رجليه سويتلهن 3 ساعات واني اشتغل صبغت صبغ بعرسي مامسويه مثله

والله صدك الغيره اطلع الابداعات المكبوته استوني عرفت اني مبدعه بالصبغ والخباثه

سويت ميكب هادء فتحت شعري عفت الحمره ماخليتهه لان سائله اخاف اتروح

اباوع الساعه صارت 9 واني بعدني بعد مااشوف دربي هذا وصل صله واتعشه وهاي الثوله لحد هسه ماجابت سلاحه بسلا نستني ويروح شغلي كوله عالفاضي خرب بقسمتي

صبغت اضافيري على السريع واضافير رجليه من الاستعجال اشلون مجان سويتهن كمت لبست السيت

اندكت الباب عرفتها سماح استحيت اروايها شكلي لان فشله طالعه بهذا اللبس من وره الباب مديت ايدي ضحكت انطتنيا وكالت تره راح يصعد ابسرعه همي ايدج

سديت الباب على السريع خليته على الميز مالت الجربايه وركض خليت الحمره اخذت الايباد واتسطحت بس فحطان كلبي من الركضه تعبت

اخذت نفس ارتاح فتحت الايباد على بزون وفاره نثرت شعري من الاصفاح سمعته صعد ابسرعه قدمت الفلم علمود لايشك استوني باديه بي

المقاطع مالته عاديه افلام كارتون بس اضحك على السويته دخل لكاني امدمعه من الضحك وكف بالباب

كال وين سلاحي اشرتله عليه ورجعت اباوع واضحك عالاساس مامهتمتله

بس اضحك ويه الفلم اشوف يتحرك بالغرفه وكف اشويه اخذ صفنه اريد اشوف بعد اشكد يتحمل ضليت مستمره ويه الفلم واضحك من كل كلبي راح لكنتوره فتحه اسمع حسرته وين وصلت طلع منشفه وراح للحمام

انوب اتذكرت تهاني اريد اوكف من الضحك ماكو سبح وطلع ينشف اجه يمي سحب الايباد كال على شنو اتصحكين

--على البزون شوف الفاره اشدتسوي بي بس هو اثول يمشن عليه

ضحك وشمر الايباد والمنشفه رد هو مواثول تره كاشف لعبهه بس يريد يشوف وين توصل وياهه

--تره مدااقصد شي اني

--لاحشه ابد دتعالي خلي اشوف شنو طعم هالحمره-------

--مؤتمن

--همم

--اذا اتقدم مكرم وجابلكم اشيوخ حتوافقون

--غزل اريد انام تعبان خلي اسوالفج الصبح

--فدوه وافق خطيه والله يحبها

--بيوي لاتدخلين بهيج اسوالف نامي

--تره خنكتني لاتجعصني هالشكل اريد اتنفس وبعدين لويش انته ضايج نست ذولاك الناس اليوكفون بسيارتهم المضلله لخاطر لاينكشفون

--اشوكت خابرتي مكرم

--مخابرته

--چااشدراج بهيج شغلات

--انكلبت على بطني وشلت راسي خليت اديه على خدودي انتجيت عليهن كلتله اشكد ضليت اتراقبني

وخر ايده عن اعيونه وباوعلي كال يهمج

--اممم اشوكت اول مره شفتني

--من رجعتو خبرني واحد من اصدقائي قريب على بيتكم كال اجو بيت عمك وره يومين فرغت رحت وكفت يم الحديقه المقابيل بيتكم جان عصريه وكتها مر وقت موهواي على وكفتي شفت ابنيه طالعه من بيت اجوارينكم اطفر تضحك بس جان لبسها كارثه كونيه كلت هاي اشلون اهلها عايفها هيج بالشارع

--منو هاي

--وحده جانت متمشي طايره بالهوا وضحكتها وين واصله شعرها فاتحته وتكمز ماخذه الدنيا لعبه

--اممم وبعدين

--ضليت صافن عليهه واسب ابهلهه

انصدمت من طلعت وحده وراها صاحتلهه غزل فونج

تركتج عمرج سنتين جنت متصور ابمخيلتي بعدج طفله اتفاجأت من شفتج هيج كبرانه

--لعد لويش منزلت وحجيت وياي

--بالبدايه كلت خليج يم امج بس يصير سن القانوني اخذج ضلت كل فتره اجي اشوفج من بعيد لحد ماشفت الزمال ابن رجل امج جرج من كصيبتج وانتي دفعتي احس الدم صعد ابراسي خليتج ادخلين واخذته على صفحه راويته الدرابه

--عزززا هاي انته الضاربه الحمار كال التمو عليه سلابه وكتلوني وكتها لعد اشلون ردت اتزوجني فلاح عدكم

--يافلاح لج بس ادري جدي ماراح يوافق وانتي راح اطفرين واتشمرين حجي ردت اكتم نفسج بي لثاني يوم واكول ماكو واحد رضه واعقدج اكيد راح اتوافقين يضل ابن عمج اهون من فلاح بيتكم بس بت ال----طلعتي انتي انغل رحتي اتزوجتي

--مؤتمن اشوكت حبيتني

اخذ نفس وباوعلي كال من شفت اول ضحكه ضحكتيهه وانتي اتباوعين لجامة السياره

--ماادري مااذكر حتى السياره اشوكت جانت توكف مامنتبها

--طبعا ملتهيه بملابسج الطافرات بيويه اجنتي اتحسن من اتلبسين هيج

--عوفك من لبسي لويش متوشم اسمي بجسمج لعد اني وحده واشمه

--وين وشمج شو خلي اشوفه

--لاجذب عوفني دااتشاقه وياك لالا مؤتمنننن

طبعا احجي وحدي

لان مؤتمن بلش بالجوله الثانيه---

لفيت نفسي بالجرجف رحت للحمام اتذكرت ضحكات تهاني البارحه همزين مانسيت

على السريع سبحت وطلعت لكيته استوه غافي والله اليوم لو اعرف انسحل مااخلي ينام هيه طفر عليه وهيه عضه خليته يكمز كال اشبيج بيه اتسودنتي بهاليل

--شنو مونعسانه اكعد وياي اشويه

--يابه انتي مونعسانه اني اتعبان تعالي ابنيتي نامي الله يهديج سحبني ونيمني على ايده حضني كلتله شوف بين فرق العمر ويكلج لويش تردين واحد ابكدج

--ابنيتي الي ابكدج هسه ينام يم امه بعده يخاف يروح وحده للحمام نامي بابا

--شقصدك اني زعطوطه تره انته جبيره

--اني جبيره بس نامي

--مؤتمنننن

--ومررررض شكو

--مونعسانه

كعد مسح وجهه لان نومته طارت اندار باوعلي ماكدرت اكتم ضحكتي غصبا عني طلعت لان اشوفه امعصب كال جنج اليوم انتي متنهدين خلي اشوف اشكد بيج حيل شو تعالي

الحمد الله ماسوالي شي بس هيج ضليت ويا اتماطل حتى لوجان بس يبوسني اطلع الضحكه بصوت عالي قاصده اسمعها ناويه اكعد الصبح كون الكاهه مجلوطه لمن تعبت من صدك بعد مابيه اتنفس

كال كافي كلبج راح يوكف سحبني لحضنه ذبيت روحي من التعب ابسرعه غفيت

كعدت الصبح شلت راسي شفتهه صايره العشره كمت همزين سبحت البارحه مابيه حيل كعدت امكسره

كمت غيرت ملابس نزلت افرك بعيوني واتثاوب لكيت شعشبونه كاعده عوجت حلكها كالت صدك من كالو الخجل راح ويه اهله

هاي اشبيها رحت للمطبخ لكيت تهاني كاعده تبجي كل عين اشكبرها ورجاء كاعده اتسكت بيها اول مادخلت كالت ماكو اليوم انخلي حد شنهو ماعده غيرها انتن كلجن الجن حق اليوم يبدي بالتقسيم

سماح. اني مره جبيره يومي متنازله بي لغزل كالتها ورسلتلي فوسه بالهوا وتضحك

تهاني. يااا وعليش خيه لغزل جااني هم بعدني عروس اشفت من زواجي ماكو الايام تتقسم حالي حالها من ردت لسه حاجزته بغرفتها شنو ذنبي

--عزه دتتعاركين على مؤتمن والله عيب عليج مره اشكبرج ابكد ماما صدوك دتحجين

اني كلت ابكد ماما سماح طكتها ضحكه وهيه كمزت اتعد وتصف والدموع تنزل كل عيطه اتعيطها تثول المطي عفتها اتعيط ورحت يم سماح عالسنكي كلتلها اشبيها اليوم

--هوا منو الاشبي خيه تره البيت كله مانام البارحه من صوت ضحكتكم حتى استحيت من مصطفى طلعت للمطبخ ردت اشرب مي لكيته يضحك كال ذيبه مثل امها اذا ماخلته يمشي بالشارع يصيح بسمها تعالي تفلي ابوجهي

--عزا صدك هيج مفضوحه اني اشكد فشله

--عوفج من الفشله والله وطلع بيج حظ اول مره اسمع مؤتمن يضحك من كلبه وانوب تهاني نزلت الصبح اعيونها دم امبينه للصبح مانايمه حيل بيها تستاهل

--اكولج جوعانه

--افا يخسه الجوع احلى ريوك هسه اسويلج على مابردتي كلبي البارحه اووف اخذتي حق مكرم منها

سوتلي لفه اخذتها وكوب جاي طلعت بره رحت لغرفه بيبي كلتلها صباحووو ماردت سحكتني اتكول بايكه حلال ابوها

عفتهه كعدت اكل واكلب بالفون مالت سماح اجه مسج من مكرم يسال شنو الاخبار خليت كوب الجاي ودا ارد وبيبي تسال ماصار فرخ عدج كتبت بيبي بعدني

مكرم- شنهو بيبي

--اوو دااحجي ويه بيبي خبصتني لاماكو شي هدوء

--اشلونها هيفاء

--مابيها شي زينه كاعده

--منهو اجاكم

--ماكو احد لحد الان يمكن جذب الشغله

--اني هم حاس مؤتمن ماراح يغدر بيه صح اني ناقص وتعديت على عرضه بس يضل اخيي واهون عليه

--بيبيسكتي

--غزل اشبيج خويه

بيبي بعدها تحجي روحي دكتوره شوفي شنهو علتج اخاف مثل سماح اني عين بيها وعين ويه مكرم مااعرف المن اجاوب هو اني كوه ساعه اتهجه يالله اكتب وهاي تلغي كوه ختمتها ويه مكرم وامنته هيفاء

وسديته اتربعت البيبي يلا بيبي كولي شنو العدج كتيهن كولهن

--ياع شوف البيت ولج انتي اشوكت تنعدلين

--بيبي دشوفيني كوه دااكتب وانتي اتخربطين فكري

--دخل مؤتمن كال ام الفكر كومي سويلي جاي

--مااعرف هسه حصيح سماح اتسويلك

بيبي. چاشاطره بس اتلفلفين الزلمه وتاخذي غرفتج

--بيبي هذا مال واحد يكدر يلفلفه صدك دتحجين شوفيلج شي يدخل العقل

--ياع چا موش ليله ذيج البارحه

--مؤتمن حلها يلا لويش اجيتني اذا ليتلهه

--انكتمي ولي سويلي جاي وانتي جده لاتدخلين بهيج شي كم مره اعديها حياتي الشخصيه ممنوع احد يوصل صوبها

--ياع ولك جده حرام اعدل بينهن

--سهلا اعدل بس هم لاتدخلين

--رحت كعدت يمه شنو حدعدل اشلون يعني

--غزيلان كومي بويه راسي مسطور سويلي جاي وكافي لغوه

بيبي. طبعا يجده راسك مسطور چا البارحه للصبح مانايم هاي الفرخه راح اتموتك ناگص عمر

--والله يجده محد راح يموتني ناكص عمر غير مشاكلكم كالها وطلع من غرفتها كمت لحكته صعد فوك

ورا قبل لايدخل غرفه تهاني دفعته من ضهره دار وجهه واني بعدني ادفع بي لمن وصلته للغرفه مالتي دخل للغرفه وهو يهز ايده ويضحك سديت الباب

شوف مؤتمن ايام ماكو من هسه دااكلك ادخل عليك للغرفه واسحلها سحل

--امم وبعدين

--ماكو بعدين متروحلها

--عاد اتعوضيني لوبس متروحلها

--اني وين احرك ابروحي وهو وين يحجي مؤتمننن شوف خلي اتفق وياك

--اممم كالها واجه رفعني صرت بمستوى وهو يضحك كال اشلون ابتليت بطفله يربي

--مودااتفق وياك نزلني

--منهو مانعج كملي بويه شنو اتفاقج

--الاسبوع 7 ايام 5 يمي و2 لسماح

-- كولي والله كالها و شمرني على الجربايه وطلع يضحك

عزا بس لاراح يروحلها طلعت اركض ورا لكيته نازل امنيت

رجعت لفرشتي نمت ماكعدت غير على صوت اعياط جوه نزلت اركض لكيت عمه ام مكرم تتعارك ويه بيبي وتطلم علمود ابنها

ليش ناكريها ومينطون بتهم اتكلهم ابني راح يموت ولكم البارحه مرتين اتخربط بس يحرك ابروحه واني ماعندي غيره

بيبي. يطبه احريشه جامن يتعده على عرضه مافكر بيها

--ييمه وروح اخيي مادخل بالحرم عشكها لاتكسرون بي

--ماله مره خلي يدك راسه بالحايط

--عليش ييمه هذا اوحيدي لاتكسون كلبي بي

--كومي يلا طلعي اوحيدها تعرفين مااناسبكم عليش اتلحون

كعدت تبجي اجاهه مؤتمن باس راسها كلها لخاطرج عمه راح انطيها لوعلى ابنج ماانطي لو يشيلوني بتابوت خلي يجيب الزلم باجر ويجي كافي دمعتج غاليه لاتنزليها

باس راسها وطلع وهيه خطيه اتهلهل وتبجي كامت ركضت لهيفاء الي جان حالها بعد اتعس من مكرم السواد محتل اعيونها كامت اتبوس بيها واتهلهل مامصدكه

بس ضل القلق من جدو اذا سمع باجر شراح يسوي

كاعدين كلنه على العشه دخل احمد سلم وكعد مؤتمن فاتح جدو بالموضوع على مشيه باجر

جدو شال راسه معترض

مؤتمن. جدي انطيت كلمه حضرو روحكم باجر المشيه

--تكسر جلمتي يمؤتمن

--ماعاش الي يچسرلك چلمه بس الولد ابنه اوله من الغريب واعرفه زلمه امعدل راح يصونها ويخلها بعيونه

--جاهيج تنطي بدون لاتسألني

--ميحتاج اسأل لان حاله حالنه هم ابنك هو

--اباوع تهاني ورجاء اثنينهن ضحكن يتفقن اشلون يخربن الخطبه

بس الضيع الضحكه

من كال احمد شنو باجر المشيه چالبالي تمشوين وياي باجر العقد مالتي---

التاسع والعشرين من هنا

تعديل المقال