رواية عود ثقاب الفصل السابع والعشرين 27 بقلم ندا سليمان
وقفنا الحلقة اللي فاتت عند أما
جه دور عزيز البنا محامي الطرف التاني وقال كلام غريب عجيب محدش كان متوقع انه يروح بالقضيه في الاتجاه ده طارق ونهال وداليا والمحامي الكل صوعق من التفاصيل اللي بيحكيها مش كده وبس ده جاب اتنين شهود لاثبات كذبه وافتراءه الآ وهم عوض وصابر !
ندهوا على اسم عوض وداليا متابعاه من اول ما دخل بعيون مصدومه من الكلام اللي لسه سامعاه وقصاد عنيها صورتها وهي بتترجاه ينجدها
_احلف ع المصحف ده وقول والله العظيم اقول الحق !
بص عوض لداليا وافتكر منظرها وكلمتها اللي هزت كيانه ( اعتبرني بنتك وانجدني ) سمع صرخاتها في ودنه وهرب من عنيها اللي بتقوله دلوقتي #اتقي_الله
بص لعزيز ولقاه بيبصله نظره معناها ماتنساش الاتفاق عشان ما تندمش !!
افتكر المبلغ اللي ماكنش يحلم بيه طول حياته و الحياه الكريمه اللي هيعيشها هو وبنته ومراته والمستقبل اللي هيأمنه لهنادي وفي نفس الوقت افتكر تهديدهم لحياة بنته الوحيده اللي جابها بعد عذاب وحرمان لو رفض ينفذ بلع ريقه وبإيدين مرتعشه حطها على المصحف واقسم : و و الله العظيم اجول الحج
_احكيلنا اللي تعرفه واللي شفته ليلة الحادثه
عوض: كنت جاعد انا وصابر واد عمي في الفيلا بنشرب شاي ونتحدت عن احوال البلد والدنيا ولجينا البهوات كالعاده جايين ومعاهم الست داليا بيضحكوا ويتدلعوا ودخلوا جوه الفيلا وكانوا كيف السمنه ع العسل
_طيب وليلتها ماحصلش اي خلاف او خناقات ؟
عوض: لا يا بيه هي مشت مع سي محمود وكانوا زي الفل وجاسر بيه هو والاستاذ خالد مشوا الصبح
_بص لداليا كويس شفتها قبل كده في غير ليلة الحادثه ؟؟
بصلها بخوف ورد بعد ما هرب من عنيها : أ أ أيوه يا بيه
_طاب تفتكر ليه ما دامت صحبتهم اوي كده هتعمل كل ده وترفع عليهم قضيه !
عوض : الله اعلم بجى يا بيه يمكن بعدين اتخانجوا واختلفوا ع الفلوس ولا حاجه ولا يمكن لا مؤاخذه ما ادوهاش اوجرتها كامله
داليا بتسمع كلامه وهي لسه مصدومه وبعد ما سمعت آخر جمله حست الدم بيغلي في عروقها وبدأت تجز على سنانها وقفت فجأه وقبل ما نهال تسألها فيه ايه ؟ جريت علي عوض وهي بتصرخ : كلكم كلااااااااااااب >•<
مسكته من رقبته وصرخت : ليييييييه ماكفكش انك وقفت تتفرج جاي دلوقتي وتتهمني في عرضي يا حقييييير كفاااااااايييه
حصل هرج ودوشه في القاعه وجريت نهال والمحامي بيحاولوا يخلصوا رقبة عوض من ايدين داليا وهي زي اللي في عالم تاني ضاغطه بكل قوتها على رقبته >•< نزل طارق من مكانه وخلصه من ايد داليا وهي لسه بتصرخ وتبص لقفص المتهميين : مش هسيبكم والله ما هسيبكم ولو المحكمه ماجبتش حقي هاخده بإيدي يا كلاااااااااب انتوا حتي ما تستاهلوش اقول كلاب لان الكلاب في قلبها رحمه عنكم
فضلت تردد بقلب محروق : حسبي الله ونعم الوكيل حسبي الله ونعم الوكيل
طارق قال لنهال تاخدها ويطلعوا بره وفعلا سحبتها نهال بالعافيه وطلعوا بره القاعه ،ضمت داليا وهي منهاره وحاولت تهديها ~
وفي اثناء كل اللي حصل شيماء قدرت تاخد كمية صور ممتازه قرت الكدب في عيون عوض مع كل كلمه قالها زي صابر ابن عمه اللي بيقول نفس الكلام دلوقتي !!
ومريم قاعده بعيد وشايفه كل اللي بيحصل ، قلبها وجعها اووووي على داليا وفي نفس الوقت قلبها مش قادر يقسى على خالد
حاسه انها بين شقي الرحا ومش عارفه ناويه على ايه
فاقت من شردوها على صوت القاضي بيعلن تأجيل القضيه للشهر القادم ،،،
~
~
~
نهال مش عارفه تسيطر في المحكمه على حالة داليا طلبت اسعاف بسرعه ونقلتها ع المصحه عملتلها اللازم ونامت داليا بعد حقنه مهدئه
.
.
.
خرجت نهال بره أوضة داليا وهي بتسترجع كل اللي حصل في الجلسه وفاقت من شرودها على اتصال طارق
نهال : ايوه يا طارق ايه الاخبار ؟
طارق : طمنيني الاول على داليا وانتوا روحتوا فين اصلا !!
نهال : انهارت خالص وماقدرتش اسيطر على حالتها فطلبت اسعاف ونقلناها المصحه وهي نايمه دلوقتي في اوضتها
طارق : لا حول ولا قوة الا بالله Sad(
نهال : ايه المهزله اللي حصلت دي يا طارق ! وهو مش كان عوض الزفت ده محبوس معاهم ؟؟ وبعدين وصلتوا لايه بعد ما مشينا
طارق: القضيه إتأجلت للشهر الجاي ان شاء الله وبعدين بخصوص عوض هيحبسوا شاهد !! اعتبروه شاهد من الاساس وطلعوه بس ماتقلقيش انا مش هسكت وشيماء كمان في صفنا ولسه كانت معايا دلوقتي قبل ما اكلمك وقالت انها هتوصل صوت داليا لكل الناس
نهال : فكرتني صحيح مين شيماء دي ؟؟
طارق : فاكره المقال اللي اتكتب في الحقيقه عن القضيه ؟؟
نهال: طبعا فاكره بس الصحفيه كان اسمها امل !!
طارق: امل ده مجرد اسم مستعار عشان محدش يقدر يوصلها ويوقف القضيه
نهال : اها فهمت كويس اوي انها هتساعد داليا القضيه دي اصبحت كابوووس نفسي يخلص اووي الله يكون في عون داليا
طارق: هيخلص على خير ان شاء الله ماتقلقيش المهم خدي بالك من داليا وانا هخلص شوية حاجات مع علاء المحامي هنا وبعدين هروح ارتاح شويه مش قادر اكمل اي شغل
نهال: الله يعينك
طارق: يا رب ، مع السلامه
نهال: مع السلامه
~
~
~
خديجه قاعده قلبها مقبوض وقلقانه على داليا لحد ما اتصلت بيها نهال وعرفتها ان القضيه اتأجلت وداليا عندها في المصحه وعلى طول سابت عمران نايم وقالت لأحمد ياخد باله منه ، غيرت هدومها وراحت لداليا في المصحه
~
~
~
شيماء أول ما روحت البيت فتحت اللاب توب ونزلت الصور اللي لقطتها من الموبايل عليه ، غيرت هدومها وكلمت رئيسها
_ها يا شيماء ايه الاخبار ؟
شيماء : ماتقلقش يا فندم جبت معلومات وصور اكتر من اللي ممكن نحتاجها كمان وهبدأ حالا في كتابة المقال
_عظيييم جدا شيماء ارجوكي حاولي تخلصيه بسرعه انا عاوز الصبح القضيه تكون نازله في الجريده فهماني
شيماء: حاضر يا فندم هخلصه وابعته لحضرتك ومعاه الصور
_تمام جدا بالتوفيق يا أمل
ابتسمت شيماء : ان شاء الله يا فندم
قفلت معاه وبدأت تسمع التسجيلات بحماس وتخرج كل طاقتها في المقال ....
•••••••●••••••••●••••••••••●•••••••••●••••••••●•••••••
داليا لسه نايمه وأمها ماسكه ايديها وبتبكي على حالها ربتت نهال على كتفها
خديجه بهمس : ايه اللي حصل لده كله يا دكتوره ؟
نهال : طيب تعالي يا أمي نتكلم في مكتبي احسن Smile)
خرجوا لمكتب نهال وحكتلها على كل إللي حصل في المحكمه
خديجه بتسمع وهي مصدومه وبتردد بحرقه : فوضت امري اليك يا رب حسبي الله ونعم الوكيل
مسحت دموعها وراحت اوضة داليا عشان اول ما تفوق تلاقيها جنبها
.
.
.
علياء من وقت ما عرفت اللي حصل وهي قلبها واجعها وبتتحايل على زوجها ينزلها مصر اكيد داليا في الوقت ده محتاجالها
•
•
•
فاقت داليا واول مالقت امها اترمت في حضنها واتفتحت في العياط ضماها خديجه وبتقرالها قرآن لحد ما هديت وفضلت سانده راسها في حضن امها و شارده ، احمد راح المصحه اطمن عليها وامه طلبت منه يرجع البيت ويطمن ابوه عشان هتبات مع داليا
.
.
طارق راح بالليل المصحه اتطمن على داليا واتكلم مع نهال شويه بخصوص القضيه واللي ناوي يعمله هو وعلاء بالاضافه لانه كلم شيماء وطمنته انها خلصت المقال وبعتته بالصور للمدير وهينزل في عدد بكره الصبح ان شاء الله ~
.
.
.
بعد ما الجلسه انتهت خرجت مريم ومارضيتش تطلع من الباب الرئيسي عشان عارفه ان عمرو مستنيها ، خرجت من باب تاني ، شاورت لتاكسي وروحت ، قفلت الباب وصورة داليا وهي ماسكه في رقبة عوض وبتصرخ مش عاوزه تفارق خيالها لسه قلبها مش قادر يستوعب ان خالد طرف في القضيه
•••••••●••••••••●••••••••••●•••••••••●••••••••●•••••••
والصبح كانت جريدة الحقيقه منتشره بتوصل صوت داليا لكل الناس مع مقال أمل اللي نازل في أول صفحه
طارق مستني الجرايد من وقت ما صحي ولما الجرايد جت بسرعه راح ع الحقيقه بحماس وتوقعه كان في محله
قرا المقال وشاف الصور وهو مبتسم ، كلم نهال وقالها تشتري الجريده
.
.
.
توفيق ومراته نايميين ومنبهين ع الخدم محدش يصحيهم بعد ضغط الاعصاب اللي شافوه امبارح
لحد ما عزيز صحاه من كتر اتصالاته فرد توفيق بصوت قلقان : ايه يا عزيز حصل ايه ع الصبح !!
عزيز : يبقى شكل حضرتك ما قريتش جريدة الحقيقه !
توفيق : أوعى تقول نزلوا حاجه عن القضيه
عزيز : قصدك تقول مانزلوش ايه عن القضيه
توفيق وهو نازل تحت يشوف الجريده : ازااااي مش امبارح كان ممنوع دخول اي صحفيين ؟
عزيز : فعلا وكانوا مشددين ع الموضوع ده ومحدش بيدخل غير قرايب الطرفين بس لما شفت الجريده صوعقت الصور من جوه القاعه والتفاصيل بتقول ان اللي اسمها امل دي كانت حاضره معانا او احتمال تاني ان حد من اللي في القاعه قام بدورها وسجل وصورلها !!
توفيق وهو ماسك الجريده ومصدوم من الصور : مش ممكن ايييه المهزله دي >•< انا عاوز الزفته اللي اسمها امل دي تندم ع اليوم اللي اتولدت فيه >•<
عزيز : من غير ما حضرتك تقول روحت الجريده بنفسي بعد ما قريت المقال وحاولت اقابل امل دي ملقتش في المكان كله غير 3 اسمهم امل واحده في الارشيف والتانيه عاملة نظافه والتالته في قسم الرياضه واستنتجت ان امل ده مجرد اسم يغطي على صاحبة المقال الحقيقيه حتي رئيس التحرير رفض وبشده مجرد الكلام في الموضوع لذلك انا عندي حل تاني يا توفيق بيه
توفيق : اللي هو ؟
عزيز : يستحسن اقابل حضرتك في الشركه عشان تكون صحصحت ونعرف نتكلم
~
~
~
قرأت نهال المقال بمشاعر مختلطه فرحه ان فيه حد واقف جنب داليا وقضيتها واسي لما قرأت التفاصيل وافتكرت اللي حصل امبارح في الجلسه
مرت على داليا وكانت احسن من امبارح بكتيير ولما شافت الجريده كان رد فعلها الوحيد ابتسامه مكسوره :")
واصرت ترجع البيت هي وأمها عشان أبوها مايفضلش قلقان عليها أكتر من كده
فوافقت نهال وكتبتلها ادويه تمشي عليها الفتره دي وبالفعل رجعت داليا البيت و أول ما وصلت جريت على ابوها واستخبت في حضنه عشان تحس بالأمان
~
~
~
شيماء قاعده في الجريده حاسه بفرحه وكلها طاقه ونشاط ، بعد ما شافت اللي عزيز البنا عمله انهارده عشان يوصل لأمل فهمت ان رئيسها كان عنده حق لما خلاها تكتب بإسم مستعار بتفكر في الخطوه الجايه ولقت موبايلها بيرن
شيماء : السلام عليكم
طارق: وعليكم السلام ورحمة الله وبركاته مبااارك النجاح المبهر ده يا انسه شيماء ولا نقول أمل ؟
ضحكت شيماء : خليها أمل بقي عشان الحيطان ليها ودان
طارق : ماشي يا أمل عموما حبيت اشكرك عشان حاجتين اولهم انك هتساعدي داليا وتوصلي صوتها وما شاء الله الصوت انتشر بسرعه محدش له سيره غير القضيه وثانيا لانك من غير حتي ما اقولك عملتي طمس على صورة داليا ومانزلتيش اسمها
شيماء : ده واجبي وماتشكرنيش انا بعد اللي شفته في القاعه ومدي الافترا والكدب بتاعهم قررت مش هسيبهم كفايه بقي فساد صحيح مش عزيز البنا جه الجريده انهارده
طارق بتعجب : وده بيعمل ايه ان شاء الله ولا صحيح ايه السؤال ده طبيعي جاي يعرف مين امل !
شيماء : بالضبط كده وبشكل غير مباشر انطرد وما استفدش اي حاجه
طارق : احسن اسيبك بقي تخلصي شغلك وشكرا مره تانيه
شيماء : العفو يا فندم مع السلا... اه صحيح معلش يا طارق بيه كتت عاوزه رقم داليا
طارق : امممم انا معنديش مانع ولكن شايف من الافضل تاخدي رقم نهال وهي تقولك حالتها الصحيه تسمح ولا لأ
شيماء : تمام مليني الرقم
اخدت منه الرقم وقفلت معاه ورجعت تاني ترتب افكارها وخطواتها الجايه ،،،،
~
~
~
توفيق راح الشركه وكان عزيز في انتظاره وعلى طول سأله عن اللي ناوي يعمله
عزيز : انا شايف اننا نستخدم نفس اسلوبهم وهم ليهم الجرايد بتاعتهم واحنا لينا بتاعتنا برده
توفيق : تقصد ؟؟
عزيز : ايوه اللي جه على بال حضرتك زي ما هم عاوزين يوصلوا للناس انها شريفه ومظلومه احنا كمان نقدر نوصلهم اننا مظلومين وبعدين مش ملاحظ انهم لا حطين اسمها ولا صورتها بوضوح واجبنا برده نعرف الناس هم متعاطفين مع مين اسم وصوره ولا ايه؟؟!
ضحك توفيق : هههههههههه فهمت اللي ناوي عليه وبديلك الاذن ابدأ وعاوز من بكره الموضوع ما يستناش اكتر من كده
عزيز : تمام يا باشا انا بس كنت مستني الأوكيه بعد اذنك بقي عشان اروح اشوف شغلي
~
~
~
شيماء كلمت نهال تستأذن منها عشان تعمل حوار مع داليا لكن نهال طلبت منها تنسي موضوع الحوار ده على الاقل في الوقت الحالي لإن حالة داليا ما تسمحش ....
•••••••●••••••••●••••••••••●•••••••••●••••••••●•••••••
علياء بتقرا المقال ع النت بعد ما داليا قالتلها عليه وحاسه الدم بيغلي في عروقها وهي بتقرا الجزء بتاع كلام عزيز وعوض وصابر ، مندمجه في القرايه لحد ما رن موبايلها
علياء : السلام عليكم ، ازيك يا على ؟
على : وعليكم السلام ماشيه الحمدلله وانتي وهنا وجوزك كويسين ؟
علياء : الحمدلله >
على : مال صوتك يا عليا في ايه ؟؟
وكإنه بسؤاله حطم سد دموعها ، انفجرت في البكا وهو قلقان وبيسأل مالها وهي مش قادره ترد عليه ،،، فضل معاها ع الخط لحد ما هديت وبدأت تتكلم بوضوح
علياء : انا تعبانه اوي يا علي واصلا متخانقه انا وجوزي :"(
على : ليييه طيب اهدي يا حبيبتي وفهميني ايه اللي حصل بينكم ؟؟
علياء : مش راضي ينزلني مصر وانا مش مستحمله اشوف كل ده بيحصل في داليا واعرف اخبارها من بعيد لبعيد كده ، داليا محتاجالي في الفتره دي ومش لازم تطلب مني :"((
اول ما سمع اسم داليا انتفض من مكانه وسأل بخوف : هي داليا حصلها ايه ؟؟
علياء : انت لسه بتسأل يا على انت نايم في العسل ده مصر كلها عرفت :"((
علي : معلش يا عليا انا منعزل عن الدنيا كلها الفتره دي ارجوكي فهميني حصل ايه ؟؟؟
علياء : عندك جريدة الحقيقه ؟
على : عرفاني من زمان بطلت اقرا جرايد
علياء : طاب لو عندك نت افتح موقع جريدة الحقيقه وانت تعرف فيه ايه ،،،،،، يووووه هنا صحيت معلش يا على هقفل وهبقي اكلمك تاني
على : خلاص ماشي يا حبيبتي خدي بالك من نفسك وكل حاجه بالتفاهم مع جوزك بلاش خناق
علياء : حاضر خد بالك من نفسك ،، مع السلامه
على : مع السلامه
قفل معاها وعلى طول فتح اللاب توب و الصفحه الرسمية لجريدة الحقيقه ،، الصفحه بتحمل وهو مترقب بتوتر
قرا اول مقال والتاني بتاع اول جلسه وهو مصدوم ، كان في قمة غضبه وهو بيقرا اللي حصل في الجلسه ، شاف صور داليا وهي خانقه عوض ورغم الطمس اللي على صورها بس عرفها ،،، عيونه احمرت من الغضب رزع اللاب توب ووقف وهو بيتخيل داليا وحالها وقت ما سمعت الكلام ده كله عليها في الجلسه واتخيل لو كان معاها وقتها حس بالعجز :"(( قرب من المرايه وهو كاره حتي ملامحه ومن شدة الغضب مسك الفاظه وفضل بلا وعي يكسر في المرايه >•< انهار ع الارض والدم سايل من ايديه ودموعه نيران بتكوي قلبه وتحرقه >،،،
•••••••●••••••••●••••••••••●•••••••••●••••••••●•••••••
هنادي قاعده في الفصل دخل المدرس : انا عندكم دلوقتي حصه احتياطي عاوزين تتكلموا مع بعض ماشي بس اسمع نفسكم ولا صوتكم يعلا هيبقي نهاركم زي وشكم العكر ده فاهمه يا بت انتي وهي ولا لأ >•<
_فاااااهمين يا استااااذ
هنادي قاعده في الاول لوحدها صحبتها غايبه انهارده فسندت راسها ع الديسك لحد ما يضربوا الجرس ، قعد الاستاذ قصادها وفتح الجريده يتسلي فيها ويقتل ملل الحصه رفعت راسها وجحظت عنيها وهي شايفه صورة ابوها
وقبل ما تقرا قلب الصفحه طلبت منه يدلها الجريده تشوف حاجه نهرها ففضلت قاعده مش على بعضها لحد ما سمعت الجرس وجريت بسرعه على كشك الجرايد اللي بعد مدرستها بشارعين اشترت الجريده ورجعت ع البيت قفلت على نفسها اوضتها ومن غير ما تغير هدومها بدأت تقرا الخبر وتتفرج ع الصور وهي مصدومه وبتردد : دلوك بس فهمت جضية ايه دلوك فهمت كل حاجه ليييييه كده يابا ليييييه :"((
سمعت صوت امها بره : يا مري ايه اللي حصل يا سي عوض ؟؟
خرجت بسرعه ولقت ايد ابوها ملفوفه بشاش
عوض: يدي اتحرجت انهارده وصابر خدني ع المستشفي
هنيه : سلااامتك يا سيد الرجاله دلوك عروح اجهزلك الوكل
راحت هنيه ع المطبخ وعوض انتبه لهنادي اللي واقفه شارده
عوض: واجفه كده ليه يا بت وبعدين مش تاجي تجولي لابوكي سلامتك وتطمني واجفه كيف خيال المجاته كده ليييه >•< !
هنادي : _____________
عوض : مش بكلمك يا بت ما تردي ولا البسه كلت لسانك >•<
هنادي : ما انا لو رديت كلامي مش عيلد عليك يا بوي
عوض : هو ايه ده اللي ما عيلدش على ان شاء الله !!!
هنادي : ليه عملت كده يا بوووي ليييه سكت عن الحج وانت عارف زين انك افتريت على بت الناس لييييه مش يمكن كنت انا اللي اكون مكانها :"(
انتفض عوض مكانه ومسكها من دراعها : اجفلي خاشمك يا بت الجزمه انا مش نبهت عليكي جبل كدهه الموضوع ده ماتجيبيش سيرته >•<
هنادي : عارف يا بوي يدك انحرجت ليه ! ده غضب من ربنا عشان يدك دي هي اللي حطيتها ع المصحف وحلفت على كتاب الله زور وافترا
صفعها على وشها ومسكها من شعرها : اتجنيتي اياك يا بت ولا ايه >•< انا مش جلت عجطع لسانك لو جيبتي سيرة الليله الغبره دي تاني
هنادي وهي بتتألم من مسكته : ولحد ميته عسكت يا ابا لحد ما اتشوي بنار جهنم يوم الجيامه
جت امها من المطبخ على صوتهم : حصل ايييه عملت ايه هنادي ؟؟
دفعها عوض جوه اوضتها : رجلك ما عتعتبش خطوه بره البيت وانا عربيكي من جديد يا بت الكلب ولو سمعتلك حس تاني عدفنك حيه سامعه ولا لا >•<
قفل عليها الباب وهي قعدت في ركن من الاوضه خايفه وبتبكي بحرقه وتردد : سامحني يا رب
•••••••●••••••••●••••••••••●•••••••••●••••••••●•••••••
شيماء زارت داليا بعد ماحالتها اتحسنت وعملت معاها حوار نزلته في الجريده
وبعد الحوار اللي نزل ده بيومين بدأت الجرايد الصفرا تنشر كذب وافتراء عزيز البنا بالاضافه لإنهم نزلوا صورة داليا بدون طمس وكمان اسمها بالكامل
واصبح فيه جزء من الناس مصدق وضد داليا وسواء مع او ضد المهم ان هدف طارق اتحقق وبقت قضية داليا شاغله الرأي العام ،،،،
~
~
~
مريم حالتها النفسيه بتسوء ، امتحاناتها قربت وهي فاقده تركيزها تماما ورجعت تاني تقفل على نفسها وعمرو كل يوم يروح يطمن عليها من ورا الباب ويسيبلها ملازم مراجعه ومحاضرات نقصاها ويمشي .....
~
~
~
الوقت بيمر وميعاد الجلسه التانيه قرب ، علاء محامي داليا اصبح عليه عبء كبير وبدأ يثبت ان داليا ليلة الحادثه كانت في الفندق راح هناك وطلب من صحباتها شهادتهم في المحكمه ووافقوا
بيمر الوقت وداليا حالتها النفسيه من سيئ لأسوأ وخصوصا بعد اللي كتبته الجرايد اللي تبع توفيق الزغبي عنها ماشيه ع الادويه اللي كتبتهالها نهال وكل اسبوع بيعملوا جلسه وكل ده وداليا قصاد ابوها بتحاول تبين انها قويه عشان حالته الصحيه
ومر الشهر بكآبه وبطء وجه ميعاد الجلسه التانيه ......
داليا ماكنتش عاوزه تحضر لحد قبل الميعاد بيوم قاعده مع امها وابوها في الصاله ورن جرس الباب قامت تفتح واندهشت لما شافت اللي كان بيخبط ع البا
