رواية الهجرس الفصل السابع والعشرين 27 بقلم رواء هادي
فار دمي ليش تحجي عنه قابل هو بايده صار بي سرطان غير امر لا الله هذا دخلت للاستقبال وكفت كدامها اخزر بيها من شافتني تلبكت ونهت الاتصال...
_خير شبيج تخزرين بي ؟
_ماتخافين من الله تحجين على فرقد وتگولين بي سرطان ترى هذا امر الله لابايدي
ولابايدج هذا الشي
_صايرة توكفين بنص وجهي علمود فرقد
_موعلموده علمود نفسي ليش هيج
تسوين وتنطين كلمة من عندج
لأم دلشاد أني اصيرله؟
_اي انطيت كلمة وبعد شهرين يجون يخطبوج
_وأنتِ بكيفج تنطيني له شنو ماعندي رأي على نفسي لو ابوي واخواني مالهم كلمة
_سلسبيل لا تناقشيني وتخليني
اتعصب واكوم اضربج
_انتِ بس بهذا الشي فالحة تضربيني وتهينين بي ترى كبرت موصغيرة كدامج وتضربيني لو يبقى بس دلشاد بهذا الكون ماراح اتزوج وشسوين سوي
عفتها وطلعت بسرعة لغرفتي هي كامت لحكتني سديت الباب بوجهها وقفلته بالمفتاح أخاف منها تضربني وكفت وره الباب مقهورة
دموعي تجمعوا بعيوني .
_افتحي الباب عوبة افتحي
_مافتح عوفيني
_ولج زمالة أني امج وادره بمصلحتج وين
_اي مصلحتي يم دلشاد الساقط ابو الخمر والنسوان عليج الله شلون نسيتي شسوه بي قبل جم سنة شلون اجه سكران للبيت ويحجي عليًّ
كدام الجوارين وسواني
شهيرة بنص المنطقة نسيتي شلون جان يهدد بي نسيتي السحر لسواه لي وفرقد فتحه نسيتي
كل هذا بالحظة وحدة يمة ؟!!!
_مانسيت بس الولد من كثر حبه الج هيج سوه
_هذا مايحبني هذا يحبني علمود رفضته اكثر من مرة هذا اسمه انتقام رغبة افهمي يمة بس يتزوجني وتخلص رغبته مني يشمرني ماتعرفي بكدي أنتِ
لو خوش آدمي وصدك يحبني بقلب صادق ماقبلت بي قابل بس اعرفه شنو ومن يا
طينه مخلوق هالولد
_سلسبيل أنتِ عيونج معمية وادري
بيج تردين فرقد لا تنكرين
وتهمين الولد موخوش
_لو اريد فرقد صدك جان قبلت
بي من اجاني خطاب
_ جنتي تخافين من دلشاد علمود بعدج بغداد ورفضتي اني دا اشوفج دا تموتين علمود
ماخليج توصلين لعدهم
_ودلشاد فد انعال اخاف منه اني لو اريد فرقد صدك اگولها اريد اتزوج فرقد بدل دلشاد بس ماريده وماريد دلشاد كافي عوفوني بحالي
عليكم الله والله العظيم
تعبت دلشاد فرقد دلشاد فرقد كافي رحموا بحالي
صرت ابجي ردت عليًّ"
العشق عاميلج عيونج من صغرج بس اني امج واعرف شلون اخلصج من ابو الهجارس والشاطين ادري بي يجذب البنات اله واني
اعرف شلون اخلصج
_يانجذاب هذا لتحجين بي ؟
_ويا شياطين تمشي وتخلي البنات تنجذب له وتعشق عشق لجنون مثلج انتِ ميته عليه بس تخافين تگولين أريده وتخافين يطلع
بعده يحب مرته حنين
_مااريده ماريده حلي عني وعوفوني بحالي كافي رحمي بي يمة حسي أني بني آدمية وعندي احساس ومشاعر ليش تكرهيني بيج وبنفسي وبالعالم كلها ...
_انجبي سلسبيل وافتحي الباب خل افهمج
_ماريد عوفيني الواحدي
_سلسبيل لتعاندين وافتحي
_مافتح روحي
_عليمن ولج روحي سلسبيل
صارت تصيح وتعيط عليًّ وتضرب بالباب قوي باثنين ايديها عاندت هالمرة وأني مومن طبعي العناد بس علمود هيج سوت من ورة ظهري وظهر
ابوي واخواتي ماراح
أفتح تعبت من دك بالباب والصياح راحت من الباب تتحلف بي انزلقت للكاع سندت ظهري وره الباب ولميت رجليه صدري حضنت نفسي
وابجي على حظي المصخم
أبد أبد ماعندي حظ شبعت بجي من كيفي وكمت طفيت الضوه ولفيت رأسي ونمت
مقهورة من أمي
ثاني يوم الصبح كعدت ماحجت وياي كدام مرت أخوي تدري بيها كراشة وتوصل الحجي لأهلها وين ماتكعد تحجي ماتظم أسرار البيت
برغم هواي رزلتها وأخوي
رزلها مافات الحجي وياها ماتكدر اله تحجي "
المهم تريكت ونظفت البيت وطلعت بره حارة الدنيا جانت بقيت كاعدة جوه شجرة النبك جواها ثي وبارد المكان وحلو وأصوات زقزقة
العصافير محلي المكان
سديت عيوني على أمل انسى شوي من الهموم العندي ماصدك اسد باب ينفتحلي مية باب جديدة بنص وجهي ومية صخرة توكف بنص طريقي خرر... بحظي أبد ماعندي حظ حلو
وصدك لو گالوا الحلوة والنادرة والشاطرة ماعدها حظ مثل الفاهية والجايفة والجكمة هاي حظها
كاعد فوك اقصور الملوك ....
حسيت ظل صار فوكي فتحت عيوني
شفت أمي " بعدج على قرارج ؟
_اي ومستحيل اغيره
_انتِ عوبة وماتعرفين شلون تستغلين فرص الحياة
_اي ماعرف بس اعرف مو كل فرصة بالحياة معنها بيها خير النه محتمل هل فرصة لحنه منتظرينها تحمل الشر النه ليش اورط نفسي بيها
كعدت بصفي تباوعلي وأني اباوعلها مانكر إذا گلت مخايفة منها بالعكس قلبي يخفق بسرعة من شدة الخوف بس مابين الها خايفة ومتأثرة
بيها بين طبيعية .
_احجي الصدك تردين فرقد
_لا
_اذا ماترديه ليش لعد ترفضين كل
شخص يتقدملج ؟
_مالي رغبة بالزواج
_وشوكت عيني تصيرلج رغبة
_ماعرف
_سلسبيل تحبين أحد ودا تضحين علموده ؟
_منو يستاهل أحبه واضحي علموده اشو
محد حبني وضحى علمودي
علمود احب واضحي
_دلشاد حبج ودا يضحي علمودج
_هذا جذاب مايحبني
_استغفرالله شنو جذاب امه تتوسل بي علمود اقنعج وتگول مستعدة اشتري الها سيارة آخر موديل وبيت بأسمها في حيث تقبل بدلشاد خطية قلبه
مشلوع شلع علمودها
وكل الليلة يجيني يبجي مثل الطفل ويگلي قنعيها تقبل ليش ماما تشلعين قلبه خطية الولد يحبج انطي فرصة وتعرفي عليًّ عن قرب وراها فكري بالارتباط
_قصدج اكبل ويا؟
_شلون اقبلها تكبلين ويا
_لعد شلون اتقربله واعرف شبي مابي ؟
_تنخطبون
_يمممة
_ لا تستعجلين بقرارج وفكري بكلام امج ترى محد يفيدج لا أني دايمة الج ولا اخواتج الأربعة دايمين الج أني وابوج باجر عكبة ميتين منو
الج أنتِ مافكرتي
والجناين مو كل جنة زينة وتتحمل اخت زوجها هاي مرت فاروق حية بس انطيها مجال تشمرج بنص الشارع لا تشوفيها تضحك وتحجي بنص
وجهج ترى تكرهج وتغار منج و فرقد مايفيدج ونفسية زفت وأعصاب وفوك كلشي بي مس ترى المس لعنده موجود بعده بس تتحرر
سل تطيح حظه وتنتقم منه
وأني أخاف عليج منه ومن شياطينه نگول الله واهل البيت (ع) شفوه من المرض لبي بس الشياطين شلون وقسمة وبتها شلون مافكرتي
شراح يسوون
بيج إذا تزوجتي والله يخبلوج ويموتوج بسحورتهم أني اريد ابعدج عنهم وعن ديالى كلها واريدلج راحتج قابل اكرهج يايمة انطي شوي
مجال لنفسج وفكري
بكلشي مريتي بي بطفولتج وي فرقد وحنين وتذكري شجان يسوي بيج علمود حنين هو يحبها لحد الآن ومستحيل يشيل حقد بداخله عليها مهما سوت ...
خانته ويه غيره وماسوه شي الها ولا الزوجها بقى ساكت وهسه هي مشاكل ويه زوجها أخاف تطلك ويتزوجج ويروح يرجعها مثل ما ابوه
رجع امه وراها اثنين جهال
ماقاطعتها .... وعفتها تحجي لبقلبها هناك وين رجعت ذاكرتي ليورة تذكرت جان يسوي بي ويكعد يبوس حنين كدامي ويتفل بنص
وجهي علمود اضربها
واني ماضاربتها جانت جذبه منها وكل الرزايل والاهانات من عنده تخبلت شلون أحبه شلون اضحي بنفسي علموده وكلام امي صدك كلشي
ماسوه الحنين وعافها
واخاف صدك يتزوجني علمود يحرك قلبها لا اكثر ولا أقل وهي تطلك من رجلها ويرجعها مثل ماسوه أبوه انعل امه وابوه لمايگول اني عوبة وثولة وغبية
شلون شلون بعدني احبه برغم اذيته لي وتحرشه منو يكول كلامه صدك تحرشه بي علمود اكرهه وابعد عنه هذا جذاب ومخادع مثل الثعلب ومايمكدرله .
كامت أمي وگالت بصوت هادئ "
صدك لو كالوا الچلب مايحب غير خناگة عاد أنتِ هسه تحبين فرقد المخبل لجان يكتل بيج الليل
والنهار علمود حنين
رفعت رأسي باوعتلها بحزن گتلها "
ليش محد يفهم ماحب فرقد
_تحبي
_ماحبه لاتشوفوني أضحك بوجهه واحجي ويا ترى هاي أني ماحمل بقلبي حقد على أحد وشوفت عينج شسوه بي دلشاد رحت عزيته وحجيت ويا هم أحبه
_دلشاد غير وفرقد غير وقلبج غير
_يمة
_يمة أني ماجبرج عليه وأخاف باجر عكبة تگولين زوجتيني غصب عني لدلشاد وأني ماريده مالي دخل القرار راجع الج وأني هيج حجيت وي
امه علمود اخلص من
اصرارها عليًّ وثاني شي تردين فرقد هم مو اليوم باجر جايينج خطاب اقبلي وأني ماعليًّ بيج شصير وياج مالي دخل ولا تجيني تشكين وتبجين
هاا ضربني هااا هاني هااا هيج سوه وياي هااا يريد يرجع مرته حنين اموتج كتل ترى وماطلكج منه وتبقين على ذمته مثل ماجدج موسى عنده ثلاث نسوان وابوه وعمامه وهاي هم عدهم ورثة
مال أكثر من مره يتزوجون
مارديت راحت دخلت جوه وأني بقيت اصارع وي أفكاري وكلامها منطقي جدا وأني ماتحمل انضرب وانهان مامتعودة على الإهانة مدللة
عد أهلي ومحد يحجي
وياي بكلمة وثاني شي اغار والغيرة العندي موشلون مجان ماتحمل اتزوج فرقد ويروح يرجع حنين ويجيبها شريكة لي بالبيت غير اذبحه
واذبحها ويا ليش
دائماً أني اللي اضحي هو مايضحي ولا يكلف نفسه ويسأل وكلما يشوفني يگول تحبيني وتريديني ويحجيها بكل ثقة مو بس هو الكل
شايفة هذا الشي وراح اثبت
للكل أني ماحبه وماأريده وتصرفي ويا تصرف عادي لأن جذاب مايحبني شبسرعة صار يحبني ويريدني هذا كله جذب يريد يحرك قلب حنين بزواجه مني
يعرفها تكرهني وماتحبني أني مجرد
اللعبة انتقام بايده .
كلام أمي أثر بي ... وسوالي صحوه بعقلي كمت دخلت جوه الظهر كاعد بغرفتي ارسم فراشة رن تلفوني عفت القلم من ايدي وكمت
باوعت للشاشة رقم غريب
فتحت الاتصال "
الوو
_هلاو سلي
_دلشاد وتالي وياك ماتجوز
_لاا
_شلون هسه نبقى هيج كل يوم
متصل بي برقم غريب
_اي لما تسمعيني
_هو أنت شعندك غير أحبج واقبلي بي ماعندك
غير ذني الكلمتين
_اي
_ اففففف دلشاد ليش مات...
_ماكدر والله ماكدر اشيلج من بالي
شكد حاولت ماكدرت
_حاول
_ ماكدرت حتى من اشرب اصير ادورج
طابعة بدماغي سلي والله دا
اموت رحمي بحالي
_اففف لعد أني منو يرحم بحالي دلشاد
_ سلي والله أتغير علمودج وشتردين أني
حاضر لو تردين بيت يم اهلج اخذلج
بس اقبلي وريحي قلبي
مارديت بقيت ساكته حسيته صار يبجي
وصوته بح "تقبلين لو اكتل روحي
_انت مخبل شنو تكتل روحك ؟!
_تعبت بالقران تعبت صار سنوات اركض
وراج وأنتِ مثل الصخرة
ماكو لحساس
_شنو بايدي...
_كلشي بايدج سلي
سكتت مارديت يحجي ويشهك قلبي تطفر عليه ياربي هاي شلون ورطة وكعتني بيها علقت قلبي بحب انسان مايحس بي ولايعبرني وعلقت
قلب انسان ثاني يحبي
_ خلص راح ترتاحين مني للأبد بس خليها بالج محد راح يحبج بكدي ديري بالج على
نفسج ... احبج
من گال احبج شكك شكهة خلت قلبي ينفطر فطر وگلتله "دلشاد انتظر " سد الخط بوجهي خفت لايروح يسوي شي بنفسه من وراي رجعت
اتصلت بي بنفس للحظة
طلع الجهاز مغلق ...
حاولت أكثر من مرة نفس الشي مغلق ...
كعدت خايفة وادعي ... الله يطلع يجذب عليًّ ومايسوي شي بروحه من وراي وره ساعة هم عاودت الاتصال هم ماكو مغلق ردت اتواصل وي
أخواته ماعندي رقمهن
بس رقم امهن عند أمي واخاف اروح احجي وياها طلع كلشي مابي ومسوي بي مقلب علمود يقنعني أوافق هناك وين گلت يجذب عليًّ كلشي
ماراح يسوي بنفسه
شي "رجعت كملت .....الرسمة بس قلبي لازمته بايدي اخاف يسويها صدك ؟ ااافففف طلعت
من الغرفة العصر ابوي گالي
ابوي_بدلي وتعاي
سلي_وين ؟
امي_جديتج حلوة دازه عليج روحي شوفيها بس ديري بالج تبقين عدهم ساعة زمان
وترجعين وي ابوج
سلي_شعندي باقية
رحت للغرفة لبست ترك طويل وحجاب حتى مكياج ماخليت وتلفوني بايدي وطلعت وي أبوي الجهال رادوا يجون صاحت بيهم أمي ردتهم
مرت اخوي صاحت
_الله أكبر عمة خل يرحون
_وين رايحين هي كساع يرحون عالعالم والعالم عدهم مريض كضي جهالج واكعدي
_تعالوووا ولكم
صارت تصيح عليهم وكامت تضرب هذا وهذاك من نار الدودة مالتها هي تدزهم علمود يتجسسون وينقلون حجي الها ابوي لاحجه ولا گال
يعرف بسوالفها وبمكرها
أخذني وراح وصلنا حديقة المضيف شفت هجرس وعمو ايهم وعمو وائل وثنين زلم كبار وياهم سلم أبوي من مكانه وأني بعد ماباوعت
عليهم كملنا طريقنا ...
دخلنا للبيت تلكتنه ....خالة حنان وفطومة ماصدكت شافتني بقت مجلبه بايدي دخلنا وسلمنا على
جداتي وهباوي ومرت عمو وائل
استلمتني جديتي حلوة عتاب علمود ماجي يمهم صارلي فترة ماتدري أمي ماتقبل طلعت عذر وگتلها جنت بيت أخوي محمد والبارحة اجيت
سألت على سيفو گالوا بارق ماخذه ورايح لبيت اهله ساعة ونص وكمنا جلبت بينه جديتي حلوة وخالة حنان ماقبل ابوي وگال ان شاء الله غير مرة
طلعنا بوجهنا فرقد سلمت عليًّ رد السلام جان هادئ كلش احنه كملنا طريقنا هو هم دخل جوه البيت درت وجهي اباوعله مالتفت ولا باوعلي مثل كل مرة
يأكلني أكل بنظراته مرت الأيام وكل الاوضاع هدوء وبيت جدو وموسى بالسنة حسنة اروحلهم وبعد محد جاب طاري منهم لاخطوبة و
لاصداقة بفرقد هدوء تام
بس امي والجناين يكعدون.... يقنعوني بدلشاد واني قلبي رافض دلشاد مايريده بعيد الاضحى رحنا عايدناهم ماشفت فرقد بس بارق وبقية الولد ماعرف وين يذ رايح المهم رجعنا للبيت
علمود نروح العمامي نعايدهم ...
دخلت للبيت أخذت الجنطة بجتفي وطلعت ويه أهلي شفت فرقد دخل للمضيف لابس دشداشة بيجي وشايل اطرافها بايده هاي العادة عنده
مايبطلها يرفع الدشداشة
ويطلع رجليه .
صعدنا بالسيارة وبيت فاروق هم بسيارتهم "
وين جان فرقد ؟
_مادري
ساعة ونص تقريباً وصلنا بيت عمي الجبير عايدناهم والبقية هم وعماتي بيت عمو ابو غدير مارحناله لأن مانتحاجه وراها تغدينا بيت اخوي محمد
وره الظهر نطلع لبغداد
يم بيت ماهر نكضي العيد ونرجع .
وصلنا بيت أخوي وبالليل طلعنا للمول تونسنا كلش وغيرت أجواء مليت هناك لا طبه ولا طلعة محبوسة بالبيت وأني مامتعودة انحبس بالبيت هنا بغداد اطب
اطلع بكيفي محد يگلي وين رايحة وين جاية .
ثاني يوم الصبح طلعت الواحدي للسوك قريب على بيت أخوي شتريت اغراض للرسم لان معوزة ألوان خشبية هواي استعمل الخشبية والمائية
كملت كل مشترياتي ورجعت بطريق الرجعة كطع طريقي صاحب سيارة جارجر سودة خفت كلش وكف السيارة وفتح الباب ونزل الشخص من
شفته دلشاد شوي طمنت
_أنت مخبل شلون تكطع طريقي بهالطريقة ؟
_اي مخبل بيج ليش ماتردين على اتصالاتي
_يعجبني
_بس هذا الشي مايعجبني
_مشكلتك
_ مشتاقلج
_ وخر اريد افوت ... هاااي شبيك
ردت وامشي وكف كدامي فاتح ايديه الاثنين "
ماتمشين جنت انتظر جيتج
لهناه بفارغ الصبر
_ولك شتريد ؟
_تعرفين شريد
_دلشاد كافي ولدنا والي تسوي عيب
احترم نفسك واحترمني على اقل
احنه بنص الشارع
_والشارع فارغ
_استغفر الله وخر
_ماوخر
_دلشااااد
_اعشق اسمي من يطلع من بين شفايفج الحلوات
_ادبسززز
_وهاي هم أعشقها
_دلشاد أترجاك عوفني
_ليش ماتقبلين بي
_ماحبك
_مومهم تحبيني المهم أني احبج
_تاكل اكل ماتحبه
_هاي جابها على هاي
_مثل الشي مالي نفس بيك شلون اكدر اتقبلك
_بس الج نفس بالضابط
_لا تجيب طاريه على السانك
_طبعاً هذا حبيب القلب وحبيب الطفولة وطارية
على لساني يزعجج
_مالك دخل بي وخر دا اگلك واخر خليني افووت
_تعاي اصعدي وياي
_شايفني رخيصة واصعد وياك!
_بس كدامي تثكلين وكدام الضابط ترخصين
من گال هيج رخيت ايدي وشكد مابي قوة جبته براشدي فريت وجه للجهة
الثانية" ادبسززز
لزم خده بعصبيه مشيت بسرعة من الجهة الثانية هو وراي اجه من شفته اجه ركضت كل سرعتي
هو وراي يركض يريد يلزمني
_اني اعلمج تضربيني علمود هذاك الضابط الساقط اوكفيي والله بس الزمج اله اخليج بلا شرررف اوكفيييييي ساقطة ام الضباط ...
اني اعلمج ...
من گال هيج متت بدمي وفعلا يسويها وينزع شرفي شمرت عليه غراضي وطلعت اركض اله شوي لزمني ماعرف شلون عبرت لجهة الثانية من
الشارع وصارت تفوت
سيارات هو عافني وصاير يصيح وراي ...
اليوم خلصتي باجر ماتخلصين مني وراج وراج لو تزوجين وتخلفين هم ابقى وراج ام الضباط
اصلآ ماوكفت ولا التفتت وره ظهري طلعت اركض أخاف يلحكني بالسيارة دخلت الفرع آمنت شوي جان اكو ولد وبنات بره طالعين عاد
وكفت اخذ نفس نفسي
انكطع الله لا ينطي الصحة والعافية على هاي الدكة الناقصة لسواها بي كدرت التقط أنفاسي وشوي استراحيت مشيت بسرعة لبيت أهلي
حيلي كله يرجف...
وصلت للبيت كلت لأهلي على دلشاد شلون تعرضلي بالشارع وراد يخطفني وهيج وهيج جان يحجي عليًّ عيونهم صاروا برأسهم أمي رادت تتخربط
من الصدمة راحوا اخواتي اربعتهم وابوي وياهم لبيتهم امي صارت تدك وتلطم ونوب نزلت بي دوسة ونص جم مرة گلت لا تطلعين الواحدج ...
سلي_كدامج طلعت انتِ هنا تخليني اطلع بس هناك ماتخليني مو هذا لكتلتي نفسج عليه وكتيلي اقبل مو هذا لكاعدات تقنعني بي مو كتلجن طايش
وطالع عن الطريق احمد الله واشكره كدرت اخلص منه لو ماخالصة منه جان صارت سوايتي سواية
وصفيت بلا شرررف
كامت أمي موتتني من الكتل كوه خلصني منها كله من وراج الولد طلع عن الطريق گلتلج اقبلي بي وانجبي ااخ منج راح تجيبين اخرتي
على ايدج سلسبيل
سلي_ابن الحرام يبقى ابن حرام لا تذبين الصوج بي
امي_ الله لاينطيج هسه يكتلوه
ويبتلون اخواتج بدمه
زيد_خل يكتلونه ويشمرونه بنص الشارع علمود يصير عبرة لغيره هذا واحد نكس وسخ
امي_اي عفيه بعدك بكد القندرة وتحجي بالكتل
زيد_المتحرش دواه القتل
صاروا ملخ هو وامي من الروس وأني كاعدة وابجي ام زيد تتصل باخوي محمد مايرد الكل انقلق وره فترة رجعوا اخواتي كالوا مالكيناه لاهو ولا أهله
سألنه گالوا أهله مسافرين خارج العراق صارلهم أسبوع بس هو هنا وباجر يسافر الكلب جان ناوي على نية زفرة وي سلي وبعدها يطفر
خارج العراق والله
بس نلزمه اله نكطعة تكطع .
أبوي گتل هسه تلمون هدومكم نرجع لديالى اجينه هنا نرتاح ونتونس بالعيد لو انكلب عززة العيد فوك رأسي لمينه غراضنه ورجعنا لديالى
محمد وعائلته اجوي لبيتنه
أمي ماتحجي وياي كالبه خلقتها مرت فاروق كذلك كالبه خلقتها وصلنا كدام بيتنه وشفته ولد جدو موسى ولدهم وجدو موسى كلها
مسلحة هجرس زنده
مصاب وينزف دم الدم كالب الدشداشة حمرة ...
ابوي_هااي صاير ؟
امي_عزززة صاير هناااا ؟!
نزل أبوي واخواني راحوا لعدهم بقيت مركزة انظاري على هجرس زنده ينزف دم ولا هامه شايل سلاح بايده الثانية واكف مايحجي يباوع على أبوي
امي_من صخام براسج هناك مشاكل بنص وجهج وهنا هم مشاكل بنص وجهج ادري بوما غراب ابكع أنتِ... من سودة بكصتج فرقد الدم ماخذه ومايحس
قلبي وكع بين رجلية من شفته بهاي الحالة نزلنا وبوجهنا دخلنا جوه البيت بقيت واكفه بالطرمة وارجف من الخوف سترك ياربي صاير ؟
اجه زيد رحتله اركض "
شكو صاير زيد ؟
_متعاركين وصايرين بالتفك
_خوما صايرشي
_هذوليك ابنهم بالمستشفى حالته خطرة وفرقد بزنده جايه وعباس بالمستشفى مصاب
_عليش متعاركين ؟
_عباس واحد من الولد متعاركين قبل أيام على الفيس بوك ومن متلاكين هذلك تعال واضرب عباس بالمسدس وكومه بمكانه ومن سامعين
بيت جدو موسى هادين
على ذوليج بالسلاح وناس هاده
على ناس حرب صايرين
_افففف فرقد شلونه
_مابي شي بس طلقة جاية بالزند
وهسه ودوه للمستشفى
_وعباس
_هم حالته خطرة
_استغفرالله العظيم ادري جهال خوما جهال
_هاي هم قابل جديدة عدهم
_لا بس عالم أبرياء تروح بيها
_هذا قانون العشائر
_انكس قانون
_اممم
دخل جوه تلكته أمي گاللها القصة أمي أول مرة تشوف هيج شي وتسمع كضت عمرها بغداد والمدينة نادرن تصير هيج عركات مو مثل هنا لو
جهال تعاركوا صارت
بالسلاح وره ساعة اجه ابوي گال فرقد مابي شي الطلقه ماواصله للعظم وعباس والولد مسويلهم عملية وبعدهم حالتهم خطرة وانوب طلع
ولد من ذوليج رجله مكسورة
ناس مدميه ناس ..
مرت فاروق_هسه تلكاه أول إبتدائي
مامخلص لضارب عباس
أبوي _صيدلاني لمايعجبج
زيد_والدراسة شدخلها بالمشاكل
مرت فاروق_الدراس تفكيره يختلف عن
المادارس بس هذولة لافهم
ولاعلم فاد وياهم
امي _لاويكتلك القهر واصلين بالدراسة وهذه هجرس ضابط بالشرطة مابيك حيل تخابر على ربعك وتجيبهم وتفض الشغلة بالقانون
لو اله بيدك تاخذ حكك
ابوي_عمي العشائر جاية يله فاكتهم
لما العشائر جان هسه توابيت
تجر للنجف
امي_يمة سم الله الرحمن
أبوي _الحمدلله والشكر محد مات من عدهم
مرت فاروق قتربت مني وهمست "
تكدرين تعيشين ويه هيج شخص الدم بطوله ومامهتم لازم اسلاحه بايده و
مستعد يقتل بدم بارد
_واني شعلي بي
_مو سمعت يردونج له
_سمعت وسمعت كرهت هالكلمة
خليت وكمت جسمي لحد الأن يرجف من المظهر لشفته ماتوقعت بي هيج جريء وقاسي حتى وي نفسه كعدت فوك الجرباية أفكر
بدلشاد شلون طاوعه
قلبه يتحرش بي ويگلي اله اخليج بلا شرف
وهذا هجرس شلون قاسي وي نفسه ودمه بطوله يمشي مامهتم هسه تأكدت هجرس مو صاحي
وعقله ضارب على آخر ...
رجعت من المستشفى روحي بخشمي صايرة خايف على عباس أخاف يموت ونخسر للأبد كاعد بالمضيف والتمت اشيوخ عشائر
علمود تفض السالفة
جدي كاعد يحجي ومتعصب لأن هم العايلين بينه مو أحنه العلنه واحد يگول فرقد لضرب الولد لضرب عباس وهسه حالته خطرة زين إذا مات الولد
ماراح يجوزون من فرقد
كمت وگلتله "
هم الصاحوا واحنه السكتنه وإذا يردون
يصيحون عدنه زلم تسكت
اكبر حلوك
الشيخ_فرقد أحنه مانريد ثارات نريد
نحل المشكلة بهدوء ويتم الصلح
الشيخ الثاني_ عباس مات لو لا؟
هجرس _خل يدعون الله عباس مايموت
الشيخ_واذا مات شراح تسوون الصوبين
تصاوبت منكم زلم وثاني شي أنتو
مو غربه خوال وعمام
هجرس _احرك الخظر على اليابس وخلوها بالك هاي
الشيخ _انت تحرك وهم يحركوون
واثنينكم الخسرانين
هجرس_خل نخسر ارواح بس مانخسر كرامة
حجيت كلامي بعصبيه وطلعت بقوا ...يتناقشون بالموضوع اجه بصفي عمي ايهم هم متعصب وروحه بخشمه صايرة الليل اتصلوا بينه
وگالوا العباس والولد
حالتهم مستقرة وعدو مرحلة الخطر هنا شوي تطمت وتطمن الكل تلفون جدي وأبوي ماوكفوا رن كل ساعة شيخ متصل شكل واهل الولد وعمامة
خايفين لأن هم العالوا
بالأول مرت الأيام .... بسرعة وعباس صار زين والولد هم خرجوهم من المستشفى وصارت
عدنه كعده وانطوه فرشة
وره الغدا الفصل صار الفصل حجي منا وحجي منا جدي نبهني بداية الفصل ماحجي ولا اتدخل هو ليحجي عاد بقيت ساكت وخلوني بنص عمي ايهم
وعمي فواز أخاف تطلع رد فعل مني هم بصفي سلاح مادخل داخل الفصل يخافون الصوبين دمنه حار هم هم وهم أحنه كلام منا وعتاب
منا فضلت الشغلة وجدي رجع الفرشة ...
وتم الصلح كمنا تراضينا لأن خوال مو غرب وعيب نتعارك على شغله تافه منورة عركة على الفيس بوك فضت الشغلة والكل راح على بيته بالليل كاعد
فوك الدرج بيدي التلفون راسلتني عدوية "
شلونك فرقد
_على الله
_ عباس شلون صار ؟
_زين
_الحمدلله والشكر اگلك فرقد ترى حنين اجتني للبيت البارحة وتعاركت وياي گالتلي أنتِ السبب أهلي كشفوني وتبرو مني وصفيت بلااهل والرجال شالع قلبي شلع يضرب ويغلط ويسب بي
_اي
_اي وأمي دزت على امها اجت بيتي
_وراح يسووله سحر ويسونه مطي
_اي سوله
_بعد بيتي مايمشن خطوة بدون مايخيطن اخيوط
_أعوذ بالله
_ديري بالج يغشمروج ويخلنج تخيطين
اخيوط ترى دربج دربها
_مخبله اسوي سحورة واخسر اخرتي
_اي عفية
_تدري شتگلي
_شتگلج ؟
_تگلي ندمانه لان عفت فرقد وخنته وي احمد فرقد بدون اسحورة جان مشيني على روس اصابيعي ومسويني أميرة مو مثل أحمد
بالسحورة كوه أمشي
_جرب غيري تعرف خيري
_اي والله خلها حيل بيها وابو زايد انجلبت وطغت
_ختلولي المهم زوجج شلونه وياج
_خير من الله
_ان شاءالله دوم زين وياج
_الله يسمع من حلكك
_أنتِ خليج ويا ولا تعاندين واسمعي الكلام شوفي شلون مايخليج تاج فوك راسه
_هو راح اخذ بنصيحتك
_اخذيها وماعليج
_ان شاءالله ..صدك شوكت تعرس ؟
_بعد
_يوميه بعد وبعد شتنتظر ماتگلي
_هو انه شايف ماتگليلي كل يوم طالعتلي
مصيبة وبليه شكل
_الله يستر عليك ويحفظك
_ويحفظج عدوية
_عود من تخطب عزمني مو ماتعزمني.
_ أول المعزومين انتِ
_اي علمود أوثق الاخبار هههههه
_هههه
انطت لايك وبعد ماردت ضميت التلفون بجيب البجامة وكمت نزلت بالصالة كعدت بصف جديتي حلوة ماكو ربع ساعة واجوي اهل سلسبيل
هي وياهم اجت سلمت على جديتي حلوة وسلمت علية وتحمدلي بالسلامة وكعدت بصف جديتي حلوة وانه اريدها تكعد كدامي علمود اكحل عيوني بيها
لو هي تختل بجديتي .
اجت بالي امد ايدي من ورة ظهر جديتي ....واكرصها بس لزمت نفسي هسه تگول تحرش بي وتسويلي طلابة وتشرد مني اخاف
من يوم لعترفتلها بي شاردة
مني هالمرة تشرد للأبد بس اتحرش
ام محمد_فرقد تارك الجكاير
هجرس_اي خالة تركت من يوم العملية
ام محمد_بعد ماتدخن
هجرس _اي
ام محمد_احسلك والله ايدك شلونها خوما تأذيك
هجرس_جرح بسيط مايأذي
ام محمد_رحمه لاهلك يابسيط طلقه فايته
بلحم ايدك وتگول بسيط
هجرس_ اي والله كلش بسيط
وصارلي أيام وطاب الجرح
ام محمد_ اي
ماردت بعد سكتت هسه هي طلقه وفايته بلحم مافايته بالعظم وصح توجع بس مو قوي الوجع لبيها وانه متعود على وجع الجسم كل
يوم صاير بي شي .
ترخصت وكمت رحت لغرفة أمي اجت وراي فطومة"
روحي جيبي سلي لي
_شلك بيها
_انومها بحضني ههههه
_عزززة موعيب مو حرام
_لاوين العيب وين الحرام
_شنو وين العيب لاعيب وحرام ماروح
_اشاقه وياج والله .. بس اريد أشوفها
واحجي وياها صارلي هواي ماشايفها
_مشتاقلها هههه
_انجبي والج روحي جيبيها
_تنطيني خمستالاف اروح ماتنطيني ماروح
_صرتي تستغلين اخوج ؟
_اي هههه
_اخاف كل شهر انطيج مصروف ٣٠ الف
هسه بعد ماكو اكطعه هي الكطعة
_لاعليك الله
_تمشين هسه لو اكطعه
_والله امشي
_يلا كدامي
راحت خمس دقايق واجت هي وسلي ....من شافتني بقت تباوع متفاجاة بي رادت تطلع اشرت لفطومة تسد الباب سدت الباب وكفت وراه
فطومة_ اخوي يريدج
سلي_شنو يريدني وخري اريد اطلع
فطومة_ماوخر اسمعي شيريد منج
سلي_وخري اگلج
هجرس_ سلي هدي وتعاي اريد احجي وياج
سلي_بخصوص شنو ؟
هجرس_دباوعيلي
سلي_ غشمرتنيني فطومة
فطومة_هو گالي صيحيها أني شعلي بعد
سلي_جان گتيلي
فطومة_جان ماجيتي
هجرس_ تعاي اكعدي كدامي
اندارت عليه مستغربه طلبي "
اكعد كدامك
هجرس_اي
سلي_مخبل أنت شلون اكعد كدامك
هجرس_شكو بيها؟
سلي_لاخطية كلشي مابيها احجي شعندك وياي
هجرس_ ليش تتهربين مني ؟
سلي_ ماتهرب
هجرس_والله تتهربين مني والدليل من يوم لعترفت بي وطلبت الاعتذار منج ماشفتج بعد
ولا رديتي جواب
سلي_جواب على شنو ؟
هجرس_صداقتي
سلي_تقبل هسه أختك تصادق ابن اخوي زيد
مارديت سكتت ردها جان صادم لي رجعت گالت "
متجاوب شبيك ساكت ؟ .. اكيد ماتقبل بس تقبلها
على نفسك تصادق بنات الناس ...
فطومة_هاي شبيج منزعجة؟
سلي _من حقي انزعج واضوج شلون يقبلها اصادقه
فطومة_يع...
سلي_ غلطت مرة بحياتي وصادقت ولد و هسه متندمه بكد شعر رأسي مال اصادق ولد
بعد على كص ركبتي
هجرس_ ماشي
سلي_ يلا افتحي الباب
هجرس_لحظة
سلي_احجي ؟
هجرس_ إذا جيتج خطاب تقبلين بي ؟
سلي_لا
فطومة_ليش ماتقبلين بي ؟
هجرس_ عوفيها فطومة
سلي_ ماريده
فطومة_مو الكل تگول أنتِ تردينه
سلي_ والعالم شمدريها شنو بقلبي هسه اباوعله واضحك بوجهه معناها أحبه واريده بطلوه
تخلف رحمه لاهلكم بطلوا
انزعجت كلش قلبي انخطف ماعرف ليش اول مرة انهان بهالطريقة منها بعدت فطومة من الباب فتحته وطلعت منزعجة فطومة تباوعلي
مصدومه من رد فعلها ..
_مخبله
_لاحقها
_هاي طلعت ماتحبك
_لاتحبني بس جاي تنتقم مني
_تنتقم منك
_اي
_عليش ؟
_على السويته بيها قبل
_ليش جنت شسوي بيها ؟
_أنسي جيبيلي ماي
_صار
طلعت فطومة جابتلي ماي ورجعت شرب ماي وراها طلعت بالعمدة كعدت كدامها بقيت اباوعلها حبيت أحرك قلبها بنظري الها هي انزعجت كلش خزرتني
أبتسمت بخفه الها ...
وره مدة راحوا صاحتلي جديتي حلوة لغرفتها فتحت وياي موضوع زواجي
_ماريد
_فرقد وتالي وياك
_جدة اترجاج عوفيني براحتي من
اريد زواج اجي اگلج
_جاي تتهرب
_لاوالله
_تريد سلسبيل غيرها ؟ لو مخلي
عينك على وحدة
_ ماعندي وحدة ومايهمني سلسبيل لو
غيرها المهم عندي خوش بنية
_هاا زين لعد
طلعت مرت الأيام والشهر وسلسبيل تجي لعدنه ماتباوعلي ولا تخلي عينها بعيني ولا تحجي وياي بس على كد السلام حتى ماتكعد كدامي صايرة
وهذا الشي جاي يضوجني أكثر ليش تتهرب مني ؟
رحت لبيت بارق ...أخذت سيفو يجر بيدي جر تعال صعدني فوك السطح شلته بحضني وصعدت
من كل جهة تعال شوفني
شاف دجاجة وفريخات بيت ابو محمد على
الممر يأكلون بقى يباوعلهم تيتي
تيتي فقع تيتي
_اي تيتي تريدهم
_اي انيد
_هههه هسه انزل اجيبهم الك
_تيتي اممح تيتي
يدزلهم بوسات ويضحك ويصفك بيديه فرحان بيهم انفتح الباب جوه الدرج طلعت سلي لابسة تراك قصير والشعر مفتوح أول مرة أشوف
شعر الطويل عليها
ولايكلها جان كلش وزايدها جمال اكثر كعدت كدام الدجاجة والفروخ صارت تنطيهم أكل بقيت اباوعلها وسيفو انكرص صاح بيها "
_تلييييي تيتييي
ارفعت رأسها شافتنه انصدمت خطية بسرعة كامت دخلت جوه بعدت من يم الستارة اضحك _خرر.. بيك مثل ابوك فضيحة دخلنه سرحانين ههههه
_تيتي تلي
_اي راحت من وراك دخلنه شبيك
_تيتي مااما تيتي
_انجب خربت لحظة وعقابك
انزلك جوه يم امك هههه
عاند وصار يعيط ...يريد يبقى وتعال خلني اباوع للفروخ والدجاجة نزلته وعدل طلعت بي للمحلات شتريتله حلويات ورجعت بالرجعة
شفت سلي واكفه بالباب
هي واختي فطومة واخوي علاوي يمكن جانوا مودين يمها رسم لأن شايلين أوراق اخذوهن وراحوا هي باوعتلي بنظره سريعة ودخلت
جوه كتلني برودها
وتعاملها الجاف وياي .
من جنت اتحرش بيها وتعارك وياها وارزلها ....ماسوت إلي سوته هسه وتجاهلتني اخذت سيفو للبيت اخذته أمي صحت لفطومة
هجرس_شسوين جنتي انتي وعلاوي يم سلي
فطومة_ رسمت النه لوحات نعلكهم بالصف
هجرس_هاا
علاوي_اي كلش حلوات وعليهم درجات
جابتهن فطومة شفتهن كلش حلوات جانوا راسمه مناظر طبيعية ماشاءالله عليها رسمها يخبل وعبالك صور مو رسمة بقلم وألوان ...
يوم يوميا واجه الترفع مالتي ...وترفعت صرت ملازم أول وجواد وياسر صاروا برتبة نقيب جنت فرحان بيها كلش رجعت للبيت بالبدلة
العسكرية الواحدي
وصلت للبيت شفت أربع سيارات بيت ابو محمد استغربت شكو شعدهم اليوم ؟ طلع اخوي علاوي فتحلي الباب دخلت السيارة جوه ونزلت
باوعلي وگال بضحكة"
نجمة ثانية على جتفك ههههه
_اي ترفعت
_الف مبروك
_الله يبارك بيك حبيبي اگلك علاوي
شكو هل سيارات بيت عمي
ابو محمد ؟
_هاا قبل شوي جوي و راحت جديتي
حلوة وخالة عليهم
_شكو ؟
