رواية كفي والمنجمة الفصل السابع والعشرين 27 بقلم الكاتبة Leo alfatlawi

رواية كفي والمنجمة الفصل السابع والعشرين 27 بقلم الكاتبة Leo alfatlawi

كفي والمنجمه

للكاتبه leo Alfatlawi

بارت السابع والعشرين

كعدت صاير اليل وحدي بالغرفه ومطفين الضوه كولشي مااشوف صوت طكطكه يم الباب دخل الغرفه

كمت اريد افرزن شنو هذا الشي كعدت على حيل واشوف مثل الانسانه لامه روحها اول ماگعدت وسمعتني شالت راسها باوعلتي همست بحه جمدت مكاني بيدها سجينه هيه صرخت وركضت اجتني بكل حيلها

هيه صرخت واني صرخت صرخه اعله منها ايد على ركبتي وايد بيها سجينه اتريد تضربني بيها

اديه اثنينهن كمشت ايده البيهه سجينه ردت بس احمي ورحي

دقايق مو اكثر مرت بس جان الخوف من صوتها وحده يجن اكبر عاقل جان يشبه صوت رجال

شكلها مامبين بس قوتها عجيبه على صرختي انفتحت الباب ودخل مؤتمن يركض هيه فتحه للضوه وهيه ركضه رفعلها مني

سحبت النفس انتبهت الايده كامش سمر بس شعرها منكوش وتتماطل وياه كوه مسيطر رافعها اتريد ترجعلي دخلو الباقين احمد سحب السجينه من ايدها ومصطفى جتفها وشالها

3زلم يالله سيطرو عليها مواتكول هاي سمر الرفيعه جانت تمتلك قوه عجيبه وشكل وصوت يخوف طلعوها وهيه بعدها عينها بيه

اجه مؤتمن دنك عليه كال اذتج

--لا بس لويش هيج دسوي

--مريضه نفسيآ هاي

--لامومريضه هاي بيها سحر

--ياسحر بويه من هيه وزغيره جانت شاخطه اشكد عالجوهه يالله اجت للدرب بس هسه يمكن عقلها بعد ميتحمل ادويه انجنت

--لعد لويش اتريد تكتلني

--تچتل منهو غير اشنقهه بالبنكه واصلخ منها لحم

--مؤتمن فدوه بعد لاتعوفني هسه تدخل

--لابويه وين اروح بس هدئي عليش هيج اترجفين

--مااعرف بس خايفه

رجع كعد يمي وسحبني لحضنه بالي يمها بس بعدني خايفه يتراوالي الموقف

هدأت اشويه كلتله خلي انشوف شنو صارلها فدوه اخاف يااذوها

--محد يأاذيها كلهم يعرفون حالتها

--ميخالف خلي اروح اشوفها

--غزل الباب اتقفلها من اتنامين

وحدج لاتضلين خليج ابين البنات هاي ماطول خلتج ابراسها بعد متفوت حالج

--عزا لويش دتخوفني

--مواخوفج بس شاخطه وخلت شي ابراسها ماراح اتركه لمن اتسوي مصيبه يلا كومي خلي اشوف وين صفت

كمنه طلعنه نزلنه لكيناهم رابطيها جوه يحاولون يشربوها علاج وهيه اتمانع مصطفى عاصر وجهه واحمد يريد يشربها وماكادريلهه خالتي تبجي وتتوسل وهيه اتكول مو بشر اتكز على اسنونها وتكلب اعيونها

تالي راح مؤتمن كلهم بعدو وخرو هيه اتباوعلي ابغضب واطلع اصوات وصل يمها عصر وجهه حيل كلها فتحي حلكج هيه صاكه على اسنونها صفكها راجدي اني من يمي طفرت هيه ابسرعه فتحت حلكها شمر الحبايه ودار بطل الماي اجت امها وخرته وشبكتها اخذت اقل من عشر دقايق سنحت تكسر الخاطر انوب راجدي مؤتمن صالخ خدها

شالها احمد وداها غرفه بيبي رحت كعدت يمها ابجي على حالها وخالتي كالت خومااذتج

--لاخاله بس ولويش هيج وضعهه

--ماااعرف يخاله گلنه صارت زينه وراحت منها اشو رجعت ازيد

--خاله اخاف هم سوولها سحر

--منهو الي يصدك ييمه كولهه اتكول لاهيه مخبله خليها على الله الله ياخذ حقنه منهن ربي يراويهن بعز شي على كلبهن مثل مايأاذن هاليتيمه

--ونعم بالله بس باجر ناخذها للطبيب

--يمه ماكو فايده بس خسران افلوس واخوها ماعنده

--لامؤتمن ياخذها مالكم شغل بالمصاريف اشكد متكلف خلي اتكلف اهم شي ترجع لصحتها

كاعدين يمها وهيه اتون تكسر الكلب نزلت رجاء كالت شنهو رجعت لخبالهه وضحكت

والله شكيت هيه لمدخلتهه غرفتي واله اشصعدها للغرفه وبيدها سجينه ومحد شافهه بس سهله يرجاء اذا ماخليتج اطفرين قهر

اتباوع وتضحك كالت يمه همزين مادخلت عليه جان السجينه ببطونه راحت افريخاتنه

--وانتي اشعرفج اكو بيدها سجينه

--ياا بسلا تردين اتشمرين علينه سالفه تره كلهم يسولفون بيها جان بيدها سجينه

دخل مؤتمن كال صوتجن بويه هيه ابسرعه حضنته وكمشت ايده ولفتها على متنها وهو هم حضنها وباسها كالها اشلونج

--مشتاقتلك يبعد روحي شنو هالايام متسال

--وين غير غاط لراسي بالمشاكل يلا فضيت هسه امريني معتازه شي لو بس اشتياق

--اريد اجهز لمؤتمن الزغير

--من اعيوني احسن جهاز يوصلج

--اريد افلوس اطلع اجيب كم شغله لغرفتي

--هم سهلا يجرالج

--اشبيها مرتك اشو اتخازر شنهو اخاف مثل اختها هم بعدين تشطح بعدين

--بعدين ؟ولج من كاعهه شاطحه مرتي هم حاسبتها شايله عقل

كمت طلعت اشكد ماصخين رحت للمطبخ لكيت سماح وعمتي يسولفن شافتني كالت هاولج اشلون بعد الخرعه

--سكتي وخليها وحق الله كمزتني بس والله شاكه برجاء

--يمعود رجاء جانت فوك يم تهاني استوها نزلت وانتي عقلي غزيلان لااتضلين ادورين مشاكل اسويلج شي تاكلي

--لااا مااريد بس اليوم انام يم عمه اخاف اصعد فوك بعد الصار

--عليش يمه وين رجلج

--لاحبيبتي البارحه يمي اليوم يمج

--شنهو والله ماحزرتي لاحبيبتي صار كم شهر طايره تلصمين وحلكج متفكي

دخل مؤتمن يشرب مي سكتنه احسن ماننسحل بس عمتي ام مكرم ابسرعه شمرت السالفه كالته شمسوي ابنسوانك ولك اشو وحده اتشمرك عالثانيه

شال ادي يبرء روحه كلها كلشي ماكو الله وكيلج كاضيها جفاف بجفاف بس اذا مااطكهن برابعه تسوا روسهن سهلا كالها واخذ المي وطلع

سوتلي لفه رحت لغرفه بيبي كعدنه اشويه وكلمن راح لغرفته ضلت سمر بغرفه بيبي

نام احمد وخالتي يمها قررو الصبح ياخذها للطبيب احمد ومؤتمن بلكي اكو امل اترد لطبيعتها

اتاخر الوقت صعد لغرفتي بعدني ماقافله الباب واسمع ضحك تهاني ورجاء وين واصل جان مؤتمن وياهن بالغرفه رديت الباب وتمددت بفراشي عالم ماعدهم احساس

وهو مامصدك كاعد يم مرته اسمع ضحكهم مستمر واني اشتعل وانطفي وين مرت اكثر من ساعه فتح الباب ودخل شمر قميصه واتمدد حلفت بس يمد ايده اسويها هوسه

يخلص ضحكه واسوالفه اهناك ويجيني بس وقت اطياح الحظ يريد حقوقه هو يمكن فهم السالفه وحده شافني متنرفزه ماسوه شي بس سحبني على ايده ونام كلتله تره مؤتمن ماصايره هاي شنو اضل طول عمري بالكاع نايمه

--عليش شرايده وشبيها نومت الكاع ماعاجبتج

--لاطبعا ماعاجبتني اشوكت حتشتريلي غرفه

--ماكو حمدي ربج خالج شي انتامين علي لان متستاهلين حصيره انتي

--انته موكلتلي اشتريلج غرفه وانتي الي تختاريها هم

--هاي وين تحجين تره راح حقج لاتسولفين ابأي حقوق بعد مالج شي يمي

--مؤتمن تره ضهري طك من الكاع وبعدين مرتك وامك باعن غرفتي المفروض اتجيبلي وحده مكانها

--مره ثانيه اذا سمعتج اتكولين امك اكسر اسنونج داخل حلكج انظبي غزل وافتهمي شنهو تلغين

--اااا مؤتمن وجهي فدوه لعد اختك شنو اتريد اتكولها يجرالج واني تكتلني

--اختي تسوه راسج وفوك التطلبه اجيبلها تستاهل

--محد يسوه راسي تره اني هم حگول لحمد يجيبلي

--هههه خلي يدبر عيشته احمد هو البيت فاتح ابخيري انوب تردي يجيبلج

--ذل بالعالم بعد مؤتمن راح يجي يوم وشوف الله اشلون يعاقبك لبالك محد راح يكدرلك

-- عقوبه اكبر منج مااتصور اكو بعد وبعدين ماعملت شي بغضب رب العالمين عليش اتعاقب

--هذا كله وماامسوي شي حتلو جنت حيوانه موبشر راح يحاسبك ربي على السويته بيه يوميه ادعي عليك الله يوجع يعزيز كلبك كون ياخذ منك اعز واحد يخليك عايش ميت ورا

--ماشايف بشر يدعي على روحه خمدي بويه خليني انام سحبني اله وعصرني حيل احس النفس انكطع هاي موحضنه اليشوفه يكول صدك يحبني گال غزل لاتدعين ابروح ابوج

--من اتعوفني عايشه ابراحتي ابطل ماادعي عليك

--چاادعي بموتي لاتدعين على عزيز كلبي

--هيج راح اتموت وترتاح اني اريدك ينشلع كلبك

--هو وين شاف الراحه نامي يعلة گلبي

كاعدين بغرفه بيبي امتانين سمر يجيبوها من الطبيب نزلن من فوك يتمخترن بكيزه وزغلول هنه وكروشهن كعدن شاكات احلوكهن يتمضحكن لمن بيبي صاحت بيهن سكتن

دخل مصطفى اتمدد تعبان ومحتر اشر لسماح جابتله مي كال شنهو اشو اتأخرو وين صارو ذوله

عمتي. خابرتهم مرتين ماردو

بعدنه نحجي ودخلو سمر تعبانه وخامله خالتي وحبيبه كامشاتها كعدنها على قريوله جدو

ذبو عباتها انطوها مي دخلو مؤتمن واحمد كعدو يم بيبي

بيبي. هايجده اشمالها

مؤتمن. مابيها شي عدها انهيار بالاعصاب انطوها مهدء لازم تلتزم بي وانته مصطفى اشسويت

مصطفى. ماكو يخوي علوان وقع وشال البيعه عنه كال من ينزل افلوس بحساب مؤتمن عود سددوني

--تمام الي وصيتك عليه

--خلي اشوفلي معرض بي حظ ومديل حلو والله لو تاخذ رايها وتفضنه اهواي احسن

--انكتم وعمل الكتلك عليه

همه يسولفون و كعدت يمه تهاني تتلوك كالتله اريد اطلع ويه رجاء اشتري غريضات لبتنه

--روحي بس موش تعب عليج المشي

--لايبعد روحي مصطفى ياخذنه

مصطفى. يااااااصخام ياخذج بويه تعبان اريد ارتاح شغو شغله عاطله وكلتلو مصطفى دولي

--يااا لو غزل جان طفرت وكلت تاامر

--وين غزل اشو من اجت لسه ماسمعت طلعت اتكول قرده ورابطيهه لاتشرد

--عزا مصطفى شنو قرده

--اشبيج هذه اسمه تشبيه اعجازي الامثال تضرب ولاتقاس اني ادري اشوكت الله يفكني من هالشجولات

--نصيحه مصطفى والله دير بالك لاتتنمر على عيشتك تره اطير منك واتضل تلحم ترجعلهه

--ههه اكبر مجربه ولج شنهو بسلا جنتي عايشه احسن من هالعيشه

--لاع شنو اصلا اهناك هم عيشه شنو اكعد الصبح اروح للمدرسه اصلا مدرستنه ولاحلوه ولااصدقائي يع هم شنو اصدقاء طلعه حريه ذني كلهن يع شايف من اكبر همك اختيار المودل لو السهر ابأي بارك راح اتسويها

--ابربج عايشه هيج عيشه متكليلي اشجابج

--ماما ههههه ورطتني والله هالكد مافايخه جنت اذا صاح ابن عمو قتيبه بيه اضل يوم كامل ابجي مع العلم اسوي كل مكسوره اشكبرها بي وهو اقوه شي عنده بس يرزلني اشويه

يبوو يوم كامل ابجي ومااحجي ويا اشكد يتوسل ويجيبلي هدايه يالله اقبل ارد عليه وهسه اكلي كتله ودفرات وره دقيقتين اكوم ولاكأنما مكتوله

--هذه اسمه ادبغ حيوانات ابشرج نحستي عالچتل بعد متحسين بس ابشرفي اذا اجتج الفرصه اتفارجين هالوجوه الحلوه وتردين لامريكا لاماراح اتعمليها

--والله بطران غير من الصبح اطفر ولك البريعصي اهناك اله حقوق اكثر من حقوقي اهنا وعايش احس من عيشتي

--لايابذات ولفه شاورمه ذاك الشهر صح المقبلات اكلتها بالطريج بس جبتلج صمونه شنهو ماغزرت بعينج انتي ميفيد بيج اذا مايطكج مؤتمن بوحده رابعه

--اي من كثر الزين العايشه بي ويجيبلي وحده لخ وروح بابا گبل تلكيني منهزمه

--اي تكسي من البصره لامريكا اخيتي هيج النسوان النادره خايبه كومي لانطيج دفره

انداريت على عمه لكيته مؤتمن صافن عليه عزا اواني ماخليت شي ماحجيته نسيته كاعد غيرت السالفه كلتلها عمه اريد شامبو خلص الشامبو مالتي

--ياع يمه موش عندج رجل جامتكليله شنهو اضل مبتليه بيج

--بطلت عمه مااريد كلتها وطلعت اشكد ضوجوني واحد يشمرني على الاخ رحت لغرفه سماح اكعد يمها دخلت لكيتهه كاعده اتخيط بقميص مؤتمن كعدت يمها شالت راسها كالت سولفي غزل منو الغاثج

--لويش امبين عليه مغثوثه صدك دتحجين هذا الخير كوله العايشه بي عوفج مني شنو دتسوين

ولج ذبي بالزبل لاتخيطين ميستاهل قليله افلوسه لوبس يعرف يخلصهن على تهاني تشهه يوميه شكل

--اي هم صدك وهاي شمرت خلي يولي احجي شنهو بيج عليش ضايجه

--مابيه شي انطيني شامبو خلص مالتي وذوله واحد يشمرني عالثاني امج ومؤتمن

--موانتي خوثه لوبس اتضحكيله جان انتي هسه فوك النخل امداج هاي لواني ويحبني هيج جان خليته ميندل دربه

--لاابشرج كال متسوين فلس بسوك النسوان ورجاء تسوه راسج

--ههه منهو مؤتمن الله يرحم نسى كعدته للصبح عينه بالباب بلكي تحنين وترديله

--يكول هاي زمان بعد كلشي مالج حق يمي

--لايگلبي بعد ماناسي مامر اهواي على مصايبج انتي الله يسلمج حشك وحده وره الثانيه ويشوفج نافرته يطلع حجج عليج دضحكيله وشوفي شيسوي ينسه عشيرته

--يلا اتاخر الوقت اكوم اروح لغرفتي راح اخذ من الحمام مالتج

--لاعندي واحد مامستعمل بالدولاب يمج اخذي

اخذت الشامبو وطلعت دااصعد الغرفتي واسمع ضحكت رجاء رجت البيت كالت امبين العالم كامت تشحت ردت تهاني بعد وبعد بس انطيني مجال

عفتهن وصعدت بس كلبي يغلي دخلت للغرفه شمرت الصخام ولميت روحي كعدت ابجي هاي تاليتي اگدي شامبو وانام بالكاع وذني الميسون يعيرني

سمعت صوت صعدت مؤتمن على الدرج كمت مسحت ادموعي هسه اكيد يجي يكملها رحت للحمام غسلت وجهي وغيرت ملابس اسمعه دخلت وسد الباب طلعت لكيته متمدد شافني كعد اشرلي تعالي

--شنو صاير تره ماسويت شي

شفته راد يكوم رحتله ابسرعه لان اعرف اذا كام راح اتزود الكتله وصلت يمه جرني من ايدي كعدني اكباله كال اي ست غزل اطفرين من الصبح مو

--هاا

عصر وجهي بيده صك على اسنونه كال كم مره نبهتج متذكري

--هئ والله نسيت انته كاعد

--كل مااريد احترمج واعاملج مثل الاوادم اتعملين شغله تثبتلي انو غلطان متستاهلين الاعمله لخاطرج

بعدني ماراده سحبني جوه مؤتمن كام يعرف شنو اكثر شي اكرها ياخذ انتقامه مني بي

ميدري كلما جاي يزيد كرهي اله ابسبب هالشي يتعمد يستعمل القوه وياي وحتى ضرب يضربني اذا بعدته

لازم اتحمل واسكت مرات احسه لهفان ومرت لايزيد اتحسه يريد ينتقم مايتركني لمن يشوفني بعد مابيه اتنفس يالله يبطل وخرت لميت روحه بالغطه كمت للحمام سحبت بس روحي اتفور مااعرف اشوكت اخلص من حيونته

طلعت لفيت شعري اجيت انام كال روحي نشفي لاتنامين هيج

--ماعندي شسوار

--لفي بخاولي وخمدي

نشفته بالخاولي عدل وكعدت امشطه صدك اذا ضل للصبح هيج راح يعكد ويشلع كلبي بس امشطه بحركه روح لان الشامبو عادي مومال تسريع وماكو بلسم صار سيم مال اماعين كطعت نصه انوب وصل للنهايه اتعكد اكثر روحي طلعت

اخر شي قررت اكصه كمت للحمام شلت المكص من حلاقته وجريت شعري استوني جاي اكصه وماحسيت غير ايدي نضربت حيل طفر المكص لنهايه الحمام

صاح اكيد اتخبلتي والله عرفت من كمزتج وراج مصيبه شنهو بويه تجيج الحاله على ساعه انتي متفهمين

--مالك شغل شعري ابكيفي

جرني حيل من شعري صاح صوتج بت الزماله عليش اتعلي

--مؤتمن وخر والله روحي طالعه كلتها وبجيت من كلبي اني منا محتركه من كلام ذني ومنا زودها عليه لكيتهه حجه طلعت ضيم كلبي كله من شافني هيج بطل سحبني لحظنه وكال عليش البجي

اخذني لفراشي وخرته وكعدت كعد يمي وشال الغطه لف امتوني عليش تبجين منهو وياج

--مابيه شي هيج خبله وحدي عوفني

--الخباله ومشهودتلج بس عليش هالوكت طلعت ضيك اعيون كال ولج شنهو اخاف قصرت وياج

--مؤتمن والله احرك روحي واخلص منك وخر

ضحك بعلو صوته احر ماعندي ابرد ماعنده ولاتكول جاي احرك بروحي كدامه حضرته يضحك جرني لحضنه وباسني نيمني على ايده كال شنهو التردي گولي

--مااريد بس وخر

--لاوخر هاي مو الي تنكال غزل العرض يجي مره وحده كولي قبل لاارد بحجايتي

--كولشي مااريد هم يالله عليك رجاء وتهاني مو ذني اليسوني خليهن يفيدنك عود

--والله تجين للصدك كلهن لسانهن ينكط عسل ويردن بس رضاتي بس شسوي الكلبي يحب اليذله

--يااذله هو اني شايفه منك حتى اذلك

--موجاي اكلج شنهو الرايدته اشو انتي اتماطلين غير افهم

--اريد ماما

--موش هسه

--لعد اشوكت والله اشتاقيتلها حموت على شوفتها فدوه مؤتمن والله اسوي التريده واصيرلك اكثر من تهاني هيج شنو التريده حكولك تم

--امم وبعد

--والله والله اي شي اتريده قبل لاتكوله حسوي

--سهلا يلا خلي اشوف اخاف بس حجي

--شنو

--لابعدنه من هسه اتسالين شنهو بعدي بويه

--لالا فدوه بس شنو انته گولي واني حسوي

--يابه مااريد انتي بس لاتشلعين كلبي كالها وسحبني اله

بس جان احن وياي مو مثل قبل اشويه صح احسه اهواي يضغط على روحه لخاطر لايااذيني بس جانت لهفته اتنسي ويرجع تدريجآ

فتحت اعيوني الصبح على بوساته جان يطبعهن على خدي بهدوء اول مره احس مؤتمن هيج فرحان اباوع اعيونه تلمع رجع حضني حيل واشتمني كال يلا يعلة كلبي كومي نتريك

--روح انته اريد اسبح اشويه واجي وراك

رجع باسني وكام طلع اني رحت للحمام طايره فرح واخيرا راح ترجع ماما مامصدگه اشوكت اشوفها واحضنها

سبحت على السريع وطلعت لكيت مؤتمن استوه طالع من غرفه تهاني وكفت اتخصرت كلتله شنو دسوي جوه

ضحك اجه شالني ورجعني للغرفه يعضض بخدودي

--مؤتمن لاتيه السالفه شنو دسوي جوه

--تره ماطلكتها بعدها مرتي يابه

--اي واذا مرتك شكو جوه مؤتمن لاتحرك كلبي

--ولج غيرت ملابسي اشبيج اريد اروح للشغل

--اهاا واشوكت حترجع ماما

--الله كريم كالها وراد يطلع حسيته جذب عليه كمشت ايده حجيت ويابتوسل فدوه مؤتمن مدااتجذب

--افا اكو يوم كلتلج شي ورديت بي

--امم كلت اكبر غلط اتزوجت غزل تذكر صدك اشلون عرفتني اني داحجي وياك بالفون

--ياعلة كلبي املائج كله غلط مافهمت بس دا ودا

--رجعني للمدرسه وشوف اشلون حتعلم

--يابه تره هيه ليله بعدني ماشايف شي لاتذليني بيها

--مو وعدتك راح اصير حبابه بس يمؤتمن اذا لكيتك واصل يم تهاني تعرف شسوي

جان يريد يطلع سد الباب وحصرني يم الحايط كال اي شسوين كولي

--دااجذب تره لاتصدك كل الدا احجي

دنك عضني من شفتي عالسريع ونزل اتاخر عن شغله طلعت لكيته مخلص الدرج وصلت داانزل طلعت تهاني تضحك هزيت ايدي على شنو دضحكين بنتي ضحكي على روحج

داانزل واسمعها كالت ماتردين اجيبلج شامبو بطريقي لان مؤتمن حبيبي انطاني اكثر من المعتازتهن

اخخ دقتني طيرت فرحتي نزلت ركض للمطبخ ياكل وهو واكف

ومصطفى يم الثلاجه يطلع جبن دخلت كال اشبيج وجهج امعبس من الصبح

--وخر مصطفى اريد افلوس

رجع باوع بالثلاجه كال والله مابيها بس بتيته اتفيدج

--مصطفى كله خلي ينطيني شوف اشكد منطي لتهاني وانوب حتطلع وحدها

--افا غير هسه اترسج افلوس امريني ورق لو عراقي

اندارله مؤتمن كله وحك الخلقك يامصطفى اذامديت ايدك على الخزنه مالت الشركه اشلع اذاناتك

اترسها من شيب ابوك لاتوصل للشركه

--افا يخوي اخلي غزاله بدون شامبو

--ياطلابت شامبو غزل ادري اراح اطير نص افلوس الورث ابسببه شوفو ولكم انتو الاثنين لعب مال مخابيل لعبو بعيد لحد يوصل يمي ادك راس ابراس وحك علي

يلااا بعدو كالها وطلع مستعجل حتى مااخلاني احجي بعد وصل يم الباب وصاح يلا ولكككك

طلع مصطفى ورا يركض

كعدت عمتي بيدها صينيه خبز شوهاي خلتها باوعتلي هزيت ايدها وطلعت ماافتهمت عليمن سماح جابت الجاي وكعدت نتريك تضحك كالت هاولج امبينه ماخذه بنصيحتي

--ياهيه منهن هنه اهواي

--مؤتمن نازل اليوم طاير حتى نسى يسلم على جدتي من السعاده

--بس شنو استفاديت دخل لتهاني انطاهه كل افلوسه وطلع واني شامبو ماجابلي

--يبووو يبووو اني وين احجي وانتي اتلطمين عالشامبو بعدج

--نسيت اكولج خبر يجنن

--شنهو فرحيني فدوه اروحلج ولج اريدلي خبر بهذه البيت حلو ماكو

--ماما حترجع مؤتمن وعدني وحتى المدرسه من كلتله ماعارض

--ايي الحمد الله وخيرا راح اشوفج طالبه واكعد ادرسج كون الله ماتقرين يغزيلان انتي الله جابج الي اكضي وقت بيج

--صدك وين واصله يامرحله انتي

--خلصت سادس وكعدت

--لويش

--همه هيج البت بس اتخلص اعداديه والولد لايكملون جامعه

--مؤتمن امكمل قانون امبين

--ههههه اشعرفج

--لان ميعرف العدل شنو واحد باطل

--اووف كون يلكفج جامصطفى مخلص محاسبه

--بعد عمري متشوفي يحسبها صح اشلون ديشتغلهم

--ويين يحسبها صح ولج شافط الامه كلهه ابجيبه

-- عوفج منه يعني اني هم نفسي الشي مااكمل مو

--والله بعد انتي وشطارتج مؤتمن مينحزر بس اذا جامعه بس بنات يجوز يوافق

دخلن بكيزه وزغلول متحضرات للطلعه كالن معتازات انجيبلجن شي

سماح. شامبو لغزل وجيبن معطر ذبان هالايام كثران

هزت ايدها تهاني وطلعت خرب بغيرتج سماح واكول فقيره عرفتهن المن جايات

كمنه بلشنه بالمطبخ خلصنا عالسريع طلعنه بره جانت هيفاء تغسل بالطارمه وسمر وخالتي كاعدات يمها

سمر خانسه اجيت يمها باوعتلي ودنكت خجلانه كمت شبكتهه من وره وبستها بخدها اشبيها الحلوه خانسه

--غزل والله ماادري هيج عملت بيج تره موبيدي العملته

--ياع على كوله بيبي شنو ولج غير انتي اختي اعز من روحي ولي اذا سمعتج حجيتيها مره لخ ازعل

كعدت يمها كلتلها سمور حبيبتي ابتعدي عن رجاء لاتشربين منها شي ولاتاكلين وحتى ملابسج ضميهن هيه بس تسمع وتهز راسها خالتي اتباوعلنه وتبتسم خطيه مقهوره على بتها

اجت سماح بيدها جهازها كالت هاج مؤتمن يريدج اخذته وكمت على صفحه اخابره لان مااريد اضوج سمر خطيه ها مؤتمن

--بويه شنهو الشامبو مالتج

--انطيته اسمه واسم البلسم وكم شغله ويا بعدني اعدد سمعته بده يسب بطلت سجلهن وعاد الاسماء للتاكيد وغلقه رجعت الفون سماح تضحك كالت لاماتوقعته هذا مؤتمن نفسه

--عوفج من مؤتمن اشوكت اتخطبون هيفاء

--والله خيه مكرم محتار ميريد يخرب ويه مؤتمن يكول اخاف اخطبها ومينطيها ونتخارب

--لعد اشلون تره شغلتهم صارت ماصخه

--اصخام شنهو عملو ولج

--سكتي لايسمعنه بس همه مايسوون شي غلط بس هيج

--غزل اذا عرف مؤتمن يذبحهم

--لعد لويش معترض

--يمته هو هذا جدي الي اميبس راسه دمشينه عمتي اتصيح صار ساعه خلي انشوف شتريد

رجعت كعدت يمهن وهيه راحت جوه ضلينه انسولف ونضحك اشويه اخذت صونده المي ضلينه نلعب وحده اترش عالثانيه طلعت سمر من الجو الي هيه بي كامت ويانه صارت هوسه والضحك وين وصل

خالتي تضحك على اسوالفنه بس فرحانه بتها رجعت اشويه جانت سماح اتصور بينه لبالي لمؤتمن بس سمعتها اتكلها لاعمه هاي بتج سودنت البنات وتضحك شمرت الصونده ورحت يمها اريد اشوف منو شفت ماما هلوو ماما

--هلو حبيبتي روحي يماما غيري لاتتمرضين

--اي هسه عمو اشلونه

--ابخير نايم اكعده اتسلمين عليه

--لاخطيه خلي بس اشعجب اتصلتي هيج وقت موليل عدكم

--اي والله بس جنت اسولف ويه سماح سألتها عنج كالت امخبله البيت وفتحت فيديو بعدين يلاحبيبتي روحي بدلي لاتبردين

--ؤك ماما بليل حخابرج اكولج خبر يخبل هسه حروح يلا باي

رجعت الفون وصعدت فوك بدلت على السريع ونزلت لكيت بكيزه وزغلول جايات من السوك وياهن كومه غراض

وشعشبونه اتكلب بيهن وتهلهل اجيت يم سماح جانت اتباوع للغراض وعيونها تلمع ملات اطفال ازغار املونات يخبلن كعدت يمهن هنه يطلعن واني اكلب وياهن اشياء حلوه يخلنك غصبا عنك تنجذب الهن

الجاروبات يجنن دخلو مؤتمن ومصطفى اجو يمنه باوعتله وبرطمت رفع احواجبه كال شكو

--اريد مثلهن حباب

--شنهو مثلهن غزل بنيتي كومي حبابه لاتسودنين ذني حديث الولاده

--اي طبعا بعدها مااجت راح تاخذك مني

--اووو اشلون شغله هاي بويه بطلي غيره كالها وراح لجدته

كعد مصطفى يكلب بيهن شال الحذاء كال غزل جربيها اتصير

--لاع بس اريد مثلها فدوه اشكد اكيوت

--شوفي ذني شنهو شمرلياهن

--يمه فدوه ستوتات مال شعر بلكي الله متطلع على مها كون مو كرعه

--لاكرعه ابشرج اخذيهن احسن

تهاني. يا ملات بتي

مصطفى. اشش لج بتي اشلونها عاده راح تطلع اكيد زركه عليج اندارلي كال اخذيهن بعد اخوج لمي كفشتج ولج صدك ذكرتيني الشامبو فرينه نص البصره يالله حصلنا متكليلي منيلج هذا

--مااعرف عمه اتجيبه الي

--دكومي بالسياره تلكي ويلا انتن لمن زبلجن وصبن الغده

كمنه كلمن ابجهه رحت ردت اطلع شفت سماح تبجي كلتلها شوفي سماح وعد اول طفل انطي الج بسلا تبجين فدوه

--ان شاءالله هيج غزل وصدك يصير عندي طفل

--حسبي 9 اشهر وحيكون ابحضنج طفل من اعيوني انطيجيا حتى سجلي بسمج مااريده

فرحت شبكتني وراحت للمطبخ بس تعال قنع مؤتمن انسوي طفل قافل يكول بعد الصار بيج لا اتفكرين بالطفل ابعمرج

اخذت الغراض من السياره باوعت للسياره واتذكرت من حركتها ضحكت سمعت خطوات مصطفى وراي كلتله اكولك اشوكت غير سيارته مامنتبها

-- من حركتيها انداريت ابسرعه لان هذا صوت مؤتمن الوراي طلع جان واكف يباوعلي رافع احواجبه

--تره مواني حركتها

ضحك واجه يمي كال بس مره ثانيه من اتخبثين لاتخلين عطر لخاطر متنكشفين يلا دخلي جوه

همزين ذكرتيني جنت ناسي هالشغله اقلها استفصل

--شنو يعني اشلون تستفصل

--بليل اكلج اشلون روحي هسه جوه وشعرج لمي لاتخلي هيج

--ماعندي قراصات

--جبتلج دزرن بس فكينه منه يلا

--لعد ذني اهواي اشلون اشيلهن

--غززل بويه دخلي جوه لان بدت اعصابي اتودع

دخلت للمطبخ خليت الغراض بالكاونتر بعد ماكو ثقه خلاني مصطفى مااثق ابأحد اخاف من كلشي على غراضي حضرنه الغده طلعت اودي السفره جدو ومؤتمن كاعدين وتهاني حاشكه روحها بمؤتمن اتريد اتفوت بي مال السم

مديت السفره وكعدت يم جدو حتى مانگلت بعد ضليت احوص حتى اكل ماكلت گطعت مشتهاتي وانوب تتنعوص عود تتنسه هيه راح اتجيب وهو مصدك بعدها تتنسه يفلس ويخلي كدامها من الغيره اجيت اطفر اعض جدو

خلصو صبن الجاي وهيه ولاتحركت

الضهر صاحلي كلي صعدي فوك اشرتله اريد اغسل اماعين يفلس لتهاني الضهر ويردني اصعد هسه والله بطران تالي شافني ساحكته راح لغرفه بيبي اتمدد

مصطفى. والله يخويه الله يعينك روح لغرفتي اخذ راحه عيد نشاطك

-- انجب ونكتم خليني انام ساعه لاتلغي

وكفين انضف بالمطبخ ودخلت رجاء كالت سوولي عصير طبيعي

من هالكد ماانقهرت شتمتها نعلت ابو اصلها بالغه مالتي سماح تعرف اشويه دنكت تضحك

رجاء. عيني اركدي احجي عربي بت فريال

--لج من ترحين فدوه لحذاء فريال

--منهو التروح فدوه تعالي لج اعلمج الفدوه اشلونها

شمرت فونها اجت جرتني من شعري رجعت عليها ماكو غير جفجير يمي لبسته ابراسها ساح دمها

وهيه بلشت تصرخ ومها تصرخ وياها دخلو على صوتهن ومؤتمن اتخبل يسد بجرحها ومينكطع الدم لان حاشيته جايه براسها كوه اشكد ضل ضاغط علي يالله انكطع انوب اتفرغ انكطع الدم كال شنهو الصار وهيه بلشت اتكله اتشتمني

--عززا جذابه اصلا هيه اتكلي بت فريال

--اي كليله شنهو كلتيلي بلغتج

--كلتلج فدوه للجمال الطبيعي الشايلته

--والله جذب مؤتمن شتمتني بالانكليزي

--عززا دتجذب لاتصدك مؤتمن

كعدها واجه سحبني من شعري حيل كال عيده شنهو كلتيلها

-- انتي حلوه

--غزل هالمره حجيتي بغير لغه مره ثانيه ادوس على راسج واشلون هيج ضاربتها

--تره انته دوم باطل

استوني كملت الكلمه واجاني راجدي طير وجهي رجع جر شعري كال عيدي الحجيتي

ابجي واكله بالغلط كلت والله اسفه دفعني رحت لغرفتي ماطلعت لليل حتى عشه مانزلت

نايمه واسمع صعدته عالدرج ويسولف ويه تهاني كمت على السريع ردت قفل الباب بس سمعت سحبته تهاني كالتله تعال شوف الفرشه الجبتها لخاطر اذا ماعجبك لونها ابدلها

رجع وياها دخل سدت الباب اخلتي اطفر من القهر دفرت الباب حيل وراي اعضض بيديه من الغيره جنت امحسبه احساب اذله اكيد الصبح هاي اتغيضني وهسه متخلي بعد ميطلع يبقى وياها

اي لويش لا فرشه جديده ومعدلتله شنو بعد غزل

اروح اجه اتسنط بلكي طلع اخر شي تعبت غيرت ملابس أيست اتمددت استوني داانام اسمعه فتح باب الغرفه ودخل جان كالب خلقته لخاطر الغلطه

اني هم درت وجهي للجهه الثانيه ونمت راح سبح واجه اتمدد وراي تانيت هسه يمد ايده ماكو هسه يتحارش ماكو

اتعده وقت سمعته شخر طفرت كالتله شنو نمت فز مخترع كال شكو

--طبعا جاي تعبان من غرفتهه جان بقيت على شنو جاي

--الله يطيح حضج اي والله ابخمس دقايق لحكت اسوي شي نامي بويه الله يهديج

--هم صدك سحبت ايده ونمت عليها مؤتمن اشوكت حترجع ماما

--غزل والله تعبان خليها الصبح نحجي

--لعد انطيني جهازك خلي اخبرها مونعسانه

ناوشني الجهاز ورجع نام اتصلت فيديو كال لبسي شي على جسمج خليت الغطه اشكد خبل يغار حتى من ماما ردت ماما جانت واكفه تغسل اماعين وتحجي وياي بعدين خلته على الميز الجهاز وكعدت كملت حجي

الحلو نازله على مؤتمن متدري بي يمي اني اشرلها وهيه ولاكأنما مستمره اباوع المؤتمن نايم ويبتسم اريد اسكتها ماكو انوب دخلت بالثكيل عليه جريت ايد موتمن اتمددت اريها اتشوفه بلكي تسكت شافتني نايمه على صدره بطلت عوجت حلكها

كمت لان سكتت بدلت الحجي كلتلها ماما عندي مفاجأه الج

--اكثر من هاي مااتوقع

--شنو ماما غير زوجي شنو لكيتيني ويه واحد من الشارع اشبيج كلبتي خلقتج عوفج من هذا اشوكت اترجعون للعراق

--سالي الشفيه رجلج اشوكت يشيل الدعوه

--لاماما سحبها

--صدك ولج

--اي والله ماما اتكدرون اترجعون يي متشوفيني فرحانه يلا تعالو ابسرعه فدوه

--ماعندي شي حتلو بس اني اجي وبعدين قتيبه يجي وراي

اني احجي ومؤتمن بدت ايده تتسلل لاماكن غلط ادفعه ويردها حتى حجي بعد مااعرف كمت اشيل منا والطش منا لصتها لمن سديته لان اتفشلت مكشوفه كلتله صدك دتحجي

--صوتج مرض كالها وسحبني جوه

تره موغصب مؤتمن

اشش صوتج ماهيسه كالها وعضني --------

--مؤتمن

--همم

--تره والله ضهري طك اشوكت اتجيبلي غرفه

--والله نومت الكاع اتفائل بيها اشهر غرفه بس منصويه مامحصل شي

--انته شكو عليك اني اتحطمت بس اذا ماعندك افلوس مااريد عوفها كلتله وبسه بوسه سريعه من شفته

--فدوه يروحج مؤتمن وافلوسه باجر امر عليج نطلع اختاري التعجبج

عزه ابعينج ماما صدك طلع ينضحك عليه بهيج اسوالف اشكد الزلم ازواج اتكول جهال والله يالله واني لبالي هيبه اثاري كلهم نفس الشي اتكول اطفال بس العدي طفل من نوع المتوحش

نايمه وحس واحد يرفس بيه كعدت لكيتها تهاني باوعتلي وضحكت

--خير من الصبح شكوو داخله

--كومي لحكي لايفوتج المنظر حبيب الروح جاي ينطك

--منو ولج كلتها وكمت لبست عالسريع طلعت اركض

نزلت جانت عمتي تترجه بمؤتمن وهو عاصر مكرم من ركبته خانگه وطايحله بوكسات ويصيح بعدي يمه يعديييي

اباوع هيفاء طايحه بالكاع لاحس ولانفس-

الثامن والعشرين من هنا

تعديل المقال