رواية الهجرس الفصل السادس والعشرين 26 بقلم رواء هادي
قنعت بكلامها قتربت من فطومة وگتلها بهمس"اصعدي فوك جلبت بايدي حيل
وردت عليًّ بهمس"
- فرقد يگول هاي جذابة وحياله مثل حنين
فكيت عيوني بصدمة ورجعت شاورتها "
منو گالج ؟
رجعت شاورتني "
هو گال الماما كلهن مكارات وحيالات ماكو
وحدة برأسها خير يتزوجها
بدون وعي مني وگتلها "
لعد اني مابراسي خير ؟
باستني بخدي ورجعت شاورتني "
أنتِ لا براسج خير بس يخاف
عليج من نفسه
بقيت اباوعلها مصدومة من كلامها بعدت عني تضحك ختام مبين عليها الانزعاج
وگالت بصوت منزعج "
ختام_كومي شبيج لازكة
فطومة_والله ماكو مادام الموضوع يخص اخوي
ختام_انتِ شنو من بنية دا اگولج
كومي عندي موضوع وياها
فطومة_الموضوع يخص اخوي وانتِ مالج علاقه بي لايعرفج ولا تعرفي شكو جاية على سلي تحجين وياها على اخوي تحجين كدامي لو اروح للمضيف واگله ختام جاي تحجي عليك
سلي_فطومة عيب
فطومة_وين العيب بالموضوع العيب مو عليًّ اني العيب عليها هي جاي تحجي على اخوي كدامج و لاتعرفه ولايعرفها ومادام تريدني اكوم
تريد تكص اخوي بالسوء واني ماقبل احد
يحجي على اخوي
ختام _ مالومج ابوج إرهابي وامج ال...
من گالت هيج وجرحت مشاعر فطومة كمت
بطولي حجيت بعصبيه ..
سلي _الزمي حدج افتهمتي لو لا كلمة الزايدة منج اشمرج من ايد ورجل بره البيت هم خطار
جاية وهم تحجين زايد
ختام_ جانت وحدة وصارن أثنين ومن طبج مرض انتِ وياها صوجي اني اجيت احجي وياج .. شلون عالم متخلفة وهمجية مالومكم عرب
سلي_اي احنه عرب جابج علينا بت ألمانيا
ختام_تستهزئين
فطومة_ لعد انتِ شنو مو عربية مو من دولة عربية لو من دولة أجنبية ام العرب
سلي_ انتِ مو تگولين عرب لعد انتِ شنو ؟ اجنبية وكاعدة بنص دولة عربية إسلامية؟!
فطومة_لاولج سلي هي بت جنرال أمريكي وعايشة بالعراق من السقوط خطية وجت علينا
احنه العرب ههههه
ختام_اني اعلمجن
سلي_الله وايدج تعاي علميني شلون اصير
مثلج استهزء باصولي العربية
ختام_انتِ لو شر...
سكتت بسرعة وبلعت لسانها من هجرس صار وراها وگال بصوت ناصي مبحوح "لو سمحتي أختي
ممكن تبعدين عن طريقي
ختام _أكيد تفضل
بعدت عن طريقه وراحت كعدت بمكاني يم جديتي حلوة تخبلت بقيت اباوعلها مذهول شلون تروح بمكاني هذا مكاني من جنت صغيرة
وماقبل احد ياخذه
والمشكلة من الغيرة نسيت هجرس كدامي واكف ويباوع ينتظرني اوخر عن طريقه
هزتني فطومة"
فطومة _سلي يريد يفوت
أنتبهت على نفسي وبعدت بهدوء صرت صفح اني وفطومة جان يباوعلي ومبتسم بخفه"
دومج كاطعة طريقي شرشبيل
سلي_اي صخرة واكفة بنص طريقك ارتاحيت هسه
هجرس_واحلى صخرة
فطومة_هههه
سلي_هاي شنو هجيرس رجعنا
هجرس_لعد تردينا نموت شرشبيل ؟
سلي_اني اموت وانت ماتموت
هجرس_كلنا نموت وسبحان لمايموت والأعمار لابايدي ولا بايدج بايد الله سبحانه وتعالى ..صدك هاي شبيها واكفة كدامجن وجانت
تحجي بانزعاج ؟
سلي_مابيها
فطومة_ لابيها والله
ضربتها بعكس ايدي ماريدها تحجي
توجعت وگالت "
ليش ضربين خليني اگله جانت تريد تحجي عليك كدام سلي واني تعاركت وياها وگالت
علينا عرب همجية متخلفه
هجرس_زين أحنه عرب وهي بت
المدينة جابها علينا؟
فطومة_دوده جابتها علينا شكد اكرهها أبد ماحبها
هجرس_دم اخوج يمشي بعروكج وتكرهين الي اكرهه وتحبين الي احبه
فطومة_يعني تحب سلي
فكيت عيوني بصدمة واباوعلها
مصدومة من جرأتها "
- فطومة شنو هاي ؟
فطومة_هو مو يگول مثله اني احب الي يحبه ويكره الي اكره واني احبج اريد اعرف
يحبج مثلي لو لا
هجرس_ حرامي الورد ماحبه
سلي_وعاد ليسمع اني ولهانة عليك
ابو الهجارس والشياطين
هجرس_متأكدة ؟
سلي_لابعدني انتظرك يلا أتأكد
هجرس_طبعا تنتظريني ...فطومة
قلبي تعاي وراي
فطومة_صار تدلل
رفع تك حاجب ونمت إبتسامة . .خبيثة على شفايفه بقيت واكفه بمكاني هو صعد صعدت وراه أخته نداريت اباوع الختام النعامة كاعدة
بمكاني بقيت اخزر
بيها من مكاني وهي تباوعلي بعدم إهتمام أنتبهت على صوت نزول شخص نداريت شفت هجرس لابس دشداشة وافتح اول دكم بيها علمود لا تتأذي العملية
انوب يطلع حلو بالدشداشة اخته وراه تمشي وكف كدامي حسيت نفسي قزمة كدامه ياربي شطوله هل الرجال ونوب ضعفان ومبين طوله أكثر من قبل .
هجرس_ ليش ماكطعتي لسانها
سلي_منو ؟
فطومة_هاي النعامة مغطية بس صدرها
ومطلعة الرجلين والرأس
هجرس_تشبيهج بالمكان
فطومة_قابل مجذبة
هجرس_لامامجذبة ..من تحجي وياج مرة الثانية شيليها ودكيها بالكاع ولتخافون
انه اطلع وراكم
سلي_هاا !
فطومة_نكتلها قصده هو يطلع ورانه
سلي_اني ماتعارك اني إنسانة مسالمة
هجرس_الله يرحم ايام زمان انتِ
والزركة ملخ من المكافش
سلي_هي ماتكعد راحة مني وتجفص بمصاريني
هجرس_وانه مو اكطع مصارينج
سكتني للأبد بكلمة ... مارديت مد ايده على رأسي فزيت وبعدت عنه " شعرج طالع ضمي
گال كلامه ونزل ضميت شعري بايدي تباوعلي
فطومة وتضحك "
_اخوي مبين يحبج هههه
_فطومة لا تصيرين مثل بارق كوه تسوونه يحبني
_أفعاله تگول يحبج
_لو يحبني يگول أحبها مايحبني هذا وهذا هو
من يوما هاي أطباعه ساعة حلوة
وساعة مرة ماتنبلع
_لاوالله أطباعه حلوة وعيبة الوحيد
عصبي وبسرعة يضوج
_اي
_انتِ موجنتي عايشة ويا ايام طفولتج
_اي ومشبعني كتل
_ههههه صدك
_اي والله مطيح حظي اهلي مايكتلوني هو يدك
بي الليل والنهار منورة الزركة مالته
_يحرص عليج
_بالكتل يلا تعاي خل ننزل جوه متت من الجوع
_عادي تفتحين الثلاجة ؟
_اي
_ماتستحين
_لاليش استحي بيتهم مثل بيتي
_اني استحي اگول لامي هي تطلعلي
_لاليش تستحين هذا بيتج صار
وهذولة اهلج صيري مثلي
_انتِ أبقي وياي وعلميني فدوة
_صار تدللين
لزمت ايدها ونزلت جوه بوجهنا للمطبخ فتحت الثلاجة لكيت دجاج مشوي طلعت صمونتين سويت لفة الها ولفة لي وكعدنا ناكل تباوعلي وتضحك
_عبالك لبيت بيتج
_متعودة عليهم من صغري واني عدهم
وهم هم متعودين عليًّ
_حلو اني هم اتعود مو
_اي أيام وتتعودين
_صدك فرقد گالي لا تصاحبين غير بنات عمو فواز وايهم وخليج وي سلي وتعلمي منها
_هو گال خليج وياي !
_اي
_شعجب
_يگول خوش بنية وأخلاق وتعرف تصرف وتعلمج على الأشياء الزينة والحلوة وكلامه صدك صارلي جم يوم من شفتج وحبيتج وتعلقت بيج
_مادري هاي نظرته لي
_هو يكعد يحجي لأمي عليج كلما يجي
_شيحجي عني ؟
_ يگول تعارك ويا وهي ماتهتم أبد
وي غيري تزعل بسرعة
_شقصده اخوج
_قصده تحبي ومايهون عليج تزعلين منه هههه
_لاا ماحبه بس هاي أني مازعل واخذ
الأمور بشكل عادي متوهم اخوج
ترى ماكو هيج كلام
_خيه هاي هم الزلم بس شافوا بنية
تباوعلهم گالوا تحبنه
_اي واخوج هيج مفكر
_الله يحبه إذا صدك تحبي وين يلكه مثلج انسانه حلوة ومثقفة وقلبها طيب وماتزعل وموعناد مثل بعض النسوان شايلات عناد المطاية ههههه
_ههههه
_اي والله مرة شفت مرت خالو تعاركت ويا كفر بيها كفران وماسكتت ابد بقت تحجي وتغلط رجعلها هم كتلها ونفس الشي عناد عناد شنو من
عناد شايلات ياربي
_حشاج العناد تاكل كتل بكد المطاية وكل مشاكلها وخراب بيتها هو عنادها الرجال عناد وهي عناد تكب العيطة بيناتهم وتخرب العلاقة لازم تصير تنازلات
_هم صح كلامج الزواج لمابي تفاهم
وتنازلات مايستمر
_بالضبط
_تعرفين اخوي عناد
_اي
_وصعب يعترف يريدك انت تعترف مو هو
_من يوما هذا هو
_تعرفينه اكثر من امي نفسها
_كضيت عمري ويا واعرف شبي مابي
_مركزه بي اكثر من نفسج نفسها
_ههه والله ضحكتيني
_مبين تره
_تعاي اگلج بس لتگولين
_لاماگول
_جنت أحبه من صغيرة
_لاعليج علي
_اي والله وجنت مركزه بي وبفعاله واسوي الأشياء ليحبها علمود الفت انتباهه
_وهسه هم بعدج تحبي ؟
_راح كل الحب وي طفولتي
_رجعي فدوة
_هو راح وصعب يرجع بعد وجانت ايام الطفولة ياهو لنشوفه حلو نحبه حتى افلام الكارتون جنت احب
ابطاله وأتمنى اتزوجهم هههه
_اي حتى اني عبالي حقيقيين
_للأسف مجرد رسم وحي من الخيال
_اي بس اخوي حقيقي مو وهمي
ولا وحي من الخيال
_ فضل عليًّ حنين شلون ترديني ابقى أحبه
_ ختياره خطأ حتى ماما گالت عاف الحلوة والزينة ولفة على الزركة بت ام السحورة لابوها دمر
حياتي وحياة أبوه
_لاتلومي العاشق يعمى من الله
_اي ..وهسه انتِ ماتحبين ؟
_لا
_شعجب مالفت انتباهج رجال وأنتِ
جنتي تداومين بالمعهد
_قلبي يرفض يتقبل اي رجال
_هذا قلبج شبي
_مصخم شبي
_هم اكو احد يحبج
_اي اكو اكثرمن شخص بس واحد
متعلق بي موشلون مجان
_عادي اعرف ؟
_اي عادي .اسمه دلشاد ابوه يصير صديق
ابوي وياي بالمعهد جان
_هاا حلو
_اي هسه اشوفج صورته
طلعت التلفون دخلت على حساب الانستغرام طلعت حسابه وصورته انطيتها التلفون "هذا هو
اخذت التلفون من ايدي بقت تباوعله بتركيز وگالت "
ماشاءالله حلو وناعم مو مثل
اخوي عملاق
هي گالت عملاق لو خربت من الضحك "
هههههههه
_والله جديات اخوي هواي طويل ومن يدخل من الباب يدنك يلا يدخل وهذا بشرته بيضة اخوي اسمر واخوي عيونه احلى من عيونه وملامح
وجه اخوي اكثر رجوله من هذا هذا تحسي كيوت ونازك مو مثل اخوي تباوعيله تخافين من
نظرته وخزرته ههههه
_ههههه فسختي اخوج تفسخ
_هذا الصدك ..هاج تلفونج
_منو احلى
_كلمن وجماله الخاص
_يعني بنظرج
_طبعاً أخوي
_إذا نحجي الصدك دلشاد اجمل
_هذا مرتب روحه ومعتني بشرته مو مثل اخوي هامل بشرته بالزرع يشتغل وبالشرطة مستلك اهل اهله مو مثل هذا العود ماشايله بيده شفتي
ايده ابيض من ايدي ونعم الله وكيلج هههه
_ اي مدلل أهله وهسه راح يطلعون
خارج العراق يكضون العطلة
_ناس طاكة
_كلش
_لعد ليش ماقبلتي بي ؟
هجرس_مو تحبني شلون تقبل بي هههههه
رفعت راسي من سمعت ..... صوته دخل للمطبخ من الباب الخارجي شايل أطراف الدشداشة بايده ومطلع رجليه اخته تباوعله وتضحك واني مصدومة
منين يعرف أحبه؟
فطومة_ههههه
هجرس_سويلي كلاص حليب وعسل
فطومة_تدلل
بدون مقدمات سحب الكرسي وكعد مقابيلي مبتسم رفع حواجبه ليفوك وگال " الصفنة
مو لج شرشبيل
سلي_ انت شنو بس فهمني ؟
هجرس_شنو ؟
سلي_تحجي بكل ثقة اني احبك واني ماحبك
هجرس_واثق من كلامي
سلي_شنو بكيفك انت تحجي
هجرس_احلفي بالعباس ماتحبيني
سلي_هسه كوه احلف
هجرس_اي حلفي
سلي_مامطرة احلف وبين كلامي صدك لو لا
جابتله كلاص حليب بي ...عسل صار يخوط بي ويباوعلي عبالك كدامه فلم ومستمتع بالنظر ردت اكوم جلب برجلي برجليه قوي وثبتني
بمكاني بقيت مصدومة
من عملته "
هجرس_ كعدي
سلي_ شتريد
ماحجيت كدام اخته مجلب برجلي برجليه الاثنين استحيت منها واخاف تروح تگول الخاله حنان اشرله يعوفني نوب عاند وعصر رجلي حيل ونوب تلمست
برجليه ورفع النفنوف تخبلت عليه "
فطومة سدي البيبان
فطومة_ابقى لو اطلع
هجرس_وين طالعة
سلي_ ولك شتريد مني ؟
شال كلاص الحليب وشرب منه
رجعه كدامه وگال "
اعتذر
سلي_تريد تعتذر ؟
هجرس_اي
شال رجليه عن رجلي بدون كلام كمت ... بسرعة خايفة منه وجسمي حس بي نمل ويمشي تحسس من لمسه لي بقيت واكفه خجلانة
مدري ثول ضربني
وفطومة سدت البيبان رجع شرب من كلاص الحليب وگال " انه اسف على السويته بيج
بوعيي وبدون وعيي
سلي_ همزين عترفت بخطائك
هجرس_ الله واهل البيت(ع) وكفولي وشفوني من مرض خبيث وانه بعد ماشفوني ماريد أبقي خباثة بي واريد اصلح من نفسي واكفر عن
أخطائي واولهن وياج
سلي_ ونعم بالله واهل البيت (ع )
هجرس_تقبلين اعتذاري وتنسين كلشي
سلي_ اقبل اعتذارك بس ماكدر أنسى
هجرس_وعلي انسيج واعوضج عن كلشي
واخليج تعيشين بوسط احلام
وردية مثل خدودج
فطومة_ هاا شتردين بعد يتعذر ويتغزل
هجرس_ قنعيها بعد حيل اخوج
فطومة_اقنعها لعيونك يلت اقبلي سلي
هو اني متت من الخجل والمستحاء كتلتني كتل كدامها اول مرة بحياته كلها يصير وياي لطيف ويطلب السماح والمغفره ويطلب من
اخته تقنعني أقبل
هجرس_شرشبيل شبيك خجلان
سلي_ انت شتريد بالضبط
هجرس_ تقبلين اعتذاري ونصير اني وياج أصدقاء وعد مني كل يوم احوشلج ورد من الحديقة
وادزه الج بعد شتردين
سلي_خلي الورد الك
هجرس_غير الورد للورد يبقى ههه
فطومة_دقبلي عاد وفضيها سلي
سلي_ماقبل سوه بي سواية محد مسويها
هجرس_عادي يمعودة كلنا نغلط ماكو احد مايغلط
سلي_بس موبهاي الطريقة
هجرس_جانت بالي بس هالطريقة
سلي_ليش شنو بالك جان ؟
شرب كل كلاص الحيب ونزل الكلاص كدامه يباوع للكلاص وگال " تكرهيني وتبطلين تحبيني
سلي_ انت صاحي
رفع رأسه ملامح وجه عادية وهادء"
مارتت تحبين شخص مريض وتزوجي زواج يوميا وثلاثة واموت يصير زواجج شبه زواج المتعة
مابي ضمان ولافايدة
سلي_يعني جنت تضحك عليًّ
هجرس_اي
سلي_وبهالطريقة ؟
هجرس_مالكيت غير هاي الطريقة ابعدج عن طريقي
_ احلف جانت هاي نيتك ومو نية ثانية
هجرس_والله العظيم هاي نيتي جانت ماردت اتزوجج وانا مريض وبي مرض خبيث اكيد راح اظلمج وياي وينشلع قلبج وره موتي
سلي _انت مخبل ابد موصاحي
هجرس_هو ضل عقل برأسي بعد ماتگليلي منين ماجيها تنسد بنص وجهي مادري شلون هسه انفتحت بنص وجهي وامي وابوي رجعوا لبعض وصار عندي اخوات وشفيت من مرضي و...
سلي_اي كمل
هجرس_ماكو شي هسه تقبلين الاعتذار
ونفتح صفحة جديدة
سلي_ اعتذارك مقبول بس مال اف...
طلع وردة من جيب الدشداشة وقدمها لي "
وهسه
سلي_تغريني بالورد
هجرس_غير انتِ وردة ويلوكلج اهديلج ورد
فطومة_دقبلي عاد مو انشلع قلبه هو مريض اقبلي
سلي_اول خل يحلف مايزعجني
هجرس_والله ماسوي تفاهات وياج
واكعد عاقل مثل سيفو
سلي_سيفو عاقل ؟
هجرس_اي كلش
فطومة_يبوس من الحلك ههههه
هجرس_ولج اسكتي فضحتينه
هي گالت هيج لو اذاني كاموا يطلعون دخان من الخجل ماعرف وين اضم رأسي افتح باب الكاونتر ودخل بي وماشوف وجه هجرس ...
فطومة_ههه زلة
هجرس_ مو هيج سلي يابة شبيج مغطية وجهج مو احجي وياج شيلي ايدج خل نكمل كلام
غطيت وجهي وانطيته ظهري خجلانة هو هاي اني بي عادة بسرعة اخجل منه اندك الباب المطبخ صاحت فطومة "منووو؟
ردت خاله حنان "
فطومة ماما عليش ساركة باب المطبخ افتحي ماما اريد اخذ كم شغلة من المطبخ ادزهن للطباخ
هجرس_ لتفتحين هسه ...سلي باوعيلي شبيج
سلي_روح ماريد
هجرس_تقبلين
سلي_بشنو
هجرس_صداقتي
سلي_لااا
هجرس_ليش تشلعين قلبي
سلي_مثل ماشلعت قلبي
هجرس_والله اردلج قلبج بمكانه واعوضه عن الراح
سلي_ماريد روح اطلع
خاله حنان "مايلا فطومة
هجرس_هاج هاي الوردة وفكري بالموضوع زين
فزيت من لمس ايدي وجرها من وجهي حيل وخله الورده بيها ماحجه بعد فتح الباب الخارجي وطلع بقيت مصدومة هذا شبي ؟ شغير رأي
ي قبل شوي يحجي
علية هسه شختلف ؟!
نزلت ايدي الثانية وبقيت لازمة الوردة بايدي حيل أنتبهت على صوت خاله حنان "ادري شسون قافلات باب المطبخ ..هاي شنو منو شارب حليب ؟
فطومة _هاي سلي ؟
حنان _ خفتوا احد يشوفكم تشربون حليب
وعسل من مالت فرقد ههههه
من فشلتي ضحكت وگتلها"
اي اشتهيت حليب وعسل وكلت لفطومة سدي
الباب وخل اكعد اشرب ههه
حنان_الف عافية ابنيتي عود من ترحون ذكريني
انطيج من الحليب والعسل
سلي_لاشكراً خاله ماريد خلي له خطية
حنان _ هواي جابوله بالخمس شيش كبار اخليلج بشيشة صغيرة اشربي وي الحليب زين مفيد بالصحة وانتِ هم شويه ذبلانة خدودج
فطومة_اي خل تسمن شوي
حنان_ اسويها دبة هههههه
سلي_لاا خاله ماريد اسمن جسمي حلو
حنان _شوي خدود يرادلج
سلي_لاهاهي
حنان_ذبلانات خديداتج يوم الخطوبة جنتي احلى
سلي_اي سم الله عليج وعلى فطومة مريضة
حنان_مابيج غير العافية
طلعت اغراض اخذتهن وطلعت اجت بصفي فطومة فرحان باخوها حجه وياي كلام حلو على أساس وهدالي وردة شميت الوردة كلها ريحة عطره
واني قلبي بي ...دودة وحيدة اسمها هجرس ماصدك عتذر وعترف بخطائه وطلب السماح والصداقة بيناتنه اخذت فطومة وبقيت واكفه اريد
ختام تكوم من مكاني
بقيت اشم بالوردة مستمتعة بريحة عطر فرقد صاحت بي من مكانها هباوي
_هلاووو ورد هههه
فطومة_ اني حشتها الها
هباوي_تخرب على الورد هههه
سلي_اي كلش
سيفو من مكانه يهادد على الوردة يريدها "
انطينياها سلي سيفو يريدها
اني انطي أول وردة من هجرس لي بكل حب واحترام وتعذار لو على كص
ركبتي ماانطيها "
سلي_مانطيها
هباوي_لمونه هي وردة جيبيها خطيه كتل نفسه
سلي_ مانطيها أحبها هسه اروح اجيبله من الحديقة
مرت عمو وائل_انطيها له وجيبي غيرها الج
سلي_اله هاي مانطيها
حلوة_شبيها هالورد وماتنطينها ؟
سلي_حبيتها وتعلقت بيها اول ماشفتها ههههه
فطومة همستلي"
هاي من فرقد الحب ههههه
سلي_انجبي ام عطوب
فطومة _ههههه
عفتهم ...يصيحون وراي رحت للحديقة جبت وردة مثلها لسيفو ودزيتها بيد فطومة له اخاف من هباوي تاخذ ورتي وتنطيها له ادري بيها خبيثة مثل بارق
رحت جبت كلاص ماي وخليتها بيها وضميتها بغرفة جديتي حلوة بالكنتور وقفلت عليها الباب وشلت المفتاح وياي مانطيها واخليها ذكرى .
وره العشا اهل مرت عمو وائل دا يرحون قتربت مني ختام وگالت "الوردة من فرقد جانت
سلي_اي وانتِ شعليج
ختام_تحبي ؟
سلي_شلج دخل
ختام_ترى مريض وبي سرطان وبي جن وعقله
ضارب ومخبل شحبيتي بي ؟
سلي_ الحب مايعرف مخبل ولايعرف مريض ولايعرف صاحي واني حبيته
بكامل عيوبة
ختام_گولي حبيته على كد افلوسه
سلي_هسه انتِ شعليج شتعلت بيج النار
ختام _حتندمين بعدين لان كلشي ماتقبضين منه كل فلوسه باسم امه واخواته وجديته حلوة
سلي_ عادي مايهمني اهمشي امتلك قلبه
وهذا اكبر امتلاك عندي
ختام_قلبه يم مرته السابقة
سلي_قبل يم السابقة هسه لا
ختام_لو يريدج جان قبل بيج ليش
تلحكي وتنزلين كرامتج
سلي_جان يدري بروحه بي سرطان ماحب يتزوجني ويعذبني ويا شوفي شكد يحبني ويخاف عليًّ
اتعذب ويتمرمر قليبي
قبل لا ترد صاحلي ... فرقد من بره أبتسمت بوجهها بخباثه وطلعت هي طلعت وراي واهلها بره
جانوا جان شايل تلفونه
هجرس _فدوة سلي خلي بغرفتي
اخذته من ايده مبتسمه بارق وراه يحك بحاجبه ويضحك بخباثه اخذت التلفون ومشيت اباوعلها نار وشتعلت بيها من ودها تجي تشرب من دمي
اخذت تلفونه وصعدت فوك .... بغرفته شمرته على الشحن شتغلت الشاشة جان مخلي
خلفية سودة وكاتب "
_شرشبيل قبلت نصير أصدقاء؟
عميت من الفرحة ماصدك يحبني اخاف يضحكه علية هذا ويريد يورطني طلعت من الغرفة فرحانة لزمتني مناوي من ايدي ودخلت بي
لغرفة جديتي حلوة
وسدت الباب "
_تعاي احجيلي شلونها الأمور بيناتكم
_بين منو ؟
_فرقد منو
_ماكو اي امور
_شنو ماكو مو هاديلج وردة ومعتذر منج وطالب منج تصيرين صديقه له كل هذا
وتگولين ماكو
_منو گالج؟
_العصفورة
_فطومة
_ لاوالله موهي
_لعد منو
_هو گالي
_فرقد گالج
_اي والله هو گالي عتذرت منها بس شوي عناد قبلت الاعتذار بس ماقبلت نصير أصدقاء ..ولج اقبلي
خطية مشلوع قلبه
_ لعد واني مو مشلوع قلبي من وراه
_انطي فرصة يرجعلج قلبج بمكانه
ويعوضج عن الراح
_هو شنو ويعوضني مناوي
_عن كلشي والله العظيم مو بقصده ترى جان يدري بروحه مريض وماحب يتزوجج وتتورطين ويا لو مايحبج ويخاف عليج وعلى مستقبلج جان
قبل وگال طبها طوب تتحملني اني ومرضي
_اي هو هم هيج گال
_اي گولي
_شگول
_نگول صار زين وجاج خطاب تقبلين
_خطابة!؟
_اي
_لا
_ليش لاولج ؟
_هو مايحبني
_انجبي يحبج من زمان بس بي
عادة مايعترف بلسانه
_حتلوه يعترف ماريده
_ليش شبي وماترديه؟
_مايناسبني
_تردين برغي لعد
_هاااي شنووو مناوي
_وقابل مجذبه رجال كامل مكمل من كل النواحي
ماتردينه لعد شتردين ؟
_ ماريد اتزوج هسه
_هاي سهلة ينتظرج لما ينزل تحديث الزواج بيج
_مناوي هم صايرة مثل هباوي وبارق
_رجلي انكس من بارق ..يله فرديها
عاد وگولي موافقة
_لاا
_مو اكوم انزع النعال واكطعة فوك راسج گولي اي
_انزعي كطعي ماقبل بي
_وهذا فرحان
اشرب على قلبي بصبعة "
شنو فرحان
_والقرآن الكريم فرحانة موشلون مجان بفرقد بس ماتعترفين وجاي تبيعين ثكل براسي وبراس
المسكين ابو قلب الطيب
جرت صبعها مارديت عليها بعد رجعت گالت "
انتظري جم شهر ويجي يخطبج
_مناوي ...
_ولاكلمة سلي ترى فرقد متحمل هواي عليج صارله سنوات يحبج من انتِ و صغيرة وحار بينج وبين الزركة انتِ لو باقية هنا بديالى وماشايله
لبغداد جان اخذج
بدالها بس البعد شغله عنج وقربه الحنين
_منو گالج يحبني ؟
_قبل زواج اهله عترفلي بكلشي
_والله؟!
_اي والله وگالي اخاف عليها من نفسي مرات اتعارك وياها علمود ابعدها عني وماقترب الها واذيها ماكدر اسيطر على نفسي من اشوفها احس
شي يجذبني الها .
_اخوج مو صاحي
_مسودن
_لعد شلون ترديني اقبل بي
_سلي لا تكعدين تبيعين ثكل براسي وتسوين نفسج ماتردينه وانتِ ولهانة بي اقبلي واسكتي
وبلا كلام زايد
_مناوي
_ اسكتي سلي واقبلي بنصيبج
_ هو
_لتحجين هسه وفكري بكلامي زين ودرسي براسج الفرصة تجي مرة وحدة بالعمر ماتجي مرتين ولاتضيعيها من ايدج وتضحكين
حنين وغيرها عليج
_حنين شعليها
_انتظري خل اشوفج
راحت على الميز جابت تلفونها واجت فتحته شوفتني رسالة من حنين "هاج اقري
قريت المكتوب منها "...
فرقد صارت ويا معجزة ونجه من الموت بس لايحلم سلسبيل تقبل بي بعد ماعرفت بي مرض خبيث 'واني ادعي عليه الليل والنهار مايشوف
الخير بحياته ...
مثل مااني ماشفت الخير بحياته بسببه .
_ولبي مرض نشمره ؟
_هذا رأيها ورأي الغير
_ترى هو مامسؤول عن لصار وياها وعن تعاستها هي عافته وخانته وي غيره وهي السبب بتعاسة حياتها ليش تدعي عليه فوك ماهي الغلطانة تدعي ؟!
_مثل امها
_فرقد هواي مظلوم
_ولحد الآن مظلوم والله جاي يشوف كلشي
_ونعم بالله
_هسه فكري بكلامي وبكلامه زين
قبل لا تردين الجواب
_اي
_شنو اي فكري
_ا...
_سلي سلي اترجاج اسكتي هسه
وفكري بالموضوع زين
_ان شاءالله
_والله يسعدج بحياتج وراح يمشيج
على روس اصابعج
مارديت بقيت ملتزمة الصمت كعدت تقنع بي وأني من أصل فرحانة ومابين الهم فرحانة بي اعترف بحبي هسه يلا الله ستجاب دعائي وخلاه يحس بي
طلعنا بالصالة ... شفت هجرس كاعد يم جدو موسى الكل تحجي الا هو ساكت جابوله كلاص حليب وعسل خليت وكعدت بصف خاله حنان مقابيله
يشرب ويباوعلي بصمت واني عطبت من الخجل والمستحاء وقلبي فراشات وتحول داير مدايرة سيفو اجه لعندي أخذته بحضني ابوس بي
هذا حمه ولكطني بوسة
من الشفايف بقيت اباوعله بصدمه الكل صار يضحك عليه دخنت من المستحاء احس أذاني صاروا يطلعون دخان ماعرف وين اضم
رأسي اجت بالي
ادفن راسي بحضن خاله حنان من عدهم وياريت كام كعد بحضني وشابك ايديني على بطنه ويصيح
على فرقد يريد حليب منه ..
مانطاه من كلاصه وصاح لهباوي تجيبله جابتله وكعدت اشرب بي بالخاشوكة كمل شرب خله راسه بحضني ويدردم مافهم من كلامه شي بس دردمه .
جدو موسى _عشق بتكم ههههه
ابوي_مني له
فاروق_شايف خيرها سيفو
بارق_هي مالتنه بعد من اليوم يلا بابا اخذها للغرفة ولا تخليها تطلع عتبه الباب ههههه
هباوي_يلا اخذها ماما
هو يضحك مايفهم شي انوب جر ايدي وباسها سواني فرجة لأمه محمد عمة عذراء گالت بضحكة" بارق ابنك من هسه مو راحة خيل على احلى بنية
ونزل بيها بوس كدامنا ههههههه
بارق_ طالع على عمامه على عمامه هههههه
خاله حنان _ هو طفل شمفهمه بهاي السوالف وهاي سلي من الله بسرعة تنحب من الكبار والصغار
هباوي_اي والله كلش محبوبة
ايهم_ سيفو عمو ماتكوم
ضم رأسه بحضني شلته وخليته بحضني "
عوفوا نعسان هههه
ايهم_ هذا هو من ينعس هيج يسوي
سلي_حبيبي هو سيفو تحبني ؟
سيفو_ ايي احبش
سلي_واني هم احبك كومات امممح
دنكت عليه بوسته بوستين خطيه بسرعة استسلم للنوم ونام بحضني شلته وديته بسريره اجت وياي امه قطته وراها طلعنا شفت اهلي
كايمين يردون يرحون
وفرقد كايم من مكانه وكاعد بصف جديتي حلوة كاعدة تقرأ على رأسه مبين تعبان
صاحتلي جديتي حلوة
حلوة_تعاي جدة خل ابوسج
رحتلها بوستها فرقد يباوعلي بس مگال تعاي بوسيني سلمت عليها ومشيت وطخت بالي الوردة "نسيت شي اجيبه واجي
امي_روحي
رحت ...طايرة للغرفة فتحت الكنتور طلعت الوردة هي والكلاص خفت لايشوفها ويگول مامصدكه هديتلها ورده ضميتها بصدري وطلعت مبتسمه
وصلونا لباب المضيف قبل اهلي دخلت للبيت بوجهي للمطبخ جبت كلاص ماي وطلعت الوردة من صدري الحمدلله مابيها شي خليتها بكلاص الماي وطلعت
شافتني امي "
هاي منين جبتي الوردة ؟
_من بيت جدو موسى
_اشو ماشفتها بايدج
_بصدري جانت ههههه
_صدك ولج
_اي والله
_وتالي وياج ماتجوزين من بوك الورد
_والله موبوكه
_لعد عليش ضامتها بصدرج
_هدية جانت
_من منو؟
_فطومة
_لعد عليش بالصدر مخليتها
_اممم مادري
_مخبله ماعليج عتب ..تعاي اريد احجي وياج
_بشنو
شافت مرت اخوي دخلت للمطبخ وگالت "
بعدين اجي للغرفة
_ماشي
رحت للغرفة خليتها .....فوك سطح المكتب يم الحاسبة واباوعلها فرحانة انفتح الباب دخلت امي بقيت كاعدة بمكاني سدت الباب واجت لعندي
_ خوما فتحوا وياج موضوع خطوبة
_خطوبة ؟
_اي خطوبة من فرقد غيره
_ليش سامعة شي
_اي گولي فتحوا
_لا
_متأكدة
_اي بس فرقد اجه واعتذر مني وخلص
_عن شنو اعتذر
_عن اخر عركة صارت بيناتنه ومن رفضني
_شگالج ؟
_گال ماردت اتزوجج واورطج وياي واني جنت أعرف بنفسي بي مرض خبيث
_اني هم شكيت بالموضوع اول قبل
وهناك وين غير رأيي
_اي
_خوما گالج من اصير زين اجيج خطابة
_لاماجاب طاري
_هااا
_شكو يمة
_والله يايمة حتلوه يجونج خطابة
ماراح انطيج الهم
_شنو السبب
_وتسألين شنو السبب فرقد منا بي خبيث ومنا مخبل بي جني ماعرف شلون قبلت قبل هسه لو تنطبق السماء على الأرض مانطيج له
_هو أصل مايريدني
_بعد احسن وهاا زياراتج لبيت عمة
حلوة تتقلل من اليوم
_ليش يمة تمنعيني
_عدهم زلم وبيتهم اربعة وعشرون ساعة بي ولد وانتِ بنية حمرة زركة اخاف عليج
_بغداد مديحتني جنتي وهنا تخافين عليًّ
_انجبي ولج لا تلاسنيني
_واني شكلت
_ولا كلمة اني اروح ترحين وياي
الواحدج ماكو طلعة بعد
_ليش سامعة شي ؟
_كلت ماكو يعني ماكو افتهمتي
خلت وطلعت ضايجة جانت ماعرف شجاها وكلبت عليهم قبل تموت عليهم وعلى فرقد اليوم شختلف وإذا مريض يعني شنو اول الناس آخر الناس يتمرض
هو شفه بمعجزة من معاجز الله واهل البيت (ع) واكيد أي اثر مرض مابي بعد 'تنفتح منا تنسد منا بنص وجهي كلبت وجهي تلفوني
رن رنه الرسائل رحت
شفت رقم غريب فتحت الرسالة كاتب "
شلونها سلي ؟
رديت"
منو انت ؟
_دلشاد
_شرايد ومنين جبت رقمي ؟
_شبيج منزعجة
_منين جبت رقمي
_جبته
_لاتراسل بعد ولا تسأل
_شبيج منزعجة ؟
_لسويته بي موهين دلشاد انت وزهيرة ولا تصور سامحتك معناها ردت الماي المجاريها انت بنظري واحد سيئ الأفعال والطباع ونظرتي هي
هي الك ماراح تتغير
لا تحاول تغيرها .
_راح أبقى أحاول لما اوصل لقلبج
_قلبي قافل ومفتاحه ضايع لا تحاول توصله
لأن صعب توصله وتفتحه
_بعدج تحبين هذا الضابط المريض
_شلك دخل أنت
_ادري بيج تحبي وتموتين عليًّ ليش هيج تسوين بنفسج وتخسرين كرامتج كدامه هو مايحبج ومايريدج وفوك كلشي مريض نفسي وبي جني وهسه جملها بمرض سرطان بس گليلي شفتي بي وحبيتي وتعلقتي بي كل هاي الدرجة اللي
ترفضين كل الشباب علموده؟!
_مالك علاقه بي احب منو اكره منو لا
تدخل حياتي.واني حره بيها
_راح تدمرين نفسج
_بالقبر مالك دخل
_خليها بالج ابو السرطان مايطول سنة سنتين تلاث يودعها للدنيا حتلوه صارت ويا معجزة يرجع السرطان للبشر بأقل زلة لو قهرة
_اني قابله بابو السرطان انت شكو بعد
_تفضلين ابو الشياطين والسرطان عليًّ اني الصاحي
_اليوم صاحي يجوز باجر يصير بيك انكس اللي صار بفرقد باضعاف وهذا امر الله وامر
الله مابي إعتذار
_ونعم بالله " بس اني احبج واريدج
_وفر حبك لنفسك وروح شوفلك وحدة
تناسبك اني ماناسبك دلشاد
_لا تناسبيني
_دا اگلج ماناسبك هسه كوه احبك يعني
_اييييي كوووه
_ درووووح
حظرت رقمه وقفلت التلفون قلبي انقبض قبض هذا وراي واني اريد فرقد ماريد غيره وامي ماتريد فرقد هاي شلون ورطة ياربي وكعت بيها .
طفيت الضوه ورحت لفراشي ابجي بكل حركة وبقلب محترك شنو ذنبي حبيته من أيام طفولتي وحبه مايقبل يطلع من قلبي برغم اذاني هواي وجرح
مشاعري مايقبل يتركه متمسك بي موشلون مجان ويخليتي اتحمل الإهانة والرزالة ..شكد حاولت انزع حبه من قلبي ماكدرت وكل محاولاتي باتت بالفشل
مر أسبوع كامل واني ماواصله بيت ... جديتي حلوة وحتى الرسمة دزيتها بيد فطومة وعلاوي امي ماتقبل اروحلهم يدزون علية تطلع أعذار
لو بيت اخوها
لو دا تشتغل ومن هذا الكلام وقلبي مفرفح على شوفه فرقد مشتاقتله واليوم سمعت بي رايح للدكتور من اخوي فاروق وگال الدكتور
مصدوم بالعملية مالته
أي أثر للمرض ماكو ........ والغدة الدرقية مشيوله بالكامل والحنجرة مامتأذاية ابد اباوع لأمي مخليه ايدها على خدها مامهتمه ابد واني
ادري بيها على تواصل
ويه ام دلشاد بس والله ... ولسمه الله ماقبل بدلشاد لو تدك لحمي وي.لحمه ماقبل بي لو فرقد لو مازوج بعد وهذا قرار نهائي شسوي خل تسوي مايهمني .
بالليل أبوي گال نروح امي سوت روحها جنازة رأسها يوجعها وگالت روحوا أنتو سلي تبقى وياي ردت اتعارك وياها بس هناك وين سكتت وماجادلت .
راحوا بقيت يم امي كاعدة تباوع فلم هندي "
هاا يمة وينج مريضة
_مال اخليج توصلين عدهم كطنه وطلعيها من اذانج
_ليش هيج سوووين
_لا تصيحين لا اكوم اكسر راسج افتهمتي
ماكو بعد روحة لبيت عمة حلوة
_شنو مسوية عليًّ حصار
_اي
_وشنو السبب
_ماريدج تلتقين بفرقد ويشوفونج ويجونج خطابة
_لو يردون يجون خطابة خايفين منج مثلا
_السانج طولان
_دا اگلج الصدك هم بيا حال وانتِ بيا حال
_يوم يوميا وثلاثة ويرجعون عليج
_اي وليسمع بس اني بنية بالمنطقة كلها لو بالعراق مامتزوجه لمونه قحط نسوان يعني خليني
اروح ارح تطك عليهم والله
_ماكوووو
_ليش هيج تسوين ؟
_گلت ماكو يعني ماكو لا تناقشيني سلسبيل
صاحت بي عفتها ورحت لغرفتي ابجي شبعت بجي من كيفي متت من العطش هلكد ماعيطت عطشت طلعت اشرب ماي وكفت بالصالة بعد ما
سمعت امي تحجي بالتلفون "
اني گلتلج تصير لدشاد ماعليج من كلام دلشاد اني امها واعرف شلون أقنعها..اي طبعاً ..لاا يمعودة شنو اني أمشي بكيفها انطيها الواحد مريض وبي سرطان اذا تخبلت انطيها له ..
