رواية كفي والمنجمة الفصل السادس والعشرين 26 بقلم الكاتبة Leo alfatlawi

رواية كفي والمنجمة الفصل السادس والعشرين 26 بقلم الكاتبة Leo alfatlawi

كفي والمنجمه

للكاتبه leo Alfatlawi

بارت السادس والعشرين

على صوت الصرخه طلعت اركض وصلت للدرج لكيت تهاني واكعه من الدرج والدم تارس الكاع

اجت وراي سماح

على ثواني وتجمع البيت كله

عمتي شافتها كامت تلطم صاحت الحك يمؤتمن غزل كتلت افريخك

تهاني. يعمه لحكيني راح اموتتتت راحت بتي جانت كوه تحجي

يبوووو ولك مؤتمننننن الحكنه ولك كتلت مرتك ولك راح اتموتتت

كلتلها بخوف عمه والله ماوصلت يمها هيه طاحت وحدها

--منهو فتحلج الباب بت فريااااال كتلتي فرخت ابني ولج شمسويه بالبت ماباقي بيها شي صاحي ولك وينك تعالي ليه يمؤتمنننن

على صوتها اجه مؤتمن هو ومكرم من بره يركضون وكف متصنم من شافها وهيه بلشت اتصيح اتكله الحكني راح اموت

عمه. ولك شوف اشسوت بيها هاي ادور ثارات مثل ماچتلت فرخها اتريدك تدفن مرتك وبتك وياهم

شال راسه باوعلي اشرتله لااا

رجعت للخلف قبل لااندار اركض طفرها وصعد الدرج اندريت وركضت لغرفتي صوته رج البيت

يصيح غزززززل

دخلت للغرفه مالحكت اسد الباب ركض للبالكون استونه فتحته

قبل لااخلي رجلي بيها انرفعت من الكاع ضليت ارفس اريده يهدني بس جان عاصرني من بطني دنكت على زنده عضيته حيل واضرب بي كل الطرق استعملتهن وياه بس مااكدرت انهزم من ايده اخر شي ايست كمت اصرخ عوفني صم حلكي بيده ونزلني عصرني بحضنه كال هدئي بويه

دخلت سماح كالت مؤتمن الحك تهاني يمكن ماتت

عافني وراح للبالكون بسرعه قفله اخذ المفتاح صاح عينج بيها ونزل يركض

كعدت بالگاع اني اشسويت معقوله لان ضربتها داخت وطاحت اي من نزلت منا تعبانه عزا ابعيني اريد انتقم من مؤتمن اكتل ناس مالها ذنب اشصخمت

اسمع اصواتهم بالبيت وصياحهم يمكن ماتت

دخلت سماح كعدت يمي تبجي بس ماحجت

لميت رجليه حضنت نفسي ارجف شعور مرعب خانگني

اني مو هيج اشلون وصلت لهيج حاله اسوي اشياء بلاتفكير اذا ماتت اكيد راح يكتلوني وراها اي مؤتمن ماراح يرحمني مرت نص ساعه واحنه على كعدتنه

سماح مابطلت بجي اعرفها تبجي على طفل مؤتمن موابحال تهاني بس جان عدها امل مؤتمن يصير عنده طفل ويفرح بي واني شنو السويته كتلتهم هو وامه بلحضه غباء بلاتفكير

صوت ركضه على الدرج احد يصعد اندفعت الباب وخلت حبيبه شافتني كاعده اخذت نفس مثل ماجانت حاسبه احساب شي وشافت شي ثاني سدت الباب واجت يمي كعدت حضنتني كالت

--اشبيج غزل خيه عليش صافنه كلهم فدوه لتراب رجليج لاتفكرين يمه دخيل الله لبالي مالحك عليج مااعرف اشلون طلعت من بيتي ووصلت لهنا وانتي اشبيج تبجين من وجعه بروحها

سماح. ولج اخاف ماتت وتالي اتروح بيها الثوله هاي

--يطبها مرض عساها تحترك بنار جهنم وان ماتت هيه طاحت من الدرج لوتعرفن اشلون اتلفلفنهه من توصل يمجن ويم غيرجن اتشمرنه نسيتو بغزل اشلون دبرتوها سون نفسها

--اي ويسكتن امهاتها لبالج

--بالعباس الي يوصل يم غزل اشطرها نصين لبالكم تاهيتلكم هسه اخذها لبيتي وابن امه ابو اليوصل صوبها بالعباس اجتله وماانطيها

--سكتي حبيبه لاتزيديها خلي انشوف وين توصل بلكي مابيها شي

--حتلو ماتت مالهم شي يمنه هذا حد يومها نسيتي مو ذكري خيه ذكري وبعدين الله يكسر اديكم شمسوين بالبت كفار اصخام ابوجوهكم ولج اخابرج اتكليلي مرتاحه ومابيها شي وهيج حالها عساج لاتهنيتي يبت عمتي عليش كفار شنهو كاتله ابهاتكم عليش حابسيها اهنا بهالحر يمه اليتيم يمه محد يرحمه كومي خيه تعالي وياي

--عوفيني فدوه هسه يجي مؤتمن اذا لكاني طالع راح يكتلني

--والله انعل عشيرت ابو اذا وصلج اشايف روحه كومي شو اريدن اشوف اشلون يوصل صوبج لواعرف بيها طلاچي اليوم اسويها كربله عليهم كومي خيه لاتخافين واني يمج

كمت وياها حبيبه وكحه امبينه تكدرلهم مومثلي فاهيه بس احصل ادمغ واسكت نزلنه لكيت بيبي كاعده مقابيل الدرج اني خايفه امكمشه بضهر حبيبه وهيه نازله بحيل صدر اتريد تاكلهن شافتنه بيبي صاحت يمكموعه چتلتيها ولج اليوم دمج ميكفي مؤتمن رحيتي فريخته

حبيبه. بعدي جده اخاف مكفاكم السويتو بيها چمليها خلو مخافه الله بين اعيونكم يااعالم ياهوو لاتسودنوني طفله واتوليتوها ضرب وضلم اشلون ادافع عن روحها

--جاتچتل مره وفرخها هيج تاخذ حقها

--اي واتچتل البيت كله واريد اشوف احد يحاجيها اليوم اخاف لبالكم مگطوعه مالها احد بالعباس اسوي الدم للرجاب اليوم ناويتها وياكم

--روح بيتج لاتزنين على خرابه لاتدخلين مالج شغل بيها يلا طلعي لخابر گاظم اخلي يجي يدوس راسج

--عملي التردي التردي طلعه منا ماني طالعه واختي وياي وين اروحن بيدي عبنكم ناس متخافون الله

سحبتني ورحنه لغرفه هيفاء اول ماشافتها غمتها بديها اتكلها چامرف كلبج ابنيت عمج هيج وانتي ساكته

هيفاء. والله مؤتمن محرم علينه منوصلها وتعرفين مؤتمن اذا كال شي منو يكدر يرده

--ولج ماخابرتني اصخام بوجهجن لو ميته البت ولجن جوم نسوان مابيجن وحده ينشد بيها الضهر وتوكف وياها خوثات لومايخابر احمد ويكول لحكي غزل راح يجتلوها شامره شرجتها اني اشعرفني مكموعات الله يطيح حضجن

--چا احمد هسه صار احنين هو اول واحد راد يچتلها من صارت الشغله

--منهو كلج وجذب يضربها اي بس الچتل هاي شغلتكم وبعدين اخيتنه ابكيفنه نچتلها انخليها عايشه راجعتلنه محد اله غرض يمنه يلا روحي سويلها لكمه البت صفره امشي الله لايوفقكم

كعدت صافنه على تصرفات حبيبه اشلون متخاف منهم والكل خايف منها والنوب متعرف منو الوياك ومنو العليك احمد قبل اكم يوم جان يريد يكتلني هسه خايف عليه بس يمكن لخاطر الورث اذا متت حيروح لماما والله عجيبه اخوي اشكد طمع وماعنده رحمه

طلعت احبيبه اني ضليت كاعده اخاف افك حلكي واكول كلمه ضاله بس اباوع بعيوني اتخيل مؤتمن ميته مرته اذا رجع شراح يسوي بيه دخلت سماح بيدها ملابس كالت كومي سبحي وغيري ملابسج بين متكمل الاكل هيفاء

اخذتهن ورحت للحمام مااعرف شنو الديصير واني اشلون اتحرك بلا شعور هيج عقلي امبنج

كعدت جوه الدوش احس براحه كأنما المي دايزيل مني الهم اتعطلت لمن دكت الباب حبيبه كالت غزل فضيها الاكل راح يبرد لبست وطلعت لكيتها خاله الصينيه وكاعده تاكل كعدت يمها ضحكتني شكلها من تاكل بشراهه صاحت اكلي يالعوبه شوفي اشلون صفره على شنهو

--ولج اخاف اتموت ويكتلني وراها مؤتمن

--اشحده يچيسج مرته ثوله وماشافت الدرج

--تره اني كتلتها كتله حيل وطلعت دايخه طاحت

--يطبها مرض جا موهو دفعج ولمو السالفه خلي واحد بي حظ منهم يفچ حلكه وياج

--اووف حبيبه انتي الله دزلج الي

--خايبه انجبي غير اختج اني چاالمن ينراد الاخ غير لهيج وكت دكلي قبل لايجون خلي يصير بينه حيل

--لبالي رحتي هسه من طلعتي

--يااا ولج اشلون اعوفج بس عفت الفريخات وحدها من الهبطه نسيت روحي خابرت گاظم راحلهم يبجبهم بس والله فرحتي گلبي يغزل والله وطلع بيج حظ يستاهلون حيل بيهم خاصه مؤتمن واخته احسهم نار يشعلون بفادي كون هيج وتموت بته اوووف نذر عليه

--لويش هيج كارهتهم

--شي قديم عوفج منه شبعه ضيم ومذله منهم اخرشي ختموها بسمر املوها بي مع العلم مجان طايقها بس هيج جبر يلزكون للواحد وتالي وجدي خلاه يعقد عليج وسونلها سحر سطرنها مچانها زين ماسودنن البت لخاطر تخدم رجاء وهيه ساكته

--يعني هسه انتي وياي عليه تره اني حالي حال سمر هم اتزوجت غصبا عني

--لاخيه چاانتي اشذنبج جابوج سحل على كد ايدهم عينهم بفليساتج لبالهم اسكتلهم حرمونه من ورث ابونه وهسه عينهم بالعدج هم يردو

--انطيهم وجع والله لواعرف اذبهن بالشط وماانطي دينار

--عفيه بخيتي اريدنج تجلطيهم

بعدنه نحجي ودخلت خالتي حلكها يابس وجت يمي كالت هاولج سوولج

--لاخاله والله مابيه شي

--يامبيج شي سوده بوجوهنا چااكل لحمد اشلونها يكول مابيها شي ردت لرجلها هيج ماذيج ييمه سوده بوجهي

--خاله والله هياتني مابيه شي

كعدت يمي خطيه اشكد حبابه عود اني بت اشريجتها تالي خايفه عليه هيج صدك حسيت وقتها عندي اهل يحبوني ماحسيت بالغربه واني بينهم الف الحمدالله والشكر ربي مايكطع ابشر بعدوني عن ماما خله ابدربي احن واقوه منها

اشوف ضحكتهن وهنه امأمنات اني يمهم واشلون يدافعلي هاي بالدنيا سبحان الله اشكد جنت اتمنه عندي هيج اهل هاي اتحقق حلمي واني اشوف روحي بينهن

حتى نفسي انفتحت للاكل اكلت ونسيت همي كله خالتي هم شاركتنه بالاكل كعدت سماح هم نست السالفه ضلت ويانه تضحك اصلا نسينه اكو انسانه بالمستشفى اتريد اتموت لليل واماكو خبر عنهم لمن سمعنه صوت مؤتمن اجه ركضت ساح طلعت

حبيبه. نامي واتغطي ابسرعه

--لويش

--عملي لكلج عليه ولج حتى راسج غطي يلااا

سويت مثل متريد خالتي جانت اتصلي

ماكطعت صلاتها كملت فتحت الباب وطلعت

اسمعه وصل يم الباب واني كمت ارجف هسه يسحلني ويموتني مابيها مجال احسب الثواني الباقيه من عمري واني جوه الغطه

صوته تعبان اسمعه يحجي وياهم بره بس مافهمت على شنو بس صوت حبيبه يم الباب قريب لان جان مفتوح تبجي اتكله انطيتها مهدء يالله كدرت اتنام سوده ابوجهي مااسمع شنو رد لان جان يحجي بصوت ناصي هيه ردت لاناخذها بعد اشويه اني ومصطفى للمستشفى هسه خابرته لان اصخونتها عاليه اخاف يصير بيها شي

يمكن راد يدخل لان اسمعها اتكله لاعوفها دخيل الله ودخلك كافي البيها اذا شافتك تجتل روحه هسه هيه متخبله وحدها وكارهه روحها لاتزيدها ماعوناها تهدء

خالتي كملت صلاتها على السريع وركضت للباب قفلتها لان صوته عله خافت يدخل دك الباب حيل كلها عمه فتحي الباب

-- خالتي روح يمه البت مريضه خلي اتصير زينه وعمل التريده

مكرم. مؤتمنن وين صرت يمعود ابسرعه

مارد بس دفر الباب وراح

الحمد الله نقذني بالوقت المناسب اشويه وصار هدوء دكت الباب حبيبه كالت راح فتحوها

اخذت نفس الحمدالله دخلت كالت يمه جاي حامي لاتعرفه خايف عليها لاتعرفه يريد بس يلزمها كتله مريضه لافاد بويه البت مصخنه وماخذ مهدء لافاد كالت سماح وضحكت

--شكو اشبيها سماح

--ولج اتموت ضحك كامشته من صدره عود اتمنعه يدخل يمج وهو ميعرف وين ضاميج يريد بس يندل مكانج وهيه الثوله اطفر اتصيح سدي الباب لمن كشفت مكانج

--اوف همزين مكرم نقذني بالوقت المناسب

--ولج ياوقت غير راحتله ركض تركض وتعثر جابته من سيارته جان حرام جرم بيج لان مرته نايمه تعبانه كلش والطفل مهدد بالاسقاط

--عزا يعني ماماتت

--امداج شوف الفاهيه اتريدها اتموت همزين راح اتضل اقل شي بالمستشفى كم يوم بلكي الله يهدء وينسه اشويه

--ميخالف كم اسبوع ولااتموت خطيه

--خوثه جاغير اركص بجفيه

ضلينه 5 ايام على وضعنه البنات يمي ومااطلع من الغرفه حتى الاكل يدخلو الي

مؤتمن يجي لووكت الصبح لو تالي اليل بس يسبح ويطلع على السريع وكل مايسأل يطلعون كدامه اتصارع ويه الموت تقريبا ميته سريريآ

انفتحت الباب دخلت حبيبه تضحك كلتلها شكو شنو الصار

--خيه سكتي مصطفى سينما مؤتمن كال اشلونها غزل وهو اتربع كدامه واشكال جذب ساعه الطبيب كايل أيسو بيها انهيار عصبي وحتمال يحجزها بمستشفى وساعه حمه قويه يمكن مطولين ايام بعد

--وهو صدك

--يااا وين يصدك يباوعله صفح يعرف جذبه بس هذا طالع كبل ومصدك السالفه ومتأثر واني كوه كاتمه الضحكه لخاطر لاننفضح

--اشلونها مرته

--صل متموت استعدلت بقت بس الجاره مفطوره اهم شي انتي خيه ماراح هالزرك من جسمج

--لاتقريبا بدن يختفن هاي العصاره زينه دتخفيهن بس مشتاقه لماما اريد اخابرها

--انطي مجال اخاف اتفتحين كامره وياها وتشوف الزراك خطيه تركيها

--هو اليوم مااعرف اشلون ديخلص عالسريع كل يوم اكول هسه اخبر ويطير كوله من جهالج خبلون بس امكافش

--ولج يمته جهالي يالخوثه هاي جدتج باطله بس اتعيط بيهم

--وانتي مقصره بس كتل ماكتلتيها

--اووف بس يموت مؤتمن نذر اكضي فاتحته بس اطك بصبحه اطلع فرعنته كل من خشمها

--جدج الجحش على سالفه مصطفي وين

-- ملتهي بالديوانيه وحده والواجبات لان مؤتمن عايفه وهذا كلهن صارن ابراسه همزين انشغل عنج اول يوم دز عليج كناله مريضه نايمه ماحجه بعد لان انشغل

-- صدك دااسالج على عمتي ماكو اشو ولااجت

--عمتي ام مكرم وام مؤتمن ويه تهاني بالمستشفى سوده عليه مصطفى يوديلهم اكل يوميه وقتين كون سم وزهر

--حيصير اليل طلعي جيبي حبشكلات فدوه حتى نسهر

--يبو على ضحك البارحه الي يسمع ولايكول عدنه جثه بالمستشفى لو امسوين شي وبعدين عدنه كومه البارحه جبت ماخلصن

نحجي اندكت الباب دخل مصطفى كال حبيبه عمري النركيله خويه وانتي يالمفهيه شنو عدكم مولونه

--كولشي ماعدنه اكلناهن البارحه يلا روح اشتري شكو كل يوم ادك الباب انطوني عيب ابني

--انضبي وطلعي شنهو ضامه اغزيلان تراه بعده حامي بس اكله صاحيه يدخل يدوسج

--انطيني نركيله اشرب وياكم انطيك حبشكلات

-- بعد موهسه انطي مجال راح تتعلمين اول وتالي من ادخلين سجن يلااا لج وين طلعيهن بت المنغولي

--هياتهن يمك بالجراره بس لاتاخذ اهواي خلينه

الضهر خلصنه غدانه اتمددنه انباوع مسلسل اخذت الفون كلت اتصل بماما صار اهواي ماحاجيه وياها كلبي نط عليه واني هم صحتي صارت زينه بعد اثار ماكو خفيفه ميبينن بس فاجئني من عمو قتيبه رد انعصر كلبي كلتله وين ماما

--موجوده عمو لاتخافين بس بنتي تره امج مريضه صار كم يوم بالمستشفى

--لويش مكلتولي

--لعد عليمن هيه مريضه غير انتي انكطع الاصال عنج لبالها صارلج شي صعد سكرها

--والله عمو صارت اهواي اشياء غصبا عني انكطع الاتصال

--ميخالف عمو راح انطيها الج بس لاتكليلهه شي ماصدكنه يستقر السكر

--راح دخل الفون الها عزا ماما تعبانه حيل اول مشافتني بجت لويش كطعتي بيه ولج والله موتيني يماما

--جان عدنه شغل والفون مالتي طاح انكسر مالحكت اشتري واحد ثاني مابيه شي لويش هيج قلقه

--ولج كلبي يوجعني عليج هسه عرفتي يغزل لويش ردت ازوجج سيف لان ادري راح يجي يوم وياخذوج مني بس الحظ مااجه عدل رجعتي جانت غلط قبل لاازوجج اهنا

--يلا ماما هسه بعد راحت السالفه بس مرتاحه لايضل بالج واهلي يمي والله ماما مرتاحه لاتفكرين خواتي يمي دوم

--غزل ماما كولي صدك مرتاحه مامعذبيج مواني عايشه وياهم واعرف ضلمهم

--لاماما والله حبيبه توكف ابوجهم محد يجرء يحجي وياي تكسر راسه

--الله يخليهن ويهديهن عليج بس يضل كلبي يمج من كطعت الاتصال كلت شو شنو صار بيها

--والله مابيه شي حتى مؤتمن زين وياي

--ماما اخذيها نصيحه مني حتى يبرد كلبي لااضل عاصر كلبي وراح كسبي مؤتمن

صح عصبي ومينجرع وحجايته وحده بس يحبج لاتعاندي سايري والله يصير محبس بيدج

--ماما تره انتي دتحجين على مؤتمن يامحبس هذا

--لج حبيبتي مثل طبع ابوج اني الاعرفه اذا عكستي ويا يأاذيج وراح يضربج بدون لايحس لاتعلين صوتج وتدلعي عليه وسمعي كلامه وشوفي اشلون حيصير بين ماالله يفرجها وتخلصين منه

--لاماما اصلا ميشبه بابا هذا بس يضرب ويكسر مخبل

--ابوج هم هيج جان بس من غيرته مايعرف اشلون يتصرف يخاف يفقدج من يجي هيج احساس ينجن وهو ماخذ خيط من خواله خاصه شهم نفس الطباكات يماما بس اتكدرين اتغيري سايري وشوفي اشلون يصير ولج سمعي مني لاتعاندين

--سكتي ماما خليني مبتعده عنه لااريد اساير ولااوصل يمه لعبانه روحي منه

--ياامي اذا شافج نافرته يضربج ويااذيج يماما بعد مااتحمل اني وروح معتصم من اغلقتي الفون واتصل عليهم محد يرد كلت اذوها وميردون يكولون متت يحبيبتي لاتوجعين كلبي وراج

دخل مصطفى وصاح اشحده يوصلها خاله غير انيمه بالكبر صدك تحجين وصل يمه شاف ماما كال خرب ولج منيلج هاي الصاكه غزيلان

--والك هاي ماما

ماما تضحك سلم عليها ردت هلو ماما

ضربني على راسي كال اتعلمي جااشبيج يحضي اتزاكطين شوف امج اشلونها دخيل ربها حاته

كعد يمي يسولف وياها وشمرلها حجي وهيه تضحك كال كومي غزاله غيري ملابسج اريد بمشوار

--عزا وين ومؤتمن منو يكول يقبل

--مالج شغل بغضب الله اكله اتخربطت واخذتها اصلح العطلات عدها

--وين انروح

-- عدنه شغله سريعه بس لبسي شي بي حظ وعدلي خلقتج لان رايجن مكان كشخه وانطيني امج خلي كمل وياها بلكي اتشوفلي وحده مناك هيج شبها اتخلصني منج انتي وصبوحه

اخذ الفون ماما تضحك ويا اسمعتها امنت من شافته واشلون يتعامل وياي اسمعهه تندعليه وهو يكلها كثري يبعد روحتي جاهو كل اليدعي مثلج

همه دوم يتخابرون بس اول مره يشوفها صوره وصوت

ماعرفت وين اريحين بس رحت صدك كشخت وسويت مكيب هادء لبس خليجي دخلت حبيبه هم كاشخه باوعتلي ضحكت كالت لبسي ذهب ولج

--يالعد منين اجيب

--اخذي من سماح

سماح. هاج خيه شوفي شنهو يعجبج

اخذت ابتوت وكلاده لبستهن بس لحد هسه ماعرفت وين رايحه رحت للغرفه لكيت مصطفى بعده يسولف ويه ماما وضحكتها هيه وعمو وين واصله اشكد فقير عمو هذا يصجم بمرته وذاك يضحك ماادري يعرفه يتشاقه

شافني مصطفى دار الكامره كال ابربج من اخذناها منج هيج دباوعي اشلون صارت الشيخه غزل

ضحكني اخذت الفون ودرت الكامره عمو كال ماشاء الله اثاري صدك من يكولون كلمن ويه الدمه يمشي طالعه صدك شيخه

--اي لعد عمو اشبالك

كام مصطفى كال انتضرونه بس انعيد فرمتت اللهجه تكمل تاخذ مكان صبوحه

ماما اتباوعلي والدمعه ابعينها خطيه تبتسم كلتلها تره والله مرتاحه ماما لاتشيلين هم اول وتالي مرجعي لهلي لاتلومين روحج هياتني متااقلمه وبعد فتره اخذ حتى مكان صبوحه على كولت مصطفى

-- من الهياتني امبينه امشي لج يلا فضينه يلا يابه نترخص اودعناكم بس والله هيه مومال اوداعيه اكلج اغزيلان متراوسين انطيج امي وكم ورقه فرق وتنطيني هالكيك

--صافوو تره عمو كاعد

--دشوفي عمج بالعباس ينگط ترافه وجها انضف من حياتي

عمو وماما ميتين ضحك على اسوالفه سلم وطلع

بين ماسلمت على ماما وطمنتها طلعت لكيته

يخابر بمؤتمن يكله لامتخربطه اي اي --لاهسه ماخذيها اني حبيبه لايضل بالك--- لايخوي ميحتاج تجي اني اخذهاا --- بس اصخونه ولاتخاف -- اي فهمت اي اي يلا في امان الله

اشرلي يلا يالشيخه

طلعنه صعدنه اني وحبيبه طلع بينه مكان ماعرفت وين بس بعيد وصلنه يم بيت كال خليجن هسه جاي

اشويه وطلع من البيت ويا امه اجت سلمت وصعدت يمنه ماصعدت كدام مااعرف لويش

شغل لكاظم الساهر كوني امراة خطرة

ويغني يباوعلي كال خطرة اكثر من هذا لا غزل دخيلج

ضحكنه لكينه احمد بالطريق واكف وصل يمه وكف السياره صعد سلم كال مااوصيجن شنو يطلبون لاتعارضن

--لويش احنه وين رايحين

--نخطب

--عزا مصطفى حيتزوج

--لايابه يامصطفى خلي حايره بالخباثه اني راح اخطب

--والله صدك الله اشكد فرحتني

اني فرحانه واخيرا راح ينكسر عين رجاء ومصطفى يتأسف لبالي ضايج على اخته اثاري يكول ضالميني منيلي خباثه بس يالله هو هذا السمج ماكول مذموم

امه جانت تضحك لان تعرف اسوالف ابنها

قبل لانوصل كال مااوصيجن

--افا يخوي والله لوتطلب بيت وحدها هم اشتريلها مالك شغل

--وانتي اشلون اطلعيلي افلوس هسه ومؤتمن شادها وياج

مصطفى. مالكم شغل اني انطيكم وبعدين اخذ من غزل بس فضونه

نزلنه دخلنه لبيت الابنيه امبينين ناس بسطاء جان يدرون بجيتنه استقبلون الابنيه جانت املوسنه بيضه حلوه كعدنه

سولفت وياهم ام مصطفى ماطلبو شي كالو ابكيفكم الناس امبينه اتريد ستر كلتلهم لعد علينه عوفو جهازها حنجيب شنو التريده بدون لاتطلب

كيفو خطيه امبين عليهم فقره حيل وحتى مشيه مارادو

اتفقنه على كلشي وطلعنه لكينه احمد يسولف ويه ابنهم اشرلي مصطفى للسياره رحنه لسيارته صعدنه وضلينه امتانين اشويه اجو اول ماصعدو كال بشرو

--وافقو وكالو ابكيفكم حتى مهر ماطلبو وحتى مشيه مارادو

--هاي هيه الاسبوع الجاي تاخذن النيشان وتودنه اشترن نيشان زين

--والله اترسها ذهب غير مرت اخوي العزيزه هاي تدلل اجهزها جهاز يسوه وراجاء

مصطفى. حممم

--لاولك انته موابنهم انته اخوي

--من الولك عرفت اصخام اخوج غزل خويه حلكج لاتخربي بالحجي خليج ساكته هيج اهواي اكشخ

هو يحجي وشاف مدري منو كدامه كال لايالله ولك احمد شوف هالورطه منهو

احمد. اهووو هسه يلطش هذا مالكيت غير تجي يم بيته

--اشعرفني راح اشوف جهرته هالوكت

ماعرفناهم على منو يحجون بس وكف السياره ونزلو سلمو اباوع من الجامه طلع شيخ علوان وانوب صدك لطش مترحون اذا ماتتعشون اشكد مصطفى عارض بس ذاك ماكو لطش وكت عشه ومترحون اذا دخلون تتعشون

عدنه شغل عدنه مريض كلشي مافاد ويا اخر شي اجه مصطفى دنك فتح الباب كال نزلن بس غزل انتكبي قبل لاتنزلين

--اشلون اتنكب مااعرف

خالتي ام مصطفي اخذت من الشال وصعدته على خشمي خلت دنبوس من ومنا كالت ماشاء الله انوب طلعتي احلا برزت اعيونج اكثر يخاله

--لعد اشلون انزع الحجاب

مصطفى. نزعي راسج خلي بالسياره خره بحضي اشورطني واجيت منا نزلي خويه ودنگي لاتشيلين راسج

نزلنه سلمن على الشيخ امبين يعرفهن كلهن وبعدين سلمت علي كلتله اشلونك عمو

ضحك كال حرمت مؤتمن مويبه

--اي عمو زوجته

--حيالله بالشيخه چاحرمت مؤتمن اول مره ادوس دارنه وتردوها تطلع بلا عشه لاهاي محسوبه عليكم

دخلنه للبيت وهمه راحو للمضيف

اتلكنه نسوان بس اهواي مريه جبيره ابكد عمه ضحكتها حلوه ذاك الترحيب والسلام لمن وصلتنه للاستقابل كعدنه وخرت النگاب ضلت صافنه بوجهي كالت منهو انتي بيهن شو ماشايفتج

حبيبه. هاي اخيتي غزاله مرت مؤتمن الزغيره

--ياجده هلابيها هاي مؤتمن هيج عنده طيره وضامها بس حگه من يخايف عليها جنه غزله من صدك

--ابتسمت كلتلها شكرا خاله

دخلت وحده ثانيه اشويه اصغر منها هم سلمت كالت اني مرت الشيخ الثانيه اشويه ودخلت وحده ثالثه هم مرت الشيخ دنسولف ودخلت ابنيه سمره طويله بس امبينه زغيره اعيونها اكبار حلوه سلمت وكعدت بس على طول مااحنه كاعدين اتخاز وياي ماعرفت لويش

صار وكت الصلاة كامن فرشن امصلايات كالن يلا حبيبات اخذن راحتجن

كامن صلن اني مامتوضايه ماردت اغسل مكياجي حرمات يروح كلت بعدين اوصل واصلي بس الابنيه ام اعيون اكبار كالت ماتكومين شنهو متعرفين اصلين

--لاحبيبتي اني مسيحيه

--مسيحيه ومتحجبه اشلون صايره

--يم مؤتمن كولشي يصير اخر شي حتى نگبني

--اي عليش لا زلمه ويغار على عرضه مشهودتله الشيخ مؤتمن

--بس هو موشيخ

--لاچاانتي متعرفين زلمتج راح ياخذ الشيخه من بعد ابوي

--اشلون واني اعرف الشيخه تتوارث

--اي تتوارث بس ابوي ماعنده ولد حاسب مؤتمن ابنه وكال هو من بعدي يلزم الشيخه واذا صار كرب يمكن من هسه ينطيها

--شنو گرب داافهم شنو دتحجين

--ميحتاج خيه خليج بمكياجج واضافيرج عوفي امور الاكبار لهلها

شتحجي هاي اصلا ماعرفت شنو تلغي اني عود بس ردت اخلص من حجيها علمود لاتلح للصلا واني مااريد اغسل مكياجي دخلت بغير شغله انوب

خلصن صلا كعدن نسوان الشيخ يمنه يسولفن بس الجبيره مامرتاحتلها اتباوعلي بطرف عينها

اجت وحده لخ ابكد سماح استوها سابحه ومكيجه حلوه دخلت سلمت كالت اني مره الزغيره للشيخ طلعت الضحكه غصبا عني باوعتلي كلتلها اسفه بس هذا مؤتمن امورث من الشيخ تعدد الزوجات

ضحكت وكالت لوبعدج يمكن بطل نسمع عنج جنت اتمنه اشوفج اريد اشوف هاي السودنت الزلمه وراها ويوميه فاصلين ابسببها

--هياتني شفتيني هسه شنو رايج استاهل لا

--ياا جنج گمر حقه يخيه ميشوف دربه بعد

المريه الجبيره كالت هاشيخ انصب صاح الشيخ يالله ودخل امبينه علاقتهم عاديه لان ام مصطفى حتى عباتهم على امتونها وتسولف منشرحه ويا

گال لابويه تانو مؤتمن على جيه

--عزززا عمو بسلا عزمته

--اهاا چااشمالج يبه اي عزمته

--لافدوه عمو خبره كوله ميكفي العشه لاتجي

ضحك ابصوت عالي وكال عليش يبه هو وين صدك صار كم يوم مختفي

--بالمستشفى ويه زوجته

--اهاا لا خو ماصاير شي چااشماله ميگول خير اشبيها حرمته

--مابيها شي بس ضربتها داخت وطاحت من الدرج اتكسرت

--يبت بغداد جنج ناويه اتسودنين الزلمه عليش يبه جاتلتها

--عمو ترضاها اني بت اشيوخ تجي هيه تكلي ادوس عليج واتكلي انتي خدامتي كتلتها حتلو اعرف انكتل وراها بس مااخلي احد يهين كرامتي هسه اذا اجه حيضل يعيط عليه فدوه عموو

--لابويه حكج چاتستاهل بس على كيفج مواتچتليها هيج چتله واشحده يوصل صوبج وانتي ابيتي غير اجسر راسه

--فدوه عمو شكرا

ضحك وكال هلا اووف الله يرحم ابيج يبويه وطلع

ضحكت مرته الزغيره وغمزت للبنيه السمره كالتلها لاهوايةحصلتي من عنده هيج لعابه

اشويه وصبو الاكل امبين اجه مؤتمن خلونه وكعدن يمنه ناكل اشكال طابخين ولااتكول هيج وقت ضيك

شافتني صافنه مرته الزغيره كالت اگلي خيه لاتضلين صافنه كامت كعدت يمي وكامت اتفلس لحم واتخلي بالماعون عرفتها اتريد اتغيظ بت الشيخ السمره

--لاشكرا اني بليل مااكل اهواي بس ماشاء الله شبساع طبختن هالكد

--رحمه البيت متروس نسوان عليش ميلحكن انتي اتعرفين اطبخين

--هئ بس مخلمه

--هم رحمه چااشلون زلمتج ماكلج اتعلمي

--لا مرته الجبيره تطبخ اني مرات اغسل اماعين مرات انضف

صاحت ذيج چااذا اچوج خطار وماكو بس انتي اشلون اتوكليهم مخلمه

--هئ اندز دلفري موفدشي صعب عادي حل سريع واكل طيب

ردت مرته الزغيره مكتفي بخدودها الجنهن تفاح شبعان بيهم مارايد اكل الزلمه

كلمنه اكل وماخلت سؤال ماسألته بس اتفاجأت من عرفت جنت عايشه بمريكا يمكن محد يعرف واني جفصت

العالم لبالهم بغداد كالت من هيج بيضه وناسكه خيه صافنه ساعه واكول هاي البت تختلف طريقه حجيها تعوج بالسانه يالله تحجي

--بس راح يصيرلي سنه من رجعت للعراق

--صدقه لمحمد اتريدلك نقص بيها ماكو تحجي وتباوع للبنيه وتتبسم عرفت ابينهن العلاقه متخربطه واصله للنهايه بس عجبني علاقة الشرايج بينهن حلوه ماكو مشاكل عود مثلنه اني وتهاني ياكاتل يامكتول

صبو الجاي اجت شريجتي المستقبليه اتقدم بس والله فورت كلبي تمشي وتعوج ابحلكها هيه حلو

لعد لويش هيج غيرانه اني مو اضوج منه بسلا حتى لواضوج منه ماانطي لغيري

كاعده و اتخيلها ابحضن مؤتمن عوزي اكوم اخنكها والله بالحلم اخلي ياخذج مستعده اموته وادخل السجن ولااخلي يفكر بيج عززا غير انجلط هيه هاي العجوز واني افور منها موانوب هاي يمه الله لايكولها هيج اشوفه طالع من غرفتها وسابح هو بس اتخيلت الموقف اتخبلت انوب اتصير صدك عزززا اموت والله

--ها يحبيبتي وين صافنه

--لامصافنه بس نعست

--چاگومه غرفتي نامي لان اذا كعدو بعد ميكومون سالفه اجر سالفه وانوب تلكي مستلمه اعتاب اشلون ضام علي هيج شي

--يااا عزا بعيني هسه يضل يعيط عليه

--ههههه لاميحجي يشوفج تزهين جنج شجره الميلاد يخليج بحضينه وينام امني

صدك اتاخر الوقت وهمه بعدهم لعد هذا عنده مستشفى اشلون لحد هسه مرايح لو يجوز راح وضلو ذوله بس مصطفى يضوج من علوان اشلون متحمل لسه

نص ساعه وكالو يلا يردوكم بالباب كمنه اشرتلي حبيبه كالت اتنكبي اتنكبت همزين لابسه زي خليجي ولله لو جبه عاديه جان منضري يخزي

طلعنه اشوف مؤتمن واكف ومتجتف يسولف ويه الشيخ جمدت مكاني سحبتني حبيبه وصلنه يمهم كال الشيخ شوف يمؤتمن اذا سمعتك واصل صوب بت معتصم اجسر راسك هاي بنتي

ضحك وكله لايابه منهو واصل صوبها

--وانتي يبوي اذا حجه چلمه وياج بس خبريني اشلعلج اذانه

--يي عمو شكرا

حجه ويه مؤتمن على كيف بس سمعته كله والله اشوف بيك جدك امسودن بالديره تركض وتصيح بسمها عبرتهم ماسمعت شنو رد مؤتمن بس سمعت صحكته بصوت عالي

صعدن ردت اصعد مصطفى كال روحي ويه مؤتمن اريد اوصل امي وحبيبه

عزا هذا ورطني اخذاحمد والنسوان وراح

اطريت اصعد بسيارة مؤتمن بس كلبي يريد يطلع من مكانه ماخليت ايه ماقريتها علما سلم وصعد دك هورن ومشينه

كاعده واترقب اشوكت يبلش بالرزايل كلما اشوف يفر الاستيرن اكول وراها راح تجيني صگعه لمن وصلنه للبيت هو ساكت الوقت متاخر كلها نايمه هسه اكيد حتلو كتلني محد راح يحميني منه

نزلت

صاح اوكفي

وكف مااتحركت يلا هيه كتله كتله ان جان هسه لوبعدين خلي احصلها واخلص وقوع الاجل والانتضاره

قفل السياره وسحبني دخلنه عبرت غرفه هيفاء واني كلبي وكف يعني راح يردني لغرفتي واهناك انسحل صعدت الدرج وراه مسحوله وصلنه لغرفه تهاني فتحها ودخلني سد الباب شمر مفتاحه سحب النكاب كال مريضه وتردين اتموتين مو

--مالي شغل هو گالك

--وين جنتو

--بيت هذا علوان

--ازغر جهالج هو وحضر جنابج تشكيني للشيخ

--ابد ماحجيت هو اكتشف وحده

--شنهو اكتشف ولج تعالي شنو لاغيه بعد

اجه يمي واني ارجع ليورا مابيها مجال راح اكل كتله اتذكرت كلام ماما كلت خلي اجرب ماخاسره شي

ابسرعه وكفت وبرطمت همست اخر مره فدوه مؤتمن

--اشناويه اتعملين بعد يعلة كلبي

-- كلشي ماكو اخر مره ابد بعد مااشلع كلبك التوبه

وصدك الكتله اتحولت لغير شي مثل ماكالت ماما سحبني اله وطاح على وجهه اتكول اول مره يشوف مره ابحياته اشكد راد انروح لغرفتنه عندت

صح جان يتعامل وياي ابعنف بس ميخالف اتحملت من اتذكر اني على فرشه تهاني جانت اكو فرحه ابكلبي رغم جانت احس ابااذيته خاصه العضات كل عضه ايشوط روحي وراها لمن------

نايمه على ايده اتذكرت بت الشيخ مؤتمن

--همم

--صدك راح تتزوج بت علوان

--عندج مانع شيخه غزل

كعدت على حيل وحجيت ويا بعصبيه شنو عندي مانع اخاف لبالك هاي شمرتها كتلتها وطاحت من الدرج واستكفيت تره والله انته وياها اشمركم من السطح وكول ماكالت غزل

--مم

--شنننننو امم دتضحك عليه مؤتمننن

--عوفج من بت الشيخ تعالي اكلج

--شنو تعاي ردت اشرد بس باءت بالفشل جان اسرع ----------

فتحت اعيوني على صوت طكطكه شفته طالع من الحمام ينكث ابشعره بعده على هاي حالته مابطلها مشط واجه يمي كال يلا لمي ملابسج حبابه ونزلي جوه اشويه واطلع تهاني اجه الكه الغرفه مثل ماجانت

يي كلتها ورجعت غمضت

طفرت على عضته اشبيييبك

--غزل كومي بويه تره فارغ وماعندي شغل

عرفته المن يلمح طفرت من الجربايه لبست على السريع ورحت لغرفتي سمعته نزل رحت سبحت على لفيت شعري وطلعت ماعندي منشفه نزلت جوه لغرفه هيفاء لكيتها طالعه ماهيه غيرت ملابسي ونشفت شعري

خليت ميكب لان تهاني راح ترجع صبغت اضافيري كملت طلعت شفته يم الباب ديطلع صارت ابوجهي سماح ضحكت كالت ها حصرج مواكلج الدنيا ادور لاتضحكين

--دولي شوف هاي وين اتفكر تعالي ولج طلع راح يجيب تهاني

--اي دريت غزل ابروح ابوج مالج شغل بيها اخاف هالمره كسرتي خاطره وعداها الج تره يشلع راسج مره ثانيه خلي بته تجي سالمه خطيه خلي يفرح بيها وسوي التردي

--شوفي سموح ورحمة بابا وداعت ماما اذا ماهاي الابنيه صارت بتج واخلي تهاني اترد منين مااجت ماتطلع غزل

--كون الله يسمع منج يارب امنيتي وهاي صدك يجي يوم وتتحقق

--بعد الشفته منهم قررت اتحمل كلشي من مؤتمن في سبيل اخذ حقي

--امبين حبيبه من ركبتج وشفتج الوارمه

--لاموحقه صار كم شهر عايفته فطلعهن كولهن البارحه

--هههههه هم صدك اتحمل اهواي لمن انفجر البارحه كعدت على شخطت السياره بعدين شفته ساحلج ورا كلت طفح بيه هذا بعد مابيها مجال

--اكولج انتي متغارين شنو وضعج

--اووف اريد طفل هذا الافكر بي بس

--جايج حبي اتحملي مابقى شي

اكلج خيه موش اتراكج ضيك اشويه

--مؤتمن شافه رضه انتي بس سكتي لاتلغين خلي الله هادي

--لاوالله موش ساكت يباوعلج ويغلي كوه كاض روحه مايريد يتعارك ماصدك ترجع علاقتكم تهدء

دخل مصطفى صاح يابه وين الريوك

--صافوو فدوه جيبلي ازبري

--اكلها ريوك اتكلي ازبري بنتي انتي هيج الله خالقج ثوله لو انصدمتي بشوفه مؤتمن

--اي والله البارحه حصرني كال وين رحتو

--ابربج بسلا كلتيله اعرفج فاهيه تعترفين من اول راجدي

--لاوالله تيهتها اتعاركت ويا يريد ياخذ بت علوان

--صدك شكايله لعلوان جاي هاد على مؤتمن ويضحك

--مكلتله شي بس هو يضحك على لهجتي يكولون لسانج معوج

--حقهم متعودين على لسان صبوحه اتكول دلاله

--يلا فدوه اريد ازبري

--دروحي سويلي ريوك هسه احيبلج

طلع واني رحت للمطبخ لكيت هيفاء محضره كلشي خطيه كالت لاتچيسي هذا ريوك جدتي

--تمام بس وين الخبز اني اودي

--وراج على الكاونتر

اخذت الخبز والريوك ورحت للصاله دخل مصطفى اشرتله تعال شاف الاكل ضحك كال شهالنداره لاماعرفتج

--لك هذا ريوك صبوحه

--لابربج وبعدين بت المنغولي كم مره اكلج لاتتجازين شنو اك

--يانسيت

--يااا يالفاهيه دصبيلي جاي

صبيت وكعدنه نتريك خلصنه وسمعت صوت صبوحه هيه اتعيط كلتله يمكن عرفت

--لاولج خطيه ماادري منو حارك عباتها وشيلتها بالجكاره

باوعتله بتك عين اشلون اتسوي خباثه بدوني

--على الجايات اهواي ولايهمج صدك جذب كم غزاله عندي بليل ادبرلج وحده شرط انخليها اتكمز يلا هسه راح الوكت لازم اطلع عاشت ايدج على الريوك

--الف عافيه على گلبك بعد اختك

ضحك وطلع نتعافه على ريوك صبوحه رجعت الصنيه كالت هيفاء شنهو هاي جده اشوكلها المربه كولها

--اشعرفني هيه مفجوعه صايره

--دغسليهن فدوه خلي اكمل تنضيف البره

غسلت الاماعين والمطبخ هم مسحته رجعت للغرفه عدلت مكياجي وشلت شعري ليفوك كبه وفرغت العطر كوله لان ادري حبيبت كلبي تهاني اتحب العطر لان تتوحم

طلعت لكيت مؤتمن استوه داخل من الباب دخلت ورا شعشبونه ومرته عمه راجعه البيتها مااجت وياهم

امها كامشتها بس وجها ازرك خرب والله كتله تسوه عمرها علمود تعرف اشلون تتجاوز بعد

شعشبونه تتخازر وياي هيه وام تهاني بس امبين محذرهن مؤتمن لان ولاوحده حجت وياي صعدنها وصعدن لغرفتها هو راح لغرفه بيبي

دخل مصطفى بيده كومه مسواك خلاهن بالمطبخ كال وين البنات يلا جهزو جاينه خطار

بلشت سماح وهيفاء اني وكفت اعزل وياهن دخلو عمتي ومكرم يم بيبي

--اكو وحده يمي كلبها راح يطلع من صدرها وهيه اتباوع دكدكت على متنها كلتلها تره الناس مفضوحه ضحكت وعضت شفتها اتريد اسكت

ماانسمع غير مؤتمن يصيح غززززل

رحت للغرفه لكيته كاعد يم بيبي كال وين ريوك جدتي

--هاا لويش مااتريكت

--شتكولين انتي وين وديتي ريوكها هيفاء كايلتلها دزيته بيد غزل

--ياااعزا لبالي لمصطفى يلا هسه اسويلها غيره بس تره مضل شي للغده

--غزززل عشر دقايق اذا ماشفت الريوك يمها اشنقج وانته مصطفى تروح اتجيبلها عبايه وشيله وحق الله ابسماه وياانتم الزوج اذاماانعدلتو اربطكم ويه الهواشي لان ذاك مجانكم الصح

يلا طلعو ابسرعه الكم عشر دقايق كون تتاخرون ثانيه واني اعلمكم على دينكم

اطافرنه اني ومصطفى كلمن ابجهه بس والله لئيمه هذا الوكت كله ساكته متانته يجي وشكتله بسيطه

رحت گليت بيضه وخليت طن ملح ومربه زودت النومي دوزي بيها وخلطتها حيل الجاي حميته نفسه همزين ماذبيته بالزبل طلعت الجبن الزايد من حلوكنه خليته بالماعون كملت باوعت الصينيه تزهي فرحت

شلتها ودخلت خليتها كدامها هاي خو اقل من عشر دقايق

--لابطله الخبز وين

--هاا شنو خبز

--غزل وجهج عالمطبخ جيبي وتعالي

رجعت للمطبخ جبت خبز ومي اتذكرت خاشوكه للمربه شلتها ابحلكي ورحت لان راح يرجعوني ادري اتكول بنغالي عدهم جبتهن دخلت شافني هز ايده سحب الخاشوكه وخليت باقي الغراض

كعدت اباوع ولا حست بالمح ابد اتكول بلااحساس عزا بس يصعد ضغطها اتخلي البيضه واتحط جبن وتغطهن بالمربه وتلويها ابحلكها وتكربع جاي مومره اتكول بلوعه

دخل مصطفى يبتسم خله العلاكه وباس راس بيبي كلها مره ثانيه حافضي على اغريضاتج جده لاتحركيهن واتشمريهن ابراس العالم تره عدهم حوبه

يع ولك شنهو اني امجدبه وبعدين ذني شنهو منين جايبهن اشوجنهن مستعملات

لاعلى بختج يامستعملات دشوفي ارقه اقمشه ذني

هو يحجي ومؤتمن رافع احواجبه يعرفه جذب جايبلها انكس شي وانوب مصر يقنع بيها وينطيها اسعار خياليه

خلت لفه ثانيه ونكثت راسها كالت حشه نعمت الله اشبي الاچل دنك مؤتمن اخذ اشويه اكل وباوعلي اشرتله كولشي ماكو كال تعاي صحت مصطفى

مصطفى. دولي خلي يخلص روحه مصطفى هسه

شمر الاقمشه على بيبي وفلت طلعت ورا للمطبخ ابسرعه قبل لايكوم مؤتمن دزيت هيفاء كلتلها مؤتمن يصيحج

راحت ماكو دقايق واجت شايله الصينيه وتباوعلي ضايجه وبيدها علاكه الاقمشه شمرتها على الميز كالت السماح ذني اذا اجت الفقيره انطيهيا

اجن خالتي ورجاء وخواتي خالتي راحت يمهم والبنات يمنه يساعدنه رجاء راحت فوك

المشكله سمر ردت بس تصفن يمكن رجعت سوتلها شي خطيه يمه دخيل الله لوما الله ومصطفى اهنا عينه بيهم ويخرب وراهن جان اني مثلها من زمان

كلمنه الغده صعدو للحبايب سم اتغدينه غسلنه اماعين صعدت لغرفتي اريد اسبح لكيت غرفت تهاني مفتوحه هيه نايمه وذني كاعدات يكرزن حب صاحت رجاء غزل عيني مكنستج وتعالي نضفي الغرفه

عفتها مارديت جايتج المفاجأه بس انطي صبر

رحت لغرفتي سبحت وطلعت لكيت مؤتمن متمدد

تره الجو حار اهنا روح لغرفتك

--تعالي غزل اريد احجي وياج

رحت كعدت يمه عصر وجهي وكال غزل اذا لمحت صوتج بالبيت لو لكيتج واصله صوبها وطاكتها ادفنج بالبستان سمعتييي

--هئ ماراح اوصل يمها بس هيه هم كلها مالها شغل بيه تره موخدامه اني اتكلي تعالي نضفي

--ماتوصل يمج مشاكل مااريد انضبي وركدي مجانج

--اي ميخالف بس وخر ايدك تره جعصتني

--نزلي جيبي بعد جودليه وغطه

--لويش الغطه تره موت حر

--غزززل لاتجادلين من احجي يلا نزلي جيبي اصخام وصعدي دقيقتين اريدج اهنا

كمت هذا اشبي بس يتأمر ويصيح فتحت الباب لكيت رجاء يم باب تهاني واكفه وتسنط نزلت ابسرعه اخذت من افراش عمتي جودليه لخ وغطه وصعدت

اسمعن يضحكن كالت تهاني كل واحد يعيش على كد مستوا

--نومه الكاع تلوكلها ههههه

مديت راسي بغرفتها كلتلها بس عاشت ايدج على هاي الفرشه النوم عليه كولش مريحه غمزتلها وطلعت اضحك خليتها اتكمز وراي

دخلت للغرفه اذا ماخليت مؤتمن حسره ابكلبج بسيطه

فرشت الجودليه ابصف ذيج مؤتمن مالكيته بالغرفه طالع كعدت اشويه واجه الهوا البارد اي الحمد الله يمكن ربط الكهرباء هذا

اي طبعا مويريد يبات اهنا قابل غزل وحدها وكلشي تتحمل

مشطت شعري دخل صدك بردت همزين جبت غطه اتلفلفت بي وتمددت شمر قميصه وسحب المخده من راسي نام عليها ردت اكوم اجيب وحده صاح وين

--اجيب مخده نسيت

--لاتطلعين طفي الضوه وتعالي

--لعد اشلون انام

--غزززل

طفيت الضوه ورجعت للفراش عوزي واحد بس يكلي اشبيج وانفجر خليت راسي بالكاع ونمت سحبني خلاني على ايده ردت اتحرك كال بس تتحركين اتعمين على نفسج اركدي احسن

شعري امبلل بردت حشكت روحي بي وهو هم عرف ضمني لحضنه وضل يكلب بالفون اني تعبانه رحت بالنوم

كعدت صاير اليل وحدي بالغرفه ومطفين الضوه كولشي مااشوف صوت طكطكه يم الباب دخل الغرفه

كمت اريد افرزن شنو هذ ا الشي كعدت على حيل واشوف مثل الانسان لامه روحها

اول ماگعدت وسمعتني شالت راسها باوعلتي همست بحه جمدت بمكاني بعدني ماحاجيه

صرخت بصوت شبه بصوت الرجال--

السابع والعشرين من هنا

تعديل المقال