رواية كفي والمنجمة الفصل الخامس والعشرين 25 بقلم الكاتبة Leo alfatlawi

رواية كفي والمنجمة الفصل الخامس والعشرين 25 بقلم الكاتبة Leo alfatlawi

كفي والمنجمه

للكاتبه leo Alftlawi

بارت الخامس والعشرين

صوت عمتي وراي كالت شتسوين ولج انداريت شفتهه جايه يمي دااكلها عمه هذا جاي على مكرم بس مالحكت لان اول ماوصلت صرخت يمممممه وسحبتني حيل

اتفاجأت من صرختها بس صوت سحبت اقسام مالت سلاح الي خلانه ننتبه للكدامنه اندارينه اثنينه لكينه مؤتمن وكف وارفع السلاح علينه قبل لااتشاهد واسمع حس الطلقه ثارت وفهد طاح

ويه صوت الطلقه عمتي دفعتني حيل و صارت كدامي صاحت دخل الله ودخلك لاتچتلها

اني وره الباب اباوع فهد غرك بدمه وطاح بالكاع

مؤتمن. عممممممممه بعدي لاتخليني اچتلج بعددددي

--ماتچتلها اذا ماتجتلني قبلها يبوووووو لحكونه ولكم ياعالم دخليكمممم

اجه يركض يريد يدفعها ويدخل للبيت يكتلني هيه كمشت ابيده البيه سلاح واتصيح ولكممممم لحكوننننننه

اني مثل الميته جمدت من الخوف وخالتي تسحب بيه اتريدني اشرد

والمنظر مرعب انشليت ماكو ثواني وهو يدفع بعمتي يريدها تهد ايده لاتطيح الطلقه بيها وخالتي صايره گدامي تحميني

واجو الولد كمشو بس هو بعد يتماطل وياهم يصيح اچتلها اچتلها

مكرم. مؤتمنننننن السلاح دخيلك ووولك مصطفى جتففففه

يتماطلون يردون ياخذون من السلاح ميكدروله انكلب وحش

مصطفى حاول يلوي ايدي اندارله ضرب بوكس ورجع لمكرم يدفع بي يريد يدخل للبيت يوصلي

بعد ماشفت شنو الصار لان خالتي جرتني ركض للغرفه دخلتني وقفلت الباب

بس شفت رجاء واكفه تبتسم ومتخصره ولاهامها هالهوسه كلها

اتصلت ابجدي كلتله الحك مؤتمن چتل واحد راح بيها الحكنه

كعدت فاقده الدنيا مااعرف شنو الصار لويش هيج شنو وين الغلط لويش كتله شنو السواه ويموت الولد

اصواتهم بره واصراخهم وين واصل العالم فزعت

مؤتمن. اچتلها واسلم نفسي تركوني ولكممممم اولاد الكلب تركونيييييي

مكرم. يخوي والولد مات خلينه نلحك انشيله ابروح اعمك

--بعد مكرررررم ولك بعددددددد

جان كل صوت يصرخه بيهم يكفي يبين الغضب الحامله والحركه الشايلها

خالتي تلطم وصوت عمتي هم اسمعها واكفه ورا الباب تمنعهم يوصلون اليه وتبجي

كعدت خالتي يمي ضمتني بحضنها اتكلي محد يچيسج والله ماخلي احد يچتلج لاتخافين والله مااخليهم يوصلون صوبج

--خاله راح يكتلني ادري بي ماراح يعوفني

--يمه دخيل محمد ييمه راح يوكف كلبج دخيلك يربيييي

--خاله فدوه مااريد اموت كلتها وشهكت مااسيطر على روحي من الخوف اتكول داخله بحالم شي يفوق الخيال

الباب بدت تنركع قوي دفرات ومؤتمن يكلها وخرررري عممممه دخيل ربج لاتخليني اكتل روحي وخرررري

وهيه تبجي وتتوسل صوت الولد يبعدو ويرجع للباب امبين ماكادريله كل دفره بالباب اكول هسه تنكسر ويدخلي

ماعرف شنو الصار بس صوت زلم غربه طلعو واخذو هدأت بره

من الخوف احس رجليه ميته لان اتشاهدت اكثر من مره كلت هاي هيه ميته ميته محد راح يحميني من ايده

خالتي تضرب على اخدودي اتريدني احجي مااكدر ارد بس صافنه دخلت بحاله صدمه نيمتني على الكاع ودكت الباب

عمتي. ام احمد فتحيها راحو

--ولج خيه لحكي ماعرفن اشبيها البت فاقده متحجي

دخلت عمتي كالتها ابسرعه كوميها خلي انهزمها قبل لايردون يكتلها احمد

--شكومها البت ميته لاايد ولارجل تعالي ليه شسويلها

--ولج عمه غزل ساعدينه بروح ابوج كومي يعمه والله يكتلوج خلينه نطلع ولج اتموتين يعمه كومي دخيل الله

افتح اعيوني واسدهن اكدر اسمع واشوف بس لااكدر ارد ولااحرك روحي

دخلت سمر بيدها مي تغسل وجهي خلت ابحلكي بس مااكدر ابلعه

كابلتني عمتي وتلطم

دخل مكرم يركض صاح وين غزل

كامت خالتي صارت ابوجها اتبعده وتتوسل يمه والله ماسوت شي اشبيكم واتوليتوها

--عمه بعدي خلي الحك اخذها مجان قبل لايردون بعدي

دفعها واجه يم شالني وطلع يركض وعمتي ويا هو شايلني ماكدر يفتح باب السياره عمتي فتحته خلاني صعدت عمتي يمي شغل وشخط سيارته

--وين ماخذهه يمه

--لبيت رمزيه محد يندله

--يمه رمزيه الدجاله صدك تحجين

--يمه محد راح يجي اباله اهناك وميندلوها وهيه محد عدها ابطرك روحها

-- وين مؤتمن

--اخذو للحجز وفهد للمستشفى بس مااتصور يطلع منها ميعيش

-- يبووو يبوو ولك راح ابن خالك ييمه

--هو جابها ليده دوم متسرع وهاي الغبييييه ماتنعدل

--ييمه ولله من اصويحبك الصوج جاعليش اتحملها الذنب

--يمممممه دخيل ربج كافي اتلمين اغلاطها وراها بسسسسج هذا فهد مات ومؤتمن راح ينعدم من وره ثولهااااا

عمتي سمعت وكامت تلطم على مؤتمن راح بيها اتصيح ليش ضيعت روحك يعمه راح شبابك شحصلت هسه ولك عليش ييمه هيج سويت ابروحك سوده ابوجهي راح ابني اخوي

--سكتي يمه رحمه للحسين وين بيت اصخام دليني راح اتسودن هسه ينتبهون ماموجود وياهم ويعرفون اني الهربتها

--لايمه دخيلك ولك يذبحوها من ذاك الطريج ولك اشمالك ترجف مكرم سوگ على كيفك لاتكلبنه

--حقج ماسمعتي جدي من كال چتلوها اريد اشوف جثتها قبل لااروح وره مؤتمن للمركز

--عليش يمه هيج سهل عنده الجتل

---جااشعرفهم هذا منهو غير لبالهم صاحبها ومؤتمن لزمها وياه احلف واتكفرت اكلهم صاحبي محد يصدك كال اريد دمها هسه

كوه خلصت روحي اجيت بين ما احمد يجيب سلاحه ويچتلها

--يمه منا طريجها اهده يبعد امك لاتروح انته هم يمه سوده ابوجهي منين اجتنه هالمصيبه

دخلنه اهواي بساتين ولوفات وكاع بعيده وصلنه يم بيت امفلش ويمه حيوانات اهواي وكفنه نزل ركض فتح باب السياره

--يمه نزلي شوفي رمزيه جوه

هيه نزلت وهو بقى يوخر شعري عن اعيوني يباوعلي بخوف گال لاتخافين محد يوصلج والله ماخليهم يجيسوج لاتخافين خويه اشرتله اي ودموعي تنزل خايفه مسح ادموعي وباس راسي

هاي اول مره يصير بهالقرب مني يمكن من خوفه عليه خلا ينسه روحه وهيج يسوي لومايعرف روحه راح يفقدني ميسوي هيج

وكف امتاني امه يمسح ابوجها ويرجع يباوعلي بنكسار

اجت عمتي كالت جيبها نزلني من السياره

--ها خويه اتكدرين اتنزلين لواشيلج

--لالا روح اكدر امشي كلتها ونزلت

اندار على امه كلها ضلي يمها لاتخليها بحدها

ودعنه وراح صعد سيارته وساق بكل سرعته

دخلنه لبيت شفت نفسها العرافه التجينه شافتني كالت موش كلتلج بعدي بالج من الكرباج

عمتي. لاوالله يخيه حضها مايل هالبيت من اجت للدنيا لسه ماشافت الراحه حتى من دلال ابوها ماشبعت

--ماعليها تاليتها عالي وفوك الكل بس اهواي راح تواجه صعوبه بدنياها ياله توصل

--يمته متكليلي شبعت ضيم

عمتي تحجي واني خليت راسي بحضنها اتمددت حسيت روحي رايحه

العرافه راحت جوه وعافتنه اباوع الغرفه تعبانه والسكف سعف منحوت مابيها غراض اهواي دولاب ازغير ومدات مفروشه وحصير هم من عودان السعف

عمتي ضامه وجهه بشيلتها وتبجي على مؤتمن اتكول راح ابني اخوي هسه ينعدم يوم ماشاف الراحه سوده ابوجهي

عقلي امبنج حتى تفكير مااكدر افكر ولاواعيه شنو الصار ولا اني وين

ماكو شي ابعقلي بس اشوفهن كدامي وحداث دتمر سريعه اني شنو ابين هاي كلها وشنو مصيري مااعرف

دخلت المره بيدها دبه مي وكلاص خلته كدامنه راحت جابت طاسه مي كعدت يمي كامت تقره بالطاسه واتشيل مي وتمسح وجهي

كالت البت مخروعه لايصير بيها شي

عمتي. اي والله خيه جا قليل الصار جان هسه ميته لومالله الساتر

--شنهو الصار

--رجلها لكاها بالباب ويه صديق مكرم تحجي

--ياعع وانتي يمكموعه اشوكفج

--خيه ماتوكف ولاتحجي اندكت الباب وفتحتهه قبل مده ذاك خطبها ورفضنه اليوم على حضها اجه من شافها وكف يعتب

--جايستاهل الجتل عليش ماحسب حساب حرمه للبيت وانتي بالغوثه ماعرفتي تردمين الباب ابوجهه وتطردي من تعرفين زلمتج امسودن ماتركدين

--خيه زلمتها لاهو الرادها ولاهو الخالها تمشي بدربها

--هذا عاشكها من راسه لساسه ومتخبل ميعرف شيسوي

--شيسوي خيه راح بعد لو مؤبد لوعدام يمه اسم الله على كلب ابني اخيه بيه ولابيك يعمه يبو كلب الحنين ولك انته وراك منو النه عليش يعمه هيج بهذلت رويحتك وبهذلتنه وراك ولك يعمه بيو طول الحلو هيج ورحت من ادينه يبوو يبوو ولك وين انطي وجهي

المره اتسكت بعمتي وعمتي تلطم اتلكها وين انطي وجهي لااكدر اعوف هاي ولااكدر اعوف ذاك ولك خيه دبريني راح اموتن ورا

يمه هذا العزيز هذا رفعه راسنه متكلي شجاك يعمه متكلي عليش اتسودنت وين شفتها متكلي وتخبلت هيج ولك يمعمه اشلون هنه عليك اتعوفنه وراك

--سودننا الحبايب وشاف الماضي ينعاد عشگ غلط لايگدر ينسه ولايكدر يترك اگليبه

--لاوالله بت فريال عرمه اشكد نصحت ردي وستري علينه

--موش بكيفها كدرها يحركها والشر يگودها والعشگ يبعد ويگرب راده لحضنه ان رضت وان لا

--بيبي شرد ياحضن جان ناوي يكتلني تعرفين شنو

--الغير تعمي يجده الماضي يكوده الزرع الزرعته امج لازم تحصدي

--اشنو يازرع معقوله هيج الغيره وصلته بعد ميشوف لعد وين حبه الي يحلف بي معقوله حبه يوصل للموت هيج بهالسهوله عنده الكتل

--اي يجده هذا امسودن بالعشگ شعل كليبه بيده وماعرف يهوده

--بيبي ياحب تحجين عنه الولد طاح بالكاع يرفس وهو ولارفله جفن اول مره ابحياتي اشوف مؤتمن هيج واصل درجه فقد بدون حساس يتصرف جان كل همه يكتلنه

--نامي يجده تنحل هدي ارويحتج

عمتي بعدها تنعه واني خليت راسي بحضنها وغمضت

اتذكرت سماح من كالتلي مستعد يكتلج بيده ولايشوفج ويه احد غيره جنت اتخيلها اتريد اتخوفني ماجنت امصدكه بس اني ماسويت شي

لاالصوج مني استاهل وكفتي غلط لباله عندي شي ويا اكيد كال ابسبب هذا معترضه ترجعلي اتريده

هسه هذا الولد راح خطيه وهو هم راح يروح

لليل وحنه منعرف شي عمتي اتروح وتجي ساعه تبجي وساعه تلطم اني على كعدتي لامه رجليه وخاله راسي بحضني مااعرف شنو مصيري ادري ماراح يعوفوني راح انكتل انجان هسه او بعد كم يوم

كاعده ومتانيه مصيري اشوكت يجي

لليل وهم ماكو خبر عمتي اخذت جهاز من العرافه وخبرت مكرم اشكد رن مارد

بطلت وره نص ساعه هو اتصل ردت فتحت اسبيكر لان جهاز المره تعبان من ينسمع

--كاللها جنت يمهم ماكدرت ارد

--وين مؤتمن يمه برد كليبي وين اخيك

--بالحجز واخذنه منهم عطو لباجر ونشوف شيصير

--والولد خوما مات

--لامامات عايش بس اهله طالبين دم مؤتمن هسه راحلهم شيخ علوان ومنعرف اشراح يصير امتانين الولد يصحه وياخذون اقواله بس اهله امحاصرين الديره كلها يطالبون بدمهم

--ومؤتمن اشلونه هم شفته

--يمه عوفي هذا امسودن الدنيا كايمه وناس راح تكتل ناس وهو يصيح بس طلعوني اچتلها وارد وعملو التردو

--يمه دخيل الله ناويها هالمره هذا بس لايدز احد غيره الها

--لاامني فلت من ايد الشرطه وشال احمد من اخوانيكه كله وحك علي الطلقه الثانيه ابراسك اذا وصلت صوبها محد يچتلها غيري

--يمه اشبي تسودن شسوت البت متكلي

--يمه اشسوت متسكتين اي مطي يشوفها واكفه وكفتها ومفرعه ويا يشك اكو شي استغفر الله روحي خلي اشوف شيصير وارد اتصل

عمتي هدأت اشويه من عرفت فهد ماميت بطلت نوح كالت شيخ علوان ميخلي مؤتمن بالسجن اعرفنه هذا حاسبه ابنه وذراع اليمنه ميتخله عنه

جابت العرافه طاسه بيها لبن وخبز حار كالت يلا كربن اكلن لكيمه

من الصبح بلا اكل بس من الهبطات والخوف احس روحي شبعانه بس المره ضلت تتوسل كوه اكلت لكمتين

وخليت راسي نمت مت التعب غفيت وين يالله كعدت على صوتهن وهنه يشربن جاي الصبح طالع

العرافه. ياهلا بطل الكمر وياهلا بوجه الماي من يمه من حگه تسودن الزلمه وراج يشوف هيج غزاله چدامه والصياده اهواي خاف يلوحج وحيد منهم

هههه سكتي بيبي يمعود لاواحد يصدكج تعالي شوفي حظ الغزاله وين فاين

كمت غسلت ولفيت شعري كعدت يمهن كالت عمتي خابر مكرم اليوم يمشون جامعين شيوخ وسادة الديره كلها بلكي الله يحلوها بفصل

--وفهد مات لولا

--لايمه فاق مابي شي ماخذين اقواله كايللهم طلقه جايه بالغلط

--اشلون مااشتكه وهو جان راح بيها

--لخاطر مكرم مااعرفن المن داز طاح عليه لان هوه اهله يمه ميخلون واحد يوصل صوبه بس الضاهر اموصله خبر بيد واحد وكايله لخاطر الخوه البينهم راح يچتلوها ابسببك اذا راح مؤتمن بيها ميخلوها وراه عايشه راح يصدكون اكو شي بينكم

--اشكد ابن عالم الولد يسوه مؤتمن وعشيرته جااشبي حضي اشو الزينين يطيرون الصخام يلطش بيه

--والله يعمه هذا الصخام حتى من يموت ياخذج ويا للكبر بيده لبالج يجي يوم وتفلتين من ايده شيليها من بالج هسه اندعي كون يضل بالسجن لحد مايبرد اذا طلع هسه بس الله اليستر منه

العرافه. كملي خلي اشوف حضج وين يرسي

--خاله حضي اعرفه لاتعبين روحج

اتريكنه شالت عمه الاماعين راحت للمطبخ هيه والمره حتى الحر نسيته اهنا من كثر الخوف

طلعت بره الكاع خظره حلوه بيها دجاج وبط بيها ماعز مربوطه واكو 2 بقرات على جهه مربوطات

رحت يمهن اباوع حشيش اصفر امسطرته بترتيب مضبوط واكو منه امشددته

تنور طين ويمه سعف اكو مي بس موشط لاهيج مكان رفيع بي متر عرضه والمي يمشي بي كعدت يمه خليت ايدي المي بارد مديت رجليه المكان خالي مابي ناس ابيوت اكو بس ابعاد واحد عن الثاني كولش

اكو تاير مال سياره بي حبل مشدود امسوي مثل المرجوحه اشكد حلو حياة بسيطه وحلوه

خذت نفس ورفعت راسي للسمه ياربي شنو مضموملي بعد وين راح تفر بيه الكاع

رجعت دنكت اباوع لرجليه وحركهن بالمي مؤتمن شنو دااتفكر هسه اكيد تتمنه اتلوحني وتموتني بيدك شنو من حب اتحبني الي يخليك تكتلني بدم بارد شنو مفهوم الحب عندك

--هاا يخاله گاعده لحالج وين ماخذج الدهر

--بالصفنات وين يياخذني هياتني يمج

--دگومي تعالي جاري

انداريت شفتها رايحه لجهت الحشيش كعدت كمت رحت يمها كعدت فرشت القطعه اقماش وفرشت الحصو كالت اخذيهن بيدج وشمريهن

--قبل لااشمرهن اول مره كمشتي ايدي وايد مؤتمن وخفتي لويش شنو شفتي بيهن يكتلني مو

--لا شفت دم وخراب شفت طيور بريئه يرحون

--ماعدنه اطيور

--جايه الطيور بالطريج شيلهن وشمريهن ولاتسالين اكثر

--مااريد خاله عوفيني انتي اتخوفين

باوعتلي وبحركه سريعه حركت ايدي كدام وجهي اخذت حسره كالت مشوارج طويل وياا عثرات اهواي بحياتج واكو من يحوم حولج يحفر لموتج بس يدفن ارويحته

خليج نبهه واكو من الي يحميج منه هذا خلي بعيونج وغمضيهن لاتخلي يروح من ايدج

--منو هذا الي يحميني

سحبت ايدي مسحت عليها ابتسمت كالت تحملي يمه العشگ يعمي ويكسر اكلوب

--انتي لويش حجيج كوله الغاز مداافتهم عليج

--لاتضيعي

--منو غير اعرفه حتى احافظ عليه

--الفراگ گدر مكتوب موش بيدج

--يلاكومينه خلي نتغده اريدن اطلع للشغل همي رويحتج لاتضلين فاهيه

--تره اني موفاهيه لويش هيج اتكلولي كلكم

--يمه عبن حلكج ينكط عسل وحنه هيج بنوات حلوه ماعدنه

--اني وين احجي وانتي واكفه تتحرشين خره بحضي الغزل يجيني من الشخص الغلط رجلي طايحلي ادمغ والنسوان تتحارش استغفر الله ومصطفى يكلي مكوكه غلط دشوف ديرتك اشلون امكوكين وتعال احجي

دخلنه جوه لكيت عمه امحضره كباب طاوه وخظره ولبن كعدنه اكلنه المره طلعت اتكول استرزق واحنه ضلينه

لليل واحنه كاعدين على نار انريد نعرف شنو الصار والمره اتاخرت وهيه عدها الجهاز اول ماوصلت للباب كمزت عمتي اخذت منها الفون واتصلت هم فصله مكرم عافته كالت يجوز يمهم

--اشويه واتصل هو فتحت كالت بشر شنهو الصار

--ماكو شي فصلنه 50 مليون كوه يالله اتنازلو

--ومؤتمن وينه

--مابقى بس الحق العام ميطول يمكن لباجر يطلع عوفج من مؤتمن جدي راح يتسودن يريد غزل كالبهه اهنا وكل اشويه ضارب مصطفى بالعوجيه يكله وين وديتها

--اي احس خلي شاك بمصطفى يتحمل ماعليه ديربالك لايلكفك اعرفنك اتكول من اول راجدي

--هااا حجيه شنو جاهل كادمج

--لاعبن اعرفنك متچسر چلمه جدك وراح اتگله

--لاامني لاراح اكله ولاراح يعرف مؤتمن وين هيه اشويه وجايج اجيبلج كم شغله الكم يلا غلقي

ساعه وصدك اجه طلعتله اباوع مصطفى جاي ويا باوعلي وضحك هز ايده وصلت يمهم كال بعد شنهو الضامته طلعيهن رحمه لموتاج غزل موش يوميه مفجرتلج مفخخه

--ياعزا لعد اني اشدخلني اخوك امخبل

--هو اخوي لوعاقل مااخذج لو رايحه بيها متكليلي اشوكت اتعقلين

--كالو مضرب صدك اشلونك

--اي وعلي شكو مصيبه اتصير بالبيت اول واحد يلبسوها ابراسه اني اتكول بيت مابي غيري يطگ ويصيح طلعها يابه منين اطلعها تراها مره موش قوطيه ميرندا

انوب اني محتار وين ختلتي وهذا الناقص ميحجي

مكرم. ولك غير حصلتلي مجال اكلك بي اشو خاليك والكل الي يجي يسحلك يكلك وينها

--لاازيدك من الشعر بيت جدتي تفلت عليه وكال كرن جتلو وخلصونه من عار يابه تره فاهمه غلط تراني موش مرت مؤتمن لاتزهرمين على حضي

وانتي ياام المصايب شراح يخلصج من مؤتمن

--راح اضل اهنا لمن اصير 18 وارجع لامريكا

--ياامريكا بعد متستقبلج صرتي سوابق رب الخراب انتي ميدخلون هيج ثولان لبلدهم

--لعد وين اروح

--اتعلمي الشعوذه من هالمره ولفي شيله اتوكلي على باب الله واذا شفتي الشغل مشه بيدج شغليني وياج حتلو اشيلج الحصوات لان بعد لوية ايد مؤتمن مااضمن سلامتي

مكرم. مصطفى شجاي تحجي يمعود هاي ثوله اتصدك باجر تلكيها بالبيوت افرفر انوب مصيبه جديده دسكت يخوي وانتي يلا ليجوه دخلي وبعد لاتطلعين والباب سلقوها

راحو اخذت الغراض ودخلت سلقيت الباب مر يوم يومين ماكو شي ويه المريه العرافه باقين

مكرم كل اشويه يخابر اخر مخابره كال شيخ علوان ونسابته كفلو مؤتمن وطلع وهسه متخبل يريد غزل عمتي حلفته ميكول مكانه لمن يهدء ويحلف ميچسها يالله اتكله

عفتها تحجي ويا اخذت ملابسي رحت للحمام سبحت طلعت لميتها بالمطبخ اتحضر العشه

طلعت بره كعدت بالمرجوحه مشطت العرافه كاعده يم الدجاج اتوكلهن كالت ها يالترفه شجاي اتسوين

--داامشط صدك بيبي المرجوحه حلوه المن امسويتها

--افريخات ابني من يجونه يلعبون بيها بعد ارويحتي

-- انيالهم على هيج بيبي عود مثل بيبيتي اتكول غورله بايكين جهالها

--يلا يمه كملي ودخلي جوه اطلع استرزق عبنه جاي عندي واني مااريدن اريح كليبي خلي محترك مثل ماهو

--منو جاي بيبي لاتخوفيني وشعرفه عندج

--من البارحه طلع اكيد عرف

--لامكرم ميكله صدك منين اتعلمتي هاي الشغله

-- من جدتي جانت منجمه الديره تشوف شر من ضل البشر

--من هيج يسموج نذيرة الشوم

--ههههه منهو هذا يسميني كومي جده دشي جوه هاي شوفه وشوفه ثانيه اودعج بيها كلمن يرد لمجان الجاي منه

--شنو يعني ارجع لمريكا

ابتسمت

--الله عليج يعني اروح وخلص منه للابد

باوعتلي ماردت

هيه راحت واني كملت ضفيرت شعري فريت المرجوحه ومغمضت عايشه بحلامي طايره بالهوا مرت ساعه و مااسمع غير سياره شحط هيه كمز وهيه طفر للبيت لان عرفت منو الجاي حسني كلبي من وشحطت السياره دخلت اركض وره عمه لحكيني مؤتمن اجه

خلتني بالمطبخ وسلقت الباب لان مالحكت تطلع اتسلقي الباب البره

دخل اجه دك الباب كال طلعيها عمه

--روح مؤتمن وراح اخيه اچتل روحي ومااخليك اتچيسها

--عممممه لاطلعيني من طوري كلتلج فتحي الاستغفر الله

--يمعمه اشبيك اتسودنت ولك اشسوت البيت وتخبلت عليها

--عمممممممه عمممه جان صيح وكركع بالباب حيل دخل مكرم كله والله موهاي المرجيه منك انطيتني جلمه

--ماراح اسويلها شي خلي تطلع

--متطلع لمن تعقد عليها

--خلي تطلع اول وبعدين اردها

رد يدك بالباب ويصيح طلعي غزززززل

سمعت مصطفى دخل ابسرعه كله مؤتمن الشيخ بره تعقد لو يروح يلا فضها

مااعرف اشرد لان طلع ويا مصطفى

عزا ابعيني شعقد لج عمه لحكيني

--اي يمه جااشعبالج من يضمج من ايد احمد وجدج اذا مؤتمن سكت عنج ذوله راح يذبحوج بعد الفضيحه الصارت

--تره مسويت شي لاتخبليني عمه

--والله ادري بعد صارت وانفضحنه شيفضها متكليلي واحمد مخبل مارح يرفله جفن لمن يكتلج وحتى لوهو سكت اكو من يكوم السالفه ابراسه يعمه عقدي والله مؤتمن راح يحميج منهم

--يايحميني عمه دخيلج هو خلي اسلم من ايده وانوب افكر بغيره

--رديله هسه ومااخلي ياخذج اذا مايحلفلي مايجيسج ورح معتصم مااهدج بيده اذا مااتاكد منه

كعدت وره الباب بس اتخيل روحه رجعت مرته وبهاي الطريقه اموت رعب وحدي موانوب هوه يريد بس يلكفني اكيد راح يخليني اتمنه الموت ومااحصله

اندكت الباب كال مكرم يمه حضريها راح يجي الشيخ لهنا وانتي غزل خويه بحمانه لاتخافين ماراح يحجي وياج

--ياحماك يحضي احمو روحكم منه وانوب فكرو بيه

دخل الشيخ ودخل احمد بس اسمعه يكمز كوه كامشي حتى الشيخ زمخ بي كله بويه خلينه انشوف شغلنه لوتركد لوتطلع

بده يقره واني ادموعي تنزل ارجف منو راح يخلصني من ايد مؤتمن اشلون راح اعيش ويا بعد الصار شفته كتل الولد بدون لايفكر يعني ميخاف هذا من شي ولايحسب احساب احد شنو حيسوي بيه

كمل الشيخ كال اذا موافقه قولي نعم سكت خفت احجي عمتي اتباوعلي وتتوسل ارد حالها مواحسن من حالي بس مابيدها شي رجع السيد كال بنتي اذا اموافقه احجي

خفت ارد لمن سمعت الباب اندفرت عرفته مؤتمن شهكت وكلت نعم

الشيخ. بويه مغصوبه كولي اذا مغصوبه تره باطل العقد

مؤتمن. شيخنه خلصت اتوكل وفر نصايحك

--بويه خلي نفتهم تره باطل العقد

قبل لاتصير مشكله كلتله لاعمو اني موافقه

-- على بركت الله كالها وكام امبين طلع دك الباب مؤتمن كال يلا طلعي

--عمه فدوه لاتفتحين الباب

عمتي. مؤتمن احلف ابروح عمج ماراح اتچيسها

--عممممه فتحي الخره فتحيييي

--مؤتمن متوصلها

--ماراح اوصل صوبها بس فتحي

--احلف مؤتمن

دفر الباب بكل حيله لمن انعفسن وصاح استغفر الله فتحووووو

فتحت الباب عمه واني وره عمه اجه مكرم ابسرعه صار ابوجهه شايل اديه كدام مؤتمن يريد يهدءه

طلعت واني اشهك وارجف جان يباوعلي وهو امضيك اعيونه يتوعدلي هز راسه كال سهلا يلله

دفعه مكرم وطلعو خليت شال على راسي وطلعنه اني وعمه لكيته واكف يدخن كل نفس ياخذه يطير نص الجكاره وينفخ بحركه اشرلي صعدي

صعدت وعمتي رادت تصعد اجه كال لهنا اضن كافي يلا عمه روح لسياره مكرم

--يااا عمه اشبيك ولك تطردني

--شتحسبيها حسبيها كالها وركع الباب وجه صعد وطلع بينه

اريد اسحب نفس مااكدر بس صوت الشهكه تطلع على طول الطريق عينه ليكدام اصلا ماباوع للمرايه طاير

وصلنه لبيت جدو نزل ابسرعه وفتح الباب من الخوف رجعت ليورا دنك سحلني من شعري طلعني من السياره سحيل اريد اوكف مااكدر اتخيل جدو امتانيني وراح يذبحني جوه

نزلت واني وكامشه ايده اريده يهد شعري وكفت باوعتله اتوسل بي اشرلي اشششش حسج مااهيسه يلا

اباوعله وجهه محتقن من الغضب خفت اترك وهو يجر بيه حيل يريدني امشي ويا خل توازني عصرت ايده ردت اكمشه لان حسيت روحي رخت همست مؤتمن بعد ماادري الصار

فتحت اعيوني نايمه بالغرفه عالكاشي بلا افراش والغرفه حاره تسمط اباوع الغرفه خاليه ردت اكوم شفته كاعد كدامي منتجي على الحايط وماد رجليه يدخن

كعدت لميت روحي وارجف خفت من منظره شافني ماحجه ضل يدخن ويباوعلي برود

لو يكوم يكتلني ولايسوي هيج وياي حاي حرب نفسيه موت بطيئ

امتانيه شنو راح يسويلي اترقبه وارجف شفتي اعضها اريدها تستقر ماكو بس ترجف

النفس كوه اجره

طفه الجكاره بالكاع وكام رجعت ليورا رجه يمي ضميت وجهي بديه خفت يكتلني كعد كدامي سحب اديه من وجهي الرجفه كامشتني ودموعي تنزل مايحجي بس يباوع لعيوني

--اشوكت عرفتي

--ما م ما اعرفه

--كم مره واكفه وياهالوكفه

--ولا مر ه

ريد اسحب ايديه من ايده مااكدر عاصرهن بيده لااكدر اتوسل ولااحجي نضرته هاي كافي اتموتني رعب

-- هو هذا الرايدته

--لاوالله

-- لاتحلفين

كالها ابرود جان يتلذذ بخوفي بديه اني بس الشهكه كامشتني مااكدر حتى احجي كوه اطلع الكلمه ومااعرف شنو ضاملي

--مؤتمن راح تكتلني

--شسويتي بغيابي بعد

--كلشي ماسويت

عصر وجهي حيل وكال شحاجيه ويه وفهد بعد

--مؤتمن و

--اذا سمعتج اتحلفين اذبحج

احجييي

هزيت راسي بماكو شي عافني وكام لبالي صدك وتكرني بس اجتني دفره ابطني كطع النفس دنكت على بطني رفع راسي من شعري

ي كعد كدامي احس شعري انشلع بيده اول ماكعدت اجتني ضربه ابوجهي لمن الدم طفر ابوجهه

دنكت بالكاع واشوف الكاع انترست دم هو مسح وجهه عن الدم ورجع ضرب راسي لمن دك بالحايط احسه اتفلش حسيت الدنيا فترت طحت بالكاع بعد مابيه مقاومه مااكدر افتح اعيوني همست كوه مؤتمن ارحمني راح اموت

نفس قذارت امج كالها كام بعد مااحس ابشي شوفه يتخطه يمي راح للحمام يمكن غسل وجهه من الدم وطلع اصل ماباوعلي ولاكال اشصارلها ماتت عايشه طلع وقفل الباب ورا

مرت اكثر من ساعه واني اتلوه من بطني اريد اكوم مااكدر اسمع الباب تنفتح عصرت كلبي بسلا رد غمضت ابسرعه وكتمت النفس ارجف خفت رجع انسدت الباب واسمع صوت سماح اجت تركض شالت راسي كال اصخام ابوجهج شمسوي بيج

--ولج حموت

--تستاهلين چااكو وحده اتسوي اسوايتج

--مسويت شي

--دكومي كل هذا واتكول ماسويت دكومي غسلي

كوه رحت للحمام نزعت ملابسي بيها دم سبحت نزلت جابتلي اتراك خفيف ليسته نشفت شعري بس ولاعضم صاحي بيه مااكدر حتى اتحرك كوه رجعت كعدت الجو حار يفور والكاع تسمط ماكو افراش كالت مؤتمن اذا سمع بيه داخلتلج يموتني اذا سالج عن الملابس كليله لكيتهن بالغراض ذني فدوه

--امم

--اجيبلج شي تاكلي اتشربي

--لا مااريد اريد انام

--يمه اشبيدي عليج ولج اتموتين هسه من الحر اوكفي خلي اشوف شي اتنامين علي

رحت ادور بالغراض المطشره مالكت شي جابت نفس كلبيتي كالت نامي عليها الكاع راح تاكل جسمج حاره انطتنياها وطلعت اني هم طبقتها وخليها جوه راسي ونمت من التعب ماحسيت لتالي اليل

كعدت على صوت طكطكه يمي فتحت اعيوني شفت مؤتمن كاعد وبيده مثل الكولا بس لاهذا شرب اني جنت اشوفه بيد سيف دائما عزا مؤتمن ديسكر

الدنيا ضلمه اباوع الساعه 2الصبح هذا شديسوي بروحه انوب يدخن ويشرب بشراهه وكل وحده يخلصها يعفسها ويشمرها بالحايط بكل قوته لميت روحي خفت تجي بيه غمضت خفت يعرفني كاعده ويرجع يكتلني هو مستمر يشرب ويدخن وحده وره الخ

اشويه و اجه يمي دنك عليه وخر شعري عصرت روحي دنك باسني من خدي ورجع على ركبتي ريحته جانت تكتل مال شرب ماسيطرت اجيت اتقيى دفعته كمش ايدي يحجي كوه عليش خنتيني من حبيتج اكثر من روحي

--مؤتمن والله ماخنتك

--اششششش ششش لاتكعد خليها نايمه

بجيت هذا ميعرف شيحجي ولاشديصير هسه خفت يموتني وماحاس

خله راسيه بركبتي وبجه كال احبها غدرتني

ضل حاضني وسمع شهكته تطلع من كلبه

--مؤتمن والله ماغدرتك

--وخر عصر خدودي حيل بيده كال موكلتلج سكتي راح اتكعديها

--مؤتمن حموت وخر

--موتي مااريدج اتعيشين متستاهلين اتضلين انتي خاينه

بجيت بصوت عالي اتوسل بي والله ماخانتك ماجان يسمعني يمسح ادموعي بطرف اصبعه ويكول شششش يباوع للدمعه من تنزل خفت من تصرفه موواعي هذا

قوه صوتي بالبجي دفعته وخرته عني دااكوم سحبني خله ايده على ركبتي ردا يختنكني عصرني قبل لااكطع النفس بطل وخر ايده

رجع لمكانه كعد يكمل شرب خلصت اخر وحده هم عفسها وشمرها عليه ضميت وجهي نزع قميصه واجه يمي سحبني جوا صرت اشكد اتوسل وبجيت يعوفني ماكو

اتعس ليله مرت ماخله شي ماسواه لاضرب ولااهانه ولاعنف مااستعمله وراي لمن خلصت روحي حسيت نهايتي بيده لااكدر اصيح يجوني ولان وضعنه جان يخزي

علما تعب ونام اتشاهدت حسيت نهايتي من صدك دفعته على كيفي وخرت من يمي

اريد شي استر روحي بي ماكو ملابسي مزكهن

لبستهن هنه وملخات صح ماباقي شي بيهن بس اهون من هيج لميت روحي وكعدت بالزويه بدون صوت خفت يكعد ويرجعلي ابجي بلاصوت بطني موتتني احسها تتملخ من غير جسمي يحركني خاله ايدي على حلكي اخاف صوتي يطلع تعبت احس روحي رايحه من الالم والخوف وفوك كل هذا حر لميت روحي ونمت بالگاع

كعدت على لمست ادي يمررها على جسمي طفرت حشكت روحي يم الزويه

ولميت رجليه اتوسل بي يعوفني وارجف لسه بعده طعم الدم ابحلكي من شفايفي وكف اخذله صفنه واني ميت رعب دنك اخذ قميصه وطلع قفل الباب ورا

اخذت نفس رجعت خليت راسي حيلي مهدود مااكدر اتحرك مر ساعه انفتحت الباب دخلت سماح اول ماشافتني شهكت ولطمت على صدرها كالت شصاير بيج بجيت اجت يمي كومتي شمسوي بيج هذا عليش اتخبل عليج اشبي مؤتمن انجن

--حموت ولج بطني اتموتني

--دكومي ياعيني كومي هو انتي اشباقي بيج وتبجين من بطنج

كومتي للحمام سحل كعدتني جوه الدوش وطلعت اتجيب ملابس لميت روحي لان احس جسمي يحركني من ينزل المي

جابت خاولي مسحت روحي وملابس لبستهن وخلت ملابس يمي بكارتونه كالت والله حذرنه واحد يصعد يمج اذا دره يطين عيشتي خواتعرفين اخباله وراح اتعذريني

--روحي سماح هاي هيه

--ذني الملابس يمج بالكارتون لخاطر لايشك لباله من زمان اهنا وهسه اصعدلج شي تاكلي

--لامااريد مااشتهي

--ياولج من البارحه انتي بلااكل

--والله مااريد بس اريد مي حموت عطش

نزلت اتجيب مي بس ماصعدت بعد يمكن احد شافها من البنات وخافت

لفيت شعري وكمت للبوري شربت منه المي مالح ميروي وحار بس شسوي ميته عطش اباوع وجهي بالمرايه ماضال مكان بي صاحي شفتي وارمه ركبتي صايره اتخوف من عضاته

رجعت لمكاني كعدت بس معدتي تعصرني من الجوع والنوب العطش اكثر صار والجو حار لهيب بس بنكه اتذب جمر وصلت لااخرتي اتشاهدت

للضهر اسمعه صعد عصرت كلبي

فتح الباب ودخل سده ورا شمرلي بطل مي كال ولو متساهلين بس اتسممي

سكتت مارديت على كعدتي لامه رجليه وحاضنتهن والعرك ينزل منا ومنا غاطه بي

اجه يمي كعد باوعلي كال اشكد اتطولين بعد

شلت راسي باوعتله وارجف اخاف يرجع يضربني شال ايده ضميت وجهي ابسرعه سحب اديه حيل ودفعها

رجع مسح كصتي من المي البيها ومسح ركبتي حسيتها حركتني صحت ااا

وخر ايده وكام ضل يباوعلي اشويه وبعدين طلع وقفل الباب اسمعه فتح باب غرفته وسدها

ماعونت يطلع اخذت البطل المي شربته كله من العطش احس روحي لعبت يمكن شربت اهواي واني معدتي خاليه ركضت للمغسله اتقيت اريد اخذ نفس مااكدر

الباب انفتحت ودخل اجه للحمام واني بعدني اتقيئ رفع راسي من المغسله وغسل وجهي اختنكت دفعته رجعت اتقيئ لمن ذبيت المي الشربته كله

احس الدنيا افترت بيه طحت كمشني طلعني بره كعدني يم الحايط راح يفتح الشباج خليت راسي بالكاع غمضت وكف اتخصر يباوعلي قطره رحمه ماكو ابكلبه كال كومي اكلي جبتلج زقنبوت

--مااريد مااستهي

--يطبج مرض كالها وطلع سد وقفل الباب واني لبالي جاي لهنا سمعني وخاف عليه طلع يريدني اكل لخاطر اتحمل بعد التدمغ مالته

معدتي توجعني ميته جوع بس مااكدر اكوم اكل اخاف اكل وهم اتخربط انوب الشباج يدخل اسموم صار الغرفه بعد احر

الباب تندك وصوت عمه اتصيح يمه غزل ردي بيج شي

--لاعمه هياتني مابيه شي

--فتحي الباب يمه خلي امن

--قافل مؤتمن مويمي المفتاح

--سوده بوجهي اني ادري اشبي تسودن هذا يمه غزل اكو اكل ومي يمج

--اي عمه هياته جاب اكل هسه حاكول

--هم ضربج احجي

--لاعمه ماضربني مابيه شي بس دااكل صوتي اتغير

ضلت كاعده ورا الباب اتسولف وياي واني ارد ماكلتلها على الصار لان راح تتعارك ويه مؤتمن ادري بيها وهو ضايج راح يتجاوز عليه تالي يتخاربون ابسببي

سكتت وامنتها كامت كالت بلكي احجي ويا الله يهدي وينطيني المفتاح راحت للعصر ماكو خبر واني معدتي عصرتني عصر بعد مابيها مجال كمت سحبت العلاكه لكيت لفه وبطل لبن اكلتها وشربت البن بس احس روحي بعدني عطشانه

خفت اشرب من البوري وهم تالي اتخربط اتحملت العطش وضليت امتانيه رحمه الله

دخلت سماح الحمد الله اجاني الفرج كلت بس اديها فارغه دمعت اعيوني ولج اريد مي لويش ماجبتلي

--ياسوده عليه ماجابلج مؤتمن موصعدلج

--لامؤتمن شاطر بس يذل بيه

--مصطفى سال عنج كلتله مابيها شي بس بعدهم متزاعلين هو ومؤتمن ماردت مشاكل لان ادري راح يسويلنه هوسه

--لااهم شي مشاعر مؤتمن لايهمكم الباقي يطبهم مرض

--چاشكله والله مؤتمن ينام وياها غصبنا عنها لومشوه جسمها بالعض

--هم صدك خلينه على الزعل اهوان دروحي جيبيلي مي حموت

نزلت اجيب مي واني انتضرها ضحكت صار اكبر حلم وامنيه عندي اشرب مي استغفر الله صعدت بيدها دولكه طفرت اخذتها اشرب وبعدني مامرتاحه

--كافي تالي تكلب معدتج ارتاحي وشربي بعدين

كعدت اتسولف وياي عن جدو اشلون حاد اسنونه يريد بس يلزمني ومؤتمن مانعه ومتعاركين وهيه هم زعلان يكله ابسببك راح اتشيخ على روسنه وهيه ماتعرف ريحه التربيه راح اتصخم اوجوهنا

--اي وشرد عليه مكله فوك حالها حال الحيوانه عايفها

--لاكله محد يتصخم وجه غيري انتم مالكم شغل لحد يوصل صوبها بعلي ادفنه اليوصلها

--لويش عالاساس ارحم منه هو لوشنو تره انكس خلك الله مؤتمن حتى شرب يشرب

--ياا مؤتمن ابعمري ماغضب ربه

--وداعت ماما يسكر بليل البارحه للصبح يشرب بس ماادري وين ودا القواطي

--غزل لاتضلين اتشمرين على بالعاطل لو يموت ميخلي النكره ابحلكه يجوز غيرشي

--ياا ولج والله اعرفه الشرب غير اني عايشه اهناك وهذا عدنه بالماركت منه والبارحه كم وحده شرب حتى من سوه وياي هيج مجان ابوعيه الصبح كعد متعجب على روحه اشلون هيج امسوي

--استغفر الله عليش هيج صار بي بسلا مااصدك

--دولي هسه لويشرب كدامج هم انتي اتعبدي لعد منو فرعنه علينه غيرج

--يلا هسه مرته اتجيب ويلتهي ويه بته بلكي يفكنه منه ولج صدك هذا فهد اشلون شكله اشو مؤتمن متخبل

--تره هوا مؤتمن متخبل من گاعه بس لويش اتسألين عنه

--يحمس بروحه يكول زغير وحلو عليش متحبه على كدها ونفس خفتها

ولج ضل ابنفسي اشوفه لان كلما يتذكر وكفتج ويا يموت قهر

-- اكصر من مؤتمن رشيق كامل المواصفات وهادء

--جااشبي خيه مؤتمن شنهو گاصر ودورين حلوين وراه

--اني من اشوكت دورة خرب بحضي ومؤتمن بس شكل اخلاق ماكو ذاك بس اخلاقه تسوه عشرة مؤتمن

بعدنه انسولف وسمعنه صوت مؤتمن وهو يصعد الدرج اتخبلت سماح بعد متعرف شسوي لاتكدر اتضل ولاتطلع فتح الباب دخل اتفاجى بوجودها

كلها شكو اهنا

--جبتلها مي والله ماتت

--منهو گلج ادخلييين

--يااشبيك مؤتمن اگلك البت ماتت عطش خاف الله الغرفه جمر شوفها هاي بعد مطول يوم كاطع المي والاكل وحابسها تره ماجرمت منو يقبلها على بته مؤتمن هاي يتيمه خاف الله بيها لاتشوف اخوها مابي خير وتتولاها

--تعالي بعد انطيني راجدي

--اوو مؤتمن والله تره زودتها

كالتها ورادت تطلع بس سحبها من ملابسها وصفكها راجدي رجع كمشها من راسها كالها صوتج ميعله هالمره اعديها مره ثانيه اخيلج وياها شمرها بره

اجه يمي كال ارتاحيتي بس لخاطر اتعرفين انتي اشكد اذيه لليمج

--ماسوت شي لويش ضربتها

--مره ثانيه اذا صحتيها راح اخليها يمج وستانسن سوه

--متكدر اهلها ياخذوها تره موغزل هاي وبكيفك تلعب بيها محد يردك

كعد يمي يضحك عفيه عرفي قدرج من اسحك على راسج محد يعترض حمدي ربج لسه خالج تشتمين هوا

بت فريال نفس الطينه ونفس النكاسه على ذمه زلمه وبحضن غير تتمعشگ المثلجن جوه التراب ضايع اثرهن

هو يحجي واني كلبي يغلي اشكد حقير ماخله اهانه بحقي اني وامي ماكالها اخر شي كمش ايدي وعصرها حيل

طلعت حاكتها وماادري بروحي راد ينكطع الدم ماكو شلع وصله من الكلبيه اليمي وشدها دفعني وكام

طلع حب من جيبه وشمر بوجهي كال شربي

شلت راسي باوعتله

--لاتباوعيلي بهالشكل لبالج اكلبج بعد بس اخاف اجي يوم وماادري بروحي مثل البارحه مااريد يصير طفل شذنبه وامه مثلج منحطه

اخذي يلاااا

نزلت راسي وماحجيت

--موش احجي ويااااج

اخذت حبايه ابسرعه ماكو مي كمت شربت من البوري

طلع وسد الباب وقفلها راح لغرفته خالني بس لشهوته الحيوانيه ويخاف يتورط بطفل وياي ماشفت احقر وانذل منه

يومين واني على وضعي كرهني بروحي خلاني من صدك اتمنه الموت

بس شمرلي جودليه ومخده هذا الفرق بعد ماانام على الكاع بس جذب اني نومتي اشلونها بليل انام عليها اصبح يم الباب اكعد مصلوخه انوب صار عندي حساسيه يمكن من الحر السبلت عطلان وميرضه يصلحه

الحمد الله عندي حمام جان هم حسبلي اوقات للروحه

بليل يجي يشرب جكاره ويشمره كم كلمه يريدني ارد لخاطر يكتنلي بس سكت مااجاوبه ابد اعرفه يدور حجه بس يفتح الشباج ويطلع عالاساس يسويلي فد انجاز هو البره احر من الجوه

سماح بعد البسطه صارلها يومين ماكو

العصر كاعده اتصفن ويه الحياطين يمكن صار بيه توحد من العزله

انفتحت الباب سماح كالت غزل تعالي وياي للغرفه الثانيه اجه واحد يصلح السبلت

--مااطلع ولااريد احد يسوي اصلا اتعودت

--يااتعودتي البارحه مؤتمن يكول تهرش للصبح من الحساسيه مانامت

--وهو شدرا وبعدين بسلا سوه روحه خايف

--لاحبيبتي لاتخافين علي ميخاف ولاينكسر كلبه هذا بس انتي الراح اتموتين يلا كومي اشويه يجي الولد

--منو دزج انتي روحي بنتي مااريد اني دااعاقب روحي على هذا حضي

--ههههه امداج كافي عقوبت مؤتمن بعد بيج حيل انتي

--دروحي جيبيلي مي تره ضلت حسره ابكلبي اشبع مي شهالضلم الانتو بي

بعدها ماردت ودفعت الباب تهاني دخلت تضحك هاي شنو بعدج عاشيه والله يعمه صدك العار ميموت اشلون خلاج عايشه لسه هاي الفضيحه كلها سوده عليه مؤتمن راحت سمعته بالديره ولج اكيد نفسه الجان يطفر من الشباج عليج اي عليش لا خلي يشوف ابعينه من جان يسمع ويسكت مامصدكنه

--تهاني طلعي لااكوم اطيح حضج

--ههه هاي قديم حبيبتي هسه انتي راح اتصيرين خدامه الي حبيبي كال راح اخليها عايشه بس لخاطر اتخدمج

--بحلامكم انتي ويا طلعي احس مااكوم اسحلج

--لخاطر اسحكج بنعالي

--سويها اذامااسحك على راس ابوج مااطلع غزل

--هسه يجي مؤتمن وخلي اشوف شنهو يكول

سماح تتوسل بيها تطلع وتسكت وهيه ماخلت شي ماكالته اخر شي اجت شالت رجلها ودفرتني كالت هذا مستواج

من الحركه بعد مااشوف

سحبتها من شعرها ونبتت اضافيري بوجها لمن شلعت اللحم

سماح اتجر وتتوسل اعوفها واني شابعه قهر من مؤتمن

دفعتها هيه سمينه وبطنها جبيره ماسيطرت طاحت بالكاع

نمت عليها كل عضها اعضها لمن اشلع لحمها شعرها نصه اجه بيدي كوه سحبتني سماح بعدتني عنها بس لمن ارتاحيت من صدك

كامت كالت سهلا يغزل هسه انزل لمؤتمن ونشوف شنهو اليصير

--روحي اشتردين اتسوين سوي اتخوفني بمؤتمن وهو ميخوف جلبي

--هيج جا سهلا هم تتجاوزين عليه وهم كتلتي بته

كالتها وطلعت

سماح صافنه اتباوعلي بيأس تالي كالت وين حجابج

--بالحمام امعلك

--خليج اهنا غزيلان لاطلعين بدونه اخاف اكو احد جوه

راحت للحمام دخلت اتجيب الحجاب واني الم بشعري يم الباب من الهوسه الصارت

مااسمع غير صرخت تهاني ترست البيت ---

هلو بنات اهواي طلبتو مني اكتب روايه الابنيه البصراوين الي ذبحهه ابن عمهه

صح اكدر اتصل ابأختهه وتحجيلي قصتها بس اكيد ماراح اتوصل الفكره عدل ولاراح نعرف شنو جان احساسها لو اشلون حبو بعض شنو شعورهم من جانو يسولفون سوه والايام المرة بينهم

وذني اهم شي بالروايه

الابنيه الله يرحمها راحت لرحمة ربها ابسبب تقاليد عشائري سائد ظالم

وهاي مو اول حاله اهواي بنات راحن ضحيه نفس الطريقه والسبب

بس شنكول غير حسبي الله ونعم الوكيل مانكدر غير نترحملهن

جدا اعتذر بنات مااكدر اكتب هيج روايه اهم شخص بيها مفقود

السادس والعشرين من هنا

تعديل المقال