رواية كفي والمنجمة الفصل الرابع والعشرين 24 بقلم الكاتبة Leo alfatlawi

رواية كفي والمنجمة الفصل الرابع والعشرين 24 بقلم الكاتبة Leo alfatlawi

كفي والمنجمه

للكاتبه leo Alfatlawi

بارت الرابع والعشرين

فتحت الاتصال اجاني صوتها جانت تبجي كالت غزل لحكي مؤتمن راح يتزوج بت شيخ علوان

مثل الواحد صفعني على وجهي صحاني شنو يتزوج

يعني الرابعه راح تجي اريد احجي انعقد لساني مؤتمن شنو الديسوي لويش يحب يلعب ابمشاعري وتالي يفاجئني ضربه تكسر كلبي

كوه طلعت الكلمه مني اريد افهم هذا شنو مرضه مال زواج

--سماح بس سكتي خلي افتهم شنو يتزوج واشكوت هذا صار

--ولج صارله يومين اشوفه يفتر دايخ بس مايكول تالي مكرم كلي شيخ علوان كايله بتي الك تاخذها بعباتي

--شنو بتي الك ليش من قلت نسوانه وبته اشلون ترضه متزوج هلكد تاخذه

--حبيبتي موهيه غزل وتتمندل غير ميته بس اتريد يكول اي من الصبح تلكيها بنص البيت

--وطبعاةمؤتمن يستحي من شيخ علون ميكدر يرد

--كلمته ولج غزل هاي موتهاني وجبيره ونكدر انسيطر عليها ولج ازغيره وحلوه وبت مدارس يعني تاكل عقله وتفره فر بيدها لحكيني شنسوي

--مااعرف اني الحمد الله خلصت منه بعد انتي دبري روحج

--غزززل لاتخبليني انتي اكثر وحده تدمرين بينه زواج بعد متشوفي بعين تبقين هيج امعلگه لانتي طايله سمه ولاارض

--موابكيفه مثل ماايتزوج اني هم اتزوج

--قنعي روحج ورحمة خالي يغزل بس اتفكرين مؤتمن مستعد يكتلج ويدخل وراج السجن ولايخليج ترحين لواحد غيره خليها ابراسج

حبيبتي غزاله بعد عمري نعلي الشيطان ورجعي بلكي يصرف نضر ويدبرله يحجه ويبطل عن بت الشيخ

--ماارجع مؤتمن اذا اكو شي براسه محد راح يوكف ابوجها لؤ يااثر علي لااني ولاغيري خلي ياخذها شنو عادي علمود اتخلصين ايقبط العدد يمه بعد لايفكر

--لج اغزيلان لاتخبليني شهلبرود البيج ولج هاي بت شيخ تجينه اتشيخ على روسنه ومؤتمن ميكدر يردلها كلمه يحسب احساب لبوها راح اطيح حضنه انتي واعيه لشنو احجي

--لعد شنو اسوي لاتكليلي ارجع رجعه لمؤتمن ماارجع هو وحده اشلونه وانوب يجيبلي وحده لخ نفس نوعه غير انجلط خليني يم اخوي هيج مرتاحه

--روحي غزل بعد لاتحجين وياي بس يجي يوم وتندمين راح اذكرج عود تعالي ذاك الوكت عضعضي اصابيعج ولي يلا

كالتها وغلقت رجعت لمحادثه مؤتمن لكيته نشط بعده انطيته حضر وطلعت يريدني ارجع وهو راح يجيب الرابعه يلا هو هذه الجنتي اتفكرين بي جنتي معترضه ابين يوم ويوم هسه كل اربع ايام بس اذا ماعندي كرامه صدك افكر بي

لويبقى اخر شخص بعد ماافكر بي وانعل ابو كلبي اذا رجعت وجيت ابالي

على صوت طكطكتي صحت سمر كالت بتعب ها غزل كاعده

--عززا صحيتج اسفه بس جنت اخبر مؤتمن غير مؤتمن راح يجيب الرابعه

--غزل خيه صح اني مااحبج جنت بس نصيحه ابتعدي ماتكدريلهم ذوله

--هياتني يمكن لويش هيج تحجين

-- غزل لاتفكرين بي والله راح ادمرين روحج صح اول راح اتعانين كم شهر بس تنسي رجعي لدراستج يجي يوم وترجعين لمج

--اي ولويش ماارجع لماما بس ابلغ السن القانوني ارجع خومواضل تحت رحمتهم

--احسلج خيه جدتي خالتج ابراسها اتشوف امج بيج ماناويه اتركج لمن تشوفج منتهيه غزل ادري اتحبي بس تنسين وداعتج سأليني

--حتى ماما كالت حب المراهقه ينسى لعد اني لويش كلبي ديوجعني

اتحسرت وكالت نامي خيه الله كريم

صار الفجر واني بعدني اتكلب ودموعي تنزل وكلبي مشتعل نار وكل مايجي ابالي اتخيله عريس ويه وحده ازغير اختنك اكثر اشلون اخلص منك مؤتمن راح اموت وانته ولاعلى بالك عايش بي علقتني بيك وخليتني اكمل وحدي

سمعت خالتي تحجي مسحت ادموعي مااريده احد يشوفني بهيج حالتي اكيد راح اسمع نفس النصائح لازم اترجعين ورجلج واتحملي ميدرن رجلي ايبدل نسوان اكثر من قمصانه

كالت يلا كومن هم يالله نطلع على برد الهوا لاتعطلنه بين مااحمد يروح لبيت جدكم يجيبهم انتن كملن

طلعت واحنه كمه شافتني حبيبه كالت عليش باجه

--مابيه شي

--تره سمعت البارحه بس مؤتمن والله ماله ذنب

--هم كالت مؤتمن ماله ذنب شنو بعد يسوي لخاطر اتحسون تره خلبتوني اكو واحد يتزوج وماله ذنب تره ماكو شخص ينغصب على زواج

--كله ابسببج من عرف الشيخ عايفته كله بتي الك مكانها لاتكدر روحك تره الشيخ يموت على مؤتمن مستعد ينطي روحه متشوفين اكلج رجعي لخاطر ماله حجه بعد

--لويش ارجع تره ماكو بشر يرجع للاهانه برجلي اني مرتاحه هيج خلي يتزوج مالي شغل بي ولاراح افكر

--اي صحيح اعيونج اكبر دليل والله يغزل لو بس اتسمعين نصيحتي اترجعيله وهو يموت عليج واسيطر عليه اسحك امه ونسوانه واخلي محبس بيدي واذل شكو واحد ذلني

--منو المحبس تره هذا مؤتمن لونسيتي

--مؤتمن مو مؤتمن قبل كاظم يسولفلي عليه يكول مااتوقعت مؤتمن يطيح هيج طيحه ولج ميشوف بعد كدامه هيج العشگ يبهذل الواحد ذاك الزلمه الحوگ امدولبته بت ابكد جهاله وخالته ميشوف دربه وانتي هم لاتضحكين اعلينه واتمشيها تره امبينه اتحبي واتكابرين خيتي ابروح ابونه عقلي ورجعيله وكافي مشاكل

--راح يتزوج بعد

--لاميتزوج دكومي سبحي وتعالي اذا ماخليته اليوم يمشي ويردم الحايط عتبيني يلا بين مااحضرلج لبسه لان امبينه عليج انتي خوثه

--ماجادتلها لان كلبي يوجعني مااعرف شنو اتصرف احس روحي ضايعه اريد بس احد يكمش ايدي ويدليني على الطريق الصح

-- سبحت وطلعت لكيتها امحضرتلي ملابس خليجي لبستهن وكعدت بس احسهن ضيكات اعرف راح اترزل من وراهن بس ماحجيت اريد اعرف وين راح توصل بينه هيه اتعدل بوجهي واني صافنه

--استوني حسيت عندي سند عندي من الي يوكف وياي وينصحني من الي يخاف عليه الحمد الله عندي هيج اخت

--يلا خلصت شوفي وجهج ويييبن صافنه غزيلان

--يمج موصافنه- اباوع مغيره شكلي تغير كامل

--تعالي الفلج شالج ولج

--بس حيفلت بس اطلع اعرفه

--هو اني اريده موثابت حتى اتسودني هيج ذبه ولو حرام بس نتحمل اشويه يلا عوفي الجواريب لان شكلج البارحه بالشحاطه جان حلو عجبني لبسيها نفسها

--ؤك بعد احسن

بعدنه ماامخلصين اجت خالتي تركض كالت بالباب كلهم يلا فضنها

طلعنه عالستعجال صعدت شفت صبحه بالمقدمه امنوره السياره

عيع سلمت عليها بستها كالت وين يمصگوعه متركدين يوميه بيت شكل

--بيبي ذوله اهلي مو بالشارع اني

عفتها تحجي واتقدمت شفت بكيزه وزغلول كدامي صافات سوه كاعدات وراهن شعشبونه كاعده شلت ايدي وكلتها من وره خشمي اشلونج ضربتني من وراي حبيبيه ابخاصرتي

كمشت ضحكتي كوه صار مصطفى كدامي صاح هاثوله تعالي اهنا كعدي

--بس انتضر خلي اسلم عالباقي فشله

--شتسلمين يمعوده من هيي اشلونج وصل سلامج

عضيت شفتي لايفضحني كام كال تعالي بالاخير احسن

طلع كدامي واني ورا يمشي ويباوع بوجوهن كال شنو هالوجوه ادري ماخذيجن انزورجن انبعيجن بالعلوه خره بهيج مصباح بهيج اشكول وصل

لهيفاء وسماح كال خوانتن مال واحد يكعدجن بالتقاطع خوش اجيبن افلوس افكور اوجوه مچفيه

وصلنه لعمتي ام مكرم كال هذا النور من فدوه لهل خلقه وعلي تسوين السياره واهلها

-- مصطفى انضبط وكمل طريجك

--يلا يابه لاتكدرين روحج يالكمريه

كمل طريقه واني دنكت سلمت عليها كالت لحكي ابسرعه لزكي بذياله بلكي يطيح حضج اكثر بعد

--عمه لاتحجين عليه فدوه

--ههه الله يحفظكم يبعد عمتج يلا روحي شوفيلج مجان كعدي بي

باوعت مصطفى اشرلي رحت يمه كعدت اجت هيفاء كعدت يمنه صرنه بس 3 بالوره

حركو السياره احمد جان بالمقدمه يم السايق كلتله مصطفى فدوه راح اموت من الحر وين التبريد

انطي مجال بت المنغولي عمي اتكومين المحرك خلي تمشي السياره اشويه

--اكول وين مكرم شو ماهو

--يم مؤتمن مريض ضل وياه

--لويش مريض البارحه للصبح مابي شي كاعد

باوعلي صفح كال واني اشدراج للصبح مابي شي

--هااا اه هيج شفته نشط

--امداج كاسره وجهي بويه ثكلي حلو الثگل

--لاوالله محجيت وياه بس شفته نشط

--والله اخوي رب النشاط من حيث الرابعه راح يجيبها لو رب العالمين مشرع 8 جان هم سواهن مؤتمن

--صدك اشبي مريض

--خبله انتي تدري يدافع عنج ويتركنه غير سمطنه بمخ زمال ونعل ابو اصله من البارحه لليوم يفتر راسه يريد ينفجر بس وروح عمي اذا ماخليتهن يطفرن مااطلع ابن الجحش

--منو الجحش بسلا ابوك ؟

--صدك من كالو ان لم تستحي فاافعل ماشأت انتي اشدخلج بت المنغولي

مارديت نعسانه وهذا يريد واحد فايخ يرد عليه اعرفه يفر السالفه ويطلعني اني الاغلطانه

خليت راسي على متن هيفاء وغمضت رحت بالنوم ماكعدت غير على صوت ضحكت مؤتمن

فتحت اعيوني لكيته واكف يم عمه يسولف ويضحك

--صافووو هذا اشوكت اجه موتكولون مريض اشو اصحى مني واكف كلشي مابي

--عوفج منه وسمعي ضحكت الصخله مرته اتكول محرك كايم

--غير فرحانه برجلها اجه

--وشوفي رجلها اشلون عبرها- الزكه انوب سربتت رجاء من يمها اتريده يكعد مكانها عائله كيشوانيه استغفر الله

--صافوو التبريد راح اموت

--ياااااابه الايسكريم ذاب رحمه لبوكم التبريد لحكونه

اني اضحك على صوت مصطفى ومااشوف غير مؤتمن صار بوجهي جان يباوع لرجليه لان شايلتهن على الكرسي اليمي

غمضت قبل لااترزل اتفاجأت من وصل يمي وكال نزلي رجليج خلي اكعد

نزلت رجليه امبين ناوي يخنكي اليوم جاي بس يريد يطلع روحي موكالو مريض اشصحاك متكلي

ادنيت وودنت هيفاء كعد يمها صار ابصف مصطفى

رجعت راسي على متن هيفاء كملت نومتي

طريقهم كولش طويل اشويه واجت تهاني وكرشها كدامها وصلت يمنه كالته هايبعد روحي بعدك مصخن

--ردي مكانج لج

ردت وهيه متفشله حيل بيها

هيفاء. يخوي اسلاحك كتلني متميله عني

مااعرف اشرد بس يمكن نزعه من متنه وانطاهيا اتضمه وخرت عن متنها علمود اتضمها ابجنطتها كاللها طلعي وياج اجورايب لهاي

--تره عندي اسم شنو هاي

باوعلي صفح ومارد دنك على جهازه يكلب بي

اشكد يدق الواحد شهالمجمتمع الذكوري العايش بي

--مصطفى

--هلا

--جوعانه

--غزل كالماتشوفيني اتكولين جوعانه رحمه لدينج متكلي شتشوفين بجهرتي هسه بويه نوكف يم مطعم وانزل اجيبلج

--موتتعطل

--انكتميييي لج وروح عمي اشمرج من منا هيج جفي بنص الطريق اخليج مثل الصخله التايهه ابصحراء بس امخاطج اتخر

سكتت رجعت راسي بس يفشل بيه اكول هوايه عنده

صدك اشويه وكفو نزلو مؤتمن ومصطفى يجيبون ريوك

--هيفاء اشعجب ردت العلاقه بين احمد ومؤتمن

--جدي كله اذا مترد رجاء لرجلها بعد مالك حق تطالب برجعت غزل

--ورجاء شنو رايها

--يااهيه كاتله روحها اتريد بس ترجع ولج مواتشوفيها هيج هاي اتموت عليه متخبله صار يومين ماعبرها لبالها يضل يتوسل شافته عافها اتسودنت

--ومؤتمن اشلون قبل يردها هيج السهوله موكال بعد ماارجعها

--مؤتمن هم لعبت روحه من تصرفاتها ومشاكلها يريد يخلص سوده عليه هو هم ماله خلك البارحه للصبح يون من الصخونه

--لاحبي مانام يفكر بزواجه الجديد

--ياع منو كلج راح يتزوج لاخيه ماكو هيج شي غير تنجلط تهاني ومنهو هاي الراح ياخذها

--سكتي صعدو لاتحجين بعدين اكلج منو

جابو لفات وجاي وقسم عصير عالاساس عدنه حوامل ميشربن جاي مؤتمن راح كعد يم عمتي بعد مارجع يمنه

رجعت مددت رجليه وكملت نومتي لمن كعدتني هيفاء كالت يلا وصلنه

نزلنه ازدحام كولش الولد جانو يمشون كدامنه وحنه وراهم سمر جانت تعبانه خطيه گوه تمشي وخالتي تمشي وادعي عالسوه بيها هيج واليعجبك يسمعن ويضحكن ولايخافن وكفنه يم محل عمته اشترتلي جادر كالت

لبسي

--عمه تره لابسه مستور ميعتاز

--بعمه بروح موتاج لبسي خلصيني من صعدنه لسه مؤتمن اكل راسي

لبسته وسكتت انوب اجه يمه يحجي ومدنك على الفون مالته اصلا ماامعبرني كال مسحي مكياجج

--تره مامكيجه بس مسكاره خاله

شال راسه خازرني غزل اخدودج مسحيهن ولاتلغين زايد

-- من الشمس هيج ماخاله شي لويش متصدك

--بعد مطلعين مكان اذا متتنقيبن كالها ودار وجه مشي هذه اتخبل رسمي

وصلنه للامام العباس عليه السلام

دااندخل بس سمر بدت تتقيى خطيه مااعرف اشبيها

حبيبه. خيه شو تعالي وياي وانتي غزل ابقي يم البنات لاتتحركي

--تمام بس اخذيها خطيه ابسرعه

--يله يمه سنديها بعديها منا هسه اجيب مي واجي صدك وين زلمنه

--راحو من ذيج الباب ديدخلون

--دروحن اوكفن اهناك قريب من باب الدخول لحد منجيجن

--رحنه اني والبنات وكفنه كدام باب الامام

اباوع مؤتمن دنك على العتبه مال الامام وباسها وضل امدنك اشويه وبعدين كام بس شفته يمسح ادموعه هذا لويش باچي

اكولج هيفاء شنو لازم الواحد يبوس الكاع ويبجي

--عليش خيه

--مااعرف مؤتمن هيج سوه عود لويش

--اوووف اخيه كلبه شبعان ضيم لاحبيبتي هذا العاشگ وحبيبته تاركته يجي لبوالفضل يشكيله منها بلكي اتحن وترد لحضنه

--عزا واذا مارجعت يشور بيها واتموت

--ماادري كلشي يصير -ولج ماكسر كلبج واتشوفين دمعته نازله غزل ليش كلبج اسود والله ميستاهل تره اهواي ذل روحه متكليلي اشوكت اتحنين وترديله

اندارت وضلت تندعي يجاهك يبو الفضل مترد دمعت اخي وتهديها وتردله اجيب الواهليه واجي لحضرتك

اجت خالتي تسحل بسمر الصايره صفره تكسر الكلب كوه تمشي دخلنه جوه داخل الامام لكيت تهاني ورجاء قبلنه امكملات زياره ويردن يطلعن

حبيبه. تعالي خيه لاتضيعين وياي ندخل للضريح

--ؤك خلي اكمشج حيل صدك ازدحام تالي اروح

--اكلج خيه ابروح ابوج انتي اذا دخلتي يسحكنج خليج اهنا وكملي زياره صايره ملحمه واذا خفت اخذج

--تمام حضل يم عمه هياتها روحي انتي

ام مكرم. تعالي لاتيهين خلي اكعدج مجان واكمل زيارتي

رحنه يم مكان خالين بي ترامز مي كعدت كالت لاتتحركين ازور بساع واجي

لميت رجليه وضليت مكاني مااتحرت اخاف اتيه يم اطفال يلعبون اشكد حلوين اكوطفله تزحف صحتلها اجتني يمي امها جانت كاعده كدامي

الطفله اتجنن وصلتلي شلتها اخدودها يخبلت ضليت العبها وهيه تضحك

اجومكرم ومؤتمن مكرم كعد على جهه

و مؤتمن اخذ الطفله من ايدي يلكف بيها وهيه تضحك بصوت عالي وهو يضحك على ضحكتها

خاف عليها تتعب باسها ورجعها الي

اتمدد نام بالكاع ويباوعلنه

--غزل مالله هداج وترجعيلي

--هئ

--ماتردين مثل هاي تلعبين وياها

صارت وانته اشسويت تذكر شمرتني من فوك اني وياها

مارد صفن ابوجهي اخذ نفس وخله ايده على اعيونه ونام

اجه مصطفى واني بعدني العب ويه الطفله كال منين بكتيها ولج

--يااا هياتها امها

--جيبيها لج الله يطيح حظج اشوكت اتبطلين هالحاله عيييب بابا عييب

كالها واخذ مني ضل يلكفها

امها اتباوعلنه وتضحك اتمدد مصطفى وكعدها على بطنه يسولف وياها اشكد مرحه الطفله ولااستغربت

--غزيلان

--همم

--ابروح ابوج متجيبيلنه مثلها

--اخوك راح تجي انطي صبر ماضل شي

--والله لوما بالامام جان كلت كلمه لو يوكفلي نوح اباب الجنه ماادخل بعد ولج خافي ربج تهاني الصخله اتجيب مثلها اشلون دبريتها

--لاالنوب راح اتسميها رجاء كلتها وضحكت

--لابربج خويه ابنيلك غرفه عالسطح هاي من هسه بارت قبل لاتشوف الضوه انطيك بيها اكرنت اتفل بوجهي اذا احد دك بابك

--مؤتمن باوعلنه بس جان امبين تعبان كوه فاتح اعيونه مارد رجع غمض اعيونه

كام مصطفى شال الطفله كال يابه منو ضايعله طفله

--ياعزا مصطفى هياتهم اهلها اسكت

رجع صاح من فقد طفله تبلغ من الطول شبر ونص عليه التوجه لترمز المياه يحجي ويعضعض بالطفله

المريه ميته ضحك تالي كامت كالته بتي

--هاج خويه الله يحفظها الكم

--ويحفظك لشبابك ويزقكم بطفل

--اي والله خاله شيلي ايدج لان اختي ورجلها ايسنه منهم منعرف العطله منين وصلو سن اليأس وكلشي ماكو

--ياخاله يايأس فدوه جنها لعابه صاره ساعه اباوعلها عجبني شكلها

--اي الف رحمه على موتاج اخذيها منريدها

--يااا ينطيها رجلها لوتحجي من كيفك

--يقبل يقبل بس خلصينه ربيها ويه بتج اتكسبين ثواب وحك ربج امخلصه راتبي لفات هاي اذا بقت حتى زواج ماالحك اتزوج

--لعد موزوجهه الله يسلمه موجود ليش مبتلي لو همه الاهل ينطون ويضلون مبتلين

--وين رجلها مايدري عنها مخلصها يزوج ويشمر اني ابتلي

هو يحجي ودفره مؤتمن لان اذا ضل مصطفى ويه المره يحجي يفضحه فضيحه وهيه امبين اتحب تتدخل عادي من شافته اندفر اجه يطيح ضحكت ورجعت مكانها

مؤتمن. روح شوف البنات عليش اتعطلن

راح مصطفى ومؤتمن نام امبين غفه لان سمعته ون ونز رجع غمض خفت عليه ادنيت يمه خليت ايدي على راسه طلع واج نار يفور خله ايده على ايده عصرها ردت اسحبها كال رحميني وحك العباس راح اموت

--موراح تتزوج لاتخاف هيه كم يوم وتنسه بعد حتى مااجي على بالك

--منيلج هذه الحجي وماكو واحد ينسه روحه وحك الكفل زينب اعز من روحي

كعد اتوجه للامام كال وحگ هذااااا العباس ماكو بكلبي غيرج ولايجي يوم واتصير وحده بمكانج

غزل ماطولنه اهنا خلينه نعقد ابروح ابوج لاترديني

اباوعله يحاجيني بتوسل رف قلبي علي بس اكو شي يمنعني سحبت ايدي منه ولميت رجليه مارديت خفت اخطو هيج خطوه خفت ارجعله

ادري ماشفتي شي وياي ادري اهواي ضلمتج بس والله من غيرتي عليج اتسودن من يشوفج واحد غيري ماريد اتذكرين اسم غير انجن كولي امسودن كولي متحيون بس هاي اني هيج اريد اضمج ابكلبي ماريد احد يشوفج ولايسمع صوتج غيري

--مؤتمن هيج احسن النه منكدر انكمل سوه جربنه مانجحنه

-- مااعرف اكعد احجيلج واتغزل بيج مثل الشباب هالوكت لان ماشايف بحياتي غير الدواوين بس وحك علي ابن ابي طالب لاو احد حب ولايجي يوم واحد يعشگ ابكد مااعشكتج غزل تمشين ويه دمي انتي

--مااصدك بيك بعد

-- يابه وحك العباس اعششگج رحميني دخيل ربج

وحك هذا الضريح ليالي ماانامه افكر بيج

شافني مارديت سكت كال ابراحتج غزل انتجه على الحايط و طبك رجلي وجتف عينه بالامام بس اعيونه بيهن حسره اشوفهن يلمعن

والله احبك بس اخاف ارجعلك اشلون افهمك كل الباله انو مااحبك وهيج اسوي وياك لاوالله اخاف ارجع وترجع الطبعك وتأاذيني

ضلينه اثنينه تايهين كاعدين كلمن كلبه يم الثاني بس البعد بينه قارات خفت منه من المستقبل ويا مؤتمن مريض مال غيره راح يعذبني

امنيته يحبسني ويمنعني عن البشر اراح اشوف الضيم ويا ماراح يكدر يسعدني ابكد مايحبني راح يعذبني

اجن البنات امه كعدت يمه تتلمس راسه بعد ايدها وكام كلها مابيه شي خليكم اهنا علمااكمل صلاتي ونطلع لاتضلن كلمن ابجهه

راح وكف بكتر الزلم جان مصطفى واكف يصلي وكف صله يمه

ام مؤتمن. فضنها ويلا ورانا طريج لاتضلن كل وحده مجان وين الباقيات

--عمه من دخلنه طلعن يشترن اشياء

--وانتي بت الفاهيه شنهو باگيه يم اخوج هاي رجاء راح ترجع اشوكت اتردين

--باقيه ابيت اخوي لويش ارجع

--ووف يغزيلان لوبس اطيحين بيدي اذا فركت حلكج الفاهي واعلمج اشلون تحجين بس اخ منه كامشنه عنج

مارديت عفتها تنبح وحدها انداريت لجهة الولد لكيت مصطفى يسبح ومؤتمن ساجد بس طول بالسجود اشكد ضليت اباوعله وهو بعد

كام مصطفى ودخل للامام يزور خفت صارله شي اشويه وكام

اووف كلبي اجه يوكف راح للامام هم دنك باس العتبه وكام دخل يكمل زياره طلع مصطفى طيار مدري اشلون يزور على السريع حتى صلاته هم اجه يمنه كال هاكملتن

عمتي. وين يعمه اكضهن منا يطشرن منا اتكول افرخ دجاج

-- عمه ربطيهن اشكد اعلم بيج حبل وبركابهن وسحل

--اي والله يعمه ميفيد غير هيج وياهن وين اخيك

--اخيي عنده اربع نسوان كل وحده دعوه رادلهن وكت خاصه من يوصل للثوله يغص يتيه ويرجع يعيد العدد حضوظ العالم وحده ماامحصله وهو قبط ليكدام

مستمر يحجي عليه ميدري صار ورا لمن ضربه على علباته كله متزوج اكو واحد كامشك

دنك مصطفى وضحك رد والله يخوي كرهتني بالزواج من اشوف اشلون امسودناتك

--چاانجب ولاتلغي يلا امشونه

طلعنه كعدنه بره اتغدينه الجو حار بس اهون من البصره لازينه اهنا حلو صح بي اشويه حماوه بس اهون ذبيت الجادر اشرلي مؤتمن عاكد احواجبه ايريد ياكلني

اشكد حقنه رجعت لبسته انوب عاصر اخدودي صار حز كام يحركني كل اشويه اغسل وجهي اخر شي صرخت بيبي كالت ركدييي راح اتصلخيج جلدج يالفاهيه

--بيبي ديحركني من الحر لعد شسوي

--انعدلي احچي عدل لاتعوجين لسانج يالخوثه

--هههههه هو لوماخوثه مااعوف امريكا واكابلكم

--يااع ولكم گضوها جيبوها لجاي ولج بت الفاهيه وياي تحجين

-- لابيبي ويه مصطفى دااحجي

--نفس الصخام انتي ويا اني ادري الله منين بلانه بيكم

شالت اديه اتريد تندعي اول مكالت ابجاهك صاح مؤتمن گولي يااااالله جده عوفي العالم شرايده منهم

-- والله اتسكتني لخاطر هالمصاگيع

--چاذوله المصاكيع شنهو من الشارع موش الي

انتبهت لمؤتمن اشكد يخاف من الدعاوي ضلينه ناكل وهو راح ويه تهاني بعد عركه اشكبرها اتريد غراض

سماح كعدت يمي مااعرف هاي الابنيه لويش امضيعه حقوقها بيدها اشوكت تاخذ حقها ماادري كاضيتها هم وبجي اشكد كاسره خاطرنه

مكرم ماهن يشوفها هيج كاللها كومي نتمشه

--اني وياكم فدوه

--خرب بيج على هالطفره كمزتيني يلا كومي وانته ابو الصوف متجي

--لايابه عليش مااجي كومي هيفاء خويه ويانه

رحنه وباهم افترينا اخذون مكان بس مي وبطوط يسبحن جان مكان كولش حلو جابو موطه ذبيت الجادر خلصت مؤتمن ماهو كعدنه المكان حلو وبارد صارت العصريه وحنا بعدنه اشكد اخذنه صور احنه انصور وجانت ابنيه ورانا اتباوع لمصطفى ضحكتني وانوب هو مسوي روحه اثكيل

--مصطفى اجيبلك رقمها

--يلا بيج حظ وتسويها

--مواستوك جنت بالامام طارت زيارتك

--هسه دروحي جيبيلي رقمها وارجع ازور مره ثانيه

--اشكد تدفع شنو حتشتريلي

--اسمملج شعشبونه واذا جبتي الانسته اشوهلج صبوحه

--روح جيبلي مي متت عطش

--ولي يم البنات هسه اجيبلج قز القرط كالها وراح

خطر على بالي اضحك علىه رحت للابنيه كلتلها فدوه بلكي اتصل من فونج ماعندي رصيد وهذا اخوي راح يجيب مي ونسيت اوصي على عصير

--هاج عيني كدامج

عزا ابعينها لبالي راح اتعبني اشو ماصدكت اخذته اتصلت بي اول رنه رد

-- هلو صافو جيبلي عصير ولاتنسه سم لشعشبونه وشويه بطش لوجه صبوحه

--ههههااي ذيبه بت فريال انقلعي

سديته اتشكرت منها ورجعته داارجع كالت منين انتم

--من البصره

--اشو مامبينه لهجتج تختلف

--اي زوجي من البصره بس اني بغداد

اها يعني هذا الولد الجنتي ويا زوجج

--لاهذا اخوي زوجي بقه يم الامام يزور

--اها الله يخليهم الج

عفتها ورحت اكيد ميطولون اسبوع اذا ماوكعته للخطبه عزا اشكد وكحه وتتسال واني زوجي استحي اباوع بوجهه مو اتخازر ويا هالشكل

اجه مصطفى شارك حلكه يضحك وصل يمي وطكها ضحكه كال دخيلج مو اشوها ماكو غير خيار

--ماكو انته كلت اشوها خليك كد كلمتك

--دكمشي هذا العصير

اخذته واجه مكرم اخذ الثاني سماح اكتفت بالمي هيفاء كاعده صافنه امدولغه بمكرم اتخاف عينه اتروح منا لومنا

خلص البطل مالت العصير عطشت اول مافتحت حلكي كلت مصطفى لطم كصته كال عطشتي مو

--اجيبلك رقم ذيج العجوز لان بس مي اريد

--بعد كولها بطريقه افهه من هاي- الغسل شنهو اريد اسرحهه بالنعجات شصخم بيها يلا خلي نرجع صار الغروب اشتريلج بالطريق

رجعني للامام لكيناهم واصلين امجهزين لبتهم كومه اشياء ملات طفل املونه اتخبل مصطفى كمشهم تصنيف جايبين وردي وابوها مؤتمن اكيد تطلع عليه

تهاني. لايكولون الرجال اذا يحب حرمته تطلع البت عليها

--اها يعني تطلع تشبه غزل لاهيج حضها بالسمه

--شنهو غزل تره بنتي هاي

--چاخويه خليها على ابوها اهون دخيل ربج فرقج عن بلال الحبشي بس الشعر

--هو يسولف واني ميته ضحك كامشها خطيه تصنيف وهيه اتكمز من القهر يمه لمن شهكت

ودموعي نزلت من الضحك مسحت ادموعي شلت راسي لكيت مؤتمن يبتسم على ضحكتي صاح مصطفى يالفطيره على شنو اتضحكين غير شريجتج هاي

--ولك شخليت بيها غير لواني منها احرك وجهي بعد هذا التصنيف

--ميحتاج الله حاركه من كاعهه يدري معوزين نفط

--شنو بسلا خلصته على العج---- عضيت شفتي ومصطفى ضرب كصتهه مؤتمن رفع حاجبه يباوع لمصطفى بعدين ضحك وهز ايده كال يله يابه امشونه استغفر الله

عزا فلتتهه بس همزين اخذها بروح رياضيه ماكال شي

رجعنه للسياره الطريق كله نايمه على رجل هيفاء همزين الاخير فارغ بس اني وهيفاء ماكعدت لمن وصلو همه نزلو قبلنه وحنه رجعنه لبيتنه لزلت امكسره بس شبعانه نوم

دخلت رجاء صاحت غزل صعدي غراضي

--والله عندج ادين واتكدرين اتصعدين فأاختصريها ولااتضلين تتامرين تره محد راح يصعدهن

--يااامن اشوكت طلع لسانج لونسيتي كتلت مؤتمن

--لج بابه دطيري انتي ومؤتمن اليسمع يكول مؤتمن بي حظ هو كدرته بس عليه يصكع بيه بي حظ ذاك اليوم كتله الولد خلفله على مصطفى فازعله

--ياااا اذا ماخابرته واخلي يجي يعلمج المابي حظ منو سهلا يغزيلان

--ركضت خالتي كالتلها يمه دهدي اني اصعد الغراض دخيلج لاتردين المشاكل هسه هم يتعاركون احمد ومؤتمن ماعونه يهدئون

شفت خالتي صدك جاي اتشيل وذيج راحت تتمخطر صعدت وعافتها

اشكد احترك كلبي اجيت اخذتهن من ايدها كلتلها اني اصعدها وخري

--بعد خالتج بس اهدي

--وخرري محد فرعنهم غيرجن

اخذتهن وعفت خالتي تتوسل وراي مااسويلي عركه صعدت وصلت لغرفتها دفرتها وشمرت الغراض كلها بالكاع كمت اكمش العلاكه من جوه وفرغها علي طول الممر لمن شوطتها عفيها اتهوس لان صارت الشغله اصعب عليها ونزلت لكيت خالتي الاتباوعلي بعدم رضه

--امشي خاله والله اذا سمعت بيج مشتغلتلها اسويها مصيبه

--يمه غزل بعد امج عقلي يحبيبه اتأاذيج هاي

--مااعليج اشربها من دوه مصطفى اسطرها اسبوع

--يبووو يبوو دوه مصطفى اصخام غزل يمه انتي بدون مصطفى عقلج اشلونه انوب هذا راح يسودنج

--هههه لاوالله عمه فدوه لعمره هذا دواهم

--الله يحفضكم من شرهم ييمه

رجعت للغرفه لكيت سمر نايمه خطيه فاكه حلكها مت التعب اني هم طلعت وسديت الباب خطيه اخاف تكعد اخذت دوش واتمددت بالصاله ماقبل احمد كال عليش اهنا

خطيه سمر تعبانه اخاف تكعد خليها اني مونعسانه دااباوع

-- غزل بعدج على كلامج

--ياهو منهم هنه اهواي

--اتزوج

--اي طبعا وشتريد اني حاضره تأامر من اعيوني

--من اروح فدوه لخيتي كالها وكام اشكد خونه الزلم يحب ويتمعشك ويفكر بغير اويلي ولاينعدلون

اتصلت بماما ضليت لوجه الصبح اسولف وياها ماخليت شي ماسولفته وهيه تضحك خاصه من اوصل لصافوو كالت والله خليتي ابنفسي اتعرف عليه

--ياماما فدوه لعمره يجنن فد حباب

--الله يهدي يماما ويضل عينه بيج ويوكفلج

لمحت سيف مر من يمها مااعرف شنو حسيت بس شي من الماضي مر من كدامي وكف كال اشلونج لواخاف اسببلج ازعاج

--لاماكو ازعاج الحمد الله انته اشلونك

--باقين على التأمل مرتاحه غزل

--مم مرتاحه ذوله اهلي

--دوم ان شاء الله اتكونين بخير كالها وراح غمضت اريد اوخره من راسي مااريد اذكر القديم فتحت عيني طفرت من لكيت رجاء كدامي

--يمه كمشت كلبي اشبيج جنج جني سوي صوت

--بعدج ويه سيف لاومغمضه وعايشه اجواء

--يااا عزا ابعينج يااجواء دااحجي ويه ماما

--لاحبيبتي واكفه اول ماجنتي تحجين ويه امج على الزياره تره وهيه وتاامله

--رجاء لاتضلين اتلعبين وياي لعبة البزون والفاره تره وحق الله اطيح حظج

--خلي انشوف حظ منو الراح يطيح كالتها وراحت

--استغفر الله بسلا اتكول المؤتمن واذا كالتله شنو فد مندله اصلا مومن حقه يحجي

رجعت نمت مر كم يوم بين جر وعر ويا رجاء بس وكفتلها عضم بالبلعون طينت عيشتها احمد ميكدر يحجي يخاف اكطع عنه الامدادات يسمع ويغلس

خليها تكمش نوبه بالشغل وكل ماتحجي ارد محد كلج تعالي لويش مابقيتي يم اهلج واحنه ماعدنه مانع انزوج احمد من الصبح اخوي الف وحده تتمنا

--دزوجي وشوفي شنهو اعمل

--هه شتسوين متكدرين اتفكين حلكج اول كلمه اخلي يطلگج

--احمدددد تسمع

احمد. اشش هسج ولج منا العالم

--يعني متسكت اختك

--واختي شنهو حجت غلط انضبي واشتغلي يلا

--هسه اخبر مؤتمن ونشوف

--اول ميوصل مؤتمن للباب اتردين وياه لاتضلين اتلغثين كالها وندار كعد شفتها مثل الخافت ردت تشتغل وهيه ساكته

--احمد

--هلا خويه

--كوم جيب افلوس من مؤتمن كله غزل معتازه اريد اطلع

--ترانه ذاك الاسبوع اخذنه وين خلصتيهن

--من طلعنه للسوك اشتريت اشياء السمر خطيه اتعدلت نفسيتها اشويه وفرهت متشوفها اشلون اتغيرت ومرتاحه

--يلا هسه اروح اشكد تردين اكله

--انته بس كله هو حيعرف اشكد ينطيك

طلع يجيب افلوس واني وحبيبه استعدينه للطلعه لان اعرف حالتها تعبانه متسمح خطيه

استونه خلصنه دخل احمد انطاني ضرف وكال يلا ماطولني بعدني ماامغير خلي اخذجن بطريچي

طلعنه وياه وصلنه كال ساعتين واجي

حبيبه. يخوي ميگفن خلها 3 ابروح ابوك

--يلا فضنها بس لاتخلصن الفلوس فشله من مؤتمن

--لامنخلص يلا الله وياك كالتها وجرت ايدي رحنه دخلنه للسوك

اشترت كم حاجه شفتها استحت بطلت كلتلها اشبيج لويش بطلتي

--لاخيه كافي الله يزيد خيرج

-- افلوس ومن مؤتمن على شنو مستحيه صدك تحجين

--غزل هم خطيه هذا تعبه

--ولويش من تعبه وين افلوس هالسنين مالتي خلي يطلعوها لويش باقي ابختهم

--يعني اخذ بعد حاجه

--شنو حاجه لج اخذي باجر حسحب بعد اذا ماكعدتهم على الحديد بسيطه جدو

--اخذت الها واني اشيل واشمر بعد عليهه ماخليت لاجهالهه ولالبيتها شنو معتازه خليها تاخذ

--مارجعنه واله واحنه شايلين السوك كله

--رجاء تطحن ميته قهر اسمعها اتخابر اخوها مااسمع شيرد بس يمكن يحذرها لان اتسده منه اتفور اكثر

--وصيت احمد جاب كاونتر جديد وكم شغله للبيت معتازينهن خلصن الفلوس

-- هسه اذا دزيت اجيب من مؤتمن يمكن يخلي طلقه ابراسي هالكد ماطلبت

--بس السبلت مالتنه بالغرفه صاير حار والجو يخبل بدين انصهر بس متحمله من اتذكر شكل مؤتمن اذا طلبت منه بعد

بليل كاعدين اندكت الباب كام احمد يفتح الباب صاح حي الله اتفضل

منو هذا اليي يتفضل وحنه كاعدات بلا حجاب هسه اني ميخالف سالفه مصطفى شعرج ماضل وحد بالكره الارضيه ماشافه بس هاي عالاساس شريفه رجاء

دخل احمد ورا مؤتمن سحبت الغتره مالت احمد على الميز خليتها على راسي مو استشراف لاوالله بس حبيت اغثه

خلي يشوف اشلون اتحرمت عليه وهو من صدك سلم وكعد بس امبين احتقن من شافني غطيت شعري ركضت رجاء كعدت يمه وسحبت ايده فاتت بحضنه هو من باسها وضل يحجي وياها عن اخبارها واذا معتازه شي عفتهم يسولفون رحت للمطبخ سويت عصير خالتي كاعده يمهم

حضرت مي والعصير صحت لحمد اجه اخذهن رحت للغرفه اتفقد خلقتي لفيت شعري ليفوك ولبست الشال اتراكي زين موقصيف ضليت بالغرفه لمن سمعته يريد يطلع طلعت لكيته واكف وارجاء ابحضنه شافتني كالتله

صدك مؤتمن حبيبي عندي حجي وياك عن موضوع

عرفتها راح اتلوصها وتجذب لحدمن اضلن خايفه واضمم اخاف تفتن قبل لاتحجي كلتله تره جنت دااحجي ويا ماما

--رد اي وشنو الصار

ردات تحجي سكتتها ابسرعه مصار شي بس جنت دااحجي ويه ماما ومر سيف يعني عادي سلم وراح بس

رجاء. شنو بس سلم غزيلان

--اني لواريد احجي ويا تره مااجي احجي كدامكم اكو اختراع اسمه غرفه اكدر احجي بيها وموكل اليذبله كلمه اني اتحاسب عليها اشهالتخلف العدج وبعدين عندي اخو هو المسؤل عني تره وجان واكف لوشايف شي غلط جان حجه

احمد. اني واكف ماسمعته كال شي وهو المربيها على ايده مامعقوله من تالي اجي احاسبه هم خلف الله على الولد حافظ عليها هاي السنين كلها وانتي اشوكت اتبطلين كلكله

هاي كلها مؤتمن ماحجه جان يباوع لحذائه ويحك بگصته احسه على ساعه وينفجر شال راسه باوعلي اخذ نفس كال سهلا راد يطلع كلتله اوكف اندار امري

-+اريد افلوس

--عكد حاجبه كال وين اتوديهن انتي

--اريد تبريد للغرفه عطلان حموت حر

--سهلا باجر يجيج تبريد رايد شي ثاني

--ييي اريد اطلع اشتري سرير غير هذا يتعب بالنوم

--مم بعد شنو

--اريد اروح للصالون

رجاء. يخوي سمعتها اتكول لحبيبه اريد اكص شعري

مؤتمن. اذا صدك مره حوك كون اتعملها واداعت امي اكص راسج ورا لعب جهال لاتلعبين انعدلي غزل

--مؤتمن حتى افلوس مااريد لاتضل اطلع حجج

عفتهم ورجعت الغرفتي اشكد غثه ومتسلط اني ماحرك كلبي مؤتمن لااحمد البوخه اول صوت طفر اشكد جبان طلع اشويه واجت خالتي بيدها افلوس انطتنياهن كال يمه عليش اتحركين ابكلبه

--خاله اشسويت تره اخته اطفر

--عوفج من التطفر اول مااجه دخلتي قابل جاي يشوفني تانه لمن مل وكام عليش يمه هالكد شالعه كلبه خطيه

--بس اريد اعرف لويش هالكد اتحبو تره والله ميسوه

--يااا ولج لوماهو ذوله كلهم يتيهون لبالج اخوج ابراسه خير صح ابني بس ييمه هو لامهم وموكفهم على رجليهم بدونه يتيهون جامنهو اشترالنه هذا البيت غيره جا هسه اني بعدني بيت اخوتي لو باقيه على احمد

--عوفج منه باجر خلي انروح لعمه تره اشتاقتيلها صار اهواي مرايحه

--ميخالف بس مو باجر خليها للجمعه لخاطر الولد كاعدين ماعدهم شغل

--مرن يومين ماكو شي هدوء الحمد الله رجاء كامت تمشي عدل وتشتغل بعد مالها شغل بسمر كل همه بااحمد مشغوله بي حاسه دايلعب ابذيله وهيه متخبله وضاله بس اتعدل بروحها ناسيتنه

بليل دوم اشتاق اله بس حتى صفحته حاضرته مااكدر بعد ادخل الها كلبي مكسور عليه خاصه اخر مره اجانه اشلون استقبلته وطلع منا كلبه مكسور ماهان عليه سويت حساب سويسري وانطيته طلب صداقه ضليت اشكد متانيه ماكو موافقه دزيت لايك هم ماكو

ايست رجعت جهازي ونمت

نايمه اجاني شعار اباوع الساعه 12 كمت فتحت الفون لكيته تم الموافقه على طلب الصداقه الذي ارستله

رجعت اجاني مسج فتحته لكيت علامه استفهام

عزا اشكد زاحف اول مشاف اسم ابنيه قبل اشكد فارغ نيم نسوانه وبلش بالخاص

--دزيتله مرحبا

--هلا يابه اتفضلي

صفنت اشنو احجي ويا اشكد ضليت صافنه انوب اني كتابتي امبعثره كوه اتهجه يالله اكتب ساعه علمااكتب جمله

رجع دز علامه استفهام كال بنيتي اذا ماعندج شي لاتلعبين روحي نامي

--شنو دالعب تره اني موبت شارع بس هيج شفت صفحتك حبيت اتعرف عليك واعرف اشويه امور عنك

+-اي تمام ياهلا شحابه اتعرفين

--متزوج لو سنكل

--لامتزوج واكثر من وحده

--كم وحده متزوج

-+2 وحده مطلكها وهسه الرابعه على الطريق

--شنو عندك مرض مال زواج

-+عفوآ؟

--لااسفه بس لويش اتريد تتزوج بعد شنو مامكفياتك زوجاتك

--لاشفتها حلوه وبت عالم وزغيره واني كلبي ضعيف يم الحلوات دخلت وتربعت اردتها بالحلال خومواخليها ابنفسي

--لاعيني لويش حتى دااتخليها ابنفسك ماطول حبيتها زين زوجتك لويش طلكتها

--زعطوطه ومتفتهم مزعجه فوضويه متمرده اتريدلك شغله زينه بيها ماكو اكبر غلطه من فكرت اتزوجها ولو هو انغصبت عليها جا ضلت بالشارع محد يلفها كلت اكسب ثواب بيها بس لو جايبلي ترمز ماي وخاله باب جامع اهواي احسلي من ثوابها

--عزاا دتحجي صدك

--عليش بويه اكو واحد كلج امجذب من قبل ؟

--هاا لا بس يعني ماحبيتها ابد

--لاطبعا هاي شنو احبها يابه اكلج غلطه والحمد الله خلصت منها لاتذكريني بيها رجاءا اتعكرين مزاجي واني استوني غلقت النقال ويه الحب لاتخربين مزاجي

--يعني اتحب هاي الجديده

--هاي العشگ شنهو اكول بحقها قليل بت ماشاء الله كامله مكمله وان شاء الله اتكون اخر وحده هاي لان احس روحي استكفيت بيها جمال وادب وخلاق وقبل كلشي احسها النفس اليصعد وينزل

الله يكطع النفس مالتك كول امين اخ يمه متت قهر هو يكتب واني اطفر قهر شهالنذاله العنده اريد اشوف وين اوصل ويا لخاطر اذا فك حلكه اخليهن ابوجها كتبتله يعني ماناوي بعد اتردها

--منهو هاي الي اردها

--مرتك المطلكها شنو نسيتها

--اهووو يابه اصلا شلطشتي بيها اكلج ماضي واتندمت علي متسوه دينار بسوك النسوان هم حاسبه روحه مره تره الطفل يفتهم اكثر منها

--الله ياخذك منو المتسوه اااااا يمه كون يمي جان عضيته لمن اكطع نفسه

--شنو نمتي؟

--لاهياني دااكل واراسلك سووري اتعطلت عليك عندي سؤال بس محرجه اكوللو عيب

--افا كولي يابه لاتخجلين

--اذا اتعرفنه على بعض وحبينه بعض ممكن نتزوج لولا

-+والله حسب يجوز احبج بالمستقبل عليش لا واتصيرين من قسمتي

(قسمت البين ان شالله وحبتك حيه )

--بس اذا اتزوجنه هيج راح تحرم عليك مرتك المطلكها مراح يكون الها مكان بعد

--ومنهو كلج راح اردها يابه لوتبقى بس هيه هم ماراح اخليها مره الي ماصدكت اخلص من جهرتها ورعونتها جنها جدي خنجر خبله المن رادها

--امم تمام اشوكت حتتزوج هاي الجديده

--ماضل شي بس امتانين الحجز من الخارج يوصل لان حبيبتي ذوقها رفيع مامتوفر اهنا اطريت احجزلها من بره على العموم اعزمج للعرس ان شاء الله ويلا اتاخر الوقت يعله كلبي مسحي الصفحه وروحي نامي واذا لكفتج امسويه صفحه مره ثانيه اتعرفين عقوبتج

عزا اشعرفه هذا خرب هذا الوقت كوله يلعب على اعصابي اريد امسح الصفحه مااعرف من الارتباك لاواني نازله الثوله يمكن اتحبك ثول اي والله ثول يلا هيج احسن دنامي

كعدت الصبح كوه النعسه بعدها ابعيني بس عدنه شغل اليوم معزومين بيت عمه ام مكرم كمت لكيتهم كلهم كاعدين يتريكون صبحت عليهم خالتي كال ماضليتي نايمه يمه ومن انروح اكعدج

--لاخاله هم يالله خطيه انروح انساعد عمه عدها شغل وهيه وحدها

غسلت على السريع كعدت اكل وياهم كام احمد كال من اتخلصون صيحولي اني بصاعد غرفتي

كملنه على السريع كلمن كمشت شغله رحت سبحت بين ماكملت سبح ومشطت صارت العشره لبسنه وكل دقيقه عمه اتخابر وين صرتو هاي كولها ابجها واشلون حباوع بوجه مؤتمن اليوم بجهه اشكد احماره اني تف على وجهي صدگ كاسره وجه مصطفى

طلعت وسديت باب الغرفه احس شي خطف الكلبي مااعرفت انو هاي اخر امره انام بهاي الغرفه وخر نضره الي بهذه البيت طلعنه سدينه الباب صعدنه السياره وصلنه لبيت عمه نزلت على السريع مستعجله على اجلي لواعرف هذا اليوم الي راح يرجعني لنقطه النهايه ودمار حياتي مجان وصلت ولاطلبت من خاله اتجيبني

دخلنه اتكلتني عمتي اشكد مشتاقه لبيت عمه وكعداتنا اني وياها اشكد كضيت ايام حلوه بهذا البيت اشكد اتعلمت اشياء اباوع للطارمه اتذكرت من صحت عمه زوجيني ههههه دومي اوكع نفسي بشغلات موكدها

دخل مكرم صاح غزاله مي خويه جيبيلنه

رحت للمطبخ حضرت دولكه مي طلعت انطيته

اكلك وين مؤتمن

--بالبستان يفتر ويه مصطفى عليش اتسالين

--حتى اشتغل ابراحتي

--اهااا يلا جااهمي ايدج غسلي الطارمه ونشفيها

تمام كلتها ورفعت الكلبيه من الاصفاح شفت غتره مكرم ركضت اخذتها وشمرت الشال لبستها

مكانه ولفيتها

وبلشت انضف الطارمه اجت سمر ساعدتني ادري عينها بمكرم مااعرف حظ هاي الابنيه بالمكان الخطئ دائما مااعرف الدنيا جايه وياها عوجه وين وتلكفج هيفاء غير اتشحطج بالنص اجه مكرم كال كملن ودخلن لاتضلن بره

بس اخلص ماضل شي سمر انتي دخلي لاتتخربطين حاره

رجاء جانت كاعده على الدرج اصلا ماحركت روحها ولاساعدت احد اشكد بيها سم عيع

راحت سمر واني ضليت اكمل ماضل شي اندكت الباب رحت فتحتها طلع مصطفى غمني ودخل كال هم حاسبه روحه مره وام بيت هز ايده

--وين اخوك

--وانتي شكو عليش اتسالين

--لابس كالو وياك شنو بسلا سويت بي شي؟

--هيي من اجي اعفس خلقتج هم يكولون عليش ولي لج من طريجي

رجعت اكمل الغسل اندكت الباب صحت اهووو لاتضلون كل اشويه واحد جاي تعالو كلكن سوه فتحت الباب واني مستمره بالحجي

واشوف كدامي فهد واكف جان مدنك بي بعدين شال راسه كال اشلونج

--هلافهد هسه اصيحلك مكرم

-- لاترحين انتضري

--خير فهد شنو اكو

--رجعتي لرجلج

-- لا بس حتى لو رجعت هذا الشي ميخصك لان من البدايه كلتلك اني مااتزوج

--كلتلج اخذي وقتج ومارجعتيلي خبر كلت اتفكر

--اني حسمتها وين اختك من البدايه رجائآ فهد كافي المشكال الي احياتي لاتزودها

--شنهو سبب رفضج ممكن اعرف

--هذا الشي راجعلي

--يجوز اكو امور رايدتها واني اكدر احققها الج

--اصلا الزواج من اصله مو ابالي مامفكره بي حاليا

--يعني اكو امل انتضر بعد

--فهد انته واعي على شنو دااحجي تره دااكلك مااريد اتزوج لاراح ارجع لزوجي ولاراح اتزوج من الاصل

--هو يحجي وصوت عمتي وراي كالت شتسوين ولج

--انداريت شفتها جايه يمي اول ماوصلت دااكلها عمه هذا جاي علي مكرم بس مالحكت لان اول ماوصلت صرخت يمممممه وسحبتني حيل

--اتفاجأت من صرختها بس صوت سحبت اقسام مالت سلاح الي خلانه ننتبه للكدامنه اندارينه اثنينه

لكينه مؤتمن واكف وارفع السلاح علينه قبل

لااتشاهد واسمع حس الطلقه ثارت وفهد طاح --

الخامس والعشرين من هنا

تعديل المقال