رواية الهجرس الفصل الثاني والعشرين 22 بقلم رواء هادي
بقى واكف ويباوعلي شلون مرعوبة وارجف من الخوف اندارت جديتي حلوة متعصبه مني ومنه وكفت كدامه مباشرةً هو مستغرب
ومايعرف شسالفة ؟!
هجرس_ خير جدة ؟
حلوة_ياخير هذا ليجي من وراك فرقد
هجرس_ليش شمسوي ؟!
حلوة_شنو هالكلام لسمعته من سلسبيل
هجرس_كلاميش ؟
حلوة_بعرس مناوي من باتت عدنه هي واهلها انت متحرش بيها وطالب منها تزوجك زواج
متعةصح هالكلام ؟
هجرس_اي صح هذا الكلام
حلوة_وفوكاها ترد بكل برود
هجرس_گلت الصدك
حلوة_ولك شگلت لنفسك من
تحرشت بت أقاربك...
هجرس_جدة سدي الموضوع
حلوة_شسد ولك صخام راسك وراس الخلفوك شلون تجرئ وهيج تسوي بت الناس شلووون فهمني
شلون نفسك تدنى عليها
هجرس_دنت وخلص ليش تكبرين الموضوع وتوصلي للكل وتصير مشاكل بين العائلتين هي هوينها وماحجت ولاشكت ولاگالت
لاهلها جدة سدي الموضوع
حلوة_تخاف منك وماگالت بس
فهمني شنو جانت غايتك ؟
هجرس_غايتي ؟
حلوة_اي غايتك شنو ؟ من هاي افعالك القذرة
وانه ادري بيك ماعندك هيج افعال
بيقت واكفة وابجي باوعلي بسرعة جريت انظاري عنه ورحت وكفت وره ظهر جديتي حلوة اخاف
منه اخذ نفس وراها زفر وگال بهدوء
هجرس_قصدج جانت عندي غاية
من تحرشت بيها ؟
حلوة_اي ؟
هجرس_غلطانة جدة
حلوة_لا تنكر الموضوع جنت تريدها
تخافك وماتقبل بيك
هجرس_لا جانت مجرد نزوه
حلوة_ جذاب
هجرس_وعليش اجذب گلت الصدك وثاني شي هي حلوة وي رجال غيري يشوفها كدامه
يحاول يقترب لها
رخت ايدها وجابته براشدي فرت وجه فر لزم خده مصدوم من الراشدي اللي اكله واني متت بدمي كمت ابجي بسكوت اخاف يتخبل عليها ويجرني من وراها
حلوة_اكسر راسك وراس الخلفوك افتهمت لو لا وهسه تعتذر منها كدامي اريد
يلا اعتذر هجرس
نزل ايده وعيونه عليًّ تركزت وگال بهدوء"
مامسوي غلط علمود اعتذر
جرته بأثنين ايديها من تيشيرته ...وجرته عليها انوب هو شطوله وجديتي ضايعة كدامه شفايفي كاموا يرجفون من المظهر عبالك كاعدة بفلم رعب مو نقاش عائلي .
حلوة_تعتذر وغصبا على راسك اريد
هجرس_ماعتذر لو على كص ركبتي
حلوة_تعاندني هجرس
هجرس _ مامسوي غلط علمود اعتذر وهاي هي كدامج راضيه بلي اسوي بيها وفرحانة لان اقتربلها هي تريدني بس خجلانه تگول اريد فرقد
رجعت ضربته راشدي ثاني هو واكف كدامه ماينطي رد فعل ولا يصيح بيها " فرقققد لتخبلتي ولك ولك شنو هاي افعالك القذرة وين اخلاقك وين
تربيتك لربيتها لك انه وجدك وينهااا
هجرس_راحت كلها كدامي سلي
جرعت جرته مرة الثانية هو ضحك وگال "
على كيفج جدة راح تشككين التيشيرت على جسمي مثل زليخة من شككته على النبي يوسف هههه
فكيت عيونها متفاجأه بي وبروده رجعت جابته براشدي ثالث شبعته راشديات بعد بيتي "
حلوة_فوكاها تستهزء
هجرس_ مادامها كدامي واكفة وتباوعلي ابقى هادء وياج وماسوي رد فعل جدة عادي تعوفيني خطية جاي تبجي خل أروح امسح دموعها
من گال هيج بعدت بسرعة رحت وكفت بصف الكنتور ابجي اخاف يتحرش بي وجدة حلوة ماتكدرله رجعت تضرب بي وتعلط هو
ماهامه شي عادي وبارد
تذكرت رد فعله مثل قبل من تحرش بي وراد يغتصبني هم هيج جانت باردة وهادئه لزم
ايديها.ألاثنين قوي وگاللها
هجرس_مو ترديني اخذها
حلوة_اي اريدك تاخذها ماريدك تأذيها
هجرس_مستعد اخذها بس مامستعد ابقى وياها
حلوة_شنو قصدك ؟
هجرس_مانكر عندي رغبة اقترب لها بس ماعندي رغبة اتزوجها واخلف منها واسويها
شريكة حياتي
حلوة_ فرقد من شوكت تفكيرك هيج قذر
هجرس_ من زمان جدة بس
مسيطر على نفسي كدامها
حلوة_ولك عوف ايديه
عاف ايديها وگال "
لا تحلمين اتزوجج زواج حقيقي لو تبقين اخر مره بهذا الكون بس اتزوجج زواج متعة
خنسيت للأبد ولساني ربط ماكدرت ارد عليه بكلمة وحدة من الخوف اندار إتجاه الباب راحت وراه جديتي تحجي ويا هو مايسمع منها
فتح الباب راد يطلع
لزمته من زنده قوي "
لا تحلم اخليك تلمس شعره وحدة
من شعر رأسها
دار وجه عليها وشال ايدها وگال "
لو اريد كدامج المسها بس ماريد
ومالي رغبة اليوم
شكد مابيها قوى جابته براشدي طفت عينه سد عينه بقوة مبين من ملامح وجه تألم قبض على
ايديه قوي وگاللها
_طفيتي عيني
_واطفيلك الثانية ادبسززز
فتح الباب قوي وطلع طلعت وراه بسرعة وعافتني الواحدي بالغرفة ابجي بسرعة مسحت دموعي وردت اطلع وكفت كدام الباب بعد مادخلت
مرت عمو وائل وسدت الباب من شفتها مسحت دموعي بايديه بسرعة تقدمت ناحيتي
وگالت بصوت هادئ كلش
_شبيج تبجين ؟
_ماكو شي عمة
_تعاركتوا
_لا
وكفت كدامي تباوعلي واني اباوع بالكاع بنظرات فارغة ...فرقد سمعج كلام وجرح مشاعرج ؟
_هم لا
_لعد صاير وياكم ليش طلع بره
وطلعت وراه عمتي وانتِ
هنا بالغرفة تبجين
_تناقشنه بالموضوع
_الزواج
_اي
_وصار ؟
_اني ماريده ولاهو يريدني وجديتي
كوه تريد تربطنه بعض
_هذا الشي غلط ومايصير
_اي هي ماتفهم
_لاتفهم بس تريدج أنتِ لفرقد لان تعرفج خوش بنية وراح تسعدي بس هو بسلامته ماعرف شبي
صاير يضوج من البنات مو بس أنتِ
رفعت راسي وباوعتلها "
شلون يضوج ؟
_سبه ابوه گالي على بت اختي ختام وگال ناخذها له إذا عجبته والله صارت تجي البنية ويا اهلها وتبات عدنه هو من يسمع بيها تبات عدنه يروح يبات بيت عمه ايهم وكلما اجيبله طاري الزواج يغير الموضوع
_متعقد من الزواج
_هواي متأثر بزوجته السابقة حنين
_انصدم منها وعباله كل النسوان مثلها خاينات
_للاسف هذا تفكيره
_الله يهدي وان شاء الله يلكه بت
حلال لتسعده وتفرحه
_ان شاء الله صدك تباتين عدنه
_لا
_اهلج راحوا
_وين راحوا وعافوني
_لبيتهم شبيج فزيتي
_ليش ماخذوني وياهم ؟ اشو هيج يسوون
_مو جنتي تحجين وي عمتي وسألوا گاللهم بارق يم عمتي هم گالوا خل تبقى وإذا يعجبها تبات خل تبات اكعدي ماما شبيج حايفة ومرعوبة احنه هم اهلج
_اريد اروح لأهلي
_انتظري هسه بارق يجي ويوديج
_مايحتاج اني اروح بنفسي
_لاميصير تطلعين الواحدج بالليل
_قابل بيتي بعيد هو هوينة وبس بيناتنه الحايط
_حتلوه امشي خل اوصلج للباب لعد
_ماشي
طلعت وياها جت هباوي شايله سيفو مالي رغبة اقتربله وابوسه كارهه روحي وكارهه الدنيا كلها كلشي حلو طلع من اعيوني هسه بسبب هجرس .
هباوي_دبقي سلي والله كلشي ماشفت منج
سلي _ان شاءالله غير مرة هسه نعسانه وتعبانة
هباوي _عود باجر الصبح مري
سلي_ان شاء الله ... تصبحين على خير
هباوي_انتي من اهل الخير حبيبتي
طلعنا بره لمحت هجرس واكف يم المرجوحة وجكارة بيده جديتي حلوة واكفة كدامه وتحجي مبينه متعصبه ودا ترزل بي هو ولا جن
يباوعلها ويسمع بدون رد
_يكتلني هدوئه
_وياي عمة
_لامو وياج ماما يلا امشي
بقيت اباوعله مابطل هالعادة بس اباوعله من طفولتي بي هالعادة من اشوفه كدامي عيوني تنشل شل وتبقى صافنه بي هو حس بي اباوعله
بسرعة باوعلي
غلست وجريت انظاري ومشيت سريع وصلتني لباب البيت وبقت واكفة تنتظرني اوصل لباب المضيف وصلت اشرتلها دخلت جوه واني طلعت بره
وي طلعتي شفت ولد اسمراني عيونه وسيعة وحلو وجسمه مرتب رياضي مو مثل هجرس ضخم لا مرتب وحلو وطوله هم حلو واكف يم
بارق بارق من شافني طلعت
غلس وبقى يحجي ويا"
والله ياذياب انه مادري هسه اشوفه الك
وافتهم السالفة منه
ذياب_اي روح شوفه صارلي ساعة
انتظره بالباب هو ماله حس
بارق_عنده شغل گال اكمل شغلي واجي
ذياب_ماشي انتظره
بارق_تفضل جوه صارلك ساعة واكف بالباب
ذياب_ ماريد افوت جوه اريد ابقى هنا و
مستعجل وهذا صارله سنة نايم جوه
بارق_گلتلك عنده شغل وهذا هو روحه طويله تعال فوت خل اضيفك شي شياتين لما
يفرجها ويطلع ....
حسيت بالولد يباوعلي بطرف عيني باوعتله وصدك يباوع بسرعة طفرت لبيت أهلي ادفع بالباب
مايندفع مسدود صرت ادك بي
انتبه عليًّ بارق "
هاا سادين الباب ؟
سلي_اي
بارق_اتصلي بيهم
سلي_مجايبة التلفون
بارق_لحظة هسة اتصل بيهم
بقيت واكفة بالباب خجلانة ومدنكة راسي فزيت
من سمعت صوت هجرس "
هلا بذياب شلونك
ذياب_على الله انت شلونك
هجرس_الحمدلله خيرك شعندك جايني تالي الليل ؟
ذياب_بشغلة
هجرس _تعال فوت جوه
ذياب_لا مايحتاج
فزيت من صاح بي عبالي صاح بيه اني "
امشي فوووت وين واكف بره شنو ماعدنه بيت
نضيف بي الخطار يلا فوووت جوه
ذياب_ هههه فايت
بارق_ هسه يجون يفتحولج الباب
رفعت راسي هزيته البارق .... ابتسم بوجهي الولد باوعلي وابتسم نزلت راسي من خزرني
هجرس وگال البارق "
_انتظر لما تفوت جوه يلا تدخل
بارق_شلون اعوفها
دخلوا جوه بقى بارق واكف واني واكفه باب اهلي "
هجرس يغار عليج من ذياب ههههه
_وعليش يغار ؟
_ماشفتي شلون صاح بي ودخله جوه هههه
_اخر همي غيره ابو الهجارس والشياطين
عليًّ وين صرتوا
امي_جاية شبيج تصيحين
سلي_صايرة دايرة تعوفوني بيت جدو
موسى وتقفلون الباب هيج
ماتردوني صايرين
بارق_احنه نريدج
سلي_واني ماريد البيت لبي هجرس
بارق_ولا يهمج اكمل بيتي واخذج
لابني سيفو موافقة
سلي_اي موافقة بسيفو
بارق_هاهي صرتي جنتي من اليوم هههه
فتحت الباب امي "
فوتي
دخلت جوه سدت الباب ردت اتعارك وياها بس مالي خلك احنه ونمشي سألتني شحجت ماحجت
وياي جديتي حلوة
_شحجيتوا
_بموضوع الزواج
_اي وشنو گلتي
_طلع هجرس مايريدني وجانت جابرته ياخذني ويافشلتي كلاص ماي ونجب بالكاع من گال ماريدها ولو تبقى اخر بنية بهذا الكون ماراح اتزوجها
نهانت كرامتي يمة
_صدك هيج گال ؟
_قابل اجذب عليج
_هذا شبي ؟
_شبي الولد مخبل وبي جني كل ساعة برأي
_استغفرالله العظيم وانتِ شگلتي
_اگللها نهانت كرامتي وتگلي انتِ شگلتي اصلا لساني ربط وانصدمت تالي عمري هجرس يرفضني حبيب الزركة موصوجه صوجي اني الغبية
لمشيت بكلامكم وماحجيت ولاكلت هاي اخر مرة تجيبون طارية كدامي بس تجيبون طارية كدامي مرة ثاني بالقرأن اشمر روحي بنص النهر واموت
_هاي شبيج تخبلتي
_لعبت نفسي بالقرأن الكريم عوفوني بحالي
عيوني انترسوا دموع ورحت بسرعة لغرفتي من باب المطبخ سديت الباب وقفلته بالمفتاح نزعت الحجاب وكعدت بالكاع مستنده ظهري على الجرباية
وابجي حرك قلبي وكل مرة يحرك قلبي بكلامه ورفضه لي شبي اني ويرفضني شناقصني ؟ بيش احسن مني حنين الزركة حبها واختارها زوجه له واني مختارني زواج متعة حالي من حال الك حاب سواني
اني لجنت اعتني بي واداري برغم
اذيته لي هيج يجازيني .؟!
ضميت رأسي بين رجليه وابجي بكل حركة من تحرش بي ماذاني مثل اليوم بكلامه اندك الباب رفعت راسي بسرعة من سمعت صوت أبوي
_بابا سلي افتحي الباب اريد احجي وياج
بلعت ريجي ورديت "
نايمة هسه يابة خلها الصبح فدوة
_ماشي بابا
كمت طفيت الضوه ورجعت لفراشي بس خليت راسي على المخدة نزلوا دموعي وصار بي وجه موطبيعي احس قلبي جاي يتمزق تمزق
وماظن هذا الوجع
راح يروح بيوم من وراه .
الصبح كعدت تعبانة مخنوكة مالي رغبة اكوم من الفراش رجعت غطيت راسي وابجي كلامه اذاني حيل لو ضاربني ولا كايل هالكلام بوجهي
لو ابقى اخر مره بهذا الكون ماياخذني اريد شبي اني شايف عني وهيج يگول حسيت نفسي
موشريفة من گالها .
اندك باب غرفتي "
بابا سلي افتحي الباب
_يابة
صحت على ابوي وكمت ابجي من سمع صوتي ابجي تخبل وصار يدك بالباب قوي ويصيح عليًّ " شبيج بابا منو محاجيج افتحي الباب بابا سلي افتحي
كمت بسرعة محترك قلبي حرك فتحتله الباب بس شفته كدامي حضنته قوي وگلتله "
هان كرامتي يابة
_منو هان كرامتج ؟
_هجرس يگل لجديتي حلوة لو تبقى اخر مرة بهذا الكون ماراح اتزوجها شايفني يابة مو شريفة
ويگول هذا الكلام بنص وجهي
_هاي شوكت گالها ؟
_البارحة بالليل من عفتوني عدهم
_ليش شصاير ؟
_اذاني يابة ماتريدني گول ماريدج ماكو توالم اني وياج مو تگوله هيج بنص وجهي وتحسسني
اني مو نظيفة
_شنو مضحكه كدامه احنه ساعة
اريدها وساعة ماريدها
_هو مسوينه مضحكه يابة
_اني اعلمه كافي يابة لتبجين خل يولي حرامات تنزلين دموعج منوره يلا امسحي دموعج
بعدني عنه ومسح دموعي بصابع ايديه واني ابجي وانشق وقلبي محترك حرك احس نار ودا
تحرك بي حرك .
_كافي بجي بابا خل يولي ملونة قحط زلم شنو بس هجرس رجال بهذا الكون اكو احسن منه بألف مرة والحمدلله والشكر كالها هسه قبل لا نتورط
وننطيج له وره يوم يوميا يعوفج .
_بس موهيج
_گالها وخلص اسكتي وتعاي تريكي علمود اروح لجديتج حلوة احجي وياها وبعد من اليوم مالهم شي عدنه لو يبقى بس هجرس رجال
بهذا الكون مانطيج له
_اي ماريده واكرهه
_هاهيه بابا لمايريدج لا تردي
_اي
_يلا تعاي غسلي وتريكي علمود
اخذج لبيت اخوج محمد
_ ماشي
طلعت ويا اباوع بالبيت ماكو لا امي ولا مرت اخوي والجهال كاعدين يباوعون على التلفزيون كرتون السنافر ابوي راح كعد يمهم فوك الكرسي
رحت غسلت وجهي
وفتحت الثلاجة طلعت جبن وخبز اكيد جابوا من بيت جديتي حلوة وياهم صبيت جاي وكعدت اتريك كملت ريوك طلعت بره شفت امي ومرت اخوي
دا يغسلون بالممشى أحنه بيتنا صح موجبير مثل بيت جدو موسى بس المساحة لكدامه جبيرة ونفس الطول بس ماكو عرض العرض قليل بس
بيناتنه الحايط والممر
لزك وي حايط بيت جدو موسى والجهة الثانية لزك وي بيت بارق الجديد بيتنا صاير بالنص
امي شافتني اشرتلي
_سلي ماما تعاي
_مابي
_تريكتي
_اي
_لعد شبيج كالبة خلقتج
_تعبانة
_روحي ارتاحي يم ابوج لما نكمل الشغل
وره الغدا نروح لبيت اخوج محمد
_ماشي
رحت يم ابوي كعدت گلتله روح اگللها بعد مالكم مره عدنه ولو يبقى بس فرقد مانطي مره وماريد تطلعولي نهاية بعد ماتجيها قسمة زينة
_هسه اروحلها تجين وياي
_لاماجي
_براحتج يابة اني رايح
_الله وياك
كام طلع لبيت جدو موسى واني كاعدة بالطرمة انتظره يرجع امي حجيت وياي كتلها هيج وهيج گلتله ماحجت ولاعلقت سمعت الكلام ودخلت جوه
شوي وطلعت مرت فاروق "
صراحة سلي فرقد مايناسبج أبد من كل النواحي ماكو توالم هو ماشاءالله عليها اطول من باب الاستقبال وضخم وانتِ ناعمة وكيوت
هذا تفيدة وحدة ضخمه
مثله وثاني شي عصبي وعنده طباكات انتِ وينج وين العصبية والطباكات الله حبج من خلصج منه افرحي بدل ماتحزنين اليوم راح فرقد
باجر يجي الاحسن منه
_اي
_اموت واعرف ليش هيج مقهورة وانتِ من
البداية مجنتي تردينه
_جرحني بكلامه
_خل يولي لتخلين بالج يمه ويم كلامه
_خليت وخلص
_طلعي
_صعب يطلع لحد الأن حس بي يرن بأذاني رن
_متأثرة بي هواي
_اي
_ ليش هيج متأثرة وانتِ ماترديه
_حتلوه ماريده هيج كلام يجرح المشاعر واني ماتحمل من اقل زلة تألم واتوجع هو ماراعه مشاعري من گال كلامه بهل طريقة حسيت نفسي بلا شرف
_لتگولين هيج انتِ اشرف منه ومن امثاله
_اممم
_شعندج كاعدة هنا؟
_انتظر ابوي
_عليش تنتظري ؟
_دزيته على جديتي حلوة وجدو
وموسى يحجي وياهم
_اكون الله يقنعون
_قنعوا ولما قنعوا بعد ماقبل فرقد لو يبقى اخر رجال بهذا الكون كله اني مو لعبة عندن شوكت مايعجبه يجي يلعب بي وشوكت مايمل يشمرني
_حقج يابة
افتح الباب دخل ابوي كمت رحتله وكفت كدامه بنص الحر "
هاا يابة
_ خطية جديتج حلوة تكسر القلب بس تبجي وخجلانة من افعال فرقد وتگول حرامات بي سلي هذا حنين الزركة هواي عليًّ هم
مادري صاير وياهم
_قليل تربية
_سلي بابا عيب
_لاوالله مو عيب ماعنده احترام للمقابيله من يحجي يحجي بدون مايوازن كلامه عبالك دا يرمي بسلاح مو دا يحجي وي شخص عنده مشاعر
_اففف والله ماعرف شمسوي وي جديته
_اكيد سمعها كلام موحلو
_مادري بعد يلا ادخلي حارة هنا
دخلنا جوه كعدت بصف امي صار يحجي ...
ابوي _عتذرت مني وگالت العصر اجي اعتذر من سلي وامها على السواه بيها فرقد ... صدمني بفعاله وكلامه ماجنت ادري بي هيج حقير واناني
مايستاهل سلي طلع وهمزين الله كشفه على
حقيقته وخلصها منه
امي _ ليش شصاير وياها سلي سوالج فرقد
سلي_سمعني كلام محلو
امي_غير هالكلام سوالج شي
سلي_ لاا
امي_كلام جديتج بي لغز
سلي_مادري
ابوي_ الله يعلم شمسوي فرقد هو
مايكعد راحة بسلامته
امي_ شترجي من واحد فجر بيوت
خواله بالليلة ضلمة
فتحت عيوني بصدمة "
شنووو ؟
امي_ لعد مو فجر بيوت خواله من راد يقتلونه
سلي_ليش ماگتولي هيج سوه .؟ أنتو رتوا تزوجوني الواحد مخبل وايده والسلاح والقتل ! ماتحجون ليش ساكتين رتوا تورطوني وي مخبل وبي جني
ابوي_كافي سلي
سلي_مو عدل ترى هيج تضحون بي
ابوي_ سدي الموضوع يابة وبعد ماريد احد يفتح سيرة فرقد بهذا البيت وعتبروا كلشي
فات وخلص
امي_ان شاءالله.. هسه نروح لبيت
محمد لو ننتظر عمه حلوة
ابوي_بالليل نروح لبيت محمد علمود
الظهر نرجع لبغداد
وره الغدا سبحت وصعدت فوك السطح مالبست حجاب لان ماكو احد يصعد فوك السطح باوعت على بيت بارق راح يكمل مابقاله شي ويصير جوارينة
عاد بارق خوش ادمي وحباب وكلبه طيب مو مثل هجرس شيطان بعينه والخباثة تمشي بدمه قتربت من الستارة اباوع وره البيت اشوف
بستان بيت جدو موسى
والكيعان انوب حارة كتلني الحر وبعدت بسرعة باوعت على مكان فرقد يفتح النفس صاير وكله ورد احب هذا المكان من قبل من صغير معتني
بي ولحد الآن معتني
بي انخطف قلبي من طلع ... مدنك رأسه يخاف راسه يركع بالباب شايل بيده دفتر رفع راسه باوعلي بقيت واكفه بمكاني واباوعله أبتسم
_عيونج عيونج لعابتي راح تخفي ملامح وجهي الحلوة بكثر ماتباوعلي ههههههه
طلعت من شردي على صوته وضحكته العالية بسرعة انطيته ظهري ومشيت صاح وراي " جنج وردة
وتنشمين لعابتي
وكفت متعصبت التفتت عليه وتفلت من مكاني"
هاي التفلة هواي على قدرك
مشيت رجع صاح بي "
اكضج مو اليوم باجر واعلمج شلون تتفلين
وتحجين بكيفج شرشبيل
رجعت التفتت عليه وگلتله "
تفووو وهاي الثانية
عفته ومشيت بسرعة نزلت سديت الباب قوي وسركته بالسركي خليت ايدي على صدري مكان قلبي يدك حيل من الخوف ماعرف شلون تشجعت
وحجيت وياه وكفته عد حدة نذل البارحة مسح بكرامتي الكاع مسح سواني وصله مسح ويمسح بي واليوم يتغزل شايفني كحبة وبت ملاهي
نزلت بغرفتي كعدت اراسل زهورة "
_جاني تهديد من دلشاد
_مايجي يهدد هجرس بلكت ينسحل
وينام بنص واحد من هالبزول
_ههه شايفه هجرس علاس
_وانكس من العلاسة والله
_لامو هل درجة يمعودة
_دا اگلج انكس
_هاي انتِ مخبلة يوم تحبي ويوم تكرهي
مافتهمت سالفتج شنو ؟
_سالفتي بس الله يدري بيها شنو
_اي هاي الصورة التهديد دلشاد اقريها
دزتلي صورة محادثة قريت المكتوب بيها "
وصلي كلامي لسلي " سلي اسمعي كلامي زين وفهمي كلمة كلمة كاتبها الج " تدرين بي أحبج من سنوات وحبي الج يوم بعد يوم دا يكبر
تجاهج ولا تصورين تجاهلج لي
راح يكرهني بيج لا تجاهلج خلاني احبج واتعلق بيج اكثر لذلك اريد اتقدم الج يوم حفل التخرج واريدج توافقين بي وإذا ماوافقتي راح اشوفج شي بعمرج
كله ماشايفته واخليج تندمين على الساعة لرفضتيني بيها لذلك فكري بكلامي زين واحبج سلي ♡
اخلص من منو من ابو الهجارس والشياطين لو من دلشاد الي كل يوم مصاحب بنية شكل بالقسم وكلما يوصل عندي تعاي اريد اتزوجج اصلا مايحبني
هذا هذا يحبني برغبة لان تجاهلته ومابادلته نفس الشعور هسه يتزوجني يوم يوميا يمل مني ويشمرني على اهلي كلهم نفس الشي ماكو بيهم رجال
ويريدني كما اني ويريد يكمل بقية حياته وياي .
رديت على زهراء"
ماراح احظر حفل التخرج وخلي هالكلام بيناتنه
_لاعليج الله حظري
_ماحظر وخلص
_تخافين منه سلي وتخربين اجمل لحظات بعمرج
_ ابعد للشر وغنيله واني مالي خلك مشاكل وي دلشاد وغيره يوم التخرج ارجع لديالى
بيباي دلشاد هههههه
_وهلا ابو الهجارس والشياطين ههههه
_زهورة ليش تلعبين نفسي
_قابل مجذبه خلصتي من دلشاد راح
تكابلين الضابط فرقد عامود الكهرباء
_عادي عامود الكهرباء ولا دلشاد على اقل هذا اعرف شبي ومابي مو مثل ذلك ماعرف شضاملي
بعد ماراح أرفض
_ بطرك الكلام والله مثل كل مرة يهدد وكلشي ماكو
_هل مرة قلبي نابزني منه
_گولي لاهلج عنه لعد
_ماريد اسوي مشاكل واكبر الأمور هو بس هالاسبوعين اداوم وراح اسايس دلشاد علمود لايحس ويسويلي شي موزين لاسامح الله
_مثل شنو يسويلج ؟
_كلشي استرجي من شباب هالوكت
_اي والله يخوفون نسيت اگلج ريمان
حبيبها تركها هههه
_والله عرفت مو گتلها لا تثقين بي
_حشاج زمالة هي مرحلة ثانية هو مرحلة أخيرة شلون وثقتي بي وكبلتي گتلها هذا بكل قسم عنده
وحدة شكل ماصدكت بي
_خليها تستاهل الولد مابيهم أمان و شنو موازيج لو الا تكبلن وتوكعن ماي وجه اهلجن الولد يحبج بالقسم عادي حبني مالازمتك تريدني تعال دك باب
بيت اهلي واخطبني مو الا تعاي كبلي وياي وخل اشوف اكدر اكمل وياج لو لا عبالك سيارة ودا يجرب بيها مو بني ادمية وعدها مشاعر .
_حشاج زمايل ومن تنصحينهن عبالج تكرهينهن وهي قبل فترة گايلة سلي وزهراء يغارن مني علمود ختارني لي بدل مايختارهن الهن هو من
قسمهن ههههه
_دكلي بوري ابو ل١٠ معدل ههههه
_والله مشمته بيها وكتبتلها الف مبروك اكل البوري ههه
_عزززة ولا تكعدين راحة
_منو يسكت اني ماسكت وانطيهن طك بطك مو تگول نغار منها وتريده خل تشوف منو طلع
الصح ومنو طلع الغلط ههههه
_ ههههه ولا تكعدين راحة
_تعرفين بي ماكعد راحة .. صدك سلي
صورتي علمود الكهرباء
_شلج بي؟
_اريد اكحل عيوني بي عندج مانع ههههه
_ لا ماعندي مانع صخمي عيونج بي بس ماعندي صورة له دخلي على حسابه بالفيس بوك وتلكينه منزل صوره وي ربعة وأهله
_صاروخ ....
راحت شوي ورجعت "
اگلج هذا شكد طوله
_ليش ؟
_شفت منزل صورة له واكف وي ثلاث شباب هم ضباط ويا هو اطول منهم برغم هم اطوال
وضخمين بس هو اطول واضخم
_طوله ١٩٤ وزنة ١١٢
_عززززة ولج هذا اطول من الباااب بس وزنه لا ماتوقع هيج جسمه حلو ومرتب
_والله هذا وزنه ترى طوله شايل وزنه
_طوله نشاز كلش
_اي وشعلينه بي
_لو شوي اقصر جان طلع احلى وياج
_لا تلزكيني بي اترجاج
_ ههههه اويلي يابة طار الحب
كله بلحظة وحدة هههه
_طار وخلص وعساه طار ومارجع بعد
_يرجع ولا يهمج بس ديري بالج منه ترى يخوف
_شنو هاااي زهراء ؟!
_ كلش ضخم جنه أمريكي واشك أطباعه مثل الاجانب رومانسي فووول يصير
وياج ههههههه
_خررر.. بيج وبلي تحجي ويااااج
طلعت من المحادثة وسديت الانترنت نفزتني بكلامها المقرف اني بيا حال وهي بيا حال توني تعاركت ويا وهسه متحلف بي ابو الهجارس والشياطين
لفيت راسي ونمت كعدت العصر شوي وتجت جديتي حلوة مبين عليها مقهورة ومكسورة الخاطر ماعرف شحاجي وياها هجرس وهيج حالتها مستائة .
حلوة_ شكد ماعتذر منكم ماراح اكدر اكفر عن
أخطاء فرقد وي سلي
امي_اخطاء شنو عمة ؟
اشرت لجديتي حلوة ماتحجي وماتجيب طاري هجرس تحرش بي ويريد يتزوجني زواج متعة كدام امي ومرت اخوي جابت الضيافة واجت
سلي_على رفضه سوانه مضحكة ساعة اي وساعة لا
حلوة_اي ضحك على الكل وانه خجلانة منكم بسببه فاتت البنية اكثر من قسمة زينة لو ادري بي هيج يسوي بي فلا اجيت وخطبتله سلي
امي_عيني عمة مصار شي وهذا هو الزواج قسمة ونصيب ليش تحركين بدمج منورة سالفة ماتسوى اصلا و سلي مالها نفس بي ولا هو له نفسه بيها
موزين طلعت منه وگالها قبل لاينخطبون .
سلي_اي الحمدلله والشكر گالها
قدمت الضيافة مرت فاروق وكعدت شدعي عليك هجرس من نزلت راس جديتي حلوة بهالطريقة " واموت واعرف شحاجي وياها ومخبلها خبال .
ومخلي الدمعة بطرف عينها وهي جانت تدري بي مايريدني ولا اني اريده وبقت متمسكه وبقرارها تأخذني له اليوم شختلف بالموضوع
وگالت بعد مالي شغل
بي لو يروح يتزوج بت ملاهي مالي دخل هاي حياته وهو حر بيها انوب طلبتني على انفراد طلعت امي ومرت فاروق بقيت يمها بالاستقبال كاعدة
_سوالج هجرس ؟
_كسر قلبي كسر
_لتبجين جدة دموعج غالية
_لو ميته ولا سامعة كلامه
_ليش شگالج غير الكلام لدار بالغرفة كدامي ؟
_گلتله سالفة من تحرش بيج وراد يغتصبج تقبليها يگلي لو عايفيني مغتصبها جان تزوجتها غصب
على خشمي وخشوم الكل ....
وجان صارت مرتي الثانية ومخلف منها جم طفل ونظرتي لها جان ماتغيرت وصارت نظره
شهوه الها لا أكثر
_حسبي الله ونعم الوكيل بيه مافكر بي وبمستقبلي لو مغتصبني شجان صار بحالي ؟!
_حركني حرك وماجنت متوقعة هذا راح يكون رده عبالي راح يتأثر ويحس بالذنب اثاري انه
الحسيت بالذنب مو هو
_الله ينتقم منه ويطلع حوبتي
لتبجين جدة خل يولي
_نزل من عيني
_خل يولي لا تهتمين له
صارت تبجي بكل حركة حضنتها وابجي ...وياها بقيت ادعي عليه بقلبي حرك قلبها حرك وخلاها تبجي تالي عمرها شوي كدرت أهديها
وطلبت مني اسامحها .
هي مالها دخل هي جانت تريد تفرح بي وتشوفه فرحان وسعيد ومستقر بحياته وره فترة راحت لبيتهم واني جهزت غراضي علمود
بالليل نروح لبيت
اخوي ابوي گال لا هسه نروح احسن من الليل بسرعة شمرت الأغراض بالسيارة وبوست جهال اخوي وطلعت وامي وابوي وراي صعدنا بالسيارة فاروق فتح الباب وطلعنا بالطريق شفت هجرس
وبارق وعمو ايهم يمشون
اباوع هجرس بنصهم يمشي عمو ايهم اطول من بارق واضخم تقريبا مثل ضخامه جدو موسى بشبابه بس مو مثل فرقد فاقد السيطرة بطوله
امي صلت على النبي "اللهم صل على محمد وآل باع طول فرقد ماشاءالله بطول الجبل
ابوي_على خواله طالع طويل
امي_اي خواله طوال عمي موسى
هم طويل وايهم وفواز
ابوي_ مومثل طول خواله خواله ضخمين تباوعين للولد لصغار عبالك كبار مو صغار
امي_ اي وهججهم من المنطقة
ابوي_هم بس اثنين هجوا ومن ايديهم والله وشغلهم بالقتل ومنو مايعرف بيهم شوفي البقية ذهب ومحد سامع بطاريهم يرحون ويردون بطريقهم
لاعليهم بالرايح ولا بالجاي
امي_ اي قبل جم يوم شفت وحدة من بنات خواله بالسوك وسألت عنه وعن أحواله
ابوي_بت منو ؟
امي_بت نجم الصغيرة مأخذه بغداد وگالت ردنه نجيب عمه ام فرقد عدنه ماقبل فرقد وتعارك ويه ابوي وگاله امي ماقبل احد منكم يتدخل
بيها اني المسؤول عنه
منا وجاي .
ابوي_حقه والله شاف الويل بفراقها
وانه اشك ترجع لأبو
امي_مرته گالت حجيت وي وائل علمود يرجعها لخاطر فرقد هو ماقبل گال عيب ارجعها وعدها اطفال من هذلك رجلها السابق واصلا هي ماتقبل
ابوي_شكد قلبها طيب وحنينه مرته
امي_كلش طيبة وبت ناس وعالم ماتصورت راح تقبل ترجع مرته الأولى علمود ابنه تگول اخاف عليه يروح ويرجع وهناك وخواله عدهم عداوه
ويا اخاف يسووله شي
سلي_خل تخاف على خواله منه مو تخاف عليه منهم
ابوي_بابا الكثرة تغلب الشجعان
سلي_والثعلب الماكر يخدع السباع وهجرس خبيث وماكر وهسه تلكاه يندل ابيوتهم ولازمهم من
ايدهم التوجعهم
ابوي_لا مو لهالدرجة
سلي_ هو لعاشر الجن اسنين شترجي منه يابة
امي_اووف ولج اسكتي لتجيبين
طاري الجن اخاف اني
ابوي_هههه هو شنو وتخافين
امي_يمة كلما تذكر شيصير بحال فرقد ويسولفولي عن حالته اكوم ابجي من الخوف
سلي_ الجن مايلفي علينه يلفي بس على ربعه
أبوي _متوهمة يابة الجن يجي على الشخص ليلفت انتباهه بأقل حركة منه تجذبه لهذا الشخص مو الا خبيث أو صالح هو انعجاب وانجذاب
امي_سدوا السيرة الخاطر الله
ابوي_ ماشي سلي بابا تشترين ملابس
للحفلة منا لو من بغداد
سلي_اصلا ماروح للحفلة
ابوي_ليش ماترحين ؟
امي_تخبلتي اكو واحد مايحظر حفل تخرجه
سلي_اي مالي نفس عود من نرجع لديالى اسوي حفلة بالبيت بسيطة واعزم الأقارب
والعالم لاحبها
ابوي_صاير شي
سلي_لاماصاير بس ماريد اشوف
شكولات ماريد اشوفها
ابوي _دلشاد رجع يحوم وراج
سلي_ هو جايز علمود يرجع
امي_ ليش ماتقبلين بي
سلي_ماريده مالي نفس بي
ابوي_عوفيها براحتها
امي_ ابقي بعنادج هذا وتاليتج تنامين على قلبي
سلي_عادي اعنس ولا اخذ الشخص الخطأ وادمر
حياتي وحياة اطفال وياي
ابوي_مالي شغل بعد انه بيج والاختيار
الأول والأخير راجع الج يابة
امي_ابقى شجع بيها انت لما تعنس على قلوبنا
ابوي_عادي مايهمني اهمشي راحة ابنيتي حبيبتي
سلي_العشق ابوي الغالي اممح باباتي
امي_اي ابقوا باباتي وعشقاتي انتو واني شلون ماشوف توكعيلج بواحد حامض بول يكومج
بكتله ويكعدج بكتله
سلي_واني مخبله اخذ هيج واحد
ابوي_بيش طالبتها
امي_لعد هاي هم حاله ياهو ليجي ترفض القسمة الزينة مو كل يوم جاية للبنية اليوم اكو باجر ماكو وتكبر وتالي عمرها تقبل بشايب اعوج لو رجال متزوج وراه عشيرة جهال لو مطلق وراه
قريبة كاملة مال جهال .
سلي _اني ماخذ هيج شخص وحتلوه اعنس ماراح اتزوج وابقى نايمة على قلبج وقلب ابوي
ارتاحيتي هسه .
امي_أحنه نموت ونعوفج لمنو تبقين ؟
سلي_ان شاء الله يومي قبل يومكم
ابوي_بيش طالبة روحج بعدج باول شباب
مو مثلنا شايفين وعايفين
سلي_والحياة شتسوى بدون الأم والأب
امي_تسوى والله هاي احته عافونه أهلنا ورواحوا وكملنا حياتنا وخلفنه وزوجنه خلفتنه وشفنه
احفادنه خوب مثلج
سلي_اني غيركم انتم أقوياء اني لا ضعيفة
ابوي_صنعي من نفسج شخصي قوية ترى الشخصية الضعيفة ماتعيش بهاي الحياة وتنداس
جوه الرجلين
امي_اي والله
سلي_الله كريم احاول اصير قوية
امي_گولي اصير مو احاول
سلي_ان شاء الله
وره فترة وصلنا ... بيت اخوي اخذت نوره بحضني وكعدت اخذ وياها صور مبين ابوي فتح الموضوع وي محمد واسمع محمد گاله "
محمد _فرقد مو صاحي ابد
امي_لاحظت هذا الشي بي ساعة تلكاه هادئ وساعة متعصب ومايتحاجه واليوم جديته حلوة تنكت
بايديها الاثنين منه وتتعوذ
ابوي_الله يشافي ويهدي
وره العشا غسلت المواعين ونظفت المطبخ وطلعت كعدت يهم جابوا طاري ابن عمي غدير خاطب بت خالته والبارحة جان كطعان المهر مالتهم ...
والله ثاني يوم الصبح عالساعة بال١٠ اخذت ابن اخوي زيودي وطلعت للمحلات اشتري حلويات اخذهن وياي مابي حيل اطلع هناك
بغداد ودلشاد نهر كله
واكف براس فرع بيتنا هو وربعة مراقبين الرايح والجاي شترينا وطلعنا فاتت من كدامنا سيارة شرطة ماركزت عليها زين وكملنا طريقنا وكفت السيارة
يم فلان يسطرة ونزلوا منها ضباط اثنين وشرطة من شفت واحد طويل بيهم نزل بسرعة عرفته هجرس بقيت واكفة واباوع عليهم اندار علينا وفعلاً هو
